921
قصائد حسينيه مكتوبه
ميمر
.((موسم دمع))
. مـوسـم دمــع بــي نـنـجـمـع
هــــذا الـعـهـد هـاك اسـتـمـع
منعوفه حزنك مولاي انجددهه هاي النيّه
*---------------*---------------*
خيمة عزائك واسعـه وتجمعنه
انعاهـدلك الليله ويهل مدمعنه
يلگانه نلطم لو شخص ضيعنه
بـس مـنـبـرك بينه اشـتـرك
روح وجـسـد وي مـنـحـرك
ماننسه يومك للموت اي والمشت مـسـبـيـه
*---------------*---------------*
أنتاني محرم سيدي مو كـلـمـه
نتشرف بهـذا اللطم والـخـدمـه
فدوه نروح لـ مجلسك والأسمه
عايش جــرح راس ابــرمـح
يـابــــو عـلـي صعبه الشـرح
يالدمك امروّي الدين واسمك شرف طـاريـه
*---------------*---------------*
خليهـه نـاس الـمـادرت معذوره
البارد ضميره مايحس بـحـروره
المايفهم الناعي اشيگول بطوره
گـلـه ارتـچـي عوف الحچي
نــار الـعـشـگ لٱهـل البـچـي
يعرفهه نار المجروح بس الحـضـر لـطـمـيـه
*---------------*---------------*
يامجلس يقيم ابدموع اندوره
يالوعة اگلوب الخـدم والـثوره
عِبرتنه تـبـقـى للأبـد والـعَـبـره
ينطي الـعـبـر دم الــــنـحــر
مـن الــخــدم اخــذ الـخـبـر
اليبتعد عـن ذكـراك ايـعـيـش ابـنـدم تـالـيـه
*---------------*---------------*
خدامك ودربك نظل ماشيـنـه
مابينه ليعوف العهـد مـابـيـنـه
متوهم الگال الجرح نـاسـيـنـه
نـبـقــى ابـــد ابهالـمـعـتـقـد
وسـط الگلب نــــاره وَقَــــد
طـفـك أبـا عـبـد الله يـلـچـم جـرح يـومـيـه
*---------------*---------------*
✍️خادم الحسين ع
الشاعر رعد الچريخي
#محرم_١٤٤٨_هــ
بلكوفه سوه اتلول من هد
ودم الزلم بل كاع يشهد
غيرت عقيل شلون تبرد ـ ابو طاهر
شمر ركبهم فدوه الحسين
من ابن عم حسين نعمين
حارت الكوفه تشرد منين ـ ابو طاهر
تشهدله طوعه وتشهد الكوفه
ويرهب الوادم سيفه بجفوفه
طوفان مسلم مغضب عليهه
صارت مچدره اوجوه التشوفه
بدمهم يخط مرسال
حيالله مسلم صال
ونعم الثقه التنكال ـ حياالله مسلم
حسينه مشه بدمه
وشيم ابن عمه
ينعد بالف زلمه ـ حياالله مسلم
:::::::::::::::::::::::::::::::::
وحده برز سوه العجائب
ومن القصر ذب الكتائب
يعادله جيش ابن الأطايب ـ ابو طاهر
مسلم طلع لحسين منذور
تاريخ يشهد وسمه مذكور
ولولح ركبهم من القصور ـ ابو طاهر
تحله انته الهه وهيه تحلالك
وغيره ومراجل حبر مرسالك
بكد ماشجاعه وراهي بلملگه
مو ضهر مهرك قصر ماشالك
تنخه بعلي وعباس
بل كوفه ماتنجاس
فوگ الشوارب داس ـ حياالله مسلم
هو البرز مسلم
ضل بزلم يردم
بلموزمه يشيم ـ حياالله مسلم
:::::::::::::::::::::::::::::::
بروس العساكر كسر البوب
المالحه سيفك امن ايتوب
زلمه شجاعه منصله مهيوب ـ ابو طاهر
ماينسبك جن ريح لو هب
تدعيله زينب زحمه يتعب
بركان سيف البيده يلهلب ـ ابو طاهر
تمنينه بلطف بلخيم تحضر
وي اخو زينب تگطع المعبر
كل بني هاشم توگف بضهرك
تحمون زينب والنداه حيدر
بكل عاشر تمنيت
توكف درع للبيت
يم الخيم صليت ـ حيالله مسلم
بضهرك تصير اخوان
توكف سوه الشجعان
برايت كمر عدنان ـ حيالله مسلم
:::::::::::::::::::::::::::::::::
لو جاي للطف يحله العناد
وتوكف درع شياب وولاد
ولخيام زينب يوكف اوتاد ـ ابو طاهر
وتقاسموهه الكوفه حصته
جم شارب بشارب سحگته
وهرش الزلم بيدك شلعته ـ ابو طاهر
صاح الحسين اليمشي وي دمي
وعيالي فدوه الطول ابن عمي
حسب خوان حسين عد مسلم
وهنيالنه ابهيج ازلمه ونشمي
صار الحبيبه شراع
بيك التعب ماضاع
هاشم زلمهه سباع ـ حياالله مسلم
حيود بضهرهه حيود
بيوم الوزه مريود
حسين بهواه معگود ـ حياالله مسلم
صـــباح جـــــهاد
#محرم_الحرام_١٤٤٧_هــ
مولاي زين العابدين
خروج الضعن
جيوش برماح وسيوف تكربت
وزينب بدون الحسين تغربت
عمر عاشت بالصحاري
وعافت المذبوح عاري
وكفت عللتل الحد ما شيبت
هاي زينب..وسفه تتعب..الجانت بذاك الدلال
جفوف ترفه..والله وسفه..من بعدهاا للحبال
حسين أخوها..طلعوهاا..من خيمهه للتلال
الخيل والخياله هدت والعلاويه تغربن
طلعت أبذيج الصحاري أبلا كفيل يلم ضعن
طلعت وياذيهه من گد الهظم وسفه انسبن
000 000000 0 0000000000 000
ليش زينب بنت علي دور دخيل
الدنيه دارت بيج يا زينب تميل
وكت ماعدج محامي
بجولهه يلعلويه نامي
صاحو عليهه خطيه بلا كفيل
عليهه گالو..وين راحو..وين كل ذيج العشيرة
تعبونه..وركضونه..وتعبو وين الزغيره
أه يهلنه..طش شملنه..وعمتي ترگض جبيره
أصعب حجايه حچوهه وشيبت روس الرماح
حالفين عليه ضعنكم دوم أبد مايستراح
وطشرو بالماي يمنه وحيل عمتي گبالي طاح
000 000000 0 0000000000 000
الليل كعده ودوم أبد ماتغفه عين
الليل حيره ويگضي مابين الثنين
المرض كاسر گفاي
والزغار تريد ماي
أمنين أجيب العالنهر ماعده أدين
أحتار گلبي..ضاع دربي..العطش خلص ضعنه
عللهزايل..العقايل..صاحن علينه الحگنه
هاي طاحت..هاي راحت..ماكو بس انته من هلنه
عللدوه بهالليل أدور لو أدور عللشراب
مثلي مامحتار واحد دوم لاشايف عذاب
والحبل بجفوفي نام ونام بعيوني التراب
000 000000 0 0000000000 000
هوه شلعان الگلب والياذي صار
من وصلنه الكوفه صار الأنكسار
اليسوه والمايسوه گال
هذا تاليته الدلال؟
هاي ياهي وليش حفاي الزغار
هاي أميره..ليش أسيره..وگفت الوادم تصيح
التعبتني..وشيبتني..وشيبت راس الذبيح
بسوطه أجاهه..التعباهه..وگامت تکوم تطيح
ليش عود مگيديهن بالحبل ذني البنات
ليش شمسويات عود وهيج صارن خايفات
ليش گالو وين أبوهن ذني غير مدلالات
صباح جهاد
اجي لبابك واشوف
نبض گلب الرؤوف
اعله شباچك اطوف . خضوع
اشم عطرك يفوح
عطر غيره وجروح
مُراد اخذ واروح . دموع
اشم حزن اليتم من اول سنينك
وآخر نظره من عين الرضا لعينك
رَضَويّ الجروح وكاظمي الغربه
ودُموع ام الحسن تجري بشرايينك
أتنفس حنان و حب الزجيه
يهب من عبيرك با الكاظميه
انت الجواد الواسع عطائك
وآنه عله بابك باسط اديه
يا جواد ابن الرضا
_
عشت تبچي لمصاب
شباب الزهره ذاب
هل بعمر الشباب . مشيت
بچيت الها وعليك
بچت من رجف اديك
سره السم ويلي بيك . وطفيت
غصن من فاطمه انته وتوّه صار اخضر
وحلم الرضا ايعاين طولك و ينسر
لا لحّگ عليك ولا لحگت اتعيش
التقن جرحين بيك الزهره و الاكبر
يبن الرضا يل تجرح غربتك
فاح العطر من گطعو زهرتك
جوه الشمس يتگاطر شبابك
والسم لهيبه نار بچبدتك
يا جواد ابن الرضا
_
بچت عين الجماد
لمصابك يا الجواد
الرضا دموعه حداد . بچاك
على جروحك سلام
يمجروح المنام
فرش جنحه الحمام . ونِعاك
يمن جنح الحمام افياي سواله
اريد اعله الغريب الضامي اقراله
واگله حسين لا ظِل فوگه لا جوّاه
عاري اعله الهجير التلهب ارماله
يامن مصابك دمعة محرم
جنح الحمام اعله جروحك اتلم
ما ظلل الطير لجسم الحسين
لچن صبغ جنحه بأحمر الدم
____
لهيب السم خذاك
وجمر يسعر ضماك
ولا فزّاع اجاك . غريب
صبح موتك عزاء
لغريب الغرباء
وتنوح بكربلاء . تريب
خدك عا التراب اليلهب اتوسد
وللخد التريب دموعك اعله الخد
وشفت هظمة الطاح ووراه عاف اعيال
وايشوف العدو اعله اعياله لمن هد
دمعة غربتك تجري لغربته
اوسادة ترب نگعت من دمعته
لا گدرت اخته توصل تشيله
ولا عنده حيل ويتعنه لاخته
أنور الموسوي
#اللهم_عجل_لوليك_الفرج
حال لسان كل خادم
.
.
من اموت اشلون كلي بحالي
انـه متروسه معاصي اسلالي
.
.
محمله ذنوب الحمل كلش ثجيل
تغرك بساع السفينه بس تميل
هناك ما ينفع المال ولا خليل
راح يبره الغالي من كل الغالي
.
.
هيه حيره وما الي غير الحسين
النار ما تطفيها بس دمعة العين
خن تحاسب بيش خلصنا السنين
اسنين مـــا بيهن نفع لتالي
.
.
دنيا ما تسوه وعلي صم التراب
هنه جم يوم ويجي وكت الحساب
بكيفك انته اختار جنه لو عذاب
اطلب الرحمه ورضات العالي
.
.
اليوم بيه الحيل هم عندي ولد
راح كلشي يروح مني ومـا يرد
باجر اشلون بغربتي و اللحد
يروح كل تعبي التعبته ومالي
.
.
عندي بس حل الوحيد بدنيتي
غاد ينفعني امن اموت بغربتي
مــــن ارخص بالعزيه دمعتي
حيل خايف كلشي يتراوالي
.
.
حسن صالح العيساوي
((باب ابوك))
مـــن باب ابــــوك البابــك
جاي انعه وابچي امصابك .. مولاي الجواد
اسمـــك جـــــــواد العتره
محتــــــاج بـــس النضره .. مولاي الجواد
ينشف خلگي اذا تنشف دمعتي
زحـــمه اگــبالك وتـبرد جمرتي
اجيت البابك ومحـتاج الدموع
محــرم باچــر ورايـــد حسرتي
رايد شجوني .. مـن عبرتك
رايد جنــوني .. من جمرتك
ياجواد الخيام ...
"""""""""""""""""""""""""""""""""""''''''
ماترهم انسه دموعي
وبيدك تضوي شموعي .. مولاي الجواد
انته الجــرح واحزاني
اسمك ضــــوه ابيباني .. مولاي الجواد
الياخـــذ للحزن مــن بابك جروح
يگضي سنين عمره بدمعته ينوح
وأنه رايد دمعتي انطــيني مولاي
منك كــون اردن كـــون مـــذبوح
جــود بدمعتي .. لهل الخيم
اترس صفنتي .. لوعه وألــم
ياجواد الخيام ...
""""""""""""""""""""""""""""""""""""""""""""""""'''"
حــالك ابــد مـايوصف
روحك خيام من الطف .. مولاي الجواد
شگد الــرضـا يحچيلك
وتبچيله مـــن يبچيلك .. مولاي الجواد
هــــم گلك ابــــوك بعثرةّ النوگ
هك گلك ســبايه وطبن السوگ
شحالك سيدي من سولف وياك
ومن تشوفه بالـچلمات مخنوگ
گلبــك تـــعـذب .. من كربله
وصاحو يزينب .. وبسنسله
ياجواد الخيام ...
""""""""""""""""""""""""""""""""""""""""""""""""'''"""
صــارت چبيـــره العله
مـــن گلك اعله الطفله .. مولاي الجواد
تبچي وجروح بخدها
رادت عطــــر والــدها .. مولاي الجواد
ملامح دمعتك ترسم شنو الصار
مــــــن النــــار الخيم فزيت للنار
گلك طفله مــــــاتت وانته ونيت
رقيه وصار بيك سيــوف وحجار
مــاتت رقيه .. فوگ النحر
چنها الزجيه .. بنـــار وقهر
ياجواد الخيام ...
عبد زينب
محمد الابراهيمي
#اللهم_عجل_لوليك_الفرج
ضعن الهواشم بالغرب
هايم بقه بطف كربله
عيش المصيبه من گلب
لذاك الضعن والعايله
كل لحضه حيلك ينهدم
وبالدمعه ثوبك بلله
عيش اهمومك اوياه
ضعن الكله ويلاه
دمعك يسبگ ال اه ..... اه اعله المصايب
ضعن الكله ايتام
بالك تسمع اوهام
عيش بهمك اعوام ...... عالدخلو خرايب
ضعن حسين ألجاي بعياله
بلا ناصر ضل ولا كفاله
اهل العز وباتو صحاري
صعبه الجان بعزه ودلاله
.... اويلاه.......اويلاه...اويلاه
بالهيمه فرو يا گلب
شافوو حرگ يم الخيم
وشجم طفل شابع سحگ
من خيلهم محد سلم
عيش المصيبه من صدگ
ضعن العمايم بس حرم
شبت بالخيم نار
ركضو عالرمل حار
ضعنكم بالغرب صار ...... وتلمهم عقيله
ضعن حسين ياناس
بسنابك خيل ينداس
عمهم طاح عباس ....... والغربه كفيله
ابجي اعيون واهدمله حيلك
لا يبرد جرحك لو دليلك
لجل ايتام اضعون الهواشم
احرگ عينك لا تغفه ليلك
اويلاه....اويلاه.....اويلاه
ضلت غريبة ام الخدر
من چف دلال لچف سبي
هيم بمصابك وانكسر
الما الها فيي بس العبي
بكل لحظه زينب تنضرب
اليضربها چف الاجنبي
سوط البسبي جان
بمتنها مخلي نيشان
وليه وماكو خوان ..... واليحديها ذباح
تمشي وتدمع العين
عافت بالطف حسين
دربها بس الاونين ..... تسمع بس الاصياح
بنت الخير الچانت اميره
غربه الشام وعاشتها حيره
موت شما ذكروها غريبه
بلا حامي ضلت لا عشيره
اويلاه... اويلاه ....اويلاه
صعدن غريبات الهزل
بالغربه ماضلهن اخو
ضج يا گلب لأم الخدر
اليحديها ياوادم عدو
المن بعد باقي عدل
من تذكر أحضان الدفو
حيل ام الخدر مال
مشت مسبيه بحبال
ضعنها الكله اطفال ....... ياوادم مصيبه
المن رايد الحيل
الطم عالصدر حيل
بزينب تدفع الخيل .... افزع للغريبه
شيل مراكض خيل بمصابك
عن الحره وهيم بعذابك
بنت العفه اتنام بخرايب
فزز جرحك شگگ ثيابك
اويلاه.....اويلاه ....اويلاه
ميرزه ناجي الصيمري ✍️
#اللهم_عجل_لوليك_الفرج
((طاح الگمر))
يــــم النـــهر طاح الگمر وين امشي يانويه
يـــــم النــــهر گلبي عثر صاحـو عَلَي سبيه
خدر الحـرم نار الخيم سطرت جـفن رقيه
جيت ملهوفه وجيش وسيوفه
وآه بنــفاسي بظــــيم ملفوفه
راس متهشم وشفت چــفوفه
صحـت آنه عباس اضن ماسمعني
گــلب العشــــگ نار ليمك اخذني
ياخــــويه المصاب يعبــاس يهدني
ياخويه عباس ...
"""""""""""""""""""""""""""""""""""'''''''
من تيـهت رايه شفت بس انته ماشــفتني
بعينك سهم والأخره دم يــم النهر جــبتني
كونك عدل طاح الحمل وبچفك اكفلتني
نار بضلوعي ونـــــار بعيوني
گـوم ياخويه الجيش يردوني
ويـن ماأدري ويــن يـــودوني
عفت مصرع حســــين واجيت بدمعتي
عفــت نــار الخـيام تـــشب نار حـسرتي
والـعيـله ياخـــويّ يـصـيـحـون يـعـمــتي
ياخويه عباس ...
""""""""""""""""""""""""""""""""''''''''''''
ويلي خدر بس الجمر خـــويه الگمر نهيبه
نوبه ركض نوبه حجر وأگبالي چم مصيبه
هـا يلوليّ ردني الهلي آنــــه الگــبل حبيبه
آخ مـــايرحم الجـيش چواني
اووف يـاخويه بـــــنار حرگاني
ليش ماتـسمع صريخ صيواني
ها خويه عباس ترى الگـــوم ولتنه
خــويه والــعيـال يــگـولون جـبتنه
خــويــه والأيـــتـام يـونـون عـفـتنه
ياخويه عباس ...
"""""""""""""""""""""""""""""""""""'''''''
وين الدرب ظلمه الحـرب يافرحتّ الشمــاته
اسمع ضحك من العدو حسين أنسبت خواته
كلشي اسمعت كلـــشي شفت من سَلبو بناته
النوگ جابـوها اطـفال شدوها
وظيم لو تدري بيوم ضربـــوها
عيال محتــاره وآخ شتـمــــوها
سوط أعـــله المتون ميدرون أميره
ياخويه عباس وأنـه اختك الچبـيره
صارو يگـــــولون يــــزينـب الأسيره
ياخويه عباس ...
"""""""""""""""""""""""""""""""""""'''''''
فـــوگ الهزل ضـب الحبل صارت بعد سبونه
ليل أهدعش لهفتّ عطش سوط الغدر ولونه
يم النهر سار الضعن وعـــذرني من خــــذونه
ســوط بمــتوني وماي عطشانه
النوگ رگضوها وهــيچ حيـرانه
دمــوع تجـــاره بشوگ لهــفانه
وخواني عالـگاع والضـلوع هشيمه
عفــت الخــيم نـــار يكفال هضيمه
يــاخويه عباس على النـــوگ يتيمه
ياخويه عباس ...
عبد زينب
محمد الابراهيمي
#اللهم_عجل_لوليك_الفرج
حبك بدايه بلا نهايه
بالروح الك دكيت رايه
معشوكي تبقه للمنايه
امامي حبيبي
انه ابدون اسمك اضيع
تمشي ابدمي انته فضيع
لترابك روحي ابيع
حسين
يامحله الحب وياك
روحي انسه وماانساك
بكلشي وياي انه الكاك
ياكلبي انته ودكته
الله رازقنه ابمخدمتك احله خدمه بالعمر
باجر اتحضره اليخدمك من ينزلونه ابكبر
صعبه الرمح صاير مكانك
والناس محتاجه الحنانك
انته الأمان انحب أمانك
امامي حبيبي
ياملجأ كل الناس
يا أحلى من الأحساس
انته وراس العباس
حسين
كلها ايامي عاشور
بالشريان انته ادور
يل دمك ضل ايفور
لمن ذبحو نحرك
انته أيه ونته رايه ونته كلشي بالوطن
وحنه غيرك ما عشكنه شما يمر بينه الزمن
الحافر يدوسك ياضوانه
ينشال ضلعك من مكانه
سلبو اهدومك ياغطانه
امامي حبيبي
علي سعيد
#اللهم_عجل_لوليك_الفرج
قَسَماً بالمَهدي والشمسِ ومَن شَّقَ القَمر
رتّلَ القَلبُ " بِـ نصرٍ ، والقيامَه ، والزُمَر "
إننا لا نَنحني سيفاً تلىٰ فيهِ الكفيل
سِوراً قد شرّعت أبوابها فيها سقر
" ننتصر لو ننتصر " بثنينهن
ذني أبونه حيدر مسويهن
البوب واللبدت وره البوب الثگال
على الخندق بوبهم چافيهن
شيعه من نطب ، إحنه للحرب ، وقائد الدرب ، مهدي
بسمه نحتمي ، والگلب ضمي ، لثاره فاطمي ، مهدي
كلمه للزمن ، من أبو الحسن ، قائد الوطن ، مهدي
…….
نَحنُ جُند مَن ورث سيفاً ليأخُذ كُل ثار
فـ بِهِ نار الجَحيمِ دَمدَمت في كُلِ نار
هوَ سِرُ الله في كفِ عليٍ للطغات
إذ رأوّه يَعْلَموا " هذا جَحيم ذو الفِقار "
إحنه زِلمْ الماتنام أعيونها
زِلِم عرّاكه وغضب بمتونها
گبال حيدر ذبوا هدوم الإخفاف
أجلودهم گدامنه يذبونها
فاضل الخلق ، إحنه كالبرق ، أعلينه ينطبق ، شيعه
بينه ينجلي ، وهمنه يعتلي ، من ضهر علي ، شيعه
ذله ما نِشم ، إحنه أهل عِلم ، وگفت الزلم ، شيعه
……..
ما لَبِثْنا في كِهوفٍ بل خُلقنا للنِزال
إين ما حَلَ الصّوابُ ، قَد وِجدنَا لا مُحآل
قَدْ تَجِد فْينَا علياً عِندَ جُثمان الشَهيد
وتَرانا عابِسَاً " عِندَ المَواقِف والقِتَال
عرج غيره الشيعي تنتگ روحه
اليضحَك بدمَه " أشحلات أجروحه ؟"
الشهاده أتريد التسويله صيت
حتىٰ تِختار الينگط أملوحه
جاري لو وگع ، گلبي إله فزع ، ومنّي لو سِمع ، حيدر
إحنه أهل شدد ، وگفة الأسد ، ياعلي مدد ، حيدر
بينه خل يهل ، دمنه ما يمل ، بإسم أبو الفضل ، حيدر
……..
أشوساً فِينا وَفِينا قائداً وقتَ المِحَن
نَحنُ ركّعنا العدوَ شاهِداً فيها الزّمَن
ننتَصر في عزمنا بالدمِ أغرقنا اليهود
نَحنُ من صلبِ عليٍ وجُنُودُ إبن الحَسَن
زِلم ماتلبد أبد بالعازه
الطايح نصير أبگفاه عكازه
عالنصر نتسابق ووكت النزال
جنازه تتسابق بضهر جنازه
دمنه مايهم ، ديدن الزلم ، شدة الحزم ، رايه
ماتطيح أبد ، عده والعدد ، راية المدد ، رايه
قُل هو النصر ، لعزمه نفتخر ، منبع الصبر ، رايه
………
عبد الرحمن حميد الفضلي
ياجرح وجداني ... وياك احب ايامي
ليك كل احزاني ... ولجلك الطم هامي
مجلسك سواني ... يارفيق أحلامي
بفضل خيرك عايش انه وكبرتني انته بخدمتك
تمطر عليه ابعطائك وعيشتني بنص نعمتك
ياجمالك ياحنانك دللتني يارحمتك
امير الغرام ... أمير الخيام
ملاذي الوحيد ... عطش قصته
حسين الجمال... حسين الكمال
حبيب السماء ... رزق عبرته
ياحبيبي وروحي ... ياجمال اسنيني
سر دمعتي ونوحي ... بيك احبن عيني
صرت احب جروحي ... لان ليك ونيني
انه حبيتك وافاخر والي حبك ماتندم
جرحي صرت انته يغالي وانه بس بجرحي اهتم
بلا حبك مااعيشن نبضي بسمك دكته مو دم
رئوف ورحيم ... عظيم وكريم
اليجيله محال... ترد طلبته
بدمعتي اصيح ... احب الذبيح
كرمني اعيش ... وسط غربته
ارد اضل بحبك ... وافتهم ماهيتك
احله دنيه بكربك ... ياعظم حنيتك
عودي شب بدربك ... خادمك تربيتك
انته حبي وكل وجودي بلايه حبك انه معدم
من زغر سني لكيتك وكلبي ابحبك تقدم
عيشتي بحزنك احبها واحله ايامي محرم
اقامة عزاء ... نحيب وبكاء
حياتي دموع ... حيات الهنه
اعيشن بنحيب ... بدمعتي غريب
لحد المشيب... طلبتي انه
مااعيش بدونك ... يلي تسوه العشره
عاشك انه عيونك ... ياحبيب الزهره
خادمك مجنونك ... مرتجي بس نضره
انه من دونك كصيره دنيتي ومابيها معبر
والله اضيعن لو عفتني بكلشي دونك انه أعثر
نضره منك تكفي حالي يا حسين وكلشي تكدر
حسين الحبيب ... حسين الطبيب
امير القلوب ... عشك كبته
امير الهوى ... ب أرض نينوى
جمال الوجود ... شفت تربته
فشله اخلص ليلي ... وانته مو بافكاري
وانه ذاخر حيلي ... وعمري الك واشعاري
الك كل ترتيلي ... وليك درت انضاري
شلتك بكلبي مصيبه ومقتنع حبك هدايه
رزقي جرحك وابقه مغرم ما يهمني العنده غايه
ياعشك روحي وحبيبي ويااساسي من البداية
وجودي دموع .... اضلن جزوع
اضجن واصيح...بألم حسرته
دين وويقين .... حبيبي حسين
ملاذ اليضيع ....وطن حضرته
محمد تقي الزاملي
لمولاي الجواد عليه السلام
فيوض الشهامة ..جواد الامامة
استجدي عطفك ياابو الهادي
غفير العطايا..صِراط الولاية
قد مسّني الضر يمّك انادي
كلما اشـكرك الگه شـكري بعازة (الشكراً)
ماعندي حِلّ وخدمتك صارت الي مسكن
من گلبي أنت اعله الحـجي يا سيدي أأمن
باب المراد ابن الرضا
حبل وسَليل المرتضى
بالمعرفة گـلبي شـهد
أمري لعطاك امفوضه
ملجأ كل اهموم الدنيا وملجأ كل العباد
أبسط چفّي بحِسن النيّة يم بيبان الجواد
_________
أمير الخليقة..ربيب الحقيقة
ب ثمن سنين وامرك الحاكم
وريث الخلافة..أمير اللطافة
كل شبهة زالت حكمك الدائم
وجه الله انت وويـن ما ولّـينا وجـه الله
مـا ينـحد بعـمـر الـذّي الله عـليه صلّى
بيك الخلافة اتشرّفت للدين انت أصله
أنت الحـقيـقـة والأحـقّ
والخالف احكامك زهـق
الـرايـد نـجـاة يلـجأ الك
مـنّـك نـبـوع المُـنـطَلَـق
جود اعليّة وبيّض نيتي مـن أوهام السواد
أبسط چفّي بحسن النيّة يم بيبان الجواد
_______
استجير برحمتك…وألوذ بخدمتك
ماكو وليجة لهالگلب غيرك
اروح واردلك…واهيم اعله وصلك
اغرگ والي ينجّيني چف خيرك
الـمـولى أنـت وآني عبدك وأنـت ابـو النعمة
وهل يرحمُ العبد الّي يذنب غير ابو الخدمة؟
يـبـن الـرضا اشطب طريقي وانت خِط رسمه
إرسم طريقي ابــ(ما تشاء )
أجــعــل مـحـطّـاتي العزاء
بــالــدمـعة طهرلي الگلب
وبــمـعـرفـة جـمّل البُـكاء
تزداد ادموعي اعله الضامي لو علمي بحاله زاد
أبـسـط چـفّـي بحِـسـن النـيّة يـم بيبـان الجواد
______
مَليك الضماير..حنين المشاعر
حنّيتك التحضني يم بابك
أنيس لعبيدك…تنادي اليريدك
تدعيه يجي ويقبّل اعتابك
شوفة ضريحك دعوة منّك انت ترزقها
أرزقني مصـداقية(احبّك) لـمّن انطقها
الحب فعل مولاي روحي بهمّك ارفقها
همّك رواسي امن الهضم
لــحــال الـزچـيّـة بـالظلم
تـتـوعّـد انـت بــالـصـلـب
لــضلـع امّك اتـذرّي الزلم
يـمتـة اتكرّ لنصرة امّك قبل أيّام المعاد؟
أبسط چفي بحسِن النيّة يم بيبان الجواد
________
نهر للعطاشى..ضماي ايتلاشى
لو طهّرت ثغري بذكر أسمك
يوضعك كسرني..غريب وتلمني
تتلوى گالوا من ألم سمّك
أم الفضل بالسمّ تجازي خِيرة احسانك
وحـدك تـنـازع خـلّـتك مولاي بامچانك
بالحَرّ ثـلث تيـام باقي وضامية اغصانك
ضامي لچن مـا مختضب
ولا عاري باقي اعله الترب
مـا عـندك بصحرة ضعن
مـا عنده راي اوي الغرب
مادخلت أختك مچتوفة لديوان آلَ زياد
أبسط چفي بحِسن النية يم بيبان الجواد
_________
كرار رحمن
سلام الله على الطفله العليله فاطمه
***
سلام الله على العافوها اهلها
وعلى الظلت عليله ومحد الها
بعد شيردهم اتشتت شملها
وعزاز الگلب ماضن يردون
**
شكثر بالباب تانت وكت الغروب
يجون وما اجوها وهيمه الدروب
زغيره بس گلبها اهواي متعوب
وتطش عله الدرب يوميه العيون
***
سلام الله عليها تعذبت حيل
وتشوف الموت گامت من يجي الليل
شافت بالمخيم تحرگ الخيل
ويتامه حسين بالهيمه يركضون
***
بعدهي زغيره ومبينه شكبرها
افراگ حسين شيبها وكسرها
تلعب وي ابوها الي بعمرها
ابوها حسين مات ويرجع شلون
*
سلام الله على الدمعتها بالعين
وعلى الصاحت يبويه سافرت وين
ماتدري بعد ما يرجع حسين
وماتدري العده براسه يهوسون
***
سلام الله على المذبوح ابوها
وعلى ذيج العمامه السلبوها
اضلوعه بالحافر هشموها
عله صدره بخيلهم ظلو يسحگون
****
سلام الله عليها بكل الايام
وسلام الله عله زينب والخيام
وعلى الماتت غريبه بخربة الشام
ماتدري برقيه ماتت شلون
****
تمت
ميثم العمري
كأني بالسيدة العليلة ع تخاطب الحسين ع و تقول
يـــالمـــاشي لــهناك // ارد احچي وَيَّاك
عطَّــــلها بويـــة الــنـية
خليني اطيـب اشــوية
حتى امشي وَيّاك
ـــــــــــــــــــــــــــــــــــــــــــــــ
تسمــعني يــالغالي و بعد ** ها يـــا هلي تسمــــعوني
چم يـوم من عدكم ردت ** و ان مـا طبت عـوفـوني
اخذ دوايه امن الصبح ** خاف انــسه بـي ذكـروني
و هسه أنه احسن من أمس ** ياهل الرحم صدگوني .
چي گلبي محروگ // ارد اسبگ النوگ
لا مــو عليــلة شـــبيّه
خليني اطيـب اشوية
حتى امشي وَيّاك
ـــــــــــــــــــــــــــــــــــــــــــــــ
عندي إرادة و صـــابرة ** و حـظ و بخت هم عنـدي
و شما عــمل بيّـــه المرض ** گلــبي يـگـلي اتحـدي
حتى اشفه و امشي بهالسفر ** راح استغيث أبجدي
دخيـــلك يحمـــاي الحمة ** مــاريد اظـل الوحـدي
بگلبي اعتـله اصياح // صوب النجف راح
يشكي المــرارة الـبيّه
خليني اطيب اشوية
حتى امشي وَيَّاك
ـــــــــــــــــــــــــــــــــــــــــــــــ
عايفني عود اشتم هوى ** و شايل ابـضعـنك ريتي
و البيت بعدك مو حلو ** و لا چنـه بــــعــدك بيــتي
عالزهرة بيـــك اتوسلت ** بلــكــت تـــرد عـافيــتي
وَيَّـــاك اروح لكــربـلة ** يـا بويــة و الله امنـــيتي
لو عني تمشون // تعمها العيون
و تكسر گلــب علـوية
خليني اطيب اشوية
حتى امشي وَيّاك
ـــــــــــــــــــــــــــــــــــــــــــــــ
حربي بدت وي علتي ** و أنــه الدمــــوع اســــلاحي
چم دوب أظل متعلعلة ** و چف ايدي فوگ اصفاحي
ارد اعتني لگبــر الحسن ** و افـرشها يَــمّه اجـــراحي
لـو بويــة گــلي امـروتك ** تـرحـيـــن بــس ارتــاحي
صدري انمله هموم // إلحگ يمعصوم
من زغري شـو محنية
خليني اطيـب اشوية
حتى امشي وَيّاك
ـــــــــــــــــــــــــــــــــــــــــــــــ
متراكمة اجـروحي عليّ ** و امتــلــــتلات آلامـي
و بضيمي عگبك تحترگ ** كـل مغــربية اخـيامي
يال چَتَّفت چفي ابحبل ** چا بيش اصد اسهامي
و بيقضــتي راح انتــظر ** و انــتظرك ابــاحلامي
مر بيّه لو طيف // نسمة هوه ابصيف
من عنـدك أنطــر جيّة
خليني اطيــب شوية
حتى امشي وَيّاك
ـــــــــــــــــــــــــــــــــــــــــــــــ
تانيني گتــلك چـم وكت ** خل اســـتردها لــقوتي
ما روح بس خلف الضعن ** بصياحي رايح صوتي
چن يونس أنه و حجرتك ** بالظـلمة صارت حوتي
و هناك مـن تنصـب خيم ** انصـب عــزاء لــمـوتي
يا يوسف البير // چا گلبي شيصير
لا تنــسه عفـت ابنــية
خليني اطيــب شوية
حتى امشي وَيّاك
ـــــــــــــــــــــــــــــــــــــــــــــــ
الحمدلله
#علي_حسين_الكناني
كايدني .. مِنِّ الضياع الدربك
جايبني .. الهاي الوجاهه بحبك
بحبك تبين آدميتي
ذكر اسمك ايصفي نيتي
ويمر نسيم اعله ريتي .. يا حسين
مخلوق اعيش بخدمتك
واشكر فضائل نعمتك
كبل الرضاعة عشكتك .. يا حسين
سيّدي يا حسين .. محبوبي او أميري
سيدي يا حسين .. يمطهر ضميري
سيدي يا حسين .. انت اتقرر مصيري
:
:
ناذرلك .. كلشي بوجودي احسيني
واتملّك .. اسمك يغالي اسنيني
بس بيك ريت السوالف
يا ملجأ الگلبه خايف
غيرك ولا بعيني شايف .. يا حسين
ذكرك يطهر دليلي
مجلس عزائك خليلي
للجنة حبك سبيلي .. يا حسين
سيدي يا حسين .. يا غاية خلقتي
سيدي يا حسين .. يا منبع دمعتي
سيدي. يا حسين .. اقبلها خدمتي
:
:
ما رايد .. بالدينا بس مرضاتك
والشاهد .. دمعي على خيماتك
خايف يباعدنه ذنبي
او يبرد يبو اسكينه حبي
وذنوبي تحرمني تعبي .. يا حسين
مولاي عبدك دخيلك
يل ما ترده دخيلك
من ذنبي اجيت اشتكيلك .. يا حسين
سيدي يا حسين .. امن ايدك لا تهدني
سيدي يا حسين .. لعيونك اخذني
سيدي يا حسين .. فك الدنيا عني
:
:
ابجيلك ..ما عندي بس هالغاية
من حيلك .. شدني لكل اقرايه
هب لي دمع كربلاىك
واشغلني بس بعزائك
سويني طير بسماىك .. يا حسين
وارزقني من عشك عابس
بالخدمة خادم منافس
بيتي تصير المجالس .. يا حسين
سيدي يا حسين ..سوي الروحي قيمة
سيدي يا حسين ..بالفطرة السليمة
سيدي يا حسين .. حبك بيه ديمه
:
:
من زغري.. خضّر غرامك بيه
كل عمري .. عايش على التعزية
مولاي اخذني الخيامك
حطني درع عن سهامك
ضوكني لذّت غرامك .. ياحسين
احركني ويه المخيم
وعظامي ما ريد تلتم
بس كون مولاي تسلم .. ياحسين
سيدي يا حسين .. فدوه انه العيالك
سيدي يا حسين .. عيشيي بوصالك
سيدي يا حسين .. آسرني بجمالك
:
:
فاضل عباس الخزاعي
قصيده للانصار
انصار . انصار . ذوله كلهم مرجله
احرار . احرار . تشهدلهم كربله
...........
ما يهابون المنيه من يدخلون الحرب
كلهم اسباع بعزمهم ابد ماعدهم صعب
قدمو اروع ملاحم ماكو واحد ينغلب
نزلو عله الكفر چنهم من السمه نازل شهب
ابطال . ابطال . واجهو كل معضله
احرار . احرار . تشهدلهم كربله
..........
واحد يشد ظهر واحد طبو بزود وفخر
عابس يصيح آنه ابرز خل اشوفهم سقر
الا اراويهم فعالي وخلي يذكرهه الدهر
آنه مجنون الحسين وافدي لعيونه النحر
ارواح . ارواح. احنه كلشي نضحي اله
احرار . احرار. تشهدلهم كربله
.......
طالع ابحيل الشباب وچنه عشرين العمر
هذا ابن ظاهر حبيب وللشهاده ينتظر
ابد ما هم بعددهم سيفه يطبرهم طبر
من دخل وسط الكتايب لايخاف ولايفر
چن شاب .چن شاب . نازل يحل مشكله
احرار.احرار.تشهدلهم كربله
...........
هذا ابن القين ناوي يضرب خشوم الزلم
سيفه من صال بيمنه كله ايمان وعزم
شما يكثرون يتبختر گام طشرهه ويلم
گال قدوتنه الحسين نتبعه بالحرب وسلم
اصحاب.اصحاب. مانعوفه ونخذله
احرار.احرار. تشهدلهم كربله
..........
هذا ابن عوسجه مسلم صاح بيهم وارتجز
وينه الي يقاتلني وينه اذبح بسيفي البرز
من هجم عالجيش وحده لا رجف گلبه وعجز
صال والسيف بيمينه ورمحه بالعسكر ركز
فرسان.فرسان.يحز كلمن يدنه اله
احرار .احرار. تشهدلهم كربله
...........
مالك السعيدي
اليله ابونه يــودع اليله المدينه
اليله كـــــل جيرانه التمو علينه
اليله ماكـــو اليله انوم
حسيـن عالوادم يحوم
اليله نسوان وزلـم ضلت تجينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله مثل الفاتحه وكــــــــل احنه نبچي
وگوه وي جيرانه مــــــن الخنگه نحچي
اليله اول مره بينـــــــــه يصيـــــر هچي
وين المربيــــــــه ابوي
التمو اليوم اعله اخوي
وگابلاهم والدمـــــــــــــــع ماعاف عينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله مگبل گابـــــــــــــــل حسين العليله
چبود موش دمــــــوع طاحن من شليله
گعد يمها وبعــــــــــــــد ماگام اعله حيله
كضتــــه منيده ونعت
وعلي چاگلبه سكـــت
يالحنيـن تگلــــــــــه ويگلها الحنينــــــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله ربــــــــع الاكبـــــــر وجسام اجونـه
نزلــــو غرضان اهلنـــــــــه وعطلونـــــــه
ضمو أحوايجنـــــه كلها وسيف ابونــــــه
ربــــع الاكبــــر مارضو
لحـــــد ما ويانه اجــو
تگول اهلهم احنـــــــــــــه ومچلبين بينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليلـه عيــــــــن محمد اعله حسين تعمه
خلص دمعـــه وگام يبچي النــــوب دمه
اكثــــــــــر مـــن الهوه نحر حسين شمه
اخــو ويودع بخـــــوه
گوه عنــــــــــه وخروه
وعلي راد يموت مــــــــن عنـــــه مشينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ثگيل،،،، خروج الضعن
عن ال بيت الحسين
مصطفئ الصالحي
((ياجود الكرم))
مثل الشمع من يشتعل
عمرك گضه بعثرة هزل
السَم لو مخــيم .. مصابك
جروحك محرم .. مصـابك
"""""""""""""""""""""""""""""""""""''''''''''''
مـن دمعـتك ندري اشجره وصار بضعونك
من حـسرتك رسـمو نـهر لـو رسـمو عيونك
مــولاي ياجــود الكرم شـگد ينخطف لونك
من تسمع الحادي اجنبي اي تنحني متونك
تصبح مثل ورگه بهوى
لــو سولــفو عن نينوى
طاح المحامي .. هضيمه
حزنك امــامي .. هضيمه
"""""""""""""""""""""""""""""""""""''''''''''''
عالم فيوضات الجرح صرت انته نبراسه
واليندبك لجل الدمع يظل ينزف احساسه
بأسمك جرح كل الخيم وعنوان قرطاسه
اي يــاجــواد الـمـعـرفه بعده برمح راسه
هم بعده من درب الدرب
هــم بعده بــالوجنه ترب
چــبدك تــسمم .. سبايه
بكل ماي تشتم .. سبايه
"""""""""""""""""""""""""""""""""""''''''''''''
عـاشر مـحـرم جـسَـدتّ مـن قـربت آجآلك
روحك يطشرها الضمه وأعله الترب حالك
و تــلاثــه ايــام بـشمس مــحـد تــدنــالــك
بس مو حصيره اللمتك ولاسحگو اوصالك
لا خيل لا ضگت الرمح
لا نـحـر مـنـك يـنـذبـح
صـــارت دمـعـتـك .. سؤالي
الدمعه اعله عمتك .. سؤالي
"""""""""""""""""""""""""""""""""""''''''''''''
مـن الرضـا يـاسـيدي هم وارث أحزانك
مـن گلـك بآخر نـفس محروگ صيوانك
ويسرح خيالك للسبي وياليابس لسانك
خيل ويـهد بيك الجرح ماتهده بمچانك
عشتْ بضمير المنفجعّ
بيك الدمع هم ينسمع
سمعو مسيله .. بشجونك
تنادي العقيله .. بشجونك
"""""""""""""""""""""""""""""""""""''''''''''''
ساگ الورد من ينكسر يهب الـورد عطره
چم ساگ كسرو بالخيم چم ضلع للزهره
ياعافية گـلب النبي رايـدلي بـس نـضره
بــاچر محرم يـعتـني ارد اخـدم بـعــبره
يـــاسيدي بــاچـر ألم
خليني أحسن بالخيم
ارزقني خدمه .. هديه
وصيحةّ يعمه .. هديه
عبد زينب
محمد الابراهيمي
يزينب راح عـباس ... يزينب راح عـباس
==========================
إجاها حسين من العلكَمي إيصيح
يزينب راح عـباس
وإيده إعله الضهر وإيكوم ويطيح
يزينب راح عـباس
وإدموعه إعله خده بالدمه إتسيح
يزينب راح عـباس
ويون إويلطم الراس ... يزينب راح عـباس
برنامج محرم الحرام 2026
( انة حكيمة )
اويلاه يابوي
اويلاه يابوي
***
ياعيني صبي بدمعتج رايح ابوي وشمعتي
مسموم جبدة سلوتي ياعيني طيحي بدمعتي
انة حكيمة بنيتك حاجيني يا كل فرحتي
بوية بوية .. كلبي وجعني بنومتك
بوية بوية .. ياشوفي طفو شمعتك
بوية بوية .. حاجيني اني بنيتك
ياحيلي احجي وياي فدوة
هاذة الفراك يريد قوة
مو انتة الية بوية تجوة
خليت حيلي عليك يهوة
اويلاه يابوي
اويلاه يابوي
***
نايم ابوي عل سطح يواسي بحبيبة بكربلة
هد حيلة ياذاك العطش والدمعة تجري هاملة
تكتل ابوية موتتة والسم يكطع جبدتة
بوية بوية …هاي المصيبة اذتك
بوية بوية .. والجنة ليهم نادتك
بوية بوية .. ضلت وحيدة بنيتك
المصاب جدي الروح هامت
وروح لجل حسين قامت
يابوية طف اجدادي يكتل
من البجي عل حسين ماتت
اويلاه يابوي
اويلاه يابوي
***
يابوية كل حيل انهدم الماي جبتة للشرب
حسيت روحي بكربلة جني رقية بنص حرب
بس انة موش مجتفة ولا لاح خدي هل ضرب
بوية بوية ..طفلة وتصيح يا ابي
بوية بوية ..بس الفرق هية بسبي
بوية بوية .. صعبة اسيرة بت نبي
تدري الابو يهدم بنيتة
فكد كسر بكليبي شلتة
ماتت رقية وهية عل راس
حكهة الفكد يابوية ضكتة
اويلاه يابوي
اويلاه يابوي
***
شيحملة ياهاذة البعد وأربع سنين بهل عمر
صغير انة بعازة ابو بهاذة الحزن كلبي جمر
اليل لو خيم علية أعيوني مو بيضة حمر
بوية بوية .. الروح تخنكني خنك
بوية بوية .. هاذة الوادع بلا شبك
بوية بوية .. تمنيت يوكف هل يدك
ياكون روحي تروح يمك
ولاانة وحيدة بهاذة حزنك
يذبح فراك وانتة داري
الروح تبقة تلوب عنك
اويلاه يابوي
اويلاه يابوي
***
اللهم عجل الوليك الفرج
يونس علي الكعبي
#اللهم_عجل_لوليك_الفرج
غبار اظعونك ايگلك
رايح يابو الاكبر وين
كلشي مچلّب ابضعنك
ويريدك ترد يحسين
وهاي الگاع من تعثّـرك اتريد
تچلّب بيك حتى ترد بالظعون
وحتى الرّيح بذنك صوفر وصاح
رِد يحسين المن ماخذ ام عون
وين بكل هلك رايح .. وين بهل العوايل
باجر محّـد يعينك ..جذب لسن الرسايل
رِد ولكربله لتروح .. رد بيها المحامِل
➖➖➖
هذا انت وهذاك الموت
مسافة ديرة وچّم بير
يوم وليله وضعونك
توصل كربله وتحير
كل بير التعبره سولف اوياه
ونْشد مايه خل يحجيلك الماي
راح يگلك انت تموت عطشان
وانت بهاي جيتك للعطش جاي
كل خطوه بطريجك موت .. ولذبحك مسافه
رايح للذبح يحسين .. يا ندمه وسافه
وامك تابعه اضعونك .. وتون بحسافه
➖➖➖
وسهم عبدالله ضمّوله
رد بوليدك ولتروح
لشم رگبته يحسين
مو مالت سهم وجروح
ما شبعانه أمّـه من الدللول
خل يكبر عبد رد بيْه يالحسين
خل سكنه ورقيه يلعبن وياه
رايح بيه عبد يابو عبد وين
دمعته بطوله ضعنك راح .. وبمشيه يتهطر
وحِس كاروك عبدالله .. بكل ديره تطشّـر
وشمس الغربه تجوي الحيل .. يالحيلك تفطّر
➖➖➖
من باب المحنّه اوياك
اگلك رِد يبو الاكبر
وادري بروحتك مجبور
بس گلبي عليك احتر
ما تعرف خطيه الوادم هناك
وگواك الله باجر محّد يكول
وادم ما تحب تشوفك بخير
تحب تشوف ضعنك ساكن الچول
باجر كل هلك يحسين .. بالطّف اتسلّب
وغريبين اهلك يضلون .. وأم عون اتعذّب
وما بيهم حنين يكول .. كواج الله زينب
➖➖➖
تمت والحمدلله
✍️حيدر عبدالله السعيدي
#اللهم_عجل_لوليك_الفرج
آه. يالرضا
آه يالرضا
غربه وعطش نوح وبلا
آه يامصايب كربلا
طاح الحنين من المهر
وزينب تلم بالعايله
ديره ومامش صاحب بيها كلها تريد الثار
وين تروح وحتى الخيمه شبت بيها النار
بالطف يامولاي الضامن. صار الي ماصار
يم النهر نايم كفيل ام الخدر
ساعة هوت راية علي انشاف الستر
عالناگه باجر عمتك بطرة الفجر
*
آه يالرضا
ريت الجرى مر بحلم
بيت وفرغ من الزلم
ظلت يتامه بلا ابو
وجرف النهر ماخذله عم
شيحمله الليل بلا والي لاكافل لابيت
بين اغراب وعمتك صاحت. ياخويه احتاريت
جيت وياكم يل عفتوني. بلياكم رديت
صارت صدگ هاي آنه وحدي بكربلا
والنار وصلت يم حروف البسمله
صارت غريبه الچان اسمها مدلله
****
آه يالرضا
بت الرساله وي الغرب
وبالونه خلصته الدرب
ماينحمل حال اليسر
وين المره وين الحرب
هزله وگيد وآه ولوعه. ويهل دمع العين
نسوان ورضعان بهيمه. كلها اصيح حسين
ليل بلا عباس يدوهن. وين يروحن وين
اخت وتدوّر عن اخو وظلت تحن
يبنيله صيوان لضعنها وبي تچن
چاوينه صبحه طويل ياليل الحزن
****
آه يالرضا
راح الأمان وي الكفل
بين الغرب وبلا اهل
بت الهواشم ياعلي
لا من نشد لامن سأل
اصل الغربه بيوم الزهره طاحت عالتربان
بيت الهادي ورب القدره نزّل بي قرآن
والبيت العاشت بي فاطم جاسته النيران
بيت الرساله وشايل أسرار السمه
هاي الكرامه البي نبع من فاطمه
حنة الباب اتبدلت نار ودمه
**
آه. يالرضا
عمتك على ظهور الهزل
مهضومه والمدمع يهل
ماينحمل فگد الاخو
ويظل غريب الماله خل
بت الشيخ وعين الكافل وتيسرها اغراب
عالناگه وهودج ماعدها والجف صار حجاب
والنار الحرگت خيمتها جمرة ذاك الباب
مثل الزجيه تحيرت بت الشرف
الغربه صدت ليها والاسم انعرف
كل ساعه من درب اليسر محسوبه طف
علي طعمه البطاط
#اللهم_عجل_لوليك_الفرج
آه. يالرضا
آه يالرضا
غربه وعطش نوح وبلا
آه يامصايب كربلا
طاح الحنين من المهر
وزينب تلم بالعايله
ديره ومامش صاحب بيها كلها تريد الثار
وين تروح وحتى الخيمه شبت بيها النار
بالطف يامولاي الضامن. صار الي ماصار
يم النهر نايم كفيل ام الخدر
ساعة هوت راية علي انشاف الستر
عالناگه باجر عمتك بطرة الفجر
*
آه يالرضا
ريت الجرى مر بحلم
بيت وفرغ من الزلم
ظلت يتامه بلا ابو
وجرف النهر ماخذله عم
شيحمله الليل بلا والي لاكافل لابيت
بين اغراب وعمتك صاحت. ياخويه احتاريت
جيت وياكم يل عفتوني. بلياكم رديت
صارت صدگ هاي آنه وحدي بكربلا
والنار وصلت يم حروف البسمله
صارت غريبه الچان اسمها مدلله
****
آه يالرضا
بت الرساله وي الغرب
وبالونه خلصته الدرب
ماينحمل حال اليسر
وين المره وين الحرب
هزله وگيد وآه ولوعه. ويهل دمع العين
نسوان ورضعان بهيمه. كلها اصيح حسين
ليل بلا عباس يدوهن. وين يروحن وين
اخت وتدوّر عن اخو وظلت تحن
يبنيله صيوان لضعنها وبي تچن
چاوينه صبحه طويل ياليل الحزن
****
آه يالرضا
راح الأمان وي الكفل
بين الغرب وبلا اهل
بت الهواشم ياعلي
لا من نشد لامن سأل
اصل الغربه بيوم الزهره طاحت عالتربان
بيت الهادي ورب القدره نزّل بي قرآن
والبيت العاشت بي فاطم جاسته النيران
بيت الرساله وشايل أسرار السمه
هاي الكرامه البي نبع من فاطمه
حنة الباب اتبدلت نار ودمه
**
آه. يالرضا
عمتك على ظهور الهزل
مهضومه والمدمع يهل
ماينحمل فگد الاخو
ويظل غريب الماله خل
بت الشيخ وعين الكافل وتيسرها اغراب
عالناگه وهودج ماعدها والجف صار حجاب
والنار الحرگت خيمتها جمرة ذاك الباب
مثل الزجيه تحيرت بت الشرف
الغربه صدت ليها والاسم انعرف
كل ساعه من درب اليسر محسوبه طف
علي طعمه البطاط
#اللهم_عجل_لوليك_الفرج
اخ ياخويه
،،،،،،،،،،،،،،،،،،،،،،،،،،،،،،،،،،،،،
عافني وراح ابـــو فاضل
عافنـــي وماگال اخـــوي
شكثر حلفتـه وندهتـــــه
ومارضئ يگوم ابن ابوي
نمت طـــــول بطول يمه
هوه يرفس وانــــه اهوي
گومــي خل نلطم يزينب
گومي خنصيــــــح يبوي
،،
راح التحبينــــــه يختي الغالي راح
وگف من شافاني اجيت النوب طاح
رمح واحــــــــد اشوه من نگول بيه
منين ماكضنــــــــــــه تبزني الرماح
،،،،،،،،،،،،،،،،،،،،،،،،،،،،،،،،،،
بعد چلمة خويــــه ماكو
ولا اخـــــو اليسند گفاي
بعد كـل ماامشي وحدي
بس خيالي يضــل وراي
شمالنـي اعله الماي گتله
شبيه وديتــــه اعله ماي
شبيه مارحـــــت بمچانه
شلون راحـــت عني هاي
،،
گومي كضيني يزينــــــب حيلي باد
ترفه صارت روحي ترفه اوكتي حاد
هاضعفني ام عون صايــــر من وراه
الهوه لو جاساني يختي يذبني غـاد
،،،،،،،،،،،،،،،،،،،،،،،،،،،،،،
البارحــــــه التمينه كلنه
اليــــــوم كلنه مطشرين
البارحــه بعافيتي يختي
اليوم ابشرچ ماهــو زين
البارحه شزين ابو فاضل
گاعـــــــد بصف الحسين
وتارس الخيمه ضحكنــه
اليوم بس نـــــوح اونين
،،
اليوم مدري شماله گلبي يبزني حيل
الدنيا سوده بعيني صـارت چنها ليل
گمت ماشوفن اليمي وگــــــوه اگوم
وين مامالـــــت هدومي وياها اميل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راح ابو عيــــون الحنينه
الشوف ماشبعان منــــــه
وردت الخــساران لهلــــه
يختي من رديــــــت عنه
گمت بس من گمت گلبي
طاح يــــم عباس چنــــه
هوه يرفس وانــــه اونن
ونـــــه اليه والـــه ونـــه
،،
الهضمه من گتله ارد اروح وگلي وين
راد يشبگني وتذكـــــر مالــــــــه ادين
عـــــدل ماشفاني مغوش اخــــــــوي
عين نابـــــــت سهم بيها وعميه عين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،، شور گعده،،
،،وداع ابالفضل
#مولاتي_زينب_عندما_تتكلم_بهجاء
اليِكم اِخِوتي عَتبي - اريدُ الدمِعُ يَطِفيني
اشتياقي لَم يَعُد يَروى - ونَصُِفِي الثَانِي يُجفيْني
شتاگيت الگعدتك ذيچ وگلت روحي هونيهه
يوصي ادموعي گام الليل زينب هاي موتيهه
شريد احچيلك بيا ضيم ولام الموت وي زينب
التفارگ زلمه مثل حسين ماتخلص بواچيهه
انه ذيج الطاحت بس ركضتلك گوه
انه ذيچ الماتت بس ماشافت تچوه
انه چا بس انه ادور شروة خووه
........................................
وَدادِ النَهرُ للمّاءِ - أيُحكَ الانُسِ عن ذاته
كَمّا فيِّ الذَاتِ منزلةٌ - لهُ ضعفَ جُراحاته
عمت عيني شكثر ملچوم يا من لا تعيش اخته
عرفت اجروحه حيل اوساع من عرگت خجل گصته
يبو فاضل تعب مابيك ذب تعبك عله متوني
ولا تعتب تره اعله الماي گبلك انه عاتبته
الماي مايتعاتب خله بزينب عله
الماي مايتعاتب خلاني اعله الهزله
الماي مايتعاتب من عدنه ولا خله
........................................
ايَحّملُ قَلبيِ نيرانٌ - وإلا لَم يَعُد يطفى
اكَادَ الهَمُ يَأكُلني - لأهلي الحُزنُ لا يخفى
علي يمشيب الميتين وشيبت العلاوي اعليك
عمت عمتك تراهي هواي ماعدهه نظر تنطيك
امسحلي ادموعك من الگاع اثر ماريد الك يبقه
تره الخياله حته ادموع تسحك ماتخلي البيك
يبن اخوي الموت ولا لايگ لرسومك
موت بس مو هيچي ولا وصله من هدومك
چنت احسب الكلشي بس مامحسبه اليومك
........................................
سَلاسُلَ انهَكّت يَدهُ - عليلٌ مَرضهُ اعِياءُ
ايُعقلَ راجُلاٌ يمشي - واهَلهُ ليّسَ احياءُ
عمه شلون تعب النوگ احير بصعدت الهزله
تعبان واريد الماي المشي مابيه واگدرله
انه لو منكتل وياه ابوي حسين اريدنه
المريض ومايموت بساع هم ميت تراه كله
عمه بس دمعاتي تشبه ماي الغربه
عمه ماي الوادم ماريده ولا شربه
عمه هم تعبانه من الشام ودربه
........................................
عسى ان تشفع لي في قبري
عباس القلعاوي
ادري ماتردلي وگاطعه الياس
من ابعيد ودع امك يعباس
اخيك لا تذكره
عله أمه بگلبه جمره
.....
انكسرنه من المصايب والكسر ماينصلح
يابوفاضل ادري يبني شبگه باجر ماتصح
ردت حضنك لچن يمه حسين گلبه ينجرح
من يشوفك يذكر امه وباب حزنه ينفتح
خله وداعنه من بعيد لبعيد
لابوسك ييمه ولاتمد ايد
بيه ريحه الزهره
اخيك لا تذكره
.......
والله مشتاكه اشمن عطر خدك ياورد
ادري مايروي الموادع يابوفاضل من بعد
يمه أوصيك بوصيه ليه سالم لاترد
طيح گبل حسين يبني وطيح أوياك الولد
فرد أحزام يمه تحزم وياه
السهم لوجاه بضلوعك تلگاه
حسين ولاتخسره
اخيك لاتذكره
.......
يابوفاضل انته ذخري وبيك ينشد العزم
راح اوصيك بوصيه وبيها اعرفك تالتزم
اريد حچيك مثل سيفك باشط وماينثلم
من تعوفه حسين وحده خاف توليه زلم
هذا حسين يمه وخله بالعين
تطلبني الزچيه يلولد دين
نحرك دون نحره
اخيك لا تذكره
............
تدري شنهي يصير بيه خلاف عينك ياضناي
ياهواي انته وحياتي شلون راح اشتم هواي
اختك يبني بعبرتي من اشوفن يجري ماي
ضلمه كلشي يصير باجر بيتي يوليدي وسماي
يمه خلافكم ظلمه المدينه
كله صيح نور حسين وينه
انته أحزام ضهره
اخيك لا تذكره
......
يبني من تحدي الضعينه بهيده ريض بالمسير
أتمنه كون اركض وراكم لجن فشله عله الجبير
ابد ماجان عله بالي الدنيا وي امك تدير
ماتركتو لي بسفركم لاجبير ولا زغير
عليكم يبچن عيون الحياطين
يالمحملين صوب الموت ماشين
شيجبر بگلبي كسره
اخيك لا تذكره
......
خادم اهل البيت ع
فلاح طالب الماجدي
#أبوذيات
السيده العليلة روحي فداها
مولاتي العليله تقول
لهمـــــت الهــم يمن رحتو .. ورا هم
بمحــــــامل صعدو خواني .. ورآهـم
جزو وزحوف گمت ازحف .. وراهـم
هلي يامن جزيتو شلون بيه
مولاتي العليله تقول
طر الچبد حادي العيس .. مـن طر
بيده .. وگمت أون بطور .. من طور
أتاني اخــباركم چا ليش .. من طير
يجي ويگلي خوانچ رميه
السيده العليله تقول
يـــالمجفين تانو الگلب .. مو مال
متني وحتى باب البيت .. مـو مل
أنه ادريكم هلي طيبين .. مو مال
گطيعه ولا يمر واحد عليه
مولاتي العليله تقول
جزه الحــادي وأصيحن .. ياي ما ياي
وأناطـــر والضعن للدار .. مــــــايــاي
بصحره ونچفه يحسين .. مـــــــايـــي
كهذا الحال من أگطعت بيه
العليله تكلم اخيها الاكبر
لتهجرني يبعــد اختــك .. عـــلي لا
وعله وني وتفــــارگنــي .. وعله الآه
بخــــيتك تدري ياخويه .. عــــــليله
وطريحه وأدفــــع الگاع بأديه
عبد زينب
محمد الابراهيمي
مولاي الذنوب هواي سدت عيني من عينك
شلون بگلبي رايح جاي و مضيع مضامينك
حاير وين ادورك وين يمبجي الصخر وينك
تبجي وانه ساكت ليش يا روحي
مثلك لازم ابجي من الصبح نوحي
يمهيج جروحك وانه مامجروح
مثلك كون گلبي يهيج اجروحي
مولاي التعب فدوة
وگلبي بس الك يهوة
عمري وخدمتي منك
لغيرك كلشي مايسوة
يا صاحب الزمان
ــــــــــــــــــــــــــــــــــ
اخذني العالم الاحزان. شوفني الوگف حاير
يوم الطف ولا فزاع. ومحد يعرف شصاير
مو مالت رفاهه وكون. اشلع عيني بالحافر
صعبه يضل وحيد احسين ابو رقيه
عمت عيني الحجر بلهامه مو بيه
امنيتي يمهدي وياكم بكل حال
اصبح كون مسبي وامي مسبيه
يمعلك قميص احسين
يلگاضي العمر بونين
مولاي انه مو انسان
اذا مو دم بجت هلعين
يا صاحب الزمان
ــــــــــــــــــــــــــــ
ابجيلك وعرف البيك تبچي من الجره والصار
تبچي من وكع عباس وجلبت بلخيام النار
الهسا بيت ماعندك لن عمتك بلايه الدار
حضيلي بشوفتك مولاي ولزمني
اخاف الدنيا منكم حيل تاخذني
واخافن من يجي عاشور مالطم
ويمر طاريك مني وما يلچمني
عليكم ابچي كون اهواي
واموتن من اشوف الماي
وكلشي يروحلك فدوه
رايي وانت ابو كل راي
يا صاحب الزمان
___
تنعه حسين وانه انعاك وتنعه عمتك بهيمه
نسينه وانت بيك جروح كلمن حاير بضيمه
طلعت والعيون اسهام وادم مالهم شيمه
جروح العاشر التنعاد يوميه
وتشوف الگاع بيها سيوف مدميه
دخيلك سيدي غيرك ولا ريد
حنين انته وانه محتاج حنيه
احلفك بل بقه عريان
مُقصر جيتلك ندمان
اجيتك سوده افعالي
دخيلك من شكو حرمان
_
اللهم عجل لوليك الفرج
✍️الشاعر فاضل قاسم
✍️ احمد محمود الحريشاوي
#اللهم_عجل_لوليك_الفرج
#مولاتي_زينب_عندما_تتكلم_بهجاء
اليِكم اِخِوتي عَتبي - اريدُ الدمِعُ يَطِفيني
اشتياقي لَم يَعُد يَروى - ونَصُِفِي الثَانِي يُجفيْني
شتاگيت الگعدتك ذيچ وگلت روحي هونيهه
يوصي ادموعي گام الليل زينب هاي موتيهه
شريد احچيلك بيا ضيم ولام الموت وي زينب
التفارگ زلمه مثل حسين ماتخلص بواچيهه
انه ذيج الطاحت بس ركضتلك گوه
انه ذيچ الماتت بس ماشافت تچوه
انه چا بس انه ادور شروة خووه
........................................
وَدادِ النَهرُ للمّاءِ - أيُحكَ الانُسِ عن ذاته
كَمّا فيِّ الذَاتِ منزلةٌ - لهُ ضعفَ جُراحاته
عمت عيني شكثر ملچوم يا من لا تعيش اخته
عرفت اجروحه حيل اوساع من عرگت خجل گصته
يبو فاضل تعب مابيك ذب تعبك عله متوني
ولا تعتب تره اعله الماي گبلك انه عاتبته
الماي مايتعاتب خله بزينب عله
الماي مايتعاتب خلاني اعله الهزله
الماي مايتعاتب من عدنه ولا خله
........................................
ايَحّملُ قَلبيِ نيرانٌ - وإلا لَم يَعُد يطفى
اكَادَ الهَمُ يَأكُلني - لأهلي الحُزنُ لا يخفى
علي يمشيب الميتين وشيبت العلاوي اعليك
عمت عمتك تراهي هواي ماعدهه نظر تنطيك
امسحلي ادموعك من الگاع اثر ماريد الك يبقه
تره الخياله حته ادموع تسحك ماتخلي البيك
يبن اخوي الموت ولا لايگ لرسومك
موت بس مو هيچي ولا وصله من هدومك
چنت احسب الكلشي بس مامحسبه اليومك
........................................
سَلاسُلَ انهَكّت يَدهُ - عليلٌ مَرضهُ اعِياءُ
ايُعقلَ راجُلاٌ يمشي - واهَلهُ ليّسَ احياءُ
عمه شلون تعب النوگ احير بصعدت الهزله
تعبان واريد الماي المشي مابيه واگدرله
انه لو منكتل وياه ابوي حسين اريدنه
المريض ومايموت بساع هم ميت تراه كله
عمه بس دمعاتي تشبه ماي الغربه
عمه ماي الوادم ماريده ولا شربه
عمه هم تعبانه من الشام ودربه
........................................
عسى ان تشفع لي في قبري
عباس القلعاوي