1644
قناة مختصه بالحان (ملا مهدي الزينبي) يشرفني تواجدكم نسال الله القبول
الما امجرب بالمعاره افعاله
يحذر العباس لا يدناله
.................................
يحذر ولايدنه لجفوف الكمر
لوزعل عباس مطرهه بخطر
بين سيفه ويمنته صار القدر
طبهم وموت الزلم يبراله
««««««««»»»»»»»»
طبهم وضيع عليهه المشرعه
ابو فاضل زود طيبه ابمرضعه
اول الجيش الاخيره يرجعه
المات من السيف هذا اشواله
»»»»»»»«««««««««
الما يموت بسيف مات امن الركض
ضاع طول المعركه وي العرض
اطلابة العباس ماظنهه تفض
وفه حيدر يومن الوصاله
»»»»»»»«««««««««
اهواي محتاجه جهنم للحطب
ولذالك تعثر الخيل ابرگب
الگرب للموت من يمه الگرب
وگبله ميته اهواي من امثاله
«««««««««»»»»»»»
ابلايا ماي الخيمته لامارجع
الحومه من اجدامه موتهه الوجع
غير الادخيلك ابد لاماسمع
اليحجي كلمه من يلم اوصاله
««««««««»»»»»»»»
ابلايا جفه ولايذل ولا وگف
راد يگضيهم لچن ربك لطف
ما رجع لخيام زينب للاسف
خجل منهه العهد ماوفاله
خادم اهل البيت علي الزرگاني /channel/ML_mahhde
أللهم صل على محمد وآل محمد وعجل فرجهم
Читать полностью…
أللهم صل على محمد وآل محمد وعجل فرجهم ياكريم
Читать полностью…
لاتنسونا من الدعاء لي ولوالدي وللمؤمنين والمؤمنات والمسلمين والمسلمات الاحياء منهم والاموات
Читать полностью…
ياعباس ياخويه
ياعباس ياخويه
.........................
رد حيودهـــــــــــم وتريس الغبره
سوي سوايتـــــك وغزيها علشكره
كض الهوه عليهـــــم وكسر الكمره
ياعباس انتــــــــه رويحت الزهره
خويه لهاي رايـــــدتك
لا ينشاف طول أختك
..............................
ياســـــور الحرم ياكشخـــت الساده
ادري أولاد حيـــــــــدر موش نشاده
فوت ولاتهــــــــم بلخيــــل والقاده
خل السيف منهم ياخـــــــــذ مراده
يبــــن المرتضى الانزع
روس السيف خل يبلع
............................
وصلو يابــــــــو فاضل هاي ساعتها
خل السيف يهرج بيــــــــــن زمرتها
ترضئ ام عــــون ويذبــون خيمتها
بين العرب خويه شكبــــــر فشلتها
الخيل الخيل وصلتنه
وطر الناس طرتنـــــه
.............................
ياملــــــح السوالـــف وصلو الدارك
گوم الخيـــل ردها وضمني بكتارك
شصاير يبن ابوي وضاعت اخبارك
هسه تكوم ليها وتاخـــــــــذ بثارك
لا تسكت يبو الشيمه
الكـــــم طيحو خيمه
...............................
كوم الخيـــــل ردها ورد عساكرها
داســــت فوك سدر حسين وخرها
ماكالت خطيـــــــه وكسر خاطرها
من ســــــدره شفت دم بحوافرها
داست فوك أبو اليمه
خيـل وطشرت دمه
...........................
مصطفئ الصالحي
/channel/ML_mahhde
أللهم صل على محمد وآل محمد وعجل فرجهم ياكريم
Читать полностью…
اسئلكم الدعاء لي ولوالدي وللمؤمنين والمؤمنات والمسلمين والمسلمات الاحياء منهم والاموات
Читать полностью…
شجاعة الامام العباس ع
سل سيفه العنيد وكام لاكاها
شمال اعله اليمين بنظره ذباها
+-----:::::-----+
مـا تندل دربها منين حيرها
ابو الغيره الجماجم كام كسرها
يصعب جان ذاك اليوم منظرها
مــا تندل دربها وين خلاها
+-----:::::-----+
طر الروس طرت مرحب بسيفك
نسمع صوت هاذي كربله بكيفك
تلكه الموت عينك ماترد ظيفك
حارت وين يل عباس منواها
+-----:::::-----+
يله يابو فاضل شد عليها وشد
عن خيمت عضيدك خويه لاتبعد
سيفك بالركب عباس كوم ابرد
وي شط الفرات الجاري ادماها
+-----:::::-----+
تفرح بالطلايب فرحت معيدين
شراح يصير ونطاك الامر لحسين
من ياخذ اذن عباس بالصوبين
زينب ما تشوف الهضم عيناها
+-----:::::-----+
شد حيلك ورد الجيش يمشكر
تخلي الكابلك عباس يتحير
راويهم هذاك اليوم موت احمر
مـا تعرف وجها وين مكفاها
+-----:::::-----+
تبدي بالطلابه مـا كلت كافي
ياطيب المرضع من اصل صافي
بختك زينب العباس تستافي
تريدك تبقى يا عباس وياها
+-----::::::-----+
تطرب عالصعايب من زغر سنك
تتونس على الصعبه ولا جنك
تكلب كربله بهل يوم اردنك
عطشت كربله وبالسيف رواها
+-----:::::-----+
كوم اطحن زلمهم طحنت الرحه
وفر بيهم يكافل فرت السبحه
اليكرب من خيمنه بيدك تذبحه
عملت عربله العباس سواها
+-----:::::-----+
حسن صالح العيساوي /channel/ML_mahhde
هليله الاعزاز حمل ضعنهم
وبوحدي ضليت ماجني منهم
شيصبر العيون... من يمي يمشون
حمل ضعنهم
////////////////////
جانت الدنيا شحلاها من الفجر نلتم سوه
منين ياربي اجتنه الروحه هاي النينوى
فاهيه دروب المدينه والهوه ماجن هوه
خلاف شوفتكم يهلنه شينفع وياي الدوه
ضاگت الدنيا أعله عيني
منكم احد خل يجيني
ماوصل ليكم ونيني.. چتال الفراگ
كل مغرب اشتاگ ودموعي تجري
بدون الاهل كون مااعيشه عمري
هدلات المتون.. من يمي يمشون
///////////////////////////
ااخ يفراگ النحبهم نار تسعر بلگلب
همه يمشون بدربهم وانا تيهت الدرب
فوگ علتي راحو اهلي وهلعمر كلش صعب
والهوه المابيه عطرهم نار احسن من يطب
لاخبر منهم وصلني
بلدرب محد فگدني
موش منهم انا جني.. چتال الفراگ
شيخلص الليل للعلته فراگ
تعبني گلبي كل ليله يشتاگ
محتاره وشلون.. من يمي يمشون
///////////////////////////
لااخو يحس بونيني يگول أخيتي بياكتر
ماوصلكم دمعي يجري مو جزع مني الصبر
من طلعتو بغبشه كلكم كمت اكرهنه الفجر
يخلص بحيطان عمري شنو فايدته العمر
كون ميته ولاشفتكم
من مشيتو گبالي كلكم
مانغز مره گلبكم.. چتال الفراگ
طفله اوحيده وتريد أهلها
كلكم مشيتو بالدنيا شلها
مااضن تردون.. من يمي يمشون
//////////////////////////
شلها بالدنيا العليله لاابو يمها واهل
عافها بوحدها تبجي ولم العيال ورحل
نخمش گلبي من مشيتو لردتك ماكو امل
خاف ماكو مچان اليه خلني اگودلي بجمل
خلصت عمري عليله
خلافكم ياهو اشتكيله
اعليه هل فرگه ثجيله.. چتال الفراگ
مايقبل ايهيد گلبي أعله الغياب
لاينفع النوح لاينفع اعتاب
هلبت يردون.. من يمي يمشون
/////////////////////////////
امجد عداي الزيدي /channel/ML_mahhde
أللهم صل على محمد وآل محمد وعجل فرجهم ياكريم
Читать полностью…
اسئلكم الدعاء لي ولوالدي وللمؤمنين والمؤمنات والمسلمين والمسلمات الاحياء منهم والاموات
Читать полностью…
قصيدة ( سحك قصر الاماره ) الى سفير الامام الحسين مسلم بن عقيل عليهما السلام
سحگ قصـر الامــاره بگلــب مستـعــره نـاره
اعتـلا يقــره الزيــاره السلام عليك يا حسين
*
طعم الزيــاره يختلــف
لو طبگ وي طعم النزف
وكت الشدد مــا تنسي محـــــــال
أول زياره من الگلـب
تعجز توصفها الكتــــب
يا كاتب أيوصفها الي بمقــــــال
من نوى فرض الزياره مسلم شچان الشعور
سيـدي يحسـين ازورك لكـن أبــدم النحـور
وانته تستاهل يغالي اسحگ القصــر وازور
يبو اليمــه إمــامـي ازور وگلبي ضامي
الك ابدي بسلامي السلام عليك يا حسين
*
لزيارتك صعب الشرح
يا سيدي أبطعــم الذبـــح
أول زيــــاره أمطــرزه أبـــدمــــاء
نكتبت أبصفحات الدهر
وانرسمت أبأغرب صــور
أول زيـــاره تـعتــلـي السمـــــــاء
بالزياره حسين يسمع صوتك الكلش عـذب
مر ببواليمه سلامك كـال هــذا من المحـب
تقبل ادخل يا أمامي لجنتك وســط الگـلب
قبل فـرض المناحر أنــادي وگلبي حاير
أمـامي اقبلني زاير السلام عليك يا حسين
*
متيمم أتراب الحــــرب
وثوبك جديد من الضرب
ومتعطـر بــذاك الدمــه اليســيل
لجـــل الحبيب اتخذمت
مسلم شبيهك ما شفت
هاي آخر ازيــاره وبعد رحيــــــل
ابد ما هماك جرحــك همــك أتزور الإمــام
انه ما شايف شبيهك تنزف اجروحه غرام
يبتدي بحاضر أمامي وينتهي بأجمل سلام
أمامي وانته غايه الك دمـــي البدايه
و أزورك بالنهايه السلام عليك يا حسين
*
يا سيدي كاتب درس
عن الابه وعزت النفس
حد الممات ومــا تذل عجيـــب
ظنـوا تمدهــا يمنتـك
والهم تنزل هــامتــك
گلت انه ربـاني علي الحبيــب
ما اعوف حسين أمامي اكتب أبدم الـوريد
والله اگص اچفوف أديه وابد ما أصافح يزيد
الفوز ابواليمه قبلني دونه من اوگــع شهيد
أموت انه أعلى حبه أمامي ومايه اشربه
أزوره وأهوى دربه السلام عليك يا حسين
*
بيــن الزيــــاره والحـــرب
يا سيدي حسرة محب
فـوگ القصـر منــك بـدت دمــــوع
من تهوى انته أعلى الارض
حسيت بالخيل شترض
يا سيدي ابطــــف كـــربله ضلـــوع
بين فرض الموت حاير بين فرض ازيارتك
چنت تتمنى يا مسلم خيــل بالطف رضتـك
دون ابو اليمـــه حبيبـك بالحوافــر جثتــك
اظل بيك انه حاير قلم ومتاني شاعر
زرت بس بمشاعر السلام عليك يا حسين
**
الشاعر
موسى البديري /channel/ML_mahhde
وداع الحسين ع مع علي الاكبر
(موشح)
. اتـمــدد ابــطـولــه وحـبـيـبـه وَدعــه
والـدمـــع بـيـنـاتـهـم طـاف وسـعـــه
*---------------*---------------*
مو سـهـل وداع الأكبـر مـو سـهـل
خـلـه دمـع احـزانـهـم عالخد يهـل
أيشيب مـن يَمـه الجنين وينذهـل
مـا رحم گـلـب الحسين أوگـطـعّـه
*---------------*---------------*
اتـمـدد حسيـن اوينادي ياعـلـي
ريـت يوليدي ابدمعنـه نـخـتـلي
وَدّعـه ونـيـران گـلـبــه تـغـتـلـي
يـدري بـالاكـبـر تگرّب مـصـرعـه
*---------------*---------------*
مـاوصـل عشريـن وبـعـمـر الودد
اليشبـه الـمـخـتـار سـالـم مـايـرد
راد الـحـسـيـن بحـبـيـبـه يـنـفـرد
بـعـد سـاعـات ابـدمـاه ايـرجـعّـه
*---------------*---------------*
اتوادعوا وودعاهم مثـل الجمـر
امسجّل ومكتوب بالطـف الأمـر
هالشباب ايـروح وبـريـع الـعـمـر
للجيوش البـالحـرب مـتـجـمـعـه
*---------------*---------------*
ضـجـه صـارت بالـخـيـم للعايلـه
راح الاكـبــر والـمـدامــع هـامـلّـه
بالسيوف الجيش كله استـقـبـلـه
ألـتـمّـت اعلـيه الاعـادي مـسرعـه
*---------------*---------------*
✍خادم علي الأكبر (ع)
الشاعر رعد الجريخي /channel/ML_mahhde
نزل ليهه وسيف حيدر بيده
وصارت اعليهه الجريبه بعيده
ابو فاضل ابو فاضل
.......................
اتوضه بالخوه وطلع راعي العلم
وبعلي الكرار ظل يقسم قسم
راح اجيب الماي وارجع للخيم
اليوم شطهم ينترس موماي دم
صگر وبكيفه يدور الصيده
ابو فاضل ابو فاضل
.............................
صاحت الخياله حيدر هذا طب
من كثرما سيفه ظل ينثر ركب
گرب من الموت كلمن ليه گرب
روسهم بالماي صبهن بيده صب
ايصير بالميدان شنهو ايريده
ابو فاضل ابو فاضل
...................................
منين ما طبلهه ضنو بي علي
كفو يالبيه هضم زينب ينجلي
آنه ذخر النايبه وسور الهلي
اعله من الخيم دمهم يعتلي
نذر لحسين العمر مااريده
ابو فاضل ابو فاضل
...................................
واحد امن الجيش بالطف ماوگف
لحدما وصلو ركض حد النجف
بيده بيرغ للوفه وللخوه رف
موغرف ماي الزمن كله انغرف
والعتب ويه الفرات ايزيده
ابو فاضل ابو فاضل
...................................
ما اريد الماي يحجي ويالنهر
ليش مايك چم خلگ بالطف كسر
راح ارد والساعه تنعد ابشهر
وراح يم جرفك ولايسلم ضهر
يفرح اليسلم فرحته بعيده
ابو فاضل ابو فاضل
خادم اهل البيت علي الزرگاني /channel/ML_mahhde
يا مسلم مـا ننســه مصابك
**
يالمتفضــــــل دوم اعلينـــــــه
والله يومــــك مـــا نـاســــينه
نــاخــذ ثـــارك وي مهــديــنه
من يِصلي الجمــعة بمحرابــك
**
من ظليــت بوحــدك حــــاير
لا أخـــوة ولا عنـــدك ناصــر
مثل حســين بيــــوم العــــاشر
بَچـــه حســين شكَــد صـوابك
**
بدِينــك يــا مُســـلم متجـــــامل
لهـذا بروحـــك كَمـــت تقـــــاتل
من شـــافك ربـــك تستــــــاهــل
خلـــه الكـــل يسجـــد بعتــــابك
**
لصحنـــك مســـلم مـن نتــعنه
أول مـــرة انحــــس بالجنـــــة
يمـــك مـــا نرجــــع نتمنـــــــه
واسنينـــي اكَضيـــهن يم بابـك
**
لســـه الدنيـه تسولـــف عنــك
والعـــالـَــــم يستَلـــهم منــــــك
حيــدر فـــارس خيبـــر چنـــــك
ألعــن كـــل واحــد مــا هــابـــك
**
يالبالكـــــوفه تقـــاتل وحـــدك
يا مسلــــم ناصـــر ما عنـــدك
تستشهد كِـــل لحظـــة بــــودك
يالسيفـــك مــــا طــب كَرابــــك
**
عالكــون تظـل شمسك تسطـع
مثلـــك للظــــالم مـــا نركــــــع
منجاملــــهم لـــــــــو نتكَطــــــع
تأثرنــــه بعزمــــــك وآدابـــــــك
**
شنحچيـــلك مســــلم شنفصـــل
بإثـــــارك يوميـــــة نرَتـــــــــل
المهديكم يمتـــــه الله يعَجـــــــل
ويبوســون چفوفــــه احبــــابك
**
لليــــــوم الحـــق مــا يردونـــه
لــــــو رَد حســـين يذبحـــــونه
كل شيعـــي يــزور يكفـــــرونه
الودهـــا التنسف حتــى ترابـك
**
يظــهر يمتـــه المهدي القــائم
وهوه بمكـــة يصــير الحـــاكم
الله يلـعن بـــــــي كـــل ظــــالم
تأخر كَـــل للمهـــدي اغيــــابك
**
حيدر حسين الكَرعاوي /channel/ML_mahhde
زنجيل
قصيدة رقم ١٥
واويــــــــلاه مهـــــــدك خالـــــــي ( تجليبه )
شاعر أهل البيت / جابر النجفي ـــ التاريخ 5 / 10 / 2011م ـــ 7 / ذي القعده / 1432 هـ ـــ ديوانيه 07804314411
يريت النبله صابتني إوخُلص عمري === ولاشوفن دماك إمن النحر تجري
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ولا شوفن يعبد الله النحر مدمي == مصابك ياوحيدي للنظر يعمي
يبني إو ياحبيبي تيهّت إسمي == أنظُر للمهد يبني إو خُلص صبري
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أنظُر للمهد يبني إو تصب عيناي == أذكرك من ﭽنـــت نغمة فرح ويّاي
تداوي إجروحي يبني إو ياحلم دنياي == أشوفك تبتسم والهم يمُــر يسري
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أشوفك تبتسم والهم يصير أفراح == يمْنَوّر حياتي إو ﻟﻟﮔلب سبّاح
شلون إتروح عنّي ما بعد أرتاح == حليبك در يعبد الله إو غده يجري
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حليبك در يعبد الله الرحت عطشان == طَلَبْلَك ماي أبو اليمّه إو رجع حيران
نحروك إبحقدهم زمرة الشيطان == لظل بعدك أنوح إو أنتظر ﮔبري
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لظل بعدك أنوح إبليلي وإنهاري == أهز مهدك يعبد الله إو تشب ناري
يصير إترابك المأوى إو إلي داري == تظل آهاتي تنزف من لظه صدري
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تظل آهاتي يوليدي تباريني == وإرسومك تمـُر بيّه إو تسـُر عيني
صوتك آني أسمعه دوم ياتيني == وأسهر ليلي ما نام أنتظر فجري
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وأسهر ليلي ما ينزل عليّه النوم == أشوفك طير مصيوب إو يوُن مهضوم
ما بين السمه واﻟﮔاع بس مهموم == تناديني يعبد الله نلت أجري
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تناديني يَيُمّه فاطمه الزهره == خَذَتْني إو من نواظرها تصب عبره
ونادي ياحبيبي آني منتظره == أجيك إو فاطمه الزهره تجي إبحشري
ــــ
مع تحيات شاعر أهل البيت / جابر النجفي/channel/ML_mahhde
انه العليله. انه العليله
انه بالحزن ضليت چا ياهو اليداريني
عني من مشو الاحباب عليهم هالعمت عيني
شتاني وانه بس هموم عليه ومن يداويني
مشتاگ الگلب مشتاگ ألهم من يوديني
انه العليله. انه العليله
سجاجين الهجر طرن دليلي وزادت العله
من گوطر ضعن أهلي وگليبي بعد شله
أموت أحسلي يا روحي أموت وموتتي احله
ما اتحمل هجر انه كل ساعه الدمع هله
انه العليله. انه العليله
سجه صارت أبابي بكد الروحه والرده
أسأل رايح وراجع ومحد ينطي النشده
ما شفتو ضعن اهلي تركني وهالمشه وحده
ياهو الظلي أبداري بس الحسره والشده
انه العليله. انه العليله
ظلت حسره أبگلبي جي ما خذوني انه
اكظي الليل بدموعي ونهاري كله حزنانه
الفارك اهله خله يموت لو سد وكته بيبانه
الهجر يكتل يهل بيتي جم دوب ابقه سهرانه
انه العليله. انه العليله
من كَد الصبر مليت عالفركَه بعد ما أصبر
أتاني جية أحبابي وعلى باب الأمل انطر
شيفيد الصبر ياناس مابيه بعد لا أكدر
غريبه بلا وطن چني يوميه أموت أكثر
انه العليله. انه العليله
أصبْر روحي وأتامل ياساعة ويجون اهلي
بعتبة بابي اتحسر واشوف اليمشن بحلي
چا يمته يرد الراح عگبكم انا وشألي
عليه والدمع شاهد وانا مفاركة خلي
انه العليله. انه العليله
ل اسعد الناصري /channel/ML_mahhde
لمولاتي فاطمة العليله ع
ليش يابويه بحزن عفتوني
ذبلت بكثر البواجي عيوني
حملت ضعنك يبويه من مشيت
عيون مش دموع لفراكك بجيت
بالعليله اخلاف عينك ما دريت
يتيمه يابويه الخلگ سموني
ليش عفتوني وحيده بلا أهل
عني من احبابي ما واحد سأل
هيج يابويه أگطعت مني الأمل
حسره ضلت بيه ما اخذتوني
شحمل اهات ومصايب هالزمن
عيوني من كثر البواجي هالعمن
يلي ماشي وما ترد بهل الظعن
موش كواكه لون سألوني
على فراگ الاهل ما عندي صبر
دون ابوي حسين وشيسوه العمر
ريت عمري بويه بخلافك گصر
تغير بكد المصايب لوني
ياحسرتي شلون ما احمل غياب
ما اريد فراش عاشرت التراب
بويه عميه العين من هذا المصاب
ياهو انشده اعليكم يعذروني
ل اسعد الناصري /channel/ML_mahhde
أللهم صل على محمد وآل محمد وعجل فرجهم ياكريم
Читать полностью…
يلرايح وتاركني بلبيت
ترد بسلامه لگلبي ياريت
روحي اطلعت من الضعن راح
عله أعله علتي حسين حطيت
=========================
مشه ضعن النحبهم والگلب غيم
وعيون الوحيده الليله تهمل دم
مااريد انكساري بعين ابوي يصير
خاف بكسرتي الوالد يضل يحلم
تحظر ضعنهم وي الغروب
وگلبي بقى أعله الباب مصلوب
محتاره اضمن دمعتي شلون
مثل الترد خسرانه رديت
عله أعله علتي حسين حطيت
========================
على طولت دربهم دمعتي تبدي
انه بهل دنيا غير حسين ماعندي
افكر بلدرب يكضي شوكت ويعود
مصيبه وي المرض ابقى انا الوحدي
والليل اخلصه لحضنك اشتاگ
مامش دوه للعلته فراگ
شنهو اليطيب علت الروح
بنيتك تناطر ليش مااجيت
عله أعله علتي حسين حطيت
===================
بده موسم رحيلك والمواسم هاي
بس حسين خضر لاكن بلا ماي
طايح والشمس فوكاه ثلث ايام
ياوردة ربيع الماكو يمها فياي
ليليه افكر نايم شلون
من البجي ماضلت عيون
وشلته دمع العين بجفاك
عكبك يتيمه هنانه ضليت
عله أعله علتي حسين حطيت
===================
مشت كلها وي ابوي وجني مو بته
گلت هسه يتذكرني ومشه سكته
لاخلاني اودعه ولارحت وياه
لاخلاني اعطله ولااني عاتبته
شيرده ليدي الماي لو طاح
هوه الهجر هم خوش ذباح
مااريد اذبن ماي بجفاك
للرده دمع العين بديت
عله أعله علتي حسين حطيت
==================
الك وبكل ركن يحسين إثر موجود
وأخيي گماط اله براسي علگ مشدود
شكثر شادهني ذهني ويلچم التفكير
متى يكضي السفر هذا واليه يعود
أمنيتي اشوفه راجع وياك
وذيج العليله يگول تتناك
ليليه اگولن باجر يعود
بوهام اعيش ايامي ضليت
عله أعله علتي حسين حطيت
==================
امجد عداي الزيدي /channel/ML_mahhde
#نعي
مايصح طارش للمدينه
يخبر رسول الله علينه
يكله الحسين مفرهدينه
وصدره بحوافر ساحكينه
عالرمل خلي يكله مكلوب
مخضبين وجه وحيله منهوب
مسلوب ابن الزهره ملسوب
عريان ماخلو عليه ثوب
يحجيله عن حيرة بناته
صارن سبايه مدللاته
بضعونهن تحدي الشماته
وراووهن الماشايفاته
طلعن الجانن مايطلعن
واعله الهزل تاليها ركبن
هنه مشي بلكوه يمشن
اشلون بالهيمه يركضن
ممشه الهزل مالايك الهن
سادت الدنيا ذني اهلهن
والسوك موش اولام الهن
وين ابو فاضل وينه عنهن
قاسم الغزالي
#اللهم_عجل_لوليك_الفرج /channel/ML_mahhde
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
كل عام وانتم بالف خير وصحة وسلامة يارب العالمين وجعلنا الله وإياكم من خدمة الحسين ع
Читать полностью…
جان الوداع ابدمعة العين
بثنين اديه شابگه حسين
بنته العزيزه ماودعاني
حمل ضعنهم ماحملاني
بويه يحسين بويه
.................................
شكابر والنفس مابيه اجرنه
وكل نگلة جدم تتبعهه الف ونه
اشحاله الشاف ابو ناوي السفر عنه
تشابگنه لحدما دمعي بللنه
گتله الاموادع يحني الاضلوع
من عيني حد اجدامي الادموع
كل العمر يوم ما فارگاني
بنته العزيزه ماودعاني
................................
شسولف والهظم كل چلمه يبرالي
طحت وحسين گام ابچفه تچالي
يبويه حسين گتله انظر الحالي
اموت اخلاف عينك يغله كل غالي
عني اذا ياوالدي اتروح
شنهو اليهود بيه الاجروح
يالماكو منك بالدنيا ثاني
بنته العزيزه ما ودعاني
...............................
الابو طبعه حنين وكله حنيه
اشما تطلب بناته ايگول مگضيه
اول مره بيتي ماهو راعيه
اظل بالباب اناطر للضعن جيه
ياچلمة الوين تلچم حناني
بنته العزيزه ماودعاني
................................
گبل يومين تدري امحضره هدومي
واناطر چلمتك يافاطمه گومي
ثلث تيام مامر الجفن نومي
واكل گلبي العتب ياوالدي لومي
شيفيدني يا دمع الاعيون
كل العلاوي ركبت اضعون
چلمة اصعدي ضليت اتاني
بنته العزيز ما ودعاني
.................................
يالامودع علي وتبرالك الزهره
راح ابقه ضعنكم يرجع انتضر
اشيرد الماخذ اعله اهل الذبح نحره
الخيل اتسحگه عشره تتبع ابعشره
مارجع الميتين الاصياح
بالروس باجر تكشخ ارماح
خالي ضعنكم لو رد واجاني
بنته العزيزه ماودعاني
..............................
اناطر والبواچي ترهم الوضعي
ليل انهار بعدك مايجف دمعي
چلمة ياخطيه صوبت سمعي
وعلي بجفاك اگومن وارتجي بضلعي
عالگومه مابيه بعد حيل
تدري امنازع يخلص اليل
سهمك يغالي ريته رماني
بنته العزيزه ما ودعاني
خادم اهل البيت علي الزرگاني /channel/ML_mahhde
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم اسئلكم الدعاء
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…