•شـــآٍعِــرٍه ؏ــلّويــِهً آمٌ فــُآضــلّ•

20 December 2024 16:02

#هـوسات مولود الزهراء

نزل جبرائل النبی العدنان
یهنی ابفاطمه وشلون فرحان
وبنورها زهرت بیها الجنان

(من نوره الباری سواها)
🌷🌷🌷🌷🌷🌷🌷🌷
من نوره الباری فاطمه سواها
وابجیتها نزل جبرائل وناغاها
وبارک الساده ونبینه طاها

(وفرحانه الکون اتهلهل)
🌷🌷🌷🌷🌷🌷🌷🌷
فرحانه والکل یهلهل الجیت فاطمه
وغنه العصفور و تنورت السمه
یاهلا ومیت هلا بهل قدمه

(اهلا بقدامج یابنت الساده)
🌷🌷🌷🌷🌷🌷🌷🌷

تـ✍️ـمـ✍️ــت

✍ #علویه_ ام فاضل_

❌غیرمبری الذمه الیحذف الاسم او یغیره❌

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

07 December 2024 10:51

نصاري في حق الزهراس
✿ ✿ ✿
فلت وانگضت یلوالده ویاچ
حلوه اسوالفچ ما یوم ننساچ
.........
ماننساچ یم گعدت الحلوه
وعلیچ الروح یایما اتلوه
انتی الوالده ولروح سلوه(
اتعوفینی یایمه اشلون اتعوفینی)
✍️ام محمد اليامعيه
✿ ✿ ✿ ✿ ✿
ياسلوة حياتي وروحي تهواچ
ماريد العمر شفجه بالياچ
روحي اتلوج يايمه اعلی ملگاچ
(يادره افراگچ ياذيني)

✍️ام عدنان سياحي
✿ ✿ ✿ ✿
اشلون انساچ ونتی نورالعیون،
یریت اویاچ دفنونی الیدفنون
یهون علیچ اولادچ ینوحون
(وتنوح اولادچ حزنانه )

✍️ام کیان اماره

.✿ ✿ ✿ ✿
عطشانه ییمه الذیچ لچــفوف
تبرسملی العبایه ابحنتی اتدوف
گمت احچی السوالف کلها للطوف

(*من بعدچ یاذلت حالی*)

✍️ام محمدالکعبی
✿ ✿ ✿ ✿ ✿ ✿
وجه امي الحنينه اليوم مفگود
هم يرجع وكتنه اوياها ويعود
شالت للكبر ما ترجع اردود

*(دفان امي ارجع بيها)*

✍️ #علويه ام فاضل
✿ ✿ ✿ ✿ ✿
خلصت وانتهت ویاهه الايام
وامي حملت عافتنه ايتام
صوب المکبره مشتها الاقدام

(ایدفنوني یاریت اویاهه)

✍️ام ياس الساعديه
✿ ✿ ✿ ✿ ✿ ✿
تمت وبعون الله وباقلام شاعرات اهل البيت ع

غیرمبری الذمه الیحذف او یغیراسم الشاعره❌
/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

15 November 2024 17:48

#قصیده الفراق مولاتي الزهرا عليه السلام

البنيـه ماترتاح بس ويه أمها
والماتت اشلون ياهوا اليلمها
➖➖➖➖➖➖➖
يايمه لوتدرين حالي بلاياج
افتر بنص الدار واذكر ارباج
موجوده وبلبيت يايمه ردناج
افراگج ييمه الروح هدهه وهظمها
➖➖➖➖➖➖➖
الماتت امها تحير بلدنيه شلها
أهلا وسهلا بيج محـد يکلها
افراگج جمد بالروح نار وشعلها
يريت ترجع يوم واكدر اشمها
➖➖➖➖➖➖➖
بعازتج هل يوم يايمه اريدج
مشتهيه روحي اليوم لشمت ايدج
صعبه علي تدرين دمعة اوليدج
والبنيه اتريد امها التلمها
➖➖➖➖➖➖➖
وياج نمشي ريت يايمه كلنه
ويحلا السمر وياج يم المحنه
اخلافج بکه مظلم وحشه نزلنه
ظلـت تون الروح زايد المـها
➖➖➖➖➖➖➖
يوحش عليه البيت يايمه عكبج
وتدرين بيه شكد يايمه اودج
روحي كضت هاليوم والكلب عدج
تبقين طول العمر بنيتج حلمها
➖➖➖➖➖➖➖
ريضي ييمه الساع لا تشيلين
وبنص ونات جاليش تخلين
كليلي جم يوم لينه و تعودين
ظليت اصيح اليل كله باسمها
➖➖➖➖➖➖➖

تــمت بعــون اللــہ

✍ #عـلــویــه_ام_فــاضل

❌غیرمبری الذمه الیحذف او یغیراسم الشاعره❌
/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

26 October 2024 16:48

#ختامية مجلس الزهراء عليه السلام

واويلي علي الزهراء
واويلي علي الزهراء. واويلي
➖➖➖➖➖➖
نادت الاملاك السماء
ابجو ياشيعه دماء
وبحزن خلي الوفاء
صاح جبريل بسماه
واويلي علي الزهراء
واويلي

✍️ #علويه ام فاضل
➖➖➖➖➖➖
واويلي ونصيح الآه
وضلع الزهره ماننساه
ودم حسين هم وياه
ونصيح بصوت عالعاداه
واويلي على الزهراء واويلي

✍️ #العلويه ام زين العابدين
➖➖➖➖➖➖➖
واويلي وندگ الراس
بچينه نابع بأحساس
وحزنانين كل الناس
ثارج مايطيب اثراه
واويلي على الزهراء
➖➖➖➖➖➖➖
ندك اصدور لام حسين
نعاون زينب اعله البين
المابطل گلبها ونين
ظلع الزهره ماننساه
واويلي على الزهراء

✍🏻 #_بنت العباس ع ام منتظر الجابري
➖➖➖➖➖➖➖
خلف الباب عصروها
وعله العين لطموها
وبسياط ضربوها
ابسمار الضلع صاباه
واويلي على الزهراء

✍️ #أم حسين الابراهيميه ناصرية
➖➖➖➖➖ ➖➖
ندك ونصيح يازهره
منكم نطلب الجبره
عدنه اهموم متكوره
والخادم اهي تحضره
واويلي على الزهراء

✍️أم علي نجف
➖➖➖➖➖➖➖
واويلي عله الخاتون
منها غمضت العيون
حسين وحسن يبجون
اعليها الشابه يلطمون
واويلي على الزهره

✍🏻سلمى أم جعفر
➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

26 October 2024 16:46

#قصيده الي مولاتي الزهراء عليه السلام

شكال حيدر من دفن بنت النبي
بلل اتراب. الگبر. دمع. الأبي
➖➖➖➖➖➖➖➖
رجع من بعد الدفن يهمل دمع
ويلي اشحاله و دليله منفجع
منكسر ظهره مثل كسر الظلع
شسوه بآل المصطفى هالناصبي

✍️ #علويه ام فاضل
➖➖➖➖➖➖➖➖
رجع من بعد الدفن تهمل العين
اباري الأكوان حيدر يستعين
افراگها كلش صعب ام الحسين
فكد كل احلام عمره يصطبي

✍️ #العلويه ام زين العابدين
➖➖➖➖➖➖➖➖
دفن أم حسين بيده حيدره
افراكه هد حيله اعله الطاهره
شحاله من شاف الضلوع امكسره
حيل اذاها الزجيه الأجنبي

✍️ #أم علي نجف
➖➖➖➖➖➖➖➖
عافها ويلاه ياطول الدرب
اه واويلاه وشكال الكلب
من رجع والدمع من عينه يصب
ونار كلبه موجره وماتنطفي....

✍️ #الحاجه نجاة ام كرار اللامي
➖➖➖➖➖➖➖➖
ودعاها والكلب يلتهب نار
الدنيه صارت مضلمه والفكر حار
صعبه ينسى الي جرى بحركه الدار
يعينه الله المحنته حيدر علي

✍️ #خادمه ام البنين ام رضا
➖➖➖➖➖➖➖➖
هومت عينه علي يم الگبر
نادته بصوت الگلب من انفطر
ارجع الزينب گلبها منكسر
ماتگوم من الحزن تحبي حبي

✍️ام أحمد ناصريه
➖➖➖➖➖➖➖➖
تمت بااقلام خادمات اهل البيت عليهم السلام في رابطة دموع الأقلام
🤲🏻نسالكم الدعاء 🤲🏻

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

04 October 2024 12:27

#قصيدة فزاعیه الي مولاتي الزهرا ع

طاح محسن عالثره
گوميلي یافضه بعجل
➖➖➖➖➖➖
گومي یافضه وسندي
راح الولد محد. الي
حگ الطم ودمعي يهلي
وي محسني راح الامل

✍️ #علوية ام فاضل
♾️♾️♾️♾️♾️♾️♾️
مالومه ودمعي يصب
مايحمل اهات الكلب
وراح الطفل مني غصب
ومن عندي جن كرب لأجل

✍️ #ام زهراء الزيداويه البصراويه
♾️♾️♾️♾️♾️♾️♾️
طاح ولطمت الهامه
المحسن كضت ايامه
دهري الفرح مادامه
والطاغي طكني ولا خجل

✍️ #أم حسين الابراهيميه ناصرية
♾️♾️♾️♾️♾️♾️♾️
الضلع وي طفلي انكسر
ياريت الي عودي حضر
ودموعي عالمحسن نهر
من الألم جسمي نحل

✍️ #أم علي نجف
♾️♾️♾️♾️♾️♾️♾️
ماطبك جفني بس سهر
من عكب عودي بس قهر
المحنتي ينوح. الحجر
قسمت الباري عز وجل

✍️ #ام علي البيضانيه
♾️♾️♾️♾️♾️♾️♾️
طاح الطفل ياحالي
يفضه ليه. . تعالي
من عندي راح الغالي
اجنين وبطني انكتل

✍️ #أم علي باپیروند
♾️♾️♾️♾️♾️♾️♾️
طايح يفضه اجنيني
كومي بعجل دركيني
سمعي اجر اونيني
سرعه تعالي بلا مهل

✍🏻سلمى أم جعفر
♾️♾️♾️♾️♾️♾️♾️
تمت بااقلام خادمات اهل البيت عليهم السلام في رابطة دموع الأقلام
🤲🏻نسالكم الدعاء 🤲🏻

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

02 October 2024 10:39

قصيدة لاستشهاد الزهراء لسان حال مولاتنا زينب ع

سم الله اعله طولج فاطمه
اسم الله اعله طولج
فركاج كلبي المه
اسم الله اعله طولج
➖➖➖➖➖➖➖➖
حزنان كلبي الفركتج. بعد شيصبره
شلي بحياتي من عكب عينج يزهره
ظليت بعدج بالحزن ودموعي تجره

عيوني تجريلج دمه
اسم الله اعله طولج فاطمه

✍️ #علويه ام فاضل
♾️♾️♾️♾️♾️♾️♾️
تجريلج عيوني دمه وروحي حزينه
ودلالي بعدج يم حسن يجهر ونينه
ياهو اليدارينه. بعد ويحن علينه

لفركاج حزنانه السمه
اسم الله اعله طولج فاطمه

✍️ #ام زهراء الزيداويه البصراويه
♾️♾️♾️♾️♾️♾️♾️
حيرانه من يوم المشت، يابعد العيون
والدمعه بالفركه جرت اهلي ميدرون
لمن مشت ماودعت وبحالي شلون

حزنان حماي الحمه
اسم ألله اعله طولج فاطمه

✍️ #نجاة اللامي ام كرار
♾️♾️♾️♾️♾️♾️♾️
متفيد دمعه ولا بچي بالگلب جمرات
بالروح صارت حسرتي مكسره العبرات
مايبطل اعليج الحزن وبروحي ونات

روحي بعدج هايمه
اسم الله اعله طولج فاطمه

✍🏻 #_ بنت العباس ع ام منتظر الجابري
♾️♾️♾️♾️♾️♾️♾️
روحي عليج معلمه صعبه فركتج
تصعب عليه غيبتج ردي الحجرتج
تداوين جرح البلگلب يا زهره ردتج

عالفرگه ماني معلمه
اسم الله اعله طولج فاطمه

✍️ #العلويه ام زين العابدين
♾️♾️♾️♾️♾️♾️♾️
يم هله افراكج مو سهل بدلالي حسره
يابعد كلبي ومهجته ويروحيتي يازهره
مصيبتج يمه يم حسن مستعره جمره

العده ضلعج هشمه
اسم الله أعله طولج فاطمه

✍️ ام نور الزهراء الزينبيه
♾️♾️♾️♾️♾️♾️♾️
تمت بااقلام خادمات اهل البيت عليهم السلام في رابطة دموع الأقلام
🤲🏻نسالكم الدعاء 🤲🏻

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

26 September 2024 21:22

#قصيده الي مولاتي الزهراء عليه السلام


صاحت یفضه بساع لحگی علیه
ظلعی انكسر کسرین وابنی رمیه
──────⊱◈◈◈⊰─────
گومی يفضه بساع شیلی الزغیرون
طفلي وگع للگاع جدام العیون
ماکمل ست شهور اگبالی مطعون
وانه اوگعت للگاع دموعي جریه
──────⊱◈◈◈⊰─────
بضلعي نبت بسمار فضه ادركيني
سنديني مابيه وشيلي جنيني
بجفه النذل طگني واطفالي عيني
من لذت خلف الباب عصروا عليه
──────⊱◈◈◈⊰─────
مني جنینی طاح ابعتبت الباب
ذوله الاجوا چانو للمصطفي اصحاب
طلعو حقدهم حيف وصارت احزاب
ما رحموا بحالي و أنه الزجيه
──────⊱◈◈◈⊰─────
لو اجه الحسن وحسين لاتخبريهم
غطني بفراشي وهوني عليهم
مااگدر أتحمل واسمع بجيهم
خليني أون للموت ونه خفيه
──────⊱◈◈◈⊰─────
محنيه ماتگدر واخفت وجعها
ظمت ورمها العين ويهمل دمعها
ظلت تون بسكوت نار. بظلعها
فضه تون وتصيح رحتي من اديه
──────⊱◈◈◈⊰─────

تــمت بعــون اللــہ

✍ #عـلویه_ام_فاضل
✍️ #ام محمد التميميه

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبرے الـذمـه الیـحـذف الاسـم الشـاعرات❌❌

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

06 September 2024 12:44

نوحيـه الی الزهراء علیه السلام

شمحله گعدت امی ما نسیناها
بعدنه ابشوك من لذت ارباها
ـــــــ➖ـــــــ➖ـــــــ➖ـــــــ➖
شلون اتشیل های التعدل الشور
اسم علیچ یمه ابـنوم الگبور
شالت امنه ومنها الظلع مکسور
یالشایل نعشها بیـها اتباها
ـــــــ➖ـــــــ➖ـــــــ➖ـــــــ➖
امی امعدله و حلوه شمرتها
فدوه الطولها وذیچ ضحکتها
حنینه امی وتهل گبلی دمعتها
صوب المگبره صایر مسراها
ـــــــ➖ـــــــ➖ـــــــ➖ـــــــ➖
هلیوم الحنینه عنه. راحت
دمعه من دمع من عینی طاحت
من بعد ابوها ما ارتاحت
بسرعه حیف امی الاجل اجاها
ـــــــ➖ـــــــ➖ـــــــ➖ـــــــ➖
ملجوم الكلب يم الحسن ردي
اخلافج دمعتي ييمه ابخدي
ماتدرين ابقي يزهرا الوحدي
حيف الغاليه امي ودعيناها
ـــــــ➖ـــــــ➖ـــــــ➖ـــــــ➖
ظلیت انه الوحدی هلیوم
دمعه من دمع بعینی مسچوم
گلبی الفراگچ صبح ملچوم
اخلافچ الدهر عینی بچاها
ـــــــ➖ـــــــ➖ـــــــ➖ـــــــ➖
تــمت بعــون اللــہ

✍ #عـلــویــه_ام_فــاضل

❌غیرمبری الذمه الیحذف او یغیراسم الشاعره❌

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

03 September 2024 18:09

#قصيده في رثاء الامام الرضا (عليه السلام)

المستهل

غريب الطوس هاليله يدفنونه
بتراب الكبر وحده يتركونه
♡°♡°♡°♡°♡°♡°♡
گضه عمره الرضا عايش بغربه
واليعيش بغرب حالته صعبه
ماعنده انيس يواسي گلبه
بمصابه اويلي اليوم فجعونه

✍🏻#خادمه ذبيح الطفوف
♡°♡°♡°♡°♡°♡°♡
بالغربه گضه ويلي حياته
بالسم يا وسف صارت وفاته
واويلاه اعله الطيبه اذاته
بني العباس بيا ذنب ويطلبونه

✍🏻# علويه ام فاضل
♡°♡°♡°♡°♡°♡°♡
اويلي اعله الرضا سموه عدوانه
يعالج عمت عيني بروح خلصانه
تبچي شيعته واعليه حزنانه
وين اهله وعمامه مايشوفونه

✍🏻#ام حسين الهلالي
♡°♡°♡°♡°♡°♡°♡
ابو محمد حسافه يموت مسموم
هاذا ابن الزچيه تعرفه الگوم
وجده حيدره تاريخه معلوم
حشم بني هاشم خل يحضرونه

✍🏻 أم علي الحلفي
♡°♡°♡°♡°♡°♡°♡
مسموم الرضا ويدير بالعين
وين اهله وعمامه واخوته وين
يمعصومه لاخييچ ما تلحگین
مسموم وعلی اهله شبحت عیونه

✍🏻العلویه ام ضیغم المحنا
♡°♡°♡°♡°♡°♡°♡
معصومه اجته ادور اعليه
وتنشد عنه كل ظنها تلاگيه
مشتاگه لاخوها الحلو طاريه
ماتدري العده ناوين يسمونه

✍🏻 #ايمان ناصر الزهيري
♡°♡°♡°♡°♡°♡°♡
ميت بالغرب ويلي عليه مسموم
خلي شيعته تحضر اله اليوم
تبجى عليه اخته بدمع مسجوم
وسفه عليه الليله طبگت جفونه

✍🏻ام البنين
♡°♡°♡°♡°♡°♡°♡
اليله شيعته تندب يامولانه
تره مصابك كلف وحيل اذانه
بين اغراب موته ومحد العانه
بمصابه اخبروا اخته المحزونه

✍🏻أم نور الزهراء
خادمة السيدة زينب ع
♡°♡°♡°♡°♡°♡°♡
#تمت
✍🏻✍🏻 بااقلام خادمات اهل البيت عليهم السلام


/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

03 September 2024 18:09

#قصيده امام الرضاء عليه السلام

انا الرضاء ابغربتي سموني
ياشيعه ونو ابحزن ذكروني
➖➖➖➖➖➖➖➖
انا الرضاء و الحاجه اكضيها
زوروني بغربتي الله لي اموصيها
يالكاصد هل دمعتك و احجيها
انا الرضاء ابغربتي زوروني
ياشيعه انا الغريب الهظموني
➖➖➖➖➖➖➖➖
ذكرو مصابي يالموالي بلحزن
انه مسموم ابعنب وحدي اون
ماكو واحد من هلي غمض الجفن
انه الرضا ابغربتي جتلوني
ونيت وحدي واهلي ما سمعوني
➖➖➖➖➖➖➖➖
انخوني بلشده تره احضركم
وامصابي لا تنسونه اسجلكم
وابغربتي ذكروني اذكركم
مدفون عن اهلي ابعيد تدروني
زوروني يا شيعه بلحاجه وانخوني
➖➖➖➖➖➖➖➖
ضامن للجنه انه الي اتعرفونه
واختي معصومه اعليه محزونه
انه الغريب الطوس لاتنسونه
وابغربتي ياشيعه لا تنسوني
وحدي بقيت بلا اهل تعرفوني
➖➖➖➖➖➖➖➖
بلغرب سموني ذوله اهل الرده
كطعوه جبدي واحشاي مرده
كل بلد ياشيعتي نصبو العزه
بهل الماتم شيعتي تحيوني
انا الغريب ابغربتي ذكروني
➖➖➖➖➖➖➖➖

تــمت بعــون اللــہ

✍ #عـلــویــه_ام_فــاضل

❌غیرمبرے الذمه الیحذف او یغیراسم الشاعره❌

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

03 September 2024 18:08

#قصيدة فزاعية للأمام الرضا(ع )


ياوسفه مسموم الرضا
وفارگ الليله احبابه
@@@@@@@@@
ياوسفه مسموم وگضه
ماحضر عنده المرتضه
مصيبه حلت بالفضه
نار الگلب لهابه

✍ #أم علي الحلفي
@@@@@@@@@
غريب ويلي اشحاله
ويدير عينه لاهله
خلص من السم حيله
وشكد صعب امصابه

✍ #علويه ام فاضل
@@@@@@@@@
يلرضا ناره اموجره .
والسم ابجسمه من سره.
ابنه ابغربه مادره.
ونسلهم نسل اهيابه

✍ #ام حسين عباد التميمي
@@@@@@@@@
يالكاظم ابنك بالغرب
ياهو اليوسده ع الترب
ومكطع بسم الكلب
وخته تون لمصابه

✍ #ايمان اللامي
@@@@@@@@@
فارك الليله عيلته
لهله و ايهل ابدمعته
مسموم مات ابغربته
ودمعته سجابه

✍ #أم فاطمه آيات
@@@@@@@@@
مادرو اهله بلغرب
واخته دمعتها تصب
حزنان اعليه الكلب
تنوح اعليه احبابه

✍ #ايمان ناصر الزهيري
@@@@@@@@@

تمت بعون الله تعالى

بـ✍ــاقـ✍ــلام خـادمـات أهل البيت ع

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

03 September 2024 18:08

هوسات جنوبيه الامام الرضا(ع)


ابو محمد غريب الدار اذوه

عگب الضيم تالي اعداه سموه

يون من الالم ياناس خلوه

وين اهله وعمامه خل يحضروه


وين اهله وعمامه /خل يحضرون

مسموم الرضا /خلهم يشوفون

بالثارات اريدنهم /يطلبون

*((مسموم الوالي ايشوفونه))*
~~
ابو محمد غريب اليوم مسموم

گلبه من الحزن ياويلي مالوم

مثل جده صفى ياناس مظلوم


احبابه وين \ للسيد يشيعون

حزنان ويون \ والكون مرجون

ماسلهم ابد \وتنام العيون


*((يشيعونه. هليوم الشيعة))*
~~

هليوم الرضا ياشيعته اشحاله

يتذكر مصاب حسين وعياله

يون من الحزن والعين هماله

مثل يوم الحسن \ يايومك شلونه

گلي بياذنب \وسفة يسمونه

خانوه العده / والدمعه بعيونه

*((يسمونه. ليش العدوان))*
~~

اريد انخه الرضا واجري دمعتي

شگد هم وقهر ياروحي جرعتي

يشافيلچ مريضچ لو ندبتي

كريم ومايرد ادري طلبتي

والحاجه العندچ. \يگضيها

النيه بگلبچ \صفيها

كل علة الوالي\ ايشافيها

وطلّابه .. واليوم ابابك
~~~~
تمت بعون الله

✍ #علویه_ ام فاضل_

❌غیرمبری الذمه الیحذف الاسم او یغیره❌

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

03 September 2024 18:07

#نعي الامام الرضا(ع)

اویلی علی الغریب اویلاه
الیله تحضره ندری الزهره
ابچو علیه وهلو العبره
================
ویلی علی الرضا الیله سمو
باب الحاجه بلکرم تدرو
ابچو علی الغریب و زورو
================
سماه العین ومرد احشاه
ویلی ومرد چبدته اویلاه
و بچت عینه وناده حسیناه
================
حن و ذکر یا ویلی الحسین
وتذکره و تدمع منه العین
لانی مذبوح و ایجرالونین

✍ #عـلــویــه_ام_فــاضل
================
مات یا ویلی بدیرت الطوس
ولا ظلت چثته بحر الشموس
ولا الخیل الی الصدره تدوس
================
بديار غربه موتته وشلون
معصومه بگت اتهل العيون
واترید اتشوف الرضا تدرون

✍️ #علویه ام منتظر الجابریه
================

تــمت بعــون اللــہ

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌
/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

02 September 2024 14:09

قصيدة لاستشهاد الإمام الرضا عليه السلام

ديوان الكرامه اليوم مسدود
حزين وشال عنه ابن الحيود
➖➖➖➖➖➖➖
ديوان الكرامه اليوم سدوه
ابومحمد يويلي بنعش خلوه
عمت عيني بسمهم جبده مردوه

((ياهو اليعزب الخطاره))

➖➖➖➖➖➖➖
ياهو اخلاف عينه. ايلاكي خطاره
دواوين. الكرامة. اليوم محتاره
وسط. اكلوبنه. لا ماطفت ناره

((نيران وتلهب لفراكه))
♾️♾️♾️♾️♾️♾️♾️
یبومحمد گلبنه تشب نیرانه
لفراگك نون و الروح حزنانه
على امصابك بقت حزنانه دنيانه

((حزنانه/ والدنیه خلافه))
♾️♾️♾️♾️♾️♾️♾️
حزنانه الدنيا الفركتك هاليوم
وصبح كل كلب لمصيبتك مالوم
دمعنه الفركتك يالوالي صب دموم

((لهابه /نيران امصابك ))
♾️♾️♾️♾️♾️♾️♾️
نيران الحزن. بالروح لهابه
صعب ويلي العزيز يفارك احبابه
وديوان الكرم وسفه. انسد بابه

((بيبانه/ديوانك سدوا))
♾️♾️♾️♾️♾️♾️♾️
قران و منبر و ديوانك الحزنان
لفراكك امكدر سيدي الديوان
لابو محمد تون كل الإنس والجان

((خليته /ديوانك محزن))

♾️♾️♾️♾️♾️♾️♾️
تمت بااقلام خادمات اهل البيت عليهم السلام
✍🏻العلويه ام فاضل
✍🏻ام زهراء الزيداويه البصراويه
🤲🏻نسالكم الدعاء 🤲🏻

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

08 December 2024 10:00

قصیده للزهرا ع😭
ــــــــــــــــــــ
وکـت انـوم اتـــغطه ابعباعیتها

واشــم ابثوبها وابعطر شیلتـــها
ــــــــــــــــــــــــــــــــــ
العبـــره امکسره واتعاتب اویــاها

عله الي ابلیل اظلم صار ممشاها

حـــــدر اغطای لا یسمعو یتاماها

حد ما اسد عینی ابعینی صورتها

✍️ام مهدی آمجدم
ــــــــــــــــــــــــــــــــــ
امی امعدله وکل لوله مابیهه

یاطیبت اصل حلوه محاچیهه

دومن دوم امی افتخر بیهه

من تگعد احذالی اشحلواشیلتهه

✍️ام محمد الیامعیه
ــــــــــــــــــــــــــــــــــ
صورتها تظل امفراگه احلامي

ومسوده ومظلمه تبقه ايامي

حيلي انهد عگبها وبادت اقدامي

ومشتاگه العيون اتريد شوفتها

✍️ام عدنان سياحي
ــــــــــــــــــــــــــــــــــ
کومه اجروح بیه وصارن اهوایـه

اضمدهن ارید ابطرف الِإعــبایـه

واروح اعله الگبر عد امی شچایه

اسولفهن اهموم ی یم بنـیَّـــتــها

✍️ام محمدالکعبی
ــــــــــــــــــــــــــــــــــ
حگی لواون وابچی عله الشالت

عگبها حمول دنیایه علی مالت

دمعتی من دمه لم الوفه سالت

یروحی ابظیم عگب امي یحالتها

✍🏻المیرزه ام ليلي الخاقانی
ــــــــــــــــــــــــــــــــــ
هاي امي الحنينه الضاع ادواها

يتراب الكبر يا وسفه غطاها

يا محله الكعده من اكعد اوياها

يابعد العمر يا حلوه بسمتها

✍️ #علويه ام فاضل
ــــــــــــــــــــــــــــــــــ
تمت وبعون الله وباقلام شاعرات اهل البيت ع

غیرمبری الذمه الیحذف او یغیراسم الشاعره❌
/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

23 November 2024 20:53

انتقل الي رحمه الله الأخ الشاعره علويه ام فاضل 😭

لا تنسونه بقرأت الفاتحه وسورة يس

رحمه الله والديكم💔

•شـــآٍعِــرٍه ؏ــلّويــِهً آمٌ فــُآضــلّ•

26 October 2024 16:49

حديث مختصر للزهراء عليه السلام


صلی الله عليك يا سيدي ويا مولاي يا رسول الله
صلى الله عليك يا سيدي ويا مولاي يا أبا عبدالله
ما خـاب مـن تمسـك بكــم وأمن من لجـأ أليكـم
يا ليتنـا كنا معـكم سادتـي فنفــوز فـوزاً عظيمـاً

السلام عليك یابنت محمد و ام الحسـین
السلام عليك يا سیدة نساء العالمین

أبوذیـــه :

حزنچ كل سنه یتجدد علینه
و کل امصاب الیمر الونه علینه
نعظم الاجر للمصطفی وعلینه
فـرض كل يوم ننصب الچ عـزيه


الیـوم موضوعنه الوجود الأم فی حياة الانسان
طبعا ان کنت صغیرأ او. کبیرٱ.
کلنه نحتاج الی حنان الام و وجودها و دعاها.

فدعاء الوالده مستجاب بحق اولادها
نعم یا خواتی المواليات. تعرفو ان البیت اذا مابیه ام... یصبح خرابه... یصبح اظلم..
الله لا یغیب شخص الام...
اذا عندچ ام باریها... اذا ما عندج ترحميلها...
تره ام ماکو مثلها و لا تتعوض. های فرصه لا تضیع منچ.
نعم والبیت اذا تدخل و اتشوف امك بلبیت.اتحس بطعم السعاده..
واذا تدخل واتشوف مابيه امك. اتحس بظيم. ابقهر..
وجود الام. هوه جنه

نعم اخواتي المؤمنات.. الیوم خل نتذکر الزهراءعليه السلام.
عانت الظيم و الألم. وهذاالالم فراق ابيها
وبعد.. كسر ضلعها..
لما عصروها بين الباب والحايط..
وكسرو ضلعها و سطرو عينها و سقطو جنينها.. واااامحمدااااا. وااازهراء
لما توفيت الزهرا سلام الله عليها..
بيت اميرالمومنين عليه السلام اصبح مظلم بعد وجود الزهراء عليه السلام
بقو اولاد الزهراء.. زينب و الحسن و الحسين و ام كلثوم
صعب عليهم فراق الزهراء عليه السلام.
وامير المومنين كان كل ليله يزور قبر الزهراء(ع)
حسب طلب الزهراء عليه السلام
انه في كل ليلة يجلس علي قبرها و يقرأ سورة من القران الكريم.... في ليلة من اليالي.
زينب (ع) فزت اليل. رأت مكان امها الزهراء خالي
التفتت يمين و شمال.
جعلت تدور علي امها الزهراء عليه السلام

وازهراااااا وا محمدااااا
و . بقت زينب تبكي.و وضعت راسها تشم في العبايه....
و تنادي

اووووی یمه

البیت ظلمه عگب عینچ
ادور اعلیج یا یمه وینچ
ردی ییمه و باری بنینچ
===============
ردی یا زهرا اهنا ییمه
محرابچ بقی يیمه ظلمه
واخلافچ گلبي زاد هظمه

✍️ #علويه ام فاضل
➖➖➖➖➖➖➖➖➖
من حملت أمي ماحملتني
ولاكالت ابنيتي ونستني
بعدني ابعازته وفاركتني
===============
شلون الوالده تسكن بللحود
والتمشي بعد علينه متعوده
صملله عل شخصج صبح مفكود

✍️ #أم علي نجف
➖➖➖➖➖➖➖➖➖
اخذيني يالحنينه اوياج
ما اگدر على العيشه بلياج
وظلمه الدنيا خلاف عيناج
===============
يالوالده يالكلج محنه
مايراد من بعدج نزلنه
ما معلمين اعله اليتم بعدنه

✍️ #العلويه ام زين العابدين
➖➖➖➖➖➖➖➖➖
روحي تراها اعليج تنعه
موحش يلنزل صفت دمعه
بس الحزن بعدج ياشمعه
===============
روحي تون وتريد يمج
مشتاكه ياشفجه اضمج
ياويلي الكبر يايمه طمج

اوي يمه
===============
راح الفرح من رحتي عني
بعدج بلحزن والهضم فني
مفطور الكلب مافتر وني

✍🏻 #ام احمد العبودي بغداد
➖➖➖➖➖➖➖➖➖
شالت امي بهدوت اليل
وفرگاها هدملي الحيل
موحش نزلها ويالهوه يميل
===============
فراگ امي كلف وتعباني
يريت الموت وياها لفاني
بيتج صفه خالي وعماني

✍🏻 #_بنت العباس ع ام منتظر الجابري
➖➖➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻
/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

26 October 2024 16:48

#قصيده الي فكد الوالده خاص المولاتي الزهراء ع


فرگاها امی شگد صعب
والموت مني اخذاها

امی صعب ممشاها
کون اموت اویاها
➖➖➖➖➖➖➖
يمه صحت ردیلی الموت آخذ کل حيلي
صعب فرگ الوالده آ یادمع دم سیلي
خيمه مني التفلشت يا خيمه الي اتفيلي

اكعد اكبالي الكاها
امي صعب ممشاها

✍️ #علويه ام فاضل
➖➖➖➖➖➖➖
ممشاها هد حيلي ومتت من فاركتها
امي تضل طول العمر هيه سند ردتها
والعافيه من ايدج خبز يالزاجيه وكلتها
ما عيشن ابلايها .
امي جذب انساها

✍️ #أم حسين الابراهيميه ناصرية
➖➖➖➖➖➖➖
يمه صحت يافاطمه عگبج اضل حزنانه
يومج عليه اشگد صعب ضل بالگلب نيشانه
ادفنه يابويه سوه وحشه اصبحت دنيانه

تدفني كون احذاها
وسفه الترب غطاها

✍️ #ام حسين الحلفي
➖➖➖➖➖➖➖
فراك الحنينه اشكد صعب بلبيت ماهي ويانه
عفتيني يمه من الزغر وكلبي الهظم عنوانه
اركض وراهه من مشت خذيني صحت هاي أنه

والموت مني اخذاها
امی صعب ممشاها

✍️ #أم علي نجف
➖➖➖➖➖➖➖
ليش الحنينه استعجلت عالموت ماتانتني
انه خطيه من الزغر امي مشت تركتني
يالغاليه ردي الي يحبيبه اذيتيني

ياكون ميته وياها
وسفه الترب غطاها

✍🏻#ام سيف الزبيدية
➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

05 October 2024 18:03

#قصيدة فزاعیه ومربعه الي مولاتي الزهرا ع

على الزهره. نون. ونه بالف ونه
تروح الطاهره حيف واسف عنه
➖➖➖➖➖➖➖➖
علي الزهره نون ون اشتراکیه
طاحت عالثره والدمعه مجریه
وكع منها طفلها. سوده اعليه

راح الطفل منها وايست منه

✍🏻العلويه ام فاضل
♾️♾️♾️♾️♾️♾️♾️
راح الطفل منها وبقت مهضومه
بعده جنين ويلي وغابت ارسومه
وعليه جروحها ام حسين ملجومه

وتصيح بصوت طفلي اليوم اريدنه

✍🏻ام زهراء الزيداويه البصراويه
♾️♾️♾️♾️♾️♾️♾️
اتصيح ابصوت ام الحسن وحسين
اجنيني طاح مني يامحبين
وروحي مألمه وملطومة العين

ابحالي اليوم ابويه اخبرنه

✍🏻سلمى أم جعفر
♾️♾️♾️♾️♾️♾️♾️♾️
على الزهره دموع العين سجابه
اون اعله الزجيه اكول يايابه
بت ذوله الحياده واهل الهيابه

ياكلبي الحزين اشلون اجبرنه

✍🏻أم حسين الابراهيميه ناصرية
♾️♾️♾️♾️♾️♾️♾️♾️
أي يمي الحنينه بعدت اعليه
والفركاج ابد ماحيل ظل بيه
أنا زينب وعيني عليج مجريه

ومصلاج خالي ابعيني انظرنه

✍🏻ام علي نجف
♾️♾️♾️♾️♾️♾️♾️♾️

تصيح ام عون منها بايد الحيل
على الحره الزاجيه المدمع ايسيل
الف وسفه والف ياحيف والويل

اصيح بصوت يمه واجذب الونه

✍🏻الحاجه نجاة ام كرار اللامي
♾️♾️♾️♾️♾️♾️♾️
تمت بااقلام خادمات اهل البيت عليهم السلام في رابطة دموع الأقلام
🤲🏻نسالكم الدعاء 🤲🏻

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

02 October 2024 12:40

.



الثار ابساع خذاه من عدهم ايران
الغيره والعزم والزود اليران
خله الصواريخ عله اسرائيل ياران
واخذنه الزود من حامي الحميه

✍️علويه أم فاضل


.

•شـــآٍعِــرٍه ؏ــلّويــِهً آمٌ فــُآضــلّ•

28 September 2024 11:06

#قصيده الي مولاتي الزهراء عليه السلام

الله يعينك يا علي. الله يعينك
ودعت فاطم ياعلي الله يعينك
➖➖➖➖➖➖➖
الله يعينك ياعلي. محنه محنتك
شيسكت حسين وحسن واتهل دمعتك
مالوم كلبك يالوصي ذبلت زهرتك
ضاعن سنينك . ياعلي الله يعينك

✍️ #علويه ام فاضل
♾️♾️♾️♾️♾️♾️♾️
ايعينك الله سيدي امصابك كلف حيل
من ودعيت ام الحسن ودموعك اتسيل
لفراكها ابروحك بعد ماظل ابد حيل
مالومة روحك ياعلي. الله يعينك

✍️ #ام زهراء الزيداويه البصراويه
♾️♾️♾️♾️♾️♾️♾️
الله يعينك يالولي صعبه المصيبه
الليله شخصك يالولي فأكد حبيبه
مجروح گلبك ويون ضيع طبيبه
دفنت الوديعه ياعلي الله يعينك

✍️ #العلويه ام زين العابدين
♾️♾️♾️♾️♾️♾️♾️
الله يعينك من شفت زينب والاولاد
ودلالك بحسرة يون وابداا فلا هاد
ياحزن كلبك من شفت احبابك ابعاد
خاين زمانك ياعلي الله يعينك

✍️ #الحاجه نجاة اللامي ام كرار
♾️♾️♾️♾️♾️♾️♾️
الله يا مولانه علي شهاي الرزيه
اليوم شالت فاطمه الزهره الزجيه
الله يعينك ياعلي هاي المسيه
شفت العزيزه يا علي،،الله يعينك

✍️ #أم حسين الابراهيميه ناصرية
♾️♾️♾️♾️♾️♾️♾️
الله لحالك ياعلي تدفن وردتك
بالهون لوشلت النعش شيله اعلى بختك
ما حد حملها امصيبتك توجع محنتك
مچلوم كلبك. ياعلي الله يعينك

✍️ #هدى المطر ام محمد
♾️♾️♾️♾️♾️♾️
تمت بااقلام خادمات اهل البيت عليهم السلام في رابطة دموع الأقلام
🤲🏻نسالكم الدعاء 🤲🏻

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

26 September 2024 21:21

#قصيده فزاعيه الي مولاتي الزهراء عليه السلام

اخذيني وياج يمه ولاتخلني
زغيره أنه ييمه لاتيتميني
❥❥❥❥ـــــــــــــ❁❁ـــــــــــــ❥❥❥
اخذني وياج خلينه فرد شيله
افراكج يل الحنينه ماالي حيله
ادري غيبتج يل الزاجيه اطويله

*(دوهانه من بعدج يمه)*
❥❥❥❥ـــــــــــــ❁❁ـــــــــــــ❥❥❥
من بعدج ييمه اليل ماانامه
عليج اتنوح روحي تضل محتامه
حسين يصير بعدج ظلمه أيامه

*(مضيعينه طولج يالهيبه)*
❥❥❥❥ـــــــــــــ❁❁ـــــــــــــ❥❥❥
البيت خلاف عينج مااريدنه
بعد ماامر عليه والباب اسدنه
اهنا يل الزاجيه يم المحنه

*(شيشيله افراكج يمه)*
❥❥❥❥ـــــــــــــ❁❁ـــــــــــــ❥❥❥
وين اگعد بعد ويامن اتسله
الگعده اوياج يمه يم حسن تحله
اصوابج صوباني وزيد العله

*(مشتاكه يا يمه الصوتج)*
❥❥❥❥ـــــــــــــ❁❁ـــــــــــــ❥❥❥
ريت الموت اخذني اوياج يايمه
الدنيا اخلاف عينج صبحت ظلمه
بعد عينج يزيد أعله الکلب همه

*(يسبونه والكوم اخلافج)*
❥❥❥❥ـــــــــــــ❁❁ـــــــــــــ❥❥❥
من زغيري اليتم دوهان دوهني
عافتني الحنينه وحملت عني
يضل للموت ابد ماينگطع وني

*(مهضومه من يوم الشالت)*
❥❥❥❥ـــــــــــــ❁❁ـــــــــــــ❥❥❥

تــمت بعــون اللــہ

✍ #عـلویه_ام_فاضل
✍️ #ام محمد التميميه

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبرے الـذمـه الیـحـذف الاسـم الشـاعرات❌❌

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

05 September 2024 23:14

فزاعية نخوه للزهراء (ع )
((الوزن نصف بحر))
______

يابنت النبي ننخاچ
حاشه ماتفـشليــنه

✿──↻✿...✿↺──✿
جيــناج بگلب مهضوم
نريــد امرادنــه هلـيوم
بجاه احسينج المظلوم

اللـيله لاتــرديـــنــه
يابنت النبي ننخــاج

الشاعــ✍️ــره بتول الكربلائية

✿──↻✿...✿↺──✿

اجينه البابج الليله
همنه يــــمج انزيله
دمع عيونه انسيله

نريد امراد تنطـينه
يابنت النبي ننخاج

✍️ #علويه ام فاضل
✿──↻✿...✿↺──✿
اجينه ابلهفه وبلوعه
بجاه حسين وظلوعه
نشفي الهلت ادموعه

نظره منـچ اعليـنه
يابنت النبي ننخاچ

*الحاجه ام احـ✍ـمد الحچامي*

✿──↻✿...✿↺──✿

الحاجه يمج أگضيها
وفــدوه لاتــخلـيــها
وكل عقـــده تفليهــا

نــدري ماترجــعــينه
يابنت النبي ننخــاج

أم صـــ✍️ـــادق المنصوري

✿──↻✿...✿↺──✿

ننــخاج ونهــل عبره
الشفاعه نريد يازهره
بجاه الكسّروا صدره

كل ميت تحضرينه
يابنت النبي ننخــاج

الخـ✍️ــادمه ام زيد الشمري

✿──↻✿...✿↺──✿
ودعــنــه مجالســـنه
تظل تهمل مدامعـنه
نريد الزهره تقبـــلنه

وتسـجل اساميـنه
يابنت النبي ننخاج

📚🖌️ ام زهراء
✿──↻✿...✿↺──✿
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

03 September 2024 18:09

#فزاعيه مع هوسه للأمام الرضا،(( ع))*

مسموم الرضا واعليه محزنين
ويه اخته ندك نلطم الخدين
┄┉❈❥ًً❀(«»)❀❥❈┉┄
جينه اليوم لخت الرضا نتعازه
هيبه الاخو لو شال الاجنازه
تدرون الاخو و عازته عازه

*( شيعوده //والشال اليله)*

✍ #علويه ام فاضل
┄┉❈❥ًً❀(«»)❀❥❈┉┄
ياحيف والف وسفه على المظلوم
غريب بهالديار الجسد مسموم
وين ابطال هاشم خل تجي اليوم

*((وايشيعونه//ضامن ها الجنه))*

✍ مريم العبوديه.اسيرة الاحزن.💔
┄┉❈❥ًً❀(«»)❀❥❈┉┄
اجينه اليوم ونعازي الحزنانه
نبجي دموم للماحضرته اخوانه
نلطم حيل ولمعصومه عوانه

*(عوانه كلنه //المعصومه)*

✍ #ايمان_ناصر_الزهيري_
┄┉❈❥ًً❀(«»)❀❥❈┉┄
مسموم الرضا ويدير بالعين
السم چبدته سواها نصين
احبابه و هله كلهم محزنين

*((انعازيها//والساده اليله))*

✍ #ام زهراء الزيداوية البصراوية
┄┉❈❥ًً❀(«»)❀❥❈┉┄
الدنيه مظلمه وانوارهه طفت
معصومه بچت وعله الاخو ونت
وبموت الرضا ياوسفه ماحضرت

*((و هداني// وفراگ الوالي))*

✍ #أم علي الحلفي
┄┉❈❥ًً❀(«»)❀❥❈┉┄
تمت بعون الله تعالى

بـ✍ــاقـ✍ــلام خـادمـات أهل البيت ع

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

03 September 2024 18:08

#قصيده الامام الرضاء (ع)

عادت المیت هله ایشیلونه
وین الساده البیرق یرفعونه
.....ـــ.....ـــ.....ــــ....ــــ
وین الساده چاوین الافاعیه
یشیعون الرضا وبهای المسیه
بین الغرب عینه ادور اهالیه

*ایرفعونه بیرق الساده ایرفعونه*
.....ـــ.....ـــ.....ــــ....ــــ
وین الیوم خل ایجون فزاعه
لابو محمدوایشیعونه بلدمعه
یاحفار گبره للگبر وسعه

*ایودونه والگبره الیوم ایودونه*
.....ـــ.....ـــ.....ــــ....ــــ
صاحت اخته خلونی اودعنه
مالحگت اخوها وتجذب الونه
صاحت صوت وین الوالی المچنه


*یاخویه اگعد شوف احوالی*
.....ـــ.....ـــ.....ــــ....ــــ
من درب البعید وجایه اتشوفه
رادت تلحگ الجناز ملهوفه
ویلی بلغرب تالیها اتعوفه

*یستاهل ون لو ونینه*
.....ـــ.....ـــ.....ــــ....ــــ
یسون الطم والنوح والونه
اهلنه اعزاز بیهم وین المچنه
والرایح بعد ما یرجع النه

*فگدیته یاخال اولادی*
.....ـــ.....ـــ.....ــــ....ــــ

تـــــمـت والحمـــــدللـــه

✍#علویه ام فاضل

❌غیرمبری الذمه الیحذف الاسم او یغیره❌

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

03 September 2024 18:08

#نخوه٠٠فزاعيه للامام الرضا عليه السلام
*


يالرضا يمك حاجتي٠٠٠

ارد انخاك تگضیها٠٠٠
▂ ⚫️▂ ▂ ⚫️▂ ▂ ⚫️ ▂
عایفها یمک حاجتي
اندب و اهلن دمعتي
مولاي تدري بطلبتي
یم بابک امخلیها
▂ ⚫️▂ ▂ ⚫️▂ ▂ ⚫️ ▂
منک ارید امرادي
وبرد دخیل افادي
بجاه الحبيب الهادي
ما غیرکم ایطفیها

✍️ #علویه ام فاضـل
▂ ⚫️▂ ▂ ⚫️▂ ▂ ⚫️ ▂
طفيها ناري تلتهب
مصيوب مني الكلب
اصبحت ايامي تعب
يمك اريد احجيها

✍️ #المله ام حيدر العباديه
▂ ⚫️▂ ▂ ⚫️▂ ▂ ⚫️ ▂
بجاه الزجيه الطاهره
لا تخليني امحيره
اسمع جوابي والجره
والعله الي داويها

✍️ #ام زهراء الفاطميه
▂ ⚫️▂ ▂ ⚫️▂ ▂ ⚫️ ▂
يمك اسولف قصتي
عليه زادت علتي
مهضومه اجر بونتي
والتنهضم شكيها

✍️ #آلاء العقابي
▂ ⚫️▂ ▂ ⚫️▂ ▂ ⚫️ ▂
منک رايده نظره
يابن فاطمه الزهره
اهموم المحب كثره
عدک سيدي اشکیها

✍️ #ام یوسف منبوهی
▂ ⚫️▂ ▂ ⚫️▂ ▂ ⚫️ ▂
ننخى الرضا هالليله
نبچي والروح نحيله
من اهمومنه نشگيله
وحالتي ينظر ليها

✍️ #زينب خضر
▂ ⚫️▂ ▂ ⚫️▂ ▂ ⚫️ ▂
مجرب يكضي الحاجه
والروح اله محتاجه
انواره الرضا وهاجه
الطلبه ما يبطيها

✍️ #ام حيدر الساعدي
▂ ⚫️▂ ▂ ⚫️▂ ▂ ⚫️ ▂
باب الحوائج والده
ينطي مراد للكَاصده
بجده الرسول اناشده
وكالحاجه الج يكضيها.

✍️ #العلويه ام مرتضى الموسوي
▂ ⚫️▂ ▂ ⚫️▂ ▂ ⚫️ ▂

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

03 September 2024 18:07

#قصيده فزاعيه الامام الرضاء (ع)

مسموم الرضا واهله بعيدين
غريب الضل اويلي مثل الحسين
----------•☆•-----------•☆•--------
وحده والعده لا مايرحمو
وبديار الغرب ياويلي سمو
يون وينوح منه الجبداذوه
ولاهله الامام ايدير بلعين

✍ #علويه ام فاضل
----------•☆•-----------•☆•--------
اويلي اعلى الرضا يومه وغربته
بالسم العده مردو چبدته
تون الشيعة لمصابه ومحنته
على افراگه الاهل كلهم محزنين

✍ #ام زهراء الزيداوية البصراوية
----------•☆•-----------•☆•--------
اويلي ع الرضا المات مسموم
يذكرنه بمصاب حسين المظلوم
نعزي الزهره كلنه احنه هاليوم
مات بغربه بس يجر بالونين

✍ #ايمان ناصر الزهيري
----------•☆•-----------•☆•--------
اليوم ام الحسن نصبت عزيه
لمصاب الرضا الدمعه جريه
تنوح اعليه كل صبح ومسيه
وعله مصاب الرضا كون الله اليعين

✍ #ام محمد البديري
----------•☆•-----------•☆•--------
على امصابه تون امه واخته
تون وتنوح اخوها اليوم رادته
ونيت بحزن والوالي عاتبته
اظل اخلاف عينك بس اجرونين

✍ #علويه ام فاضل
----------•☆•-----------•☆•--------

تمت بعون الله تعالى

بـ✍ــاقـ✍ــلام خـادمـات أهل البيت ع

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

03 September 2024 18:07

نوحیه للامام الرضاع

مسموم الرضا ویدیر بعیونه
یریداهله لعد موته یحضرونه
_
یرید اخته تجیله وتگعد احذاله
وتون وتنوح یمه وتحضر اعیاله
وتصب اعله الغریب ادموع هماله
مسموم وغریب خل یلحگونه

✍ #المیرزا ام لیلی الخاقانی
___
اويلي اعله الرضا یلميت ابغربه
يعالج عمت عيني ويشكي الربه
تبچي شيعته واعليه امتربه
وين اهله وعمامه خل يشيعونه

✍ #علويه ام فاضل
_____
هلیوم الرضا متغیره الوانه
تبچی اخته اله من بعید ولهانه
تصیح بصوت بعدک وین ملفانه
بدیرت غرب خویه رضا یسمونه

✍ #زهراء الثامری
_____
معصومه تنوح اليوم حزنانه
تنادي عله الوالی وحيل وجعانه
اويلي ع الرضا سموه عدوانه
الف ياحيف ابومحمد یفگدونه

✍ #ايمان ناصر الزهيري
_____
المعصومه اجت هلیوم من ابعيد
ومشتاگه تريد ازور اخوها الحید
وظلت بلحزن ونار بيه اتكيد
تسئل علرضا وعن حاله اشلونه

✍ام محمد الساري
_____
مسموم الرضامابین عدوانه
وعینه شابحه ویتمنه خوانه
ینادی وین معصومه یحزنانه
تره الدربچ اخیچ شابح اعیونه

✍العلویه ام زینب الموسوی
_
تسئل عن اخیها اجت معصومه
وماتدری ببومحمد خلص یومه
وین الیلطم اویاها المظلومه
عله الی مات واهله مایحضرونه

✍العلویه ام عباس اابطاط
____

تمت بعون الله تعالى

بـ✍ــاقـ✍ــلام خـادمـات أهل البيت ع

/channel/+Q5NQHnj25ns1MGNk

•شـــآٍعِــرٍه ؏ــلّويــِهً آمٌ فــُآضــلّ•

01 September 2024 23:02

لطمية مواساة للزهراء بفقد رسول الله عليه السلام

▪️▪️▪️▪️▪️▪️▪️

امشن للزهره ...انعازيها
الليله شايل ...حاميها

▪️▪️▪️▪️▪️▪️

مفجوعه وتهمل دمعتها

ومفگود الوالد عزوتها

تبچیله وتسچب عبرتها

مكسوره ورايح واليها

امشن للزهره...انعازيها

ا✍️م حيدر العباديه عماره

🏴🏴🏴🏴🏴🏴🏴

مكسوره الليله ام العتره
وتصب دمعتها بكل حسره
وتنادي اه ياابو. الزهره

بنتك لاوين ... تخليها
امشن للزهره ...انعازيها

✍ العلويه أم نور الميســانيـة

🏴🏴🏴🏴🏴🏴🏴

بلهادی انعازیها الليله

مجلس کل بیت انسويله

احبابه وبلهم نبچيله

نلطم وبحرگه ...نواسيها

امشن للزهره....نعازيها

✍️ خادمة الزهراء أم أحمد الدريعی

🏴🏴🏴🏴🏴🏴🏴

والدها الخلصت ايامه

نلطم وياها اعله الهامه

تبچيله الیله ومحتامه
 
والصرخه الیله نعلیها

✍️ #علويه ام فاضل


🏴🏴🏴🏴🏴🏴🏴

انعازیها ونلطم ویاها

للشایل عنها وعافاها

چان الخیمه وچان احماها

الدمعه من الدم نجریها

امشن للزهره انعازیها

✍🏻المیرزه ام ليلي الخاقانی

🏴🏴🏴🏴🏴🏴

لاوين محمل .يالهادي
خليت ام حسين تنادي
ارجعلي ياجد اولادي
رد وديرانك ضويها

ام ✍️ علي الموسوي

▪️▪️▪️▪️▪️▪️▪️▪️▪️▪️▪️▪️▪️▪️
تـــمـ بعون الله تعالى ـــت
بقلـ✍️ـم شاعرات اهل البیت ع
في رابطة دموع العقیله ع 
لانجيز حذف الاسماء✋
☘️نسالكم الدعاء☘️
/channel/+Q5NQHnj25ns1MGNk