7899
امرَأةٌ مِن مَشَاعِر . اخلَع نَعلَك، إنّك بوادِيها المُقدّس!
Pov:
و دغري خطرلي هالجزء :
"Was it all in my fantasy?
Where are u now?
Were you only imaginary?"
-Alan walker| faded
أحتاجكِ أنتِ بالتحديد،
ولا أقلل من شأن الآخرين
ولكن أنتِ
أنتِ بيتي ..
- أدهم شرقاوي
أنتِ تجعلينني أؤمن بأن كلّ شيءٍ مُمكن!
—هنري ميللر إلى أناييس نن، ١٩٣٢.
شعور وليد اللحظة ..
ارى محاولاتهنّ معك
لكنك لا ترى محاولات القريبين منك معي
كون أنّي مطروفة* بك
ناهيك عن انني تأقلمت مع الفكرة
لكن يخطر على بالي صوت Ina مع Alan walker في اغنية blue عندما تقول فيها:
they fell in love like you and I, and now they rules and men can not control them"
و بالضبط تحكِ عنا، لن يأتِ أحد مثلنا، يستطيع ممارسة الحب بطريقتنا -معك او معي- و يبقى متحكمًا بزمام الامور
لابد من انفلاتها من مكان ما، لن يستطيع احد ان يشبهنا، او يكرر قصتنا ويبقى متأصلاً بالحب و الرضا ..
اريد ان اخبرك بتقدم حالتي، لقد اصبحت لا انظر اليك من بعيد كثيراً
لا تعتريني الرغبة بالنظر اليك
ولكنني اشتاق كثيرًا لحبيبي -الذي اخذته السماء- .
*مطروفة: اي لا تنظر الا لمن يخصها ولا يميل قلبها الا اليه.
مَلاكْ.
• النِسَاءُ هُنَّ كُلُّ ما نَعرِفُهُ مِنَ الجَنَّةِ عَلىٰ هٰذهِ الأرضِ .
- ألبير كامو
شوية من احداث اليوم :
-فقت على صوت اختي عم تسألني احلا سؤال بالحياة:" يلا قومي ما بدك تشربي متة؟"
بعد يوم شغل طويييييييل كنت نايمة و غرقانة بالهودي
قمت مع شروق الشمس بردااانة، دغري شربت كاسة متة تدفيني
جهزت حالي بأقل من نص ساعة عشان لحق اشرب قهوتي مع اهلي على رواق
صوت فيروز مع "خدني يا حبيبي"
كان مشهد يستحق الاعادة مرة و مرتين و تلاتة 💛.
-العمر شو ؟
العمر بيخلص و الشغل ما بيخلص
بلشنا شغل و شغل و شغل
و اليوم عكس مبارح
ما كان في اي حديث عميق
باستثناء مكالمة اختي الكبيرة الي خلتني اغرق بحيرتي اكتر
مصيبة لما بكون القرار صعب لدرجة حتى اهلي ما بيقدروا يساعدوني فيه 🙂
مكالمة جدية مدتها ساعة من المناقشات انا و اختي
و سامحونا سبينا على كل الي اسمهم محمود و محمد (حشا الاسم)
لأسباب شخصية عملية 😂
-مضي يومي بدون ما شغل مخي زيادة لان مو فاضية ابدا فكر باللي جاي بصراحة
ف كنت عم لهي حالي بـ اعادة اول درس موسيقى اخدته 😂
و غنيت، غنيت لدرجة صوتي مبحوح
من ٣ايام شغالة حنجرتي عم غني و عيد بنفس الاغاني ف صوتي حرفيا راح 😂🙂
-لقيت اليوم جراب طفل 🥹
هو شي سخيف بالنسبة لكتار منكم، بس بالنسبة الي الطف شي ممكن يلتقى طيب تخيلوا حجم الكياتة ياربييي🥹🥹
طلع الجراب لبيبي لين و اعطيته لأمها و خبرتها تبوسها عني 💛.
-شاءت الصدفة و خلتني خوض بحديث مع صبية حاملة بيبي مسكته عنها لساعدها ف حكتلي انه توأم لطفل تاني
(زين و يزن) 🥹💛
-مضي يومنا مع خطاب اخلاقي كنت عم اتأمل فيه جمال السقف و فكر بحجم وساخة المحيط الموجود و اننا مجتمع ذكوري بس منسون و كتير
-بطريق الرجعة كانت وحدة من البنات عم تبكي لدرجة نفسها انقطع بسبب كلمة (تخيلوا حجم الكوارث الي بنرتكبها بحق بعضنا بسبب حدة لساننا !
وين الاثر الطيب بإنك تكون شخص لسانه سليط ؟
ارحموا بعض)
نزلنا و هدينا و سكروا الباب على كاحلي 🙂
بس يلا كاحل و ما كان شو الدنيا بتوقف على الكاحل يعني؟
-وصلت البيت الهادي الرايق
مساحتي الآمنة
ركني المفضل دايما و ابدا
احن حضن و الطف شي ممكن يكون بحياتي
عم اشرب متة و احكيلكم شو صار بيومي .💛
وبس!
مَلاكْ.
حاملة عمران و قربنا من صبية و قلتله لعمران يسلم عليها ..
هو كالعادة ما قصر و سلّم
و قعدت الصبية تلعب معه
لحد ما سألتني: "انت امه؟"
حكيتلها:
-انا ام ؟
-بتحسي مبين عليي ام؟
-بيشبهني ؟
حكتلي:"بصراحة مو مبينة ام بس اي بتشبهوا بعض بلمعة العيون"
انغمرت بشعور بجنن غرقت بخدود عمران و غمرته لجوا قلبي .💛
شعور وليد اللحظة ..
احاديث كثيرة جُلّها الحب
مع صديقتي تارة
مع نفسي تارة أخرى
و اسأل نفسي
هو الحب طعمه لذيذ الى هذا الحد؟
حكت (رزان) لي قصة حب امها و ابيها
و حكيت لها بدوري قصة (ماما و بابا)
و سألت نفسي
انا لمن أحكِ قصتنا ؟
و يأتي على رأسي صوت ميادة الحناوي و كسرة قلبها عندما تقول:
"نسيت مين انا ؟
انا الحب الي كان، الي نسيته اوام من قبل الاوان"
انظر اليك فيرعبني كم (العادي) الذي تعيش فيه بعد كل الذي حصل
هل الحب هيّن الى هذه الدرجة ؟
بربك هل نسيان الشعور سهل ؟
انا اكرهك الآن هذا مُتفق عليه لا جدال فيه
لكن لا يمكنني ان انسَ حلو الشعور الذي بداخلي
لا استطيع ان ارى فيك نفس الانسان الذي أحببته
حبيبي اخذته السماء ليكون ملاكاً لي كما انا ملاكه ..
الذي اراه الآن لا اعرف عنه سوى اسمه .
مَلاكْ .
- شَرَاسَتُكِ هٰذهِ ،
تُدَافِعِينَ بها عَن رِقَّتِكِ الكَثِيفَةِ ،
أنا أعرِفُكِ .
شعور وليد اللحظة ..
ما ضُرّ لو استيقظت على صوتي اناديك و اغني لك (انا لحبيبي و حبيبي الي)
مع باقة الورد التي اشتريتها لي في الليلة الماضية
و (كاسة المتة) التي عوّدتك عليها ..
ما ضُرّ لو طبعت قبلة الصباح على جبيني و خدودي كما تُحب ..
ما ضُرّ لو جلسنا معاً، تسايرنا
قُل !
اجِب !
ما ضُرّ ؟
مَلاكْ .
تذكر دائمًا أن الخيارات لا مُتناهية،
وأنك لست محدودًا بفرصةٍ واحدةٍ أو بمستقبلٍ معينٍ..
تذكر دائمًا أن في الحياة رحابة،
وأن الآفاق واسعة،
وأن الدنيا أكبر من أن تتمسك بشيء
ظنًا منك أنه قد لا يتكرر.
- غازي القصيبي.
البنت حرة بلباسها بما ترضاه و اهلها و ربها
اكيد مو تطلع بلبس غير محتشم -بغرض لفت الانتباه- و تتسلّح بسلاح الحرية
لان حتى بالدين في درجات
فأولها فرض من الله و آخرها ما يتناسب و يتماشى مع البيئة و المجتمع المحيط .
في كلمة بحلقي بدي قولها
-هي لجماعتنا كمان مو بس بخصوص العراق-
(احموا بناتكم)
هي العبارة صار لازم تحرقوها و تبدلوها بـ (ربّوا ولادكم)
كلمة انت شب و ما بعيبك شي انقعوها و اشربوا ميتها
قال شو؟
"العين بتسرق و انا ما بقدر اتحكم بحالي"
والله ضبع و غير عاقل و بيقدر يمسك حاله لما بده
ف انت شوف شو طينتك لحتى ما عم تقدر تتحكم بحالك
لبس البنت و شكلها مو مبرر لتستبيح اغتصابها بعيونك و بلسانك بس لترضي حالك و تفكيرك الوسخ
تمام ؟
تمام و من تم ساكت لانو القناة قناتي و الي مو عاجبه يروح يسأل اهله من وين بتنباع الاخلاق .
- شُكرًا يا ربّ لأن يومي كان مُنجز و حلو و مليان مكافئات ربّانية حلوة💛.
Читать полностью…
"التعاطُف الأصيل هوَ الجلوس مع الآخر في ظَلامِهِ،
لا اجبارَهُ على مُحاولات سَحبِهِ عُنوةً إلى النور."
11 oct.26
ونبدا عمر جديد ..
ننسى كُل الي راح ..
خطوة نحو نفس المرء اسلم له من خطاهُ عليها .
و لتعلم يا انسان ان ما فاتك لم يكن لك
و ان الحياة تجربة
وان التجربة ستبقى تتكرر حتى تتعلم
لهذا، احفظ نفسك فلها عليك حق !
و خذ درسك و ابدأ بإنجاز جديد .
نص مكتوب بنعس و وجع بطن و تعب
كتبته وانا عم اشرب متة بس حرفيا موجوعة
بالمناسبة، الاغنية حلوة، اسمعوها !
• امرأةٌ مثلك ..
يتشَبَّث بها عقَل المَرء، أكثر مِمّا تفعل يَدَاه!
- بشَكلٍ ما تَبدِينَ جَوَابًا مُنَاسِبًا لِكُلِّ الأسئِلةِ ،
مِنْ أجلِ ذَلِكَ ،
أبدُو أنا مُتَعَلِّمًا جِدًّا .
اليوم كم السوالف العميقة الي انحكت و الي خضتها رهيبة
حرفيا افكاري كلها طلعت ..
مدري كنت عم رتب شغلي مدري افكاري
بس النص انكتب بعد يوم مُتعب جدا ..
ف بكل حرف هو صح ..
- رَحِمَ الله أفئِدَةَ النِسَاءِ ،
أعظَمُ أدعِيَتِهِنَ أن يَأمَنَ !
عم اشرب متة و اسمع فيروز
و الجو بجنن
فـ فعلاً الشعور كله حقيقي و تخيّل المشهد كتير بعزّ عليي فكتبته ..
مُؤمِنٌ أنَّ الفُصول الأربعة
ستظَلُّ دومًا أربعة
وبأنَّ شَمسًا واحدة
وبأنَّ بدرًا واحدًا
فتنَ الوجود إلى السَّماء السَّابعة
لكنَّني حينَ اكتشَفتُكِ !
كلُّ الأُمورِ تغيَّرت
فأضَفتِ بَدرًا ثانيًا
وأضفتِ شمسًا ثانية
وأضفتِ فصلًا خامِسًا، ما أروعه
- عبدالعزيز جويدة
لا عفوا كيف يعني انا مو بالعراق يعني ما احكي عن قانون الجعفري مدري شو هو الي طالع بالعراق؟
مين حكالكم انو الموضوع بس بخص نساء العراق؟
"Just because you have rights today does not mean that you'll have rights tomorrow!"
كيف يعني الحضانة للأب؟
ما بنلغي دور الاب بس منطقيا و دينيا الام هي ركيزة الطفولة!!
لك اساسا مع اب عنده متل تفكيرهم ح يطلع الولد مريض مو طفل طبيعي!
كيف يعني اذا قتل زوجته ينسجن بس ٣ سنوات؟
لو قاتل دجاجة كنتوا حاسبتوه بعقاب اشد!
لك شلون بدك تتزوجها بدون رضاها بس لان جسمها اكتمل و صارت امرأة جاهزة لتكون زوجة الك ؟
طيب هي ما بدها !!
تغصبها لترضي نفسك؟؟
شلون يعني تخونها و بالحلال او الحرام و بدك ياها تسكت و اذا ما سكتت ما الها اي شي عندك ولا حتى اولادها !!!
تخيلوا ان الاب بيحقله يقتل بنته بحال كانت بالغة و رفضت الزواج ؟!!!!!!
يقتلها بدون ما حدا يحاااسبه!!
بس لانها طفلة و رافضة تتزوج !
القانون حطوه جماعة من الهمج الي ما بخافوا الله
الموضوع ما بس موضوع نساء العراق نحن تخطينا الجاهلية !!!
#لا_للقانون_الجعفري
#كلنا_نساء_العراق
#الغاء_القانون_الجعفري
تُريدين لون حنيني إليك ؟
إذًا طالعي الشمس عند المغيب
تريدين طعم حنيني إليك ؟
إذاً لامسي بيدك اللهيب
- غازي القصيبي