Mubaşşir Ahmad

25 июля 2025 09:47

Ёшларимизда миллатимиз ва давлатимизни дунё халқларининг олдида ва тараққиётнинг чўққисида кўришни хоҳлайдиганлари бор. Бу хоҳишларини қутлайман ва қўллаб-қувватлайман.

Бу тўғрида йўлларини тўғирлаб олишлари учун бир тавсиям бор:

Азиз ёшлар! Ўзбек халқи қадим ва кучли халқ.

Унинг тараққиёт ва пешқадамлик учун ички имконияти ва истеъдоди етарли. Ислоҳотни айнан ана шу имкониятларини ишга солиб юбориш, ухлаб ётган жойидан қўзғашдан бошланг. Қувватни ва кучни ичидан, ботинидан изланг!

Тўғри, тараққиётга эришишнинг дунё тажрибалари бор. Сиз уларни тўлиқ кўчирсангиз ва масофаларни уларнинг қаричи билан ўлчасангиз хато қиласиз. Чунки ҳар заминнинг ўз хусусияти ва экинлари бўлади.

Сиз жануб экинларини, шимолда ундиролмайсиз, ёки новдангиз заиф бўлиб, тез қурийди. Ёки акси, совуққа ўрганган дарахт жанубда ўсмайди.

Бу ҳолда мева олиш учун ё пайвандлаш ё урчитиб янги нав пайдо қилиш керак.

Худди шунга ўхшаш, Аллоҳга иймон келтириб, шу иймони тақозосига кўра яшайдиган миллат ва давлат ҳудудида худосизликка ё ботил ақидага асосланган халқлар тасарруфини тўлалигича қабул қилиш ва ундан андоза олиш тўғри йўл эмас.

Бунинг оқибати хайрли эмаслиги, жуда кўп халқлар мисолида ўз исботини топган. Балки, ўсимликлар оламида бўлганидек, ҳар заминга ўз дарахтини экиш лозим.

Диёнатли халқимиз диёнатига дахл қилмайдиган, балки иймони тақозоси бўлган адолат, қунт билан иш қилиш, тўғрилик ва вақтни қадрлаш каби ҳозирда бошқа халқларнинг ютуғи бўлган, асл хусусиятларимизни ўзимизда уйғотайлик ва парваришлайлик.

Уларнинг нотўғри ақида, мафкура ва ахлоқларидан узоқда бўлайлик. Қисқача айтганда қалбларидагидан узоқ бўлиб, қўлларидагидан ўрганайлик, татбиқ қилайлик.

Даҳо ислоҳотчиларнинг асосий хизматлари ҳам шунда бўлган. Тараққий этганлар ютуқларини ўз заминларида моҳирона татбиқ этишган. Бунда давлат ва миллатлари диёнати, мафкура ва тасаввурларини тўлиқ ҳисобга олишган. Муваффақиятлари боиси ҳам айнан шу бўлган.

Сизларга ҳам бундай фаросат ва ҳассосиятда муваффақиятлар тилайман!

Мубашшир Аҳмад

#unutmaymiz_unuttirmaymiz #MubashshirAhmadga_ozodlik

@MubashshirAhmad

Mubaşşir Ahmad

24 июля 2025 09:53

#unutmaymiz_unuttirmaymiz
#MubashshirAhmadga_ozodlik

Орзуларимиз имкониятларимиздан анча баландда.

Мақсадга орзу билан эришилмайди. Балки имкониятни ошириш йўллари изланади. Ва имконият доирасида тўхтовсиз ҳаракат қилинади.

Бунга шариатимизда далиллар жуда кўп.

Мубашшир Аҳмад

@MubashshirAhmad

Mubaşşir Ahmad

22 июля 2025 14:59

#unutmaymiz_unuttirmaymiz
#MubashshirAhmadga_ozodlik

Буни ёзганимга бир йил бўлибди. Йиғлаб ўқидим. Бизга насиҳатгўй эдилар:

"Қўлимдан келганида мураббий Олимхон домладек яшаган бўлардим.
Устозни яқиндан билмайман. Икки-уч боргина учрашган бўлсак-да, қалбимда чуқур из ва севги қолдирган зот эдилар. Шу қадар мутавозе эдиларки, кўзларини ердан узмас ва овозларини баландлатмас эдилар. Шогирдлари қаторида бўлган мендек одамнинг ҳам сўзларига жим қулоқ тутардилар.

У зотнинг мендан битта ўтинчлари бор эди: Президентга мусулмонларнинг ҳолини етказиш керак. Уларнинг ҳуқуқлари поймол бўлаётгани, диний соҳада ислоҳот бўлмаётгани ва халқимиз Президентга ишониши, миллатимиз хизматида уламоларнинг ўрни катта экани ҳақидаги истакларини катталар билиши ва тушуниши кераклигини айтгандилар. Бу хусусда олий раҳбарга мактуб ёзилса, биринчи бўлиб имзо қўйишларини изҳор қилгандилар.

Мен у кишининг тарбияларига муҳтож эканимни ва қолиб ҳузурларида хизматда бўлмоқчилигимни айтганимда, жойим уйларида эмас, балки ҳозирги иш жойимда эканини айтиб, бир тўн кийгиздилар. Бу уларнинг тарбияларини олганим аломати эканини тушунтирдилар.

Олимхон домла менинг шууримда дунё кишиси эмасдилар. Фақат Суннатга амал қилишни бизларга кўрсатиб бериш учун дунёга келиб-кетган бир фозил эдилар.

Мен ўзим шундай бўлмасам-да, фозил ва солиҳларни севаман.

"Киши севгани билан бирга бўлади" деган Сенинг ҳабибинг, ё Раб! Шундангина умидворман".

25.07.2021

Мубашшир Аҳмад

@MubashshirAhmad

Mubaşşir Ahmad

21 июля 2025 23:06

Ғазо геноциди ҳақида

©️Azon Global

Mubaşşir Ahmad

21 июля 2025 16:26

Ўлим сиз учун нима?

Устоз Мубашшир Аҳмад

#unutmaymiz_unuttirmaymiz
#MubashshirAhmadga_ozodlik

©️Azon Global

Mubaşşir Ahmad

20 июля 2025 20:54

Устоз Мубашшир Аҳмад

#unutmaymiz_unuttirmaymiz
#MubashshirAhmadga_ozodlik

©️Azon Global

Mubaşşir Ahmad

19 июля 2025 13:59

#unutmaymiz_unuttirmaymiz
#MubashshirAhmadga_ozodlik

Ҳаётимда бирор кеч ўзимдан рози ҳолда ётмадим

Мубашшир Аҳмад

@MubashshirAhmad

Mubaşşir Ahmad

18 июля 2025 16:16

#unutmaymiz_unuttirmaymiz #MubashshirAhmadga_ozodlik

Билимсиз ва қобилиятсиз одам мансаб курсисига қаттиқроқ ёпишар экан. У бу йўлда ҳар қандай разолатга қўл уради.

Сабаби, курсиси бўлмаса, у ҳечким эмаслигини яхши англайди. Сиёсатдонлар бундайлардан кўп фойдаланишади. Чунки мансаб илинжида улар ўта садоқатли бўлишади.

Ўқимишли ва фаросатли одам кўп имтиёзлардан осонгина воз кечади. Чунки у бошқа ерда йўлини осонгина топа олади. Бундайлар билан ишлаш раҳбарият учун шу сабабли қийин ва хатарлидир.

Хуллас, амалдорларнинг савиясизлиги ва маддоҳ-лаганбардорларнинг кўплигидан ажабланманг!

Мубашшир Аҳмад

@MubashshirAhmad

Mubaşşir Ahmad

17 июля 2025 09:35

#unutmaymiz_unuttirmaymiz #MubashshirAhmadga_ozodlik

Мусулмон ҳам бошқаларга ўхшаб кулади ва йиғлайди. Хурсанд ва хафа бўлади. Ғами бор, ташвиши бор. Орзуси бор, ҳаваси бор.
Фақат унинг фарқи - нима учун яшаётганини билади.

Мубашшир Аҳмад

@MubashshirAhmad

Mubaşşir Ahmad

16 июля 2025 09:54

Махлуқнинг махлуқдан ёрдам сўраши маҳбуснинг маҳбусдан кўмак исташига ўхшайди.

Аллоҳ таоло айтади: "Сиз: «Ундан ўзга ўзингизча гумон қилганларингизни чақиринг. Бас, улар сиздан зарарни кушойиш қила олишга ёки буриб юборишга молик эмаслар», деб айтинг. Ана ўша дуо қилаётганлари Роббиларига васила изларлар, қайсилари яқинроқ эканини (билмоқ учун). Унинг раҳматини орзу қилурлар ва азобидан қўрқурлар. Албатта, Роббингизнинг азоби ҳазир бўлишга лойиқдир"

(Исро сураси, 56-57-оятлар).

Демак, ўзи Аллоҳнинг раҳмати орзуида юрган кимса қандай қилиб бировни раҳмат қила олади?

Ўзи Аллоҳнинг азобидан қўрқиб турган кимса қандай қилиб бировни азоблай олади? Шунга қарамасдан, Аллоҳнинг азобидан қўрқмай, бир пулга арзимайдиган нарсаларни Унга шерик қилиб юрганларга ҳайрон бўлади киши..

Мубашшир Аҳмад

#unutmaymiz_unuttirmaymiz #MubashshirAhmadga_ozodlik

@MubashshirAhmad

Mubaşşir Ahmad

15 июля 2025 13:18

"Биздан қачон Шаъровий чиқаркин", "Мен Шаъровий бўламан"га, "Ҳазратдан кейин илм тугади", "Мен улардек олим бўламан"га айланмас экан, миллатларнинг кети бўлиб юраверамиз.

Мубашшир Аҳмад

#unutmaymiz_unuttirmaymiz #MubashshirAhmadga_ozodlik

@MubashshirAhmad

Mubaşşir Ahmad

12 июля 2025 11:01

Табиат фаслларида қатъий интизом бор. Баҳордан кейин албатта ёз келади. Кейин куз ва ҳоказо.

Аммо умр фаслларида интизом кафолатланмаган. Ҳаммамиз кузда турибмиз..

Мубашшир Аҳмад

#unutmaymiz_unuttirmaymiz #MubashshirAhmadga_ozodlik

@MubashshirAhmad

Mubaşşir Ahmad

11 июля 2025 13:59

Бу дунёда из қолдираман, деб ҳаёт кечиргандан таржимаи ҳоли ёзилган бир парча қоғоз, нари борса тарихи битилган бир китоб қолади холос.

Аммо Аллоҳ йўлида, абадий ҳаёти учун яшаган инсонга, бир лаҳзаси учун Уҳуд тоғичалик кўмма ваъда қилинса, бошқа амали учун осмонлару ерга сиғмас дафиналар бор.

Бу дунёдаги шон-шарафу, дуоларни айтмадим..

Мубашшир Аҳмад

#unutmaymiz_unuttirmaymiz #MubashshirAhmadga_ozodlik

@MubashshirAhmad

Mubaşşir Ahmad

11 июля 2025 09:20

Мубашшир Аҳмад иши: сўз ва виждон эркинлиги синови

©️Azon Global

Mubaşşir Ahmad

10 июля 2025 10:36

Сунъий матодан тикилган кўйлак кия оласизми? Сунъий моддалар қўшилган таом ея оласизми? Табиий, жавобингиз салбий бўлади. Чунки уларни танангиз хоҳламайди, ошқозонингиз қабул қилмайди. Шунинг учун доим табиий маҳсулот қидирамиз.

Шунинг учун улар камёб ва қадрли. Уларни сунъий маҳсулот эгалари ёқтирмайди. Йўқ бўлишини, олдидан чиқмаслигини хоҳлайди.

Дин ҳам мафкура ва ғоя сифатида табиий маҳсулот. Унинг муқобилида сунъий маҳсулотлар: либерализм, социализм, капитализм, коммунизм ва яна қанчадир измлар туради.

Чунки улар инсон маҳсули, тафаккури натижаси, яъни сунъий (ясама!). Аниқки уларни вужуд, онг ва қалб қабул қилиши қийин. Қабул бўлганлари ҳам уларни бузади, айнитади, худди сунъий маҳсулот бузгани каби.

Табиий маҳсулотлар Аллоҳнинг бузилмаган яратганлари бўлгани каби дин ҳам Аллоҳнинг дини ва аҳкомлари. Вужудга, ақлга ва қалбга яхши сингади, уларни қониқтиради. Уларга зарар бермайди. Кони фойда.

Агар у бутунлай батамом сунъийлаштирилса (турли измлар каби) ёки ўзгартирилса (яъни таълимот ва аҳкомларини инсонлар ўзига мослаштирса) у энди ҳаётга яроқли бўлмайди. Бузғунчи кучга айланади. Фойда эмас, зарар беради. Инсоният устига бало ўлароқ ағдарилади.

Аллоҳнинг таълимотлари ва аҳкомларига муносабатда ана шуларни ёдда тутиш керак.

Мубашшир Аҳмад

#unutmaymiz_unuttirmaymiz #MubashshirAhmadga_ozodlik

@MubashshirAhmad

Mubaşşir Ahmad

24 июля 2025 13:59

#unutmaymiz_unuttirmaymiz
#MubashshirAhmadga_ozodlik

"Албатта, Биз уларнинг айтаётганларидан сенинг дилинг сиқилишини яхши биламиз.
Бас, Роббинг ҳамди ила тасбиҳ айт ва сажда қилгувчилардан бўл.
Ва сенга аниқ нарса (ўлим) келгунича Роббингга ибодат қил".

("Ҳижр" сураси, 97-99-оятлар)

Мубашшир Аҳмад

@MubashshirAhmad

Mubaşşir Ahmad

23 июля 2025 13:07

#unutmaymiz_unuttirmaymiz
#MubashshirAhmadga_ozodlik

Бу маддоҳлик эмас. Ҳақиқатни эътироф қилиш ва яхшиликка гўзал жавоб қилиш қабилида кўрилсин!

Ҳозирги президентимиз даврида энг асосийси нисбатан эркинликка эришдик.

Эркинликнинг нималигини ёшлиги Иттифоқнинг қўрқинчли даврида кечган, онгли даври эса энг қатағонли ва эрксизлик даврида ўтган биз кабилар яхши билади.

Олдинги президент даврида қўрқув қон-қонимизга сингиб кетди. Ҳозир ҳам ундан қутула олмаяпмиз, хоссатан ўзим ҳам.

Лекин афсуски эрк берилаётган ҳозирги давримиз ўғирликлар, талон-тарож ва коррупция иллатлари билан тарихда қолади. Агар орқага қайтилса, эрк бериб, кейин тортиб олинган замон сифатида ҳам келажак авлодга сўзлаб юрилади. Чунки қатағончилар ғимирлаб қолишди.

Аллоҳ уларнинг ёмонликларидан миллатимизни Ўзи асрасин! Қолаверса, берилган озгина эркимизни асраб қолиш ва учун ҳаммамиз фаол бўлишимиз кераклигини эслатаман.

Мен ҳеч кимни туғилган куни билан табрикламаганман ва табрикламайман. Чунки ҳар бир лаҳзамиз бизни ўлимга ва Охиратга яқинлаштиряпти, деган тушунча ва эътиқоддаги одамман. Лекин

Президентимизни ҳануз самимий инсон деб билганим учун, келажак умрлари халққа хизматда, миллатни рўшноликка олиб чиққан инсон сифатида таърифланишларига тилакдошман.

Аллоҳдан у кишига эзгу ишларида мададкор бўлишини ва айнан яхшиликда ҳамда диёнат йўли - мустақим йўлда собит қилишини сўрайман.

Салафи солиҳларимизнинг "Ижобат бўладиган дуойим борлигини билсам, уни мамлакат раҳбари ҳаққига қилган бўлардим. Чунки уларнинг салоҳи-солиҳлиги раийятнинг солиҳлигидир" дейишгани ёдимга тушди. Шу сабаб, дил изҳорларимни баён қилдим. У кишини Аллоҳ қўлласин ва ҳақда собит қилсин!

24.07.2021

Мубашшир Аҳмад

@MubashshirAhmad

Mubaşşir Ahmad

22 июля 2025 11:47

#unutmaymiz_unuttirmaymiz
#MubashshirAhmadga_ozodlik

"Дин ва илм омонатдир" номли илмий анжумандан устоз Мубашшир Аҳмад нутқи: "Фейсбукдан фойдаланиш одоблари".

(Архив)
@MubashshirAhmad

Mubaşşir Ahmad

21 июля 2025 17:04

Мубашшир Аҳмад домла ҳақларида ёзилганлар халқнинг гарданида қолиб кетяпти. Ҳақ-ҳуқуққа қулоқ тутган фақатгина халқ бўляпти.

Лекин ҳеч ким "етар" демаяпти. Чунки бу инсон миллат ўлароқ бизга керакли шахс. Бундан ташқари бу инсоннинг иши давлатнинг ҳуқуқийлик тамойилининг ҳолатини акс эттираётган ойна вазифасини ўтамоқда.

Мубашшир Аҳмад домланинг айбсизликлари халқ миқёсида билинганидан кейин у кишининг иши бўйича ёзилган ҳар бир хавотир, талаб ва эътирозлар ҳақлидир.

Янглиш ва хатоликлар эътироз ва норозиликлар қаршисида ислоҳ топади. Шу боис у киши ҳақларида ёзилган, чизилганларни нафақат домланинг ҳолатларига бўлган қизиқиш сифатида қабул қилишимиз керак, балки бу нарсани миллат фарди ўлароқ келажакдаги ислоҳот йўлимизда чиқадиган тўғаноқликларга қарши ўзимиздаги иммунитетнинг зоҳир бўлиши деб қабул қилишимиз керак.

Бизнинг халқ сифатида давлатимизни норози қилганимиз тарихда кўрилмаган. Энди эса халқ сифатида зиёлиларимиз иши орқали рози қилиниш ҳаққимиз доим сақланиб қолади.

Биз бугун ислоҳотдан, ислоҳотни талаб қилишдан жавобгармиз. Билишимиз керакки, жавобгарлик - бир даврдир. Бу даврдан кейин ё хушнудлик, қийинчилик ортидаги осончиликка эришиш бор ёки вабол ва ёруғ кунни кўр кўз билан қарши олиш бор.

Mubaşşir Ahmad

21 июля 2025 12:00

#Насиҳат

#unutmaymiz_unuttirmaymiz
#MubashshirAhmadga_ozodlik

"Бир қавмдан бир киши амалга минса, уларнинг ичида ундан кўра Аллоҳни рози қилувчироғи бўлса, у (амалга минган) Аллоҳга, Расулига ва мўминларга хиёнат қилибди".

Ҳоким ривояти.

"Ким мусулмонлар ишидан бирига бош бўлса, то уларнинг эҳтиёжларига қарамагунча, Аллоҳ унга ҳам қарамайди".

Табароний ривояти.

Бошқа ҳадисларда "мусулмонлар"нинг ўзи билан чекланилмаган. Маъно бошқаларга ҳам шомил бўлган

Устоз Мубашшир Аҳмад

@MubashshirAhmad

Mubaşşir Ahmad

20 июля 2025 07:15

#MubashshirAhmadga_Ozodlik

Агар дунё маҳкамасида адолат тополмасангиз, ишингизни охират маҳкамасига оширинг. Унда фаришталар гувоҳ, даъволар ёзиб қўйилган ва қози эса Аҳкамул-ҳокимийндир.

Мубашшир Аҳмад

@MubashshirAhmad

Mubaşşir Ahmad

19 июля 2025 10:13

#unutmaymiz_unuttirmaymiz #MubashshirAhmadga_ozodlik

Ибодатларимизда ўтганларни дуо қилгандек, тирикларнинг ҳаққига ҳам дуо қилишни ўрганишимиз керак. Зеро дуога тириклар кўпроқ муҳтождирлар..

Мубашшир Аҳмад

@MubashshirAhmad

Mubaşşir Ahmad

18 июля 2025 10:34

#unutmaymiz_unuttirmaymiz #MubashshirAhmadga_ozodlik

Охирида барибир фақат ўзинг билан ўзинг қоласан.

Мубашшир Аҳмад

@MubashshirAhmad

Mubaşşir Ahmad

16 июля 2025 13:59

#unutmaymiz_unuttirmaymiz #MubashshirAhmadga_ozodlik

Дунё ҳаёти тугаши билан тарих, ҳодисалар ва башарият, буларнинг ҳамма-ҳаммаси тугаши оқил одам рози бўладиган мантиқий якунми?

Сизнингча, золимлар бахтиёр ҳолатларида вафот этишлари мақбул интиҳоми?
Мазлумларнинг эса ғам-қайғуда ўлиб кетишлари рози бўладиганингиз ниҳоями?

Агар ҳаётнинг бори шу дейилса ғирт мантиқсизлик, фаросатсизлик ва енгилтаклик қилинган бўлмайдими?.
Чунки бу дунё ҳаёти ҳар бир дақиқаси, ҳар бир ҳодисаси ва ҳар бир ҳаракати билан охират ҳаётининг муқаддимасидир:

"Наҳотки Бизнинг сизни яратишимиз беҳуда бўлган ва сиз Бизга қайтарилмассиз, деб ҳисобласангиз?!"
(Муминун сураси, 115-оят).

Мубашшир Аҳмад

@MubashshirAhmad

Mubaşşir Ahmad

15 июля 2025 17:33

ИККИ СТАНДАРТЛИ СИЁСАТ ҚАБОҲАТИ

Қуйидаги фактларни мулоҳаза қилинг.
Жаҳонда фоҳишалик энг кўп тарқаган давлатлар:

1. Таиланд (буддавий).
2. Дания (масиҳий).
3. Италия (масиҳий).
4. Германия (масиҳий).
5. Франция (масиҳий).
6. Норвегия (масиҳий).
7. Белгия (масиҳий).
8. Испания (масиҳий).
9. АҚШ (масаҳий).
10. Финландия (масиҳий).

Дунёда ўғрилик жинояти авжига чиққан мамлакатлар:

1. Дания ва Финландия (масиҳий).
2. Зимбабве (масиҳий).
3. Австралия (масиҳий).
4. Канада (масиҳий).
5. Янги Зелландия (масиҳий).
6. Ҳиндистон (ҳиндукий).
7. Англия (масиҳий).
8. АҚШ (масиҳий).
9. Швеция (масиҳий).
10. Жанубий Африка (масиҳий).

Гиёҳвандлик нисбати энг юқори бўлган юртлар:

1. Молдавия (масиҳий).
2. Белоруссия (масиҳий).
3. Литва (масиҳий).
4. Россия (масиҳий).
5. Чехия (масиҳий).
6. Украина (масиҳий).
7. Андорра (масиҳий).
8. Руминия (масиҳий).
9. Сербия ( масиҳий).
10. Австралия (масиҳий).

Қотиллик жинояти юқори даражада бўлган давлатлар:

1. Гондурас (масиҳий).
2. Венесуэла (масиҳий).
3. Белиз (масиҳий).
4. Салвадор (масиҳий).
5. Гватемала (масиҳий).
6. Жанубий Африка (масиҳий).
7. Сент-Китс ва Невис (масиҳий).
8. Багама ороллари (масиҳий).
9. Лесото ( масиҳий).
10. Ямайка (масиҳий).

Дунё мамлакатлари энг хавфли мафиялар:

1. Якуза (динсиз).
2. Агбирус (масиҳий).
3. Вах Сенг (масиҳий).
4. Ямайка Бус (масиҳий).
5. Примеро (масиҳий).
6. Орион дўстлиги (масиҳий).

Шундан кейин ҳам оламда зўравонлик ва террор сабаби - ислом дейишади-да, уни тасдиқлашимизни хоҳлашади.

Биринчи жаҳон урушини бошлаган ким?! Мусулмонлар эмас!

Иккинчи жаҳон уришини бошлаган ким?! Мусулмонлар эмас!

Хиросима ва Нагасакига атом бомбаси ташлаган ким?!
Мусулмонлар эмас!

Австралиянинг 20 миллионлик ерли аҳолисини ўлдирган ким?!
Мусулмонлар эмас!

Жанубий Америкада 100 миллион қизил танлиларни ўлдирган ким?!
Мусулмонлар эмас!

Шимолий Америкада 50 миллион қизил танлини ўлдирган ким?!
Мусулмонлар эмас!

Африкалик 180 миллион инсонни қул қилиб, улардан 88% ини океанга улоқтирганлар ким?!
Мусулмонлар эмас!

Аввало ғайридинлар наздида террор таърифи нималигини билиб олишимиз лозим. Уларга кўра, агар мусулмон бўлмаган киши террор қилса, жиноятчи ва агар мусулмон шу ишни қилса террорчи бўлади.

Икки стандартли иккиюзламачилик сиёсатидан воз кечиш вақти келди. Ўлчовлар тўғри қўйилса террор ҳақиқати юзага чиқади. Ким террорчи ва ким унинг қурбони экани маълум бўлади.

Бу тўғридаги тушунчам ва қаноатим равшан бўлгани учун баралла ва ҳижолат бўлмай айтаман:

МЕН МУСУЛМОН ЭКАНИМДАН ФАХРЛАНАМАН!

Мубашшир Аҳмад

#unutmaymiz_unuttirmaymiz #MubashshirAhmadga_ozodlik

@MubashshirAhmad

Mubaşşir Ahmad

14 июля 2025 10:26

"Биз ҳаёти дунёда ҳам, охиратда ҳам сизларнинг дўстларингиздирмиз"
("Фуссилат" сураси, 31-оят).

Аллоҳдан бундай ваъда эшитган киши нимадан қўрқади ва нега тушкунликка тушади?!

Мубашшир Аҳмад

#unutmaymiz_unuttirmaymiz #MubashshirAhmadga_ozodlik

@MubashshirAhmad

Mubaşşir Ahmad

11 июля 2025 17:59

Одамзод кўтариб юрадиган энг оғир юк - вақтида айта олмаган гапдир.

Мубашшир Аҳмад

#unutmaymiz_unuttirmaymiz #MubashshirAhmadga_ozodlik

@MubashshirAhmad

Mubaşşir Ahmad

11 июля 2025 11:59

Mezana'ning 1 yillik madrasa bosqichi qabuliga shoshiling!

📍 Istanbuldagi Mezana Xalqaro Ilmlar Akademiyasi farzandingizni 1 yillik madrasa ta'limiga taklif qiladi!

Madrasa bosqichida farzandingiz akademik ta'lim olishga yetadigan darajada arab tili va shar'iy ilmlarni o'zlashtiradi. Ushbu bosqichni muvaffaqiyatli yakunlagan taqdirda Mezana'ning 5 yillik akademiya bosqichiga imtihonsiz qabul qilinadi.

Nega aynan Mezana?

🔶 Yangicha yondashuv: 2 yillik dastur 1 yilda jamlangan – tushunish, tafakkur, hayotga tatbiq asosidagi ta’lim!

🔶 Arab tilida erkin so‘zlashish va o‘qish, Qur’on, aqida, fiqh, siyrat – barchasi tajribali ustozlar bilan, har bir dars amaliy mashqlar bilan olib boriladi!

🔶 Shar’iy ilmlarda akademik yo‘l: Talabalarimiz Mezana'ning an’anaviy madrasa ta’limi bilan bir birgalikda hamkor universitetning xuddi shu yoʻnalishida akademik taʼlim olishlari ham mumkin. Bitirgach esa rasmiy diplom olish imkoniyatiga ham ega boʻladilar!

🔶 Milliy qadriyat – mustahkam tafakkur! O‘quv dasturimiz yurtdosh ulamolarimiz merosiga asoslanadi va zamonaviy muhitda tatbiq qilinadi.

Hurmatli ota-onalar, farzandingiz:
🔻Tarbiyali, sog‘lom muhit;
🔻 Shinam yotoqxona, 3 mahal issiq ovqat;
🔻Turkiyada yashash ruxsatnomasiga ega bo'lishi uchun amaliy yordam;
🔻Qo‘shimcha darslar va ulamolar ziyorati;
🔻Maroqli sayohatlar, diniy-madaniy tadbir va hordiqlar;
🔻Tarbiyachilar va g'amxo'r ustozlarning suhbatlaridan bahramand bo'ladi.

🤝 Minimum o‘qish narxi va yil davomida bo‘lib to‘lash imkoniyati!

⏳ Qabul muddati: 1-iyul – 20-iyul
⏰ O‘qish muddati: 1 yil (2025–2026)

🎓 Mezana – millat manfaati va o‘z qadriyatiga ega avlod uchun!

📲 Batafsil ma’lumot:
O'qish haqida ma'lumotlar linki 👈

✍️ Ariza topshirish:
Ro'yxatdan o'tish 👈

Telefon: +90 538 895 9757
Telegram: @mezana_qabul

@mezanauz

Mubaşşir Ahmad

10 июля 2025 19:40

Мубашшир Аҳмад иши: сўз ва виждон эркинлиги синови

Томоша қилинг 👉 https://youtu.be/QUJZuJpeAig

©️Azon Global

Mubaşşir Ahmad

09 июля 2025 13:59

Мусулмон ҳам гуноҳкор банда. Фақат у гуноҳ қилмасликка тиришади ва гуноҳ қилса хафа бўлади, ундан қайтиб тез тавба қилади.

Мубашшир Аҳмад

#unutmaymiz_unuttirmaymiz #MubashshirAhmadga_ozodlik

@MubashshirAhmad