533
حسين سالوفة عشك مرها الذبح للتواصل @Eng_alhabeeb
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
يالچنتي تنوميني عاليدچ
بنيتچ زينب يمه تريدچ
يمه بوحشة ليل افراگچ
فزيت وماگلتي ابهيدچ
يمه الظلام يعيل • صوتچ امان الليل
ــــــــــــــــــــــــــــــــــــــــــــــــــــــــــــ
يالچنتي اماني شلون يايمه تخليني
ولو فزن توالي الليل لحضانچ تضميني
يگولون الحچي اليجرح انا السكته تاذيني
فزيت وهدوء الليل وفزت دمعتي بعيني
تدرين الام هيه الخيمه • يالرحتي وعفتيني يتيمه
انفاس التصعد تلچمني • اه من اغيابچ ياضيمه
فگدچ يريد الحيل • صوتچ امان الليل
ــــــــــــــــــــــــــــــــــــــــــــــــــــــــــــ
هيه الام حرز بالبيت وهيه الخير والنعمه
ينزل ترس ايديچ الخير لو تدعيلنه بدمعه
نورچ يضوي ضلمتنه ماكو داعي للشمعه
لذت عيني وجهچ چان بعدچ ريتها تعمه
ريتچ هالساعه تشوفيني • فگدچ ذبل روحي وعيني
زينب يمه من تگوليها • شمحلاها وانتي تناديني
يالچلمتچ ترتيل • صوتچ امان الليل
ــــــــــــــــــــــــــــــــــــــــــــــــــــــــــــ
بيا گلب احتمل فرگاج بغيابچ تشلعينه
تره غيابچ ثگيل هواي وحيدر راد اليعينه
آنا ويالحسن وحسين ضلعچ يمه ياذينه
اشتگولين بطفل ويشوف امه تنازع بعينه
وحتركت وي بابچ روحي • ماتطفيها دموعي ونوحي
شلال الينزل من عيني • وبركان يفور من جروحي
نجمعن جمر والسيل • صوتچ امان الليل
ــــــــــــــــــــــــــــــــــــــــــــــــــــــــــــ
اعله حنيتچ ربينه زغار بعدنه وردنه حنيه
يالعطرچ مسك بالبيت علاج يطيب الريه
يانسمه انتي وشتمچ يانبض اليدگ بيه
تره الدنيه وجود امنه ومن اتروح مگضيه
انتي الحب وانتي الطيبه • وافراگج يايمه امصيبه
والفارگ مثلچ لو عمره • خمس سنين يبين شيبه
رحتي وجرعت الويل • صوتچ امان الليل
ــــــــــــــــــــــــــــــــــــــــــــــــــــــــــــ
اليكسر گلبي يايمه مچانچ لو شفت خالي
وگلبچ هم اكسرنه لو عينچ تصد حالي
من اگَلّب ذكرياتچ ذيچ دفاتر الهن ابالي
يضل يترجه طيف يجيه يايمه الفگد غالي
يالمبعد وجهچ عن عيني • ويالصعب اعليچ تلاگيني
يالمافارگتچ كل عمري • اقبل بالطيف اتمريني
ليش التحبه يشيل • صوتچ امان الليل
ــــــــــــــــــــــــــــــــــــــــــــــــــــــــــــ
شنو ذنب امي ياعالم يجاوبني ردت واحد
القبلنه تنطي لليحتاج الدفعها شيطلب ورايد
بس تالي ذكرت چلمه بغضب گايلها الحاقد
من گالوله بت من هاي وأن گال النبي الوالد
الثاني الحلل كسر ضلوعچ • بالطف باچر يطفي شموعچ
وتحز نحر احسين افعاله • ودم تجرين عليه ادموعچ
تطحن ضلوعه الخيل • صوتچ امان الليل
ــــــــــــــــــــــــــــــــــــــــــــــــــــــــــــ
📝: محمد عباس المشعلاوي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
قصيدة [ يا زَهرةَ عُمري ]
من وَجعِ أميرِ المؤمنين في فَقدِ الزهراءِ عليها السلام
يا زَهرةَ عُمري
بيّه ولا بيچ الكَسر
يا زَهرةَ عُمري
يا وِسفه خَدچ يِنسطر
نَجمة وطَحتي اعله الكاع
ويُوسف أحلامي انباع
يا زَهرةَ عُمري
...
١/ يا نَورس حياتي والبَشر غِربان
يا رَيّة علي المخنوگة بالدُخان
روحي الجِنّتچ يا كَوثَر الرَحمان
ما تِرهم نِحط إمراية يِم عِميان
مِن عَينچ طاحت
كل ذِكرياتي وعِشرتي
مِن عَينچ طاحت
أجمل أماني بِدنيتي
يا الرِحتي بِغير أوداع
ويُوسف أحلامي انباع
يا زَهرةَ عُمري
٢/ مَمنوع الحَمامة اعله الشَجر تِنلاح
إذا يِوگع غُصن يِتحاسب الفَلّاح
يا طَير اليِطير الكاسِر إله أجنَاح
مَكسور الضِلع لو نام ما يِرتاح
تِكظّين أضلوعچ
لَمِن تِشمّين الهَوه
تِكضّين أضلوعچ
هَيچي وَصلتي المُستوه
يالمِتي بَساع بَساع
يُوسف أحلامي انباع
يا زَهرةَ عُمري
٣/ داحي الباب ما يِگدر يِطفي الباب
أبو تراب وعليچ اليوم هَلّ التُراب
النِحبهم لِيش تِبعوا سِچّة الغِياب
لا زاد الهَني ولا عَيش بَعدچ طاب
طَگچ الثاني
وأكبر جَبان الطَگ مَرّة
طَگاج الثاني
وآنه گِلتلچ مَعذرة
أَسد وحاطوني أضباع
يُوسف أحلامي انباع
يا زَهرةَ عُمري
٤/ اللّي يِعاشر وَرد فايِح يِضل عِطره
اللّي يِسطر خَد مَرّة رَب السَمه إيسطِره
عَلَيه لو عَلَيچ الفاتِحة أقرَه
عَلي إيتچي العَلي ضَلّيت يا زَهره
چِن دافِن روحي
لَمِن دَفنت إجنازتچ
چِن دافِن روحي
ويَوميّة أشَم بِشيلتچ
كُلشي بترحالچ ضاع
يُوسف أحلامي انباع
يا زَهرةَ عُمري
٥/ إذا ما يَوم أذكُرچ يِختِنَگ صَدري
وأعَوّضه بِثاني يَوم بِدَمعتي التِجري
يَتيم إخلاف عَينچ يا بَعد عُمري
أكُض بِيَدي اليَتامة لو أكُض ظَهري
مَكسور أجنَاحي
لَگدَر أطير ولا أحُط
مَكسور أجنَاحي
واتناثَرت مِثل القُرط
أمسافِر مِن غِير إمتاع
يُوسف أحلامي انباع
يا زَهرةَ عُمري
٦/ أخيرًا قَلَّ صَبري والتَجَلُّد مات
إلّا مِن ناصِرًا ظَهري شِبَع طَعَنات
لو ما أضَحّي بيچ يِموتِن الآيات
والوَادم تِرَد تِعبُد هُبَل واللّات
والدِين بِضِلعچ
وبِصبري يِتَنَفّس بَگَه
والدِين بِضِلعچ
ظَل بِبَهائه أو رَونَقِه
لَكِن قِلّة الاتّباع
ويُوسف أحلامي انباع
يا زَهرةَ عُمري
#محمد_الجماسي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
حاضن گبرها بهجرها اشتكه الها
اتگله الحبيبه غريبـــــه ارجعــلها
زينب زينب ظلت يتيــــمه
زينب زينب ماعدها خيمه
ــــــــــــــــــ ــــــــــــــــــ ــــــــــــــــــ
ينعه حيــــــــــــدر والگبر ون الونينه
سهر وافراگ اعله غفله وغفت عينه
جنه يسمع فاطمه اتگله الحنينـــــــه
الدارك ارجع فزت ابنيتي الحزينــــــه
نشّف دموعــــــــــــه الرجــــوعه تولّم
خايف تشوفه بجفـــــــــــــوفه اثر دم
حيدر حيـــدر اعله ابنيته ضيمه
زيــنب زيــنب ماعدها خيــــــمه
ــــــــــــــــــ ــــــــــــــــــ ــــــــــــــــــ
ليل ظلمه ودافـــــن بجفه ضوه العين
سمع صوت الطفله صاحت امي جاوين
عثر حيدر عرف هاي التنشـــــــد منين
صاح زينب ويــــــــن دليني يالحســــــين
ابنيتي تعالي بدﻻلي اغطيــــــــــــج
الصدري اضمج تره امج تهم بيــج
ازغيره ازغيره گالت هظيــــمه
زيـــنب زيــنب ماعدها خيمـــه
ــــــــــــــــــ ــــــــــــــــــ ــــــــــــــــــ
جابها ويم بابه گلها اگبـــــــــالي اگعدي
بعد ويّـــــــــــه الصبر زينب هذا حــدي
سولفيلي الجره اعله امج گطعي جبدي
ياهو اشد موقف عليج ابكيفج ابـــــدي
ماتطفه ناري ومراري عليــــــها
ماسولفتلي وحچتلي اللي بيها
گــالت گـــالت حيدر ظليــمه
زيــنب زيــــنب ماعدها خيمه
ــــــــــــــــــ ــــــــــــــــــ ــــــــــــــــــ
بجت واتگله شســولف بويـــــه عنها
امصيبة امي بالمصايب ماكو منـــها
تخاف ﻻ تجرحنــه جانت تخفي ونها
وعينها محمرّه واتصـــــب دم اذنها
ماجنت انامن اخافن عله امــي
گوه تصلي وتگلي ابجي يمــــي
ماتت ماتت سكته الرحيمه
زينب زينب ماعدها خيـمه
ــــــــــــــــــ ــــــــــــــــــ ــــــــــــــــــ
آنــــــــــــه تدري العالمه وبكلشـي ادري
ماكو مثل امي الخذت من عندي عمري
اخر احجـــايه الهه وصتني اعله خــدري
اتگلي من اجل الحجاب يهون كســـري
طاحت وره الباب والاحجـاب فلا طاح
نشدتني اعليك مشت ليك بالاجـــراح
بويه بويــــه بعد الجريـــمه
زينب زينب ماعدها خيــمه
ــــــــــــــــــ ــــــــــــــــــ ــــــــــــــــــ
علي محسن الزيادي
حب الولايه وخدمة احسين
الله يرزقك ذني الاثنين
لمن اتواسي الزجيه
بالليالي الفاطميه
يالموالي
١/لو ردت رزق الحلال اتنوله بس دك بابهه
اطلب وفشلان صدك مايرد طلابهه
احنه احباب ام ابوهه ونبجي دم لمصابهه
وفاطمه ابيوم القيامه ماتعوف احبابهه
باب الزجيه افضل البوب
يغسل ضميرك من الأذنوب
يلله كوم احيي العزيه
بالليالي الفاطميه
يالموالي
٢/عالضلع ابجي وتصيرابمنزلة سلمانهه
وعابس الثاني تحسبه الينجوي بنيرانهه
إم حسن وحسين فايض عالخدم احسانهه
لو تطشرنه الذنوب ايلمنه بيت احزانهه
مد ايدك وكللهه محتاج
اتلبسك بديهه ام الحسن تاج
جرب وشوف العطيه
بالليالي الفاطميه
يالموالي
٣/اكبر أمن الدنيه سفرة فاطمه الخدامهه
(فكلو منها هنيئا) يالحييتو ايامهه
عالسطوح وبالشوارع خل ترف اعلامهه
وباللعن اهل السقيفه كسرو اصنامهه
ولمن تكتبون اعله الاضلاع
كون القصايد بيهن اوجاع
حباً بجدة رقيه
بالليالي الفاطميه
يالموالي
٤/الزهره مضلومه ابعمرهه واحنه كلنه انصارهه
الله خالقنه أمن اجلهه ومن أجل كرارهه
بالونين وبالمناحه ينشلع بسمارهه
وسطرت العين ابدمعنه تنمسح آثارهه
عاشور الاول يهدم الحيل
والثاني باسم السحكته الخيل
الدمعه والخدمه سويه
بالليالي الفاطميه
يالموالي
٥/مبني بالحب والعقيده وماتهدم ساسنه
والغبار البالعزاء انصوغه تاج ابراسنه
الزهره ريحانة ابوهه التسوه اهلنه وناسنه
المايحب الزهره احنه انحطه جوه امداسنه
لو عالسراط اتزل الاقدام
هيه التنجيكم يخدام
رحمه من الله ونبيه
بالليالي الفاطميه
يالموالي
٦/باجر بيوم القيامه اتكظنه واتدلينه
وتلتقطنه الزهره وامن اجهنم اتنجينه
ويم علي على منابر من ضوه اتخلينه
واحنه من فاضل الطينه ربك امسوينه
آمنه بيهم واحنه ذرات
وخلص عمرنه بالعزائات
يلله حط ايدك بديه
بالليالي الفاطميه
يالموالي
#محمد_الجماسي
قصيده للزهراء عليها السلام
اول مجاهد فاطمه الزهره
طلعت تدافع عن علي بأمره
لجل العقيده
ماتت شهيده
يازهراء. يازهراء
........................
رسمت طريق التضحية ام الحسن من دمها
ثوره بقيادت فاطمه دم الضلع يرسمها
ضد الظلم وهل الظلم كشفت وجه ظالمها
للمسجد تعنّت مشي وجرح الضلع يلچمها
غصبوا ارثها وطلعت ادّاعي
اعظم درس للفاهم الواعي
حره ورشيده
ماتت شهيده
يازهراء. يازهراء
........................
بمسجد ابوها المصطفه من وگفت بهيبتها
طبق الاصل ويّه النبي بهيّئتها وبخطبتها
وگفت تدافع عن علي وگفة شرف وگفتها
كل الصحابه تعجّبوا من فاطمه وحكمتها
اهل السقيفه رتابوا وخافوا
من حاججتهم فاطمه نكشفوا
هذا التريده
ماتت شهيده
يازهراء. يازهراء
........................
عن حقها ما سكتت ابد حدما ضلعها اتهشّم
ردّولي ارثي ونحِلِتي گالتها ما استسلم
ثبتت رغم جور العده ام الحسن تتألًم
كلمن يحس حگّه انغصب من عدها خل يتعلّم
ما سكتت ومابايعت ظالم
من عدها نتعلّم درس لازم
هيه الوحيده
ماتت شهيده
يازهراء. يازهراء
........................
رادت توضّح فاطمه صورة وجهّها الغاضب
لا يسكت الحقه انغصب يتظاهر عله الغاصب
ولايعتدي من يطلع بسلميّة كون يطالب
لو ينتصر لو ينقتل بالتالي هوه الغالب
عدنه الدليل الزهره ظلموها
من دافعت عن حقها قتلوها
دون الصميده
ماتت شهيده
يازهراء. يازهراء
........................
مظلومه ردت فاطمه وتعاتب الظلموها
أذّوها وتهل الدمع صبح ومسه خلّوها
مهجة مُحمّد فاطمه والطاهره يعرفوها
بغضاً عله اعناد الوصي اهل الغدر عصروها
كسروا ضلعها وطاح محسنها
ظلّت تون ما بطّلت ونها
كلمة واكيده
ماتت شهيده
يازهراء. يازهراء
........................
عاشت ليالي بالحزن بعد النبي والدها
سلّت مثل عود الغصن غير البچي ماعدها
يسلّيها چان المرتضه يواسيها ويساعدها
تحسب ليالي للأجل لمن گرب موعدها
بضعة مُحمّد ماتت البضعه
وعليها جبريل الوحي ينعه
صارت سعيده
ماتت شهيده
يازهراء. يازهراء
سيد زيد الفحام
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
تاخرت من غَسَّلتها العـــــاشت ابنص عيني
شما اريد اعگد چفنـــــــها گلبي مـا ينطيني
بالدمعة يـــا اسماء خل نغَّسلها
بارد عليها المــــاي. لا يجـفَّـلـها
ــــــــــــــــــــــــــــــــــــــــــــــــ
مديتها و لنِّي طحـــــت
عالمُغتسل فوگــــاها
من ايدي لو راحت بعد
فاطمتي وين الگـــاها
طايح طفــــلها و الگلب
طاحت نبضته وياها
زينب جبت يمها وگلت
بلگـــــت تفك عيناها
حسين أحسبيني اگلها و شابگيني ابايدچ
فاطــمة عينچ عليَّه انـه هــــــــم اوليدچ
من دچة التغسيل. حضني شايلها
بارد عليها الــماي . لا يجــــفَّــلها
ـــــــــــــــــــــــــــــــــــــــــ
ما ينسمع ونّ الگـــــلب
بس هــــيه گلبي اتسمعه
و كلما انوح ابداخـــلي
تجري اعله خدها الدمعة
مو گلنه ابد مـــا نفترگ
و انظل ســـــوه يالبضعة
چا ليش تردين الچــفن
ينشد عليــــــچ ابسرعة
بداحي خيبر هللة هللة تاني يالمرضية
و هاية أخر نظرة منچ خل تطول اشوية
عالمُغتـــسل ترتيل. صرت ارتلها
بارد عليــها الـماي. لا يجفَّــلــها
ـــــــــــــــــــــــــــــــــــــــــ ـــــــ
من يمته نحچي بالدمــــع ؟!
و اعلينه حسرة الچلمة
من يمته حيـــدر ينتـــچي ؟!
و رايد چفــــوف اتلزمه
لجلج صرت يا فاطـــــــمة
چن طفل فاگـــــد أمه
و چا شگگت ثـــوبي العليَّ
بس گلت منـــچ زحمة
لخبزچ اتاني اليتامة و هسه جاعوا چنهم
و يالحنينة اخـــلاف عينچ انه واحد منهم
لو سئـــلت الايــتام شرد اكللها
بارد عليـــــها الماي لا يجفَّـلها
ـــــــــــــــــــــــــــــــــــــــــ
كمليها يا أسما صــحت
وحدچ بعد مــــا بيَّه
و عن حيلي لتسألين ابد
كل حيلي چانت هيه
مدري شچـاني و الهــوه
حسيته صــار شــوية
ميت عساني و لا جست
ضلع ام حسن بيديه
بلا قصد جسته و لگيته بعـــــد ينزف دمه
ميتة و امن الوجع صاحت يالحسن يا يُمة
و من صاحت آه يحسين. دمعي بللها
بــــــارد علــــــيها الماي لا يجـــفَّلـها
ـــــــــــــــــــــــــــــــــــــــــ
هسه صدگ رايـــــة ارفعت
و استسلمت يجـــروحي
و شمَّاتي شافـت كســــــرتي
و جيراني ملــــت نوحي
اول بشـــــر مكـــتـــوب الي
انـــه الاچَّفـــن روحــي
و چم مرة گتـــــــلچ فاطمة
يا روحي لا لتـــــروحي
اي نعـم هاذ انه هـاذه اليعــثر ابخطـواته
يالعواذل هسه فرحوا و ضحكوا يا شمَّاته
شوفوها عيني شلون . دمعي ذبَّلها
بارد عليـــــــها الماي. لا يجفَّــــلها
ـــــــــــــــــــــــــــــــــــــــــ
ثــــأري الـوداع شـگد صلف
ما انطه حگ العشرة
و بس ربّنه يـــــدري بالگلب
جرحي عليچ اشكبره
مجبور شــــديت الچـــــفن
اي و الله يالمنكسرة
و غصباً عليَّ يا فاطـــــــمة
بيدي احفـرتلچ حفرة
لدفن هـالجــهــزتها جنــــازتـچ يعيــوني
و راح اشيَّعچ و ابقه اتاني يوم اليشعوني
للمگـــــبرة وَيَّاچ . ميت ادخــــلها
بارد عليها الماي. لا يجــــفَّـــلها
ـــــــــــــــــــــــــــــــــــــــــ
الحمدلله
علي_حسين_الكناني
خــيـر مــــا نبدأ به - ذكرها المقـدس
فاطمه الصبح الذي - بــيــننا تـــنفس
--------------------------------------
1= الما يثمن فاطمه - هذه رافضة السمه - وسالفة خرسه
الماي شح بكصة - نقص بيها غريرته - وأختــنك حسه
الكلبه من يذكر ضلـعها ومايحس بي ينعصر
عالدرب باجر أجدامه شلون ب لله تســتقر
فرق بين الكلبه جــمره وبين الأيدور أجر
*
ليـتــنا كنا معــك - فــــــاطمه نردد
نفــديتك بالـمهج - عـــــهدنا مجدد
********
2= ياعـذب والكلشي حي - كاعـــد بضلج يــفي - يطلب رضاتج
أحنه حب حنطه وأديج - خل تلمنه الله عليج - عدنه شغلاتج
بياشمس تكعد يتيمه ضلعج أيصير ألها في
مو الماي اليحيي كلشي الزهــــره تحيي كل شي
بكوثر الزهره روينه ومات ضامي العـنده ري
**
شكرا بكد الدمع -- لــفواضل فاطمه
أن ضربات الصدور – للـــصدور أوسمه
3= باب وثــجــيلة وزن * الكاع تـــرجنها رجن - مالـــت عليها
تـــفاوضت وي التعب * ماقبل مدري شعجب - يسمع حجيها
جذع محروك أوجواها دخن ولا من طفه
ونهجم بيت المــصايب من تـجي جيت عفه
صار جو البيت أســود وفــز جفنها ما غفه
*
فضة الخير أسندي - ذا نـــداء فاطمه
لا يرى عيني علي - أن عيني صادمه
*******
4= ناس بس ما تـفـتهم - حيه من تكرص تسم - بس الخيانه
بنص خلايهم مشت – عـــايشه بيهم بقت - ضد الــديانه
طـباعهم طبع الذيابه كلوب أبد ما تــنحزر
عيونهم تسهر ليالي أويسهـــر وياها الكفر
واليعيش بهيج دنيه حـــــــقه يختار السفر
***
بينهم مات الضمير - ونتهى وجوده
وقلوبنا لا تـــلين - أنها حقــــوده
5= كطعو الشك باليقــين - أبــــــــو محمد والحسين - أمهم رميه
ونكطع صوت الحنان - وغمض عيونه الأمان - ويلي عليه
شافـــو الطول اليحبهم طوله غارك بالهوه
صاحو بحركة كلبهم بعـــد ما نكعد سوه
ياضوه البيت وغيابج أخذ من عدنه ضوه
***
فاطمه قبل الوداع - قومي كلمينا
أنضري سيل الدموع - فوق مقـلتينا
*******
عبد الجليل المالكي
ياسعيد اسمك علا بين المناير
واليطب الحظرتك مايرد حاير
انت باب الحاجه انته
وللخلك بابك فتحته
///////////////////1
جينه مشايه نزورك نطلب الحاجه من اديك
انت باب الله ورحمته سيدي نزلت عليك
ماخذ من اطباع حيدر صرت بطباعه شريك
ما ترد الحار بأمره سيدي من يعتنيك
اشكثر ناس مجلبة ابشباجك
ابدمع تطلب جم عليل الحاجك
جم عليل انته شفيته
وللخلك بابك فتحته
/////////////////////////2
ماترد العنده حاجه الجاي اتعرفه شيريد
گبل لايحجي تفرحه وكبل لا يمدلك الايد
ابد ما سولفنه الغيرك منك الطلبة نريد
انته اهل الكرم انته كل جرح يمك يهيد
كل جرح مولاي ابصحنك يطيب
وتسأل المحتاج والعلة تغيب
طيبت خاطرة وسمعته
وللخلك بابك فتحته
/////////////////////////3
من نطوف احنه عله كبرك ولله نذكر كربله
ونذكر امن حسين طاح وزينب تنادي أله
وسكنه والطفلة رقية وصوت نوح العائله
ونبقه نصرخ بحضرتك آيه ينبلة حرمله
عزه انسوي بالطريق اعله الحسين
وبحيل نلطم سيدي ونسطر العين
ونذكر حسين ومحنته
وللخلك بابك فتحته
///////////////////////4
نجيب طاري المهدي يمك سيدي ونبجي دمّه
انكله عجل ابضهورك الدنيه صارت مضلمه
انريد ناخذ ثار جدك وثار امك فاطمه
وندري ابجيتك يمهدي تنمّحي جلمة ضمه
راح نبقة ننتظر طول العمر
وابد نجزع سيدي ولا ننكسر
بينه ثاره ولهفته
وللخلك بابك فتحته
/////////////////////////5
يلمضحي بروحك انته وماتهم اعله الجره
واگف ابوجه الظلمكم مثل سبع الكنطره
صرت تابع المحمد واليجيك اتقدره
عبد صالح اوموالي وبينه زادت مفخره
بيك تتفاخر بقة الجعفرية
وبالشجاعة حيرت هاي البرية
الحجاج مات ابعلته
وللخلك بابك فتحته
//////////////
سعد الزيدي
عالمغتسل خليها والماي ديره اعليها تدري الضلع ماذيها
فاطمه فاطمه
*
يا علي ودع الزجيه وجهز الماي
لان من عصرت ضلعها تعبت اهواي
فاطمه روحي وحياتي وهيه دنياي
بلكي بويه اتفك جفنها وتحجي وياي
اتفاركني ما حسبالي فكلي الجفن يالغالي دمعي اليصب يجويها
فاطمه فاطمه
****
بطيحت المحسن يبويه دموعي طاحت
الزهره الحكيني يفضه اهوايه صاحت
انه مو بس راسي حته ارموشي شابت
فاطمه امي وما اصدك امي ماتت
فصل الجفن بالحيره والماي بيدك ديره وبعيونك انضر ليها
فاطمه فاطمه
*
راح من تلزم ضلعها اتشوف الاثار
نابت بصدري الزجيه تلكه بسمار
هجمو اعله الدار بويه وشبو النار
وثكل ذاك الباب كله اعله الضلع صار
بصوط اشكثر ضربوها والزهره ما راعوها كل حيل ماضل بيها
فاطمه فاطمه
***
يا علي ارحم دمعتي وفك جفنها
روحي ما شبعانه تدري اودع منها
بيت الاحزان البنيته مل حزنها
تبجي يا حيدر عليها لو لبنها
سلمان عاين حالك وبسك متت كلالك كل ما تحن تبجيها
فاطمه فاطمه
****
انه زينب والمصايب شيبتني
ليل اوداع الحبايب حيرتني
شو مشت عني الحنيه وفاركتني
شوغة المغرب يبويه عذبتني
بحجرتها صارت روحي كلي اشيطيب اجروحي احزاني شينسيها
فاطمه فاطمه
**
ليش اللنحبهم يدنيه بسرعه يمشون
نامو بنص المكابر ما يكعدون
اعزاز والله ومن بعدهم نصبر اشلون
راحو وضلت صورهم بين العيون
يا ناس يذبل عمره الدافن حبيبه بكبره هالكلمه اريد احجيها
فاطمه فاطمه
****
تمت
تحسين الخفاجي
قصيده مقتل الزهراء عليها السلام
من عصروني تغير وضعي
وصوبني البسمار بضلعي
شفت الحگ ضاع .. بكسر الأضلاع
تغير وضعي
**
هذا اليلم بيده الحطب. وذاك اليشب شفت النار
بالدار صاحو فاطمه. كلهم وان حرگو الدار
دفعو الباب اعله الضلع. وصوب اضلوعي البسمار
من شدت العصره طحت. وما ادري بالدنيه شصار
كلهم ملتمين ابابي
وما راعو هالگوم احجابي
اتلگيت الكاع... بكسر الأضلاع
*
حبتر سطرني بقوته. وعيوني احس طفاها
وگلهم زريق ابلا رحم. بالصوط حيل وياها
ذاك الركلني اعله البطن. ولا حرمتي راعاها
وذاك الضربني بالرمح. ودار النبي حرگاها
تلث ميه واكثر اذوني
وحيل اعله الحايط عصروني
وكل الأوجاع.. بكسر الأضلاع
*
بالباب من عدهم لذت. اوسط الجوراح جمره
محسن ابطني وضل يون. وينوح من العصره
طيحني قنفذ يا علي. اعله الكاع من السطره
وعالارض دم ضلعي نزف. والعين صارت حمره
اصرخ يا فضه ومهضومه
اتلگي ام حسين المظلومه
والدين انباع... بكسر الأضلاع
**
محسن الزمه حاولت. بس للأسف مو بيدي
الظالم رفسني بقوته. وموت بطني اوليدي
وتشيغ روحي بكل نفس. سافر ضواي وعيدي
عالنار اصيحن من تشب. يا نار اصبري وهيدي
حسبالي اوليدي ايباريني
ويكبر محسن ويناغيني
والمقتل شاع... بكسر الأضلاع
**
انه الغريبه ام الحسن. ومن حگ فدگ غصبوني
وبيت الأحزان اشكد بجه. من شاف دمع عيوني
شمسويت الهم يا علي. واهل الحقد عصروني
بضعة الهادي وللأسف. ما جنهم يعرفوني
قال المختار العدناني
من اذا الزهراء آذاني
اختلفو شبساع.. بكسر الأضلاع
**
تمت
تحسين الخفاجي
#ما_اسرع_الرحيل
خطاب رسول الله (صلى الله عليه وآله) مع حبيبتهِ فاطمة (سلام الله عليها).
————————————
بِنتاهُ هيا فاللقاءُ أتى .. والشوقُ في قلبي أماتَ المتى
من مُهجَتي ضِلعَاً فَرى
ومُحسِناً فـَـوقَ الثـّرى
بنتاهُ هيّا فاللقاءُ أتى
* ١ *
في عَينها حِزنٌ جَلي … هَل لوّعُوا قلبَ عَلي
ماذا جَرى في البَابِ يا زَهرتي؟
مالي أرى حِجرَاً خَلا … منكِ ولاحَـت كَربـلا
ما قَـدّروا حَقّي أيـا حَســرتي
إدنـيْ إليَّ فـاطِـمَـه وأغـفِي عَلى صَـدري
عِطري انطوى فِيكِ ومَا إستَنشَقوا عِطري
قد خـانَـنـا بـابٌ ولـم أرتـاحُ في دَهـري
سَلْ صدرها عمّا جرى
ومُحسِـناً فـوقَ الثرى
* ٢ *
جبريلُ مِن بّيتي دَنا … مِـن فاطِـمٍ واستَـأذنا
كيف العِـدا داسـوا على بابَـها؟
دارٌ بهاْ النورُ ارتَفع … مِنها الى العَرشِ سَطع
والرجسُ يهَتكُ حُرمةً ما خَافها
مـا خلّـفوا في عِتـرتي إلا دَمـاً يجـري
ودموعُ فاطمتي جَرت حُزناً على قبري
يا والدي نارٌ كَوَت مِن حِقدَهم صَبري
الدِفءُ من بيتي سَـرى
ومُحسِـناً فـوقَ الثـرى
* ٣ *
بـ نفاقِهم يـا بَضعتي … قـد أهمَـلوا وصيتي
حُزناً تكسّر خاطِري معَ كَسرها
مازلتُ أسمعُ صَوتها … بالدمعِ تقضي وقتها
مـا عُـظمُ بَلـواها أيـا صبـرها
همّاً تثـاقلَ حَملهُ في فاطِمٍ صارا
نارٌ بِها قَد أُسعِرَت والسَّوطُ تِذكارا
مِن رَفسةٍ قَد بَعثروا في الدّارِ أسرارا
هيَ بنتُ أحمدَ هل دَرى
ومُحـسِـناً فـوقَ الـثـرى
* ٤ *
أيتـامُها مـا ذنبهم … الحـقـدُ يـقـتـلُ أُمهم
واليِـتمُ سَهمٌ لا يُـداوى جَرحهُ
في لِحدها حنّت لهم … من ذا يُنشّف دَمعهم
في قلبها شـوقٌ عَسيـرٌ شَرحهُ
جاؤوا لها في ليلةٍ ناحوا على القَبرِ
أماهُ قـومي لِلـقا يـا فَـرحةَ العُـمرِ
مِدّي يَدَيكِ قبِّليِ قَبلَ القَـنا نَحرِي
هذا حُسيـنٌ قَد يرى
ومُحسِناً فوقَ الـثرى
* ٥ *
في الدارُ تبكي زيـنباً … وحسيـنُ يغفو ناحِباً
وترى الحسن في الدار ينعاها
المُرتضى يدعو لها … ويَـشّمُ شـوقـاً ثوبـها
رحلت وعاشَ بـ بيتهم ذِكراها
دامَ الأمـيـرُ عـَزاءهُ حتى ثـوىَ اللّـحدِ
دُفنت أنيسَتُ خاطري يا غُربتي وحدي
كانت بجَنبي فَـرحتي والآنَ مَن عِندي
ذاكَ حُسيـنـاً بالـعرى
ومُحسِـناً فوقَ الـثرى
عباس خليل السماوي.
ما يرجعون. ليش بالفرگه انذبح
ما يرجعون. وعالجرح رشو ملح
ما ادري امشي وعايش اشلون
والشيب خضر وسط العيون
**
انه ادري البعينه دمع. من يبجي يرتاح
جا ليش كلبي ما وكف. وتلولح وطاح
يا فاطمه انه علي. بروحي الحزن صاح
من رحتي بعيوني انكتب. ما يرجع الراح
لا تروحين. بغيبتج ياهو الالي
لا تروحين. عكبج اتغير علي
شو شيب اسمعهم يكولون
والشيب خضر وسط العيون
*
فوگ الجنازه اتخوصرت. ودموعي بالعين
ويا فاطمه بحرگه صحت. وين السفر وين
بضلوعي كل ساعه تشب. نار البعيدين
عد راسج اينوح الحسن. وينوح الحسين
وزينب اتصيح. كلبي يايمه انكسر
وزينب اتصيح. مني شيريد الدهر
ليش الاحبهم ما يردون
والشيب خضر وسط العيون
***
ما ترحم الدنيا ابد. من تغدر إنسان
رديت من المكبره. بس كلي ذبلان
عطشان مو للماي ابد. للملكه عطشان
كل ما عثرت بخطوتي. يلزمني سلمان
انه حيدر. روحي دافنها بگبر
انه حيدر. الج مشتاگ اشكثر
وسط اللحد وياج اضل كون
والشيب خضر وسط العيون
**
ضلت عيوني اعله الدرب. وصوابي بالروح
ليش الاريد بدنيتي. يتركني ويروح
مذبوح ما كلهم جنت. بس انه مذبوح
لجروحي ما يرهم دوه. شيخيط الجروح
والله حيره. امن ابجي يحرگني الدمع
والله حيره. زهرة الحب تنگطع
وسهران طول الليل يدرون
والشيب خضر وسط العيون
**
جنت انسه كل ذاك التعب. من احجي وياج
كل يوم اروح الحجرتج. وابجي اعله فركاج
من عيني ابد ما ينمسح. يالزهره ذكراج
هوه العمر يا فاطمه. اشيسوه بلياج
انتي كلشي. وانتي شريان الكلب
انتي كلشي. وفاطمه افراگج صعب
وايتام الج ضلو ينشدون
والشيب خضر وسط العيون
***
تمت
تحسين الخفاجي
نارٌ وأحطابْ
وصوتُ قلبي...باسمِ العقيدهْ...أهلاً بمقتلي
لَنْ أتركَ البابْ
إعلانُ حبِّيْ...أقضي شهيدَهْ...بينَ يَدَيْ عَلي
بالضلعِ أفتديْ
بيعةَ سيِّدي...أهلاً بمقتليْ
////////////////////////////////////////////////
هالحرب ما دام لعلي شيصير خيصير الوضع
فنها بسمامير العدو أتغير قرارات الضلع
الهايم بطاعة سيده ما يهتم لباب الجذع
منْ أجلِ عينَيْ سيِّديْ الكرارِ
أسلمتُ هذا الضلعَ للمسمارِ
هذا اختيارُ اللهِ واختياريْ
ألسوطُ في ويلْ
ما رفَّ جفنٌ....لعينِ مَتْني... والحقُ مطلبيْ
وليشهدِ اللَّيلْ
أُخْفِيْ أنيني..عن قلبِ حيدرْ...خليفةِ النبي
أكَّدَ والديْ
بيعَةَ سيديْ
///////////////////////////////////////
حسبالهم من أنچوي بالنار بالي ينشغل
التفت بلّه ليا حطب وگلب ابن عمي مشتعل
وما دام جفي بجف علي شيريد خل يحجي الحبل
حتى وإن صفعتُمُ جبيني
إنِّي أحامي ابداً عن ديني
وعن إمامٍ صادقِ اليقينِ
ذي جذوةُ النار
دون الولايهْ.... برداً أراها...بالحبِّ أحتميْ
هلْ عتبةُ الدار!!
تدري بأني...هيأت نفسي...للأرضِ أرتميْ
أريدُ مقصديْ
بيعَةَ سيدي
///////////////////////////////////////
آنه ام ابوي المصطفى يوم الكسر يوم السعد
يحلم ضجيج اهل الغدر يگطع كلامي اويه الولد
يردون عالكاروك أون والمحسن امطلگ المهد
طفليْ فداءُ سيدِ المحرابِ
ما ماتَ بل عاشَ وراءَ البابِ
أعلنَ يومَ النصرِ في الأعتابِ!
للكسرِ إعلانْ
دمعي دليليْ.... عنهُ البقيعُ…يحكي مدى الدَّهَرْ
في بيتِ أحزانْ
ضلعي سيروي...عنْ قبرِ طفلي…فما لهُ أثرْ
أعطى لأحْمَديْ
بيعةَ سيديْ
///////////////////////////////////////
جايب لبيتج فاطمه اتلثميه گالولي وكسر
مايدري ابو كلمة و ( أن ) متوّطنه بالباب انعصر
لخاطر امامي المرتضى وافقت بعيوني انسطر
يا نفسُ من بعد الحبيبِ هونيْ
وبعده لا كنتِ أن تكونيْ
هذا عليٌّ ساهرُ العيونِ
الدهر خوّان
تباً لأمهْ....عادتْ علياً..وتابَعَتْ زَفَرْ!
القلب لهفانْ
يبقى حسينٌ...بعدي يتيماً..يصارعُ الخَطَرْ
يشهدُ في يديْ
بيعةَ سيديْ
////////////////////////////////////////
ومن هجمو أشباه الزلم الساني بالقائم لهج
مقهوره اعاين للسمه ولوليدي ادعي بالفرج
يارب علي لخاطر علي عجلّه خيفرح المهج
وإنَّ كسر الضلع ليس ينجبرْ
الا بصمصمام عزيزٍ مقتدرْ
لأجلهِ حتى الظهورِ أصطبِرْ
في الكفِّ آثارْ
أدعو إلهي ....ليلاً مساءً…عجِّلْ بمنتظَرْ
نهضاً إلى الثارْ
فاصلبْ فلاناً...واصلبْ فلاناً..جهراً على الشجرْ
يطلبُ في الغدِ
بيعةَ سيديْ
اللهم عجل لوليك المنتقم الفرج
احمد ماجد الركابي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
كل ما اغمض اعيوني اتحلم بيك
طايح يبني وخيل ادوس اعليك
هذا الحلم تعبني // فوگ الرمح راس ابني
///////////////////////
كلما سلهمت عيني _ طيوفي لكربله تسافر
افزن ظلعي يوجعني _ احس چن ساحگه الحافر
ما عرفتك بالحلم يمه وجزيتك
مطشرات اظلوع صدرك من لگيتك
يمه فاجئني الشمر لازم لحيتك
فوگ راسي تراب هليت ونعيتك
هذا الموقف شالع كلبي اهواي
هوه وليدي شرايد غير الماي
موقف صدگ عذبني // فوگ الرمح راس ابني
///////////////////////
صور من مصرعك يحسين _ يجني وگوه اتنفس
أوصيك بظهر عاشور _ لا تلبس شگو محبس
گمت افز بالليل يبني عليك انعه
ليش أصابع ايدك من احسبهه تسعه
بالحلم ونك گمت گوه اسمعه
رمح خانگ ريتك محد يطلعه
خنصر بالطف منك راح يضيع
ماگلت الهم هذا المحبس مو للبيع
يگول الخذاه عاجبني // فوگ الرمح راس ابني
///////////////////////
نفس محسن شفت بالطيف _وعساني احسين ماشفته
بحضينك طفل عطشان_ بس النبله ذابحته
عود ردت بماي عطشانك تفرحه
وراح يمه حرمله بحظنك يذبحه
دم رگبته بهدمك تحاول تمسحه
موقفك لاهل الخيم دمعك يشرحه
هنا عبدالله من يحس بيك تميل
يطلع چفوفه وراح يشبگك حيل
سهم ابنك مشيبني // فوگ الرمح راس ابني
///////////////////////
شما شفتك تريد تگوم _ يرفسك حيل ذباحك
بكثر ما بالرمح طعنونك _ تعبر ايدي بصفاحك
يمه وجهك من گفاك عليه ضايع
وانته جوه الخيل رايح مدري راجع
حتى گلبك بالسحگ يحسين طالع
شضال بيك من السحگ خاطر تنازع
من خاصرتك شفت مبينه الگاع
تعلل موتك يل ما مت بساع
بيش الوكت طالبني // فوگ الرمح راس ابني
///////////////////////
نسيت السطره وظلوعي _ يبني ولا گدرت انساك
تمنيته حلم يحسين _ وافز من نومتي والگاك
كون ما تتسلب وينباك هدمك
وكون زينب من تجي تگدر تشمك
حسين خوفي الوادم التكره تلجمك
بالحلم يمه بقيت وبالي يمك
كون الشفته يضل اوليدي احلام
يتعب اختك راح اهواي الشام
هذا الحلم عجبني // فوگ الرمح راس ابني
///////////////////////
تمت ____ علاء الزيـــدي
ضعفت لحد ما صارت خيال
ومحدبة اكثر من الهلال
ومن تتنفس تبجي بحرگة
وتطلع جنها اسهام الشهگة
——————-
ما مرها اي انسان .. يعصرونة عالحيطان
ويضربة چف شيطان .. ويطيحة للگاع
بالزهرة اكثر صار .. عصروها جوه النار
وبيها انلوه البسمار .. ومنها الطفل ضاع
واللعين برجله يدفع ما يحس
سورة الكوثر يوادم تنرفس ؟
غيمة سودة وعصرة خيوط الشمس
الباب يغلي وعالجذع دفعوها
طگة ضلعها بدفعة افلان
واصل دويها لبيت الاحزان
تحچي احچايتها ومختنگة
وتطلع چنها اسهام الشهگة
———————-
طاحت عليها اجذوع .. تكسر صخر وضلوع
وبسمارة ما مشلوع .. باب وقوي اهواي
والمحسن امن انصاب .. طاح اعله طرف الباب
واتگمط بعطاب .. ودمع امه مو ماي
ما شفت لا بالچذب لا بالصدگ
المحترگ گلبة ويطفونة بحرگ
وعتبة الزهرة التشور تنسحگ
و الـ وإن بذن الزمن زرعوها
مرأة ونحيلة وتدفع الناس
وجرة القوس اتجر بالأنفاس
الشمعة اتموتها المحترگة
وتطلع چنها اسهام الشهگة
——————
لحگتها فضة تريد .. تلزمها من چف ايد
تحملها بس تبيد .. ضعفت اديها
چفها انترس تجريح .. اتچيها بس تطيح
فضة لولدها اتصيح .. وركضو عليها
طافح اعليها الحسن سيل وطفح
شالها امن الباب واذراعة انجرح
والاحسين اعليها من هسه انذبح
عمت عيني امن الجذع شالوها
وزينب تضمد بيها وتگول
شيضمد احسين من الاخيول
الكسرو ضلعة شلون انشبگة
وتطلع چنه اسهام الشهگة
—————
باتت نحيلة هواي .. صارت خيال بماي
ونتها تكسر ناي .. وتفطر گلوب
وصلت وجع والالام .. مابيها حيل تنام
تنكسر مثل الجام .. وي وكت الغروب
من يجيها المغرب تكض الضلع
تحس هوه الله اعليها رايد يندفع
امن الوجع ظل صوتها اولا ينسمع
يمها يتدنون ويسمعوها
اليا يمه فاگدها الحسن حيل
عازتها عازة اليمة للحيل
مثل امه ابن ادم ما يلگة
وتطلع چنها اسهام الشهگة
———————
وصلت بعد للموت .. گطعت نفس والصوت
وظل يخطف التابوت .. گدام العيون
جمعت ولدها اغيوم .. المذبوح والمسموم
تگلهم وراي بيوم .. كلكم تموتون
يالحسن چبدك تشوفه ابطشت راح
ويا احسين بصدرك امكاسر رماح
وكل مصايبكم لختكم بس جراح
وزينب الما طالعة يطلعوها
كسرة اضلوعك يمة يحسين
من صوتها اتطيح الصواوين
تحظن بي لا خيل تسحگة
وتطلع چنها اسهام الشهگة
—————-
علي هادي الخزعلي
الليالي الفاطميه
واضيعتاه واضيعتاه
أيا عليُّ ودع العشرة
.................
لقدْ بانَ الضياعْ وصوتاً يعتلي
اذاً حانَ الوداعْ حبيبي ياعلي
اشدد حيازيم الدمع حزنك انثره اعله السمه
ياحيدر الموعد گرب ساعه وتفارگ فاطمة
جفوف التشم بيهن قبل انترسن رماد ودمه
هيج الله رايد نفترگ اصبر يحماي الحمه
واضيعتاه واضيعتاه
أيا عليُّ ودع العشرة
،،،،،،،،،،،،،،،،،،،،،،،،،،،،،،،،،،،
علاماتُ الرَّحيل على وجْهي بتَدتْ
فمن يشفي الغليل وأيامي انقضتْ
اعذرني ياحيدر بعد عشرتنه طشرها الحرگ
والمحسن التنطر أله بالعتبه طايح مختنگ
منك اريد اشبع نضر قبل الجفن ماينطبگ
لا تتعب اوياي تبدوه لازم اموت ونفترگ
واضيعتاه واضيعتاه
أيا عليُّ ودع العشرة
،،،،،،،،،،،،،،،،،،،،،،،،،،،،،،،،،،،
جرتْ عينُ السماء دموعاً هاملهْ
عويلٌ و بكاء وروحاً ذابلهْ
يالماطحت يوم ابحرب وبكل حرب ماتنگدر
ياوسفه اشوفك منحني مثل الغصن من ينكسر
گلبك احس بي مشتعل جن گطنه وتطيح بجمر
لو ميته هم اوياك اضل يابالحسن لا تنقهر
واضيعتاه واضيعتاه
أيا عليُّ ودع العشرة
،،،،،،،،،،،،،،،،،،،،،،،،،،،،،،،،،،،
فمن لي في البقاء وداعاً للحياةْ
الى حِينِ اللقاء على نهرِ الفراتْ
ملگانه باجر ياعلي ابين المخيم والنهر
والحيره بيمن ننشغل بيالجمه ياكسرة ضهر
بالخيمة بمناشغ طفل لوطيحت جفوف الگمر
لو بالحوافر والسحگ طف كربله يموت قهر
واضيعتاه واضيعتاه
أيا عليُّ ودع العشرة
،،،،،،،،،،،،،،،،،،،،،،،،،،،،،،،،،،،
عَلَى كُلّ ما جرى لربي ذاكرهْ
الى عينً ترى عيوني ناضرهْ
ياربي الهمني الصبر اتحمل الام الضلع
انه ابعمر مالت ورد لا والله مومال انگطع
ضليت الوج من الكسر حته من اسولف انوجع
كلشي قتنَع راح ابتعد بس الگلب مايقتنِع
واضيعتاه واضيعتاه
أيا عليُّ ودع العشرة
ابوفايز الرافضي
جرح ماكو نظيره
مضى بفتره قصيره
منو سامع مثلها
غريبه ابيت اهلها
++++++++
هيه والمحسن وحدها جتها وادم فازعه
بالحچي اليجرح مشاعر من قبل ما سامعه
امدافع الباب اعله حرمه شعدها حيل امدافعه
امن الالم لو من هضيمه چانت آه الطالعه
المها مو كسرها
جرح فاطم سترها
ال وإن ناده كتلها
غريبه ابيت اهلها
+++++++++++
امن الحطب لو من ضلعها كسره تسمع واضحه
صِفْنت ومحنيه ضلت مايله وما طايحه
تستمع نبضات ابنها روحه عرفت رايحه
سمعوا الصيحه ولدها فضه چانت صايحه
تِگلهم من اجوها
اختكم رجعوها
جمر لا يوصل الها
غريبه ابيت اهلها
++++++++++
يگضي ليل المر عليها گعده مره او واگفه
تبچي من تسألها بتها شبيها ايدچ راجفه
امن الالم لو هظمه عندچ يم حسن لو خايفه
سرحت البال ونظرتچ اعليه تشرح سالفه
تنظرين اعله اديه
شنو يجره عليه
منو ليشد حبلها
غريبه ابيت اهلها
+++++++++++
تخفي عن حيدر مواجع ماتت وماظاهره
عثرة المسجد تفسره اشتعني عنده الطاهره
بالغسل واشلمست ايده وعنها غمض ناظره
موثگل نعش الزچيه بس فگدها الكاسره
دفنها بيده روحه
منو ايضمد جروحه
بچاها ادموعه كلها
غريبه ابيت اهلها
+++++++++
تختلف حته ابدفنها يا مآسي الشايله
اليا سبب مخفي گبرها رادت ام العايله
لهفه بگلوب التحبها الها تگصد مايله
توگف اباب الزچيه الما يرجع سايله
اليطوف اعله الزچيه
ينوح الغـاضـريـه
منو الافجع يگلها
غريبه ابيت اهلها
++++++++++
ثائر الربيعي
السان حال عن مولاتي زينب
عندما رجع الامام علي روحي فداهما من الدفن
وين أمي وين أمي
يابويه راجع خالي
موفطرت دلالي
٠٠٠٠ ٠٠ ٠٠٠٠
زغيره بعدني عله اليتم
وضيم اليتم شيحمله
يابويه اطلبنك طلب
الباب كون تميله
مسمار كاسرله ضلع
وشلون ذيج النبله
والمثلي امه تفارگه
بهذا العمر موسهله
بعدني بسن طفوله وشابت عيوني
شفت منظر ذهلني ونخطف لوني
ياجلمت يتيمه الخضرت بالبيت
اواسي اخوني لوهمه اليواسوني
الدمعات عالخد سالت
زهرة زماني انشالت
وين أمي وين أمي
٠٠٠٠ ٠٠ ٠٠٠٠
ابجي عله حالك ياعلي
مدري ابجي انه الحالي
الجناز ياخذ والگبر
مايوم رجع غالي
فراگ الحنينه بكل وكت
جتالك وجتالي
شمعت ليالينه نطفت
من الدنيه راح هلالي
هاي الغاليه الماكو بمحنتها
الله يعين روحي شلون شافتها
طاحت ميته امي من عصرها الباب
ومحسن طاح من شوغات طيحتها
انشد واصيح شلونك
بويه الدمع بعيونك
وين أمي وين أمي
٠٠٠٠ ٠٠ ٠٠٠٠
شلون گلبك طاوعك
بالحد فاطم تنزل
منها الضلوع مكسره
الشيل الثره ماتحمل
يل جايني مصوب حجي
وعينك وكلبك يهمل
شافوك شمات شكثر
وعين الشماته التكتل
بظلام اليل ياحيدر تشيعه
وعن هاي البشر رادت تضيعه
الحارك دارهه وعاصرها عله الباب
تخاف من الحد باجر يطلعه
صاح الحسن بدموعه
زغير وحناها ظلوعه
وين أمي وين أمي
٠٠٠٠ ٠٠ ٠٠٠٠
بويه الورد مو للگبر
ابستان كون وينشم
عطر النبي جوه الثره
من هالظلم يتألم
وبياذنب من الزغر
حسين وحسن يتيتم
بذهانه صورت جمر
من عدها ابد مانسلم
دخيل الله ودخيلك بويه ياكرار
بدايتنه ظلع وحايط وبسمار
اخذني للحنينه وشلي بيها الروح
هاي النار باجر بويه نفس النار
باجر أصعب المنظر
اصيح وگلبي يتفطر
وين أمي وين أمي
٠٠٠٠ ٠٠ ٠٠٠٠
هوه الهضمني ياعلي
راجع وضهرك محني
محتار من الفاجعه
بيا فاجعه اتصبرني
كل خطوه بويه بمشيتك
بيوم الطف تذكرني
هم مثلك ابقا الوحدي
وخيل العده تعثرني
عله زينب ياعلي يتكرر المشهد
الهيب النار بخيامي حزن يصعد
افر من الخيم وركض الخوي حسين
وشوف حسين بخيول العده مفرهد
لاخنصره ولانحره
واركض واصيح الزهره
وين أمي وين أمي
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
غفوة شوگ بدمع الحسرة
مرت طيف وشفت الزهرة
و صحت الله .. و اچم آه .. بعيوني
____
الليل للفاگد حبيبه يدلهم ابروحه اشتياق
وانه ليل عيوني وحشة اهلالي ما عاف المحاق
ضعت بدروب البواچي و كل متاهات الفراق
وعاشت آمالي اعله طيفي يعرج ابروحي براق
انطر طيف يصحلي ابملگة
و اتنفس ما بين الخنگة
كون الگاه .. و اچم آه بعيوني
___
جرني من أعماقي شوگي ورحت ادورلي اعله بير
ثاري بير اسرار گلبي هو راسملي المسير
جاذبية جدمي گبرچ يم حسن لازم تصير
افترش گاع المگابر و ينفتح جرحي الچبير
اگعد يم گبر ام ايتامي
احچي همومي وضيم ايامي
و ابقى وياه .. و اچم آه بعيوني
____
أنه و مناشغ دمعتي بحرگة اعاتب بالتراب
يالخذت مني الحنينة و عفت بعيوني السراب
و بين كل اهاتي مرت غفوة بس ردتني شاب
شفت وجه أحلامي كلهن وكل جرح بحساسي طاب
يفرق بين الليل و صبحه
دمع الحسرة و دمع الفرحة
ما انساه.. و اچم آه بعيوني
____
ما اخلي جفوني ترمش خايف ارجع للضياع
توني شفت ايام سعدي الباگهن ذاك الوداع
سولفيلي شلون صرتي بعدچ بذيچ الاوجاع
انتي اول سمه بروحي للأسف لمتها گاع
امشي وياي ورجعي لبيتچ
مشتاگين لفي حنيتچ
ضيعناه.. و اچم آه بعيوني
___
بعد الملاگة و فرحتي و بعد تأديت السلام
گالت ارجع يا حبيبي زينب اتخاف الظلام
بسرعة ردالي انكساري و شگت آهاتي اللثام
محني رديت اعله بيتي ما يلم جرحي الكلام
راجع متعوب ابلا حيلي
من گمرة ليلي لهم ليلي
وا ويلاه .. و اچم آه بعيوني
____
عباس حسن السوداني
أنه الحنان الزهره خاسرته
جا عمري ألمن بعد عايشته
والدنيه بعد الوالده -- مثل السيوف الحاده
*********
1= أذا مات الــــهـوه شتشتم - يحلـــمك يبدي يتهدم - مايرضه أيدك تلزمه
الوجع شيكضه بضلوعك - تموت كبالك شموعك - تـترس بيتك الضلمه
مشـــت جفــينها الجانـــت حدر راسي
وكـــبل شيبات راسي شيب حساسي
بيرغ خـــــفك روحه صارت أنفاسي
******
دخان طولي وكــوه وكــفـــته
ياكلبي يامكــــــطوعه سالفته
ياناس ليل الفاجده ** مثل السيوف الحاده
2= صحت ياليلنه دخــيلك - تعال أسمعني شحجيلك - أكعـد خلي نتسامر
فراك الـزهره ماذيني - أبطولك لا تــــبجيني - نام ولا تضل ساهر
وكــت خلاها زينب تـــنجـــــفي بكترك
وبعد صدر أمها رادت تـنتجي بصدرك
عله هونك فوك كسري لا تحط كسرك
***
ياليل تــدري الفــــركه جـتاله
فــوك الجروح جروحك جماله
مني الجروح شرايده ** مثل السيوف الحاده
*********
3= عاده اليطلع بسفــره - ماي نطش وره ضهره - أحنه أيـــتام طشونه
للمغـــتسل طب فينه - هاي الزهره مــو هينه - وحسين نخطف لونه
بحضنمن يبكه راسه راح حضن أمه
ومثل شمة الزهره ياهـــو اليشمه
أباوع طوله أشــــوف بكل كتر ثلمه
***
ناده علــــيه وأشر بأيــــــده
صاح الحــــوافر ماهي بعيده
حرت بنضرته الشارده ** مثل السيوف الحاده
4= بعـدها الباب مشتعـله - الماتـــت أمه شتكله - وكباله الحجي تضيعه
النعش لو صار جتالك - تضيعك صرخة عيالك - غصبن عـــنك تشيعه
أعــز أنسان عـــندك وأنته دفانه
عله جتافك تشيله العشت بحضانه
ودك تندفــــــــن كون أنته بمجانه
******
ياعلي تمشي بياعلي جدامه
دمعاته طاحت من وره لثامه
ضهره بمصايب شاده ** مثل السيوف الحاده
********
5= نعش شايل نعش راحو - أبوي وفاطمه ماتو - وأنه الحزن خانكني
وراهم يـنحب حسيني - مشيته دم تبجيني - محــــد صاحله يبني
وراهم صاح بس ما ينسمع حسه
طلع جـثه الحسين يعالج بنفسه
راد يــموت كتله الموت مــو هسه
**
ماحان بعده موعد طفوفك
عالغبره باجر زينب تشوفك
رماح بجبدتك كاعده مثل السيوف الحاده عبد الجليل المالكي
يـــتـابــوت الحنــينه * ألك مديـــــــنه أدينه
بجينه دموع ودموع * تــعال أسمع بجينه
**********
1= كاعـدين وعله غفله عود عـشرتــنه نكسر
نزلت الفــركه علينه من أجت نــــزلة مطر
ليش جرحوها العزيزه الـزهره ماجرحت بشر
ولبسوه أسود سمانه وصار فــــــاهي بلا كمر
***
نهجم بيت الجمعنه ** حضن ماضل يلمنه
راحت راحت البيت ** وضل الــهم سهمنه
********
2= ياجــــرح يالـــفاك عــينك ما يسد عــينك حلم
الباب طش نجوم عمري شلـون ينلم النجم
دم عله الحــيطان يابس وذكـرياتي الـكلها دم
وأدري هاي النار ترجع باجــــر وتحرك خيم
**
ركض بعيوني تعبي ** ولا يــــرتاح كلبي
حياتي فراك وفراك ** دخيــلك صحت ربي
3 = علي بس الصـوت باقي علي ما باقي عدل
أمتونه مو ذنيج هدلت فوكها ناخ الحمل
صحت حقك والله بويه الصار بينه مو سهل
والله لو بالماي نارك الـماي منها يشتعل
**
الأمس بيتك تـلمه ** صارت هسه جلمه
شوفك بويه معذور ** كون أعليها يعمه
*****
4= أمي أعز الناس عندي وبحضنها شكد نمت
راحت وعافتني دمعه بعين فـــركاها حرت
درب الموادع أكرهه وكـــوه بيه أنه فتت
حره جنت بزود أمي ومن جفــتني تأسرت
****
صاحب كلبي جرحه ** من فارك الفرحه
عمري الصبح يدميه ** والمــــغرب يذبحه
5= ياخــلك شله بحـياته الحلم عــــمره مندفــــن
حزني ضل يعصر بأيدي وأعصر بأيد الحزن
عمري بالكوات أعيشه والعمر ما ينضمن
وبعد حضن أمي العزيزه تصيرلي الغربه حضن
****
بعد عين الزجيه ** منو يسأل عليه
باجر باجر تروح ** زيـــــنبها سبيه
****
عبد الجليل المالكي
أعظم الله تعالى أُجورنا وأُجوركم بذكرى شهادة سيدي ومولاي التابعي الجليل سعيد بن جبير ( رضوان الله عليه ).
قصيدة { في سبيل الله حياتك }
يا ظــلـم يكسر ثباتك ... في سبيل الله حياتك
وإنته عند الله شهيد ... يا سعيد شگد سعيد
في سبيل الله حياتك
...............................................................
عابد وحر وتقي ..للشهاده ترتقي .. خطوه خطوه
لاندامه ولا أسف .. والشهاده أكبر شرف.. والله تسوه
ما يگدر الحجاج يهزم ثباتك
يامن وقف سويت لله حياتك
راسم بدمك مآثر ... ذاكه ماضي وهذا حاضر
للمجد قصتك نشيد ... يا سعيد شگد سعيد
في سبيل الله حياتك
...............................................................
گلبك الينبض علي .للمعالي يعتلي ..شگد تحبّه
ألف هنياله الحظه ..من غرام المرتضى .. نبض گلبه
ما بايعت للجور لا للضلاله
لهذا السبب علّاك رب الجلاله
يا صبر محد يفسره ... تموت ثوره وتحيا ثوره
توصل الكلشي تريد ... يا سعيد شگد سعيد
في سبيل الله حياتك
...............................................................
يشفع القرآن إلك .. ترتّله ويرتّلك ... دم وريدك
عابد ونعم الصفات ..تموت بس موتك حياة .. هذا عيدك
والموتك إختاريت لا ما يهمك
يزعزع كيان الجور من يجري دمك
ثائر بأوصافك إنته ... إنچان تحچي إنچان سكته
جور خصمك ما يفيد ... يا سعيد شگد سعيد
في سبيل الله حياتك
...............................................................
كاتب بدمك درس ..مرجله وعزت نفس .. ما تساوم
وينه حجاج الغدر ..بعدك شگد ينتظر .. ما يقاوم
تدعي الله ويوافيك ربنا بعظمته
هالك عدوك صار ظل بحسرته
راسك المفصول منّك ... بالنيابه يقره عنّك
يرتل كتاب المجيد ... يا سعيد شگد سعيد
في سبيل الله حياتك
...............................................................
شما أزورك وأعتنيك .. بجاهك أدعي الله وأجيك .. أنسه همي
هالكرامه من الآله ..تستمع گلبي وصداه ..تگلي يمي
أدعي الله والحاجات مگظيه يمك
ينطيني ربي مراد من أذكر أسمك
باب للحاجات بابك ... اي وحق هذا مصابك
شگد قريب ومو بعيد ... يا سعيد شگد سعيد
في سبيل الله حياتك
...............................................................
هاي أحبابك إجت ..بالدمع يمك بدت .. هالعزيّه
تواسي طه وحسرته .. وإنته تابع عترته .. بهالمنيه
زوارك بهاليوم يالغالي سورك
تحيي المصاب بنوح لمن تزورك
يا سلام الله اعله گلبك ... للمجد مرسوم دربك
ما تميل وما تحيد ... يا سعيد شگد سعيد
في سبيل الله حياتك
...............................................................
خادم الإمام الحسين عليه السلام
عمار هليل الواسطي
مدي أيدچ حُب عليه
بليالي الفاطميه
بيضه أريد النيه بيه
فاطمه يم الحسين
آنه مو مگداري عطفچ
و لا أضن گدري أخدمچ
لچن باب الرحمه شفتچ
هاچ شديها الأدين
قبليني عبد. لو شجرة بفدك
و طلبني طَلب. المو بأسمچ هلك
يم المصطفى. تراب أعله الگلب
نظفيني و بَعد. للمجلس أطب
هاچ گلبي و خلي يمچ يلحنينه
الدمعه لأولى كون مني لو نعينه
يا زهراء
مسحي گل أيام طيشي و خل أخدمچ
هاي كلها الدنيا و البيها برحمتچ
==========================
فاطمه هاذا آنه مبعد
خذيني بيدچ مجلس أكعد
العشه يمكم لازم أيرد
شما يطير شما يروح
منيدج آنه لـ أيدچ أمشي
وگلبي يترك والله كلشي
و لو يزل أگطعله هرشي
و بـ أسمچ تفيض الجروح
خليني أنفرد آنه بدمعتي
باب و محترگ. خلي بحسرتي
يلـ زهره العمر و آنه و كل هلي
أخذي كلشي ألچ و دمعه بس ألي
هاچ كلشي و قبلي واحد من عبيدچ
آنه و أمثالي دخيلچ كون بيدچ
يا زهراء
ظامي دلالي و يروي وَحده جودچ
يلحدود الله الرحيم أنتي حدودچ
===========================
بيدچ الرحمه الچبيره
أخذي گلبي و كل نظيره
بـ أسمچ أعيوني أسيره
عبد لليعبد عزاء
آنه أزغر خادم ألكم
فدوة قبليني عبدكم
كلشي أنطيكم و أحبكم
وأنتم أنطوني البكاء
ريحانة علي. بيدچ سلمت
گلبي و العمر و حسبيني همت
ولو أعثر و أزل گصيها الأذن
الجرها ما نفع. الما عاش بحزن
يمتى حالي يصير چنه الندى الينزل
على جروحچ يلحنينه و دمعتي تهل
يا زهراء
هاچ روحي البيها ضايع ذنب آدم
آنـه مـا أوفي عطائچ لـو أذب دم
========================
هاچ كل أحلام گلبي
و بس عليكم خلي دربي
آنه أنفذ و أنتي طلبي
الما تطلبينه بضياع
فاطمه گيديني بيدچ
و عتي حبلي من أريدچ
عبد خليني لعبيدج
عبد عدهم لو متاع
ذبحيلي الگلب عن المو ألچ
و رخصي دمعتي. لمصايب هلچ
لَيطيب الجرح. و خليني أنفجع
وخلي حسرتي لمصاب الضلع
كلشي بيدچ و آنه بيدي الهوى العابر
هاچ حيلي و خلي حسره بالمشاعر
يا زهراء
كلشي عگبچ ضلمه يصبح و انتي نوره
أخذي گلبي بنورچ أنتي و أبني سوره
========================
فدوة لميني بشليلچ
لا تتركيني دخيلچ
لون أبعد هم أجيلچ
شما أطول بالغياب
لون أبعد لزمي روحي
و بلملح لچمي جروحي
بلمصاب يزيد نوحي
بلمصاب و بلـ عذاب
يا أكبر أمل. نازل علـ گلب
خليني أنفجع و دموعي التصب
كبري حسرتي. يا حسرة علي
هاچ أيدي ألچ. ومدي أيدچ ألي
غصني يابس وآنه أخظر من عطائچ
يَضل الله النزل بس من ضل ردائچ
يا زهراء
هاذا عمري أبابچ انتي راح أنذره
العمره يگظي و ما يجيلچ شنهو عمره
الشاب علي حسين الخفاجي
الدار وحشه وضل مجانج خالي
بدمعي ارسم صورتج بخيالي
هذا حال الي يفارك غالي .. يالزجيه .. يالزجيه
*
اشعر بحافر فرس..اليله بضلوعي رفس
يكطع بريتي النفس ..اويلاه
بالحزن صدري انحبس ..وبالهظم جبدي انغرس
راسي بالشيب انترس .. اويلاه
مايهدل امتوني الحزن انه الجبل من صبره
هسه اعرفت معنه الحزن من ودعتني الزهره
حال اليفارك يعيش بنوحه
وماتطيب من البواجي اجروحه
وانه ذاك البيده دافن روحه..بذني اديه..يالزجيه
"**
يالعشتي وي روحه سوه .. اليله فاركني الضوه
عالكبر وجهي هوه .. وصحت آه
الضايع اعليه الهوه .. يرتجي منين الدوه
خدي بالدمعه انجوه ..وصحت آه
اشهك واون عله الكبر وامسح دمعتي بحسره
بعدج علي يم الحسن ثنين ايده لازم ضهره
راح ارد وكلشي بيه يكابر
شوفي داحي الباب حاله اصاير
والله يكسر يالزجيه الخاطر ..بهل مسيه..يالزجيه
****
ايشيب الراس البعد .. محني ضهري هلال ارد
عفت روحي بالحد .. حلم مات
كامت ايامي تعد .. والفرح بابه يسد
بالكبر عفت الورد .. حلم مات
حيدر علي الما ينتجي محنيه حيل اضلوعه
والخيبر بجفه قلع يمسحها كوه ادموعه
شكد كسر ضهري الزجيه امصابج
روحي طلعت وانه اهيل اترابج
ضلت اولادج تشم بثيابج .. اصار بيه .. يالزجيه
**
روحي وي روحج مشت .. ضلوعي بعدج حدبت
الحره عنج ناشدت .. يزهراء
كل دمعها وشلت .. شكو ذكره تبللت
دياري من بعدج خلت .. يزهراء
وحسين اشوفه بيا وضع دم الدمع بعيونه
وابيض مثل لون الجفن لون الرمش بجفونه
تغيرت كلش معاني حسينج
بس تعاي وشوفي حاله بعينج
شكد سوالف راد بينه وبينج ..كلها اليه ..يالزجيه
***
العاشت بروحي صعب .. انساها بديار الغرب
بيا ضهر مكسور اطب .. عليها
امشي وادموعي تصب .. شاتل بدمعي الدرب
هايل بجف الترب .. عليها
اتلفت الكبرج واون وكل خطوه كوه امشيها
بجدامي من رديت اخط وحسراتي اموتن بيها
ماانام اليل وعيوني تهل
مدري ميت عكبج انه لو عدل
الفكد غالي من البواج مايمل.. للمنيه..يالزجيه
*
تمت
احمد الخفاجي
تابوتج عرش بلقيس .. وانه بمملكت نوحي
مرسال الامل مذبوح .. من دورته بجروحي
هدهد سُليمان .. ابيت الحزن چان
من دورته بجروحي
_____
مراسيم الكسر تمت وصارت دنيتي ضلمه
ينعمه من الله للمخنوك شلون تبدت النعمه
زينب وارد اون اعليج ونت فاكده بهضمه
طلع تابوتج من البيت ورا طلعت شكو لچمه
الشال النعش كون يصير .. طير وبلسمه شارد
ويجي بمرسال موتي وياج..ونموت بكبر واحد
مودعتلي قرأن . ابيت الحزن چان
من دورته بجروحي
مه
ال
كون بلا وعي يمرني مرسالي ويجي مره
ويكلي من الحلم فزي هل رجعتلج الزهره
وسئلها يضي عيني جرحج صاير شكبره
كل هذا وانه اتمنى ! واقع صارت الكسره
اكضيها بتوالي اليل .. دمعة فاكده اونه
وتذكر حنانج ذاك .. يل ما ينشبع منه
وجه الكون ذبلان .. ابيت الحزن جان
من دورته بجروحي
ت شكو لچ
سُليمان وعُظم ملّكه اعضم منه مملكتي
بعاطفتي الحزن ديره يمه شكد الم عفتي
من دونج اعيش شلون اذا هوه النفس انتي
طفله ودمعتي بعيني وتبچي الصخر ونتي
الدمعه والحزن والنوح .. ضلن سالفه بعيني
نعشج طلع من الدار .. مدري الطلعن اسنيني
دفن الورد حان .. ابيت الحزن جان
من دورته بجروحي
چمه
الش
بابج والحرك والطاح والمافتح اعيونه
المحسن سولفه البسمار طفلج غيرو لونه
ويه رماد ذاك الباب بلعتبه يلمونه
وحيدر بس جروح واه بغيابج بقه شلونه
علي ومفاركينه اعزاز .. نهر وطشرت اجروفه
هذني القلعن البيبان .. هسه شبيهن اجفوفه
ودموعه نهران .. ابيت الحزن جان
من دورته بجروحي
كو لچمه
حسين ويا عزيز امه جرح متمدد احساسه
زغير بس حزن كبران يضوي الشيب البراسه
يمشي ومنكسر ضهره وكوه يصعدن انفاسه
ياهوه اليعينه اليوم وما مولود عباسه
من شاف الضلع مكسور .. حسين انكسرت اضلوعه
على مصلايتج بليل .. يامه نترست دموعه
ويكلي عطشان .. بيت الحزن جان
من دورته بجروحي
علي مخيلف