-
هذهِ القناة لنشر قصائد اهل البيت عليهم السلام اتمنى ان تنال كلماتي اعجابكم ورضاكم ان شاءالله ❤️✨
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
لطميه شده للنبي محمد ﷺ (مضلم الكون)
اتوفه النبي الهادي و علينه مضلم الكون
و ام الحسن و اولادهه ظلوا ينوحون
ام الحسن و اولادهه اينوحون لأجله
اتوفه النبي هادي البشر سيد المله
نوحوا يشيعه والمصابه النوح يحله
و عازوا الزچيه فاطمه يامن تعزون
اتوفه النبي الهادي و علينه مضلم الكون
عزوا الزچيه فاطمه و عزوا ابو حسين
بعده علي الكرار ظل يجهر بالونين
متكدره الاسلام هم و اتكدر الدين
الليله ملائكة السمه كلهم يسهرون
اتوفه النبي الهادي و علينه مضلم الكون
سهروا ملائكة السمه و جبريل حزنان
اتوفه النبي المهتدي الفسّر القرآن
دم العرش لأجله بچه و ناحت الحيطان
و الشيعه كلهم محزنه ظلوا ينادون
اتوفه النبي الهادي و علينه مضلم الكون
يالنبي الهادي ما دريت الي سده و صار
بس ما غبت عيناك شبوا نار بالدار
احتار الوصي المرتضى حيدر الكرار
طلعوه من بيته غصب گاموا يجرون
اتوفه النبي الهادي و علينه مضلم الكون
بس ما غبت عيناك فاطم روعوهه
كسروا ضلعهه الگوم بالباب اعصروهه
ولا كمل عمر اجنينهه و بيه افجعوهه
بأقوى ما عدهم عله الحايط يدفعون
اتوفه النبي الهادي و علينه مضلم الكون
كلنه نعزي بالنبي فاطمه الزهره
ظلت عگب عينه بس تجذب الحسره
اتحضرون خادمكم ابيوم اليطب گبره
و للدوم اظل اخدم عليكم وانه الممنون
اتوفه النبي الهادي و علينه مضلم الكون
✍🏻خادم اهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
لطميه فزاعيه للنبي محمد صلى الله عليه واله (يا سلطان الولايه)
شال اليوم … يا سلطان الولايه
حزنانه الزچيه و تنحب اهوايه
شال اليوم من داره
وام حسين محتاره
امضيعه راعي الشاره
(( حزنانه // و اتنوح الفگده ))
ظلت تنحب ابعبره
احا يا خلت الزهره
شايل سيد العتره
(( امخليهه // ادياره اتون ))
امخلي ادياره محزونه
و المرتضى ايعازونه
شال الي حكم كونه
(( محزونه // املاك الباري ))
شايل راعي العباده
و اتكدرت السجاده
كلش يصعب افگاده
(( ما نهواه // افراگه الياذي ))
محزون الحسن و حسين
يبچون اعله راعي الدين
احمرت منهم العينين
(( امضيعينه // يا طاري الجد ))
صارت ضغبره و حنه
شال المصطفى چنه
هالليله دنوحنه
(( اتعزوهه // الزهره اتريد ))
✍🏻خادم اهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
لطميه ثكيله للأربعين ((انشد بت علي))
أنشد بت علي ورد اسجب العين
وكلها وين سويتي عزه احسين
خاف بديرت الشام
هذه بلد ظلام
اظنه بالحرايب والدواوين
موش ابكربله سوت عزاهه
شالت والجثث ظلت وراهه
عرايه امطرحه نومه ابثراهه
اصدور امهشمه واللّه ومطاعين
محتاره اسوي العزه ابيادار
وكل ساعه ضعنه الفد بلد سار
شلون انصب عزه بديره الكفار
غريبه او أبد ماعندي محبين
ردت انصب عزاكم بالخرابه
لا عندي معين ولا كرابه
وماكو اظلال يحمي من الترابه
بس حر الشمس يجوي النساوين
ليل انهار تسري النوك بينه
سؤالك صعب يالتسأل علينه
بين أجبال والبر تعازينه
وحنه على الجمل نجذب بلونين
اخوي ابلا عزه يامن تنشدون
شلت ابليل عنه او عفته بالكون
لحد غسله ولاجسده مدفون
من دون الخلكَ ما حصل تجفين
✍🏻خادمة اهل البيت عليهم السلام
الشاعره ام عباس
الناقل جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
ربطات للأربعين
كلنه تعازينه كلنه تعازينه
وي ام الخدر كلنه تعازينه
محد تلگاهه محد تلگاهه
من درب اليسر محد تلگاهه
حيل ما بيهه حيل ما بيهه
عالشجعان تنحب حيل ما بيهه
جوده و الرايه جوده و الرايه
جابت لابو فاضل جوده و الرايه
و نلطم اوياهه و نلطم اوياهه
زينب غاليتنه و نلطم اوياهه
تستاهل الهوسه تستاهل الهوسه
هاي اخت البطل تستاهل الهوسه
ليش ما هيه ليش ما هيه
ننشدهه رقيه ليش ما هيه
اتگول بالغربه اتگول بالغربه
عفناهه و اجينه اتگول بالغربه
(( عوانه // كل احنه الزينب ))
احا يا امصاب الحزنانه // كل احنه الزينب
حسين حسين // حسين حسين
✍🏻خادم اهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
تجدون التكمله في #ديوان_زلزال_العزاء_الجزء_الأول_
✍🏻الشاعر جعفر الساعدي
تجدون التكمله في #ديوان_زلزال_العزاء_الجزء_الأول_
✍🏻الشاعر جعفر الساعدي
يا حسين اتصيح زينب گوم و استقبل ضعنهه
من اليسر ردت حزينه و المصايب غيرنهه
حيره محتاره ابحرمكم حيره محتاره ابحزنهه
گابعه بالظيم و الهم جايبه راسك اوياهه
للجسد رادت ترده و بلكي تسال لحظه عنهه
ماعرف شحچي شوصف يابو اليمه عن هظمهه
يعجز الساني و اديه من الفجيعه هاي تعجز
صارت اربعين ليله الغاليه موش ابوطنهه
من بلد للثاني تمشي و العدو كلسا شتمهه
ايعينهه الله العقيله الفرگه و اللوعه ولنهه
سكته خوف من الشماته من تون و تجر ونهه
آه يا زينب آه يا زينب امصايب الدنيه سلنهه
آه يا زينب آه يا زينب امصايب الدنيه سلنهه
✍🏻 الشاعر جعفر الساعدي
لطميه مربعه للأربعين
(ليكم جايه زينب المهضومه)
ليكم جايه زينب المهضومه.
گعدوا يخوتي بسكم من النومه
زينب ردت من الشام لخوتها
وياها الحرم والروس جابتها
تشكي حالهااوتشكي هضيمتها
تصيح اگعد تلگه اختك المالومه
وينك يالحنين اگعد تلگاني
جيتك ناحله ومغيره الواني
يحسين أنه اختكم وأنتم اخواني
صدگ خليتكم نيام بالحومه
صدگ خليتكم بس غصبن عليه
مشيت ويه العده حرمه ومسبيه
ردت وياك أظل ماحصل بيديه
وحق عينك ترى يحسين مندومه
واليوم أرجعت گعدو تلگوني
بس اوداعتك ماشوف بعيوني
عزيزتكم يخوتي اشلون عفتوني
ويمي عليلكم متغيره ارسومه
على گبر الحسين اتلملمن لمه
يدگن حيل ويصيحن يبو اليمه
هاي اللي تشيل اتراب وتشمه
وذيج اتصيح بويه اگعد اشهالنومه
من عنده أيسن ودموعهن تنثر
وگامن راحن العباس المشكر
وليلى اتگول ودوني العلي الأكبر
ورمله تريد ابنها الحنته ادمومه
گامن واحد الواحد يندبنهم
ماسمعو عتب وتعذروا كلهم
ردن خايبات وأيسن منهم
گومي من العتب كافي يچلثومه
اجه السجاد يم زينب يگللها
صبري اوسكتي هاي الحرم كلها
عمه ارض المدينه كون نوصلها
وتظل اعزازنه بكربله الميشومه
تگله للمدينه اشلون أروح اشلون
اشلون امشي واخوتي بكربله يضلون
من اوصل للمدينه اعليهم ينشدون
ابوالسجاد گولي شنهي اعلومه
لو نشدوا شگللهم دحاچيني
مات اشلون اگولن وي عمت عيني
لاغايب وأگولن بعد يلفيني
مدري وين جانت هاي مضمومه
الشاعره ام شيماء الاسدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
لطميه للأربعين
(شبعانه هظم ماكد خال ابني)
شبعانه هظم ما كعد خال ابني
لاحسه السمعته ولاكعد زتني
شبعانه هظم والليل ما نامه
بعد راح العزيز وراحت ايامه
شبعنه ضيم اجيناكم يوهامه
( مالومه الروح عليكم )
مالومه واريد الي يواسيني
عله الشالو سوه وينه اليعازيني
ابن امي اليوم مهضومه امخليني
( المهضومه اتون اليوم )
لا حسه السمعته ولا كعد ليه
خال ابني الحنين البيه سد فيه
تريده الروح وهوه مبعد عليه
( شيعوده ابن امي الشايل )
الشايل مايرد هيهات لدياره
نايم بلكبر وانكطعت اخباره
تلهب بلكلب ما تنطفي ناره
( وجاره يا نارك تلهب )
شبعانه هظم بلمكبره الليله
جسمي امنلمصايب منهدم حيله
علي طاح الحمل والحمل شيشيله
( هد حيلي فراك الحمل )
الشاعره ام محمد الكناني
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
لطميه موشح للأربعين [جايه مهمومه]
اليوم زينب … جايه مهمومه
تعتب اعله حسين و الجيدومه
جايه و خطار نزلت كربله
تشكي ظيم الشام لاهل المرجله
اشلون ترضوهه حرمكم تنوله
شوفوا دمعاتي تهل مسجومه
اليوم زينب … جايه مهمومه
اهمل الدمعات و احچي امصابي
بلكت اتگعدون الي يا احبابي
حگي من اعتب و ازيد اعتابي
هيچ عفتوني اشعجب مهظومه
اليوم زينب … جايه مهمومه
هيچ مهظومه اشعجب عفتوني
و الاعادي بالدرب شتموني
اليوم اجيت و رايده اتلاگوني
حايره من عاينتهه الحومه
اليوم زينب … جايه مهمومه
حايره و اتعاين و بيهه هظم
اتصيح يابن امي و گلبهه منلچم
جايبه اعيالك حزينه و بالالم
گوم و اگعد بسك من النومه
اليوم زينب … جايه مهمومه
گوم و اگعد خله نومك بالگبر
شوف روحي گاضيه من الصبر
الشام والله اهمومهه اتفسر الصخر
حيل تلطم صارت المظلومه
اليوم زينب … جايه مهمومه
تلطم ام عون و تريد اقرايه
و چادر النسوانهه و ملايه
بيش اجازي اخواني الوفايه
بالحرب صولاتهم معلومه
اليوم زينب … جايه مهمومه
✍🏻خدام اهل البيت عليهم السلام
((الشاعر جعفر الساعدي))
((الشاعره زينب الطويرجاوي))
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
رباطات للأربعين
اليوم عنايه اليوم عنايه
زينب للكفلهه اليوم عنايه
و گوم حاچيهه و گوم حاچيهه
استقبل ضعنهه و گوم حاچيهه
اشلون ضربوهه اشلون ضربوهه
للوالي شكتله اشلون ضربوهه
اهناك عفناهه اهناك عفناهه
ابنيتكم رقيه اهناك عفناهه
توجعهه رجليهه توجعهه رجليهه
حيل من المشي توجعهه رجليهه
((احنه النتعازه // و زينب محد عازاهه))
✍🏻خادم اهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
يعني لا بيهه ولا عليهه هيج اُتهم من قبل ضعفاء النفوس 🤷🏻
زين وانتي يا ام علي الأماره تقبلين هالكلام وهالادعاء بحقج
شو من فضحوه علساس طلع ((ذكر)) گام يطلع حرگته وقهره بينا عبالك چان بس ينتظر شيء حتى يحچي علينا؟؟؟؟
وسؤالي الك يا ام…. ليش سديت التعليقات لو على گولة الاخت سالفة كرسي الصلاة فتحت مصيبه اكبر ((الا وهي مصيبتك))
ههههههههههههههههههههههههه
لطميه ختامية المجلس للأربعين [نزلت تلطم ام عون]
الله ايعين زينب حالهه يا حال
وصلت كربله و منهه الدمع همال
تنصب فاتحه و تلطم عله اخوتهه
و تخبرهم مرار العور الدلال
(( النزله ))
اعله الهام … نزلت تلطم ام عون
صاحت يالنشامه ما تگعدون
ما ظنيت عالذله تستكتون
حسبالي يا خواني تفزعون
من الشام اجيت و گلبي محزون
گوموا استقبلوني و نزلوا الضعون
هاليوم اربعين و موش بالهون
حدر الگاع ما ظني تنامون
يا اسباع الزلم يا ماي العيون
[ اهنا يا اسباع الملعب // گوموا اتلگوني ]
[ تعبانه // من ظيم العاشر ]
✍🏻خادم اهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
حديث مختصر ونعي مجرد للنبي ﷺ
صلى الله عليك ياسيدي ويا مولاي يارسول الله صلى الله عليك وعلى ال بيتك المظلومين يارحمة الله الواسعه ويا باب نجاة الامه… ياليتنا كنا معكم سادتي فنفوز والله فوزًا عظيما
نعوذ بالله من عين لا تدمع ومن قلب لا يخشع لمصابكم وحزنكم
شيعه وموالين كانت فاطمة الزهراء عليها السلام مدللـه عند والدها وهي احب الناس اليه وتعرفون غلاوة البنيه لابوها وغلاوة الاب البنته
كانت اقرب الناس اليه واحبهم لدرجة لقبت ام ابيها فاطمه عليها السلام عاشت شامخه معززه مكرمه بوجوده ﷺ لكن هل بقت على ذلك الحال بعد فراقه ؟؟؟
اليوم البنيه من ايموت ابوها تنكسر تنهظم لان فراق الاب محد يعوضه لا زوج لا اولاد لا اخ لا اخت يبقه حسره بقلب كل انسان كبير ام صغير
كانت عليها السلام تبكي الليل والنهار على فراق والدها
اه اه اه يابويه…
صاحت الزهره ابدمع همال
يا بويه يالتنشد عله الحال
لا وين حمل ضعنك و شال
شالوا اضعونك وين ناوين
للمگبره گالولي ماشين
و بطلي بواچي لا تنوحين
اشلون ابطلهه البواچي
يا زين يا حلو المحاچي
ما شفنه مثل ارباك زاچي
ما شفنه بويه اليشبه ارباك
اخذنه و خل نمشي عله اهواك
ما ينحمل چتال فرگاك
افراگ ثجيل اشلون اشيله
ويا بويه خلاني عليله
تدري اليتم ما بيه حيله
يكتل تره طاري اليتيمه
يا هيبتي و لاولادي خيمه
اليوم گلبي اعليك ظيمه
كثر ظيم گلبي وين افله
عگبك يابو چلمت العدله
اغيابك و نومك مو محله
لا مو محله ايطول الغياب
يامن اباسمك چنه ننهاب
انعاتبك يالتسوه العتاب
انعاتبك و الحگ بدينه
سفرتك تطولهه علينه
و الظنه گطعنه و ايسينه
الظنه بخلافك گطعنه
يا سورنه و عزنه و املنه
و اوياك ضيعنه المحنه
✍🏻خادم اهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
اليوم جمعه وماننسى اهلنا واحبابنا المتوفين الله يرحمهم من قراءة سورة الفاتحه حقهم علينا بهالشيء البسيط
بِسۡمِ ٱللَّهِ ٱلرَّحۡمَٰنِ ٱلرَّحِيمِ
ٱلۡحَمۡدُ لِلَّهِ رَبِّ ٱلۡعَٰلَمِينَ ٱلرَّحۡمَٰنِ ٱلرَّحِيمِ مَٰلِكِ يَوۡمِ ٱلدِّينِ إِيَّاكَ نَعۡبُدُ وَإِيَّاكَ نَسۡتَعِينُ ٱهۡدِنَا ٱلصِّرَٰطَ ٱلۡمُسۡتَقِيمَ صِرَٰطَ ٱلَّذِينَ أَنۡعَمۡتَ عَلَيۡهِمۡ غَيۡرِ ٱلۡمَغۡضُوبِ عَلَيۡهِمۡ
وَلَا ٱلضَّآلِّينَ
نهدي ثواب سورة الفاتحه الى ارواح المؤمنين والمؤمنات ولا سيما خدمة الحسين عليه السلام
وبالاخص: (خادمة الحسين عليه السلام ام مسلم)
اللهم اجعلها ثوابًا واصلًا على قبورهم وبلغهم عنا التحية والسلام 😔💔
لطميه بهوسات للنبي محمد صلى الله عليه وآله (يا هيبه يا سلطان)
حيدر الليله اشلون حاله
بيده الرسول لگبره شاله
و اتراب فوگه اتراب هاله
ايصبر ابروحه لو اطفاله
((النزله))
شايل وين … يا هيبه يا سلطان
ظل حيدر علي الفرگاك حزنان
شايل وين و امعجل الروحه
ظل حيدر حزينه اعليك روحه
ما تهده ولا تبره اجروحه
(( امضيع // هاليوم اعضيده ))
عضيده امضيعه و هم ابن عمه
الليله الفرگتك كثران همه
ظل اوحيد و انته موش يمه
(( مريوده // گعداتك يمهم ))
رادوا گعدتك و اشتاگوا اهواي
حيدر ماله حيل و ضيع الراي
الزهره تنتحب و اتصيح ملفاي
(( بترابه // و اينام الليله ))
عله اترابه ينام و مو وساده
ليش اتشيل يا راعي العباده
افراگك للحسن و حسين چاده
(( امضيعيه // جدهم يا حيف ))
جدهم فرگته تصعب عليهم
الحگ الهم فلا بطلوا بچيهم
يابو ابراهيم چا يمتى تجيهم
(( محتاره // و اتشوف اعيالك ))
اعيالك حايره و يصعب وضعهه
و شوف الزاچيه يهمل دمعهه
باچر لو يجي ايصوب ضلعهه
(( ايكسرونه // الضلع اعداك ))
الله ايعين لو لاذت وره الباب
ايخلون ابضلعهه جمرة اصواب
و ابنهه ايطيح من عدهه اعله الاعتاب
(( و اتحشمك // تحضر يالهادي ))
✍🏻خادم اهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
يامن رايد الخير … اخدم واترك الغير
تعبك دين عند حسين
والخير كله بخدمة حسين
تجدون التكمله في #ديوان_زلزال_العزاء_الجزء_الأول_
✍🏻الشاعر جعفر الساعدي
تجدون التكمله في #ديوان_زلزال_العزاء_الجزء_الأول_
✍🏻الشاعر جعفر الساعدي
شده للرحيل من كربلاء (يومين ظلت بت علي)
يومين ضلت بت علي بالغاظريه
وتكول اخوي حسين شو ما كعد ليه
أجيته ابهمه وعاتبت ما يسمع اعتاب
ولكيت جسمه على الوطيه امحمل اتراب
أيست منك ياابن امي او تالي الحباب
عنك اروحن للمدينه اوهاي هيه
كومي يعمه ودعن الوالي او شيلن
من بعد اخويه احسين بعد ألمن تُميلن
يُسمعنه أو كامن ترب كبره يهيلن
او صاحن نظل وياك ليام المنيه
صاحلهن السجاد كومن وستعدن
والبلد جدنه ياحرايرنه تردن
انوب العزه ابدار المدينه غاد تبدن
وسون مناحه ابدارجن لبن الزجيه
صاحت رباب اهنا اظل يم كبر الحسين
اومافارك اوليدي الزغير وكرت العين
اوياجر حتي اوكل جرح أعدال ميتين
اوبكربله ياريت واستني المنيه
انريد نمشي امودع اللّٰه ياليتامه
رديت مامش من هلي عندي علامه
وبطلعتي من الدار مابيهه سلامه
حرمه وجيت من اليسر اصفج بديه
يالطالعه من كربله عونه المشه اوياج
طول الدرب ابجي يحرتنه اعلى مبجاج
لو طحنه بالشدات يا مولاتي ننخاج
ونريد غفران الذنب من الزجيه
✍🏻خادمة اهل البيت عليهم السلام
الشاعره ام عباس
الناقل جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
نعي مجرد للأربعين تراث
من الشام للوليان اجينه
نبچي اعله اخونه الچاتلينه
ونريد ننصبله اربعينه
انه جيت لبن أمي بهومه
وجبت الحرم كلهه مهظومه
وناديت اخوي اليوم يومه
عبالي من اجيكم تكعدولي
ومن المكابر تكومولي
وياهله بزينب تكلولي
لكبووكم لمن وصلنه
وصحنه تلكونه يهلنه
على ابخوتكم خيبتوا املنه
عبالي من احشمكم تكعدون
وكلكم فرد فزعه تفزعون
واحجيلكم هظمي وتسمعون
صاحت ام طاهر يكافلنه
اكعد وشچي مهاظمنه
يخويه الهظم واللّه عدمنه
وما كعد عباس ونشدنه
عبالى من اوصل مكابركم
تكعدولي يحسين كلكم
واشجيلكم ذلت حرمكم
حشمت زينب كل اهلهه
تكلهم حرمكم خاب املهه
شلون المره ينذب حملهه
حملي ثجيل وتذبونه
وعليمن يخويه تجلتونه
وعله الصخرجي تشمرونه
اظل بهظم ياخويه ترضون
ذلت حرمكم ماتكعدون
احشم ولا جنكم تسمعون
✍🏻خادمة اهل البيت عليهم السلام
الشاعره لميعه
الناقل جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
لطميه ثكيله للاربعين (الگبرك رديت يبن امي)
الطور جنت إتمناك ياخويه للرادود ابو بشير
الگبرك رديت يبن امي ... الكبرك رديت
عفتك بالطف نحرك دامي
وجيتك أتعثر بجدامي
الگبرك رديت …. الگبرك رديت
جيت يم گبرك ...وصحت يبن امي
والگلب خلصان ..وعثر بهمي
ماگمت يحسين ..خففت همي
طحت يم گبرك ..والدمع يهمي
بلهفه تعنيت يبن امي..بلهفه تعنيت
حاجيني وسكن الامي
جيتك أتعثر بجدامي
الگبرك رديت …. الگبرك رديت
تدري درب الشام ..عذب أحوالي
مانشف لحظه ...مدمعي العالي
وتدري جتالك ..يمشي اگبالي
وعالرمح راسك ..شاله للعالي
واصرخ بحزان مهضومه ..واصرخ بحزان
وكلساع وضربو ايتامي
جيتك أتعثر بجدامي
الگبرك رديت …. الگبرك رديت
وتصرخ أطفالك ..من يشوفونه
عالرمح مرفوع ..وبيه روعونه
وطبت الديوان ..بيهه هضمونه
بمجلس الملعون..خويه شتمونه
هضمو الأطفال بالمجلس..هضمو الأطفال
وماواحد گام من ازلامي
جيتك أتعثر بجدامي
الگبرك رديت …. الگبرك رديت
اليوم ردينه...والگلب محتار
من اشكي همومي ..ابدي بيانار
بحرگ صيواني ..وهجمت العسكر
لوعطش چبدي ..وصرخت الخدر
لو تدري أطفال ضيعنه..لو تدري أطفال
شردوا من حرگوهه أخيامي
جيتك أتعثر بجدامي
الگبرك رديت …. الگبرك رديت
الشاعره المرحومه ام معتصم
الذبحاوي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
لطميه حماسيه للأربعين (زينب يابت عقد الوله)
اويلاه // زينب يابت عقد الوله
من الشام للوالي اجت
و الظيم يم گبره شكت
اتگله الحريم اتلوعت
و امگيدات ابسلسله // اويلاه
امگيدين ايدينه
ولا حيل صبح بينه
من الشام ليكم جينه
وين اليگلي يا هله // اويلاه
اهلا و سهلا وينهه
لختك گوم يحسينهه
مو چانوا اميسرينهه
و اليوم نزلت كربله // اويلاه
حنت الروح اتزوركم
نفضوا اتراب اگبوركم
بيديه جبت انحوركم
و رديت ضعن العايله // اويلاه
اضعونكم رديتهه
و اگبوركم شميتهه
روحي اتموت ياريتهه
ولا تظل هيچ امعلعله // اويلاه
اتموت اريدن روحي
و ايهيد نزف اجروحي
كله عليكم نوحي
و هذا لطمكم اعدله // اويلاه
ليكم النوح و لطمتي
اهل المحنه يا اخوتي
صعبه و ثگيله امصيبتي
ما صار منهه بالفله // اويلاه
✍🏻خادم اهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
حديث مختصر ونعي مجرد للأربعين
لا حول ولا قوة الا بالله العلي العظيم وسيعلم الذين ظلموا حق ال محمد اي منقلب ينقلبون والعاقبة للمتقين
ياشيعة ياموالين مولاتنا زينب سلام الله عليها في مثل هذا اليوم الحزين الكئيب اتت لزيارة اخيها الحسين عليه السلام من بعد فراق دام اربعين يومًا يملؤه الحزن والقهر والتعب والأسى عمت عيني اجت من الشام تريد تشوفه بس وين ابن امهه ماگام اتلگاهه ماگام حياهه
اتصيح زينب وخل كلنه انصيح واحسين… واحسين… وامصيبتاه… وامظلوماه…
(( تگول ))
اجينه و گعدنه فوگ الگبور
و ارواحنه ملچومه و اتفور
افياي ما عدنه ولا سور
من اهد يومهم طاحت الفيه
شالوا ولا نشدوا عليه
عفاهه يا روحي اشگد گويه
ما فارگت من فارگوهه
ابذل و هظايم ودعوهه
اليوم روحي اتحن لاخوهه
حنت الروح و جيت يمه
حسبالي يگعدلي و اشمه
اشوفه و گف لو يصب دمه
اشوف جرحه بعده ماذيه
و ذاري الترب خرب معانيه
ينباع كون ابن امي اشريه
ينباع وانه اشري صفاته
والله الاخو ماكو ابغلاته
خيمه عله احبابه و بناته
يا ناس هيبه الاخو و خيمه
و اليوم گلبي كثر ظيمه
شو عافنه و سكان الهيمه
الهيمه سكن و الباب سده
هاي اربعين و جيت اگعده
ما شاف حالي ليش بعده
ما شافني ولا شاف حالي
اجيته عگب ظيم الليالي
بس دمعتي ابعيني تلالي
✍🏻خادم اهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
لطميه فزاعيه للأربعين [رديت من الشام]
رديت من الشام // يا ولياني
رديت مهظومه
خطار للحومه
بسكم من النومه
حيل الشمر بغيابكم طگاني
رديت من الشام // يا ولياني
طگني عله متني
و الفرگه بچتني
و الحيل هضمتني
من چتفاني و بالحبل جراني
رديت من الشام // يا ولياني
من چتفوا ايدي
ناديت يا اعضيدي
عفتوني لوحيدي
صرت السبيه و الحزن عنواني
رديت من الشام // يا ولياني
سموني مسبيه
و الدمعه مجريه
جيت انصب اعزيه
بلكي الكفيل ايگوم يتلگاني
رديت من الشام // يا ولياني
بلكي الكفيل ايگوم
گلبي عليه ملچوم
ما لاگ اله هالنوم
و اشلون ما بين الغرب خلاني
رديت من الشام // يا ولياني
گلبي اشكثر حزنان
و طبينه للديوان
و چتالكم شمتان
يضرب لحيت ابن النبي و اذاني
رديت من الشام // يا ولياني
✍🏻خادم اهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
لطميه للاربعين (اجينه انزوركم يهل المحنه)
اجينه نزوركم يهل المحنه
مشتاكين اجيناكم يهلنه
جيناكم امن الشام
بس نسوان وايتام
مشتاكين جيناكم يهلنه
🖤🖤😭🖤🖤
من بعد اليسر هاليوم اجينه
نريد انزور وانرد للمدينه
دكعدوا ياهلي تلكوا الضعينه
ونشدونه على الضيم العلينه
دكعدوا نزلونه
يهلنه وناشدونه
على الوعات والضيم الحملنه
🖤🖤😭🖤🖤
اجينه الكربله انشوف الغوالي
اريدن لخوتي احجي الجرالي
اكلهم يهلي غدرتنه الليالي
مشينه باليسر من غير والي
عليل ويانه وجعان
ومن القهر خلصان
نشوفه ويكثر اعلينه حزنه
🖤🖤😭🖤🖤
مشتاقين يهلي وجينه انزور
ماشفناكم النه من اهد عاشور
عفناكم ضحايا ودمكم يفور
وهسا ياهلي نومه بالكبور
مشتاكين اجينه
عنيتوا علينه
كعدوا ياهلي تلكوا ضعنه
🖤🖤😭🖤🖤
جينه نشوفكم كعدوا يالاحنان
من اكبوركم كوموا يوليان
نشدو بحالنه اشسوت العدوان
ردينه يهلنه الكلب خلصان
من اليسر جينه
نشكي المر علينه
من كثر القهر خلص كلبنه
🖤🖤😭🖤🖤
تدرون الاعادي روعونه
وحده بوحده خويه جتفونه
ومن ديره لعد ديره سبونه
ولو صحنه يهلنه يضربونه
ماعدهم حميه
بحبل شدو ايديه
خذونه مجتفات ايهل دمعنه
🖤🖤😭🖤🖤
يهلنه اليوم جيناكم امن الشام
جنه بيسر يهلي ابين ظلام
كل ساعه ويضربوها هالايتام
ويشتمون ابونه علي الضرغام
ابد مايرحمونه
ويشتمونه ابونه
واحنه نصيح لحكونه يهلنه
🖤🖤😭🖤🖤
الشاعره ام حسين الهلالي
اسالكم الدعاء لي ولوالدّي
لا اجيز حذف شرعا الاسم
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12
لطميه فزاعيه للأربعين عن لسان الخادم الذي لم يذهب للزياره [احملكم سلام اهواي)
يا زوار فدوه اخذوا سلامي
للمنذبح عطشان ضامي
گلوله مشتاگ انه اله اهواي
هوه الرجه و هوه امامي
(( النزله ))
احملكم سلام اهواي
يا زوار ابو اسكينه
سلامي الحار وصلوله
ابزيارتكم المقبوله
اشتاگت روحي گلوله
اله و للگطعوا ايمينه
روحي اهواي مشتاگه
للما تحمل افراگه
الهم نار حراگه
و گلبي يجهر اونينه
چي ما جيتله مشاي
كلساعه و تهل عيناي
احملكم سلام اهواي
و نظره اطلب اعلينه
و الشيعته ايحاميهه
ابجاه اخته الميسريهه
هنياله اليعازيهه
اجت و اتصيح چاوينه
دلوني عله گبره
صوغه جايبه نحره
اوسده و ادفنه ابكتره
و اشكيله اشسده اعلينه
اشكيله مرار الگوم
و اوجه اعتابي للجيدوم
ما ضگنه اگله النوم
من يوم الغفت عينه
من يوم الغفت عيناه
كم ديوان الدخلناه
و الچتالهم شفناه
يضحك و ابتهج بينه
✍🏻خادم اهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تابعوا القناة على الواتساب خوفًا من إغلاق التلگرام 👇🏻🤎
https://whatsapp.com/channel/0029Vb7T1auKLaHj3XZE5B12