414
ياحسين❤️❤️ خليني أحسن سيدي بالحافر خليها كل ايام بس عاشر ❤️ manthtr@ الرقم الخاص 07728161202
في حظن الزهراء كان لقاء الرضيع والمحسن وكانت الزهراء شاهده مصيبه الاثنين فكان لسان حال عبدالله مع المحسن
يالماشفت الحظن.... ميت من الحزن
لا عطشان ظامي مثلي ذبحوك
بالباب انت وي الزهره عصروك
__****_________
سولفلي عنك والدي... من عمري جان اني ايام
من عصرو امك فاطمه... لاحتك كلالي الام
الظالم من امك عصرها
وكلي بسمار بصدرها
واصل لكلبك اظنه
وكلي وظلوعك كسرها
يالحبيب ... يالطحت بعصره همك
يالحبيب ... وفايض عالعتبه دمك
يالحبيب ... طايح وبصفك امك ...يالحبيب
من عصرات الجذع...كسرو منك ظلع
حالك مومثل حالي من اذوك
بالباب انت وي الزهره عصروك
__****_________
اني شبعت شكد قهر... وكربله شكد اذتني
الزهره جانت شاهده... ومحنيه من شافتني
وبكسرها الزهره اجتني
يابسه شفافي ونعتني
ياعمت عيني عليها
تعذبت من شاهدتني
مو حرام...ست أشهر واعطش اني
مو حرام...وخشبه صاير الساني
مو حرام ...الطف ياعمي اذاني...مو حرام
يالماشفت العطش... العتبه صارت نعش
بنار العتبه تتجوه انت خلوك
بالباب انت وي الزهره عصروك
__****_________
بيا ذنب اشبع بس هظم ... وبيا ذنب اتعذب
الحيره مو هذا الجره... الحيره عمتي زينب
من شفتها عذبتني
الوالدي لمن خذتني
بلكلي تحصل كطره
بلهفه عمتي ودعتني
بحضن ابوي عطشان ويابس جبدي
بحضن ابوي وسهم مثلث صوبني
بحضن ابوي قربان اطاني لربي ...بحظن ابوي
حار هواي السهم .. كمت ابجي من الالم
لو موجود بالطف جان سحكوك
بالباب انت وي الزهره عصروك
__****_________
يالطحت من كثر العصر.. وما شفت كلشي بعاشور
سب وشتم حرك ونهب ...وكلب العقيله مكسور
كونك اتشوف اللي صاير
وحول ابوي شكد عساكر
هذا ريحانه محمد
والله مو مالت حوافر
الحنين ... عطشان وباقي وحده
الحنين... طايح والوادم ظده
الحنين ....بتربان يوسد خده...الحنين
الاحله من الشمس ...بحاله محد يحس
بالطف انت لو حاظر يقهروك
بالباب انت وي الزهره عصروك
__****_________
فاطمه تصيح من الألم... يافضه سنديني بساع
وزينب تحشمن منو ..وكلهم ضحايا اعله الكاع
حركو الخيمه عليها
ومحد اليفزع يجيها
وكامت طلع خواتي
من الخيم بثنين اديها
بكربلاء ... احتركت الخيمه الجبيره
بكربلاء ... جانت اللحظه الاخيره
بكربلاء... عالهزل عمتي الاميره...بكربلاء
تباوع صوب النهر ... بس مابين كمر
رقيه وسكنه وانه الكل يتانوك
بالباب انت وي الزهره عصروك
__****_________
َمن راسي برماح ارتفع.. الشافني ثق يحير
كلساع اوكع عالترب.. راس الرمح حيل اجبير
انظر بعيني اعله زينب
باليسر ويلي تعذب
تنظرب بالسوط ويلي
ورقيه اختي تنحب
عالرماح... بدروب الهزل راسي
عالرماح ... منظر جان شكد قاسي
عالرماح... وزينب تنظر عباسي.. عالرماح
عجل ربي الأمر.... للمهدي ننتظر
ياخذ ثاري وثار اللي لجموك
بالباب انت وي الزهره عصروك
__****_________
منتظر صالح الكعبي
شدوها الحزم يله يخدام
لأيام الزجيه باقي ايام
من هاي العزيه...كل أحنه سويه
نتلكه الليالي الفاطميه
.....
بدت...إيام الظلع
اجت...بلوعات ودمع
بعد ...خلي نستمع
وخلي نتحظر صدك
خل نطلك الدنيه ونتحظر بعد كلنه
ايام ويجن ايام ايام الزجيه أمنه
للطبكو عليها الباب كون نطيح كل احنه
لا منريد راحه بيوم هاي الخدمه راحتنه
عالراحه اليدور والسأل وين
الراحه بخدمه الزهره والحسين
من درب الزجيه ... ومن والد رقيه
نتلكه الليالي الفاطميه
....
بشر...متفيد البشر
انسكر..ظلع أمنه انسكر
عمر...خل نلعن عمر
احنه جيش الله الخدم
والمنكم يسألونه يكلهم هذا عنواني
وين بكل عزيه تصير وي اللطامه تلكاني
بس أهل اللطم والنوح همه ذوله صحباني
خلي بكل عزه نصرخ الله يلعن الثاني
كل جره نفس احنه نلعنه
حته ترضى الزهراء أمنه
الخطط للأذيه.. والكال شعليه
نتلكه الليالي الفاطميه
.....
لطم...يوصل للعظم
كسر..كون بهالطم
صدك ...بس انتو الزلم
يالخدمتو فاطمه
موش بفعلته الزلمه بالخدمه تره الزلمه
اليلطم واليدك صدره العايش لذه الخدمه
الما يبجيله دمعه بيوم يعيش بدنيته اعمه
ايام الظلع يردن حيل هواي باللطمه
بالخدمه السبع موش بعركته
البس للخدمه خلاها فزعته
يا أهل الحميه ...لأيام العزيه
نتلكه الليالي الفاطميه
.....
خدم ...بس خل نفتهم
اسم ...مندور اسم
حزم...خنشد الحزم
وبسم الله نتوكل
خلي نراجع الموضوع وخلي نتابع الفكره
سيد جاسم المرحوم ميت بس بقه ذكره
جان بفطره من يخدم ميطالب ثمن أجره
ميسولف خدمته بيوم وعنه راضيه الزهره
أنه جويعده صارت نشيده
حسين شما قرأها يكله عيده
نذكره بكل مسيه...المبجي الزجيه
نتلكه الليالي الفاطميه
.....
ضوه...نعمت فاطمه
دوه ...اسمج فاطمه
هوه..رحمت فاطمه
الخير من خيرج شبع
المطيتنه كلشي شلون كلي نقصر وياها
من نعمتها شبعانين وبيها احنه نتباها
سلطانه وتوزع خير الله هيج خلاها
بيا زهراء يا زهراء خلينه نتلاكها
لو ما فاطمه ما نسوه فلسين
وبخدمتها سوتنه سلاطين
ام الخير هيه...الما تبخل عليه
نتلكه الليالي الفاطميه
.....
ظهر ...اذا باجر ظهر
يجي ...علينه المنتظر
مشي...جن مشيت كمر
كلنه نمشي الفاطمه
لمن يظهر الموعود نمشي بهاي لمتنه
وشما نمشي ما نتعب ام حسين قدوتنه
ونقيم العزاء هناك ونهل يمها دمعتنه
هذا اليكنس ويطبخ هناك تصير خدمتنه
ونتاني ابو صالح يجينه
عجل طلعته ربي علينه
نحلفه بالسبيه...كل احنه سويه
نتلكه الليالي الفاطميه
.....
منتظر صالح الكعبي
(ميمر) ... الاربعين
بسم الخدم .. نرفع علم
عالي ويرفرف بالقمم
ننصب مواكب خدام....لحسين واليمشيله
ــــــــــــــــ**ـــــــــــــــــــ
ليوم اربعين حسين ما ظل ايام
كل احنة منتظرين من ذاك العام
وكل خادم ندك موكبة وشد حزام
نسوي العجب ... وبلا تعب
خدام وبنفس الرتب
لجل الذبيح المظلوم ... كل خادم يشد حيلة
ــــــــــــــــ**ـــــــــــــــــــ
هاي الخدامة ادوار كلمن دورة
صارت شرفنة وكل شخص دستورة
اكبر شرف من نغسل احنة جدورة
صخام الجدر .. بي نفتخر
لوجوهنة بياض وستر
والما تفهم معناه ... ليفهمة شنسويلة
ــــــــــــــــ**ـــــــــــــــــــ
خل ايدك بأيدي وتوافقني الرأي
من الشمس للزاير نسوي فياي
ماي الوجه لليعطش نقدم ماي
خل نتحد ... وخل نستعد
لا حر يهمنة ولا برد
بس كون نتعب ل حسين... يستاهل نضحيلة
ــــــــــــــــ**ـــــــــــــــــــ
نتفنن بخدمتنة كدام الناس
نحتار شنقدملة مكطوع الراس
يقبل خدامتنة بجاه العباس
بجاه الكمر ...ندعي بقهر
بس بخدمتة النة الفخر
يتقبل الخدمة حسين ... وبصايتة احنة دخيلة
ــــــــــــــــ**ـــــــــــــــــــ
قبل المشي كلمن يراجع نفسة
من هسة واجب نستعد من هسة
تراب اليسحكة الزاير احنة نقدسة
ترابة دوة ... ينسم الهوة
بليل ونشوفة ظوة
صاير علاج المعلول ...كل العلل يشفيلة
ــــــــــــــــ**ـــــــــــــــــــ
واشغالنة نتركها لابن الزهرة
وبخدمة المشاية اجمل فترة
هاللبت يمر من يمنة ظعنة لكبرة
وام الحسن ... وابن الحسن
مشاية وي هذا الظعن
والمهدي يلكة الخدام ... متحزمة وتدعيلة
ــــــــــــــــ**ـــــــــــــــــــ
منتظر صالح الكعبي
أحسائي
العليله
فاطمه من الحزن شيب راسها
لا حسين الرد ولا عباسها
.......
العليله تنتظر جيت الظعن
وبس حراير ردن لذاك الوطن
تسأل اعله حسين وحسين انطحن
الظيم من غرب احسن جاسها
....
وين ابوي ارد ابوسه بركبته
والله ارتاح من اشمن ريحته
تكلها ابوج الخيل كلها داسته
الخيل ما هزاها والله احساسها
....
وين عمي تصيح ما بينله اثر
وزينب تكلها صريع اعله النهر
وضهر ابوج بفركته شفته انكسر
راح الكل الزلم خلاسها
....
بحزن صاحت بله فهمني السبب
شنهي صار بكربله وليش التعب
العدنه والما عدنه بخيمنه انهب
الحافر جم طفل النه داسها
....
علي الاكبر وينه جا وين الطفل
والرباب تكلها صابو بالنبل
وليله كالت ابن لا ما ظل عدل
من المصايب احس شيب راسها
.....
وين اختي رقيه صاحت معوله
هاي اختي الترفه حيل مدلله
اخ شمسويه بظعنكم كربله
بالطشت خلصت اخير انفاسها
...
صاحت بحر الجمر جنت انتظر
وزينب تكلها سحكنه اعله الجمر
والله عذبنه تره ذاك اليسر
أنه أخت كل الزلم خلاسها
...
عمه شو بثيابجن ريحه حرك
الله شاء هناك عمه نفترك
ظهر ابوج وصدره شفته منطبك
واحنه هاي الدنيه اصلاً ساسها
....
منتظر صالح الكعبي
عله زينب حيل خندك عالصدر
راحه ما شافت ابد طول العمر
....
من اللطم ياريت صدرك ينهشم
عله الطرت يوم عاشور الزلم
شيبت من شافته بلايه هدم
ركضت وعثرت بنص ذاك الظهر
. ....
منهو يرضاها اعله أخته بنص عدو
زينب الما يمها ظل ابن واخو
منهو الياساعدها يحميها منو
ماتت بيوم اللي سحك عالجمر
....
بيا وكت زينب يشاهدها بشر
عكب عز حسين وعيون الكمر
صارت بنص الشماته بالخطر
بيا وكت زينب يحاجيها الشمر
....
صعدت اعله النوك والممشه صعب
الكوفه لا ماتنحمل وادم غرب
شيبت من طبت ومات الكلب
وابد لا ميلوك لام عون اليسر
....
أنكطع حبل الاهل كله انكطع
بالغرب ظلت ولا واحد رجع
شعجب عباس الها ما هسه فزع
ويغمض عيون أخته بزنوده البدر
....
باخر الساعات صاحت ياهلي
فاطمه وين الحسن وينه علي
وين الحسين وخواتي وكافلي
بموتي ماواحد اشوفنه حظر
....
غسل السجاد عمته بالحزن
وشاف ازرك باقي ليهسه المتن
انحنه ظهره من نوه يكمل الدفن
كون عباس الينزلها الكبر
....
منتظر صالح الكعبي
التراث الاهوازي
يا بيت الحزن يابيت...شخليت وخذت مني
خذت الاكبر من أيدي ..وبفراكة كثر وني
....
وجها بكل صبح ظاوي ... وخدة بكل وكت يلمع
من وجها الشمس تخجل... وحكة الكمر يتكبع
اقرة الفلق من الناس ... أبني لو نوة يطلع
والنسوان عن أبني...اخافن لا يحسدني
....
جنت احلم اشوفنة...شايب ويمشي يم زينب
بس بكربلة ياحيف...كلبي بفركته شيب
عذبني الوكت ياناس... عكب عيونة اتعذب
حزني بكل شبر بالكاع...ياناس شكبر حزني
...
احنة اهل السمة والكاع...وهاي الدنية بيدينة
احنة الماي واصل الماي...وسفة العطش يلفينة
املاك السمة تنصت ... تجي تسمع محاجينة
ودار الوكت بينة دار...ويا بس فص البجفني
...
باب الخيمة متمدد ....الاكبر سابح بدمة
سباحة كليبي راح ... كاسر كلب ابو اليمة
سكنة تلطم اعلة الراس...وزينب تصرخ بهمة
عمت عيني انعمت عيني...علي يبني علي يبني
....
أصبر كلي اني شلون...فراك وليدي شيحملة
كون المات أبنها تموت..تعيش بغربة عالهزلة
فراك وليدي مثل الموت ... حط فوك الجرح علة
ضني جان يرجع عود ... خاب بروحتة ضني
...
نسخة من محمد جان... بعطرة كل صبح نشتم
والحزنان من يشوف ... وجها بساع يتبسم
عمود الخيمة جان وطاح ..طاح وياه المخيم
بعدة اعلة الحزن والنوح ...هيج الوكت دولبني
....
راح وكلشي راح وياه... واضل للدوم حزنانة
بس باب الحزن مفتوح...الفرح مسدودة بيبانة
اتحير واموت بهم ... من اصد بعيني لمجانة
خالي امجانة اصدنة ... بعد أبني الحزن لمني
....
منتظر صالح الكعبي
شوط كربلائي (القاسم.ع.)
طلع من برج المخيم ... شاب وللحرب نازل
وصية من ابو لحسين ... اجة بجف يمنتة شايل
...
اجة يم عمة بالمكتوب ... يكلة هذا يوم الدين
يوم الكلي ابوي هنا ... بضيج ومن يطيح حسين
أخذ مكتوبك وصد ليه .. واركع يمة وابجي العين
نفذت الوصية يكول
ما تأذلي ما معقول
من بعدة انت المسؤول
ابوي الثاني انت تصير ... وانت لحالتي كافل
....
نزل وسط الحرب ويصيح..أنة ابن الحسن أنة
صولات الحسن هليوم ..جن موجود بمجانة
اعيد السوة ابوي هناك .. واكص اليحجي آلة السانة
واكلب يمنة باليسرة
من الفن غترتي الخضرة
واجتي بالي هالفكرة
لاخلي دمكم بهاليوم .. جن ماي ويضل سايل
....
طر الجيش بس من طر ... طشر كل كتايبهم
يصيح برجلي أنة اكدر .. اسحك كل شواربهم
لاخلي الشردة مدري اليوين... وانة حفاي اركضهم
الحرب فرغها من الجيش
الشردة نريد بس بيش
عطوة نطينة كلهم ليش
المن عطوة يمي اليوم ... أنة تربات ابو فاضل
...
المربي كمر عالسيف... يمة العطوة منفية
بعدكم كلشي ما شفتو ... هذا المني شوية
حمزة وحيدر الكرار ... الغيرة انتفضت البية
لاعيداً كلها صولاتة
أنة العباس ترباتة
اشوفن تضوي ريشاتة
أنة وسيفي هذا اليوم... جنود حسين ونقاتل
....
طاح الزلزل الميدان .. وبنص الحرب من طاح
يعم أدركني ظل يصيح ...وحسين بحسرتة راح
جابة لخيمتة بدمة ...وأمة تلكتة بنياح
طاح وزفتة بدمة
الما شافت فرحتة أمة
روحة أنطاها ولعمة
حلات الموتة حصلها .. وبهذا العمر قابل
....
الله يعين أمة تصيح ... ظهري كسرتة ماشي بعيد
كلبي بشوفتك ملجوم .. يالجنك هلال العيد
واني شعندي بعدك ليش...خذاك الموت وانت وحيد
عفتني للوكت المن
عيوني بروحتة اعمن
أبجن دم عليه أبجن
باجر بالسبي ونروح ... راسك بالرمح شايل
....
منتظر صالح الكعبي
https://youtu.be/0pLWvrxI4Ps?si=tpedJK41C6EU6VGx
Читать полностью…
كأني ب مولاي الباقر يخاطب ولده جعفر الصادق عن اصعب المواقف في كربلاء من بعد ذبح الحسين...
ذبحوا جمالة الظهر ... شفتة
ويضحك اشوفة الشمر...شفتة
شفت شصاير بالعين....من ذبحوا جدي حسين
....
بالطف يبني شفت الما جرة وصاير
عطش ظيم وقهر يوليدي بالعاشر
ظل حسين وحدة بلاية اخو حاير
ناصر راد بس لا ما بقة ناصر
عبدالله بيدة نذبح ... ضامي
الماشايف اصل الفرح ... ضامي
وبدمة تروة الدين .... من ذبحوا جدي حسين
....
اعلة كل هاي المواقف جنت أنة شاهد
فوك حسين اشوفنة الشمر كاعد
يجر بلحيتة وما يرحم الحاقد
حار السيف جان بمنحرة البارد
من بعيد اشوف الجرة ... بعيني
شفت الشمر يطبرة ... بعيني
ومحد لجروحة يعين ... من ذبحوا جدي حسين
...
شفت الخيل اجني وعل جسم كربن
ثكيلة وعل صدر شكد راحن وردن
جم ظلع بظلوعة من السحك مردن
ومن جسمة وصل يم خيمتي وصلن
جم حافر البي طبع... يبني
كلبة بسحكهم طلع ... يبني
وكلبة الصاير نصين ... من ذبحوا جدي حسين
...
أنة وعمتك رقية شبينة ما بينة
حركوها الخيم يا جعفر علينة
طفلة مجلبة بية ومنهو يحمينة
ركظنة والجمر حافرها رجلينة
وين اركض من العدوا.... حيرة
ولا عم يجينة وأخو ... حيرة
أنة وعمتك الاثنين ... من ذبحوا جدي حسين
...
السوالف والحجي ما تخلص البية
أنة الكدامي سلبوا منها ترجية
أنة الما يوم تخلص ثق بواجية
صعبة بنص زلم من تركض مرية
ركضن بنات الولي ... بهيمة
وينك يحيدر علي ... بهيمة
كل احنة المحتارين... من ذبحوا جدي حسين
...
حبل بيدينة كلها مجتفة النسوان
خذونة للسبي وفرونة بل بلدان
شلون تصير زينب تدخل الديوان
يشتمها ويسبوها الما آلة عنوان
بسوك وأزقة شكثر ... زينب
ياوسفة بيها تمر ... زينب
عمري اللي بعدة سنين... من ذبحوا جدي حسين
...
منتظر صالح الكعبي
https://youtu.be/3Jeiaf1vHkU?si=lTDYN9Vb8LjVSyqq
(منتظرين)
الرادود حيدر الكرعاوي
الشاعر منتظر صالح الكعبي
الزلم حيدر بالحرب صكارها
واعلياً... واعلياً
____****__________
علي بجم حرب شارك** وكسر خشوم الزلم
علي زلمه حيد والله** مايكر وما يهم
الشجاعه تلوك اله
السيف ويكله هله
شهالجمال الشايله.... علي وبس هوه علي
علي وبس هوه النشبها بالرسول
علي لو بين خياله الكمر يم وجها شيكول
هم شجاعه وهم جمال شمنزله فحل الفحول
علي يدري بكلشي وباخبارها
الزلم حيدر بالحرب صكارها
__****________
بأحد بس بين خياله**وبعده ماطبها علي
الموت جنه طب عليهم** اليجي يمه يبتلي
الموت الاحمر لقبوه
القاده لا ميواجهوه
وين كلي اليشبوه... علي هوه وما يلي
القاده منه تخاف وما تدنه ليه
بالحرب خرسه وفقط هوه حجيه
علي وبس الله اليعرفه ويدري بيه
علي والكونين عنده اسرارها
الزلم حيدر بالحرب صكارها
__****________
بجفه قالع باب خيبر**يا دخيلج يمنته
الصعب ما يصعب عله اهله** سهل والكل عرفته
سهله عنده كل صعاب
جفه يقلع الف باب
علي وبس هوه ابو تراب... يمه كلشي ينجلي
الزلم عجزته عنه وبجفه أنقلع
يعني حته الباب من شافه وكع
عن علي ياناس كل خوف انرفع
بجفه شال الباب يامغوارها
الزلم حيدر بالحرب صكارها
__****________
أبن مرحب لو نشاهد** علي شسوه بحاله
حته ابن ود التندم عله كلشي الكاله
بالحرب صوته ندب
علي حجيه بس ذهب
وجه هالكوم أنكلب... اليجي يمه يبتلي
من مشه اعله الجيش بس بكيفه غار
والحرايب من يطبها بذو الفقار
يطشر بروس العساكر لمن ثار
ونعم منك يحامي جارها
الزلم حيدر بالحرب صكارها
______**________
بالجمل حيدر شسوه**ونعم منه بعد
دنكتله الروس كلها**وفوكها بكيفه صعد
علي بمعركه الجمل
الله يستر من حمل
علي هذا اسمه الفحل... اليدنه يمه ينولي
الزلم من شافت خياله ما بقت
لمن جر النفس كلها تخورست
الكوم كلها من علينه تشاردت
الكوم يندلها ويعرف اكتارها
الزلم حيدر بالحرب صكارها
__****________
كلها من حيدر تحاذر... والله من طاري تموت
شسوه بيهم علي حيدر... الموت جنه من يفوت
عمر يدخل بالحذر
لو علي اسمه انذكر
وكلها تلكاها بخطر... تكول اسمه قاتلي
علي اول علي اسمه بي ظوه
علي خنكه بدونه جن ماكو هوه
علي لهاي الناس صار اسمه دوه
البلاء يخاف من كرارها
الزلم حيدر بالحرب صكارها
__****________
منتظر صالح الكعبي
لسان حال الأيتام
من بعدك كسرتنه جبيره...منتظرين
ايتامك عايفنه بحيره..منتظرين
يوالدنه...لتتركنه...منعيش بلياك
__****________
قنديل السمه انت وسيد الفقره
نحبك حب عذب يا سيد الفطره
ياابونه ...وماكو منك ...واحد علينه يحن
انت اكثر ...واحد انت...بشوفته ننسه الحزن
نتنطر جيتك عالجمره...ملهوفين
تكبر بينه هواي الحسره...ملهوفين
يسيدنه...لتتركنه...منعيش بلياك
__****________
جعنه الشوفتك عود النه خل نشبع
عمود الفقره انت ولورحت نوكع
يااملنه... شلون نصبر ...النه لو ما انت جيت
نموت يمكن...لو عفتنه..شعجب يابويه بطيت
ازغار ايتامك وبلا نورك...ميصبرون
ارجع حاوطنه انت بسورك...ميصبرون
ياأملنه...لتتركنه
__****________
عجز دكتوره كالو مايعود الكم
ميكصدكم بعد حيدر ميشبككم
يعني النه...لا مترجع ..منهو اليظمنه بعد
وانت وجهك...جنه جنه...احله من طير السعد
يا وجه الجنه ومحلاها ...بيك تصير
كلشي لأجلك من سواها ..بيك تصير
يخيمتنه ..لتتركنه
__****________
جبنالك دوه وكالو ولا يرهم
وكالو ما نشف منك ابد هالدم
دمك انت...شفنه نازف ...وشكبرها طبرتك
وزينب ب اه...شفنه يمك...من هظمها شبكتك
زينب متعوده من تشبكك...كل مصباح
يابويه بهالجلمه تكلك...كل مصباح
يا صبرنه...لا تتركنه
__****________
ثالث يوم بويه نتاني يم الباب
نريدك ترجع انت ما نريد جواب
لو مترجع..وما تجينه...ننتظر مهدي الزمن
لو عجزنه...من رجوعك..ننتظر شبل الحسن
يم بابك ندعي للمهدي...متصبرين
وبنهجك من يظهر يبدي..متصبرين
يفرحتنه...لا تتركنه
__****________
يسكن بالنجف الفاكد اعزازه
الابو مثل الهوه كل وكت نحتازه
اليفارك...النجف يسكن...بعينه تحله المكبره
ما يفارك... دمعه دومه...الله بس يصبره
مايرتاح الفارك خله ..بدمع العين
خالي مجانك كل منصدله..بدمع العين
عله الونه...لتتركنه
.....
منتظر صالح الكعبي
وكأني بمولاي الحسين..ع
منهو الي يعوض مجانه...فاركت حظنه وحنانه
راح ابوي
__****________
الابو فوك الولد خيمه...وتوكع خيمتك لو طاح
بساع بساع فاركني ...وطاحت خيمتي من راح
من يوم المشه لليوم...لتظن ساعه بيها ارتاح
ما بطلت عيني دموع..بأيدي كمت اكض لاصفاح
لو مشه شيخ العشيره...كسرتي بعده جبيره
راح ابوي
__****________
تكتل فركه الوالد...كلي شيحمل الفركه
مثل وجه الابو يا ناس...بس فهموني وين الكه
اغله من الهوه والماي...الدنيه بفركته خنكه
اشبع بس قهر لو راح...الدنيه تصير بس خنكه
الجان كل لحظه يظمني...شو مشه ولا ما اخذني
راح ابوي
__****________
جنه بصايته نلتم...يسولف النه عالفطره
لحكت امي يبويه بساع...هاكد تعشك الزهره
هسوتني اعرفت ياناس..الفركه تختم العشره
كسري اعله امي بعد جبير...وزادت ياهلي الكسره
مشو عني بلايه رجعه...وراح اعيش بلايه رجعه
راح ابوي
__****________
اعيشن بالقهر بعدك...واضل اسهر طوال الليل
عيد اللي يجي بدونك ...اعيد بيه بالياويل
الحسن باجر يموته السم...وتسحك صدري باجر خيل
وزينب تطلع بلا رأي...ويضربوها يبويه حيل
بالمأسي نعيش بعدك..باجر يذبحون ولدك
راح ابوي
__****________
اذا ما ترجع احنه نموت...المصايب بينه من تبدي
نأيس ما ترد للدار...نتاني طلعت المهدي
ابن الحسن بيده الثأر...هذا الشبل من ولدي
يفرح فاطمه الزهراء...بيوم يحاسب الضدي
انت ما ترد حيدر...ننتظر مهدينه يظهر
راح ابوي
__****________
منتظر صالح الكعبي
وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ
Читать полностью…
في حظن الزهراء كان لقاء الرضيع والمحسن وكانت الزهراء شاهده مصيبه الاثنين فكان لسان حال عبدالله مع المحسن
يالماشفت الحظن.... ميت من الحزن
لا عطشان ظامي مثلي ذبحوك
بالباب انت وي الزهره عصروك
__****_________
سولفلي عنك والدي... من عمري جان اني ايام
من عصرو امك فاطمه... لاحتك كلالي الام
الظالم من امك عصرها
وكلي بسمار بصدرها
واصل لكلبك اظنه
وكلي وظلوعك كسرها
يالحبيب ... يالطحت بعصره همك
يالحبيب ... وفايض عالعتبه دمك
يالحبيب ... طايح وبصفك امك ...يالحبيب
من عصرات الجذع...كسرو منك ظلع
حالك مومثل حالي من اذوك
بالباب انت وي الزهره عصروك
__****_________
اني شبعت شكد قهر... وكربله شكد اذتني
الزهره جانت شاهده... ومحنيه من شافتني
وبكسرها الزهره اجتني
يابسه شفافي ونعتني
ياعمت عيني عليها
تعذبت من شاهدتني
مو حرام...ست أشهر واعطش اني
مو حرام...وخشبه صاير الساني
مو حرام ...الطف ياعمي اذاني...مو حرام
يالماشفت العطش... العتبه صارت نعش
بنار العتبه تتجوه انت خلوك
بالباب انت وي الزهره عصروك
__****_________
بيا ذنب اشبع بس هظم ... وبيا ذنب اتعذب
الحيره مو هذا الجره... الحيره عمتي زينب
من شفتها عذبتني
الوالدي لمن خذتني
بلكلي تحصل كطره
بلهفه عمتي ودعتني
بحضن ابوي عطشان ويابس جبدي
بحضن ابوي وسهم مثلث صوبني
بحضن ابوي قربان اطاني لربي ...بحظن ابوي
حار هواي السهم .. كمت ابجي من الالم
لو موجود بالطف جان سحكوك
بالباب انت وي الزهره عصروك
__****_________
يالطحت من كثر العصر.. وما شفت كلشي بعاشور
سب وشتم حرك ونهب ...وكلب العقيله مكسور
كونك اتشوف اللي صاير
وحول ابوي شكد عساكر
هذا ريحانه محمد
والله مو مالت حوافر
الحنين ... عطشان وباقي وحده
الحنين... طايح والوادم ظده
الحنين ....بتربان يوسد خده...الحنين
الاحله من الشمس ...بحاله محد يحس
بالطف انت لو حاظر يقهروك
بالباب انت وي الزهره عصروك
__****_________
فاطمه تصيح من الألم... يافضه سنديني بساع
وزينب تحشمن منو ..وكلهم ضحايا اعله الكاع
حركو الخيمه عليها
ومحد اليفزع يجيها
وكامت طلع خواتي
من الخيم بثنين اديها
بكربلاء ... احتركت الخيمه الجبيره
بكربلاء ... جانت اللحظه الاخيره
بكربلاء... عالهزل عمتي الاميره...بكربلاء
تباوع صوب النهر ... بس مابين كمر
رقيه وسكنه وانه الكل يتانوك
بالباب انت وي الزهره عصروك
__****_________
َمن راسي برماح ارتفع.. الشافني ثق يحير
كلساع اوكع عالترب.. راس الرمح حيل اجبير
انظر بعيني اعله زينب
باليسر ويلي تعذب
تنظرب بالسوط ويلي
ورقيه اختي تنحب
عالرماح... بدروب الهزل راسي
عالرماح ... منظر جان شكد قاسي
عالرماح... وزينب تنظر عباسي.. عالرماح
عجل ربي الأمر.... للمهدي ننتظر
ياخذ ثاري وثار اللي لجموك
بالباب انت وي الزهره عصروك
__****_________
منتظر صالح الكعبي
هدت زلم ... تكسر ظلعها الليله
هدت زلم... دفعو الباب بحيله
يافاطمه ...يافاطمه
....
منهو السمع بيكم قبل ... اعله الحرمه وادم هدت
هدو عليها فاطمه ... وباب النبوه اندفعت
ويدفع الباب بقوته ... والزهره خلفه نعصرت
لا ما رحمها فاطمه...منها الظلوع انكسرت
من العصر ...الباب بس شيردها
من العصر...طك الظلع من عدها
....
من العصر طاحت تره ... وصعبه المره لو طاحت
وطيحتها ما بين الزلم ... والناس تشتم كامت
ما صاحت الحك ياعلي ... يافظه فاطم صاحت
وبسمار نابت بالكلب ... بس جسد ناحل عاشت
يجوي الكلب ..بسمار نابت بيها
يجوي الكلب...هاي أمنه ويلي عليها
....
كلهن عليها تجمعن ... حزن والم هالليه
قنفذ بسوطه من اجه ... ورم متنها بحيله
وحدها جانت فاطمه...منهو البعد تشكيله
صار ازرك بكثر الظرب... والدمع دم تسيله
بس فاطمه...وحدها جانت وسفه
بس فاطمه... هدو عليها كلفه
يافاطمه
....
محسن وكع وي الدمه ... بالعتبه فايض دمه
العمره ما صاير ورد...الما كال بعده يمه
هدو عليها المو بشر .. الما عدهم اصلا رحمه
عالعين طكاها النذل ..وزيد جرحها لجمه
ماكو رحم...عالعين طكها الحاقد
ماكو رحم...مافازعلها واحد
....
منهو السمع منهو النظر ...تنولي منه مريه
بيت الله بالنار احترك .. وجفوفها مجويه
علويه هيه فاطمه...تمشي صفت محنيه
يلجمها من تمشي الظلع...مجروحه حته الريه
مو اي مره...علويه هيه فاطمه
مو اي مره...قنديل تظوي بالسمه
....
منتظر صالح الكعبي
(الأربعين)
يحسين من الناكة.... طحت إني ومشتاكة
اشكيلك ظيم الايام....من الكوفة وطبت الشام
طحت إني ومشتاكة
ــــــــــــــــ**ـــــــــــــــــــ
اجيتك بس اجيت شلون...ابجي وما بقتلي عيون
شاهد حالي يحسيني
مشتاكتلك اني هواي....شوك بنيتك للماي
كلت بلكت تلاكيني
من الناكة طحت عليك ... انا الما بيا ظل كل حيل
اخر مرة خوية هنا ... شفتك بيها جوة الخيل
من شفتك اخر مرة ...متوذر فوك الغبرة
ومتطشرة اركان الاسلام...من الكوفة وطبت الشام
ــــــــــــــــ**ـــــــــــــــــــ
رحت أعلة الهزل بعدك ....وعفتك عالرمل وحدك
حبل بيدي ويأذيني
صعدت أعلة الهزل كوة....عكبكم يهل المروة
شمر تقبل يحاجيني
طولي الما طلع فد يوم ...وي غربة مشيت شلون
شافت طولي كل الناس ... ونمدت علية عيون
الما عدهم ذرة رحمة....انة امشي وياهم زحمة
تدري بلا غيرة الظلام....من الكوفة وطبت الشام
ــــــــــــــــ**ـــــــــــــــــــ
بت شيخ العرب وسفة...تطب ديرة غرب كلفة
وراس حسين ويانة
كلها تصيح شوفوها...زينب هاي اشتموها
العدو بحقدة تلكانة
بهزل والوادم يصيحون ... زينب هاي اقهروها
والجانت فلا تنشاف ...فوك الناكة انظروها
الموت وكونة يمرنة....ولا واحد ينظرنة
احنة اهل البيت الاكرام... من الكوفة وطبت الشام
ــــــــــــــــ**ـــــــــــــــــــ
السبية عليك حزنانة.... وأشوف الشام فرحانة
بسبينة الناس محتفلة
هذا المن سطح دارة...علينة يشمر حجارة
ويزيد بية جم علة
اه الشام اه الشام ... ناسة شسوت بزينب
بنص السوك مشوني... وكلبي من الهظم شيب
والسوك الما يرحم ...كلة الجيتي تحزم
امشي وراسك ليكدام...أمن الكوفة وطبت الشام
ــــــــــــــــ**ـــــــــــــــــــ
من الظيم الجرة علية....خلص حيلي ما بية
ياريحة حنان امي
خل من هسة نتنطر...المهدي بلهفة من يظهر
يفرج همك وهمي
ثارك هذا خوية حسين ... نارة موجرة بروحي
نتاني المهدي يطفيها ... وهوة يطيب جروحي
ندعيلة بدمعتنة ... المهدي يرد فرحتنة
دولة حق باجر تنقام ...أمن الكوفة وطبت الشام
ــــــــــــــــ**ـــــــــــــــــــ
منتظر صالح الكعبي
https://youtu.be/SsYiORNFdiM?si=NyaIt9o0iorDoAiK
Читать полностью…
كعديه ...
ام الكرم والمعروف ... هاي النقيه
ام الوفه والمجد .... لحسين ربت ولد
اكبر وفيه
.....
بسم رب العرش ابدي .... راح احجي من البدايه
مو حجي من عندي هذا...كله مسنود بروايه
ارد اسولف عن عظيمه .... وراح اكلك منهي هايه
معروفه هيه واضحه
ام الكتاب الفاتحه
عدها السوالف مالحه ...للوفه معروفه ايه
وبكل كتاب وقران ...مذكوره هيه
نبديها من الحمد ....لحسين ربت ولد
اكبر وفيه
....
شنو رادت مهر هيه...علي زوجه من طلبها
راجعت وافهمت كلشي... وكلشي واظح في كتبها
حجايه كالت هيه وحده .. وهالحجايه من كلبها
كلتله أسمع مطلبي
كللها كولي دللي
خادمه لولدك ياعلي...ومن قبل سجدت الربها
طبت الدار الكرار ...طبت حميه
للخدمه من تستعد ...لحسين ربت ولد
....
حسين لو مر منها تركع ... ما تشيل الراس يمه
كلشي صاحت مااريدن ...بالعمر بس كون اخدمه
ما اشمن هوه كالت...اني اشمن ابو اليمه
حسين اني اشمه بريتي
بخدمته تكبر سمعتي
مااريد كلشي بدنيتي ..... ادعي بس الله يسلمه
وانطيت ولدي لحسين ... أجمل هديه
لجيت ولدها تعد ...لحسين ربت ولد
....
اجتمعت الحره بولدها .... رايده تعب التعبته
حسين امانه حسين عدكم ... والعقيله الهيبه اخته
وابو فاضل كلها ابشري ... وعله الخد سألت دمعته
ربيتكم اني اله
كلكم شهامه ومرجله
ترفعون راسي بكربله .... واحدكم تبين وكفته
تعب الرضاعه تردوه .... بالغاظريه
مااريد واحد يرد .... لحسين ربت ولد
...
نعم بالطف لمن هدو ... زلزلوها زلزله
ب عون عبدالله وي جعفر ... الكاع صاحت ياهله
وابوفاظل طب عليها .... وشيله لابس حرمله
عباس تدري شكد شهم
بعيونه شردها الزلم
واليدنه يمه ينهزم ... الوصل يمه ابتله
والجيش بيهم محتار ... شابع اذيه
والكمر لمن يهد ... لحسين ربت ولد
....
(بيت المصيبه)
وضلت الحره وحيده ....ومحد الظل يمها هسه
ابو فاظل عالشريعه ... والحسين بصدره رفسه
الموت هالغرب عليها ... والصبح متشوف شمسه
منهو اليشيعها منو
عباس طاح وي الاخو
والوادم أكثرها عدو
فراك الحسين شكد صعب...وهيه بس اللي تحسه
....
منتظر صالح الكعبي
شد للخدمه احزامك .. وتحزم زين
وشيل بكلبك بس حب ...الغالي حسين
.......
حسين يريد الوادم تتعب...وبالخدمة اليتعب مرتاح
تتحزم كون بكل ليلة ...وبالمجلس تكظيها نياح
بس حسين احنة اللي يهمنة...ولا ميهمنة الجاي وراح
شجرة بستان ابن الزهرة... وهوه الأمر والفلاح
من انصارة اتعلم ...ذولة السبعين
وشيل بكلبك بس حب...الغالي حسين
.....
شوف بعينك سيد جاسم...ميت بس خالد ذكراه
يخدم جان بحركة ونية...وچان احسين يعيش وياه
حسين بكلبة وكل ايامة ... عمره حسين وما ينساه
مات وحفرو گبره بصحنه .. وحسين ابلحده اتلگاه
شال حسين بروحة...وبوسط العين
وشيل بكلبك بس حب... الغالي حسين
...
من تريد تصاحب صاحب...من تعطش ينطيك الماي
جرب شوف الناس تفيدك...كلمن شايل فكرة وراي
صاحب بس حسين الغالي..صح واحد بس هوة هواي
المسلوب وبالبر عايلتة...وسوالك بالهيمة فياي
وعن تظحيته هواية ...ياما قارين
وشيل بكلبك بس حب الغالي حسين
......
حب الناس يتعب كلش... بس حب حسين الي يفيد
الناس تعوفك وكت الشدة.. وبس حسين يمدلك ايد
بالك يوم انت تحب غيرة..وبالك تزلف انت بعيد
حسين يفيدك حتة بكبرك... وينطيك شما جنت تريد
ولتصير بهالخدمة ...صاحب وجهين
وشيل بكلبك بس حب ...الغالي حسين
.....
وحسين أجمل واحد هوة... ياهو المثلة بهاي الناس
أحلة ثنين بهاي الدنية ...هوه ومولانة العباس
حنيتهم فوك العالم...حنيتهم ما تنقاس
والعباس نطانة جفوفة ...وحسين تبرع بالراس
وياهو بكد حنينه .. وشكد حنين
وشيل بكلبك بس حب... الغالي حسين
.....
كالو ليحب كون يضحي وگلبه يقدم للمحبوب
واحنه حسين انطانه عياله ومقصرين وياه فد نوب
نخدم نسهر نتعب لأجله هذا المظلوم المسلوب
وكلمن يتعب لأجل الغالي .. يرتاح وميظل متعوب
وشنقدم لعيونه نبقه مقصرين
بكلبك بس حب...الغالي حسين
.....
منتظر صالح الكعبي
العليلة
مشبوحة عيني اعلة الباب ...بالجن يجون احبابي
....
راحوا احبابي وكلبي حيل أتعذب
وحدي صفيت بحجرتي بس انحب
مشتاكة أصيح بصوت عمة زينب
عمتي الحنينة ام الطيب ... بالكت تداوي صوابي
....
عالباب عيني كلي شيقنع العين
واهلي مشوا عن عيني ما اعرف وين
بحسين تقنع لجن شيرجع حسين
من البجي بهاي الدار ...نكعت عتبت بابي
....
راح انتظر وابقة انتظر واتنطر
ميعوف اختة ادري بيه الأكبر
يرجع اللي وبالكن يعود ويحظر
وياخذني يرجع وياه .... حظرت حتة ثيابي
....
من اهلي ماكو بالوصف من الناس
مشتاكة عيني تشوف ريشة عباس
عمي الكفيل الكلة رقة وإحساس
لمن اشوفة احجي وياه...واشكيلة كل اعتابي
....
مل الصبر والصبر هم مل مني
ياوني لتبطل ابد ياوني
ماينمحي ولمموت باقي حزني
بصوت أصيح اعلة الراح... ومحد يرد اجوابي
...
عمي الأهل والراح اعيش الوحدي
بس الدمع والكون أصبح ضدي
لو ما رجعتوا انتظر للمهدي
من يظهر المهدي نصيح ... ياخذني يم غيابي
...
منتظر صالح الكعبي
عبرة وعبر هاي المجالس.... هم خدمة هم صارت مدارس
كل لحظة بالخدمة .. يكتبهه ابو اليمه
هاي المجالس
....
حسين سيد الدنيا هايه ... وهوة سيد عالعوالم
الله وفقنه لخدمته ... ونحرص اعله الخدمة لازم
واول الخدمه صلاتك ..دونهه متصير خادم
هاي النصيحة هم الي
دون الصلاه ما تعتلي
بيمن وبيمن ملتهي ... تخدم ومتصلي؟ واهم
لو راحه رايد كل حياتك ... تعرف خدمتك من صلاتك
كل سجده ألف نعمه .... يكتبهه ابو اليمه
هاي المجالس
ـ ...........
الخدمة مو بس تلبس اسود...كون أخلاقك عظيمة
لاهي ونسه ولا سوالف... لا هي غيبة ولا نميمة
تريد هل خدمة اللي يخدم ... يرتقي بفطره سليمة
ابسط مثال بخدمتة
حمزة الزغير وسمعتة
شكد حلوة جانت نيتة... ومحلة هالفطرة القديمة
جانوا يخدمون أعلة فطرة ... كبر اليموت يصير حظرة
ومن تسمع اي كلمه .. يكتبهه ابو اليمه
هاي المجالس
...
شوف سيد جاسم انته ... خالد وميموت ذكرة
عاش مات حسين عندة ... وبالصحن حفرولة كبرة
وذاكة عبود ابن غفلة .. جان لا يكتب ويقرة
وحسين جان ينطقة
يترس بشعرة الورقة
هاي الكلوب الصادقة ... خلي نأخذ منها عبرة
ولا تنسه ابد صوت النويني.. ...من طور من خادم حسيني
والشهره يم اسمه .. يكتبهه ابو اليمه
هاي المجالس
..
....
الخدمة مو يخلص محرم...تنگلب شيطان خانس
وبأذنك ترن الاغاني ... وتنسة ايام المجالس
حافظ اعله الخدمة هاية .. واقتبس من دور عابس
بهذا الحجي مني افتهم
هالخدمة سوتنة زلم
وإبليس گلبه ينثلم .. لو نظر سود الملابس
والخدمة سوتلك وجاهة ... نجمه وصرت تضوي بسماهه
وهالسوتك زلمه .. يكتبهه ابو اليمه
هاي المجالس
حسين ميريد اليجامل ... حسين درب الحق طريقة
خلها كل الناس تزعل ... المهم كول الحقيقة
امشي وي اليطفي خيمة...والمنافق لا تطيقة
اعرف طبيعة صاحبك
الوجهين عندة يتعبك
بدرب النفاق يرغبك ...وكلمن يراجع صديقه
لتجامل بهاي القضيه ... ثق يزعل حسين وأخيه
والحاله التهمه .. يكتبهه ابو اليمه
هاي المجالس
...
منتظر صالح الكعبي
كعدية..البقيع
باچر الموعود يبنيهه بظهوره
ونرفع رايتنه الخظره…والمرقد ذاك شكبره
....
سنين صار احنة نطالب...بالبقيع الرايه تعله
لكل سعودي احنه نوضح...وصوت من عدنه نكله
عد ابو صالح تراها... الشغله لا مو صعبه سهله
باجر يدوس اعله الفتن
يبني بدي أجمل وطن
وأربع مناير يعتلن ...والحكم باجر يبدله
دوله شيعيه تنور وي وجوده
كل خادم احنه نبشره…والمرقد ذاك شكبره
....
بيده ابو صالح يشيد ...حظره باجر عالميه
حظره باجر عالعوالم...الحظره ذيج البقيعيه
تبدي من الحسن هيه...وتنتهي بكبر الزجيه
يالناصبي مني اسمتع
وبيبانها تلمع لمع
وبجفونه تلكه شمع.. نشعل احنه بكل مسيه
وباب للعباس نلكه ولرقيه
وباب ال زينب والزهره..والمرقد ذاك شكبره
....
باجر بكل باب ننصب...احنه بيدينه المواكب
وبأسم عبدالله توزع ...ماي مجموعه الحبايب
وحمله للتنضيف تطلع ...تنظف بدرب العجايب
هالحلم يتحقق غداً
لمن يجي ابن الحسن
ينفتح ديوان الحسن ... بيد ابو صالح الغايب
كهوه بسمه توزع الناس الغيوره
وكلمن يطبخ وبجدره..والمرقد ذاك شكبره
..
للبقيع الناس كلها ...مشي تتعنه بأهلها
أربعين تصير عدنه ...ثانيه وهالمره كلها
ونمشي بدروب البعيده...وال اميه احنه نذلها
وجنديل يرجع بالمشي
بعوجيته نلكا ينتجي
طول الدرب شابع بجي ... ذوله للخدمه اصلها
للحبيب يصيح طالع راح ازوره
وجم شايب احنه نظره..والمرقد ذاك شكبره
.......
باجر اكبر عزه يقيمه ...الغايب الوالد رقيه
والخدم يدعيها كلها ...وكلها تكصد فرد جيه
ونلكه سيد جاسم احنه...ينعه بانفاسه الابيه
باطواره باجر لو نعه
بروحيته لمن نسمعه
كل خادم يصب مدمعه ... ونصرخ بعبره سويه
وعابس الشادود ودموعه جريه
والوادم كلها تحظره …والمرقد ذاك شكبره
.....
بيت المصيبه....
ويصعد الرادود يقره...حمزه ابو الروح الحنينه
والرميثي هناك يقره...والنويني بكل ونينه
وتلطم الخدام كلها ...وابوفاظل هم يجينه
باجر يجينه بونته
لا يمنته ولا يسرته
والزهره هيه تلكته
حسره بيه للطم ظلت...والسهم طفاله عينه
....
منتظر صالح الكعبي
كانت الشمس مرتفعه فاخذ علي يخاطب الحسين عن كربلاء
بنفس هذا الوكت باجر...تظل بويه بلا ناصر
تره بذاك الظهر....يجي عليك الشمر
____****__________
عالشمس من عاينت...كبر عمري وشيبت
هواي اني تألمت ... والشمس بيمن ذكرتني
تخيلت يومك تره... ومدمعي بسرعه جره
وروحي ظلت حايره...وهالحاله كلش المتني
اتخيلت بويه باجر تجيكم كربله
من يمرني اسمها اكولن لا هله
الشمر باجر ينطرك يبويه حرمله
الشمر قاسي تره كلبه ... يبويه قصتك صعبه
كبر بيه العمر... يجي عليك الشمر
__****________
الحجي هناكه صعب... يطيح الاكبر عالترب
ومنك يشيب الكلب... لمن تكصده تبقه حاير
بكربله يظيع العرف... القاسم وكلبه الترف
العده بجسمه من تزف... بسهام ورماح وخناجر
بروحك هناكه بويه يزيد شكد قهر
وكافلك ويلي تلكاها صريع اعله النهر
يعني ترجع للاخيام واديك اعله الظهر
علي من تسأل سكينه... تكلها نكطعت ايمينه
تره بهذا الكسر... يجي عليك الشمر
__****________
كربله ما تنحمل... ينذبح بيدك طفل
وحاله ابد لا مو سهل... شكد ترف يابويه خده
هناكه شكبره العدو... بلايه ناصر لا اخو
وبس عليل اللي أكو... وللخيم بجفوفك ترده
تودع عيالك وتمشي انت الحَومتك
وزينبك وي رقيه يتانن جيتك
كله فكرك بالاخيام يضل يم عيلتك
العقيله لجيتك تناطر... وتنادي الله الساتر
ودعيت الله الصبر... يجي عليك الشمر
__****________
بكلبك ينام السهم... وتوكع انت من الالم
وتبقه عينك عالخيم... وذيج الترايب تجوي جسمك
بهاي هم عندي علم.. عليك تلتم الزلم
وانت بعيالك تهم... وهناكه نحظر اني وأمك
َعالصدر ويلي باجر لون شفته صعد
بكل صلافه لون فوكك هناكه كعد
كلبي وي كلبك هناكه همه انمرد
١٢ طبره تره يطبرك... ويرد من الكفه ينحرك
بالحومه لمن يفر...يجي عليك الشمر
__****________
مصيبتك ما خلصت... خيل عشره تحظرت
لون ليك تقدمت ... لمن تهد عليك عشره
تسحك بقوه بدت... بيك كلشي كسرت
تطشر بجسمك غدت...وجسمك اختك هناكه تنظره
هذا البالي اني كمت اتخيله
راسك برمحه للشام مشه وي حامله
واني بنص كبري دموعي حامله
بجسمك كمت اني أتصور... بدموعي جسمك موذر
يذبحولي بدر... يجي عليك الشمر
__****________
منتظر صالح الكعبي
(كعديه)..لسان حال
ينهدم كل حيلي...بويه بعدك
ماانامن ليلي...بويه بعدك
انه زينب ...حالي يصعب.. بويه بعدك
__****________
تكتل الفركه يبويه ...الله الي يساعد الفاكد
يكضي ليله بس مدامع...بين حزنه وهمه كاعد
كلشي بالدنيه يتعوض ..كلي شيعوضه الوالد
وجهك اذا عني رحل
الورد من بعدك ذبل
يا شمعه سنين الاهل...ياحنين وانت واحد
رايح بلايه رجعه...كلي شيردك
وبعيني تبقه الدمعه.. كلي شيردك
كلبي شيب...حالي يصعب ...بويه بعدك
__****________
جنت كل لحظه اني اشوفك...انت ياما دللتني
وين اروحن كلي بعدك..بويه باجر لو عفتني
صغيره زينب بويه اني....ليش رحت ويتمتني
اليتم لا ميلوك اللي
اكعد وكلي دللي
عازتك عازه يا علي...وياك ياريتك خذتني
الدنيه دنيه غربه...كلها تظدك
وبيها اعيشن صعبه...كلها تظدك
راح اني اتعب...حالي يصعب...بويه بعدك
__****________
هذا حالي بويه بعدك...باجر تفاركني اخوتي
الحسن لو فاركاني...باجر اتمناه موتي
يمي احظر بويه باجر ...يوصلك يابويه صوتي
باجر تجيني كربله
لا هلة بيها ولا هله
لا هلا بشمر وحرمله...هناك يتطلب سكوتي
هناكه ظيم العاشر ...كلي شيحمله
ما يبقه النه ناصر....كلي شيحمله
من أيتلسب...حالي يصعب...بويه بعدك
__****________
بويه باجر اني وحدي ...العاشر أحزانه جبيره
باجر بلا كافل ابقه...لو وكع بدر العشيره
يبقه وحده حسين باجر...حيرته يابويه حيره
يابويه باجر بالظهر
بيديه اقدمله المهر
وبحاله شيسوي الشمر...وينجمع بويه بحصيره
الخيل من توذره...بعيني اشوفه
عالتراب تطشره...بعيني اشوفه
هوايه يتعذب...حالي يصعب...بويه بعدك
__****________
بويه بمصابي ارد أخبرك...ماتظل باجر زلمنه
الخيل من تسحك الغالي..تحترك كلها خيمنه
نركض أبين الشماته...ريتك تشاهد وضعنه
لا خيمه ظلت لا ستر
والكاع متروسه جمر
وبسوطه يلفينه الشمر...وسوط بيده يطك متنه
ريتك انت تشوفه...هناكه متني
وباجر اطب الكوفه...هناكه متني
من اني انسب...حالي يصعب..بويه بعدك
__****________
(بيت المصيبه )
عالهزل نمشي سبايه...وكلشي يصبح بويه ظدي
وبعد هذا السوك بويه...من اطبن والله وحدي
من السطح باجر حجاره...انظرب وينشتم جدي
وضعي وضع كلش صعب
من امشي وحدي بالغرب
لو شاب من عندي الكلب
ابقه أتاني هناكه باجر...جيت الغايب المهدي
__****________
منتظر صالح الكعبي
بيك محتاره العساكر...ياعلي
من تطبها الله ساتر ...ياعلي
جيش...يمك يبتلي
صاح.. دخيلك ياعلي
__****________
الله يستر لو دخل وسط الحرب
ما يظل للجيش يا حيدر كلب
تدخل حذر..كلها بخطر...من طبها
تشرد زلم ...توكع زلم ...تكلبها
انت نبي ..وسيفك نبي..وتصلبها
كون...كبالك ينولي
صاح ....دخيلك ياعلي
__****________
انت اول ياعلي وسيد البشر
يلبس البوشيه لو شافك عمر
يصبح مره...ياحيدره..من خيالك
منهو الوكف ..منهو الكدر...يدنالك
وانت العلي..وي العلي..هنيالك
راح ...فدوه تمهلي
صاح...دخيلك ياعلي
__****________
عائشه من اسمك تموت من القهر
شلون لو اسمك علي يمها انذكر
اسمك لغز...واكبر كنز...شيوصفك
تشرد كفر...تلبد كفر...من جفك
رب السمه...بوسط السمه...مد لطفك
هناك...راداك العلي
صاح...دخيلك ياعلي
__****________
سهل حيدر ما تفوته اي صعاب
بجفه يقلع موش باب الفين باب
خيبر وكع...من انقلع...بيمينك
من العلي.. ومن الوصي..تعيينك
يحجي درر..سولف درر ..تبيينك
باب ...بيدك ينجلي
صاح...دخيلك ياعلي
__****________
من يشيل ايده فلا تبقه زلم
علي حته الموت منه ينهزم
الموت الحمر..اين المفر...من عندك
ترهب رهب..ترعب رعب..وتشهدك
مخلف زلم..اي والنعم.. من ولدك
وين...اليمكم يعتلي
صاح...دخيلك ياعلي
__****________
انت رب الكون هوه مخولك
شارد واردها حيدر يوصلك
ندعي الك...نتوسلك..ياحيدر
مهدي الزمن...وابن الحسن ..من يظهر
ياريت اله...اني صرت ..كقنبر
بيوم...العادة يبتلي
صاح...دخيلك ياعلي
.....
منتظر صالح الكعبي
قصائد شهادة امير المؤمنين علي ع
ستكون
هدية ل روح
الشهيد السيد علي الخامنائي ❤️
زياره روح الحسين إلى قبر زينب
طبيتلج...من باب دمعج
طبيتلج...رايد أسمعج
ياخوية أجيت..حجيت..بجيت..بحزن
بابج لكيت..قريت..نعيت..بحزن
_____________________
أنة الحسين وروحي أجت من كربلة
طبيت للشام ودموعي هاملة
بابج شفت منظر..يسهر..يقهر...سبيكم
والباب ظل يحجي..يشكي..يبجي..بجيكم
ونيتلج...بس يحجي بابج
ونيتلج...يحجي مصابج
كلبج شباب..عذاب...مصاب...بحزن
بابج لكيت..قريت..نعيت..بحزن
_________________
كلالي من جابوها دكو بالطبل
وبيا وكت زينب يجروها بحبل
أنذال من شتمو..قهرو...سبو...زجية
والزهرة مارحمو..أذو..جرو...رقية
من كالي...بس جان الاصعب
من كالي...يبن أمهة تتعب
هاية الجروح..صروح..تنوح..بحزن
بابج لكيت..قريت..نعيت..بحزن
_________________
صاحت عليها الوادم وماعدهة ظل
وبصوت نادت خوية ها يا ابالفظل
من تمشي تتعثر..تنجر..باللبر..بديهم
عالفرگة ماتكدر..خدر..اكثر..حجيهم
وديتلج...ونة الثجيلة
وديتلج...خوية العقيلة
أمشي الدروب..أذوب..اللوب...بحزن
بابج لكيت..قريت..نعيت..بحزن
_________________
هذا انة اجيت أليوم الج بالدمع
عودالبخور اشعلج واشعل شمع
ياللشفتي متوذر..مطشر..وتأشر...ظلوعي
والخيل من تلعب..تكرب..وانحب..دموعي
ما سال دم...سالت مهجتي
ما سال دم...بس كلفة يختي
هذا الونين..حنين...حسين...بحزن
بابج لكيت..قريت..نعيت..بحزن
_________________
شفت الكبر هيمة وأدور بالصحن
لا أخوة عدج يا وسافة بلا وطن
يالمتي بالغربة..صعبة..كعبة...أميرة
كلبي انكسر كلبة..نحبة..دربة...اسيرة
يانوح ظل...ترعة بدليلي
يانوح ظل...مانمت ليلي
ذاب الدليل..عويل..أشيل...بحزن
بابج لكيت..قريت..نعيت..بحزن
_________________
منتظر صالح الكعبي
هدت زلم ... تكسر ظلعها الليله
هدت زلم... دفعو الباب بحيله
يافاطمه ...يافاطمه
....
منهو السمع بيكم قبل ... اعله الحرمه وادم هدت
هدو عليها فاطمه ... وباب النبوه اندفعت
ويدفع الباب بقوته ... والزهره خلفه نعصرت
لا ما رحمها فاطمه...منها الظلوع انكسرت
من العصر ...الباب بس شيردها
من العصر...طك الظلع من عدها
....
من العصر طاحت تره ... وصعبه المره لو طاحت
وطيحتها ما بين الزلم ... والناس تشتم كامت
ما صاحت الحك ياعلي ... يافظه فاطم صاحت
وبسمار نابت بالكلب ... بس جسد ناحل عاشت
يجوي الكلب ..بسمار نابت بيها
يجوي الكلب...هاي أمنه ويلي عليها
....
كلهن عليها تجمعن ... حزن والم هالليه
قنفذ بسوطه من اجه ... ورم متنها بحيله
وحدها جانت فاطمه...منهو البعد تشكيله
صار ازرك بكثر الظرب... والدمع دم تسيله
بس فاطمه...وحدها جانت وسفه
بس فاطمه... هدو عليها كلفه
يافاطمه
....
محسن وكع وي الدمه ... بالعتبه فايض دمه
العمره ما صاير ورد...الما كال بعده يمه
هدو عليها المو بشر .. الما عدهم اصلا رحمه
عالعين طكاها النذل ..وزيد جرحها لجمه
ماكو رحم...عالعين طكها الحاقد
ماكو رحم...مافازعلها واحد
....
منهو السمع منهو النظر ...تنولي منه مريه
بيت الله بالنار احترك .. وجفوفها مجويه
علويه هيه فاطمه...تمشي صفت محنيه
يلجمها من تمشي الظلع...مجروحه حته الريه
مو اي مره...علويه هيه فاطمه
مو اي مره...قنديل تظوي بالسمه
....
منتظر صالح الكعبي