Mubaşşir Ahmad

01 September 2025 11:19

Фарзандларим келажаги хитой ёки рус қўлида қолишини ўйласам қўрқиб кетаман. Уйқум қочади.

Бундай бўлмаслиги учун биз тез ҳаракат қилишимиз керак. Аллоҳ берган мустақилликни асраб қолиш учун кучли миллат ва қудратли давлат бўлишимиз лозим.

Энди савол. Кучли бўлишимиз учун илм ва маърифатли бўлишдан бошқа қандай йўлимиз бор? Мен бундан бошқа йўл тополмаяпман.

Агар бошқа йўл бўлса, асослаб беринг?!

16.04.2021

#unutmaymiz_unuttirmaymiz
#MubashshirAhmadga_ozodlik

@MubashshirAhmad

Mubaşşir Ahmad

30 August 2025 15:12

Ислом бир бутундир, бўлакланмас!

Яъни, рўза тутиб, намоз тарк қилинмайди. Закот бериб, рибохўр бўлинмайди. Намоз ўқиб, очиқ-сочиқ юрилмайди. Хайрия қилиб, ўғри бўлинмайди. Ҳажга бориб, пора берилмайди.

Қисқаси, исломга тўлалигича кирилади. Зеро у бир бутун, бўлакланмас!

#unutmaymiz_unuttirmaymiz
#MubashshirAhmadga_ozodlik

@MubashshirAhmad

Mubaşşir Ahmad

28 August 2025 13:59

Mezana Akademiyasi ustozi – shayx Mustafo Muhammad Amin al-Ismoil'dan tavsiyalar va Mezana'ning o'ziga xos ilmiy imkoniyatlari haqida

(1971 yil Suriyada tavallud topgan. Damashq universitetida shariat ilmlari bo‘yicha tahsil olgan. Xuddi shu yo‘nalish bo‘yicha magistrlikni Sabahattin Zaim universitetida tamomlagan. Hozirda Sulton Muhammad Fotih universitetida fiqh va usuli-fiqh bo‘yicha doktorlik darajasi uchun ilmiy ish yozish jarayonida.

Qolaversa, Istanbul shahri, Fotih tumanidagi "Mustafo Og‘a" va "Altoy" masjidlarida hanafiy fiqhi va fiqhiy qoidalar mudarrisi, "Rahmat" da’vat markazida fiqh, fiqhiy qoidalar, "mustalahul-hadis" (hadis terminologiyasi) kabi shar’iy ilmlar mudarrisi sifatida ham iz qoldirgan.

Ayni vaqtda shayx Mustafo Muhammad Amin al-Ismoil Mezana Xalqaro Ilmlar Akademiyasida hanafiy fiqhi, hanafiy mazhabining dalillari va usuli-hadis fanlaridan talabalarga dars berib kelmoqda.)

Telegram | Instagram | Facebook | Twitter

Mubaşşir Ahmad

26 August 2025 12:41

Агар одамлар келажаклари ва ҳаётлари ҳақида тафаккур қилганларида эди, ҳаммалари иймон келтиришган бўларди.
Агар дунёлари ва унинг фоний хурсандчиликлари, чекланган лаззатлари, ўлим, хасталиклар, ҳалокат ва оғриқларини ўйлаганларида эди, унга ғарқ бўлмасдилар, матоҳлари олдида таслим бўлмасдилар.

Агар ўлим ҳақида мулоҳаза қилганларида эди, ҳаётлари учун бунчалик ташланишмасди.
Агар охиратни ёдга олишганда эди, жаноби Роббилари томон қочишган бўларди.

Лекин.. бирор киши тўхтаб, булар ҳақида тафаккур қилмайди. Балки бирор нарсалик бўлиб қолиш учун, ҳаёт ғилдираги ортидан чопади. Аммо билмайдики, бу ортидан чопаётгани сароб ва ҳеч нарса эканлигини. Дақиқа, соат ва кунлар ўтяпти, умр ўтяпти. Охир борар жой эса тупроқ..

Тупроқ остига кетганлардан бирортаси, ҳикоя айтгани бизга қайтмайди. Қабр дарчалари кўрлик томон очилган. Бирор киши бирор нарса кўрмайди, бирор нарса билмайди. Кўрлик пардаси ҳамманинг юзига ташланган. Фақат ўша жойга ўзи борган лаҳзадагина кўради.
Ҳар биримизнинг фурсатимиз ҳаётимиз.. бундан ўзга фурсат йўқ!

Доктор Мустафо Маҳмуд
"Ўлим ортида не гаплар?" китобидан

@MubashshirAhmad

Mubaşşir Ahmad

25 August 2025 10:38

Лаҳвбошиларга* уйғоқларни ухлатишга бор имконият берилаётган бир вақтда, биз мудраганларни уйғотишдан ман этилмоқдамиз.

Шайх Муҳаммад Ғаззолий

*лаҳвбоши - ўйин-кулгу, кўнгилхушлик ва бекорчилик ташкилотчилари.

@MubashshirAhmad

Mubaşşir Ahmad

24 August 2025 09:18

- Нима қиляпсан?
- Муҳим ижтимоий иш билан машғулман.
- У нима иш экан?
- Ҳеч кимга халақит бермай, бир чеккада ётибман.

Таржима

@MubashshirAhmad

Mubaşşir Ahmad

22 August 2025 13:45

📢 Mezana Xalqaro Ilmlar Akademiyasida BEPUL o'qish uchun qabul davom etmoqda!

Mezana xalqaro ilmlar akademiyasi sizga bepul, tizimli va eng asosiysi ishonchli ta'limni taqdim etadi

Akademiyada o'qish mobaynida:

🔘 Har kuni dunyo miqyosidagi nufuzli ulamolardan ilm olish imkoniyati;

🔘 Mutlaqo BEPUL ta’lim - barcha darslar, kutubxona va ulamolar bilan qiziqarli suhbatlar tekin. (yashash ruxsatnomasi va yotoqxona mustasno albatta);

🔘 Turkiyaning nufuzli universiteti diplomi va yashash uchun ruxsatnoma - bitiruvchilarimiz uchun Fatih Sultan Mehmet Vakıf Universiteti diplomini qo‘lga kiritish imkoniyati.

⏳ Talabalar imtihon asosida qabul qilinadi. Darslar arab tilida bo'ladi. Joylar soni esa cheklangan, shunday ekan, shoshiling!

🖇 Qo‘shimcha ma’lumot:
☎️ Telefon: +90 554 685 75 77
Telegram: @mezana_qabul

Unutmang, sifatli ta'lim ishonchli kelajak kalitidir!

Mubaşşir Ahmad

21 August 2025 05:08

Қуръон тирик Китобдир. Хоҳлаган оятингизни ўқиб, маъносини мулоҳаза қилинг! Унинг тирик эканини, татбиққа қобил эканини ва ҳаётдан мосуво эмаслигини кўрасиз. Ҳатто ўтган халқлар тарихи ҳақидаги қиссалардан ҳам ҳозир яшаётган ҳаётингиз учун ибрат, фойда ва башоратлар оласиз.

Тирик билан ўликнинг ҳеч бир алоқаси бўлмайди. Шундан тирик Қуръон билан ўлик қалбнинг муносабатлари беҳудадир. Қуръонни англаш ва фойдасини кўриш учун қалбни тирилтирмоқ даркор.

@MubashshirAhmad

Mubaşşir Ahmad

20 August 2025 13:32

Мубашшир Аҳмаднинг судида қатнашдим.
Оиласи, болалари, яқин қариндошлари, мухлислари, уч-тўрт ОАВ журналистлари келишди.
Суд бўлмади ҳисоб.
Битта қораловчи (пуркурор) гапирди. Тамом. Маҳкама раиси: "Гувоҳлар келганми?" деб сўраган эди, котиби: "Йўқ, келишмади", дейиши билан раис: "Гувоҳлар келмаган бўлса, 8 сентабиргача танаффус эълон қиламан", дедию зинадан тушиб, орқа эшикдан чиқиб кетди. Тарқалдик.

Судга келганлар нималарга гувоҳ бўлдик?

Қораловчи (пуркурор) савод масаласида жичча қийналди. Худди бировлар ёзиб берган матнни ўқиб бераётгандай, тутилиб-тутилиб, тили келишмай, кўп хатолар билан зўрғалатдан ўқиди. Балки шу камчилигини яшириш учундир, жуда паст товушда ўқиди. Шу ёзганларига ўзи ишонса, дадил-дадил ўқимайдими, деб мен бу ёқда жоним ҳалак.

Судя Мубашшир Аҳмаддан айбнома билан танишиб чиққан-чиқмаганини сўраганидан кейин: "Бу ерда сизга қўйилган айбларни тан оласизми?" деб сўраган эди, Мубашшир домла: "ДИҚ дан рухсат олинмасдан чиқарилган материаллар бўйича қисмини тан оламан, қолганларини (яъни, жуда кўпини) тан олмайман!" деди.

Гувоҳ бўлганим иккинчи ҳодиса шуки, агар қораловчининг оғзидан чиқса, "Ота-онани ҳурмат қилишга чақиради", деган гап ҳам террорчининг бир белгиси бўлиб туюлаверар экан. Даҳшат! Ярим соатча айбловномани ўқиди, санаган "далил"ларини эшитиб қўрқиб кетдим: тескари ёққа бурса, кундалик ҳаётда гапириб юрган оддий гапларимиз ҳам 50-60 фоизи... Оллоҳ сақласин.

Мени яна ажаблантирган нарса:
Мубашшир Аҳмад 20 йил таълим берган Олий маъҳаддан бир кимса келмади!
Охирги тўрт-беш йилдан бошқа бутун умрини бағишлаган Ўзбекистон мусулмонлари идорасидан бир кимса келмади!
Жонажон ўртоқларидан бир кимсага кўзим тушмади!
Лоақал устозларининг кўнглини кўтариш учун бўлса ҳам, маъҳадда таълимини олган шогирдлари (ҳозир улардан кўпи имом, "аҳли илм"дир) судга келмади!
Балки 8 сентабир куни келишар, билмадим.

Mubaşşir Ahmad

20 August 2025 09:31

Судя: Ўзингизни таништиринг.

Айбланувчи: Мен Алишер Турсунов, 1974 йилда туғилганман, маълумотим олий, оилалиман (қолипдаги таништирув)…

Адвокат: Ҳимоямдаги шахсга ўзини кенгроқ танитишга рухсат беринг.

Судя: Эшитамиз.

Айбланувчи: Мен Мубашшир Аҳмад – Тошкент Ислом Университети, Мисрдаги “Ал-Азҳар” университетида таҳсил олганман. Тошкент ислом институтида ҳанафий мазҳабининг фиқҳи ва Усул ал-Фиқҳ, Фароиз (мерос илми), “Нақшбандия” тасаввуфидан дарс берганман. Ўзбекистон мусулмонлари идорасининг расмий нашри бўлган “Ўзбекистон мусулмонлари” (ҳозирги "Ҳидоят" журнали) ва "Ислом нури" газеталарида муҳаррирлик қилганман.
"Олим, олам ва одам" , "Ислом ҳазораси", "Моида", "Замонавий масалаларнинг шаръий ҳукмлари" каби китоблар муаллифиман.
Абу Ҳомид Ғаззолийнинг 8 жилдли “Иҳёу улумид-дин”, 1 жилдли “Енгил фиқҳ“, 8 жилдли “Муфассал фиқҳ“, тасаввуфга оид “Рисалатул қушайрийя” китобларини таржима қилганман. “Исломда оила”, Доктор Оиз Қарнийнинг “Ўкинма” ва бундан ташқари замонавий даврдаги энг йирик фиқҳий энциклопедия бўлган “Катта фиқҳ энциклопедияси” китобининг таржима қилиниб нашр этилишида раҳбарлик қилганман…

Судя: Бўлди, тўхтанг...

Мен: Кимни жиноятда айблаб, кимни суд қилаяпсан, Ўзбекистон?!

© Sohiba Hayot

@MubashshirAhmad

Mubaşşir Ahmad

19 August 2025 15:07

Тошкентда Мубашшир Аҳмад иши бўйича суд жараёни бошланди

У дастлабки суд мажлисидаги нутқида жамоат тартибига таҳдид соладиган ва адоват қўзғатадиган материалларни тарқатганликка оид айбловларни рад этди. Тегишли рухсатсиз диний материаллар тарқатганини эса Ўзбекистон Республикаси ҳудудида бўлмагани билан изоҳлади.

👉 https://kun.uz/kr/02739759

Kun.uz расмий канали

Mubaşşir Ahmad

19 August 2025 14:33

Олий суд Устоз Мубашшир Аҳмад суди бўйича расмий ахборот берди

Ушбу жиноят иши жиноят ишлари бўйича Учтепа туман судининг судьяси Б. Раҳимов раислигида кўриб чиқилмоқда.

"Албатта, судланувчи айбсизлик презумпциясига асосан суднинг қонуний кучга кирган ҳукми билан айблари аниқланмагунча айбсиз ҳисобланади. Шу боис ижтимоий тармоқлар фойдаланувчиларидан Алишер Турсуновнинг айбли ёки айбсизлиги юзасидан турли тахмин ва шубҳа-гумонларга берилмасликлари, шошма-шошарлик билан хулоса чиқармасликлари сўралади. Чунки судланувчининг айблилик масаласига фақатгина суд томонидан ҳуқуқий баҳо берилади", дейилади Олий суднинг бу ҳақдаги баёнотида.

Бундан ташқари, Олий суд оммавий ахборот воситалари ходимлари ва блогерлардан суднинг одил судловни таъминлаш борасидаги беғаразлиги ва холислигини гумон остида қолдирувчи чиқишлар қилиб, судга нисбатан ижтимоий босим эҳтимолини юзага келтиришдан тийилишларини сўраган.

©️Azon Global

Mubaşşir Ahmad

19 August 2025 12:06

15:03 – Суд бошланди. Афсуски, Azon Global мухбиридан қўл телефонларини топшириш сўралган. Бу эса суд жараёнининг очиқ ва шаффоф бўлиши ҳақидаги турли фикрларни юзага келтиради.

©️Azon Global

Mubaşşir Ahmad

19 August 2025 11:11

Мубашшир Аҳмад устоз кабисини кўрмадим.

Устозни яқиндан таниганимга 8-9 йил бўлди. Устоз ҳақида қанча айтсам оз. Фақат мен устознинг бир жиҳатига эътиборингизни қаратмоқчиман.

Устоззодалар хонадонида етишгани, уламолар авлодидан бўлгани туфайли, шайх ҳазратларидек зотнинг тарбиясини олгани, маҳаддан сўнгра Азҳардек масканда илгани туфайли, тасаввуф аҳлидан бўлгани туфайли, балки мен билмаган яна бошқа сабаблар туфайли устозда бир хислат камолга етган эди - мўътадиллик. Устознинг мўътадиллик сифати қон-қонгига сингиб кетган, ҳеч бир ҳолат ёки воқеа устозни мўътадилликдан чиқишига кучи етмас эди. Ҳатто устозга нисбатан ҳақсизлик авжига чиққанда ҳам сабр билан, ҳилм билан муносабатда бўлар, мўътадилликни қўлдан бой бермас эдилар.

Келинг, энг охирги воқеаларни кўрайлик. Устоз адвокати устознинг сўзларини ҳаммага етказди. Устоз шундай ҳолатда ҳам норозилик, ҳар хил чиқишлар, қаттиқ муносабатлардан узоқ туришимизни истамоқда, қамоқдан туриб бизни мўътадилликда қолишимизга чақирмоқдалар. Ўзларининг ҳолат ва кайфиятлари эса ижобий эканини ҳам адвокат оммага эълон қилиб ўтди.

Азизлар! Бундай сифат эгаси бўлган олимларимиз шундоқ ҳам кам. Бу менинг ожизона фикрим. Дуо қилайлик, Аллоҳ таоло устозни Ўз паноҳида асрасин.

Давлатимиз қонунлари устозга нисбатан энг адолатли ҳукм чиқаришига аминман. Чунки биз ортиқ Янги Ўзбекистонмиз. Сталбани ҳам ушлаб келиб қамайдиган замонлар ортда қолганини давлат раҳбаримиз минбардан туриб бир неча марта такрорлади. Янги Ўзбекистонмиз судьялари энг адолатли ҳукм билан барчамизни суюнтиришига ишонаман.

Устоз суди оддий суд эмас.
Ўтган ҳафта 45 мамлакатдан келган 200дан ошиқ доктор ва пфофессорлардан иборат халқаро конференцияга таклиф қилиндим. Мен ҳам савол ва мулоҳазамни билдириш мақсадида ўзимни таништириб, сўз олдим. Ўтирим тугагач 10га яқин мамлакат вакиллари шахсан мендан Мубашшир устоз ҳақларида сўради. Бири шайх Мубашшир деб сўраса, бошқаси Алишер деб сўради. Европалик олимнинг саволи мени бироз ранжитди-шайх Мубашшир тирикми, сен нима деб ўйлайсан, деб сўради.
Тасаввур қилинг, устоз суди биргина бизнинг мамлакатда, Ўрта Осиёда эмас, Туркияда эмас, балки Ислом оламида яқиндан кузатилмоқда экан. Ичимиздан чиққан душманлар эса ватанимиз номига доғ тушириш, қоралаш мақсадида устозни вафот этган деб ишонтиришга ҳаракат қилиб келмоқда экан. «Биз айтган эдикку, ҳеч қанақа ислоҳот йўқ. Дин ва диндорларга нисбатан зулм ўша-ўша», деб қоралаётганларга қарши энг гўзал раддия устоз Мубашшир Аҳмадга адолатли ҳукмдир. Ва албатта судьяларимиз буни беришади, деб ишонаман.

Аллоҳ таоло бизнинг халқимизни илм ва ирфонни дунёга таратиш истеъдодини берган. Шунинг учун ҳам илм аҳлига муҳаббати чексиз, олимларини бошида кўтаради. Илм ва илм аҳлига муҳаббати чексизлиги туфайли энг оғир замонларда ҳам олимлар етиштириб чиқаришда тўхтамади, тўхтамайди ҳам.

Бугун устознинг суди якунида илм аҳлига бўлган ҳурмат ва муҳаббатнинг исботини бир бор кўрамиз, деб умид қиламан.

Muhammad Odil Hamid.

🕊Telegram |📱Instagram
📺 muhammadodiluz/">YouTube |📱Facebook

Mubaşşir Ahmad

18 August 2025 21:04

Эртага домланинг судлари экан, мен мужда умидидаман. Домла энг озида энг енгил жазо билан озод қилинадилар.

Кимга хуш келади, кимга йўқ, билмадиму лекин домланинг озод қилиниши юртимизга ўйлаганимиздан кўп манфаатли бўлади:

Диндор қатламда тизимга ишонч ва умид сўнмайди, аксинча, кўпаяди. Бу очиқ-ойдин кутиладиган нарса. Мазҳабу манҳажда домладан фарқли бўлганларнинг кўплари ҳам домлага ҳурмат сақларди, демак, домланинг гап-сўзларини қисман қабул ҳам қилишади.

Диндор бўлмаган, ҳатто даҳрий ёки исламафоблар учун ҳам домланинг чиқишлари фойда бўлади.

Чунки уларга нисбатан домланинг ўзлари ҳам кескин гапириб сўкмасдилар, доим юксак ахлоқ кўрсатиб, илм-маърифат билан хитоб қилардилар. Бошқаларни ҳам уларни сўкишларини олқишламас эдилар, уларга қарши қўзғамас эдилар.

Умуман, қадриятларимизга зид мафкураларга ўзлари қанчалик қарши бўлсалар, у ким томонидан бўлса ҳам унга шунчалик муроса йўли билан фикр берар эдилар. Бошқаларни ҳам доим босиқликка чақирар эдилар. Доим ва доим!
Ичда қон йиғлашларини ўқиган одам тушунарди аммо ташқарида фақат табассум кўрарди домладан.

Тергов хулосасини ҳаммамиз эшитдик, қарсак, домланинг қарийб 35 йиллик диний фаолияти давомида бирор ноқонуний ёки фитна-фасодли иши йўқ экан. Қўйилган айбловлардан билдик шуни. Шунча йил давомида диний фаолият юритган одам шунчалик “тоза” ишлаши учун қанчалик олим, доно ва яхшиликка хайрихоҳ эканини таҳмин қилиш умуман қийин эмас-ку!

Қолаверса, бошқа давлатлар бор бу воқеа ривожини кузатиб турган. Ватанимиз ва давлатимиз шаъни бор!

Роббим, ўзинг осон қил, тез фурсатда домлага нажот бер! Оналари ва аҳллари билан офиятда, хуш-хурсандчиликда жамла! Омин!

Иншааллоҳ, эртага мужда бўлади!

© Ikrom Sharif

@MubashshirAhmad

Mubaşşir Ahmad

30 August 2025 18:37

Mezana Xalqaro Ilmlar Akademiyasi ustozi – Dr. Suhayb Saqqor'dan tavsiyalar va Mezana ilmiy dasturining yangiliklari haqida

____

توجيهات قيّمة من الدكتور صهيب الصقّار، الأستاذ في أكاديمية "المئذنة" العالمية للعلوم الشرعية، والاخبار عن التطورات في البرنامج العلمي للأكاديمية..


Telegram | Instagram | Facebook | Twitter

Mubaşşir Ahmad

29 August 2025 13:30

Аллоҳ кўзни номаҳрамдан тийишга буюрди. Бу амрни мўмин ва мўминаларга баробар йўллади.
Кейинчалик қарашни батамом тақиқлаганлар келишди.

Энди аёл кўриши ё кўриниши жоиз эмас. Буни амалга ошириш учун уни уйга абадий ҳибс қилишди.

Мана шу ғулувдан аёлнинг инсонийлиги ўлдирилди. Унинг диний ва дунёвий ҳуқуқлари топталди.

Сўнг бу хатони Оврупа ва Америка одатларини бизга кўчириш билан муолажа қилмоқчи бўлишди. Яъни, дардни худди шундай дард билан алиштиришди.

Бир пайтлар Абу Абдуллоҳ Бухорийдек қадри баланд муҳаддис саҳиҳ Суннатларга боқди, мулоҳаза қилди. Сўнг ҳеч қандай истиҳола ва қўрқувсиз бугун айрим одамлар инкор қиладиган аҳкомларни ишлаб чиқди.

Масалан "Касаллар китоби"да муҳаддислар имоми "Аёлларнинг хаста эркаклар ҳолидан хабар олиш боби. Умму Дардо ансорлардан масжид аҳли бўлган бир эркак ҳолидан хабар олди" дея бобни номлади.

Агар диндорлик бузилиб кетган баъзи жойларда аёллар шундай нарсаларни талаб қилиб чиқишса, уриб ўлдирилган бўларди. Чунки улар Бухорийни табаррук учун ўқишади, фиқҳ учун эмас.

Биз бу зикр қилганларимиз билан бирга, аёлнинг фаолияти оиласи ҳисобига бўлиши жоиз эмаслигини таъкидлаймиз.

Албатта эр ва фарзанд ҳаққи бошқа ҳуқуқлардан олдин туради. Француз ва бошқа ўринда инглиз вазираларининг аёлнинг уйдаги вазифаси илк рисоласи эканини, айтганларини ўқигандим.

Бу яхши фикр. Чунки "уй бекаси" мансаби жуда улкан мансаб. У менинг назаримда жуда баланд лаёқатни талаб қилади.

Ҳаётни ислом таълимотлари асосига қуриш илм ва тажрибадан жуда катта насибадорликни талаб қилади.

Шундай экан, турли вазият ва мақсадлар ўртасида ҳамжиҳатликни юзага келтиришчи?!
Бу энди гўзал тафаккур ва нозик тартиботни талаб этади.

Шайх Муҳаммад Ғаззолий, "Ислом ҳақида юз савол" китобидан

#unutmaymiz_unuttirmaymiz
#MubashshirAhmadga_ozodlik

@MubashshirAhmad

Mubaşşir Ahmad

28 August 2025 10:16

ҲАР СОҲАДА БИЛИМЛИ КАДРЛАР ЕТИШТИРИШ ФАРЗДИР

Динимизда фарзи айн ва фарзи кифоя деган тушунчалар бор.

Фарзи айн ҳар бир кишининг ўзига айнан буюрилган фарз амал. Масалан, илм фарзи айн. Ёш бола балоғатга етганда, зудлик билан намоз аҳкомларини ўрганиши лозим. Чунки бу унга фарзи айн.

Ёки Рамазон келганда ғайридин исломга кирса, дарҳол рўза ҳукмларини ўрганиши керак. Бу унинг ҳаққида фарзи айн. Айнан ўзи ўрганиб, бу ҳукмларни ибодатда татбиқ қилиши лозим.

Савдогар баъй масалаларини ўрганиши керак бўлгани каби, бошқа соҳаларда ҳам ўзимизга керакли бўлган ҳукмларни ўрганишимиз айнан ҳар биримиз учун фарз. Чунки бу тўғрида Аллоҳ томонидан ҳар биримиз ўзимиз саволга тутиламиз.

Фарзи кифоя - уммат ё миллатдан муайян миқдордаги кишилар амал қилсалар, бошқалардан соқит бўладиган фарздир. Масалан, миллат ичида медицинанинг ҳар соҳасидан шифокорлар бўлиши фарзи кифоя.

Мамлакатдаги хасталарнинг эҳтиёжини қондирадиган даражада шифокорлар бўлса, қолганлардан ушбу фарз соқит бўлади. Агар шифокор етарли бўлмаса, миллатнинг ҳаммаси гуноҳкор бўлади.

Ёки мамлакат мудофааси ва чегара ҳимояси учун етарли аскар етиштирилган бўлса, қолганлардан масъулият соқит бўлади.

Акс ҳолда миллатдошлар ҳаммаси мудофаа ва ҳимояга бепарво бўлгани ва фарзни бажармагани учун жавобгар ҳисобланади. Бу ҳолатни ҳаётдаги ҳамма соҳага татбиқ қилиш мумкин.

Оиламиздан аёл киши хасталанса, аёл шифокор қидириб қоламиз. Аммо қизларимизни шифокорликка ўқитмаймиз.

Қиз бола ўқиши шарт эмас, деймиз. Лекин керак бўлганда ўқимишли аёл мутахассисларга муҳтож бўлиб қоламиз. Бу тутумимиз билан ҳаммамиз гуноҳкор бўламиз.

Бунинг ўрнига шаръий муҳитни яратган ҳолда қизларимизни тиббиётга ўқитишимиз фарз. Яхши слесар ёки усталар масаласида бошқа миллат хунармандларини мақтаймиз.

Аммо фарзандларимизни замон касбларига ўқитмаймиз. Бу ишимиз билан миллатимиз муҳтож бўлган бу жиҳатда қолоққа айланамиз ва Аллоҳ олдида ҳам сўраламиз.

Мана яқинда АЭС қуриш масаласида ҳукуматимиз иш бошлади. Энди бизга етук физик, химик атомчилар керак. Шу пайтгача бу соҳадаги бепарволигимиз учун гуноҳкор бўлаётгандик.

Ёки исломий банк тизими ҳам жорий этилиши мумкинлиги ҳақида матбуотда хабарлар пайдо бўлди. Бу мақсад амалга ошиши учун динига амал қилган банкир ёки банк ишини чуқур билган диний олимлар керак.

Демак, бу хусусдаги муаммоларни еча оладиган банкир ва олимларга жудаям муҳтожмиз. Бу мазкур соҳада бепарволик учун миллатнинг ҳаммаси гуноҳкор бўляпти, дегани.

Ўрни келганда диний билимюртлар талабаларига иқтисод, молия ва банк соҳаларида билимларини такомиллаштириш ёки шу йўналишда давом эттиришни маслаҳат берардим. Хусусан чет элларда таълим олаётган ватандошларимизда бунга катта имконият бор.

Хулоса қиладиган бўлсак, керакли миқдорда фарзи айн илмларни олгандан кейин, фарзандларимизни фарзи кифоя бўлган илмларга йўналтиришимиз лозим.

Масалан, фарзандларимиз намоз, рўза ва закот илмларини ўрганиб, ўрганганларига амал қиладиган бўлгач, миллат ва мамлакат муҳтож бўлиб турган касб- хунарларга ва турли соҳаларга уларни йўллашимиз даркор.

Бизга динига амал қилган шифокор, ҳарбий, банкир, молиячи, тадбиркор, инженер ва муаллимлар жуда ҳам керак.

Агар биз бу жиҳатга эътибор бермасак, нафақат миллат ва Ватан олдида, балки Аллоҳнинг ҳузурида ҳам жиноятчи бўламиз.

@MubashshirAhmad

Mubaşşir Ahmad

25 August 2025 14:04

#Mezana_ustozlari

Mezana Akademiyasi ustozi – shayx Foiz Avazdan Mezana haqidagi fikrlari, barcha talabalarga nasihat va tavsiyalar

Ma'lumot uchun:
(1965 yil Damashqda tug‘ilgan. Ilk ta’limni otasi, Damashqning mashhur olimlaridan marhum shayx Muhammad Muhiddin Avazdan olgan. Madina Islom universitetining Shar’iy ilmlar fakultetini 1983 yil a’lo baholar bilan bitirgan. 1985 yili Pokistonning Bahavalpur Islom universitetini magistr va 1994 yil ushbu universitetda usuli fiqh bo‘yicha doktorlik dissertatsiyasini yoqlagan. Ustoz “Suriya Islom kengashi Bosh Assambleyasi”, “Shom olimlari kengashi”, "Zayd ibn Sobit" milliy jamg‘armasi, “Suriya olimlari assosiatsiyasi”ning faol a’zosidir. Hozirda ustoz Foiz Avaz Mezana xalqaro ilmlar akademiyasida faroiz, siyrat, Qur’oni karim ahkom oyatlaridan dars bermoqda.)

⏳Eslatib o'tamiz, Mezana'ning 5 yillik akademiya bosqichi uchun qabul davom etmoqda!

Telegram | Instagram | Facebook | Twitter

Mubaşşir Ahmad

24 August 2025 12:35

Мусулмонларнинг бирлиги муҳимлиги ҳақида эслатма

Мубашшир Аҳмад

#unutmaymiz_unuttirmaymiz #MubashshirAhmadga_ozodlik

@MubashshirAhmad

Mubaşşir Ahmad

23 August 2025 15:27

Қабримга тупроқ тортганларида, устидан нон ушоқларини сочгин. Шунда қабрим узра чумчуқлар чирқиллайди. Уларнинг овозларини эшитиб, ёлғиз қолмаганимни ҳис қилайин.

@MubashshirAhmad

Mubaşşir Ahmad

22 August 2025 10:15

Айни дамда исломни рад этиш ўзига ўзи суиқасд ва барбод бўлиш йўлидир. Балки бу мустамлакачиликнинг кўз қувончидир.

Шайх Муҳаммад Ғаззолий

@MubashshirAhmad

Mubaşşir Ahmad

20 August 2025 15:28

Oilalar mustahkam, farzandlar tarbiyali bo’lishi hamda dinimizning go’zal ahkomlarini joriy qilinishi uchun ham ayollar ilm olishi zarur.

©️Mubashshir Ahmad


#unutmaymiz_unuttirmaymiz #mubashshirahmad #Ayol #madrasa #Islom #ilm #WomenOfKnowledge #Islam #LightOfKnowledge
#KadınVeİlim #İslamiBilgi #İlimIşığı #MarifetYolunda #toshkent #istanbul


@mezanauz_academy

Mubaşşir Ahmad

20 August 2025 10:21

Магар сабр қилганлар ва яхши амаллар қилганлар, ана ўшаларга мағфират ва катта ажр бор

Ҳуд сураси, 11-оят

©️Azon Global

Mubaşşir Ahmad

19 August 2025 16:47

Мубашшир Аҳмад – олимнинг машаққатли йўли

©️Azon Global

Mubaşşir Ahmad

19 August 2025 15:04

Устоз Мубашшир Аҳмаднинг адвокати Абдуллоҳ Содиқ билан биринчи суд мажлиси ҳақида интервью

©️Azon Global

Mubaşşir Ahmad

19 August 2025 13:52

Устоз Мубашшир Аҳмад суди очиқ, аммо ёпиқ тарзда ўтди

Айрим гувоҳлар келмагани учун суд иши шу йилнинг 8 сентябрь санасига қолдирилди.

Устоз Мубашшир Аҳмад судига журналистлар киритилган, аммо камера, телефон воситалари чекланган. Шунингдек, судда иштирок этган журналистлардан ташқарига чиқиб фикр билдиришга тақиқ қўйилган. Олий суд матбуот котиби Азиз Обидовнинг суд жараёни тўғрисида маълумот бериши кутилмоқда.

©️Azon Global

Mubaşşir Ahmad

19 August 2025 11:58

14:50 – Суд биноси олдига журналистлар, блогерлар ва фаоллар йиғила бошлашди. Маълумотларга кўра, Устознинг судини ёритиб бориш учун 20 га яқин журналист ташриф буюрган. Жумладан, эл суйган адиб Нуруллоҳ Муҳаммад Рауфхон ҳам шу ерда. Суд очиқ бўлган тақдирда ҳам журналистлар суд залига киритилмаслиги мумкинлиги айтилмоқда.

©️Azon Global

Mubaşşir Ahmad

19 August 2025 08:06

Бугун Устоз Мубашшир Аҳмаднинг суди бўлади

Бугун, 19 август куни соат 15:00да Жиноят ишлари бўйича Тошкент шаҳар Учтепа тумани судида Устоз Мубашшир Аҳмад (Алишер Турсунов)нинг суди бошланади. Суднинг очиқ ёки ёпиқ ўтиши ҳозирча номаълум. Кенг жамоатчиликдан шу халқ, шу миллатнинг икки дунё саодатига эришишини исташдан бошқа дарди бўлмаган уламо Мубашшир Аҳмад домланинг суд ишида адолат тантана қилиши йўлида бефарқ бўлмасликларини илтимос қиламиз. Ва айни пайтда, мавжуд воқеликка нисбатан вазминлик билан оқилона ёндошишларини, ортиқча ҳиссиётларга берилмасликларини сўраб қоламиз.

©️Azon Global

Mubaşşir Ahmad

18 August 2025 13:59

🎉 Mezana 5 yillik akademiya bosqichi uchun qabulini boshladi!

Mezana Xalqaro Ilmlar Akademiyasi ikki bosqichdan iborat: 1 yil madrasa + 5 yil akademiya bosqichlari.

Mezana'ga asos solinishidan ko'zlangan maqsad – ilm talabidagi har bir inson uchun musulmon diyorlarida uzoq yillar davomida dars berib, kuchli ilmiy tajribaga ega bo'lgan ustozlardan Islomiy ilmlar bo'yicha yuksak ta'lim olish sharoitini yaratish edi. Bugunga kelib Mezana Xalqaro Ilmlar Akademiyasi xuddi shu muhitni ta'sis qilishga muvaffaq bo'ldi.

Mezana'ning 5 yillik akademiya bosqichida ta'lim olgan talabalar Islomiy ilmlar bo'yicha dastlabki mutaxassislik unvonini qo'lga kiritishga, ko'plab ilmlarni ijoza asosida tahsil qilishga va o'zbek madaniyatiga yaqin madaniyatlarning ilmiy me'rosidan nasibador bo'lishga muvaffaq bo'ladilar.

Akademiya ta'limi aqida, fiqh, tafsir, hadis, usul, mantiq, siyrat, tarix, arab tili va balog'ati hamda kunimizning dolzarb masalalarini muhokama qilish imkoniyatini beruvchi bir qancha dars va fanlarni o'z ichiga oladi.

Ushbu videotasvirda o'nlab katta ustozlar va yuzlab talabalar nomidan shayx Ahmad Al-Ahmad, shayx Foiz Evaz, shayx G'asson Horun, shayx Dr.Ayman Jammol, shayx Mustafo Ismoil va Dr.Suhayb ustozlarimizning sizlarga qaratilgan taklif va tavsiyalari o'rin olgan.

Ariza topshirgan talabalar Mezana Akademiyasi qabuli yakunlangach suhbat asosida qabul qilinadilar. Mezana Akademiyasi'ga kirish uchun talablar: arab tilini yetarli darajada bilish va boshlang'ich saviyada diniy savodga ega bo'lish. Ushbu bilimga ega bo'lmaganlar 1 yillik madrasa bosqichida o'qishlari mumkin.

Akademiyada darslar mutlaqo bepul. Faqat yotoqxona, taomlanish va boshqa ehtiyojlarni o'z ichiga olgan yillik to'lov mavjud bo'lib, bo'lib to'lash imkoniyati beriladi.

⌛️Qabul muddati: 1-avgustdan - 31-avgustgacha

🎓 Mezana – millat manfaati va o‘z qadriyatiga ega avlod uchun!

📲 Batafsil ma’lumot:
O'qish haqida ma'lumotlar linki 👈

✍️ Ariza topshirish:
Ro'yxatdan o'tish 👈

Telefon: +90 538 895 9757
Telegram: @mezana_qabul

Telegram | Instagram | Facebook | Twitter