رِوايات سُودانية🪐🤎!)"
03 июля 2025 20:51
*#أحَببتُ~مُسلِم《05》* ❤️
*#بقلم~حمـيده~عبدالحميد🦋.*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*
رفعت راسي فوق للسماء كان منظر السماء جميل جدا 💙 وبجد يستاهل التأمل..خلاني اهدئ شويه 🥺 ونضبات قلبي بدت تنتظم . قمت ح حيلي. ومشيت كافيه طلبت قهوه ساده طبعا بحب القهوه شديد مسكن الم بنسبه لي. قعدت ف طاولة جمب البحر. وانا بعاين للأمواج باستغراب شديد. صراحة راسي كان ح ينفجر من التفكير.والصداع ف في قعدتي دي قررت ادخل Goo gle وابحث عن الاسلام.اكتر
بحثت كتير وكانت كل حاجه مرضيه وبتثبت فعلا انو الاسلام موجود. ف هنا قررت اصعب قرار . ممكن اعملو ف حياتي. م انو عارفه. نتيجتو حتكون شنو
خصوصي وانا عايشه وسط مجتمع. زي دا. بس لازم بعمل الخطوه دي. وبشوف اليحصل شنو ل قدام. قعدت ساعه كامله ف الكافيه لين ما الشمس شرقت وبعدو رجعت البيت لقيتهم كلهم نايمين
دخلت غرفتي. بلعت حبة مسكن. كان ف زولل بيتصل لي رفعت التلفون لقيتها ليِا علقت المكالمة وابيت ارد. عليها لانو عارفه ح تقول شنو المهم بلعت المسكن ونمتّ زي ساعتين لانو كنت تعبانه شديد. صحيت علي صوت رنت التلفون تاني وكانت دي ليِا برضو قالت لي م تخافي م ح اسالك من شي بس شكلو نسيتي انو عندك جامعة.ولاشنو ؟
قلت ليها م عندي مزاج اجي الليله قالت لي المحاضرة مُهمه ولازم تجي. لانو فيها عملي ونظري ولو م جيتي تاني ما ح تلمي فيها تاني قلت ليها خير وقفلت الخط. وكالعاده. الصداع بداا يتجمع تاني ودا كلو من التفكير. الزايد مشيت استحميت. ولبست. بنطلون جينز. رمادي ومعاهو جكت جنز اسود. واسبورت أسود ولبست طاقتي حقت البرد لانو الجو كان بارد شديد. شلت شنطتي وانا طالعه وقفت قدام المرايه وعاينت لنفسي مسافه. صراحه اولل مرة نفسي م بتعجبني 💔 اول مرة اكون ما راضيه عن طريقة لبسي اول مرة انا شخصيا ما بتعجبني . وقلت الليله لازم وبأي طريقة افاتح اهلي بالموضوع دا نزلت تحت لقيتهم بيفطرو. امي نادتني عشان افطر معاهم قلت ليها بفطر قدام لانو مستعجلة. اختي الصغيره قالت لي استني لحظة طبعاا نسيت اوريكم اسمها نيسان وقفت وقلت ليها ف شنو؟ جات وقفت قدامي وعاينت ف وشي وقالت لي ملامحك باهته شديد وكانو حصلت ليك حاجه صح؟
قلت ليها طبيعي تكون باهته لانو كنت مساهره.
-اااا قالت لي صح كلامك!!
وطلعت خليتها حسيت وكانو شكت ف حاجه.
وقفت ف المتروو مسافه لبين ما القطر يوصل والوقت.الواقفه فيو طلعت تلفوني ودخلت صفحة محمد. لقيتو مُغير صورتو حقت البروو. وخاتي صوره جديده صراحة
الصورة. الجديده خطفت قلبي بجد كانت اكتر من حلوه. قربت الصوره مسافه واتأملت فيها وفي ملامحو. البتخليك تحس بالامان ..كان شعور غريب جدا
ووصل القطر. ركبت وف اقل من 12دقيقه وصلت الجامعه.
اتفاجات ب ليِا واقفه لي ف. البوابة. سلمت عليها ودخلنا. قالت قبل م ندخل القاعه ممكن نتكلم قلت ليها عارفاك حتقولي شنو قالت بس ياهو نفس الشي قالت لي سالي انتي الشي البتعملي فيو دا صح جنيتي ي بت؟ قلت ليها من 20 سنه وانا مجنونة يا لياِ وحالياا بديت انصح واشووف الضو. قالت لي والمعني ؟
قلت ليها خلاص. قررت انا اعمل شنو واخترت طريقي
- بتقصدي شنو يا سالي؟
= ليِا انتي. اكتر صحبة قريبه لي وانا متعودة بشاركك اسراري انا يا ليِا قررت ادخل الاسلام خلاص
Читать полностью…
رِوايات سُودانية🪐🤎!)"
03 июля 2025 20:51
*#أحَببتُ~مُسلِم《04》* ❤️
*#بقلم~حمـيده~عبدالحميد🦋.*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*
الايف بدا. وكنت خايفه شديد. اطراف يديني بردو. من الخوف ونبضات قلبي كانت م طبيعيه . ف هنا محمد اتكلم وقال. شكلو كدا الناس لسه م اتجمعت ح نتطر نصبر. ربع ساعه. وقال الناس المتابعين حاليا اذا ف زول. عندو اي سؤال يتفضل يسأل لحدي ما الناس تكتر. صراحه ف الايف ما كان ظاهر عليهو شيخ. كان هادئ جدا لابس قميص زيتي وبنطلون اسود. وصوتو كان فيو. بحه وطمأنيه كدا عجيبه . وكان كل ما يتكلم. يبتسم. وكنت ببتسم معاو. تلقائيآ من دون م اشعر. لحدي. ما الناس اتجمعت .
فقال الحمدلله حاليا الظاهرين اكتر من 150 وديل كافين جدا ف بسم الله نبدا.
هناا الابتسامه اختفت تمامآ ظهرت شخصية تانيه. شخصية انسان غيور علي دينو..
ف اولل كلمة قالهاا
اا شباب خلاص بعد دا عشان ح نبدا. اول بقول ليكم السلام عليكم. كيف حالكم ان شاءالله طيبين
طيب يا جماعه انا اتقصدت انو. اعمل اللايف ف الزمن دا لانو ح يكونو المتابعين معاي اكتر شباب. وانا دي الفئة العايزها بالضبط ودا م بيعني انو الباقين حضورهم م مهم طيب نخش في موضوعنا ع طول لانو الزمن محسوب علينا.
قال لينا طبعا الساعه. 6 صباحا كنت ماشي الشغل. وانا كزولل م عندو حاجه للدنيا دي وانسان بادي جديد. يعني. انا كنت صايع. وبعترف بالحاجه دي لحدي م ربنا نور بصيرتي. وبقيت ما انا عليهو الان ف بحمد الله وبشكرو المهم. راكب ف الباص. وماسك كتابي حق القرأن الهدتني ليو الوالده ربنا يطول ف عمرها فا انا متعود اقراا ف الفترة دا لانو. بتخليني. اثبت حفظي وعشان اشغل نفسي من النظرات الجانبيه وكدا فركبو اتنين شاب وقعدو جمبي. اها واحد عاين لي مسافه كدا. وقال لي قُراءن؟
قلت ليو اي قراءن. حافظ كم جزو منو!!
- عاين لي صحبو مسافه كدا!! وضحكو الاتنين قال لي لا اؤمن به.
قلت ليو كيف يعني لاتؤمن به
قال لي كدا.
وقال لي انت. شاب ف مقتبل العمر لي بضيع زمنك ف حاجات زي دي اقراا كتب مفيدة وطور من ذاتك.
والله ي جماعه تلقائيا لقيت نفسي بضحك براي قلت ليو كدي عيد كلامك د تاني. ؟
قال. لي اسف. شكلو كلامي م عجبك
قلت ليو. لالا م تعتذر انت عبرت عن وجهة نظرك بس ممكن سؤال انت قريت كتب مفيدة وطورت من ذاتك؟ قال لي نعم
فقلت ليو حالياا الانسان الشايفو انا قدامي انا انسان أُمي وجاهل ليس إلا. قال لي بتقصدني
- ايوا بقصدك انت
قلت ليو لو انت انسان قارئ انسان. باحث انسان عالم. لكنت انت الان تشهد بأن لا الله الا الله.
قلت ليو العاقل يفكر.
اقرب مثال ليك صوتك البتتكلم بيو حاليا دا. انت البتتحكم فيو صح قال لي اي. قلت ليو طيب. لكن. م فكرت ولو لحظه انو الصوت دا بكون ف خالق ليو يعني مستحيل يكون بقي براو كدا. صح ي ابو الشباب؟
قلت ليو نفسك دي لو. دققتت النظر فيها. ساي بتعرف انو ف. خالق ومبدع. قلت ليو شايف الكتاب البقراو انا دا. وشايف الاحداث الحاصله لينا دي كلها ذُكرت هناا. لي لانو الله سبحانه وتعالي عالم بالغيب.
Читать полностью…
رِوايات سُودانية🪐🤎!)"
03 июля 2025 20:50
*#أحَببتُ~مُسلِم《03》* ❤️
*#بقلم~حمـيده~عبدالحميد🦋.*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*
في أقل من ربع ساعه وصلنا بيت فرانك. طبعا بيتهم. من اجمل البيوت ف استُراليا كان عبارة عن ڤيلا. تُحفة مصممه تصميم خاص ومن اشهر المهندسين. وعندهم حديقة كبيرة عادي جدا تضيع فيها . يلاا الحفلة ح تكون ف الحديقة دي زاتها. اها وصلنا. والهدية حقتنا كانت عبارة عن ساعة دهب وفيها صورتو. وفلاش فيو ذكرياتنا مع بعض. ف المفاجأه كانت. نمشي بدري عشان. نظبط موضوع الفلاش وكدا. اها نزلنا وسلمنا عليهم كلهم. الحديقة كانت خرافيه مجهزة بطريقه مُبهرة جدا. جايبين فنانين. وعازفين. مشهورين ومشروبات غازيه فخمة وغاليه. وكل انواع المشروبات الممكن تتخيلوها كانت موجوده هنا. الناس بدت تتجمع خمسه دقائق الحديقة اتملت ناس لابسه لبس كيف كيف. واشكال غريبه وشخصيات كتيرة. طبعا. بتعرفو الحفلات الهناك عامله كيف عبارة عن تبرج بس...وعرض ازياء
ليِا قالت لي ارح نمشي نجيب لينا مشروب. قلت ليها انا ماعايزه جيبي لي نفسك بس. ماعارفه بس كانت. نبضات قلبي م طبيعيه وكأنو ف حاجة بتقول لي اطلعي من هنا سريع.
ليِا قالت من جبيل شايفاك م طبيعيه وما. سالي البعرفها انا
موش لمن يكون ف حفلات زي دي كنا الوقت كلو بنشرب ونرقص للصباح ونغني ونستمتع بيومنا الحاصل. ليك شنو قلت ليها بس مصدعه صراحه كلامها خلاني بسال ف نفسي. وبقول صح شنو الحصل. لي ولي انا ما مبسوطه زي اول؟
قطع كلامنا. راكان وهو وافق ف المنصه وماسك المايك
- اصدقائي وصديقاتي نرحب بكم ف حفل صديقنا الذي هو متقدم علي مرحلة الشيخوخه ههههه الناس كلها بقت تضحك. اووو اسف يا فرانك م تزعل. المهم. عاملين ليك مفاجأة وكدا ي صااح
الضوو قفل والشاشه اشتغلت.
وبدت مقاطع ذكريات طفولتنا. فرانك اتبسط شديد وكان كل ما يعاين ف الشاشه يعاين لي ويبتسم. ليِا هزت لي كتفي وقالت شكلو ح يكون ف مفاجأة كبيرة. عاينت ليها كدا 🙂 وقلت ليهاتعرفي تسكتي قالت اي. وضحكت. ضحكت خباثة كدا.
اها الفيديو انتهي والناس صفقت. وفرانك ركب ف المنصه وقال اروع هدية ممكن تتقدم ليو ف حياتو والهديه ف قلبو وما حا ينساها. وقال لينا شكرن ي رفاق 🩷 وتاني صفقنا-بس كنت منتظر اليوم دا بفارق الصبر. في وحدة هنا من بين الحضور سرقت قلبي من. زمان والليله حابي اعترف ليها
الناس بقوو يكوركو ويصفروو.
ويهتفوو.
طبعا فرانك الجامعه كلهاا بتتمناهو حتي انا. كنت معجبة بيو.
فرانك شال نفس عميييق وقال سالي من فضلك هلا تفضلتي الي هنا. وعم الصمت بين الجميع. مشيت عليو ومسك يدي وقال لي هل تقبلي بي شريكآ . قلت ليو لا!
الناس كلهم بصوت واحد. اااوووووووو 😮
ليِا. صرخت لي ي مجنونة دا عرض مابيترفض
صراحه انا م عارفه لي قلت لا ما انو كان امنيتي انو ارتبط ب فرانك كان شخصية مميزة ومعروفة هو ملحد وجسمو كلو عبارة عن اوشام الاتغير شنو ولي قلت لا.؟
اعتذرت منو وكل شي قال لا بأس يبدو عن أميرتنا شخصا ما دخل قلبها وضحك وانا نازله من المنصه قال لي سالي قلت ليو نعم قال لي صداقتنا لم تتغير وستبقي كما هي قلت ليو كما هي ستبقي..!وابتسمنا الاتنين ومشيت وقفت جمب ليِا كنت مراقبة الساعه وكل مرة بعاين ليها لحدي م بقت 4:15 براحه انسحبت من جوطة الحفلة ومشيت مكان بعيد شوية كنت متوترة لدرجة بعيده ركبت سماعتي ودخلت صفحة محمد
Читать полностью…
رِوايات سُودانية🪐🤎!)"
03 июля 2025 20:50
*#أحَببتُ~مُسلِم《02》* ❤️
*#بقلم~حمـيده~عبدالحميد🦋.*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*
دخلت غرفتي وقفلت الباب علي.. شلت جوالي وجدعت الشنطه علي الكنبه. ورقدت ف السرير وانا بعاين ف السقف. اووووف. مقادرة اشيل صورتو وصوتو من بالي. الحصل لي شنوو. وانا ماسكه راسي بقوة مرة اعاين في سقف الغرفه
ومرة اعاين في جوالي وبفكر بعملا تاني وادخل صفحتو وااواصل باقي المنشورات ولا لاااا واثناء شرودي. كان في زولل بيضرب في باب الغرفه مشيت فتحت الباب وطلعت دي أمي سالتني متين رجعت. قلت ليها قبل شويه. قالت لي اصحابك حارسنك تحت. اااااااخ ياخ نسيت طبعا الليله عيد ميلاد فرانك. صديقنا. من الثانويه وكنا. مُخططين نعمل ليو سبرايز وهديه. تكون مميزة
قلت ليها ثواني اغير ملابسي وانزل.
طبعا نحنا عندنا اصحابك عادي يجو البيت. كم اولاد ولا بنات ! !🙂
اها لبسته ونزلت ليهم تحت
بعرفكم باصدقائي اولل . راكان . استُرالي الجنسيه وليِا من امريكا جات هنا للدراسه. وشهيناز سودانيه بس متربيه هنا وجيتار. من فرنسا كلنا بنقرا سواا ف الجامعه تخصص واحد واصدقاء من زمن الثانويه عدا ليِا اتعرفنا عليها ف الجامعة.
اووووو تباا يا اصدقاء. كيف هي اخباركم وسلمت عليهم كلهم بالاحضان .وقعدنا نتونس. ونتناقش ح نسوي شنو امي جابت لينا قهوة. وبعدو طلعت الشغل. اها ساعه كاملة ونحنا بنتكلم لحدي م وصلنا ل الشي ال ح نعملو. وبعدو. طلعو فاتو.
موعدنا ح يكون الساعه 2 منتصف الليل لانو موعد الاحتفال هيكون 3
هنا في أستُراليا الليل دا وقت الطلوع والنُزها وكده يعني حاجه عاديه. مشيت المطبخ اعمل لي حاجه اكلها لانو كنت جيعانه شديد لقيت مانجو ف التلاجه شربتو. وبيتزاا. اكلتها ورجعت غرفتي.. وبديت افكر تاني في الشاب داك. اتشجعت وشلت التلفون قلت مالو مجرد استطلاع بس. دخلت صفحتو للمرة الثانية ولقيتو منزل منشور قبل 5دقائق. انو عندوو لايف الساعه 4:15م. والناس لازم كلها تكون حضور. حيكون عندو. حلقة بعنوان(. وما نتنزلُ بالآيات الا تخويفا) عاييينته مسافه وقلت ف نفسي وانا مالي كالعادة طلعت من الفيس وشغلت اغنيتي المفضله. لحدي م نمت وصحيت ع صوت التلفون كانت. دي ليا اتصلت عشان تزكرني بالموعد ونحنا لازم نكون هناك قبل 3 .
الساعه 2 مشيت استحميت ولبست فستان كبدي. وكعب عالي اسود ورافعه شعري لفوق طبعا . طبعا عيوني كبار.وعسليات وملامحي حلوه. وبشرتي سمراء فاتحه وطولي مناسب. بس نحيفه شوييتين اتصلت علي جيتار قلت ليهم انتو وين. قال لي نحنا ف الطريق. قربنا نصل ليك انزلي تحت اووك قلت ليو تمام. وانا طالعه لقيت امي واختي واخوي الكبير قاعدين تحت. قلت ليهم طالعه وح اتأخر. قالو لي تمام. ونتمني ليك لليله سعيدة. ووقت ممتع.!!
مستغربين صح؟ ايوا نحنا عندنا. هنا حاجه عاديه جدا عادي تسهر لي انصاص الليالي زول يجيب خبرك ماف
طلعت براا لقيتهم جو بعربية جيتار. معاهم ليِا وشهيناز.
ليِا قالت لي تبااا يافتاة تُبدين جميلة جدا. ماهذا ي صديقتي. سحقا م هذا الجمال كله وااااااو 🫂
Читать полностью…
رِوايات سُودانية🪐🤎!)"
03 июля 2025 11:06
منصة ضفاف الثقافيه تفتح أبوابها للاعضاء الجدد🤩❤️❤️❤️❤️❤️🦋
Читать полностью…
رِوايات سُودانية🪐🤎!)"
02 июля 2025 13:10
روايه سكان أطلس آخر ساكن الجزء الثاني وهو التكلمه للجزء الأول اتوفر ليكم وإن شاء الله يعجبكم🤝🍀
Читать полностью…
رِوايات سُودانية🪐🤎!)"
01 июля 2025 08:45
: إذَّا لَم تَكُن لِي والزَمان شَرم بِرم
فَلَّا خَير فِيك و الزَمان تَرَّللِي.
Читать полностью…
رِوايات سُودانية🪐🤎!)"
30 июня 2025 23:54
نحن يا سيدتي لسنا مؤهلين لخوض هذه التجربة، ثم انني لست أديبا ولا شأن لي بالفن. لست أكثر ولا أقل من إنسان يكدح عمره كاملا عسى أن يلبي أبسط احتياجاته الحياتية.
فالأدب و الفنون الجميلة تحتاج إلى الحُرية كي تزدهر، وتحتاج إلى شعب يتمتع بجميع وسائل الحياة الكريمة لكي يستمتع بالترفيه و يتذوق الفنون.
حيث لا يستطيع الإنسان المهموم بلقمة عيشه و المتوتر من المستقبل المجهول أن يجد متسعا في الصدر و الوقت للبحث عن الترفيه و تذوق الأدب ولا يحق له ملامسة محاسن الحياة.
إن الحضارة التي تضع كرامة الانسان أولا و توفر له الحياة الكريمة من وظيفة ومأكل ومشرب و تسن التشريعات التي تكفل حريته و تحفظ حقوقه، يصبح عندها الفن والترفيه مجرد امتداد طبيعي، وليس شيئا مفروضا عليها من خارج سياق التدرج الطبيعي لسلم التحضر والثقافة.
Читать полностью…
رِوايات سُودانية🪐🤎!)"
29 июня 2025 13:42
ولا طالِب شهادةٍ ثانوِيَّةً إلا وفقته، وأتيتهُ سُؤلهُ كما يرِيد وكيفما يشاء فتجعله فرِحًا لا تسِعهُ الأرضَ هو وعائلتهُ💙".
Читать полностью…
رِوايات سُودانية🪐🤎!)"
29 июня 2025 12:09
الجواز د ف السفارة المصرية بورتسودان،
وتشأيرتو قربت، شيرو معاكم.
Читать полностью…
رِوايات سُودانية🪐🤎!)"
28 июня 2025 21:55
{أيَحسَبُ الإنسَـٰنُ أَن يُتْرَكَ سُدًى}💙.
Читать полностью…
رِوايات سُودانية🪐🤎!)"
28 июня 2025 13:52
سيكولوجيا الرجل والمرأة 🎀
📌 هل تعلم : أن المراة تصبر على الجوع بينما الرجل لا.
📌 هل تعلم : انه مهما بلغت قوة المراة الا انها تريد من تحتمي به .
📌 هل تعلم : ان المراة تستطيع ان تغفر وتسامح لزوجها الكثير من المرات ولكنها لاتنسى الاساءة ابدا.
📌 هل تعلم : ان المراة لديها قدرة بالغة على التفكير في اكثر من امر في نفس الوقت على عكس الرجل.
📌 هل تعلم : ان المراة اذا كرهت شخص ما فانها لاتعود الى محبته مجددا.
📌 هل تعلم : ان المراة لديها قدرة رهيبة على فهم الانسان من ملامح الوجه بينما الرجل لايستطيع.
📌 هل تعلم : ان المراة عامة لديها صبر وطول بال اكثر من الرجل بل ان الرجل ياخذ وقتا طويلا في قراءة الروايات على عكس المراة.
📌 هل تعلم : ان المراة لديها قوة على الشم قوية للغاية بينما الرجل يفتقر الى هذه القوة .
📌 هل تعلم :ان الامراض التي تصيب النساء بسب ارتداء الكعب العالي لكن المراة تفضله ليظل رمز للانوثة .
📌 هل تعلم : ان المراة لديها قدرة على تذكر الاحداث والتواريخ وربما يكون هذا الامر من اسباب الخلافات الزوج .
📌 هل تعلم : ان المراة لديها قدرة على الظهور بانها قوية للغاية وهي منهارة عاطفيا من الداخل انها المراة ياسادة.
Читать полностью…
رِوايات سُودانية🪐🤎!)"
26 июня 2025 21:01
مطلوووب خبر مفرح حتى لو كان اشاعه سووورعه 😭
Читать полностью…
48093