533
حسين سالوفة عشك مرها الذبح للتواصل @Eng_alhabeeb
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
هله ومية هله حله الشارع حله
يبعد عيوني الاثنين هله بزوار الحسين
..........
هله يانور العيون الخادم صاح ممنون
اجيتو وماتهابون ذهب كلكم ذهب
مشيكم بيه مواسات للراحن غريبات
للذل صحتو هيهات تسوون العجب
هله يل بيكم ترف الرايه
الدنيه ظلمه ونورها المشايه
وعد هذا كل سنه بهمه تجون
يم ضريحه ناصبين قرايه
يل بحبكم مجانين
هله بزوار الحسين
.........
تاج انتم عله الراس هله يا أغلى هالناس.
يغيره وكلكم حساس وفايت وعد
العالم بيكم يحير لغز يلماله تفسير
السنه شما رادت ادير يزداد العدد
الشوارع خل تشع بأنواركم
شيعت المختار الله اختاركم
اخوان صرنا بهل درب ماكو غريب
دار هالخدام صارت داركم
كحل يل صرتو للعين
هله بزوار الحسين
.............
ميت يحيي الگلوب ينطي وهو مسلوب
ابابه تطيح الذنوب يستاهل تعب
مثله ماكو انسان يروي وهوه عطشان
غركنه بالأحسان معلمنه الادب
حسين يمفضل علينه بخيره
بحبه صرنه اخوان من كل ديره
ياهله كل بيت للزاير يصيح
موقف محير النظر تصويره
بالحر عفيه ماشين
هله بزوار الحسين
...........
التمت كل الأوطان تمشي چنها خوان
بيهم ماكو تعبان. صلب يسند صلب
صداهم للسماوات گطعوا هالمسافات
الخطوه اعدال حجات الهم تنحسب
شحلات الموكب علينه يمر
على الناس الواگفه يوزع اجر
تدوم هاي النعمه بجاه الغريب
بلايه حب حسين مايسوه العمر
عبرو ها القوانين
هله بزوار الحسين
..........
خادم اهل البيت ع
فلاح طالب الماجدي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
س/ زينب ص ..بماذا توصفين كفليچ يا ام الخدور؟
ج ////👇👇👇
سألوني ....
سألوني يا ام الخدر احچيلنه اعله العباس
والرجفه اخذتني وگلت ماتحتمل هاي الناس
الله ونبيه وحيدره..كلهم بسبع الگنطره
ومنين ماشوفه احساس...يعباس
ياناس...
بگلب عباس سبع اشياء يا ناس
عباتي وشيلتي وعصابة الراس
وهيل وهوه بارد ماله مقياس
وضوه ملثم وغيمه تنگط احساس
يل شايل صفات هواي ما تنعد صفاته
وجه حيدر وقلب حسين عباس شحلاته
سألوني..بيمن يذكرچ كافلچ اختاري من هاي الناس
گتلهم العباس ابد مايشبه الا العباس
شيمه ورجوله مسطره...كلهن بسبع الگنطره
ومنين ماشوفه احساس يعباس
*
بحمايه...
يأول شيبه سوده انته بحمايه
ضوه العباس طالع بل عبايه
احس بشواربه يرفن ورايه
يرايه معلگه اعله متون رايه
من طين العشگ مخلوق ياناس الكفلني
اول ما اجه لدنياه شال ايده وشبگني
سالوني..بيمن يصبرچ لو حزن گلبچ يروح العيله
گتلهم انه افرح صدگ لو زامط اعله الشيله
هاي الصفات الفاخره...كلهن بسبع الگنطره
ومنين ماشوفه احساس يعباس
*
مرتين....
فلا مثلك بشر مخلوق مرتين؟؟ شلون
سحب روحك الاهك طلع حسين
ماگولن بعد بس هل چلمتين؟؟
الف رحمه اعله روحچ يم البنين
يل مخلفه نبي ومرسول وانطيج الدلاله؟؟
دعوته يوصللهن ماي نسوان الجلاله
سألوني..لو كربله ترد هل وكت تنخينمن ياحرمه؟؟
گتلهم انه انخه الفظل كبران صاير زلمه
القسور ابن القسوره...كلهن بسبع الگنطره
ومنين ماشوفه احساس يعباس
شفته...
بس واحد يشبهك مره شفته؟؟
اگلك منهو يل عباس؟؟؟؟ انته
سكته يموت اليمر بيك سكته
انه اخته ومتت عود انه اخته
طلع للجيش دون نگاب ما لابس چفافي
خله الجيش لو تدرون صافن يمشي حافي
سألوني..بالطف صدك ذاك النهر تيه جروفه ودربه
والماي من كدما رفس كطع خيوط الجربه
والسهم غار وطب تره.كلهن بسبع الكنطره
ومنين ماشوفه احساس يعباس
*
لو فات...
نجوم جبال تسجد يمه لو فات
حيل الله ونزل بالغاضريات
اذا زينب تدنگلهه المجرات ؟؟؟
اذن عباس رجال السماوات
اذا كوكب الارض حسين حوله الگمر يفتر
اذن زينب زحل ياناس بحجابه المدور
سألوني..ليش الكفيل اسمه الگمر والگمر مرات هلال
گتلهم يبين نصف چي لابس براسه عگال
حتى النجوم ال بل ثره...كلهن بسبع الگنطره
ومنين ماشوفه احساس يعباس
**
گمرهن...
خواتك ذني بس انته گمرهن
علي وصاك بيهن يا سترهن
اذا تدعي وتسولف لله عنهن؟؟
الله يجاوبك ها يابو كلهن
انه ام عون ما احتار بس حيرني مقطع؟؟
ادري الكمر وكت الليل مو ظهريه يطلع
سألوني..بيمن تحلفون القسم لو عالت العياله
گتلهم اگبال الگمر نچتف احنه گباله
نقسم بچفه الطاهره..كلهن بسبع الگنطره
ومنين ماشوفه احساس يعباس
*
ابو قسور العويدي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
للإمام علي بن الحُسين السجّاد ( ع )
عالقصر لمّن اتفوت .. والله أهون إذا اتموت
يابو حمزة شثگل هاي .. عَلى ترباة البيوت
_
ليتَ أمي لم تـلدني وگلبي واگع
ولا من نادوا خُذوهم بـ اذني سامع
عالضعن راس الحُسين الضل يدافع
الحـيل عطشان وتروّيه المدامع
عالضعن شفت الحسين .. دافَع بنظرة العين
من الرمح سوه الـ افياي .. عَلى ترباة البيوت
_
لا نهار آني نـهاري ولـيل ليلي
متت من يومي هذاك وباد حيلي
ماكو فزّاع وفقط شامت يجيلي
وزّعوا نار وحطب شفت بسبيلي
ينشگف كوم الحجار .. لكن شلون إذا نار
محد يشاگف اوياي .. عَلى ترباة البيوت
_
ما يكف ويگضي نوحي كل حياتي
وآني ويـه والدي اتـطـشّر شَـتاتي
من قصر مو من عطش يبست لهاتي
وحمره صارت من دمائي كل عباتي
القصر جرحه فلا يطيب .. يومه عن عبالي ميغيب
جرحه مو واحد اهواي .. عَلى ترباة البيوت
_
الموقف الشالع گلبنا وبي أذانه
الضعن هذا من رسول الله أمانة
هالخرايب ليش مو جامع مكانه
وليش ما خلّوا على الجامع لِوانه
ديرة وابليس الـ اچبير .. للنبي ماكو تقدير
واني كل دمعي وابچاي .. عَلى ترباة البيوت
_
مِن ثگل بالدم عَلمنا وقَل رَفيفه
بالقصر حارس أجانا وسال سيفه
الدنيا حمره وجدًا أجواءه مُخيفة
وطشت راس حسين أحمر من نزيفه
من الرعب چم طفل مات .. من الضرب بي علامات
ونّي وادموعي بهداي .. عَلى ترباة البيوت
_
حسين علي الدليمي
للمكبره انريد. مرنه بهلنه
جابتنه ليكم. خويه المحنه
صحنه وراكم. طول جفاكم
****
حار اوداعكم يالفاركيتونه
عدمن يالحبايب ضيعيتونه
والشابع بجي ما تسكت اعيونه
والميت يريد اهله يمرونه
بعيني دمعه. وبيدي شمعه. اشعل الكم
كلشي املن. حته روحي. وما املكم
هيه المصيبه. كلكم حنينين
رش كلبي عباس. ايخضر حسين
ماكو بغلاكم. طول جفاكم
*
شبت ناركم بالضلع تدروها
اشبيها المكبره وهيجي سكنتوها
حاجوني صحت يالروحي اخذتوها
زينب هاي اجتكم كومو شوفوها
بيش اصبر. كلبي بله ايريد ليكم
انجان بيكم. ما تجوني. انه اجيكم
شو بس يجي الليل. تعرض صوركم
وركض عله الباب. لو مر ذكركم
كلبي اشتاهكم. طول جفاكم
**
نحلت امن اليسر وجروحي ما تنراف
لو خلو الخيط بصفي ما انشاف
ما استاهل بهذا العذاب انعاف
تره المرن عليه اثكال موش اخفاف
انه زينب. والمصايب. غيرني
والشفتهن. بالخرايب. مرمرني
دمعات العيون. جانن عزيزات
من بعد الأحباب. رخصن حرامات
دهري خذاكم. طول جفاكم
****
اجر كوه النفس وتحسر اعليكم
عمت عيني الكبر غير معانيكم
اشمن بالتراب والتفت ليكم
تره زينب صحت هاي التحاجيكم
الدنيه كلش تعبتني وكلبي خلصان
اشلون بيه والله يكتل. فكد الاخوان
كل ما صحت اخ. تتلفت الروس
ابجي اعله العزاز. بس دمعي محبوس
وشتم هواكم. طول جفاكم
**
يوم الاربعين بحيرتي رديت
ويم كبر الحسين بدمعتي اتعنيت
انه الفاكده ومعذوره لو نيت
مو ماي اعله كبره دمعتي رشيت
بشوكي احضنه. وفوك راسي. ارمي التراب
وكتله خويه. شوف متني. بعده ما طاب
ودعته ومشيت. يم حامي خدري
وجان اعله عباس. مكسور ضهري
وكتله بحماكم. طول جفاكم
**
تمت
تحسين الخفاجي
گبل السم موتك بالطف لو باليســـر
مااكدر احصي اجروحك گلي شكثر
شكتب يالمنفجع شگد عمرك بالدمع
ــــــــــــــــــــ ــــــــــــــــــــ
شلون اتحمل الشـــــــافاك
الســــــــوالف عنك اتّعب
يآخر روح ظل لحســــــين
اليوصفك ياعلي شيكتب
من ياهي ابتدي ويــــــــاك
يالمتخضّب ومتـــــــــرب
متعذبين شفت اهــــــــواي
مثلك ماكــــــــــو متعذب
لو شايف موقف واحد من كربله
لا يعگوب ولا ايـــــــــوب اتحمله
يالگلبك منصدع شگد عمرك بالدمع
ــــــــــــــــــــ ــــــــــــــــــــ
عله الخيمه الدوت بالطف
اگلوب اتهدمت وبيــــوت
وي كل ميت بعاشـــــــــــور
علي جم مره جنت اتموت
كســــــــــر الضلع اه حسين
گلبك ذاب من ياصــــــوت
يدافن اهلك ابــــــــلا روس
الحصيره صارت التابوت
ميت بالطف جم مره الله يســاعدك
انت الشفت الموت اكثـــــر لو والدك
كسرولك جم ضلع شگد عمرك بالدمع
ــــــــــــــــــــ ــــــــــــــــــــ
انت الصحــــت لو زينب
شاب امن الهظم رمشي
والمسلوب منه حســــين
بعد مايهتم الكلشـــــــي
عجب واگف وجدك طاح
من طعنة رمــح وحشي
حديد برگبتك واحبـــــال
امحفّر ساگك وتمشـــــي
موتك من شفت العلويات انســبن
لو من ركضن لو من شفت اتسلبن
همك ماينجرع شكد عمرك بالدمع
ــــــــــــــــــــ ــــــــــــــــــــ
عسر درب اليسر مااشوف
اشد من ناره مر اعليـــك
گلي امن الطفوف المــوت
للشام اشكثــــــر مر بيك
جم مره تموت الســــــوط
اذا طگ طفله وتصد ليك
رموك اشگد حجر وشلون
تصد وامجتفات ايديــك
طلعت روحك من طر السوك الخدر
ويم راس حسين اتمنيتــه بيا قصر
لو راسك منگطع شگد عمرك بالدمع
ــــــــــــــــــــ ــــــــــــــــــــ
بجيها وعلّت ام حســـــين
خلنها تصيــــــــــر اخيال
يالعابر جروح حســــــــين
عشت بعد السبي بياحال
جزيت امك نحت عمرين
وشوفك ويّه دمعك سال
بحصيره انشال ابوك شلون
الجروح بيا نعش تنشــال
بآخر انفاسك ياهي اكثر مضرمه
نار الســــــم بجبدك لو نار الضمه
صحت بون مرتفع شگد عمرك بالدمع
ــــــــــــــــــــ ــــــــــــــــــــــ
اللهم عجل لوليك الفرج
ونسألكم الدعاء
علي محسن الزيادي
مالت الدنيه ويزينب مالت
_
هلي المثلي عله الهزله
تموت ولا تضل عدله
هلي طيحة الناگه كلفه اليه
نگطع گلبي عله فرگاگم
هلي بس روس جبناگم
هلي زينب جريبه علل منيه
- يخواني همه اليوجعني
- حته الگلب نـام عل وني
- ياشام الاگشر عين شمات
- گالـو غريبه هـواي عني
يكضي العمر - مر عله مر
ظهري انحنه - بان الكبر
مالت الدنيه ويزينب مالت
___
هلي كثرت مصايبنه
بلون وجوهنه الحنه
هلي يوجعني متني الله اكبر
تعبنه الدرب والشام
هلي ردناكم النه احزام
مثل ضيم العلي لا صار لا مر
- گلبي عله گلب النوده
- يحسين حيلي هذا حده
- تعبانه بالخمسين طبيت
- المثلي التچاعيد عل خده
جمره بدرب - تچوي الگلب
كلبي انحنه - بسوط الغرب
مالت الدنيه ويزينب مالت
__
رمحك طاح اصيحلك
اكـومـلك واطيـحلك
نترس تربان نحرك بين اديه
هلي عل حسين عينوني
لتنشدوني شلوني
مغبره وذابله وشبعانه اذيه
- اكـره الـشـام ومـاريـده
- خلصوني ياناسي البعيده
- ثمانين طفله وطفل يبچون
- والشام هذا اليوم عيده
صعبه الحجي - الما ينحجي
وعيوني خلصن - بس بچي
مالت الدنيه ويزينب مالت
____
ماي الحار اذانه
محد بچه لمبچانه
خوارج صاحوا اعلينه وبچينه
اشاكف بس ادي تعبت
اختكم ماي ونشربت
حمره اعيونه من الطگ عمينه
- عامينه فگدك ياحلو الطول
- عگبك سكنه الشام والجول
- ياكل عمرنه السوط يحسين
- راحــت بـزرتـك والـدلـول
ماي النهر - ومصيبته
تكلف عليه - احجايته
مالت الدنيه ويزينب مالت
__
#عباس_القلعاوي
#اللهم_عجل_لوليك_الفرج
كون الله ياخذ عمري ورتاح
ولا شوفن اخوتي فوگ الارماح
عمر مابي راحة
خلص بس نياحة
كون الله ياخذ عمري و رتاح
،،،،،،،،،،،
چل الليل و النسوان بين الخيمة و التله
صباح الله انذبح و الخير ذاكَ صاعد الهزلة
ظهر الناگة عالي هواي وزحمة اعليها نتعلى
باچر من نطب السوگ چا عباس شنگله
تدرون علوية علي
بيا وكت هيجي طالعة
والمثلي مو مالت سبي
لا شايفة و لا سامعة
ياهو الگال زينب تدخل السوگ
مو بس التراجي الراس مبيوك
كلشي نباع بينه
ضلت بس عبينة
كل شي راح بس الشرف ما راح
كون الله ياخذ عمري و رتاح
ــــــــــــــــــــــــــــــــــــــ
خوية جروحي هنه هواي صعبة اكبالك احجيهن
بر و تستحي النسوان چف غيرك يماشيهن
من كالو المحبس ضاع ضاعن كل ترچيهن
بس التهضم ابن زياد يتمرجل ترى عليهن
ضاع الخدر ياهل الخدر
علويتك حسين انسبت
وچم طفله بالسوك العصر
باعو. تراجيها و بجت
كل شي لخاطرك يابو علي يهون
فدوة تروحلك لچمات المتون
وشطوله دربنه
تعب بس ماتعبنه
تدري الناس خوية عيونها وكاح
كون الله ياخذ عمري و رتاح
ــــــــــــــــــــــــــــــــــــــ
مشن يتمايلن عا النوك احسب صار چم ليلة
واحنه اربات ابو الحسنين شنهي الشام نمشيله
ليّشد چفة حبل النوگ يا خذ جيل من حيلة
طحت جم مره فوك الكاع بس ما طاحت الشيلة
طبن بنات المرتضى
بالشام يلعندك علم
سبعين راس اتمايلن
من طلعن ابين الزلم
مكتول و يحشم راس مكتول
طبت لو بعدها اختي شتگول
جاوب فوك رمحة
يكله الناس وكحة
زلم و مكابله النسوان بسلاح
كون الله ياخذ عمري و رتاح
ــــــــــــــــــــــــــــــــــــــ
طلعنا و رافگانه الموت يلجم بينا يومية
شما بتنا بخرابة هناك ياخذ مني علوية
انصب فاتحة كل يوم واقره عليك لطمية
مبينه اكبور الابنيات يمهن تلگه ترچية
يحسين الحر و العطش
چم طفله ذابح جم طفل
سهله نچفنها بعبي
بس جيب اليفك الحبل
صفية و عاتكة ماتن حرامات
بس انكسر ظهري يم رقيات
وجم طفل بضعنه
خوية راح منه
مات وگطع من الگلب سباح
كون الله ياخذ عمري و رتاح
ــــــــــــــــــــــــــــــــــــــ
خل احجيلك اعله الشام وعن ضيم السبي وحاله
شني عمره ليرافگ نوگ وبس الروس تبراله
اكلهم راس اخوي ابعيد خلونه انتداله
واول مره اشوفن راس منه يخاف چتاله
خافن يرد بيه النفس
مانزلوه من الرمح
الليل كله انطر عليه
خافن يبوگونه الصبح
عمر خلصته بس لچمات و جروح
عفت لحسين عالتربان مذبوح
عالطعنات صابر
وتطشره الحوافر
مابي كتر سالم حتى يلاح
كون الله ياخذ عمري ورتاح
كريم الدراجي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
صعدن خواتك كلهن بنوگ
بس نوگ هزله وشامت يسوگ
بعيد الدرب يحسين لشام
ويراد حيل الطبت السوگ
أفا ومشي علراي الغربه يبن أمي
وشموس الضهاري كشفت أخيالي
أفا ومو جف كفيل يگودهه أجفوفي
بحبل أنجر وسوط الزجر يبرالي
فوگ الهزل .. اخت النفل .. ماينحمل
ضيم السبي
كلفه تره .. تتطلع مره .. وميسره
تماشي أجنبي
واويلي يخواني .. واويلي يخواني
——————————————————
أمنين أجيب الماي والماي
ينباع صار خلاف أبو الراي
أبنياتكم ماتن عطش حيف
ماتن عطش من عمهن وجاي
أريد أميه أشرب أعيالكم خويه
ومهضومة گلب والدمعه بعيوني
تشرب ماي كلهه وزينب يگولون
بدو الماي يمهه وحيل هضموني
طول الدرب .. ونه أنضرب .. كلش صعب
أخت الغياره
عودي أنكسر .. ميته قهر .. اخت الگمر
مابيدي چاره
واويلي يخواني .. واويلي يخواني
——————————————————
يصوابكم يكبار الصواب
رجع ضعنكم ماكو بيه شاب
شيصبره شيبه الشاف يحسين
عويناتكم تروسهن تراب
الشافت أهلهه أمذبحه بلا روس
ترگض خويه كلفه تگدر شلون
البچينه ننضرب والنسكت انموت
أحتارينه الغرب منه شيريدون
طگو بناتك .. شتمو خواتك .. لمدللاتك
گوم أفزعلهن
وعظم رزيه .. سكنه ورقيه .. لزمن بديه
والحادي طگهن
واويلي يخواني .. واويلي يخواني
——————————————————
شيردون منه أوين يردون
مچتف ضعنكم بيه يفرون
ماضل درب مابيه مشينه
وهاي المره زينب يصيحون
أبعالي الصوت صاح الحادي لناس
ضعن هــــذا يوادم مالـــه كفال
اليشوفه يريد خله يگرب لجاي
حته يشوف أثر دم فوگ الحبال
رايد يلمهم .. ألتمت زلمهم .. نخفي بحبلهم
جوه عبينه
من مستحانه .. محدب گفانه .. وبسوطه اجانه
اليحدي بينه
واويلي يخواني .. واويلي يخواني
رسول رياض
للسبي رحنه بس كلبي ظل بكربله
يمشي المسافر وداير اعيونه لهله
امشي خطوه والتفت
غصبن عليه ارحلت
ــــــــــــــــــــــــــــــــــــــ
خلصت وحان السفر
ياهلي وعدكم خبر
شحال زينب هسه وشحال المداليل
تمشي وي وادم غرب
لو نختكم تنضرب
دخيله لو صيحت صاحو مالج ادخيل
ودعي من فوك الهزل
يلله كالو شبعي ذل
انتي مسبيه وهلج كلهم مجاتيل
كافلج يم النهر
موتي يازينب قهر
وجسم اخوج حسين بي مثلو تمثيل
بيكم الحادي مو لله من مر بالضعن
شوفي اخوتج يكلي عرايه بلاجفن
وشفت يهلي ماشفت
غصبن اعليه ارحلت
ــــــــــــــــــــــــــــــــــــــ
عالجثث كلبي يرف
جني ضيعت العرف
بلايه روس شلون هذا وهذا اعرفه
هذا ياهو المنكلب
عالوجه فوك الترب
حسين كون حسين والله والله وسفه
شلت جفي وسلمت
هوه مو هوه كلت
وماردت بالخوه اطلبنه واحلفه
كتله ياخويه اطمئن
بزينب الحره اشتظن
الها عين وعاليتامه لحظه تغفه
بعيني اباريلك اعيالك بطول الدرب
لايظل بالك اطفالك بنص الكلب
باليتامه اتكفلت
غصبن اعليه ارحلت
ــــــــــــــــــــــــــــــــــــــ
ناكتي بدرب السبي
يكود بيها الاجنبي
وهاي عد زينب يهل زينب جبيره
ابجي مايرضه واون
وانه كلبي منسحن
عفت اخوتي بكربله وماخوذه اسيره
ابجي سكته بلا دمع
من ادمع انصفع
تنولي وليه التظل بلا عشيره
من يركظون الهزل
عمده يوكع جم طفل
واذب روحي وبصعدتي احتار حيره
كل طفل طايح اركظله اصعده بناكته
والمثل حالي صعبه نزلته وصعدته
عاليه الناكه وحرت
غصبن اعليه ارحلت
ــــــــــــــــــــــــــــــــــــــ
كلبي كلما ينجرح
التفت صوب الرمح
احط عيني بعين اخيي واشتكيله
ولو يحس الشايله
بعيني من اتصد اله
يهز رمحه ويوكع الراس اعله حيله
روس واطفال وحرم
طايحه وجندوب الم
حيل ماظل بيه والسفره طويله
فوك كل هذا القهر
ينشتم فارس مظر
لو كلت عندك علي زينب دخيله
ياعلي احظرنه مرمرنه يابويه السبي
من ظربهم متن ماظل وظلت عبي
مدري جم موته متت
غصبن اعليه ارحلت
ــــــــــــــــــــــــــــــــــــــ
يهلي لسوك ادخلت
وفرجه للوادم صرت
شمال هاي الناس تتفرج علينه
حتى للحرمه انكرو
وبينه باعو واشترو
سوو الما صار والما دار بينه
يأشر البت فاطمه
هاي بيش الخادمه
متربه من شافها وحمره عبينه
الجاي والرايح يذب
حجي يحرك بالكلب
بين هذا وذاك نستر بدينه
هذا يرمينه بحجايه والثاني بحجر
هنا كلت وين ابو الغيره عباس الكمر
شكد بجيت وحشمت
غصبن اعليه ارحلت
ــــــــــــــــــــــــــــــــــــــ
ياهلي صار الضعن
سالفه بكل اللسن
واسم زينب عرضه بحلوك الشماته
الوي اهلها ماتذل
عدها مايثكل حمل
والاخو خيمه وستر يستر خواته
من تضيك اتعاتبه
وبالحميه اتطالبه
يحظر ويفدي لخيته كل حياته
عدل ميت تندبه
وتظل دوم بشاربه
تلهج باسمه بحياته وبمماته
لمن اتوازه احتازه يحظر شدتي
خيمتي وشاني يخواني وانتم هيبتي
تغربو واتغربت
غصبن اعليه ارحلت
حسام الحسني
ما ينشم هوه الشام - الشام الشام
جــنه رماح وسهام - أسهام أسهام
أول مادخلـــنه - بهالديره أختـــنكنه
----------------------------------------------------------
1= ديره ولا عـرف بـيها - بس شمات أهالـــيها - وتـلكونه بحجار
كلمن كض حجر بـيده - يضربله طفـــل عيده - للــشيطان أنصار --
غـــير المحترك جـــدمه يضمدونه
شويه من الوجع خاطر يريحونه
مو من السطوح حــجار يرمونه
**
نسمع دكة طــــبول - طـبول طــبول
والمجتوف شيكول - شيكول شيكول
ردناكم يـــــــهلنه - بهالديره أخــتكنه
2= دخلنه بسوكهم نبجي - ويضربونه من نحجي - عدهم ضيمنه عـيد
حرمه لا ذت بحـرمه - من عـــــيونهم زحمه - غــير الستر شنريد
كـلمن فات بــيده لازم حـــــجاره
يشمرها عليــــنه ودمـنه يتجاره
ضعن وبكل محله شاعت أخــباره
*
منين نجيب عباس - عباس عباس
عــــنه يمنع الناس - الناس الناس
لمن طاح ضعنه - بهالـــديره أختـنكنه
3= كلمن فايت يباوع - صرنه جالطفل ضايع - عـــنه أهله بعيدين
المايــدري يكلوله - عن قصتـــنه يحجوله - هاي أعيال الحسين
هذا الـضعـــن ورجاله ذبحانهم
والقـصر الخليفه بنوك جــبناهم
مثل سبي العبيد أحنه سبيانهم
****
جبنه راس الحسين - الحسين الحسين
باوع عالرمح زين - أي زين أي زين
جاوين الكفلنه - بهالديره أختــــنكنه
4= مكسوره خواطـــرنه - كدام الـــــخلك صرنه - علايم مـــن الهموم
حادي الضعن وكفــنه - بسوك الناس تكشفنه - وحيل الحرم مهدوم
كــبال عـــيونه خلاهـــن رماحه
بيهن روس أهلنه الماهي مرتاحه
راس حسين كالساعه حجر لا حه
*
صحنه خويه يحسين - يحسين يحسين
أندارت صوبنه العين - العين العين
بالنار أحــتركنه - بهالديره أختنكنه
5= دخلنه القصر والوادم - وين الطاغي والضالم - ماعـــدهم حميه
من الخــــــجل دنكنه - وأحنه الحبل شــبكنه - روانه المـــــنيه
صاحو وين أخوتج صحت عباس
لو موجــود ما أخله ألك راس
ولا خلاني أطيح بـــولية الناس
*
جابو راس الحسين - ويلاه ويلاه
شفته وصبت العــين - ويلاه ويلاه
نادينه أنهضمنه - بهالديره أختـــنكنه
الشام - الشام
****
عبد الجليل المالكي
السيده رقيه ع
راسك مايشبه احلامي
بويه حسين مبين ضامي
شمسوين وخاطف لونك شمسوين
شنهو الذبل هاي عيونك بويه حسين
* *
متجمعه الوان الرعب خربه وحبال ونايحه
والطفله تتفزفز تضل لو عاشت بنص فاتحه
ماتامن الطفله اللتي مخليه ابوها ورايحه
وماترتوي اشواگ الگلب من العيون الطافحه
وضلت رقيه بهالحزن بس بالاحلام الجارحه
يتحفر الخد بالدمع لو يبقه محد ماسحه
ضلت تشكي بگلب الحاني
تگول انشدمن عن احزاني
كون حسين يصدلي واگله اغيابك وين
شنهو الذبل هاي عيونك بويه حسين
* *
جابولها الراس بطشت ضلت تحاجي حسينها
ضلت تون من الاسى وفاضت مدامع عينها
وعد اللقاء المنتضر شيبه بدم مخضبينها
وين القوام الحيدري وذيج الملامح وينها
ومفطره شفاك الشمس لو بالضمه مفطرينها
لو خيزران ابن الدعي بضرباتها مجرحينها
بويه حسين احجيلي احوالك
ياهو الگطع ذيج اوصالك
شمخلين بذيج ارسومك شمخلين
شنهو الذبل هاي عيونك بويه حسين
* *
تشبح على عينه النضر طفلتك بويه احجيلها
لورايح انت بهالدرب متگلي شتخليلها
بعدك غريبه ميسره وفيض الدموع تسيلها
من غيبتك عن طفلتك تحيي بنوايح ليلها
شال الطشت راسك لچن جثتك ياهو يشيلها
جلوها لو فوگ الصدر جالت حوافر خيلها
ياهو الحز بالسيف وريدك
ياهو تضل عطشان يريدك
وفوگ العين الدم النازل هذا منين
شنهو الذبل هاي عيونك بويه حسين
* *
تنشد على صواب الحجر فاتح جبهته صوابه
نازل على عيونه الدمه وبشيبه ضل خضابه
گالت عزيز المصطفى يصعب عليه مصابه
ونصبت عزا بنص النسا بدموعها السجابه
ضلت بونها تناشده عن راسه ياهو الجابه
لجمو النحر بشيلته لو حسبوله حسابه
لو بالرمح تعلگ راسك
وانلچمت وي جرحك ناسك
فوگ جروح الغربه عيالك مجروحين
شنهو الذبل هاي عيونك بويه حسين
* *
جامد على وجهه الدمه مسحته بطرف اردانها
وتنشد على اصحابه وهله فتية علي وشبانها
جاوين عنك ساعِدك ليث الوغه و ميدانها
عباس ضل بيا كتر يدري نسبت نسوانها
وين اكبر سيوفك علي ذخر الولي وعدنانها
وين الهواشم هم درو من احرگو صيوانها
وتگله تموت الروح بدونك
ماعيش انه بدون عيونك
وشهگت فوگ الراس وغمضت ذيج العين
شنهو الذبل هاي عيونك بويه حسين
* *
خادم الحسين ع
علي العزامي
(( الدنيه دارت ))
الدنيه دارت بينه تالي
وفارگتهم غالي غالي
ضعني راح وفـَي دلالي ..... آاااه
لابو فاضل لا علمنه
وبهزل نرجع لهلنه
من الهزل چم مره طحنه ..... آاااه
اشعرفني الحبل ..... مهيوبه چنت
اجيت ابفي علم ..... وبهزله صرت
راح الكفيل وذيچ المحامل
ونرجع سبايه ابنوگ الهزايل
الذابح اخوتي بضعوني كافل ..... آاااه
"" "" "" "" "" "" "" "" "" "" "" "" "" "" ""
يازمن هونك عليه
انه اميره وهاشميه
فارگت اهلي وسبيه ..... آاااه
للسبي ماخوذه گوه
ونينوى سلبتني خوه
وبالجمر جدمي تچوه ..... آاااه
مارحت ابسبي ..... اول مره اروح
وي روس اخوتي ..... وتنفس جروح
الراحه عفتهه جثه رمِيه
ابحر الصحاري فوگ الوطيه
مو قدري اميره ومشي سبيه ..... آاااه
"" "" "" "" "" "" "" "" "" "" "" "" "" "" ""
اتغيرت مو انه چني
امفارگ الخوه كتلني
الكلفه اخوي وماعرفني ..... آاااه
اشسوه بيه افراگ اخوتي
وياهم اتمنيته موتي
عالنهر طاحت نخوتي ..... آاااه
غيرني اشكثر ..... عاشر كربله
مسبيه رحت ..... وانه امدلـلـه
رسمي تغير كلشي تغير
امشلي خطوه وبخطوه اعثر
غيرني حيل افراگ ابو الاكبر ..... آاااه
"" "" "" "" "" "" "" "" "" "" "" "" "" "" ""
بالعرب والدنيه كلهه
يامرء مثلي جره الهه
تمشي اسيره ابروس اهلهه ..... آاااه
ماجره البيه اعلى حرمه
اگبالي ذبحو چبدت أمه
الزلمه ضيمي مايهضمه ..... آاااه
الشفته أبد ..... ماصار وجره
اروحن عالهزل ..... وخوتي عالثره
مذبوحه اخوتي هذا الجرالي
وتبچي الهزيله يهلي اعلى حالي
اسمي العقيله واشبه خيالي ..... آاااه
"" "" "" "" "" "" "" "" "" "" "" "" "" "" ""
تالي ماتالي ابهزيله
وتدخل الشام العقيله
بس حبل مابيدي حيله ..... آاااه
شفنه بالشام العجايب
شرد اسولف يامصايب
بت علي وگعد خرايب ..... آاااه
شكثر ياگلب ..... تتحمل بعد
طبيت القصر ..... مامثله أبد
الاكثر يهاشم زيد بچينه
المو زلمه صاير زلمه علينه
من السلاسل ماكوله ادينه ..... آاااه
"" "" "" "" "" "" "" "" "" "" "" "" "" "" ""
خادم السلطان
سيد محمد الياسري
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دموع السجاد بالزاد چانت تهوه
والمسبيات عمات اله يتلوه
ماسامع لا موجود
چان وياهن مگيود
والمسبيات عمات اله يتلوه
………
محد حاچي للسجاد.. چان المسبي والشاهد
بصدره الجامعه ومگيود..وي عمته بحبل واحد
حگه من البواچي يموت.. وحگه للاجل رايد
گدامه النسه وحسين.. فوگ اعله الرمح صاعد
الينضح غيره .. تكتله الحيره
من ديره اتطب..عمته الديره
بني هاشم آه والله كلهم نخوه
موهينه تشوف مچتوف چف النسوه
حيد ومن ظهر حيود
چان وياهن مگيود
والمسبيات عمات اله يتلوه
………
بعد الشافه من اهوال..حگه تفارگه البهجه
من عماته صعدن نوگ..هزله مكشّفه وعرجه
صعبه هاشمي ومعصوم..يصبح للخلگ فرجه
صعبه ينشتم من ناس..وبي جبريل يترجه
باب الرحمه..الناس اتشتمه
الله اكبر.. من هالأمه
شاف الماصار والصار مايتوصف
والمامرتاح من راح سبي بعد الطف
معلول بروحه يجود
چان وياهن مگيود
والمسبيات عمات اله يتلوه
………
ياعالم علي السجاد..نغّصَت عيشته الكوفه
الحيدر من گبل بچّاه.. گباله يضحك يشوفه
اشتد السوط عالنسوان ..والنسوان مچتوفه
يشگف بالچفوف يريد.. بس مربّطه چفوفه
انشدت ايده.. ويه وريده
ويفزع الهم.. كلها تريده
يصد بالانظار محتار يم ايتامه
بهاي المأسات شمات ظل گدامه
ويعينه الله المعبود
چان وياهن مگيود
والمسبيات عمات اله يتلوه
………
اما الشام والبالشام..ماتنگال مأساته
وابوابة الساعات..چانت اشد ساعاته
تقشرن بالشمس ياناس..كل وجوه عماته
تلگّاه بطبل ودفوف.. من الباب شمّاته
تلگوا جرحه.. بعيد وفرحه
يزيد بعرشه.. حسين برمحه
من شاف يزيد ويزيد عينه بعينه
ينكث ويزود بالعود راس حسينه
ويمرد گلبه الممرود
چان وياهن مگيود
والمسبيات عمات اله يتلوه
………
الشاف بعينه هالايام..شلون يكمل ايامه
يبچي هواي من يشوف..جاري الماي گدامه
واسم حسين من ينجاب..يلطم بيده عالهامه
شما صد اعله زينب چان..يذب من راسه العمامه
عالسابيها.. ينحب ليها
حتى ومن مات.. مات اعليها
حگه من يلوع مفجوع حگ من ينحب
ويصيح بصوت للموت آه يازينب
ودمعاته العمته شهود
چان وياهن مگيود
والمسبيات عمات اله يتلوه
………
الشاعر
حسين حيدر الكربلائي
كربلاء المقدسة
ضلن لجماته ابكلبي.. جرح العاشر
من شفت حسين بحيره .. ويكسر خاطر
انه السلبو عماته .. وبيهن حاير
___
من جرح الجرح
ماذيني الذبح
راس اعله الرمح
جدامي شفت
ذبحو عليني
اسرو عمتي
ياهي حيرتي
هواي اتحيرت
حيرني الابو وحده بقه ولا من ينصره
اتوجه أطلعت من الخيم عثره اعله عثره
طايح بالعره شفته ومشت خيل اعله صدره
متربع شمر فوكه وگطع جدامي نحره
يتلوه اكبالي شفته .. من اجروحه
بالحافر وسفه حسيني .. طلعت روحه
الذبحو جدام عزازه ..شينفع نوحه
___
والاصعب بعد
جيش علينه هد
والحال نضهد
دارو عالخيم
بالخدر حرت
مراكضهن شفت
لياصوب التفت
تلاكين الحرم
جهبني وكلت فرن بعد ما تبقه خيمه
ركضن عالوجه كلهن عمت عيني هضيمه
الوحده بلا زلم من الزلم شردن حريمه
ماعنده بعد غير الدمع واعيونه غيمه
طشرتهن نار الخيمه .. الجانت تلهب
غير العوجيه البيدي .. كلشي اتسلب
والوادم كلها اتصيح .. طلعو زينب
____
ركضن عالحرك
اليوگف تنسحك
ماعدهم خلك
يحجون بغضب
عيشونه ابرعب
يسمونه الغرب
اخذونه ضرب
موتنه التعب
جرح البيه ضل موجر بقت عيني جريه
من شفت حبل بيده وشفت خوفت رقيه
اصعب موقف انه الكمت اجتفهن بديه
يكلولي العده لمهن سبيه ابصف سبيه
اجفوف الناعمه ابذاك .. الحبل شلهن
الما جانن كبل يطلع .. اثر ضلهن
اخذوهن سبي وعثرن .. شفت كلهن
____
من طف كربله
بذيج العايله
طلعت قافله
راحت لليسر
روس ويه الضعن
جدامي مشن
كل خطوه بزمن
ويه ام الخدر
مرو عالجثث اسمع كمت صوت الثكاله
شي عافت ولد شي ما لكت شي من جماله
وزينب ودعت فوك الهزل راعي الكفاله
المدلل ضعن كله بوكعته اسرو دلاله
ضل فوك النهر عطره .. وعلم واكع
من دون الكمر كلشي .. بعد ضايع
اول مره من دونه.. الضعن طالع
____
فرن جم قصر
ربيبات الخدر
بكل ديره النمر
يوكفونه العده
من بلد البلد
مابينه بعد
واحدنه انمرد
من ضيم السده
اخذونه البلد مابي بشر ترحم غربها
نوك القافله من الفزع تيهت دربها
بعيوني شفت عمتي شمر عمدن ضربها
جدام الشماته والغرب لوعو كلبها
وكفونه شكثر حته .. الخلك تطلع
الحادي وسوطه بمتوني .. اثر يطبع
الكيد ابركبتي خضر .. منو يقنع
_
علينه اتجسرو
وبالطك اوجرو
البينه مادرو
انموت اوننعدل
فتر بينه الدهر
تعبنه القهر
الماعنده خبر
مات اشجم طفل
ياجرح الطشت يبقه الاخذ منه رقيه
طفله امعلمه بذاك الحضن تكضي المسيه
زغيره اعله السبي ماينحمل ضيم السبيه
تالي اعله الطشت ويه الابو راحت سويه
ماتكدر بعد تحمل .. قهر بعده
مكابلها الرمح يمشي .. وصل حده
اتلاكو وانتها كلشي .. ومشت عنده
سيد بسام قابل الياسري
(( #خامس_البكائين )) الامام السجاد ع
……………………………………………………………
يا خـامسَ البكّائين .. يا سيدي
تَجري فراتٌ في العين .. ياسيدي
شابً بِكَ الشيبٌ إعتلى
مِما جَرى في كربَلا
……………………………………………………………
كل يومك اتخلصه ابچي . جفنك و دوم امنگع
حتى ابمنامك يا علي . امغمض وعينك تدمع
ماتلحگ وتمسح دمع . ظل يجري مثل المنبع
ايبلل الشيب ابلحيتك . ومنها اعل ثوبك يوگع
معَ الطعامِ الدَمعات .. تمزِجُها
و الحسرةُ بالآهات .. تمزِجُها
الاكلُ بالدمعِ إصطلى
مِما جَرى في كربَلا
……………………………………………………………
المهدي بالطف ما حضر . ويبچي ابدمه اعالصاير
جا دمعك الينزل شنو . يل شفت ضيم العاشر
محفور خدك اعتقد . بركان دمعك فاير
ما فارگ آذانك ابد . اصوات سحگ الحافر
في القلبِ تَبكي النبضات .. عَلى النَحر
والخيلُ داست مَرات .. على النَحر
جسمٌ تطايرَ في الفَلا
مِما جَرى في كَربلا
……………………………………………………………
لو عمر نوح اصبح الك . دمعك يظل بي دايم
ولو تنحب ابليل وصبح . ما ضن يلومك لايم
شيلوم وامتار البعد . عالترب عودك نايم
امغطياته الارماح ونبل . ما ظل شبر بي سالم
قد صارَ رأسٌ منحور .. فوقَ الثرى
اصبعُ أبيكَ المبتور .. فوقَ الثرى
قلبُكَ آهاتُ أمتلى
مِما جَرى في كَربلا
……………………………………………………………
عدنه الي يدفن والده . الخال و العم يمه
الجيران وي كل السلف . دائره اعليه ملتمه
وانت ابحصيره الوحدك . امطشر ابوك اتلمّه
گلبك تعلگ بالنحر . خاف التراب ايلچمه
مِن نحرهِ صاح الصوت .. طفلي معي
وفي الحياةِ وَ المَوت .. طفلي معي
طفلٌ إلى القبرِ تلا
مِما جَرى في كَربلا
……………………………………………………………
انگول أنت ابن طه وعلي . والموت الكم عاده
جبتوها لو سم لو چتل . مو موت فوگ اوساده
لاچن يسلطان الحزن . عينك فلا معتاده
جدامك ابسوط الشمر . يضرب بنات الساده
هذا الذي يا سَجاد .. تَبكي لهُ
بالحبلِ جرحٌ يزداد .. تَبكي لهُ
قلبٌ وَ روحُ أشتعلا
مِما جَرى في كَربلا
……………………………………………………………
لذيچ الخرابه ارويحتك . ظلت عمر مچويه
اعل اتراب گعدت عمتك . مسبيه مو علويه
ماتنسه اختك من غدت . فوگ الطبق محنيه
هم مثل ابوك واعتقد . كلش تحب ارقيه
محتارةٌ فيكَ الروح .. لَو يَسأَلك
عنها ابوكَ المذبوح .. لَو يَسأَلك
صوتٌ من القبرِ عَلا
مِما جَرى في كربلا
……………………………………………………………
✍️ ( سيد خضر الزاملي )
السجاد. عليه السلام
يسألون السجاد ع
اما آن لحزنك ان ينقضي يبن رسول الله. ص
++++++++++++
ما آن عـن حـزني تسألوني
ما ينقضي لو يرحن اعيوني
ماينحچي الشففته
اتموتون اذا گلـته
لو يرحن اعيوني
+++++++
ليش الحزن طال/مو قتل الارجال
گلتوها يالسجاد عدكـم عاده
صح لكن اووين/اسمعتو بنساوين
يوم انسبت ياناس من الساده
اتلوموني وانه الشاف اخته بعينه
مسبيه وايضربون يمي اسكينه
ويقهر رقيه ويرفع اتراچيها
بعد الذهب يرقيه متلبسينه
مو سهله كلش احنه اهل غيره
كل يوم ضعني داخل بديره
شيحچيها سالفته
اتموتون اذا گلته
+++++++++
وگلتوا يسجاد/ماتاكل الزاد
الا ودمـوعك بللت ماعـونـه
اكل السبي چان/ايطبخونه عدوان
وهيجي شمر بوجوهنه ايشمرونه
تاكل شلون الايدها محروگه
والثانه چف بالحبل مطبوگه
تفتر عليهن عمتي وتواكلهن
ذيچ الي من ذيچ الطعام اتضوكه
تگعد رباب امكتره ابعيده
تگول الاكل عذروني ماريده
اتعذبوني اذا ضگتي
اتموتون اذا گلته
+++++++++++
بعض الروايات/احچيها هيهات
اقروها بين ادموعي من ابچيها
عاده اصبحت هاي/قبل الذبح ماي
يسگونه بس سالفتي صعبه احچيها
ابن الزجيه قبل گطعت راسه
عطشان يحچيها باخير انفاسه
واگبال عينه ماي جابو بدوه
اكبر جروحه جان جرح حساسه
عباسي خويه الحگني بلسانه
بس ماحچاها خلصت اخوانه
لابيه والحگته
اتموتون لو گلته
+++++++++++
بذاك الوكت حيل/مابيه واعليل
اصعود الهزيله ماتفارگ بالي
عالهزّل اشلون/رچبتهن ام عون
وضلينه انه وعمتي زينب تالي
واحد للاخر دمعه ينزل سكته
گلتلها صعده اتكلي لا چا وانته
فوگ الهزيله بالدفع صعدوني
وذاك الحچي الماتنحچي سالفته
ثگل السلاسل والمرض بيه
وكثر السياط الطاحت اعليه
وذل التحـملـته
تموتون اذا گلته
+++++++++
جابوها لحبال/ايچتفون الاعيال
حرمه الغريب ايلامس ايد الحرمه
صرت انه مجبور/اچتفها لخدور
چف الزغير الحبل ادري ايألمه
اتصدگوني لو گلتلكم بأيديه
بذاك الحبل شديت ايد ارقيه
تنظرلي بستغراب بعد اعيوني
شمسويه ليش اتگلي انه شبيه
كلتلها فدوه دمعي لعيونچ
عن لاتچي الغربه يچتفونچ
ياخدر چتفته
تموتون اذا گلته
+++++++++
بس روس الاقلام/عن محنة الشام
والباقي من ذاك الحديث اجتازه
لمگييد ايطيح/عكازتي ايصيح
ايبعدونها ابرجليهم العكازه
يالشام بس الله بجرحها العالم
ماعدها رحمه وياي ذيج الوادم
ايعرفوني حق المعرفه وعذبوني
ومن اهلي عرفو انه بس السالم
ومنهن بعد موتي تعرفوها
بمتوني اثر لمن تغسلوها
والينحچي بوكته
اتموتون اذا گلته
ثائر الربيعي
عالناكه من كلبي تـوازه -- شدوني جــن شدة جنازه
بجفوفـهم خلتـني دنياي
العـزو عليك بـرودة الماي
------------------------------------------------------
1= من حضنك لحضن الخرابه -- ضلت الأسكتي ومشت بابه
غاب الدلال وحضرت النوك -- والحادي مايـــــرحم عذابه
شينوم الماعـــــدهه خيمه -- ينام الجفن ويكعــــده ضيمه
ماشايفه عــيوني هالدروب -- ولا راكضه أبنيتــك بهيمه
قـبلي الشام ما داخلـته علـــويه
بديها أحبال فـــوك الناكه مسبيه
**
حقي أشوفك راس وأبجي -- وياك محد يــقـبل أحجي
أنته داواي ومنعـو أدواي
العــزو عليك بـرودة الماي
2= تـنزل دمعــتك ما تــردهه - حبال السبي بـيدك تـشدهه
الماعدها والد أحسن تموت - ولا تمشي للغـربه وحدهه
العيونك الطيبه عـــطشنه - أطشرنه بعـــــدك من يلمنه
ماطالعــــــين بلايه وليان - من كطعـــو أوداجك طلعنه
الدمعه التجري مني تحرك بنحرك
يالمحتار بأمري أتحـــيرت بأمرك
**
كدامي راسك رمح شاله -- كلبي يـــــبويه دم بجاله
جروح بغيابك صارت هواي
العـــزو عليك برودة الماي
3= وين ألتفت كدامي حيره - والسبي سالفــــــته جبـيـره
يتـناحبن عماتي عالنوك - وين العــــــزيزه والأميره
بعدك حياتي بس بـواجي - لا ضــــــل دلال ولا تراجي
ياكل بكلبي ضل الغــياب - نار وكلت طـــرف الخواجي
نطب للشام وأيــغــير معـانـيـنه
شبدينه وعدنه ضلت بس بواجينه
**
بسوك الشماته أيكعدونه -- وحنه بنات ومات أبونه
ماخلو أهلي تعـــيش وياي
العزو عليك برودة الماي
4= تـــرفات يابـويه أديه -- والحبل مايعــرف خطيه
زلمه يشدها وأنه طفـله -- ومايــــنكسر كلبه عليه
صعـــدني كدام السبايه -- وفاطمه صعــــدها ورايه
شدها أدينه الأيد بـا لأيد -- وعلينه شد طرف العـبايه
أريد أبجي الــدمع من ينزل يشوفه
وأخاف يجرني ووكع وانه مجتوفه
***
من جلمة البويه منعــني -- يضرب متوني لو سمعني
منعوني بويه يطلع بجاي
العـزو عليك برودة الماي
5= أنطـــوني ماي وماشربته -- عطشان أدري وألك جبته
كـــام السـباني مني بـداه -- عوفيه يضل كال بعـطشته
عطشانه بس الماي عفته -- راسك تــحرك بويه شفته
هوه الخسر مثلك يالحسين -- يامـــــاي اليطفي جمرته
الدم البراسي طاحت فوكه خيمتكم
بعــدكم كون مــــا عاشت رقيتكم
*
عالطـشت موعـدها منيتي -- ونحرك يضل يسمع بجيتي
يفرضون ضلوع الحرم راي
العــزو عليك بـرودة الماي
*
عبد الجليل المالكي
عمر مابي راحه
الحبيب والقريب كريم الدراجي
جبير السوگ ـ نطب عالنوگ
عله الشام ودواوينه ـ بحبال ايدينه طبينه
±±±±±±±±±±±±±±±±±±±±±±±±±±±±±
يماي العين ياخويه حياتي ابدونك شتسوه
يـاجـرحي الـجـبـيـر الـلي تـركـتك منذبح توه
بهذا الوكت يبن امي شكثر محتاجه للخـوه
يـريـد الحـادي يـاخـويه اطـب للشام بالگوه
بحرم وطفال مشه الجمال
حده الحادي وگطع بينه بحبال ايدينه طبينه
±±±±±±±±±±±±±±±±±±±±±±±±±±±±±
تبين كسره الخاطر ابوجه كل طفله مسبيه
رقيه اتغطي دمعتهه وتلوذ امن الخجل بيه
تكسر خاطري اسكينه تمشي اگبالي محنيه
عمت عين الزمان البي الخلـگ تتفرج عليه
خدر عباس عيون الناس
تصبحنه وتمسينه بحبال ايدينه طبينه
±±±±±±±±±±±±±±±±±±±±±±±±±±±±±
ثــلث تيام وكفنه اعله باب القــصر ســابينه
بشتمات وحجاره الناس كامت وسفه ترمينه
هذا يصــيح يازينب سـبيه اشـطــبج عـليـنه
كـافـل خـدرج الـعـبـاس هـذا الـيـوم جاوينه
اخوتج وين الگمر وحسين
حجي الشامت يبجينه بحبال ايدينه طبينه
±±±±±±±±±±±±±±±±±±±±±±±±±±±±±
جــم ديــوان طــبونه وجــم ديـــره الـدخـلنـاهــا
والــــعـذب دلـيـلـي الـشـام ريـت اولا وصـلـنـاهـا
تـلـكـتـنـه بـعـزف وطـبـول وشـتـم اهلي سمعناها
الحادي ايطبنه وسط السوگ بيسرنه ايريد يتباها
نِسه وايتام نطب للشام
الخلك تتفرج اعلينه بحبال ايدينه طبينه
±±±±±±±±±±±±±±±±±±±±±±±±±±±±±
القصر الطاغي طبونه گاعد عالعرش شفته
راس حسين جدامه وسف بعيوني شاهدته
اگبال عيون اخياته بعصاته ايحرك بشفـته
شتّم امــــي الزهره وشتّم والــدي اسمعته
سمعته ايگول خوارج ذول
شتمنه وسب اهالينه بحبال ايدينه طبينه
±±±±±±±±±±±±±±±±±±±±±±±±±±±±±
حسين باهض الحلفي
لسان حال سيدي و مولاي
السجاد عليه السلام
كل جرحي و كل آهاتي. من الخدر
يهظمني ضعن الغالي بيد العسكر
ميسرينه الگوم للغربه
المعلول يعيش بس گلبه
=================
ضعن چان أمدلله
أبو الغيره و كافله
و عله ما بيه چنت و لا آنه محتار
هسه مشونه بدرب
يفحط أجدام و گلب
و علتي من ضيمي سِدت و الگلب نار
درب اليسر مو نفس الدروب
يگطع أحبال و يگطع گلوب
عفت الغوالي فوگ التراب
عفته أعله وجهه أحسيني مگلوب
عفت حسين اعله الغبره وآنه ميسر
و مشونه دروب اليزحف بيهن يعثر
شيمشي المجتوف من دربه
المعلول يعيش بس گلبه
=========================
بعيني بس دم و ذبح
كبالي أبوي اعله الرمح
أهون الفوگ الرمح مو على النوگ
العلى الناگه ينهظم
بروحه يتمنه يظم
بنوگ عماتي آنه بس گلبي محروگ
مسحوگ ريت تدوسني الخيل
و لا شوف بينه الوادم تعيل
و لا شوف حال الخدر يصير
علناگه من الصبح لليل
أصعب أيام أسنيني ذني الأيام
و كلشي هين صاير بس طبت الشام
يا طبت الشام. هم صعبه
المعلول يعيش. بس گلبه
=======================
شگد صحت آه يا هلي
و محد يباوع ألي
و عندي من أهلي بقت بس النساوين
يا هلي شكد صيحت
سكته لمن حشمت
لا نهظ كافلنا لا گام الحسين
ولا هل سدة يا ريت ميتين
شافت العين الما يمر عين
خلونه بين الناس و الشوف
صاير علينه النضر صوبين
لاذن من شوف الوادم. بضهور النوگ
چن حرگت ذيج أخيامي گلبي محروگ
و ضهور النوگ. محتدبه
المعلول يعيش بس گلبه
======================
عله و جروح و سبي
و الخدر ضل بس عبي
يامن يخلص العمر. و الموت يلفي
والله ما بيه أون
گطع أهروشي الحزن
جرحي ما ضنه بعد. بلدنيا يشفي
ضاع العمر و الموت ما جاي
ضعن الأهل ما شاف الفياي
ما ينصف أبدن دهري بلزين
عطشان ماي الجان چن ماي
شامت كلشي بدنيانه. حتى الساكت
ما حسبت أوكف والله. گبال الشامت
أطلب أرتاح. بس طلبه
المعلول يعيش بس گلبه
=======================
لعمتي زينب أنهظم
ونها يوصل للعظم
گعدت و تنعه على حسين بخرابه
شلون تنعه ؟
ها يلمگطع الگلب
أختك أبين الغرب
وتعرف العز ينكسر لو مر عذابه
مرني الهظم چا وينك انته
تدري الگلب مگطوع بَته
يامن عگب عينك ولونه
غير الأخو يلحگ على أخته
ما ترحم خويه الغربه. حالي بدونك
رد ليه و آنه أتنطر. شوف عيونك
الفارس ميعوف. كل حربه
المعلول يعيش. بس گلبه
اللهم عجل لوليك الفرج
علي حسين الخفاجي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
ليالي السبيّ الأليمة 1447 هـ
أمـيـراتُ عِـزٍ قَـريـراتُ عَين
يُناديِنَ سبـياً حبيبي حسين
طبيبَ القلوبِ طبيبَ القلوبِ حبيبي حسين
=====================
على طولَ المدىٰ والقلبُ لِلأفراحِ لمْ يهـفو
وَكـلنا الأمـرَ للباريْ بِلُـقـيـاهُ حَـلا الحـتـــفُ
بِوادي الطَفِ قَدْ هِمنا ونَرجوا الله أنْ يعفو
بـــآهـاتِ الطُـفوفِ كَربلا مِـن دَمعِنا تَـطـفو
نبذنا الركوعَ لقِيـنا السهام
ألا ألفَ أهـلاً بِحَرِّ الحُسام
جَرعنا الحَروبِ طبيبَ القلوبِ حبيبي حسين
=====================
عَشِقنا ٱلـمـوتَ مـادامَ الفُؤادُ ينـبِضُ حَيدر
خَسيسُ القَرعِ لا سَوطٌ نَهابُ بَلْ بِذا نَفخر
ولا عــزمـاً يساويـنا عِزمـنـا أن نهـيمَ الـبـر
لعينِ المُصطفىٰ نَبـكي ولا نَبكي لكي نَقـهر
حزيناتُ نبقىٰ بـهـذا الحنين
أنـيـنُ الثَكالىٰ بِطولِ السِنين
أيا نفسُ طُوبي طبيبَ القلوبِ حبيبي حسين
=====================
ألا يـا أيُـها الحادي نُـريـدُ رأسَ مـولانا
نُـبـلغْ سـيدَ الرَكـبِ نَشيجُ الحَربِ آذانا
عـزيزاتٌ أســيراتٌ لنا قـد صار عنوانا
لِحرزِ الكونِ معبودَ الملا نَأتي بِشكوانا
دمـــوعاً نســيـلُ لِراعي الكـفوف
أبا الفَضلِ حُـزناً أتَـتْـهُ السُـيوف
ولا من هروبِ طبيبَ القلوبِ حبيبي حسين
=====================
كما كانَت بَني أَسلَم بني سُفيانُ قَد جاروا
يَهودَاً ليـسَ إسلامَاً عَليـنا حِـقـدَهُـم داروا
يَـلومـونـا يَسـومُـونـا سَـقـاهُم رَبُــهـم نـَارُ
ومـنهـم مَـن غـدا قائـلْ قَبِلتم قَـتلةَ الـعارُ
بهِ لو رَضِيتم يقولُ الخبيث
خِتامُ السِنينِ بِهـذا الحَديث
بِـهذا الغروبِ طبيبَ القلوبِ حبيبي حسين
=====================
أَمـامَ العَينِ والظالـمْ رأَيـنـاهُ بِـكُـم ينـحر
يداهُ مِن دِمَـا الآلِ وحَـمرا مـن دَمِ الكوثر
رضِينا ما جَرى طَوعاً إلهُ الكونِ قـد قدَّر
مَـتى يُـؤخَـذْ لَـنـا ثَـأرٌ مـتى مَهديُّنا يَظهر
أليكَ حُسينٌ يَكونُ الخِطاب
عَزيزٌ عَليــنا يَلـيـكَ الـتُـراب
سنا شمسِ ذوبي طبيبَ القلوبِ حبيبي حُسين
=====================
19/4/2024 يوم السبت
20/شهر شوال 1446 هـ
خويدم آل محمد
الشاعر الميرزا محمد الساعدي