قناة دموع الفواطم الحاجة ام احمد "الحچامي"

01 October 2026 01:29

قصیده الی الزهراء علیه السلام
وزن دارمي

▪️▪️▪️▪️▪️▪️▪️

یالشایلین ابلیل نعش الزچیـه
تبچی و تون یاناس بتها خطیه
➖➖➖➖➖➖➖
اشلون اصبر الروح وحشه المنازل

من وني احس الموت بعظامي نازل

يالشايل ام حسين عنها انه سايل

وشلون اگضي اليوم الحد المسيه

✍ #عـلــویــه_ام_فــاضل
➖➖➖➖➖➖➖

يالشايل امي بهون مكسوره تدري

جوه الظلع بسمار ونیرانه تسري


راح العمر وياچ يابعد عمري


رحتي ييمه بساع من بين اديه


✍️ام كرار الأمي

✿▬▬▬😭▬▬▬▬✿

اشلون اشوف الدار ظلمه و خليه

طاح الحمل بعدچ كله اعليه

خوانی یتباچون ومحمل اذيه

رديلی حتی اتصیر الگعده هنيه

✍🏻ناعيه كربلاء عاشقة الطف ام محمد آل درويش
✿▬▬▬😭▬▬▬▬✿

کسر الضلع ماذیچ یا زهرا یمه

ابچی واحن علیچ والدار ظلمه

گلبی یون وینوح وبایت ابهمه

اترد الی ام حسین لوهای هیه
✍️ام محمد الیامعیه

✿▬▬▬😭▬▬▬▬✿

فريت أصيح بصوت وينه جنيني

يافضة محسن طاح زايد ونيني

وحيدر علي گادو گدام عيني

ولشکوه ياهناس الرب البريه

رمـ✍ـآد آلَخــيــآم
✿▬▬▬😭▬▬▬▬✿

نعش الزجيه بليل من حمل وشال

لام الحسن هليوم دم الدمع سال

همي العليه زاد وتغير الحال

واليفگد امه ينوح صبح ومسيه

آم مـ✍ـحـمـد آلَبــديــري
✿▬▬▬😭▬▬▬▬✿

كون الصبر ادريه يايمه ينفع

اصبر وموت الروح كون امي ترجع

وتنورين البيت ومن نورچ اشبع

هواي الهظم عفتيه يمه عليه

✍️الحاجه أم احمد الحچامي
✿▬▬▬😭▬▬▬▬✿

قناة دموع الفواطم الحاجة ام احمد "الحچامي"

01 October 2026 01:27

قصيده لمولاتنا الزهراء عليه افضل الصلاة والسلام 🌿🌿


بالبسمار ضلع الطاهره انصاب
ولمحسن سگط ابعتبة الباب
.....................💫...................

من عدها وكع محسن حسافه
تجري عيونهه ظلت وسافه
ذوله من الله ماعدهم مخافه

مارحموها ابد ياوسفه الاصحاب
بالبسمار ضلع. الطاهره انصاب

. ✍🏻الشاعره حوراء الكناني
................ ....💫.....................

طاح المحسن او وياه طاحت
نادت يا رسول الله وناحت
سنديني يفضه بهظم صاحت

هجموا على داري الابو من غاب
بالبسمار ضلع. الطاهره انصاب

✍أزهار جبار الجياشي
.....................💫.....................

هجموا على. الدار وروعوني
انه الطاهره بس. مارعوني
وبلايا رحم ويلي. اعصروني

وبعتبة الباب. الجمر لهاب
بالبسمار ضلع. الطاهره انصاب

✍الشاعرة ام زهراء الزيداويه البصراويه
..................💫.................

دفعوا باب داري اهل السقيفه
انادي والضلع يشخب نزيـــــفـه
ولجمات الدهر كلش مخيفه

صفه دمي وجنيني فوگ الاعتاب
بالبسمار ضلع. الطاهره انصاب

✍🏻الشاعره وعد الڪفيل
......................💫..................

هظموني يبويه گوم الاشرار
من هجمو عليه وحرگو الدار
سگطولي الجنين وشبو النار

دمي سال مني وظلعي انعاب
بالبسمار ضلع. الطاهره انصاب

✍الحاجه أم احمد الحچامي
.......................💫................

قناة دموع الفواطم الحاجة ام احمد "الحچامي"

01 October 2026 01:23

وزن بحر الطويل

مفاعيلن مفاعيلن مفاعيلن مفاعيلن


لسان حال مولاتي العقيله زينب عليها السلام

🌀🌀🌀((((((💠))))) 🌀🌀🌀

مصيبة فاطمه الزهره من عدها يشيب الراس

من هجموا عليها الگوم ماكو اسلام عدها الناس
🌀🌀🌀((((((💠))))) 🌀🌀🌀

زينب تنظر اعله الباب وتهل ادموع سجابه

تكله ياعلي بويه الظلع يهظمني ومصابه
مالومه الزجيه تون النذل يضربها واصحابه

صاحت فضه سنديني وحشملي علي النبراس

🌀🌀🌀((((((💠))))) 🌀🌀🌀

زينب تعتب اعله امها عفتيني غريبه شلون
يتامه نظل عگب عيناج وحسين وحسن يبجون
سگط محسن ينور العين لَهيلنه دمع العيون

ياخيرت نسه العالم وسفه عتبتج تنداس

🌀🌀🌀((((((💠))))) 🌀🌀🌀

لَهيلنه دمع العيون يحوريه على مصابچ
مكسور الظلع دامي وخالي يمَّه محرابچ
يشمعت بيتنا وهفتت وتالي خمدت انفاسچ

طولچ راح ماشوفه وحزني اعليچ ماينقاس

🌀🌀🌀((((((💠))))) 🌀🌀🌀

بين الباب والحايط يعصرونچ يضي عيني
نابت بالصدر بسمار من شوفنه يأذيني
ودمچ سال عالعتبه انظرله ويبچيني

يابنت النبي المختار يحرگ بابچ الخناس

🌀🌀🌀((((((💠))))) 🌀🌀🌀

ماهابوج يايمَّه ولاهابو علي الكرار
يسطرونچ على عينچ وانتي بضعة المختار
ماراعوا رسول الله الحقد عاميهم وكفار
خصمهم بالحشر جدي الويل الويل للوسواس
🌀🌀🌀((((((💠))))) 🌀🌀🌀

شيگل لرسول الله خصمه بالحشر باچر
الظالم من حرگ بيتچ ملعون وأصل كافر
جنينج سگط عالعتبه اوضعه للگلب قاهر

مالومه اظل اعليچ وابچي لآخر الانفاس

🌀🌀🌀((((((💠))))) 🌀🌀 🌀


الــ✍ــحاجه ام احمد الحچاميـــــــــــــــــــــ*


اهدي ثوابها الى
اخي الدكتور الحاج علي حسين الحچامي

والى المرحومه ريهام قصي

رحم الله والديه من يقرء الفاتحه على روحهما____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13

قناة دموع الفواطم الحاجة ام احمد "الحچامي"

01 October 2026 01:21

وزن المترادف
مستفعلن مستفعلن مستفعلن مفعولات
(روحين انه وفاطمه)
مولانه الامام علي يخاطب الحوراء الانسيه فاطمه عليها السلام))
ـــــــــــــــــــــــــــــــــــــــــــــــــــــــــــــــــ

روحین آنه وفاطمه جامعنه رب التکوین

چن روح وحده اتوزعت ترعه بخلایه الجسمین

✍️ام ضیغم
►✺┅●✥⚫✥●┅✺◄

روحين انه اوفاطمه ماحسبت تطلع روح

بعدج ازغيرة اعله اللحد كون انه لحدي المفتوح

يازهرة من جنة عدن يلعطرج بگلبي يفوح

ظالم سطر خدج وآنه مني الگلب ظل مجروح

انتي النفس وانتي الهـوی بشریان گلبي تسرین

✍🏻 ام زين العابدين
►✺┅●✥⚫✥●┅✺◄

خانگني بعدج والجفا وبريتي كومه دخان

نوح المفارگله ولد عريس لابسله اچفان

هيچ الحنين بداخلي وتعثر بنص حرمان

موگد ويدوي بص لهب ياهوه اليطفي النيران

ظليت طير بلايه عش ياعشتي لا ترحين


✍🏻__ام حسين المحمداويه

►✺┅●✥⚫✥●┅✺◄
۷
ياگمره حاجبها الخسف ظلمه حياتي بلياج

وسنيني عجفه بالقحط هيج صفيت بدنياچ

يردلي البصر بعبايتج وذاك البياض التاناچ

يسولف بروحي چن وطن متعطش المي ملكاچ

تعفین حيــدر وحـده يمته عليه تـــردين

✍🏻ام حسين المحمداويه
►✺┅●✥⚫✥●┅✺◄

عفتيني زهره الوحدي وظلمه اصبحت كل دنياي
يالجنتي بسمة بدنيتي وانتي الفرح ياسلواي

ياخيمه لي ولظنوتي وهسه اصبحت دون افياي
نبع المحنه والـــدفه ياعالمه وضـــي عيناي

يام الحسن ياطاهره چم جرح بيه تعوفيين

✍️الحاجه ام احمد الحچامي
►✺┅●✥⚫✥●┅✺◄

ياحالتي بعدج تظل مرتبطه بهواي اجروح
خليتي گلبي ابغيبتج يبجي مثل غربة نوح
نبقه سفينه بلاجرف روج البعد بيه يلوح
كلمن ابيتج ينتظر ياحره طلعان الروح
موتچ شعب مني الگلب مو وكت موتچ تدرين

✍️ام كرار الأمي
►✺┅●✥⚫✥●┅✺

مو وگت موتج يأم حسن المن بعد عفتيني
بالعمر بس انتي الي وانطفت هسه اسنيني
يانور عيني بشوفتج عميانه بعدچ عيني
راح ابقه مكسور الضهر يافاطمه تدريني

یا بلـسم الجرحي الكلف تشفیني من اتگعدین

✍ #عـلــویــه_ام_فــاضل
►✺┅●✥⚫✥●┅✺◄

قناة دموع الفواطم الحاجة ام احمد "الحچامي"

01 October 2026 01:20

وسيعلم الذين ظلمو اي منقلب ينقلبون والعاقبه يوم ائذاً للمتقين
لعن الله ضالمي مولاتنا الزهراء ع
ــــــــــــــــــــــــــــــــــــ🧿

عسه انشلت يمينك يا ابن صهاك
وابـــرودة الــجــنـه الله لا راواك

اللعنه اعليك الف مره
كسرت اضلاعها الزهره

عسه انشلت يمينك يا بن صحاك
ــــــــــــــــــــــــــــــــــــ🧿

يالـخنـت الـوصيه و الـعهد والدين
وكسرت اضلاعها للزهره ام حسين
ويه ابليس ترضع صرتوا ملعونين

جـلـدك للـسـلـخ حضره
كسرت اضلاعها الزهره

عسه انشلت يمينك يا بن صحاك

ام سـ✍🏻ـجاد العسكري
ــــــــــــــــــــــــــــــــــــ🧿

اشلون اتجرأت وتــأذي الزهــره

ترضلها الضـــلع بالــباب وتكسره

والمحسن شذنبه يموت بالعصره

حـقـدك بالـغ اشـكـبـره
كسرت اضلاعها الزهره

عسه انشلت يمينك ياابن صهاك

✍🏻ام نور الهدى المنصوري
ــــــــــــــــــــــــــــــــــــ🧿

ليش اصيبها وتجاســــر اعليها

الزهره للشفاعه الله امخليها

محد بالخلك قبلك امســـــويها

بـخــدها تطبع السطره
كسرت اظلوعها الزهره

عسه انشلت يمينك يبن صهاك

✍️ام كرار الأمي
ــــــــــــــــــــــــــــــــــــ🧿

وصـه لمصـطفى بـيه بكثير أقوال
نـگروها الوصيه وخانوا لمرسـال
حتى شجـرة لرضـوان هالأنـذال

قـلعه خايـن لـعتـره
كسرة اضلاعها الزهره

عسـى أنشلت يمينك يابن صحاك

رمـ✍اد الخـيام
ـــــــــــــــــــــــــــــــــــ🧿

تنكرون الوصيه زمــــره غداره

تجاهلتو النبي وحيدر واسراره

بافكار الحقــــد وبخطط مكاره

ذنــبــکـــم هذا اشكبره
كسرت اظلاعها الزهره

عسى انشلت يمينك ياابن صهاك

✍️~الحاجه ام احمد الحچامي
ــــــــــــــــــــــــــــــــــــ🧿

ثوب الدين قديته بفعلتك هاي

خذاك الكِبر يامغــرور تايه راي

فرعون بنفوذه وهلخذاه الماي

تشبها وازود مـــن ازره
كسرت اضلاعها الزهره

عسه انشلت يمينك يا ابن صهاك

✍️ام حسين المحمداويه
ــــــــــــــــــــــــــــــــــــ🧿

قناة دموع الفواطم الحاجة ام احمد "الحچامي"

01 October 2026 01:16

لطميه نصاري

مفاعيلن مفاعيلن مفاعيل

لسيده الزهرا س
✶✶✶✶✶✶✶✶
حزن دوم الصميده من عگبها
وردة مابقت عــنده ويشــمهـا
✶✶✶✶✶✶✶
وسفه من خسر وردت البستان
بعد ماعنده شـوگ وگلـب لهـفان
صفه عاشق نحيل ابلايه عنــوان
تــمــنه الـــروح ويــاها يـطمهــا

✍ام عدنان سياحي
✶✶✶✶✶✶✶✶

خلـّص عمره بالاهـات ونــوح
مشت عنه زهرته لجانت تفوح
وليفارك عزيز بدمعـه مفضوح
بنص گلبه نرسم حبه الأسمها

✍️ام احمد العبوديه
✶✶✶✶✶✶✶✶

وليفارك عزيز ايساهر الليل
يظل سهران بالآهات والويل
مهموم وحزين وناحل الحيل
فزت زينب وتنشد على امها

ب~✍️~الحاجه ام احمد الحچامي
✶✶✶✶✶✶✶✶
دفنها والدمع من حيدره يسيل
وصيت ام الحسن يدفنها بالليل
عليها منحني واجدامه اتميل
حسافه الزهره تربان التضمها

✍️ام حسين الحسني
✶✶✶✶✶✶✶✶
راحت ماترد يازهرة هيهات
يبجي المرتضى ويجهر الونات
شلون الزاجية بلمكبرة تبات
معانيها ام حسن يخرب رسمها

✍️ام صادق كركوك
✶✶✶✶✶✶✶✶✶
نجمة حيدره طفو ضواها
يوم الي طفت اظلم سماها
زهرة عمره دهره ضيعاها
روحه امن الهجر متعالي همها

ايه بغداد ✍️

✶✶✶✶✶✶✶✶✶
وروحه من البٌعد نيران تسعر
عله الزهراء الزجيه الله واكبر
ومن صوت الونين الصخر فطر

*آيه فاطمه وحيدر فهمـها*

*_الشاعـرة ام مهـدي العيـداني_*
✶✶✶✶✶✶✶

قناة دموع الفواطم الحاجة ام احمد "الحچامي"

01 October 2026 01:09

هو.سات بحق تشييع فاطمة الزهراء عليها افصل الصلاة والسلام.🌿

لتشييع الزچيه ياربي وفقني
باچر بالحشر هي لي تحضرني
اريد ابچي وعليها ماافل حزني

هااا
(سجليني مولاتي //بسجلچ)
ـ•┈┈┈••✦✿✦••┈┈┈•ـ

يشيعيه اليوم وناتچ دعلييها
على لكسرو ضلعها ويلي اعليها
وللمحسن يحره الدمعه هليها

(بيوم المحشر/
ظلع الزهره نطالب بيه)

✍️~الحاجه ام احمد الحچامي
ـ•┈┈┈••✦✿✦••┈┈┈•ـ

اريد امشي وشيلله النعش بالروح
وكله جكد كلام ابداخلي وجروح
كضيته العمر يافاطمه بس نوح
ها وها

( كل يوم مصابج.... ياذينه)
ـ•┈┈┈••✦✿✦••┈┈┈•ـ

اريد امشي واشيل اجنازتج عالراس

يابت الرساله اوشافعه للناس

والله اليخدم آل البيت ماينداس

ها ها ها

((كل شيعي// اتفجر بركانه))

✍الشاعره أم اسعد الشمري
ـ•┈┈┈••✦✿✦••┈┈┈•ـ


كبرج ليش يم الحسن مفكود
وحزنج كل سنه عاود يرد ردود
الج ماتم نصبنه اهدومنه سود

(مانساه الباب ويومه)
‏
ـ•┈┈┈••✦✿✦••┈┈┈•ـ

لمحراب الزجيه ينضر الضرغام
وجه ام الحسن يم الوصي مادام
وعله افراك ام حسن كلب لوصي بالام

( المهيوبه بت المختار)

✍🏻الشاعره ام نادين المحمداويه
ـ•┈┈┈••✦✿✦••┈┈┈•ـ

أجينه انشيعج بكلوب جمريه

ماواحد مشالج شلتي ليليه

اليوم أنعوضج شيعه جماعيه

ها وها

(( صرخات الثار انعليها))

✍ألشاعره ام أسعد الشمري
ـ•┈┈┈••✦✿✦••┈┈┈•ـ

نشيلج يم الحسن وبينه تشب النار
وتعلي الحناجر صرخة الثوار
نريد اليوم مهدينه ياخذ الثار

ها وها

((انعليها صرخات الحره انعليها))

✍أم اسعد الشمري
ـ•┈┈┈••✦✿✦••┈┈┈•ـ

نـعلـي ونـــتج نحـيهـا بالعـبره
يبت خير لوره يافاطمه لزهره
تمر ذگراج بوسط گلوبنه جمره


((نـعزيـها.... زيـنـب بـزهـره))



لبسنه سواد هايم عون عنايه
لمجلس فاطمه نوصل الغايه
شـيعه علـي خواض المنايـه

((شيعـه.... وبليـل الظـلمه))


رمــ✍ـاد الخـيـام
ـ•┈┈┈••✦✿✦••┈┈┈•ـ

عله امصاب الزجيه نطبر الهامه
وعالمحسن الي ماتمم ايامه
وحيدر عالزجية ذب العمامه

((حزنانه الروح اعلى ام بيتي))



حزنان الكلب من فارك الزهره
ليل انهار حيدر يجر بالحسره
عله ضلع الزجيه ينوح ولكسره

((وعليج اكسر كل اضلوعي ))


✍🏻الشاعره ام علي الإماره
‏
ـ•┈┈┈••✦✿✦••┈┈┈•ـ

قناة دموع الفواطم الحاجة ام احمد "الحچامي"

30 September 2026 22:03

نوحیه للزهرا ع

🔅🔅🔅🔅🔅🔅🔅

ودعينه الزاجيه بللية ضلام
للمكابر راحله وصارت احلام

امي عني غربت
الدمعه من عيني جرت
امي امي امي
〰️〰️〰️〰️
روحي ضللت ناحله تريد الحنينه

يمه وينج رحتي عنه ماتجينه

ضاله دمعي يصب وكلبي بونينه

امي عني غربت
للمكابر سيرت
امي امي امي امي

✍🏻✍🏻الشاعره ام نادين المحمداويه

🔅🔅🔅🔅🔅🔅🔅

یمه وینچ لاتخلینی ابونینی

امعلمه ابحضنچ ییمه تغفه عینی

شلون من الصغریمه اتفارگینی

لاتخلینی بونین

ردی یم گلب الحنین

امی امی امی امی

✍🏻المیرزا ام لیلی الخاقانی

🔅🔅🔅🔅🔅🔅🔅

يمه رحتي ومابعد عني سئلتي

الفرگتچ ونيت وانتي ماسمعتي

مادريت اليــابـلد عني رحلتـي

يمته گليلي تجين
گلبي لغيابچ حزين

امي امي امي

✍️ام عدنان سياحي

🔅🔅🔅🔅🔅🔅🔅

یمه لوصار العصر ويصــــير الغروب

یضل يكسر بالخواطر كــــسر الكَلوب

یمه ويه صواب ظلعچ كَلبي مصيوب

علیچ یمه امعلمین

ریضی ولاترحلین

امي امي امي امی

✍️ام علي المحمداوية

🔅🔅🔅🔅🔅🔅🔅

من مشیتی الدار توحشنی وبکانچ

اتــذکر ایــام الــدلال اویا حــنانـچ

إلهـسه یـمـهٰ إبـالی یا یـمـهٰ کلامــچ

یما یازیــنب تعای

جیبی یا یما دوای

امی امی امی

یـــــ✍🏻ـــسرا الموسوی

🔅🔅🔅🔅🔅🔅🔅

كافي هجران وحزن مري علينه

ازغار كلنه یمه وابحضنچ ربينه

يكتل افراگچ يازهره شعمل بينه

امي ياريح الجنان

منه يتگاطر حنان

امي امي امي امي

✍🏼..هديل التميمي
🔅🔅🔅🔅🔅🔅🔅
ودعيت الزاچيه ام گلب الحنين

امي مكسورت ظلع واسمع ونين

بنعش امي ريضوا يلشايلين


مشت عني الزاچيه
ام السوالف دافيه

امي امي امي امي

✍️الحاجه أم احمد الحچامي

≈∞≈∞≈∞≈🧿≈∞≈∞≈∞≈

قناة دموع الفواطم الحاجة ام احمد "الحچامي"

15 September 2026 13:01

📚فزاعيه للزهراء ع(يون عليها حيدره) ا


كسرو اضلوع  ام الحسن
ويون عليها  حيدره



كسرو ضلعها ام الحسن
وزينب عليها بس تون
اصواب الزجيه اعله المتن
مورم متنها من الجره



ضلعين منها اتكسرن
ماليها بس هم وحزن
ادموع عالوجنه جرن
ويا مصاب شمكبره



ماتت يويلي عليها
وضلوعها مكسريها
ونوم الثره ياذيها
مو الها نوم المكبره



باليل شالت للكبر
من الله اطلبي هالصبر
يالحره يالكلبج جمر
من شفتي ضلع الطاهره



روحج يحره شكالت
من شفتي امج ماتت
صاحت عليج وناحت
كلبج بعد شيصبره


شالت الزهره وحملت
جمرات دمعتها انجوت
بعدج يزهره اتمرمرت
زينب بكت امحيره



لشاعرتي الزهراء ع
نورس الحلفي    و
رسل الابراهيمي🏴

قناة دموع الفواطم الحاجة ام احمد "الحچامي"

14 September 2026 22:02

قصيده للزهراء عليه السلام
✦✦•━•━••━•✦✦•━•━•━•✦✦
صبت دمعته بخده لمن طب على الزهره

كاللهه ابو السجاد يمه ولو بس نظره
✦✦•━•━••━•✦✦•━•━•━•✦✦
من المسجد اتعنيت اركض
يابعد عيني

جيتج والكلب لهفان كومي يمه حاجيني

لتخليني وتروحين بعدج من يباريني

يمه عيشتي بلياج يابت النبي مكدره

✍ام كرار شكر
✦✦•━•━••━•✦✦•━•━•━•✦✦
يمه فدوه حاچيني وصوتچ ارد اسمعنه

يم روح الحنينه ليش اسمع آنه بس ونه

استعجلتي ومشيتي بساع فكدج مااحملنه

اظل انعاچ آنه دوم ابگلبي امكسره العبره

الــ✍ــحاجه ام احمد الحچاميــــــــــــــــــ

✦✦•━•━••━•✦✦•━•━•━•✦✦
والله العيشه ماتنراد من دونج يالحنينه

اصيح بصوت حاجيني وكوليلي الوعد وينه

انام ابحضنج وارتاح
نوم الهنه خلينه

يمه فدوه حاجيني وردي عليه ياالحره

*✍🏻ام حســــــــين الخـــــــفاجــــــي*
✦✦•━•━••━•✦✦•━•━•━•✦✦
منج منكسر ضلعين
اه يافركتج بلوه

خذاج الموت من عندي
غصب افراكج وكوه

رجعي يم حسن ليه
بس انتي الي سلوه

شفتج يمه خلف الباب
من دفعوها منعصره

✍ايات السلطاني
✦✦•━•━••━•✦✦•━•━•━•✦✦
يمه انه العزيز وجيت هاي الساعه اودعنج

گوه شايل جدامي من گالو بطـــل ونج

ادري لشوفتي تحنين وتخليني بحظنج

فتحي العين شوفيني كسري بيج شيجبره

✍ام محمدالركابي
✦✦•━•━••━•✦✦•━•━•━•✦✦

قناة دموع الفواطم الحاجة ام احمد "الحچامي"

13 September 2026 19:30

‏السلام على مولاتي فاطمة الزهراء

قناة دموع الفواطم الحاجة ام احمد "الحچامي"

13 September 2026 01:11

⬛◼️ *مصيبة هجوم على دار الزهراء*◼️⬛


اعوذ بالله من الشيطان الرجيم
بسم الله الرحمن الرحيم

صلى الله عليك يامولاي يارسول الله
صلى الله عليك وعلى بيتك الطيبين الطاهرين
صلى الله عليك يامولاتي يافاطمه ياسيدة نساء العالمين ايتها المضلومه جهرا المدفونه سرا.
ماخاب من تمسك بكم وأمن من لجأ اليكم ياليتنا كنا معكم فنفوز فوزا عظيما

─────⊱◈◈◈⊰─────

⬛ *القريض*

ياحسرةِ والعـــــــــــينَ تَبگي فاطمٌ
بيتُ النبيَ على بابهِ الحطبٌ يُجمَعُ

لهفــــــــــــــــي على ام أَبيها بعدهِ
بحقدِهِ الظالمُ عليها البابُ يَــــدفَع

─────⊱◈◈◈⊰─────


⬛ *أبيات نعي*

دفعو الباب عالزجيــــــــــه
ودمومه ويلي جريــــــــــه
وينك ياحماي الحميــــــــه

وينك ياحيدر يجيــــــدوم
هجمو عالزهره هالگــــــوم
بالباب ويلي ضلع مهشــوم

بالباب عصروها الزهــــــره
وبضلع ويلي صار كســـره
تتئلم وبالگلب جمـــــــــره

─────⊱◈◈◈⊰─────

⬛ *محاضره*

إنا لله وإنا إليه راجعون
ولا حول ولا قوة الا بالله العلي العظيم
بسم الله الرحمن الرحيم
وسيعلم الذين ظلموا آل بيت محمد أي منقلب ينقلبون والعاقبة للمتقين



دخلت فاطمه (ع) على رسول الله (ص) في مرضه الذي توفي فيه فقال لها يا بنيه أنت مظلومة بعدي وأنت المستضعفة فمن آذاك فقد آذاني ومن غاضك فقد غاضني ومن جفاك فقد جفاني ومن قطعك فقد قطعني ومن ظلمك فقد ظلمني ومن سرك فقد سرني ومن وصلك فقد وصلني، لأنك مني وأنا منك وأنت بضعة مني وروحي التي بين جنبي إلي الله أشكو ظالميك من أمتي وكأني بك يا بنية تستغيثين فلا يغيثك أحد من أمتي، فبكت فاطمه (ع) فقال لها: لا تبكي يا بنية قالت: لست أبكي لما يصنع بي ولكن أبكي لفراقك يا رسول الله، فقال لها: ابشري يا بنت محمد بسرعة اللحاق بي فإنك أول من يلحق بي من أهل بيتي

وكان رسول الله (ص) في تلك الأيام كثيرآ ما يبكي إذا نظر إلى أمير المؤمنين وفاطمة والحسن والحسين عليهم السلام فإذا سألوه عن بكائه يقول إني أتذكر ضربة علي على رأسه ولطم فاطم على خدها وطعن الحسن في فخذه والسم الذي يسقاه وقتل الحسين (ع)

وكما أخبر رسول الله( ص) فقد تحقق كل ذلك حيث جرت المصائب على أهل البيت الواحد بعد الأخر وأولهم ظلامة فاطمة الزهراء (ع) التي اقتحم القوم عليها دارها فعصروها بين الحائط والباب حتى كسروا ظلعها وأسقطوا جنينها كما يذكر المؤرخون وكانت تنادي بأعلى صوتها يا رسول الله اهكذا يفعل بحبيبتك ثم صاحت إليك فضة فخذيني وإلى صدرك فسنديني لقد اسقطوا ما في بطني من حمل

─────⊱◈◈◈⊰─────

⬛ *أبيات نعي*

غدت تصرخ يويلي وضلع انصـاب
محسن وگع من عصرت البــــــــاب
من العصره طاحت فوگ التـــــراب



لسان حال سيده زينب ع
بعد فقدها لامها

صارالعـــصر والبيت خالـــــــي
ذكـــرت الحنينه ودمعي هالـي
ثوب الحـزن بعدچ حلالـــــــي
ومثل گلبچ وفه محـــد وفالي


حنينه الزاچيه وللروح سلـوه
ومره ايامنه خلافج متســــوه
يبلسم للجرح ولحيلي تچـــوه


يبچي الحسن والشـــــــوگ وازاه
تگابلنه بنص اليل انه ويــــــــــاه
بعد ذاك حنانچ ويــــــــن نلگــــاه
افراگـج للنضره يايــمـه أعمـــــاه


خويه للمگبره المـــي اخذنــــــي
اريد اشتم عطرهه ليهه ودنـــي
مابطل ونـــــي ولاطبگ جفنــي
اليوم امـــــي الحنينه فارگتني


وسفه الحنينه راحت اليــــــوم
ضليت بس اشتم بلهـــــــــدوم
عليهه يون الگلب مالـــــــــــوم
خلافج ييمه الحيل مهــــــدوم


مهدوم حيلي ودمـعي اسيلــه
عليچ انتحب يـمه ونحيلــــــه
بعدچ اون وروحــي عليلـــــــه
ابجي وون مــانمت ليلــــــــــه

─────⊱◈◈◈⊰─────

⬛ *تخميس*

أفاطم يسقط منها الجنيــــــن
وتدفع عن حقها راغمـــــــــــه

وتحرق باب فناها الطغــــــام
وتأتي على خدرها هاجمــــة

────⊱◈ يالله ◈⊰────

قناة دموع الفواطم الحاجة ام احمد "الحچامي"

13 September 2026 01:10

فزاعيه للزهراء عليها السلام

جينه انشيع الزهره
والدمعه سچبناها
ــــــــــــــــــــــــــــــــــــــــــ
اجينه انشيع الحره
نبچي وبالگلب حسره
بدمعه انواسي العتره

نعزي حيدر وطاها
جينه نشيع الزهره
ــــــــــــــــــــــــــــــــــــــــــ
شگد حملت قهر وآلآم
حرگوا دارها الظلام
مكسور الظلع متنام

ياويلي اعله بلواها
جينه نشيع الزهره
ــــــــــــــــــــــــــــــــــــــــــ
المحسن طاح يم الباب
صدرچ يالزچيه انعاب
مكسور الظلع وانصاب

ويلي الكسر اذاها
اجينه انشيع الزهره
ــــــــــــــــــــــــــــــــــــــــــ
بيت احزانها يشهد
انهار اولليله امسهد
تجري ادموعها عالخد

ظيم النذل راواها
اجينه نشيع الزهره
ــــــــــــــــــــــــــــــــــــــــــ
راواها النذل لوعات
مهظومه تجر حسرات
عليله اتعلي الونات

اموتن كون وياها
جينه انشيع الزهره
ــــــــــــــــــــــــــــــــــــــــــ
اموتن كون ويه امي
فراگ امي كثر همي
هد حيلي ونحل جسمي

روحي وين منواها
اجينه نشيع الزهره
ــــــــــــــــــــــــــــــــــــــــــ



┅═✧❁★★-❁✧═┅┄★ـ━
تمت القصيده بحمد الله وتوفيقه
*الــ✍ــحاجه ام احمد الحچامي*

اهدي ثوابها الى روح المرحوم حجي علي الحجامي والمرحومه ريهام قصي

قناة دموع الفواطم الحاجة ام احمد "الحچامي"

13 September 2026 01:10

قصيده للزهراء عليها السلام بحر طويل
*───✧◐  ❀  ◐✧───*
زيدي النوح لأم حسين
مضلومه الوجع هدهه

من طاحت على العتبه
ضلت روح ماعدهه
*───✧◐  ❀  ◐✧───*
اشلون اتجاسرو ياحيف بت النبي ايأذوهه

يوم الهجمو اعله الدار كفره وما يرحموهه

وحته دفنت ام حسين وسفه بلليل شالوهه

ومن عصروهه خلف الباب صاحت فضه تسندهه

ام✍رافد العسكري
*───✧◐  ❀  ◐✧───*
صاحت ليه يا فضه
محسن طاح عالعتبه

عالكومه بعد مكدر
صارت حالتي صعبه

ولحيدر علي الكرار
ظلت عينها تربه

بلجن يجي حامي الجار
عصبه الظالمه يردهه

ام✍كرار شكر
*───✧◐  ❀  ◐✧───*
بلكن يجي حامي الجار اويردع زمرة الكفار

ملاعين وحقد عدهم شعلوا نار باب الدار

احضر ياعلي احظر وامحي ابسيفك الكفار

بلليل اظلم سرى مهموم دفنها بلحد وسدهه

*الــ✍ــحاجه ام احمد الحچامي*
*───✧◐  ❀  ◐✧───*
ماعدهه بقت كل روح راح تموت مهضومه

طاحت ويلي عالعتبه ام حســــــــين مالومه

بين ايتامها الظلوا وبين المحسن ويومه

ابيوم الهجمو على الدار كسر الضلع ضاهدهه

*✍🏻 ام حســــــــين الخـــــــفاجي*
*───✧◐  ❀  ◐✧───*
تبجي زغار وي كبار ويلي دموع مجريه

تهد الحيل ونتهم ويلادچ يعلويه

زينب تنتحب يمج يمته ردتج ليه

ردي يم حسن تصرخ
يوم الوالده هدهه
✍️ايــــات السلـــــطاني
✧ــــــــــــــ ✦◈ ✦◈✦ ــــــــــــ✧

قناة دموع الفواطم الحاجة ام احمد "الحچامي"

13 September 2026 01:10

قصیدة للزهرا ع عله لحن یاراکضات من الخیم ذاك الحسین اکبالجن....

وزن المجرشه
مستفعلن مستفعلن مستفعلن مفعولن
نصف الحدي + نصف الشياله


یالشایلین ام الحسن روحي ترید اویاها
ـــــــــــــــــــــــــ
شیعهه بالیل الوصي بالظلمه عني اخذاها
يالشايلين الزاجيه اتمهلوا بممشاها
امي العزبزه ام الوفه امنيتي اضل احذاها
من ايست كلبي انجوه ما اكدر ابلياها
👇ام یاس الساعدیه
ــــــــــــــــــــــ
يلي بضعنه حملت اليا كتر منواها
ملعون المصوب الضلع امي تون خلها
وشلون يتراب الگبر الطاهره غطاها
ازغار الحسين وحسن ما شبعوا من ارباها
✍️العلويه الاء
___
ضليت افتر بالنزل وعيني تهل مبجاها
والوالدي انظر ألم ابيا جفن لفاها
راحات ابوي اعلى الجفن دم مو دمع جواها
خد امي متبلل دمع يوم الذي دفناها
✍طالبةالزهراء القريشي
__
الكسر ضلع امي غصب والثايه من طباها
بعد الحرك سوط بمتن بالحقد من ظرباها
اسبابهم حيدر تره شجعانهم لاواها
كل بيت بيه جم نايحه وكلوبهم فجعاها
✍طالبةالزهراء القريشي
_
يكسر ظلع لام الحسن والدار هم حرگاها
محسن وگع فوگ الترب والعين هم سطراها
خصمه النبي يوم الحشر عن فعلته السواها
هاي الزچيه ام الحسن خسران من عاداها

✍ الحاجه ام احمد الحچامي
___
اهتزت عروش السمه لمن علي شالاها
امي برضاها الله رضه ويوالي الوالاها
ابياذنب حرگ النزل وحدوده اتعداها
ملعون كلمن فاطمه بضلوعها اذاها
✍️العلويه الاء
__

قناة دموع الفواطم الحاجة ام احمد "الحچامي"

01 October 2026 01:28

لطميه....
الى مولاتي الزهراء عليها السلام

وزن نصاري
★-----------------★-----------------★

ملعون الكسر ظلعج ...يزهراء
تبچي وتلطم ابنيتچ...يزهراء

┄┅═✧❁★★-❁✧═┅┄

ملعون الكسر ظلعج يزهره احا احا
امصاب امچيد ومنهو اليجبره احا
..
المحسن طاح ياويلي عله الغبره..

ملعون السطر عينچ..يزهراء

تبچي وتلطم ابنينچ..يزهراء

┄┅═✧❁★★-❁✧═┅┄

ماهابوا علي وحرگوها الدار...احا احا

گوم الصطرتچ ظلام كفار...احا احا

يهظمونچ يزهره وشبوا النار..احا احا

الظالم من حرگ بیتچ‌‌‌‌‌‌‌‌..‌‌.یزهراء

تبچی وتلطم ابنیتچ ..يزهراء
┄┅═✧❁★★-❁✧═┅┄

بين الباب والحايط يعصروچ..احا احا

بت طاهه النبي ياحيف أذوچ

حمره العين ويلي شلون ضربوچ

ويلي سگطو اجنينچ...يزهراء

تبچي وتلطم ابنيتچ.يزهراء

┄┅═✧❁★★-❁✧═┅┄

اتونين الظلع ماذيچ يايمّه

وخلاف العزيزه اشبع مهظمه

اختفه طولچ یيمه البيت ظلمه

یایمه طفه نورچ...یزهرا ء

علغبره صبح طولچ يزهراء

┄┅═✧❁★★-❁✧═┅┄

يازهرة زماني وضي السنين

شلون ایهون الچ بیتچ تعوفین

واطفالچ وسف یمه تيتمين

عمت عينه الحرگ گلبچ....يزهراء

یازهره وخلص عمرچ..يزهراء

┄┅═✧❁★★-❁✧═┅┄

مقيد بالوصيه حيدر یکرار

لولاه العهد يفنيهم الكفار

عجل بالفرج مولاي اخذ الثار


المهدي الياخذ بثارچ..يزهراء

من العصره وحرگ دارچ.. يزهراء

┄┅═✧❁★★-❁✧═┅┄★ـ

الــ✍ــحاجه ام احمد الحچاميـــــــــــــــــــــ*

اهدي ثوابها الى
اخي الدكتور الحاج علي حسين الحچامي

والى المرحومه ريهام قصي

رحم الله والديه من يقرء الفاتحه على روحهما____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13

قناة دموع الفواطم الحاجة ام احمد "الحچامي"

01 October 2026 01:25

دار فاطم صبّحت حزنانه
وزینب الحره تون ولهانه

امی راحت ماتجی
علیها مابطل البچی
➖➖〰️〰️➖➖
امی راحت والحزن خیم علینه
من بعد امی نظل نصفگ بدینه
دارهه ظلمه بگت زاید بچینه

الفرح ویاهه مشه
الدارظلت موحشه
البیت ظلمه ضل یون ویانه

✍ #عـلــویــه_ام_فــاضل
➖➖〰️〰️➖➖
اشلون اطبن دارهه اتبچینی
من بعدهه ضاعت انه اسنینی
اشلون هان علیچ واتضیعینی

امی هیه العافیه
یاحسافه غافیه
وعيني من البجي هل عميانه

✍️ #ام نوراالزهرا نصاری
➖➖〰️〰️➖➖
دارهه ظلمه بگت ام الحسن
وگلب زينب يشتعل من الحزن
على افراگ الوالده تبجي وتون

شمعة البيت انطفت
الزهره ويلي ارحلت
شالت امي والفرح ماجانه

✍ #الحاجه أم احمد الحچامي
➖➖〰️〰️➖➖
الداروحشه وباي تنعه بلعويل
وسفه ابعمر الورد شالت ابليل
دمعتي عل وجنه ظلت تسيل

امي يانبع الحنان
ليش غدار الزمان
الدار من بعدچ بگت خلوانه

✍️ #سلمى أم جعفر
➖➖〰️〰️➖➖
امي راحت للكبروسفه ومشت
ومن بعد عينج ييمه تعذبت
زغيره تدرين بحياتي تيتمت

شلون عفتيني تره
ورحتي صوب المكبره
يمه حيل والله بغيبتج دوهانه

✍️ #ام زهراءالفاطميه
➖➖〰️〰️➖➖
شلون حالي من تروح امي بعد
يمه عمري وياج راح و ابتعد
يانجم ليلي امي و السعد

امي دنيا وعافيه
وياسماي الصافيه
روحي اخلافچ بقت نحلانه

✍️ #ام نور الزهراء العبوديه

قناة دموع الفواطم الحاجة ام احمد "الحچامي"

01 October 2026 01:22

وزن بحر الطويل

مفاعيلن مفاعيلن مفاعيلن مفاعيلن


لسان حال مولاتي العقيله زينب عليها السلام

🌀🌀🌀((((((💠))))) 🌀🌀🌀

مصيبة فاطمه الزهره من عدها يشيب الراس

من هجموا عليها الگوم ماكو اسلام عدها الناس
🌀🌀🌀((((((💠))))) 🌀🌀🌀

زينب تنظر اعله الباب وتهل ادموع سجابه

تكله ياعلي بويه الظلع يهظمني ومصابه
مالومه الزجيه تون النذل يضربها واصحابه

صاحت فضه سنديني وحشملي علي النبراس

🌀🌀🌀((((((💠))))) 🌀🌀🌀

زينب تعتب اعله امها عفتيني غريبه شلون
يتامه نظل عگب عيناج وحسين وحسن يبجون
سگط محسن ينور العين لَهيلنه دمع العيون

ياخيرت نسه العالم وسفه عتبتج تنداس

🌀🌀🌀((((((💠))))) 🌀🌀🌀

لَهيلنه دمع العيون يحوريه على مصابچ
مكسور الظلع دامي وخالي يمَّه محرابچ
يشمعت بيتنا وهفتت وتالي خمدت انفاسچ

طولچ راح ماشوفه وحزني اعليچ ماينقاس

🌀🌀🌀((((((💠))))) 🌀🌀🌀

بين الباب والحايط يعصرونچ يضي عيني
نابت بالصدر بسمار من شوفنه يأذيني
ودمچ سال عالعتبه انظرله ويبچيني

يابنت النبي المختار يحرگ بابچ الخناس

🌀🌀🌀((((((💠))))) 🌀🌀🌀

ماهابوج يايمَّه ولاهابو علي الكرار
يسطرونچ على عينچ وانتي بضعة المختار
ماراعوا رسول الله الحقد عاميهم وكفار
خصمهم بالحشر جدي الويل الويل للوسواس
🌀🌀🌀((((((💠))))) 🌀🌀🌀

شيگل لرسول الله خصمه بالحشر باچر
الظالم من حرگ بيتچ ملعون وأصل كافر
جنينج سگط عالعتبه اوضعه للگلب قاهر

مالومه اظل اعليچ وابچي لآخر الانفاس

🌀🌀🌀((((((💠))))) 🌀🌀 🌀

قناة دموع الفواطم الحاجة ام احمد "الحچامي"

01 October 2026 01:21

لطميه مهداة الى مولاتنا الزهراء عليها السلام


اه واویلاه ونت فاطمه
والضلع مکسور غارگ بالدمه

〰️〰️➖➖〰️〰️

بالسمه ظل يبجي ياويل الرسول

من سمع كسرو ظلعها للبتول

والدمع لمصابها مثل السيول

تبجي عليها دمه املاك السمه

✍ #عـلــویــه_ام_فــاضل
✿▬▬▬😭▬▬▬▬✿

اه واويلاه تبچي وبحزن

حرمه ماراعوچ ياام الحسن

بالعصر والسطره چملوها المحن

والاملاك عليچ نزلت لاطمه

✍🏻ام نور الهدى المنصوري

✿▬▬▬😭▬▬▬▬✿

اه. واويلاه محزون الرسول

بالسماء ويصيح قتلوهه البتول

والمدامع نازله شبه السيول

والحسن يبجي بدمعه هامله

✍🏻 ام زين العابدين
✿▬▬▬😭▬▬▬▬✿

وضل ابو الحسنين يبجي من دمه

روحت لام إحسين ويلي أمالمه

يبحي وينادي ياروحي فاطمه

تبقى روحي عليج دوم موجله

✍🏻ناعيه كربلاء عاشقة الطف ام محمد آل درويش
✿▬▬▬😭▬▬▬▬✿

نبجي بدموع الحزن لمصابها

ويلي العدوان حركوا بابها

آه عالمحسن سكط بعتابها

الشيعه كلها اليوم تبجي مالمه


ب~✍️~الحاجه ام احمد الحچامي

✿▬▬▬😭▬▬▬▬✿

صفحة القران حرگوها العده

اطشرت لحروف ويل اهل الرده

وبالقيامه تشتكي كل السده

تشكو للباري اويلي العالمه

أم علي✍🏻 دمعة لقاء

▪️▪️▪️▪️▪️▪️▪️

قناة دموع الفواطم الحاجة ام احمد "الحچامي"

01 October 2026 01:18

لسان حال مولاتنا الزهراء ع وزن فائزي

ــــــــــــــــــــــــــــــــــــ

امي ياوسفه بالثره ضايع اثرها
دليني بويه ياعلي خليني امرها

ــــــــــــــــــــــــــــــــــــ

دليني بويه ياعلي كبر امي وينه
اكعد دخليني واون يم الحنينه
انشدها هم تر جع بعد وتمر علينه
ياريت ضلعي، النكسر لا موضلعها

✍️ ام روكان الشمريه

ــــــــــــــــــــــــــــــــــــ

انشدها ترجعلي بعد لوهاي هيه
بيتج يبعد الروح ضل يوحش عليه
تمنيت لو شخصج يرد يمه الزجيه

ياريت ينباع العمر لشري عمرها

ب~✍️~الحاجه ام احمد الحچامي

ــــــــــــــــــــــــــــــــــــ

راحت گلبها منكسر مظلومه امي
مخفي گبرها للاسف والگلب مدمي
انواع ضاگت بالالم زودت همي

اعظم حزن بلكون يا امي حزنها

✍🏻ام احمد العبودي بغداد

ــــــــــــــــــــــــــــــــــــ

حزنج ييمه الوالده اعظم مصيبه
وشحال گلب الي يحب فارك حبيبه
وجهج صبح حدر الثره شنهو اليجيبه

دفناج ابويه بليل وسفه اخفه خبرها

✍ام روكان الشمريه

ــــــــــــــــــــــــــــــــــــ

اصعب مصيبه امصيبتج يم الديانه
شلتي ييمه بالعجل والهم لفانه
للموت يا ام الحسن ميفل عزانه

اتحملت كل هذا الالم يسعر جمرها

*ام منـــــ✍️ــــــذرالحجار*

ــــــــــــــــــــــــــــــــــــ

يسعر جمرها ام الحسن وصوابها صواب
ماترحم ابت النبي ياخشبت الباب
طاحت تون بعصرتج چا شنهي الاسباب

يوم اللطمها ابن الدعي حيل وشمرها

✍🏻 الحجيه ام علي
ــــــــــــــــــــــــــــــــــــ

قناة دموع الفواطم الحاجة ام احمد "الحچامي"

01 October 2026 01:10

#ليالي_الفاطميه
جديد بمناسبة شهادة السيدة الزهراء عليها السلام قصيدة بعنوان (جانت حلم)


آه يا ظيم العليّه
حلم واتبده امن اديه
ما اشوفنج بعد
راحت ايام السعد
حلم واتبده امن اديه
يمه يمه يمه يمه
*•──≪᯽≫──•*

يمه طفوها شموعج وبعدج ازغيرة عمر
قلبي ظل ينحب ييمه امنين اجيبلّه الصبر
كسروا ضلوعج يزهره اشلون اجبره هالكسر
آه يا ريحة محمد المنج يفوح العطر

بعد ما تنفع ملامه
والدمع مثل الغمامه
امي. غفله تنفكد
راحت ايام السعد
حلم واتبده امن اديه
يمه يمه يمه يمه

✍خادمة الزهراء // ليلى زغيب
*•──≪᯽≫──•*

العمر وياج يمه لحظه مر مثل السراب
يمه تتناج المنيه وتنظرج من خلف باب
بضعة الهادي محمد شلون تغدرهه الصحاب
صعبه يا زهرة الجنه ايغيب عطرج بالتراب

تهل دمعاتي دمه
روحي حيل مألمه
من ذبل غصن الورد
راحت ايام السعد
حلم واتبده امن اديه
يمه يمه يمه يمه

✍أزهار جبار الجياشي
*•──≪᯽≫──•*

خلاف عينج مااريدن يمه كل هاي السنين
وحشه عمري من غيابج والكلب دامي وحزين
التموت امه يويلي ايعاشر الهم والونين
اصرخ بصوت الهظيمه يمه يم گلب الحنين

ولدهر صوب سهامه
بروحي احسنهه قيامه
بفركتج ياثغره اسد
راحت ايام السعد
حلم وتبده من ادينه
يمه يمه. يمه يمه

. ✍🏻الشاعره مريم العبوديه اسيرة الاحزان 💔
*•──≪᯽≫──•*

اصرخ بصوتي ييمه.. ريتج اتسمعيني
محمل افراكج يزهره.. تالي يتمتيني
يبجي يايمه الحسن..وآنه تهمل عيني
طفه نورج يالزجيه وانه ضلمه اسنيني

الليل بعدج ماانامه
اشتكي الربي الظلامه
رحتي نمتي باللحد
راحت ايام السعد
حلم واتبده من اديه
يمه يمه يمه يمه

✍️~الحاجه ام احمد الحچامي
*•──≪᯽≫──•*

بعد صوتج مااسمعه وذاك قران الفجر
حركو الباب اهدمتني وهدمت حتى الحجر
انتضر جيه تجيني. يمه كافي من الهجر
مني اشرايد زماني قاسي ابحبله يجر

يمه رديلي حنانج
حبيبه بجاني مكانج
انتي لروحي ظمد
راحت ايام السعد
حلم وتبده من ادينه
يمه يمه. يمه يمه

✍🏻الشاعره ام نادين المحمداويه
*•──≪᯽≫──•*

يمه من يوم الرحلتي خذتي وياج الهوه
بعدج ابنوحي عليله آنه والميته سوه
يمه يالجنتي الجروحي التنزف أضماد ودوه
يمه المفارك حياته أبحسرته اولوعه أنجوه

صحت وينج فاطمه
بطيف اشوفج حالمه
يمته اشم عطرج بعد
راحت أيام السعد
حلم وأتبده من أديه
يمه يمه يمه يمه

✍الشاعره ام اسعد الشمري
*•──≪᯽≫──•*

قناة دموع الفواطم الحاجة ام احمد "الحچامي"

30 September 2026 22:18

لطميه للسيده الزهراء عليها السلام

أُم عون الليله انعازيها
عالزهره ويلي انواسيها
ــــــــــــــــــــــــــــــــــــــــــ

يايوم الزهره يايومه
شالت مغدوره و مهظومه
تبچي زينب وي چلثومه

وزينب ونتها اتعليها
ام عون الليله نعازيها
ــــــــــــــــــــــــــــــــــــــــــ
هجموا عالدار وحرگوها
بت طاهه ويلي سطروها
اخذوا حقها او غصبوها

والحره الدمعه تجريها
أُم عون الليله انعازيها
ــــــــــــــــــــــــــــــــــــــــــ
يعصرها بالباب الظالم
من العصره ونت يافاطم
عجل يامولاي القائم

اظهر والزمره امحييها
ام عون الليله انعازيها
ــــــــــــــــــــــــــــــــــــــــــ
المحسن طاح بعتبت بابه
اوزينب دمعتها سچابه
آيا ظلع الزهره امصابه

تبچي والظلع إيأذيها
ام عون الليله انعازيها
ــــــــــــــــــــــــــــــــــــــــــ
ياطاهه هجموا عالزهره
والظلع امأذيهه اوكسره
ظلام وخانوا بالعتره

تندب زينب ياواليها
ام عون الليله انعازيها
ــــــــــــــــــــــــــــــــــــــــــ
خد البضعه ينزف دمه
الظالم ماعنده رحمه
بيوم المحشر حيدر خصمه

بنت الهادي غدرو بيها
ام عون الليله انعازيها
ــــــــــــــــــــــــــــــــــ

قناة دموع الفواطم الحاجة ام احمد "الحچامي"

21 September 2026 22:32

📓مربعه مع هوسات لمولاتي فاطمة الزهراء ع


مجالس للزجيه٠اليوم وقرايه
بيارغ لام حسن مرفوعه ورايه
💥💥💥💥💥💥💥💥
مجالس للزجيه فاطمه الزهره
بكل دار الحزن وناعيه تقره
تستاهل لطمنه ودمعت التجره
نوافيها//بدموع العين
💥💥💥💥💥💥💥💥
بنت المصطفى هاليوم شيعوها
وصرخات الحزن عليها علوها
خلف الباب والحايط يعصروها
كسروها //واظلوع الزهره
💥💥💥💥💥💥💥💥
الكثر بت محمد للخلك ايه
لام حسين كلنه خدم وفايه
ماعدها ضريح نروح مشايه
مشايه// لام الاطهار
💥💥💥💥💥💥💥💥
يمته يظهر الوعود يبنيها
كبه من ذهب يرفع عليها
لابو صالح الدمعه نريد نهديها
نجريها//للمهدي الدمعه
💥💥💥💥💥💥💥💥
يالمهدي نريدك تاخذ الثارات
ثارات الجنين وليدها المات
تفرح كلوبنه وتردع الشمات
تفنيها// مولاي عدانه
💥💥💥💥💥💥💥💥
خادمة الزهراء عليها السلام ام مصطفى الموسوي

قناة دموع الفواطم الحاجة ام احمد "الحچامي"

14 September 2026 22:06

قصيده للزهراء عليها السلام
✦✦•━•━••━•✦✦•━•━•━•✦✦
حنت ورتفع ونهه
لمن صاح يمه حسين

كلمه وحده حاجيني
وين اليوجعنج وين

هذا الالم بعده بيج
ميته وباقيه تونين

من صواب ضلعج ذاك
لو ونچ من السطره

✍🏻ام محمد الركابي
✦✦✦✦•━•━••━•✦✦•━•━•━•
مالومه بقيتي هواي
نوحج حد المنيه

حاجيني يالحبيبه
يمه وحني اعليه

اذا سافرتي هذا اليوم
ادري ما بعد جيه

مااگدر على فركاج
وانتي بحالتي ادره

✍🏻*ام حســـــــــين الخـــــــفاجــــــي*
✦✦•━•━••━•✦✦•━•━•━•
فراكج كلبي ميحمله
اريدج دوم ويايه

العمر مااريده من بعدج
يظل اليتم بحشايه

يكتل من يندهوني
يكسر خاطري هوايه

ردي وعايني حالي
وطفي دمعتي التجره

✍🏻ام جعفر الايرواني
✦✦•━•━••━•✦✦•━•━•━•
على صدرج اريد ابقه
واخافن الجم ضلعوج

ابچي ولو عله صوتي
تسبگ دمعتي دموعج

اصيحن يمه اني حسين
واحس بصيحتي تلوعج

تشگ صدري تريد الاه
وانه حشاي جالجمره

✍🏻ام محمدالركابي
✦✦•━•━••━•✦✦•━•━•━•
امرغ وجهي برجليج يحبيبه واشم بيها

عينج غمضت شبساع
اترجاج فتحيها

من شفتج على هالحال
روحي وياج اخذتيها

يمه انهدم ركني عليج
صدري خنكته العبره

ام✍🏻كرار شكر
✦✦•━•━••━•✦✦•━•━•━•✦✦

قناة دموع الفواطم الحاجة ام احمد "الحچامي"

14 September 2026 22:00

مربعه للزهراء عليه السلام
❥━──➸➽❂❥━──➸➽
مشتاكه الج يايمه مشتاكه

والله غيبتج يازهره حراكه
❥━──➸➽❂❥━──➸➽
صعب فركاج يمه عذب دليلي

كسر كلبي وعماني وهدمه حيلي

اكل للعين ابجي من دمه سيلي

ويه امي بعد جا يمته نتلاكه

✍🏻ايات السلطاني
❥━──➸➽❂❥━──➸➽
مشتاك الكلب والروح تنعاها

هاي الزاجيه حلوه حجاياها

هنياله الكعد لوساعه وياها
للكعدات دوم وياهه سباكه


✍🏻ام احمد العبودي بغداد
❥━──➸➽❂❥━──➸➽
انتي جنتي وانتي نضر عيني

ياشمعة نزلنه لاتخليني

يانبض الكلب ياروحي وشرايني

وجه امي الحنينه يصعب افراكه

*✍🏻ام حســــــــين الخـــــــفاجــــــي*
❥━──➸➽❂❥━──➸➽
نيران بدليلي تشتعل جمره

يايمه صعب فرگاچ يازهره

على مصابچ اونن واسچب العبره

گلبي يريد يمه ينفض اشواگه


الــ✍ــحاجه ام احمد الحچاميـــــــــــــــــــــ*
❥━──➸➽❂❥━──➸➽
حراكه غدت نيران فركتها

مشتاكه لوجه امي ومحنتهه

ابيعن عمري واحظه ساعه شوفتها

ويه الوالده يامحله الملاكه

✍🏻ام كرار شكر
❥━──➸➽❂❥━──➸➽

قناة دموع الفواطم الحاجة ام احمد "الحچامي"

13 September 2026 15:14

وقت روايات استشهاد السيدة فاطمة الزهراء (عليها السلام) لهذا العام ١٤٤٨ هـ / ٢٠٢٦ م

1️⃣ ٨/ ربيع الآخر الموافق الأحد ٢٠/ ٩/ ٢٠٢٦.
2️⃣ ١٣/ جمادى الأولى الموافق الأحد ٢٥/ ١٠/ ٢٠٢٦.
3️⃣ ٣/ جمادى الاخر الموافق السبت ١٤ / ١١/ ٢٠٢٦.

قناة دموع الفواطم الحاجة ام احمد "الحچامي"

13 September 2026 01:10

لطميه الى سيدتي ومولاتي فاطمة الزهراء عليها السلام


يالشايلين النعش نعش الزچيه امي
ريظولي بيها شوي خل اشتكي همي

_

يالشايلين النعش بالليل ريظولي
خل تسمع امي ابچاي والنعش جيبولي
الزهره الحنينه اليوم بلًه اندهولي

بگلبي عتب ليها خل تسمع اهمومي
يالشايلين النعش نعش الزچيه امي
★-----------------★-----------------★

بهداي شيلوا النعش الظلع لاينلچم
عصراها ويلي النذل منلضرب هلمنهشم
مانامت وبس تون الزاچيه من الألم

عافتني امي ومشت وظليت انه بظيمي
يالشايلين النعش نعش الزچيه امي
★-----------------★-----------------★

لمصيبة الزهره انعه واون اليوم
مكسور منها الظلع هجموا عليه الگوم
ياويلي محسن طاح وگلبي ظل مهموم

من فارگتني اليوم زادت الي غمي
يالشايلين النعش نعش الزچيه امي
★-----------------★-----------------★

والعين مسطوره حمره وتون منها
تريد الفراگ بساع الزاچيه چنها
ياربي كون تگوم زيل الالم عنها

من سال دم امي اسود صبح يومي
يالشايلين النعش نعش الزچيه امي
★-----------------★-----------------★

يايمه ماهابوچ ولاهابو الكرار
اعله عيونچ يسطروچ يابضعة المختار
ماراعوا المصطفى وحرگوا يويلي الدار

ظليت اون بالدار بس البچي سهمي
يالشايلين النعش نعش الزچيه امي
ريضولي بيها شوي خل اشتكي همي
★ـ━━━━━━━━━━━━━


┅═✧❁★★-❁✧═┅┄★ـ━
تمت القصيده بحمد الله وتوفيقه
*الــ✍ــحاجه ام احمد الحچامي*

اهدي ثوابها الى روح المرحوم حجي علي الحجامي والمرحومه ريهام قصي

قناة دموع الفواطم الحاجة ام احمد "الحچامي"

13 September 2026 01:10

*رباط هوسه للسيده الزهراء سلام الله عليها*
•───✧◐◐✧──
بسمار صابوها
بسمار صابوها

عمت عيني ام حسن بسمار صابوها

•───✧◐◐✧──

والروح مالومه
والروح مالومه

كعدت تنتحب
والروح مالومه

✍ملا نور الحسين
💔
•───✧◐◐✧──
بليل شيعوها
بليل شيعوها

ياوسفة ام حسن
بليل شيعوها
•───✧◐◐✧──
راحت المظلومه
راحت المظلومه

لوالدها تون
راحت المظلومه

ام✍كرار شكر

💔
•───✧◐◐✧──
ياوسفه الحنِينه
ياوسفه الحنِينه

عافت دارها ياوسفه الحنِينه
•───✧◐◐✧──
اشلون البنيه
اشلون البنيه

تتركيها وحيده اشلون البنيه
✍️ايـــــات السلـــطاني

💔
•───✧◐◐✧──
خل نلطم وياهه
خل نلطم وياهه

زينب بت علي
خل نلطم وياهه
•───✧◐◐✧──
والحاضر عزاهه
والحاضر عزاهه

رابح ماخســــــــر
الحاضر عزاهــــــه

*✍🏻أم عبــــــــــد اللـــــــــه العـــــــــابدي*

💔
•───✧◐◐✧──
للزهره الهيبه
للزهره الهيبه

نلطم ما نمل
للزهره الهيبه
•───✧◐◐✧──
اطول الغيبه
اطول الغيبه
الزهره ام الحسن اطول الغيبه

ام ✍🏻زين العابدين لمحمداويه

💔
•───✧◐◐✧──
للفكدت ضناهه
للفكدت ضناهه
زيدنه اللطم

ماأكدر انساهـــه
ماأكدر انساهــــه

اضل طول العمر
ماأكدر انساهـــــه


يا نار فركاهــــــه
يا نار فركاهــــــه

مر ومانحمله
نار فركاهــــه

*✍🏻 ام حســــــــين الخـــــــفاجي*

💔
•───✧◐◐✧──
او ريت وياها
او ريت وياها

دفنوني سويه
ريت وياها

بالكبر خلاها
بالكبر خلاها

ياوسفه الدهر
بالكبر خلاها

ال✍️شاعرة نبأ

💔
•───✧◐◐✧──
من هجموا عليها
من هجموا عليها

صاحت ياعلي
هجموا عليها

بالباب عصروها
بالباب عصروها

ليش ام الحسن
الباب عصروها

بليل دفنوها
بليل دفنوها

يابنت الرساله
بليل دفنوها

يعينك يمولانه
يعينك يمولانه

ياحامي الحمه
يعينك يمولانه

ام✍حيدر السهلاويه
💔
•───✧◐◐✧──

اليوم مالومه
اليوم مالومه

زينب عالزچيه
اليوم مالومه

بالليل شالوها
بالليل شالوها

الزهره ام الحسن
بالليل شالوها


وسفه حرگوها
وسفه حرگوها

دارچ يالوديعه
وسفه حرگوها


وحگها غصبوها
وحگها غصبوها

ياهاي البتوله
وحگها غصبوها




*الــ✍ــحاجه ام احمد الحچامي*


💔
•───✧◐◐✧──

قناة دموع الفواطم الحاجة ام احمد "الحچامي"

13 September 2026 01:10

قصيده للزهراء عليها السلام بحر طويل
✦✦•━•━••━•✦✦•━•━•━•✦✦
باب ام الحسن
يا حيف بالنيران مشعوله

كفره وهالصحابه انذال مابيهم رحم ذوله
✦✦•━•━••━•✦✦•━•━•━•✦✦
نيران وحطب بالباب والعدوان تتهدد

ذاك ايگول نحرگ باب وذاك بحقد يتوعد

من غمض رسول الله اعليهه الضالم اتمرد

صاحت وين ابو الحسنين
الزهره انولت گلوله

ام✍رافد العسكري
✦✦•━•━••━•✦✦•━•━•━•✦✦
صاحت وين ابو الحسنين الحگلي سگط محسن
تنادي وبگلب مجروح ومن كسرة ظلعه تون
الحاقد من دفعها الباب حيل اظلوعها اتأذن

تمنوا كون طاه اليوم وهذا الحال يشكوله

*الــ✍ــحاجه ام احمد الحچامي*

✦✦•━•━••━•✦✦•━•━•━••✦✦
ماراعو رسول الله
سطروا فاطمه الزهره

من ساعد كلب زينب شافت عينها حمره

وحماي الحمه الكرار يلوج وناره مستعره

على الزهره يحيف يصيح
للعب بالكفر جوله

ام✍حيدر السهلاويه
✦✦•━•━••━•✦✦•━•━•━•✦✦
حركو دارها ام حسين ويلي وشبو النيران

زينب تنتحب عالصار وآخ حسين ضل وجعان

بفراك الزجيه حيف علي الكرار رد نحلان

خانت بينه الصحبه يبو ابراهيم كلوله

✍️ايــات السلــــطاني
✦✦•━•━••━•✦✦•━•━•━•✦✦
ماعدهه رحم لا دين هاي العصبه معروفه

خلوا بت رسول الله منهاالدمعه مذروفه

هاي الثُله مو اغراب كلهه وجوه مالوفه

الي يدعي الصحبه اجاهه بجيشه وخيوله

ام✍كرار شكر
✦✦•━•━••━•✦✦•━•━•━•✦✦
هاي الزمره من ادهور
تحوك امصاب للساده

بدو بسموم ابو ابراهيم
وتالي بذبحة اولاده

وماكفو بغض واحقاد الحال ازداد وتراده


من ذاك الزمان الفات
السيوف علينه مسلوله

ام ✍🏻رحمه الگاظميه
✦✦•━•━••━•✦✦•━•━•━•✦✦

قناة دموع الفواطم الحاجة ام احمد "الحچامي"

13 September 2026 01:10

قصيده بحر طويل

للزهراء ع
•❥───❁🌻❁───❥•
اجت زينب لعد حيدر
تتعثر بمشيتها

تكله شو مشت امي
ومن دم تجري دمعتها

دخيلك بويه حاجيني
بحيره لاتخليني


بتك لو لفاهه الليل
ياهو يسكت اخوتها

❥━──➸➽❂❥━──➸➽
تكله شلون حاجيني
اخوتي من يسكتهم

يتباجون نص الليل
كسرت كلبي دمعتهم

يبويه ماتباصرني
أمي شلون عافتهم

اظل محيره وابجي
من انظر هضيمتهم

عميه من الدمع عيني
بحيره لاتخليني

كل شويه ويذكرون
امنه وذيج كعدتهه

اجت زينب لعد حيدر
تتعثر بمشيتها

*✍🏻 أم عبـــــــد اللــــــــه العـــــــابـــــــدي*
❥━──➸➽❂❥━──➸➽

كل شويه ويذكرون دفع الباب والعصره

ومن طاحت على الاعتاب ومنها ظلوع متكسره

على فراگ الزچيه انوح بويه ونجذب الحسره

شالت امنه يابو حسين ابصدري امكسره العبره

بچي اوزايد اونيني
بحيره لا تخليني

عليها الليل ماانامه واذكر ذيچ ونتها

اجت زينب لعد حيدر
تتعثر بمشيتها

*الحاجه ام احـــ✍ـــمد الحچامي*
❥━──➸➽❂❥━──➸➽
وسط الروح ذكراها
امي ويا نبض گلبي

اريد اعتب وأزيد اعتاب
ودعي اليوم انه ربي

على الشالت وخلتني
يعيني من دمه صبي

الف حسره اجرنها يتيمه انه شنو ذنبي

ينوح عليها حسيني
بحيره لا تخليني

ازغار وتيهتنه ليش
مانحمل مصيبتها


اجت زينب لعد حيدر
تتعثر بمشيتها



ام ✍🏻زين العابدين لمحمداويه
❥━──➸➽❂❥━──➸➽
ابد ماظن تغيب ابيوم صورة امي بعيوني

عليله وما تطيب الروح اولحد يسأل اشلوني

عطر امي البقه ابهالثوب اشمه وينخطف لوني

وظل ابچي و تهل العين ليش من امي حرموني

تدري الفرگه تاذيني
ابحيره لا تخليني

مايغمض جفن هالعين الا ابحضني شيلتها

اجت زينب لعد حيدر
تتعثر بمشيتها

✍️ام محمد تقي الموسوي
❥━──➸➽❂❥━──➸➽
العقيله ادگول ظلمه الدار
ألما. بيها ام حسين
حيل افراگهه يفجع
مردت جبدتي نصين
مهظومه مشت امي
علينه شابحتها العين
علي يگلها قدر مكتوب
من عدنه خذاهه البين

امصلاهه يبچيني
أبحيره لاتخليني

ابد ماتنسي عالبال
ابگلبي بگت حسرتها

اجت زينب لعد حيدر
تتعثر بمشيتها


✍🏻ام علي المالكي
❥━──➸➽❂❥━──➸➽
حسرتها تهد الحيل ماينحمل فركاهه

يازينب يبويه بكيت اتحسر لملكاهه

جني دفنت روحي هناك بويه من ِِدِفناهه

واعتب على الموت اشلون مااخذاني وياهه

راحت زهرة سنيني
بحيره لاتخليني

زينب حظنت الكرار واختنكت
بعبرتها

اجت زينب لعد حيدر
تتعثر بمشيتها

✍🏻ام كرار شكر
❥━──➸➽❂❥━──➸➽