533
حسين سالوفة عشك مرها الذبح للتواصل @Eng_alhabeeb
تذبح اخواني وتجي تربط اديه
هذا بيدك دم اخوي ابن الزجيه
شنهو گلك من ذبحته گالو برجلك رفسته
%%%%%%%%%%%%%%%%%%%%%%%%
صبح اهدعش جيش ورعب وزينب وحدهه
والخيمه مابيهه زلم طايح عمدهه
يالمة الوادم عليه محسبتهه
وحجاية التهضمني بأذاني اسمعتهه
صاح الشمر طلعوها زينب ما شفتهه
الكالو عليهه امخدره ومابان ضلهه
الما شاف زينب من قبل خل ينضرلهه
يشتم بحيدر سمعته ــ گالو برجلك رفسته
%%%%%%%%%%%%%%%%%%%%%%%%
صاح الشمر يابت علي هاليوم عيدي
حسين العزيز آنه الذي اذبحته بيدي
الف وتسعميه جرح شايلهه جسمه
حيله ضعف من النزف عالغبره دمه
يتجه عالسيف اشكثر ما عنده همه
اعيونه صوب اخيامج ايوجهه شفته
هلله هلله بخدرج ايوصي سمعته
اتكربت ليه وشتمته ــ گالو برجلك رفسته
%%%%%%%%%%%%%%%%%%%%%%%%
شفته يزينب بالرمل نام اعله ضهره
يتلوه ويلوج اشكثر او ايده اعله صدره
من طاح گلت الحرمله شتاني ضربه
من صابه المثلث شهك ويناجي ربه
گام او عله وجهه وگع ماشاف دربه
من ضهره المثلث طلع وحسينج اذاه
يابت علي ﻻجن اخذ نص گلبه وياه
وخنصره بيدي كطعته ــ گالو برجلك رفسته
%%%%%%%%%%%%%%%%%%%%%%%
گالتله يا ابن الخنه ابن امي ضامي
عطشان من يمي مشه وگليبه حامي
گلهه اشكثر صاح العطش اي وحگ جدي
اسمعته يگول امن الضمه ممرود جبدي
كتله تموت ابلا شرب والماي عندي
گتله الذبح گبل العذب يوصل وريدك
وتراب مو ماي وشرب راح اترس ايدك
أمن العطش ذابت مهجته ــ گالو برجلك رفسته
%%%%%%%%%%%%%%%%%%%%%%
يازينب ارفسته وگمت درته اعله ضهره
وطبرته بالسيف اثنعش مو فرد طبره
حزيت راسه امن الگفه وبجفي شلته
وعليج يا زينب صحت ختشوفه اخته
بعد الذبح بالخيل يا زينب سحگته
من الخيم يمه اجت ترگض رقيه
بيدي اسطرتهه من شفت جنهه الزجيه
گالت انه حسين بته ــ گالو برجلك رفسته
%%%%%%%%%%%%%%%%%%%%%%
ونجان عندج بيه امل ماالج غيره
من الترب روحيله لميه بحصيره
من گلي ايدج بالحبل خليني اشدهه
والناگه ولمت للسبي عيني تصدهه
گتله العقيله امخدره وتصعد وحدهه
بالسوط طگني ابن الخنه وشگفته عني
شاله ورجع جم مره ويطگني اعله متني
حسين اخيي اشگد ندهته ــ گالو برجلك رفسته
%%%%%%%%%%%%%%%%%%%%%%
حسين باهض الحلفي
گعدية
زينب والحزن والخوف باين
لـ الله والگمر هاشم تعاين
اتگله ياضوه العين لا تگطع باخيتك
___
أوچبت وسط المخيم والدمع تارس جفنها
صوتها . او نبرة حچيها ابكل ملامحها حزنها
اتگله يا عباس روحي هل هواجس گطعنها
يل أعز عندي امن الهوه
تعصر ابگلبي نينوه
خافنّه ما نبقه سوه او روحي يتزايد شجنها
أسمع يل گمر لتگول مدري
آنه خايفه ايسلبون خدري
يا باجي الميامين لا تگطع باخيتك
___
من توج نار الحرايب او للسيوف اتصير حنه
او لو نويت اتهد عليهم اهواي لا تبتعد عنه
خلي صولاتك جريبه او عله بالك خويه خلنه
لا تبتعد عن الخيم
ارحم دمع هاي الحرم
هالجيش تدري ابلا رحم خافن ايطب الخيمنه
بس ايطش خبر انك عفتنه
مثل ماي او تبده ايضل خدرنه
اتفرهد بي الصوبين لا تگطع باخيتك
___
آنه چم عباس عندي حتى اودعك للمنايه
انت هل واحد أليه ستر واعبايه او حمايه
عيوني انت وانت روحي والبدايه والنهايه
لا سامح الله امن اتهوي
الظهر مني يتلوي
وابنار شماتي انچوي او هاي للعدوان غايه
گلي يل گمر شنهو البُصيره
يا طف كربلا حيرني حيره
گلبي انجسم نصين لا تگطع باخيتك
___
گبل ما تبعد أنشدك حسبيت احساب زينب
ترضه اهيمن بل معاره والجمر بثيابي يلهب
ترضه اختك يبو فاضل تالي بالسوط اتعذب
او طولي الذي چاين حلم
تتفرج اعليه الزلم
ياخويه هم عندك علم بل طوايف راح أنسب
واسمع واحد الواحد يبشره
انهض خل گلب زينب نكسره
نلبس خاتم احسين لا تگطع باخيتك
___
لا تضل لختك مهابه او لا يحن واحد عليها
اسياط واعصي او حجاره او زينب اتشاگف بديها
بنت حامي الجار حيدر هيچ تالي ايصير بيها
اركب عله اظهور الهزل
واچفوفي مشدوده ابحبل
أمشي او دمع عيني ايهمل والمتون امورميها
من ايدك اروحن ليد أميه
او شمر او حرمله اليحدون بيه
چانت هاي ألي وين لا تگطع باخيتك
___
بس تموت اعله الشريعه انه اضلن للمضالم
بين كوفي او بين شامي اطب كل يوم اعله ظالم
يبو فاضل خن تجاسم ابهل طفوف أشـ الله قاسم
ياخي سوه خل ننچتل
وي عينك ابعيني نبل
او نوگع سوه محد قبِل لو تضل وياي سالم
أمروتك ياگمر يابو المحنه
جهز محملي او خنرد لهلنه
الشام الشام مو زين لا تگطع باخيتك
___
ابو فاطمة الطائي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
بضعونك وين. ترحل يحسين
بداري الموحش خليتوني
ليش وياكمً ماخذتونيً
—————————————————
حضرت روحي من العصر كل ضني امشي وياكم
روحي على الناكه صعدت من العصر. تتناكم
تنزلونها شنهي السبب كولولي أترجاكم
أخذوني لو خدامه أصير الكم ولافركاكم
فركتم موت مثل التابوت
فركاكم يطفيها عيوني
ليش وياكم ماخذتوني
——————————————-
شمسويه بويه وما تريد اصعد بهاي ضعونك
سولفلي بويه اعله السبب خل أفتهم مضمونك
ليش من اصدلك تصد لي ودمعتك بعيونك
تدري العليله مدلله. كلفه تعيش بدونك
تشربني دواي. مدللني هواي.
بداري الموحش من عفتوني
ليش وياكم ما خذتوني
——————————————-
ماصار ساعه من رحت والشيب طش براسي
فركاكم السلاني سل بل كوه اجر ها أنفاسي
موعدله تلكاني تره من ترد ياعز ناسي
جن موت يمشي وي الضعن هيجً انه يقرأ إحساسي
بروحتكم هاي. عطشانه هواي
من جود العباس اسكوني
ليش وياكم ماخذتوني
—————————————-
تفشلت روحي التنتضر تمشي بضعن والدها
ماتخسر انته لو كلت ويانه خل نأخذها
وبنيتك كلفه تره وزحمه تضل وحدها
بويه العليله لو رحت مايضل شي من عدها
بفركاك شلون ذبلانه ألون
أتنفس ماضن تلكوني
ليش وياكم ماخذتوني
———————————
مدري بعلم مدري بحلم شفت الخيول العشره
تراوتلي تسحك عل جسد وحافرها يطحن صدره
بعمري وحياتي ماشفت خيل الحجر تفطره
وضلع الصدر من الضهر طالع وخاسف حفره
حافر مسنون بل دوس شلون
تمنيت يدوسن بمتوني
ليش وياكم ما خذتوني
ضرغام منعم الكربلائي
يوميه افز والگه الدموع بعيني وين الولد يادنيه تعبتيني
وكت الغروب اشتاگ ما بيه حيل افراگ
*****
ها يدنيه وين صارو حيل مشتاگه الهم وتعبني الغياب
الفرگه صعبه والتحبه تظل كل عمرك الجيته لازم الباب
الغالي بسرعه ليش ايروح وهو الغالي شيعوضه
سنيني وذكرته من راح وراه ركضن فرد ركضه
وصحت من ضعنه صار ابعيد ريض بالضعن لحظه
طحت من ماوگفلي حسين وبعد مابيه كل نهضه
ارجع اصيح ودمعتي بعيوني وياكم ييمه ليش ماخذتوني
گلبي عليكم طاگ ما بيه حيل افراگ
*
ها يدنيه شلون بيه گرب موتي وماكو واحد من بنيني
فارگوني وما اجوني راح اموت وياهو اليغمض لي عيني
يدنيه الام حلمها ايصير عدها اولاد ترعاها
مثل ما ربة وتعبت وسهرت ليل عيناها
يباروها ويجازوها لحد الموت برباها
وهاي ام البنين اتموت محد ليش حضراها
ها يلولد عالدرب درت عيوني الموت اجاني وانتو ما جيتوني
من الفرگه صدري ضاگ ما بيه حيل افرگ
****
ها يولدي راح اموتن واليموت بطبعه تلتم يمه الاعزاز
الليله وحدي ويمه صعبه من اموتن ياهو يمشي بنعشي جناز
الجنازه تريد يمه اجتاف وتريد اولاد تحملها
والماعدها يمه اولاد من اتموت ياهو الها
وياهو ايغمض الها العين ويجفنها ويغسلها
الجنازه الما وراها اصياح وحشه وهاي شيحلها
ام البنين ورايده تحضروني يمه وبديكم رايده ادفنوني
دمع الحزن حراگ ما بيه حيل افراگ
**
يمه اجيتج وهسه حاير اشلون اشيل اجنازتج ماعندي جفين
راح اخبرج طاح جودي وطاحت الرايه وسهم صوبني بالعين
طحت متگطعه اجفوفي وحسين انكسر ظهره
بوجهي استقبليت الگاع ويمه اضلوعي متكسره
اجاني وما عرفته حسين عزيز الطاهره الزهره
من شافاني صاح بصوت اخوي وخنگته العبره
وبحجره حط راسي وبده يحاجيني عباس ليش الوحدي تخليني
جفينك عله الراگ وما بيه حيل افراگ
*
حسين يمج وحيل حاير شلون اشيعنج ييمه وراسي مگطوع
ضامي يمه انحز وريدي وراسي ظل اهواي فوگ الرمح مرفوع
صوبني السهم بحشاي وطلع يايمه من ظهري
طحت فوگ الترب عطشان وشمر ظل يگطع بنحري
اجتني الخيل آه يالخيل گامت تسحگ بصدري
الحوافر طحنت اضلوعي ودمي عله الثره يجري
خيل وزلم دارت ييمه عليه هذا اليسلب ذاك يطعن بيه
ومحبسي من ايدي انباگ ما بيه حيل افراگ
***
تمت
ميثم العمري
يادعبل اقرالي المصيبه//تبجيني اريدك عالغريبه
كالولي عنك شاعر
وصفلي يوم العاشر
//////////////////////////
مجلس اريد . عن الشهيد . سمعني واقرالي
وجان الجواب . فوك التراب . متطشر الغالي
افاطم من قراهه للرظا بلوعه
عله جده الغريب يهلن ادموعه
الحوافر ظيعن نص كلبه وظلوعه
امتونه من السحك بالكاع مطبوعه
واعذرني عالشطر القريته // حسين الشمر لازم لحيته
بجاني حيل الحافر
وصفلي يوم العاشر
//////////////////////////
باوع عليه . يفرك بديه . والعبره خانكته
للطف خذاه . لازم كفاه . وتفطرت شفته
عله المنبر صعد دعبل بده يقره
ثلث من السهم جدك عبر ضهره
الما ذابح كبل ماعنده اي خبره
صاحو خل يجي يتعلم بنحره
فوك السهم صارت وكعته // المن الكفه كطعو ركبته
مو سهم واحد عابر
وصفلي يوم العاشر
//////////////////////////
دم كلشي صار . بذاك النهار . ولون السمه اتغير
حال الامام . كبال الخيام . يشيل ايده مايكدر
بخاصرته الرمح ضل كاطع انفاسه
ضهريه الوكت جان وعطش جاسه
شافو عل خيم ضل يبجي بحساسه
اواحد بالحجر ضل يضرب براسه
لتمو شماته اعله اليلجمه//شمرو شكو احجار اعله جسمه
وكلبه اعله زينب حاير
وصفلي يوم العاشر
//////////////////////////
بذاك الظلام . وذيج السهام . والظايع الخنصر
زينب تنوح . للتل تروح . لو تكعد ادور
لزمت ايد اخوهه تباوع وتنعه
تحسب بالاصابع ليش بس تسعه
الخنصر مالكيته وياهو اليرجعه
ومن كد السهام ابنادم اتعضيعه
هوه الكطع منه وريده // مااظن يرجع خنصر ايده
بحسين هذا الصاير
وصفلي يوم العاشر
//////////////////////////
اخت الذبيح . تكوم وتطيح . من الركض تعبت
ام الامان . ادور امان . بالغربه من حست
العاشر خله عمتك تمشي محنيه
كلمن شاف زينب كال مو هيه
تلم بطفال اخيهه وهيه مجويه
اجرحك لوكلت مولاي مسبيه
امنين ابدي واشرحلك وضعهه// صوط الشمر كاسر ضلعهه
ماغير كسر الخاطر
وصفلي يوم العاشر
//////////////////////////
تمت ____ علاء الزيدي
(( #الأكبر_أكبر )) . #محرم1446
……………………………………………………………
الاكبر اكبر مِـن هـالحرب
اطيح الشوارب لمن يطب
حيا الله الاكبر .. حيا الله الاكبر
……………………………………………………………
اي نعم شنو قياسه بذوله
وهو يتنفس عزم وارجوله
اقزام شاف الجيش ضاعوا بالتراب
يشوفهن علو الجراد اخيوله
اي نعم سبعين الفاً لچن شافاهم صفر
الاسد لو طبها ايتمشه الغابه اجمع تنصگر
السمه و الگاع و وجهم كلهن انگلبن صفر
اسيوفهم رجفت وماتت كل غمد اصبح گبر
صورة منيه الاكبر رسم
بالخيمه بعده ونص انهزم
حيا الله الاكبر .. حيا الله الاكبر
……………………………………………………………
دره والرب للحسين انطاها
ابروحه من عين الحسد غطاها
بالحرب شيّاب كالو للشباب
هذا من يثرب اجاكم طه
وقسم گالو هذا حيدر طلع من گبره وعدِل
روسكم حسبوها طارت يرد صولات الجمل
وقسم ثالث كال لاله هذا الاكبر هل نزل
يعني عزرائيل اجاكم بيده جابلكم أجل
بالحومه دگت ساعة خطر
لا ماكو چاره ومامش مفر
حيا الله الاكبر .. حيا الله الاكبر
……………………………………………………………
من نزل وبچفه عصة موسى
وظلت انفاس الزلم محبوسه
مثل حال الغنم لو طباها ذيب
امراكض وللشرده صارت هوسه
دگة اكلوب العساكر بالمعسكر تنسمع
اگلوبهم بالخوف شردت لچن لزماها الضلع
صگر وجناحته تذبح طشّر اگباله الجمِع
ركضاهم و صّلاهم يمكن الخان الربع
من خيل أميه وصاحت فرس
ادخيلك يسيد ناخذ نفس
حيا الله الاكبر .. حيا الله الاكبر
……………………………………………………………
والشمر يتوسل ابكل قائد
العلي يبرز بلكي منهم واحد
منهم اللي انسحب لذيال الصفوف
ومنهم البين العساكر لابد
عوده صاير خوش زلمه بكر ابن غانم طلع
اطمئن يا شمر گله احسب الاكبر وگع
تالي بس خزراه الاكبر وگف كلبه وانصرع
ابلايه راس وفقط جثه عالفرس ليهم رجع
گالوله ربعه وها اشحصلت
موتك ثواني ولا طوّلت
حيا الله الاكبر .. حيا الله الاكبر
……………………………………………………………
تره مامش زلمه يدنّاله
روحه ما رايدها هذا شماله
ابد مو بالسيف من گدروا عليه
الماي هو اللي فطر دلّاله
ولله لو شارب الاكبر ماي و گليبه ارتوه
چا حفر بيده الدماهم نهر ثاني ابـ نينوه
جا مثل ورقة رساله الجيش بيمينه انطوه
وبقت سبعين الف ريّه مِنه تستجدي الهوه
محبس بدينه و بيهم يفر
ايخلّص عددهم گبل العصر
حيا الله الاكبر ..حيا الله الاكبر
……………………………………………………………
صح علي ما رحم بي ذبّاحه
و الارماح اتشتّلت بصفاحه
لچن بالميدان من صاح اعل ابوه
جان يعني الانتصار اصياحه
الموت من اجل العقيده نصر بي الاكبر عِلن
همه نزلوا نص جهم وارتفع هو العدن
لابس السندس الاخضر لان ظل ابلا چفن
راح ذاك العطش كله وشرب من ايد ام حسن
نصر النهايه و هو الاهم
ياهو البِساط و ياهو العَلم
حيا الله الاكبر .. حيا الله الاكبر
……………………………………………………………
✍️ ( سيد خضر الزاملي )
رايد أقرالك مقتل ثاني
ومو عبد الزهره الكعبي آني
بوجهك اتأمل
المذبوح الأجمل
گلت اقرالك مقتل وجداني
......
ممكن اسأل . ليش تذبل . وتغمض العين
يا هظمنه . الطف حرمنه . ضحكة حسين
الصوره العدنه هاي حسين قبل الطف
بعد لحجاره ما ضن وجهه يتوصف
فتحتله جبينه فتحة المصحف
قبل كربله تمنيت الزمن يوگف
حسين المدينه بخير عيونه
بس بالطف ظامي وما يروونه
وشفاه ما تبتل
المذبوح الأجمل
گلت اقرالك مقتل وجداني
.......
طحت مايل . اعله ابو فاضل . وگلت بحساس
شراح نتعب . انه و زينب . مات عباس
ردت ترجع ولكن گومتك تصعب
بعد ماكو اخو يسندك لمن تتعب
الزمت ظهرك وگلت لروحك وتنحب
يلا حسين گوم بعازتك زينب
امشي اعله خيامي ودمّه بإيدي
واصرخ يا زينب مات اعضيدي
مات اليتكفّل
المذبوح الأجمل
گلت اقرالك مقتل وجداني
.......
وموقف اخر . وي الاكبر . بأوّل وداع
گتله يبني . شگد تحبني . ارجع بساع
ورجع وانت اركضتله وگمت تتعثر
هوّ حسيني صاح وانت يالاكبر
شبگته وگلت بويه ليش تتأخر
اشتاگيتك يگلك گتله انه أكثر
بتوديعه الثاني ابچيت بسرعه
تعرف بالعسكر راح يگطعه
وبدر الحب يأفَل
المذبوح الأجمل
گلت اقرالك مقتل وجداني
.......
فطر چبدك . صغير ولدك . من بچه هواي
تسمعه يبچي . يعني يحچي . يا أبي ماي
عبد الله الربيع اليشبه الورده
اذا قسنه السهم يطلع على گده
انصاب وطلّع إيده يحضِنَك قصده
وراس النبله دگ بصدرك وردّه
وي صوت النبله وسيلة دمّه
چانت مغميّه وفزّت أمه
فگدت لمدلّل
المذبوح الأجمل
گلت اقرالك مقتل وجداني
......
وداعك يضل . وحده مقتل . عالنساوين
انت توگع . وهي تطلع . للدواوين
وبقيت تواسي زينب يبو الحنيه
ديري بالج اعليچ وعلى ارقيه
وانتي اختي العظيمه وازكى علويه
ليهمچ إذا يصيحون مسبيه
لا ما نتفارگ يختي الاغله
باچر نتلاگه برمح وهزله
صيحيلي اعله التل
المذبوح الأجمل
گلت اقرالك مقتل وجداني
كلمات #الشاعر_ميثاق_الحمداني
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
فجر بالحومه نازل .. شبيهك يابو فاضل.. شطالع
برز اجمل مقاتل ..الشمس نوره تغازل ..الساطع
جن عمه الكافل شال الرايه
بالحومه القاسم يهوه المنايه ..القاسم
__
طلع نوره وتلاله بضلمة الصحره
بذره للحسن وتخضر البذره
وَإِذا بِشبيهٍ لعَليٍّ ... وَجهٌ أَشبهُ بِألمصباح
قَمَرٌ بَينَ ألنَجمِ تلالىٰ ... في مَيدانَ ألعِشقِ وَلاح
كمر وجها شحلاته.. تحيرنه بصفاته.. الحلوه
هله بشبل الهواشم .. كسر ظهر الصوارم ..شسوه
صورة جماله ترتل كل آيه
بالحومه القاسم يهوه المنايه
__
مثل محبس حلاته بصوغة الشذره
العمه القاسم يصوغ بشذر عمره
وَقضى أن لا يُذكرَ اسمَ... ألقاسِم أَياً أياً كان
وَرِقابٌ قَد ذَبُلت حقاً... حَتى تُقطَفَ في ألمَيدان
هوه السيف من اديهم .. نزل شبر عليهم ..ينادي
انه بكل المواقف .. ابن شيخ المضايف..امجادي
رايه بيمينه و يدك الثايه
بالحومه القاسم يهوه المنايه
_____
عباس الهوه اليتنفسه بريته
هيبه ابن الاخو اليتنومس بصيته
أَتُرى ماذا يَحمِل ماذا ... إن كانَ ألعَمُ ألعَباس
أَتُرى يَخضَعُ لهمُ يَوماً ... أَو يَتَراجَعُ بَينَ ألناس
البعمه ايتباها ..زلم بالطف كضاها..يتبختر
نزل كاسر كفاها .. شبل كاطع هواها .. من شبر
وشمرت الفارس من البدايه
بالحومه القاسم يهوه المنايه
___
جرد صارمه والرايه بمتونه
عيونك يا بو فاضل رسمة عيونه
أَخَذَ ألقاسِمُ دَورَ صبيٍّ ... في سُوحٍ يُخضِعها ألمَوت
باسِمٌ وَجهٍ في ميدانٍ... لا يَخشىٰ ظلمَ الطاغوت
اريد احجي الصراحه ..شمس وجها بصباحه .. يتلاله
نزل للحومه فارس .. على متونه النوارس .. يحلاله
ويتمنه الشاطي يتروه بمايه
بالحومه القاسم يهوه المنايه
____
شاب وبالشجاعه يرد الف زلمه
اخذ هيجي زلم رباها ابو اليمه
وَأَبى أَن لا يَرجع إلا ..قاتِلَ وغدٍ أو مَقتول
ضَمَأٌ فِيهِ تَلَضى رَغمَ ألمَوتِ تُراهُ يجولُ يَصول
زلم تهوه المنيه .. وتهز الغاضريه ..بالشده
يكحلون النواظر ..يجبرون الخواطر .. بالهده
وياموت العزه موت الضمايه
بالحومه القاسم يهوه المنايه
__
عطش كلبه اعلى عمه وينكط مروه
ومن عين الحسين عيونه تتروه
وَرأى ذاكَ ألعَسكر أرخص... أَدنىٰ مِن شِسعٍ وَنِعال
هَمهُ نَصرَ حُسَينٍ الثورةِ... آثرَ عَن نَفسٍ بِوصال
العطش كاطع وريده .. وتروه من الصميده .. بالنضره
حلم جان اعلى باله .. صور للطف خياله .. من زغره
ومحلات احلامه تكون النهايه
بالحومه القاسم يهوه المنايه
___
تمت
احمد الخفاجي
الملمع
ضياء العبودي
ودعتك وادري ما ترد.. وانثر لجدامك الورد
يا ضي عيناي
عطشان ومالك ماي .. واشلون الحيره بهاي
رايح ياضي عيناي .. ياضي عيناي
*
شفتك ضامي .. بجرحك دامي ..واركضلك يبني بلا حيل
شلتك يبني ..بهمي وحزني.. شيب كلبي وشفت الويل
شلتك يبني وطاحت عيني
يالاكبر وين مخليني
ما احمل هجرك تدريني
يا ضي عيناي
كوه امشي وحيلي منهدم .. و أوصالك بيها كمت ألم
ياضي عيناي
ويبني ويا لب حشاي .. و شلون الحيره بهاي
رايح ياضي عيناي .. ياضي عيناي
*
جبتك لامك .. ينزف دمك ..ومخضب بدماك الشيب
تغير لونك..موتي بدونك ..وجهك عن عيوني يغيب
يبني ويا زهرة احلامي
انت سنيني وكل ايامي
فكدك يكسر كلبي الضامي
يا ضي عيناي
يانبضة روحي بالكلب **شاتلك دمعي بالدرب
ياضي عيناي
محتار ورايح جاي .. وشلون الحيره بهاي
رايح يا ضي عيناي .. ياضي عيناي
*
الهج باسمك .. واهوى بشمك .. فاكد غالي ودمعي يسيل
بحسره وعبره .. وهمي شكبره.. يبني وبيه الكاع تميل
يالماخذ روحي بلا رجعه
يبني وبيه تميل السبعه
رد حسينك لازم ضلعه
يا ضي عيناي
ضميتك يبني بالدمع .. وانفاسي بحسره تنكطع
ياضي عيناي
هجرك كاسر مكفاي .. وشلون الحيره بهاي
رايح ياضي عيناي .. ياضي عيناي
*
بدمعي ونوحي .. هاجت روحي.. واشهك بالحسرات اعليك
بدعمي اليجري .. كاسر ظهري ..ميت باحضاني مخليك
شلتك يبني وهمي شكبره
انه الفكدك كاسر ظهره
مهضوم وتخنكني العبره
يا ضي عيناي
فاركتك والدمع يصب .. ماترحم ديرة الغرب
ياضي عيناي
جبتك للخيمه وياي .. وشلون الحيره بهاي
رايح ياضي عيناي .. ياضي عيناي
*
يبني الغربه .. بعدك صعبه ..وفراكك هد حيل حسين
بين خيامي .. جرح ٱلامي ..وانظرلك بدموع العين
لا تسأل عن حالي شلوني
بعدك صبت دم عيوني
يوليدي الطف غير لوني
يا ضي عيناي
محتار وكلبي منكسر ..وروحي بالفركه تحتضر
ياضي عيناي
حزني وجرحي وضماي .. وشلون الحيره بهاي
رايح ياضي عيناي .. ياضي عيناي
*
تمت
احمد الخفاجي
ليلة 3 محرم
شلون انطاني قلبي أودعتهم
ضيعني زماني وضيعتهم
أريد أحباب قلبي بهل مسيه
لا عبد الله يمي ولا رقية
ما أصبر بعدهم
1
أهلي لمن ودعتهم والله دلالي أنعصر
سافروا للغاضرية ومارحم بيه السفر
كالو الأكبر يردلج أنتي ضلي أعله الأثر
لا علي الأكبر أجاني (ولا رجع منهم خبر)
مايدرون بيه آنه العليلة
غير حبابي ماعندي وسيله
لا أم لا بو ظلو إليه
لا عبد الله يمي ولا رقية
ما اصبر بعدهم
2
هاي أول مره بيتي يصير من عدهم خلي
للنجف صدت عيوني وصحت أحضر ياعلي
وحشه صار البيت وحشه ولا بقه واحد إلي
كل صبر بالروح ماظل (من بعد غيبة هلي)
آنه الماعرف كلمة الحيرة
ليش اليوم ماعندي عشيرة
كلهم سافروا للغاضرية
لا عبد الله يمي ولا رقية
ما اصبر بعدهم
3
عيني مشبوحة لدربهم ماخلص منها الدمع
من الصبح للمغربية أنحب وماكو نفع
هم بعد نرجع سويه ابيت واحد ننجمع
لو ظل كل يوم اتناني واصبر بهذا الوضع
وين حسين ابويه اليوم أريده
مامعقولة يتردني وحيدة
مشتاكه احضنه بثنين أديه
لا عبد الله يمي ولا رقية
ما اصبر بعدهم
4
طول عليه سفرهم والقلب حس بخطر
لن أجه بشر ابن حذلم جايب من هلي خبر
كتله سولفلي يعمي وين ابويه والكمر
البقه براسج يكلي (حسين محزوز النحر)
يمشي ويصرخ بدمعت حنينه
مات حسين يا أهل المدينة
آنه إلي صرت بعده ضحية
لا عبد الله يمي ولا رقية
ما اصبر بعدهم
5
ساعة الناده المنادي والله كل حيلي أنهدم
ظل يسولفلي عليهم كلي حركوها الخيم
كلي جاسم سال دمه وعلي كل صدره نهشم
وكلي عمج كطعو أديه وعينه طفوها بسهم
كتله حسين كلي انكطع رأسه
بالتربان جدم الخيل داسه
يعني الغالي نايم عالوطية
لا عبد الله يمي ولا رقية
ما اصبر بعدهم
6
تالي رد ليه ضعنهم بس حرم بالقافلة
حتى عبد الله ورقية ما أجو من كربله
طفله بالشام أدفنوها وطفل صابه حرملة
وآنه حال الضيم حالي (ياوضع أتحمله)
شلي بدنيني من بعد أخوتي
كون عليه كون يحين موتي
حكها الروح حنت للمنية
لا عبد الله يمي ولا رقية
ما اصبر بعدهم
شطره
امجد صاحب الشطري
ليلة 9 محرم
أنا موتٌ للفُجّار أنا بُركانٌ مِن نار
بيدي سيفُ الفُقار والكرار هو ديني
1
علي الأكبر أنا وحامل لوائي
أنا الجندي الحسيني والفدائي
لون مايكفي صوتي ارخص دمائي
لأجل دين الله مابيعن ولائي
ياعلي ياولي للأبد معتلي
وَهَب الله الجبار غضباً يا أهل العار
قد حان الاستنفار والقهار يحميني
2
خذت شمرت علي سيد المراجل
أهز الدنيا كلها من أقاتل
صحت في نينوى هل من مُنازل
غدت سكته وكلت وين الفطاحل
غيرتي شيمتي نخوتي بعزتي
أرى مابين الإغراب هرعٌ هربٌ ونقاب
فلهذا الاستحباب برز الشاب بيقيني
3
الشمر صد ليه وبعيني خزرته
سألني وجانت جفوفه بركبته
يكلي أنت النبي لو ياهو انته
ينسخه حيدره حتى بوكفته
حيدري بمظهري والنبي بناظري
أنا من بَدرٌ وحُنين أنا خيبر والحَسَنَيّن
ياترى أنت من أين فمنَ العين تكويني
4
برز واحد إلي وشد الحيازم
يكلي آنه الفحل بكر ابن غانم
كلتله آنه علي ابن الزهرة فاطم
لاشوفك ضربتي بهاي الملاحم
من النحر انطبر وانتشر هالخبر
فهنا حان الميعاد عجباً صاحَ ابن زياد
أعلياً هذا عاد ! فالأمجاد تغزيني
5
اجعلت طف كربله محبس بديه
منو اليكدر بعد يقرب إليه
أحاجي أهل الخنه وترد عليه
بعد مابينه حيل أعله المنية
محيرة محاصرة والذبح بالسره
غَرقت أرض المَيدان بجماجم والطوفان
يومَ المحشر قد حان والشجعان ترويني
6
خبر عاجل طلع والكل تذيعه
علي سد الهوى وسد الشريعة
عليهم ضاكت الدنيا الوسيعه
الشمر رد خايف يكود بقطيعه
صارمي فاطمي للحسين انتمي
فهنا وسطُ الهيجاء قرعَ السيفُ البيداء
لأبي لبيتُ نداء ومن الله تمكيني
شطره
امجــد صاحــب الشطـــري
ليلة 7 محرم
يازينب من الفرات الخيمتج أبعث سلام
يازينب كطعوا أديه وعالنهر صار الختام
من دم وريدي ينكتب عذري
يـم الشريعة خاتمة عمري
1
آنه ذاك اليوم من خذت الوعد
شلت سيفي ورايتي وصحت المدد
الوصية تكفلتها من الأسد
طاحت جفوفي وبقيت أعله العهد
ماهمني كثره عدهم بالوغى وذيج السيوف
ماهمني عندي المهم نصره عضيدي بالطفوف
شما تسحك خيول العدة بصدري
يم الشريعة خاتمة عمري
2
من رحت من الخيم صوب النهر
خويه عالاطفال دلالي انفطر
منهو يروها إذا ظهري انكسر
حيرتي حيره يبت فارس مضر
ياروحي لو شفتي من أيدي هوه وطاح العلم
ياروحي كولي أبو الغِيرة فطر جبده السهم
ميطيب جرحي وينجبر كسري
يم الشريعة خاتمة عمري
3
أنتي من حشمتي ياغِيرة علي
كلتي أريد الماي كلت أدليلي
خيمت عالشاطي وأصبح كله إلي
ماشربته وبيدي جان أتخيلي
بجفوفي من غرفت غرفه عطش هزني الحنين
بجفوفي شلون اشربه وضاميه أطفال الحسين
آنه شغلته وماشغل فكري
يم الشريعة خاتمة عمري
4
مليت جودي من النهر وتوكلت
شفت آلاف الزلم وتبسمت
قاتلهم وبمنيتي آنه أعلمت
بذاك عامود الحديد اتصوبت
غدروني وتصوب الجود بسهم يم الفرات
غدروني وللجية جانت كل بناتي مناطرات
بهذا غدرهم ماجنت ادري
يم الشريعة خاتمة عمري
5
جفوفي طاحت لكن أبالي الحرم
ذكرت سكنه أبنيتي ونسيت الألم
شلون اشوفنكم وانه بعيني السهم
منين درب الخيمكه يهل الرحم
ياخويه مابيدي حيله والجفوف مكطعه
ياخويه ذبحوا كفيل العايله أعله المشرعة
هليلة بيه مارحم دهري
يم الشريعة خاتمة عمري
6
قرب موتي يالعقيلة وسلمت
وللحسين بهذا حالي توجهت
منج ومنه يخويه تعذرت
وأدري مقبول اعتذاري يالاخت
لحسيني منذوره روحي وبالمهد منطي ولاء
لحسيني والليلة وفيت العهد في كربله
يم قبره باجر يرتفع قبري
يم الشريعة خاتمة عمري
شطره
امجــد صاحــب الشطــري
توها غمضت عيني لن صدى ايصحيني
حميده اگعدي اجيناج ///// گعدنه سويه وذكرناج
***
تعبانه من درب السبي وصوط الشمر اذاني
زغيره وجتفني بالحبل وابجي شكثر خلاني
توني غفيت من التعب وصحاني صوت اخواني
تفارگنه من حرك الخيم ومشتاگه الهم آني
افراگهم هد حيلي ودمعه يخلص ليلي
حميده تعبنه بلياج //// گعدنه سويه وذكرناج
*
فارگت اخوتي بكربله وما تنحمل فرگتهم
حسبالي ماتو بالحرك ونار الخيم حرگتهم
حسبالي راحو بالسحك وخيل العده سحگتهم
ما ادري بخواني اشجره ما ردت بس شوفتهم
بدمعتي واحزاني صحت وين اخواني
اسمعتهم حميده فگدناج /// گعدنه سويه وذكرناج
***
گلولي مشتاگين الج وآنه صحت جنتو وين
اشگد عليكم دورت الحد ما تعب شوف العين
فرينه من حرگ الخيم ومن انذبح شفنه حسين
ضعنه بصحاري نينوى ومانندل الدرب منين
الليل صار وهيمه لا اهل لا خيمه
يخويه سبيه لگيناج /// گعدنه سويه وذكرناج
*
انسولف كعدنه للصبح وذكرنه ذيج الخوه
وحنينه للخوه الصدك وللعشره ذيج الحلوه
ياخويه فارگناج امس وفرگاج بينه شسوه
محليتها هالدنيه الاخت وبلا اخت ماتسوه
ياحميده شلونج صدك زرگه امتونج
اخوتج نگلج علي وياج /// گعدنه سويه وذكرناج
**
افراگكم كلش صعب وياخويه مو بالحسبان
تدرون اليفارك اخو الجلمة اخو ايظل عطشان
اثنين انه فارگت وبگلبي تسعر نيران
ياخويه بديار الغرب عازتها عازه الخوان
واليضيع اخوانه تگصي بي عدوانه
دمعنه وحزنه ترجاج /// گعدنه سويه وذكرناج
**
السجان حن النه وبجه من اولاد مسلم صحنه
طلعنه واجت لينه مره وياها بدمعنه رحنه
الحارث سمع بينه واجه تشابگنه خويه وطحنه
الظالم اخذنه عله النهر وبيا ذنب ذبحنه
صحت من طيحني گبل اخوي اذبحني
يخويه بذبحنه قهرناج /// گعدنه سويه وذكرناج
*
تمت
ميثم العمري
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
عظم الله اجورنا واجوركم بهذه الليالي المؤلمه والعظيمه
جميعاََ خدمة الحسين اللي يحتاج لحن او قصيده بخدمتكم صح مرات اتأخر عليكم بالرد بسبب التزاماتي بس ان شاء الله اخدمكم بعيوني خادمكم الاقل والصغير
@Eng_alhabeeb
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
يالكتلي تعود شمتاني ..منك مرسال ماجاني
بالغربه وحيده ..شو ضلت حميده
*
يالكتلي السفر ايام احس بعيونك شبيها
تنظرلي وتهل دموع اريد افهم محاجيها
حسيت بسفرتك هاي اصير يتيمه تاليها
يمسلم شابت بنيتك هجرك طول اعليها
بدمعات العين مهضومه ..ومن سهر الليل ملجومه
كمت انخه الصميده ..شو ضلت حميده
*
طلعت وي الضعن امشي بعبرتي اتلفت بحيره
الوج بكسرة الخطار ومن ديره نطب ديره
الك مشتاكه يابويه ارحم گلب الزغيره
كل دمعه اعلى خدي تطيح تكلي راح ابو الغيره
يابويه شلون عايفني .. وما يهده الليل من وني
بديار البعيده ..شو ضلت حميده
*
يابويه الهجر ذباح وكت الليل يذبحني
ليش بجفه عمي حسين كام براسي يمسحني
وجلمات بلسان يكول يابن عمي سامحني
يلجمني الهوه لو مر يبويه ودمعي يجرحني
مابين العين خلاني ..ولصدره حسين ضماني
وين ابوي اريده ..شو ضلت حميده
*
يون كلبي وخذاني الهم يبويه وهاجت آلآمي
بالغربه وكلب مجروح طفله وضاعت احلامي
يا حيره الخذت كلبي بالطف حيرت الضامي
يصيح شما ترض الخيل يزينب هالله بأيتامي
شمسويه الخيل بضلوعه .. ينهد الحيل لدموعه
ومن كطعو وريده ..شو ضلت حميده
*
طلعت وي الحرم اركض ونار الخيمه تجويني
ودخان الخيم ورماد كام يجلب بعيني
افر ويركض السلاب يبويه بسوطه ياذيني
وجم مره تجي زينب من عدهم تحاميني
طفله وبحبال شدوني .. ولدرب الشام ودوني
عكب الطاحت ايده ..شو ضلت حميده
*
الابو يهل الرحم خيمه وندار الزمن بيه
طاحت خيمتي وضليت يتيمه بغربه مسبيه
اون بصدري الك شوغات المصايب جارت اعليه
يتامه انه ورقيه نروح وعرفت شبيها وشبيه
بالطف زغار والصعبه .. نتشابه حيل بالغربه
بدمعي الك قصيده ..شو ضلت حميده
*
تمت
احمد الخفاجي
مگطع علي وشلون المنه ويگلي صدري من الزمنه
جرح الولد جبير لميته بالحصير
****
علي طاح ورحت اركض ركضت الفاگد ولد
من لگيته مگطعينه جبدي ياناس انمرد
من المهر ذبيت روحي شنهي ظلتها بعد
مددت طولي وي طوله وگتله اگعد ما گعد
ضميته حيل وگمت اشمنه احضن كتر يوگع كتر منه
وتحيرت شصير لميته بالحصير
**
عالتراب مطشرينه والجسد كله جراح
والله گلبي ايطيح مني لو كتر من عنده طاح
شكثر طعنوه بالخناجر والاشد طعن الرماح
وعالمخيم درت عيني وصحت زينب علي راح
التمو عليه والطعنه عالطعنه وللخيمه حرت اشلون ارجعنه
بعيوني گمت ادير لميته بالحصير
**
امسح بجرحه وشوفه من العطش ريجه يبس
وحتى مابي حيل يحجي ضايگ بصدره النفس
ليش ما جاباه اليه وضيع الخيمه الفرس
بالسيوف موذرينه وجسمه طعنات انترس
بويه الوداع ايگلي اسمعنه ووليدي حرت شلون اودعنه
فارگني بالاخير لميته بالحصير
***
گمت الم بي بالحصيره وآنه كل حيلي انهدم
منين اجيبن حيل اشيله وببني اردن للخيم
بس اليفارگ اوليده يشعر بهذا الالم
صارت الخيمه بعيده ويدي صارت كلها دم
من راح الاكبر راحت عيوني وكلما ردت اعثر يلزموني
من حگي اون وحير لميته بالحصير
**
علي ما لميته كله ضاع من جسمه شكثر
شگد خذت منه الحوافر وعنده ما خلن صدر
ضلوعه كلها مكسريهن وظهره شفته منكسر
عله الدنيه العفه بعده وصحت ماريد العمر
ماريده عمري بعده ماريده شحاله البحضنه ميت اوليده
للدمعه اظل اسير لميته بالحصير
****
صحت عينيني يزينب علي مات وجثته هاي
طاحت ولزمت گلبها ليلى لوليدج تعاي
شافته ولطمت وجهه وصاحت اگعد يا ضناي
ليش هيج مگطعينه وليش ما منطينه ماي
شهگت وتعبت من بواچيها تحاچي بولدها وما يحاچيها
بدمعتها تستجير لميته بالحصير
***
تمت
ميثم العمري
سر جماله بصلاته
ماكو كمره بحلاته
طفه بيده شمعته
لعمه زف امنياته
//////////////////////
صحته اعله صفحه بخيمتي _ باس ايدي ابني الغالي
كتله العرس ميلوك الك _ كال الرمح يحلالي
كتله العطش غيمة حزن _ كال الحسين ابالي
يمه اطمئني وشيبتج _ مرفوع راسج عالي
العمره خلص عباده
راد ازفله الشهاده
يدعي ربه سمعته
هنانه تخلص حياته
//////////////////////
الليل اشوفه من يمر _ نقطه بسواد اعيونه
وانطيته جفيت الحسن _ خلاهه فوك امتونه
ياشاب بهدوم العرس _ للمعركه ايزفونه
يقره بوصيته اعله الشمع_ بدم ركبته يحنونه
توهه خطت لحيته
وشفته عاشك منيته
بدمه حنيت اديه
العندي جان شغلاته
//////////////////////
صله ركعتين وطلع _ وفرح كلب عماته
غازل منيته بكشخته _ ومنه استحن شمعاته
عدلهه عمه اعماته _ وحب عمه من شيباته
ابيناتهم مدري شحجو _ وهلن فرح دمعاته
هنا حلتله الهلاهل
ابني طالع يقاتل
هذا وارث شجاعه
والكرم من صفاته
//////////////////////
من بوصلت كلبه عرف _ شلون العشك يوفيله
يعرفني من عيني شردت _ من دون ما احجيله
شديت حيلي بالحسن _ وبيه الولد شد حيله
امن انطيته مارفلي جفن _ والغالي غالي انطيله
ابني نورس زمانه
بصف الاكبر مكانه
العشره رادت وكفتي
وكلمن او تضحياته
//////////////////////
بجروحه من جابوه الي _ كمت انه بيهه اتباهه
بين الخيم صحت بفخر _ عفيه الولد سواهه
هالشاب عمره اربع طعش _ شموع العرس طفاهه
ثياب العرس لمن وكع _ للحافر ابني انطاهه
بالمواقف عجبني
هلهلت عفيه يبني
العمه صح اختياره
بدمه ذل الشماته
//////////////////////
تمت ____ علاء الزيدي
حفضت ونتي الناگه-- بس أبدي تون أوياي
تحن من تسمع آهاتي-- وتصب الدمع لبجاي
آه➖آه➖عدمن عفتني ياضوه عيوني
➕🔷➕🔶➕🔷➕🔶➕🔷➕🔶➕
ضاگ الهوه➖وضهري التوه➖لمن شفت ناگه وحبل
گمت وطحت➖بسمك صحت➖وين الوعد يابه الفضل
كل مايسمعوني أحاجيك➖أتفز الزلم لو جبته طاريك
لو صحت أبوفاضل➖صاحو أجه الكافل➖
يمبجي عدواني شجره أعليك
يكسر خاطرك حالي ياريتك تجي عباس
لمة وادم گبالي وأذتني عيون الناس
آه➖آه➖آه➖ريتك شفتني➖ياضوه عيوني➖
حفضت ونتي الناگه بس أبدي تون أوياي
➕🔷➕🔶➕🔷➕🔶➕🔷➕🔶➕
يم الخيم➖وگفت زلم➖لا تنحصي أولا تنحسب
الحر والعبد➖هذا اليهد➖هذا اليطگ هذا اليسب
يگلولي ها ياذلة الحال➖وذاك اليگلهم شدو الحبال
واليخزر بعينه➖برقيه وسكينه➖صاح الشمر ما عدهه كفال
تكتل نضرة الشامت ياصوت العتب مخنوگ
الصوط أمهدل جتافي ويردوني أصعد أعله النوگ
آه➖آه➖آه➖إيأذيني متني ياضوه عيوني➖
حفضت ونتي الناگه بس أبدي تون أوياي
➕🔷➕🔶➕🔷➕🔶➕🔷➕🔶➕
عندك علم➖نار الخيم➖من حرگت أطراف العبي
إيبان الجدم➖من الحرم➖لو يمشن أبدرب السبي
من خيمتي المحترگه بالنار➖گمت أرگع الصاحي أمن الاكتار
أرجع وگبعهن➖وللنوگ أطلعهن➖أستر بناتي عن الأنضار
مستحيه الرباب أهواي تعثر بالمشي وتميل
ورمله أتگلي يازينب نطلع من يجي الليل
آه➖آه➖آه➖يالضيعتني ياضوه عيوني➖
حفضت ونتي الناگه بس أبدي تون أوياي
➕🔷➕🔶➕🔷➕🔶➕🔷➕🔶➕
لا تعتذر➖هذا الشمر➖يمي وگف ويسب علي
عنك سأل➖وينه الكفل➖شنهو العذر ياكافلي
گتله يرد كفالي وتشوف➖يابوالفضل طلعلي الجفوف
گلي گطعناهن➖لسكينه جبناهن➖ وضل العلم يم زنده ملفوف
ونتي أشما تحشمينه ماينفع بجي أولا نوح
ذاك المرتفع راسه إوياج أعله الرماح يروح
آه➖آه➖آه➖الوادم سبتني ياضوه عيوني➖
حفضت ونتي الناگه بس أبدي تون أوياي
➕🔷➕🔶➕🔷➕🔶➕🔷➕🔶➕
گوه أصعدت➖بس جاطحت➖أصعود الأبل ماينجرع
نوگ الهزل➖تكتل كتل➖ضهري عله الناگه أنگطع
والناگه عرجه وهزلة الحال➖من توگف أيجروها بحبال
أبجي وبجت هيه➖عرفتني مسبيه➖حنت عليه والدمع سال
أترافكنه الدرب كله تعبانه أعله تعبانه
عنهم تبتعد بيه جن عرفتني ياهي أنه
آه➖آه➖آه➖منهم حمتني ياضوه عيوني➖
حفضت ونتي الناگه بس أبدي تون أوياي
➕🔷➕🔶➕🔷➕🔶➕🔷➕🔶➕
درب اليسر ➖يسعر جمر➖تجوي الوجه شمس المسه
متغيره➖ومتگشره➖أوجوه الحرم وميبسه
يسفي الرمل وتهب السموم➖أشفايف رقيه أيصبن أدموم
أبنيتي الترفه➖متفطر الشفه➖وتصيح أريداً والدي اليوم
تصرخ بابا يابابا مو گد السبي عمري
الزلمه اليسطر خدودي جف إيده يجي بكبري
آه➖آه➖آه➖يالدللتني ياضوه عيوني➖
حفضت ونتي الناگه بس أبدي تون أوياي
➕🔷➕🔶➕🔷➕🔶➕🔷➕🔶➕
حسين باهض الحلفي
"قيل للصادق (عليه السلام): سيدي جُعلت فداك، إنّ الميت يجلسون له بالنياحة بعد موته أو قتله، وأراكم تجلسون أنتم وشيعتكم من أوّل الشهر بالمأتم والعزاء على الحسين (عليه السلام)!!
فقال (عليه السلام): "يا هذا إذا هلَّ هلالُ محرم نشرت الملائكةُ ثوبَ الحسين (عليه السلام) وهو مخرَّقٌ من ضربِ السيوف، وملطَّخٌ بالدماء، فنراه نحن وشيعتُنا بالبصيرة لا بالبصر، فتنفجرُ دموعنا".
عظم الله اجورنا واجوركم 💔
گعدية الليلة الاولى
منّ شهر الحزن أول مسيه
حدد موقفك ويه الزچيه
حضر سود الاهدوم او حضرها المدامع
___
بيّن أهلال النوايب او للحزن منشوره رايه
اتصور ابعين العقيده اهناك نار اهنا سبايه
أچبود ملهوفه اوعطاشه والنهر ممنوع مايه
هاي المواقف مو حچي
رادلها صيحات او بچي
مو مال واحد منتچي يريد يقرون اعله مايه
عينو فاطمه أبونّه او نواعي
او ليهمكم كلام الماله داعي
هاذه شهر الاهموم حضرها المدامع
___
إهلال المحرم تعلّه خل نعلّي اليوم ونّه
انحضّر اويه الزهره دمعه خاطر الزهره اتحضرنه
ليله ليله اوياها ننعه او نِحِن ويه ام المحنه
ابهاي الليالي فاطمه
بين المجالس هايمه
الخدها المصوّب لاطمه والظهر منها تحنّه
مَيهمها التكشّخ والمظاهر
اتريد المن صدگ مكسور خاطر
للذبحوه مظلوم حضرها المدامع
___
اليوم تنعاد المصيبه والجروح اترد تخضّر
اشعندك امن احزان بِثها اشعندك امن ادموع حضّر
گلبك امن الدغش صفّه تره والله الزهره تنظر
شمسويه بيها كربلا
شيبها شمر او حرمله
لحد گلبها ايعلعله او يگعد اهناك او ينظّر
مو وكت التفلسف بل قضيه
ابنية فاطمه راحت سبيه
الها الگلب مالوم حضرها المدامع
___
ألبس اهدوم العزيه او عزب ابهاي المجالس
للشعاير والمنابر احزب او صير انت عابس
والينشدك گول آنه عند أم عباس دارس
چثّر ونينك لا تِمل
والنوح خلي متصل
حتّى اتسجّل بل سجل او تصبح الربعك تنافس
اسمك ينكتب بين الدفاتر
هاذه افلان من اهل المنابر
حاضر بل عزه دوم حضرها المدامع
___
والقميص احسين شوفه مو ابعينك بالبصيره
من ينشرونه الملائك او دمه لسا ايسيل حيره
دير عينك غاد للطف واجذب الحسره الچبيره
اوشاهد ابعين الگلب
زينب تون بين الغرب
وابسوط اگشر تنضرب اخت عباس الأميره
اهنانه ارويحتك مرخوصه تجزع
نادي يا حسين او خلها تطلع
محد حگ اله ايلوم حضرها المدامع
___
ابروحك او دم المناحر اكتب اعهودك يخادم
رافج اليبچون مثلك عوف عوف اهواي وادم
المو حسيني روح اتركه او سلم امرك بيد فاطم
گللها يا أم الحسن
مجلسكم الروحي وطن
وياكم ابسر او علن او مو رفيجي الموش هايم
لتدورين مجلس وين ما چان
انصبلتچ مجلسه مابين الاجفان
ضل منصوب كل يوم حضرها المدامع
___
ابو فاطمة الطائي
وكف اجمل بشر .. على متون النهر
الكمر يعني الكمر .. هيبه العباس
بشر ما ينوصف.. يمعنى لكل حرف
كسر ظهر الجرف .. تشهدله الناس
*
بيا لون وجهه المستحه
مرايه اعلى بيبان الضحه ..وجه الكمر صار
بوجهه الضوه ضل ينعكس .. وي طوله تندار الشمس
من راسه يندار
بيمينه لو رف اللوه يعني السمه مغيمه
بس رايته بسوح الحرب تعادل الف زلمه
ورده يصير من الخجل بجفوف ابو اليمه
شايل طبع ما ينوصف فدوه رحت لاسمه
هلا براعي العلم.. عليهم من هجم
ولا واحد سلم .. طك راس براس
بشر ما ينوصف.. يمعنى لكل حرف
كسر ظهر الجرف .. تشهدله الناس
*
الخوذه تاج من السمه .. والريشه بيده امسلمه .. من جنحه جبريل
يحلاله يا ناس الزعل .. هيبه على العسكر نزل
بجفه السمه تميل
نازل على رموشه النده بعيونه يتغزل
نسبة جماله اعلى الارض الكافل الأول
بوجهه شحلات المستحه ياناس من يخجل
أول بشر من ينعشك من عشكه ما ينمل
حله لطوله الغزل .. ابن خير العمل
ملك بالطف نزل .. جنه النبراس
بشر ما ينوصف.. يمعنى لكل حرف
كسر ظهر الجرف.. تشهدله الناس
*
عباس سبع الكنطره.. سبحان ربي الصوره
نسخه من الحسين
واحساس عفه وعاطفه .. الحنيه بيه اجمل صفه
مثله يصح وين
صافن على عيونه النجم يغفه بسهر ليله
حار وربه بغيرة علي طب فارس كحيله
يالتحلف براسه البدو يمعدل الميله
يمخورس لسان الزلم ومايغفه عالعيله
نزل شايل لوه .. يطم عين الضوه
يطوف بنينوى ..غيره واحساس
بشر ما ينوصف.. يمعنى لكل الحرف
كسر ظهر الجرف .. تشهدله الناس
*
من زغره فارض هيبته .. للشدة زينب ربته
ماشالته متون
كل خطوه بجدامه ورد .. الدنيه بعيونه تصد
الحلو العيون
يلتف على متونه الهوه يشتم هوه ريته
خيمة عشك لاهل العشك بالدنيه حنيته
بعيونه اخيته مدلله وحسين عافيته
اعليه تنجفي دلال البدو من تسمع بصيته
يشيخ المرجله .. وكفيل العايله
حسيني بكربله .. لكطع الانفاس
بشر ما ينوصف.. يمعنى لكل الحرف
كسر ظهر الجرف .. تشهدله الناس
*
عباس محله هالإسم..من نوره يتلاله النجم
ومضوي الخيام
شايل على متونه العلم .. والعسكر گباله انهزم
متحزم احزام
بالطف رسم خطة حرب فنهم يلاكونه
وللخطه لو واحد كرب يشلعهن عيونه
مو جربه شدها اعلى المتن النهر بمتونه
حكه اليشوفه بالغضب يرد منخطف لونه
ابو فاضل شهم .. يطش بيها ويلم
حصد روس الزلم .. جفه الينباس
بشر ما ينوصف.. يمعنى لكل الحرف
كسر ظهر الجرف .. تشهدله الناس
*
تمت
احمد الخفاجي
ليلة 10 محرم
آخر ليلة وياج باجر بين عداج
يازينب ضميني يازينب ودعيني
1
هليلة آخر ليلة يختي الحرة
يازينب بصدري مصايب كَثرة
باجر اخوج الخيل تهشم صدره
باجر يذبحونه عزيز الزهرة
عيالج تصبح وين من يروح حسين
يازينب حاجيني يازينب ودعيني
2
وكت الظهر باجر يسلوة حيدر
من الخيم خويه عجيب المنظر
جسمي سليب أعله الثرى بلا منحر
وضلوعي كلها من السحك تتكسر
ماترحمني الخيل تأخذ مني الحيل
يازينب شميني يازينب ودعيني
3
ماهمي موتي خويه يمج همي
ماريدج تشوفيني ضامي ومدمي
ماريد سكنه الطفلة توصل يمي
خافن تموت بيوم تنظر جسمي
خويه خذيها بعيد وخفيها أعله يزيد
يازينب سمعيني يازينب ودعيني
4
باجر يخوية أمرج صعب تفسيره
وحدّج بالحومة يزينب حيره
يم النهر مذبوح راعي الغيرة
أنتي محنتج يالحنينه اجبيره
مايحضر عباس مهشم منه الرأس
يازينب عذريني يازينب ودعيني
5
من الخيم باجر تفر العيله
وسوط الشمر يركض عليها بحيله
عيالي تنوح ودم دمعها تسيله
الله يعينج بين رملة وليله
مابين الرضعان مابين النسوان
يازينب ضي عيني يازينب ودعيني
6
باجر يزينب نار تسعر كبره
وخدرج يروح ولا عضيد أيحضره
خليني اخبرج لو مشيتي ميسره
اوصيج بعيالي البقت يالحره
من لوعات الشام بالج عالايتام
يازينب وافيني يازينب ودعيني
شطره
امجد صاحب الشطري
ليلة 4 محرم
بعدك ماشفت الراحة يشهد ربي
عيني بدربك مشبوحة ويرجف قلبي
ذابت روحي وما ادري المن اربي
يبني الغالي
1
يوم السافر ضعنك يوليدي
اذكر يبني ضميتك بيدي
كتلك ياروحي وشمعة عيدي
فوك أولادي مرخوص أوريدي
يبني دهري ذبني يبني
يمي وحسيت عيونك بيهن غربة
كتلي راح أمشي بضعني وكتلك صعبة
قلبي بدونك مايكدر ارحم حبه
وارحم حالي
2
جانت نضراتك ماتسعدني
مره تضم صدري ومره تشمني
حسيت بقلبي ظل يوجعني
ناديت أسم الله أعله حسين ابني
روحي نوحي جروحي شتوحي
حادي ضعونك ظل حاير بيني وبينك
شاف جفوفي أعله جفوفك وعيني بعينك
يمي وذبحتني الفركه وكتلك وينك
يا آمالي
3
آنه أدري عليك طويلة السفرة
وأكثر عل عيله صعبة وخطرة
خوفي يمنعون أعليك الكطره
وعبد الله أوليدك منهو يعذره
ضامي دامي رامي ضامي
خطواتك بيهن حيرة وكسرة خاطر
آنه ادري الشاغل بالك يوم العاشر
باجر يوليدي بصدرك يسحك حافر
وتشغل بالي
4
من ذاك اليوم وآنه اتنطر
تفرحني بجيتك يابو الأكبر
بن حذلم جاني وكلي موذر
جسمه مكطعينه وبلا منحر
حاله شحاله وصاله كباله
كال الرمح بنص رأسه وسهم بجبده
وكل أضلاعه مهشميها ونايـم وحده
زينب مذهولة كباله تريد اتكعده
ودمع يلالي
5
كلي هضموها حسين عياله
وبحبل أنجرت كل أطفاله
وعباس الكافل بأصعب حاله
يم جسمه يمينه وحتى شماله
صرعة وتنعه البضعة تودعه
ولدّي وأهلي وكل ناسي لا متهمني
أكثـر واحـد هــو أنـت إلـي هاضمني
كبلك كون أمشي الموتي ولا تفجعني
وترد خالي
6
زينب من بعدك كالو ضاعت
ورقية بنيتك عكبك ماتت
والراية الخضرة أعله الشط طاحت
بجفوف عضيدك تخفك جانت
حيرة جبيرة بديره حيرة
كالو كل خيمة بطفكم ماخلوها
وزينب تركض من عدهم ويلحكوها
ناس بصوط يضربوها ويشتموها
بنت الوالي
شطره
امجد صاحب الشطري
ليلة 8 محرم
جرح فركاك شيبني جرح فركاك
أخذني وياك آه يبني أخذني وياك
أريد اقضي العمر يمك
اخذ روحي يبعد أمك
1
أنا الوليت أنا الداريت آنه إلي سهرت برباك
معقولة تروح أبعيد وتريد اتصبر بلياك
يجاسم والعمر شيفيد من نتفارك آنه وياك
تضيع سنيني والأيام يبني وبعد وين الكاك
لون تروح من أيدي لون تروح
تزيد أجروح يوليدي تزيد أجروح
أبد ماينوصف همك
أخذ روحي يبعد أمك
2
القلب من طبعة مايرتاح من ايفارك الأحباب
أمس راح الابو واليوم جبدك بالسهم ينصاب
حسبت حساب كل فركه لرحيلك ماحسبت حساب
بعد وكتك يماي العين تتركني وتسد الباب
ذخر دنياي هو أنت ذخر دنياي
رحت بهداي وبسكته رحت بهداي
خلص قلبي وخلص حلمك
أخذ روحي يبعد أمك
3
جنت كل يوم أصبح بيك وأمسي عيوني بطيوفك
يجاسم وتعرفني أحتار إذا فد يوم ماشوفك
لو بيدي يصح هليوم الزمك يبني ماعوفك
خوفي ماتردلي ردود وسيوف الخنه اطوفك
أفكر بيك بالمصرع أفكر بيك
دليلي عليك يتكطع دليلي عليك
قبل موتك صحت باسمك
أخذ روحي يبعد أمك
4
جان بنفسي ياجسام عريس آنه اشوفنك
احنيك والبسك ثوب يبني وبيدي ازفنك
لكن شاءت الأقدار يوم الطف أودعنك
رحت يوليدي مني بساع وقلبي ماشبع منك
ألابنها يروح من عدها ألابنها يروح
تعيش بنوح دنيتها تعيش بنوح
حلم عمري انتهى بهمك
أخذ روحي يبعد أمك
5
الماي أعله الرمل لو سال من الرمل شيلمه
هذا أنت طحت عالكاع وجسمك سابح بدمه
شيردك بعد والخيل كامت جرحك تلجمه
كل هذا الجره وتصيح فدوه لعين أبو اليمه
نذر لحسين كل عمرك نذر لحسين
بعد لاوين انتظرك بعد لاوين
أرخصت روحك لأجل عمك
أخذ روحي يبعد أمك
6
عفتني وماخذتني وياك بعدك منشده بالي
يغالي شلون أنام الليل وأنت مكطع كبالي
حلم عمري نذبح بالسيف وهو أنت الحلم مالي
مايحلى العمر بجفاك بس الونه تحلالي
بعد هيهات اشوفنك بعد هيهات
حملت آهات من حزنك حملت آهات
على الرمضه عفت جسمك
أخذ روحي يبعد أمك
شطره
امجد صاحب الشطري
ليلة 6 محرم
بلغ سلام العرش والتحية
ينصرهم الله رجال القضية
لبسو درع وحرام عن وحده الإسلام
1
ذوله من حيدر حبهم من الذر
ياعشكهم ياعشكهم
صوتهم كبر والظلام انطر
من غضبهم من غضبهم
بيدهم رف العلم وكفو كبال الخيم
حسين أبو اليمه أبتسم
(هذا حبهم)
أبو فاضل ناده اله هي هاي المرجله
ذولة ثمرة كربله
(هذا حبهم)
ذوله الأشاوس بعشكهم عقيدة
كل واحد أقسم يقدم وريده
يامعشر الظلام عن وحده الإسلام
2
حلوة لمتهم هاي غيرتهم
حيدرية حيدرية
الشرف ميزتهم وهاي شيمتهم
فاطمية فاطمية
همه ميزان الوفه والعلم والمعرفة
بشوكهم أجمل صفه
(رافضيه)
شافو الدنيا وَهَم هوسو أهل الشيم
للحسين انطو قسم
(للمنية)
صاح ابن ظاهر نسوي العلينه
وي المناحر نكطع أدينه
ونطبقت الإحكام عن وحدة الإسلام
3
الشمر جن ناده أيها القادة
أسمعوني أسمعوني
أخذو كل غالي واتركو الوالي
طاوعوني طاوعوني
عابس بصوته سمع كله حبنا بي جزع
تالي للعسكر رجع
(ماوصلهم)
حسين هاذي عيلته منو اليوصل خيمته
اله نسحك هامته
(من يصلهم)
حسين بخيامه يشوف ويراقب
حس بالشماتة ترد لو تحارب
ماقبلت أهل الشام عن وحدة الإسلام
4
منهو يوصلهم والكمر عدهم
بالحريبة بالحريبة
حصِد يحصدهم ويكص شاربهم
مو عجيبة مو عجيبة
شراح يحصل ياترى بزعل ثاني حيدره
راح تصبح مجزرة
(كلشي حاصل)
عن يساره ويمنته شاف أهله وصحبته
جون صاح بغيرته
(يابو فاضل)
بالهجمة الأولى كتايب خذوها
وبثاني هجمة الثياب انزعوها
ليلة الشمر مانام عن وحدة الإسلام
5
كربله هاجت بالجثث ضاكت
كل أرضها
الزلم بالواقع ضلت أدافع
عن عرضها
كلب عابس محترك يصيح جنني العشك
بجفه يطبكهم طبك
(ما يسامح)
ونافع وقيس وهب دينهم عالشر وجب
وابن ظاهر ماتعب
( سيفه جارح)
أهل العقيدة بأديهم أمانه
وأهل المذلة تريد الخيانة
ونتشرت الإعلام عن وحدة الإسلام
6
لضحو بدمهم حسين خلدهم
بالنهاية
لهذا موقفهم الله كرمهم
بكل عناية
اليوم صار الهم أسم أعلى حتى من النجم
والله منهم والنعم
(هل المراجل)
وي ابو اليمه بقوا وبالطفوف استشهدوا
بالمذلة مارضوا
(الحكم عادل)
حسين الوفاهم تباها بصحبته
وخله كبرهم يصير بحضرته
ذوله إلي رفعو هام عن وحده الإسلام
شطره
امجــــد صاحــــب الشطــــــري
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0