-
احنة غير حسين ما عدنة وسيلة
مشاية للحسين للحسين مشاية
ـــــــــــــــــــــــــــــــــــــــــــــــــــــــــــــ
توكلت بسم القوي ... والدرب اطويه طوي
كاحلي من يلتوي... هو اليشافيني
مايهمني كل تعب ... اسمه بگلبي انكتب
اربعينه اقترب... نور عيني وعيني
والراية عالچتاف عالچتاف الراية
ـــــــــــــــــــــــــــــــــــــــــــــــــــــــــــــ
امشي قررت المصير ... اني وعيالي اسير
ماعفت حتى الزغير ... شايله اعله اچتافي
زيارة صارت كالفرض ... غيرت كل الارض
شايب ويركض ركض ... الحبيبه حافي
عناية للمحبوب للمحبوب عناية
ـــــــــــــــــــــــــــــــــــــــــــــــــــــــــــــ
تعجبت ارض وسماء... انصبغت بلون الدماء
تصيح كلها كربلاء ... فايز اليمشيلها
امي اچبيرة عمر. ... مقعده وبيها كسر
اربعينه من تمر .... اتگوم وبكل حيلها
چم اية بدرب حسين بدرب حسين چم اية
ـــــــــــــــــــــــــــــــــــــــــــــــــــــــــــــ
اليوم ثورتنا مشي ... دروب نحشيها حشي
ما يهمنا كل شي ... راية تدفع راية
للحبيب وللطبيب ... بدربه اجروحي تطيب
شاعر وملا وخطيب... والخدم وفاية
وفاية كلنا اليوم كلنا اليوم وفاية
ـــــــــــــــــــــــــــــــــــــــــــــــــــــــــــــ
بارك الله بالخدم ... والرفع هذا العلم
والمشىه اعله الجدم ... طاهر بمصيارة
كلنا نمشي للمحب ... ماتخوفنا حرب
غيره مانندل درب ... شيعته وانصاره
مولاية روحي فداك روحي فداك مولاية
ـــــــــــــــــــــــــــــــــــــــــــــــــــــــــــــ
دون كل هاي الأمم ... الله فضلنا نعم
الكم اصبحنا خدم ... والله نعمه هاية
فخر ما مثله فخر ... اخدم الضحه النحر
من محرم ولصفر. ... هالحزن وياية
جراية دموع العين دموع العين جراية
ـــــــــــــــــــــــــــــــــــــــــــــــــــــــــــــ
خادم خدام الحسين عليه السلام
مجيد عبد الرضا القريشي
نسالكم الدعاء
مهضوم وعليل... دم أيده اتسيل
وثيابة مصبوغة دمه
وزينب عليه مألمه
ــــــــــــــــــــــــــــــــــــــــــــــــــــــ
يا سفر ما مثلة سفر ولامتله ينعاد
ليش بسلاسل ينشبگ من دون العباد
هذا لأن جده علي ولربه سجاد
مارحمته بدرب السبي اقيود الأحقاد
من الكوفة للشام .. محمل بالالام
بن فاطم وحامي الحمة
وزينب عليه مألمه
ــــــــــــــــــــــــــــــــــــــــــــــــــــــ
صبوا حقدهم عالولي ابن الصميدة
كلمن اجاه بسلسلة يرضي يزيده
ولمن وصفت المقصله الخلوها بيده
خنگت عبرتي حالته وعفت القصيدة
شكتبلك اليوم ... يلكلك هموم
گمت انعه والصدر الطمه
وزينب عليه مألمه
ــــــــــــــــــــــــــــــــــــــــــــــــــــــ
وي زينب بهذا الدرب قصتكم دموع
تذوب الحديد وشدته ذوبان الشموع
مو سبي واحد هم الك للشام ارجوع
تندفن بيها عمتك وي وكت الطلوع
عمرك خلص نار ... لا ديرة لا دار
موزمة تسلم موزمة
وزينب عليه مألمه
ــــــــــــــــــــــــــــــــــــــــــــــــــــــ
ماتنسي قصتك يبن حامي الحمية
بين المرض بين الجرى بالغاضرية
وفوگ الأسر انته وبنات الفاطمية
ابين ايديكم تندفن اختك رقية
من شافت الرأس ... ابئيد الانجاس
عالموت فزت هايمه
وزينب عليه مألمه
ــــــــــــــــــــــــــــــــــــــــــــــــــــــ
يالمانسيت الفاجعة بذاك الظهر دوم
ضامي ابوك وينذبح كدامك بصوم
هالموقف الي موتك مو جمر السموم
اخذت حياتك كربلاء وذكراها كل يوم
من تذكر حسين ... تلطم على العين
ودموع عينك ساجمة
وزينب عليه مألمه
ــــــــــــــــــــــــــــــــــــــــــــــــــــــ
رغم الجرالك سيدي من غدر الانجاس
ثبتت انته وعمتك موقف رفع راس
سويت مجلس بالگصر بچاها للناس
لليوم قايم بالحسين وذكر عباس
وهاليوم ننعاك .. مجلسنه بسماك
ومنك نريد المكرمة
وزينب عليه مألمه
ــــــــــــــــــــــــــــــــــــــــــــــــــــــ
خادم خدام السجاد ع
مجيد عبد الرضا القريشي
خير الأنام بعدنا ... من احيا دوما ذكرنا
قول الائمه الطاهرين.... شكرا لمن واسى الحسين
ــــــــــــــــــــــــــــــــــــــــــــــــــــــــــــــــــ
الشكر لله ولنبية ولعلي ولفاطمة
والف شكرن للائمة الطاهرة والعالمة
وشكرن لام البنين وزينب المتئلمه
شكرن لكلمن هداني للحسين وماتمة
شكرا لأصحاب العدل ... وسيدي أبا الفضل
لا انسى فضل الوالدين.... شكرا لمن واسى الحسين
ــــــــــــــــــــــــــــــــــــــــــــــــــــــــــــــــــ
الحياة تصبح غريبة بلا حسين بلا طعم
الحمد لله الي هدانا لثورته وهاي النعم
گالها الصادق بصدقه وصحبته گالو نعم
خيرة الناس البعدنا بمجلس حسين الخدم
من قال شعرا أو بكاه ... مع الحسين ملتقاه
من فاطمة صوتا حنين.... شكرا لمن واسى الحسين
ــــــــــــــــــــــــــــــــــــــــــــــــــــــــــــــــــ
حسين نعمت الله هو ورحمته طول الزمن
بيه نحيا وبيه ننجا من الملاحم والفتن
كل وطن مابيه اسمه مانسميه الوطن
والاعلام إبلا عضيده للأرض يتنكسن
شعب الاله المستقيم... من كان بالسبط عليم
بمجلس أو زائرين .... شكرا لمن واسى الحسين
ــــــــــــــــــــــــــــــــــــــــــــــــــــــــــــــــــ
فاطمة يمها سجلنا بالاسامي والصور
بخط حبيب ابن مظاهر وخاتم عليهه الگمر
خادم المكتوب اسمه فاز والله وظفر
اوسفه عالمطالع اسمه هذا گلبه من حجر
تبا لمن جافى الحبيب... اما سمع ابن شبيب
قول الرضا للمؤمنين .... شكرا لمن واسى الحسين
ــــــــــــــــــــــــــــــــــــــــــــــــــــــــــــــــــ
شما ربحت بكل تجارة خاسر بعمرك بلي
تجارة وحده الي تربحك دمعت حسين الولي
ماتبور وماتخلص انتبه واسمع الي
خاسر اليعاف ذكره وما شهد أن علي
تجارة فيها الولاء... قد مارستها الانبياء
من ناحب ومستعين .... شكرا لمن واسى الحسين
ــــــــــــــــــــــــــــــــــــــــــــــــــــــــــــــــــ
درس خالد للبرية بكربله ضامي انذبح
فجعو الزهرة وأبوها اوالدة گلبه انجرح
الما درسها ومافهما خاين وكيده انفضح
والتحزم بالمجالس والحرب هذا نجح
سلم لمن سالمهم... حرب لمن حاربهم
إنا بهم منتصرين .... شكرا لمن واسى الحسين
ــــــــــــــــــــــــــــــــــــــــــــــــــــــــــــــــــ
خادم خدام الحسين عليه السلام
مجيد عبد الرضا القريشي
قصيدة : إلا الحسين (عليه السلام)
ــــــــــــــــــــــــــــــــــــــــــــــــــــ
لا ما جرت لكم الدموع بعاطفة
وانتحب الصدر الجزوع برادفة
ماكان ضعفا حزننا وعزاءنا
لامن ظنون أو نفوس خائفة
كل النفوس فبالموت رهينة
عند السلام أو بحرب عاصفة
تشفى المصائب في القلوب جراحها
إلا مصيبتكم بنفسي عاكفة
فكيف لا ابكي وليا قد هوى
بكته كل الانبياء السالفة
وكيف لا ابكي لقرة احمد
وصدره تحت الخيول الخاسفة
قد كان حقا لا جدال في حقه
والكل كان بفضل حقه عارفة
لكنهم نكروا العهود وحقه
بغضا بهاشم أو لدنيا زائفة
في ظهر عاشر من حرام حرموا
شرب المياه وقطعوا يد غارفه
وعياله حر الضماء اغلها
وعيونهم نحو الفرات لاهفة
وله رضيع نحروه بسهمهم
طفل الحسين 'اي ذنب قارفه؟
اه على قمر اغار بقربة
نفسي عليه كم تنوح واسفة
يا كافل الدين بخيمة زينب
على مصابك انحنت كالزاحفة
بعد الحسين وموتك حرقوا لها
كل الخيام وجمرها لا ما طفى
اه لزينب والعليل وضعنها
قد شردوهم بالصحاري الصالفة
قتلوا حسينا وأخيه وولده
وبناته بين الخيول راجفة
فالدمع قد امسى بعيني عقيدة
تطفي جهنم قطرة من ذارفه
كل النوائح لا مفاد بنوحها
إلا الحسين دموع نوحه هادفة
قال الائمة خير ناس بعدنا
خدم الحسين بنفسي هم من طائفة
ــــــــــــــــــــــــــــــــــــــــــــــــــــــــــــــــــ
بقلب شاعر أهل البيت عليهم السلام
مجيد عبد الرضا القريشي
من هو يوصل هالمكتوب ويگل لمحمد
چف اختك ذاك المهيوب بحبال مگيد
من هو يوصله الاخبار... مسبية وضربوني احجار
____
كلماتي الك اكتبها ويجر الصدر نوحة
كلمة فاگدة الخوان راحو مني فد روحه
ولو شفت بكتابي دم هذا حسين وجروحة
ولو شفت الرمح مرسوم يعني غادرت روحه
يعني ضاعت الاحلام
وانه تحيرت بيتام
مسبية رحت للشام.و سفاني انكسر لوحة
رد لربه بدمه حسين ويسولف قهرة
وعالرمح يرتل ايات الراس ونحره
يشهد عليدار وصار .. مسبية وضربوني احجار
____
بمحمد زماني حيل جار ومارحم بيه
مثكولت ولد واخوان وللظلام مسبية
يمحمد عبرت السوگ عندك هاي مرضية
اختل روحي بين النوگ لو واحد نظرليه
گوة هالجدم منگول
وتجرنه بحبال خيول
ايتام وحرم شنگول غير الغيرة عربية؟
بحرگة گلبي ذاك اليوم بس الله العالم
استر نفسي والنسوان من عين الوادم
انه الماشافتني أنظار ... مسبية وضربوني احجار
____
انه الماهمني كل كلفه بس ذبني نظر هالناس
عدهم عيد يمحمد يدگون الطبل واجراس
تلگونا بشتم واحجار بلا غيرة ولا نوماس
لليحميني ما اعتاز لو يمي عدل عباس
من طاح الكمر عالماي
صارت سودة كل دنياي
انكسر ظهر الحسين بهاي فارگ ريته الانفاس
ما اكتبلك هالمكتوب ولا اروي الكلفه
بس الكافل يم الماي طاح بلا چفة
لايمنه عنده وليسار ... مسبية وضربوني احجار
____
مبتليه بنسا وايتام ويمك صور المشهد
اعله احجابي والسجاد كلساعه انه اتهدد
ساعة اندور اليطيح وساعه عالهزل نصعد
وخلونا بخرابة تراب تقبل هاي يمحمد
وانه حرمه انكسرلي اجناح
والطف ترستني اجراح
ولسان العده ذباح.. لو شتم علي واحمد
من شوقة گلبي ناديت ياحيدر وينك
ولد ام التاكل اكباد يشتمون بدينك
شتمو امي وحامي الجار ... مسبية وضربوني احجار
____
يخويه اصعب امر شفته من ودونه عند يزيد
لازم عصته ويضرب راس ذاك الحيد
وجامع ناسه واعوانه ومزين الگصر چن عيد
هضمني گال اخذت الثار ابدر ونبوة انكر وتوحيد
نكر وحي الله والقءان
حرگ اياته عالتربان
ويضرب منحر القربان... على خيك يمد الايد
واليمه رادونه عبيد منه يشرونه
واحنه صفوة خلق الله لامايدرونه
ريحانه طه المختار ... مسبية وضربوني احجار
___
بخرابة والصلاة گعود شخلت كربله بيه
بلا عونه ولاوليان بارض الشام مسبية
يمحمد حجارة وسوط من كل صوب مرمية
واذا متعجب من الصار عاين لوعة رقية
جسمها من الضرب ورم
ومن نيران المخيم
اذنها ايام تجري دم... يخوية بلاية ترچية
من درب الشام وعاشور صارت كالعودة
ولمن شافت راس حسين طاحت ممدودة
وصارت موتتها بهالدار ... مسبية وضربوني احجار
___
خادم زينب ع
مجيد عبد الرضا القريشي
نسألكم الدعاء
الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313
https://youtu.be/D1y7i0vPheg?si=_c8k5eu3zrpe3m3F
Читать полностью…
https://youtu.be/aYkdBw1qJjA?si=3xDofSDfKblINWfx
Читать полностью…
قصيدة ليلة العاشر
حانت اللحظة الأخيرة والشمر فوگه صعد
صارت الدنيا أسيرة وانخسف بدر السعد
بثنعش ضربة انحنه... وصارت اللحظة بسنه
حانت اللحظة الأخيرة
________
عوفه عوفه ياما گتله ما سمعني وسيفه سل
مدري اني فوگ تله مدري صدري فوگه تل
شفته كظه من لحيته ومن گفاه الحربه تل
يابو فاضل صوتي يصرخ خوية الحسين انجتل
وين كفال الفواطم يشوف حالي بهالامر
اعله صدر حسين جاثم وشايل الحربة شمر
وكلشي مابيدي انه ... وصارت اللحظة بسنه
حانت اللحظة الأخيرة
________
يا امامي يا غلاتي ياعزيز الزهرة گوم
مدري اجمع لحم جسمه مدري اغطيه بهدوم
ذاك يسلب ذاك يضرب جبهته وسالت دموم
وين انطي الوجه واشكي كثرت براسي الهموم
للغري وجهت وجهي وصحت وينك ياعلي
شوف دمعي الترس وجهي عوف گبرك صد الي
أسوة بينا ابن الزنا ... وصارت اللحظة بسنه
حانت اللحظة الأخيرة
________
شفت صفت هالكواكب وطبگت علينا السما
بدال ما ماي تمطرلنا مطرت اعلينه دما
حسين مذبوح مهجة الروح وجسمه عالغبرة انرما
بسحگة الخيل ويل يا ويل كل عظامة مهشمة
چان اخر نظرة وياه ضلعه بالحافر طلع
وصوتي ينحب اه ويلاه وهرش دلالي انفجع
راح من عندي الهنا ... وصارت اللحظة بسنه
حانت اللحظة الأخيرة
________
اخر انفاس شفته عطشان طلب ميه وما سگوه
بين اوغاد وگوم حساد سهم وحجارة رموه
والمثلث صاب چبدة وبين ظهرة طلعوه
وحدة الحسين داير العين الشريعه يريد اخوه
صاح يا بدر العشيرة.... عليه اعدوانك ولو
هذا حالة الماليه ديره ... ابلا معين ولا اخو
ضامي ولموته اعتنا ... وصارت اللحظة بسنة
_______
هاي شمسه غابت هنا وغاب يم نهره الگمر
اركض عليه مدري الاطفال احمي بيها من الخطر
حالي يا حال بلاية الخيام بلاية اخوتي بالكدر
راح عباس راح الحسين وانتظر سبي وسفر
لشام سفرتنه طويله مو مثل كل السفر
هزل العرجه تحدينه وسوط يضرب عالظهر
حسين منهو اليدفنه ... وصارت اللحظة بسنة
_______
خادم خدام الحسين ع
مجيد عبد الرضا القريشي
نسالكم الدعاء
من فعال الاكبري ... درب حق فاشتري
ـــــــــــــــــــــــــــــــــــــــــــــــــــــــــــــــــ
اشترى الدين ولاتمسي ذليلا
لاتبع نفسا بأثمان قليلة
وضع الأكبر للحق دليلا
درس الأجيال جيلا بعد جيلا
لاتكن كالسامري .. درب حق فاشتري
ـــــــــــــــــــــــــــــــــــــــــــــــــــــــــــــــــ
صابر كان في ميدان البسالة
عامل كان ولايهوى البطالة
يفرق بين حرامه او حلاله
ولهذا كان منصور قتاله
ناهيا عن منكري .. درب حق فاشتري
ـــــــــــــــــــــــــــــــــــــــــــــــــــــــــــــــــ
كوكب في نينوى شع شعاعه
كمحمد في صفاته وطباعه
ما حنى للشر واعتاد المناعة
بل موال ما هوى دين الجماعة
ضاويا كالمشتري .. درب حق فاشتري
ـــــــــــــــــــــــــــــــــــــــــــــــــــــــــــــــــ
كان في قلب الحسين مستكينا
يكشف عنه المرار والانينا
راية للحق كانوا رافعينا
سائحين عابدين ساجدينا
يسرهم للمعسري .. درب حق فاشتري
ـــــــــــــــــــــــــــــــــــــــــــــــــــــــــــــــــ
قد أنار الليل في قلب الوجود
قائلا لنفس فرا لاتعودي
إنت مادمت على الحق فجودي
فلغير الله لايصلح سجودي
للمصارع شمري .. درب حق فاشتري
ـــــــــــــــــــــــــــــــــــــــــــــــــــــــــــــــــ
لا اطيق العيش والدين مهانا
فبدمي يصبح الطف امانا
لابي والعم محجوز مكانا
مقصد للناس في ذاك الزمانا
قبلة للزائري .. درب حق فاشتري
ـــــــــــــــــــــــــــــــــــــــــــــــــــــــــــــــــ
خادم خدام الحسين ع
مجيد عبد الرضا القريشي
نسالكم الدعاء
الوداع... يابو علي يابو علي
الوداع منهوالي منهوالي
مذبوح انته ومنذبح كفالي
واني سبيه مشبگه ابحبالي
الوداع
ــــــــــــــــــــــــــــــــــــــــــــــــــــــــــ
غصب عني فارگتكم فرگة الروح
يا هواي المالي ريتي وطيب الجروح
من بعدكم عمري أحسبه دمعة والنوح
والفرح من گلبي خوية اعتبره ممسوح
يا العزيز .. صابه القدر صابه القدر
يا العزيز... راح النظر راح النظر
يا غالي مامثلك عزيز وغالي
واني سبيه مشبگه ابحبالي
الوداع
ــــــــــــــــــــــــــــــــــــــــــــــــــــــــــ
يوم بعدوني وصرت عنك بعيدة
ريت ميته ويا عمر هذا الاريده
راسك اعله الرمح ينزف من وريده
والسياط اشسوت بسكنه وحميده
والرباب... دمع تهمل دمع تهمل
والرباب... اعله الطفل اعله الطفل
ودم لرقية من أذنها يسالي
واني سبية مشبكة بحبالي
الوداع
ـــــــــــــــــــــــــــــــــــــــــــــــــــــــــ
ودعتكم بس وداع الموت چنه
يابو الأكبر بالقهر عنكم رحلنا
لا تگول اختي نست النا المحنه
اني كل خطوة اجر عليك ونة
ياغريب.. إبلا چفن إبلا چفن
يا غريب .. عن الوطن عن الوطن
منهو اليدفنك ظل يحسب بالي
واني سبيه مشبگه ابحبالي
ـــــــــــــــــــــــــــــــــــــــــــــــــــــــــــــــــ
لا تظن الفرگة خوية وياك سهلة
يشهد خماري المسيل دموعي بلة
والله لو حبل الاسر اگدر افله
يم گبركم چا گضيت العمر كله
گلبي راح ..لمن رحت لمن رحت
گلبي راح ... الكم نحت الكم نحت
خوية بعدكم منذبح دلالي
واني سبيه مشبگه ابحبالي
ــــــــــــــــــــــــــــــــــــــــــــــــــــــــــ
امشي وگبالي الرؤس تنوح حسرة
تذكرت ذيچ المحنه وطيب عشرة
من هو مثلي چان عدها اخوان عشرة
الهوة يوگف لو لگه بعباس خزره
وحدي ليش ..ظليت أنه ظليت أنه
وحدي ليش.. ظهري انحنا ظهري انحنا
وروس النشامى مذبحات گبالي
واني سبيه مشبگه ابحبالي
ــــــــــــــــــــــــــــــــــــــــــــــــــــــــــ
رغم ما اني مرة بغربة وحزينة
والحبال مشددة وتذبح بدينة
صبري ذل الشام كله وحاكمينا
والطفه عيون الگمر طفيت عينه
صبري جيش... هز الوثن هز الوثن
صبري جيش... واخر زمن واخر زمن
تخسف گببكم وانه گبتي تلالي
واني سبيه مشبگه ابحبالي
ــــــــــــــــــــــــــــــــــــــــــــــــــــــــــ
خادم خدام زينب ع
مجيد عبد الرضا القريشي
نسالكم الدعاء
طول غياب الاحباب لامن رسايل عنهم
امگابله عيوني الباب انتظر طارق منهم
لا والسما والطارق ... بالباب مامن طارق
يروي العليلة
ــــــــــــــــــــــــــــــــــــــــــــــــــــــــــــــــ
يا سيدي يامنهلي يامن يجيب المضطر
ارجوك نظرة لحايرة طفلة عليلة اتنطر
گوة اشم جاري الهوة لهاب جسمي من الحر
ماريد بس اسمع خبر عن شوف عيني السافر
يا مدركي يا معبود شلون السبط وعيالة
حلمي يگول بلا ماي ومحاصر بخياله
حلمي چذب لو صادق ... بالباب ما من طارق
ـــــــــــــــــــــــــــــــــــــــــــــــــــــــــــــــــــ
ما شايفة النوم وغده كالچبد لون عيوني
شنهي يربي المسألة ماظن هلي ينسوني
مو دار چن وحشة گبر من يوم ما ودعوني
هالدار مثلي تنتحب وتنادي موحش لوني
أنه وحياطين الدار نشبع بچي يومية
شابح نظرنا اعله الباب ومساهرة الليلية
همهم لنومي سارق ... بالباب ما من طارق
ـــــــــــــــــــــــــــــــــــــــــــــــــــــــــــــــــــ
طبع البنت اعله الابو ماتصبر اعله افراگه
تهتز موازين الزمن من دمعة المشتاگة
يومية گلبي يشتعل ابحيرتي الحراگة
بخيمة بعدها عمتي لو طببوها اسواگه
ليش اني احس هالاحساس لعمتي خيم محترگة
وية الكقيل العباس أعلنت طول الفرگة
من للخيام حارق... بالباب ما من طارق
ـــــــــــــــــــــــــــــــــــــــــــــــــــــــــــــــــــ
لجيتهم اليالي اعد ليلة اعد والليلة
انفاسي خلصت بالمرض والجسم خلص حيلة
يمته يجيني والدي وتلتم گبالي العيلة
كلما تجيني أم البنين اطفر وأشد الشيلة
ربي ابخت أم عباس ادعي وانشر الهم
شيب على اخواني الراس شو طولت فرگتهم
يا فاتق يا راتق ... بالباب ما من طارق
ـــــــــــــــــــــــــــــــــــــــــــــــــــــــــــــــــــ
ادري اليريد بهالوكت اصلاح مايردونه
گلبي يگلي والدي بصحرة غدر يولونه
يوم التواعدنا شفت هذا الأمر بعيونه
چنه يگلي ابنيتي هالكونه اصعب كونه
ما مني ردة وهيهات الرايح اله ما يردني
أنه واخوتچ واعمام يوذرهم ويذبحني
وللطفل سهم يعانق ... بالباب ما من طارق
ـــــــــــــــــــــــــــــــــــــــــــــــــــــــــــــــــــ
هالدنيا ماترحم ولي ولا صالح الحب دينه
كل قائد بهالمعتقد عالدنيا الله يعينه
اترافگ الطبعه دني تنطيه ما تنطينه
ابن الطواغي گباله عز وابن الولي ميتمينه
وبنت النصر هذا الدين لو ميته لو مسبية
شاهد عليهم بالشام قصة ممات رقية
صعبة ابيها تفارق ... بالباب ما من طارق
ـــــــــــــــــــــــــــــــــــــــــــــــــــــــــــــــــــ
مجيد عبد الرضا القريشي
خادم خدام الحسين ع
نسالكم الدعاء
حسينا واحسينا واحسيناه
ــــــــــــــــــــــــــــــــــــــــــــــــــــ
هالكلمة طول العمر الهج بيها
فار الذي شعار اله يخليها
بگلبونا نحيا ونموت عليها
بكل مجلس أو كل دار اسمك نقراه
ـــــــــــــــــــــــــــــــــــــــــــــــــــــــــــ
عهدا نظل للموت احنا وياكم
نوالي اليوالي نعادي من عاداكم
والي يخون بشيعته و ينساكم
وييهود هذا نگس اسمه وطرواه
ـــــــــــــــــــــــــــــــــــــــــــــــــــــــــــــ
خدامك احنه وشيعتك ليك جنود
منخاف سفياني ولا حرب يهود
وبصولة العباس وبذاك الجود
بالستي نمليها السما عالعاداه
ـــــــــــــــــــــــــــــــــــــــــــــــــــــــــــ
بهيبة شعارك ياحسين واسمك
نبني المواكب والشبيه برسمك
چم قائد اختلطن دماه بدمك
ويايوم نصر الله ابد ماننساه
ـــــــــــــــــــــــــــــــــــــــــــــــــــــــــــ
لاماتهمنة اعراب خانت دمه
ماشين احنا سيدي بهالخدمه
فدوة يروحون لترابة واسمه
نحيا ونموت حسين دومن وياه
ــــــــــــــــــــــــــــــــــــــــــــــــــــــــــ
حي الله كلمن جاهد ويالايمام
وحي الله اهل النايبة والخدام
النصرت المهدي سيوف طلعت واعلام
بالاربعين هناك بيهن نلگاه
ـــــــــــــــــــــــــــــــــــــــــــــــــــــ
هنيئا له من لحسين خلص عمره
بدرب الشهادة يكون خاتم امره
مثل الشهيد الصايم يكون اجره
الدنيا ما تسوه بعدهم والله
ـــــــــــــــــــــــــــــــــــــــــــــــــــــــــــ
مجيد عبد الرضا القريشي
أَقْشِعْ ضَبَابًا يسدي أَحْيَانَ
أَوْجِدْنَا الرَّبَّ لِلدِّينِ وَأَحْيَانَا
فَالْحَقُّ حَقٌّ وَإِنْ شاكت مسالكه'
اِقْصِدْ عَلِيًّا عِنْدَ اللهِ قُرْآنَا
كَلَامُهُ التَّأْوِيلُ عَنْ وَحْيٍ تَكَلَّمَهُ
لَا تَتَّبِعِ ارْجَافَ فَالدَّجَّالُ شَامَانَا
لَا تَتَّبِعْ زُمَرًا بَاعَتْ ضَمَائِرَهَا
قَتَلَتْ حُسَيْنًا عِنْدَ الطَّفِّ عَطْشَانَا
فَسَيْفُ حَيْدَرَةَ مَا ضَمَّهُ غِمْدٌ
أَحْيَاهُ رُوحُ اللهِ مَسْلُولًا بِخَامَانَا
خَيْرُ الرِّجَالِ قَدْ رُبِّي وَقَدْ بَرَزَتْ
تُقَاتِلُ صِهْيُونًا وَسُفْيَانَا وَشَيْطَانَا
عَنْ رَايَةِ الْحَقِّ أَنْ تَسْأَلْ فَهَاكَ يَدِي
مَالَتْ لِمَشْرِقِهَا وَالْقَصْدُ إِيرَانَ
قَدْ بَايَعَتْ لِلَّهِ إِمَامًا وَمُنْتَظِرًا
رِمَاحُهُمْ دَكَّتْ قُدْسًا وَأَمِيرِكَانَا
مَا ضِدَّهُمْ إِلَّا مُعْتَلٌّ وَمُنْزَنِمْ
ابْنُ بَغَاءٍ مَنْهَوُ الْقَلْبِ قَدْ رَانْ
ما وُجِدَ الْكَوْنُ إلَّا لِأَجْلِ عَلِيٍّ،
وَلَوْلَا عَلِيٌّ لَا كَونا وَلَا كَانَ.
ــــــــــــــــــــــــــــــــــــــــــــ
بقلم خادم الحسين ع
مجيد عبد الرضا القريشي
(ولد الحسين مرتين)
أمر عظيم منه اقبل سائلا
ولد الذي مارد يوما سائلا
نعم فلا" لا" تبوح بقوله
عند التشهد أو لظلم قال لا
الكون قد ضاء في عز دجائه
نجم الثريا جرمه قد كللا
لفطرس عاد الجناح مكبرا
وكبر العرش المبين وهللا
ولد الحسين مرتين في عمره
اولى بشعبان وأخرى بكربلا
يوما إتى جسما جليلا سالما
يوما إتى لاجزء منه يوصلا
صلى عليه البيت والحرم دعا
والروح والملك بجمعه صلى له
ــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم ياكريم
بقلم خادم الحسين عليه السلام
مجيد عبد الرضا القريشي
https://www.facebook.com/share/v/1B3CCBVzWH/
Читать полностью…
خافنكم ناسين .... عاين واسمع زين
نخدم نلطم نمشي ونحيا ونموت وي حسين
ــــــــــــــــــــــــــــــــــــــــــــــــــــــــــــــــــ
طريقي لله هو وغيري ماعنده
حاضر دومه يمي بساعت الشدة
تريدوني اسكت وسفياني يتعده
وباچر بالمحرم مرقده يسده
ما نرجع للفات ... احنه أهل الهيهات
لا حرية ولا قومية تصعد فوگ الدين
ـــــــــــــــــــــــــــــــــــــــــــــــــــــــــــــ
بعد ماننخدع مثل الزمان الراح
من هاي القضية سيدي ارتاح
مانعوفك وحيد لحربت الذباح
لعدوي ما أذل ولا اسلم سلاح
شيلوها من البال... اخضع للدجال
اني اطيتك هاي الكلمة لامتصير اثنين
ــــــــــــــــــــــــــــــــــــــــــــــــــــــــــــــ
رضعنا محبتك منها تربينا
وبهاي المجالس فاح طارينا
بأيام البعث تشهد مواضينا
لا گدرو ولا داعش گدر لينا
والخضعو ليهود ... اخيمهم متعود
الگالو مشيك ضد الدولة بتموز وتشرين
ــــــــــــــــــــــــــــــــــــــــــــــــــــــــــــــــــــــ
وبعض گالو تخلف ذوله منهجهم
غير دموع ولطم صدور ماعدهم
لعد وينه التطور وينه مالتهم
عشر تيام ما عافو ملاجئهم
بالستي منيران ... خلاهم جرذان
بين اليلبد بين اليشرد مايدري لاوين
ــــــــــــــــــــــــــــــــــــــــــــــــــــــ
مجالسنا تخرج قاده علمية
هدفها تحرر الناس ونظامية
ثورة الطف اسمها موش شامية
الوالت يهود اوالت أمية
ثورة تحرر ناس ... مو تذبح بالراس
ثورة كافل ضد الباطل وبئسم الحسنين
ــــــــــــــــــــــــــــــــــــــــــــــــــــــــــــــ
اسمع زين هاي الكلمة وافهمها
ابقى بهالمجالس عيش عالمها
گبل زينب حچتها وهم حچت امها
لن تمحو ذكرها ولا مراسمها
ابكل موكب موجود ... طف حسين يعود
ابشيعتنا ترف رايتنا ومن دموع العين
ـــــــــــــــــــــــــــــــــــــــــــــــــــــــــــــــ
خادم مجالس الحسين ع
مجيد عبد الرضا القريشي
نسالكم الدعاء
https://www.facebook.com/share/v/1CVvUNprh7/
Читать полностью…
https://youtu.be/wwNFp_a7_1c?si=mIpk65vzkxpD5O_Z
Читать полностью…
https://youtu.be/xDfWEoh7P4c?si=MPTzvrNujAIG--gv
Читать полностью…
عاتبت الليل .. مسرع كالخيل
لو طاح ضواك طاح التاؤيل
ـــــــــــــــــــــــــــــــــــــــــــــــــــــــــــــ
هي ليلة شلون ليلة ساعة بس تأخذ عمر
ماهجعنا ولا هدينا تشهد عيوني الحمر
ليلة اوداع الهواشم صعبة تنقاس بأمر
اني هسه مدللتهم وباچر بغربة وأسر
يادمع النوح ... ينزل مجروح
بچه الافلاك ... هدملي الحيل
ـــــــــــــــــــــــــــــــــــــــــــــــــــــــــــ
ودعتهم خيمة خيمة وطولت يم الولي
گتله خويه تروح وحدك گلي جسام وعلي
گتله عباس وجربته گلي لا ماتنملي
طاحت ايدي فوگ راسي گتله منهو. يظل الي
ابلاية الكفال... مسبية عيال
لو راح لواك .. يشوفونا الويل
ــــــــــــــــــــــــــــــــــــــــــــــــــــــــــــ
اه ياليل ابلاية رحمة تامرت ويه العده
باچر ابلاية ظلامك حارگ خيامي حده
فوگ تله بلا ية خوتي والعيال مشردة
رقية مچوية رجلها والايدين مكردة
وشافت كاروك ... طايح بالشوك
ما تدري هناك .. دم خيها يسيل
ـــــــــــــــــــــــــــــــــــــــــــــــــــــــــــــــــــ
خلني اشبع من نظرهم من قبل طر الصبح
كل جرح بيهم تراهو يصنع ابگلبي جرح
لو طلع ظهرك يعاشر وردلي ميمون ايصدح
الظليمه الظليمه حسين زينب منذبح
شمر تعناه ... وحربه بيمناه
داسو رجواك ... بحوافر خيل
ــــــــــــــــــــــــــــــــــــــــــــــــــــــــــــــ
الليلة هذه من حزنا لازم تكون بوفه
حجة الله اعله البرية والله ذبحوه من گفة
لازم الشمر بلحيته وبثنعش ضربة اشتفه
راد گبل الموت شربة وكلها گالت اسفه
ذبحوه بضماه .... واحسيناه
من كثر دماك ... دامي الإنجيل
ـــــــــــــــــــــــــــــــــــــــــــــــــــــــــــــ
واعتب أنه عالجفانة ومن مجالسنا ابتعد
واعتب أنه عليلطم وبالصدگ ماله عهد
والي ما وآله النه راية وعن حرب خيه گعد
حاله حال السيفه ضدنا وگلبه اعلينه انمرد
منريد الخان ... صيرو اخوان
وصيتنا و هاك ... من جيل لجيل
ـــــــــــــــــــــــــــــــــــــــــــــــــــــــــــــــــــ
خادم خدام الحسين ع
مجيد عبد الرضا القريشي
ابو ذيات نعي
يهنياله بزمانه عاشر حسين
وما خلاه وحده عالشر حسين
ابد ما انسه ظهره عاشر حسين
تجسم كالورث جسمه لامية
ــــــــــــــــــــــــــــــــــــــــــــــــــــــــ
يمن نعيك نزل من قدس والهام
يكشاف الكرب والصعب والهام
الك واجب ندگ عالصدر والهام
لان ماكو اخو مثلك لخيه
ـــــــــــــــــــــــــــــــــــــــــــــــــــــــ
تب يد من جفاك حسين بل تب
والحبك صفه بلا ذنب بل تاب
بحثنا عن مواقع صدگ بلتاب
بس طفك طلع اصدق قضية
ـــــــــــــــــــــــــــــــــــــــــــــــــــــــ
ريتن هالطفوف بعيد تلها
وماشوفن بمايه العده تلها
يومن رگبتك بالسيف تلها
التل يحسين چنه انهار بيه
ــــــــــــــــــــــــــــــــــــــــــــــــــــ
الك يندب حزن صوتي ونب لاك
والف فوگ الظهر جرحك ونبلاك
اودعك يا ابو فاضل وأنه بلاك
انكسر ظهري وظهر زينب سوية
ـــــــــــــــــــــــــــــــــــــــــــــــــــــــ
هنا چانت خيم وهنا حرم چان
وهسه بجمرة يچيويهن حر مچان
الله يلعنه ويحرمه حرمچن
من حسين وأولاده واخيه
ـــــــــــــــــــــــــــــــــــــــــــــــــــــــــــ
وحگ چف الملاها قربه لحسين
امن گلبي يومن قر بالحسين
اجيت أحيي المجالس قربة لحسين
بلچن فاطمة ترضه عليه
خادم خدام الحسين ع
مجيد عبد الرضا القريشي
ميمر بداية محرم
شهر الدمع هل اعليك لازم تهل الدمعة
__
عاشور هل بلوعته ياهلناس
البس سوادك واتخذ غير احساس
احسين ينطر دمعتك والعباس
وبمجلسك اخدم زين بلچن تحضره البضعة
_____
احيوا امرنا بهاي گال المعصوم
بمجلس عزاء احسين الدين يقوم
لطمت ايديك ودمعتك عالمظلوم
بيها اجر گال هواي وتحوز جنة الوسعة
__
هاي الشعائر تحفظك من النار
من تنعه هاشم والسبا والانصار
لايهمك اشگال اللحد والكفار
اهجر كلام المضغوط عوفة وابد لاتسمعه
___
فطرة سليمة ينتظر هذا الدين
موقف رسالي ينبني بحب حسين
والمارضا خل يسأل الجابه منين
منبوذ هذا ومشبوه من يم دماغك طلعة
___
اتعب ولا تندم اله شما تتعب
لحسين ما شفت الصعب والاصعب
مثله نجاهد احنة ونتغرب
شام وطبعها الغدار الهم علينة رجعة
__
منهم ولاتتفاجىء شما يحچون
گالو تخلف باللطم شتحصلون
ليل ونهار اعله الحسين تلطمون
بلا مستحه ولا اثبات گالو لطمنا بدعة
____
ثابت عهدنا شما ظلم طاغي و عاد
گبل التقية قاومت الاستعباد
وهسة نحارب بالدمة والاجساد
عدنا حشد واله حسين والمايوالي يقلعة
_____
اطينة مجال احنا وصبرنا عليهم
بلكي الله من هذا العمة يهديهم
انحرفوا ومتصير چارة ليهم
وهذا الصبر ليه حدود لا تجبر اعله الوجعة
__
لا تفخر بدنيا تمجد طاغوت
الدنيا زغيرة وباجر يلفك موت
لامال ينفع لا ملك بالتابوت
لتاجر بحزن حسين احسين ماهو سلعة
_____
مجيد عبد الرضا القريشي
مما افاضه علينا الله من كلمات بحق أمير المؤمنين علي عليه السلام مؤيدة بروح القدس أن شاء الله
صَهْ مَا أَقُولُ وَانْتَبِهْ مَلِيًّا
أَسْعَيْت مَا بَيْنَ الصَّفَا وَمِنًيا
فَبِغَيْرِ حُبِّهِ لَا طَوَافَ وَعَرَفَهْ
مِنْ دُونِهِ لَا ما نْحَرَتْ هَدْيَا
حَجُّ الْكِتَابِ وَالزَّبُورِ لِاسْمِهِ
قُرِّئَتْه تَوْرَاةً وَإِنْجِيلِيَا
حَيْتِرٌ حَبْتَرٌ وَبُطْرِيسَا وَكِبْكِرٌ
آرِي يَرَأْءُ وَألِيَا إِيلِيَا
كَانَ ظَهِيرًا فِي أَبِيهِ وَحَيْدَرَهْ
فِي فَمِ أُمِّهِ وَاضِحًا وَجَلِيَّا
إِنْ شِئْتَ تُحْشَرْ كَالْيَهُودِ بِغَيْرِهِ
أَوْ شِئْتَ تُحْشَرْ جَاهِلًا ذِمِّيَّا
شَهِدَ الْغَدِيرُ فِي الْوِدَاعِ بِفَضْلِهِ
وَمُحَمَّدٌ خَيْرُ الْأَنَامِ نَبِيًّا
مَنْ كُنْتُ مَوْلَاهُ وَأَوْلَى بِنَفْسِهِ
فَهَذَا إِمَامٌ لَهُ وَوَلِيًّا
اللَّهُ عَادَى مَنْ يُعَادِي حَيْدَرًا
وَاللَّهُ وَالَّى مَنْ يُوَالِي عَلِيَّا
ــــــــــــــــــــــــــــــــــــــــــــــــــــــــــ
بقلب خادم اهل البيت عليهم السلام
مجيد عبد الرضا القريشي
يا مهدي ... يا مهدي
ــــــــــــــــــــــــــــــــــــــــــــــ
يالبيك اعتقادي يمذل الاعادي
احسينك ينادي تأخذ ثاره غادي
يا ليلي المسهد يا غاية محمد
بحالي الله يشهد لابس ثوبي الأسود
يمته النور اشوفة وكالكعبة اطوفة
ويحرر طفوفة بأحكامه وسيوفة
ـــــــــــــــــــــــــــــــــــــــــــــــــــــــــــ
اكتبلك كتابي ومعلگه اعله بابي
بيه دمعي وعتابي بيه شيبي وشبابي
بيه ماكو سعادة بس حرب وإبادة
بيه ريحة شهادة من دم القيادة
عجل يا رجائي يلساكن دمائي
بصوتي الكربلائي بالمجلس دعائي
ــــــــــــــــــــــــــــــــــــــــــــــــــــــــــ
منيا تشوفة عيني گبل اخر سنيني
اركضله بحنيني ويسكن ونيني
عمري هو عمري اجري هو اجري
تدري لو متدري بيه يتحرر سري
يا اغله من حياتي .. ومن ولدي وبناتي
يالراسم صفاتي ... خادمكم اغاتي
ـــــــــــــــــــــــــــــــــــــــــــــــــــــــ
ياثار الامامه خلصت كل علامه
كل طاغي ونظامه بيدك انتقامه
مگصرين احنا ندري ما ينفعني عذري
بس بينا الله يدري حبك بينا يجري
من غيرك معزى .. محزون ويرزى
في رؤياك مغزى ... فلتعطيني رمزا
ـــــــــــــــــــــــــــــــــــــــــــــــــــــــــــــ
ولمنا حزنا لحسين ولطمنا
ريتك تحضر النا وتبارك جمعنا
يا مهدي تجينا ابهاي المدينه
بعيوني الحزينه أقره واحسيناه
موكب حزني صاير وباحزانه داير
بيه روس ومناحر ومكسورت خواطر
ـــــــــــــــــــــــــــــــــــــــــــــــــــــــــــــ
اسمعنا يغالي ادعي وي عيالي
شما تخلص ليالي اول وانته تالي
ضاگت يابوصالح يلي حجيه مالح
اصحاب المصالح باعوها الجوارح
تظهر هاي أكيدة وادري موبعيدة
بس روحي عنيدة اقبلها شهيدة
ـــــــــــــــــــــــــــــــــــــــــــــــــــــــــ
خادم خدام الحسين ع
مجيد عبد الرضا القريشي
نسالكم الدعاء
هذه وصيتي لو حضر طف المنية
كلكم فده ترحون لاولاد الزچية
لو گطعوا الماي وعليهم شحت الناس
تنطي چفوفك عالنهر يوليدي عباس
هذه وصيتي
________
ما اريد أسهب وسولف عالربا وضيم الظنا
عاينوا لذبلة عيوني وحبل ظهري النحنا
هاي شيباتي أعلى راسي من رباكم چم سنة
لاجل عاشور اذخرتكم بدمعي أودعكم أنا
ولدي أمانة عليكم لزينب تصيرون
مثل الخيم اعليها يولادي تحامون
يم فاطمة باچر اريدن ارفع الراس
تنطي چفوفك عالنهر يوليدي عباس
هذه وصيتي
________
الام التودع ولدها للحرب تبقى بضمه
ابد مايبرد گلبه بنار همها مألمة
فارشة السجادة تدعي والعيون مسلهمه
ربي يحفظكم تنادي بحق علي أو فاطمة
تموت الاصيلة لو رحل عنها ضناها
مثل الشجر من يبتعد ميها ورواها
وام البنين باربعة واليها الاحساس
تنطي چفوفك عالنهر يوليدي عباس
هذه وصيتي
______
بالك حسين وعياله لو عطش يا ابالفضل
بهاي ايديك النهر جيبه حتى لو ما ينحمل
المستحيل لاجله اصنع وانته ابن ذاك الاصل
الشمس ردت ويه ايده من برز يوم الفصل
يبن العوالي عالنهر انته اهلها
عيال الحسين ونسوته چفك املها
جيب العذب يوليدي واجعل ايدك الطاس
تنطي چفوفك عالنهر يوليدي عباس
هذه وصيتي
__________
ربي وي عترة محمد خصكم بهالمسألة
بجالكم زينب اميرة محصنة ومدللة
شما وفيتو وياهه انتم الكم اعظم منزلة
ولو وصل واحد خدرها صيرو سورة زلزلة
لو حرك عباها الهوى اگطعله الانفاس
هذه وديعة فاطمة اسمع يعباس
صعبة تعيش وهالخدر اتشوفه الانجاس
تنطي چفوفك عالنهر يوليدي عباس
هذه وصيتي
__________
بعد هاي الكم وصية بيها فضل من العلي
اي وحگ فاطمة نعمة اي وحگ حيدر علي
من يمر هذا الزمان وال أمية تنجلي
ذكري يمه وي ذكركم بالمجالس ينملي
والي تذكره شيعته يا ولدي مامات
حگه علينه شما طلب نگضيله حاجات
من يقره ليه الفاتحة ويدنگ الراس
تنطي چفوفك عالنهر يوليدي عباس
هذه وصيتي
__________
يمه لو مر الزمان الناس تقره ايتك
وماتظل بهاي حيره هناك تصفه حيرتك
وتظهر الأمة الشريفة هذه ماهي امتك
وياهم المهدي نشوفه بيده هذه رايتك
يرفع شعارك عالنهر وتشوفة الأخبار
يروي الحسين وشيعته من يأخذ الثأر
يطلع طفل صابة السهم اوداجة كالماس
تنطي چفوفك عالنهر يوليدي عباس
هذه وصيتي
__________
مجيد عبد الرضا القريشي
يا أم البنين دخيلج نظرة
هاي الدنيا ..ماتهوى الي عاندها
هاي الدنيا اتسلط من والمها
ونطيك عنوان ... بالكوفة انسان.. تركوه وحده وحيران
هاي الدنيا ... هاي الدنيا
""""""""""""""""""""""""""""""""""""""""""
لو شقق الصدر بحمل وتكاثرت صدماتـــه
يحجي وبعد لاما يظم عن حركته وحسراته
يحجي أعله دنيا الما تود كلمن اصيل بذاته
غدرته وتصاحب نذل ما تنحمل غدراتـــــه
وبالكوفة انطيك المثل عن مسلم وصولاته
انطوه عهد 70 الف وحده صفة باهاته
انظر مسلم ومنه تعلم هالعبرة
وحدك تبقة لاتصدك واحد يبره
وعليه يبغون...واعداء يصفون .. كتلوه وعليه يبجون
هاي الدنيا
ــــــــــــــــــــــــــــــــــــــــــــــــــــــــــــــــــــــــــــــ
من الأساس اسم الشرف لوردت تمشي بدربــة
تربية وعلم ومعرفة وصوت الحرام تغلــــــــبة
المؤمن تجربة بفتن دومه يهيم لربـــــــــــــــــة
والي تبع دنيا تظل من حقد ربك صبــــــــــــــه
انكر على مسلم عهد المن أصلة حية حربــــــه
لاجن شفت هاني نجح ابفضل دينة وحبـــــــــة
ما ذل هاني للطاغي وجاهه ومالة
وشوف القاضي بصره بدل احوالة
شوف الفرقان ... بين الصنفان ..بين الي فاز وانهان
هاي الدنيا
""""""""""""""""""""""""""""""
وصلت مواصيل الغدر بين الابن وي امـه
امه تحامي عن شهم وهو يدسله سمـــــــــه
هاي الولاية يا خلق مو شرط تجري بدمــه
طوعة بنت خير وشرف والابن يطلع نقمه
موقفها انطانة درس ولازم علينه نفهمــــة
اليعاند الدنيا بصبر ياخذ شهادة تعصمـــة
هاي الرحمه موكل واحد يلكاها
الوالى العترة ودنيا القذرة جافاها
وبطوعة نشوف..فارس معروف ... وزلام ما خذهه الخوف
هاي الدنيا
""""""""""""""""""""""""""""
الناس حيرة والبشر لازم يميز اصحابـــة
الاسد لاتظن يبتسم لو شفت لمعة نابـــــة
الخانو بمسلم بشر مخلوقه من ترابـــــــة
بس عاندوا حك لاجل حب دنيته الجذابة
هالامر دين ومعتقد لاكعده لاهي طلابة
يمكن غريب الينصرك ويغدراليمك بابة
بالك تامن بكل واحد لو يضحكلك
اكشف گلبه وتلاكي اللي ميعجبك
لو خان الحيل ... يجمعلك خيل .. وخيام يحركهه بليل
هاي الدنيا
""""""""""""""""""""""""""""""
ومن مسلم أتعلم أمرواضح و بيه العبـــــــــرة
التزم بيه بكل وكت تصفه وحياتك تبــــــــــره
رادوه يضرب طاغية بساعة ضعف من ظهره
لاجن اخلاقة منعته مو من صفاته الغــــــدره
والطاغي لمن حاصره وشدد عليه بأســـــــره
جازاه خسه وعذبه لمن رماه من كصــــــرة
الطيب اصله واضح ومبينة علومة
يضحي بعمره وما يغدر واحد يومه
مسلم مظلوم ...عدموه معلوم ... بس خالد ظل لليوم
هاي الدنيا
""""""""""""""""""""""""""""""""
يوصيك مسلم هلامر ودمعة يتيمة بعيـــــــنة
دمعة على بنته الماروت بعده بهنة من سنينه
ظلت على باب الخيم يا بوية تنده ويـــــــــنة
بعدوك عني اهل الردة من الكصر رامينــة
ومن هاي مسلم يابشر جن شخصه ينادينـه
لاتترك ايتام الدهر نرعاهم يوصيـــــــــنة
غدرت بيهم اهل الدنيا الحيالة
وهالعافتهم اهل الفلس الدجالة
يصبحون يمسون .. عالباب يبجون ..ماظل الوالي ينادون
هاي الدنيا
""""""""""""""""""""""""""""""""""""""
مجيد عبد الرضا القريشي (ابومنتظر)
حسين ..حسين ..حسين
حبيبي يا حسين
ــــــــــــــــــــــــــــــــــــــــــــــــــــــ
حبيبي ياحسين يميزان العقول
صدك باجر على صدرك تسحك خيول
اعله صيوان الخيم خيل اعداءك تجول
وخدر زينب سهام مشعوله تعتنيه
ـــــــــــــــــــــــــــــــــــــــــــــــــــــــــــــــــــــــ
يمحزوز النحر ينور هالنظر
اعله عباس وعليك ظهر اخت انكسر
بعد كافلها حيف بالغربة والخطر
تنادي ياعلي شوف الي اني بيه
ـــــــــــــــــــــــــــــــــــــــــــــــــــــــــــــــــــــ
يا رافع ملتي يا عزي ونخوتي
بعدك يبو الدلال مسبيه عيلتي
صعب يحديني ظال وأسير لغربتي
إلا من اشتكي ومنو الي انتخيه
ـــــــــــــــــــــــــــــــــــــــــــــــــــــــــــــــــ
صعب صعب صعب مرة تخوض الحرب
لچن بنت لعلي ما تنثني لصعب
تحطم كل عرش جيش وماينغلب
چم طاغي الحاربچ وسهمه رجع عليه
ـــــــــــــــــــــــــــــــــــــــــــــــــــــــــــــــ
وي زينب وحسين ما نشعر بندم
الهم مدى العصور جنود احنا وخدم
بهالمعركة عهد ما يوگع العلم
كل ناصبي ويهود بلوانا تبتليه
ــــــــــــــــــــــــــــــــــــــــــــــــــــــــــــــــ
بيكم رفعنا راس يا ميزان العدل
اشما دمنا والجراح ما تقبل تندمل
إلا بثار العزيز نطيب ونستهل
فرجنا والظهور بدمانا نشتريه
ـــــــــــــــــــــــــــــــــــــــــــــــــــــــــــ
مجيد عبد الرضا القريشي
نسالكم الدعاء
نزل هيبة علي الفالق
نزل نجم السما الطارق
نزل وعد الله الصادق
نزل
ــــــــــــــــــــــــــــــــــــــــــــــــــــــــــــ
نزالاته سجالاته شبه عباس باللون
لاهوتي فرط صوتي سيفه يزلزل الكون
بكل غارة اله أنصاره علي وياه يردون
يا حيدر حصن خيبر قلعناه عاليعادون
بده فصل النصر شوفة
بده ثار الضمه بكوفه
بده وعباس وچفوفة
نزل
ـــــــــــــــــــــــــــــــــــــــــــــــــــــــــــــ
تعلمنا تدربنا نقاوم كيد الارجاس
معاركنا طبايعنا اجت من زود عباس
على العادي يهلهادي عصف بسلاحي كناس
ندولبهم نشوفهم رعب شيب الف راس
رمه صاروخ عدناني
رمه قاسم سليماني
رمه سجيل رباني
نزل
ــــــــــــــــــــــــــــــــــــــــــــــــــــــــــــــــ
صدى الهجمة نصر أمه خبرها بالامم ساخ
ابن هاشم غزة الغاشم خلاه ينطق الاخ
بتواريخه صواريخه فوگ ١٣ ماخ
من الغاصب من الكاذب تسمع بس الصراخ
مثل عباس راعبهم
مثل سيفه يلاعبهم
مثل ماسوه ابطفهم
نزل
ــــــــــــــــــــــــــــــــــــــــــــــــــــــــــــــــــــ
يهالعالم إذا مالم اخذتو جيوش مناه
نطب بيها نخليها جثثكم حمرة والله
ولد حيدر عزم بو ذر هوة الكونة نتعناه
مثل اشتر نداوي الشر إذا سل سيف يمناه
قدر هالدين مانبيعه
قدر أمامنا نطيعة
قدر مكتوب للشيعة
نزل
ـــــــــــــــــــــــــــــــــــــــــــــــــــــــــــــــــ
خراساني صرت اني اتبع راية الحگ
فلا يهمني اليعاتبني الختل ابساعة الطگ
ترة الخاين هواه باين يهودي وثوبة انشگ
اجه يومه وفضح گومه ولدنا ادگه الك دگ
اجت والشغلة مگضية
اجت رايات شرقية
اجت تفني اليهودية
نزل
ـــــــــــــــــــــــــــــــــــــــــــــــــــــــــــــــــــــ
بقلم شاعر أهل البيت عليهم السلام
مجيد عبد الرضا القريشي
نصرمن الله وفتح قريب
الطر لامه جدار الكعبة اليوم لبابه يطر قماش
مجيد عبد الرضا القريشي
رايتهم بينت صيحو الف هلا
اجو اجو اجو مشايت كربلا
ـــــــــــــــــــــــــــــــــــــــــــــــــــــ
ها يه خوتي اتحزمو جانا النهر
جهزو موكبكم هل هلاله صفر
شفت زاير من يم دياري عبر
والخدمهم جنة الباري ظفر
اخدم زاير حسين عرف لو موعرف
بترب رجله جنان خطواته بالف
ـــــــــــــــــــــــــــــــــــــــــــــــــــــــ
يهنياله الخدم زوار الحسين
وناصب الموكب ليوم الأربعين
هذا من الساجدين العابدين
محصن بأم الحسن وام البنين
ترضه الزهرة علييه من يخدم الحسين
وتگضي حاجات اله حتما أم البنين
ـــــــــــــــــــــــــــــــــــــــــــــــــــــــــــــــــ
ما نهون بهالخدامة ولانكل
عن طريق حسين ابدن مانزل
هو ميزان الرسالة والعدل
لايمل من عدنا واحنه مانمل
ريت بهذا الطريق امشي طول العمر
انادي ياحسين والعن ذاك الشمر
ـــــــــــــــــــــــــــــــــــــــــــــــــــــــ
ياهلا صيحو على الزار ومشه
ابصباحك لو غداك أولو عشه
الدنيا من خير الزيارة عايشة
وكل عرش طغيان بيها انفلشة
رايات ابو علي ثورة على الفتن
كل اليمحيها راد عباراته انمحن
ـــــــــــــــــــــــــــــــــــــــــــــــــــــــــــ
النصب موكب هذا حاز المغفرة
وبجنان حسين گصره عمره
وخادم العباس خادم زايرة
يحضره لو دارت علييه الدايره
كلام ابي الفضل واحد فلا ثنين
احصنه برايتي الخدم زاير حسين
ــــــــــــــــــــــــــــــــــــــــــــــــــــــــــ
خدمة الزوار نعمه من السماء
باركتها ابكل زمان الأنبياء
وجددت حسين لهاليوم العزاء
علماء وصالحين وعرفاء
حتى الملك نزل يخدم ضامي الطفوف
وينادي ياهلا بالزاير والضيوف
ـــــــــــــــــــــــــــــــــــــــــــــــــــــــــ
خادم زوار الحسين عليه السلام
مجيد عبد الرضا القريشي
نسالكم الدعاء