💐سلاسل💐ورويات💐كفايةذنوب💐

02 April 2024 04:44

💰 شارك هذا الرابط مع اصدقائك وكل شخص يأتي من خلال هذا الرابط الخاص بك سوف تكسب 50 ﷼ سعودي.🔥


🖲 عدد دعواتك : 27

🔗 رابط الدعوة الخاص:
/channel/FreeCoin_MoneyBOT?start=0568551640

🔥  للفوز بمبلغ  1000 ﷼ سعودي سارع بدعوة 20شخص فقط خلال 24 ساعه  يتبقى امامك من الوقت لانتهاء المسابقة⏳18  ساعات و : 17 دقائق

🎁 بعد انتهاء وقت المسابقة الحالية وتبدء مسابقة في اليوم التالي

💐سلاسل💐ورويات💐كفايةذنوب💐

20 February 2024 06:44

/channel/FreeCoin_MoneyBOT?start=0568551640

💐سلاسل💐ورويات💐كفايةذنوب💐

29 April 2023 22:15

"يا أيتها النّفس المطمئنة ارجعي إلى ربك راضية مرضية "
قناة الشيخ عبدالله كامل رحمه الله تعالا
/channel/Abdallah_kamel_1

💐سلاسل💐ورويات💐كفايةذنوب💐

04 March 2023 11:02

اكسب المال بعملة الريال السعودي من خلال التليجرام من مشاهدة الاعلانات ومشاركة الروابط /channel/FreeCoin_MoneyBOT?start=0568551640

💐سلاسل💐ورويات💐كفايةذنوب💐

13 April 2021 06:52

🌻 •رابعاً : نظّم وقتك كويس أوي .. نظم وقتك ورتّبه .. وبلاش تقلب الليل نهار والنهار ليل !! إلا لو عندك ظروف خاصة ومش هتقدر تذاكر بالنهار كويس ..
👈 حاول تبدأ من الصبح ، أول النهار ، من بعد صلاة الفجر ، علشان تنال بركة دعاء النبي صلى الله عليه وسلم : (اللهم بارك لأمتي في بكورها) ..

👌 وخد بالك إن تنظيم وقتك.. هو أهم حاجة في موضوع المذاكرة على الاطلاق ..

👈ولازم تعمل جدول تكتب فيه كل لحظة هتعمل فيها إيه ..؟!
📜 اعمل جدول بس يكون معقول .. بحيث تحدد أولوياتك ، و تذاكر الحاجات المهمة، وتخصّص لها وقت كافي ..
📌 ومتقسمش المحتوى بالكمية، إنت كده كده مخصّص له وقته ، لو عملت كده هتركّز ومش هتفكر في الكمّ على قد الكيْف ..

👈 وإوعى تستسلم لليأس والاحباط لو عملت جدول ومقدرتش تمشي عليه
👈 شوف المشكلة فين بالظبط وصلحّها .. واللي يفوتك انساه تماماً وكمّل عادي بقية الجدول وكفاية احباط بقى ..كمّل وإوعى تكسل واستعن بالله ، وهتلاقي التيسير بفضل الله ..

🌻 •خامساً : لاااااااااااااااااازم تكتب .. إستخدم الورقة والقلم في المذاكرة .. وحاول تلخّص اللي فهمته في الآخر أو تلوّن المختصر المفيد ..

👈 وتأكد إن المذاكرة من غير كتابة ســــــــــــــراب !!!
📌المذاكــرة من غير كتابة هتطيــــــر في الهـــــــــــوا !!!!
👈ده غير إن الكتابة هتساعدك على التركيز وعدم السرحان ..

🌻 •سادساً : لو لسه مبدأتش ، إبدأ من دلوقتي حالاً ..
يعني الناس المزنوقين والمُحبطين وملحقوش يفتحوا كتاب لحد دلوقتي وبيسألوا هو فيه أمل ؟؟

🔊هنقولهم : وهو يفرق في إيه فيه ولا مفيش ؟؟؟!!!
هو إنت عندك إختيارات أصلاً ؟؟!!!!
👌قوم وإبدأ إنت بس دلوقتي حالاً، فوراً !
👈 وأكيد لما تذاكر أي حاجة ، هيكون أفضل 100 مرة من وصلة الحزن والاكتئاب اللي هتعيشها لغاية الإمتحانات !!
👈وبعدين مين فينا ماتزنقش في مادة أو مادتين ليلة الإمتحان ؟؟
👈بس اجتهد وجاب آخره وربنا أكرمه كرم مكانش يحلم بيه !!

👈 دوس إنت بس ..
👈وتأكد إن ربنا هيكرمك ..

#محترف_رمضان

💐سلاسل💐ورويات💐كفايةذنوب💐

13 April 2021 06:52

❄️ محترف في رمضان ❄️

4️⃣📜 تراويح وقيام ليل باحتراف📜

🌺 صلاة التراويح في رمضان من أروع الحاجات اللي بتسعد القلوب وتصلحها ..
وهما 30 يوم في السنة كلها اللي بنتصليها فيهم ..
👌فاجتهد إنك تحافظ عليها علشان تكون من المغفور لهم ، اللي النبي ﷺ قال فيهم :
(من قام رمضان إيمانًا واحتسابًا غُفِر له ما تَقَدَم من ذنبه) متفق عليه

👈📜 وخد شوية النصايح دي لعلها تنفعك بإذن الله :

📌 خلى أكلك خفيف على الفطار .. علشان متتعبش ، وشوية وتلاقي الحموضة اشتغلت والقولون اشتغل ، وتضيع الليلة منك !!

📌وكمان علشان تعرف تركز في الصلاة ، لأنك لو تقّلت فى الأكل هتهبط ويجيلك خمول وغالباً هتنام أو أكيد هتنام حتى وإنت بتصلي !!!

📌وحاول متخليش أكلك كله على مرة واحدة، يعني في الفترة ما بعد المغرب لحد السحور ممكن تاكل أكتر من وجبة .. ده هيريحك جامد بإذن الله ..

📌وبلاش تشرب ميه كتير بعد الأكل مباشرة .. مش هتعرف تهضم وهتلاقي نفسك تقييييل جداً ومش قادر حتى تاخد نَفَسَك !! اشرب ميه قبل الفطار براحتك وكذلك طول الليل ، اشرب مياه كتير علشان تعوّض كمية السوائل اللي بتفقدها بالنهار ..

📌 لازم تكون واخد قسط كويس من النوم ، علشان متنمش وإنت بتصلي زي ما بنشوفه بيحصل لناس كتير !
👈 اختار مسجد هادي تصلي فيه ، حتى لو بعيد ، حتى لو في بلد تاني ..
المسجد من أهم عوامل الخشوع في الصلاة .. لأنك لو هتصلّي في مسجد فيه أطفال بتلعب طول الصلاة ، أو ناس كبار بتتكلم وتتخانق على الكبيرة والصغيرة ، أو شباب بيعمل دوشة ؛ صدقني مش هتعرف تخشع أبداً !

👈ويا سلام بقى لو الإمام كمان صوته هادي وخاشع وبيقرأ بمقدار آيات مناسب .. يبقى كده تمام أوي ..

👈 لاااااااااااازم تكون عارف الجزء اللي هيتقرأ في التراويح ، وتكون محضرّه كويس ومجهز تفسيره ، وتركز مع الشيخ وهو بيقرأ ، ومتبقاش قاعد مستني امتى هتخلص السورة وامتى الإمام هيركع ؟

👈📌حاول تركّز مع كل آية ، ركّز مع القرآن واسمعه بقلبك وتدبّر الكلام اللي بتسمعه ، علشان تعرف تستمتع بالتراويح ومتحسش بالتعب . علشان تطلع من الصلاة بقلب عاش مع آيات الله وارتوى من معانيها وارتقى في درجات الإيمان ..
👈ويا ريت لو تقدر تستغل الوقت اللي معظم الناس بتضيّعه بعد الفطار ، ما بين المغرب والعشاء في إنك تقرأ الجزء ده وتراجعه ..

🌿 تفاعل مع الآيات زي ما حبيبك النبي صلى الله عليه وسلم كان بيتفاعل ..
الرسول صلى الله عليه وسلم كان عندما يقرأ آيه عن العذاب، يقول أعوذ بك من عذابك .. آية عن النعيم يقول اللهم ارزقني من فضلك .. آيه عن الصادقين، يقول اللهم اجعلني من الصادقين ..

📌 بالنسبة لصلاة القيام أو التهجّد : فدي صلاة خاصة بينك وبين الله سبحانه وتعالى ، محدش بيشوفك فيها ..
👈 صلاة بتصلّيها في وقت خاص ، وقت تنزل الملك للسماء الدنيا وهو يقول :
(هل من سائل فأعطيه ؟ هل من مستغفر فأغفر له ؟ هل من تائب فأتوب عليه ؟ )

👈ركعتين القيام دول شرفك .. كما قال الرسول صلى الله عليه وسلم : (شرف المؤمن قيامه بالليل ) ..

👈 ركعتين تطفي النور وتقف فيهم وإنت خاشع بين يدى الله سبحانه وتعالى .. وتحاول ترتل القرآن بتجويده وإحسان قراءته وتحسين الصوت به ..

👈 ركعتين تعيش بقلبك فيهم مع القرآن ولو هتقرأ بآية واحدة وتكررها ، ولو هتقرأ بسورة صغيرة زي سورة ق أو يس أو الملك أو الحاقة أو النازعات أو الفجر أو الزلزلة، أهم شئ تحاول تزلزل قلبك وتخلي عنيك تدمع من خشية الله فيهم..

👈 ركعتين تطوّل في سجودك فيهم وتناجي ربك حبيبك وتفضفضله وتدعو الله بما شئت وبما تريد وبما تتمنى .. تسجد وتقترب وتعيش بقلبك مع معاني المناجاة ..

📌 يآآآآآآآآآآآآآآآآآه .. الركعتين دول دنيا غير الدنيا.. لما تجرّب الكلام ده وتعيشه بقلبك ، هتتمنى إن الفجر ميطلعش علشان تفضل في الجنة اللي إنت عايشها دي !

👈 ومش شرط يكونوا ركعتين بس،ممكن تزود؛ قال :(صلاة الليل مثنى مثنى)
ولو مش هتقدر تصليهم آخر الليل ؛ يبقى تصلّيهم قبل ما تنام على طول ، وتجعل آخر عهدك بالدنيا قبل النوم الصلاة .

الحلقة القادمة (مذاكرة باحتراف) بمشيئة الله تعالى
🌟🌟🌟🌟🌟
#محترف_رمضان

💐سلاسل💐ورويات💐كفايةذنوب💐

05 April 2021 05:54

❄️ محترف في رمضان ❄️
2️⃣📜 صيام باحتراف📜

الصيام عبادة ملائكية .. بتخلّيك شبه الملائكة ..
يعنى بتتجرد وتترك كل متع الدنيا الأساسية .. مفيش أكل ولا شرب ولا شهوة ..

الصيام حرية بيتحرر فيها الإنسان من قبضة الطين اللي بتجذبه لشهوات الأرض ، يعني الصيام بيخلّيك حرّ ، مش أسير ولا عبد لأي شهوة مهما كانت ، بيخلّيك عبد خالص لله .

الصيام يعني إمتناع عن كل حاجة تغضب ربنا سواء فعل أو قول أو حتى نيّة لا ترضي الله ..
الصيام يعني اخلاص ومراقبة وحب وتعظيم وامتثال وحمد وشكر وقمة العبودية لله ..
الصيام يعني تصوم بقلبك قبل جوارحك ..

فالقلب الصائم : قلب مُتحرر من حُب الدنيا والتعلق بشهواتها, مُعرض عن الهمم الدنيئة والأفكار التافهه طلباً للنعيم الأعلى والراحة الدايمة في الآخرة ..

والقلب الصائم : قلب مشغول بيفكر في الآخرة , وإزاي هيقابل ربنا ..

والقلب الصائم : قلب سالم من الأحقاد والضغائن ، مفيش فيه لأي حد من المسلمين غل ولا شر ولا حسد ، بل يعفو ويصفح ويغفر ويتسامح , لأنه لا مش فارق معاه منصب أو جاه أو مال أو حاجة هتزول أو متاع هيفنى وينتهي ..

والقلب الصائم : قلب ساكن متواضع مفيش فيه شئ من الكبر والغرور والتعالي في الأرض ..

والقلب الصائم : قلب مُخلص مش عايز غير وجه الله , مش بيطلب إلا رضا الله , مش ببيتلذذ بغير محبة الله وذكره وشكره وحسن عبادته .

✍️ وخد شوية النصايح دي لعلها تنفعك بإذن الله :

👈 اتسحر سحور خفيف علشان بطنك متتعبكش أثناء الصيام ، وفي نفس الوقت حاول يكون مُغذي وبيدّيك طاقة علشان تقدر تبذل مجهود في شغلك وعبادتك وإنت صايم ..

👈زي إيه ؟؟ زي الألياف اللي موجوده في أغلب الخضروات والفاكهة وأشهرهم التمر.. وبلاش الحوادق الشديدة زي الجبنة الحادقة والمخللات أو الحاجات اللي فيها سكريات شديدة زي الكنافة والبسبوسة والقطايف علشان جسمك بيحرقها بسرعة وهتعطشك جامد أوووووي !!

👈 بلاش كلام كتير مع أي حد ، علشان اللي بيتكلم كتير لازم هيغلط كتير ، وخلّي لسانك مشغول بالذكر أفضل !!

📚 قال الإمام أحمد رحمه الله :
[ ينبغي للصائم أن يتعاهد صومَه من لسانه، ولا يُماري في كلامه، كانوا إذا صاموا قعدوا في المساجد وقالوا: نحفظُ صومنا ولا نغتابُ أحداً. ]

🤕 أي حد ينرفزك أو يحاول يستفزك أو يغضبك إوعى تتكلم وترد عليه واسكت خالص خالص .. زي ما النبي صلى الله عليه وسلم قال: ( إذا غضب أحدكم فليسكت ) ..👌ولو هتردّ تقول "إنى صائم" ..

👈 بلاش خروج كتير إلا للضرورة علشان تحافظ على صيامك من الفتن اللي في كل مكان حواليك ، وكمان علشان متخرجش في الحر فتتعب وتعطش ، وعلشان توفر طاقتك ومجهودك بقدر الامكان للطاعة والعبادة ..

👈 كل ما تحس بجوع أو عطش أو تعب و ارهاق ، افتكر قول الله تعالى في الحديث القدسي : ( يدع شهوته من أجلي ) .. 👈 و بُص للسما وابتسم وقول في سرّك "هستحمل علشانك ياربي ، بس إنت ترضى وتتقبل يا حبيبي يا الله" ..وساعتها هتلاقي كل التعب راح واختفى بفضل الله ..

👈 وكل ما تقابلك فتنة .. أغاني ، أفلام ، مواقع ، بنات ، غيبة ، نميمة ، مال حرام ..إلخ .. قاوم نفسك وشهوتك وافتكر كلمة "من أجلي " .. وقول لنفسك هصبر وهستحمل وكل حاجة هتهون علشانك يا رب ..

👌قبل المغرب تكون في المسجد ، ومعاك تمر تفطر عليه وتفطّر عليه الناس ، وتصلي المغرب الأول طبعاً وبعدين تروح تكمل أكل في البيت ..

الحلقة القادمة (صلاة باحتراف) بمشيئة الله تعالى
__________
#محترف_رمضان

💐سلاسل💐ورويات💐كفايةذنوب💐

05 April 2021 05:54

❄️ محترف في رمضان ❄️

1️⃣📜 قراءة قرآن بإحتراف📜

📌رمضان هو شهر القرآن ، وكتيير مننا لما بيسمع إن فيه ناس بتختم القرآن أكتر من مرة في رمضان بيبقى عايز يعمل زيهم وأكتر منهم كمان ..

👈ولكن للأسف حرصه على الختم بيخلّيه يقرأ بسرعة الصاروخ ، وياكل الحروف ، ويضيع التجويد ، ويعطل العقل عن إنه يفهم والقلب عن إنه يتدبر ولو آية واحدة !!!

👈لأن كل همّه وقتها بيبقى نهاية الصفحة أو نهاية السورة أو نهاية الجزء اللي عايز يخلصه !!! تسمعه وهو بيقرأ وكأن حد بيجري وراه !!!

📢 يا حبيب قلبي ده إنت لو بتقرأ خبر في جريدة هتركّز فيه وتقرأه باهتمام وتمعن أكتر من قراءتك للقرآن بالطريقة دي !!!
👈لو بتقرأ مُذكرات الدراسة مش هتقراها بالشكل ده !!! يا شباب .. لازم نعرف إن ختم القرآن مش مطلوب لذاته !! يعني مش هو الهدف !!

📢 مش مطلوب إني اقعد ساعة واتنين وتلاتة كل اللي بعمله إني بقلّب في صفحات ورا بعض ، وبعدين اقفل المصحف وأقول الحمد لله ختمت القرآن !!

👈الهدف يا حبيب قلبي هو إنك تقرأ بتركيز وخشوع وتحاول تفهم وتتدبر وتعمل باللي فهمته فيأثر فيك ويغير حياتك للأفضل طبعاً ..
🔊 كما قال الله تعالى : (كِتَابٌ أَنزَلْنَاهُ إِلَيْكَ مُبَارَكٌ لِّيَدَّبَّرُوا آيَاتِهِ وَلِيَتَذَكَّرَ أُولُو الْأَلْبَابِ)

📌 يعني إنك تقرأ آية واحدة بتدبر وتأمل وفهم وتعمل بها ، أفضل 1000 مرة من إنك تختم القرآن كله من غير ما تكون فاهم ولا واعي أي شئ من اللي بتقرأه !!

📌ولذلك كان بعض الصالحين يقول : [ آية لا أتفهمها ولا يكون قلبي فيها ، لا أعدّ لها ثوابًا !]

👈 فمتخليش تفكيرك وهمّك كله في عدد الختمات، مش مهم هتختم كام مرة ،
المهم هو قلبك هيدخل فيه كام آية من القرآن ويتعلق بيها ؟؟؟
المهم هو هتقرّب من ربنا قد إيه بسبب القرآن ؟؟؟
المهم هو حياتك كام حاجة هتتغير فيها بسبب القرآن ؟؟

📚👌 وخد شوية النصايح دي لعلها تنفعك بإذن الله :
لو عرفت تخلّي القرآن هو رقم واحد في أولوياتك في رمضان قبل أي شئ تاني فافعل .. خلّيه هو شغلك الشاغل أطول وقت ممكن في الشهر ده .. خلّيه صاحبك ورفيق دربك في كل زمان ومكان .. أكتر حاجة تركّز عليها طول رمضان هي القرآن..

👌و ياريت لو تشتري مصحف جيب صغير يكون معاك في شنطتك على طول ، لأن عن تجربة ناس كتير ، إحساسك وإنت ماسك المصحف في إيدك وبتقرأ فيه غير وإنت ماسك الموبايل وبتقرأ منه خاااااااااااااالص !!

❄️ولو اضطررت وهتقرأ من الموبايل ، فاقفل الشبكة والنت زي ما قولنا قبل كده علشان تعرف تركز في الآيات ومفيش حاجة تقطع قراءتك ..

❄️ لازم تخصص وقت ثابت يومياً تقرأ فيه في التفسير علشان تفهم اللي إنت هتقرأه واللي هتسمعه في التراويح ..وأوصيك بكتاب (زبدة التفاسير) من أروع الكتب المُيسَّرة في التفسير .. او مصحف (التفسير الميسر)..

▫️جرّب كده وإنت بتقرأ القرآن يكون جنبك ورقة وقلم ، وكل خاطرة تجيلك أو حاجة تفهمها من الآيات تسجّلها ..سجّل كل أمر وكل نَهىّ وشوف إنت هتلتزم به ولا لأ ..؟؟!!

▫️جرّب تكتب عن إحساسك ناحية الآيات .. الآية دي فرحتك وبشّرتك ، والآية دي خوفتك ، والآية دي زودت يقينك ، ودي رجعت لك الأمل .. وهكذا ..
👈 لازم تتيقين وإنت بتقرأ إن القرآن هو طريق التغيير وفيه الحل لكل مشاكل حياتك ..

▫️جرب تُسقِط الآيات على حياتك واللى بيحصلك وتشوف فيها الحل لمشاكلك أو لشئ ما مُتعسر قدامك ..

ربنا قال عن القرآن إنه شفاء لما في الصدور، فابحث وإنت بتقرأ عن أمراض قلبك وهتلاقي دواها وشفاءها في آيات القرآن ..

ربنا قال عن القرآن إنه نور وهدى ، فحاول تخلي آياته تنور لك قلبك وتهديك وترشدك للطريق الصح في حياتك ..

▫️جرّب كده تعمل الحاجات دي وبإذن الله هتستمتع بكل آية وكل لحظة مع القرآن ..

👌جرّب واصبر على الفهم والتدبر .. الموضوع مش هييجي من أول مرة بسهولة ..
اصبر وبإذن الله هتلاقى أثر القرآن في قلبك في القرب من ربنا والحياة بمعانى إيمانية رهيييبة إنت مكنتش حاسس بيها قبل كده ..

👈اعمل كده في كل مرة تقرأ فيها القرآن وشوف النتيجة هتبقى رااااااااائعة إزاى ! هتدوق حـــــــــلاوة القرآن بجد .. هتعرف ساعتها إن القرآن ميتشبعش منه ..

📌 كما قال أمير المؤمنين عثمان رضي الله عنه : [ والله لو طهُرت قلوبُكم ، لَمَا شبِعَت من كلام ربكم ]

📢 ادعي ربنا وألِحّ في الدعاء إنه بنور قلبك بنور القرآن ، زي ما سيدنا النبي صلى الله عليه وسلم كان بيدعي ويقول : ( أَسْأَلُكَ أنْ تَجْعَلَ الْقُرْآنَ رَبِيعَ قلبي وَنُورَ صدري وَجَلاَءَ حزني وَذَهَابَ همي )

👈 خصص وقت مناسب للقراءة ، وليكن مثلاً بعد كل صلاة .. المهم تحاول إنه يكون وقت ذهنك فيه صافي ومهيئ نفسياً زي ما قولنا قبل كده ..

👈وقبل ما تبدأ جدد وضؤك لو تقدر ، واستخدم السواك وحاول تستقبل القبلة ، وابدأ بالاستعاذة ثم البسملة، واستحضر في نيتك فضل وثواب قراءة القرآن ..

💐سلاسل💐ورويات💐كفايةذنوب💐

02 April 2021 18:39

👈ونتذكر قول الله تعالى.. { وَكُلُوا وَاشْرَبُوا وَلا تُسْرِفُوا إِنَّهُ لا يُحِبُّ الْمُسْرِفِينَ}.. (  الأعراف:31)
👈وقوله تعالى :
 { كُلُوا مِنْ طَيِّبَاتِ مَا رَزَقْنَاكُمْ وَلا تَطْغَوْا فِيهِ فَيَحِلَّ عَلَيْكُمْ غَضَبِي وَمَنْ يَحْلِلْ عَلَيْهِ غَضَبِي فَقَدْ هَوَى}
( طه:81)
👈وقوله تعالى: {* وَلا تُبَذِّرْ تَبْذِيرًا * إنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورًا}
( الاسراء:26-27)

5⃣ الكورة في رمضان !!🔅

🔅 الدورات الكروية الرمضانية الشباب بينتظروها بفارغ الصبر ، وتلاقي الشباب من بعد العصر لحد المغرب في اللعب ويضيع وقت غالي جداً فيه استجابة للدعاء ، وشباب يصلي العشا ويطلع جري على الملعب ، يلعب ويتعب ، ويروح همدان وينام لحد تاني يوم الظهر وطبعاً مفيش تركيز في أي عبادة من التعب و الارهاق !

👈✅ وأنا بختصار هقولك : رمضان مش وقت كورة إطلااااقا ! إلعب كورة بعد رمضان لحد ما تشبع ..الكورة مش هتطير !! بس رمضان هيطير !!

🌻 بالله عليك بلاش تضيع وقتك ، ولو عايز تمارس رياضة في رمضان ، يبقى رياضة خفيفة تساعدك على النشاط وتحرّك جسمك ، وتكون محددلها وقت ،   نص ساعة بالكتير ..

🌻 أما بقى اللي عايش رمضان قدام الدوري الانجليزي والأسباني والايطالي ودوري أبطال أوربا وأبطال أفريقيا والكونفدرالية والدوري المصري الممتاز أ و ب ، واللي عنده استعداد يضيع ليلة القدر علشان ماتش الريال والبارسا !!!!!!!!!!!!!!!!! فده صراحة مش عارف أقوله إيه ؟؟؟! مش هنقول غير ربنا يهدينا ويهديه !!!

👈يا أخي لو بتحب الكورة أوي ومجنون بيها فالكورة اجوان ، ابقى اتفرج على الاجوان في اي وقت على النت في دقيقتين وخلاص !

👈 إنما تضيع عمرك في الاستوديو التحليلي قبل الماتش بـ 3 ساعات ، وبعد كده الماتش ساعتين ، وبعدين الاستوديو التحليلي بعد الماتش كمان 3 ساعات ، فكده اووووووووووووووووووفر أووووووي أووووووي !!!

👈والله هتتسأل قدام ربنا عن كل ده ، زي ما النبي صلى الله عليه قال :
[ لا تزول قدما ابن أدم يوم القيامة من عند ربه حتى يُسأل عن عمره فيما أفناه ؟ وعن شبابه فيما أبلاه ؟ ]  (صححه الألباني)
👈ياترى هتقول لربنا إيه لما يسألك عن كـــــــــــل لحظـة وكل دقيقـة في عمرك قضيتها في إيه ؟!

نكمل موضوعنا الحلقة القادمة بإذن الله..
________
#هل_يفعلها

💐سلاسل💐ورويات💐كفايةذنوب💐

02 April 2021 18:39

👈 تخيل كده لو إنت شغال ليل ونهار علشان تجمع مبلغ معين محتاجه جداً ..  شغل وتعب ومجهود ومش بتنام .. وبعد ما جمّعت جزء كبير من المبلغ ..أخدت الفلوس كلها ووقفت فى الشارع، وطلعت الفلوس.. وطيّرتها فى الهوا !!

🔊 هتقول : مستحيل ! لا يمكن أبداً أعمل كده !! هو أنا عبيط ولا سفيه ؟؟!!
دى فلوس طالع عينى فيها .. ده أنا حتى لو حد مديهم لي أو لاقيهم مش هرميهم فى الشارع كده !!!

👈 طيب تخيل لو حد عمل كده قدامك ؟؟!
أكيد هتقول ده لازم يترفع عليه قضية حَجْر لأنه ده مجنون رسمي !!!

طيب تخيل بقى إنك بتعمل كده في حاجة أغلى وأهمّ من الفلوس والدهب والدنيا كلها ؟!بتجمّع حسنات باليمين، وبتروح ترميها فى الهوا بالشمال!!

👈بتصوم طول النهار وتتعب وتنزل بالليل تصلّى التراويح .. ولكن بتطلع تفتح التلفزيون تتفرج على العورات والفحش ، ولسانك شغال سب ولعن !!

👈وإنتي يا أختي بتقعدى تقرأى قرآن وتذكري ربنا .. ولكن  بتمسكى التليفون بعدها تقطعى فى فروة فلانة وعلانة  وبتخرجي باللبس والحجاب اللي ميرضيش ربنا!

👈 قد إيه بنتعب فى جمع الحسنات.. ولكن قد إيه مش قادرين نفهم إننا محتاجين نحافظ على حسناتنا دي!

👌عايزين نفوق بقى يا شباب .. شوية تفكير بس بالله عليكم ... المعاصي في رمضان كلها أهداف عكسية في مرمانا ! كده هنخرج من رمضان خسرانين كل شئ!

👌يا شباب .. رمضان مش وقت معصية خااااااالص !!  اللي بيعصي في رمضان شكله وحش أوي ، مش لايق عليه خاااااالص ، كل شئ حواليه بيشده بعيد عن المعصية وهو بيقول لازم أعملها مهما حصل !!

👈 اللي بيعصي ربنا في رمضان مش خايف من مضاعفة العذاب ؟؟
ده الأشهر الحُرُم ربنا * قال عنها { فَلاَ تَظْلِمُواْ فِيهِنَّ أَنفُسَكُمْ}  يعني إوعى تظلم نفسك بإنك تخليها تعصي ربنا وتعرضها لغضب الله وعذابه في الدنيا قبل الآخرة !! دي المعصية في الأشهر الحُرُم !! ما بالكم بالمعصية في شهر رمضان أعظم الشهور وأفضلها وأحبها إلى الله ؟؟ هيكون عقابها إيه لو متوبناش منها ؟؟!

👈 تعالو نشوف بعض الحاجات اللي ممكن تكون أهداف عكسية خطيرة ، في الحلقة القادمة بمشيئة الله تعالى.

__________
#هل_يفعلها

💐سلاسل💐ورويات💐كفايةذنوب💐

02 April 2021 18:39

👈و وَرَدَ في الحديث عن سيدنا زيد بن ثابت  أنه قال: تسحَّرنا مع النبي ﷺ ثم قام إلى الصلاة، فقال أنس بن مالك لزيد: كم كان بين الأذان والسحور؟ قال: { قدرُ خمسين آية } رواه البخاري.

👌الشاهد من الحديث يا شباب ده هو قياسهم للوقت بمقدار الآيات من القرآن !!
وده بيدل على أنهم مكانوش بيفوتوا لحظة غير وبيستغلوها في طاعة الله والقرب منه حتى في الوقت البسيط .. حتى لو 10 دقايق بين السحور والاذان !! كانوا بيحسبوها صح الصح ! وإحنا عمالين نضيع ساعات عمرنا في الهوا هباءا منثورا !!

👈يا حبيب قلبي .. ده الوقت اللى هيمر عليك فى أي يوم من حياتك من غير ما تذكر ربنا فيه ، هتتحسر عليه يوم القيامة ، حتى ولو ساعة واحدة..
فما بالك بقي بساعة في رمضان ؟؟!!

👈😫والله العظيم هنندم وأنا أوّلكم !! بس مش دلوقتي .. الحسرة الحقيقية والندم يوم القيامة ، لما تلاقي نفسك يوم القيامة الحسنة الواحدة بتفرق في مصيرك ،   لما تلاقي الحسنة الواحدة بتودّي يا جنة يا نار !

👈لما تشوفي الحساب يوم القيامة بـ "مثقال الذرّة" !! عارفين يعني إيه مثقال الذرّة ؟؟!!
👈 هتندم لما تشوف إنت ضيّعت من إيدك كنوز قد إيه ؟!!!
👈لما تلاقي واحد قال "سبحان الله وبحمده" ومخدتش منه ثانية واحدة ، الثانية دي وصلّته بفضل ربنا لدرجة أعلى منك في الجنة !

👈ساعتها هتقول ياريتني أرجع تاني وأنا هكسّر الدنيا من العبادة أرجع بس ومش هضيع ثانية من عمري غير في طاعة الله !!
ولكن بعد إيه ؟؟ بعد فوات الأوان !!

👌 يا شباب .. رمضان مش شهر لعب وتضييع وقت ، رمضان ربنا بيأيّدك فيه ، فمتخذلش نفسك ، ده الملائكة اللي بتتنزل في ليلة القدر بس أكتر من عدد حصى الكرة الأرضية  .. كل دول نازلين يعينوك ويثبتوك على طريق الطاعة، إوعي تخذل نفسك ..!
👈 إنت لسّه في الدنيا .. لسّه فيك نَفَس ، وعندك وقت تشتغل ..
وبكره هتشوف كل اللي عملته قدام عينيك .. ..
👌فمش عايزين نندم يا شباب .. وياللا نـُري الله من أنفسنا خيراً ..

🔅🔅🔅🔅🔅
#هل_يفعلها

💐سلاسل💐ورويات💐كفايةذنوب💐

28 March 2021 01:56

💎🎁كيف تعيش رمضان بحق..!!!!.. 🎁

⛔كارت أحمر !.. Red Card !⛔

📑كارت أحمر = طرد ! يعني أشد عقوبة في المباراة ! يعني فيه جريمة شنيعة إنت ارتكبتها عمداً.. ومستحيل الجريمة دي تعدي بدون عقوبة رادعة علشان تكون عبرة للغير ..!!!

وفي شهر رمضان بقينا نشوف مصايب وكوارث وجرايم للأسف الشديد بقت منتشرة بين الناس ولازم ياخدو عليها كروت حمرا ! جرائم رمضان عقوبتها صعبة أوووي في الآخرة ، وده لأنها متعمدة مع سبق الاصرار والترصد !!!

👈الجريمة هي مشاهدة الأفلام والمواقع القذرة
وممارسة العادة السيئة في نهار رمضان !!

🔊 أحد الشباب كان بيحكيلي مشكلته وبيقول إن أهله كلهم بيروحوا يصلّوا الفجر وهو يقولهم أنا جاي وراكم ، وللأسف ميصليش ويقعد في البيت يتفرج على الأفلام القذرة من بعد أذان الفجر وهو لسه مكملش 5 دقايق صيام !
وبعدين يروح الشغل ويرجع الظهر وهما نايمين يقعد يتفرج تاني على البلاوي دي بالساعات !!!

🔊 وشاب تاني بيقول إنه بيحاول يمسك نفسه عن العادة السيئة ، ولكن بيقول إنه بينزل الجامعة و للأسف مش بيقدر يغض بصره ، ومجرّد ما بيرجع البيت بيقع فيها وأكتر من مرة كمان في نهار رمضان !!!

👈 يا ترى إيه العمل ؟؟ إيه الحل ؟؟!

📚 هقولك :
أولاً :
إنت بتصوم عن الحلال .. الأكل والشرب اللي هما حلال أصلاً بيبقوا قدامك ومفيش أي حد شايفك وتقدر تاكل وتشرب .. ومع ذلك مش بترضى .. وبتقدر تتحكم في نفسك طول اليوم وبرغم شدة الحر والعطش .. 

👈 وده دليل إن عندك إرادة قوية جداً بفضل الله .. ليه بتضعف ؟؟!! ليه بقى بتضعف بالسهولة دي وبتقع بسرعة كده ؟؟؟

👈مش كل ما نفسك تقولك قوم اتفرج تروح في ثانية تتفرج !! لااااااااازم تعرف شرف الزمان اللي إنت فيه ..! إنت في شهر رمضان والناس كلها بتطيع ربنا ..       
👈 معقول هتبقى إنت المحروم ؟؟؟ إوعى تكون بعيد فى وقت الناس كلها بتحاول تقرّب !
إنت مش وحش أوى كده ؟؟؟
👈إنت فيك خير كبير، ولا يُحرم الرحمة في رمضان إلا محروم شقي ! فبلاش تكون إنت منهم !!!

😫خاف من الفضيحة  ، خاف من غضب ربنا وعقابه !ربنا سترك كتير ، وأمهلك كتير ، وحلم عليك كتير .. بس خلّي بالك إنه لو كشف ستره عنك ، ونظر لك نظرة غضب ، متعرفش إيه اللي ممكن يحصلّك ساعتها ..!!!

👈ده إنت بتخاف من Screen Shot حد ياخدهالك ويفضحك بيها !!!
مش خايف لما هتشوف يوم القيامة كل أعمالك قدامك متسجلة وتتفضح قدام الخلائق أجمعين ؟؟ ساعتها هتعمل إيه وهتقول لربنا إيه ؟؟؟

🌟ثانياً :
لازم تجدد التوبة لله تعالي ، وتندم على اللي فات ، وتنوي إنك هتبدأ صفحة جديدة بإذن الله ..

🌟ثالثاً :
وهي إنك لو حصل منك إنزال لمنيّ سواء بعادة سيئة أو بمشاهدة أفلام .. فللأسف كده فسد الصيام بتاعك !! ولكن مش هينفع تفطر، يجب عليك إنك تكمل صيام اليوم ، وبعدين تقضيه بعد رمضان !

🌟رابعاً :
إووووووووووعى تيأس !!! إيااااااااااااك تقول إن مفيش فايدة !!  
ربنا هو الغفور الرحيم وباب التوبة مفتوح لحد آخر نفس في عمرك.. لو جاهدت نفسك ووقعت غصب عنك توب في ساعتها واندم وربنا هيقبلك ويغفر لك..
👈 وبلاش نفسك تقولك إنك خلاص بقى مش نافعلك صيام ولا تراويح ولا قرآن وتقول خلاص مش هصلّي ولا هعمل أي حاجة تاني !!! بالعكس .. ده إنت لازم تزود من الصلاة والذكر والقرآن علشان تمحي سيئاتك، كما قال الله تعالى :
﴿وَأَقِمِ الصَّلاةَ طَرَفَيِ النَّهارِ وَزُلَفًا مِنَ اللَّيلِ إِنَّ الحَسَناتِ يُذهِبنَ السَّيِّئَاتِ ذلِكَ ذِكرى لِلذّاكِرينَ﴾.. [هود: ١١٤]

👈 فإوعى تيأس مهما وقعت .. وتيقن إن ربنا هيقبل توبتك ورجوعك مهما عملت..

🌟خامساً :
لازم تاخد بالأسباب اللي تمنعك بإذن الله إنك تقع تاني.. ومنها ؛   إنك تحاول تبعد عن النت خااااالص في رمضان، لأنك طول ما إنت قاعد على النت هتلاقي نفسك بتقولّك أدخل على الموقع ده، وكلم دي، وشوف الفيلم ده !!

👈مش هتقدر تستغنى عن النت شهر في حياتك ؟؟؟
👈اعتبر يا سيدي إنه مفصول لأي سبب كان ! بلاش تضيع فرصة رمضان من إيدك !! كلها كام يوم وهتلاقينا بنقول بكرة العيد !! عايزين نصبر شوية ونجاهد نفسنا !! لحد امتى هنفضل في لهو وغفلة ؟؟!!!
وبإذن الله لو صبرت الكام يوم دول واجتهدت فيهم، ربنا هيفتح عليك وهيقربك منه وهيرزقك التوبة من الذنب ده وغيره من الذنوب ، وهتتغير وتبقى إنسان جديد بإذن الله  .

👈وياريت تقرأ كتاب "خليك أسد" هيساعدك في إنك تاخد الخطوات العملية اللي هتبعدك عن إدمان الذنب ده بإذن الله.

🌟🌟🌟🌟🌟
#هل_يفعلها

💐سلاسل💐ورويات💐كفايةذنوب💐

26 March 2021 09:32

((هل يفعلها ؟))أقوى سلسلة للاستعداد لرمضان🌙

👌🥇التخطيط فنّ ومهارة !

👈 يبقى اتفقنا إننا إن شاء الله هنبدأ من دلوقتي نستعد لرمضان ..
ومحدش يقول معنديش وقت .. نظّم وقتك هتلاقيه اتسع وبقى عندك وقت متاح ..
كل واحد يقعد مع نفسه أو يدخل على النت ويشوف جدول استعداد لرمضان مناسب له ولظروف شغله ..

حط خططك لرمضان ،
ارســــــم للجاي في رمضــان ،
ظبط حال قلبك في رمضان ،
ظبـــــــط عــلاقـاتـــــك ،علاقتك بالله ربك ،علاقتك بأهلك ، علاقتك بالناس ،
نظرتك للدنيا ، ..... إلخ ..

حط خططك لرمضان .. لأن الخطط هتنظم الوقت ، وهتقلل الجهد ، ولو فيه أي خلل أو مشكلة هتوضحهالك ، وفي النهاية هترسم طريق النجاح ..فلابد من التخطيط الصح لرمضان .. وإلا هيضيع منا بكل بساطة زي كل سنة ..

👈وعلشان كده قالوا في الحكم :
إما التخطيط ، و إما التخليط والتخبيط !
وإذا كان التخطيط شرط لازم في كل أمر يريد الانسان إنه ينجح فيه ، فـأساس التخطيط هو تحديد الأهداف المُرادة بدقّة وعناية، وبعد كده ننتقل لمرحلة التخطيط لكيفية تحقيق الأهداف دي ..

📚 يعني كل مشروع ناجح لابد من توافر شرطان أساسيان فيه :
أهداف مُحدّدة بعناية ..
خطة واضحة المعالم لتحقيق الأهداف دي ..

👌ورمضان بالنسبة لنا هو مشروع السنة ، بل فرصة ومشروع العمر، ولابد من حُسن التخطيط علشان ننجح فيه ونقدر نستغلّه بأفضل صورة ..لأن اللي هيضيع منه رمضان ويخسره ، هيكون بسبب إما سوء التخطيط أو عدم التخطيط له من الأصل !

🥇والأمور المطلوبة مننا علشان ننجح في التخطيط لرمضان هي :

🌻أولا: وضوح الأهداف:
يعني لازم الأهداف اللي عايز تحققها تكون واضحة ومحددة ومفيهاش غموض ، يعني متقولش أنا هقرأ قرآن كتير، أو هصلّي كتير، أو هتصدق كتير ...
ولكن لازم تحدد عدد الأجزاء اللي هتقرأها ، والوقت اللي هتقرأها فيه، والكَمّ اللي هتقرأه في كل فترة ، وكذلك عدد الركعات ومواعيدها بعد الظهر أو بين المغرب والعشاء أو في الليل، وكم ركعة هتصلّيها في كل وقت منها، وحتى الصدقة تكون محدد اللي هتتصدق به كل يوم ، أو على مدار الشهر ، ومتسيبش الموضوع للظروف والأحوال..

🌻ثانيا: إمكانية التحقيق:
يعني متحطش أهداف كبيرة أوي ومُبالغ فيها ، ومش متناسبة مع حالك وشغلك ووقت فراغك وظروف أسرتك ، متقولش مثلاً هختم القرآن كل يوم !!
ده هيخلّي تحقيق الأهداف مستحيل !! وبالتالي هتعجز عن تحقيقها أو عن تحقيق بعضها فيجيلك إحباط وتلاقي نفسك سيبت كل حاجة !

🌻ثالثا: أن تكون أهدافاً مناسبة:
يعني حاجات تستحق أنها تُسمّى أهداف ، يعني مش حاجة سهلة جداً مفيش طموح فيها ولا جهد ..! ولا تكون حاجة قليلة وبسيطة لا تتناسب مع عظمة الشهر ومقامه ..!
وإنما شيء عالي يرفعك في أعلى الدرجات والمستوى الإيماني ..

👈يعني مثلاً متقولش هدفي أصلّي الفروض .. بل تقول هدفي أحافظ على تكبيرة الاحرام طول الشهر علشان آخد براءة من النار ومن النفاق بإذن الله ..

🌻رابعا: وضع الخطط اللازمة لتطبيق الأهداف:
ولابد من توفر أساسيات في الخطط الموضوعة .. منها:

أـ مناسبة الخطة للهدف:
من المعروف إن أهداف الناس مختلفة ، ومقاصد رمضان كتير جداً ، وثمراته متنوعة وغزيرة ، وعلشان كده بتختلف الأهداف على حسب حاجة الإنسان لها أو إرادته ومطلوبه من رمضان ..
يعني اللي عايز التوبة والمغفرة ، مش زي اللي هدفه العتق من النار، مش زي اللي عايز يحفظ القرآن أو يتدبره، إلخ .. كل حاجة من دول المفروض يكون لها خطة غير التانية .. فخطط كل صنف لازم تكون متناسبة مع مقصده ومراده ..

ب ـ إمكانية التطبيق:
فزي ما الهدف لازم يكون في المقدرة والاستطاعة ، فكذلك الخطة الموضوعة لازم تكون خطة في متناول إيدك وتقدر تترجمها على أرض الواقع ؛ وإلا كانت خيال وأحلام .. فمثلاً الإنسان اللي عايز يحفظ قرآن ولكنه بطيء في الحفظ لازم يكون هدفه متناسبا مع حفظه ، ميقولش هحفظ كل يوم جزء !!
ثم الوقت اللي هيحدده للحفظ والمراجعة لازم يكون مناسب لمقدار الحفظ .. ميقولش مثلاً هحفظ وأراجع في 10 دقايق !!

ج ـ الجدية في التنفيذ:
لابد من المراقبة لمَدَى تطبيق الخطط ، ثم المحاسبة، ثم المعاتبة، ثم المعاقبة ..
يعني لازم تراقب نفسك وتشوف إنت حققت إيه كل شوية علشان تعرف مدى التزامك ، ولو لقيت تقصير تحاسب نفسك عليه، وتعوّضه إن أمكن ، وتعاتب نفسك على التقصير والتفريط .. ولو لقيت نفسك بتتمادى في التقصير ، تحط عقوبات تلزمك بالانضباط والالتزام بالخطة الموضوعة ..

👈وعلشان تعرف تستمر في تنفيذ أي خطة .. حاول تبدأ خطوة خطوة ، وتخلّي كمية الجهد في كل هدف تزيد بالتدريج ..👈 التــــدريج أمــــــــر مهــــــــم جــــــداً ..

💐سلاسل💐ورويات💐كفايةذنوب💐

26 March 2021 09:31

🍥((هل يفعلها ؟))أقوى سلسلة للاستعداد لرمضان🌙

👌وأول خطوة هنستعد بيها لرمضان هي : " النيّة الصادقة "
👈 النيّة الخالصة بالعزم على التأهب وحسن الاستعداد لرمضان، والعزم على تعميره بالطاعات وزيادة الحسنات وهجر المعاصي والسيئات، وعلى بذل المجهود واستفراغ كل الوسع في استغلال كل لحظة فيه في رضا الله .

👌عايزين إرادة ونيّة صادقة وعزم بجد علشان نستعد صح لرمضان ، علشان لو ربنا كاتب لأي حد فينا إنتهاء أجله قبل رمضان ؛ يموت وهو على النية دي .. وبفضل ربنا وكرمه يتكتب له الأجر زي اللي حضر رمضان واجتهد وتعب فيه، وده كله بصدق نيّته وإرادته واستعداده لرمضان ..
فإن عادت الروح إلى باريها ، قامت نيّته مقام عمله ، كما قال النبي ﷺ :
[ إنما الأعمال بالنيّات ، وإنما لكل امريء ما نوى ] متفق عليه،
وكما قال أيضاً : [ وَمَن هَمَّ بِحَسَنة فَلَم يعملها ، فَعَلِم اللَّه أنه قد أَشْعَرَهَا قَلْبَهُ وحَرَصَ عليها ، كُتِبَت له حَسَنة ] صححه الألباني .

فإن لم يُبَلِّغكَ إلى رَمَضَانَ أجلُكَ، فَلْيَسْبقْ إليْهِ قلْبُكَ..
👈عايزين تبقى نيّتك إن رمضان السنة دي هيكون غير أي رمضان عدى عليك قبل كده.. كل سنة بيعدّي عليك وإنت غافل !! لازم السنة دي تكون غير ..
👈لازم رمضان يكون بداية انطلاقة للخير والعمل الصالح وإلى الأبد بإذن الله .. يكون أحلي رمضان مرّ عليك فى حياتك ..

👌خلّي نيّتك إن رمضان يكون موسِمَ "شحن إيماني" للسنة كلها ، يكون "محطة تزوّد بوقود الطاعات" للسنة كلها .. تاخد منه وقود إيماني يكفيك في طريقك إلى الله طول السنة لحد رمضان اللي بعديه بإذن الله ..

🌸تاني خطوة هنستعد بها هي : " التّوبة الصادقة "
👈 التوبة اللي بجد .. اللي تندم فيها على كل الماضي اللي فات وأخطاءه ، وتنوي وتعزم إنك مش هترجع له تاني .. قلوبنا اللي هتموت على الدنيا وشهواتها دي مش هينفع ندخل بيها رمضان وهي بالشكل ده أبداً !! لازم نتوب !!

👈ياللا خد القرار .. مستني إيه ؟؟
التوبة هتنضفك من الذنوب والمعاصي اللي هي سبب كل الضنك والشقاء اللي إنت عايش فيه ..!
زي ما بيوصف الإمام ابن القيم رحمه الله في كتاب الداء والدواء أثر الذنوب والمعاصي ، وبيقول في مُجمل كلامه :

👈الذنوب والمعاصي بتقسّي القلب ، بتذِلّ النفس،
👈 بتضعف الجسم ، بتعطّل الفهم ، بتشتّت الفكر ،
👈 بتأخّر الرزق ، بتزيل النِّعَم ، بتعسّر الأمور ،
👈 بتحْرِمَك من الهداية للطاعة والإعانة عليها ،
👈 الذنوب هتخلّي حياتك كلها همّ وغمّ وعذاب ،
❌هتخلّي مفيش توفيق في أي حاجة بتدخلها ،
❌هتخلّيك دايماً خايف وقلقان ،
❌الذنوب بتسبب هوان العبد على ربه وسقوطه من عينه ،
❌الذنوب بتحطّم علاقتك بنفسك وبربك وبأهلك وبأصحابك وجميع الخلق !

👌ياااااااما إتعرض عليك وجالك أكتر من فرصة علشان تتوب وتبعد عن ذنوبك ومعاصيك وتعيش أحلى حياة وإنت قريب من ربك حبيبك ، ولكنك رفضت !!

👈لحد إمتى هترفض ؟؟؟؟؟!!
👈لحد إمتى هتفضل عايش في خنقة و وجــع و ألــــم وعذاب ساكن قلبك وروحك ؟؟؟!!
👌ياللا خد القرار .. خد القرار إنك تكسر القيود اللي مانعاك من الوصول إلي الله .. الموضوع مش صعب.. الفرصة لسه قدامك وإنت على قيد الحياة!

👈إوعى تأجّل أو تسوّف .. إوعى تفكر أو تتردد.. لأنك لما هتقرر تبعد عن حاجة غلط ، هتلاقي النفس الأمارة بالسوء بتحبطك وتخوفك وجايبالك ألف حاجة تبرر الغلط ده علشان تستمر عليه !!

👈ومن المميزات العظيمة للتوبة قبل رمضان إنها هتفكّ قيدك ، وهتلاقي التيسير والتوفيق والإعانة على الطاعة في رمضان .. لأن صاحب المعصية المُصِرّ عليها
لا يُوفق للطاعة .. ولا يُعان عليها ..!!
👈ومن غير توفيق ربنا وعونه محدش فينا هيقدر يتحرك من مكانه ويعمل أي شئ !!
فـ التوبة هتفك قيدك وهتخلّيك تنطلق في العبادة وإنت نشيط وربنا فاتح عليك وميسر لك الطاعة ، فتنول العتق من النار وفضل ليلة خير من ألف شهر بإذن الله.

نكمل الحلقة القادمة بإذن الله..
🌟🌟🌟🌟🌟
#هل_يفعلها

💐سلاسل💐ورويات💐كفايةذنوب💐

26 March 2021 09:31

🌻هتلاقي كل السُّنن اللي كنت بتسيبها بحجّة إنها سنّة ومش فرض ، بقيت استحالة تفوتها ؛ لأنك هتبقي في أشد الحاجة لها ولأي حسنة ..! وكل ده مش هييجي إلا لما يكون عندك يقين إن ممكن في أي لحظة تموت وإنت لسه ملحقتش تعمل أي حاجة !!

* لكن للأسف قليل اللي هيقدر يحس بالمعنى ده !!
لأننا مش بنُدرك الحاجة غير لما بنشوفها قدامنا وتكون واقع ملموس !
وللأسف مش بنفوق غير بعد فوات الأوان !!!

* الخلاصة إن شعارك وإنت بتسعد لرمضان .. شعارك وإنت بتجتهد في كل طاعة في رمضان يكون :
👈 "لَعَلّهُ آخِر رمضان" !!

✅خلّي ده شعارك، وعيش كل يوم في رمضان بإحساس إنه آخر يوم في حياتك
* هتلاقي نفسك حاجة تانية خاااااااااااااااااااالص ..
* إنت في سباق مع الزمن لمدة 30 يوم .. إوعى تقول مش هدخل ! إوعى تتخاذل ! إوعى تنسحب في نص السباق !! إوعى تفرّط في الجايزة اللي مستنياك في نهايته !

* الجايزة اللي مستنياك مش كنز ، ولا كنوز الدنيا دي كلها تساوي ذرّة فيها !! دي جنة الخلد*فيها ما لا عين رأت .. ولا أذن سمعت .. ولا خطر على قلب بشر ..

🍥 يا ترى هتستعد بجد ؟؟ يا ترى جاهز للتحدي ؟؟
رمضان فرصة كبيرة أوى ...
إوعى تضيعها !إوعى رمضان ييجي وإنت اللي ماتجيش ..!!!

🍥اغتنم الفرصة وإمسك فيها بإيدك وأسنانك وكل طاقتك ..
متضيّعش رمضان ، علشان بعد كده والله لتندم على ضياعه من بين إيديك !!

نكمل الحلقة القادمة بإذن الله..
🌟🌟🌟🌟🌟

#هل_يفعلها

💐سلاسل💐ورويات💐كفايةذنوب💐

24 March 2024 02:53

/channel/FreeCoin_MoneyBOT?start=0568551640

💐سلاسل💐ورويات💐كفايةذنوب💐

29 April 2023 22:16

/channel/Abdallah_kamel_1

💐سلاسل💐ورويات💐كفايةذنوب💐

04 March 2023 11:02

اكسب المال بعملة الريال السعودي من خلال التليجرام من مشاهدة الاعلانات ومشاركة الروابط /channel/FreeCoin_MoneyBOT?start=0568551640

💐سلاسل💐ورويات💐كفايةذنوب💐

13 April 2021 06:52

❄️ محترف في رمضان ❄️

6️⃣📜 ذكر لله باحتراف📜

✳️ الذكر هو حياة الروح .. وزي ما النبي صلى الله عليه وسلم قال :
(مَثلُ الذي يذكر ربَّه والذي لا يذكر ربه، مَثلُ الحي والميت) رواه البخاري.

📌 وهو عبادة خفيفة وبسيطة ومش محتاجة مجهود بدني ولكن أجرها عظيم جداً ده غير فايدتها الكبيرة في حفظ الإنسان من المس والسحر والحسد والشياطين..
👌 واللسان العضلة الوحيدة اللي مبتتعبش .. فمتوقفهاش .. اشغل أوقاتك في ذكر الله وبالذات الوقت الصغير اللي بيضيع في وسط الحاجات اللي بتعملها..

👌 وفيه عندنا نوعين من الأذكار ..
📌 الأذكار الموظفة : يعني اللي لها حاجة مرتبطة بها ، زي أذكار الصباح والمساء والدخول والخروج وأذكارالطعام والنوم والاستيقاظ وركوب المواصلات وغيرها ..
📌 والأذكار المطلَقة : زي التبسيح والتحميد والتهليل والتكبير والاستغفار والصلاة على النبي صلى الله عليه وسلم ..

📜وخد شوية النصايح دي لعلها تنفعك بإذن الله :

🌟 اشتري أو حمّل كتاب للأذكار زي حصن المسلم للشيخ القحطاني أو مختصر النصيحة للشيخ المُقدّم ..وحاول تحفظ الأذكار علشان تعرف تواظب عليها في رمضان وبعد رمضان بإذن الله ..

📌 الأذكار المطلَقة زي مثلا لا إله إلا الله ، وسبحان الله وبحمده ، تحاول تقولها وإنت بتتفرج على بديع مخلوقات الله ، وإنت بتتأمل في السما ، وإنت بتتفرج على مناظر وصور طبيعية ، وإنت بتتفكر في نفسك وجسمك وبديع صنع الله سبحانه وتعالى لك ..وهكذا .. حاول تعيش بقلبك مع الذكر ..

📌 التنويع في الأذكار مهم جداً ، علشان تفوز بفوائد كل ذكر وتنوّع في المكاسب والأرباح ..وكذلك علشان السرحان والممل ..وكمان لأن كل ذكر له تأثير في القلب غير تاني ..
👈وهتلاقي عندك في الكتب اللي ذكرناها ما شاء الله من الأذكار المتعددة ..
استشعر في كل كلمة بتقولها وإنت بتذكر ربنا سبحانه وتعالى ، قوله تعالى في الحديث القدسي : ( أنا عندَ ظنِّ عبدي بي، و أنا معه إذا ذكَرَنِي، فإن ذَكَرَنِي في نفسِه ذَكَرْتُه في نفسي، وإن ذكَرَنِي في مَلأ ذَكَرْتُه في مَلأ خيرٌ منهم ) متفق عليه..

👈 بالله عليك اقرأ الحديث ده تاني بقلبك ؛ استشعر كده "وأنا معه" !
👈 إنت عارف مين هو اللي معاك ؟ الملك الجليل عز وجل ..
استشعر مَعيَّة ربنا الخاصة لك إنت ، مَعيّة الحفظ والتثبيت والتسديد ..
استشعر "فإن ذكرني في نفسه ذكرته في نفسي" !
👈إنت مين إنت ؟؟ وهو من هو سبحانه ..؟؟! هو الملك، القُدُّوس، المُهيمن، العزيز، الجبَّار المتكبِّر، هناك في مَلَكوته وجَبروته، في عَليائِه يتفضَّل عليك ويذكرك في نفسه ! يذكرك إنت العبد الضعيف اللي متجيش ذرّة في مُلك الملك !

استشعر "وإن ذكرني في ملأ ذكرته في ملأ خير منهم" !
👈فوق في الملأ الأعلى ، حيث ملائكة النُّور، حيث الأنبياء الكِرام، أمامَ هذه الصفوة يذكرك الربُّ العظيم، ويُثني عليك إنت !
👈ده إنت قلبك يدق ويدق من الفرحة لو سمعت إن حد مشهور مَدَحَك في جريدة أو ذكر اسمك في التليفزيون ؛ أمال لو مدحك الله رب العالمين وذكرك في الملأ الأعلى ، ياترى إحساسك ساعتها هيكون إيه ؟؟؟!

👌 يآاااااااااااااااااااه لو حسيت بالمعاني دي ..
هتلاقي قلبك طااااير من السعادة والشوق والحب لله وإنت بتذكره ..
🌼🌼🌼🌼
#محترف_رمضان

💐سلاسل💐ورويات💐كفايةذنوب💐

13 April 2021 06:52

❄️ محترف في رمضان ❄️

5️⃣..📜 مذاكرة باحتراف📜..👌

📌 شهر رمضان بقاله كام سنة بييجي وقت الامتحانات وما أدراكم ما الامتحانات! وبالذات لو ثانوية عامة !! ربنا يكون في عون الجميع ويوفقهم لكل خير ..
👈 ولكن معظم الطلبة للأسف الشديد بيضيّعوا رمضان كل سنة ، لأنهم بيفتكروا إن رمضان والمذاكرة ميمشوش مع بعض خالص ، Don’t Mix !!
👈وطبعاً ده مش صح ، ومجرد وهم في خيال صاحبه !

📌والدليل إن غزوة بدر الكبرى وفتح مكة والقادسية وغيرها من الفتوحات والانتصارات العظيمة كانت في رمضان ، من غير ما تؤثر على اهتمام الصحابة برمضان أو تمنعهم من الإستعداد له والاجتهاد فيه عز الاجتهاد ..

🔊ولو حد هيقول أصل دول صحابة ، هقولك عندك نصر أكتوبر 1973 كان في عز رمضان وجنودنا صايمين ...

📌أنا بكلمك في فتوحات ، مش امتحانات !! عارف يعني إيه فتوحات ؟! يعني حروب .. يعني معارك !!

👈 فبلاش تعلّق عدم استعداك لرمضان أو اجتهادك فيه على شماعة الامتحانات؛ لأن اللي هيدوّر على شمّاعة هيلاقي بدل الامتحانات مليون شمّاعة تانية !!
👈 وعلى فكرة وعن تجربة شخصية والله .. الصيام بيخلّيك تجتهد أكتر وتركّز أكتر وتنتج أكتر ..
👈والأهم هو إنه بيخلّيك توفّر وقت كتير جداً بيضيّع منك في الشاي والقهوة والكابتشينو، وكل شوية أنا جعان وعايز أعمل سندوتشين، وشوية عايز أخرج أشتري حاجة أو أروح عند فلان ..!!

📌 ده غير إنك وإنت صايم بتبقى نشيط وخفيف جداً، غير لما تكون Full Tank ، وتبص تلاقي نفسك ممدد على السرير ، ومش قادر تحرك أي عضو من أعضاءك، وعايز تنام لا إرادياً وكأنك واخد تخدير كُلّي !!!

📚 زي الحكمة اللي بتقول :
[إذا امتلأت المعدة؛نامت الفكرة،وقعدت الأعضاء عن العمل]

📌يعني أثناء الصيام، مفيش أكل، مفيش خروج ، مفيش قدامك أي اختيار غير القعدة في البيت والمذاكرة .. وفقط ..

🔅ده غير إن اليوم وإنت صايم بتلاقيه مُنظَّم غصب عنك ..
🔅والوضوء بيجدد نشاطك ويصحصحك كل شوية ..
🔅 والصلاة في المسجد بتخرّجك برا جو المذاكرة الخنيق، وتعتبر أحلى استراحة ، وكمان بتقسملك اليوم ، وبتديك طاقة وحافز وشحن إيماني وروحي يفتح نفسك إنك ترجع تكمّل مذاكرة ..

👈 فأنا عايز أقولك وبدون مبالغة ، إن حتى لو الامتحانات مجتش في وقت الصيام ، صوم إنت وقتها علشان كل المميزات اللي ذكرناها دلوقتي ..
👌 جرّب كده وشوف واحكم بنفسك ..

👈 أما بقى بيحاول يضحك على نفسه ويقولك أصل مش هعرف أركّز خالص في المذاكرة وأنا صايم !
👆 هنقوله : ما إنت بعد الفطار برده بتقول مش عارف أركز ، وتقعد تضيّع في وقتك علشان تهضم وتشرب شاي وبعدها تنام ساعتين تلاتة .. وفي الآخر مبتكملش 5 دقايق على الكتاب !!!

👈📜 طيب تنصحنا بإيه ؟؟؟
📌 هقولك :

🌻 •أولاً : النيّة قبل كل شئ .. إنت ممكن تعبد ربنا بكل شئ حتي المذاكرة عن طريق تجديد النيّة ..
👈 فعدّد نواياك وإنت بتذاكر .. احتسب نيّة إنك تنفع أمتك بعلمك ..
🌟نيّة من سلك طريقاً يلتمس فيه علما سهّل الله له طريقاً إلى الجنة..
🌟نيّة إنك تفرّح أهلك واللي حواليك بنجاحك وتفوقك وتدخل السرور على قلوبهم ..
🌟نيّة عمارة الأرض والاصلاح ما استطعت فيها ..
🌟وغيرها من النوايا اللي هتخلّيك طول وقت المذاكرة في طاعة وعبادة لله * باحتسابك لها ..

🌻 •ثانياً : إوعى تنسى الدعاء .. معاك أقوى سلاح في الكون .. سلاح الدعاء .. وكل يوم لك دعوات مستجابة ، فاستثمرها في الدعاء لك ولطلبة المسلمين أجمعين .

ربنا سبحانه وتعالى أكرم الأكرمين .. ادعي وفضفض مع ربك ..
👈 قول يا رب إنت قلت{ وَإِذَا سَأَلَكَ عِبَادِي عَنِّي فَإِنِّي قَرِيبٌ} ..
وقلت {أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ} ..
يا رب إنت عالم بحالي .. أنا تعبت يا رب ..
نفسي يا رب أفرح وأفرّح ماما وبابا ...يا رب متسبنيش لوحدي.. يارب أعنّي وقويني ووفقني..
☺️ ادعي وفضفض وقول كل حاجة نفسك فيها..
😃 ادعي ربك يرزقك المجموع اللي نفسك فيه ، ويُقر عينك بفرحة تنسيك همّ وتعب ومشقة المذاكرة طول السنة ، وأحسن الظن في ربك إنه كريم سميع قريب مجيب الدعاء ..

🌻 •ثالثاً : شوية صبر .. يعني بلاش تتخنق من الحر والجوع والعطش وتبقى مش طايق تمسك كتاب في إيدك !

👌يا حبيب قلبي لازم تصبر علشان توصل لحلمك وتحقق هدفك ..
شوية صبر .. لازم تصبر تشجع نفسك إنك تبدأ ..

👈اصبر بس في الأول واستعن بالله واستغفر ربنا لحد بس ما تقعد على الكتاب، وهتلاقي بفضل الله نفسك اتفتحت وبدأت تذاكر ..
👈وإنسى بقى موضوع أنا زهقان ومليش نفس !! لأن كده يبقى مش هتخلص أي حاجة، اقنع نفسك إنه مش بالنفس ، بل بالإجتهاد والصبر ..

💐سلاسل💐ورويات💐كفايةذنوب💐

13 April 2021 06:52

❄️ محترف في رمضان ❄️

3️⃣📜 صلاة باحتراف📜👌

الصلاة هي حياتك ، هي راحتك ، هي سعادتك ، هي قرّة عينك ، هي صلتك بربّك ، وعلشان كده لازم تكون محافظ عليها وعلى أكمل وجه علشان تقربك من ربك حبيبك ..
وفي رمضان عندك صلوات تقدر تكون بيها من السابقين إلى الله ..

عندك صلوات الفرائض ، والنوافل الراتبة ، والنوافل غير الراتبة ، والنوافل المطلقة ، وصلاة التراويح ، وصلاة القيام ، وصلاة الضحى .. وغيرها كتير ..

📜وخد النصايح دي علشان تصلّي صح وتستمتع بالصلاة وتتقرب بها إلى الله :

🌻 لازم تحب الصلاة ، وتعرف قيمتها وفضلها وثوابها ، وتعظم قدرها في قلبك ، لو حبيت الصلاة مش هتبطل صلاة !!
👈وياريت لو تقرأ كتابي ( جــــــرّب تقــرّب ) هيفيدك جدا في الموضوع ده بإذن الله ..

🌻 الخشوع في الصلاة هو روح الصلاة ، ولكنه موضوع كبير يطول شرحه هنا ، فأنصحك بكتابي ( جنّة الدنيا ) هتلاقي فيها شرح لكيفية الخشوع و 16 وسيلة عملية للوصول للذة الخشوع في الصلاة ..
👈 أهم نقطة بقى على الاطلاق في موضوع الصلاة هي إنك تستعد للصلاة من قبل الأذان ..

🌻 يعني حاول تظبط 5 منبهات في الموبايل على قبل معاد كل صلاة بربع ساعة أو 10 دقايق ، أو ممكن تستخدم أي برنامج على الموبايل زي "إلى صلاتي" أو غيره كتير من البرامج اللي بتذكرك قبل معاد الصلاة بفترة ..

وأول ما تسمع المنبه تتوضا أو تجدد وضوءك وتلبس أحسن هدومك وتحط عطر.

وبالنسبة للنساء هتتوضي وتلبسي أحسن لبس فضفاض وتكوني مستعدة على سجادة الصلاة في مكان هادي مناسب في البيت بعيد عن الملهيات زي التلفزيون والأطفال والحاجات اللي تشتت انتباهك ..

وبعدها تستحضر النيّة وتنزل للمسجد اللي بتستريح فيه ، وتدخل تصلّي ركعتين خفيفتين ، وتقعد في الصف الأول على يمين الإمام ، وتذكر ربنا لحد الأذان ، وبعدين تردّد الأذان ، وتقول دعاء ما بعده ، وبعدين تصلّي ركعتين ، ولما تخلّص تفضل تدعي ما بين الأذان والاقامة ، وبعدها تصلي الفرض ، وتقول أذكار ما بعد الصلاة .. ويبقى إنت كده فزت بغنيمة كبرى متتفوتش في كل صلاة ..

👈 كل الفضل ده، ومعاه كمان حديث النبي صلى الله عليه وسلم : (إنْ العبد إذا جلَس ينتظرُ الصلاةَ ، صلّتْ عليه الملائكةُ ، وصلاتُهم عليه : اللهمَّ اغفرْ له اللهم ارحمْه ) رواه البخاري

🌷جرّب كده هتلاقي موضوع الاستعداد للصلاة ده هيفرق معاك بشكل لا تتخيله .. وهيساعدك على الخشوع جداً ..
وأيضاَ من الحاجات اللي هتخلّيك تصلّي بشكل مختلف وتخشع في صلاتك وتحس بها ، التنويع في الأذكار وسور القرآن اللي بتقرأها ..
👈 لأن بدون التنويع إنت أصبحت عبارة عن آلة مُبرمجة إنها تقول كلام معين وتعمل حركات معينة ثابتة !!
فأصبحت حتى لو إنت سرحان ودماغك في حتة تانية بتلاقيك بتقول الفاتحة وبعدها "قل هو الله أحد" وتركع وتسجد عادي جداً مع إن دماغك في حتة تانية خالص !!
👈ولو حد سألك بعد الصلاة إنت قرأت بسورة إيه ممكن تكون مش عارف !!!!
وده لأنك اتعودت خلاص على كده وبقيت تعمل حركات الصلاة لا إرادياً !!

📢 التنويع في الأذكار هيخلّيك مركّز وإنت بتقول كل ذكر ، وهتحاول تفهم اللي بتقوله وتتدبر معناه وتخشع ..
نوّع من أول أذكار الاستفتاح وصيغ الاستعاذة وأذكار الركوع والرفع من الركوع لحد أذكار ما قبل السلام .. وكل الأذكار دي هتلاقيها موجودة في حصن المسلم أو مختصر النصيحة أو ابحث عنها على النت وهتلاقيها بسهولة جداً، وكل يوم حاول تحفظ ذكر جديد منها وتقوله في صلاتك لحد ما تحفظها كلها..

وكذلك سور القرآن لازم تنوّع فيها .. مينفعش كل الصلاوات اللي بتصليها بسورة الاخلاص وسورة الكوثر !! نوّع في السور القصيرة حتى لو مش حافظ غيرها.. وإبدأ احفظ ولو كل يوم 5 آيات واعرف معناهم وكرّرهم في كل صلاواتك..

👈 فوصيّتي لك بالتنويع ثم التنويع في أذكار الصلاة والقرآن..

الحلقة القادمة (تراويح وقيام باحتراف) بمشيئة الله تعالى
🌟🌟🌟🌟🌟
#محترف_رمضان

💐سلاسل💐ورويات💐كفايةذنوب💐

05 April 2021 05:54

👈واستحضر في قلبك إن ده كلام الله .. يعني ربنا الملك الجليل بيكلمك وبيخاطبك إنت .. يا ترى هتسمتع لكلامه بقلبك ولا هتغفل عنه وتلتفت لغيره ؟؟؟!!

👈 حرّك لسانك أثناء القراءة، لأن قراءة العين لا تُجزئ ، وخلّي صوتك وسط ، لا عالي أوي فتتعب وتشوّش على اللي حواليك ، ولا منخفض أوي فتملّ وتنام ، وكذلك سرعتك وسط لا سريعة أوي ولا بطيئةً أوي ..

🌟 للقرآن هيبة ووقار، ومن تعظيم القرآن في قلبك إنك إذا بدأت قراءة فمتحاولش تلتفت لأي حد، ولا تقطع قراءتك بالكلام مع فلان وفلان ..

👈ولو حد عايز يكلّمك شارور له بإيدك واعتذر له، وده من تعظيمك لكتاب الله .. ومن عدم احترامك لكلام ربك إنك تقرأ آيتين وبعدين تبص على الفيس والتويتر والتليجرام و... و... و ... بعدين ترجع تقرأ آيتين ، وبعدها تتصفح وهكذا ..عظّم كلام ربك اللي بتقرأه علشان تجد له تأثير في قلبك ..

📌 أثناء القراءة هتعدي عليك آيات رحمة ..آيات نعيم وفضل .. اقف عندها .. اقف عندها وارفع يديك واسأل ربك من فضله ..

👌وهتعدي عليك آيات وعيد وعذاب ..اقف عندها واسألك ربك النجاة والسلامة ..تدبر في آيات الصفات التي تصف الله تعالى وعظمته وقدرته ورحمته وكرمه .. وكرّر الآيات اللي تلاقيها لامست قلبك مرة واتنين وعشرة ..

👈 كرّر الآيات اللي بتأثر فيك لحد ما قلبك يلين ، ويا سلام لو عصرت عينك علشان تبكي وتخشع لكلام الله اللي خشعت منه الجبال !

🔈الحلقة القادمة (صيام باحتراف) بمشيئة الله تعالى
__________
#محترف_رمضان

💐سلاسل💐ورويات💐كفايةذنوب💐

02 April 2021 18:40

((هل يفعلها ؟)).. اقوي سلسلة للاستعداد لشهر رمضان

🌟لبس البنات ومشتقاته في رمضان !!🌟

من الغريب والعجيب إن فيه بنات كتير جدا بتغيّر لبسها الاستايل في رمضان ، وتلبس عبايات أو اسدال وطرحة كبيرة ، ولو رايحة تصلّي تلاقيها لا
ميك أب ولا برفان ولا اكسسوارات !! ... ولكن ، بمجرد ما يخلص رمضار ومع أول أيام العيد ترجع تاني زي الأول ، وممكن أسوأ كمان !!

👈دي نقولها يا أختي يا غالية :
الله ربك هو رب رمضان ، وهو الله رب شوال ورب كل الشهور
{ الله حيّ لا يموت ومطلع عليكي في رمضان وغير رمضان ، ويراكي وإنتي بتعصيه وتغضبيه في كل مرة بتخرجي بيها بلبسك اللي محدد تفاصيل جسمك ؛ ومع ذلك بيرزقك ويسترك وينعم عليكي !! فاستحي منه إنك تعصيه بنعمه !!

👈ما توبي لربك حبيبك .. وزي ما لبستي واسع في رمضان خدى القرار إن حياتك كلها تبقى رمضان وتغيّري لبسك كله بإذن الله !

- والأغرب والأعجب بقى إن فيه بنات بتفضل بنفس اللبس ونفس المكياج ونفس البرفان وعادي جدا إ!!!!!

👈 خارجة يا عيني في عز الحر وهي صايمة ، ولكن الشيطان ضحك عليها والدنيا بموضتها استولت على قلبها وعقلها ، الدرجة إنها والعياذ بالله بقى ولا فارق معاها إنها تعصي ربناه لبسها كل يوم وكل ساعة بتخرج فيها إإإإ

👈 واللي لابسة الفستان والبدي آوالبنطلون والفست والبوليرو وغيره من اللبس اللي
ميرضيش ربنا ، تعبانة وعطشانة من الصيام وهتموت على نقطة ميه.. 😧ولكن يا مليون خسارة لما تيجي يوم القيامة وتلاقي إن ليس لها من صيامها إلا الجوع والعطش إ! بل هتُصعق لما تلاقي في موازين سيئاتها شلالات سيئات جارية
بسبب كل نظرة شاب نظرها لها وكل فتنة ومعصية لله عز وجل حصلت بسببها إ!

👌 أنا عايزك الغالية تفوقي وتعرفي إن لبسك واللي إنتي بتسميه حجاب ده ، حاجة بتزيد جمالك وزينتك وبتظهر مفاتنك مش بتستر ولا بتخفى الزينة اطلاقاً بالعكس ده تحايل على الحجاب !! كفاية بقى ضحك على نفسنا !

🌷إذا كان يا أختي الصيام فريضة ، فالحجاب بمواصفاته وشروطه الصح برده فريضة .. ولا إنتى شايفه إيه ؟؟؟
🌷إذا كنتي بتصومي علشان ترضي ربنا ، فلازم برده تتحجي صح علشان ترضي ربنا.

📌 هتقولي : بس أنا شايفه إن أنا كده كويسة وأحسن من اللي كاشفة شعرها واللي مش الابسة خالص إ!
👈 هقولك : هو ينفع حد يصوم لحد العصر ويقول كده كويس وانا احسن من غيري ؟؟!!
هل ربنا هيقبل صيامه ؟؟؟؟ رُدّي عليا ؟؟
عايزك تجاوبيني ؟؟؟
لا طبعاً لا .
" ليه ؟؟؟ لأن الدين مش بمزاج حد .. وربنا فرض الصيام لحد أذان المغرب ..
👈 وكذلك الحجاب له مواصفات في الشرع .. يعني مينفعش تلبسي اللي على مزاجك
وتقولي هوده الحجاب إن كان عاجبكم !!
يبقي لازم نلتزم بشروطه اللي من أهمها إنه يكون
🔅لا يصف ، يعني مش محدد جسمك ..
🔅ولا كي: زنة و نفسه ..
🔅واكيد من غير برفان وميك أب وأكس

مستنيه إيه ؟؟ خدي القرار وانزلي اشتري لبس واسع يرضي ربك حبيبك ..
وخليكي دايماً فاكرة حديث الرسول الله :
( صنفان من أهل النار لم أرهما ... ونساء كاسيات عاريات ، مائلات مميلات ، رؤوسهن كأسنمة البخت المائلة ، لا تدخلت الجنة ولا يجدن ريحها ) رواه مسلم.

👈📌وياريت تقرأي كتب "للبنات وبس" و"نيوفاشون" و "فكيها شوية" و " أحلى حاجة فيكي".. هيفيدوكي وهيساعدوكي في اتخاذ قرار الحجاب الصح بإذن الله .
_______
#هل_يفعلها

💐سلاسل💐ورويات💐كفايةذنوب💐

02 April 2021 18:39

هل يفعلها ؟ اقوي سلسلة للاستعداد لشهر رمضان

😯 هدف عكسي.2️⃣

👈 تعالو نشوف بعض الحاجات اللي ممكن تكون أهداف عكسية خطير.. وتكون سبب خسارتنا في رمضان علشان ناخد بالنا منها ونحاول نبعد عنها ونتجنبها نهائياً بإذن الله :

1️⃣وسوء الخلق والتعامل في رمضان !!🌻

👈تلاقي الواحد منهم وهو صايم مكشّر وقرفان وعمّال ينفخ ، ومن غير ما حد يلمسه تلاقيه شايط وغضبان ، ويتعصب ويتنرفز ويتخانق لأتفه سبب ، وكأن الصيام ده حاجه بتشيط الأعصاب و بيبوظ الأخلاق و بيتسبب في سوء المعاملات عياذاً بالله !! والناس تقولك "يا عم سبيه معلش أصله صايم" !!!!!
👈صيام إيه بس ؟؟؟؟؟!! الصيام تقوى لله وحسن خلق .. الصيام صبر وتحكم في النفس وكظم غيظ وعفو وتسامح وأدب وذوق وبِرّ ورحمة وعطف واحترام  ..

🔅فـ واحدة واحدة كده عوّد نفسك على حُسن الخلق ، وخلّيك دايماً فاكر حديث النبي صلى الله عليه وسلم :(ما من شيء أثقل في ميزان المؤمن يوم القيامة من خــــــــلق حســـــــــن، وإن الله تعالى يبغض الفاحش البذيء)* صححه الألباني.

2️⃣ تعطيل مصالح الناس في رمضان !!🌻

👌 المفروض إن مقدار العمل الوظيفي بيبقى قليل في رمضان ، وكمان الحكومات بتقلّل عدد ساعات العمل ، ومع ذلك بنلاقي معظم الموظفين بيروحوا الشغل متأخر بحجّة الصيام ، ويزوّغوا من الشغل قبل معادهم بحجّة الصيام ، واللي بينام أثناء الشغل ويعطل مصالح الناس واللي مش عايز يشتغل أصلاً بحجّة إنه صايم وتعبان ويقولك معلش فوت علينا يا افندي بعد رمضان !!

🌟يا أخي لو الصيام بيتعبك جامد أوي كده ومش بيخليك قادر تمسك القلم وتخلّص مصالح الناس يبقى خد أجازة وأقعد في البيت ، إنما متفتكرش إن الصيام هيكون مُبرر وحجّة لما ربنا يحاسبك ويسألك عن الضرر والتعب والمشاكل اللي سببتها للناس لأنك عايز تنام وترتاح !!

👈 فـ اتق الله .. وأتْقِن عملك ، وحلّل الفلوس اللي هتاخدها آخر الشهر !!     
 👈 اتق الله ويسّر على الناس وانجز لهم مصالحهم ..

👈وخد النيّة الجميلة دي وخلّيها دافع لك مع كل واحد بتساعده أثناء شغلك ، قال النبي صلى الله عليه وسلم : (من نَفَّسَ عن مؤمن كُربة من كُرب الدنيا ، نَفَّسَ الله عنه كُربة من كُرب يوم القيامة ، ومن يَسّر على مُعسِر ، يَسّر الله عليه في الدنيا والآخرة ، ومن سَتر مؤمناً ، سَتره الله في الدنيا والآخرة ، والله في عون العبد ما كان العبد في عون أخيه ) رواه مسلم

3️⃣ الخفافيش في رمضان !!🌻

 👈 تلاقي الواحد منهم بمجرد دخول رمضان تنقلب حياته رأسًا على عقب ، فيتحول إلى (خُفّاش) ليله نهار ونهاره ليل !! رمضان بالنسبة له شهر السهر والدلع والترفيه والفرفشة !!

👈يخرج من بعد الفطار على القهوة يقضيها شيشة ودخان وخناقات في الدومينو والشطرنج والكوتشينه! واللي حاجز مقعد دائم في الخيم -المسماة زورًا- بالرمضانية ، وهي أقرب ما تكون للملاهي الليلية بما فيها من رقص وأغاني وبلاوي ..!

👈وفيه اللي مش بيحلاله المصيف غير في رمضان !! ولا حول ولا قوة إلا بالله !!  يقضيها الواحد طول الليل سهر وخروجات وفسح .. ويرجع ينام قبل الفجر لحد أذان المغرب !! مضيع أغلب عباداته ، وحياته عبارة عن أكل ونوم بدون شغل ولا مشغلة !! يا أخي وهو ده يبقى اسمه صيام ؟؟!! ده إنت أبعد ما يكون عن الصيام وأبعد ما يكون عن نفحات ورحمات رمضان !!
لازم تعرف إنه من شقاءك وهلاكك إنك تنشغل بمعصية الله في أحب الأوقات إليه !!

👈👌راجع نفسك .. وخلّيك فاكر قول الله تعالى :
{حَتَّى إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ * لَعَلِّي أَعْمَلُ صَالِحًا فِيمَا تَرَكْتُ كَلَّا إِنَّهَا كَلِمَةٌ هُوَ قَائِلُهَا}[المؤمنون:99-100] 👈 راجع نفسك وإلا والله هتندم!!!

4️⃣ الإسراف والتبذير في رمضان !!🌻

🌸المفروض إن رمضان شهر صيام مش شهر أكل ، يعني المفروض الناس توّفر فيه ، مش تصرف أضعاف أي شهر تاني !! الطبيعي إن الناس تخس فيه ، مش تتخن 20 كيلوا ، وترجع تصرف فلوس علشان تعرف تنزلهم بعد رمضان !!!

👈للأسف فيه ناس رمضان بالنسبة لها شهر الموائد والولايم والعزومات وملئ أكبر مساحة ممكنة من معدتك !!! بيخزن أكل من قبل رمضان كأنه داخل على مجاعة !! وتلاقي على الفطار كمية أكل كتيرة جداً، ممكن نصها يترمي بعدين !!!

🌸 وتشوف واحد عند الفطار بياكل لحد ما يبقى مش قادر يتحرك من مكانه !! شعاره بعد الفطار "سنأكل وهناكل و ناااااااااكل  في أي وقت وأي مكان .. صحرا إن كان أو بستان " ! وكأنه محروم من الأكل بقاله 100 سنة !!!! ويفضل ياكل من المغرب لحد الفجر ويقولك أنا بعمل مخزون استراتيجي للصيام !!! وهو فين الصيام ده ؟؟!! ولو جيت تقوله تساعدنا نعمل شنط رمضان للفقرا أو نجهز لهم وجبات يقولك منين بس ؟؟

🌸 إحنا عايزين يا جماعة يكون فيه اعتدال في الأكل والانفاق في رمضان .. ولو قدرنا نوفر ونخلّي أي جزء منالأكل أو النفقة للفقرا واللي مش لاقيين أي حاجة !!

💐سلاسل💐ورويات💐كفايةذنوب💐

02 April 2021 18:39

(هل يفعلها ؟
اقوي سلسلة للاستعداد لشهر رمضان📜

📢هدف عكسي ! الجزء الأول 📢

👈من أسوأ الحاجات اللي ممكن تحصل في أي مباراة ، إن لاعب يجيب هدف في مرمى فريقه بالخطأ غصب عنه وهو مثلاَ بيشتت الكورة أو الكورة خبطت فيه بالخطأ وغيّرت اتجاهها ودخلت جون !! ده بيسموه هدف عكسي !!

👈 أنا عايزك بقى تتخيل لاعب بيسجّل هدف عكسي في مرمى فريقه بكل مهارة واحترافية !
👌يعني تخيل لو لاعب عمل مجهود كبير جداً علشان يستحوذ على الكورة ، وبعدين عمل مجهود أكبر علشان يحتفظ بيها ، وبعدين عمل مجهود أكبر وأكبر ونفسَه اتقطع علشان يجري الملعب كله ويوصل للمرمى ويسجل هدف !!
👈وبعد ده كله وهو فرحان إنه جاب جون ، بعد المجهود الجبار ده كله ، يُفاجئ إنه كان بيجري غلط ناحية المرمى بتاعه وإنه سجّل هدف عكسي في مرمى فريقه !!!
👈تخيل ده إحساسه هيبقى إيه ؟؟؟
👈تخيل الشخص ده ممكن يتوصف بإيه ؟؟؟

🔊أقل وصف يتقال إن ده واحد بيدمّر نفسه ذاتياً !! بيدمّر نفسه بنفسه !!

✍️ ده واحد قلبه هيتقهر من الحزن لما الماتش يخلص ويعرف إن بعد المجهود الجبار اللي عمله ده كله ، تعبه طلع على الفاضي وخرج خسران !!!
✍️ ده واحد مش فاهم أي شئ وراكن دماغه على جنب ومش بيحاول يفكر ، ولا عايز يسمع لنصيحة حد !!! 👈 أهو ده للأسف حال كتير مننا يا شباب !!!

🔊حال كل واحد بيصوم وبيتعب وقاعد 16 ساعة صابر على الجوع والعطش في عِز الحرّ ، ولكن مقضيها طول النهار الهاند فري في ودانه بيسمع أغاني وهو قاعد يتفرج على البنات في الجامعة ، وشوية على النت بيشيّت مع فلانة، وشوية على الانستجرام بيشوف أحدث صور الفنانات ، وبالليل بقى ييجي وقت السهراية الحلوة مع الشلّة على القهوة ويقضوها تدخين وشيشة لحد الفجر !!!

👈ده حال كل واحدة بتصوم وماسكة نفسها بالعافية لحد المغرب وبالليل بتصلي التراويح وواقفة تعبانة ومستحملة ، ولكن مقضياها طول النهار شتيمة وغيبة وكلام في سيرة الناس، وشوية وتخرج باللبس الضيق اللي محدد جسمها، وشوية على النت بتهزر مع فلان وتضحك مع فلان، وبالليل بقى ييجي وقت المسلسلات التي لاتنتهي لحد الفجر!

👈 للأسف ده الحال اللي ينطبق عليه حديث الرسول صلى الله عليه وسلم  :
  « رُبَّ صائم ليس له من صيامه إلا الجوع ،ورُبَّ قائم ليس له من قيامه إلا السهر »  (صححه الألباني)

📚قال الإمام ابن رجب رحمه الله   :
[ و اعلم أنه لا يتم التقرب إلى الله تعالي بترك هذه الشهوات المباحة من الأكل والشرب والجماع ، إلا بعد التقرب إليه بترك ما حرّم الله في كل حال .و سِرّ هذا أن التقرب إلى الله تعالى بترك المباحات لا يكمل إلا بعد التقرب إليه بترك المحرمات، فمن ارتكب المحرمات، ثم تقرب بترك المباحات، كان بمثابة من يترك الفرائض ويتقرب بالنوافل !]

👈 للأسف ده حال الناس اللي معرفتش معنى الصيام ولا فهمت مغزاه ، الناس اللي مسمعتش حديث الرسول صلى الله عليه وسلم  :
« ليس الصيـــام من الأكـــل والشـرب ؛  إنما الصيــــام من اللّغــو والـــــــرَّفث » 
صححه الألباني

👈للأسف ده الصيام اللي ملوش فايدة ولا مَرجُو منه ثواب ، اللي الرسول صلى الله عليه وسلم قال عنه : « من لم يَدَع قــول الــــزور والعمــــــل به  فليس لله حاجة في أن يدع طعامه وشرابه»
رواه البخاري

📑قال الإمام ابن حجر رحمه الله في فتح الباري:
[ قال البيضاوي: ليس المقصود من شرعية الصوم نفس الجوع والعطش ، بل ما يتبعه من كسر الشهوات وتطويع النفس الأمارة بالسوء للنفس المطمئنة ، فإذا لم يحصل ذلك لا ينظر الله إليه نظر القبول ، فقوله تعالي : "ليس لله حاجة" هو كناية عن عدم القبول ! ]

👌 الصيام من مقاصده ترويض النفس .. لأن الفرق بين الإنسان والحيوان ، إن الحيوان بتقوده شهواته ، إنما الإنسان هو اللى بيقود شهواته .. إنت أصلاً أثناء الصيام بتمنع نفسك من الحلال ، علشان تقدر بعد كده تتحكم في نفسك وتمنعها من الحرام بسهولة ، فلما تكون صايم ولكن نفسك الأمَّارة بالسوء مازالت هي اللي مسيطرة عليك وكل ما تقولك أعمل حاجة بتعملها .. إيه فايدة الصيام بقى ؟؟!!!

👌الصيام هدفه تحقيق التقوى،مش مجرد الجوع والعطش!.. وعلشان كده يا شباب الرسول * قال عن المعنى الحقيقي للصيام ، الصيام اللي ربنا * يحبه ويريده لنا :  «الصيام جُنَّة وحصن حصين من النار» صححه الألباني.
👈 جُنَّة يعني وقاية ، وقاية في الدنيا من المعاصي، بكسر الشهوة، وحفظ الجوارح، وفي الآخرة وقاية من النار.

📚قال العلماء في شرح الحديث :
[ فلما كان الصيام يقي صاحبه من المعاصي في الدنيا ؛ كان له في الآخرة جُنَّةٌ من النار ، وإنْ لم يكن الصيام له وقاية في الدنيا من المعاصي ، لم يكن له وقاية في الآخرة من النار !! ]
👈يعني الصيام الذي لا يمنعك من سماع الحرام و النظر إلى الحرام والسب والشتم والخصام والغيبة والنميمة والكذب والخوض في الأعراض ، فليس بصيام !!

💐سلاسل💐ورويات💐كفايةذنوب💐

02 April 2021 18:39

((هل يفعلها ؟))
اقوي سلسلة للاستعداد لشهر رمضان💎

كارت أحمر ! !( الجزء الثاني )⛔
📑كارت أحمر = طرد ! يعني أشد عقوبة في المباراة ! يعني فيه جريمة شنيعة إنت ارتكبتها عمداً.. ومستحيل الجريمة دي تعدي بدون عقوبة رادعة علشان تكون عبرة للغير ..!!!

👈🔅الجريمة الثانية:- قتل الوقت !!

👈جريمة قتل الوقت هي للأسف الشديد "جريمة قتل لا يُحاسب عليها القانون" في أي مكان في العالم !!

👌الناس بتسعى لقتل الوقت وكأنه أصبح "عَدُو"! وأصبح لابد من التخلص منه بأي طريقة !! بالنوم مرة وبالمسلسلات مرة وباللعب مرة !! لدرجة إن الواحد بقى يشوف مواضيع وأسئلة كتيرة على النت إزاي نقتل الوقت ونخلّيه يعدي في رمضان وغير رمضان ! وللأسف هو ده حال كتيير مننا !
👈كما يقول الإمام ابن الجوزي  :
[ رأيت عموم الخلائق يدفعون الزمان دفعاً عجيباً ؛ إن طال الليل فبحديث لا ينفع، أو بقراءة كتاب سمر .. وإن طال النهار فبالنوم ، وهم في أطراف النهار في الأسواق !! فشبهتهم بالمتحدثين في سفينة وهي تجري بهم ، وما عندهم خبر !! ورأيت النادرين قد فهموا معنى الوجود ، فهم في تعبئة الزاد والتأهب للرحيل .. فالله الله في مواسم العمل ، والبدار البدار قبل الفوات !! ]

👈إنت عارف يا حبيب قلبي إنك تقتل وقتك معناه إيه؟؟؟
🔅معناه إنك بتقتل نفسك !!
🔅معناه إنك بتنتحر بالبطئ !!
🔅معناه إنك بتضيّع مستقبلك في الدنيا والآخرة !

📚يقول الدكتور مصطفى محمود رحمة الله : 
[ تحت شعار قتل الوقت يقتل الإنسان نفسه، و يُراق دم اللحظات، و يُسفك العمر، فما العمر فى النهاية إلا وقت محدود ، و ما الإنسان  إلا فُسحة زمنية عابرة ؛      إذا قُتِلت لم يَبْق من الإنسان أي شئ !! ]

👈 تخيل لو واحد دمه بينزف وبيتسحب منه نقطة ورا نقطة لحد ما يموت ؟؟ إحنا بقى بيتسحب مننا عمرنا يوم ورا يوم , وليلة ورا ليلة .. 👈 عمرك بيتسحب منك وإنت مش حاسس !!

📚 الإمام ابن القيم رحمه الله بيوّضح الحقيقة دي وبيقول :
[ من قطع وقته في الغفلة والسهو والأماني الباطلة ، وكان خير ما قطعه به النوم والبطالة ، فموت هذا خير من حياته !! ]

📚 ويقول أيضاً  :
[ إضاعة الوقت أشد من الموت ؛ لأن إضاعة الوقت تقطعك عن الله والدار الآخرة، والموت يقطعك عن الدنيا وأهلها !]

👈 يا أختي إنك تضيعي وقتك في رمضان معناه إنك بتضيعي من إيدك فرص مش هتتعوض تاني ! ده اليوم اللي بيروح من عمرك مش هيرجع تاني أبداً !!

📚 قال الإمام الغزالي رحمه الله :
[ كل مفقود عسى أن تسترجعه إلا الوقت، فهو إن ضاع لم يتعلق بعودته أمل، ولذلك كان الوقت أغلى ما يملكه الإنسان، وكان على العاقل أن يستقبل أيامه استقبال الفقير للثروة الطائلة ، لا يُفرِّط في قليلها ولا كثيرها ! إنَّ شأن الناس في الدنيا غريب ، يلهون .. والقدَر معهم جاد ،  وينسون .. وكل ذرة من أعمالهم محسوبة ! ]

🔅 والله أعلم إنت هتعيش لرمضان الجاي ولا لأ ؟؟؟
👈وهتكون بصحتك وهتقدر تجتهد فيه ولا لأ ؟؟؟؟؟
👈ده الثانية في رمضان أغلى من الدهب !
👈 فيه حد عاقل ممكن يفرّط في الدهب ؟؟!

🔅ده إحنا لو أي واحد مننا ضاع منه 100 جنيه ، ممكن يفضل حزين ومتضايق طول اليوم !! فتخيل إنت بقى عمرك بيضيع منك يوم وراه يوم ، وفي النهاية مش زعلانين ومش حاسين إن بيروح مننا أي حاجة !! رغم إن اللي بيروح مننا ده أغلي حاجة في حياتنا كلها !!

📚يقول الحسن البصري رحمه الله :
[ لقد أدركت أقواماً كانوا أشد حرصاً على أوقاتهم من حرصكم على دراهمكم ودنانيركم! ]

👈 متضيعش وقتك يا حبيب قلبي .. لازم يكون عندك هدف في حياتك .. الإنسان اللي عايش من غير هدف إنسان ميت إكلينيكياً !! عايش ومش عايش !!!!!!!       
🍃 مفيش لحياته أي طعم !! بينام ويصحى وهو مش عارف هو نام ليه،ولا صحي ليه؟! حياته روتينية بحتة !! حياة كلها خنقة وملل وكئابة !!!!

👈 فـ خلّي عندك أهداف في الدين والدنيا ، وصمّم إنك لازم تحققها .. وحتى لو حققت جزء منها ، فعلى الأقل يبقى إنت عملت حاجة بجد ..

👌قول هحفظ القرآن .. هتعلم لغة .. هعمل مشروع  .. هجتهد في أعمال الخير .. وهستغل كل ثانية في إني أجمّع أكبر قدر من الحسنات !! لازم تكون تاجر شاطر ! شوف إنت عايز تحقق إيه في دينك ودنيتك !!!

👈 وحاول تنوّع في أهدافك وأعمالك .. لأن النفس بطبيعتها سريعة الملل ..
وتأكد إنك لو شغلت وقتك بإذن الله ، مش هتعرف تفكر أبداً في أي معصية ، وهيكون ده سبب كبير جداً في إنك تنسى المعاصي كلها وهتتغير بجد ..
👈 متضيعش وقتك يا حبيب قلبي علشان متندمش على الثواب اللي هيفوتك ..

📚 يقول الامام ابن الجوزي رحمه الله :
[ واعلم أنّ الزَّمان أشرف من أن يضيع منه لحظة؛ فإنّ في الصحيح عن رسول الله ﷺ : أنّه قال: «مَنْ قَالَ: سُبْحَانَ الله الْعَظِيمِ وَبِحَمْدِهِ؛ غُرِسَتْ لَهُ نَخْلَةٌ فِي الْجَنَّةِ»  ؛ فكم يضيِّع الآدميُّ من ساعاتٍ يفوتُه فيها الثوابُ الجزيلُ؟! ]

💐سلاسل💐ورويات💐كفايةذنوب💐

26 March 2021 09:32

وأول ما تحس بالتعود عليها .. ابتدي زود الكمً أو الكيف لحد ما توصل لغايتك ومرادك ..
👈وأي حد بينام كتييييير ، المفروض من دلوقتي من قبل رمضان يبدأ يظبط مواعيد نومه ، ويقلل عدد ساعات النوم تدريجياً لحد ما يوصل للمطلوب .. نظّم مواعيد نومك من دلوقتي وإلا هتلاقي الدنيا في رمضان كلها ملخبطة معاك !

نكمل الحلقة القادمة بإذن الله..
🌟🌟🌟🌟🌟

#هل_يفعلها

💐سلاسل💐ورويات💐كفايةذنوب💐

26 March 2021 09:32

هل يفعلها 🔆.. كيف تعيش رمضان بحق..!!!!.. 🎁

👌 ياللا جدّد توبتك إنك تطهر نفسك وتنقيها من كل حاجة غلط عملتها قبل كده.. إنك تطهرها من كل ذنب عملته ، فاكره أو ناسيه ،.. من كل فكرة حرام، وكلمة حرام، ونظرة حرام، ولمسة حرام ..

🔅التوبة من أي حاجة تغضب ربنا فى حياتك ..
🔅التوبة من البعد عن طريق الله وحب الدنيا والانغماس في شهواتها وكراهية الموت ..
🔅التوبة من التكاسل عن الصلاة وتأخيرها .. التوبة من هجر القرآن ..
🔅التوبة من إنك تعيش بعيد عن السُنَّة وبعيد عن أخلاق النبى ﷺ ..
🔅التوبة من عدم اهتمامك إنك تتعلم أمور دينك ..
🔅التوبة من سوء الخلق وسوء معملة الناس وعقوق الوالدين وقطيعة الرحم ..

🌸 توبة تنوي فيها إنك تغيّر حياتك للصح وللأصح ..
🌸توبة تكره فيها حياتك اللي قضيتها وإنت بعيد عن ربنا ، وتبدأ تمشى فى الطريق الصح ومتبصش وراك ولا تفكّر فى الرجوع للماضي أبداً ..
🌸توبة تحط فيها هدف قدامك وهو " رضاك ربى والجنة " ..
🌸توبة تكون بداية حقيقية للتغيير والانطلاق  في القرب من الله والثبات بعد رمضان ..
👈مش توبة في رمضان وانتكاس بعد رمضان !!

❌صدمـــــات !❌

🔊 إحدى البنات بتقول :
[ بستغرب من حالى وأفعالى فى شهر رمضان أنا وكتير غيري من الناس ، مواظبة على صلاة القيام وعلى قراة القرآن، وبلبس عبايات وأنا رايحة أصلّي ومش بتفرّج على التليفزيون فى نهار رمضان ومواظبة على الأذكار، وباتفق أنا والشاب اللي بكلّمه هنبطّل كلام في رمضان ، وبحاول أكسب حسنات وأقلل من السيئات واتجنبها على قدر ما أقدر ، وبيبقى الواحد بصراحة عايش حياة جميلة طول رمضان !

👈لكن ... وفي أول أيام العيد وأنا خارجة يتبدّل حالى تماااااااماً !!!! يعنى ألبس جينز ، وأحط ميك أب والبرفيوم والاكسسوار ، وأعيش حياتى عادى بقى زى بنات كتير فى اللبس والطرحه النص كم ، وأرجع تانى أغير نغمة الموبايل وأسمع أغانى وأشوف مين نزل ألبومات فى العيد ، وإيه آخر الأفلام ، وأتابع المسلسلات اللى فاتتنى و ....و.....!!
طب فين سلوك الملايكة بتاع رمضان ؟؟ بخ طااااااااااااار في الهوا !!!*

👈 طب إحنا كده صح ولا غلط ؟؟ إحنا كده عندنا انفصام شخصية ولا إيه بالظبط ؟؟ يعنى إحنا بنات مؤدبة وماشين فى المعقول ..  بس ليه مكمّلش بقى لبعد رمضان ؟؟؟!! 👈مش عارفة بجد !!نفسي أكون أفضل وأثبت على حالي بس مش عارفة ليه بيحصل كده ؟! ]

👈لو هنشوف المشكلة اللي بتحصل مع أختنا الطيبة دي وغيرها في عدم الثبات بعد رمضان هنلاقي لها عدة أسباب ، من أهمها :
❌عدم الاستعداد الجيد قبل رمضان يعني مفيش أساس قوي قبل رمضان علشان تكمّل عليه بعد كده !
👈زي الواحد اللي يبني عمارة فوق التراب ومحطّش لها أي أساس ، فأول ما جه شوية هوا طيّروها !
👈فللأسف من أول يوم في شوّال بنرجع تاني زي قبل رمضان , علشان لا يوجد أساس في رجب وشعبان ، فنقوم نعلى ، ولكن بعد شوية ينهار المبنى كله تاني لأنه بدون أي أساس ..! فالاستعداد لرمضان هو الأساس اللي هيتبني ويرتفع عليه إيماننا !!

👈ولكـــــــــــــــــن .. بجانب عدم الاستعداد ، السبب الأهم للمشكلة هو:
❌عدم وجود التوبة الصادقة !!❌

👈يعني هي داخلة رمضان من الأول بتوبة مؤقتة ،
👈داخلة رمضان وواخدة الذنب معاها !! مش ناوية إنها تتغير بجد!!
👈مفيش في قلبها عزيمة حقيقية على ترك المعاصي !!
❌هي مجرد بتأجّلها لمدة شهر !!!❌

👈وده اللي بيخلينا نتصدم لما نشوف الكارثة الكبرى من ذنوب ليلة العيد !
الكارثة دي بنشوفها مع إنه لسه يادوب معداش كام ساعة على رمضان !!

🔊 نظرة على الشوارع ليلة العيد ، هتشوف فيها الطوابير الطويلة قدام محلات بيع الخمور وقدام السينيمات ، وهتشوف الفجور في لبس البنات ، وهتشوف المناظر البشعة للشباب مع البنات على الكورنيش !!

👈معقول ؟؟؟؟؟؟!!😯😯
معقول هما دول اللي كانوا لحد امبارح ماليين المساجد ، وليلة 27 كانوا بيهزوا المسجد من الصلاة والبكاء ؟؟؟!! إيه بس اللي حصل ؟؟؟!!!

👈 اللي حصل إن ماكنش فيه توبة صادقة قبل رمضان !
القلب ناوي يعمل المعصية بس مستني رمضان يخلص !
يعني مجرد تغيير وقتي له معاد وهينتهي فيه !!!

نكمل الحلقة القادمة بمشيئة الله تعالى..
🔅🔅🔅🔅
#هل_يفعلها

💐سلاسل💐ورويات💐كفايةذنوب💐

26 March 2021 09:31

🍥((هل يفعلها ؟))أقوى سلسلة للاستعداد لرمضان🌙

إزرع لتحصد !🌳

🌻رمضان يا شباب مش شهر مجاهدة !
🌻رمضان شهر حصاد ..
🌻 *رمضان مش شهر تواجه فيه شهواتك ومعاصيك ، كل ده المفروض تعمله فى رجب وشعبان علشان تدخل رمضان بقلب نضيف، بقلب يحصد الثواب على طول ، يجني الثمار وهو مستريح ..

👌 يعني كل اللي عايز تحصده وتجنيه في رمضان لااااااازم تزرعه من دلوقتي .. الحاجات اللي إنت نفسك تحصدها في رمضان لازم هتبذرها وهترويها في رجب وشعبان لحد ما تبدأ تكبر وترعرع ، وتيجي في رمضان تقطف أحلى ثمار ..

🌻رمضان يا شباب عامل زي القطر .. اللي هيكون مستعد ومجهز نفسه وواقف على المحطة ومحضّر شنطته ومنتظره ، هو اللي هيلحقه ويركب ويحقق به غايته وأمانيه .. واللي هيكون غافل ، اللي هيقضيها لعب وتهريج ، هيفوته رمضان وهو الوحيد الخسران !!

👌فلازم نستعد من دلوقتي .. رجب وشعبان هما الأساس ..
👈 إحنا عاملين زي اللي مش بيقدر يشيل غير 10 كيلو حديد وداخل مسابقة بعد شهرين مطلوب منه فيها إنه يشيل 250 كيلو ، وبيقول ملكش دعوة ، بس يتحطوا قدامي وهشيلهم ...!!! طب إزاي بس ؟!!!

🌻 يا شباب ..الفشل في الاستعداد لرمضان للأسف قصة مكررة كل سنة ..!!! وبتؤدي للفشل في رمضان كل سنة !! خسرنا كام رمضان في حياتنا بسبب عدم الاستعداد له!! وبرده محدش عايز يعتبر !!

👌 لابد إنك تتغير قبل رمضان ، وتتوب قبل رمضان ،وتتعود على كل اللي هتعمله في رمضان من قبل رمضان ، اللي نفسك تعمله في رمضان تبدأ تشتغل عليه من انهارده .. وإلا مش هتعرف تعمل حاجة أو هتعمل بس مش هتقدر تكمّل !*

👌عايزين الاستعداد يبقى واقع نعيشه ، مش مجرد هاشتاج أو كومنت على بوست تريح بيه دماغك وتقول "اللهم بلغنا رمضان" !!

👈 الواحد بيتعجب لما يلاقي شاب في ريعان الشباب بيقول : هنصوم إزاااااااااااااي في الـحـــرّ ده ؟؟!! في حين إننا بنلاقي شيخ عمره تجاوز الـ70 بل والـ 80 سنة بيصوم عادي جداً ومن غير أي تعب ولا مشقة .. مع إن الشاب طبعاً يقدر يتحمل أكتر من الشيخ الكبير ؟؟

👌لو شوفنا الموضوع هنلاقيه ببساطة إن الشيخ الكبير عوّد نفسه على صيام التطوع طول السنة ، فتلاقيه بيصوم الاثنين والخميس، و3 أيام من كل شهر، وستة أيام من شوال، و... و... فأصبح الصيام سهل عليه ؛ بل أصبح يتلذَّذ بالصيام .. الصيام بقى مُتعة بالنسبة له ! سبحان الله !

👈إنما اللي مش متعود على الصيام هيلاقي نفسه فاصل في نص اليوم ، ومجرد ما يروح مشوار أو يصلي ركعتين يحس إنه عايز يستريح بقية اليوم كله !!!

🌻 يا شباب .. لازم نستعد ونعرف إنه :
على قدر ما تستقيم فى رجب وشعبان ، على قدر ما هيفتح ربنا عليك فى رمضان..

👌بل لازم نعرف إن الاستعداد لرمضان علامة إيمان أو نفاق! كما قال : "بمَحْلُوفِ رسول الله،ما أتى على المؤمنين شهر خيّر لهم من رمضان، ولا أتى على المنافقين شهر شرّ لهم من رمضان ، وذلك لما يُعدّه المؤمنون فيه من القوة للعبادة، وما يُعدّ فيه المنافقون من غفلات الناس وعوراتهم"
(صححه الشيخ أحمد شاكر)

👌النبي صلى الله عليه وسلم بيقول إن لازم المؤمن اللي عنده إيمان حقيقي في قلبه يستعد للعبادة في رمضان بكل قوته .. على عكس المنافق اللي عايز يقضيها لهو وغفلة !!

🍃 أنا عايزك كمان وإنت بتستعد لرمضان ،تتيقن إنك بتستعد في نفس الوقت للقاء الله ! لأن الموت ولقاء الله أقرب إليك من شعبان ورمضان !!
👈يا ترى مستعد للحظة دي ؟؟ لحظة العرض على الله ؟؟
👈 فـ استعد بأقصى ما تستطيع !

نكمل الحلقة القادمة بإذن الله..
🌟🌟🌟🌟🌟
#هل_يفعلها

💐سلاسل💐ورويات💐كفايةذنوب💐

26 March 2021 09:31

((هل يفعلها ؟)) أقوى سلسلة للاستعداد لرمضان ✴️

💪رمضان زلزال تغييري بقوة 1000 ريختر !!💪

رمضان شهر فــــارق في حياتك ..!
رمضان لحظات تغييرية حـــــاسمة ..!
جو رمضان جو تغيير حقيقي ، طاقة إيجابية عالية جداً ، فلو مقرّرتش وعزمت بجد إن رمضان يكون بداية التغيير والخير لك، فاعرف إن التغير بعده هيكون أصعب !!!
رمضان كان نقطة تحول في حياة ناس كتير .. رمضان هو ميلاد جديد ليك ،
فـ اسعى على قد ما تقدر إنك لازم تخرج منه إنسان جديد ..

إوعى تفضل زي ما إنت !! إوعى يا حبيب قلبي ربنا يغلق لك أبواب النار
👈وإنت تفتحها على نفسك بمعصية جديدة في رمضان !!!
* إوعى ربنا يفتحلك أبواب الجنة ،👈وإنت تبعد وترفض الدخول أو تنشغل عنها !
*إوعى ربنا يُقبِل عليك برحمته وكرمه وإنت تُعرِض عنه!👈إنت كده بتدّمر نفسك !!
لأن اللي هيُعرِض عن ربنا ، ربنا هيُعرِض عنه ،واللي ربنا * هيُعرِض عنه حياته هتبقى جحيم !

🍃 قال الإمام ابن القيم :
[ ومن أعرض الله عنه لَزمَه الشقاء والبؤس والبُخس فى أحواله وأعماله ، وصَاحَبَه سوء الحال وفساده في دينه ومآله .
👈فإن الرب تبارك وتعالى إذا أعرض عن جهة ؛ أظلمت أرجاؤها، وانكسفت أنوارها، وظهرت عليها وَحشَة الإعراض، وصارت مأْوى للشياطين ، وهدفاً للشرور ، ومَصبَّاً للبلاء ! فالمحروم كل الحِرمان من عرف طريقاً إليه ، ثم أَعرض عنها ! ]

⏳لعلّه الأخيـر !

رمضان تذكرة قوية، بتقولك : فات من عمرك سنة !
عدّى من عمرك سنة كاملة من رمضان اللي فات ،يعني إنت قربت من آخرتك سنة كاملة ، وكلها سنين هتعدي وهتقابل ربك وهتلاقي عملك حاضر قدامك ، 👈يا ترى عملت إيه تلقى به الله ؟؟ يا ترى هتقول لربنا إيه؟؟
بُص حواليك هتلاقي فيه ناس كتيرة أوى ماتت الفترة اللى فاتت و ملحقتش رمضان،شوف كام واحد قريبك أو جارك أو صاحبك تعرفه مات الفترة اللي فاتت!

👈شوف كام واحد مات .. وإسأل نفسك : ليه مش أنا ؟؟؟؟!!!
وياترى لو كنت مكانهم كان حالي هيبقى إيه دلوقتي ؟؟؟
افتح كده صفحات الفيس بوك وقلّب فيها وإنت هتلاقي ولاد وبنات زي الورد في عُمر الزهور ممكن يكونوا من نفس سِنّك ، خطفهم الموت من غير أي مقدمات !!!
وهي دي خطورة موت الفجأة اللي انتشر جداً في زماننا!
كل واحد حاطط لنفسه أماني وأحلام ، وعمّال يأجل التوبة كل شوية ،
وفجــــــأة .. وبدون سابق إنذار يلاقي نفسه تحت التراب وبيتحاسب عن كل حاجة !

* عايزين يا شباب نستوعب الكلام ده و نحسه بقلوبنا ، عايزين ندرك أهمية الكنز اللى بيُهدى إلينا كل سنة ، وللأسف بنفرط فيه بمنتهى السهولة كأننا ضامنين إن إحنا هنعيش لرمضان السنة الجاية !! و الله أمرنا عجيب !!
لازم نحمد ربنا إننا بفضل الله على أبواب رمضان ولسه عايشين..
واللي ربنا هيبلغه مننا رمضان لازم يفرح.. اللي ربنا هيبلغه مننا رمضان لازم يفرح ويطير من الفرحة ويسجد شكر لله إنه على قيد الحياة وقدامه الفرص المهولة دي كلها ..

* اللي ربنا سبحانه وتعالى هيبلغه مننا رمضان هيبقى نعمة وفضل وكرم كبيرأوووى
لازم تشكر ربنا عليه بإنك تستغل كل لحظة فيه أحسن استغلال ..
* وأكبر دافع وحافز لك علشان تقدر تستغل رمضان صح هو :
👈 إنك تعتبر رمضان ده آخر رمضان في حياتك !

🍃والله أعلم هو ممكن يكون كده فعلاً ! محدش عارف !!
ربنا بيقول : (وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ)

* لو فكرت بجد إن ده ممكن يكون آخر رمضان في حياتك ، هتلاقي الدنيا هتختلف تماماً ..
* لو عشت رمضان بإحساس إنه آخر رمضان في حياتك ، هتعيشه بأحاسيس تانية خالص !

🍃 ودي كانت وصيّة النبي ﷺ لنا عند كل صلاة بنصليها "صلِّ صلاة مُودِّع" ،
👈 ليه ؟؟ علشان تخشع وتنسى الدنيا وهمومها وتُقبِل على الله بقلبك وكل جوارحك ..

🍃 يعني تخيّل لو قولتلك إن باقيلك في الدنيا ربع ساعة و خلاص هتموت .. وهنسيبك تصلّي فيهم ركعتين ، يا ترى هتصليهم إزاى؟؟!

🍃 أكيد هتخشع بنسبة 100 % ، و هتفتكر الموت و الحساب ، وهتنسي الدنيا كلها ومش هتفكر فيها ولو ثانية واحدة ، ما إنت خلاص هتموت وتسيبها !

🌻طيب ما هو إنت فعلاً مش ضامن إن أي صلاة بتصليها تكون فعلاً آخر صلاة! فحاول يكون ده إحساسك مع كل صلاة بتصليها .. 👈 وحاول يكون إحساسك في كل عبادة بتعملها .. صُم صيام مُودِّع .. وقُم قيام مُودِّع .. واقرأ القرآن قراءة مُودِّع .. واعتكف اعتكاف مُودِّع .. وتصدق صدقة مُودِّع ..

🌻لو تخيّلت في كل عبادة بنعملها إنها آخر عبادة ، لااااازم خشوعك في العبادات كلها هيختلف ..

🌻 فـ لو تخيّلت إنك خلاص هتموت آخر رمضان ، أكيد مش هتسيب المصحف من إيديك ، و مش هتضيع وقتك في التفاهات ، ومش هيبقى كل اهتمامك بالأكل والفيس والمسلسلات !!

🌻 أكيد علاقتك مع الناس هتتغير .. وكل واحد هيبقي مركّز أوي في معاملاته وفي كل كلمة بيقولها ..
ولو فيه أي مشكلة بينك وبين حد هتلاقيها صغرت أوي في عينك ، وهتلاقيك بتسامحه وتعفو عنه بدون حتى مايعتذرلك ...!