921
قصائد حسينيه مكتوبه
الگـــاع شكـبـرهــا بكربلــه
وحسين شابـع بـس سحـگ
والمــاي تــارس هـل الأرض
وبصدره احس نار و حرگ
من السهم من الضمه
مـن الخـيـول اتهشمه حسين
****
ابن امــي هـذا يــا خـلگ
منَ العطش دلاله احترگ
گبـل الذبــح نـار التهــب دلاله
الگـــاع شكبرها بكــربله
ليش اعلى صدره جايله
منْ السحگ ما رحمته الخياله
هــذا ريحانـــة محمــد هــذا نفســه وروحــه
هذا جرحه الما تشافه حسين اقسى اجروحه
حسين لـــو ســر الديانـه جثتــه المطــروحه
سبــط النبي فــوگ الرمل
جمســه تطشـــر عالارض
وبصــدره مــا سالم ضلع
عشره الخيول الي ترض
صار بحوافرهن دمه
من الخـيول اتهشمه حسين
****
نهــر الفــرات ومنبعه
مهــر الزﭼيه الشافعـه
ليش نمنع عنه الفــرات بطوله
وعبدالله ﭼن عمر الورد
راد العذب ينــزف يــرد
مو ماي لا سهم الذبــح وَدّوله
الراضع ابهـام النبوه ليـش بالطـف ضامي
الجده شَمّه ابنحره تالي نحره ينزف دامي
خيَّامي بيهن سر محمد نـار وسط خيامي
يـــا نــار ظلــت تسـعتر
نـار الخيّـم نــار الذبــح
نار السهم وسط الگلب
لو نار من راس الرمــح
ياهي الي ظلت مضرمه
مـن الخـيـول اتهشَمّــه حسين
****
للتل شطـت بعـد الجــره
نــاديت يــا جــد منحره
بسيفه الشمر يگطع يوسفه اوريده
يا حيف من بعد الذبـح
راس الولي فوگ الرمح
ومگطوع خنصر يـا اسف من أيـده
عالرمح يا راس شفته هذا راس حسيني
كــون دونه ولا نظـرته شيبه دامي بعيني
صرت من شفته اسـيره والعّـده مسلبيني
راس الامامه اعلى الرمح
بالجبـهه اثــر لصــوابــه
راس النبــي ﭼنه انـرفــع
مـــن دمه صــار اخضابـه
بالنوح تنعاه السمّه
مـن الخـيـول اتهشمه حسين
****
ضامي على كتر النهـر
ومرخوص مايه للبشر
وممنوع ليش الماي لابن الزهره
حر الشمس نار الضمه
من نــار محنة فاطمه
مو بس ظلع الحسين رضو صدره
حسين ماي الجنه بيده وضاميات اشفافه
والفرات يموج مايه فايض اعلى اضفافه
غائره اعيونه بمضماها وذابلات اوصــافه
ودلاله مــن بعـد الذبـح
مثل الخيم نــار استعـر
وسهم النوايب بالگلب
طالـع يويلي من الظهر
حــيله يويلي امهدمه
مـن الخـيـول اتهشمه حسين
****
الشابع دليله بس الم
ترويه ماي ومو سهم
ليش السهم يروي العطش البگلبه
وبگلبه الأكبر والگمر
ومتحمل الام وقهـر
من الماسي حسين أصبــح كعبه
اطــوف بيــه كــل المــآسي المّـرن بــدلاله
طيحت انصاره واخوته وعطش گلب أعياله
وفوگ كل هاي المواجــع سحگته الخيّــاله
ضاگــت الگـــاع بنينـوى
وبصدره صــار الهن ركـض
مــا ﭼنه ابــن المصصطفى
من الله حبّه اصبح فــرض
روح الزﭼيـــه فاطمه
مـن الخـيـول اتهشمه حسين
****
الشاعر
موسى البديري
شفتك جوه الخيل تنازع ... يمه
نص گلبك من ظهرك طالع ... يمه
چا غير يعوفوك // مو ميت شافوك
////////////////////////////
گتلك اجيك الكربله _ وعنك صعب اتأاخر
جسمك لگيته من السحگ _ ثلثين منه مطشر
طحنوك بالحافر طحن _ يالبيك كلشي مكسر
نحرك اباوع بي ثلم _ بالسيف ثاري امطبر
صاح الربعه الجاك برمحه ... يمه
حسين ينازع خل نذبحه ... يمه
اگبال امك ذبحوك// مو ميت شافوك
////////////////////////////
ظهريت العاشر شمس _ يمه الحديد تصهره
بس انته من دون الخلگ _ مديور گلبه بظهره
دخان من صدرك طلع _ عطشان يبن الزهره
الما لحگ يطعنك تره _ يگلوله اللجم نحره
اليوصل يمك ميت شافك ... يمه
يسحگ ظل بلحم اچتافك ... يمه
بجروحك طعنوك// مو ميت شافوك
////////////////////////////
مشتبهه لو طولك گصر _ يحسين بيك شصاير
كل ساع الگالي ظلع _ مشلوع وي الحافر
الله واكبر وحدك _ وجيش اعله جسمك داير
ضليت اصيحن ياعلي _ فرهد اوليدي العاشر
الحافر ينگل ظل بعظامك ... يمه
واصل بيهن يم اخيامك ... يمه
توصل ويرجعوك// مو ميت شافوك
////////////////////////////
شريان شريان انگطع _ من رگبتك گدامي
مو سيفهم ريجك خشن _ بوكت الذبح يالظامي
كل ساع شامت بالحجر _ يركض يجي متحامي
يوليدي فضخو جبهتك _ وشيبك اباوع دامي
بوداجك ظل سيف الحاقد ... يمه
يگطع بيهن واحد واحد ... يمه
دم تنزف خلوك// مو ميت شافوك
////////////////////////////
كل حافر امتيه درب _ بصدرك تره يدلونه
والزايد ابچفه رمح _ من ظهرك ايطلعونه
من ينعدل جسمك رفس _ ياابو علي يگلبونه
صاحو يموت من العطش _ كل ماي لا تنطونه
دارو فوگك كل شماتك ... يمه
ماخلو حرمه الشيباتك ... يمه
من شيبك لزموك// مو ميت شافوك
////////////////////////////
مايرهم الجسمك غطه _ يوليدي چا غطيته
لميت صدرك بي نقص _ بس المهم لميته
مدفون نحرك بالرمل _ حرموني ما شميته
ذاك الاجه گص خنصرك _ لو بيدي ماخليته
اصبع چفك شني اخباره ... يمه
بهاي الهيمه يريد دواره ... يمه
كل هذا وسلبوك// مو ميت شافوك
////////////////////////////
تمت ____ علاء الزيـــدي
(((فزاعيه شور)))
احاه خويه يحسين ... احاه خويه يحسين
////////////////////////
توه الشمر خلص ذبح _ احاه خويه يحسين
وصعدو راسك عالرمح _ احاه خويه يحسين
الف وتسع مية جرح _ احاه خويه يحسين
بيك العده شمسوين ... احاه خويه يحسين
////////////////////////
مذبوح ليش من الگفه _ احاه خويه يحسين
وفوگ الرمل دمك صفه _ احاه خويه يحسين
بنيرانه گلبي ما طفه _ احاه خويه يحسين
شالو الراس مكيفين ... احاه خويه يحسين
////////////////////////
ركضو اباوع بس طحت _ احاه خويه يحسين
فرهود خويه تفرهدت _ احاه خويه يحسين
كلمن وحصته توزعت _ احاه خويه يحسين
مسلبين كلشي مسلبين ... احاه خويه يحسين
////////////////////////
بصدرك ولا سالم ظلع _ احاه خويه يحسين
بيا ذنب اصبعك ينگطع_ احاه خويه يحسين
حاچيني بيمن تنجمع _ احاه خويه يحسين
جسمك تطشر ثلثين ... احاه خويه يحسين
////////////////////////
چم حافر ابطولك عثر _ احاه خويه يحسين
جرحك جديد البل النحر _ احاه خويه يحسين
وفوگاك تل من الحجر _ احاه خويه يحسين
واعليك دارو صوبين ... احاه خويه يحسين
////////////////////////
يالنايم ابگلبك سهم _ احاه خويه يحسين
صح بيك بس بيه الالم _ احاه خويه يحسين
فوگانه حرگوهه الخيم _ احاه خويه يحسين
نركض بقينه متيهين ... احاه خويه يحسين
////////////////////////
تمت ____ علاء الزيـــدي
(( حسين أخوي ))
أحترگت أخيامي العذاب ... والحسين اعلى التراب
من ركضت أگباله شفته
دار وجهه ويبچي سكته .... حسين أخوي
"" "" "" "" "" "" "" "" "" "" "" "" ""
ياهلي ذيچ المسيَّه حيرتي مامنهه حيره
فزعت اعليّه العشاير وليَّه مافزعت عشيره
نار وخيول وأجانب الياكتر وجهي اديره
امن الخيام اتشردينه والخلگ مابيهه غيره
أركض ويركض وراي ... الشمر سوطه ابگفاي
من سمع طلعَّوا أخيته
دار وجهه ويبچي سكته .... حسين أخوي
"" "" "" "" "" "" "" "" "" "" "" "" ""
السمه والگاع تلهب والركض ماخذله صفحه
المايموت من المصايب العطش كافي يذبحه
والحچي المحد يحمله وخاطر الزلمه يجرحه
دنگت من عيروني شالوا أحسينچ ابرمحه
دارت أعيوني عليه ... يآمن يوصلني ليه
عالرمح بس ؤن سمعته
دار وجهه ويبچي سكته .... حسين أخوي
"" "" "" "" "" "" "" "" "" "" "" "" ""
حاولت أجمع شتآتي والبقه من اليتامه
والمصيبه اشما ألمهم اطشهم اچفوف الضلامه
واحد الواحد اسمعه يگله ضلتهم ندامه
فوگ أبوهم أذبحوهم لايضل واحد سلامه
اشيبقه بگلوب الزغار ... خيل وسياط وشرار
اشلون حالك خويه صحته
دار وجهه ويبچي سكته .... حسين اخوي
"" "" "" "" "" "" "" "" "" "" "" "" ""
چلچل الليل وگعدنه عالترب انه وخواتي
ولآيذات من الاجانب كلهن حسين ابعباتي
وحته لايسمعني واحد همس ابچي مستحاتي
ابكثر ماتعبانه روحي گعده ياخويه صلاتي
أستحي من الغرب ... اتشوف دمعاتي تصب
أمنيتي يمي حسين انته
دار وجهه ويبچي سكته .... حسين أخوي
"" "" "" "" "" "" "" "" "" "" "" "" ""
خلصينه الليل ندعي ماكو بينه المستراحة
لآيطر فجره علينه ننسبي ابطلعت صباحه
امگابلينه ابروس أهلنه والضحك عآلي صياحه
والضعن يآهوا اشوفه امحدب ويبچي ابنياحه
وعمداً اگبال الضعن ... يسولفون اعلى الوطن
أعذرني گلبك لو لچمته
دار وجهه ويبچي سكته ... حسين أخوي
"" "" "" "" "" "" "" "" "" "" "" "" ""
خادم. السلطان
سيد محمد الياسري
بي تعطش الناكه مشونه بدرب
اجيت من المدينه امدللة خدري
برسوم الكمر مشتد عزم صبري
ماجان اعله بالي انغدر من دهري
وفارك كل هلي ومسبيه ارد عمري
من عله الناكه ... ودعة أبو فاضل
************
اسيره وللغرب يردوني ع الناكه
ينازع كلبي باقي ابلوعة اشواكه
تره المثل ابو فاضل يصعب افراكه
لعيون الكفيل اعيوني مشتاكه
ينخطف لونه ... اذا صاحو سبيه
************
مجتوفه وحبلهم ماكل جفوفي
ذبلني العطش خويه وركد شوفي
جفن عيوني شاب وشابت أزلوفي
وكل لعيوني فوك اعله الرمح طوفي
ينحب انشوفه ... حسين شما بجينه
************
مؤقف مر علينه وحيل ماذينه
خويه الشام كله يباوع علينه
شمر وي حرمله شتترجه يحدينه
الماعدهم حميه اشمتو بينه
شام الاموازه ... بي ندخل سبايه
************
بخرابه والترايب ماكله اعيوني
من ياصوب اكضهن ياذن امتوني
اذا سمعو نياحه العده ايّسبوني
حرة ماميزه صار من التعب لوني
شحت ارسومه ... وجهي من المصايب
*************
عبد زينب
محمد مسلم الأسدي
(( مصايب كربله ))
هـا يا هـلـي اعله بـابـي
وگـفـت زلـــم مـصـابـي
طـفــو ألـــي خــيـامــي
لا تــحـتـرگ ثــيــابـــي
آه ... كلشي عـدنـه سـلـبـوه
آه ... مهد عبد الله حـرگـوه
آه ... العليل أبهيمه طلـعـوه
ويــن انـروح وهــاي الـوآدم
ماكو البـيـهـم بـيـنه يـسـالـم
بأسمي يصيح السابق خادم
ما تـرهـم حسين ... يـم الصـواويـن
تـتـراكــض أزلام ... وي النـسـاويــن
يا مصايب كربله... يا مصايب كربله
"" "" "" "" "" "" "" "" "" "" "" "" "" ""
كـل هضمتي وسـؤالـي
يــرجــع بــعــد دلالـــي
شـافـتـه غـربـه خـويـه
كـل طـولـي مـو خيالي
وين ... أمشي ومحد ويــاي
وين ... الما طلعت گبل هاي
وين ... حاطت بـيـه أعـدآي
صاحو زينب هسه شلونچ
ويـن الچانو ميـعـوفـونـچ
ما گـامـو كـون يحـبـونـچ
بيه الحچي أهوآي ... وين أشكي بلوآي
بـس النـسـواويــن ... ما عـنـدي حـمـآي
يا مصايب كربله ... يا مصايب كربله
"" "" "" "" "" "" "" "" "" "" "" "" "" ""
جـيـت أركـض أو أمايل
يلچحني فـشـلـه عـاذل
شافونـي عـمـده صاحو
هــاي أخـتـه أُبُـو فاضل
گوم ... شوف أختك يعـباس
گوم ... بـيـهـا أتشمتت نـاس
گوم ... خدرك بيد الأرجـاس
مـا تـرحـم زيـنـب تـدريـهـا
تشـمـت كـلـها أضـل بـيـهـا
وتضحك كلها أتأشر اعليها
لــو شافو أم عـون ... كـلـهـم يضحـكـون
بكل خطوه عباس ... مـزروعـه الأعـيـون
يا مصايب كربله ... يا مصايب كربله
"" "" "" "" "" "" "" "" "" "" "" "" "" ""
جــابــو هــــزل ألــيـــه
ويـدرونــي هـاشـمـيــه
مو زينب أسمي صاحو
أسـمـي صــرة سـبـيــه
حيل ... تـعبـني الطـف أهـواي
حيل ... محتاجه أختك أفياي
حيل ... عطشانـه بــلا مـــــاي
بـادة من المـمـشـه أجدامـي
لـؤن الهندس هـسـه أيـامـي
عفتك عاري ابهيمه وضامي
خلص عـذابــات ... ضـعـن الـغـريــبـات
بين الغرب ليش ... نـگـطـع مـسـافــات
يا مصايب كربله ... يا مصايب كربله
"" "" "" "" "" "" "" "" "" "" "" "" "" ""
بـعـد المشي وزجـرهـم
ذبـحـونــي من أمـرهـم
نـدخـل غصب سـبـايــه
سوگ ونطب قـصـرهـم
ضيم ... شفـنـه ابطبت السوگ
ضيم ... اعيون أنتسرت النوگ
ضيم ... سـلـبـو مـن الأحگـوگ
أسـم الـشــام يـهـد أبحيلي
مـا يطبگ بي جفني أبليلي
كـل أمصابي البيه يا ويلي
شحچـيـلـك الشـام ... كـبـرنـي أعـوام
وسط الگلب شًَيَبْ ... مـن كـثـر ألـلآم
يا مصايب كربله ... يا مصايب كربله
"" "" "" "" "" "" "" "" "" "" "" "" "" ""
عبد زينب
محمد مسلم الأسدي
(( نعمة الله ))
داسـت نـعـمـة الله الـخــيــل مـاعـرفـت مـعـانـيـها
فـوگ الجـبـها هـيـه اتـصـيـر مـو بـجـدام رجـلـيـها
طشرة كـل مـعـانـي حسـيـن ماخـلـت رســم بـيـها
شصبر عـالجــره يـحـسـيـن چـا چـنـدوب أعـديـها
اعلـه كيفچ مابـقـه بحيـلـه
بـــس يـــرتــاح أرجـعـيـلـه
مــن الـســـيــف للـحـافـــر
نــــــوح يـخـلـص الــيــلــه
"" "" "" "" "" "" "" "" ""
شعاتـب ونـتـه بـس اجـروح وعـتـابـي الــك ذابـح
عليك الجيش صاير طـوگ ماشـوفـك أبـد واضـح
صحت حسين أجتنه الخيل مؤقف لاحضة جارح
أشوفنك تـريـد دگـوم وتـرد اعـلـه الـوجـه طـايـح
بـيــك ألــــف وتـسـعـمـيـه
وآنـــه أكــثــر بــعــد بـِـيـه
تـذبـح حـالـتـك يحـسـيـن
بــقـيــت ابــعـــازة أمــيــه
"" "" "" "" "" "" "" "" ""
ما انـگـل جـدم ضليت نـاحـل بالـركـض حـيـلـي
بعد عينك يبو السجاد عـذاب ايـمـر علي لـيـلـي
وكــت خـلانــي أطــر ازلام ولا چـــف اليفـيِـلِـي
ونتـه اعـلـه الثره يحسين نايـم بالشمس ويـلـي
البــيـك اتـــواردا ابـحـالـي
يـاطــول اخـتــك الغـالــي
مـاوچـدِ الــدرب ضـلـيـت
چنت أنـتـه النـضـر مـالـي
"" "" "" "" "" "" "" "" ""
لــيــش اتـضـل ثـلـثـتـيام مـحـد فـرع وشـالــك
مشدوها الفكر يحسين ابـد مـا ينوصف حـالــك
علـه كبر الأرض نشروك طشو بـالفلـه اوصـالــك
متعوده اعله طولك چان بيش أقنعهم اعـيالــك
داســـو عـتـبـت الخـيـمـه
الـمـا عـدهـم ابـد شـيـمـه
الطف راواني ضيم انواع
ومشتد الـوكــت ضـيـمـه
"" "" "" "" "" "" "" "" ""
من كثر العطش يحسين وجهك ضايعه ألـوانـه
ياهـو القبله بـس حسين خشبه صايـر ألـسـانـه
تيهت الـعـرف ونــوب العـطـر دلانـي بمـچـانــه
صعبه شلون يبقه حسين عـاري ومالـه دفـانــه
نــايــم عـالـرمــل عـــاري
وبـگـلـبـي جــمــر ســاري
من شفتك ابـهـاذ الـحـال
شـــلال الــدمــع جـــاري
"" "" "" "" "" "" "" "" ""
عبد زينب
محمد مسلم الأسدي
(( صار العصر يحسيني ))
صـار الـعـصـر يحسيني
وبـروحـي زاد أونـيـنـي
طـولـك يـفـارگ عـيـنـي
مطشره خـويـه أسنيني
بعد عينك ... عـنـدي مـا بـقـت خـيـمـه
بعد عينك ... مـو طبعي أطلع أبـهـيـمـه
حسين خويه ... حسين خويه
"" "" "" "" "" "" "" "" "" "" "" ""
يـجـري دمـع بـعيـونـي
ضـايـع دلال أضعـونـي
الهضمتني غيرة لـونـي
زيـنـب غـرب شافونـي
بعد عينك ... تـعـب مـن الركض حـالـي
بعد عينك ... تـــؤارد آنـــه وخــيالــــي
حسين خويه ... حسين خويه
"" "" "" "" "" "" "" "" "" "" "" ""
حـرمـه وشـلـم مـحـتـاره
وعــلـــيـــه دارة غـــــاره
مـــات الـگـلــب بـخـبـاره
دخـــان أشـــوف ونـــاره
بعد عينك ... عـلـيـل أبخدري وطـفـالـك
بعد عينك ... شــلــم تــطــشــر أعـيـالـك
حسين خويه ... حسين خويه
"" "" "" "" "" "" "" "" "" "" "" ""
يـحديـنـي صـار العـايـل
يـهـلـي وضعنكم شـايـل
شـوفـي أبـدربكم مـايـل
يـفـزعلـي هسه الـكـافـل
بعد عينك ... مـشـيـت أبـلا أخــو وكـافـل
بعد عينك ... غـصـنـي مـن الـتـعـب ذابـل
حسين خويه ... حسين خويه
"" "" "" "" "" "" "" "" "" "" "" ""
أبدرب الصحاري أمشينه
وحـــر الأرض مــاذيــنــه
أمـگـشـر جـلـد رجـلـيـنـه
يـتـعـب مـشـي حـاديـنـه
بعد عينك ... طــاري الــراحــه نــاسـيـنـه
بعد عينك ... زلـــم تـتـمـرجــل أعـلـيـنــه
حسين خويه ... حسين خويه
"" "" "" "" "" "" "" "" "" "" "" ""
عبد زينب
محمد مسلم الأسدي
(((((شور ليلة العاشر )))))
علويات .. تعبانات .. وين انبات .. حاجني
//////////////////////
يعلوياتي عينني
بديه خيامي حركني
اركضن ليه طفني ... تعالن
النار امجلبه برداني
ارد واحد يجي الثاني
شتمني الذابح اخواني ... تعالن
اطفي اردان .. يوج اردان .. يهال النسوان .. طفني
//////////////////////
العليل الحاير ابظيمه
عليه اشتعلت الخيمه
ينادي ركضي بالهيمه ... يعمه
ركضت وبالجمر اسحك
ودخان النفس اشهك
لزمته بجفي المحرك ... يعمه
يكلي شلون .. اجيتي ام عون .. بقن العيون .. يحركني
//////////////////////
احتركنه وهايه وتاليهه
ركض لو وكفه نكضيهه
افراش الهيمه مابيهه ... اكعدن
انتجن ورتاحن اهنانه
تعبانه اعله عطشانه
عدونه صعبه يلكانه ... اكعدن
ذبلانات .. عطشانات .. مصدومات .. تبجني
//////////////////////
عرف مابيهه هالديره
حيرتنه صدك حيره
وادم نزعت الغيره ... عجيبه
سوده تباوع ايامه
عادي البكاك العمامه
تركض حرمه كدامه ... عجيبه
ظلام وليل .. حوافر خيل .. ماظل حيل .. سمعني
//////////////////////
شوج امحمله رجليجن
التراب التارس اعبجن
عيوني يبجن اعليجن ... هظيمه
زلمنه مذبحه بهمهه
الخيل محجله بدمهه
اجساد الساده شيلمهه ... هظيمه
برماد العين .. ادور وين .. اخوي حسين.. خلني
//////////////////////
تمت ____ علاء الزيدي
عون احجيلي خالك وين
ما جاي اسمع صوت حسين
اركض امن الغروب ** يمه حيلي متعوب
///////////////////////////////
الدنيه ظلمه عون يمه .. أعثرت بيك اوليدي
خالك اغله هواي منك .. اعذرني موش باايدي
يمه هم يله اللحك ابجي وانعه
راح احاول بالسهم من كلبه اطلعه
واحسب اظلوعه اريدن دمعه دمعه
ما اتعطل يكظي الليل
شمخليتلي منه الخيل
ويمك ارجع النوب ** يمه حيلي متعوب
///////////////////////////////
بالجثث ظليت اكلب .. هوه لا مو هوه
والتكتلك عرف كلهه .. مات وين اليسوه
الشامت اكبال الخيم صاح وسمعته
خال ولدج شوف يازينب ذبحته
حسين من كد العطش يبست ركبته
حركو كلبي حيل هواي
ما منطينه شويت ماي
بجسمه ماخلو ثوب ** يمه حيلي متعوب
///////////////////////////////
صوت اخيي جنت اسمعه .. يون من جروحه
هذا ياحافر تجرئ .. واخذ كلبه وروحه
ظلع كل شويه كمت بدربي الكه
حسين من الكاه راح شلون اشبكه
اخ يوم العاشر امشبعني حركه
شويه شويه ينصه الصوت
وي ابن امي شفت الموت
كلشي مني مسلوب ** يمه حيلي متعوب
///////////////////////////////
ظلمه والدخان يعمي .. راح شوف اعيوني
حسين مااندل مجانه .. بيا كتر دلوني
ينشدن ابنيات خالك عن ابوهن
من الركض بالهيمه كلش تعبوهن
والتراجي من اذنهن سلبوهن
بهيمه يركضن يمه اوياي
نص احتركن نص حفاي
كلشي غالي منهوب ** يمه حيلي متعوب
///////////////////////////////
صوت من نحره اجاني .. خويه انه اهنانه
ذاكه هوه وما اشوفه .. بكثر ما عطشانه
عطر ابو اليمه اشمه يدلي بيه
خالك امطشر بعد ما منه جيه
فوك ايده من التعب نامت رقيه
بجفني مجلبه كوه العين
كمت اتعثر بالميتين
الحزن اليه مكتوب ** يمه حيلي متعوب
///////////////////////////////
بدمعي اغسل دم ركبته .. ويمه اكظي الليله
ارد انظف اجروح كلبه .. من الرمل وابجيله
فشله من خالك يموت وما احظره
وصله جبت من الخيم افرشهه حدره
صيف يمه والرمل ظل يجوي ظهره
واكف رمحه بصدره اوكوف
لو ما عطره ما معروف
الصبر كلي جم دوب ** يمه حيلي متعوب
///////////////////////////////
تمت ____ علاء الزيدي
((((شور ليلة اهدعش ))))
راس الرمح يجوي بلهاتي
يم جسمي خويه روحي باتي
يازينب ..............يازينب
____
بعصابت امي جرحي شديه
بهيده اويه كلبي لا تلجميه
خويه الرمح من صدري وخريه
وخنصر اديه روحي دوريه
وي محبسي سلبو حياتي
يم جسمي خويه روحي باتي
يازينب ........... يازينب
_
يحسين حيره بيش اغطيك
اجروحك جثيره شلون اداويك
الحافر ثكيل وطايح اعليك
سالم اشوف ولا عظم بيك
افرش ردت حدرك عباتي
يم جسمي خويه روحي باتي
يازينب ............. يازينب
_
زينب تعالي وهمي رجليج
وباليوجعني ارد ادلييج
ظلن بناتي يدورن اعليج
خويه ابرقيه ما اوصيج
طول الوكت عيني البناتي
يم جسمي خويه روحي باتي
يازينب ............. يازينب
_
وروح امي زينب حيل محتار
الشمس الظهر ماتوصل النار
صيحي الرباب اوخري الحجار
فوكايه تل امن الحجر صار
مطرت حجر من كل جهاتي
يم جسمي خويه روحي باتي
يازينب .............. يازينب
_
عالذبح خل احجيلج ام عون
جابو جماعه ما يعرفون
عالذبح بيه ظل يعلمون
كطعو الراس وبي يهوسون
يهوسون بيه من غلاتي
يم جسمي خويه روحي باتي
يازينب ............. يازينب
_
بيه المواقف صارن اهواي
يطعني ظل الرايح وجاي
واكبال عيني بدو الماي
وبالهيمه خويه مامش افياي
ذبلن عطش كل امنياتي
يم جسمي خويه روحي باتي
يازينب ............. يازينب
_
وي السهم خويه اشحجيتي
بصف جسمي باوعت انحنيتي
كليلي ياخويه شلكيتي
شيبات طاحن من لحيتي
تموتج اظنهه نايباتي
يم جسمي خويه روحي باتي
يازينب ............. يازينب
_
مساع شفتج من تركضين
واسم الله اصيحن من تعثرين
همزين اجيتي خويه همزين
من غبشه عني الليله ترحين
شجاب السبي اعله مدلاتي
يم جسمي خويه روحي باتي
يازينب .............. يازينب
_
تمت ____ علاء الزيدي
زينبكم وحيده وداروا عليهه
يا عباس گـوم أفـزع يواليهه
وين تروح ،، بس أجروح
زينب ركضت وعثرانه بالمذبوح
ومشدوه الفكر والـنار بيها اتلوح
نار وخيل ،، جاهه الليل
عفتوها وحيده وراح منها الحيل
وأيتام بكترهه اتلوع دمها ايسيل
هاي أم عون ياهوه اليحاميهه
يا عـباس گـوم أفـزع يـواليهه
«««=====»»»ـ
تشرد وين ،، أهل حسين
محتاره وتلاگت غربه عين بعين
صاحوا كل أهلكم عالترب ميتين
شني الرأي ،، لا حمّاي
ياهو اليفزع وبچفوفه طاسة ماي
مـا تــرهم تـره علــويه زينب هاي
مدري شلون يا كفــال تاليهه
يا عباس گوم أفــزع يواليهه
«««=====»»»ـ
للأيتام ،، محد گام
بين الغربه تلسع بيهه نـار خيام
وحسرات بگلب زينبكم المحتام
يا كفـال .. هاي أحبال
ما يرضيك يا عـباس هـذا الحال
عطشانه اليتامه الماي يمهم سال
دخـان الخيم يالهيبه عاميهه
يا عباس گوم أفــزع يواليهه
«««=====»»»ـ
صار أصياح ،، والدم طاح
رفعوا رأس أخوك حسين فوگ ارماح
تـرجه شلـون گلب أم الحـزن يـرتـاح
عالت ناس ،، يا عـبـاس
سوط اعداك يگطـع لليتـامه انفــاس
گــوم واطگهم العـياله رأس ابــراس
كافي النوم مالايگ يحاديهه
يا عباس گوم أفــزع يواليهه
«««=====»»»ـ
هزله النوگ ،، صعبه تلوگ
زينب هاي ودوهه الغرب للسوگ
وأنت اعلرمح وتشوفهم من فوگ
يالصنديد ،، رحنه بعيد
صاحت يابو فاضل هذا مو تعويد
أحنه بفاجعه والنـاس عـدهم عيد
أخت حسين هاي الغربه تأذيهه
يا عباس گوم أفــزع يواليهه
«««=====»»»ـ
- خيري الصفراني
#اللهم_عجل_لوليك_الفرج
علي وليدي علي
علي وليدي علي
،،،،،،،،،،،،،،،،،،،،،،،،،
هــله بأبني هله علي الاكبــــر هله
حله بعيني العــرك صدگ توه حله
اريدك مــــــــن تطب تشيب كربله
المراجــل بس الك يراعي المرجله
محلاتك بالحرب
للحومه من تطب
تتمايـــــــل كربله
والدنـــــيا تنگلب
،،،،،،،،،،،،،،،،،،،،،،،،،،،،،،،،،،،
زلم ماكــو زلم علي بوجهك تصـد
يحير بشردتـــه ويذب سيفه اليهد
يريعان الگلبك يوصله مـــن الچبد
علي گالــــــــو علي شجاع ومايرد
قادتها تكتــــــــرت
من سيفك سومرت
محتاره لياكتـــــــر
بالشرده ادولبـــــت
،،،،،،،،،،،،،،،،،،،،،،،،،،،،،،،،،،،،،
علي ويشبه علي طلع مــن خيمته
ابد ماكـــــــــو مثل جماله وهيبته
گبـــــــــل سيفه علي كتلها بخزرت
نگل روس الزلــــــم وخذها العمته
خلگ الله تحيـرو
ودخيلك صيــحو
كافيــــــك ياعلي
طب ليها وخلصو
،،،،،،،،،،،،،،،،،،،،،،،،،،،،،،،،،،،،،،
نزل بس مـن زل گطع حتئ الهوه
علئ ارگاب الزلم علي سيفه التوه
شكثر ذابح زلم تســد عين الضوه
مثل جمره نزل علئ الطف ونچوه
هنيالي اشگد كلف
يوليــــدي ولايرف
ماتهتــــــــز ياعلي
لو ميه ولـــــو الف
،،،،،،،،،،،،،،،،،،،،،،،،،،،،،،،،،،،،،،،،
نزال
#قصائد_محرم_الحرام
#لـــيلـه_علــي_الاكــبر 💔
-----------------------------------------
صاحت الفرسان من هذه الفتى
ترهب عيونه وتولاها الزلم
صاح أنه الأكبري شبلٌ للحسين
إليوم اطيحها عساكركم ردم
كف الزلم غار غيره ومقدره
لا كدرته أسباع لاكو بن مره
ماخذها الافعول من عمه الكمر
محلا علي لا مـاكو بناظره
ابن الحسين العازم يكطعها ماي وهوه
نص المعاره بسيفه يكضيها هوه نوه
شد البيارغ بيده طباها جيش وطوه
////////////////////////////////
غيض جايب من امير المؤمنين
زلزل الحومه وعكرها الموزمه
طلگ اكرابه وتعلاها التراب
صال بالمهره وتوسدهه الدمه
غصّت من الخوف تواها الوغه
يثلم سيفه الاسيوف للطك إبتغه
ماكضته أحدود عل موت ارتجز
ايحط بيها الافلاك لو رف بيرغه
صاحوا محمد هذه معقوله مات ورجع
أنه إبن ابوي اينادي والجيش حدره وگع
عزريل ينظر دايخ من خوفه يمه ركع
///////////////////////////////
ياعچيد الساده تصرخ كـربله
ادخيل طباها ورعشت نينوى
إلحرب ندريها معارك بسيوف
ليش الأكبر كاطع هناك الهوى
كـر وچها ضرغام بعيونه لهـب
شد حيله نوماس وچاهم حطب
ما حاجه للسيف بزنوده العرك
دك بيها ثايات مقطوع الدرب
تچوي اليشوفه اعيونه بسيف بيهم رعد
لـو مرتوي بـل عاشر جـا ناس ماكـو بعد
ما يبقه واحـد واكـف يفنـيها هـذه وعـد
/////////////////////////////////
ياحلاة ارسومه اكبرنه الصعيب
عيـّت اتـراب وخِـلسها نـينوى
گله يا مرتضى ناداه الحسين
أثنين كام بچفه يصفكهم سوه
حـط بيا نـيشان يـذبح صـارمه
من جف ابو حسين غركت بدمه
ما لحك اعـليه لامـوت وجـزع
چن خبير انعاد عسكرهم رمه
سبحانه شبل الساده زلزال بيهم نزل
يسترها الله الباري اغتاض منهم زعل
غاير عليهم سيفه طباها حومه عدل
----------------------------------------
🔹 #محرم_1447_هــ 💔
سيد محمد الذبحاوي ✍️
#اللهم_عجل_لوليك_المنتقم_الفرج
#مولاي-الاكبر-صلوات-الله-عليه
بـلا روح وطـلـعـت اركــض
ومـحـد غــيـره لاچــمـنـي
اشم ريحة علي ابكل صوب
چـا ويـنــه عـلـي ابــــنــي
الله اولـــحــد وكـضــيــت
گلـبـي اعـليـه يــوجـعـنـي
وصلت الـ حاله اسئل عن علي گلبي
طـايـح وين دلـيني اعـله ابـو تـعـبي
بعد وحسين ماهو حسيـن بالـوادم
اروحن وارجع امـدوهـن نفس دربي
اريد اوصل ابني
وكفت وحيره اوصله علي امنين
الجدم گلي منااا
وگلبي ايصيح منا رد يالحـسين
==========================
ابـو الفـاگـد تـصـيح الناس
وروحـي اتـجـذب الصـايـح
ويـن الله واشـوفـه ابـخـيـر
ويرد ضـهري الـ عـليه رايـح
اعله گـد مـا غـوشـت عيني
{ما شفته}ويـمي هلـ طـايح
دنـگـت اعـله ابنـي ابـلا گـلـب چني
وكلتله هم شـفت يوليدي ويـن ابني
كسـر روحـي لمّـن تمـتـم ابـشـافـه
چـلـمه ولا گـدر يـحـچـهه تـعـبـنـي
صفنت اعله وجهه
علي لو ما علي احتاريـت مذبوح
يـوادم كــتــلـنــي
ونضرت عينه بچت عيني والروح
==========================
انحـنيت ومـوش چني حسين
اوكّـــف حــيـلـي مــا اگــدر
ابـوو ومكـسـور حــگي وچــاا
اذا الــطــم عـلــى الاكــبـــر
{الحـسره }و{كـضت الحـيتي}
خلتـني اعــله كلـشـي اعــثــر
افـراگـه والعـطـش والـخـوف الـتـمن
يكـون وذنـي اليـشوفـن علـيه يـعـمن
مـن الله ويـگوم اولـيدي هـسه اويـاي
وگـلـهن للـفواطم جبته حـيلـي الـچن
گـمـت وابـ عذابي
ابـ عـلي ادعـي وعلي مـا گام وياي
ضميت اعله وجهه
وبعد ما كول ضامي حسين للماي
==========================
يـكسرانـي الكـسرني اكبال
وادم حــيــل تـلـچــمــنه
الهضيمه انـ گالت ابوجهي
مــا يـگـدر يـشيــل ابــنه
حـضنته وگـام مني وطــاح
ومــن هــايـه تــعــذبــنـه
يمـيل اعـلــيه واتمـايل علـيه كلـساع
شـلته مدري هوه الـشالني امـن الكاع
رحتله ابـ فـزعه لاچـن هـسه اريـد انه
الي ولـ وليـدي من هاشـم يجـي فزاع
بعد مالي كل روح
اشـوف ابـنـي بـعد ويـطـيح مـره
اعله يا ظيم احطن
شيبي ابراسه لو مدري اعله صدره
==========================
الـشـمـاته ابـلا گـلـب كلـهه
رد وحــدك عـلـيْ صــاحـت
شيـردنـي اعله الخيم وادري
امــه اتــمـوت لــو شــافت
اضــل يــمه اروح اشــلــون
كــسرتي اهــنانــه ما صارت
كمت عنه ورجــعت اعــليه واشبگته
وكــتله يا عــلي الحــســين مــوتــه
فتح عــينه وفرحــت اوليدي ما ميت
ويــا فرحــه الولا دامــت الي شــفته
غمضهن عيونه
وكطع كلبي اعله نضراته الاخيره
حناني علي ابني
بجيت وهسه وجهي المن اديره
==========================
سجاد ابراهيم الكعبي
اغرب وداع تسمعه رايح
ظليت اسمعه وانه طايح
وداع اعظائي بچاني // واحد ودع الثاني
/////////////////////////////
بااول وداع اتعجبت _ وي طيحتي كمت اسمع
وي السهم صاح الگلب _ من الظهر راح اطلع
سهم المثلث اجه رايدني تدرون
عالرمل يشمرني راح اگبال العيون
حسين لو صاحن بناته يوگف شلون
عالرمل يزحف يظل وما يوخرون
حيرني حيره هذا الوداع
اعظائي رايح تترس الگاع
بگلبي السهم لاحاني // واحد ودع الثاني
/////////////////////////////
اظلوعي احسن اتشابگن _ وصلن صلاة الحاير
والجلد صاح استعجلن _ يركض اجاچن حافر
الخيل حافرهه ثكيل وهذا وضعه
الظلع التلوحه تره وياهه تشلعه
توقعن حتى النفس رايح تگطعه
وزينب اتلم المطشر قطعه قطعه
هنانه النفس ظليت اشهگه
راح الصدر حافر يسحگه
سحگ اظلوعي اذاني // واحد ودع الثاني
/////////////////////////////
راسي يسولف للجسد _ شلون العده يذبحونه
واثنعش طبره من الگفه _ بالخنجر ايطبرونه
راح يفترون بيه اگبال الطفال
دمي بعده ينزف ومن شعري انشال
برگبتي يخلون رايح رمح چتال
حالي حالك يالجسد هم بالشمس ضال
چتالي يگعد فوگ صدري
يعلعلني حيل بگطع نحري
واگله اذبحني شمتاني // واحد ودع الثاني
/////////////////////////////
ودع اصابع يمنتي _ وگللهن انه اتغيب
راح انگطع بس انشمر _ من محبسي يتسلب
طمع بالمحبس يگصون الاصابع
بالرمل بين الحوافر ابقه ضايع
وانه مثلك بالصدر هم سحگ شابع
حسين بيمن يلتهي وگاعد ينازع
زينب تدور خنصري ب آه
يشلع گلبهه يله تلگاه
التتعب يله تلگاني // واحد ودع الثاني
/////////////////////////////
كلهن اعظائي توادعن _ قربت نهاية عمري
بخاصرتي طعنوني برمح _ حد ما عبر من ظهري
على اعضائي مطشره ظل وجهي يندار
ناس ترميني بسهام وناس بحجار
وانه بالي يم اخيتي ويم الزغار
ادعي ربي للعبي لا توصل النار
حچايتهن اعظائي الاخيره
تجمعنه نتاامل حصيره
بحصيره موصي دفاني // واحد ودع الثاني
/////////////////////////////
تمت ____ علاء الزيـــدي
((((شور ))))
متعنيه الخيل شيردهه متعنيه الخيل
دورلك حيل يبن امي دورلك حيل
/////////////////////////
علوه ونصه گاع الطف _ ماعايز بعد ظهرك
اغمض اعيوني وادعيلك _ كون الحافر يعبرك
الخيل ولا شريف يگوم _ من جواهن يوخرك
يتعبن يمته چا يحسين _ مو شلعن قفص صدرك
غير يبطلون من يمك غير يبطلون
گام يطشرون بظلوعك گام يطشرون
/////////////////////////
تزحف للخيم المن _ محد صاحتك الحگ
اشوفك گاعد تنازع _ شو تتلفت وتشهگ
يشبه طگت الحرمل _ گبل شويه ظلعك طگ
شيسوي الرمح يحسين _ بخاصرتك بقه معلگ
وجهك گلوبه عالغبره وجهك گلبوه
الماي يبدوه گدامك الماي يبدوه
/////////////////////////
تلاثه تلاثه صعدوهه _ الخيل الغارت تسحگك
يعني اختك بعد يحسين _ ما تشبگهه وتشبگك
شفت واحد اجه يركض _ و حسبالي انه يحبك
ذب المستحه يمك _ ومتسرفن اجه يسلبك
متانيك اطيح سلابك متانيك اطيح
فرهود يصيح بهدومك فرهود يصيح
/////////////////////////
تعلعل موتتك صارت _ يل ما ميت بسرعه
لمچانه ترد گلبك _ والحافر يجي يطلعه
الما لحگ يطعنك ليش _ لسهم الطالع يدفعه
يحد بخنجره الچتال _ رايح راسك يگطعه
متسرفن جاك چتالك متسرفن جاك
تنزف خلااك من نحرك تنزف خلااك
/////////////////////////
ذباحك ذبح خلص _ ويه الرگبه ماقصر
من شيبك رفع راسك _ وظل يم الخيم يفتر
حصيره حضرت لليل _ المن بيهه المطشر
مو بس شفتك يحسين _ من الحر جسمك اتفطر
بس يوخرون من يمك بس يوخرون
تلگاهه ام عون جامعتك تلگاهه ام عون
/////////////////////////
تمت ____ علاء الزيـــدي
ترست الهيمة امن النزيف اجروحه
بعيني شفت بالخيل طلعت روحه
شمسوي ويسحكونه،،،شمسوي ويسحگونه
ــــــــــــــــــــــــــــــــــــــ
هاي الخيل اجت گوم
ماخلولك اهدوم
الحوافر مدري شتريد
تاخذ منك النوم
هوه شضال بيك وردو لجسمك
لاراسك وصبعك يالنشف دمك
هاي. الخيل راح تطشرك وكلي
ياهوه اليجي يبن امي ويلمك
يالـسـاكـت انه ابسـكتتك مذبوحه
بعيني شفت بالخيل طلعت روحه
شمسوي ويسحكونه،،،شمسوي ويسحگونه
٭٭٭٭٭٭٭٭٭٭٭٭٭٭٭٭٭٭٭
شگد ماترحم الناس
اخت ماعدها عباس
صحت حيهم للاطفال
هذا حسين ينداس
التمينه اعله جسمك انه وضعونك
ترجينه العساكر مايسحگونك
ادافع خيل گمت وماطلع بيدي
المّك ساعه بس ساعه ويطشرونك
گـد الـسحـك ياناس صايـر لوحـه
بعيني شفت بالخيل طلعت روحه
شمسوي ويسحگونه،،،شمسوي ويسحكونه
٭٭٭٭٭٭٭٭٭٭٭٭٭٭٭٭٭٭٭
ياخويه الضعن طاح
وراسك شالته ارماح
لاخيمه ولا ماي
گلي شلون نرتاح
يبن امي الخيم ياوسفه حرگوها
وزينب بالسياط الگوم ضربوها
لا انـتـه ولا عـبـاس شـنـســـوي
وتـرجـيـة رقـيـه اگبالي جروها
المالاحه سهم السوط خويه ايلوحه
بـعـيني شـفت بالخيل طلعت روحه
شمسوي ويسحكونه،،،شمسوي ويسحكونه
٭٭٭٭٭٭٭٭٭٭٭٭٭٭٭٭٭٭٭
نـســوان وغـدت ويـن
ابهيمه وماكو الحسين
الـعسـاكر هـاي شـتريد
تـروع بــالـنــسـاويـــن
شسولفلك يبـو السـجـاد عـن حالي
ضعن متروس چان وهسه رد خالي
تـفـرهدنـه الضهر مـو ليـل يبن امي
وبـيـرغ بـنـي هاشـم طـايح اگبالي
ظلـت جـنـايـزهـم هـلي مطروحه
بعيني شفت بالخيل طلعت روحه
شمسوي ويسحگونه،،،شمسوي ويسحگونه
٭٭٭٭٭٭٭٭٭٭٭٭٭٭٭٭٭٭٭
شعدنه وننطلب ثار
وذبحوا حته الازغار
العطش مايخمد ابماي
اذا گلبي اشتعل نار
نهيم امن العطش والرمل يچوينه
ودرب الـمـشـرعـه مـحـد يـدلـينـه
اريد امشي لبو فاضل واگله ايگوم
احشمه وخل يذب السهم من عينه
عگبك صفت كلمن يحـير ابنـوحه
بعيني شفت بالخيل طلعت روحه
شمسوي ويسحكونه،،،شمسوي ويسحكونه
حسين علي الگرغولي
(( مشتاكه ألك ))
تريد الصدك مشتاكه الك•••وعيوني تِربي الشوفك
يا خويه ياذيني الهِجِرّ•••يمته أنه أشوف أطيوفك
صعبه نعوفك يا نفِل•••أويه الغربه نمشي أنعوفك
مشيِ الغرب يحني الضهر
أرد أمشي وي ذاك الكمر
يا خاطري حيل أنكسر
بجفوفي صارت سلسله
وكادوها كل العايله
عفتك يخويه أبكربله
هذا حالي من بعدكم
شلون أوصف شوكي الكم
ياكل أبروحي هجركم
يابا الفضل ياخويه ••• يابا الفضل يا خويه
*****************
يا حيرتي بذاك الظهُر•••من شفت أخوي من المُهر
طاح الحسين عله الثره•••وضلوعه داسوها الكُفر
بعيوني ضلت دمعتي•••ياخويه لو أبجي أنصطر
سال الدمع فوك الوجن
من البجي شاب الجفن
والشوفتك كلبي يحن
بطولك أكحل ناضري
ومسح دمع عيني الجري
ع الغبره ماشوفك عّريِ
بالهجر يصبح عذابي
ويكبر أبروحي مصابي
لحظه ما يبطل نحابي
يابا الفضل يا خويه ••• يابا الفضل يا خويه
******************
خويه اليسر مو للمره•••فشله اذا تمشي بدرب
ياحرمه مثلي أتيسرة•••وكوطر ضعنهه أويه الغرب
بس زينب أخذوها بسبي•••وفوك اليسر لوعه وضرب
باجر نطب سوك الفشل
وبلا ولي بعد الكفل
ونوك الصعدناهن هزل
رؤس أخوتي فوك الرمح
زاد الهضم زاد الجرح
ميته عسه بذاك الصبح
الفشله للشام أدخلونه
خويه والسوك أشتمونه
حرم بالباب أوكفونه
يابا الفضل يا خويه ••• يابا الفضل يا خويه
******************
من ديره الديره أطب•••والحيره نفس الحيره
كل ديره بيهه أدخل متت•••من أسمع كلام أيسيره
والحادي من وجه تشح•••ياخويه أسم الغيره
أمنيتي أموت ولا صرت
مسبيه مجتوفه رحت
من المصايب شيبت
زينب مشيت بلا ولي
وتنخه محد من هلي
حجيك سهم عمه علي
حجيك أسمعته وهضمني
جلمتك يا عمه بذني
ليته أمي لم تلدني
يابا ألفضل يا خويه ••• يابا الفضل يا خويه
******************
عبد زينب
محمد مسلم الأسدي
شوفت اهلاله تبچي اعيون زينب
فــدوه لا تـهـل يـهـلال الأمـصـايــب
گـلـبـي من طلعتك بــالحــزن ذايـب
اليـه أشچم اخـو يـوم التهل غـايـب
ابعينك ما وگف شاب اوگف شايـب
تهدل أجفوني بيك من البواچي
"" "" "" "" "" "" "" "" "" "" "" ""
أتـعـب بـيـك زيـنـب ما ضگت راحـه
مـگـطـوع الگـلـب ما بـاقـي سـباحـه
بيك اشـبـع بـواچـي وشـبـع أنـياحـه
أبن أمي اعله الثره ويحديني ذباحه
ساكنه الهيمه تالي تصير زينب
"" "" "" "" "" "" "" "" "" "" "" ""
ارحــم حــالــي زيـنـب آنـــه عـلـويـه
طاحت خيمتي وعـودي انكسر فَـيِـهِ
تـقـبـل بـالـجــمــر رجـلـيـه مـچـويـه
وعله نوگ الهـزيـلـه أمشي مسـبـيـه
عالنوگ مغصوبه هزله أگضي الدرب
"" "" "" "" "" "" "" "" "" "" "" ""
فـــوگ الـنـاگــه مـن ديـره لـعـد ديـره
مــو عــبــاس يـحـدي كـافـلـي غـيـره
مايـرضـه الـبـواچـي وحيرتـي حـيـره
الشمس ضيعت رسم وجهي وتعابيره
حفاي بالهيمه ركضنه اعله الحجر
"" "" "" "" "" "" "" "" "" "" "" ""
ابزود اخواني چنت ألمع مثل نجـمـه
هسه اتغيره حته اسـمـي راح أسـمـه
ضعني امطشر وماضـل أخــو يـلـمـه
حته الحادي صار اعله الضعن زلـمـه
للسوگ طبوها زينب يا هلي
"" "" "" "" "" "" "" "" "" "" "" ""
عبد زينب
محمد مسلم الأسدي
نيران بخيامي ألحگو يا هلي
شـيـب راسـي بـأول فـتحـت الـعين
الشمر بجدامه يرفس شفته بحسين
تـهـت بـالـهيمه أركـض ماعرف ويـن
ألـــوذ أبـيا كـتـر مـامـش صــواويـن
الخيم حرگوها يحسين بويه
الـحـرم وآزوها يحسين بويه
مامخلينه مهد عبدالله سالم
"" "" "" "" "" "" "" "" "" "" "" ""
النعرف أحـنـه أبـدلال أتـعيش الأزغار
مــو شــابــع جـدمـها أبلـسـعـت الــنار
شمس أغروب وجهي من العطش صار
نــحـلانــه وضـرب مـــن كـــل الأكــتار
التراچي أنباگت يحسين بويه
هـديـتك راحـت يحسين بويه
طابعه أبعيني أديه لمن صطرني
"" "" "" "" "" "" "" "" "" "" "" "" ""
أبجدمي أزغير أسابگ ركضت الخيل
أعـثـر كــل شـبـر ومـفـرهـد الـحـيـل
بـــويــه أبــلا ضــواك يـتـعـب الـيـل
ردن مـاكـو وينشف دمعي ألي يسيل
علـه وجـناتـي يحسين بويه
أنزلت دمعاتي يحسين بويه
شوغة أمصابه گلبي الحجر تفطر
"" "" "" "" "" "" "" "" "" "" "" ""
نـگـعت كـل ثـيابـي أبـكثر الأدمـوع
صوتي مـن الـعطش ماچنه مسموع
مؤقف بويه أسولف يحني الأضلوع
مـاي الـخـيـل شـربـة وحـنه ممنوع
صحت عطشانه يحسين بويه
رقـيـتـك آنـــــه يحسين بويه
يچفون گدامي الماي شما صحت
"" "" "" "" "" "" "" "" "" "" "" ""
فوگ أرماح أشاهد راسك وياي
شيقنع الـگـلـب ويـصبـره أبهاي
بعيونك سـوالـف تـطلب الـمـاي
أشما صدلك وحقك يكثر أبچاي
شمس بعيوني يحسين بويه
تـغـيـر لــونــي يحسين بويه
بركاض ممشانه خلصنه الدرب
"" "" "" "" "" "" "" "" "" "" "" ""
مشوني أبدرب ماسحگته أجدام
الما طـلـعـت گـبـل طبوها للـشام
تـارسني الـنضر نـيـشـان الأسهام
الخطوه هناكه تنعد بيه ألـف عام
الغـرب شافوني يحسين بويه
العده يضربوني يحسين بويه
حضنك أخلافه ينيموني بخرابه
"" "" "" "" "" "" "" "" "" "" "" ""
عبد زينب
محمد مسلم الأسدي
(( شمس اغروب ))
يـدفـع طـولــي حـتــه الــريــح تـعـبانـــــه
مـن كــثـر الــركــض يـحـسـيـن ذبــلانــــه
شـيـب گــلـبـي مــن أمـصـابـه وحــزانــــه
مـا رحـمـو أخــوي وحــتــه ونــســوانــــه
ذريـــة نــبــي ومـحـد نــغــر لـيـنـه
زلم وخيول بعدك هجمت اعـلـيـنـه
بكل أجروحك ويـــاك
دوآي أمضيـعـه ودوآك
جـابـو بـعـدك الـمــــاي
وصمنه ألخاطر أشفاك
زينب آنه يا هلي ... زينب آنه يا هلي
"" "" "" "" "" "" "" "" "" "" "" "" "" "" ""
خــــرز ضـعـنـي تـطـشـر بـالـغـرب يـهـلـــي
بــعــد الشـفـتـه مـيـتـه ويــــاك أرحـمـلـــي
عـسـانـي لا أجـيـت ولا مـشـت رجــلــــــي
أنـذبـحـو كــل هـلـي چـا هـسـه أحـسـلـــي
أرد المن بعد يـا خـويـه مـا ادري
گـبـل نحرك يريته منگطع نحري
أروحن بعدك ألـويــن
ماكو البـيـهـم حسين
اليسلب خنصرك هاذ
مـا يحرگ صـواويـن
زينب آنه يا هلي ... زينب آنه يا هلي
"" "" "" "" "" "" "" "" "" "" "" "" "" "" ""
شـمـس أغـروب صـار مــن الـعـطـش لــونـــك
يساگيهم نـهـر بـالضـيــج أشبيهم يعطشـونــك
الأعرفه النعمه ما تنداس أشوفنهم يسحكونـك
يحسين الذبحني وبيه حط حسره
تـوك خلصت ذبـحــك وجـن عشره
راحـه مـا شفـت دوم
گضيت اهموم بهموم
سـلـبـو مـنـك أعـيـال
ومـن المـاي مـحروم
زينب آنه يا هلي ... زينب آنه ياهلي
"" "" "" "" "" "" "" "" "" "" "" "" "" "" ""
مــو بــس أنـتــه بـيــك ألــــف وتـسـعـمـيــه
أبــگــد أجــروحـــك آنــــه اضـاعـفـن بــيـــه
الـمـا شــايــف خــيـالـــي أيــأشــر اعــلـيــــه
زيــنــب حـضــري روحــچ گــلــي مـسـبـيــه
شيب رمشي خويه وشابت ازلوفي
مـن جـابـو سلاسل تـاكـل أچفوفي
أطـلـع وحـدي يـدوآي
حـلـم ماصدگ أبـهـاي
گـبـل من أطلع أبلـيـل
أخواني وحيدر ويـاي
زينب آنه ياهلي ... زينب آنه يا هلي
"" "" "" "" "" "" "" "" "" "" "" "" "" "" ""
أطـــيـــح مـــن الــهـــزل كـلـمــا يـذكــرونـــك
رمــحــك يــمــي جـــابـــو حـــتـــه يـآذونـــك
تـبـچـي اعـيـونـي ونـضـر فـايـضـه اعـيـونــك
تـسـولـف دمـعـتـك تـنـحـب عـلــه أضـعـونــك
منين أتلگه ضيمي من السبي منك
رقـيـه أشـلـون لـو صاحت اريدنك
وحـقـك تـشغـل البال
صعب تقنعها الأطفال
يجيبونه أبطشت راح
وتموت أبشلت الحال
زينب آنه ياهلي ... زينب آنه ياهلي
"" "" "" "" "" "" "" "" "" "" "" "" "" ""
عبد زينب
محمد مسلم الأسدي
لخاطر شيباتي _ عوفو ابنياتي _ ردوهه الخيل
ليش متعبيهن _ يعثرن بعبيهن _ مابيهن حيل
////////////////////////////
موش عشر اخيول جيبو _ خل يسحكن بيه ميه
اظلوع اوزع للحوافر _ ولا تلوح اخيامي اذيه
يالخذيتو الخنصر اقبل _ من تكطعوهن اديه
وانته يالماخذ قميصي _ عوف ترجيت رقيه
يمك هذا اني _ اترك نسواني _ ارجع لتروح
واسحك بالحافر _ من هسه لباجر _ وياك اخذ الروح
///////////////////////////
لاني ميت لاني واكف _ شلون مدري ارجع الهن
زلمه ما شافن بناتي _ وترسن الهيمه بركضهن
الليله ادري ما ينامن _ ونايم الشوج بجدمهن
كل عفاف الدنيه بيهن _ بالخيم بين خجلهن
اوكف مااكدر _ نص صدري مطشر _ ازحف ظليت
هنه يشوفني _ بس شيوصلني _ حيل احتاريت
////////////////////////////
شمس ماشافن بناتي _ شلون تردوهن يطلعن
عوفو علوياتي كافي _ ما معودهن يركضن
التهوو بيه تعالو _ وللخيم ماشين المن
خمسه فوك الخيل اصعدو _ بصدري خلوهن يسحكن
ماعدكم غيره _ تشوفوني بحيره _ بااخر لحظات خيامي تحركوهن _ ليش توازوهن _ مو علويات
////////////////////////////
امن الضمه مبوح صوتي _ خانك انفاسي التراب
شايله عبدالله تركض _ ذيجه مو جنهه الرباب
طلع شامت من خيامي _ بيده مدري شنهو جاب
ياحسافه كبال عيني _ هذا طالع ذاكه طاب
كاروك وليدي _ السويته بأايدي _ شامت شالااه
عطره اشتميته _ بحظني تمنيته _ يوليدي احاه
////////////////////////////
اخذو كلشي بيه غالي _ اخذو حته انفاسي مني
وبشرط عوفو بناتي _ جاي يبجن تعبني
لاني اكدر اوصل الهن _ وهنه لا كدرن يجني
ارماح خشنه بالخواصر _ هواي كمت وطييحني
راضي تذبحوني _ بس توعدوني _ تنطوهن ماي
عطشن اعرفهن _ جاي اسمع ونهن _ الركضن حفاي
////////////////////////////
شيبي عدكم ماله خاطر _ وما لزمكم مستحاكم
اطفالي سحكتهه الحوافر _ رحمه ماعدكم شجاكم
عالرمل وشلتو دمي _ وللخيم ازحف وراكم
والله ماعدكم حميه _ وبس ابو فاضل دواكم
السوط محظرينه _ وين مودينه _ شراح تظربون
انهض مابيه _ ماتن رجليه _ عوفوهه ام عون
////////////////////////////
تمت ____ علاء الزيدي
انطاجن عمره // كال بحسره
طلعت بالسحك روحه
اعيونه اعلينه مفتوحه
///////////////////////////
علي ناده تعالن جاي .. طرف الخيمه ارفعنه
بعد ساعه احسبن راح .. الخيل اعلينه تتعنه
ماجنهه رايح تفض
الحافر يهز الارض
واتحظرن للركض .. بالهيمه
توه ابونه انذبح
بدم نحره جسمه سبح
يخوف وضعنه صبح .. بالهيمه
صوت اضلوعه // اطك مسموعه
ظامي وشفته مجروحه
اعيونه اعلينه مفتوحه
///////////////////////////
الشمس جنهه تريد اطيح .. اكيد الغالي متحير
يجر بالمحبس السلاب .. رايح يكطع الخنصر
محبس ابونه انسلب
تدرن وراجن تعب
يعني التراجي الذهب .. ينسلبن
من الخدر ماكو اهم
كل ساعه يعبر سهم
معناهه حتى الخيم .. ينسلبن
صاحو نمشي // نفرهد كلشي
نهمشه النكدر انلوحه
اعيونه اعلينه مفتوحه
///////////////////////////
بس يهدء غبار الطف .. اخيام العفه يحتركن
طحنن صدر ابوي الخيل .. عشرتهن تره يسحكن
بنص الحوافر وكع
ولا خير انظر فزع
من صدره كلبه طلع .. يشوفونه
بالرمح جابو طعن
وبالحجر دفنو دفن
بخاصرته ايده ويون .. يشوفونه
خيل الغربه // شلعن كلبه
واصل للخيم نوحه
اعيونه اعلينه مفتوحه
///////////////////////////
الوادم فزعت اعله حسين .. بكلبهم ماكو كل رحمه
اليتعلم ذبح جابوه .. يذبح ظل باابو اليمه
وكفو اشوفن سره
كلمن لزم خنجره
يتعلم ابمنحره .. ياحسره
راس الغريب انبتر
شالوه من الشعر
واعله التراب انشمر .. ياحسره
هذا يلجمه // ذاكه يشتمه
نحره تحركه الملوحه
اعيونه اعلينه مفتوحه
///////////////////////////
تعرفنه حنين اهواي .. وعليجن فاتح اعيونه
يزحف للخيم شافوه .. صاحو لا تخلونه
صاب الحجر كصته
طاحت نهر دمعته
واحد لزم لحيته .. وشيباته
شمس الظهر جوته
خيل وزلم سحكته
جسمه شبر خسفته .. وشيباته
الحافر شده // ساحك خده
اظلوعه بصفه مطروحه
اعيونه اعلينه مفتوحه
///////////////////////////
من كد العطش ويلاه .. سواد اعيونه صار ابيض
الرمل تارسهن ارموشه.. ولحظه وحده ماغمض
طلعن وركضن سوه
ظل يجوي حته الهوه
لجروحه مامش دوه .. بهل الصحره
والله الركض مو سهل
ثمانين طفله وطفل
ميت عطش جم عدل .. بهل الصحره
لعلوياته // كل نظراته
جم عطشانه مبحوحه
اعيونه اعلينه مفتوحه
///////////////////////////
تمت ____ علاء الزيدي
((((شور ليلة اهدعش ))))
راس الرمح يجوي بلهاتي
يم جسمي خويه روحي باتي
يازينب ..............يازينب
____
بعصابت امي جرحي شديه
بهيده اويه كلبي لا تلجميه
خويه الرمح من صدري وخريه
وخنصر اديه روحي دوريه
وي محبسي سلبو حياتي
يم جسمي خويه روحي باتي
يازينب ........... يازينب
_
يحسين حيره بيش اغطيك
اجروحك جثيره شلون اداويك
الحافر ثكيل وطايح اعليك
سالم اشوف ولا عظم بيك
افرش ردت حدرك عباتي
يم جسمي خويه روحي باتي
يازينب ............. يازينب
_
زينب تعالي وهمي رجليج
وباليوجعني ارد ادلييج
ظلن بناتي يدورن اعليج
خويه ابرقيه ما اوصيج
طول الوكت عيني البناتي
يم جسمي خويه روحي باتي
يازينب ............. يازينب
_
وروح امي زينب حيل محتار
الشمس الظهر ماتوصل النار
صيحي الرباب اوخري الحجار
فوكايه تل امن الحجر صار
مطرت حجر من كل جهاتي
يم جسمي خويه روحي باتي
يازينب .............. يازينب
_
عالذبح خل احجيلج ام عون
جابو جماعه ما يعرفون
عالذبح بيه ظل يعلمون
كطعو الراس وبي يهوسون
يهوسون بيه من غلاتي
يم جسمي خويه روحي باتي
يازينب ............. يازينب
_
بيه المواقف صارن اهواي
يطعني ظل الرايح وجاي
واكبال عيني بدو الماي
وبالهيمه خويه مامش افياي
ذبلن عطش كل امنياتي
يم جسمي خويه روحي باتي
يازينب ............. يازينب
_
وي السهم خويه اشحجيتي
بصف جسمي باوعت انحنيتي
كليلي ياخويه شلكيتي
شيبات طاحن من لحيتي
تموتج اظنهه نايباتي
يم جسمي خويه روحي باتي
يازينب ............. يازينب
_
مساع شفتج من تركضين
واسم الله اصيحن من تعثرين
همزين اجيتي خويه همزين
من غبشه عني الليله ترحين
شجاب السبي اعله مدلاتي
يم جسمي خويه روحي باتي
يازينب .............. يازينب
_
تمت ____ علاء الزيدي
اذا محتاجبن قصائد مكتوبه ممحصليه بخدمتكم هم دزلياها وتدلل خادمكم
@Ah9027
اليله ابونه يــودع اليله المدينه
اليله كـــــل جيرانه التمو علينه
اليله ماكـــو اليله انوم
حسيـن عالوادم يحوم
اليله نسوان وزلـم ضلت تجينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله مثل الفاتحه وكــــــــل احنه نبچي
وگوه وي جيرانه مــــــن الخنگه نحچي
اليله اول مره بينـــــــــه يصيـــــر هچي
وين المربيــــــــه ابوي
التمو اليوم اعله اخوي
وگابلاهم والدمـــــــــــــــع ماعاف عينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله مگبل گابـــــــــــــــل حسين العليله
چبود موش دمــــــوع طاحن من شليله
گعد يمها وبعــــــــــــــد ماگام اعله حيله
كضتــــه منيده ونعت
وعلي چاگلبه سكـــت
يالحنيـن تگلــــــــــه ويگلها الحنينــــــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله ربــــــــع الاكبـــــــر وجسام اجونـه
نزلــــو غرضان اهلنـــــــــه وعطلونـــــــه
ضمو أحوايجنـــــه كلها وسيف ابونــــــه
ربــــع الاكبــــر مارضو
لحـــــد ما ويانه اجــو
تگول اهلهم احنـــــــــــــه ومچلبين بينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليلـه عيــــــــن محمد اعله حسين تعمه
خلص دمعـــه وگام يبچي النــــوب دمه
اكثــــــــــر مـــن الهوه نحر حسين شمه
اخــو ويودع بخـــــوه
گوه عنــــــــــه وخروه
وعلي راد يموت مــــــــن عنـــــه مشينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ثگيل،،،، خروج الضعن
عن ال بيت الحسين
مصطفئ الصالحي
(( غيض هاشم ))
علي الأكبر غيض هاشم جاسه
الجيش ضاگت بيه الوسعه انفاسه
شافه ابوه حسين يتفايض عزم
يبني الأكبر گله يرباتي الشهم
طب عليها الحومه مابيها زلم
ومن جبينه حسين كضه وباسه
حين شبل حسين سدر للحرب
انذهلو السبعين الف من الرعب
عمه ابو فاضل يلاگونه صعب
الشمس يچوي من حرارة راسه
مدرع اتلوذ الزلم من صارمه
سوا بالطف يوم فوگ الملحمه
وصل الروس الأسد حّد السمه
وسحگ كل شارب ابجدمه وداسه
خيل تردم خيل وزلام ابزلم
الموته بالطف ياكثرها من الردم
العمه ابو فاضل اشيطلع ونعم
اتهاب منّه الدنيه كلها احساسه
هاشمي وديدنه واضح لو زعل
الجيش مثل السعفه يتراجف يضل
سوا من ارگابهم بالحومه تل
شارة الأكبر اخذ من عباسه
استباح اعلّه الحرب ليث الهمم
وليلى تدعيله بقت من الخيم
فوت يبني وعندك العباس عم
الجيش خلّه يموت من وهواسه
هاشمي وراسه غضب يلهب جمر
يوم بالطف سوا اشبه بالحشر
وصل السابع سمه صوت الصطر
مو جديده اعليه ابد لفراسه
"" "" "" "" "" "" "" "" "" "" "" "" ""
عبد زينب
محمد مسلم الأسدي
ماكو احن مني تعرفني
شيبك ركض هد اعله جفني
يمه علي شلونك
باگ العطش لونك
//////////////////////////////
عشرتنه دخان بهوه _ خلصت هظيمه بسرعه
وقع نهايتنه الحزن _ سباح گلبي اتگطعه
تضيع العرف يافرگتك _ حصتهه شيب ودمعه
والياخذه الحافر غفل _ الحظن امه غير يرجعه
مسافر عطر خدك لگيته
بس يمه وجهك مانسيته
تفجعني يردونك
باگ العطش لونك
//////////////////////////////
بصدرك لهيب من العطش _ وكوسر خيالك غيمه
يوليدي ريشة خوذتك _ چن رايه فوگ الخيمه
ما مطمئن كلبي صحت _ يبني الهدوء الهيمه
بخيام ابوك من الصبح _ ليش الوكت ذب ظيمه
واعله الرمل من وكتي باعك
يبسن شراييني بوداعك
ما اگدر ابدونك
باگ العطش لونك
//////////////////////////////
قانون الموادع صعب _ يكسر ظهر صحبانه
جابولي ماي وما ردت _ صحت العلي عطشانه
حنيتي تركضلك غطه _ جروحك تعب كثرانه
مو وكته موسم طيحتك _ شعنده الذبح ويانه
شعنده الرمح شابگ خيالك
عالغبره كون انه ابدالك
دمك على اعيونك
باگ العطش لونك
//////////////////////////////
اصعب محطات الهجر _ من تحچي وي مذبوحك
لا هوه راجعلك عدل _ لا هوه ماخذ روحك
لا تنطي للدنيه وجه _ خلهه السهام تلوحك
تمنيت يوليدي الصدگ _ تندار بيه اجروحك
غمض يبو اعيون الوسيعه
يالرخصت ماي الشريعه
بدمك يدفنونك
باگ العطش لونك
//////////////////////////////
فييك ثخين اعله الخيم _ محتاجه فييك يبني
يعذيبي اشمك كل عصر _ هسه الركض تعبني
يالغافي فجرك عالرمح _ درب السبي مشيبني
من كسرة الخاطر صحت _ يمه الوكت دولبني
وحدك جنت شايل عشيره
عگبك مشت امك اسيره
وبيه يقهرونك
باگ العطش لونك
//////////////////////////////
تمت ____ علاء الزيـــدي
طلـع شـاب الـخـيمه وضـوه الـسـاده
الـعـمر فـدوه الـعـمـي ابـ گلـب نـاده
ركـب مـهره وضـهضـب عـلى الـحومه
وشـهــد الله ابـ حـيــله وهــزم قــاده
من اساده وانبثق === قاسم
كلـيـثً وانــخلـق === قاسم
جـماله الهـاشمي === عـمـه
ومن نوره اعـتـنـق === قاسم
حـرز چـان بخـيامه واسـد بـالـحـومـه
الاشـراس لو جـتله تـــفـر مـهــزومـه
اخو ضـهـره الاكبـر ســمـع يــدعـيـله
يـناصـر حـيــدرنـه تنـصـره ابـ يـومـه
===========================
يـَغـم وكـتـه الـگــابـل بـنـي هــاشـم
بــلا رگـــبـه اتــشــوفـه بــقــت وادم
دعــت رمــلــه الله اسـتــجـاب الـهـه
ومن ابـو مـحمد ضـهره طـلـع قـاسـم
يـــكــر ابــلا درع === قاسم
نــور الله ويــشـع === قاسم
فــارس مـقــتـدر === وجهه
فـرد مـاله جـمـع === قاسم
بني الجـربه اتشوفه ابـشـراسـه ايقـاتل
ورفـع راسـه ال عمه ابـــد مــا مــايــل
تــبــختر بالـخيــمه وسـمـعـله اينـادي
يـمــــااااا شـــاء الله شـهمـنه الــنــازل
===========================
تحـت مهـره وسـيـفه الـزلـم طـاحـت
الـسـبع بـس الـوجـهـه وعـلـي لاگـت
تـهـلـهــل عـمـاتـه ابـ كـفـه ضــهـره
وتـهـوس رمـلـه امـه وعلـيه صــاحت
عفيه ابهل الولد === قاسم
فارس ماله حد === قاسم
درع اعله الضهر === ماكوو
مثل حـيدر اسد === قاسم
شهگ سيفه الوادم ســبــع يــدرونــه
علي هـاذه الفـارس بـقــى ايـسمـونـه
صدك زلمه الـيرجع عــدل مــن عــده
بشــر مـا ظن مثـله اعله صيـد اعيـونه
===========================
طفـح غـيـض الغـيـره وحـلاله الـطـگ
فـحــل هـاشم يـدوي ابـشـرار الـحـگ
صــمـاطـيــن الــوادم بــقــت تـفــتح
مثـل مــوســى الــقاسم بحـرله انشگ
مــفتـاح الـصـبر === قاسم
حــلال الــعـسـر === قاسم
شجاع اعله الزلم === شفته
يــكـر ومـا يــفـر === قاسم
الحرب جانت عـنده تـــمــثـل عــيــده
وسـواد الله ايشـوفه الــيطــيح ابـأيــده
عـله وعـالي اعليهم صـگـر عــالحــومـه
امن ابعيد الـقاسـم ايـوچـــد صـــيــده
===========================
شـرس گـلـبـه وفــدوه تــرف گــلــبه
شنــوو السـهله امـعلـم على الـصعبه
مـــثــل جــده الـــقــاســم ولا ثـنــه
عـلــى الـواحد سـيـفـه الــه ضــربــه
عسير اعله الزلم === قاسم
وترف يم الخيم === قاسم
ميــشبـهه بـشر === واحـد
بس عمه الشهم === قاسم
اعله ابو فاضل وجهه كــمـر مـحــلاتـــه
افتـخـر بي بالحــومه ابـ عــزم صــولاتــه
بـخـزر عـينه وطاحت زلـــم تـــالــيــهـه
اعله ابو القاسم قاسم اخــــذ عــــاداتــه
===========================
سجاد ابراهيم الكعبي