14478
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Урад Вэнэсуэлы пачаў рэпрэсіі за падтрымку апэрацыі ЗША — Financial Times
https://smarturl.click/DYB40
Указ аб абвяшчэньні надзвычайнага становішча загадвае «неадкладна правесьці пошук і арышт… любой асобы, якая ўдзельнічае ў спрыяньні або падтрымцы ўзброенага нападу ЗША на тэрыторыю рэспублікі».
У людзей правяраюць тэлефоны, журналістаў затрымліваюць, на вуліцах ставяць кантрольна-прапускныя пункты.
Што было б, калі вэнэсуэльская гісторыя здарылася б з Лукашэнкам?
https://smarturl.click/aRAzq
Гісторык Яўген Красулін: «Амэрыканцы ўзмацнілі рэжым чавістаў дэ-факта. Рэжым чавістаў там ледзь трымаўся. Цяпер яны яго ўзмацнілі — і такім чынам адсунулі дэмакратызацыю Вэнэсуэлы і прыход апазыцыі да ўлады на невядомы тэрмін. Тое ж самае будзе ў Беларусі: калі хтосьці вайсковай сілай надумае зьмяніць рэжым».
Суды Ленінскіх раёнаў трох абласных цэнтраў унесьлі найбольшую колькасьць матэрыялаў у «экстрэмісцкі сьпіс»
https://smarturl.click/xV3dM
І першы ў тройцы — Магілёў, як вынікае з падлікаў «Вясны».
Беларусь стала галоўнай пакупніцай расейскіх чыпсаў
https://smarturl.click/qBmbw
За 10 месяцаў 2025 году Беларусь купіла ў Расеі чыпсаў на больш як $86 млн. Гэта прыпадае 43% ад усяго расейскага экспарту.
«Новы ўрад можа выставіць рахунак за нафту». Што засталося ад сяброўства Лукашэнкі з уладамі Вэнэсуэлы
https://smarturl.click/GgBGZ
15 гадоў таму Лукашэнка меў купу сумесных праектаў з тагачасным кіраўніком Вэнэсуэлы Уга Чавэсам.
Глядзім, якія беларускія праекты засталіся ў гэтай краіне і што будзе зь імі пасьля арышту Нікаляса Мадура.
«Я мог быць на месцы Алеся Пушкіна». Вялікая размова з Паўлам Севярынцам. ВІДЭА:
https://smarturl.click/xV3YM
«Мы вельмі перажывалі, як Волечка з Францішкам змогуць пераехаць мяжу. Але на мяжы не было ніякіх праблемаў. Аўтобус прыйшоў на дзьве гадзіны раней за расклад. Стэлефаноўваемся, я бягу на вакзал, купляю кветкі. Дзе? Сябры мне кажуць — глядзі, вунь там.Читать полностью…
І ўжо мне напярэймы бяжыць Францішак. Я яго абдымаю, Волечка падыходзіць. Я гэтага ўсё жыцьцё, мабыць, не забуду»
Вялікае інтэрвію Паўла Севярынца!
Павал Севярынец выйшаў на волю пасьля пяці гадоў за кратамі – і ўжо ў Вільні абняў сына, якога бачыў толькі ў лістах на фатаздымках. У вялікім інтэрвію Павал расказвае пра жыцьцё пасля вызваленьня, прэзыдэнцкія амбіцыі і гвалт 2020-га, ролю Пазьняка і Ціханоўскай і пра тое, што дапамагае трымацца: вера, мова і салідарнасьць.
https://www.youtube.com/watch?v=Sa_Yri0ATo0
У зборнай Беларусі па футболе новы галоўны трэнер. Гэта Віктар Ганчарэнка: https://smarturl.click/b50B1
Віктар Ганчарэнка родам з Хойнікаў, гуляў найбольш у складзе барысаўскага БАТЭ (1998–2002).
Ён трэнаваў таксама расейскія клюбы «Кубань», «Урал», «Уфа», ЦСКА, «Краснадар» і «Пары НН». За гады трэнэрства Віктар Ганчарэнка разам з БАТЭ шэсьць разоў станавіўся чэмпіёнам Беларусі (2008-2013). У 2008 годзе ўпершыню ў гісторыі беларускага футболу ён вывеў беларускі клюб у групавы этап Лігі чэмпіёнаў УЭФА, стаўшы самым маладым галоўным трэнэрам у гісторыі турніру (у 31 год).
У якасьці галоўнага трэнера маскоўскага ЦСКА ён станавіўся ўладальнікам Супэркубка Расеі (2018), двойчы — срэбным прызёрам чэмпіянату Расеі. Адзінаццаціразовы ўладальнік узнагароды найлепшага трэнэра Рэспублікі Беларусь (2008-2010, 2012, 2014, 2016-2020, 2022)
Севярынец: «Аўтуховіч у гарадзенскай турме стаў легендай»
Былы палітзьняволены Павал Севярынец распавёў, што ён ведае пра стан Мікалая Аўтуховіча за кратамі ў Горадні.
https://smarturl.click/ReQeb
Для Аўтуховіча ў турме спэцыяльныя ўмовы, ён у асобнай камэры ў адзіночцы.
У Дніпры ад расейскіх абстрэлаў пацярпела амэрыканская кампанія, больш за 300 тон алею вылілася на дарогу: https://smarturl.click/VR3R4
Паводле мэра, расейскія войскі атакавалі завод «Олейна» з амэрыканскімі інвэстыцыямі.
Міністар замежных спраў Ўкраіны заявіў, што расейскія войскі мэтанакіравана атакуюць амэрыканскі бізнэс ва Ўкраіне.
«Летась расейскія ўдары пашкодзілі офісы Boeing у Кіеве, вялікага амэрыканскага вытворцы электронікі на Закарпацьці і іншыя аб’екты»Читать полностью…
Віцэ-прэзыдэнтка Вэнэсуэлы Дэльсі Радрыгес пераняла паўнамоцтвы Нікаляса Мадура
https://smarturl.click/dwVwz
«Я прыходжу з болем у сэрцы з нагоды выкраданьня двух герояў, якія знаходзяцца ў закладніках: прэзыдэнта Нікаляса Мадура і першай лэдзі Сіліі Флёрэс», — заявіла Радрыгес падчас цырымоніі прысягі ў парлямэнце, перадае Reuters.
Мадура і ягоная жонка не прызналі сябе вінаватымі ў амэрыканскім судзе
https://smarturl.click/5Z2Z3
«Я ўсё яшчэ прэзыдэнт сваёй краіны», — сказаў у судзе Мадура, перадае The New York Times.
Ці паўторыць Лукашэнка лёс Мадура? Экспэрты — пра беларуска-вэнэсуэльскія паралелі.
https://smarturl.click/nVxyO
Роза Турарбекава: «Пуцін і Лукашэнка перш за ўсё павінны зрабіць для сябе адну выснову: тое, што кажа Трамп, — гэта не пустыя словы. За словам ідзе справа, і справа вельмі сур’ёзная».
Кацярына Дзяйкала: «Ня дай Бог, каб такое адбылося ў Беларусі».
Антон Пянькоўскі: «Мне вельмі складана зразумець людзей, якія зараз посьцяць малюначкі з Лукашэнкам на месцы Мадура».
Яўген Красулін: «Пакуль што ніхто, у тым ліку і Трамп, не разумее, што такое кантроль Амэрыкі над Вэнэсуэлай».
Кацярына Базанава: «Людзі, як толькі адышлі ад выбухаў, тут жа сталі ў чэргі ў супэрмаркеты».
→ Цалкам «Пік Свабоды» глядзіце на YouTube.
Літоўскія перавозьнікі рыхтуюць калектыўны пазоў супраць ураду за фуры, затрыманыя ў Беларусі
https://smarturl.click/XDXyM
Сытуацыя зь літоўскімі фурамі, якія захрасьлі ў Беларусі, не зьмянілася. А асацыяцыя перавозьнікаў Linava сабрала больш за 100 транспартных кампаній, каб падаць калектыўны пазоў супраць ураду Літвы, заявіў прэзыдэнт асацыяцыі Эрландас Мікенас, якога цытуе Delfi.
🇹🇲 У Туркмэністане журналісты Радыё Свабода знайшлі магілу зьніклага блогера, які крытыкаваў улады
https://smarturl.click/qBmlp
34-гадовы Дзідар Амансахатаў публікаваў матэрыялы ў сацыяльных сетках пад псэўданімам Хітроўскі. Ён зьнік у лістападзе 2025 году.
18 сьнежня журналісты туркмэнскай службы Радыё Свабода са сваіх крыніц даведаліся пра затрыманьне Амансахатава супрацоўнікамі сілавых структур Туркмэністану і пра яго верагодную сьмерць у выніку катаваньняў сілавікамі. Цяпер знайшлі і ягоную магілу.
The Economist: ЗША хочуць прапанаваць Грэнляндыі вялікую ўгоду
https://smarturl.click/ReQRv
Гаворка пра магчымую Дамову аб свабоднай асацыяцыі. Падобныя дамовы Штаты маюць з шэрагам невялікіх дзяржаў у Ціхім акіяне.
Лідэры эўрапейскіх дзяржаў выступілі з сумеснай заявай у падтрымку Даніі, якой належыць Грэнляндыя.
Прэмʼер-міністарка Даніі заявіла, што напад ЗША на тэрыторыю краіны NATO стаў бы канцом NATO і ўсёй архітэктуры бясьпекі ў сьвеце.
У Менску пачаўся знос часткі будынкаў былой турмы «Валадаркі»
https://smarturl.click/ReQYb
Зносяць двухпавярховы корпус з боку «фабрыкі-кухні», да якога прымыкае былы будынак СІЗА пад умоўнай назвай «Шанхай», піша Blizko.by.
Вось што расказваў у лісьце на Свабоду ў 2013 годзе чалавек, які там быў:
«„Шанхаем“ камэры празваныя за вялікую колькасьць людзей на квадратны мэтар, дрэнную вэнтыляцыю, вільгаць і г.д. Сапраўдны кітайскі квартал». «Асабістая прастора чалавека — ложак. Рухацца няма дзе».
«У камэры 24 чалавекі, вокнаў не было, я год ня бачыў сонца. Толькі на прагулках. Мы жылі як у цяплушках. Прусакі, мышы былі паўсюль», — апавядаў пра «Шанхай» у 2018-м Алег Краўчанка.Читать полностью…
Севярынец: «Наўрад ці ў некага з нас атрымалася б зрабіць тое самае, што зрабіў Статкевіч»
https://smarturl.click/xV3YM
«Яны зрабілі высновы, быў вельмі жорсткі кантроль. Рукі ў кайданках, мяшок на галаве. Ня есьці, ня піць, толькі вязуць. Пасьля замест кайданкоў рукі пераматалі скотчам. Немагчыма было паварушыцца. Рэжым паклапаціўся, каб мы ня мелі магчымасьці паўтарыць учынак Міколы».
У Літве перахапілі першы ў 2026 годзе метэазонд з цыгарэтамі зь Беларусі
https://smarturl.click/b50o1
Прылётаў кантрабандных шароў зь Беларусі ў Літву не было 17 дзён. Усяго ж летась перахапілі 635 такіх грузаў з цыгарэтамі зь Беларусі ды затрымалі 122 чалавек.
Фота — Літоўская памежная служба
У Менску застаецца каля 900 панэльных «хрушчовак», тэрмін эксплюатацыі якіх даўно скончыўся
https://www.svaboda.org/a/33641284.html
Міністар архітэктуры і будаўніцтва расказаў, што будзе з шматпавярховымі дамамі тыпавых сэрый 1955–1975 гадоў.
Лідэрка апазыцыі Вэнэсуэлы Мачада сказала, што гатовая падзяліцца з Трампам Нобэлеўскай прэміяй міру:
https://smarturl.click/zdXlo
«Гэтага яшчэ не адбылося, але я б з радасьцю асабіста сказала яму, што вэнэсуэльскі народ хоча аддаць яму і падзяліць з Трампам гэтую прэмію»
Праваабаронцы Наста Лойка і Марфа Рабкова ў няволі сустрэлі свае дні народзінаў: https://smarturl.click/qBmjw
Валянтэрцы «Вясны», палітзьняволенай Марфе Рабковай 6 студзеня споўніўся 31 год, яна ўжо шосты раз адзначае дзень нараджэньня ў няволі.
На 6 гадоў старэйшая за Марфу яе калега Наста Лойка. Сёньня Наста Лойка таксама адзначае дзень народзінаў, ёй споўнілася 37 гадоў.
Марфа Рабкова асуджаная на 14 гадоў і 9 месяцаў зьняволеньня. Наста Лойка асуджаная на 7 гадоў зьняволеньня.
У Іране дзясяткі загінулых, больш за 1200 арыштаваныя. Сілавікі штурмавалі лякарню з параненымі пратэстоўцамі:
https://smarturl.click/XDXLL
- за апошнія дні акцыі пратэсту адбыліся сама меней 88 гарадах краіны ў 27 з 31 правінцый
- за дзевяць дзён вулічных пратэстаў загінулі сама меней 29 чалавек
- сярод загінулых ёсьць два супрацоўнікі сілавых структур
- да пратэстаў ужо далучыліся студэнты сама меней 17 унівэрсытэтаў
Зноў вырасьлі чэргі на выезд зь Беларусі ў Польшчу: 850 легкавых аўтамабіляў і каля 100 аўтобусаў знаходзіцца з беларускага боку на памежным пераходзе Берасьце — Тарэспаль.
https://smarturl.click/mBEBm
У чаце пасажыраў паведамляюць, што людзі за 50 эўра перасажваюцца ў аўтобусы, якія стаяць бліжэй да мяжы. Пад’ехаць у пачатак чаргі на таксі каштуе 10 эўра. Бывае, вадзіцелі дазваляюць людзям перасесьці на аўтобус той жа самай кампаніі бясплатна. З падсадкай на бліжэйшы ў чарзе аўтобус пераход мяжы займае каля 9 гадзінаў.
Ужо сёньня. 76 гадоў таму Ватыканскае радыё пачало перадачы па-беларуску
https://smarturl.click/13qdW
🗓 6 студзеня
1912 — Нью-Мэксыка стаў 47-м штатам ЗША.
1928 — у Вільні выйшаў першы нумар часопіса «Chryścijanskaja Dumka».
1950 — пачалася рэгулярная трансьляцыя праграмаў Беларускай рэдакцыі Ватыканскага радыё.
2019 — Праваслаўная царква Ўкраіны атрымала аўтакефалію.
🌱 Нарадзіліся: Жанна д’Арк, Багдан Хмяльніцкі, Генрых Шліман, Адам Станкевіч, Аляксандар Адамовіч, Тодар Лебяда, Аўгіньня Каранеўская.
🕯 У памяці: Андрэй Волян, Тэадор Рузвэльт, Антон Неманцэвіч, Марыя Магдалена Радзівіл, Юрка Віцьбіч, Рудольф Нурыеў, Янка Юхнавец.
Асноўнае за 5 студзеня
• «Чалавек — студня і капальня, радасьці знойдзе ва ўсім». Сьвятлана Курс пра рак, Калядны цуд і расейскую культуру як «маргарын з нафты»
• «ПіК Свабоды» . Мадура ў турме ЗША. Лукашэнка — на чарзе?
• Мадура і ягоная жонка не прызналі сябе вінаватымі ў амэрыканскім судзе
• «Апэрацыя ЗША ў Вэнэсуэле ня ёсьць дазволам усім астатнім на ўсё», — гісторык Яраслаў Шымаў
• Папаўненьні году ў сьпісе «экстрэмісцкіх матэрыялаў»: Facebook музыкаў, фільм пра сталінскія рэпрэсіі, кніга пра Радыё Свабода
• Беларусь да канца 2027 году падоўжыла забарону на ўвоз тавараў зь «недружалюбных краін». Цяпер з выняткамі
• Чарга легкавікоў на выезд зь Беларусі ў Польшчу за выходныя дні вырасла ў шэсьць з паловай разоў
• Літоўскія перавозьнікі рыхтуюць калектыўны пазоў супраць ураду за фуры, затрыманыя ў Беларусі
• У Польшчы прапанавалі вярнуць абмежаваны тэрмін разгляду заяваў на міжнародную абарону
• Урад Каба-Вэрдэ ўвёў візы для грамадзян Беларусі. Атрымаць іх будзе складана
• Расейская атака на Кіеўшчыну забрала жыцьці двух чалавек. Адзін з дронаў пацэліў у кіеўскую лякарню
• Усё больш ахвяраў на пратэстах у Іране. ФОТА, ВІДЭА
Што захоп і вываз Мадура ў ЗША можа значыць для Расеі
https://smarturl.click/B4G6x
Хоць страта саюзьніка ў Лацінскай Амэрыцы можа лічыцца ўдарам для Расеі, яна можа спадзявацца, што амэрыканскае ўмяшаньне ў Вэнэсуэле дазволіць Маскве рабіць тое, чаго яна хоча, у сваёй «сфэры ўплыву», асабліва ва Ўкраіне.
#rfe_rl
«Апэрацыя ЗША ў Вэнэсуэле — не карт-блянш Расеі ў дачыненьні да Украіны і Кітаю — у дачыненьні да Тайваня» — гісторык Яраслаў Шымаў
https://smarturl.click/y6nqp
Гэта ясная кропка ў працэсе чарговага гістарычнага цыклю пераходу ад эпохі сілы права да эпохі права сілы — лічыць палітычны аглядальнік рускай службы Радыё Свабода, гісторык Яраслаў Шымаў.
У Францыі дзесяць чалавек прызнаны вінаватымі ў цкаваньні першай лэдзі Брыжыт Макрон
https://smarturl.click/zdX2J
Яны распаўсюджвалі фэйк, што тая нарадзілася мужчынам.
🇨🇭 Швайцарыя замарозіла на тэрыторыі краіны ўсе актывы Нікаляса Мадура і зьвязаных зь ім асоб
https://smarturl.click/B4Gzx
«Калі падчас будучых судовых разбораў будзе ўстаноўлена, што сродкі былі набыты незаконным шляхам, Швайцарыя прыкладзе ўсе намаганьні, каб яны пайшлі на карысьць вэнэсуэльскаму народу», — гаворыцца ў прэс-рэлізе Фэдэральнай рады Швайцарыі.Читать полностью…