921
قصائد حسينيه مكتوبه
الليلة الأولى
#محرم١٤٤٨هـ
المايبچي الك محد يعذرة
مو 10 گلبي وياك عشرة
جريت أذن گلبي البواچيك
وان شاء الله تضل عيني خضرة
أنعم الله عليك عايفيني الهذا محرمك عايش
ونعه نحرك المذبوح وعطش گلبي الك غابش
المثلي شيسوه وتريده وتوديله الدمع طارش
وعدي الك ثابت مساره
ماعاشر الماألهه چاره
والخاطر أخيام العقيله
گلبي يضل ماتطفي ناره
••••••••••••••••••••••••••••••••••••••••••
شيسوه العمر لو ما يفض بيك
بكل ساعه نگعد بيهه نبچيك
ماريد راحه وكلشي ماريد
ونته الحوافر صاعده عليك
أمنيتي بعاشرك هلبت أموت وتخلص أيامي
خاطر أنحسب وياك وكسر صحوت أوهامي
خاطر أسمع النعاي يگلهم مات عالضامي
ياريت موتي يصير مولاي
بالعاشر وماشارب الماي
يافشله ميت وحنه عدلين
وزينب ولوهه وماكو حچاي
••••••••••••••••••••••••••••••••••••••••••
أخيامك ولوهه بنار وحجار
وبصحرت الهم رگضت أزغار
حفاي ترگض ونته مذبوح
ورگضت رقية وطبت ابنار
هذن نحچيهن حچايه حچايه وكلشي ماشفنه
ماشفناك فوگك خيل لاحر وعطش عشنه
وزينب يمك العاشر نصبت كل مأتمنه
تتنخه زينب رايده أخوان
وياهه رادت بلكي عوان
لفي الخيم رادت تشيلك
وتلافتت لن ماكو صيوان
••••••••••••••••••••••••••••••••••••••••••
ضاعن بناتك وحده وحده
وزينب چبيره وهاي شده
مابيهه ترگض تتدري بالصار
بچفهه الحبل معگود عگده
العذب مامرهم أخلافك ولابرد گلب فاگد
والله يساعدج يم عون مامر بالچذب واحد
ضعن حر الشمس ياذيه حافي وفي أبو رايد
الموت حل بذيج الضعون
ومن گد رگضهن طاحت أمتون
لاعم يحامي ولا أبو أفياي
بس غربه وبزينب يعيلون
رسول رياض
#محرم_١٤٤٨_هــ
مولاتي الزهراء عليها السلام
يا كربله
طفج سبب نحيبي
ضل بشمس حبيبي
اني امه اجيت أعاتب
بس الدمع نصيبي
يا كربله
بيج انفطر دليلي
وبيج نسبه عليلي
يا كربله المصايب
بيوم الوگع كفيلي
ليش ابني ضل محد فزعله وشاله
يل ما رعيتي ابني وسبيتي عياله
ضامي يموت من العطش خليتيه
وثوبه انسلب من رگضت الخياله
بحر الشموس وثوبه ماهوه
حسين نايم هيج مو حلوه
ياوسفه صاير ع الترب خده
مسطور خدي فوگه لاطمته
ومتوسد التربان من شفته
بصياره باسه بل نحر جده
::::::::::::::::::::::::::
يا كربله
مارد عليه صحته
بسهامه غافي شفته
شكد حاولت اشبگه
ولالچمه ماشبگته
يا كربله
مو للذبح دلالي
شمسويه بلغوالي
روحي علبزري راحت
ام ويبچي حالي
من عاينت لبني صرت مهضومه
فوگه الحجر تل ذبلاهه رسومه
يرباي يحسين وعزيز عيوني
بس مره يمه احچيهه أنه ملچومه
جيت ولكيت ابني بله عمامه
ماينشبگ من كثرت سهامه
يوجعني ضلعي وفوكه دكيته
فجعوك بيه بكسرت ضلوعي
فجعوني بيك ونزلت دموعي
بلا فاتحه ابني وامه ناعيته
::::::::::::::::::::::::::
يا كربله
جابوهه يم اخوهه
يم راسه شتموهه
گالوله هاي اختكم
من الخيمه طلعوهه
يا كربله
زينب عله امهه هامت
لحگيلي يمه صاحت
الجانت عزيزه هسه
بوحشت خرابه باتت
من شافت ابن امهه ويدور ناصر
شبعت بچي وشبعت قهر بلعاشر
بين الزلم ترگض مره ومحروگه
العدوان علخيمه بشرار اتشامر
زادت عليه ضيم وقهر زادت
جم موته زينب باليسر ماتت
شافت اخوهه من بقه ينازع
من يمه عبرت تبجي علناگه
ماوگفت الهه وحيل مشتاگه
كل ساع طول ام الخدر واكع
::::::::::::::::::::::::::
يا كربله
ماتو هلي ضمايه
وضعن الستر سبايه
ضيعتي حامي ضعني
وشفت الجثث دمايه
يا كربله
خيل العدو رووهه
وطفالي عطشوهه
طفج اشد مصيبه
كل الحرم ولوهه
وذاك العطش فطر چبد ليتامي
وصيت النهر سواه كفيل اخيامي
كون الله لا ينطي الذبحكم يمه
بلموته يمه ضامي شابگ ضامي
الشوج يروه وتعطش الورده
وذباحهم ماي شكثر عنده
وكدام زينب بلسكه يكاطف
بشمس الضهاري اطفالي فحطانه
وعطشانه ركضت وره عطشانه
ويركض وراهم سوطه ماواكف
صــباح جــهاد العارضي
شهر محرم الحرام 1448هــ
الليلة الأولى
استعد يا گلبي ذني أيام عاشور
اهل البيت تنطي بكربله أنحور
الحزن مايگضي أريده بكل الأيام
عشرة ويلبچي كل ما سنة أدور
مولاي ـــ عشرة احنه وي الطم
وكل لحضه الك ننهظم ـــ اعظم مصيبه الخيم
مولاي ـــ حزنك علينه دهر
الماينعه نحرك خسر ـ وحمل الثكاله أنهدم
بلغني شهرك شهر المصاب
وطولك يجوي حر التراب
أرزقني دمعه الحزن الرباب ـــ حسين
يوگعك رمح من لختك تكوم
وتالي غفيت بحر السموم
مايگضي نوحي وحزاني دوم ـــ حسين
:::::::::::::::::::::::::::::::
هل شهر البچي والأه والنوح
القبل نحره جده يموت مذبوح
أصعب شي يضل بلحومه عريان
يضل أبلا دفن چم يوم مطروح
جاي ـــ وازغر طفل بي اجه
وهنياله كلمن بچه ـــ ولا تبخل بدمعتك
حيل ـــ دگ صدرك وخلي اثر
وخد الزغيره انسطر ـــ دگ صدرك بلطمتك
ماحاجه حشم أبهل عزاء
خلصو عمركم نوح وبكاء
رسمو بجفنكم طف كربلاء ـــ حسين
شدو الحزم علبلحومه مات
علمحني ضهره يم الفرات
وعلرمحه شالع گلب البنات ـــ حسين
:::::::::::::::::::::::::::::::
أچوي گلبك وحس چوي الجدام
وصفن ويه روحك ونعه الخيام
ذكرو لو ضميتو حسين عطشان
وبجو علل فوطم طبن الشام
صيح ـــ وبحرگه دگ علعين
وعميهه لجل حسين ـــ الضحه بزغر طفل
كون ـــ نقدر جروح الجسد
ويمه نذبح جم والد ـــ وفكد الولد مو سهل
ماجازي گلبه وسحگ الخيول
بشمس الصحاري ابن البتول
ضحه بعياله آل الرسول ـــ حسين
كون علحزنك ابقه بضماي
ومو قاري كون يبجيني ماي
ساترني وانته بلايه فياي ـــ حسين
:::::::::::::::::::::::::::::::
رخص دمعك وخل دمعك يطيح
وكون يهضمك الناعي اذه يصيح
نسوان الهواشم بل فله تهيم
وهجيره اجساد شيمتهن مذابيح
هواي ـــ الماتبچي لجل الخيم
الجابت عمرهه ابوهم ـــ المامحترگ علخدر
ريت ـــ حزني علزينب دهر
الشبعت بواجي وقهر ـــ من چف اخو للشمر
نبجي علزينب بجيي الثكال
نبچي علخوهه الضل برمال
وطبت قصر وبجفهه حبال ـــ حسين
خل يطمئن مايلكه الضياع
الحزنه علزينب يترسله گاع
زينب غريبة ابوكت الوداع ـــ حسين
صـــباح جـــهاد
مــن عـالم اجـروحـي اجـيـت
لـجـرحـك يـمـولاي اعـتنـيـت
شـفـتـك وحـيــد ومـنـكـسـر
ومـن شـفتـك بحالك بـچـيـت
بـذاك الـضـهـر بـاقـي وحـيـد
ومـحـد اجـه ومــدالــك ايــد
يـا كـسـرتــك بــيــن الــغـرب
مـاكـو اعـله ضهـرك كل عضيـد
ماكوو ابمكفاك == اخــوو وتـسـنــد حـالـك
وصلت هالبـيك == تتــچـه اعـلـه اخـيـالـك
محـني وكـسرك == صــار كــلــه اكــبــالـك
يا كسـرت غـريب الـما عـنده اخـوان
ويا غربة ضيـاعـك بالـطف يـعطشان
كتـلك حـبيـبي اعلـيك خـافن تطـيح
وعنـدك بنـات ابـلا حـامـي صـيـوان
============================
ضـامـي وطـحـت كـلـك جـراح
وياحيـلـك اعـلـه الـرمـله طـاح
اعـله السـيف شـفـتـك تنـتچـي
وابـ گـلبي شـب نــار الــصــياح
ادنــيــت الــك بيــن الـخـيـول
اخ الـعــطـش اســمـع تــكـول
يهل الله ضـامـي اشـكـد صحت
ومـحد سمـعـني امـن الـيجـول
كتـلـك مــولاي == الخـيل اجـت تركـضـلـك
خـلـيـني اويـاك == عنـهن وكـلـبي ايـحـملك
وانـتـه عـيـونك == اعـله الـتل تبـاوع قتلك
ما همك خـيول الـ عشره الاجت هاي
بـس صـعبه اعله اختك ضلت بلا راي
بحـيـرت عـذابـك واتــحـاول اتـگـوم
واشيـگـومه حـيلك واسـهامـك هواي
============================
اصــعـب جـرح عــنـدي حـرام
مـــهــرك رجــــع وابــلا امــام
طـلـعـت الــه زيــنــب ركــض
وطـلعـن بـنـاتــك مـن خــيـام
فـــوگ الـمـهـر يــبــجـن دلال
هـسـه بــقـن بــس للــحـبـال
ومـذبـوح انتـه امــن الـعطش
تتلــوه بــاقـي اعـله الــرمــال
الخيمه احتركت == وطـلعـن بنـاتـك كلـهـن
امگـابل بالـعين == ذبـــاحــك وگــابـلـهــن
ويـن ويـــرحـن == نـار وخــيول اتـصـدهـن
يا حيرت بناتك من طلـعن اجـروح
والخـيـاله تـلحـگ بـيـهن بلا روح
صاحنلك الحك وانته اعله الارمال
تتـلوه شـفتك بالـحـومه مذبـوح
============================
ابـ غربه وعطـش طلـعت علـيك
ادورك اخــت وشـتـلـگـه بـيـك
مــا ضــل الــك بــس الــنــحر
وشـويــه ذبــاحــك يــجــيــك
شـويه وعـليك اخـتـك تـصـيح
ســيــد بـنـي اخـيامي جــريـح
مــن تــوگـف ابجـسـمك اخت
ايـشـيـبهه نـحـرك يــا ذبــيـح
تـكـعد تـمـسح == شـيبـاتـك امــن الـرمـله
مـثلـك وامـنين == اخـوو هـسـه اتـحـصـله
والطف متروس == غــربــه يــبـوو عـبـدالله
يا مـولاي هـضـيـمه اخـتـك غـريـبه
وانته اعله رمله طـايح روحـك سليبه
ماعـدهه اخـوه واتــحــامـي زيــنب
بـس انـت وانـتَ ابمـحـنه ومـصـيبه
============================
كلـشـي انـتهـى بـهـاي الـحـيـاة
لـمـن شــفــت عـنـدك بــنــات
راحــن عـلـى اضــهــور الــهـزل
ابـ حـبـل الـعـدوو مـتـجـتـفـات
مـرن عــلــيـك ابـ حــس ضـيـاع
مــو هيـجي مــحـسـوب الـوداع
مــن فــوگ هــزلـتــهــن جــرح
عـافـنك ابــدمــعـه اعـلـه كــاع
يبـجن عـالنـوك == عـافـنـك اعـله الــغـبـره
ابــلايه اثــيـاب == بـاقـي اعله رمـل الصحره
ومـحد يــدفـن == جـسـمك يــروح الـزهـره
فوگ الترب هظـيمه تبـقى يمولاي
محد يجي يدفنك ويغسلك ابـ ماي
جاا هـجي الامـام الــوادم تـعـوفه؟؟
ايام اعـله غـبره ويـوجـعـن اهـواي
============================
سجاد ابراهيم الكعبي
أستقبال محرم الحرام
ياگلبي نوح الكربله
وشدهن حيازيم الهظم
باچر حبيبك بالفله
عاري يضل أبلا هدم
باچر تضل العايله
وزينب تضل أبلا زلم
لمحرم حبيبك ولم جروحك
وترك كلشي يشغل ونعه مذبوحك
هل شهر المصيبه أستعد ونحب
لمحرم دمعنه أستثگل بنوحك
أنكسر .. ياگلبي هل حل شهر المصايب
أنكسر .. باچر أميره أتبات أبخرايب
أنكسر .. تمشي أسيره وي الأجانب
'''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
ياعيني أريدن دمعتچ
فوگ الوچن تچوي الچمر
وردنهه تفرق لوعتچ
عن ماعبر من العمر
ياعيني دمعچ سُمعتچ
نواسيهم ونكسب أجر
گرب شهر الحزن هل گربت أيامه
أنعم الله وهالسنه خلانه خدامه
جزيل الهالفضل نتوزر ونلطم
باچر بالفله يحترگن اخيامه
بالدمع .. بلكي نطفي منهن شراره
بالدمع .. يضلن بناته باچر حياره
بالدمع .. ماعنده زلمه يطفيله ناره
'''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
ترفع قميصه فاطمه
بدم وطعن سيف ورمح
وتبچي أملاك السمه
من تعلن أهلال الجرح
محنيه تنعه محزمه
الشاء الله ضامي ينذبح
أنواسيهه بكسرنه ودمعت العين
نحييها بثغيب وياهه وونين
باچر بالمجالس تحضر اتصيح
واويلاه ييمه يبني يحسين
كل عزه .. تحضر عزانه وتبچي علبنهه
كل عزه .. محنيه تتدخل مايل متنهه
كل عزه .. واجب نشگه الثوب الحزنهه
'''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
خل نستعد لمصيبته
ولمحرمه أنوفي الوعد
نحتار كون الحيرته
عبدالله ذبحوه بالمهد
باچر يوادم صرخته
من العطش گلبه نمرد
يرد وضهره محني للخيم عوده
وتنشده علبنهه أشذبل أخدوده
أجته وشالته وگامت تلوليله
وچبدته من السهم شافتهه ممروده
الهالحزن .. يثگل نحيبه اليتسمه خادم
الهالحزن .. باچر هجيره أجساد الهواشم
الهالحزن .. وبرض المدينه أطيح العمايم
رسول رياض
#اللهم_عجل_لوليك_الفرج
من تهل يا شهر ..تنگطع رگبة طفل
وما يظل واحد عدل… ببيت الاحسين
يالهلالك نحر .. وانگطع من الگمر
انت تدري اعله النهر .. تطفي يا عين؟؟
لا اله الا الله
ابو فاضل طاح الواه
——————-
انت ذباح بطلعتك ارجع ارجع لا تهل
تذبح انت وما تفرّق لا چبير ولا طفل
اشما اباوع بيك صورة زينب تهزها الهزل
لا تهل ظم روحك اهلالك مصيبة
بيك لازم نقرة زينب يا غريبة
بيك ما نحسب دقايق شيبة شيبة
يا اساس السبي .. ويا اساس التل هذاك
يالجبت موت بگفاك .. وتمطر جروح
يالبچالك نبي .. وام وابنها ينذبح
وراسه شابگ عالرمح .. ونحره بيه روح
انت موقف ما ننساه
ابو فاضل طاح الواه
————————
من اگلك ارجع ارجع مو اقلل قيمتك
يا عطر ذبحة ابنها الزهرة تكره شمّتك
وما تسميك المحرم يا ابو مذبح سمّتك
عدت يوم السطرة ذاك وكسرة الباب
وطلّعت روح ام الاحسين امن الاصواب
بيش نتلگاك وانت امكّطع ارگاب
يالطلعتك رمح .. توگف بعين اليشوف
هلّتك تگطع چفوف .. امن اخو زينب
ليلك ابلا صبح .. وريحتك توحي لحرگ
خيمة مبنية بعشگ .. ونار تلهب
وكلشي ميت واويلاه
ابو فاضل طاح الواه
——————-
مره جيب وياك ضحكة دوم جايب كربلة
انت سابي الـ(عمّه) زينب وانت راعي السنسلة
يالهلالك چنّه خنجر گطع راس البسملة
بنجمتك يهلال نحسب خمس اصابع
واصبع امن ايد الاحسين لهسه ضايع
إله اموت امن البچي بليلة السابع
يالذبحت الگمر .. وطشرت كل الخيم
وطيحت وي العلم .. عيون ومتون
انت اسمك خَطر .. من اباوعلك اموت
ونبلة بعيوني تفوت .. وصوت ميمون
بلا يساره ولا يمناه
ابو فاضل طاح الواه
—————————-
يا محرم دير وجهك زينب تشوفك حبل
الروس ماي اتطلبك انت وزينب تطلبك هزل
صيفك يجمّر محرم وبالشته تمطر نبل
ياهلال وسيف چنك گاطع الراس
محني چنك حنيّة احسين اعله عباس
بيك صورة خيمة تسوه وتحرگ الناس
شعندك ويه الخيم .. وليش تركض عالستر
وليش فرحّت الشمر .. وسكنه تبچي
ماكو واحد سلم .. يالگضيت العائلة
وركضِتهم كربلة .. وياك شحچي
راح اگلك بس احاه
ابو فاضل طاح الواه
——————
انت شايل روس تضوي وشبعت اتراب وحجر
مو نخل زينب ضعنها شلون بحجار نشمر
وراس عبد الله الزغير امن الرمح كلش كبر
شوفلك غيمة چبيرة وهِل خفّية
طلعتك تذبح محمد ع السبية
انت گطّاع التراچي المن رقية
انت صورة قصر .. وطفلة تشبگ عالطشت
وچم محمد عطشت .. وجم زچية
كلشي منك حذِر .. عالترابة شنومت ؟
بالخرابة شموتت .. هاشمية
تدري لونك لو شفناه
ابو فاضل طاح الواه
———————-
علي هادي الخزعلي
محـرم
( هـلالـيــه )
هـو شـضـال بـيــه .. وهـل شـهــرك عـلـيـه
نذبحو بيك الاخوان .. وصار اسمي السبيه
-----------------------------------
بعـاشـور الظهـر ياشهـر الاحـزان .. شفـت اني المصايب
اخـوتي وهـيبـتي وبـدور عـدنان .. نـومـه علـه الـتـريـب
حسين من الگفه ذبوحه عطشان .. وچبده الضامي ذايب
وبحـر الرمـل ضل جـسمه عريان .. يـا مُـــر الـنــوايــب
من اتـهل يعاشـور .. قميص المات منحور
مشگـگ كـلـه تربـان .. اتـنشـره الـزچـيـه.
-----------------------------------
هلـيـت وعذابي بجـيـتك انعاد .. ارحـمـنـي يعـاشــور
اليه اخوان بيك افگدت واولاد .. عليهم ظهري مكسور
بيك اخـيام اليـه صارت ارمـاد .. نذبحت بيك الي انحور
ولهسه كـربلـه ضل بيها الاوهاد .. دم بـركـان ويـفـــور
لسه كربله اتسيل دم من حافر الخيل
من حسين شريان .. لهسه عله الوطيه
-----------------------------------
بيك حسين شفته بسهم منصاب .. بصدره وينزف اهواي
يون ويلوج ضل يبحث عالتراب .. ضامـي لـشربــة المـاي
وانـي بحـالـته تـيـهـت الحـساب .. وفـكــر مـا ضلـي لاراي
وحشمت الشمه وحتى الهوه الهاب .. وماكـو اليفـزع وياي
لا بـيـــدي وداويـــه .. ولا اگـــدر اخـلـيه
واسمعه يصيح عطشان .. بس اني شبديه
-----------------------------------
شفت بيك الگمر عالشاطي مطروح .. على جرف الشريعه
بجـسـمـه هـواي ما تـنـعـد الجـروح .. يعـاشـور ووسـيعـه
سهـم بالعـين طـاح وراسـه مذبـوح .. والـجـثــه صـريـعـه
على الكافل اضل كل عمري بالنوح .. على جفوفه الگطيعه
لكفـيلي يبقه نوحي .. لحد متموت روحي
رافع راسي من چان .. اخو واحجاب اليـه
-----------------------------------
شفت بيك الطفل عبدالله من راح .. حسين يريد يرووه
ماي اسگـوه ابو اليمه اشكثر صاح .. تالي بنـبلـه ذبحـوه
وشفت جـسام ياعاشـور من طاح .. شباب بعمره غدروه
وعلي الاكـبر تطـعنه شفت الرماح .. العساكـر من تـولـوه
نذبحت بيك الانصار .. ودوت بخيامنه النار
وصفينه بلايه وليان .. وسبانه جـيش اميه
-----------------------------------
يعاشور الحزن بيك المصيبه .. شفـتها وعاشـرتـنـي
زينب بت علي صارت غريبه .. الـدواهـي دولـبـتنـي
لسه گـلـبـي ما بطـل نحـيـبه .. من اذكر سوط متني
بجال اخواني چانت ليه هيبه .. ومـن راحـو سبتنـي
وين الـدوني اصلـه .. يسبيني عله هـزلـه
واني الخدري عنوان .. واسمي الهاشمـيه
الشاعر عقيل الحسناوي..
#محرم١٤٤٧
الليلة الاولى
يبست لهاته من العطش
ومن السهم گلبي انخمش ضامي الولد ضامي
فوك الترب نايم ذبيح
وكلبي بونينه لك يصيح ضامي الولد ضامي
والله صعبه
ليش هيج حسين صاير
والله صعبه
تارسه بصـدره الحوافر
والله صعبه
الجيش كله عليه داير
شو زاد وني.. من شفت الولد.. شو زاد وني
ماجنه ابني... مغيرته الشمس... ماجنه ابني
ــــــــــــــــــــــــــــــــــــــــــــــــــــــــــــــــــــ
شح العذب يبني ومتت
وبين الخيول انت صرت ضامي الولد ضامي
كلها رحلت بس جثتك
كلها دمه وماكو اخوتك ضامي الولد ضامي
كلشي ماضل
لا عيال ولا خيم
كلشي ماضل
بصدرك مثلث سهم
كلشي ماضل
ومحبسك هم ماسلم
لا هاي كلفه.. يا اهل الشيم... لا هاي كلفه
محد يعرفه.. حسين من الذبح.. محد يعرفه
ـــــــــــــــــــــــــــــــــــــــــــــــــــــــــــــــــــــ
على الثرى وليدي سليب
وبلخيم اسمـع نحيـب ضامي الولد ضامي
ليش هيج خدر النبي
بلايه والي بدرب السبي ضامي الولد ضامي
اه يگلبي
كلها ملجومه الحرم
اه يگلبي
ولا واحد بيهن رحم
اه يگلبي
زينب اخذوها الزلم
سبيه خذوها.. زينب بت علي.. سبيه خذوها
والله اكتلوها.. ببراس الاخو... والله اكتلوها
مؤمل رضا العبودي
أستشهاد العباس قمر العشيرة عليه السلام
رجع مولاي الحسين إلى الخيام
يخاطب مولاتي العقيلة عليهم السلام
يا زينب كسر گلبي شفت عباس يتلوه
لزمته و كتله يا خويه انته موافي للخوه
نكسر گلبه و رفع عينه بس باوع الي گوه
گد ما مستحي العباس أصفر چنه مو هوه
شلت راسه يخويه بحضني گعدته
و گتله أكعد يذخري الموت مو وكته
ما رد ليه أخوچ و هيج جروحي
من أيدي وگع تدرين من شلته
ضليت أون يم راسه و أنحب
حد ما وگع رمشي يزينب
صار النعي يم راسه يكتل
و من النعي عباس شييب
===================
لتگولين هاذا الدم شنهو يا بعد بيتي
شلت من دم گلب عباس و الدم ترس خاجيتي
گتله وداعت الزهره خويه نگضت عافيتي
ساكت ما حچه چلمه و ضل ضاك الهوه بريتي
گمت كلما ألزمه دموم بس بيدي
الف مره گلتله أنهظ أعظيدي
ما ينهظ أخوي و يكسر الخاطر
الگاطع نحره والله گاطع أوريدي
گلب الأخو مديوس حافر
و شاجر صبح دلالي شاجر
عيني نعمت من شفته معمي
شفت السهم نص عينه صاير
=====================
أنهز مره يا زينب و حرك راسه لبحضني
من آنه جبت طرواچ بحلگه الكافل يكظني
ما عندة أخوي أچفوف أول مره يهظمني
من عينه عرفته شگال وصيته صعبه تلچمني
گال أعليك زينب باوع لزينب
الما باچي العمر ضل يثغب و ينحب
هاي مدللة حيدر علي الكرار
هيچ يكلي هوة بدمه لمخضب
رغم السهم بس طاح دمعه
و حچي الدمع أكثر يوجعه
ما يوجعنه بگدچ الخيل
من السحگ يم رجله ضلعه
====================
يزينب طوله ماهوة طوله ذاك المعتبر
گد ما منسحگ عباس واصل يم علي الأكبر
الچان يلمچ بگلبه يا خويه ترة مطشر
لو أگدر ألمنه بس والله ولا أكدر
أعذريني يزينب عفته متمدد
علغبره أخوي و بلگلب يمرد
من ذاك السهم ما يگدر يغمض
كون المات خويه بلدمع يگعد
لـبچي أله مربع و أونله
الفارگ أخو بالدنيا شله
والله وگع يم جسمه گلبي
من النهر للخيمه أصدله
===================
يزينب وحده هظمتني يتعذر و أهو بيا حال
من كتله اليتامه هناك دمع العين طاح و سال
يبچيكم و أهو بحاله ( من أجروحه ما ينشال )
گلي كلشي ما يكتل فراگك والله بس چتال
من عفته و أجيت دموعي ترستني
گد ما منسحگ ما يصعد لمتني
رديت و جرح يسحگ جرح بلروح
و من گد الدمع مشگوگ ضل ردني
راح الذي چان ألنه حارس
يم النهر مذبوح يابس
فوگ الترب علغبرة عاري
و مشگگه فوگه الملابس
علي حسين الخفاجي
#اللهم_عجل_لوليك_الفرج
﷽قصيده
نخوه للسیده زینب ع
اچیت انخاچ یالرحتی اسیره
علیله وعلتــي کلش چبــیره
علــیچ ارقیه ولراس
وچــف البطل عباس
مــریضه ونتخی اباب الامیره
᯽᯽᯽᯽᯽᯽᯽᯽
مـــواجع كلبــي بالدنيـــه ثگيــله
وجيت اشكي الج وانتـي العقيله
هـــم الكلب غــــيرج مـــن يـزيله
تجرد منــي لحساس
عليج ارقــية والراس
اجيت انخاج يالرحتي اسيره
᯽᯽᯽᯽᯽᯽᯽᯽
يازينب اخــبرج هظــم،كلبي
تعبني المرض ماشــوف دربي
وعيني لحضرتج هاللیله تربي
ضاكت بيــه النفـاس
عليــج ارقية ولراس
اجيت انخاج يالرحتي اسيره
᯽᯽᯽᯽᯽᯽᯽᯽
حسرات الکلب تخنک دلیلي
ناحل هالچسد واذاب حیـلي
اون مـــن الالم مانمت لیـلی
بچاة الصدره انــداس
علیچ ارقـــیة ولــراس
اجيت انخاج يالرحتي اسيره
᯽᯽᯽᯽᯽᯽᯽᯽
افر من المواچع وین ماوین
وچرح لبلکلب لاواحد ثنیـن
اتوسل الــچ براس الحسین
حزنی بالعـظم چاس
علیـچ ارقــیه ولراس
اجيت انخاج يالرحتي اسيره
᯽᯽᯽᯽᯽᯽᯽᯽
اقسم بالسبایه وحرک الخیام
کل معلول شافی بچاه الیتام
یازیــنب دلیلـــی محــمل الام
التقوهه انتي ولساس
علــیج ارقیــه ولراس
اجيت انخاج يالرحتي اسيره
᯽᯽᯽᯽᯽᯽᯽᯽
مـن صبرج ارید اعله النوایب
الله یساعدچ شفتی لمصایب
حـاربنی الدهـر شـد الحرایب
اچرع امر من کاس
علیچ ارقیة ولراس
اجيت انخاج يالرحتي اسيره
᯽᯽᯽᯽᯽᯽᯽᯽
★
تمت بعون الله تعالى*
✍🏻الشــاعره مـــريم العــبوديه اسيــرة الاحـــزان💔
نسالكـــم الدعاء بتــعجيل الـــفرج لصاحب العصر ولـــزمــان،، ع،،
غير مـــبري الذمــه من يـحذف الاسم
#اللهم_عجل_لوليك_الفرج
◇◈◇⇩..تابعونا..⇩◇◈◇
خويه شوف .. شلون مأذيني
لــو خرابه لو هزل
خويه شوف ..ليش مجتفيني
راح اموت من الحبل
خويه ليش ..وينك يحسيني
وين اخوي ابو الفضل
خويه ماي ..تذكر من كتلي
وماكو ماي اتعذبت
والله هاي ..لسه تأذيني
يانضرتك من رحت
ياحسين تكسر كلب اختك
ماي الك ماحصلت
شفت شلون يبن امي الاخت من دون واليهه
اسيره وتلتفت بالشام بجي الخجل عاميهه
(( اليوم يوم الغيرة ))
دگت اجراس الحريبه
اتحزمو شيبه اعلى شيبه ... والصوارم باليمن ملزومه
گومو ياربعي النشامه
يدوي ابن ضاهر كلامه ... اتوسط ابشيبه حبيب الحومه
اليوم گلهم يالغياره
الجيش يعلن انكساره ... وتركض السبعين الف مهزومه
اليوم يوم الغيرة ... ربعي ماوصيكم
الجيش يركع رايد ... الحدر رجليكم
حسين حضنه اشكبره ... صحبتي امسميكم
هزو الحومه هز...
وخل يحير الفارس ابمشراده
غيض الغيرة فز...
ونتم الواحد كتيبه اعناده
المنكم لو برز...
اطيح گدامه الزلم والقادة
"" "" "" "" "" "" "" "" "" "" "" "" ""
ما اوصيكم عليها
الحومه لمن نعتنيها... اسيوفكم لرگابهم عطشانه
خلو بالحومه الفوارس
مثل الأطيور الترافس... روسهم ماترفع ويانه
واحد ابواحد يشده
ظهره بالعركه ويسنده... والسبع يتندم اللآگانه
خوف يآكل روحه... اليشوف اسيوفكم
وينچوي كل فارس... ابشرار اعيونكم
الخيم يوصل رايد... صوت سطر اچفوفكم
فزعو اعلى الحرب...
يومكم يهل الوفه الوفايه
وسدو كل درب...
وسوو الطف للأجيال احچايه
احنه أهل الصعب...
وكلمن الگابلنه تيّه رآيه
"" "" "" "" "" "" "" "" "" "" "" "" ""
خلو بالحومه زلمها
ريشه بالشرده جدمها... والثگال اگبالكم تتراجف
يعثر الطايح ابطايح
يعتلي صوت النوايح... وبصواجعكم يموت الخايف
يومكم خلوه عِبره
للأجيال الطف تذكره... ويومكم مامثله واحد شايف
درس لقنو الحومه... ولقنو فرسانها
وركض حد الكوفه... وصلو شجعانها
خل يحير اگبالكم... كربله دفانها
غيرة امن الگمر...
بيكم وشارة وغضب ظهروها
كل فارس وذر...
جثته وسط الفلّه طشوها
وخل صوت الخطر ...
اصحاب الحسين اعتلى طبوها
"" "" "" "" "" "" "" "" "" "" "" "" ""
غيرة بيكم هاشميه
هزو ارض الغاظريه ... والسباع اگبالكم ذلوها
خلي تتوسل زلمها
وخايفه اتيّه اسمها ... واللسن التعتلي گصوها
كلكم اسباع وشهامه
مايرد واحد سلامه ... والمعارى ابكربله گلبوها
اللسن من تطاول ... تنگص ابيمناكم
خلي وسط الحومه ... يندم العاداكم
الگمر شد احزامكم ... و علي وياكم
فيضو الحومه دم ...
من صوارمكم يزلم النيبه
من راعي العلم ...
مايگوم اتعلمو الي يصيبه
صيحو اعلى الخيم ...
احنه اصحاب الحسين الهيبه
"" "" "" "" "" "" "" "" "" "" "" "" ""
خادم السلطان
سيد محمد الياسري
(( غريبة واللتفت ))
غريبة واللتفت ...
أخو ايفز هلبت أخته ... خذوها اعلى الهزل
وشوفن كلشي سكته ... فقط دمعي اليهل
اتاني ابلهفة مو مثل اليتانون
واحر من الجمر دمعات الأعيون
وين الله وأخو يفزعلي ويگوم
يفك أحبال أديّه ورجع ام عون
خويه .... اگعدو وعوفوا نومتكم
خويه .... ابحليب الخوه احلفكم
راح أمشي والحادي أجنبي وچفوفي مچتوفه ابحبال
من كربله الشام الغرب ونتم يخوتي عالرمال
"" "" "" "" "" "" "" "" "" "" "" "" ""
تغيّر محملي ...
العلم مو نفسه اشوفه ... القبل بيد الگمر
الأجيت ابفـّي حروفه ... وترِس روحي فخر
أجيت امن المدينة شامخه الراس
وثمنطعش حامي ابضعني حراس
اورديت مو بس فاگده أخوان
حته الرآية مو رآية العباس
راحت .... يخوتي هيبة اضعوني
راحت .... وغرب ياوسفه ماشوني
رحتوا وزهّد بيها العدو ام العفاف الطالبي
زينب قبل كلشي اختلف أسمي تغيّر بالسبي
"" "" "" "" "" "" "" "" "" "" "" "" ""
اسولف بالدرب ...
وعلى روحي امن اباوع ... هضم ابچي ابهمس
اشتغيّر طولي طالع ... القبل ما ينهجس
خجل ابچي ودموعي امنگعّه الأثياب
زينب وين آنه اوين الأجناب
من يمته افتر البلدان عالنوگ
ونه الماطالعه امن الباب للباب
اسكت .... ودمعتي تشرح المنظر
اسكت .... مآله رآي الأميّسر
بيدي امسح اعيوني اشكثر هلبت حلم ماصدگت
وشما مسحت اعلى الهزل الگاها روحي اتحيرت
"" "" "" "" "" "" "" "" "" "" "" "" ""
وصلت ودنگت ...
اعلى باب الساعة وسمع ... فرح كل البشر
ودعيت الروحي تطلع ... انخزيت امن النضر
الشام ابلا ضمير اهواي چتال
حته اطفالهم مو مثل الأطفال
اجوا يم الضعن عمداً يلعبون
لان شافوا رقية ابيدها الأحبال
أسمع .... حچي ماسامعه ابعمري
أسمع .... يدخل للقصر خدري
من دخلوني اعلى القصر ميته عساني ولاشفت
گاعد يزيد اعلى العرش وحسين راسه بالطشت
"" "" "" "" "" "" "" "" "" "" "" "" ""
يلوليلي التعب ...
وخجل مدري ابچي حيره ... جرح شابگ جرح
القصر ميت ضميره ... وخوتي اعلى الرمح
اشكثر حاولت أغمض عيني ورتاح
بس اشتغفه عينه الأهله برماح
يفززني الحزن شنسه امن الأجروح
سبي وطف وقصر والحادي ذباح
روحي .... اشتنسه وهالحزن بيّه
روحي .... يهلي اتموت ليليّه
يموت الگلب غير وتفض من العذاب اتمرمرت
اشما استراح ايفز جرح لاعدله لاميته صرت
"" "" "" "" "" "" "" "" "" "" "" "" ""
خادم السلطان
سيد محمد الياسري
الوداع الوداع زينب تصيح الوداع
باجر فراك وقهر يتبع قهر
بتجر يلوح الحرم صوط الشمر
باجر يگطعون م ـــِْن عِنـ. ـديّنحر
باجر العباس راسه ينطبر
باجر يخلصون حلوين الطباع
الوداع الوداع زينب تصيح الوداع
باجر يخلصون زلم المرجله
باجر يشوفن ضيم بكربله
باجر يصوب رضيعه حرمله
باجر تذلين ونتي مدلله
باجر تشوفين ياخويه الضياع
الوداع الوداع زينب تصيح الوداع
باجر تضيعن مابين العده
باجر تشوفين ضيم الماسده
باجر خيامج تصير مفرهده
باجر خوانج تضل مدده
باجر ينامون بلحومه السباع
الوداع الوداع زينب تصيح الوداع
باجر ينامون بلحومه خوتج
باجر العدوان تحرك خيمتج
باجر وباجر جبيره مصيبتج
باجر اعله حسين تثكل ونتج
باجر حكج وبسرعه صاع
الوداع الوداع زينب تصيح الوداع
★ غلام بني هاشم ★
دخيل هاشم من تِنط اعروگها
اوهذا جاسمهم تِعلَّه اسبوگــها
هله ابعريَّس الخيم
•┈┈┈┈•✿❁✿•┈┈┈┈•
بدت حــرب الطف والمرادم حِله
اوذاك من ذاك اليـدور ام العَلــــه
جاسم ابثوب الحسن طب كربله
صگــر والسبعين عابر فوگــها
هله ابعريَّس الخيم
•┈┈┈┈•✿❁✿•┈┈┈┈•
لِمعت اصفاح البواتر بالحرب
ولا يفكَّر يطلع الرايـــد يطب
كربله اتريد اليهــد ميَّت گلب
الزلم والخيل ابفزعتـه ايعوگها
هله ابعريَّس الخيم
•┈┈┈┈•✿❁✿•┈┈┈┈•
نِزل جسَّـــــام ابيمينــــه اِمهنَّــــــده
حادي موت اوبالرگب غاص اوحِده
چنَّــــه سجيل اونــزل فوگ العِـــده
نزل والحچَّايه شگ احلوگها
هله ابعريَّس الخيم
•┈┈┈┈•✿❁✿•┈┈┈┈•
اترخَّص امن حسين ابو اليمَّه اونزِل
اوچان شايل مــن گمر هاشـــم زعل
عنده طعم الموت احلى امـن العسل
مِعرِس اوراد المنيــه ايضوگها
هله ابعريَّس الخيم
•┈┈┈┈•✿❁✿•┈┈┈┈•
بين الصفــوف اتخطَّف صارمـــه
هذا جاســم نَجِل حمَّاي الحمــــه
لمع سيفه اوخاض طوفان الدمه
اومثل سوگ الغنم گام ايسوگها
هله ابعريَّس الخيم
•┈┈┈┈•✿❁✿•┈┈┈┈•
جاسم اعله اعيونه من لاح القَــدر
هاشمي اوداس ابشسع نعله الدهر
بالملاحــم جبل واگف مـو بشـــــر
سيفه صاير للمناحــر طوگـها
هله ابعريَّس الخيم
•┈┈┈┈•✿❁✿•┈┈┈┈•
جاسم اوعنده الحرب مثل العرِس
اودون عمَّه حسين مبذوله النَفِس
شهم وابدمــه صبغ وجــه الشمس
ابيوم عاشر شمسه بآن اشروگها
هله ابعريَّس الخيم
•┈┈┈┈•✿❁✿•┈┈┈┈•
الشاعر .. علي الخيگاني 🖊️📜
( مولاتي الزهراء عليها السلام )
#محرم_١٤٤٨_هــ
الليلة الأولى
بگبري وبچيتك جوه التراب
ضلعي لطمته السه ماطاب
وكل سنه گلبي عليك عطاب
يالعيلتك مابين الأجناب ـ يمه
مهجت علي وروح الزجيه
الداسته خيول الأعوجيه
بحر الشمس شفتك رميه
واگعد خذوه زينب سبيه ـ يمه
صاحتلي زينب يمه تعالي
أنعي الحسين وبجي الحالي
مهضومة جيت وشفت الغالي ـ حسين
وليدي سليب وناگع بلدم
فوگه لطمته ضلعي مهشم
شلون بحصيره حسينج ينلم ـ حسين
:::::::::::::::::::::::::
گلبي أكثر من الخيمه محروگ
وجه وكفه العطشان مسحوگ
وثوبه لگيته اوليدي مشگوگ
و١٢ طبره نحره مطگوگ - يمه
تسوه النواعي بصوت مسموع
وضيم اهلك مسابگ بلدموع
بهل يوم كلشي عليك مفجوع
وفي خيمة العباس مگطوع - يمه
اه ياغربته ياضي عيني
ضامي لگيته تعب سنيني
مجفي علوجهه دامي حسيني - حسين
شلون استراح اوليدي مسلب
تگابلنه نلظم اني وزينب
وبحرگ ننحب حد مانتعب - حسين
:::::::::::::::::::::::::
شلت القميص بدمعي منشور
حزني علبرزي بيوم عاشور
شحال ابني من الگفه منحور
ومن چفه خنصر ليش مبتور ـ يمه
جوه الحوافر تعبي هم ضاع
يا شيخ اخوتك تارس الكاع
يومك صعب ما ينسه بساع
وتبچي الهواشم ماكو فزاع ـ يمه
اعظم مصيبه تمر مذبوحي
يم جرحه شفت أتهون أجروحي
وعاشر مصابك زيد نوحي ـ حسين
موت رقيه رمح الشالك
بسوطه يجيهه من تدنالك
شبعت بواجي وضيم عيالك ـ حسين
:::::::::::::::::::::::::
بگد دمه دمعي ابيوم الطفوف
طول ابني بلطف شابع سيوف
الميت اكرامه بدفنه معروف
وياهو اليدفنه حسين ماشوف ـ يمه
احضر علي ابنك ماله دفان
وجم ليله باقي احسيني عريان
ولاله عشيره ولاله اخوان
عله هزله راحت اله نسوان ـ يمه
وشكد سهرنه شكد ربينه
وينه الصميده ويلحك وينه
ومحد يغسله باقي حسينه ـ حسين
وينه الصميده وقالع خيبر
وبنته علناگه وهزله وتعثر
عافت اخوهه نايم بلحر ـ حسين
صــباح جـــهاد
(( آنه أم الذبيح ))
آنه أم الذي ذبحو وريده
وسلبو ثوبه منّه وخنصر ايده
آنه أم الوگع مذبوح عطشان
وضل بين الغرب جثته وحيده
آنه أم الذبيح الماله ناصر
الداست صدره عشره من الحوافر
وسبعين الف سيف اندارت اعليه
وضل بين الخيام وروحه حاير
وين اليبچي وياي
علّه ابني الماشرب ماي ... ويوآسي أمه ابمصابه
وين اليبچي وينوح
علّه ابني المات مذبوح ... وغفه فوگ الترابه
"" "" "" "" "" "" "" "" "" "" "" "" ""
آنه أم الغريب الكله حيره
الذبحو من گفاه ذيچ الضهيره
ومحد غسله اعلّه الرمل عاري
وحته الدفنه ما فزعت عشيره
مات وماخلص من هّم غربته
علّه كبر الفلّه طشوها جثته
الهضمني ابموته أبد ماشاف راحه
يرفسه الذابحه ابرجله آنه شفته
غير المات يرتاح
ليش ايرفسه ذباح ... حسين ابني الهضيمه
وراسه ابرمح ينشال
ابچف شمات ونذال ... وإله يحرگون خيمه
"" "" "" "" "" "" "" "" "" "" "" "" ""
آنه أم العطش نشفت لهاته
وركض من الخيم طلعن بناته
ويوگف بس يرد يطيح مهضوم
ماضل حيل بيه من الشماته
شاف اعلّه الجمر تسحگ عياله
حفات ابلا حما والحاله حاله
محد حن عليه من الأعادي
وحته الحجر حن گلبه وبچاله
كل ماغمض العين
سمع صوت النساوين ... تحشمه وحيره حاير
يگوم ويرجع يطيح
هلي آاه ياهلي يصيح ... من ضيم الحوافر
"" "" "" "" "" "" "" "" "" "" "" "" ""
آنه أم الذي جرحو حميته
وگوه ابني عرفته من اجيته
امغيّر رسمه من دوس الحوافر
وصابغ شيبه دم نحره لگيته
گعدت امسح الدم بچفوف اديّه
وعليه دمعاتي من حزني جريّه
عزيز أمه هضمني اهواي حاله
خده اعلّه الترب روح الزچيه
خده امؤسد الگاع
ورسمه بالسحگ ضاع ... مو ابني الأعرفه
ذبيح ابوكت الأغروب
اعلّه وجهه حسين مگلوب ... وصعب حاله اوصفه
"" "" "" "" "" "" "" "" "" "" "" "" ""
آنه أم البقه عالغبرة مهضوم
ذبيح ومنّه سلبو حته الأهدوم
انسلب خدره وبقه يعاين خيامه
ويفزع ينوي بس الحيل مهدوم
عين الروحه ضل عين الخيامه
يشوف اطفاله فرو چن حمامه
كل مايعله صوت ايزيد نوحه
ويون سكته علّه حال اليتامه
ينوح وينعه الأضعون
وطلعّت زينب ام عون ... سلبت منّه حيله
تعثر بين الأجناب
اخته الگبل تنهاب ... الگبل چانت عقيلة
"" "" "" "" "" "" "" "" "" "" "" "" ""
عبد زينب
محمد مسلم الأسدي
شفتك جوه الخيل تنازع ... يمه
نص گلبك من ظهرك طالع ... يمه
چا غير يعوفوك // مو ميت شافوك
////////////////////////////
گتلك اجيك الكربله _ وعنك صعب اتأاخر
جسمك لگيته من السحگ _ ثلثين منه مطشر
طحنوك بالحافر طحن _ يالبيك كلشي مكسر
نحرك اباوع بي ثلم _ بالسيف ثاري امطبر
صاح الربعه الجاك برمحه ... يمه
حسين ينازع خل نذبحه ... يمه
اگبال امك ذبحوك// مو ميت شافوك
////////////////////////////
ظهريت العاشر شمس _ يمه الحديد تصهره
بس انته من دون الخلگ _ مديور گلبه بظهره
دخان من صدرك طلع _ عطشان يبن الزهره
الما لحگ يطعنك تره _ يگلوله اللجم نحره
اليوصل يمك ميت شافك ... يمه
يسحگ ظل بلحم اچتافك ... يمه
بجروحك طعنوك// مو ميت شافوك
////////////////////////////
مشتبهه لو طولك گصر _ يحسين بيك شصاير
كل ساع الگالي ظلع _ مشلوع وي الحافر
الله واكبر وحدك _ وجيش اعله جسمك داير
ضليت اصيحن ياعلي _ فرهد اوليدي العاشر
الحافر ينگل ظل بعظامك ... يمه
واصل بيهن يم اخيامك ... يمه
توصل ويرجعوك// مو ميت شافوك
////////////////////////////
شريان شريان انگطع _ من رگبتك گدامي
مو سيفهم ريجك خشن _ بوكت الذبح يالظامي
كل ساع شامت بالحجر _ يركض يجي متحامي
يوليدي فضخو جبهتك _ وشيبك اباوع دامي
بوداجك ظل سيف الحاقد ... يمه
يگطع بيهن واحد واحد ... يمه
دم تنزف خلوك// مو ميت شافوك
////////////////////////////
كل حافر امتيه درب _ بصدرك تره يدلونه
والزايد ابچفه رمح _ من ظهرك ايطلعونه
من ينعدل جسمك رفس _ ياابو علي يگلبونه
صاحو يموت من العطش _ كل ماي لا تنطونه
دارو فوگك كل شماتك ... يمه
ماخلو حرمه الشيباتك ... يمه
من شيبك لزموك// مو ميت شافوك
////////////////////////////
مايرهم الجسمك غطه _ يوليدي چا غطيته
لميت صدرك بي نقص _ بس المهم لميته
مدفون نحرك بالرمل _ حرموني ما شميته
ذاك الاجه گص خنصرك _ لو بيدي ماخليته
اصبع چفك شني اخباره ... يمه
بهاي الهيمه يريد دواره ... يمه
كل هذا وسلبوك// مو ميت شافوك
////////////////////////////
تمت ____ علاء الزيـــدي
احچايتنه وحده وماتصير اثنين
إنا خُلقنا للبچي اعله احسين
وانگله ذاك الما رضه وزعلان
فوگ الحواجب ما تعلت عين
———————-
گال ابو الزهره بروايه بالحچي الكلش ثگيل
الله يخلق شيعه تبچي اعله ابنچ البطف قتيل
وهذا واحد عينه صلفه ايگلي حچيك مستحيل
وانه الطمنه اعله حلگه من اگله اعله الدليل
مو عن عبث صار البچي دمع العشگ قائد
آنه بشر مخلوق اله وما باوع لواحد
الگلبه جمر اقرب طلع لو گلبك البارد
المرتاح لا يتدنه للمخنوگ
الگلبه ثلج لا يحچي عالمحروگ
موش بمزاجك نمشي ها يفلان
فوگ الحواجب ماتعلت عين
———————-
من نزل وحي الله جايب للنبي الحچيي الصحيح
الزهره گامت تبچي گالت ياهو يبچي اعله الذبيح
والرسول يگلها وادم تترس اعيون الضريح
شيعه واحدهم يزهره ينطي راسه وما يطيح
يالتحچي عاليبچي بصدگ هذا الحچي تسمعه؟؟
الله ووحي وزهره ونبي وحيدر علي موقعه
يگلولك الشيعه تره مخلوقه للدمعه
لا تنقد ولا تحچي يم الناس
بالك يهذا يسطرك العباس
وادم بخيته التبچي عالعطشان
فوگ الحواجب ماتعلت عين
————————
آنه احب واحد يحبني وبيدي ينطيني شأريد
وانت جاي اتگلي عوفه وانه اعوضك بالمزيد
وراح اگلك چلمه وحده وبيها ما اگدر اعيد
لو تصب ذهبك عليه ما اصافح چف يزيد
ما تگدر لگلبي وعلي ولا تگدر لعيني
لو تمطر الدنيا ذهب ما اعوفن احسيني
آنه اقنع بماي العزه عود انت تغنيني؟؟؟
راح احچي وياك بخلق وآداب
يوسع جمل گالوها عرض الباب
الفوگ السفينة يقلقة ياطوفان
فوگ الحواجب ما تعلت عين
——————-
ايگلي المن لابس اسود عدنا مكروه الحداد
گتله لو ميت ابوكم تگلب العالم سواد
آنه تربية محرم وانت تربية زياد
عالخيم مو البس اسود والله كون البس رماد
يلتفرح براس السنه خل السنه تفيدك
مارس طقوسك وحدك لا تحچي ما اريدك
يم البچي ويم للطم بالك تهز ايدك
ما تخجل وبيك العتب شيفيد
العاشر بواچي وانت عندك عيد
براسي علي وبراسك الشيطان
فوگ الحواجب ما تعلت عين
—————————-
محترگ گلبي اعله زينب وانت مو من مستواي
انه من احچي اسكتك انت نار وانه ماي
انه من ابنيلي موكب لا تظل تهدم وراي
غيبتي تشور واحذرك انه الحسين بگفاي
شما انقد منك تره ايگلي انت محروسي
من خير الحسين انترِس لو وشلن طوسي
مو مثلك لـ عيد الغَرِب اصرفهن فلوسي
راويني عرض اجتافك ومشكور
ومنا ورايح لا تجي بعاشور
ما نگدر انعبر حچي الغلطان
فوگ الحواجب ما تعلت عين
————————
علي هادي الخزعلي
الليلة الاولى وثوبك بيدي
وإيدي بسهمك بس امنعها
لهسه النبلة مچلبه بثوبك
ما ينطيني گلبي اشلعها
——————-
بواحد محرم كل سنة .. انشر قميصك بيدي
بس چارة مامش للسهم .. ما ينشلع يوليدي
يا روحي گلب ابنچ وذر .. بشلعان گلبچ زيدي
ضلوعك لهسه مبينات يبني بگفة الثوب
يومية ثوبك يحسين ينزف بالغروب
دخيل بختك .. ليش شفتك
دمها طايح عالسهم .. يمه يا يمة
دم اشفافك طاح بسهمك
من دنگت تريد اتگطعة
الف و اربعمية وصدرك
بصدر الثوب مچلب ضلعة
——————
هذا القميص الما نشف .. ظل يمشي وي سنيني
من ردنة الزمة وينچفي .. ودم تنصبغ چفيني
يابس الثوب امن العطش .. يا ماي عيني وعيني
طاقة تحّمُل مسحوگ مابيه اشوفك
مو بس توذرت بخيل نوذرن حروفك
وين اسمك .. ضاع جسمك
مگطع لحد القدم .. يمة يا يمة
حتى اسمك هم اموذرينة
اعله اسمك يمه اسم الله الزهرة
اخترقت ثوبك رجل الحافر
ومغرز لليوم بصدرة
——————-
بس ثوبك لوحدة عزة .. وجريان دمك مأتم
فليبكي باكون الجزع .. عين ابني تارسها الدم
چانت مواساةً الك .. صدر امك امن اتهدم
ضلعيني كسروها بباب صار النفس نار
الله يعينك يحسين كسر الضلع حار
وماي مامش.. شلون عايش
وقطرة ما بيها الخيم .. يمة يايمة
ما عطشانة ويمي اعيالي
ويتچولي و ايداروني
وانت بهيمة وصاحت زينب
يحسين اشرب ماي عيوني
——————-
رگبة قميصك ياترف .. وي رگبتك مگطوعة
والصفحة البصف الگلب .. وي الگلب مشلوعة
اللهُ اكبر بالسحگ .. حتى الردن مگطوعة
موش الروايات اتگول حاظرتك آنة
من چلب الثوب اعليك گطعو اردانة
شلون بالله .. تموت غفلة
وحتى ردنك ما سلم .. يمة يا يمة
بيدك شايل راس اوليدك
تارس ثوبك دم رضعانك
اشگد مودع واشگد شابگ
دم العباس اعله اردانك
——————
امن اتربع اعليك الشمر .. كاسر اسهام بصدرك
بطعنة سنان ابنَ أنس .. اعله الثوب فتحه بظهرك
بنص ثوبك مشرعب رمح.. مبين لهسة بخصرك
لجروح جسمك يحسين خل تنعمي العين
الف وتسعمية وفوگ يمكن ملايين
عود صاير .. شبيه الحافر
ذبلّاك امن الألم … يمة يا يمة
ما تحسبها ارقام الدنيا
بگد نجوم الكون جروحك
بثوبك فَتحة بمركز گلبك
يمكن منها طلعت روحك
—————-
علي هادي الخزعلي
#الليله_الاولى_مولاتي_الزهراء_ع
يبني حسين
هاذه قميصك والتعب يبقه اعليك
يبني حسين
كوم اعله حيلك يا وجع كلبي البيك
باجر == تضـل ابـلا ضهر وافياي
باجر == عبـد چتاله هاذه الماي
باجر == غريب ابضعنك الحداي
باجر تضـل ابـلا اخــوو ==واتكض بلاصفاح
حاير وحيد ابنـص عده ==وهمومك اوضاح
ابوجـهك ايصد الحجي ==يلمـنكسـر شوف
ياهوو اليسد في الخدر ==واحـزامـك الطاح
باجـر يذبـحوك والاعــيون تــباوع
كلشـي ولا خـدرك ابـهـيمه طـالـع
تلوج اعله روحك على ام عون ييمه
مـحد وعـده غـيره عـليـهه يـفـازع
==========================
راح اتشوف
مــالك ولا نــاصر يضل ابـ ضـهـرك
راح اتشوف
زينـب يـتعـبهه اليـعطـش نــحـرك
توكف == وتحـتار ابعـرف وجهك
توكف == تضيع الخوه من اختك
توكف == اتحشـم عـازه بس رتك
اتكـلك الحگ لـو نـفـس ==حركوهه الاخيام
ارمـاد البقه ايحز بالكلب ==واصـل للـجدام
صـعـبـه ييـمه والـحـرم ==اتـريد اليـحـامي
وانته اعله كد عوز التعب ==امـترس اسـهام
اتگوم اعله حيلك تطيح ابمصيبه
وابخـيامك اتـصيح شماتك نهيبه
كلـفه يالـحسـين اخـيتك اسمـهه
من زينب ايصـير اسمـهه الـغريبه
==========================
يمه الگوم
ما عـدهه رحـمه اتـريد يسـكت كلبك
يمه الگوم
متـحضـره مـوت وكلشي موت ابدربك
ضامي ==وحيد اختك تضل حيران
ضامي ==ويـخنـك روحـك الدخان
ضامي ==ومن كد العـطـش تعبان
تتـعب ولا واحـد يجـي ==ويـعيـنـك ابـحـيل
من عج غـبار الـطـف ولا ==تتـعب ركض خيل
الماطلعت العين الشمس ==تطلعلك اركاض
واتكـلـك ان كنـت عـدل ==لـحـك بالـ ايعـيل
طـايح علـيك الضمه فوكه حالك
ومـا تـكدر اتـكوم تعـين ابـدلالك
كلفه اعله عينك تشوف المصيبه
تـركـض بلا راي عـلى الـبر عـيالك
==========================
تضمه اخيام
ومامـش نـفس يبقه وتلحگ لختك
تضمه اخيام
والـناس كلـهه ولا تــهـم ابـخــتـك
تسمع ==بيت اهل الضلم حرگوو
تسمع == اليگبل بالدرب سحكوو
تسمع == كلشـي البـلخيم سلبوو
تكوم اعله طولك من يجي== ذبـاحـك ايكول
خدرك طلع من الخدر == واثـگـيله الاحـمول
اللتصير عثره اعله ادرب ==هاك اسمع ابهاي
ما تشتم ابضيج النفس == مـن عـج الاخيول
ما تـبقه الاخـيام ولا تـبـقه حـرمه
ويلحـك تعـب كــلبك ابتلـه زلمه
اتبـاوع طـرف عيـنك ودمعه بيهه
اتطشر خـدر هـاشـم وحـيره لمه
==========================
اتموت اوحيد
وابكلـبـك ولامـش نـبض يـبـقـالك
اتموت اوحيد
واعله الغرب والشام تمشي اعيالك
تنضر == فواطم عالهزل تسبه
تنضر == مـشيهن راگد ابغربه
تنضر == نومــتهم وسط خربه
كل العـشـاير من تـجي == تـطـلب حـرمـهه
وزينب على الهزله تلف ==تبـقـى ابنـضـرهه
محد يجي وهاي المره ==ايكـول امـن اهلنه
اتموت ابرمح من حركتك == تمشي ابأسرهه
تـمشي ابـ هـزايل ولا واحـد الهه
بس اعله الارماح تصيرون يهلهه
ابغربه وتريدك يالحسين وحيده
ما الـهه عـوان والادمـوع تهـلهه
==========================
سجاد ابراهيم الكعبي
(سفر الطف)
ولا ليلة الگلب بارد
علينه الليل ظل شاهد
وعلي بكد اليجون اعليك
احبك وين ما كاعد
حسين....
اريد بمجلسك حاضر
احس بشوغة الحافر
تلوم اعيوني لو شافت
عزائك يكسر الخاطر
حسين...
اذا انت ...التردني شنفعي من غيرك؟
فخر عندي ..اكولن خيري من خيرك
حسين
انه الماذيني چي كل عام ....جروحك عالترب نامن
الوجع هذا التشوفه الروح.. عله الصعدن غرب راحن
الجانن ما يشوفن ناس..... افا يركضن زلم شافن
___
ولا ليله ابتعد منك
انه الضايع ورد بسمك
اشلع ذني اليشوفن
لو رادن يبعدنك
حسين...
اليكول اسمك يبجيني
لوجع صدرك يوديني
عسى من ال داسن ابصدرك
حوافر منها تنطيني
حسين..
انه المرتاحه روحي وجرحك اشكبره
افا حسين الحوافر ضيعت صدره
حسين...
بشواطيك رمل حطني...يلمعلمني لو حبيت
صور ذبحك تعيشني ..شچازي بدمعي لو صبيت
الكبر ما ريده ياخذني..... اريدن يم ضريحك بيت
____
بضعنكم تايه امفكر
شلون ابنص صحاري يمر
دلالك هايه تاليته
تغثه الوادم التعبر
حسين...
يريت بأهلي مو بيها
تصير الشتمه ال عليها
افا لزينب ولا تنكال
شنهو تريد ؟ وشبيها
حسين....
يكون من الحياء ابروحي ما ذكرج
شلون ارضاهه ناس تباوع لخدرج
عواطفنه بدرب زينب... تطيح من الحزن وتكوم
مره تعزب زلم واطفال ...ولا چنها بگلب ملجوم
عليها اشما تمر ارماح ...تكول النه الذبح مرسوم
__
مصيبه من اسمع اوليدك
عليمن نايم اجيدك
حنانه الماكبر عندك
وجفوفه الما حضت بيدك
حسين...
طفل ٦ اشهر المثله
يوزع فرحته اعله اهله
ربابك ،من وكت ماتت
بعد المن تظل عدله
حسين..
احس ابحالت العدها طفل توه
وعله مناغاه تظل الليل تتلوه
مدامعها بكبر ذبحه ....فراغ اعله المهد شايف
وصوت اكعد يبعد امك ..عليك اكليبي هم ناشف
هذن ليليّه ارسمهن ...وموت من الوجع خايف
____
المصيبه الشتت بالي
لكيت اعله النهر غالي
ادني عيوني يمه بخوف
وحس بروحه تدنالي
حسين...
سالته شصاير بروحك
وعليمن تنزف جروحك. ( يگلي)
ال بعينه السهم شيشوف
عليمن ونك ونوحك
حسين...
لطمت اعله الوجه من شفته هيج يكول
صحت عباس اشوفك هيج ما معقول
صحيت وحلمي كله ادموم.. سفر وبطف احس روحي
الدمه اليطلع يخرب احلام ...عليمن تنزف اجروحي
اليعرف اشصاير اعله حسين...خل يفزع يرد نوحي
ليث كريم جحالي
#اللهم_عجل_لوليك_الفرج
الليلة الخامسه
خوف مسلم بن عقيل على الامام الحسين عليه السلام وعياله
بسهام وبين تعمه أچم عين
ارجع يحسين
**
انه السلم عليك وأيده مجتوفه
ومن طبع اليسلم يرفع اچفوفه
دمعتي اعليك مو من موت مذروفه
كتاب حسين گلبي وشگته الكوفه
صوت المجروح وبأخر روح للطف لتروح... ارجع يحسين
__
هاي اخبار مسلم لو بطت عنك
رسايلهم غدر للموت جابنك
مثلي الوحدك يحسين اشوفنك
الشماته والغرب والحيره يولنك
صوت الشمات يم الخيمات واليكم مات.. ارجع يحسين
_
يبو ضعن الشمس هندس يتانونك
للطف لا تجي يحسين بضعونك
الغدرو بيعتي باجر يغدرونك
وانته الما تلوگ الحيره لعيونك
ياضعن النور سعيك مشكور صوت المغدور... ارجع يحسين
_
اشوفن حيرتك من تخلص اصحابك
ويبدي الموت يطفي بشمعة احبابك
علي اول سهم وسط الكلب صابك
وعريس الحسن دم يترس اثيابك
بين الشبان توگف حيران وتودع اخوان... ارجع يحسين
____
عله وجهك طحت من طاحت الرايه
وحيلك عالجفوف اتبده وي مايه
شِمَّت بيَّه عَدوّي اثگل احجايه
تره الماعنده اخو ماعنده تچايه
فرحانه الناس طاح العباس صدرك ينداس.. ارجع يحسين
_
البدون اوداع يمشي يكسر اعزازه
وعله البيهم محنه الموت يتوازه
الشهم يوم الكلافه عازته عازه
وحيره اليفدي روحه شلون يتجازه
راح الوفاي شمات هواي يافَيّ دنياي ... ارجع يحسين
_
اشوفن طيحتك والدم صبغ مهرك
وشمر يحسين يتربع ينحز نحرك
واشوفن خيلهم تسحگ عله صدرك
وانت المني اعلم شنهو ينتظرك
شاءالله الهاي يذبحكم ماي عذراً مولاي... ارجع يحسين
_
فيصل المياحي
✍🔥 لطميه ثكيله حزينه ومأثره اصدارجديد للسبي🔥
من ديوان زينب والطفوف 👇
الجزء الرابع عشر
كلام مقدمة اللطميه
زينب لمن جابو الهه النوگ النوگ هزله احتارت زينب شلون تصعد على هذه النياگ منو يصعدهه من بعد جف ابو فاضل اخذت زينب تنظر للناكه هزله عرجه تصعب عليها الركبه اخذت تنظر الهه زينب وتوصيهه وتشكي حالها لها حنت الناكه اونت الحال زينب شتكلهه
📚اللطميه
تدرين بيه مدلله ياناكه
تدرين بيه مدلله ياناكه
هزله يناكه والشمس حراكه
حر الشمس يجويني.... راح الكبل يحميني
ويلي. ويلي.
رحمني هاياناكه. رحمني هاياناكه
❥━──➸➽❥❂❥━──➸➽❥❂
تدرين بيه امدلله ومحشومه
هسه سبيه اعله الهزل مهضومه
ضلو اخوتي اعله لثره شو نومه
كفالي وين اجفوفه.... ريته الضعنه يشوفه
رحمني هاياناكه... رحمني هاياناكه
❥━──➸➽❥❂❥━──➸➽❥❂
راح الگبل بجفوفه يفيلي
شلون اصعد وحدي كليلي
شنهي البصر ياناكه ماتحجيلي
راح الولي الجاباني.... شو بالهضم خلاني
رحمني هاياناكه.... رحمني هاياناكه
❥━──➸➽❥❂❥━──➸➽❥❂
طول الدرب راية كفيلي اعليه
وهذا الهوه ياناكه ميمر بيه
هسه اسيره عالهزل مسبيه
واويلاه 😭
راح الخدر من عدي.... والشمر بيه اليحدي
رحمني هاياناكه... رحمني هاياناكه
❥━──➸➽❥❂❥━──➸➽❥❂
ياناكه ارد اوصيج امشي بهيده
خاف الاطفال اطيح وسط البيده
تدرين بيه بلا ولي ووحيده
ياناكه رحمي بحالي.... ماضل الي كل والي
رحمني هاياناكه.... رحمني هاياناكه
❥━──➸➽❥❂❥━──➸➽❥❂
امشي يناكه بهيده لاتميلين
تدرين بيه لاسند لامعين
بالوادي خاف اطيح ايتام حسين
ماعدي ضلو وليان.... بس الحرم والرضعان
رحمني هاياناكه.... رحمني هاياناكه
❥━──➸➽❥❂❥━──➸➽❥❂
ادري يناكه الحالتي حنيتي
من جر ونيني ادري هم ونيتي
ياناكه ارد اوصيج لو عثريتي
بهيده يناكه وياي... ولله الهضم فت اجلاي
ويلي. ويلي. 😭
رحمني هاياناكه... رحمني هاياناكه
❥━──➸➽❥❂❥━──➸➽❥❂
تمت✍️ الشاعره والمله ام حسين العامري 🏴أنت المعزى سيدي يا صاحب الزمان ... عظم الله اجوركم💔
✍️..(مشكول الذمه الي يحذف الاسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩🚀.....................🥺😭💔..
موش تــــــــــــنساني اذا ينسوني
بالكبر يحــــــــــــــسين لو نزلوني
""""""""
""""""""""
تدمع عيوني جنــــت لومر ضعــــن
اذكر ايتامك وانوحن عالمشــــــــن
جنت بالموكب ادك فوك المــــــــتن
اثر زنجيلك يــضل بمــــــــــــــتوني
"""""""""
"""""
اقسم اعليك بعلي وخدر المشــــت
حسين تحضرني اذا باجــــــر متت
جنت اقرالك نعي وياما صــــــحت
ما اعوفك والله لْـۆ كطــــــــٽٽــعوني
"""""""""""
يمن فضــــلك سابق اعليه نعــــــم
سيدي احسبني خدم عنــــد الخدم
ما اضن خايب ارد يابو الشــــــــيم
وادري ما تنسه الدمع بعيــــــــــوني
"""""""""""
كلشي ما رايد قسم بس نضــــرتك
احسبني لو ذرة رمل يم خيــــمتك
ريت يسحكني جدم مـــِْن عيــــلتك
حتى افخر عيلــتك سحــــــــــــكوني
"""""""""""
بعد يمك ضــــلت وانــــــته الوفي
اتريد تقبلني فضل يبن النبــــــــي
خيط كون اتــريد بطــــراف العبي
بعد يمك وانته ترس اضــــــــــــنوني
"""""""""""
بقلم الملا ناجي الصالحي ✏✏✏
ونسالكم الدعاء🏴منبر العقيله ع
مقطع صوتي من سيد محمد الياسري
Читать полностью…
(( سيدي أعذرني ))
سيدي أعذرني ...
اهواي اجيلك نادم
وأنتَ فضلك دايم ... مآتسد بابك عليّه
كلشي أحرمني ...
ولا تدير اعيونك
وين أروح ابدونك ...لآتهد أچفوف أديّه
من الدنيه أحرمني قابل سيدي ابكلشي
بس اللزمني بچفوفك وخليني عدل امشي
وأسمك لآخر أنفاسي يضل يتردد ابنعشي
لآسامح الله وتبعد عني
ومن العزاء خايف تحرمني
وتسمه خادم عند الوآدم
بس من اجيلك ماتعرفني
"" "" "" "" "" "" "" "" "" "" "" "" ""
اليمته بفعآلي ...
ابقه اجرحك اكثر
ومن اطيحن وعثر ... اللتفت لأسمك وحشمّه
وأنت تبرآلي ...
قبل اهلي وناسي
تجي وترفع راسي ... المثلي بذنوبه وترحمّه
أسود وجهي وبدمعي أبيض سيدي اتشوفه
رغم تقصيري وذنوبي ورحمتك فوگي معطوفه
كريم ومآتضيع أنتَ عبد لو صاحب اتعوفه
ماعندي غيرك وعندك غيري
وخوفي اضيعن من تقصيري
وياك اريداً يخلص عمري
بيدك حياتي وبيدك مصيري
"" "" "" "" "" "" "" "" "" "" "" "" ""
طهر افكاري ...
وبآلي اشغلّه ابأسمك
حلم يقضه ايرسمك ... ويهجر احلامه وعذابه
وتشتعل ناري ...
اعلى العزاء والخدمة
وماكو غيرك اسمه ... يحترگ گلبي المصابه
يمعلم وهب للحب علمني أحب مثلّه
يالخالقني من طينك يامولاي مو سهلّه
رايد اسلم التركي اصيراً سيدي ابفعلّه
الدنيه اترك وهلي وناسي
وجيت زهير اتعنه احساسي
وتلزمني بيدك لزمت جونك
وبچفوفك اللفض اخير انفاسي
"" "" "" "" "" "" "" "" "" "" "" "" ""
يمته اوآفيلك ...
ودري بيك اتحبني
امن العدم جايبني ... رغم تقصيري ابخدمتك
وعد انطيلك ...
هاي آخر مره
گلبي اگلك عذره ... تايب واطلب رحمتك
ماجرحك بعد آسف وعد ونطيلك احچاية
بعد مااذنب واعصي وياك اللتزم هايه
احبك واليحب وآجب يقيناً يثبت ابرايه
مو بالكلام الحب بالطاعة
اتميز اليحب ابفعل اطباعه
وجهة وجهي وسلمته أمري
يحسين اوعدك من هالساعة
"" "" "" "" "" "" "" "" "" "" "" "" ""
خادم السلطان
سيد محمد الياسري
(( أخآه وآضيعتآه ))
من المُخيم أتعنيته وآنه بخيالي أعثر
فززني صوته أدركني خويه ها يآبو الأكبر
ساعة لگيته شحچي يزينب ياخويه منظر
خليني ... سمعته يگلي ... لحضه أمهلني
تانيني ... أودع حسيني ... وبس يودعني
گتله آنه أخوك حسين هذا ... أحزام الظهر
وگلي أخي أعذرني اعلى حالي ... هذا القدر
أخآه وآضيعتآه يآ بالفضِل
"" "" "" "" "" "" "" "" "" "" "" "" ""
حاولت أشبگه وصدره لگيته ملعب رمآيه
گتله يخويه وگلي يخويه هاي النهايه
آنه الهضمني حچي الشماته التضحك ورايه
دليني ... شسوي أخلافه ... بالغرب وحدي
حاچيني ... العده شافوني ... دمعتي أبخدي
راح الگمر من دونه ضلمه ... وخيل وعدو
يرحمه منو من الغربه يختي ... الماعنده أخو
أخآه وآضيعتآه يآ بالفضِل
"" "" "" "" "" "" "" "" "" "" "" "" ""
طايح دلآلچ ياخويه عفته يم الشريعه
وسهم الأعادي امطفيهه عينه ذيچ الوسيعه
ومهشم الراس وچفوفه عباس مِنَّ گطيعه
واليمسح ... يخويه أثارچ ... غمض أعيونه
واليجرح ... عيروني اگباله ... حته يآذونه
روحي أطلعت من ردت أرجعه ... وگلي أعتذر
أمواعدهه أرد بالماي أنه أختي ... أم الخدر
أخآه وآضيعتآه يآ بالفضِل
"" "" "" "" "" "" "" "" "" "" "" "" ""
لِمي اليتامه التنطر رجعته الطوس ابأديهم
وتعزي بالله وهاي الضعينه عينچ عليهم
طيحت علمهم هاي البدايه الرحلة سبيهم
يازينب ... بعد كافلهم ... راحت الشيمه
والأصعب ... رقية ساعة ... وتركض أبهيمه
ساعة زمن وبلا حمه يضل ... خويه الضعن
ومن گاع أهلچن غصب تمشن ... وبلا وطن
أخآه وآضيعتآه يآ بالفضِل
"" "" "" "" "" "" "" "" "" "" "" "" ""
سود المصايب فرگة عيونه يختي العقيله
اتريد الأعادي ذبحي يخويه ساعة رحيله
باچر يزينب راسي أبرمحهم ونتي أبهزيله
الصعبه ... تروحين أنتي ... عالهزل باچر
والغربه ... تدوس أضلوعي ... بعده بالحافر
من السحگ صدري اعلى ظهري ... هم ينطبگ
ونتي ابسبي وكل خِيّم خِدرچ ... تشبع حرگ
أخآه وآضيعتآه يآ بالفضِل
"" "" "" "" "" "" "" "" "" "" "" "" ""
خادم السلطان
سيد محمد الياسري
قصيدة ليلة الدفن
رايحه وظل بالي يمكم
عالترب ظلت جثثكم
من رحت ياخويه عنكم. مو بديه
…….
من شبعت سيوف الذبح. وتأكدو مات
صعدو راسك عالرمح. يحسين شمات
وظلت على لساني بهظم. چلمة حرامات
خلونه ندفنهم لچن. صاحولي هيهات
منك يبعد اختك شلم. يرادلك حزمة زلم
ماتدري لو عندك علم. كيدوني
عذروني يا اهل المحنه
ومنين اجيب اليفزعلنه
من رحت ياخويه عنكم. مو بديه
……
مفتوح صدرك من كثر. دوس الحوافر
وكل خوفي يوكع كلبك. وظل كلبي حاير
عادة الميت يندفن. واهله تسافر
مو يبقه عاري اعله الترب. يكسر الخاطر
صاحت الوادم وشبعد. ماله عشيره هالجسد. ماله اخو ماله ولد. سمّعوني
احچي ويروحي ودمعي نازل
منين آنه اجيبك يابو فاضل
من رحت ياخويه عنكم. كيدوني
………
عباس ماانسه شكثر. تعبتك وياي
مشلوع كلبك عالخيم. يالطولك فياي
تمنيت اوافيك واجي. وعندي حچي هواي
وانته وجفوفك تندفن. ضامي بحضن ماي
زينبك مو زينب قبل. ماباقي بالطف بس هزل. ونسوان واطفال وحبل. واعتذاري
ادريك تقبل اعتذاري
نومك هضيمه بهالصحاري
من رحت ياخويه عنكم. مو بديه
……..
السجاد من الكوفه رد. للغاضريه
وصيته بهداي الدفن. لبن الزچيه
لمه بحصيره مطشرينه اعله الوطيه
وچفوف تلكه اعله النهر شمهن اليه
وتسمع الصوت من النحر. من نحر عباس الكمر. كبلي ادفن حسين بقهر. يبن اخويه
وخبرهه زينب ياحزينه
كل خطوه تلچم نحر بينه
من رحت ياخويه عنكم. مو بديه
…….
ادفنهم واكتب على. كبور النحبهم
ان وعد الله حق. والله انتجبهم
ارتاحو وظلت للدمع. والضيم اختهم
ميموت الحسين وفلا. مات الخدمهم
يعيشون مادام الهوه. ومشعل مناحرهم ضوه. عاشو وعاشت نينوى. الله يشهد
بكلهن يخويه تسامحوني
ما راضيه وعنكم خذوني
من رحت ياخويه عنكم. مو بديه
………
نسألكم الدعاء
حسين صادق العقابي
قصيدة ليلة الدفن
رايحه وظل بالي يمكم
عالترب ظلت جثثكم
من رحت ياخويه عنكم. مو بديه
…….
من شبعت سيوف الذبح. وتأكدو مات
صعدو راسك عالرمح. يحسين شمات
وظلت على لساني بهظم. چلمة حرامات
خلونه ندفنهم لچن. صاحولي هيهات
منك يبعد اختك شلم. يرادلك حزمة زلم
ماتدري لو عندك علم. كيدوني
عذروني يا اهل المحنه
ومنين اجيب اليفزعلنه
من رحت ياخويه عنكم. مو بديه
……
مفتوح صدرك من كثر. دوس الحوافر
وكل خوفي يوكع كلبك. وظل كلبي حاير
عادة الميت يندفن. واهله تسافر
مو يبقه عاري اعله الترب. يكسر الخاطر
صاحت الوادم وشبعد. ماله عشيره هالجسد. ماله اخو ماله ولد. سمّعوني
احچي ويروحي ودمعي نازل
منين آنه اجيبك يابو فاضل
من رحت ياخويه عنكم. كيدوني
………
عباس ماانسه شكثر. تعبتك وياي
مشلوع كلبك عالخيم. يالطولك فياي
تمنيت اوافيك واجي. وعندي حچي هواي
وانته وجفوفك تندفن. ضامي بحضن ماي
زينبك مو زينب قبل. ماباقي بالطف بس هزل. ونسوان واطفال وحبل. واعتذاري
ادريك تقبل اعتذاري
نومك هضيمه بهالصحاري
من رحت ياخويه عنكم. مو بديه
……..
السجاد من الكوفه رد. للغاضريه
وصيته بهداي الدفن. لبن الزچيه
لمه بحصيره مطشرينه اعله الوطيه
وچفوف تلكه اعله النهر شمهن اليه
وتسمع الصوت من النحر. من نحر عباس الكمر. كبلي ادفن حسين بقهر. يبن اخويه
وخبرهه زينب ياحزينه
كل خطوه تلچم نحر بينه
من رحت ياخويه عنكم. مو بديه
…….
ادفنهم واكتب على. كبور النحبهم
ان وعد الله حق. والله انتجبهم
ارتاحو وظلت للدمع. والضيم اختهم
ميموت الحسين وفلا. مات الخدمهم
يعيشون مادام الهوه. ومشعل مناحرهم ضوه. عاشو وعاشت نينوى. الله يشهد
بكلهن يخويه تسامحوني
ما راضيه وعنكم خذوني
من رحت ياخويه عنكم. مو بديه
………
نسألكم الدعاء
حسين صادق العقابي