1683
اليريد الفوز دنيا واخرة يخلص بخدمة حسين ومنبرة
نعي للنبي محمد صلى الله عليه واله وسلم عن الزهراء عليها السلام
انوح عليك بوية لگطع الانفاس
وخلها شما تلوم ابونتي الناس
لنشفها الدموع عليك بالراس
عليك اتلوعت ما اشوف دربي
==============≠====
الابو غالي ودليلي عليه حزنان
عليك أحزن ونوح أبيت الاحزان
يبوية اعليك مثلي ما بچة انسان
دم ياعين لجل الزين صبي
======≠==============
اتمنى البواچي اترجع الراح
لخلصنة العمر بدموع ونياح
چا غير الابو خيمتنة لو طاح
أظل بعدة بحزن مشلوع گلبي
===================
يبو القاسم رحت والروح راحت
ودمعاتي العزيزة عليك طاحت
ورياح الفتن بالكون فاحت
حسبي الله عليهم هوة حسبي
====================
أسالكم الدعاء رائد الاسدي
نعي بحق النبي محمد صلى الله عليه واله وسلم عن الزهراء عليها السلام
علية البيت موحش يالعفتني
اجر حسرات والونة اتركتني
وحگك بالگلب بوية صبتني
رحت عني يبوية وما خذتني
==================
اچلب بالنعش بثنين ادية
عزيز وفرگتك تصعب علية
اضل ارجاك كل صبح ومسية
بگبر واحد يكون انطب سوية
===================
مدري شلون عمري ايصير بجفاك
وانة كلساع گلبي ايريد ملگاك
اخذني للگبر يا بوية وياك
عزيز وبالگلب يچويني فرگاك
=====================
ليل انهار انوح عليك وانحب
يبو القاسم ترة گلبي تصوب
يبو طول الحلو گلبي تعذب
احس موتي بعد شخصك تگرب
=====================
أسألكم الدعاء رائد الاسدي
نعي قريض لدفن الاجساد الطاهرة
كأني بالامام زين العابدين عليه السلام عندما وصل ساحة المعركة اخذ ينعى الشهداء وكأني به يقول
أَبِي نُورُ عَيْنِي وَعَمِّي وَإِخْوَتِي
أَنْصَارُنَا بَاتُوا عَلَى الرَّمْضَاءِ**
لِثَلَاثِ أَيَّامٍ بَقُوا فَوْقَ الثَّرَى
قَدْ خُضِبُوا بِالدَّمِ لَا الْحِنَّاءِ**
لَهْفِي لَهُمْ تَذْرُو الرِّيَاحُ فَوْقَهُمْ
عَطْشًا قَضَوْا لَمْ يَرْتَوُوا بِالْمَاءِ**
هَذَا حَبِيبُكَ يَا إِلَهِي كَمَا تَرَى
فَوْقَ الصَّعِيدِ مُضَرَّجًا بِدِمَاءِ**
عَمِّي أَبَا الْفَضْلِ كَمْ نَادَيْتُ وَأَسَفِي
لَمَّا رَأَيْتُكَ مُقَطَّعَ الْأَعْضَاءِ**
أَخِي عَلِيٌّ تُجْمَعُ بِحَصِيرَةٍ
فَتَّشْتُ كُلَّ الطُّفِّ عَنْ أَشْلَاءِ**
رَبِّ اِعْنِنِي عِنْدَ دَفْنِ أَحِبَّتِي
قَلْبِي تَقَطَّعَ مِنْ حُزْنِ الْأَحِبَّاءِ**
=================
=================
ثلث تيام فوكَ الكَاع يحسين
امدد بالشمس وبغير تچفين
اخوتك والانصار الكل مطاعين
اطيــني الصــــبر ياربي واصبر
-----------------
نار وبالكَلب يافــــكَد الاحـباب
ابوي وكل هلي وانصارة الاطياب
ظلت بـس جثثكم فـوكَ التراب
ما مدفون بــــوية الله واكــبر
-----------------
أسالكم الدعاء رائد الاسدي
كآني بالسيدة زينب عليها السلام جالسة وتخرج قميص الامام الحسين عليه السلام وتخاطبه وتقول
=====================
انصاب گلبي.. من شفت القميص انصاب گلبي
ماشوف دربي.. مذهولة اصبحت ما شوف دربي
يا عين صبي.. من دم الدمع يا عين صبي
مو هاذ حسبي.. هيچ اتگطعت مو هاذ حسبي
===============
واشبكَ عليه.. اشتم بقميصك واشبكَ عليه
ريحتك بيه.. بعد لليوم خوية ريحتك بيه
لطراف رجليه.. من راسة انسحك لطراف رجليه
ابگلبي اخليه.. قميصك يا عزيزي ابگلبي اخليه
==================
سحگات الخيول.. شلون تحملت سحگات الخيول
اتصول وتجول..شكثر ظلت عليك اتصول وتجول
نوبات بالطول.. عرض نوبة سحكَ نوبات بالطول
يمك يمدلول.. تمنيت انسحكَ يمك يمدلول
==================
متعور هواي.. عمت عيني شفت متعور هواي
ما شارب الماي.. فوكَ الصارلك ما شارب الماي
لا وين منواي.. بعد طولك حرت لا وين منواي
ما تسمع نداي.. يا خوية صحت ما تسمع نداي
============
أسالكم الدعاء رائد الاسدي
عندما وقع ابا الفضل العباس نادا ادركني اخي يا حسين وكانت هذه اول مرة يناديه يا اخي وكانت السيدة زينب عليها السلام واقفة بجانب الامام الحسين عليه السلام وسمعت الصوت مع الحسين فكأني بلسان الحال
زينب واجفة وتنشدني عنك
يبو فاضل واجاني صوت ونك
طحت للگاع يا كافلها چنك
من طلعت يخوية حسين منك
=====+==+========
اول مرة خوية يصيح عباس
بالگوة طلعت بأخر انفاس
زينب سمعت وتلطم عالراس
شيصبر گلوبنة يا صاحب الباس
=================
اخاف اركض وهية تركض وياي
اردها ابيا عذر يا شور يا راي
شافتني انحنيت وتجري عيناي
اخذني وياك صاحت ها يرجواي
=================
السيدة زينب
اخوي وفرگتة تصعب علية
اريد اموادعة گبل المنية
اريدنة يموت ابين ادية
ويريت تصير موتتنة سوية
================
أسالكم الدعاء رائد الاسدي
نعي قريض لدفن الاجساد الطاهرة
كأني بالامام زين العابدين عليه السلام عندما وصل ساحة المعركة اخذ ينعى الشهداء وكأني به يقول
أَبِي نُورُ عَيْنِي وَعَمِّي وَإِخْوَتِي
أَنْصَارُنَا بَاتُوا عَلَى الرَّمْضَاءِ**
لِثَلَاثِ أَيَّامٍ بَقُوا فَوْقَ الثَّرَى
قَدْ خُضِبُوا بِالدَّمِ لَا الْحِنَّاءِ**
لَهْفِي لَهُمْ تَذْرُو الرِّيَاحُ فَوْقَهُمْ
عَطْشًا قَضَوْا لَمْ يَرْتَوُوا بِالْمَاءِ**
هَذَا حَبِيبُكَ يَا إِلَهِي كَمَا تَرَى
فَوْقَ الصَّعِيدِ مُضَرَّجًا بِدِمَاءِ**
عَمِّي أَبَا الْفَضْلِ كَمْ نَادَيْتُ وَأَسَفِي
لَمَّا رَأَيْتُكَ مُقَطَّعَ الْأَعْضَاءِ**
أَخِي عَلِيٌّ تُجْمَعُ بِحَصِيرَةٍ
فَتَّشْتُ كُلَّ الطُّفِّ عَنْ أَشْلَاءِ**
رَبِّ اِعْنِنِي عِنْدَ دَفْنِ أَحِبَّتِي
قَلْبِي تَقَطَّعَ مِنْ حُزْنِ الْأَحِبَّاءِ**
=================
=================
ثلث تيام فوكَ الكَاع يحسين
امدد بالشمس وبغير تچفين
اخوتك والانصار الكل مطاعين
اطيــني الصــــبر ياربي واصبر
-----------------
نار وبالكَلب يافــــكَد الاحـباب
ابوي وكل هلي وانصارة الاطياب
ظلت بـس جثثكم فـوكَ التراب
ما مدفون بــــوية الله واكــبر
-----------------
أسالكم الدعاء رائد الاسدي
قريض بحق عبدالله الرضيع عليه السلام
طِفْلٌ صَغِيرٌ يَا تُرَى مَاذَا جَنَىٰ
وَالْقَوْمُ مِنْهُ تَضْطَرِبْ وَتَصِيحُ ..
ظَمْآنُ يَلُوكُ لِسَانُهُ لِمَ اسْتَطِعْ
ارْوَيْهُ وَالْمَاءُ الزُّلَالُ شْحِيحُ ..
لَهَفِي لِطِفْلِي اذْ يَنُوءُ بِرَأْسِهِ
خَارَتْ قُوَاهُ وَالْفُؤَادُ جَرِيحُ ..
وَاتَاهُ سَهْمٌ مِنْ لِعَيْنٍ وَانْتَهَى
فِي نَحْرِهِ وَغَدَا الصَّغِيرُ ذَبِيحُ ..
وَجَرَتْ دِمَاءُ النَّحْرِ مِنْهُ رَأَيْتُهُ
مَا بَيْنَ احْضَانَيْ الْحَبِيبُ طَرِيحُ ..
===============
نعي بحق عبدالله الرضيع لسان حال الرباب
-----------------------------------------
يسباح الكَلب يا شوف العيون
يعبدالله الدليل اعليك محزون
يفت الروح يفراكَ الزغــــــيرون
انــــــدهك ما تــــرد جواب لية
------------------------------------------------
نحرك يوجعك يا يمة لو لاه
احا يالــــــــولد يا حسرة رباه
مثل عمر الورد ماعرف دنياه
تفرهد يا خلكَ من بين ادية
------------------------------------------------
ركَبتك موش مالت ذبح يبني
بساع بساع يــــــمة رحت عني
مــــــن راح الولد ياروح ونــي
يعــــبدالله شعـمل فركَاك بية
------------------------------------------------
خالي مچانك من اصد ليه
اهــزن بالمــهد يـبني واناغــــيه
وحشة البيت شالت زهرتة البيه
تمنـيت اندفـن يمـك ســوية
------------------------------------------------
السهم چتال وانتة طوير جنة
يبنــــي وداع منــــك ما شبعنة
خذاك البــــين يمة بـساع منة
يبني منين اجتني الغاظرية
------------------------------------------------
زغير وما سمعتة يكَول چلمة
بساعة ذبحــــــتة ياريـت يمة
من ذبحوا ركَبتك صحت يمة
لــــو مالحكَت تنــــده عـلية
أسالكم الدعاء رائد الاسدي
قريض بحق القاسم عليه السلام
ادْمَيْتَ عَيْنِي يَا بُنَيَّ وَمَحْجَرِي
دَمْعًا بَقِيَتُ وَحَسْرَةً تُبْكِينِي ..
اقْضِي نَهَارِي بِالْبُكَاءِ وَبَالَاسَى
وَاللَّيْلُ من كُلِّ الْهُمُومِ يُرْينِي..
وا قَاسِمَاهُ انَادِي فَلَذْةَ الكبدِ
وَلَدَيَّ حَبِيبِي يَاتْرَى تَاتِينِي..
ابقى على املٍ تَعُودُ وَنَلْتَقِي
قَلْبِي تَقْطَعُ مِنْ كَثِيرِ حَنَيْنِي..
ثَكُلًى وَحُزْنِي لَا يَقِلُّ وَيَنْقَضِي
طُولُ الزَّمَانِ وَدَمْعَتِي تَشْجِينِي..
لَا اهْنَأْ من بَعْدِ الْحَبِيبِ بِلَحظةٍ
غَابَ الضِّيَاءُ وانت من يَهْدِينِي..
كَمْ كَانَ لِي امْلًاً نَعِيشُ سَوِيَّةً
يَا حَسْرَةً تَبْقَى الدُّمُوعُ قَرِينِي
==================
يبعد رويحتي يابعد شيبي
اشمن بيك چن شمة عذيبي
ييمة اذكر رباي ودر حليبي
خذاك البين يمة وزاد شيبي
*****
يشمعة بيتي ياضي البالعيون
يبعد امكم فرد روحة تروحون
الفاركَها ضناها تصبر شلون
دليلي اعليك يا مدلول محزون
******
اسهرلك ليالي وانـــــحب ايام
يبو طول الحلو دلالي محتام
اشوفنك يغالي بس بالاحلام
جرحك بالگلب ماضنة يلتام
*****
اليروح وليدها يزرف كَلبها
مسيل عيونها ايشيب هدبها
تظل انوب ما تندل دربها
شلون الدار من بعدك اطبها
*****
يجاسم ياعزيز الروح يماه
عمري بآه اخلصة عليك يماه
كون الولد من ايموت يماه
يدفنون امة والموتة سوية
------------------------------
أسالكم الدعاء رائد الاسدي
نعي قريض بحق مسلم ابن عقيل عليه السلام عن الامام الحسين عليه السلام
آهٍ لِفَقدِكَ يَبنَ عَمّي وَنَاصِري
قَطَّعتَ قَلبي مُذ سَمِعتُ قَتِيلُ ..
قَالوا قَضَى عَطَشًا غَرِيبَاً مُفرَداً
أبكي لِفَقدِكَ وَالدُمُوعُ تَسِيلُ ..
وَا مُسلِمًا نَاديتٌ آهٍ يا أخي
أحنَيتَ ضَهري والفِرَاقُ طَويلُ ..
كُنّا وَ في رَغَدِ الحَياةِ سَويَّةً
في حُلوِها والمُرِ أنتَ خَلِيلُ ..
هَذه يَتامَاكَ تنادي وَالدي
هَل لِي بإخبَار ِالصِغارِ سَبيلُ ..
نَادًيتُ أولادي تعالوا سارِعوا
قُتِلَ السَفِيرُ فالمُصابُ جليلُ ..
=======+=========
نعي
الميت بالدفن اهلة يحضرون
واخير وداع للغالي يودعون
ومسلم ضل غريب ايدير العيون
اهلة بعاد عنة وموش يدرون
=================
كل ميت هلة تطلع تشييعة
وفوكَ متون اخوتة يصير رفعة
وكل واحد يصب اعليه دمعة
ومسلم وحدة ومحد يتبعة
===================
عد اهلة اليموت يوادعونة
واولادة واخوتة اليحضرونة
ومن رجليه مسلم يجرونة
بالسوكَ وشماتة ايشاهدونة
==================
الميت للگبر تتعنة اهلة
ودوم الفاتحة يقرون لجلة
مسلم بالگبر محد وصلة
بطوا عنة وبقت بالروح علة
================
يتاني اهلة يجون من المدينة
شابح بالنضر صوب الضعينة
يجون احبابة ضنة وگاصدينة
وعيونة تصب دم وحزينة
===================
ما يدري تطشر ضعن الاحباب
وعزيزة حسين نايم فوكَ التراب
واهلة وكل اخوتة الصفوة الاطياب
وبنيتة حميدة بين الاجناب
====================
(ابو ذية)
يدي وما هدالة ير حميدة (جرحة مدة)
يريت بهاي مسلم ير حميدة (يرة حميدة)
شلون الشمر بيدة ير حميدة (جر حميدة)
وتناديلك يبوة الحكَ علية
==================
اسألكم الدعاء رائد الاسدي
نعي قريض بحق العليلة جديد محرم 1447 هـ
ناديتُ يَا أَبَتاهْ طَالَ غِيَابُكُمْ
مَنْ لِي إِذَا مَا حَانَ مَوْتِي وَالْأَجَلْ**
لَمْ يَبْقَ مِنْ لَمْ عَنْكُمُ نَاشِدَتُهُ
إِنْ كَانَ آتٍ لِلْمَدِينَةِ أَوْ رَحَلْ**
يَا سَائِقَ الْأَضْعَانِ قِفْلِي وَاسْتَمِعْ
مِنِّي الْخِطَابُ لِوَالِدِي ثُمَّ الْأَهْلْ**
قُلْ لِلَّذِينَ فَارَقُونِي إِلَى مَتَى
عَنِّي الْفِرَاقُ هَلْ يَطُولُ بِلا أَمَلْ**
أَوْصِلْ سَلَامِي لِلْعِرَاقِ فَإِنِّني
شَوْقًا أَمُوتُ لِوَالِدِي مُنْذُ ارْتَحَلْ**
وَلِعَمِّي الْعَبَّاسِ نَارًا تَصْتَلِي
فِي الْقَلْبِ تَكْوِينِي وَدَمْعًا فِي الْمُقْلْ**
شَوْقًا لِإِخْوَانِي الْفُؤَادُ قَدِ انْكَوَى
أَعَلِي تَأْتِينِي فَكَمْ قَلْبِي احْتَمَلْ**
إنِّي أَخَافُ أَنْ أَمُوتَ وَلَا أَرَى
تِلْكَ الوُجُوهَ فَقُلْ لِي مَا العَمَلُ **
=====================
احسبلك حساب.. متانيتك ترد واحسبلك حساب
اركض على الباب.. شما هب الهوة اركض على الباب
والباب چذاب.. اثاري الهوة والباب چذاب
لليوم ما طاب.. يجرح فراگكم لليوم ماطاب
======================
هلبت تجوني.. تانيت اشكثر هلبت تجوني
چنهم نسوني.. احباب الگلب چنهم نسوني
بوية اتلاحگوني.. جفاكم موت بوية اتلاحگوني
راحت عيوني.. من كثر البچي راحت عيوني
=======================
بتك نحيلة.. بفراش المرض بتك نحيلة
مابية اشيلة.. يا هدم العلي مابية اشيلة
حال العليلة.. بس عظم وجلد حال العليلة
چنها طويلة.. سفرتكم بطت چنها طويلة
=========================
بجفاك النوم ماشافت جفنها
عيوني.. وتدري بطيوفك جفنها
يم بابك تمد روحـي چفنها
تعال بطيف جيب الموت الية
------------------------
أسالكم الدعاء رائد الاسدي
مقدمة نعي قريض مع نعي لفراق دار الحسين لاهلها في خروجهم لكربلاء
رَحَلُوا عَنِ الأوطانِ والدّارِ التي
لَم تخلُ من ال الحُسينِ سِنِينا..
والآن تبكي و تَستغِيثُ لِفَقدِهِم
لَم يَبقَ فيها غَيرَ صَوتِ أنينا..
في الدّارِ صَوتٌ تقشعِرُّ لِنَوحِهِ
صوتا كئيبًا نائحًا وحزينا ..
تَشكُو بها سُقماً وفُرقَةَ أهلِها
للأهلِ تأخُذُها الدُمُوعُ حَنِينا ..
يا والدي كَم كُنتُ أهوَى قربَكُم
لكن فيا أسَفي الدُمُوعَ قرينا ..
إن تذكروا بعدَ الفِراقِ لفاطمٍ
لَم يَبقَ مِنكُم مُؤنسًا ومُعِينا ..
==================
==================
(نعي)
شديتوا الضعون وكوريتوا
شحال الدار لو عنها بطيتوا
حزينة تنوح عنها ما دريتوا
متعودة عليكم يالمشيتوا
=================
يهل البيت يالكلكم محنة
تفاركنة وبعد شيلم شملنة
تون الدار چم ونة اعله ونة
شيردة العزيز الراح منة
================
غريبة الدار لو شالوا اهلها
شالوا ما بعد طارش وصلها
بعدهم بس حزن والون نزلها
خلاف اهل الوفة يثگل حملها
=================
(ابو ذية)
مشيتوا ما بعد واحد لها عاد
الدار . وما بعد اخضر لها عاد
الفرح من رحتوا بضعينة لها عاد
ويمر بيها الحزن صبح ومسية
==================
اسالكم الدعاء رائد الاسدي
نعي عن الإمام الرضا عند حظوره لوالده الكاظم عليهما السلام
راح من ادية.. يا ناس الابو راح من ادية
تصعب علية.. عزيز وفركتك تصعب علية
عدي تچية.. خلافك ما بگت عدي تچية
لنصب عزية.. انة طول العمر لنصب عزية
=========================
اعله امتوني اشيلة..نعش الابو اعله امتوني اشيلة
جثة نحيلة.. عظم وجلد جثة نحيلة
ماكو مثيلة.. راح الابد ماكو مثيلة
بسفرة طويلة.. عني مشة بسفرة طويلة
=========================
يا اغلى الاحباب..عني رحت يا اغلى الاحباب
مايرجع اجواب.. واشگد صحت ما يرجع اجواب
متوسد اتراب.. حيف الابو متوسد اتراب
من عيني سچاب.. دمعي يضل من عيني سچاب
========================
بيدي دفنتة.. غسلتة وبعد بيدي دفنتة
مرمية جثتة.. شلون البالغرب مرمية جثتة
مسبية اختة... عالهزل مشت مسبية اختة
ما ودعتة... بالگوة مشت ما ودعتة
==========================
بالغاضرية.. ظل ابلا غسل بالغاضرية
جثة رمية... على التربان ظل جثة رمية
فوكَ الوطية.. ٣ تيام ظل فوكَ الوطية
مامش حمية.. بعدوانك ابد مامش حمية
===========================
أسألكم الدعاء رائد الاسدي
نعي بحق الامام الكاظم عليه السلام جديد
چبير البيت لو حانت وفاتة
يدير العين لولادة وبناتة
شلون البالسجن يصبح مماتة
محد نكَطالة الماي بالموت
____
المريض ايريدلة واحد يباريه
ويصبر اعليه من سكَمة ويداويه
وعزيز ايصير تحظر كل اهاليه
والكاظم وحيد ايموت بسكوت
_______
اليموت بساع كل اهلة يحظرون
ويغسلونة ويچفونة ويشيعون
وعلى التابوت احبابة يـنحبون
وكل واحد عزيز ايروح زاتوت
______
غدار الدهر وي خيرة الناس
الكاظم غريب اتشيلة حراس
وحيد وبالسجن مكَطوعة الانفاس
شيعوا جنازتة وشيلوه التابوت
_____
هذا الطيب ابن جواد طيبين
نشيعة وعالجنازة تهمل العين
وننصبلة المجالس للمُعزين
وننوح اعليه كون ابعالي الصوت
______
أسالكم الدعاء رائد الاسدي
عندما حضرت الوفاة للسيدة ام البنين عليها السلام تمنت اولادها يحضرون موتها ودفنها وكأني بابي الفضل العباس عليه السلام يقول لها بلسان الحال
كون وياچ يمة بساعة الموت
واجيبلچ چفن وياه تابوت
واصيحن اه ييمة بعالي الصوت
واونن حيل يمة وموش بسكوت
===================
چهبت اجنازتچ والنار بية
گبالي امددة وعيني جرية
احظنچ وارد اشيلنچ بدية
ما اگدر ييمة شهالرزية
چفوفي مگطعة بالغاضرية
====================
على التابوت تنحب كون العيون
وانة عيوني فدوة افديت لم عون
اظل اعليچ ابچي ودوم محزون
مصابچ مو سهل يا يمة ويهون
====================
أسالكم الدعاء رائد الاسد
نعي بحق ام البنين عليها السلام
كأني بلسان حال اولاد ام البنين عليها السلام عندما حظرتها الوفاة
اجت ليچ المنية ومحد وياچ
ها يم المحنة اتهمل عيناچ
عليچ أبعاد يمة وما اجيناچ
ما واحد حظر عنچ بعيدين
==================
اليريد ايموت عينة أدير لهلة
ملتمين كلها اتنوح لجلة
هذا ايسبل ايديه ويجبلة
وهذا ايحبة ذاك ايغمض العين
=================
لا عباس اجاچ ولا حظر عون
لاعبدالله لا جعفر يحظرون
يمين شمال گام أدير العيون
تدورين العزيز وماهو الحسين
==================
بالدنيا صدكَ ما شلنا همچ
وبالتشييع ما شلناه جسمچ
حظرنا أرواح يمة اندور يمچ
نلتم من جديد و يانة تمشين
==================
متانينچ تعاي بساع لينة
بلهفة حسين ينطر يالحنينة
كلة ايروح حزنچ يالحزينة
تعاي بساع لينة وموش تبطين
==================
أسألكم الدعاء رائد الاسدي
… نعي للنبي محمد (ص) عن الزهراء عليها السلام …
يابوية الحزن صوب دليلي..
واحلف ما انام عليك ليلي..
عزيز وفركتك هدمت حيلي..
صعب فركاك يابوية علية
=================
شيصبر الكلب لو راح خلة..
يخلف بالدليل اعليه علة..
والوالد ترة هيات مثلة..
لنوح وخل تلوم الناس بية
===============
يبو كلب الحنين وحلو الاطباع..
فاركنة الدهر يالغالي بساع..
يبو طول الحلو طمت الكاع..
خذاك الموت يابوية من ادية
=================
اريد انحب و اون ليلي ونهاري..
وخليه الدمع كالماي جاري..
يالهادي مظلمة عليك داري..
انة الزهرة العزيزة تعال لية
================
بتك يامحمد وصي بيها..
تجور الناس من تمشي عليها..
ياهو الها المشة عنها وليها..
وابو الحسنين مجتوف بوصية
------------------------------------------------
ايتامك نظــــــل يا ابو المــــحنة
ولو عنة رحــــــت چا ياهو النة
تفاركني بعجل يا تالي اهلنة
لا ام اصبــــــــحت لا ابو الوياي
------------------------------------------------
اسمعني يبوية وديرلي العــين
اولادك اجوك الحسن وحــسين
كَظيتوا بساع ياهلنة الحنينين
من غرب ظعنكم ظلمة دنياي
------------------------------------------
شلون الدار ليها انفوت بعدك
مظلمة انشوفها من يوم فكَدك
يالعنها رحــــت لتــراب لحــــدك
لنوح وما ابطل نوحي وبچاي
------------------------------------------
ابن عمك ينوح بصوت عالي
رحت عنا وعلينا البيت خالي
يحزام الظهر يالاخــــو الغالي
حيدر عالمصاب اينوح وياي
------------------------------------------
أسالكم الدعاء رائد الاسدي
وحشة الدنيا اول ماهوة حسين
شلون الليلة تگضي ماهوة حسين
حرت بالعيلة اجمع ماهوة حسين
وصاني اعله عايلتة ورقية
رائد الاسدي
نعي محاورة بين السيدة زينب عليها السلام والامام السجاد عليه السلام بعد رجوعه من دفن الاجساد الطاهرة
السيدة زينب عليها السلام
==============
فگدك يبن اخوي ودوريتك
سولفلي يعمة وين نيتك
اشوف تراب متروسة لحيتك
بهذا الحال رديت ولگيتك
=================
غبت عني ودليلي راح لحسين
چنت غايب يعمة وغيبتك وين
بدربك ماشفت اهلي المطاعين
بعدهم عالتراب ابغير تچفين
===================
الامام السجاد عليه السلام
=================
چنت بالطف يعمة وليچ رديت
اگعدي وخل اسولفلچ اشسويت
كون وياي يا عمة تمنيت
نموت وياهم ولا نرد للبيت
==================
السيدة زينب عليها السلام
==================
سولفلي اعله اخيي شلون حالة
وعباس الفحل ياهوة شالة
وجاسم والطفل شنهي الجرالة
والاكبر والاصحاب وكل رجالة
==================
الإمام السجاد عليه السلام
==================
يعمة ادفنت الانصار ابحفيرة
وحبيب لوحدة شيخ العشيرة
بعيد الحر علينا بغير ديرة
وبني سد كلفتهم چم حصيرة
==================
لميت بحصيرة جسم الاكبر
اعله كبر الگاع يا عمة توذر
المن بي وذر والنار تسعر
الم بيه ابحصيرة الله واكبر
==================
ابن عمي الشباب انوب شفتة
بثياب العرس جاسم دفنتة
شباب وبالچفوف ادماه حنتة
تشيب الراس يا جسام جثتة
==================
ابوي حسين ظل بالعين عبرة
نزلتة بحفرتة وصاح نحرة
طلب عبدالله اخليه اعله صدرة
دليلي ذاب حسرة بأثر حسرة
==================
رحت صوب النهر دلالي ملهوف
بشاطي العلگمي لن گمر مخسوف
شفت جثة عظيمة وماكو چفوف
عفية وما متت وعيوني تشوف
==================
دمع من دم عليهم سال مني
عضو من اعضاي ماضل سال مني
يربي العمر بالطف سال مني
ولا اضلن بعد عين الشفية
==================
أسالكم الدعاء رائد
ابو ذيات متنوعة
١-الوداع
الدمع دم بوداعك سال منة
اودعك وادعي ترجع سال منة
العمر بيدك يخوية سال منة
اريدن موتتي بهاي المسية
=================
٢-(المقتل ويوم العاشر)
لخيتة حسين كَام النضر يم عون
اريدنچ يزيـــنب كـون يم عون
كاتلني الـــــسهم طلعيه يم عون
كَطع نفسي ولا ظل حيل بية
==================
٣- ليلة الوحشة
وحشة الدنيا اول ماهوة حسين
شلون الليلة تگضي ماهوة حسين
حرت بالعيلة اجمع ماهوة حسين
وصاني اعله عايلتة ورقية
==================
٤-دفن الاجساد
ثلاثة اعله الارض لاچفن لامة
لا يمـــــة ابو لا اخـــــو لامة
مطشر وانة حرت شلون لامة
ادفنة شلون حرت ابهالرزية
==================
٥-السبي للكوفة
عبينة وحدة وحدة شددينة
اجانة بدين يطلب شددينة
جاب حبال خشنة شددينة
وللكوفة اخذنة ابن الدعية
===============
٦-السبي للشام
عگب عباس ضعنة وانسبينة
العدو بالشام عدة وانسبينة
انچتفنة وانضربنة وانسبينة
بعلي مرة يسب مرة الزچية
================
٧- السيدة رقية
حنين وعالمحنة عودانة
وگلت اكبر بجالة عودانة
يبوية من سفرتك عودانة
متانيتك ترد بتك رقية
================
٨- ايام الأربعين
الك بالراس عودنا وردنا
لوطنا من يحملنا وردنا
الثوب اتبلل بدمعي وردنا
تگطر ماي وانة امسح بدية
================
٩-السيدة زينب
تصب دموع ما فد يوم مالات
ولون تنقاس چا وديان مالات
على زينب الدنيا حيل مالات
گصت بيها وخذت اهل الحمية
===============
١٠- في الخدمة الحسينية
لحسين العمر فدوة ويهلاي
اخدمك والدمع يجري ويهلاي
بخدمتك احفظ امية ويهلاي
وتعلي شاني بعلو الثرية
================
أسالكم الدعاء رائد
عندما اراد الامام الحسين عليه السلام الخروج الى العراق اخذ عياله معه وبقت في الدار فاطمة العليلة وام البنين عليها السلام فأخذت ام البنين تودع واحداً تلو الاخر حتى وصلت إلى السيدة زينب عليها السلام وكأني جرى حديث بينهما أثناء الوداع وكأني بأم البنين عليها السلام بلسان الحال تقول
كلكم تحملون.. اودعمن حرت كلكم تحملون
چا يصبر شلون... اليفاركَ هلة چا يصبر شلون
لو تعمى العيون.. لو اموتن ردت لو تعمى العيون
ودعيني يم عون.. من گبل السفر ودعيني يم عون
===================
ايطول وياچ.. اتمنى الوداع ايطول وياچ
يگظي بلياچ.. ما اريدة العمر يگظي بلياچ
ما اگدر انساچ.. عزيزة وغالية وما اگدر انساچ
يم عون تفداچ.. ام عباس ها يم عون تفداچ
====================
((السيدة زينب عليها السلام))
گوة نودعچ.. يا نبع الوفة گوة نودعچ
ايسيل دمعچ.. نشوفچ يالحنينة ايسيل دمعچ
اشلون وضعچ.. من تمشي الضعون اشلون وضعچ
اتصيحين اسمعچ.. الله وياكم اتصيحين اسمعچ
====================
((ام البنين عليها السلام))
شيصير بية.. اذا رحتي بعد شيصير بية
خالي علية.. اشوف البيت ضل خالي علية
روحة وجية.. لباب الدار اضل روحة وجية
اتعودون الية.. اترجاكم اتعودون الية
====================
((السيدة زينب عليها السلام))
بالدار خلچ.. تانينة نرد بالدار خلچ
اشلون اگلچ.. باليجري علينا شلون اگلچ
ما ردوا اهلچ.. ضلوا بالغرب ما ردوا اهلچ
منهم يصلچ.. ويابن حذلم خبر منهم يصلچ
===================
((ام البنين عليها السلام))
ما يرجع حسين.. صدكَ عود الخبر ما يرجع حسين
ولدي الميامين.. وما ترجع بعد ولدي الميامين
بس النساوين.. ترد اضعونكم بس النساوين
كون بالحين.. اخذ روحي يربي كون بالحين
===============
أسالكم الدعاء رائد الاسدي
قريض للامام الحسين عليه السلام
يا ظامِيًا ذَاقَ الحُتُوفَ بِكَربَلا
والماءُ هَذا مَهرُهَا الزَّهرَاءِ..
عَطَشًا قَضَيتَ وأنتَ مَحزُوزَ القَفَا
لَم تَلقَ حَتّى رَشفَةً مِن مَاء..
لَم يَكتَفُوا حَرَمُوك مَاءَ فَرَاتِكُم
قَد أحرَقوا حَقدًا لِكُلِ خِبَاءِ
ضَرَبُوك ضَربًا بالسُيُوفِ وبِالقَنا
حَتّى هَوَيتَ مُقَطّعَ الأعضَاءِ ..
سَحَقُوكَ سَحقَا يَا حُسَينٌ بِخَيلِهِم
أخَذَت تَدُوسُ الجَسمَ بِكُلِ عِدَاءِ ..
وَتَناثَرَت اشلائُكُم فَوقَ الثَرَى
وتَوَزّع َ الجِسمُ عَلى البَيدَاءِ..
طَحَنوا لِصَدرِك مِثلَما طَحنُ الرَّحا
فَتَرَى هُنا لَحمًا بِجَنبِ دِمَاءِ ..
--------------------------------------------
نعي
------------
اليوم يهديه * لجل الدين عمرة اليوم يهديه
لطراف رجليه * من نحرة انسحكَ لطراف رجليه
كلشي عليه * مسلوب وفلا ظل كلشي عليه
الحار غاطيه * عاري والتراب الحار غاطيه
---------------------------------------
الخيل فوگاه * اتروح وترد الخيل فوگاه
محد اطاه * عطشان اعله ماي ومحد اطاه
ادير عيناه * ولصوب الخيام ادير عيناه
مصبوغة بدماه * حوافر خيلهم مصبوغة بدماه
======================
متكسرة العضام * من خيولهم متكسرة العضام
هيهات تلتام * جروحة البالجسد هيهات تلتام
ورماح وسهام * بسيوف انظرب ورماح وسهام
لجل الاسلام * كل الي جرالك لجل الاسلام
======================
زينب منين * محتارة تگلبك زينب منين
اتصيح يحسين * حاچيني يخوية تصيح يحسين
لا واحد اثنين * هواي جروحك ولا واحد اثنين
چلب بالايدين * من اگلبنك لحم چلب بالايدين
====================
جروحة هواي ياهو منة گلبة
اگلبة وخاف طايح منة گلبة
يطيح اللحم بيدي منة گلبة
انطحن جسمة بخيول الاعوجية
===================
أسألكم الدعاء رائد الاسدي
نعي قريض بحق علي الاكبر. عليه السلام.. كأني بالامام السجاد ينعى اخاه علي الاكبر
اخِي ايَا عَضُدِي وَقُرَّةُ نَاضِرِي
سَنَدِي وَذِخْرِي يَا رَفِيقَ حَيَاتِي * *
أَعَلِي هَلْ حَلَّ الْفِرَاقُ بِنَا اخِي
عَنِي إِذَا مَا غِبْتَ حَانَ مَمَاتِي * *
عَانَقَنِي فِي شَوْقٍ وَلَهْفَةِ غَائِبٍ
حَتَّى يَفِيضُ الدَّمْعُ فِي الْفَلَوَاتِ * *
لَاخَيْرَ بَعْدَكَ فِي الْحَيَاةِ وَعَيْشِهَا
خَذَّنِي الهِي لَا ارِيدُ نَجَاتِي * *
انْ غَبْتَ عَنِّي يَا أُخَّيُّ فَإِنَّنِي
اِبْقَى اسِيرَ الشَّوْقِ وَالْحَسَرَاتِ * *
انَّتَ الْحَيَاةُ وَالْحَيَاةُ قَدْ انْطَوَتْ
وَالِانَ صَارَتْ مُؤْنِسِي عَبَرَاتِي * *
حَتَّمًا لِرُؤْيَاكُمْ اتُوقُ وَانْتَضِرُ
تَصْبُو لِدَرْبِ مَجِيئِكُم نَّظَرَاتِ * *
====================
اخوي حزام ظهري غرب وشال
يفـــراك الاخــــو للروح چتال
على ابن امي الحنين الآه تنگال
بعد عينك يغالي اتغير الحال
انحنه ظهري يخوية والحمل مال
-----------------------------
حنين ويالاخو ماكو بحنانة
سكن بارض الغرب يمكن نسانة
اذا راح الاخو محد مچانة
شما طال الزمن لجلك عزانة
اظل اصفج بدية اعله الجفانة
------------------------------
كل ساعة وشوفك چنك تعود
هسة ايرد عزيزي ونگعد اردود
صوتك دوم اسمعة اه يمفگود
واشوفن صورتك بالبال موجود
ما ابدل عليك اهدومي السود
وانه ادري علية بهاي منگود
----------------------------
الدار اعليك وحشة من عفتها
غاطيها الحزن من فارگتها
يسباح الگلب روحي خذتها
اموت وياك لو يحصل بدية
-----------------------------------
المصايب من رحت بعدك خونه (تعبنه)
جسمي والهظم والهم خونه (خاونه)
يالاكبر وين اكو مثلك خونه. (اخو النه)
اظل انعاك كل صبح ومسية
--------------------------------------
اسالكم الدعاء رائد الاسدي
نعي قريض بحق ابا الفضل العباس عليه السلام في عند الوداع عن الامام الحسين عليه السلام
فَارَقتُ عُمْرِي وَالْحَيَاةُ زَهِيدَةٌ
عِنْدَ الْوَدَاعِ وَانْتَ فِي احضَانِي ..
عَبَّاسُ يَا نَبْضَ الْفُؤَادِ وَمُهْجَتِي
اذَا مَضَيْتَ فمن لي ويرعاني ..
صَرَعَىٰ الْاحِبَةُ وَالِانْصَارُ قَدْ قُتِلُوا
وَالْجَيْشُ مِنْ كُلِّ الْجِهَاتِ اتَانِي ..
دَعْنِي اشْمُكَ شَمً لَا مَثِيلَ لَهُ
انْتَ الْبَقِيَّةُ مِنْ صَحْبِي وَاخْوَانِي...
قَفْ لِي وَعَانِقْنِي وَأكْفُفِ ادْمُعِي
آهَ لِفَقْدِكَ والبلاءُ غزانِي ..
ظَهْرِي عَلَيْكَ اليوم أضحى حانيًا
هَذَا الْوَدَاعُ يُزِيدُ في احْزانِي ..
عَبَّاسٌ يَا ضخري وقائدَ عسكري
إن الزمانَ بِفَقدِكم أضنَاني ..
====================
نعي
--------------------------------
ها يحزام ظهري الله وياك
وحگك ينكسر ظهري بلاياك
من گبل اللسان الگلب ناداك
اوكف يالكفيل واشبكَ عضاك
================
ارد اشتم يسرتك وي يمينك
وحبن هامتك وانوب عينك
واقبلها بشغف خوية جبينك
بس لحضات واحنا مفارگينك
==================
يخوية لو رحت ظهري تكسرة
واليفگد اخو گلبة شيصبرة
من بعدك يخوية العيشة مرة
الك للموت وسط الروح حسرة
===================
(ابو ذية)
الك آخ بدليلي آخ من اخ
اخوي وچنت نعم الآخ من آخ
من يعدل ثجيل الحمل من اخ
وانت اعله النهر طايح رمية
================
اسالكم الدعاء رائد الاسدي
مقدمة مجلس قريض مع نعي بحق فاطمة العليلة عليها السلام
شَدَّوا الرِحَالَ قَاصِدِينَ لِحَتفِهِم
أخَذَوا النِسَّاءَ وَجُملَةَ الأطفالِ
تَرَكُوا الدِيَارَ حَزِينَةً لفِرَاقِهِم
تَشكُو الفِرَاقَ وَ غُصَّةَ التِرحَالِ..
آهٍ لَكَم نَادَت وَنادَت بَعدَهُم
غِبتُم وَغَابَت فَرحَتي وَهِلالي ..
أرجُوكُمُ يَومًا وَيُجمَعُ شَملُنا
تأتُونَنَي بَعدَ الغِيابِ بِوِصَالِ ..
أُمسِي عَلى كَدَرٍ وَحُزنٍ دَائِمٍ
لُطفَاً أجيبُوا لَهفَتي وَسُؤالَي ..
==================
================
(نعي)
شديتوا الضعون وعيني تربي
شو محد يگلي گومي اركبي
اصدلكم واحط ايدي اعله گلبي
على الزينين ها يعيون صبي
يريت الموت ياخذني يربي
____
خالي البيت منكم مو بالحساب
مكسورت گلب دلالي انصاب
اعاتبكم فلا اسمعون العتاب
أظل اگصد وارد لعتبة الباب
سويتة الدرب حرثة يغياب
-----------------------------------
نحيلة والسهر يصعب علية
حتى الثوب گوة تشيلة ادية
رحتوا ولا بگت منكم بجية
يا شم الهوة التارس الرية
خلافك يالحنين شلون بية
====================
اهز كاروك عبدالله ولولي
دللو يالولد يمتة تجولي
الشجر والطير عالونة بچولي
محنيت ظهر مو ذاك طولي
نشدت اطروش عنكم ما حچولي
=====================
( ابو ذية)
حنين و عالمحنة عودانة
وگلت اكبر بجالة عودانة
ييوية من سفرتك عودانة
اباب الدار اتانيك اعله جية
==================
أسالكم الدعاء رائد الاسدي
(قريض) بحق ام البنين عليها السلام
قِف لِي فِدَاكَ العَالَمينَ وَنَاظِري
خَارَت قِوَايَ مِنَ الفِرَاقِ تَرَوني ..
لا أقوَ بُعدَكَ يَا حُسَينُ وَ إنّني
إن غِبتَ تَعمَى بالبُكاءِ عُيُوني ..
لا صَبرَ يَكفِيني وَأصبِرُ بَعدَكُم
حَتمًا تَشيبُ مِن الدُمُوعِ جُفُوني ..
أ حُسينُ حَـــقاً لا أرَاكَ وَ لا أرى
أمَّ المَِصَائِبِ يَا عَظِيمَ شُجُوني ..
وَلَدي حَبيبي مَن يَرُدُّ لَوَحشَتي
دَمعِي عَلَيكَ مِن العُيُونِ هَتُوني ..
عَبَّاسُ فَقدَكَ لا يُطاقُ وَيُحتَمَل
هَل تَستَطِيعُ أن تَعِيشَ بِدُوُني ...
==================
(نعي)
كلكم شو مشيتوا يا ميامين
اظل الوَحّدي چا ليش يحسين
خالي البيت منكم ياضوة العين
شالوا كل هلي وبعيد ماشين
__
افگد من وانوحن كلهم احنان
كلها اعزاز روحي والدهر خان
خذتهم يادهر ماظلي وليان
اعيش شلون رايح اغلى انسان
=====================
الچانت وياك يا محلى الليالي الچانت وياك
روحي فرگاك يلب حشاي تمرد روحي فرگاك
يا يمة وياك اخذني بالسفر يا يمة وياك
بدمعي انعاك طول ايام عمري بدمعي انعاك
=====================
(ابو ذية)
الدمع بفراگكم يسچب ويهلاي
وعليكم باللطم ماضل ويهلاي
تمنيت بضغن واحد ويهلاي
وما اضل وحدي وعيني جرية
===================
اسالكم الدعاء رائد الاسدي
نعي في هدم قبور أئمة البقيع
تهدمت يا حيف روضات الجنان
وموحش علينا صبح ذاك المكان
گبور اهل بيت الرسالة ابلا امان
وية وجه الگاع اهي مسوينها
=====================
بسور حاطوهم يخافون الگبر
ومنعوا الاحباب بيهم ما تمر
وصدروا فتوة بزيارتهم كفر
وحرس يمنع من يجي مخلينها
======================
البقيع وكل گبر بيها انهدم
بس حجر وتراب بالگاع انرسم
بگلب ابو صالح مضى حيل السهم
وبالمصاب الشيعة الله يعينها
===================
أسالكم الدعاء رائد الاسدي
ابيات ابوذية بحق الامام الكاظم عليه السلام
سنين هواي شخصك ماشفينه
يــــــفي الـچان الــــنه ماشفينه
تدي اجـروح هـــجرك ماشفينه
لهسه ابكل سنه تنعاد هية
____
بسجن طامورة من ذبه وخلاه
ما تعرف هلة وناسه وخلاه
لا حاظر ولد نعــشه وخلاه
يچلب بالنعش ويون لخية
أسالكم الدعاء رائد الاسدي
نعي عن الإمام الرضا بحق والده الكاظم عليهما السلام
===================
اجيتك مسرع وما اشوف دربي
من شفتك يبوية انصاب گلبي
بس عظم وجلد ممدود گربي
على الغالي يعيني دموم صبي
====================
ابن ادم لو منيتة تصير علة
يلتمون گبل الموت اهلة
ينوحون وعليه الصوت يعلة
لنوح عليك ليل انهار كلة
==================
من بعيد اجيتك واعتنيتك
غسلتك يبوية وچفنيتك
وشيعتك يغالي او ودعيتك
وبگبرك بدية نزليتك
==================
ملتمة عليك الوادم اتنوح
تذكرت الغريب المات مذبوح
لا تغسيل لاتچفين مطروح
وزينب عالهزيلة اتودعة وتروح
===================
تودع حسين تتمنى وتشمة
اعله حر الگاع نام ايسيل دمة
مطشرتة الخيول ومن يلمة
تعاي وظلي يم ابنچ ييمة
==================
سوي فياي يمة حسين عطشان
گلبة من نزيف السهم خلصان
وابحر الشمس مطروح عريان
وانة بدرب السبي وبغير وليان
====================
أسألكم الدعاء رائد الاسدي
ابيات نعي بحق ام البنين واسالك الدعاء..
ياهو مثلچ... اطيتي لجل حسين ولدچ
ياهو مثلج... يالوفيتي وياه عهدچ
ياهو مثلج... هوة چم حسين عدچ
ياهو مثلج…سكتاچ اتراب لحدچ##
ياحنينة…يم كلب ينكط محنة..
ياحنينة… ونتة اعلى حسين ونة..
ياحنينة…ما شبعتي وداع منة..
ياحنينة… ايموت يالماشين عنة##
(عن ام البنين)
كل حياتي…اخذوها بس ردوه الية..
كل حياتي…فدوة الك يبن الزجية..
كل حياتي…اتهون لو مريت بية..
كل حياتي…هاك اخذها ورد علية..
كون ادري الزمن وياك غدار..
چا يحسين ماظليت بالدار..
لرافكم ييمة الليل ونهار..
واموت اوياك بارض الغاضرية##
انة الونيتلك يحسين ونات..
ينساك الكلب يايمة هيهات..
اطب للبيت اكولن عدل مامات..
على غفلة ويطب سالم علية##
أسالكم الدعاء رائد الاسدي
نعي بحق ام البنين عليها السلام
گلبي اعله الولد نيران يسعر
اجاني الموت ريت حسين يحظر
تعال وشوفني بلياك مگدر
على فراش المنية اوجهي اصفر
====================
عد راسي يريت حسين يگعد
ينگط الماي بيدة وروحي ترد
يگلي شيوجعچ يا يمة ينشد
ويضل وياي كون وموش يبعد
====================
وكأنها ترى الامام الحسين عليه السلام يدخل عليها البيت
============
الوجن بالمنية عليك ظليت
والنسوان تبچي وتارسة البيت
اشوفنك ييمة اعلية طبيت
من شفتك اجيت دموع هليت
=====================
وكأني بالامام الحسين عليه السلام يجاوبها
===================
انعم الله عليچ يم روح الحنينة
نجازيچ اعله تعبچ يمة اجينة
جدي او والدي وامي اعتنينة
الحسن يمچ ييمة تهل عينة
===================
أسالكم الدعاء رائد الاسدي