2710
قالها السجاد في يوم السبي كذب الموت فما مات ابي الشاعرة نشوان الكناني صاحبة ديوان ( تناهيد الجروح & زلزلة المصائب & أمير الجنان & زلزلة كربلاء & نداء الحجة & قافلة النور )
لطميه لعلي الأكبر ؏ ( مگطوع من شجره )
يا غصن الورد مگطوع من شجره
أبگلب أمك عليك أمكسره العبره
❥━──➸➽❥💔❥━──➸➽❥💔
يا غصن الورد طايح على التربان
وأمك يا علي ضلت تون بحزان
وأتريدك ذخر گوم الهه يا ريسان
وصاحت للگبر شال أبزغر عمره
❥━──➸➽❥💔❥━──➸➽❥💔
أثاري الموت ياخذ بس المعدل
وأيخلي الگلب من فرگته أمعلعل
شتصيح الحنينه والدمع يهمل
أخذ حيلي زماني وباقيه أبحسره
❥━──➸➽❥💔❥━──➸➽❥💔
يبو طول الحلو فوگ الثره أمطبر
مشيت وضيعتهه يا علي الأكبر
يصيح حسين بعدك بيش أتصبر
عمت عيني عليك أو كسرتي كسره
❥━──➸➽❥💔❥━──➸➽❥💔
على حر الترب نايم يبعد الروح
يا تالي العمر كلك دمه وأجروح
عليك أمك تضل للموت بس أتنوح
وأثاري الموت ياخذ هيبة العتره
❥━──➸➽❥💔❥━──➸➽❥💔
تون أمك عليك أو تلطم الهامه
أتصيح الولد راح وضاعت أحلامه
وأبدمه حسافه أمخضبه هندامه
يبچيله الرسول أو فاطمه الزهره
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الجمعة / ١٩ من شهر ذي الحجة
الموافق / ٢٠٢٦/٦/٥
/channel/Nshwan_1999
لطميه لعلي الأكبر ؏ ( يا شمعت صواويني )
يالأكبر يضي عيني •• يا شمعت صواويني
ردتك يبني للعازه •• ما ردتك تجافيني
❥━──➸➽❥💔❥━──➸➽❥💔
أصيحن والگلب ينزف •• يمن فدوه ألك روحي
عفتني أبيا وضع يمه •• عليه زادن أجروحي
رد يا شمعه الي فدوه •• لتخليني وي نوحي
بفراگك يريحة هيل •• يا هو اللي يسليني
❥━──➸➽❥💔❥━──➸➽❥💔
هاليوم الخيم ضلمه •• من بعدك يماي العين
عفتني بحيرتي وهمي •• أنوحن ويه أبوك حسين
نون ونة غريب الدار •• وتجرح بينه الصوبين
فرگاك الكسر ضهري •• يالأكبر يبچيني
❥━──➸➽❥💔❥━──➸➽❥💔
آ يبني العمر لو طال •• شنهي اليسوه من دونك
عميه وعاثره الخطوات •• صرت أتمنه أعيونك
أتراب الطف حسافه اليوم •• غيّر يالولد لونك
يا سلوة دليلي أتروح •• وأتخليني بونيني
❥━──➸➽❥💔❥━──➸➽❥💔
يالطولك غصن ريحان •• وأبطبعك تسر البال
عفت أمك تون وتنوح •• ودموع الحزن شلال
من حزّوا وريدك ذاك •• حالي أتغير بيا حال
وياك أعلى درب الموت •• يالمزيون وديني
❥━──➸➽❥💔❥━──➸➽❥💔
حسافه الموت يالأكبر •• يغيبك عني يالوالي
طايح عالترب بدماك •• وأنه أنفجع دلالي
أنضر والمچانك ذاك •• ضل وسط الخيم خالي
عگب طولك يبو الغيره •• ياهو اللي يحاميني
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الخميس / ١٨ من شهر ذي الحجة
الموافق / ٢٠٢٦/٦/٤
/channel/Nshwan_1999
فزاعيه لعلي الأكبر ؏ ( مهضومه وأجر ونه )
يالأكبر عفتني أشلون
مهضومه وأجر ونه
❥━──➸➽❥💔❥━──➸➽❥💔
راح أبلا وداعيه
أخلاف أعيونه مسبيه
ما منه بعد جيه
أبدمه الگاع تتحنه
❥━──➸➽❥💔❥━──➸➽❥💔
ضل مطروح عالغبره
أمن الدم ما نشف نحره
وضلت بالگلب جمره
من يوم الرحت عنه
❥━──➸➽❥💔❥━──➸➽❥💔
شيوصف بعد حالي
گام الموت يحلالي
ذاب اليوم دلالي
وأفراگك يعذبنه
❥━──➸➽❥💔❥━──➸➽❥💔
هيچ أتعوفني يا حيد
وأدموعي مطر وأرعيد
گمت أقره النعي بتجويد
نعيك گمت أجودنه
❥━──➸➽❥💔❥━──➸➽❥💔
ترجيتك تضل يمي
تجبر كسرتي وهمي
دمك يا بعد دمي
نحرك كون أشمنه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ١٧ من شهر ذي الحجة
الموافق / ٢٠٢٦/٦/٣
/channel/Nshwan_1999
لطميه لعلي الأكبر ؏ ( غابت معانيه )
يا ليله الولد غابت معانيه
ليش أعلى الثره نايم أبضهريه
❥━──➸➽❥💔❥━──➸➽❥💔
يا ليله الولد لا منه كل رجعه
عافچ بالحزن وأمرافجه الدمعه
أتونين ودليلچ ونچ أيشلعه
《 تلگينه چا وين الغالي 》
❥━──➸➽❥💔❥━──➸➽❥💔
يا ليله رحل للموت غالينه
أبساحات القتال أعداه أمگطعينه
عشرين العمر يا زهره أسنينه
《 أيذبحونه أگبال حسين 》
❥━──➸➽❥💔❥━──➸➽❥💔
مرمي عالترب والدم يخّر منه
ومن أجروحه بس أيجاذب الونه
عطشان ويريد الماي أخو سكنه
《 ما يسگوه أشبيهم گطره 》
❥━──➸➽❥💔❥━──➸➽❥💔
أگبال حسين طايح وأطلعت روحه
ودم يجرن على حر الثره أجروحه
الدمعه أعلى الشباب المات مسفوحه
《 وي عماته عاف أمه تون 》
❥━──➸➽❥💔❥━──➸➽❥💔
اليوم أتگابلن عماته ويه أمه
أيلطمن عالشباب المنسفك دمه
يا وجهه الحلو أتراب الگبر ضمه
《 أمضيعينه اليشبه جده 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ١٧ من شهر ذي الحجة
الموافق / ٢٠٢٦/٦/٣
/channel/Nshwan_1999
لطميه لعلي الأكبر ؏ ( بعدك يا علي )
بعدك يا علي ما نايمه أبليلي
رحيلك عذباني يا بعد حيلي
❥━──➸➽❥💔❥━──➸➽❥💔
بعدك ما نمت يبني ولا ساعه
گلبي منكسر والروح مرتاعه
يا گرة أعيوني اليصعب أوداعه
شفت جرحك غميج وصحت يا ويلي
❥━──➸➽❥💔❥━──➸➽❥💔
باوعت الجرح شفته يصب دمه
أنبز گلبي وگلت يالولد يا يمه
على الگعده العصر وياك متعلمه
يا دمعه على أبني العافني سيلي
❥━──➸➽❥💔❥━──➸➽❥💔
بعدك بالهضم والنوح يا شمعه
بيك أبكل كتر لسهام متوزعه
أصب الدمعه الك ما توگف الدمعه
رمح الصابك أمصوب مفاصيلي
❥━──➸➽❥💔❥━──➸➽❥💔
يا ريع الگلب يا نبعة الريحان
گدامي أصبحت مدمي على التربان
مثل الماي حيلي منچفي وخلصان
عليك أيضل يالأكبر يكثر أعويلي
❥━──➸➽❥💔❥━──➸➽❥💔
مو وكت الرحيل أرجع يمحبوبي
أشلون أبغيبتك ثوب الحزن ثوبي
أشمالك يا وكت وياي مگلوبي
تمشي والحزن يا حيف يوميلي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ١٧ من شهر ذي الحجة
الموافق / ٢٠٢٦/٦/٣
/channel/Nshwan_1999
فزاعيه للقاسم ؏ ( بالميدان لحگيله )
يا رمله وگع جسام
بالميدان لحگيله
❥━──➸➽❥💔❥━──➸➽❥💔
وأبراسه الولد طبره
بالدم نام عالغبره
يا ويلي على عمره
راح وفارگ العيله
❥━──➸➽❥💔❥━──➸➽❥💔
مكسور الضهر عمه
أمن الخيمه ركض يمه
يمسح بيده أبدمه
ومتهدم عليه حيله
❥━──➸➽❥💔❥━──➸➽❥💔
راح أوليدچ الغالي
وعافچ للحزن تالي
جابه أمخضب الوالي
والحسرات توميله
❥━──➸➽❥💔❥━──➸➽❥💔
ينزفن دم تجاريحه
ويمّه أتعالت الصيحه
عريس الورد ريحه
أتشبگينه وتنوحيله
❥━──➸➽❥💔❥━──➸➽❥💔
أتگله أگعد يعافيتي
يا شمعه أبوسط بيتي
وحدي اليوم تاليتي
وحملي محد أيشيله
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٦ من شهر ذي الحجة
الموافق / ٢٠٢٦/٦/٢
/channel/Nshwan_1999
لطميه للقاسم ؏ ( اليوم رمله )
اليوم رمله گاضيه أو نحلانه
طاح أبنهه عالثره أبميدانه
❥━──➸➽❥💔❥━──➸➽❥💔
گاضيه والونه تجريهه أبحزن
طاح أبنهه اليوم عالغبره ويون
بالمخيم ويلي عماته بچن
عالمصيبه أم الخدر حزنانه
❥━──➸➽❥💔❥━──➸➽❥💔
اليوم رمله منجرح دلالهه
أفراگ جاسم والله عذب حالهه
بالدموع حسين جابه أگبالهه
والگلب مستعره يا نيرانه
❥━──➸➽❥💔❥━──➸➽❥💔
اليوم رمله عاينت لعمامته
بالدمه متخضبه وي وجنته
والسهام أهواي صابن جثته
تشبگ أمنين الولد حيرانه
❥━──➸➽❥💔❥━──➸➽❥💔
حايره والعين دمعتهه تصب
أتگول يمه أفراگك أيوجع الگلب
زفتك صارت يجاسم بالحرب
والگلب ينزف قهر بأشجانه
❥━──➸➽❥💔❥━──➸➽❥💔
تصرخ وصرختهه وصلت للسمه
أوليدي جاسم طاح غارگ بالدمه
روحي بفراگه تصيح أمهدمه
وعيني من راح أو رحل عميانه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٦ من شهر ذي الحجة
الموافق / ٢٠٢٦/٦/٢
/channel/Nshwan_1999
لطميه للقاسم ؏ ( دمك سال بالحومه )
يا جسام دمك سال بالحومه
وأعليك الجيوش اليوم ملمومه
❥━──➸➽❥💔❥━──➸➽❥💔
ملتمه عليك الجيش ملتمه
وأنته عالترب مطروح يا يمه
متحزمه وأدگ أعليك متحزمه
《 يوليدي أصوابك يكتل 》
❥━──➸➽❥💔❥━──➸➽❥💔
ويلي عالشباب الماتت أحلامه
عريس وتزفك طبرة الهامه
محتامه عليك اليوم محتامه
《 ضيعناه المعرس وسفه 》
❥━──➸➽❥💔❥━──➸➽❥💔
الك تبچي يجاسم ضلت أعيوني
ويا فرگاك غيّر يالولد لوني
بلياك الأعادي أتگود بضعوني
《 بچاني أفراگك يمه 》
❥━──➸➽❥💔❥━──➸➽❥💔
رحت يحزام ضهري وضاعت آمالي
عفت أمك غريبه أو مالهه والي
دمعي أعليك يجري وذاب دلالي
《 دلالي أعليك أتوجر 》
❥━──➸➽❥💔❥━──➸➽❥💔
صاحو خيمة العريس فلشيهه
والحنه بعد المن تحضريهه
طاح أبنچ يرمله الشمعه طفيهه
《 طفيهه اليوم الشمعه 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٦ من شهر ذي الحجة
الموافق / ٢٠٢٦/٦/٢
/channel/Nshwan_1999
لطميه للقاسم ؏ ( ما بطل الونه )
گلبي أعلى الولد ما بطل الونه
يكبر چنت أضن وبيدي أزفنه
❥━──➸➽❥💔❥━──➸➽❥💔
ما بطل ونين أعلى المشه أمن أمه
ونام أعلى الترابه فايض أبدمه
وأسهام العدو متسطره أبجسمه
من گد الطعن مگدر أحضننه
❥━──➸➽❥💔❥━──➸➽❥💔
مصيوب الگلب وأجروحه دمايه
جاسم ما بقى يا ناس ويايه
أون يم چثته المتوذره أهوايه
بسمه اليوم أصيحن كون أگعدنه
❥━──➸➽❥💔❥━──➸➽❥💔
نام أو ما گعد والنومه طولهه
وروحي أبهالهجر والضيم علعلهه
عدله أشبيچ بعدچ ليش أگللهه
جاسم للمنايه شال من يمنه
❥━──➸➽❥💔❥━──➸➽❥💔
يالعريس وينك يا بعد چبدي
عايفني غريبه أبكربله الوحدي
ويا شمعت شبابك تنطفي عندي
ما مكتوب الي عرسك أشوفنه
❥━──➸➽❥💔❥━──➸➽❥💔
حلمي چان أشوف الزفه بعيوني
والوادم تجي أبعرسك يهنوني
يبني تالي خابت بعدك أضنوني
ويا كاس المنيه لشربت منه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٦ من شهر ذي الحجة
الموافق / ٢٠٢٦/٦/٢
/channel/Nshwan_1999
جلوه للقاسم ؏ ( گومي يرمله )
گومي يرمله للولد گوميله
عريس والكله أبعجل نصبيله
❥━──➸➽❥💔❥━──➸➽❥💔
گومي لعد جسام نصبي كلته
وأتحضري العرس الولد والزفته
عجنيهه بيدچ يالحنينه حنته
واليوم من عين الحسد عوذيله
❥━──➸➽❥💔❥━──➸➽❥💔
لثياب عرسه المبخره جيبيهه
بحله العطور أبكل فرح بخريهه
والجلوه هم لعروسته سويهه
وأشموع بصواني العرس علگيله
❥━──➸➽❥💔❥━──➸➽❥💔
عن الولد يا رمله هم عندچ خبر
من العرس جسام والحنه أعتذر
ميريد زفه أيريد محزوز النحر
سالم يرد يا رمله بس أدعيله
❥━──➸➽❥💔❥━──➸➽❥💔
وأبغيبته جسام ما شافت فرح
عريس برض الغاضريه ينذبح
وأتنادي گلبي أبهالمصيبه منجرح
ويا ليله أصعب بعد هاي الليله
❥━──➸➽❥💔❥━──➸➽❥💔
يا رمله صاحو بالعجل طفي الشمع
طاح الولد برض المعارك منصرع
صارت نوايح وي ونين ووي دمع
بالخيم من يوم الهوه من خيله
❥━──➸➽❥💔❥━──➸➽❥💔
《 طفوهه طفوهه أشموع العرس طفوهه 》
《 عينوهه وعينوهه وأم الولد عينوهه 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٦ من شهر ذي الحجة
الموافق / ٢٠٢٦/٦/٢
/channel/Nshwan_1999
فزاعيه للأمام العباس ؏ ( سبع الطف يعلويه )
نام أعلى الشريعه اليوم
سبع الطف يعلويه
❥━──➸➽❥💔❥━──➸➽❥💔
نام أو ما بعد گعده
وحسين البقى وحده
وين الچان اليسنده
طاح وعينه معميه
❥━──➸➽❥💔❥━──➸➽❥💔
أخوچ الجابچ أبزوده
گطعوهه العده أزنوده
بعد يم عون شيعوده
منه الجربه مچفيه
❥━──➸➽❥💔❥━──➸➽❥💔
أخوچ الچان الچ هيبه
غاب وطالت الغيبه
الجابچ من بلد طيبه
غطى الدم معانيه
❥━──➸➽❥💔❥━──➸➽❥💔
نام أو ما گعد وسفه
راعي الزود والعفه
دمه أيسيل شينشفه
ويمه الرايه مرميه
❥━──➸➽❥💔❥━──➸➽❥💔
حلوه الخويه بلسانه
ويا محله عظم شانه
خالي اليوم يمچانه
أخلافه الضهر محنيه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ١٥ من شهر ذي الحجة
الموافق / ٢٠٢٦/٦/١
/channel/Nshwan_1999
لطميه للأمام العباس ؏ ( طب والگوم )
طب والگوم كلهه أتخورست منه
سيفه بالحرب عباس اله رنه
❥━──➸➽❥💔❥━──➸➽❥💔
طب الوحده والرايه بيمينه
ويتطافر شرار النار من عينه
يا كفار صاح أچبيركم وينه
《 جدامه اليبرز فنه 》
❥━──➸➽❥💔❥━──➸➽❥💔
ما وأحد گدر يتحده أبو الغيره
عيشهم رعب عيشهم أبحيره
خله الموت يفتر فوگهم طيره
《 لاويهه الحومه أبچفه 》
❥━──➸➽❥💔❥━──➸➽❥💔
أثنين أثنين يطبگ بيهم أبچفه
وملك الموت حاضر وأگف أبصفه
معروف البطل عالعيله ما يغفه
《 يسگيهه الگاع أبدمهم 》
❥━──➸➽❥💔❥━──➸➽❥💔
دگت من دخل ميدانهه الغاره
وأبصف النهر وأگف علگ ناره
سد بيده الدرب ما خله كل چاره
《 صال أبسيفه عباس الهم 》
❥━──➸➽❥💔❥━──➸➽❥💔
حاوي المرجله العدوان صاگرهم
أبحر الموت ياخذهم يغرگهم
بس أبنضرته كلهم يرجفهم
《 يدناه أشحده المنهم 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
كُتبت الأحد / ٧ من شهر ذي الحجة
الموافق / ٢٠٢٦/٥/٢٤
/channel/Nshwan_1999
لطميه للأمام العباس ؏ ( يعباس )
نبچي أعليك بالخيمه يعباس
❥━──➸➽❥💔❥━──➸➽❥💔
علمك رجف أعضامي يعباس
من گالو وگع دامي يعباس
ومنك خاليه أخيامي يعباس
وسفه أتطيح وأمصوب على الراس
❥━──➸➽❥💔❥━──➸➽❥💔
بفراگك گصّر عمري يعباس
وضل مكسور ألك ضهري يعباس
يا ريحة هلي وذخري يعباس
عگب عينك غريبه وبين الأرجاس
❥━──➸➽❥💔❥━──➸➽❥💔
شيرجعك يحامينه يعباس
وتروي بيدك أسكينه يعباس
على فرگاك ما بينه يعباس
يا ريحة علي ويا طيب الأنفاس
❥━──➸➽❥💔❥━──➸➽❥💔
أنه الضليت حيرانه يعباس
والأطفال عطشانه يعباس
گوم أرجع يرجوانه يعباس
لتعوف الحريم أبغير حراس
❥━──➸➽❥💔❥━──➸➽❥💔
ما أصدگ رحت عني يعباس
وبغيابك تعذبني يعباس
يا عباس خال أبني يعباس
بعد حسين وبعدك وي غرب ناس
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
كُتبت السبت / ٦ من شهر ذي الحجة
الموافق / ٢٠٢٦/٥/٢٣
/channel/Nshwan_1999
لطميه للأمام العباس ؏ ( عباسچ يعلويه )
گالو طاح عباسچ يعلويه
عاف حسين وحده وي بنو أميه
❥━──➸➽❥💔❥━──➸➽❥💔
يم الماي طايح والعمد صابه
ودمعات العقيله أتسيل سچابه
راح أحزام ضهري أتصيح يا يابه
《 عالشاطي أمخضب بالدم 》
❥━──➸➽❥💔❥━──➸➽❥💔
سبع الگنطره مگطوعه چفينه
واليوم السهم صابه وطفت عينه
ويا وسفه الگمر غابت عناوينه
《 بفراگه أتون أسكينه 》
❥━──➸➽❥💔❥━──➸➽❥💔
الحيد أعلى الشريعه غمض أعيونه
وبسهام الغدر گلبه يصوبونه
اليوم أم الخدر وأعياله يردونه
《 يردونه عباس أعياله 》
❥━──➸➽❥💔❥━──➸➽❥💔
نام أو ما گعد عباس ألف وسفه
سيفه والدرع والرايه أبصفه
جرح الراس ما بطل أبد نزفه
《 من شافه حسين أشحاله 》
❥━──➸➽❥💔❥━──➸➽❥💔
عاف حسين بين الگوم وأبحيره
يفراگه كسر ما صلحه تجبيره
بالخيمه تون عطشانه الأزغيره
《 چا وينه الكافل عنهه 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
كُتبت الجمعة / ٥ من شهر ذي الحجة
الموافق / ٢٠٢٦/٥/٢٢
/channel/Nshwan_1999
لطميه للأمام العباس ؏ ( على الگاع )
هذا السيف والرايه على الگاع
منك وسفه طاحن يبن الأسباع
❥━──➸➽❥💔❥━──➸➽❥💔
هذا السيف والرايه يعباس
طاحن عالترب منك يجرناس
عامود الحديد الهشم الراس
وأتميل السفينه أبدون الأشراع
❥━──➸➽❥💔❥━──➸➽❥💔
يالطولك مناره وهيبة الكون
سيفك عالترب طايح يمزيون
مني أعميت يا عباس الأعيون
شبسرعه أفترگنه وحلّ الأوداع
❥━──➸➽❥💔❥━──➸➽❥💔
جار الدهر خويه أوياي فد نوب
مكتوب أعلى زينب هذا مكتوب
براسك يا بعد كل راسي مصيوب
بروحي أشريك كون اليوم تنباع
❥━──➸➽❥💔❥━──➸➽❥💔
تعال وشوف زينب بين الأخيام
هام الراي بعدك والعگل هام
طلعت من خيمهه أتصيح الأيتام
لمتنه أصبحت يالكافل أضياع
❥━──➸➽❥💔❥━──➸➽❥💔
يوم الغمضت عينك يوفاي
ماريد الشريعه وما ردت ماي
ناشف ريج أخيتك ها يسگاي
غاطيك الدمه يا حلو الأطباع
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
كُتبت الخميس / ٤ من شهر ذي الحجة
الموافق / ٢٠٢٦/٥/٢١
/channel/Nshwan_1999
نعي لعلي الأكبر ؏
أفراگ الولد ما رايدته
يا موت ليش أبعيد أخذته
وعريس لا ما شايفته
❥━──➸➽❥💔❥━──➸➽❥💔
چان العزيز أگبال عيني
راح أو كثر نوحي وونيني
للخيمه وسفه ما يجيني
❥━──➸➽❥💔❥━──➸➽❥💔
ردت الولد خيمه عليه
مو ينذبح بالغاضريه
أشسويتي يا دنياي بيه
❥━──➸➽❥💔❥━──➸➽❥💔
يا لوعتي من فارگاني
طاح الرجا والهم طواني
ردته ذخر التالي زماني
❥━──➸➽❥💔❥━──➸➽❥💔
ضاع الربا أو تعب الليالي
وبعده ولا رحمو أبحالي
خالي مچانه وشده بالي
❥━──➸➽❥💔❥━──➸➽❥💔
مكسور ضهري ومدمعي أيسيل
من بعد عينه ما بقى حيل
أمصيبة علي لا مالهه أمثيل
❥━──➸➽❥💔❥━──➸➽❥💔
سهم الهجر بضلوعي نابت
وأخلاف عينه روحي شابت
كل المحنه أوياه غابت
❥━──➸➽❥💔❥━──➸➽❥💔
يبني السهم غير أرسومك
يا ريت عمري گبل يومك
شفت الدمه أمغرگ أهدومك
❥━──➸➽❥💔❥━──➸➽❥💔
يا كوكب الي غاب ضيه
عگبك الهم چودر عليه
أبچي أبحزن صبح ومسيه
❥━──➸➽❥💔❥━──➸➽❥💔
أبگلبي يمه النار تسعر
فرگاك هداني يالأكبر
دمك على الغبره تطشر
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الخميس / ١٨ من شهر ذي الحجة
الموافق / ٢٠٢٦/٦/٤
/channel/Nshwan_1999
"الْحَمْدُ لِلهِ الَّذِي جَعَلَنَا مِنَ الْمُتَمَسِّكِينَ بِوَلَايَةِ أَمِيرِ الْمُؤْمِنِينَ وَالْأَئِمَّةِ عَلَيْهِمُ السَّلام"
كل عام وأنتم بألف خير ❤🌹..
فزاعيه لعلي الأكبر ؏ ( ليله أبساحة الحومه )
حست طاح أبنهه اليوم
ليله أبساحة الحومه
❥━──➸➽❥💔❥━──➸➽❥💔
بوسط الخيل والعدوان
حست طاح عالتربان
صاحت والگلب لهفان
لأكبر غابت أنجومه
❥━──➸➽❥💔❥━──➸➽❥💔
بس لا طاح الأمچنه
ويلي وأنگطع غصنه
صاحت من يطمنّه
عنه أبروح مهدومه
❥━──➸➽❥💔❥━──➸➽❥💔
لن سمعت عزيز الروح
دمه عالثره مسفوح
دگت عالصدر وأتنوح
آ يالأكبر أو يومه
❥━──➸➽❥💔❥━──➸➽❥💔
ولن شافت أبو اليمه
جاب الأكبر أبدمه
صرخت صوت يا يمه
أوليدي ذبلن أرسومه
❥━──➸➽❥💔❥━──➸➽❥💔
توك داخل العشرين
بيك أنفجع گلب حسين
ليش الموت بس عالزين
يفتر وأنه مهضومه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ١٧ من شهر ذي الحجة
الموافق / ٢٠٢٦/٦/٣
/channel/Nshwan_1999
لطميه لعلي الأكبر ؏ ( يمه يوليدي )
تمنيتك يالأكبر يمه يوليدي
من أكبر ييمه تگودني أمن أيدي
❥━──➸➽❥💔❥━──➸➽❥💔
تمنيتك سند تبقالي يا هيبه
أشلون أتروح وأتزود الأمصيبه
عني أتغيب يمه وطايله الغيبه
تدري مالي غيرك گوم يوحيدي
❥━──➸➽❥💔❥━──➸➽❥💔
ليش الموت أجاك وماخذك مني
يا غصن الورد فرگاك ذابحني
وسهم الصابك أتمنيته صوبني
ولا أشوفك طريح ودمك أبجيدي
❥━──➸➽❥💔❥━──➸➽❥💔
يا غصن الورد يا فرحتي أبعمري
بعدك يا علي نار أشتعل صدري
يوجعني عليك ومنحني ضهري
ويعيوني دمع للعافني زيدي
❥━──➸➽❥💔❥━──➸➽❥💔
موت أبني سلب من عندي عافيتي
ولا نسمه أبغيابه أتفوت وأبريتي
أگعدنه وأصيحن يا بعد بيتي
بواچي ونوح يمه موش تعويدي
❥━──➸➽❥💔❥━──➸➽❥💔
أعيوني وأبجمالك يمه سرحانه
يا سباح گلبي ونور دنيانه
أنفلت گعدتك يوحيدي ويانه
يصوم الهجر بيه وما يجي عيدي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ١٧ من شهر ذي الحجة
الموافق / ٢٠٢٦/٦/٣
/channel/Nshwan_1999
فزاعيه للقاسم ؏ ( والولد بخري أثيابه )
يم عون جيبي المبخره
والولد بخري أثيابه
❥━──➸➽❥💔❥━──➸➽❥💔
يم عون جيبي حنته
حنيه أو علگي شمعته
فرحانهه كلهه لفرحته
وتدعيله كل أحبابه
❥━──➸➽❥💔❥━──➸➽❥💔
عريس يم عون الولد
يبراله يا طير السعد
عوذيله من عين الحسد
جاسم يحلو أشبابه
❥━──➸➽❥💔❥━──➸➽❥💔
من الخيام أعلى الحرب
جسام بسلاحه يطب
ساعه وينام أعلى الترب
وأيسيل دم أصوابه
❥━──➸➽❥💔❥━──➸➽❥💔
ما فرحو أبعرسه هله
وحنته بالدم كربله
وأدموع زينب هامله
من شافته أعلى أترابه
❥━──➸➽❥💔❥━──➸➽❥💔
العريس طاح أمن المهر
وحسين يا ضهره أنكسر
يا جاسم أو بعد العمر
بالدم حسافه أخضابه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٦ من شهر ذي الحجة
الموافق / ٢٠٢٦/٦/٢
/channel/Nshwan_1999
نعي للقاسم ؏
أنه الوالده وأصرخ يجسام
ضاعن بعد عيناك الأحلام
طايح أو متغطي بالأسهام
❥━──➸➽❥💔❥━──➸➽❥💔
يمه الولد يا شمعت البيت
وسفه أبشبابك ما تهنيت
تاخذني المنيه أوياك يا ريت
❥━──➸➽❥💔❥━──➸➽❥💔
غاب الفرح والگلب مكسور
للخيمه الي جابوك منحور
ودمعي على الوجنات منثور
❥━──➸➽❥💔❥━──➸➽❥💔
جسام يبني ومهجة الروح
شفتك على التربان مطروح
يا بزر بطني وكلك أجروح
❥━──➸➽❥💔❥━──➸➽❥💔
شفتك ييمه ومدمعي سال
متخضب أبدمك يالهلال
ضهر الحسين أبموتتك مال
❥━──➸➽❥💔❥━──➸➽❥💔
يبني يحلو الطول والذات
عفت أبدليلي چم جراحات
بعدك يجاسم بس عزيات
❥━──➸➽❥💔❥━──➸➽❥💔
يمه السهم من لاح چبدك
يا ريت وأگف عمري بعدك
وأعلى الثره ممتده حدك
❥━──➸➽❥💔❥━──➸➽❥💔
رايح يبعد الروح والشوف
والدمع عالخدين مذروف
دارو عليك الگوم بسيوف
❥━──➸➽❥💔❥━──➸➽❥💔
عافت النوم العين يبني
وفرگاك يا جاسم هدمني
وياك أريد أدخيل أخذني
❥━──➸➽❥💔❥━──➸➽❥💔
عمك حسين اليوم جاباك
بالخيمه طب وأگبالي خلاك
عريس وأمحنيك بدماك
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٦ من شهر ذي الحجة
الموافق / ٢٠٢٦/٦/٢
/channel/Nshwan_1999
لطميه للقاسم ؏ ( نوحي يرمله )
نوحي يرمله طاح جاسم عالثره
مطبور راسه والدمه منه جره
❥━──➸➽❥💔❥━──➸➽❥💔
نوحي يرمله ومن دمه صبي الدمع
عريس طاح أعلى الثره طفي الشمع
بثياب عرسه أمخضب بدمه رجع
والحسن ببنه اليوم چنه ما دره
❥━──➸➽❥💔❥━──➸➽❥💔
طايح شبابك يالحسن وأبمصرعه
وحسين عمه منحني أو هل مدمعه
يومه ثجيل أو حيل گلبه صدعه
والحسره بضلوع الوديعه مأثره
❥━──➸➽❥💔❥━──➸➽❥💔
جاسم يلوج أمن العطش فوگ الترب
موش العروسه اليوم زفو للحرب
وأبكل كتر جسمه بالأسهام أنضرب
والعيله كلهه أبهالمصيبه أمكدره
❥━──➸➽❥💔❥━──➸➽❥💔
صارت مناحه اليوم جاسم زفته
رد يبچي أبو السجاد فلّش خيمته
والحره زينب يبن أخوهه شافته
والدمعه عالخدين ويلي أمسطره
❥━──➸➽❥💔❥━──➸➽❥💔
نوحي يرمله أو بدلي ثوب الفرح
جاسم حبيبچ عالثره دمه سفح
بسهام عدوانه الگلب منه أنجرح
يا فرحة العريس صارت مگبره
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٦ من شهر ذي الحجة
الموافق / ٢٠٢٦/٦/٢
/channel/Nshwan_1999
لطميه للقاسم ؏ ( جاسم للخيم )
جسام للخيم جابو مذبوح أو يصب دمه
وبمصابه أنكسر سبط النبي عزمه
❥━──➸➽❥💔❥━──➸➽❥💔
جابو للخيم يم زينب الحره
لطمت راسهه من شاهدت نحره
تهل أدموعهه وتجسّد العبره
شهگت ببن أخوهه وگامت أتشمه
❥━──➸➽❥💔❥━──➸➽❥💔
رمله أبصوت صاحت لاتفارگني
أنته الماي وأخلافك عطش طگني
يا هالموت عوفه وكون گاصدني
أتوذر حيلي يا هالناس شيلمه
❥━──➸➽❥💔❥━──➸➽❥💔
جابو للخيم وحسين يبراله
وبصوت الحزن بوداع ينعاله
ضهره منحني وأدموع هماله
حيله منهدم من الحزن عمه
❥━──➸➽❥💔❥━──➸➽❥💔
عريس الخيم جابو أمن المذبح
يا ريته صبح عاشور لاصبّح
جابو للخيم مذبوح وأمجرّح
زلمه وصار بالطف عن الف زلمه
❥━──➸➽❥💔❥━──➸➽❥💔
يا جاسم ييمه أتصيح والدته
عرسك يا وحيدي أسنين ناطرته
گلبي أبهالرحيل أهواي عذبته
وين الگاك يالعريس يا يمه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٦ من شهر ذي الحجة
الموافق / ٢٠٢٦/٦/٢
/channel/Nshwan_1999
موشح للقاسم ؏ ( طايح الشباب )
عالترابه طايح اليوم الشباب
خلنعازي الوالده أبهذا المصاب
❥━──➸➽❥💔❥━──➸➽❥💔
خلنعازي رمله بمصاب الولد
طايح وسهم العدو أبگلبه گعد
بالدمه حنّو الچان الهه سند
غاب نجمه وصار ملحوده التراب
❥━──➸➽❥💔❥━──➸➽❥💔
رمله طايح عالترب جسامهه
والحزن غيّم على أيامهه
ذبلت الورده وگضت أحلامهه
والعمر من بعده يمليه السراب
❥━──➸➽❥💔❥━──➸➽❥💔
للخيم جابه السبط بدموعه
صاح طفن يالحريم أشموعه
جاسم الدم منه غيّر نوعه
من عمت عيني أذبحو حلم الشباب
❥━──➸➽❥💔❥━──➸➽❥💔
للمگابر صارت أبنچ زفته
والمن الليله بنيتي خيمته
حزني يا رمله وأحزني أعروسته
ضاعت أحلامچ وسط هذا الضباب
❥━──➸➽❥💔❥━──➸➽❥💔
راح جاسم عنهه چا شيعوده
عالتراب أمنومات أخدوده
حسين روحه أعلى الولد ممروده
صاح يا جاسم لچن ماكو جواب
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٦ من شهر ذي الحجة
الموافق / ٢٠٢٦/٦/٢
/channel/Nshwan_1999
فزاعيه للأمام العباس ؏ ( والدله گلبناهه )
طاح الشيخ وأبن الشيخ
والدله گلبناهه
❥━──➸➽❥💔❥━──➸➽❥💔
طاح المرتجى والسور
يوم السابع أبعاشور
يا حيف الزمان أيدور
يومه العين بچاهه
❥━──➸➽❥💔❥━──➸➽❥💔
چفينه الدله والفنجان
من غمض بدر عدنان
شيخ وفارگ الميدان
والغتره عگدناهه
❥━──➸➽❥💔❥━──➸➽❥💔
حزنان المضيف اليوم
عالمطروح وسط الگوم
والزينب بعد ميگوم
بالأحزان عافاهه
❥━──➸➽❥💔❥━──➸➽❥💔
طاح الي تهابه الناس
لمصابه ندگ عالراس
يا ويلي على العباس
زينب راح ما جاهه
❥━──➸➽❥💔❥━──➸➽❥💔
أتريدك ما تريد الماي
وأنته الزينبك وفاي
يا عباس تاه الراي
عگبك وين منواهه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ١٥ من شهر ذي الحجة
الموافق / ٢٠٢٦/٦/١
/channel/Nshwan_1999
لطميه للأمام العباس ؏ ( راسك حار )
راسك حار والعدوان فانيهه
يبن أم البنين الينحلف بيهه
❥━──➸➽❥💔❥━──➸➽❥💔
راسك حار يا مرعب الخياله
سطراتك يسبع الزلم چتاله
الجيش أبكلمه منك ينهدم حاله
《 ما خليته للحد يعبر 》
❥━──➸➽❥💔❥━──➸➽❥💔
خليت الزلم عباس مرعوبه
ويم العلگمي سويت الأعجوبه
كلهه أتخورست گالولك أتوبه
《 خليته الجو أمغيم 》
❥━──➸➽❥💔❥━──➸➽❥💔
گالب كربله كافل العلويه
يربات الوصي وأربات بدويه
يا عباس تشهدلك الحربيه
《 عالعيله أنته الما تسكت 》
❥━──➸➽❥💔❥━──➸➽❥💔
قائد بس الك تحلالك القاده
يا عباس يمرجف البياده
سيفك من يثور العدو يصطاده
《 عالصيده أمعلم سيفك 》
❥━──➸➽❥💔❥━──➸➽❥💔
يا عباس يمرجف الزلم والخيل
أسحگ كربله وخلهه تعيش الويل
حربك هاي وأشحده العليك أيعيل
《 ضم راسه الچان أيزامط 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
كُتبت الأحد / ٧ من شهر ذي الحجة
الموافق / ٢٠٢٦/٥/٢٤
/channel/Nshwan_1999
نعي للأمام العباس ؏
عباس راسه أمصوبينه
وأمگطعه أيساره ويمينه
والسهم متمركز أبعينه
❥━──➸➽❥💔❥━──➸➽❥💔
سال أبحزن عالخد دمعنه
عالنهر طايح يا گمرنه
والماي ويلي أتبده منه
❥━──➸➽❥💔❥━──➸➽❥💔
يحسين چا وينه كفيلي
ما جاني وأيبرد غليلي
هد الحزن يا خويه حيلي
❥━──➸➽❥💔❥━──➸➽❥💔
يا ريت عيني أتروح گبله
ولا أشوفه وأگع فوگ رمله
سهم الغدر وسفه يچتله
❥━──➸➽❥💔❥━──➸➽❥💔
عباس راح أو عايف حسين
بين العده وأيدير بالعين
ولا ضل محامي للنساوين
❥━──➸➽❥💔❥━──➸➽❥💔
العلگمي أرد أمشي يمه
وأمسحله بيدي اليوم دمه
هد الگلب يا ناس علمه
❥━──➸➽❥💔❥━──➸➽❥💔
هذا الكفيل الكافل أخته
مطروح وأبصفحه جربته
وحسين بالأحزان شفته
❥━──➸➽❥💔❥━──➸➽❥💔
رد السبط للخيمه وحده
وأسكينه عن عمهه تنشده
شافت الدمعه فوگ خده
❥━──➸➽❥💔❥━──➸➽❥💔
يا بويه صاحت وينه عمي
هذا الحنين الشال همي
أفراگه صدگ عباس يعمي
❥━──➸➽❥💔❥━──➸➽❥💔
گلهه يسكنه راح ميعود
شوفيني حيلي صار مهدود
عافانه عمچ راعي الزود
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
كُتبت السبت / ٦ من شهر ذي الحجة
الموافق / ٢٠٢٦/٥/٢٣
/channel/Nshwan_1999
لطميه للأمام العباس ؏ ( حامي الضعينه )
دلوني أبدرب حامي الضعينه
خل أمشيله بدموعي حزينه
عباس الكفلني ••• راح اليوم عني
عگبه الگوم تستسبع علينه
دلوني أبدرب حامي الضعينه
❥━──➸➽❥💔❥━──➸➽❥💔
نهر العلگمي دلوني دربه
أريد أمشي وأعاتب من أحبه
أگله يالأخو فرگاك صعبه
يگعدلي الحنين اليوم أطلبه
هوه الجابني أوياه ••• من الوطن بحماه
طايح والسهم نازل أبعينه
دلوني أبدرب حامي الضعينه
❥━──➸➽❥💔❥━──➸➽❥💔
دلوني صحت وين الشريعه
جثة كافلي أعليهه صريعه
أريد أنعه على أچفوف الگطيعه
ثلث الحيل هدت هالفجيعه
بتراب الميادين ••• نام أعزيز الأحسين
ماي اليوم ما شرّب أسكينه
دلوني أبدرب حامي الضعينه
❥━──➸➽❥💔❥━──➸➽❥💔
أخوي الجابني من دار أهلنه
طاح أبكربله وأبعيد عنه
صحت يحسين للعلگمي أخذنه
نشوف أشحال عباس الكفلنه
محتامين وأنريد ••• سبع الگنطره الحيد
كلفه طيحته شمسويه بينه
دلوني أبدرب حامي الضعينه
❥━──➸➽❥💔❥━──➸➽❥💔
گمر هاشم على أتراب الميادين
متمدد أو منه أمگطعه چفين
عاف أبهالحرب عباس الحسين
ملتمه عليه الگوم صوبين
صوبين العده اليوم ••• ملتمه يجيدوم
على حسين الغريب أو رايدينه
دلوني أبدرب حامي الضعينه
❥━──➸➽❥💔❥━──➸➽❥💔
خواتك يا گمر هاشم عفتهن
مهضومات والدمعه جفتهن
وسفه يا كفيلي فارگتهن
ليله موحشه أخلافك لفتهن
بين العده والنار ••• تتراكض الأزغار
گلبي بيك خويه فاجعينه
دلوني أبدرب حامي الضعينه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
كُتبت السبت / ٦ من شهر ذي الحجة
الموافق / ٢٠٢٦/٥/٢٣
/channel/Nshwan_1999
لطميه للأمام العباس ؏ ( لا تخليهه )
سكنه أعليك تبچي لا تخليهه
رايح للنهر عباس واليهه
❥━──➸➽❥💔❥━──➸➽❥💔
رايح للنهر وأنگطعت الرجعه
ويا عباس فگدك ضيّگ الوسعه
تهمل بالمخيم گاعده الدمعه
العشره أوياك تگضي أشلون تاليهه
《 وياهه أتفلّ العشره 》
❥━──➸➽❥💔❥━──➸➽❥💔
عشره وگاضيه وي عم الأبنيه
باچر ترتحل لو راح مسبيه
يا عباس صاحت فدوه رد ليه
وأعيوني أمسح أبچفك بواچيهه
《 معتازه الشخصك يمي 》
❥━──➸➽❥💔❥━──➸➽❥💔
لا تتعطل أعليهه يبو الشاره
بالخيمه بگت تنتظر محتاره
والدلال تلهب يالگمر ناره
رد برد گلبهه أو ناره طفيهه
《 حزنانه خليت أسكينه 》
❥━──➸➽❥💔❥━──➸➽❥💔
تتلافت تدور وين ملفاهه
من درب النهر بالماي ما جاهه
يمصابه تصيح الروح سلاهه
العين أمن اللطم والبچي تعميهه
《 بچاهه أمصاب الوالي 》
❥━──➸➽❥💔❥━──➸➽❥💔
يا عباس يا عامود خيمتنه
اليوم أبطيحتك فليت عشرتنه
مهضومات بعدك هاي ضلتنه
روحي الفارگتهه بيش أسليهه
《 محتاجه أچفوفك سكنه 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
كُتبت الجمعة / ٥ من شهر ذي الحجة
الموافق / ٢٠٢٦/٥/٢٢
/channel/Nshwan_1999
لطميه لأولاد مسلم ؏ ( وين الأطفال )
حميده أتگول راحو وين الأطفال
وبالميدان وسفه نومه الأرجال
❥━──➸➽❥💔❥━──➸➽❥💔
حميده أتگول راحو وين أخوتي
ومن أصياحي هلمبحوح صوتي
أبهاي الساعه أنه أتمنيت موتي
ولا أشوف اليتامه أغيابهم طال
❥━──➸➽❥💔❥━──➸➽❥💔
على أخواني دمعتي تعمي الأعيون
گضيت الليل أون وي عمّتي أم عون
بعد طاهر أو مطهر ما يرجعون
وما يدري الگمر نام أعلى الأرمال
❥━──➸➽❥💔❥━──➸➽❥💔
يخويه وينكم ما أحمل أفراگ
ويزداد الوجع لو گلبي يشتاگ
ودمع العين عالوجنات حراگ
مثل نيران دمعي عالوجن سال
❥━──➸➽❥💔❥━──➸➽❥💔
حميده أتگول ياهو أيرد الأخوان
وأحنه بس حرم ما عدنه وليان
مشو يا صوب من هجمت الجيمان
وضلت بس صورهم تطري عالبال
❥━──➸➽❥💔❥━──➸➽❥💔
غريبه أو ضايعه أببرّ المصيبه
ولا وأحد نشد عن هالغريبه
وعمي حسين اليه أمنين أجيبه
يدور أخواني وأيرد عنه الأنذال
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأحد / ١٤ من شهر ذي الحجة
الموافق / ٢٠٢٦/٥/٣١
/channel/Nshwan_1999