-
نسعى بجهودنا المتواضعة نحو تقديم ابسط ما يمكن لخدمة سيدنا الحسين (ع) ، راجين من الباري ان يوفقنا وإياكم ويتقبل اعمالنا .
قصيده لسان حال الشاعر في رثاء الامام الجواد عليه السلام
╰─┅═๑°ੌ🖤✿ੌ਼ེ༘ཾ๑═┅─
ال هاشم وينهه. مات الجواد
خل تجي لبغداد. خل تعلن حداد
خل تشد رحالهة لزين الشباب
تنصب الماتم اله بهذا المصاب
بكه بداره مغلكه عليه الابواب
ماكوا واحد يمه ابن خير العباد
ام✍🏻كرار شكر
╰─┅═๑°ੌ🖤✿ੌ਼ེ༘ཾ๑═┅─╯
وين اولاد الزجيه تحضره
تسال شصار بابنها وشجره
خل تجي وتشيل نعشه من الثره
اخذوا ثاره وصيحوا حي اعلى الجهاد
ام ✍🏻جعفر الايرواني
╰─┅═๑°ੌ╰─┅═๑°ੌ╰─┅═๑°ੌ
خل تجي تاخذ الثار الليله
بالحزن عالروس نعشه اتشيله
والخصم يوم الحشر ياويله
رفعوا الرايات او علگوا السواد
*الــ✍ــحاجه ام احمد الحچامي*
╰─┅═๑°ੌ╰─┅═๑°ੌ
بسمه رايات الحزن رفعوها
اجنازة المسموم خيشيعوها
اوللجواد الصرخه هم علوها
الشيعه كلها امحزمه اباب المراد
✍️
المله ام احمد الساعدي
╰─┅═๑°ੌ╰─┅
علكوا اعلام الحزن يا شيعته
تآمرت مرته اللعينه وسمته
يلوج من سمه وترادت حالته
مات ضامي ويلتهب منه الفؤاد
*✍🏻ام عبــــــــــد اللــــــــه العـــــــابـــــــدي*
╰─┅═๑°ੌ╰─┅═
من العطش دلاله ويلي ملتهب
امسمم اومفطور من عنده الگلب
اوشيعته اتنوح المصابه اوتنتحب
مات مسموم الإمام اوحيله باد
✍️ ام احمد المنصوريه
╰─┅═๑°ੌ╰─┅═
تمــــــ✍🏻ـــــت القصيده بقلـــــــــ✏️ـــــــم شاعــــــــــــــرات القلـــــــ💔ـــــــوب في الخـــــــ🙏🏻ــــــــدمه الحسيـــــــــــــنيه... غير بــــــــــــريء الذمـــــــــــــــــه من يحــــــــــــــــــــذف الاسمــــــــــــــــاء
نسألــــــــــــــكم الدعا
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
قصيدة لتعزية الرسول العظم (ص) في ذكرى شهادة تاسع الاقمار الامام الجواد عليه السلام
نون اعله الجواد اليوم
ونـعازي رســـــول الله
ونـــــــعازي رسول لله
____
نواسي المصطفى بيومه
ونون بدمعه مســـجومه
عليـــــــــه الروح مالومه
چويه بالگـــــــــلب خله
ونــــــــعازي رسول الله
بقلم العلويه ام رقيه
➖➖➖➖➖➖
نندب والالــــــــم بالروح
على امصابه الگلب مجروح
منبطل دمـــــــــع لانوح
والنايـــــــــــح عليه يعله
ونعـــــــــــازي رسول الله
✍أم حوراء البركاوي
➖➖➖➖➖➖➖
نبچي ونجذب الحسره
نعازي فاطــــمه الزهره
لمصـــــابه السمه حمره
خلــــــــــــه بالگلب عله
ونعازي رسول اللــــــــــه
✍️الخادمه ام زيد الشمري
➖➖➖➖➖➖➖➖➖➖
الك نشكيلك احواله
بسـم انـــصاب دلاله
ماواحــــد اجه شاله
عن ابـــــعاد كل اهله
ونعازي رســــول الله
زهره الكناني
➖➖➖➖➖➖➖➖➖➖➖
نعازي اليوم ابو الزهره
شايل تاسع العتره
سمه بالچبد يسره
الظالم عالولي شله
ونعازي رسول الله
ام زين العابدين الغزي
➖➖➖➖➖➖➖
شله وذوبوا چبده
إمام ولاذنب عنده
عليه الرجس يتعده
أولانـغار يـــــفزعله
انعازي رسول الله
✍🏻 وعد الڪفيل
➖➖➖➖➖➖➖➖➖➖
نعازي اليوم مولانه
الشيعه كلهه حزنانه
ون اعلـــــيه قرأنه
ودمع عيونه تهله
ونعازي رسول الله
✍🏻 #_علويه_ام_منتظر_الجابري
تمت باقلام خادمات صاحب الزمان (عج)
#_منتدى_القلم_الفاطمي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
قناة دموع الفواطم الحاجة ام احمد "الحچامي":
تجليبه
(مصيبة شباب الجواد)
▪️▪️▪️▪️▪️
عـــونه اللي بچه لبن الرضا الليله
ينصبله عزه ودمعه دمـــه يسيله
▪️▪️▪️▪️▪️▪️▪️▪️
شـــباب وبالورع ماينوصف علمه
ماخذ زود اهله وجــده بالحكمه
اليوم بغيبته الدنيا اصبحت ضلمة
واملاك السمه اعله النعش تنعيله
✍️الشاعره شيماء ام نور
🟰🟰🟰🟰🟰🟰🟰🟰
عليه ابگـــــه انوحن وسجب العبره
اويلي ياجواد اوتاســـــــــــع العتره
مات ابأرض غربــــــه محد اينصره
راح الجده ضيمه اوعظمه يشجيله
*✍️الشاعر فالح العامري*
🟰🟰🟰🟰🟰🟰🟰🟰
ياقصة الجواد وســمه ماموجود
عليك العين دم تهمل يابحر الجود
بابـــك للكرم يبگه يضل مگصود
نعزي اليوم ابنه الهادي نمشيله
✍🏻الشـــاعــره ام ليث المالكي
🟰🟰🟰🟰🟰🟰🟰🟰
عونه الي بجه اوهل الدمع لجله
نسيل ادموعنه وصدورنه اندكله
ماجور الرضـــــا بوليده انكله
كل احنه سوه هــــاليوم نبجيله
✍️العلوية ام عباس البطاط
🟰🟰🟰🟰🟰🟰🟰🟰
نبچيله ونـــون وانسيلها الدمعه
وابهوسة حزن مولانه انودعه
هالليله نعــــزي فاطمه البضعه
وابلطم الصدر عنها العزه انشيله
✍️الشاعره ام عدنان سياحي
🟰🟰🟰🟰🟰🟰🟰🟰
انعازيهه الزجيه بدمعه وبحسره
ولجل وليدها دم الدمــــع يجره
لبو الهادي تضل بگلوبنه جمــــره
اساس الديــن واركانه وتفاصيله
✍️الشاعره ام مرتضى الموسوي
🟰🟰🟰🟰🟰🟰🟰🟰
انوح اعله الشباب وننصب قرايه
نعلكله الشموع ونرفع الــــرايه
نتعنه بشغف لزيــــارته اعنايه
للمسموم گلبه وروحــــه انحيله
✍️الشاعره رياحين الحسينيه
▪️▪️▪️▪️▪️▪️▪️▪️
تمت بعون الله
باقــــ✍ــلام ✍🏻✍🏻✍🏻شاعرات اهل البيت عليهم السلام
في رابطه مسلم بن عقيل
#باشراف_الأستاذ
#فالح_العامري
نسألكم الدعاء 🙏🏻
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
موشح
فاعلاتن فاعلاتن فاعلات
بالجواد نعــزي جده المصطفى
ابهل مصيبه غابت انوار الفضى
آه واويلاه شيعو النعش
آه واويلاه اهتــز العرش
⚜️◼️⚜️◼️⚜️◼️⚜️◼️⚜️
ابهل مصيبه ننشر اعلام السواد
بالسـمه والارض علنـوا الحداد
والمأتــــم نصـبوا ابكـل البلاد
وحده بالسم والعطش حتى قضى
✍🏻ام عباس الحسيني
⚜️◼️⚜️◼️⚜️◼️⚜️◼️⚜️
ابهل المصيبه انفجعت السبع الشداد
اوحزنت املاك السمـــه اليوم الجواد
والمدامــــــــــــع تجري من دم العباد
ٱه واويلاه. نصبو مأتمه
ٱه واويلاه. عزو فاطمه
وابگلبنـــــــــــــــــه تستعر نار الغضى
*✍️الشاعر فالح العامري*
⚜️◼️⚜️◼️⚜️◼️⚜️◼️⚜️
ابهل المصيبه ا الشيعه كلها بالحزن
تبچى للمسموم يويلي وتون
من الحزن والنوح بس هي تحن
اه واويلاه عزوه حيدره
اه واويلاه تبجي الطاهره
والجواد اليـوم نوره انطفى
✍🏻الشاعره ناعيه كربلاء ام محمد آل درويش
⚜️◼️⚜️◼️⚜️◼️⚜️◼️⚜️
ابهل المصيبه نعزي ابنه الهادي
نذرف ادمـــــوع الحزن وانادي
بالجـواد اليــــوم شوف اسادي
اه واويلاه مردو جبدته
اه واويلاه نادت شيعته
العدى سموه مثل المجتبى
✍️ام محمد الشاهين
⚜️◼️⚜️◼️⚜️◼️⚜️◼️⚜️
تســـتعر نــار الغضه بگلب المحب
نوگف اعله اعتابه والمدمع يصب
لبـــو الهادي اليوم مكسور الگلب
اه واويلاه كون بحضرته
اه واويلاه نلــــــزم گبّته
وبالدمــــع نطفيها نيـــــران اللضى
✍️الشاعره شيماء ام نور
⚜️◼️⚜️◼️⚜️◼️⚜️◼️⚜️
الجواد اليــــوم عــــنه ارتحل
بهالمصيبه نعازي الخير العمل
نبچى عالمسموم والمدمع يهل
اه واويلاه والمدمع ذروف
اه واويلاه ليمامي الرؤف.
من بعد عينه على الدنيا العفى
✍️الشاعره ام البنين
⚜️◼️⚜️◼️⚜️◼️⚜️◼️⚜️
للمصاب اهتزت الارض والسمه
کلنا هذا الیــــوم انعزی فاطمه
نلبس اسود والدمع يجري دمه
اه واویلاه من الی جره
اه واویلا المدمع سره
جمر فگده بالگلب سار ومضى
✍🏻علویه ام فاضل موسوی
⚜️◼️⚜️◼️⚜️◼️⚜️◼️⚜️
تمت والحمد لله
تمت بعون الله
باقــــ✍ــلام ✍🏻✍🏻✍🏻شاعرات اهل البيت عليهم السلام
في رابطه مسلم بن عقيل
#باشراف_الأستاذ
#فالح_العامري
نسألكم الدعاء 🙏🏻
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
قصيده لمولاي الجواد عليه السلام
على طور حجت وي نحر ابنها
،،،،،،،،،،،،،،،،،،،،،،،،،،،،،،،،
على الضل عالسطح والچبد مسموم
ثلاث تيام ويلي بات مظلوم
خل يفزعوله خل يفزعوله
وين اهله وعمامه خل يفزعوله
،،،،،،،،،،،،،،،،،،،،،،،،،،،،،،،،
مثل حسين ظل بكونه مطروح
ضل على الثرى يا ويلي مذبوح
ثلث تيام جبده بسمه مجروح
يا شيعه لطمو وكثروا النوح
سموه عدوانه
سموه عدوانه احضر يا الرضا
سموه عدوانه
،،،،،،،،،،،،،،،،،،،،،،،،،،،،،،،،،،،،،،،،،،،،
يلوج الوحده والسم سره بيه
ما واحد حضر يمه يواسيه
وما حاضرله عوده يمدد أيديه
ولا يمهّ بنيه تبجي عليهه
مغير الوانه
مغير. الوانه
وسم بالبدن
مغير الوانه
،،،،،،،،،،،،،،،،،،،،،،،،،،،،،،،،،،،،،،،،،،،،
نعزيك بمصابه اسد بغداد
عالميت بسمه واهلهّ بعاد
ميت بالغرب يا نسل الامجاد
مثل جدك وابوك وهم الك عاد
بالسم يكتلونه
بالسم يكتلونه
حيف الهاشمي
بالسم يكتلونه
،،،،،،،،،،،،،،،،،،،،،،،،،،،،،،،،،،،،،،،،،،،
احضر يا الرضا والكاظم وياك
سووله عراضه وبيرغ هناك
ما خاب ꪆ فشل للأجه تعناك
تقضي حاجته وتنطي بيمناك
ياخذ مراده
ياخذ مراده
من باب المراد
وياخذ مراده
،،،،،،،،،،،،،،،،،،،،،،،،،،،،،،،،،،،،،،،،،،،،
بقلمشاعره رابطه
#قرابين_الطف
ام عيسى الدليمي
اللهم عجل لوليك الفرج
يا مهدي مدد
نعي قريض بحق علي الاكبر. عليه السلام.. كأني بالامام السجاد ينعى اخاه علي الاكبر
اخِي ايَا عَضُدِي وَقُرَّةُ نَاضِرِي
سَنَدِي وَذِخْرِي يَا رَفِيقَ حَيَاتِي * *
أَعَلِي هَلْ حَلَّ الْفِرَاقُ بِنَا اخِي
عَنِي إِذَا مَا غِبْتَ حَانَ مَمَاتِي * *
عَانَقَنِي فِي شَوْقٍ وَلَهْفَةِ غَائِبٍ
حَتَّى يَفِيضُ الدَّمْعُ فِي الْفَلَوَاتِ * *
لَاخَيْرَ بَعْدَكَ فِي الْحَيَاةِ وَعَيْشِهَا
خَذَّنِي الهِي لَا ارِيدُ نَجَاتِي * *
انْ غَبْتَ عَنِّي يَا أُخَّيُّ فَإِنَّنِي
اِبْقَى اسِيرَ الشَّوْقِ وَالْحَسَرَاتِ * *
انَّتَ الْحَيَاةُ وَالْحَيَاةُ قَدْ انْطَوَتْ
وَالِانَ صَارَتْ مُؤْنِسِي عَبَرَاتِي * *
حَتَّمًا لِرُؤْيَاكُمْ اتُوقُ وَانْتَضِرُ
تَصْبُو لِدَرْبِ مَجِيئِكُم نَّظَرَاتِ * *
====================
اخوي حزام ظهري غرب وشال
يفـــراك الاخــــو للروح چتال
على ابن امي الحنين الآه تنگال
بعد عينك يغالي اتغير الحال
انحنه ظهري يخوية والحمل مال
-----------------------------
حنين ويالاخو ماكو بحنانة
سكن بارض الغرب يمكن نسانة
اذا راح الاخو محد مچانة
شما طال الزمن لجلك عزانة
اظل اصفج بدية اعله الجفانة
------------------------------
كل ساعة وشوفك چنك تعود
هسة ايرد عزيزي ونگعد اردود
صوتك دوم اسمعة اه يمفگود
واشوفن صورتك بالبال موجود
ما ابدل عليك اهدومي السود
وانه ادري علية بهاي منگود
----------------------------
الدار اعليك وحشة من عفتها
غاطيها الحزن من فارگتها
يسباح الگلب روحي خذتها
اموت وياك لو يحصل بدية
-----------------------------------
المصايب من رحت بعدك خونه (تعبنه)
جسمي والهظم والهم خونه (خاونه)
يالاكبر وين اكو مثلك خونه. (اخو النه)
اظل انعاك كل صبح ومسية
--------------------------------------
اسالكم الدعاء رائد الاسدي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
صدر في دار الزهراء للطباعه والنشر والتوزيع ديوان حب العترة الطاهره بجزءه السابع لخادمة اهل البيت الحاجه ام احمد الحجامي
Читать полностью…
صدر في دار الزهراء للطباعه والنشر والتوزيع ديوان حب العترة الطاهره بجزءه السابع لخادمة اهل البيت الحاجه ام احمد الحجامي
Читать полностью…
متوفر الان في مكتبة دار الزهراء للطباعة والنشر والتوزيع. العنوان: البصرة العشار ساحة أم البروم. ويوجد لدينا خدمة توصيل لكافة المحافظات. للطلب او الاستفسار تواصلوا عبر الرقم التالي ، +9647801310890
Читать полностью…
☘☘قصيده للانصار ☘☘
وزن النصاري
مفاعيلن مفاعيلن مفاعيل
انصار وڪفوا منڪم يشجعان
لجل حسين ماهمكم الميدان
〰️〰️〰️〰️〰️〰️〰️
انصار وكفو منكم ونعمين
الغالي والنفيس انطيتو لحسين
فديتوا ارواحكم لابن الميامين
لبن الزاچيه رديتو الاحسان....
انصار وڪفوا منڪم يشجعان
*الحاجه ام احـــ✍ـــمد الحچامي*
〰️〰️〰️〰️〰️〰️〰️
ملاحم يشهد التاريخ خضتو
وانواع الحرايب انتوا شفتو
اهاليكم لجل هل دين عفتو
اباء ومرجله وللصحبه عنوان.....
انصار وڪفوا منڪم يشجعان
☘ ام فراس الساعدي ☘
〰️〰️〰️〰️〰️〰️〰️
هوس جون وي عابس سويه
اكبال الخيم ذيج الهاشميه
فدوه انروح وبدرب المنيه
خدرج ماتمسه بنظره عدوان....
انصار وڪفوا منڪم يشجعان
الخادمه ام زيد الشمري
ـــــــــــــــــــــــــــــــــــــــــــــــــــــــــــــ
احنه اگبال عينچ تشهــــــد الناس
نخط صفحة بدمانه ترفع الراس
نتوازه المنايا ويه عــــــباس
نجوش اعل الكتايب والوعد حان
انصار وڪفوا منڪم يشجعان
وعد الڪفيل
〰️〰️〰️〰️〰️〰️〰️
عد عينج يحره افداج هالكون
اسيوف اعلى المنايه لليعادون
نفدي كل نفس والغالي يهون
واحدنه ابدماه طفه النيران....
انصار وڪفوا منڪم يشجعان
✍ام اسعد الشمري
〰️〰️〰️〰️〰️〰️〰️
ثلث تنعا م والله وكفو منكم
تصول خيولكم وتجول بيكم
ليوث اسبا ع يامحله حجيكم
ماطخيتو ابد هامه يفرسان....
انصار وڪفوا منڪم يشجعان
✍️ام سجاد الشهيد
〰️〰️〰️〰️〰️〰️〰️
نفدي اعمارنه كلنه للحسين.
لو جيش العده مگلوب صوبين
يزينب امني بينه ولاتخافين.
نصير ادروع كلنه لأال عدنان...
انصار وڪفوا منڪم يشجعان
✍الخادمة زينة الگريشاوية.
〰️〰️〰️〰️〰️〰️〰️
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
قصيده للعليه عليها السلام
•┈┈•⊰✿⚫✿⊱•┈┈
اگعد وانطر اعله الباب
چايمته تجي الاحباب
•┈┈•⊰✿⚫✿⊱•┈┈
اتاني اوروحي مالومه
على الراحو اومهظومه
بگيت اوحيدي مهمومه
تهل ادموعي عالغياب
اگعد وانطر اعله الباب
*الــ✍ــحاجه ام احمد الحچامي*
•┈┈•⊰✿⚫✿⊱•┈┈
جايمته يذكروني
عليهم راحن عيوني
اخوي وعمي ماجوني
خلوني الدمع سجاب
*✍🏻أم عبــــــــــد اللـــــــــه العـــــــــابدي*
•┈┈•⊰✿⚫✿⊱•┈┈
يبويه انه معلوله
المريض اهله يتجوله
اوياه واحد يبقوله
راحو والگلب عطاب
زهره✍🏻 الكناني
•┈┈•⊰✿⚫✿⊱•┈┈
عيني ظلت اربيه
وعمي مارجع ليه
يبعد اروح والريه
اهل كلبي اصبحوا غياب
*✍🏻ام حســــــــين الخـــــــفاجي*
•┈┈•⊰✿⚫✿⊱•┈┈
كتلني الهجر والفركه
بعد بدارهم شلكه
ويه كل نفس شهگه
عساني اندفن بتراب
الشاعره✍🏻 ام روكان الشمري
•┈┈•⊰✿⚫✿⊱•┈┈
اتاني من الصبح لـليل
ابچي والدموع اتسيل
وجعانه اودليلي انحيل
بلچت لن يجيني اجواب
اگعد وانطر اعله الباب
*الــ✍ــحاجه ام احمد الحچامي*
•┈┈•⊰✿⚫✿⊱•┈┈
تمت✍🏻 القصـــــــيده بأقلام الشاعرات فـــــــــ✍🏻ـــــــي رابطـــــــة القلـــــ💔ــــوب النــــ🤲ــــقيه غير مبرئ للذمه من يحذف اســـــــــماء الشاعــــــــــرات..
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
نعي قريض بحق مسلم ابن عقيل عليه السلام عن الامام الحسين عليه السلام
آهٍ لِفَقدِكَ يَبنَ عَمّي وَنَاصِري
قَطَّعتَ قَلبي مُذ سَمِعتُ قَتِيلُ ..
قَالوا قَضَى عَطَشًا غَرِيبَاً مُفرَداً
أبكي لِفَقدِكَ وَالدُمُوعُ تَسِيلُ ..
وَا مُسلِمًا نَاديتٌ آهٍ يا أخي
أحنَيتَ ضَهري والفِرَاقُ طَويلُ ..
كُنّا وَ في رَغَدِ الحَياةِ سَويَّةً
في حُلوِها والمُرِ أنتَ خَلِيلُ ..
هَذه يَتامَاكَ تنادي وَالدي
هَل لِي بإخبَار ِالصِغارِ سَبيلُ ..
نَادًيتُ أولادي تعالوا سارِعوا
قُتِلَ السَفِيرُ فالمُصابُ جليلُ ..
=======+=========
نعي
الميت بالدفن اهلة يحضرون
واخير وداع للغالي يودعون
ومسلم ضل غريب ايدير العيون
اهلة بعاد عنة وموش يدرون
=================
كل ميت هلة تطلع تشييعة
وفوكَ متون اخوتة يصير رفعة
وكل واحد يصب اعليه دمعة
ومسلم وحدة ومحد يتبعة
===================
عد اهلة اليموت يوادعونة
واولادة واخوتة اليحضرونة
ومن رجليه مسلم يجرونة
بالسوكَ وشماتة ايشاهدونة
==================
الميت للگبر تتعنة اهلة
ودوم الفاتحة يقرون لجلة
مسلم بالگبر محد وصلة
بطوا عنة وبقت بالروح علة
================
يتاني اهلة يجون من المدينة
شابح بالنضر صوب الضعينة
يجون احبابة ضنة وگاصدينة
وعيونة تصب دم وحزينة
===================
ما يدري تطشر ضعن الاحباب
وعزيزة حسين نايم فوكَ التراب
واهلة وكل اخوتة الصفوة الاطياب
وبنيتة حميدة بين الاجناب
====================
(ابو ذية)
يدي وما هدالة ير حميدة (جرحة مدة)
يريت بهاي مسلم ير حميدة (يرة حميدة)
شلون الشمر بيدة ير حميدة (جر حميدة)
وتناديلك يبوة الحكَ علية
==================
اسألكم الدعاء رائد الاسدي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
( نعي )
فى شهادة مسلم ابن عقيل لسان حال حميده
اويلاه يمسلم يا غربته
من القصر مرميه جثته
تبچی حمیده اوعاتبته
المثلک اشلون ایعوف بته
وبزغر سنها فارگته
اویلاه علی ابوي او محنته
خادمة اهل البيت عليهم السلام العلويه ام سيد مهدي الموسوي
..............................
ويلاه اعله ابوي الفاريگيته
طبيت كوفه اوما لگيته
يصنديد وينك عاتبيته
المثلك اشلون ايعوف بيته
اليوم للظلام جابوك
من القصر ويلي يشمروك
وبحبال بالكوفهو يجروك
غداره اهل كوفان خانوك
الــ✍ــحاجه ام احمد الحچامي
..............................
من حسين يحملها الرساله
من وصل ما وحد اجاله
اوحيد وياه بس خياله
بين العده ظل حاير اوحيد
ولا اهل يمه ويلي ابعيد
بس طوعه اجت لنصرته تريد
هذا ابن ليث البساله
✍🏻الشاعره مريم العبوديه اسيرة الاحزان 💔
..............................
تـربات حـيـدر داحـي البـاب
ليث الحريبه ونسل الاطياب
لـحـسـيـن ناده ردو اجـواب
للموله ياهو ايودي مرسال
يـرجع يگله ويشرح الحال
باعوا ذممهم گوم الانذال
خادمة آل البيت
..............................
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
فزاعية لمسلم بن عقيل عليه السلام
.........................
أحا يمسلم من وكع
وين اليخبر عيلته
............🌀............
مچتف لوحده عالقصر
لحسينه ايـدير الـنظر
ارجع يخوية لتحضر
شمروا وجرو جثته
✍🏻
ًالعلوية أم منتظر جمال
الديــــــــــــن
............🌀............
جـروه بـسـواق الـغدر
لا رحمه عدهم لا عذر
اعله حسين گلبه منقهر
واعظم مصيبه مصيبته
ب✍الحاجه ام احمد الحچامي
............🌀............
هـذا السفير الـوحده
بحبال اديـه امشدده
اخوانه وين اتساعده
وين الهواشم واخوته
ام ســ✍ــجاد العسكري
............🌀............
وين الهواشم تحضره
الـحـگ يسبع الگنطره
وبمسلم اشصار وجره
عطشان مات بغربته
زمــــ✍🏻ــــــن حاتم الربيعي
............🌀............
عـطـشـان مـحـد شـربه
جثته ابـدماها امخضبه
مـحـد دفـنـهـا امـتــربه
لا يمـه اهـل لا صحبته
أم عــ✍🏻ــلــي الـحـلـفـي
............🌀............
مــحد دفنـها جثته
تبجي حميده بنيته
بلبير مسلم طيحته
مهظوم سلبوه رايته
رمـــ✍🏻ـــاد الخيام
............🌀...........
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
: لطميه لسفير الحسين عليه السلام
عندما يرميه الملعون من عالي القصر
من فوگ القصر راميه
مسلم ياذنب عنده
ــــــــــــــــــــــــــــــــــــــــــ
مسلم خانته العدوان
غريب وينذبح عطشان
طوعه تنادي يالريسان
اوحيد ومحد ايسنده
من فوگ القصر راميه
مسلم ياذنب عنده
★ـ━━━━━━━━
من عالي القصر شمروه
وبحبال الكفر جروه
عمامه مااجوا حضروه
محد حظر من ولده
من فوگ القصر راميه
مسلم ياذنب عنده
★ـ━━━━━━━━
وحيد وحاطته الكفار
مصيبه ومادره الكرار
مسلم غدرته الفجار
محد يفزع الوحده
من فوگ القصر راميه
مسلم ياذنب عنده
★ـ━━━━━━━
ثلث تيام ضل مطروح
وكله انبال كله جروح
الطمي اوزيدي بالنوح
هذا المصطفى جده
من فوگ القصر راميه
مسلم ياذنب عنده
★ـ━━━━━━━━
ابو اليمه منو يخبره
مسلم خانته الكفره
الظالم بالحبل جره
ويلي الكافر يشده
من فوگ القصر راميه
مسلم ياذنب عنده
★ـ━━━━━━━━
طوعه نادت المغوار
خلي روسهم طشار
گلبي عليك يلهب نار
الكوفه اتحزمت ضده
من فوگ القصر راميه
مسلم ياذنب عنده
★ـ━━━━━━━━━━━━━
تمت القصيده بحمد الله وتوفيقه
ب✍ الحاجه ام احمد الحچامي
اهدي ثوابها الى اخي الدكتور الحاج علي حسين الحچامي
والى روح المرحومه ريهام قصي
رحم الله والديه من يقرء الفاتحه على روحهما__
______
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
نعي قريض بحق العليلة جديد محرم 1447 هـ
ناديتُ يَا أَبَتاهْ طَالَ غِيَابُكُمْ
مَنْ لِي إِذَا مَا حَانَ مَوْتِي وَالْأَجَلْ**
لَمْ يَبْقَ مِنْ لَمْ عَنْكُمُ نَاشِدَتُهُ
إِنْ كَانَ آتٍ لِلْمَدِينَةِ أَوْ رَحَلْ**
يَا سَائِقَ الْأَضْعَانِ قِفْلِي وَاسْتَمِعْ
مِنِّي الْخِطَابُ لِوَالِدِي ثُمَّ الْأَهْلْ**
قُلْ لِلَّذِينَ فَارَقُونِي إِلَى مَتَى
عَنِّي الْفِرَاقُ هَلْ يَطُولُ بِلا أَمَلْ**
أَوْصِلْ سَلَامِي لِلْعِرَاقِ فَإِنِّني
شَوْقًا أَمُوتُ لِوَالِدِي مُنْذُ ارْتَحَلْ**
وَلِعَمِّي الْعَبَّاسِ نَارًا تَصْتَلِي
فِي الْقَلْبِ تَكْوِينِي وَدَمْعًا فِي الْمُقْلْ**
شَوْقًا لِإِخْوَانِي الْفُؤَادُ قَدِ انْكَوَى
أَعَلِي تَأْتِينِي فَكَمْ قَلْبِي احْتَمَلْ**
إنِّي أَخَافُ أَنْ أَمُوتَ وَلَا أَرَى
تِلْكَ الوُجُوهَ فَقُلْ لِي مَا العَمَلُ **
=====================
احسبلك حساب.. متانيتك ترد واحسبلك حساب
اركض على الباب.. شما هب الهوة اركض على الباب
والباب چذاب.. اثاري الهوة والباب چذاب
لليوم ما طاب.. يجرح فراگكم لليوم ماطاب
======================
هلبت تجوني.. تانيت اشكثر هلبت تجوني
چنهم نسوني.. احباب الگلب چنهم نسوني
بوية اتلاحگوني.. جفاكم موت بوية اتلاحگوني
راحت عيوني.. من كثر البچي راحت عيوني
=======================
بتك نحيلة.. بفراش المرض بتك نحيلة
مابية اشيلة.. يا هدم العلي مابية اشيلة
حال العليلة.. بس عظم وجلد حال العليلة
چنها طويلة.. سفرتكم بطت چنها طويلة
=========================
بجفاك النوم ماشافت جفنها
عيوني.. وتدري بطيوفك جفنها
يم بابك تمد روحـي چفنها
تعال بطيف جيب الموت الية
------------------------
أسالكم الدعاء رائد الاسدي
قصيده لمولاي الجواد عليه السلام
على طور حجت وي نحر ابنها
،،،،،،،،،،،،،،،،،،،،،،،،،،،،،،،،
على الضل عالسطح والچبد مسموم
ثلاث تيام ويلي بات مظلوم
خل يفزعوله خل يفزعوله
وين اهله وعمامه خل يفزعوله
،،،،،،،،،،،،،،،،،،،،،،،،،،،،،،،،
مثل حسين ظل بكونه مطروح
ضل على الثرى يا ويلي مذبوح
ثلث تيام جبده بسمه مجروح
يا شيعه لطمو وكثروا النوح
سموه عدوانه
سموه عدوانه احضر يا الرضا
سموه عدوانه
،،،،،،،،،،،،،،،،،،،،،،،،،،،،،،،،،،،،،،،،،،،،
يلوج الوحده والسم سره بيه
ما واحد حضر يمه يواسيه
وما حاضرله عوده يمدد أيديه
ولا يمهّ بنيه تبجي عليهه
مغير الوانه
مغير. الوانه
وسم بالبدن
مغير الوانه
،،،،،،،،،،،،،،،،،،،،،،،،،،،،،،،،،،،،،،،،،،،،
نعزيك بمصابه اسد بغداد
عالميت بسمه واهلهّ بعاد
ميت بالغرب يا نسل الامجاد
مثل جدك وابوك وهم الك عاد
بالسم يكتلونه
بالسم يكتلونه
حيف الهاشمي
بالسم يكتلونه
،،،،،،،،،،،،،،،،،،،،،،،،،،،،،،،،،،،،،،،،،،،
احضر يا الرضا والكاظم وياك
سووله عراضه وبيرغ هناك
ما خاب ꪆ فشل للأجه تعناك
تقضي حاجته وتنطي بيمناك
ياخذ مراده
ياخذ مراده
من باب المراد
وياخذ مراده
،،،،،،،،،،،،،،،،،،،،،،،،،،،،،،،،،،،،،،،،،،،،
بقلمشاعره رابطه
#قرابين_الطف
ام عيسى الدليمي
اللهم عجل لوليك الفرج
يا مهدي مدد
✍🏼.قصيده بحق مولانا الإمام الجواد ع السلام
-----------------------------------
وين اهله وعمامه مايحضرونه
مسموم الجواد مسلهم عيونه
----------------------------------
مسموم الجواد وضل يدير العين
بعيده كل هله وماكو محبين
سمو العده و هليوم معيدين
من يخبر عمامه خل يشيعونه
ام زين العابدين لمحمداويه ✍🏻
____
ام فضله اللعينه. سممت جبده
ظل وحده يون ولا احد عنده
مثل حسين ظل بكربله وحده
من بعد الذبح راحوا يدوسونه
زهره الكناني😭✍🏻
__
مثل حسين محد غسله وشاله
ثلث تيام ضل مكطعه وصاله
ذكر جده ودمع العين هماله
وين الساده خليهم يحضرونه
ام زين العابدين امحمداويه
_
سمتته اللعين اوغلگت بيبان
ابوهادي. بقه بلوعته حيران
مثل جده يويلي هم گضه عطشان
يصيح. حسين عطشان ويشوفونه
زهره الكناني
_
وثلث تيام محد شاله المسموم
من شرب العذب ياويلي هم محروم
الشيعه عليه تنعه وتبجي للدوم
وكل عام اليجي الوالي يذكرونه
✍🏼.هديل التميمي
_
بالمسموم عازوا فاطمه الزهره
والمسموم ابو السجاد خي حضره
شيعه كل سنه ماتم اله تقره
كل مجلس لبو الهادي يهدونه
✍🏻 ام زينب الأسدي
_
السم گطع گلبه والچبد ممرود
ظل مرمي يويلي بلوعته ممدود
نضل نللطم اله والحيل مهدود
ضل بيد الاعادي الما يرحمونه
ام مازن
___
تمت بعون الله
بأقلام شاعرات
رابطه ساقي عطاشى كربلاء
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
وزن الحدي
مسلم يخونوه العده
كفار شيمتهم غدر
◆━━━━◆❃◆━━━━◆
شاف الجيوش امحشده
من بيت طوعه من طلع
راواهم افنون الحرب
وبگلب جامد مانفجع
للحرب طب چنه علي
ماخاف منهم مارجع
حفرت غدر حفرو إله إنشلت ايده إلي حفر
الــ✍ــحاجه ام احمد الحچامي
◆━━━━◆❃◆━━━━◆
ماهاب عدوانه سبع
وشسوه بيهم من نزل
بيمنه حارب هالكفر
ماخله واحدهم وصل
ويحارب بقوته لجن
بالبير ذباه هالنذل
لحسين ابن عمه فده روحه وحياته والعمر
✍️ام زهراءالفاطميه
◆━━━━◆❃◆━━━━◆
سل سيفه بيهم بشّطه
بس الهرب منهم نجه
لوما الغدر ما ظل نفر
كلها لجهنم عرّجه
اوحيد بالكوفه بقى
ما ظله ناصر يرتجه
گادوه بحبال الولي
وذبوه من عالي القصر
✍🏻العلوية أم منتظر جمال الدين
◆━━━━◆❃◆━━━━◆
حين الذي طاح الجسد
اهوت عليه اهل الرده
جابو حبال من مسد
وشدوهه ويلي في يده
چيفن غريب وماله احد
خلوهه جثته امدده
مسلم يحيدر وحده
احضرله يا فارس مضر
*✍🏻أم عبــــــد اللــــــــــه العابـــــــــــدي*
◆━━━━◆❃◆━━━━◆
ذبوه من فوگ القصر
دمعاته دم يتسابگن
طاح وهوه حيف البطل
وظلوع صدره تفطرن
ينضر ابعيد اعلى الاهل حسرات گلبه ترادفن
بحسين وعياله وهله
خايف يغدرون الكفر
✍🏻 الحجيه ام علي
.
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
.هوسه جنوبيه الجواد ع السلام
شكد شبه بين الجواد وبين الحسين
ماتو شلون ابعطش ياويلي الاثنين
ابلا غسل ضلو اسف وابغير تجفين
هذا ابو الهادي ابسطح ذاك ابميادين
والفرق ماحركو اعليهم صواوين
وبعد ما داست ابصدره الخيل صوبين
من السطح// مشمور ابن الساده
ابن الهواشم هذا وابن القاده
من السطح
والدهر وياهم يشد اعناده
من السطح
والسم يويلي مررداها افاده
من السطح
يعرفونه// ايشور هذا
ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
،،،ومن يعظم شعائر الله فأنها من تقوى القلوب،،،
توفيق من الله وبفضل مولاتي الزهراء والسيده زينب والامام الحسين عليهم السلام
حاليا"
*تم أصدار*
. *ديوان* .
**(( *حب العتره الطاهره* ))*
*((باجزائه))*
*السادس* خاص عاشوري
من الهلال الى لليلة الوحشه
*السابع* خاص عاشوري
من الهلال الى لليلة الوحشه
*الثامن* خاص من سبي الحره الى المحراب والطبره
من اروع القصائد
ديوان مرتب وكل ماتحتاجه المله ،،،،
بقلم الشاعره خادمة الحسين ع
*الحاجه ام احمد الحچامي*
*متوفر*
الان في مكتبة دار الزهراء للطباعة والنشر والتوزيع. العنوان: البصرة العشار ساحة أم البروم. ويوجد لدينا خدمة توصيل لكافة المحافظات. للطلب او الاستفسار تواصلوا عبر الرقم التالي ،
+9647801310890
متوفر في دار الزهراء للطباعه والنشر والتوزيع ديوان حب العترة الطاهره بجزءه الثامن والخاص بالسبي لخادمة اهل البيت الحاجه ام تحمد الحجامي
Читать полностью…
متوفر في دار الزهراء للطباعه والنشر والتوزيع ديوان حب العترة الطاهره بجزءه الثامن والخاص بالسبي لخادمة اهل البيت الحاجه ام تحمد الحجامي
Читать полностью…
وزن انا فتحنا
من بحر البسيط
مستفعلن /فاعلن/مستفعلاتن
*ـــــــــــــــــــــــ*
اولاد مسلم اسف بيدين عدواني
بلسجن شافو ظلم غياب خواني
ـــــــــــــــــــــــــــــــــــــــــ
بعمر الورد طفلين يسجنهم الفاجر
بجرف النهر ياويل يذبحهم الكافر
ويرمي لجثث بالنهر يمطهر وطاهر
ومظلم ييمه السجن والبعد سلاني
اولاد مسلم اسف بيدين عدواني
بلسجن شافو ظلم غياب خواني
★ـ━━━━━━━━━━━━━
ليش الكفلني غفه اوضاعو اولادي
ظليت متحيره ومايدري اشسادي
طفلين فروا الي وانشد انه الوادي
انهضلي يابو الفضل دورلي رضعاني
اولاد مسلم اسف بيدين عدواني
بلسجن شافو ظلم غياب خواني
★ـ━━━━━━━━━━━━━
انهضلي يابو الفضل دورلي ايتامي
ضلت حرم بالغرب مايدري الضامي
طاهر ومطهر مشو من حرگو خيامي
نام البطل عالنهر ياوسفه ينساني
اولاد مسلم اسف بيدين عدواني
بلسجن شافو ظلم غياب خواني
★ـ━━━━━━━━━━━━━
نام البطل عالنهر وچفوفه مشموره
بالعين نابت سهم والرگبه منحوره
والرايه عل العلگمي بدماه مغموره
مأجور كلمن بچه لمصابه واساني
اولاد مسلم اسف بيدين عدواني
بلسجن شافو ظلم غياب خواني
★ـ━━━━━━━━━━━━━
مأجور يالتنتحب لمصاب ابو الغيره
عالمشرعه نام البطل عافاني ابحيره
عگبه خذوني العده من ديره الديره
ناديت وين البطل اتعذرني ماجاني
اولاد مسلم اسف بيدين عدواني
بلسجن شافو ظلم غياب خواني
★ـ━━━━━━━━━━━━━
مأجور كلمن بچه لمصاب ابو اليمه
يذكر خيول العده من داسن بجسمه
والجيش لمن هجم او حرگو اخيمه
فروا اولادي ومشوا انده ياولياني
اولاد مسلم اسف بيدين عدواني
بلسجن شافو ظلم غياب خواني
★ـ━━━━━━━━━━━━━
تمت القصيده بحمد الله وتوفيقه
ب✍ الحاجه ام احمد الحچامي
اهدي ثوابها الى اخي الدكتور الحاج علي حسين الحچامي
والى روح المرحومه ريهام قصي
رحم الله والديه من يقرء الفاتحه على روحهما
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
*قصيده في عزاء الحسين عليه السلام*
•❥───❁🌻❁───❥•
اوجعي لمن تكدين الصدر
حسين صدره بالحوافر منكسر
•❥───❁🌻❁───❥•
هذا مو ابنج ولا امج تره
هذا ابن المصطفى خير الوره
والملاذ حسين دنيه واخره
بارده تلطمين ما عندج عذر
•❥───❁🌻❁───❥•
العافيه والحيل فدوه للولي
شما نضحي مانوفي ابو علي
مايكفي عيونه عليه تهلي
تره هيه ايام معدوده وتمر
ام✍🏻 كرار شكر
•❥───❁🌻❁───❥•
دكي، صدرج حاضره امه البتول
تسجل ألاسماء بيديها وتكول
اطلب الحاجات منعدنه تنول
نطفي نيران الضه بيوم الكبر
الشاعره✍🏻 ام روكان الشمري
•❥───❁🌻❁───❥•
من تلطمين الصدر لجل الحسين
والعرگ ينزل علی نص الجبين
لاتمسحينه ولا تتنهتين
اهناك الچ مذخور
اليوم الحشر
✍️ام عدنان سياحي
•❥───❁🌻❁───❥•
هناك الچ مذخور دكچ واللطم
يجازي ابو السجاد الچ يوم الحسم
خلي حزنچ للغريب اوللشهم
خسفي صدرچ للحسين وللگمر
*الــ✍ــحاجه ام احمد الحچامي*
•❥───❁🌻❁───❥•
تمت✍🏻 القصـــــــيده بأقلام الشاعرات فـــــــــ✍🏻ـــــــي رابطـــــــة القلـــــ💔ــــوب النــــ🤲ــــقيه غير مبرئ للذمه من يحذف اســـــــــماء الشاعــــــــــرات..
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
♦️#مجلس_الليله_الخامس_من_محرم♦️
(مجلس مسلم ابن عقيل ع)
الديباجه
صلى الله عليك يا سيدي ومولاي يا رسول الله صلى الله عليك يا سيدي ومولاي يا أبا عبد الله ما خـاب من تمسك بكم وأمن من لجا أليكـم يا ليتنا كنا معكم سادتـي فنفوز فـوزاً عظيماً
ـــــــــــــــــــــــــــــــــــــــــــــ
♦️نعي القريض طور الدرج♦️
مُرَّا بدارِ بَنيْ عَقيلَ وَسلِّمَا
واسْتذْكِرا بطلَ السِّفارَةِ "مُسْلِما"
كوفانُ ما زالتْ تُحدِّثُ باسمِهِ
فهُوَ الذي للحقِّ كانَ بها فما
ثقةُ الحسينِ، أخوهُ، والمبعوثُ مِنْ
بيتِ الفخارِ فما أجلَّ وأعظما !
ما كانَ قُربَ أبي ترابٍ صدفةً
بلْ حاجباً قدْ شاءَهُ حامي الحمى
خذلوهُ لكنْ لو رأوْهُ لأبصروا
جيشاً خميساً بالإِباءِ تحزَّما
ما انفكَّ يحصدهُم بقائمِ سيفِهِ
حتَّى رمَوْهُ وما رموْهُ بل رمى !
نُوحا عليهِ واعوِلا فهو الذي
يُبكي عُيونَ المؤمنين ترحُما
بل قد بكت عينُ الإلهِ لرُزئهِ
لمَّا الحسينُ بكاه يعقدُ مأتما
✍الشاعر علي عسيلي العاملي
ـــــــــــــــــــــــــــــــــــــــــــــ
♦️ابوذيات♦️
يمسلم ريت كل الجره..بعداك
وتهون الروح كله بحزن..بعداك
حميده تسئل بهل اليوم..بعداك
عليه اصبح يمسلم كله اذيه
✍الشاعر ابو علي السعيدي
ــــــــــــــــــــــــــــــــــــــــــــ
♦️نعي مجرد♦️
لسان حال الشاعر يصف السيدة حميدة شتكول تنعى أباها
يلماشي لديار البعيده
حنيتلك والنوح اعيده
مسلم تعال الحگ حميده
............ ........... .............
يا ناس والد يشبه الماي
شو غاب مني وبعده ما جاي
يرويني حظنه وردته وياي
طالت المده اتأخر هواي
............ ........... .............
ياهو اليجيب اخبار منه
للكوفه راح البيه محنه
گلوله يمتى يعاود النه
اغفى اعله دمعه اصحى اعله ونه
✍الشاعر رعد الفريجي
ـــــــــــــــــــــــــــــــــــــــــــــ
♦️نعي البحراني أو الفائزي البطيء♦️
نعم يامحبين ياموالين نقول احسن الله لك العزاء يارسول وياأميرالمؤمنين بمصاب مسلم بن عقيل(ع) نعم نقضت الكوفه بيعة الحسين (ع) فخرج مسلم متخفيا حتى جاء على باب أمراءه تسمى طوعه فأجارته واكرمته
حاير غريب وقاصدج يا طوعه خطار
ماليه بيت ولا اهل شوفيني محتار
مسلم ياطوعه القاصدج اسقيني عطشان
لا بيت ليه ولا اهل لا ليه عنوان
حاير غريب ومنكسر دلالي لهفان
هالليله ضيف وقاصدج واقف على الدار
............ ........... .............
هالليله ضيف وقاصدج واقف على الباب
محتار ياطوعه وابد ماليه احباب
عابر سبيل بهالبلد والناس اجناب
دلالي بيه يشتعل وتاكلني النار
✍الشاعره بنت الشمري
ـــــــــــــــــــــــــــــــــــــــــــــ
♦️نعي طور العاشوري♦️
ولما علم ابن زياد بوجوده هجم على الدار خرج مسلم (ع) .. شتگله طوعه
صاحت طوعه كوم انهض يجيدوم... آه آه
لعد الباب اعاين وصلت الكوم..... آه آه
درب الكوفه كله اعليك ملزوم.... آه آه
درب الكوفه كله اعليك ملزوم
ااااااي
باعوها الضماير وانته مظلوم
✍الشاعر تحسين الخفاجي
ـــــــــــــــــــــــــــــــــــــــــــــ
♦️نعي طور المقتل♦️
وقاتلهم مقاتلة الابطال فلم يتمكنو منه فحفرو له حفيره ووقع فيها اخذوه مكتوفا لبن زياد (لع) فامر به الى اعلى القصر وضرب عنقه فلما اصعدو به للقصر دار مسلم عينه الى جهة الحسين وهو يقول:
.....طور الزريجي.....
يصيح حسين يبن العم تراني
وحيد وأحس بالموت اجاني
تدري الگوم غدرتني ويه هاني
غريب بوسط عدوانك اميسر
............ ........... .............
يبو السجاد نكثوا بيعتك هاي
ولا واحد بگه ثابت اووفاي
تمنيت الشهم عباس وياي
عليه علوجهم ماراح تكدر
............ ........... .............
العذر لله والك يبن الزچيه
أخبرك ما ضگت گطرة اميه
أظلن خادمك حد المنيه
ولون الجسم من عندي توذر
............ ........... .............
يبو سكينه إلك أبعث سلامي
وبارض الكوفه اظن تخلص ايامي
بس بلغ هلي او ولدي وعمامي
عزيز ارحلت لاجلك يابو الاكبر
............ ........... .............
وصيتي ارجوك ببنيتي حميده
واعرف فرگتي اعليها شديده
وگلها النوح عگبي لا تزيده
ولا تعتب عليه العتب يكثر
✍الشاعر الشيخ سمير الصالحي
ـــــــــــــــــــــــــــــــــــــــــــــ
♦️نعي مجرد ♦️
فقام العدو ورفع سيفه وقطع راسه ورمى بجثته من القصر وسحبوها بالاسواق. رحم الله من نادى واماماه وامسلماه
وصل الخبر للإمام الحسين بمقتل ابن عقيل
نادى الإمام الحسين على حميدة، اتت حميدة
مسح الحسين ع على رأسها .. أحست بــهَول المصاب وشعرت باليتم بعد مقتل أبيها مسلم ع ..فأجهشت صارخة ناعية .. وكأني بها :
أثاري الأبو للضيج مريود
مسلم يبويه وين الوعود
وني انگطع والچبد ممرود
تمنيت تمشي ايام واتعود
ما اظن اليه ترجع ردود
لگضي العمر بهدومي السود
حماسيه مربوعه لمسلم ع
وزن الموشح
..............................
گـوم يا عـبـاس شـد اعله الـمهر
وشوف مسلم وحده ابعز الضهر
..............................
ابــن عــمـك يالـگـمـر مـثــلـوا بـيـه
انرمه من فوگ القصر مچتوفه اديه
گـوم شـد اعله الـمهر والـحگ عليه
واخـذ كل اولاد عـمـه ابـو طهر
بقلم خادمة آل البيت ع
..............................
افزع المسلم يابن حامي الحمه
اوحيد ظل بالكوفه كلها ململمه
شِيد فوگ المهره راعي الموزمه
اوحيد ابن عمك او حاطوه الكفر
الــ✍ــحاجه ام احمد الحچامي
..............................
گوم شـــــــد اعنانها يابا الفضل
استوحدو مسلم و جرو بالحــبل
ضـلت عيونه على حسـينه تهل
يدري بالمظلوم مثله ينغدر
ام عــــــ✍🏻ــــــلي البابلي
..............................
گوم يا ریسان ولحگ عالوحید
مسلم ابکوفان هل اصبح شهید
گطعوا جسمه الکفر وبأيده گید
او من علی قصر الاماره ینشمر
خادمة اهل البيت عليهم السلام العلويه ام سيد مهدي الموسوي
..............................
وسفه مسلم ينشمر فوك الترب
مثل اخو حسين ما ضاك العذب
ويلي اهل كوفان گطعوله الدرب
باچر من الله واشلون العذر
ام ✍🏻زين العابدين لمحمداويه
..............................
وحدة بديار الغرب ماكو اخوته
مسلم الكوفه. ابد.. ما رحمتة
بس بكت طوعة تنادي النصرتة
كوم يا عباس ابد لا تعتذر
✍🏻الشاعره مريم العبوديه اسيرة الاحزان 💔
..............................
ابسوگ ليش الحيد سحبوا جثته
شـيـل عـن حـر الـتـرايـب جـثته
والـغريـب ايريد فزعه امن اخوته
افزع المسلم يل ابگصتك نهر
خادمة آل البيت
..............................
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
هوسات في شجاعة مسلم بن عقيل عليه السلام
_※⚔️※_
طوعة هلهلت من نزل للميدان
دولبها السفير وفرت الجيمان
ربات الحيد هذا ومن نسل عدنان
((بصولاته ...تشهدله اعداه ))
✍🏻العلوية أم منتظر جمال الدين
_※⚔️※_
وارثها الشجاعه من علي الكرار
ابد مايهاب العدو وللزلم صگار
مثل عمه شجاع وبالحرب مغوار
( إطيرها ....والروس ابسيفه )
*الحاجه ام احـــ✍ـــمد الحچامي*
_※⚔️※_
بس طوعه تهلهل كلها خوانه
ومسلم حيها صاح ونزل ميدانه
مراجل حيدره بالكوفه راوانه
((اوصافه ،،من حيدر ماخذ ))
ام ســ✍ــجاد العسكري
_※⚔️※_
يدبج مثل حيدر حلوه هداته
يتمايل بسيفه مرجله ذاته
صاحت ياهله بمسلم وصولاته
(( يرويها //والمر بسيفه ))
✍🏻ام حسين العسكري
_※⚔️※_
تشهدله العده ومعروفه وكفاته
بالكوفة البطل سجل بطولاته
يرعبها العده مسلم بخزراته
(( يبچيها //لو هد عدوانه ))
✍️زينب خضر الواسطية
_※⚔️※_
رسالة من السبط لازم يأديها
حمل ذيج الامانة بكل معانيها
وحيد ايصول بالكوفة وضواحيها
(( طشاره ،،، فرت عدوانه ))
✍🏻الشاعره ام سکینه العبودیه اسیرة الاحزان
_※⚔️※_
واگف مات موتت هيبة السلطان
حياالله بسالة عِينة الشـجعان
خط حسين دمّه عالأرض نيشان
(خلاها//وبحيره الوادم)
(( ✍🏻 زمن حاتم الربيعي ))
_※⚔️※
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
💥قصیدة لمسلم بن عقیل 💥
لسان حال الزهراء عليها السلام
تنعى مسلم بن عقيل عليه السلام
ارد اغطيك بعباتي ارد اغطيك
وين اهاليك يامسلم
وين هاليك
جيتك انه ام الحسن
جيت ودموعي مزن
وين اهاليك يامسلم..وين اهاليك
____
ميت ومالك عشیره وهاي كلفه
وانته ابن ذيج السباع والله وسفه
ارداغطيك بعباتي الشمس صلفه
ونعي عليك ييمه
انعي عليك
وين اهاليك يامسلم
وين اهاليك
✍🏻 العلويه ام رقيه
〰️♾️〰️♾️〰️
بيك غدروا اهل كوفه يمه صعبه
جيت انعه اعليك يمه واهل دمعه
ليش حرگو گلب طه حرگو البضعه
اجيت انعيك حزينه جيت انعيك
وين اهاليك يامسلم وين اهاليك
*الحاجه ام احـــ✍ـــمد الحچامي*
〰️♾️〰️♾️〰️♾️
ريت لاينطيهم الله ليــش غدروك
كفر ماعـدهم رحــم بيمن يطلبوك
نوب من عالي القصر يا یمه شمروك
اسمعنی احاچیك ییمه
اسمعنی احاچیك
وين اهاليك يامسلم
وين اهاليك
ام سيد حسن✍🏻
〰️♾️〰️♾️〰️♾️
حيف مسلم بالغرب غدرته العدوان
وابن عمه مادره چـــا دزلــه وليان
يبني واسيت الحسين ابچبد عطشان
جيت ارويك ييمه
جيت ارويك
وين اهاليك ييمه
وين اهاليك
ام جعفر الايرواني✍🏻
〰️♾️〰️♾️〰️♾️
ارداغـــطيك بعبـــاتي ویمـــك اگعد
غریب میت بارض كوفه ولیك اعدد
ولا احد مــر الجنازه و بیك ینشد
واعتب عليك ييمه
واعتب عليك
وين اهاليك يامسلم
وين اهاليك
فاطمه ام علي
____
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
مقدمة مجلس قريض مع نعي بحق فاطمة العليلة عليها السلام
شَدَّوا الرِحَالَ قَاصِدِينَ لِحَتفِهِم
أخَذَوا النِسَّاءَ وَجُملَةَ الأطفالِ
تَرَكُوا الدِيَارَ حَزِينَةً لفِرَاقِهِم
تَشكُو الفِرَاقَ وَ غُصَّةَ التِرحَالِ..
آهٍ لَكَم نَادَت وَنادَت بَعدَهُم
غِبتُم وَغَابَت فَرحَتي وَهِلالي ..
أرجُوكُمُ يَومًا وَيُجمَعُ شَملُنا
تأتُونَنَي بَعدَ الغِيابِ بِوِصَالِ ..
أُمسِي عَلى كَدَرٍ وَحُزنٍ دَائِمٍ
لُطفَاً أجيبُوا لَهفَتي وَسُؤالَي ..
==================
================
(نعي)
شديتوا الضعون وعيني تربي
شو محد يگلي گومي اركبي
اصدلكم واحط ايدي اعله گلبي
على الزينين ها يعيون صبي
يريت الموت ياخذني يربي
____
خالي البيت منكم مو بالحساب
مكسورت گلب دلالي انصاب
اعاتبكم فلا اسمعون العتاب
أظل اگصد وارد لعتبة الباب
سويتة الدرب حرثة يغياب
-----------------------------------
نحيلة والسهر يصعب علية
حتى الثوب گوة تشيلة ادية
رحتوا ولا بگت منكم بجية
يا شم الهوة التارس الرية
خلافك يالحنين شلون بية
====================
اهز كاروك عبدالله ولولي
دللو يالولد يمتة تجولي
الشجر والطير عالونة بچولي
محنيت ظهر مو ذاك طولي
نشدت اطروش عنكم ما حچولي
=====================
( ابو ذية)
حنين و عالمحنة عودانة
وگلت اكبر بجالة عودانة
ييوية من سفرتك عودانة
اباب الدار اتانيك اعله جية
==================
أسالكم الدعاء رائد الاسدي
قصيده للخدمه الحسينيه تنفع لاول ايام محرم
┈┉┅━━❀❀━━┉┉┈
ماقصر ابو السجاد من خلاني بالخدمه
اتنومس وإلي صيتي
واسجد لو ذكرت اسمه
┈┉┅━━❀❀━━┉┉┈
اسجد واحمد الباري
عبن بالخدمه خلاني
كلهه تأشر عليه
خادمة الحسين اني
وجهي قبله جان اسود
وبيض وجهي واطاني
شرد احجي وشأكول اكثر
حبك يالسبط رحمه
*✍🏻أم عبــــــــــد اللــــــــه العـــــــابـــــــدي*
┈┉┅━━❀❀━━┉┉┈
يربي اقبل خدمتي هاي بيها زَكي أعمالي
انه خادم لأبو السجاد بقولي اوكلها افعالي
بختمه يختم اعمالي
ابوسجاد هنيالي
اسمي بدفتره مكتوب
علامة بصمته او ختمه
زهره ✍🏻الكناني
┈┉┅━━❀❀━━┉┉┈
اتشرف اذا يقبل
مني خدمتي الوالي
انه بخدمة المظلوم
راسي صار. بالعالي
كل شي فيض ابو السجاد
موبس حالي ومالي
اذا متعدده النعمات
من حسين كل نعمه
ام✍🏻 كرار شكر
┈┉┅━━❀❀━━┉┉┈
حبك يالسبط عنوان
كل عاشگ الك مجنون
واليمشي ابطريقك دوم
من كل مشكله مامون
بس لأجلك يبو الاحرار
تهمل من دمه لعيون
لان عشگك من الباري
ابجاهك جابلي سهمه
✍️ ام عدنان سياحي
┈┉┅━━❀❀━━┉┉┈
معشوگك يبو الاحرار يحمد ربه ويشكره
لان للخدمه ايوفقه ينعى للولي اويقره
وباچر بالحشر حتماََ على الكوثر علي ايبشره
وبدفتر علي الكرار يسجل المرتضى اسمه
*الــ✍ــحاجه ام احمد الحچامي*
✧ــــــــــــــ ✦◈ ✦◈✦ ــــــــــــ✧
تمــــــ✍🏻ـــــت القصيده بقلـــــــــ✏️ـــــــم شاعــــــــــــــرات القلـــــــ💔ـــــــوب في الخـــــــ🙏🏻ــــــــدمه الحسيـــــــــــــنيه... غير بــــــــــــريء الذمـــــــــــــــــه من يحــــــــــــــــــــذف الاسمــــــــــــــــاء
نسألــــــــــــــكم الدعاء
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13