533
حسين سالوفة عشك مرها الذبح للتواصل @Eng_alhabeeb
سافـر أنــته براحتـك ** ياحبــــيبي وداعــــتك
راح يحلالي نتضاري ** بصايـــة الله وصـايتك
-----------------------------------------------
1= علموني أهلي المحبه أخذ وعطه ** هـــوه كلبي شمنطي بس ولده نطه
أربعه أمن تـــــــنام خليهم غطه ** ولا تعــــذره ألي عله الواجب بطه
------------------------------------------------------------------------
ثـنين خـــــــل بيمينك ** ثـــنين عـد رجلينك
ماعليك بدمعي جاري ** بصاية الله وصايتك
*******
2= يبو الكلمه التنشرب يالجنها ماي ** أعــــــطش وجلماتـــك أيرون ضماي
قبل لا أخدمك ولا نجــمه بسماي ** جرحي أنته وبالوقـــــــت نفسه دواي
------------------------------------------------------------------------
يلي صرت مرايتك ** و ما كسرت حجايتـك
ياحلم ليلي ونهاري ** بصايـــة الله وصايتك
3= جان مــــر العـــــمر ووياكم حله ** ومــــن خدمـــــتك والله صرت معدله
ما أناقــــش أمرك أسمع وأقـبله ** تركني أبجي وكــــــوم روح الكربله
------------------------------------------------------------------------
أمشي يبني بواهسك ** أخذ أخوك وحارسك
أنه بالخدمه فـتخاري ** بصاية الله وصايتك
*********
4= بين كــل نفــــس ونفس أتذكرك ** أمقــصره يبني وياك أريد أتعــذرك
أنته مو بس أبـني جنه أتصورك ** والله لو خـــــــيروني بهلي أتخيرك
-----------------------------------------------------------------------
يلي تكــتـــل شارتـك ** بالـــولد شرايــــتك
عندك ألكيت عتباري ** بصاية الله وصايتك
*******
5= أنته وجهك يختلف عن ألوجوه ** جامع أوصاف النبي وأمه وأبوه
وين أروحن من وجهك لو خذوه ** أنسبي يحسين ضعنك لــــو سبوه
---------------------------------------------------------------------
كلبي يـــبقه يناطرك ** سهل حزني الخاطرك
أحتمل تعبي ومراري ** بصايـــة الله وصايتك
6= والله توجع جلمة الباجر أروح ** تـفــزز جروح القديمه والجروح
من تفـــز تريد المفارك ينوح ** وانــــته عايفلك بنادم ماله روح
--------------------------------------------------------------------
من تطـــيح بحومتك ** أدري تصعب كومتك
والدمع بعدك شعاري ** بصاية الله وصايتك
*********
خادم العتره عبد الجليل المالكي
من ذاك الظهر يحســـــين لليل
ماتعبت تدوس بصدرك الخيل
وياك الخدر ضاع اهنا يالتارس الگاع
تريد تكوم ليّـــــه منيلك حيل
ــــــــــــــــــــ
اخوي الگبل متحل ساعة الموت
عمت عيني شكثر مات
لاشوف العطش خلاك لا صوت
ومشيك كله عثـــــرات
گلبي اعليك فت الصخر مفتوت
وكل انفاسي شوغات
شكثر زتيت وانت ابلايه زاتوت
الليله اعله الثره اتبات
تهوس فوكك ارماح ولا خلوك ترتــــاح
اسمعنك تون وبراسك تميل
تريد تكوم ليه منيلك حيــل
ــــــــــــــــــــ
مجبوره صحت من هجمت الگوم
حسين الحك عليه
عميه اتمنه كون وگبل هاليــــــوم
خذت روحي المنيه
گمتلي بلايه راس اتطيــــح وتكوم
واشسوّيت بيـــــــه
ساعه تصيح ضامي وساعه مهضوم
وساعه احمي رقيه
عليك اشما تهب ريح كتر من عندك يطيح
اشوفك تزحف ابّين المجاتيل
تريد تكوم ليه منيلك حيـــــل
ــــــــــــــــــــ
انت الصرت كومه احجار واسهام
اظن لا شـوف ماظل
مابيكم صحت مسلم يظـــــــــلام
خل لبن امي اوصل
اشوف ايدك تأشر كتر الاخيــــــام
ماي اتگلي يحصـــل
لو رايــــــد تلم اوياي الايتــــــــام
وانت امگطع اوصل
اليتامه يجوز تسلم انت شلون تنــــــلم
عايف روحك اتهم بالمداليل
تريد تكوم ليه منيلك حيــل
ــــــــــــــــــــ
التفت الصخر مستنكينها اعداك
الخيل الساحكاتك
يعبرك هذا يسحك عالصدر ذاك
جنهن طالبــــــاتك
حوافرهن حمر غركانه بدمــــاك
حتى العابراتــــــك
يسألنّي وادنّگ خـــــــاف تلگاك
ويموتن بنــــــــاتك
محد غيري يحمل حالك خويه يكتـــل
من راسك الجدمك دمك يسيل
تريد تكوم ليه منيلك حيــــــــل
ــــــــــــــــــــ
طايح واعله جرة النفس مابيــــــك
خويه اختك تعذرك
ادري اصياحي زاد اجروحك اعليك
وهدّك سلب خدرك
الخيل بگومتك خافن ترد ليـــــــك
وماتكتفي بصدرك
ماتكدر تحاجيني امن احاجيـــــك
حافر فوك نحـــرك
اسكن يابعد عون خل عنك يوخرون
جا شلتك لجن تنلجم بالشيل
تريد تكوم ليه منيلك حيــــل
ــــــــــــــــــــ
علي محسن الزيادي
#محرم_الحرام
هاي السنة انحج يا ابو الاكبر وياك .. وهنانه اثوّب
ما عدنه كعبة بطفك اعليها نطوف .. بس عدنه زينب
————
ما رحنه هاي السنة لمكة نحجها
الحجة الصدك من كربلاء نرجها
تتكشخ الناس بحلي بس يحسين
ربعك دمه و موش الذهب زبرجها
ونگلبه صافي الحومة باچر مجها
حج الحرب عدنه يعادل حجّين
قد دخلنا الحومة دين .. بسلامٍ آمنين
احنه سدك ياحسين .. وما يعبر عليك الهوة
طلع عابس للصراع .. من ثنيات الوداع
ما تشيل الغِيرة گاع .. عرّگنه صحرة نينوة
الوادم مشت للكعبه حجّت يحسين .. بس حجنه اهيب
ماعدنه كعبة بطفك عليها نطوف بس عدنه زينب
——————-
ما نحرم اعله الحج غداً نتحزم
باچر يحّلي الحجة مالتنه الدم
مامش حجر اسود لچن عدك جون
إلدنيا تمطر هيل من بي نشتم
باچر مواقفنه تحجّي الابكم
والاعمه لو مر بينه ترجعله اعيون
انت مصحف باكملة .. واحنه سورة زلزلة
وهاي بقعة كربلة .. تغبطها مكة اعله الشرف
احنه حجاج الذبح .. مو جبل نصعد رمح
رگب نگطع للملح .. ومامش جفن بالعركة رف
الوقت المناسب للطواف انت احسين .. يلكلك انسب
ماعدنه كعبة بطفك اعليها نطوف .. بس عدنه زينب
_____
امن اشتد وطيس المعركة وصار زماط
طفنة اعله خيمة زينبك سبع اشواط
الاحوط وجوباً عابس ايشگ الثوب
من شاف ثوب الغيرة رايدله اخياط
من گصة الطف ظل يبيّن نگاط
وظلت تطيح ارگاب ووياها ذنوب
جان تلنه الزينبي .. عَرَفة بلايه نبي
الاعجمي اويه العَرَبي .. من كل صنف جينه نحج
جابه حبك مو ذهب.. طفك مسنِع وهب
من صدگ يا للعجب .. دمه ويه دمك ينمزج
سبعة العجائب وانت عدك سبعين .. كل واحد اعجب
ماعدنه كعبة بطفك اعليها نطوف .. بس عدنه زينب
————
تبات بمنى الحجاج واحنه نساهر
اضحيتنه نگطع روس يوم العاشر
و مو بالحصى بسهام رميي الجمرات
وشيطان آمية نرجمه بالدم باچر
والحج فلا مقبول للما ناحر
كبشين منهم فديه عن الخيمات
بكربلا ماكو منى … بس خيمنه الآمنة
وهيه اعز من الضنه .. مثل النِفس عدنه الخيم
اسهام نرمي و مو جمر .. على الشيطان الشمر
بحجنه ما ردنه اجر … هنياله اليكتله السهم
المروة وصفا امن العلگمي و للخيمة .. و الراية مذهب
ما عدنه كعبة بطفك اعليها نطوف .. بس عدنه زينب
———————
مسجد حرام اخيامك وما تزغر
بالطف محمد ماكو عدنه الاكبر
وما عدنه زمزم عدنه بس العباس
ومامش بلال بطفنه نافع كبّر
الركن اليماني الخندق الما يُعبَر
من حجنه هذا امنين يلگون الناس
ومفتي انصارك حبيب .. گال موتوا اعله الغريب
يفتهم حبنه اللبيب .. هذا العشگ فوگ العقل
قاري قرآنك برير .. والدعاء يقراه زهير
حجة الطف كلها خير .. بالموقف الحب ينصقل
اليدرس عشگنه بساع يوگف عقلة .. وعيونه تتعب
ماعدنه كعبة بطفك اعليها نطوف .. بس عدنه زينب
—————-
أنصارك وعد عينك احنه الغالي
اللهم صلي احسين وجهه يلالي
يشيلون روس اصحابك بروس ارماح
و مو عالرمح عالناس راسك عالي
وبس انت خير من الله والطف خالي
خل تتعب السبعين كونك مرتاح
الناس وين واحنه وين .. احنه خدّام الحُسين
للبشر ما ننطي عين .. بس ننطي دم بالخاتمه
الحجة تمّت والسلام .. والذبح مسك الختام
دخيل كعبات الخيام .. زينب سكينه وفاطمه
حجتنه خلصت صرنه حجّاج حسين .. والطف تذّهب
ما عدنه كعبة بطفك اعليها نطوف .. بس عدنه زينب
——————-
علي هادي الخزعلي
#محرم_الحرام
نهر عطشان .. دخل كوفان … وولا ذرة هله
سفير النور .. اسد مغدور.. وبدت بي كربله
———————
اجه امن اقصى المدينة .. رجُل محد قرينة
حمل بوسة بجبينة .. من الحسين
رسالة بأيدة شايل .. اگلبت وجه القبايل
عرف ذيچ الرسايل .. تحچي وجهين
من كتبوا بذيچ الكتب .. ( أن اقدم ) المعروفة
والكاتب بقلمة الحچي .. ما راوه وجهه الكوفة
قصر الامارة امن الچذب .. مبنية ذيچ اسگوفة
وحگ عباس .. حياية الناس .. وجلدها اتبدله
بهذيچ الدووور .. اسد مغدور .. وبدت بي كربله
————————
أُناس الكوفة مسلم .. صعب يمها التأقلم
بستر ثوب التأسلم .. غشّوا الناس
بشر تلگاه مسالم .. يبيعك وانت نايم
واذا شاف الدراهم .. يفقد احساس
يا صدگ الاحسين البشر .. محّد يحب الصادگ
لذيچ الرؤوس الچذبت .. غير الگطع ما لايگ
بالكوفة ما تعرف تره .. المبيوگ من البايگ
يمسلم رووس .. ضعيفه نفوس .. تحب المقصلة
الصدگ مهجور .. اسد مغدور .. وبدت بي كربلة
___
اكو بيهم صحبته .. يمسلم حد ركبته
حسب جيبه ورغبته .. يمشي وياك
التسوي وياه علاقة .. حذِر كُن من نفاقة
صدق ماكو وصداقة .. صدّگ هناك
جرّب صديقك لو طحت .. ايده يمدها يضمها ؟
ولو ما يمد ايده الك .. من الاخير اخصمها
بس هاني والمختار الك .. والباقي لا تهضمها
تره الصحبان .. تحسها اخوان .. الك بالمشكلة
يما مگدور .. أسد مغدور .. وبدت بي كربلةلچذب .. مبنية الاحسين وچبيرك .. و ابو فاضل نظيرك
القصر صاير اسيرك .. يبن الاكبار
جبل محد يلوحه .. و اسد هَيبة بجروحه
الاسد ما ينطي روحه .. بيد الازغار
يبن اللثام الحيدري .. يالمنفرد من نوعه
يگول المثل اشجع بشر .. ينغلب بالمجموعه
بس انت تشربهم شَرُب .. لو هلهلتلك طوعه
بلا ترقيم .. يبو ابراهيم .. عبرت المرحلة
صگر مشمور .. اسد مغدور .. وبدت بي كربلة
———————-
وضعهم ما يطمنك .. المثل بدلته اظنك
اليعرفك ما يثمنك .. حذفو الما
ابن مرجانه احذره .. بذر انت اعله قصره
ويخضر من يشمره .. وتطلع الـ (لا)
يالشمرتك شمرة عطر .. والما يعرفه يشمره
هذا القصر كلش رخي .. وقمة ثباتك حُرّه
هم بتصحّرهم اجو … بس انت روحك خضره
چنت قران .. طليق السان .. واديك امكبّلة
بطل عاشور .. اسد مغدور .. وبدت بي كربلة
————————-
اليچتفك چفة يرجف .. اليذبحك هو ينزف
شموخك هذا يتحف .. كل الالباب
يعرّاب السفارة .. صرت گبة و منارة
وذهب قصر الامارة .. تحول اتراب
الدم النزف من رگبتك .. خضّر ذهب عالگبة
وزوّارك تسد الصحن .. چي ما بقتلك صحبة
يالطيّحت ذاك القصر .. مو منجنيق برگبة
اليضيعك راد ..گلبته ارماد .. و لصف گبرك حلة
الإمامة تزور .. أسد مغدور .. وبدت بي كربلة
————————
علي هادي الخزعلي
شسولفلج ييمه وشحجي يا آه
انه ذاك الطحت محد بكه وياه
جروحي صارن هوايه
طحت بطيحة الرايه
.****
اجيت ومستند ظهري
ما اهم لغدر دهري
وال بظهره جبل ما يخشى كل ريح
ابو فاظل كمر ليلي
ييمه بيه اشد حيلي
وابو فاضل بصفي والله مـــا اطيح
اخوي وتچوتي وحزام دنياي
مـا اهم للعده من هو وياي
حامل رايتي وبالحرب يمناي
علّي ظلمه ييمه خلافه دنياي
من يروح والله عسكري يروح
ييمه وابقه جثه وراحت الروح
عضيدي والي التجايه
طحت بطيحة الرايه
**
لو طب يحكم بكيفه
الحرب كلها بطرف سيفه
مثل حيدر علي ما هاب الارتال
مكبل محد يكــــــــدره
اخذهم عسكرهم بصدره
ومن يفزع فلا يدناله خيّال
لو صال العساكر تشعر بخوف
يزهره لوحده يزلزلها الطفوف
ما همه الرماح وضرب السيوف
ليث وبالحرب عباس معروف
لو ما هالغدر يفنيها عباس
سهم بعينه يمه وطبره بالراس
والهم بالغدر غايه
طحت بطيحة الرايه
***
گصد وبيمنته الجربه
الكمر ما يعرف الصعبه
كاصد للشريعه ورايد الماي
وصل بس ما شرب مايه
اخيي بالوفـــــــــــــه ايه
يبست كالحجر شفة السقاي
وصل حد الشريعه يروّي العيال
وصل لكن وصل يا ييمه ياحال
ضامي ولجبدته العطش جتال
ما ضاك العذب رواي الاطفــال
العنده هيج اخو كل عمره مامون
مـــا يهتم لون الاف يكصون
فكدت الما شرب مايه
طحت بطيحة الرايه
*.****
اخوي وريته بصفي
من اوكع ليه امد جفي
المايمه عضيده يموت ملجوم
يقرالي ويجبلني
وبراسي يقبلني
واخلافه السيوف لمنحري تحوم
طحت يمُه وحيد وماكو عباس
خلافه استوحدتني جيوش الارجاس
راح الجان جيشي ورفعة الراس
طاح وبكه خدري بلايه حراس
طحت واسمع شماته يمي يحجون
اخوه مذبوح منه لاتهابون
موتي ولاهالحجايه
طحت بطيحة الرايه
*.****
ييمه الراح من عندي
وحك محسن فطر جبدي
كِسر ظهري وسلب من عندي الحيل
عليه تحاوطت كلها
فكد عباس چملهـــا
طاح وعكبه داست صدري الخيل
عزيزج انه يمه وكرة العين
طحت عكب الكمر بين الميادين
لويمي الكمر ما يوصل البين
وما واحد وصل يم راس الحسين
بعد شحجي وشسولف والكمر طاح
راح وطحت بين سيوف ورمـــــاح
وبعد من يبقه ويايه
طحت بطيحة الرايه
.**
نسألكم الدعاء والتوفيق
لخادم ال محمد(ع)........
..الشاعر حيدر كاظم الساري
(( #تلميذ_الفقار)) #محرم_1447
…………………………………………………………
قائد من صنع الكرار
مسلم تلميذ الفقار
عنده الغيره احساس .. رابي اوي العباس
تلميذ الفقار
……………………………………………………………
عن مسلم تاريخ ايسولف . وما واصل بعده العشرين
من عمه الكرار اتعيّن . قائد في عركة صفين
الكرار ميجامل ابد . شاف ابو طاهر كدها
فلاح لازم منجله . و روس الزلم حاصدها
احتاروا و منا گنطره . وعباس واگف سَدها
والخيل مسلم بالعكس . فوگ الزلم صعدها
ناداه من ابعيد حسين
يبن العم عاشت ليدين
اتحسدك خاف الناس .. رابي اويه العباس
تلميذ الفقار
……………………………………………………………
وابن العم الحسن استاذه . سوّاه شيخ وعالي الشان
لو سولف تتحله الگهوه . وايصيح الله الفنجان
امن حسين ماخذ هيبته . خضره وتشع چفيته
شمسين طلعن بالسلف . من يكشخ ابخاچيته
بالعِلم مرجع مجتهد . تكصد الناس البيته
يسألونه ويجاوب گبل . مثل البحر عِلميته
اتخرّج من بيت القرآن
يتصبب منه الايمان
قدسيه الانفاس . رابي اويه العباس
تلميذ الفقار
……………………………………………………………
حسين ايخاطب اهل الكوفه . هذا سفير الكم وديت
هذا أخوي وشايل دمي . مسلم ثقتي امن اهل البيت
مثل الملك طبها و خطب . والكوفه صارت صفره
والطير يمه اتجمعت . محد بقه اعل الشجره
شيّاب تنشد بالوِلِد . هالصوت زين انذكره
خافنه للمنبر رجع . حيدر طلع من گبره
صح انتم ما مشتبهين
هذا اليحجي استاذه حسين
من هاشم نبراس .. رابي اويه العباس
تلميذ الفقار
……………………………………………………………
خانوه الماعدهم نخوه . محد دلّاه دربك هاذ
ولهتزت من مسلم شعره . يمكن گلبه امن الفولاذ
بالفزعه مو دوم الزلم . اتصير احسن امن النسوه
طوعه الاميره الطاهره . مليون شارب تسوه
طاحت عگلهم بالوحل . و شيلتها بيرغ نخوه
طب يمه ياريحة علي . الطولك اروحن فدوه
بيتك وانا البي خطار
آخذ مـن وجهك أنوار
عطرك بالانفاس .. رابي اوي العباس
تلميذ الفقار
……………………………………………………………
اعليه هدّت جند و خياله . معضد عالبيت امحوطين
خافت طوعه و هو يگلها . مسلم انا و لتخافين
كل خمسه يذبحهم سوه . الواحد يهمله ايعوفه
شي شردت و شي سلّمت . وشي ماتت امن الخوفه
ودوا ال عبيدالله خبر . خليه يكثر اسيوفه
لو يبقه فد ساعه بعد . مسلم يخلص الكوفه
عدهم اصبح جمله الموت
فارغ ماكو ولا تابوت
وهو امعلي الراس .. رابي اوي العباس
تلميذ الفقار
……………………………………………………………
ذبّوه من فوگ اعل الغبره . بس صار الـ مسلم تكريم
قصر الظالم اصبح حفره . وگبة مسلم علو الغيم
الـ بالامس خلوه وحده . ومحد دعاه الداره
واليوم كوفان اصبحت . مزدحمه من زواره
الـ بالحبل جرّوه أبامس . و بالدرب دمه أتجاره
بأسمه المدينه اتحولت . وهاي البشر خطاره
باب الواسع للحاجات
و يحل الشده ابلحظات
يا راعي النوماس .. رابي اوي العباس
تلميذ الفقار
……………………………………………………………
✍️ ( سيد خضر الزاملي )
علي يبني علي يبني
علي راح أو اخذ صبري .. وهدم حيلي
يبني گوم اغفه اعله صدري .. وحشه ليلي
روحتك كسرتلي ظهري .. ياخليلي
العمر بيه اهتز يبويه أعثر امن الخيمه أجيت
نجمه طاحت من سمانه هذا لو أنته الهويت
علي بويه نهدم حيلي وغير جرحي مالگيت
حزني بيني بيش استره يم اليذبحك بچيت
انهظ يبويه ورجع عليه
للحومه رايح من بين اديه
للخيمه نرجع يبني سويه .. علي
ضهري كسرته ودمعاتي تجري
أنته عفتني وعايفني صبري
بعدك اسلم للغربه نحري. ... علي
جرحك عني غطيه
مابي حيل اصد ليه
علي يبني علي يبني
**
ضماك إلي يفت چبدك .. وجرحي جرحين
[على الدنيا العفا بعدك ] .. ياضوه العين
أمن الذبح بويه شيردك .. للصواوين
انتچي اعلى اركان صبري أو امشي خطواتي بألم
مختنگ ويدي اعلى ضهري رجعتك صارت عدم
راح إلاكبر من اديه شلون ارد بيه للخيم
اسنديني يختي زينب وضجت بونها الحرم
بالخميه عمتك زينب غريبه
رايح يغالي وعشت المصيبه
عايفني وحدي يبني عجيبه ... علي
اوكف وطيح وأمسح دمعتي
بعيوني يبني تبين غربتي
خليني اشمك بويه بحسرتي .. علي
أحسب والدك ضاع
بين سيوف ووداع
علي يبني علي يبني
**
ياخذك مهرك يالأكبر .. مايرجعك
نار مستعره اعله صدرك .. يبني اودعك
للذبح مقسوم نحرك .. واني اتبعك
ضوه مطشر يبني اشوفك جرحك يلچمه الثره
التعب والعطش ماخذ حيلك ودمعي جره
بروحتك روحي خذتها والگلب شيصبره
الموت ياخذ أهل بيتي گبال عيني بالسره
ياعيني سيلي بدمعة حسافه
الأكبر اعوفه بعمر الترافه
شفت المنيه بهاي المسافه .. علي
من خيمة أمك جيتك يغالي
اصفك بديه بويه شبقالي
عالخد دمعتي نزلت تلالي .. علي
بدمك ترتوي الگاع
من تروح شبساع
علي يبني علي يبني
**
[مدداه مابين إخوته] .. وسال دمعه
الهواشم كلها موته .. محني ضلعه
واضحه الفرگه اعله صوته .. حسين ينعه
بصدري چم حسره اعله الأكبر والدمع ماينحبس
يبني شوف شسوه فگدك گوه اجرن بالنفس
تعبوك أو تعبوني بخيلهم شابع رفس
خدي خليه اعله خدك باچر تلمحه الشمس
رايدله حيل افراگك يالأكبر
كل لحضه موتي يتقرب أكثر
راسك أشوفه يبني تطبر .. علي
عشت الهظيمه وتعرف غلاتك
بالخيمه گعدن يبجن خواتك
رايح علي وين الگه بصفاتك .. علي
فگدك رايد عيون
وإني لذبحي يردون
علي يبني علي يبني
**
وحدي عفتوني بغربتي .. وماكو ناصر
ياهو يفزعلي لنصرتي .. گلبي حاير
يغفه السيف برگبتي .. بويه باچر
لوصحت هل من مُناصر ياهو عد عينك يگول
تفزع سيوف وسنابك خيل البصدري تجول
ياعلي اوداعة الله القسمه صارت للخيول
نلتقي روس برماح شموس متعلگه بنصول
راسي اويه راسك فوق الرمح
روحي اويه روحه تلاگن جرح
بدور الهواشم كلهم ذبح .. علي
زينب غريبه تروح بيسر
تدخل أميره بذاك القصر
مربيها حيدر ام الخدر ... علي
موتك يكسر ضهور
حگي أمن ابچي معذور
علي يبني علي يبني
**
علي محسن الفرطوسي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
حياطين أربعه وباب-هذا البقالي
ياهو اليترس العين-بعد الغوالي
أحبابي الجفوني
شو جنهم نسوني--يدنيه
@@@@@@@@@@@@@@@@
يا دنيه والله الغربه مره-الفارك هله شله بحياته"
الما عنده أبو بالروح شله-الفارك هله تموت أمنياته"
تذبني الليالي ليله اعله ليله
جنت أوياكم أهون صرت كلش عليله
الهجر للحيله مهدوم يكطع دليله
تمر أعليه الايام-طعنة خناجر
طحني أفراككم حيل-طحن الحوافر
أهلي الفاركوني
شو جنهم نسوني--يدنيه
@@@@@@@@@@@@@@@@
أكعد أبنص البيت وبجي-وبهدوم ابوي حسين أشمن"
أغفه وعطرهن بيه يغفه-ياروحي المن ضاله ألمن"
دموعي أتبلل الكاع ودنك هضيمه
وكولن ما يردون وسفه وحريمه
رقيه أبيا ذره تبات أضن ماعدهه خيمه
وحشه وصفنت الدار-تهيج جروحي"
وكض كلبي وون حيل-وحجي اويه روحي"
وتدمع عيوني
شو جنهم نسوني--يدنيه
@@@@@@@@@@@@@@@@
ومره المهد عبد الله أهزه-وتخيل إيناغيلي صوته"
وسط المهد محلول الكماط-مثل السهم يرسملي موته"
دللول يخويه الزغيرون دللول
عدوك ي يريته عليل وساكن الجول
يمدلول الحسين يذبحوك يمدلول
كلبي يكلي عطشان-والنبله نصيبك"
أبنحرك بيد الحسين-ذباحك يصيبك"
أبذبحك يذبحوني
شو جنهم نسوني--يدنيه
@@@@@@@@@@@@@@@@
مزروعه يم الباب ورده-لكنهه ذبلت من جفاكم"
لا طارش اليلفيني منكم-ولا بيه حيل إطلع وراكم"
كتلني أنتضاري وخبركم تأخر
وعدتوني فتره ويجي ياخذني الاكبر
ونه كلبي يكلي علي جسمه توذر
يشوف الاكبر حسين-أهناك الله يعينه"
أوصاله تترس الكاع-ويشاهده أبعينه"
أهواي إيعذبوني
شو جنهم نسوني--يدنيه
@@@@@@@@@@@@@@@@
مشتاكه للعباس عمي-بعباس الله يعضم إجرك
إيطيح وعليه أتطيح كلك-تنكسر مو ينكسر ضهرك
عثرت أبيساره ومشيت وعثرت بيمنته
أوصلت يمه ولكيته السهم شارب جربته
وكعت اعله جثته وبجيت وشبكته
حكك تبجي وتصيح-لا محد يلومك"
الصوب عين عباس-سلبهن أهدومك"
وتصيح السلبوني
شو جنهم نسوني--يدنيه
@@@@@@@@@@@@@@@@
أيس يكلبي ما يردون-هالضل أبوي حسين وحده"
إينام المثلث بين الضلوع-أتسحكه الحوافر روحه رده"
الحجر جن أشوفه أبجبهتك يضربك
يكص خنصر إيدك اللئيم اليسلبك
خيول أعوجيه تدوس أعله كلبك
أتعور عثرة الخيل-سحكه اعله سحكه"
الحافر جنه مشتاك-صدرك يشبكه"
الراحو ما يجوني
شو جنهم نسوني--يدنيه
@@@@@@@@@@@@@@@@
حسين باهض الحلفي
يحسين اعزازك
ماظل واحد ماراح
بگد مامتخوصر
ماظلت بيك اصفاح
كلساع بمصرح طايح
شلون وعباسك رايح
ــــــــــــــــــــ
شلون دنيه
العزيز اتذله واتعز الذليــــــل
شلون دنيه
خلت اللي يعدل المايل يميل
اهل الرحمه اشسوت بيــــــهم…اشتطلبهم دين
تكضي امصيبه وتبدي امصيبه… وماتنشف عين
فردتهم ماجمعت ليــــــــــــــــله… بالفرحه اثنين
جم احزام البي متحزمـــــــــــه… بطفك يحسين
كسرت جنحانك
ماخلت ليك اصحــــاب
يمك عباســــــك
وكل شعر الحيتك شاب
بعيونك حزنك لايــح
شلون وعباسك رايح
ــــــــــــــــــــ
ياغربتك
حتى جتالك جرت عينه عليك
ياغربتك
جم عزيز اتگطع وشالنه اديك
ندري اليفكد صاحب واحـــد… يكضيها اونين
شتون الله يساعد گلبـــــــــك… فاكد سبعين
ومايشبه واحدهم واحــــــــد… اخلاق ودين
من عشر اسنين يصيحــــولك… فدوه التسعين
بكل مصرع توگف
من حيلك نص يروح
من وصلت لبنك
طلعت جم مره الروح
مامثلك بالطف نايـح
شلون وعباسك رايح
ــــــــــــــــــــ
ابلايه نگبه
الفاكد اعزازه يبيّـــــــن من بعيد
ابلايه نگبه
من مشيته الوادم اتعرفه الوحيد
يم زينب شيفيد الثامك… حزنك مفضوح
دم هذا البيدك والحيتك… من يامذبــــوح
مثلك هم تعبانه اعيونك… ذبلها النــــــوح
لاتعدل ظهرك واحزامك… هالراح يــــروح
تتشمت كلــها
منتظره تشوف الناس
شيصير بحالك
من يروح العبــــــاس
دمعك ماينضم فاضح
شلون وعباسك رايح
ــــــــــــــــــــ
بيدك امسح
ثگلت وماتحمل اردانك دمع
بيدك امسح
گلب زينب صبّره لا ينصدع
مامتعوده اتشوفك وحــدك… عباس اوياك
من شبگتكم عرفت خصمك… كسرو مگفاك
كلمة خويــــه اتفرحه الفاكد… بس من ناداك
وينك خويه حسين ادركنــي… اعضيدك بجاك
ايوصلك لعضيدك
ظليت اتدور حيــــــــــل
واجدامــــك ثگلن
من شفته اتدوسه الخيل
تسمع بالخيمه الصايح
شلون وعباسك رايــح
ــــــــــــــــــــ
شلون حيره
تموت يمه لو ترد من دون اخوك
شلون حيره
مثل يوم الدار من احتــــار ابوك
جسمه امكطع ردت اتشيله… بس ماينشال
لو شلته ورديت اتشــــوفه… اتموت الاطفال
وزينب شتگلها امن اتنشدك… عن هذا الحال
ولو گالتلك مات الكافــــــــل… وعن اخته اشگال
بيش اتجاوبــها
وانت بكل خطوه تموت
وصيحاتك يَمه
ماخلت عنـــــدك صوت
ذبحك من حالك واضح
شلون وعباسك رايـــح
ــــــــــــــــــــ
علي محسن الزيادي
سولفلي ياليــــلي
شخبار اهل حيلي
وياك اظل امســــاهره الوجه الصبح
بس لا تگلي امن اهلي واحد منجرح
ــــــــــــــــــــ
تشوف كلشي وكلشي تسمع
والغريب انت رفيجـــــه
واليفـــــــارك يعتنيــــــــلك
وتظل بس انت صديجه
وانا لا مالت امتــــانه ولا سفر
السافرو خلوني عيـــن ابلا نظر
مالي غير الله والي خلاك انيس
فاكده واسهـــام بعيوني الصور
ساكت لجن تسمع
واتعرفه الملــــوّع
ماطبكه جفني واترس عيونــي ملح
بس لا تكلي امن اهلي واحد منجرح
ــــــــــــــــــــ
ناس تعتب وناس تشكي
واشكثر ســــامع مواجع
بس انشدك طول عمرك
مثلي شايف حلم ضايع
مختلين اوياك اصحـــاب الغصص
وادري ياليل اشكثر سامع قصص
بطفل ســــامع اهله عدلين ويتيم
وهم شفت مثلي عليل بنسمه غص
گلي اذا شــــايف
مثلي بشر خايف
اعله اهله ويسألك لو يلح گد ما الح
بس لاتگلي امن اهلي واحد منجرح
ــــــــــــــــــــ
اشكي ل الله وعلى اجناحك
بدمعي لهلي ابعث رسايل
بلكي وحده اتطيـــح منهن
بجف الاكبر لو ابو فاضل
واعداني حسين اذا وصلو بأمان
واحد يردلي واناطــــر من زمان
گله ماحان الوعـد لو شفت ابوي
والعليله امتانيــه بنفس المجان
گله الحياه مُـــره
بس هيه منتظره
گلّي المتانه يخلي جرحــج منفتــح
بس لاتگلي امن اهلي واحد منجرح
ــــــــــــــــــــ
ماشفتــــهم وين هســــه
خوفي شل حالي عليهم
الفرگه تلجم الشوك يلجم
وصّل احجاياتي ليهم
سالفه اتهوّد جروحـــــــــه الينتظر
واي خبر من غايبه ايسنده بصبـــر
انا روحي اتردلي لو شم عطر ابوي
لو نبي يعكوب رد شوفــــــه بعطر
عندك خبر عنهم
ناسيني ماظنهم
گلي اليتاني ادموعه مابيــــهن ربح
بس لاتگلي امن اهلي واحد منجرح
ــــــــــــــــــــ
حسين عني ماحچــــــالك
بعده لو ظل وحده يبجي
والمگمّـــــط شلونـــه گلي
ماگعد ماگــــــــام يحجي
وعمتي ماعافهه شويـــــه الحزن
وعن رقيه احجيلي تغفه بيا متن
ياهو اكثر واحد امن اهلي حزين
قصدي عدمن ينطبــگ اخر جفن
سولفلي عن امي
وعالاكبــر وعمي
ارضه افني عمري امتانيه وتالي انذبح
بس لا تگلي امن اهلي واحد منجـــرح
ــــــــــــــــــــ
علي محسن الزيادي
حياطين أربعه وباب-هذا البقالي
ياهو اليترس العين-بعد الغوالي
أحبابي الجفوني
شو جنهم نسوني--يدنيه
@@@@@@@@@@@@@@@@
يا دنيه والله الغربه مره-الفارك هله شله بحياته"
الما عنده أبو بالروح شله-الفارك هله تموت أمنياته"
تذبني الليالي ليله اعله ليله
جنت أوياكم أهون صرت كلش عليله
الهجر للحيله مهدوم يكطع دليله
تمر أعليه الايام-طعنة خناجر
طحني أفراككم حيل-طحن الحوافر
أهلي الفاركوني
شو جنهم نسوني--يدنيه
@@@@@@@@@@@@@@@@
أكعد أبنص البيت وبجي-وبهدوم ابوي حسين أشمن"
أغفه وعطرهن بيه يغفه-ياروحي المن ضاله ألمن"
دموعي أتبلل الكاع ودنك هضيمه
وكولن ما يردون وسفه وحريمه
رقيه أبيا ذره تبات أضن ماعدهه خيمه
وحشه وصفنت الدار-تهيج جروحي"
وكض كلبي وون حيل-وحجي اويه روحي"
وتدمع عيوني
شو جنهم نسوني--يدنيه
@@@@@@@@@@@@@@@@
ومره المهد عبد الله أهزه-وتخيل إيناغيلي صوته"
وسط المهد محلول الكماط-مثل السهم يرسملي موته"
دللول يخويه الزغيرون دللول
عدوك ي يريته عليل وساكن الجول
يمدلول الحسين يذبحوك يمدلول
كلبي يكلي عطشان-والنبله نصيبك"
أبنحرك بيد الحسين-ذباحك يصيبك"
أبذبحك يذبحوني
شو جنهم نسوني--يدنيه
@@@@@@@@@@@@@@@@
مزروعه يم الباب ورده-لكنهه ذبلت من جفاكم"
لا طارش اليلفيني منكم-ولا بيه حيل إطلع وراكم"
كتلني أنتضاري وخبركم تأخر
وعدتوني فتره ويجي ياخذني الاكبر
ونه كلبي يكلي علي جسمه توذر
يشوف الاكبر حسين-أهناك الله يعينه"
أوصاله تترس الكاع-ويشاهده أبعينه"
أهواي إيعذبوني
شو جنهم نسوني--يدنيه
@@@@@@@@@@@@@@@@
مشتاكه للعباس عمي-بعباس الله يعضم إجرك
إيطيح وعليه أتطيح كلك-تنكسر مو ينكسر ضهرك
عثرت أبيساره ومشيت وعثرت بيمنته
أوصلت يمه ولكيته السهم شارب جربته
وكعت اعله جثته وبجيت وشبكته
حكك تبجي وتصيح-لا محد يلومك"
الصوب عين عباس-سلبهن أهدومك"
وتصيح السلبوني
شو جنهم نسوني--يدنيه
@@@@@@@@@@@@@@@@
أيس يكلبي ما يردون-هالضل أبوي حسين وحده"
إينام المثلث بين الضلوع-أتسحكه الحوافر روحه رده"
الحجر جن أشوفه أبجبهتك يضربك
يكص خنصر إيدك اللئيم اليسلبك
خيول أعوجيه تدوس أعله كلبك
أتعور عثرة الخيل-سحكه اعله سحكه"
الحافر جنه مشتاك-صدرك يشبكه"
الراحو ما يجوني
شو جنهم نسوني--يدنيه
@@@@@@@@@@@@@@@@
حسين باهض الحلفي
تسولف بيج الكوفه // ضيفتي الوفاي
الجنه انكتبت بسمج // طوعه بطاست ماي
سمعه وجاه وصيت ** صرتي من اهل البيت
///////////////////////////////
ثبتت مقاييس الكرم _ وبلسانج اتلوك الهله
عزوبيتج مفشله العطش _ خطار اجتج كربله
بابج كبل جدمج ركض _ لمسلم طلع يستقبله
يل رابيه بديرة علي _ هنيالج ابهل منزله
براسج عفت زينب // وصلتنا الاخبار
يل علمتي الكوفه // عزوبيت الخطار
وعل صيت اندليت ** صرتي من اهل البيت
///////////////////////////////
وضحت قداست منزلج _ واتشرف الطول العمر
مسلم دخله وشرفه _ وصار اعله حتى من القصر
زورتي بيتج رايته _ وي غيرته يفوح العطر
والكوفه لو ما موقفج _ ما الهه موقف ينذكر
صليتي اعله الرايه // وبدمعج تدعين
ربي بيض وجهي // وي خطار حسين
يم بابج صليت ** صرتي من اهل البيت
///////////////////////////////
ويامن احسبج لو ردت _ ياطوعه عجبتي العجب
يم موقفج طاحت زلم _ وعد مسلم شكبره نحسب
بالكوفه صرتي انتي مثل _ وبكربله عدنه ام وهب
ياحظره كشخت بالهله _ ويم بايج يطيح التعب
عوزج تل وخيمه // وعلويه تصيرين
طوعه وهاي الغيره // حصلتيها منين
اكبال اسمج خليت ** صرتي من اهل البيت
///////////////////////////////
مسلم يقدر وكفتج _ مختلفه عن باقي البشر
قدمتي شربت ماي اله _ وباجر يعوضهه بنهر
فانوسج يوزع ضوه _ لو بالسمه يغيب الكمر
حنيتي بابج بالدمع _ مسلم اجاج اكبر فخر
الشارب ماي من ايدج // باجر ما ينساج
من ابعيد اتشوفينه // يركض يتلكاج
تكولين شسويت ** صرتي من اهل البيت
///////////////////////////////
وصاج بيمن من طلع _ وعيونج اعليه دمعن
ابالج رسم صورة حزن _ لبنته حميده وي الظعن
طوعه ابدالي لو اجت _ اشبكيهه الي من تلتقن
جيبيهه بيدج للكبر _ وكليلهه اهنانه اندفن
رايح هيه تعرفج // من بين النسوان
تكلج انتي الحرمه // الضيفتي العطشان
بوكفاتج حسيت ** صرتي من اهل البيت
///////////////////////////////
تمت ____ علاء الزيدي
اخر نفس _ ضميته الك
لاتنحني _ اتوسلك
بجروحي جاي انتظرك // اشبكني وعدل ضهرك
//////////////////////////
جنت اتاني جيه منك _ حتى اموت ابين ادينك
جاي انازع وارد اشمك _ شكد صحتلك خويه وينك
الم عيني تحملته _ ودمع عينك يبجيني
اشوف الحيره بعيونك _ مايطلع سهم عيني
لا تاخذني للخيمه _ اموت اهنانه خليني
بعيني السهم _ لمن وكع
من الكفه _ مكابل طلع
ياسهمي عوفه محيرك // اشبكني واعدل ضهرك
//////////////////////////
فوك جسمي تطوف اشوفك _ وترجع اعليه تباوع
وين جفك من كلتلي _ بحسره كتلك خويه ضايع
صحتلك باخر انفاسي _ اريد اخر نفس منك
يتعبنك تره اجفوفي _ لتدور يتعبنك
يخويه بروحي مافكر _ افكر باليسحكنك
عكبي الك _ ماظل عرف
الحافر خشن _ وضلعك ترف
امن تطيح يندل صدرك // اشبكني واعدل ضهرك
//////////////////////////
جاي انته ومن كمتلك _ بل رمح واحد دفعني
صاح ربعه وسلبوني _ من صحت خويه سمعني
صاحو كبل لا يوصل _ اخيه ويلحك انفاسه
اجه مفرع بلا اعمامه _ المايرضه اعله عباسه
تعالو انذبحه خلونه _ ونشيل اعله الرمح راسه
كسرت ضهر _ بأذني اسمعت
بنص الدرب _ شفتك طحت
متعوب لازم خصرك // اشبكني واعدل ضهرك
////////////////////////
حسين غمض عيني بيدك _ خل اودعك من رخصتك
والله لو ما اسهام صدري _ جا كمت هسه وشبكتك
يبو اليمه علي اشهد _ الشاطي ما ظكت مايه
رغم ما شلته بجفوفي _ ولكيته بارد اهوايه
شمرته من تذكرتك _ وكتله بهاي الحجايه
كلبي بعطش _ خل ينجوي
وبشوفتك _ انه ارتوي
حسين البقاء بعمرك // اشبكني واعدل ضهرك
////////////////////////
خويه ارجع للمخيم _ لا سهم تايه يلوحك
روحي جنهه تريد تطلع _ خاف تطلع كبلي روحك
اخاف اتيه اخيامك _ شيطمني من ترجع
خفت من شدة الصدمه _ روحك بالدرب تطلع
شيصير بااختي سولفلي _ اذا ميت خبر تسمع
شيبك كثر _ جنك متت
روح وبعد _ لا تلتفت
الله يعظم اجرك // اشبكني واعدل ضهرك
////////////////////////
اكبال زينب الردته منك _ دمع عينك خويه امسحه
من تنشدك وين اخيك _ روح للعامود طيحه
عمود الخيمه من يوكع _ عليه الحركه تكتلهه
كلهه مكطعه اجفوفي _ وخل تعذرني كللهه
وازاني سهم عيني _ ما خلاني اروح الهه
حسين العطش _ هد عالخيم
بعيني بعد _ عوف السهم
صبر اخيتي بصبرك // اشبكني واعدل ضهرك
////////////////////////
تمت ____ علاء الزيدي
((راس المخيم))
يرافع رآس المّخَيَم .. يعباس
گلبي بحـبك مّتَيــَم .. يعبـاس
اخوي وما خلف وعــده
الجربه تبوسه من خده
يعباس .. يعباس
""""""""""""""""""""""""""""""""""""""""""""""""'''""""
صعد فوگ المهـر و المهـر گلالــه
اسحگلك مشاة اسحك الخيالـه
وعيونك الجيش نبهـــذل احواله
يريال الحــرب و السيـــف ريالـه
ياهو اليمر من سيفـه .. يعباس
الماي بشورته و كيفه .. يعباس
اليجيلك عقل ما عنــده
الجربه تبوسه من خـده
يعباس .. يعباس
""""""""""""""""""""""""""""""""""""""""""""""""'''""""
النجم شو بالسمه و من بــرز يتدنه
يسولف وي علي طگـ راسه بالجـنه
يبويه الجيــش هــذا تريـــد اوذرنه
بكيفـــك يا علي بــس گول اطمنــه
علي گلاله يوليـــدي .. يعباس
بيد حسين مو بيدي .. يعباس
اعله سيفك كلهه متعوده
الجربه تبوسه من خـــده
يعباس .. يعباس
""""""""""""""""""""""""""""""""""""""""""""""""'''""""
اخوي و ادري بي بالخوه حَقاني
ترسني بخوته و انطيت لخواني
أنه اتلمس بروحي كون حاچاني
يگبعنــي خـــدر عباس غطانــي
خدر من عينه يطلعلي .. يعباس
بخدمتـچ زينب يگلـي .. يعباس
يشيال العلــــم وحـــده
الجربه تبوسه من خده
يعباس .. يعباس
""""""""""""""""""""""""""""""""""""""""""""""""'''""""
(خدر الله) الگمـــر خيمتـــــي مسميها
حتــــى حچايتــــي التطـــلع يغطيهـــا
اباوع مدري شنهــــو الگمـــر جربيهـــا
يجيب الروس زينب يختي اسحگيهـا
روحي عايشه بشمه .. يعباس
اخوي يگـلي يا عمـه .. يعباس
ابچفك جيش و اتبـده
الجربه تبوسه من خده
يعباس .. يعباس
""""""""""""""""""""""""""""""""""""""""""""""""'''""""
يا صدر الخلائــــق يا عمـــد بيتــي
اخــــوي وچافلــــي عباس تربيتــي
يشيلةّ راســـي ها وقماش بوشيتـي
يحيلي و نخوتي وبالگومه عوچيتي
يعگلي بشوفتك طاير .. يعباس
الجيش بطبتك حايــر .. يعباس
يّرخي الجـيش و يشـده
الجــربه تبوسه من خده
يعباس .. يعباس
عبد زينب
محمدالابراهيمي
توني عفت شاب //خده اعله التراب
ترجف رجعت ايدي ** ميت علي وليدي
مثل الكمر غاب____ مثل الكمر غاب
//////////////////////////////
ودعته وراح .. بس مامرتاح .. من ودعته
على شربت ماي .. ظل رايح جاي .. يبست شفته
من اتوادعنه بااخر مره
حدب ظهري بديرت ظهره
شكلتلكم من صاح ادركني
صحت اوليدي انطاكم عمره
راجع منه بلايه اعمامه
جايب بيدي بس الثامه
ميت بس اعيوني مفتشه
رديت اللطم فوك الهامه
وروح امي محتار // لصوب ابني اندار
بحر الشمس عفته ** للخيمه ما جبته
مثل الكمر غاب____ مثل الكمر غاب
//////////////////////////////
سولفت اوياه .. عل يتمناه .. كال ارويني
مرت لحظات .. بحظيني ومات .. كرت عيني
مات بحظني وتعب حالي
وتمددت بصف الغالي
كل ما اطب الخيمة امه
صورت وجهه تتراوالي
فاكد حيلي وشكلي اتغير
مايتعوض والله الاكبر
ما جبته العباس يكلي
كتله اوليدي عفته مطشر
شحجي يعباس // بحافر علي انداس
بيمن اجمعنه ** بجيادي سحكنه
مثل الكمر غاب____ مثل الكمر غاب
//////////////////////////////
شفته من ابعيد .. سلابه اييريد .. يسلب هدمه
ناديت اعليه .. اذبحني وخليه .. شعندك يمه
يكدر بهدومه السالبهن
ما تاناهن ينشف دمهن
هذا الموقف حارك كلبي
ورموش اعيوني مشيبهن
شما اتكربله يبعدونه
برمح بخاصرته يطعنونه
اعرف نيتهم شماتي
كلبي يريدون يشلعونه
صاحو ذبحنا // وظهرك كسرنا
ماوجدت دربي ** وهنا وكف كلبي
مثل الكمر غاب____ مثل الكمر غاب
//////////////////////////////
حجاياتي اثكال .. ششرح ياحال .. جسمه مثلم
بحظني مخليه .. وسلمت اعليه .. بس ماسلم
يا ذباحي ويا مذبوحي
جروحك اصعب مدري اجروحي
ميت شابك ميت طحنه
وكبلك يبني طلعت روحي
مارديت شكد حاجيتك
ايست بهدمي وغطيتك
سولفلي شراح ايرجعني
وامك بالخيمه متانيتك
من ارجع اشلون // وعنك يسالون
ثوبي دمع ناكع ** وبلا علي راجع
مثل الكمر غاب____ مثل الكمر غاب
//////////////////////////////
ياجرح ايطيب .. وخظبت الشيب .. من دم نحره
بسهام وسيف .. خلصت ياحيف .. اجمل عشره
اعثر وامشي يهل اخيامي
جابني الكم كوه اجدامي
خلص حيلي اوشل دمعي
راح الرحمه الله الظامي
العبره اعله ابني شكت صدري
منين ابدي بقصته ما ادري
ليش محدب راجع كلتو
راح الجان الازم ظهري
كون اليأذيه // بيه ولا بيه
يا ناري ماتطفه ** لو ميت بصفه
مثل الكمر غاب____ مثل الكمر غاب
//////////////////////////////
تمت ____ علاء الزيدي
لمولاي العباس عليه السلام
توها ردت روحي .. ماعفتني وانت حيلك رايح
ما متت تانيتك .. نسمة الخوه تگعد الطايح
لراسي ايدك .. صايره انگاب
وانت راسك .. يشبع اتراب~~~
وگفتّهم .. وصيحت للخيمة بالنبرة الثگيلة
حلفتّهم .. بس امهلوني يجيني المِسْتحِيلة
زغرتهم .. من عرفت ابنِفْسي مو صاحب طويلة
سمعتهم .. هسه غير حسين ما عندي وسيلة
امبترات اچفوفي ..اعليك مو بچفوفي أشّر صوتي
ارد اموت ابحظنك .. ياحلات ابين ادينك موتي
من صحتلك .. حرة اصواب
وانت راسك .. يشبع اتراب~~~
يا چبيري .. بين الف نسمة غرب اندل نسمتك
ياهو غيري.. يشم ريحة خوتك بخطفة مهرتك
يا اميري ..خوية عايز جسمي چفين اعله جيْتك
بس مصيري..ازنودي حدهن للردن من ما شبگتك
خوية سد اعيونك..ادري سهمي موبعيني ابعينك
امن الصبح ليهسه.. همه كلساع بأخو امبچينك
ايعينك الله .. ميته الاعصاب
وانت راسك .. يشبع اتراب
~
بيك حسيت..ادري بيك اعله النهر يامن يوصلّك
تمشي رديت.. انت تتقدم لچن روحك تعطلك
خوية لوجيت.. لاتباوع عالسهم من هسه اكلك
لو توازيت .. خاف يوگف گلبك وماموت گبلك
بله امسح راسي.. املوحة الحنية ادري اچفوفك
هامتي وضربتها .. عيني منها گوه جاي اتشوفك
الهامة والشوف .. كلش اصعاب
وانت راسك .. يشبع اتراب~~~
مستعز بيك.. گطعوا الشبگة وادية وحچي الموعد
احب طاريك.. حتى لو ذابل اشوفنك أوّرد
ارد اوصيك.. خوية ظل واگف وابچي وإبعد او رِد
خل احاجيك.. خاف ما ينعدل طولك اذا تگعد
موتي يكتل طولك..الشمس تستغرب گمرها وروحها
زينب اخت اجروحي..الخوة تتخاوه صدگ بجروحها
گلها گصري .. طول الاعتاب
وانت راسك .. يشبع اتراب~~~~
انت حسهن .. چفوفي طبن بالشريعة عذراً اهواي
وحده منهن ..اليمنه شلت الماي بيها امسح الماي
لا تگلهن .. سكنه يحسين ورقية يموتن ا وياي
وضح الهن .. جر عمود الخيمة واصرخ طاح مگفاي
وانت يابس گلبك.. ريحة الماي اعله چفي امبينة
ارسمتك وشّربتك .. خاف ما اوصل واشربك منّة
انه والماي .. لريجك اثواب
وانت راسك .. يشبع اتراب~
يحچي صبرك.. مات ابو الماي العزيز ومات گبلي
طال عمرك .. زينب اتشوف وتصيّح روحي اوصلي
ما تفسرك ..ذاك موش حسين لا يعيوني بطلي
محني ظهرك.. حسين صلينه الظهر المن تصلي
من بعيد اتشوفك..ما يبشّرْ ابخير طولك راجع
شكل ظهرك چنة ..هذا موضع مال واحد راكع
بيك دمعة .. وكسرة اغياب
وانت راسك .. يشبع اتراب
~
علي هادي الخزعلي
#محرم_الحرام
من قوة الله الممكنة .. الى ضعف أمية
قد جاء للكوفة الضوه .. برسالة مسلمية
بهيئة بشر فخامة .. قد جاءت الشهامة
——————-
( إنّ وَعدَ اللهِ حَقٌ ) مسلم الحق و الوعد
مطرت الكوفة مراجل صوت خطواته رعد
چنة قائد دولة عظمى من خطب بيهم صعد
و الرسالة الملفتة .. عصى موسى بيمنتة
الشمس ماي بحرگتة .. سواها
هذا تلميذ السبط .. رايه ع الكل ينشرط
مسلم الحل والربط .. حلاها
چان الحُسين يگله اخي .. مباريته چف معصومة
هو الثقة العمياء اله .. بوقت الثقة المعدومة
من مدرسة امامة .. قد جاءت الشهامة
——————-
مسلم الشخص الرسالي وغيرة مايرهم شخص
وبير معلوماتة طافح لحظة ما مر بالنقص
الكوفة صيدة وهو صار بنص لهات الصيدة شص
نخلة رامتها العرب .. تذب مواقف مو رطب
مشي نار اعله الحطب .. طباهم
يحچي بس محد فهم .. ذهب وبديرة فحم
ع العقول امن اقتحم .. خزّاهم
الكاتب اله اقدم لنا .. قفّل اذانة بصخرة
چان الحچي مثل العسل .. بس المسامع مُرة
وسل سيف الابتسامة .. قد جاءت الشهامة
———————-
العقلة ما مُستخدم اظلم يكره ابنادم فطن
الكوفة ريش غراب عتمة وچان مسلمهم گطن
عدهم الشيعي الحُسيني وهو واگف يندفن
اليوم يوم العالمي .. للشروق المسلمي
وجهه يصرخ هاشمي .. امن العزّة
على الهندس من نوه .. لبّسه اثياب الضوه
صاح يحسين وقوه .. شيهزة ؟
اول شمع يطفي الهوه .. غيّر حدث فزيائي
لو مو گطن ما يحترگ .. إلقوي الكربلائي
لِتَنشُر السلامة .. قد جاءت الشهامة
———————-
الحق مع الباطل تخلطة الكوفة عدهم جائزة
وبين هذا وهذا افصل وگف مسلم فارزة
لؤلؤة بمجتمع مترب دوم تلمع بارزة
حسين من يرسل شخص .. گلبه لازم ممتحص
مية بالمية الحرص .. عالمذهب
ومن يرسلة اعله القصر .. ينتصر أو ينتصر
قسم بآيات العصر .. وبزينب
ما ترتعد فرائصة .. الگاعد حسين بگلبة
البركان خلّاس الگصب .. والقصر حسبة گصبة
اتمهّد الى القيامة .. قد جاءت الشهامة
———————-
للقصر طب المهذب واللسن ضاعت بلع
صاح مسلم يبنَ مرجانه آنه هزيتك جذع
موش بس باب الامارة اليوم راسك ينقلع
سمه مسلم فاطمة .. امن انذبح ما صب دمة
انجوم تنزف السمة .. متطشرة
وعالقصر واگف سبع .. نار وبراس الشمع
رجل ومصلصل ورِع .. من زغرة
بالكاع سحبو جثته ..والوادم يشوفونة
لو مانِفس ما ينسحب .. چي شيعته يشمونة
بآخر مسك ختامة .. قد جاءت الشهامة
———————-
علي هادي الخزعلي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
العليلة
ألم اشرح حلم افرح نفذ صبري بحياتي
انا وحزني وثقل متني وجرح كل أمنياتي
بقيت معلعله ابوي بكربله
حلم عمري اشوفه
ــــــــــــــــــ
بقت دار الاحبهم خالية الدار
وبقيت اني انتظر محسوبه خطار
ع ياساعه اموت بجرحي الاقدار
من هجر الحبيب وبالقلب نار
العمر يقضي وانه بفرضي اصليله ودعائي
جمر روحي وانه بنوحي رحل عني دوائي
عزائي بأوله ابوي بكربله
حلم عمري اشوفه
ــــــــــــــــــ
ولاظل اي اثر من روحه الروح
سفينه هالصحاري والضعن نوح
رحل وابقه ع بابه قلبي مذبوح
من تكثر علية هواي الاجروح
يدلالي مشى الغالي واحس سفره وطويله
يمكتوبي اعله محبوبي اخذ من العليله
بدايه البسمله ابوي بكربله
حلم عمري اشوفه
ــــــــــــــــــ
احس دمعه الم ترجعلي مكتوب
من يحمل هجر وافراك القلوب
والله لا يجيبه حزن الغروب
بي وحشه العلية واثقل انوب
على وضعي غفل دمعي يهل مني بعبرتي
اعله اهاتي اعله وناتي ترد نار بجمرتي
لذا خدي امتله ابوي بكربله
حلم عمري اشوفه
ــــــــــــــــــ
انا الليل اليمر بالدنيا ما انام
حلم عمري بحقيقه مو بالاحلام
أكون وياهم اني بنص الخيام
انا مثل اليتيمة ومو بالايتام
يمر بية اعله طارية اليتم بس بعذابي
واظل وحدي وأمل عندي تطرقون اعله ابابي
من اليخاذني اله ابوي بكربله
حلم عمري اشوفه
ــــــــــــــــــ
ردت قبل الرحيل ودمع العيون
اعبر عن حزن بس بية مدفون
اريد امشي بدربكم يالي تمشون
ولكن هالمرض خيبلي الضنون
بعد غيبة ولا خيبة بعد طول انتظاري
اتانيكم ووأوصيكم تردون اعله داري
ترد القافلة ابوي بكربلة
حلم عمري اشوفه
ــــــــــــــــــ
الشاعر زين العابدين الشمري
مَعشراٌ من كل شيئاٍ في الطفوف
بعزائٍ قَد أتوا بين يَديك
وبأثناء البُكاءِ والعويل
طُراً الاملاكُ قَد صَلت عَليك
… .
بمجلس تشوفه البصيره الجن حضر رافع ادينه
ويلطم اعله الراس يصرخ هالله هالله احسين وينه
الناعي مالتهم ينادي المثلك انته مسلبينه!
وحيدر اتجله بوسطهم يصرخ ويلطم جبينه
موضعك فردوس اصبح كل رسل الله لكينه!
من محمد الى المهدي كل ضوه دم تجري عينه
كُل عَبداٍ صالحاً طوعاً أتى
كي يأُدي الفَرضَ مولايَ إليك
وأتت زَينبْ تنادي ياحُسينْ
طُراً الاملاكُ قَد صَلت عَليك
… ..
اتصدعت هام العوالي والمشيئه اعليك طافت
ومن مكامن حكمة الله سيدي ومولاي صاحت
والإرادة العُليا ضجت من سيوف اعليك جارت
بيا قَدر مولاي تبجي بيا قضاء اعليك ناحت
الصبر والتسليم جزعوا من عليك اخيول صارت!
والتأني اللطمه منه بلا تأني اليوم دارت
وأتى التَدبيرُ مولايَ وحار
عاجزاً عن فهم مانالت يديك
والتفكر قال اثناء الكلام
طُرا الأملاكُ قد صلت عليك
…
الضمير اصبح مواكب نزل من صدر المواقف!
وصار مفهوم ويه اسمك بلفضه يصبح شي مُرادف
والثبات وياك اثبت دمعه بس اعليك ذارف
حسين يادمعة محمد ياحزن كل المصاحف
الظواهر كلهه اجتك والبواطن والمشارف
والاشاره والعباره والحقائق واللطائف
واتى النسيانُ ينعى ياحسين
بِذهولا سَيدي مالَ عليك
حاولَ النسيانَ لم يقدر على
طُرا الأملاكُ قد صَلت عليك
… .
بصوت عالي الريح ضجت عاصفه سوه نعيهه
والغيوم إحمر وجهه من كثر لطمة اديها
ياتراب اعليك ساكن يبست الصحره إبجيهه
الدمعه لجلك بيهه دمعه وبيهه فرحه يخص بجيهه
جي تكونت من جروحك ولان اسمك صار بيهه
ياكريماً أنت في وقت الحروب
لم تَرد سهما أتى جَمعا إليك
صلت الأسيافُ فيكَ بعدما
طُراً الأملاكُ قد صلت عليك
…
يانتيجة الله انته وياسبب كل خير حاصل
وحده من ابرز صفاتك صرت حلال المسائل
اشلون ضامي اتموت بالطف وانته نفسك ابو فاضل؟؟
حسين اكبر من وصفنه ضلمتك هاي المقاتل
ياكليم التايب اسمك ومحور لكل الفضائل
حسين جسمك موش انته بين ذاتك هذا فاصل
لم يورى قطاٌ صَريعاً في العرى
تُرجعُ الجيشَ إذا أومت يَديك
مِثلُكَ مَنْ بعد ميدان الخيول
طُراً الأملاكُ قد صَلت عَليك
… .
ابين اسماء الكلتهه وقبل مادمعاتي تنكف
هم اجيت بكربلائك تبجي لجل احسين بالطف؟؟
منهو انته؟ أشلون أعرفك؟ وحدك انته بروحك اعرف!
من يلوح الهوه شعرك راية الحق تبدي تنرف
من عظمتك ياحبيبي لقبض روحك الله اشرف
أعله وصف احسين عدنه منه انته قطعا اشرف
يامُهمين في سَراديق الخلودْ
وإماما قائداً في حاضريك
وهناك وهنا ياسيدي
طُراً الأملاكُ قد صلت عَليك
…
ابين انواع المجالس وبين آهات الي نشأت
بلحضه كلهم لله سجدوا لان فاطم هذاِ حضرت
ويانعاوي اعليك كالت يادموع اعليك ذرفت
والحجاب المانعرفه من دمائك هيه خضبت
وصاحت لله امتنانا آه يبني هيه صرخت
حسين شحجي وياك اكثر يلي بيك القدره ضهرت
يامنار الزُهد عند المتقين
كل نوراٍ هوَ من صنع يديك
اعني فهم الخير يامن فيهِ صار
طُراٍ الأملاك قد صلت عليك
…
صاح جرح ام البنين
ياحبيبي يا حسين
ــــــــــــــــــ
من گبل ما اموت خليني اشوفك
ياحبيب القلب وبدمعي اطوفك
هذا جرحي يصيح من فدوه لحروفك
انذرتلك ولدي يا يمه بطفوفك
وناذره كل السنين
ياحبيبي يا حسين
ــــــــــــــــــ
يا ضواي وبيك اتنفس يغالي
اني صح يا يمه ما واحد بقالي
خل اشوفك ياحبيبي رد سؤالي
يطول عمري وقلبي يمه و يصفه بالي
يصفه بقليبي الحنين
ياحبيبي يا حسين
ــــــــــــــــــ
والله احن لشوفتك بس مو بديه
ارجع وشوف المصيبه الي عليه
انعمت عيني ييمه شصار بيه
الك مشتاگه حبيبي ولرقيه
وما سكت بيه الأنين
ياحبيبي يا حسين
ــــــــــــــــــ
بالگبر ونـي عليك وللحبايب
دنيتي ماتسوع عندي وانته غايب
عندي والله تهون كل هاي المصايب
والله بس لذبحك انته قلبي شايب
ينذبح بيك الوتين
ياحبيبي يا حسين
ــــــــــــــــــ
ابقى يا ييمه بوداعي وبرحيلي
وبحياتـي وبمماتـي لو تجيلي
انطي كم عباس منذور بسبيلي
امنية قلبي حسين وتعتنيلي
قلبي بيك ويستعين
ياحبيبي يا حسين
ــــــــــــــــــ
الشاعر زين العابدين الشمري
يا كلبي موت - موت بحسرتك
ياكلبي موت - وكطع نبضتك
……………
التحبهم تعبوك اهواي - ياكلبي خضارك مات
هالكد الهجر أذاك - ميرجعون الك هيهات
إنكسارك والحزن والأه - أهمومك والوجع دمعات
أشكد تانيت - حنين ومحد يفكدك
أشكد حنيت - وماضل كل امل عندك
خافنهم نسوك أبغربتك وحدك
اكبر عذاب - أتعيش أبغربتك
ياكلبي موت - وكطع نبضتك
……………..
صارت شوفة الأحباب - حسره وروحي مختنكه
يتحرك وصد للباب - الهوه جذاب ما اصدكه
كافي أمن الهجر مليت - أبروحي تاكل الفركه
إي مشتاك - كلبي وحالته حاله
كافي أفراك - الحنين الهجر كتاله
واليفكد أعزازه أتموت أماله
ياكلبي لا - أتبين كسرتك
ياكلبي موت - وكطع نبضتك
……………..
ليليه أنتضاري إيطول - وكعد ونكسر كلش
غير أدموعي والصفنات - ذكرى بخاطري مامش
أسولف همي للحيطان - أبكلبي حسرتي أتفلش
أشلون ارتاح - والدمعه أبطرف عيني
ماينزاح - همي ودمعي وونيني
أولا واحد بكه عندي ويسليني
أشكد عاتبت - ترجعلي ردتك
ياكلبي موت - وكطع نبضتك
……………….
أنه ادري الطريق أبعيد - آ يا كربله وهمهه
أمك باقيه أتانيك - هجرانك يألمهه
أحط اهدومك ابحضني - المهه الصدري وشتمهه
إي مليت - وملت روحي من عندي
أشكد أبجيت - حد ما طيحت خدي
ما أكدر أعيش أبغربتي الوحدي
أتهد الدليل - وتكسر فركتك
ياكلبي موت - وكطع نبضتك
…………….
إذا ما جان الك نيه - ترجع والوكت غادر
والدنيا أزدحام خيول - حافر يصفك أبحافر
أفراكك فتت أضلوعي - وحالي يكسر الخاطر
مو مليت - وملت روحي المتانه
أشكد تانيت - أخبرك روحي خلصانه
مو طبع الحنين إيحن عله أوطانه
لا ما تهون - وتخلص سفرتك
ياكلبي موت - وكطع نبضتك
………………
حسين باهض الحلفي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
من يوم گالو تنكطع جفينــه
گلت انا جايبته فده لحسينه
من اصباه… .وعلمته.
بس حسين.. سالفته
ــــــــــــــــــــ
من يوم بالرؤيــــــا شفت
بحضني گمر طايح خفت
واتحققَت واتشــــــــرفِت
وللجنه طبيت
يوم اصبحت زوجه العلي
واتشـــرفت انا وهـلــــي
حسين وحسن صارو الي
ساده وتباهيت
عمري من اكضيه سجود الربي ماوفّي
ولو گلت كل نفَس شكرآ ربـي ماتكفي
لازم اشكر بالعمل واتحضـــــــر الطفي
واتوسلت بالزهره اصون النعمه
والعالم الخدمه ادخلت متحزمه
عگلي الهام… ... عودته
بس حسين…… سالفته
ــــــــــــــــــــ
كلهم قدوتي وسادتي
افديهم بكل دنيتــــي
لاجن اشوفن صفنتي
تارسها الحسين
كلما نـــوه الداري يطب
يدري ويفر منـي الگلب
وابلا شعور اتظل تصب
دمعاتها العيـــــن
يرضع العباس بيّـــــــــــــــــه يجلّب ويوكف
ومن يشوفه يعوف حضني وليه زحف يزحف
يبوس رجله وانا اگله خله يتشــــــــــــــــرف
علمته يزحف ليه مايمشيله
ومايغفه الا زينب اتلوليــــه
بسم ام عون…… سجلته
بس حسين…… سالفتـــه
ــــــــــــــــــــ
حيدر عله حسين انتجه
من صار عباس وحجــه
من باس جفينه وبجـــه
ويتگطعن گال
طر گلبـــــي واعليمن صحت
گمت احضن اوليدي وطحت
لحســـــــين من گال افرحت
وهمي گلت زال
صحت لحسين انا وابني كــون نتگطع
واهو ابّطني سولفتله وادري بي يسمع
يشيل راس امه ابوفاضل باجــر اتوقع
ادريه يوفّي اليرضع بدر صدري
عمرك نذر لحسين گتله وعمري
لأم حسـين…… ناذرته
بس حسين…...ســالفه
ــــــــــــــــــــ
ومن كثــــــر مامتولّعه
بحسين صارولي اربعه
واطلب بعد ماقـــــانعه
ردت اكثر افديه
لو ولدي كل اهل الارض
للموت اظل بيـهم افض
افرح وابد مااعتــــرض
وهم مااوفّيـــــه
گلت گعدة عبد ولدي الگـــــــابلاه يگعد
حسين كولو احنـــه عبيده عنكم الينشد
الموعد الطف ماهو ابني اليخلف الموعد
غالين اكلهم بس الحسين اغله
ماريد واحد ولدي خويه ايگله
ابني الحيد… رايدته
بس حسين… سالفته
ــــــــــــــــــــ
شح الهوه يوم الســـــفر
وعيني تودّع بالنظـــــــر
وانا اوصّـــي ابني الگمر
بروح الزجيه
بشارة ذبح راح انتظــــر
ماارضه گتـــله بأي عذر
وبشاربك يبني الخــــدر
بالغاضريـــــه
ظل اخير انت الجبير وقدّم اخـــوانك
گبل امامك لا الماي ايبلل الســــــــانك
وخادم حسين انت بالك تنسه عنوانك
امودعتكم وماريـــد منكم جيّه
وعيني تظل بس للحسين اربيّه
وگلبي النار … حاركته
بس حسين … سالفته
ــــــــــــــــــــــــــــــــــــــ
علي محسن الزيادي
ليش تتعمد تبجيني بوداعك
جنك اتحسسني يا بابا بضياعك
زغيره والفراك يهضمني ـ
زغيره ومن شوفتك تحرمني ـ لاترحل
***
يالغارك ابدمعتك ـ شو خنكتك عبرتك ـ لاتبجي يم ابنيتك اتموت
شو بدلت ضحكتك ـ اباهاتك وحسرتك ـ حاجيني بسك تبجي بسكوت
يارحمة الله الواسعه ارحمني ـ بابا اعله هجرك لاتعلمني
للخيمه ارجع لا ترجعني ـ حاجيني بسك تبجي بسكوت
اكعد وخنسولف اشويه اعله باجر ـ
امن السفر شجيبلي لمن تسافر
لعابه ـ لو شيله وتلبسني ــــــ زغيره ومن شوفتك تحرمني ـ لاترحل
***
مستعجل اشجرالك ـ ماجنك اعله حالك ـ متواعد اويامن يتانيك
باب الخيم اسده ـ ابنيتك رقيه ابده ـ اتعذرله بابا اليسال عليك
اي والله احبك والزمن قاسي ـ يله امسح بجفك على راسي
اشبكني تعل لاتجرح احساسي ـ اتعذرله بابا اليسال عليك
شيلني وخليني اتحسس حنانك ـ
يالتشربني العذب جنت ابلسانك
عطشانه ـ ومن ثغرك اتشربني ــــــ زغيره ومن شوفتك تحرمني ـ لاترحل
***
كللهه يالشبيهه ـ بالزهره ام ابيهه ـ بره الخيم وادم يتانون
يطلبوني لازم اطلع ـ يبنيتي ساعه ورجع ـ سمعني اشكثر كامو يصيحون
خافنهه حاجه ورادو اكضيهه ـ يمج صلاتي ارجع اصليهه
حضري المصلايه وافرشيهه ـ سمعي اشكثر كامو يصيحون
يادلالي العشتي بحضاني اميره ـ
ياحبيبة كلبي يبنيتي الزغيره
كلتله جا المن اتسلمني ــــــ زغيره ومن شوفتك تحرمني ـ لاترحل
***
كلتله بابا تاني ـ يافرحتي ابزماني ـ خليني اودعك اخر اوداع
افتحلي يله صدرك ـ وخليني اشمه نحرك ـ وكعدلي يا بابا عله الكاع
هذا النحر ساعه ويكطعونه ـ
وبخيلهم صدرك يكسرونه
بخنجر حقد صبعك يكطعون
وكعدلي يابابا عله الكاع
تدري بفراكك اعيش اويه المئأسي ـ عادك امسح مسحة ايتام اعله راسي
رايدتك ـ يالرايد اتيتمني ــــــ زغيره ومن شوفتك تحرمني ـ لاترحل
***
تبجي وتكض ضلعها ـ ويجري ويصب دمعها ـ ازغيره ولبوها اهواي تشتاك
والطفله البعمرها ـ كلش صعب صبرها ـ ياذي كلبها طاري الفراك
ردت تنوح وكوه مشيتهه ـ وتمسح بديهه جاري دمعته
سكنه اجت تركض تلكتهه ـ ياذي كلبهه طاري الفراك
ياسكنه اخبرج من بعد ماراح ابونه ـ
ساعه وحده والاعادي ايسلبونه
بفراكه ـ ليش الابو ايضيعني ــــــ زغيره ومن شوفتك تحرمني ـ لاترحل
***
حسين باهض الحلفي
ضعن الخدمه ،، ايريد الفزعه
إيريد الهمه ،، وصاحب دمعه
ياگلبي الأيام ،، كلش گصيره
إفزع للاخيام ،، والدمعه غيره
وضعن الخدمه ،، ايريد الفزعه
يا ضعن الخدمة إرحم عيني ،، من تتعداني وتجزيني ،، آنه الخسران
أرد الحگ بيك إبدمعاتي ،، والطم وي صيحة مولاتي ،، آه يا عطشان
يگلبي اليلفت لو يلتهي ابغير الخدامه
إيتأخر عالضعن وإتفوته قافلة الشهامه
يضيع المايتبعك ياضعن خدمة حبيبي
وأنا الما أريد أضيّع ديني وايماني ابخيامه
لأجل الضامي ،، وإخته وخدره
اگضي أيامي ،، أجري العبره
ابضحويه موعام ،، ذبحو عشيره
افزع للاخيام ،، والدمعه غيره
وضعن الخدمه ،، ايريد الفزعه
ياضعن الخدمة وهاك أيدي ،، واحكمني ابسجنك تأبيدي ،، واترسني اجروح
عدنا أجساد ابنص الهيمه ،، وغربة ونسوان ابلا خيمه ،، لا وين إتروح
للانطاني الايدين ألطم و وفّي حگ اديه
لحد ماصدري اشوفه أزرگ يصير ابكل عزيه
اليموت ايغسلونه اهله ويدفنونه ابكرامه
وثلاثه ابلا دفن ظل عالترب والد رقيه
والزهره اتصيح ،، راح أمن ايدي
عالغيره اتطيح ،، آه يوليدي
وتبقى أم الأيتام ،، حيرتها حيره
افزع للاخيام ،، والدمعه غيره
وضعن الخدمه ،، ايريد الفزعه
أركضلك فازع باحزامي ،، وماصد خلفي أنظر جدامي ،، اشصار ابمولاي
مو زلمه المايلطم صدره ،، لاچفوف العباس وخدره ،، الماضاگ الماي
يگلبي إليحچي عاللطامه لاتسمع حواره
وعليك ابدمعتك مالك شغل بالماله چاره
وابوفاضل تدابير الخدم كلها ابمعيته
كفو والله ويجيبه الجابك اهنانه إبإشاره
أجري العبره ،، وحس بالعاشر
ياهو ابصدره ،، اتلگه الحافر
حدر الشمس نام ،، والطف حصيره
افزع للاخيام ،، والدمعه غيره
وضعن الخدمه ،، ايريد الفزعه
إبضعن الخدمة السر رباني ،، لاينطر واحد وايتاني ،، والدمعه إشراع
يمشي وتمشي إوياه اهاته ،، المايلحگ خي يراجع ذاته ،، ويركض فزاع
يگلبي اللي يحب اعله اللطم زحمه إيتحشم
الزچيه ابكل وكت عالماله ناصر عدها مأتم
وعقيلتها تنادي وماكو واحد يفزع إلها
ضعن عدها انسبى وعدها ذبيح إتغسل إبدم
هم تتعثر ،، وهم عطشانه
لا بو الأكبر ،، ولاصيوانه
يا غربة الشام ،، كلش چبيره
افزع للاخيام ،، والدمعه غيره
وضعن الخدمه ،، ايريد الفزعه
يل تسأل عيشتنا ابهايه ،، خدمة وعاشور ومشايه ،، وألطف نبچيه
انون عالمارحموه عدوانه ،، طايح وإحتار ابصيوانه ،، ياهو ايطفيه
المصييه ابكربله الماعنده أخو ايسلبونه بيته
ولان صاحب حميه إتعمدو جرحو حميته
العطش ذبل شكو چبدة طفل جان ابخيامه
وضعنه ماشي ابسبي وماخذ عفاف الله ابمشيته
بالخيمه أبدي ،، وأختم بيها
للطف حدي ،، وما اجزيها
واليحچي بالشام ،، هوه وضميره
افزع للاخيام ،، والدمعه غيره
وضعن الخدمه ،، ايريد الفزعه
أحمد الهلباوي
كمل خطتهم شايبهم ناده
ساتر صيرو اكبال اخيام الساده
عله الصاحب ما نقبل
ابو اليمه يدلل
///////////////////////////
صعدو عله امتون الشكر _ حسين ابتسم شال ايده
هدو مثل هدت صكر _ ويدور اعله الصيده
الما راد مي من كوثرك _ خلهه الشريعه تفيده
يحي الله الشايب _ عله الرايه شكاتب
النحر انطي سهله _ ولا انطي بصاحب
الفاز بحبه كون اهواي اجروحه
ما يتراجع من اسهام اتلوحه
اله بروحه مايبخل
ابو اليمه يدلل
///////////////////////////
عركت كصصهم مستحه _ زينب بجت سمعوهه
خطت حربهم بالدمه _ اكبال الخيم رسموهه
لوما حسين الهم طلع _ جان الارض كلبوهه
وهب شد احزامه _ وزعل وي احلامه
سجد كدام حسين _ وركض طاف اخيامه
تشابك وي حسين بلهفه وباسه
كله اليوصل يمك اكطع راسه
وهب ناده انه اول
ابو اليمه يدلل
///////////////////////////
عابس طلع لم الحجي _ انتبهتله كل الحومه
لاكه السيوف بكل عشك _ والما يعرفه يلومه
شمرهن بوجه الشمس _ درع الحرب وهدومه
نزل عنده شمره _ ذبح عشره عشره
السبع بيكم احسين _ يمس منه شعره
نافع كله اليوم تخبل طالع
شفتك فرحان امن احسين شسامع
عشك هذا يالتسأل
ابو اليمه يدلل
///////////////////////////
واحد طلع بين الزلم _ هب عالمخيم عطره
يراد الي حض وبخت _ ويقبلني ابن الزهره
جون بسماره ابيض كلب _ حب الحسين بفطره
فرح صاحو اسمه _ ركض وانطه دمه
شرف هذا اليه _ ابو اليمه اخدمه
شاف حسين اباب اخيامه ويدعي
مايتجازون اشأنطيهم ربعي
ابتشر وجهه وصار اجمل
ابو اليمه يدلل
/////////////////////////////////
كلبو موازين الحرب _ من هوسو بالرايه
شتريد كالو بت علي _ نجيب الفرات ومايه
صحبتنه مو صحبة وكت _ هنا ثبتت الوفايه
شكر لله صلو _ بشكو غالي ضحو
يحي الله الانصار _ فرد هده هدو
حسين يكلهم انتم مثل اخواني
واحد ضل يشد بعزم الثاني
اليشد عزمه يتوكل
ابو اليمه يدلل
///////////////////////////////
استرخصو من الخيم _ وزينب عليهم سلمت
صاحو فرد صيحه علي _ هسه الحرب كالو حلت
غيرتهم تنكط وفه _ ضهور الخيول تبللت
قروهه القصايد _ وابو اليمه شاهد
ارتبك جيش اميه _ رجع كله شارد
عل خطه الرسموهه حسين الوقع
اكبر جيش اكبال انصارك يركع
بقت قاده تتوسل
ابو اليمه يدلل
//////////////////////////////
تمت ____ علاء الزيدي
كلبي اشتعل نار .. ما وصلت اخبار
مو دمعي من سار الضعن .. يهل الوفه عيوني انجفن
كلبي اشتعل نار
**
بالهم على الباب انتظر والدمعه بالعين
ما نشفت عيوني ابد من راح الحسين
دلوني وين انطي الوجه يهل الرحم وين
اتخوصر بضلعي انطبع جفي نياشين
من وكفة الباب .. ذاب الكلب ذاب
شيب دليلي من المحن .. يهل الوفه عيوني انجفن
كلبي اشتعل نار
**
يابويه كل حيلي انجفه بطلعة ضعنكم
وعيوني ذبلت بالسهر وابقه انتظركم
لا طارش اليلفي بحلم ويرد خبركم
مكسور كلبي يالاهل طول سفركم
شينشف العيون.. يمته تردون
بالغربه فركنه الزمن .. يهل الوفه عيوني انجفن
كلبي اشتعل نار
**
كل ليله تخلص بالدمع وتزيد الهموم
وعيوني من سار الضعن ماشافت النوم
ملجوم كلبي اعلى المشوا يادهري ملجوم
وكل ما احن لوالدي اشتم بالهدوم
ولوالدي اشتاك .. شيبني الفراك
ومن البجي عيوني انطفن .. يهل الوفه عيوني انجفن
كلبي اشتعل نار
**
اتلفت بحيره والم ولوحدي ضليت
شيهود جروحي البدت وي وحشة البيت
ضليت اشم كوه الهوه يابويه ضليت
شيب دليلي من الهضم بالغربه سليت
لا فاد النياح .. لا كلبي مرتاح
ولا انه رحت وي المشن .. يهل الوفه عيوني انجفن
كلبي اشتعل نار
**
شخباركم صاح الكلب يهل الحميه
ملجوم كلبي من السفر للغاضريه
كل مغرب ادعي بمحنتي تردون اليه
ولاكلبي يحمل هالهجر ولاحيل بيه
وي صفنة اليل .. ماضل بعد حيل
ومن الاهل خالي الوطن .. يهل الوفه عيوني انجفن
كلبي اشتعل نار
**
مرسال منهم ما اجه يبرد دليلي
بس بشر جاني وبالخبر هدالي حيلي
راحوا هلج كلهم ذبح بالغربه ويلي
وشحال زينب والخدر باجر تجيلي
الحرم وام عون .. حالتهن شلون
وبلا رقيه من يجن .. يهل الوفه عيوني انجفن
كلبي اشتعل نار
**
تمت
احمد الخفاجي
سبعين خيمه يتانن الماي
عباس وانته الهسه ماجاي
شنهو الاعز مني
ويعطلك عني
ما خيبت ظني _ بيوم من الأيام
////////////////////////////
السكته البدربك تخوف _ سكته ماادري شوراهه
اخيامي والبيهه اعله جيتك _ خويه ظل يخفت ظواهه
مكانك من رحت بين الخيم خالي
معقوله الدرب تيهته من تالي
صحت عباس بس لا صار البالي
جوه الخيل اشوفك لو تروالي
صدرك ينسحگ والله حرامات
وجه حسين گلي كافلچ مات
مدنگ رجع مهرك
طش عالخيم عطرك
صاح انكسر ظهرك _ من يم الحزام
////////////////////////////
خيمه منتچيه اعله خيمه _ كلهه تسأل انته وينك
يستر الله عيني رفت _ السهم بس لا لاح عينك
شتنطيهه الشريعه خويه ماتقنع
عطشت اعليك مو للماي فدوه ارجع
سألت احسين عنك والجفن يدمع
جاوبني السهم من عينه ما يطلع
اجه مشيب اشوفه وزينب يصيح
عمود الخيمه گلي لازم يطيح
من يبجي عاذرته
ايده اعله خاصرته
عيون الكفل اخته _ سدنهه السهام
////////////////////////////////////
اعز مني ماكو عندك _ والله يدري شگد معزتك
هذا ياماي اليعطلك _ باقي يمه وعايف اختك
عليه من الهوه انه ادري كل خوفك
شسوي بعيني گلي البيهه ما اشوفك
خبر توه وصلني امگطعه اچفوفك
تمشي للنهر لو بيدي مااعوفك
يبو فاضل اجيلك من يجي الليل
اذا منك اليه خلت الخيل
يالما ترد چنك
شنهو البقه منك
تنشد بقت عنك _ عباس الخيام
////////////////////////////
شلون بيك الكاع خشنه _ والشمس فوگاك نزلت
الناس نزعت مستحاهه _ هدوم ماكو عليك خلت
شفت خيال مجبل تيهت دربي
اجه لابس قميصك يحرك ابگلبي
عالمسلوب دم ياعيني دم صبي
موش اعليك خويه عالوكت عتبي
بهدومك اشوف تگدر الناس
خشنه الكاع بيك شلون عباس
كمت امشي محنيه
يالما الك جيه
خويه انغمه اعليه _ تولتني الاالاام
////////////////////////////
وسفه هيچ العشره خلصت _ بس بعدني اوداع اطلبك
فراگ وجهك شلع گلبي _ وانته سهمك شلع گلبك
سألت حسين يرجع گلي مايگدر
مو بس وجهي وجه اخيامك اتغير
مصدومين وحده بوحده نتعثر
يبو فاضل سمعنه بجسمك مطشر
جسمك يابو فاضل تارس الكاع
المك كون واكعد واشبع اوداع
اگعد نعي اقرالك
محد اجه وشالك
متطشره اوصالك _ هدمت الاحلاام
////////////////////////////
تمت ____ علاء الزيدي