231
" فلئن أخرتني الدهور وعاقني عن نصرك المقدور ولم أكن لمن حاربك محاربا ولمن نصب لك العداوة مناصبا فلأندبنك صباحا مساء ولأبكين عليك بدل الدموع دما حسرة عليك وتلهفا حتى أموت بلوعة المصاب وغصة الاكتئاب..، 💔
https://youtu.be/pVZ0tyFN6pg?si=Skf066-JG6Acx5yP
Читать полностью…
يامهدي يامهدي
_____
رجع يوسف ليعكوبه وانت ولا خبر
يمته يالمهدي تاخذ ثار اعظم نحر
يمته يفرح گلب زينب وينسه القهر
بمتن عمتك لهسه يبو صالح اثر
يامهدي يامهدي
____
غيبتك طالت ومابقه لزينب امل
لشوكت تبقه زينب يمهدي ابلا اهل
راح ابو سكينه عنها وابو الغيره نكتل
راس كافل خدرها اعله الارماح انحمل
يامهدي يامهدي
___
اقرا بندبة وعيوني وحدهن بجن
لشوكت غربه يلمهدي ماعدكم وطن
يا فواتحكم بكلبي جادر نصبن
اضلوع ابو الاكبر اعله التراب تطشرن
يامهدي يامهدي
_____
الميت تدفنه ناسه وعلي تبجي وتدك
وجدك بحافر خيول اميه ينسحك
الحيره صدره اعله ضهره يمهدي ينطبك
حسين ضامي يموت وخيامه تحترك
يامهدي يامهدي
___
لا حزن زينب انفك ولا رفلك علم
ثارك مطول وحيل ابو اليمه نهدم
لهسه ابو فاضل بعينه مكسور السهم
لهسه زينب سبيه وحيده و تبجي دم
يامهدي يامهدي
قاسم الغزالي
بس ذني الساعات
ويكلولج مات
يازينب راح يذبحوني
ويعطشونج ويعطشوني
______
هاي هيه خويه زينب بعد لا زم نفترك
راح تتطشر الخوه وكل خيامج تحترك
بعد ساعات واخيج بالحوافر ينسحك
تلكيني فوك الكاع عريان
مسحوك صدري وحيل تعبان
واعله الوجه ياخويه مكلوب
ومذبوح من الكفه وعطشان
راح ابقه ابلا ثوب
يازينب مسلوب
ومامش دفانه يدفنوني
ويعطشونج ويعطشوني
__
الليله اخر ليله خويه ويبدي شلعان الكلب
باجر تشوفين اخيج عله وجه منكلب
وعمت عيني عليج زينب راح يسبوج الغرب
باجر يزينب راح تلكين
ما ضال شي سالم امن حسين
يتطشر ابن امج عله الكاع
وبحيله كلشي مامخلين
امنين يجيب الحيل
الهدت حيله الخيل
وبالحافر خويه يسحكوني
ويعطشونج ويعطشوني
______
حضري روحج للسياط وحضري روحج للركض
اجه وكت الضيم زينب وانتي ضيمج مايفض
راح من التعب خويه كعده تكضينه الفرض
تصلين كعده وتدمع العين
وكلسا تكومين وتطيحن
وماتضل عندج بعد خيمات
وبالهيمه يازينب تركضين
زينب من اليوم
مشوفينه النوم
يسبوج واني يسلبوني
ويعطشونج ويعطشوني
______
خويه اذا شفتيني محني وحاير وضهري انكسر
يعني ذبحو ابو فاضل وانه باقي ابلا ضهر
وبيش ليلج يكضي زينب لو بقيتي ابلا كمر
لو شفتي اديه فوك الاصفاح
ياخويه معناه الكمر طاح
وماراح يبقه شي امن حسين
لو عنه شايل رايته راح
اعليه تهد الناس
لو طاح العباس
من عكبه الوادم يولوني
ويعطشونج ويعطشوني
_____
لا يضل باجر دلال ولا يضل باجر خدر
خويه ويشلعون كلبج لو رجع خالي المهر
وراح نحر حسين اخوج امن الكفه يذبحه الشمر
لو راس اخوج اعله الرمح صار
بخيامج يشبونها النار
خويه وتدخلين الدواوين
وكلبج بدرب اليسر يحتار
باجر تحتارين
من يطيح حسين
واعليج هواي يبجوني
ويعطشونج ويعطشوني
قاسم الغزالي
اعله ضهري جيت اشيلنه
ولكيت اجفوفه ماهنه
يزينب والمصيبه صاحت الناس
ها يحسين شو عافك العباس
يزينب
ــــــــــــــــــــــــــــــــــــــ
رحتله اركض وراد يكوملي وطاح
وطحت يمه وبجينه
شبكته وما شبكني ابلايه ذرعان
كفيلج عايفينه
شصاير بيك كتله وكال يحسين
المهم زينبنه زينه
ويدير بوجهه عني خاف اصد ليه
واشوفن سهم عينه
يزينب عينه طفوها
يزينب وايده كطعوها
وحجي الشمات خويه بالگلب جاس
ها يحسين شو عافك العباس
يزينب
ــــــــــــــــــــــــــــــــــــــ
طاح وصاحت الشمات من طاح
ضل حسين وحده
راح احزام ضهره بساعة الضيج
وبعد محد يسنده
تبده الماي من جربت العباس
وحيلي ويا تبده
يزينب ماكلتله كوم وياي
اجدامه ماهي عنده
يزينب كطعو أجدامه
العمود مهشم الهامه
وكلام الشمر خويه يشيب الراس
ها يحسين شو عافك العباس
يزينب
ــــــــــــــــــــــــــــــــــــــ
كلتله شيوجعك خويه يعباس
وأخيج كام ينحب
يكلي جروحي ماتوجعني يحسين
بس توجعني زينب
اذا طحنه يخويه ٓانه وياك
اختنه بهزل تركب
واذا ما تعبت امن مشاكف السوط
من الشتم تتعب
عكبنه ام عون يسبوها
ويشتمونه ويشتموها
ويجي ويكلك المايملك احساس
ها يحسين شو عافك العباس
يزينب
ــــــــــــــــــــــــــــــــــــــ
يازينب لكيته هواي عطشان
ويابس گلب خلي
المصيبه بجربته شكدماي موجود
بس ماضاكه قبلي
طحت والخيل اجتني واسمع يصيح
عن حسين ميلي
مثل خوته بهاي الدنيا يا ام عون
ربج مامخلي
مثله ماكو بس هوه
حنين وخوته خوه
يفكر بينه حته بكطع الانفاس
ها يحسين شو عافك العباس
يزينب
ــــــــــــــــــــــــــــــــــــــ
شلته وجيت اجيبه لخيمته وياي
وكال هنانه خلني
يكلي شلون ارد خويه بلا ماي
اشتكول اسكينه عني
انه مواعد ام عون تعيش بحماي
بس طاحن هذني
سلملي على زينب كلش هواي
وكلها يكول وني
على ايامنه الحلوه
وعلى العشره وعلى الخوه
وعكب عباس راح تحرسج ارجاس
ها يحسين شو عافك العباس
يزينب
قاسم الغزالي
حيهم يساده فرهدونه
ومن الكفه ذبحو اخونه
اتفرج علينه الخاص والعام
امن الخيم لمن طلعونه
حيكم تره عباسكم طاح
والروس شالوها اعله الارماح
حركو خيمكم يال عدنان
وحسينكم سحكوله الاصفاح
يهل الهلا واهل الحميه
زينبكم انوخذت سبيه
اليحرس خدرها جان عباس
هسه حرسها آل اميه
صعبه يساده وابد متلوك
يخلون زينب تدخل السوك
ومن صاحت الحكني يالحسين
صاحو اخوج بخيل مسحوك
حيره يهاشم والله حيره
حسين لموه بالحصيره
وكلمن اخذ نسوانه وياه
وضلن الماعدهن عشيره
تكتل يساده طبت الشام
شافو ام عون الخاص والعام
التتغطه حتى كبال عباس
هسه بخرابه كامت تنام
قاسم الغزالي
https://youtu.be/6AnOnw0FBhg?si=VTmHKPNImEj6ARrV
Читать полностью…
#نعي
لسيدي ومولاتي فاطمة الزهراء روحي وأرواح العالمين لتراب مقدمها الفداء
تنشدوني شلونك شلوني
راحت الزهره وراح لوني
ماجنت اعرفه التعب ياناس
وكسروا ضلعها وتعبوني
من شفت جفها بنار محروگ
انشلع گلبي من العروك
هاي ام حسن هاي ام الحسين
امشاگف السوط عليها ميلوگ
ياناس لمن جبلتها
من ماي عيني غسلتها
اخلاف الزجيه محني ضليت
اجنازتها بلگوه شلتها
بتشيعها يبست اشفافي
ردت اركض بدفنتها حافي
البسمار عاف الدنيا كلها
وبضلوع ام الحسن غافي
لو ما مچتف بالوصيه
اتلاوه حتى ويالمنيه
ياگلبي كافي اتدگ بعد موت
دفعوا الباب اعله الزچيه
قاسم الغزالي
#اللهم_عجل_لوليك_الفرج
لا حول ولا قوة الا بالله
صدك متي
يفاطمتي
___
جيبي اليخليني اصدك ميته واحفرلج كبر
وحتى لو قنعته كلبي حسين اقنعه ابيا عذر
بالله كليلي شكله ضلع امك منكسر
وفوك هذا الضيم كله وباجر يذبحه الشمر
منج هسه يحرومنه وباجر من الماي
وگلبي يحركونه بذيجه ويحركونه بهاي
الحزن حصتي
يفاطمتي
__
خايف اهواي اعله زينب شلون بيها بروحتج
وبيش اصبرها وشكلها بهالوضع لو شافتج
تارس البيبان دمج وتجري عالخد دمعتج
وفوك ما كسروا اضلوعج اجو كطعوا سبحتج
كطعوا كلبي ويالسبحه وطاح اويالخرزات
لمن كالولي المحسن يام المحسن مات
الولد علتي
يفاطمتي
_
فزعت الناس اعله ضلعج بلايه رحمه وكسرته
واسمع الشامت يصيح علي طاحت خيمته
اليوم راح نشوف حيدر تجري منه دمعته
اليوم كل مايمشي يعثر وعلى الزهره طيحته
طحت وطاحت يالزهره اعمامة راسي وياي
كسرو ضلعج ياروحي وكسرو گلبي هواي
ضواي انتي
يفاطمتي
___
الحسن ماهو الحسن صاير اعيونه عاميها الدمع
من يشوف الباب يبجي ويحط ايده اعله الضلع
ايصيح يايمه يزهره وين اروح بهالوضع
لهسه يتراولي جفه العله خدج منطبع
الله يشل جف الساطر عينج ياام البيت
وحدي اني خلافج اني بهالعالم ضليت
شوكت وكتي
يفاطمتي
___
عايش اعليج وعلى الله جنت ياخيمه هلي
هو اني شعندي غيرج مايخلونج الي
علي خلافج ضال حاير ابد ما جنه علي
الليل اخلصنه اعله كبرج بجي لحد ما ينجلي
يم عتبت كبرج گلبي طميته ومافاد
يكلي اعزازك ياحيدر صاروا حيل ابعاد
يسالفتي
يفاطمتي
قاسم الغزالي
https://youtu.be/Us3Io1A6QcA?si=UBem-LeKYrh5XZBN
Читать полностью…
هوس حبيب اباب الخيام
عدكم زلم عالعيله متنام
طمن كلب زينب يعباس
كلها حبيب يكول خدام
ــــــــــــــــــــــــــــــــــــــ
شنهو الركَب ننطيكم ارواح
خل زينب اتأمن وترتاح
الطاح منكم نركض اعليه
والمنه فدوه نصيح لو طاح
ــــــــــــــــــــــــــــــــــــــ
لاخر نفس ما ننطي بيكم
شيعتكم وتربات اديكم
بالحرب شايبنه يرد شاب
لو سلم وصلى عليكم
ــــــــــــــــــــــــــــــــــــــ
الموت بدربكم عاشكينه
كمنه نهد ابطرك ادينه
وابلا دروع انلاكي السيوف
يازينب اتنومسي بينه
ــــــــــــــــــــــــــــــــــــــ
يالغيركم ما عدنه ساده
انتم قياده اعله القياده
جا هيه موته وويه الحسين
ماكو احله من هاي الشهاده
ــــــــــــــــــــــــــــــــــــــ
بينه العزم لو شدت يزيد
والحرب عدنه مو حرب عيد
بس امر وتبشر يالحسين
يم جدمك نجيب الصناديد
قاسم الغزالي
وديت وياك اربع اعزاز
يسندون ضهرك خاف تعتاز
تاليها باقي ابلايه جناز
ييمه
ــــــــــــــــــــــــــــــــــــــ
عميه اعيوني وسوده اعليه
تطلب ناصر يابو رقيه
بذيج اللحضه لو موجوده
اتهد وياك البدويه
لو اعرف اتكطع وصل ماعوفك بعازت بشر
ولو طاح ابو فاضل اجي يمه انه اصيرلك ضهر
كدامك اوكف اجهب الخيل
خلها ييمه تدوسني حيل
المهم انت بخير ياهيل
ييمه
ــــــــــــــــــــــــــــــــــــــ
للعازه اولادي موديتهم
يطيحولك فدوه موصيتهم
لو ماشوفك سالم ترجع
جا عكبك شلي بشوفتهم
كالولي ابو فاضل وكع عفيه ابني عفيه هوست
كالولي ابو الأكبر وكع كمت وطحت واحا صحت
صيحت راح الغالي والزين
اعله الغبره غافي كحلت العين
احا يبعد امك يالحسين
ييمه
ــــــــــــــــــــــــــــــــــــــ
مضحيه ببزري لبزر الزهره
انطيت اولادي واحس مقصره
ياخيل حسين امه الكوثر
دوسن صدري وعوفن صدره
ولد ام فاضل فده لولد العزيزه فاطمه
يحسين لا تحسبني ام انه لحضرتك خادمه
بلخدمه انه يا رفعة الراس
عباس فدوه الك عباس
انت المعزتك فاقت الناس
ييمه
ــــــــــــــــــــــــــــــــــــــ
كالو ضامي وكلت اسم الله
تعطش صعبه نعمة الله
لو ادري يعطشوكم بالطف
ماي اترس هودج عبد الله
وكبل ابنك ابني ينذبح ابو الفضل وابنه الفضل
كلهم ييمه فدوتك من كون انت تضل عدل
لو راد سالم موش مكتول
وين الولد يحسين ماكول
ومايضل متني اعليك مهدول
ييمه
ــــــــــــــــــــــــــــــــــــــ
عن اولادي ثق ما انشد
بس اعليك اكضيها أتفكد
واعله الدرب انتضرك اكعد
انشد يمته حسين ابني يرد
لو ما تردلي ويالضعن ماجوز يمه امن اللطم
ونكضيها انه وزينبك كل مغربيه ننهضم
نتاكبل اعليك انه وام عون
نبجي ونطيح اعليك العيون
صوابك بكلبي و ابد ميهون
ييمه
قاسم الغزالي
حسين مولاي مولاي
من الله يهواك الگلب/
عاشك رغم عشكك صعب/
الحب إلك يا اغله حب/
حسين
وين الكه مثلك بالبشر /
مو كلب خاطر ماكسر/
يا ضهر للماله ضهر/
حسين
تخذلني الدنيا واجيك
تمسح راسي انت بديك
انه ميت من زمان
بس عشت اعله الله وعليك
ــــــــــــــــــــــــــــــــــــــ
عشكك صدك مابي جذب/
ساترني وانت منسلب/
لو هيج احب لو ما احب/
حسين
غيرك خساره مو ربح/
ووياك يامحله الجرح/
حتى بصورك منذبح /
حسين
للخايف انت امان
يالجفك كله حنان
بدنيا العنده حسين
متهمه ضروف الزمان
ــــــــــــــــــــــــــــــــــــــ
فقره وغنتنه محبتك/
سوتنه اوادم خدمتك/
ابصايت الله وصايتك/
حسين
يالتفزعلنه بلا ثمن/
لو دار وياينه الزمن/
نلكاك بالغربه وطن/
حسين
يالضامي وتروي بضماك
مارديت الي اجاك
انت الي معزب السيوف
تقصر ويانه حشاك
ــــــــــــــــــــــــــــــــــــــ
يلومونه من نختنك/
وبمجلسك جي نحترك/
جا هيه هينه تنسحك/
حسين
اعله المثلك تطيح الرگب/
ونجفي ألدْلال امن الغضب/
وگلوبنه يصيرن حطب /
حسين
يالراسك فوك الرماح
مذبوح وما تستراح
يوميه جروحك تزيد
وحيل اختك بالغربه طاح
ــــــــــــــــــــــــــــــــــــــ
عطشان يابعد الهوه/
يادوه وبعازت دوه /
بضلمه اشوفنك ضوه/
حسين
احا يشلعان الگلب /
من دون اخوتك بالحرب/
انت اعله وجهك منكلب/
حسين
يالباقي فوك الرمال
تصيح اختك راح الدلال
الماحبك ابن حرام
والحبك ابن حلال
قاسم الغزالي
بدايةٌ جديدةٌ مع الحسين...
ليس كلُّ سقوطٍ نهاية، فبعضُ العثرات تكون بدايةَ . ومع الحسين تتعلّم الروح أن التوبة ليست كلماتٍ تُقال،
اسألكم الدعاء 🤍
ليل وكوه الك جابتني العيون
وعثرت ابعون خويه وماشفت عون
انه الكاتلني الم ضلوعك شلون
يخويه
ــــــــــــــــــــــــــــــــــــــ
اجيت وبيه مامش حيل واجر اجدامي بلكوه
واصيحن وين اخوي حسين وين الخوته خوه
لكيتك عالوجه مكلوب وكلت لا هذا مو هوه
مامعقوله هيج ينام وخده برمل يتجوه
لا يحسين لا مو نومتك هاي
غافي اعله الشمس وبعازت افياي
وثلث تيام الك ماضايك الماي
يخويه
ــــــــــــــــــــــــــــــــــــــ
حرت يحسين المك بيش الهوه ينلم وماتلم
بكل صفحه الك نيشان يخويه وجسمك مثلم
وكلشي بيك ماخلو وجهك خضبو بالدم
وضلعك خويه من سحكوه وصل صوته للمخيم
وين حزام ضهرك عايفك وين
شو صدرك درب للخيل يحسين
الحافر عالضلع تارك نياشين
يخويه
ــــــــــــــــــــــــــــــــــــــ
شبكتك شبكت الغركان وكلتلك كوم لضعوني
باجر لو رحت يحسين عالهزّل يركبوني
متوني بسوطهم يحسين باجر تنحني امتوني
وخويه لو رحت للشام يشتموك ويشتموني
وكت خله الغرب يحدون بالنوك
وزينب بت علي يفرونها بسوك
محروك الكلب يحسين محروك
يخويه
ــــــــــــــــــــــــــــــــــــــ
شهكت اعليك شهكت موت وكلتلك حيل مابيه
وحرت ياجرح اضمدنه بيك الف وتسعميه
هواي سهام بيك هواي نبتن حتى بالريه
واني الماحناني السوط خويه عليك محنيه
انه الكاتلني مو بس لان عطشان
اول تالي هيج تنام عريان
من شفتك مصابي اعله الولد هان
يخويه
ــــــــــــــــــــــــــــــــــــــ
بعباتي جيت افييلك وخفت لتشوف متن اختك
انت المايدفنونه والماتكضي فاتحتك
عفتك طايح اعله الكاع انه مجبوره من عفتك
لن عالرمح راسك صار وبالبر طشرو جثتك
هنا طولك وكع وهنانه الضلوع
وراسك ذاكه فوك الرمح مرفوع
انه مشلوع كلبي اعليك مشلوع
يخويه
قاسم الغزالي
" فلئن أخرتني الدهور وعاقني عن نصرك المقدور ولم أكن لمن حاربك محاربا ولمن نصب لك العداوة مناصبا فلأندبنك صباحا مساء ولأبكين عليك بدل الدموع دما حسرة عليك وتلهفا حتى أموت بلوعة المصاب وغصة الاكتئاب..، 💔
Читать полностью…
https://youtu.be/4hga-b6savQ?si=760WrTV83liZ7yCj
Читать полностью…
يا ابو علي اعله فراش الموت اذكرتك
يا ابو علي فاتحي اهون من فاتحتك
انه يشيعوني وانت يعفونك
اتلثت ايام اضل يله يدفنونك
__
انه ماعطشانه اموت وانت موتك بي عطش
وبنعاش تنشال جثتي وجثتك بلايه نعش
يمه سالم يضل جسمي وجسمك يطشونه طش
وتبقه نسوانك سبايه وحايره باليل اهدعش
يا ابو علي بالطف عريان مخلينك
يا ابوعلي المحبس والثوب مسلبينك
والحر غير وجهك يمه ولونك
اتلثت ايام اضل يله يدفنونك
_____
انت لموك بحصيره وانه مامحتاجه لم
وسهم مانبت بكلبي ونابت بكلبك سهم
انه ماحركولي بيتي وانت حركولك خيم
ونزف دمك عالتراب وانه مانازفلي دم
يا ابوعلي موتي هواي اسهال من موتك
يا ابوعلي تراب الطف صاير تابوتك
يانعمه الله شلون يطشرونك
اتلثت ايام اضل يله يدفنونك
______
انه صح ولدي اربعتهم طاحو كبالك نذر
بس احس مقصره حيل وياك يابعد العمر
اعله الجمر داسن بناتك وانه مادست الجمر
وماشفت راسك ييمه من يحز بيه الشمر
يا ابو علي من يوم الكالولي موذر
يا ابوعلي اذكر شيباتك واتعثر
وبالخيل شلون الناس يسحكونك
اتلثت ايام اضل يله يدفنونك
____--
والله لو راجعلي سالم جان ماضليت اصيح
والمهم يحسين انت وخلي ابوفاضل يطيح
يمه جف عباس فدوه المهم جفك يالذبيح
وعمت عيني على زينب تنسبي وماتسرتيح
يا ابوعلي زينب سموها المسبيه
يا ابوعلي وانت تسميها العلوية
وكبال اعيالك صعبه يذبحونك
اتلثت ايام اضل يله يدفنونك
_______
خلفت ولدي اعله مودك مامخلفتهم الي
وعلى فراش الموت وبجي عليك جفين منولي
فدوه يرحولك اولادي وفدوه يرحولك هلي
وموتي هين من اقيسه بموتتك يابوعلي
يا ابوعلي اتمنيتك تدفني ابيدك
يا ابوعلي ماريد اولادي انه اريدك
كل همي اترد ويه اضعونك
اتلثت ايام اضل يله يدفنونك
قاسم الغزالي
الحبيبه يموت
الرادود أحمد السعدي
كلمات خادمكم
https://youtu.be/zpzBlM_PYw4?si=tWt2FEtzzwy5R-p4
مولاي الحسن عليه السلام يخاطب مولاي الحسين عليه السلام
شيعت امنه ورديت/ من المكبره شابع حزن
الله يعينك يحسين/ يالتدفن وماتندفن
باجر خويه من تموت
تبقه بعازت تابوت
.....................................................................
يحسين باجر الحر يغير لونك
وعلكاع تبقه وماتلكه اليدفنوك
ينشلع كلبك وبالحافر يسحونك
ياضيم كلبي/ مو يمك انه /وبالطف يخويه يكطعون اصبعك
وين انطي وجهي/ ضلع امي هسه /وباجر يروحي/ يكسرون ضلعك
مدري بياضيم احتار/ بضيم الضلع لو بالخيم
ولو طلعت البسمار /منهو اليطلعلك سهم
يالدمعاتك ياقوت
تبقه بعازت تابوت
__
امنه الحنيه كل احنه شيعناها
بس راح اختنه محد يضل وياها
تحتار زينب و امنين تتلكاها
اعله الرمح راسك/ وهيه سبيه /بذيج الصحاري /حيرتها حيره
يشيب كلبها/ وعل هزل تصعد/ وشلون تصعد/ زينب جبيره
من هسه كوه تكوم /وتكول شيبني الضلع
جا باجر بيها شلون /لمن تشوفك منصرع
وباجر للسوك تفوت
تبقه بعازت تابوت
__
ويلا يكلبي كل يوم ناصب فاتحه
ومحتركه روحك والجايه نفس الرايحه
بعينك شفتها. اعله الباب امك طايحه
ولمن دفعها /لزمت ضلعها /ومحتاره ضلت وبخدها سطره
وعالباب يفتر مخنوك حيدر يكسر الخاطر وعيونه حمره
يكللها اليوم وياج/ يشيعونه بنفس النعش
غسلتج بس حسين/ يغسلونه بيمن لو عطش
كلبي عليكم مفتوت
يبقه بعازت تابوت
____
هنياله كلمن. شافن النوم اعيونه
بضلع امي شفته البسمار مدري شلون
طلعوا كلبي. من رادو يطلعوني
كلش لجمها/ وعالكاع دمها /والوجع كله حسيته بيه
خلصت ليلي/ فارش شليلي/ وابجي اعله حيلي/ يم الزجيه
عالسطره عيوني اطيح/ طيحت ملح فوك الجرح
جا بيه شراح يصير/ لو شفت راسك عالرمح
ارحل كبلك مخبوت
تبقه بعازت تابوت
___
يحسين محسن. ماصار حتى تشوفه
بس ابو فاضل. عشرت عمر وتعوفه
عباس باجر. ماتكله حتى اجوفه
يطفون عينه /وتوكع يمينه/ وينكسر ضهرك بالغاضريه
امطشر تشوفه/ تبجي وتعوفه/ واتكله زينب صارت سبيه
عالهزل راح تروح /وخيمات اخيتك تحترك
ارجع لمتون ام عون /اخلافك ترى ايصرن زرك
وتون ويموت الصوت
تبقه بعازت تابوت
قاسم الغزالي
اعله ضلوعي لا تبجين
ابجي اعله اخوج حسين
من ينكَسم نصين
يازينب
ــــــــــــــــــــــــــــــــــــــ
اذا امج ضلع واحد اخيج ينسحك كله
واذا امج يغسلوها حسينج محد ايغسله
يضل عريان عالغبره وانتي علتج عله
باجر لو وكع عباس يركبونج على الهزله
فوك الهزل تاليتج لا كافل ولا رايه ويحدون بيج الغربه
وراس حسين كبالج يشيله اللعين بأيده وبالخيزرانه يضربه
واعله الرمح ينشال
ودمعج يضل همال
ومكيده بحبال
يازينب
ــــــــــــــــــــــــــــــــــــــ
فدوه سطرت اعيوني بس الشام مو فدوه
اله يايمه لو ودوج اعله كلبج تكبر البلوه
بي ضيم وسبي وحيره وزلم ماعدهم امروه
عليج هناك يتفرجون اليسوه والي مايسوه
بلحجر يتلكونج اعله متونج يضربونج احا يزينب يمه
بمجلس يزيد حسينج يشتمونه ويبجونج وكلبج يعيش بهضمه
وجهج اذا كشفوه
يعني الكمر كتلوه
احو ييمه احوه
يازينب
ــــــــــــــــــــــــــــــــــــــ
محسن ماعطش من مات وحسينج يعطشونه
وانه يدفنوني نفس اليوم واخيج مايدفنونه
ثلث تيام يازينب على الغبره يخلونه
وحق جدي انه عطشان يصيح ومايسمعونه
تيبس ييمه شفافه راعي الرسوم الحلوه تغير الشموس ارسومه
ميدان يصبح صدره للخيل والخياله وتنسلب يمه هدومه
يايمه عالعريان
ابجوا زلم نسوان
موتوا على العطشان
يازينب
ــــــــــــــــــــــــــــــــــــــ
اذا نحتي على البسمار منهو ينوح عالحافر
يزينب ضمي دمعاتج عالمذبوح بالعاشر
وحيد حسين يازينب وحيد وما اله ناصر
يكلبونه على وجهة ويذبوحنه ويضل حاير
يسلبون حتى ثيابه ابن امج اعله الغبره عريان يبقه بوحده
ومن الكفه يذبحونه وعليج تبقه عيونه والخيل تمرد جبده
يايمه نوحي اعليه
وحتركي من تبجيه
احسينج اموذريه
يازينب
ــــــــــــــــــــــــــــــــــــــ
ييمه الباب تطفه بساع بس ما تطفه خيماتج
يحركوهن عليج هناك ويوكفون نبضاتج
ويفرونجن بالسوك ييمه انتي واخياتج
ومن كثر الشكف بالسوط يورمن حتى ادياتج
باجر غربتج غربه وضرب السياط يتعبج الله يعين متونج
ولو صحتي الحك خويه يحسين اخيتك ماتت يشتمونه ويشتمونج
يشتمون اخوج هواي
يحرمونه من الماي
من يوكع الوفاي
يازينب
قاسم الغزالي
اجيت اركض وحشمته
نايم عالرمل شفته
كلتله النوم مو وكته
الزلم شافت خيال اخته
ومافز لمن كعدته
معقوله الحسين انته
شو ماتحجي شو سكته
هذا الماي الك جبته
امده الماي الي ماضكته
وحضنته وبالنحر بسته
لكيت ايده اعله خاصرته
اثاري الخيل ساحكته
وبصحراء امطشرته
بعباتي وذر جمعته
وشلته وطاح من شلته
بجيت اعليه وجابلته
عتب خوان عاتبته
راويته متن اخته
اسياط العده امورمته
وتراجي بنيته شوفته
قاسم الغزالي
هلي دار الزمن بيه
هلي والناس مو هيه
ياهل ام عون الحكوا ام عون
الدنيا تغيرت وام عون مسبيه
محنيه للشام على النوك ودوني
ردت ابقه يم اخوتي وما خلوني
ابن امي عريان على الكاع خليته
لو بيدي يحسين اغطيك بعيوني
ــــــــــــــــــــــــــــــــــــــ
تعبت امن الركض والهم
المصيبه حسين ماينلم
امطشر ضال فوك الكاع
خفت خاف امن احضنه بحضني يتثلم
جا هو غير اليموت يدفنونه
بعازت نعش ليش اخوي تخلونه
بسكم ذبحتوه دخلوه مو كافي
اعله ضلوعه بالخيل تجون تسحكونه
ــــــــــــــــــــــــــــــــــــــ
هلي بگلبي حجي هوايه
لا كافل ولا رايه
اضمن وجهي عن الناس
وكلها تصيح هاي اخت الكمر هايه
بنص الزلم امشي صارت من تالي
وبس الكمر جان انه يشوف اخيالي
ماميته من السبي ولا من ضيمي
افراك الحسين يعالم جتالي
ــــــــــــــــــــــــــــــــــــــ
كلبي امن المصايب مل
ياهل الحل اريدن حل
السبي مالايك اعليه
جبيره والجبيره شلون تتحمل
ماعولت كربله اخلص من عدها
انوب اجه الشام يروحي وزودها
الكاتلني بلسوك بقه يصيح الشامت
زينب سبيه وعشيره ما عدها
قاسم الغزالي
رجع من النهر مايل
حاير والوجه ذابل
كلتله شبيك خويه وصاح
يزينب مات ابو فاضل
ــــــــــــــــــــــــــــــــــــــ
للخيم رد يمشي كوه
يصيح هاي شلون بلوه
شيوجعك لمن سئلته
كال يازينب الخوه
راح الجان يسواله عشيره
يازينب خسارتنه جبيره
حرت من ياكتر اشبك العباس
متطشر وذر صاحب الغيره
خسرنه الجان ساندنه
بعد عباس ماعدنه
ياخويه كفيلج راح
يزينب مات ابو فاضل
ــــــــــــــــــــــــــــــــــــــ
وكف يمي وكال اخبرج
انكطع راس حزام ضهرج
بعد مايرجع كفيلج
خويه الله يعظم اجرج
الطمن صاح يازينب الطمن
و ونن عالأخو اليستاهل الون
اول تالي هيج عيون عباس
بصفهن واكف وبيه يتيهن
شمسوي السهم بيهن
يازينب امطفيهن
النضر من عين اخيج راح
يزينب مات ابو فاضل
ــــــــــــــــــــــــــــــــــــــ
كتله خليني اشوفه
كال احسلج نعوفه
بيمن تحضنين اخيج
زينب انكطعن جفوفه
يزينب طاحن ايساره ويمينه
لكيته ميت ويبجي علينه
شتروحيله هو البي مكفيه
بيش يشوفج المطفيه عينه
ارحمي بحاله يازينب
لو رحتيله يتعذب
خلي بموتته يرتاح
يزينب مات ابو فاضل
ــــــــــــــــــــــــــــــــــــــ
كال اوصيج بخواتج
والبقيه في حياتج
اليوم ذبحو ابو فاضل
وتحترك باجر عباتج
يزينب باجر يسحكون صدري
مادامات راح حزام ضهري
وفوك الرمح من تلكين راسي
لتلطمين زينب خويه اصبري
صح العطش مثل السل
بس طاري الهزل يكتل
اخ الشام كله اصياح
يزنب مات ابو فاضل
ــــــــــــــــــــــــــــــــــــــ
حسين صارت عينه حمره
يصيح خويه ويجر حسره
وهو وسو يمه الشماته
راح اخو وانكسر ضهره
ضل حسين وحده ابلا عضيده
صاحو بعد صعبه يشيل إيده
انحنه ضهره وكسرنا على العباس
خل نتحاوطه ونكطع وريده
نذبحه ونسبي اخياته
ونحرك حتى خيماته
الساند ضهره بالطف طاح
يزنب مات ابو فاضل
قاسم الغزالي
رديت امشي واتعثر وشابع لجمات
هد حيلي وليدي الاكبر من كالو مات
علي يبني
ــــــــــــــــــــــــــــــــــــــ
اركض رحت وصفك بديه
والناس تتفرج عليه
اكبال الشماته ضهري مكسور
بويه علي اشسويت بيه
ماحسبت احساب افراكك عايفني ورايح وين
الحركت كلبي الناس تهوس طيحنه ابنك يحسين
ياتعب اعيوني وحيلي محتاجك حيل
امن اتموت انت وابو فاضل تسحكني الخيل
علي يبني
ــــــــــــــــــــــــــــــــــــــ
تيهت روحي وتيهت بيك
يبني العطش غير معانيك
عمتك زينب تنطر هناك
ابلا راس يمها شلون اوديك
اكعد بويه وارحم كلبي حسينك ماعايز شوغات
وزينب لو ضلت وحدها يحركون عليها الخيمات
يالأكبر هاي الوادم تكرهنه هواي
عبد الله شسوه وهيج يحرومنه الماي
علي يبني
ــــــــــــــــــــــــــــــــــــــ
بديت طولي وطحت يمك
من نحرك المذبوح اشمك
مابيه اكوم اعليك مكسور
ضليت اتوجه اعله عمك
لو ما عباس يكومني يمك جا واكع ضليت
فراكك تعبني وكبرني للخيمه مشيب رديت
حاير ضليت خلافك كدام الناس
تشابكنه اعليك ونبجي انه وعباس
علي يبني
ــــــــــــــــــــــــــــــــــــــ
الحر والعطش غير رسومك
اتمنيت يومي كبل يوم
جنت اعله ايدي ياعلي تنام
وعالرمل هسه صار نومك
نايم فوك الغبره وعايف حيل حسين بعازت حيل
لو تلحكني لو الحكلك لو راح تطشرنه الخيل
باجر كله كل كتر بصفحه حسينك ينعاف
وزينب يسبوها الغربه تنوح و تنشاف
علي يبني
ــــــــــــــــــــــــــــــــــــــ
احا يشالع گلبي وينك
لو مانزر ما ذابحينك
الخياله داست كل الصفاح
طبكت يسارك وي يمينك
يشالع كلب الخياله واحد بس تعادل جيش
ذبحوك وكسرو شوكتنه ليش تعوف حسينك ليش
يابزر الخير اخلافك كلش مخنوك
حسراتك ذني هنانه بصدري المسحوك
علي يبني
قاسم الغزالي
كل عام وانت بخير ياحصت الرمح
شيصر لو هاي السنه ماتنذبح
جا هيه امك فاطمه بعازت جرح
ييمه
ــــــــــــــــــــــــــــــــــــــ
وين الله وكون ترد سالم
. واعله الغبره متضل نايم
وزينب ماتسبيها الوادم
بهاي السنه يا ابو علي كون الخيم ماتحترك
وما الكه بشفافك عطش ولا اريد اشوفك منسحك
كون امن اشبكك تنشبك موش امن شبكك تختنك
هلبت قميصك هالسنه ماينسلب
والذبح والطف والعطش يطلع جذب
يمخلي كلبي بنار خيماتك يشب
ييمه
ــــــــــــــــــــــــــــــــــــــ
لو كتلك عباس شلونه
امنيتي تكلي بخير اعيونه
وسالم جفه وميكطوعنه
ماريدك تفارگ اخو فراگ الاخو يكسر ضهر
من صاح اخيك هوسو ضل الحسين ابلا گمر
شافك ابو فاضل طحت گام وگع يم النهر
ادركني صاح و گلبك اعليه انمرد
تنطي الوجه المن يبو سكينه بعد
شتسوي لو گعدت اخوك و ما گعد
ــــــــــــــــــــــــــــــــــــــ
كل عام و زينب محميه
لا مهضومه ولا مسبيه
شجاب السوگ اعله العلويه
زينب ييمه امدلله وكالولي صعدت عالهزل
ياهو اليبچي ام الخدر لو باقي ابو فاضل عدل
كلشي ولا هاي السنه اختك يجتفوها بحبل
يحسين ابد ماراهمه اختك تنسبي
وعگب ابو فاضل يحدي ناگتها اجنبي
الشام مدري شماله وي آل النبي
ييمه
ــــــــــــــــــــــــــــــــــــــ
كون من احضر يوم العاشر
على صدرك ماشوفن حافر
ولا وحدك باقي ولا حاير
وين الله كون بهالسنه عبد الله ميكتله العطش
والكه رقيه امدلله وماتركض باليل اهدعش
چا هيه هينه ابن النبي مذبوح وبعازت نعش
و الاكبر يضل يمك و ما ينغدر
و ضهرك عليه لا ينحني ولا ينكسر
بهاي السنه امنيتي متشوف الشمر
ييمه
ــــــــــــــــــــــــــــــــــــــ
چم عام وچم عاشور المر
ونفسك انت باقي مطشر
شوكت انلمك يا ابو الاكبر
يا نعمة الله ورحمته الحافر كسرلك چم ضلع
موش انت ابن حيدر علي شلون بحصيره تنجمع
ييمه دم كون البچي اعليك ما يكفي الدمع
يحنين المثلك يصيروله خدم
مو يشبوعنه عطش ويشبعو الم
ويسبون عايلته ويحركون الخيم
ييمه
قاسم الغزالي