-
هذهِ القناة لنشر قصائد اهل البيت عليهم السلام اتمنى ان تنال كلماتي اعجابكم ورضاكم ان شاءالله ❤️✨
تجربة اللاقط الطوق اليوجا الاصليه فقط‼️
تكملة النعي في ديوان الحروف الجعفرية الجزء الأول
خلينه نبقه بالمدينه
يحسين يالروحك حنينه
روحي عليك امصوبه اصواب
و اخافن اتگطعون بينه😭😭
الشاعر جعفر الساعدي
🔴عظم الله أجوركم بذكرى وفاة سيد البطحاء وكافل رسول الله (صلى الله عليه وآله) أبي طالب (عليه السلام).
Читать полностью…
لطميه مربعه للإمام الكاظم عليه السلام (اهل الكاظميه)
اهل الكاظميه … اتنوح مرجونه
گالوا موسى ابن جعفر ايشيعونه
اهل الكاظميه اتحضرت كلهه
و لموسى دموع اعيونهه اتهلهه
ودوا اطروش لابنه اليوم يوصلهه
گالوا نعش ابوه ايريدله عونه
اهل الكاظميه … اتنوح مرجونه
عونه ايريد نعشه يحضر ايشيله
و ياخذ ثار ابوه المنهدم حيله
ايشوف اشصار بيده من زناجيله
حبسوا بالسجن و امگيده امتونه
اهل الكاظميه … اتنوح مرجونه
حبسوا بالسجن ما رحموا ابحاله
و بالسم منهدم و ايلوج دلاله
الكاظم عالجسر ذبته الحماله
اجنازه امكشفه شو ما يغطونه
اهل الكاظميه … اتنوح مرجونه
اجنازه امكشفه عافوا عالمجسر
وين اهله تجيه اتشيعه و تحضر
و وين اليطلب ابثاره لابن جعفر
ما سوه ذنب حتى يسمونه
اهل الكاظميه … اتنوح مرجونه
ما سوه ذنب لا سوه ابد سايه
بس يخفونه عن الشيعه هالغايه
شدوا احزام ياللطامه ويايه
و يا لطم الغريب ايريدله عونه
اهل الكاظميه … اتنوح مرجونه
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه مربعه للإمام الكاظم عليه السلام (ذبته الحماله)
الكاظم عالجسر … ذبته الحماله
وين اهله تجيله اليوم و اعياله
وين اهله تجي و للكاظم اتشيله
ايده امحدده و توجع زناجيله
و يالعباس ما ترضى عله العيله
من مات ابن اخوك ادموعه هماله
الكاظم عالجسر … ذبته الحماله
من مات ابن اخوك ادموعه مسجومه
وينه ايصيح عمي مو اجه يومه
سموني العده و الروح مهدومه
يحضر كون ما اقبل عذر لاله
الكاظم عالجسر … ذبته الحماله
رايد فزعتك يالكلك اكفايه
اتعنوله ابعراضه و رفعوا الرايه
خبر حسين خافن ما دره ابهايه
گضه عمره ابسجن متبهذله احواله
الكاظم عالجسر … ذبته الحماله
گضه عمره ابسجن هارون يا وسفه
و تالي اجنازته مطروحه و امكشفه
جابوله الطبيب و ضيع الوصفه
و منهو ايگول هذا النوره يتلاله
الكاظم عالجسر … ذبته الحماله
منهو ايگول هذا الهيبته هيبه
وحشه اجنازته و يالوادم اغريبه
خل تفزع عشيره الثاره اتجيبه
لن معصومه تبچي و صاحت اشماله
الكاظم عالجسر … ذبته الحماله
معصومه تنادي والدي وينه
گالوا عالجسر مسموم رامينه
لا لحگت اودعه من غفت عينه
خله ايگوم اريد اتباهه انه ابجاله
الكاظم عالجسر … ذبته الحماله
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه نخوه بهوسات للإمام الكاظم عليه السلام (يالوگفتك حلوه)
ها يابو الرضا … يالوگفتك حلوه
انگلك ما بقت يا سيدي امروه
انگلك ما بقت يا سيدي غيره
و محزون الگلب ضيع تدابيره
ما يرحم زمنه و صرنه بالحيره
( غداره // و الدنيه اويانه )
غداره الدنيه و بينه ما ترحم
يالمسموم يالميت ابسجن اظلم
تعنينه المصابك سيدي نلطم
( لا تنسانه // و ابجاه امك )
و ابجاه الزچيه لا اتخلينه
تسمع كون عبرتنه و بواچينه
الغيرك ما ندبنه و لا تعنينه
( بس بابك // دگينه الليله )
بس بابك ندگه و ما ندگ ثاني
موش انته الگلت معروف عنواني
و خايب ما يرد كلمن تعناني
( من چفك // محلاهه الحاجه )
محلاهه العطيه اليوم من يدك
يالمسموم يالما حاضر اوليدك
محد شيعاك اتنوح من گيدك
( امخلينه // نعشك بالغربه )
بالغربه النعش لا شيعته الوادم
هارون اشيريد و سممك ظالم
باچر يا عقاب اليحكمه الحاكم
( ايطلبونه // و الشيعه الثار )
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه فزاعيه عزاء للإمام الكاظم عليه السلام (اليوم للكاظم نهوس)
اليوم للكاظم نهوس
حلوه اله هوساتنه
خلي نلطم عالصدر
بات نعشه عالجسر
آه من هذا القهر
و اشتفيده آهاتنه
حلوه اله هوساتنه
آه يالميت ظلم
و ليك سوينه اللطم
الشيعي گلبه منهظم
و نهمل ابدمعاتنه
حلوه اله هوساتنه
نهمل ادموع العيون
امصيبتك لا ما تهون
يالمعذب بالسجون
و نرفع ابراياتنه
حلوه اله هوساتنه
الرايه نرفع بالعزه
شال حاديك و جزه
و جرح گلبك فززه
اقيودك امأذياتنه
حلوه اله هوساتنه
قيدك امأذينه
و يومك امبچينه
ما اجاك احسينه
ويلي يا ساداتنه
حلوه اله هوساتنه
ليش ما جيتوله
و ثاره اطلبوله
گوموا و اتعنوله
و كتلوا شماتنه
حلوه اله هوساتنه
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه فزاعيه للإمام الكاظم عليه السلام (محد شال جثمانه)
الكاظم عالجسر ممدود
محد شال جثمانه
محد شيعه و شالاه
للكاظم نصيح احاه
عمت عيني عله بلواه
من سموه عدوانه
عدوانه و لا رحموا
وسفه عالجسر خلوا
و الخوان ما حضروا
و لا جابوله اچفانه
ما جابوا اچفانه اهله
ونه بالگلب خله
دمع اعيونه انهله
و شايل قبل ميحانه
شيطلبه ما ندري اديون
و ايسمه نذل هارون
كل شيعي عليه محزون
گضه عمره ابزنزانه
ابزنزانه گضه ايامه
و منه الروح محتامه
خل نلطم يا لطامه
ما ننساهن احزانه
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
جديدنا نستقبل جميع الطلبات ومتوفر كل ماهو اصلي ومضمون مع تخفيضات بذكرى شهادة الامام موسى ابن جعفر عليه السلام
/channel/alnoorjafar
لطميه فزاعيه للإمام الكاظم عليه السلام (للمات بالزنزانه)
يا ناس هاليوم اللطم
للمات بالزنزانه
للمات بالطاموره
و محد تعنه ايزوره
بنته تون مقهوره
و منه اتريد عوانه
للمات بالزنزانه
عوانه كلنه اوياهه
نلطم عله الخلاهه
افراگه صعب چواهه
و ادموعهه غدرانه
للمات بالزنزانه
ما بطلتهه ادموعهه
و بمصابه هالفجعوهه
شيعة علي عازوهه
وين اليجي ويانه
للمات بالزنزانه
وين اليدگ اعله الصدر
مطروح موسى عالجسر
ما واحد من اهله حضر
و يمحيهم العدوانه
للمات بالزنزانه
ما واحد ابثاره طلب
الحيد سموه برطب
شمسوي مدري يا ذنب
و هيچ ايموت مولانه
للمات بالزنزانه
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه ثگيله لمصاب السيده زينب والإمام الكاظم عليهما السلام (الليالي الزينبيه)
مولاتنا زينب سلام الله عليها عاشت حزينه كئيبه تحملت آلام كثيره ورأت مصائب يصعب على الأنسان أن يتحملها فكيف تحملتها؟!
اما مولانا الكاظم عليه السلام عاش غريب وقضى ثمانية عشر سنه وهو يُساق من سجن إِلى سجن حرموه من أولاده وأحبابه
و الأعظم من هذا عمت عيني ثنينهم ماتوا ابغربه واجنازتهم ظلت مطروحه بالدرب زينب مالهه واحد يشيعهه اتحير السجاد بيهه والكاظم باتت جنازته على جسر الرصافه ثلاثة ايام مثل جده الحسين وامصيبتاه وامصيبتاه… الله يساعد قلب الزهراء عليها السلام شتتحمل من هظم اليوم انتهينه من عزاء حبيبة گلبهه وتحضرنه المصاب اوليدهه 😭😭😭💔💔
خلصنه الليالي الزينبيه
و تحضرنه المصاب الكاظميه
حگهه تهمل العين
ذني اعظم مصابين
و انريد الاجر من الزچيه
خلصنه الليالي الزينبيه
انطالب بالاجر هاليوم منهه
هاي الما بطل لحضات ونهه
من بتهه بعد داوي حزنهه
و يفجعهه الدهر باچر بابنهه
تحمل يا هظيمه
و مصايبهه عظيمه
نسمعهه تهل دمعه جريه
خلصنه الليالي الزينبيه
تحضر بالعزه الزهره اويانه
يا هالناس و اتنوح البچانه
بعدنه ما امخلصينه العزانه
و مصاب الكاظميه امنين اجانه
العمه و ابن اخوهه
الدنيه اتحملوهه
و صبروا عالجره و كل الاذيه
خلصنه الليالي الزينبيه
زينب حملت اهموم الچثيره
و ما مرتاحه من چانت زغيره
بالشامات تالي اتموت حيره
و ما گام و اجه بدر العشيره
يشيعهه عله الراس
گطعوا ايده الارجاس
غربه اثنينهم سوده عليه
خلصنه الليالي الزينبيه
الكاظم بالسجون اثمنطعش عام
خلصهه حياته ابكل الايام
امقيد بالسلاسل و ابد ما نام
لا عنده اهل تفزع و لا اعمام
كلهه اعليه بعيده
يا قصته شديده
و ظلت عالجسر جثته رميه
خلصنه الليالي الزينبيه
هم ام عون مطروحه الجنازه
بديار الغرب و العازه عازه
و كلمن راد تحضرله اعزازه
يا شيعه اليوم خلينه انتعازه
گضوا بديار غربه
هاي الصدگ صعبه
و ما ننسى ذبيح الغاضريه
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
إن الله يؤذي المؤذي في أعز مايملُك فَاطمئنُ 🙏🏻🤎
Читать полностью…
هظيمه تموت زينب بين الاجناب
گوموا ابساع حضروهه يالاحباب
بعد بيهه جرح لساه ما طاب😭😭😭😭😭 الله يساعدج يازينب
اليوم اكبر مصيبه اعله الهواشم
خليهه تذب منهه العمايم
و چا ليش البطل عباس نايم
خله ايگوم لخته اتريد زاتوت
ايجيبلهه چفن و ايجيب تابوت
و اعله امصاب اخيته ايعلي الصوت
خل يصرخ اويلي شالت ام عون
يلي ابراسهه كلهم يحلفون
عليهه منغبر واتزلزل الكون
الشاعر جعفر الساعدي
السلام عليكم لمن يود مراسلتي ينقر هنا ويكتب مايشاء 🤎
Читать полностью…
زينب دمعهه ايسيل من دم
عليهه الحزن و الهم تلملم
گلبهه لعب من هذا الوداع
و اتگول خاف اهلي ما تسلم
الله يساعدج يم عون😭😭💔
الشاعر جعفر الساعدي
#حصريا_من_ديوان_الحروف_الجعفرية_ج۱
لطميه مربعه للأخ (ردتك للشدايد)
ردتك للشدايد … يالاخو والي
ظني خيبيته و خابت آمالي
ظني خيبيته و ضاگت الوسعه
تگطع ليش بينه ابساع هالگطعه
ما ظلت دموع و نشفت الدمعه
خويه و دوهنت حالي … ردتك للشدايد
اخلافك ما شفت لا فرحه لا راحه
و دلالي يون ما هاد سباحه
يوم الضيعيتك آه يا مصباحه
ضلمه صار يالغالي … ردتك للشدايد
ضلمه انهار فگدك حيل روعني
صحتك هم تردلي اهنا يا خال ابني
اشعندك عجلت چا عدمن اتذبني
اروح اوياك حسبالي … ردتك للشدايد
اروح اوياك انه امحسبه احسابي
بعد لا من تجيني و لا تدگ بابي
و للموت ارد اظلن سوده اثيابي
دهري اشلون سوالي … ردتك للشدايد
دهري احا يا دهري الما رحم بيه
خذاك ابساع يا من تنشد اعليه
شوف اشلون تبچي اليوم البنيه
ميته اتگول اشوالي … ردتك للشدايد
ابنيتك كون ميته و لا تظل عدله
اتگول افراگ ابويه مگدر اتحمله
لا اوصل بعد للبيت لا اطبله
راح الچان يبرالي … ردتك للشدايد
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
#من_ديوان_الثأر_الموعود_ج٥
لطميه ختاميه لتشيع الامام الكاظم عليه السلام (گوموا نشيع المسموم)
نعي //
احاه ظل عالجسر مطروح
امامنه و يستاهل النوح
يا شيعه خلي نتعنه و انروح
انشيِعه و الدمع مسفوح
و انزيدهن لچمات الجروح
النزله //
گوموا نشيع المسموم
يا شيعته
گوموا نشيع ابو الرضا
يا شيعته
احاه يل بالسم گضه
يا شيعته
هذا امام الرافضه
يا شيعته
يالثگلوهه حبسته
يالحبسته ثگلوهه
و اجنازته شمروهه
و احبابه ما حضروهه
ايد النواصب شالته
شالتّه ايد الناصبه
و اگلوبنه متلاهبه
اه يالمصيبه الراتبه
و الزاچيه ما حضرته
ما حضرته المهظومه
و لا لحگت بمعصومه
عالشايعات اعلومه
مطروح تجري دمعته
مطروح وسفه عالجسر
و ناده المنادي بالظهر
وين اهله خليهه اتحضر
خلي تشيع جثته
خلي تجي الجثمانه
يالمات بالزنزانه
مخطوفه منه الوانه
مسموم صعبه حالته
مسموم يصعب حاله
مطروح محد شاله
خلونه نتعناله
و نلعنهه گوم السمته
(( و خلي انوسع ميدانه // الكاظم يگضي الحاجه ))
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
السلامُ على كاظم الغيط السلامُ على المعذب في قعر السجون وضلم المطامير 💔💔😭
Читать полностью…
هوسات للإمام الكاظم عليه السلام
الك لطم الصدر يا سيدي و مولاي
يالمسموم يالما فاد الك كل داي
الشيعه اليوم تبچي الهالمصايب هاي
( انعازيهه // معصومه اليوم )
شمسوي ذنب مدري و يسمونك
يالكاظم و چنهم ما يعرفونك
ميت بالسجون و تهمل اعيونك
( ايحضرونك // اتريد احباب )
تدير العين ما حضرولك و شالوك
يالمسموم لمن عالجسر خلوك
ثلث تيام لا غسلوك لا دفنوك
( ايخلونه // و المثلك حيف )
بالمجلس اجينه نلطم و نقره
انعازي ابنيتك وي فاطمه الزهره
ما ننساك صحنالك الف مره
( ما ننساه // و يومك يفجع )
تره كل ما نذكرك تهل منه العين
يالمسموم يالتشبه مصاب حسين
هم ظليت لا تغسيل لا تچفين
( و خلوهه // جثتك بالغربه )
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
حديث ونعي مجرد للإمام الكاظم عليه السلام
الحديث
قيل: إِنَّ عليّ بن سويد اتصل بالإمام موسى بن جعفر عليه السلام، وهو في طامورة السّنديّ بن شاهك، فسأله: سيّدي متى الفرج؟! لقد ضاقت صدورن، قال له الإمام: الفرج قريب يا ابن سويد. قال: متى سيّدي؟ قال: يوم الجمعة ضحى على الجسر ببغداد. فظنّ أنّ الإمام سيفرج عنه يوم الجمعة، ولكن ما مضت تلك اللّيالي، حتّى بعث الطّاغية هارون إلى السّنديّ رطباً مسموم، وأمره أن يقدّمه إلى الإمام موسى بن جعفر عليه السلام، فامتثل أمر طاغيته، وقدّم الرّطب إلى الإمام، وأجبره على أكله، فرفع باب الحوائج يده إلى السّماء، وقال: يا ربّ، إنّك تعلم أنّي لو أكلت قبل اليوم، كنت قد أعنت على نفسي. ثمّ تناول سبع رطبات فأكله، وقيل عشر، ثمّ امتنع. فقال له السّنديّ: زد على ذلك. فرمقه الإمام بطرفه، وقال: حسبك، قد بلغت ما تحتاج إليه. بعد ذلك أخذ السّمّ يسري في بدنه، والإمام يعاني أشدّ الآلام في تلك الطّامورة، وأحاط به الأسى والحزن، حيث لا أحد من أهله وأحبّته عنده. بقي الإمام على هذه الحالة ثلاثة أيّام، وبينما هو يسمع أخشن الكلام وأغلظه من السّنديّ بن شاهك، وهو في تلك الحالة، حتّى دعا بشربة فشربه، ثمّ تغيّر وجه الإمام من لون إلى آخر، وعرق جبينه، وسكن أنينه، ومدّ يديه ورجليه، وفارقت روحه الدّنيا...
رحم الله من نادى: وا إماماه، وا سيّداه، أي وا مسموماه. نعم صار الموعد المحدّد يوم الجمعة، وعليّ بن سويد ينتظر مع باقي الشّيعة، وإذا بجنازة قد بدا منها قيد الحديد. يقول عليّ بن سويد: جئت في ذلك اليوم إلى جسر الرّصافة، وإذا بجنازة مطروحة، والمنادي ينادي: هذا إمام الرّافضة، قد مات حتف أنفه، فانظروا إليه، فجعل النّاس يتفرّسون في وجهه، يقول عليّ بن سويد: جئت لأنظر إليه، وإذا به سيّدي ومولاي موسى بن جعفر عليه السلام وا إماماه، وا كاظماه، وا سيّداه. فأخذ عليّ بن سويد بالبكاء والنّحيب عند رأس الإمام، فبينما هو كذلك، إذ مرّ به طبيب نصرانيّ، كانت بينهما صحبة، فقال له ابن سويد: أقسمت عليك بالمسيح إلّا ما رأيت سبب موت هذا المسجّى، قال: اكشف لي عن باطن كفّه، فكشف له عن باطن كفّ الإمام، فأخذ ينظر فيها ويهزّ رأسه، قال ابن سويد: أخبرني ما رأيت؟ قال: يا ابن سويد، هل لهذا الرّجل من عشيرة؟ قال: بلى، هذا موسى بن جعفر سيّد بني هاشم، قال: يا ابن سويد، ابعث إلى أهله فليحضروا، وليطلبوا بدمه، فإنّه مات مسموماً.
نعي مجرد
وين اهله خليهه تجي ليه
و ابثاره تاخذ ما تخليه
يحچي الطبيب و يهز ايديه
يحچي الطبيب و گال مسموم
خلهه تحضره اخوانه هاليوم
تاخذ ابثاره المات مظلوم
مظلوم مات اشيطلبونه
و من عمت عيني يسمونه
و ابسجن ضلمه يحبسونه
ابسجن ضلمه گضه الايام
موسى و عمت عيني و لا نام
اليوم خل نلطم عله الهام
اليوم خل نلطم يا شيعه
الهالمصيبه و الفجيعه
ما سدت منهه ابكل شريعه
ما سدت غصته و لا مثلهه
و اجنازته ذبوا حملهه
محد تدناهه و وصلهه
محد تنده و شال نعشه
مطروح ظل ابلايه فرشه
حگه الگلب ينگطع هرشه
هرش الگلب حگه ايتگطع
للمات بيده الگيد يوجع
و بعيونه ما ينشف المدمع
ميت و دمعه يهل منه
مطروح نعشه و جزوا عنه
يابو الكرم يابو المحنه
يابو المكارم و المعجزات
هذا الذي يشفي العلات
انخوا يا شيعه طيب الذات
انخوا يا شيعه اسد بغداد
يالمنشهر عطاي المراد
و دگوا عليه اعلان الاحداد
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه فزاعيه بهوسات للإمام الكاظم عليه السلام (متسمم بالسجون)
النعي //
مسموم ويلي بالسجن مات
و ما حضرته اهل الكرامات
هذا امام اهل الديانات
بالسجن تالي ايموت هيهات
النزله //
الكاظم ليش … متسمم بالسجون
وين اهله و عمامه خل يحضرون
وين اهله و عمامه اليوم تحضرله
من هارون كون الثار تاخذله
يا هاي المصيبه الصدگ مو سهله
( ايسمونه // شمسوي اذنوب )
شمسوي ذنب و ايسمموه اعداه
يا هارون چا شلك طلب وياه
للمسموم خلينه نصيح احاه
( راد احبابه // بس ما حضروا )
ما حضروا اله و لا شيعوا نعشه
خلي اليوم دمع اعيونه انطشه
معصومه اجت تعتثر بالممشه
( ابواليهه // ما لحگت وسفه )
رادت بس تحل الشوگ و اتودعه
تمسح عينهه و ما نشفت الدمعه
خبروهه بابوهه و حالته و وضعه
( عالهامه // و ظلت تلطم )
عالهامه لطمهه و ندگ وياهه
اسنين اهواي ما شافته و شافاهه
معصومه حزينه الوالي خلاهه
( و يا اصوابه // احا يا امصابه )
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه للإمام الكاظم عليه السلام (تهمل دمعة العين)
للمسموم … تهمل دمعة العين
عنه وين اهل گلبه بعيدين
للمسموم دمعتنه سچيبه
مات الوحده هاي المصيبه
لاكو اولاد يمه و لا احبيبه
ظل مسجون بين اربع حياطين
للمسموم … تهمل دمعة العين
گضاه العمر بالسجن مسجون
من عنده نذل شيريد هارون
امقيد و السلاسل تاذي المتون
و من إثگالهن سون نياشين
للمسموم … تهمل دمعة العين
نياشين ابمتونه سوه الحديد
و السجان منه مدري شيريد
ما يدري اظنه ابن الاجاويد
و ما يدري اظن اهله الميامين
للمسموم … تهمل دمعة العين
ما يدري ابهله الكلهم حميه
و ما حضروه من سوده عليه
عالمسموم هاي اكبر رزيه
خلوه عالجسر لا يوم يومين
للمسموم … تهمل دمعة العين
ثلث تيام ظل عالجسر مطروح
و يمه الناس كلهه اتنوح و اتنوح
و رادوا طارش اليتعنه و ايروح
يخبر ابنه الرضا و يحضر ابهالحين
للمسموم … تهمل دمعة العين
يخبر ابنه الرضا يحضرله هالساع
عالعمره ابسجون المضلمه ضاع
شاف من العذاب اشكال و انواع
و يالتشبه غربته الغربة حسين
للمسموم … تهمل دمعة العين
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
من الطفولة توفقت ..🥹💙
لكَ الحَمدُ يا اللّه دائماً وأبداً
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
إنا لله وإنا اليه راجعون ك
بسم الله الرحمن الرحيم
{الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ}
ببالغ الحزن والاسئ تلقينا خبر وفاة
والدة الأخت الشاعرة غدير الحساني
اللهم ارحمها برحمتك، واحشرها مع أصحاب الحُسين، وانزل على قلب أهلها الصبر والسلون.
الفاتحة مع الصلوات جُزيتم خيرًا.
لطميه لفاتحة السيده زينب عليها السلام (اليوم الفاتحه)
اليوم الفاتحه … الزينب نصبناهه
حنينه و بالمجالس ما نسيناهه
اليوم الفاتحه ابكل دار منصوبه
تستاهل لطم زينب المهيوبه
المن راجعه للشام وادروبه
و تالي اهناك وافتهه مناياهه
اليوم الفاتحه … الزينب نصبناهه
وافتهه المنيه اهناك تاليهه
و چاليش النشامه اتعطلوا اعليهه
تحن و رايده الزاتوت واليهه
و ابشيل الجنازه ايروح وياهه
اليوم الفاتحه … الزينب نصبناهه
خال اوليدهه رادته اليحضرهه
و ما يدري اظن مكسور خاطرهه
عالفرگه عمت عيني اشيصبرهه
ما تصبر بعد و الصبر ملاهه
اليوم الفاتحه … الزينب نصبناهه
ما تصبر بعد و الصبر ملته
و اتگول الحنين حسين رايدته
وحيده و بالغرب شو ما دره باخته
تنتظره و تهل و اتسيل عيناهه
اليوم الفاتحه … الزينب نصبناهه
ظليت انتظر هلبت يجي ليه
يدري حسين ابد لا حيل ظل بيه
و من كثر التعب ورمن رجليه
و اريدن عمت ابنه ايقوم بعزاهه
اليوم الفاتحه … الزينب نصبناهه
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه ختاميه للسيده زينب عليها السلام (ماتلحگ اعليهه)
النعي //
لام عون هاللطم اللطمناه
وتحله عليهه جرت الآه
امصابهه لا مانسيناه
ماتت وتصرخ ياحسيناه
النزله //
عمت ابنك تون … ماتلحگ اعليهه
بالشامات هالليله ياواليهه
عمت ابنك تون
الخوه مانستهه وگوم وافيهه
عمت ابنك تون
اشلون اشلون محتاره تخليهه
عمت ابنك تون
حيل امغيره والظيم عاليهه
عمت ابنك تون
تزعل لو تظن يحسين ناسيهه
عمت ابنك تون
( اعله الهامه // لام عون اندگ )
( ماننساهه // يحسين اختك )
✍🏻خادم اهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225