29132
Хаётий ва Ибратли ҳикоялар... Хикматлар хазинаси... Инсон такдирини аччик синовлари... Hamkorlik va reklama uchun 👇👇 @Bronzam . . . . . .
Манзил турфа, йўллар кесишмас,
Қиммат тушди биргина хато.
Энди сира учрашиш бўлмас,
Маҳшаргача хайр, алвидо.
Мен кетолдим ўнгга бурилиб,
Сиз ҳалиям жилмагандингиз.
Қайтиб келсам ва бироз юриб,
Нега келдим...билмагандингиз...
Кейин эса шаҳд қилиб атай,
Кетгандингиз қарши тарафга.
Эслолмайман ўшанда қандай
Буйруқ бериб қўйдим юракка.
Бинафшадек меҳмон ҳисларни,
Янтоқ каби саҳрога тортдим.
Ишқ савдога қўйди бизларни,
Мен ўзимни ғурурга сотдим.
Ўчирилди бир пуфда буткул,
Туйғуларнинг ҳароратлари.
Ўша кундан бошланган эди,
Қиёматнинг аломатлари.
Елкамизга бир қанча гуноҳ,
Ва севгининг уволин ортиб,
Сур чалинса бир куни ногоҳ,
Маҳшаргоҳга келамиз қайтиб.
Қисматнинг қирқ синовларига
Дилгинамиз жимгина кўнди.
Қиёматда икки тарафга,
Яна айро кетмасак бўлди!
Жаннат бўлсин жам бўлар манзил...
Умму Амина
📚 Ibratli Hikoyalar 📚
....АРМОНИМ....
Қиз телефондан эшитилаётган саволларга бепарво жавоб қайтариб борарди. Бўлажак турмуш ўртоғи билан гаплашиб кетар, лекин унинг гапларига эътибор ҳам қилмасди. Қизнинг асосий эътибори атрофида бўлаётган ҳодисалар: сувнинг бир маъромда оқиши-ю баҳор гулларининг дарахтдан аста узилиб шамолларда ҳар томонга учишида эди. У тезроқ суҳбатни якунлаб, телефонни ўчиришни истарди. Унинг юраги безовта урар, ҳар галидай сув бўйида тўйиб йиғлашни истарди. Лекин аксига олиб Камол телефонни қўя қолмасди: -Нега шу вақтда кўчага чиқдинг? -Ўзим... Сиқилиб кетдим. -Қаердасан? -Сув бўйида... Йигит шу жавобни эшитмасликни жуда хоҳлаганди. -Майли... Эҳтиёт бўл, хўп,- кулиб қўйди йигит. Қиз бепарвогина "хўп" деб жавоб қайтарди. Йигит гап орасида бир ҳафтадан кейин тўйимиз дедию, сени севаман деб қўшиб қўйди. Қиз индамади. Унаштирилганликларига қарамай йигит шундай жавоб бўлишини кутганди. -Кўришгунча. -Хўп... Қиз телефонни ўчирди-ю сув бўйидаги ёғочдан ясалган эски ўриндиқа бориб ўтирди. Узоқларга термулди, анҳор мавжларидан хотираларни излади, кўзлари ёшланди. Юрагига оғриқ солган йигитни, унинг табассумини, сўзларини эслади. Шу пайт узоқда тўхтаган машина уни ҳайратга солиб қўйди. Бу ўша... Исми Шохрухбек 6 ой аввал сўнги марта кўрганди. Йигит унга яқинлашди. -Салом, қалайсан? -Салом, раҳмат яхши... Йигит ҳам ўриндиққа ўтирди ва нигоҳини анҳорга қадади. -Тўйинг бўлаётганмиш... -Ҳа, бир ҳафта қолди Сукунат чўкди орага. Иккаласининг ҳаёлида ҳам бир савол эди: "Нега у бу ерда? Унутмабди..." Икки йил олдин Шохрухбнкни уйидагилар мажбуран уйлантиришган, Мадина унда ҳали ёш эди. Аммо йигит келинни севмасди, унга бефарқ, совуқ муомала қиларди. Яшаб кетолишмади, дарров ажрашишди. Йигит фақат Мадинани севарди. Уни унута олмас, соғинарди. -Илтимос тўйни қайтар, уйингдагиларни кўндираман,- деди йигит шуларни эслаб. -Бунинг иложи йўқ... -Нимага? -2 йил олдин шу ерда нима дегандиз менга? Йигит шундай деганди: "Сени жонимдан ҳам ортиқ севаман. Сенсиз яшай оламанми йўқми билмайман. Лекин инсон ҳар доим ҳам ўзини ўйлолмайди, ота-онамни раъйларини қайтаролмаяпман. Муҳаббатимиз пок, лекин тақдиримиз бир эмас экан. Илтимос, мени кечир..." -Бу иш хато эди. Сенсиз яшай олмадим, бундан кейин ҳам шундай бўлиб қолади. -Энди кеч... Яна сукунат чўкди. Қалбларда эса бўрон бўлмоқда эди. Икки юрак худди ёнма-ён эмас, миллион километр узоқдадек бир- бирига талпинарди. Қиз кетишга чоғланди: -Яхши қолинг... Йигит уни қўлидан ушлаб тўхтатди. -Мени ҳамон севасанми? -Энди нима фойда... -Илтимос айт -Йўқ! Йигитни юрагидан нимадир чирт этиб узилди. Қизнинг қўлини қўйиб юборди. Мадинанинг юзига ёш думалади. У ёлғон гапирди. Севарди! Росаям севарди! Тақдирга тан бериб ажралдилар... Тўй куни йигит кўзларида ёш билан машинани сув бўйига ҳайдаб кетди. Ҳаммасини ўйлади. Ростданам усиз яшолмасди. Чўнтагида бир қути уйқу дори бор эди... Мадина тинмай йиғлар, ҳамма бунга табиий ҳолдек қарарди. Фақат, Камол уни кўриб ҳаммасини тушунди... Шохрухбек оғир нафас олар, зўрға пичирларди: севмайман деди, севмайди... Шу вақтда телифон жиринглади. Телефондан Мадинанинг йиғи аралаш хурсанд овози эшитиларди: -Шохрухбек ака, тўй бўлмади. Эшитяпсизми, энди бирга бўламиз. Сизни ҳеч қачон ташлаб кетмайман. Қаердасиз, сув бўйидами? Ҳозир бораман... Алоқа узилди. Йигитнинг кўзлари юмилиб кетар, бир қўлидан телефон, бошқасидан бўшаган дори қутиси қумлоқ устига тушиб кетди. У сўнгги нафасда бор кучини тўплаб жилмайди ва маҳзунгина пичирлади: "севаркан..."
📚 Ibratli Hikoyalar 📚
АЁЛЛАР УЧУН ИБРАТЛИ.
Мен бу ривоятни бир пайтлар бобом раҳматлидан эшитгандим.
Бу воқеа аёлларга дарс берадиган мадрасада бўлиб ўтган. Кунлардан бир куни устоз ўқувчи аёлларга:
— Эй қизларим, бугун мен сизлар билан савол-жавоб тариқасида бир ақлни синовчи ўйин ўйнамоқчиман. Агар орангизда ким биринчи бўлиб бунда қатнашмоқчи бўлса, илтимос, доскага чиқсин!- дея уларни билимини синамоқчи бўлди.
Бир пайт ўқувчи аёллардан бири ўз хоҳиши билан доскага чиқади. Шунда устоз доскага чиққан ўқувчи аёлга:
— Сенга яқин бўлган йигирмата инсонни доскага ёз!- дейди.
Шунда ўша аёл бирма-бир ўзига яқин инсонларни доскага ёза бошлайди.
— Отам, онам, турмуш ўртогим, болаларим, ака-укаларим, опа-сингилларим, тоғам, аммам, холам, қўни қўшнилар...,- хуллас йигирмата инсонни мисол қилиб ёзади.
— Энди бу йигирматасини ичидан икки кишини ўчиргин!- дейди устоз.
Шунда ўша аёл икки кишини бу рўйхатдан ўчиради. Шунда устоз:
— Энди қолганлар ичидан яна тўрт кишини ўчиргин!- дейди.
Шундай қилиб бирма-бир ўчиравериб доскада фақат тўрт кишини исмини қолдиради. Булар: ота, она, турмуш ўртоқ ва фарзандлар...
Шунда бутун синф жимжит бўлиб, бу ҳеч қандай ўйин эмаслигини англаганча ўйланиб қолишади. Шунда устоз:
— Яна икки кишини шу рўйхатингдан ўчир!- дея буйруқ беради.
Шунда ўқувчи аёл қайси бирини ўчиришга иккиланиб турарди. Кўз ёшлари билан ота-онани бу рўйхатдан ўчиради. Ўчиради-ю кўз ёшларини тийиб туролмасдан ўксиб йиғлаб юборади. Буни кузатиб турган бошқа аёллар ҳам хаёлида нималарнидир ўтказганча устозни кейинги саволини кутиб туришади. Доскада эса турмуш ўрток(эр) ва фарзанд ёзилган турарди, холос. Шунда устоз:
— Қани, яна бир кишини бу рўйхатдан ўчиргин!- дея буйруқ беради.
Шунда бу аёл янаям қаттиқроқ йиғлай бошлайди. Устоз эса бу ҳолатга парво қилмасдан:
— Мен сенга яна бир кишини бу руйхатдан ўчиргин дедим!- дея гапини такрорлайди.
Шунда аёл доскага яқинлашиб минг бир ўксик йиғи билан ўз фарзандларини бу руйхатдан ўчиради. Доскада эса ёлғиз турмуш ўртоғи (эр) исми қолади. Кейин устоз унга:
— Қани, менга айтчи, ота-онанг сени дунёга келтирди, не-не азоблар билан катта қилди, лекин сен уларни исмларини ўчирдинг. Ва охирида сенга азиз бўлган фарзандингни исмини ҳам ўчирдинг. Охир-оқибат ёлғиз турмуш ўртоғингни (эрни) танладинг. Буни қандай изоҳлайсан? - дея ундан сўради.
Аёл ўқувчи эса кўз ёшларини рўмолига артиб, шундай жавоб берди.
— Ота-она - бу Аллоҳнинг такдири, куни келиб улар вафот этадилар. Фарзандлар эса катта бўлгач уйланишади, турмушга чиқишади. Ва оёққа тургач турли баҳоналар билан мендан узоқлашади. Мен билан бир умр бирга қоладиган инсон бу мени турмуш ўртоғим (эрим) , - дея жавоб берди.
Унинг бундай жавобини ҳеч ким кутмаганди.
📚 Ibratli Hikoyalar 📚
-Senga bir savol beraman.
- Ho‘p, qani?
- Faqat bir shartim bor.
- Qanaqa shart?
- Agar savolimni topa olmasang, menga turmushga chiqasan.
- Agar topsamchi?
- Unda iloj qancha? Men senga uylanaman..!
Ozgina tabassum 🙃
📚 Ibratli Hikoyalar 📚
🍀 Xayrlisi bo'lsin...
Hamma narsa o'z vaqtiga tutqundir... Zamoni bilan vaqti keladi. Kutilgan kishi yoki narsa qo'lga kiradi. Duolar joy-joyini topadi. Tog' bilan tog', inson bilan inson topishadi... Maqsadlar jonlanadi. Berilgan va'da o'rnini topadi. Bu hayotda har narsa o'z vaqtida bo'ladi... Ba'zan so'raganingiz beriladi. Ba'zan esa undan-da xayrlisi amalga oshadi... Bir paytlar istagan ishingiz bo'lmay qolgan ersa, tilagan narsangizda xayrsizlik bo'lishi mumkin va Alloh sizdan uni uzoqlashtirgan bo'ladi... U, bu yoki shu... Sizga aloqador har bir voqea-hodisaning mohiyatini siz bilolmaysiz... Siz faqatgina duo eting... Xayrlisi bo'lsin, deng... To'g'ri harakat qiling va sabr bilan kuting... Bo'lishi kerak narsa bo'ladi..!
- Erdo'g'an Yildirim
Ps/ Kanal uchun maxsus buyurtma asosida tarjima qilingan, ruhsatsiz koʻchirmang ))
📚 Ibratli Hikoyalar 📚
🌿 Baxtli yashashning oltin qoidasi
• Sendan kichkinalar seni ranjitsa, ichingda 15 gacha sanab, keyin javob qaytar;
• Sen tengilar seni ranjitsa, ichingda 30 gacha sanab, keyin javob qaytar;
• Sendan kattalar seni ranjitsa, ichingda 50 gacha sanab, keyin javob qaytar;
• Agar xotining seni ranjitsa, ichingda sanab tur, lekin javob qaytarma 😄
🪓 Ozgina tabassum))
📚 Ibratli Hikoyalar 📚
🌿 "Hayotdan hursandman" derdi u baxtiyor jilmayib, kampiridan keyin ancha cho‘kib qolgan bo‘lsa-da...
Rostdanam hayotdan roziga o‘xshardi...
Chunki uning telefoniga "tring" etib xabarlar kelardi. Noma’lum kimlardandir...
Ko‘chada kim bilandir quyuq so‘rashardi, xuddi yaqin tanishidek uyiga chorlardi...
Hiyobonga chiqib yam-yashil maysaga termulib, baxtiyor jilmayib kimnidir o‘ylardi. Balki xotiralarni eslar...
Kechalari esa uyidan xira yog‘du taralardi.
Vafot etdi. Uzoqdagi "qizi" keldi. O‘g‘li kela olmadi...
"Otangiz juda xursand yashardi, kimlar bilandir xabarlashib turardi" deyishdi.
Qiz yelka qisdi. Telefonini topib qarashdi.
Maysaning suratlari, MCHS xabarlari yana tinmay terilgan lekin gaplashishning iloji bo‘lmagan raqamlar bor ekan...
©️Azizaxon Ismoilova
📚 Ibratli Hikoyalar 📚
✔️Ba’zan ko‘nglim holdan toyadi.
''La havla vala quvvata illa billahil aliyul azim" deyman. O‘zimni kuchli his qilaman.
✔️Ba’zan aqlim qalbim bilan tortishadi. ''HasbunAllohi va ni’mal Vakil" deyman. Yengil tortaman.
✔️Ba’zan sukut qilishimni bilsam ham ko‘p narsalarni aytib tashlashni xohlayman. ''Meni Alloh bilsin, yetar!" deyman. Sassiz qolaman.
✔️Ba’zan haddan ortiq asablarim tarang tortiladi. "Albatta, bir qiyinchilik bilan yengillik bordir" deyman. Har qanday muammo bu jumladan keyin o‘tadi.
✔️Ba’zan mahzun bo‘laman, yig‘layman. "Men siniq qalblardaman!" deydi Robbim. Yana biroz yig‘layman. Ki Allohim mudom qalbimda qolsin deya...
📚 Ibratli Hikoyalar 📚
📓Аллоҳ хоҳласагина, сизлар ҳам хоҳлай оласизлар. Албатта, Аллоҳ билувчи ва ҳикматли зотдир.
Инсон 76/30
📚 Ibratli Hikoyalar 📚
🌿 Qalb g‘iybati haqida eshitganmisiz?
Bu rasmda keksa kishi qo‘ylarini g‘ildirakli qo‘ra bilan olib ketyapti.
Qo‘ylar uchun to‘siq yasalib, ostiga g‘ildirak o‘rnatilgan.
Buni ko‘rgan ba’zilar otaxonning aqli joyidamas, u noodatiy ish qilibdi deb o‘ylashibdi.
Ba’zilar otaxonni keragidan ortiq ehtiyotkor, qo‘ylarini o‘g‘ri olib ketishidan shunday saqlagan deb o‘ylashibdi.
Ba’zilar otaxonni qo‘ylari yo‘lda xatarga uchrashidan qattiq qo‘rqib, vasvasaga uchrabdi shekilli deb o‘ylashibdi.
Boshqalar otaxonning xayoliga mutlaqo kelmagan narsalarni o‘ylashibdi.
Yo‘lovchilardan bittasi otaxondan nega bunday qilganining sababini so‘raganda, keksa otaxon «Qo‘ylarim odamlarning o‘t-o‘lan, ekinlarini yeb qo‘yishidan, insonlarning bundan xabari yo‘qligidan va Alloh taoloning huzurida qo‘ylarim qilgan ish uchun men javob berishdan qo‘rqaman» debdi.
Odamlar qanday fikrdayu otaxon qanday o‘yda.
Insonlar haqida yomon gumon qilishdan tiyilaylik! Zero, yomon gumon qalbning g‘iybatidir.
📚 Ibratli Hikoyalar 📚
🌿 Umaviylar sultoni Hishom ibn Abdurahmon taxtga chiqqanida (h.172/m.788 yil) hali yosh, uylanmagan edi. Turmush qurish istagi tug‘ilib, o‘ziga munosib kelinlikka nomzodlarga Qur’oni karimni yod olganlikni shart qilib qo‘ydi. Shunda birgina Galin degan joydan yetti yuz yigirma nafar Qur’on hofizi bo‘lgan qiz chiqdi. Keyin sulton ikkinchi shart qo‘yishga majbur bo‘ldi: bo‘lajak zavjasi Imom Molikning “Muvatto” hadis kitobini ham yod bilishi kerak edi. Shunda ham kelinlikka nomzodlar kamaymadi: Qurtubaning o‘zidan besh yuz nafar qiz ham Qur’onni, ham “Muvatto”ni yod bilishi aniqlandi
(“Musulmonlarning taqvim kitobi”, 2000 yil, 2-chorak).
Uzukka ko‘z mos tushganiday kelinlar ham kuyovlarga munosib bo‘lgan ekan...
📚 Ibratli Hikoyalar 📚
Seni chindan ham sevganlar, sen uchun qayg‘urganlar haqida bilmoqchimisan?!
Ular seni nimaga rag‘batlantirib, nimadan qaytarayotganlariga boq!
Haqiqiy sevganlar seni ma’siyat ko‘chasidan to‘sishadi. Haqiqiy qayg‘urganlar seni jahannam azobidan asrashadi.
Yaxshilikka da’vat qilib, yomonlikdan qaytarishadi. Ulargina seni chindan sevishadi, asrab avaylashadi.
Seni dunyoning o‘tkinchi rohatlariga, lahzalik lazzatlariga chorlashmaydi.
Seni o‘zlariga emas, Robbilariga yaqinlashtirishadi. Ana o‘shalar chindan ham sevganlardir.
Shunday insonlaring bo‘lsa, qo‘yib yuborma! Chunki, ularning muhabbati seni hisob kuni arshning soyasiga oladi, jannatga kalit bo‘ladi.
Sen-chi? Sen ham kimnidir shunday sevasanmi?
Orif Taskinning «Hayot menga shuni o‘rgatdi» kitobidan.
📚 Ibratli Hikoyalar 📚
🌿 Sabr-toqat qil!
Yolg‘iz Alloh (yordami) bilangina sabr qila olursan.
Yorug‘ kunlarga, go‘zal oqibatga ishonguvchi, ajr istab, gunohlarini o‘chirilishiga rag‘bat qilguvchi inson kabi sabr qilgin.
Yo‘lingni so‘qmoqlar zulmatda qoldirib, musibatlar bostirib kelsa ham sabr qilgin.
Chunki g‘alaba sabr bilandir, shodlik qayg‘u bilandir va albatta qiyinchilik bilan yengillik bordir.
"Mahzun bo‘lma"
— Doktor Oiz al-Qarniy
📚 Ibratli Hikoyalar 📚
* * * И к к и о қ к а б у т а р * * *
Султон Рашод анча ёшга бориб қолган бўлишига қарамай тахтга ўтирган эди. Усмонли султонларининг энг кексаси бўлган Султон Рашоднинг ўша вақтларда жиддий бир ҳасталиги ҳам бор эди.
Султон Абдулҳамид тахтдан туширилгандан кейин, иттиҳодчилар тарафидан тахтга ўтқазилган Султон Рашодга, ҳеч нарсага аралашмаслик шарти қўйилган эди.
У атрофидаги одамларга тез-тез:
- Мен бу мақомга лойиқ эмасман. Ватанга, миллатимга ўзим истаганимдек хизмат қила олмаяпман. Шу сабабли қаттиқ мутаассирман, - дерди.
Ичидаги чуқур хафаликни, қалбидаги ғашликни ва жисмидаги ҳасталик изтиробини кетказиш мақсадида саройдаги бир қанча кабутарлар билан машғул бўлар, уларни ўйнатар эди...
Бу орада унинг ҳасталиги жиддий тус ола бошлади. Яқинда амалиёт бўлиши керак эди. Бундай амалиёт, Усмонлининг олти юз йиллик тарихида илк бор ўтказилиши керак бўлган амалиёт эди.
Ўша куни у ўзининг кабутарларининг олдида эди. Кабутарларнинг ичида иккита оқ ранглиси бор эди. Мана шуларини Султон бошқаларидан кўра кўпроқ яхши кўрар эди. Уларни қўлига олиб узоқ вақт эркалади. Қушчиларнинг бошлиғини олдига чақирди.
- Бу иккитасига яхшилаб қара. Буларни мен жуда яхши кўраман, - деди Султон.
Аммо, негадир Султон шу сафар кабутарларга узоқ вақт тикилиб қараб қолди. Қушчибоши Султоннинг бу ҳолига ўзича бир маъно беролмади.
Орадан кунлар ўтиб, Султон Рашоднинг амалиёт бўладиган кун ҳам келди. Барча тайёргарликлар тугаган эди. Кекса Султон докторлар билан ҳалоллашгандан сўнг, қиблага қараб қўлларини кўтарди. Ва:
- Аллоҳим! Агар миллатим ва Ватаним учун хайрли бўлмасам, мана шу амалиёт тахтасидан мени тирик турғазма, дея ёлборди.
Амалиёт бошланди. Кўп шукрлар бўлсинки, амалиёт муваффақиятли ўтди. Ҳар ким севинч ичида эди. Бу гўзал хабарни дарҳол халққа эшиттирилди. Халқни гўё бир байрам ҳавоси чулғаб олган эди.
Султон амалиётни бажарган докторларга қийматли ҳадялар берди.
Султон Рашод ўзига келар келмас, ёрдамчисини ҳузурига чақирди. У бир оз кайфиятсиз ва ўйчан эди. Ёрдамчига қараб, ёнидагилар ҳам тушуна олмаган мана шундай амр берди:
- Тезда «Бешиктош» саройига боринг. Қушчибоши менга яхши кўрган кабутарларимни келтирсин.
Орадан бир муддат ўтиб, қушчибоши келди. Султоннинг ҳузурига кирди. У жуда ҳижолатли ва ҳафа бир ҳолда остонада тўхтади. Ёнида кабутарлар йўқ эди. Аҳволни тушунтирадиган бир калом ҳам сўйлай олмасди. Султон Рашод қушчибошининг кўзларига яхшилаб тикилди. Кейин секин деди:
- Ўлдилар. Шунақами?
Қушчибоши, «ҳа» дегандек, бошини қимирлатиб пастга қаради. Аммо, бир тарафдан ҳайратланди: «Султон ҳазратлари бу ҳодисани қаердан билди экан?» Кекса Султон кўзларидан бир неча қатра ёшларини оқизар экан, қизиқиш тўла боққан кўзларга жавоб бўлсин дея, ҳар кимни ҳайратга солган, ўзининг кўрган тушини англатди:
- Тушимда ўзимни амалиёт курсисида кўрдим. Ёнимда бир зот бор эди. Аммо у ҳеч нарса гапирмас эди. Мен ҳам:
- Сиз кимсиз, - деб сўрадим. У зот менга:
- Руҳингни таслим олмоқ учун келдим, - деди. Аммо, айни шу дақиқада менинг ўша икки кабутарим ўртага отилиб чиқиб:
- Уни олманг, бизни олинг! Уни олманг, бизни олинг! деб фарёд қила бошладилар. Мен шундан англадимки, улар менинг ўрнимга ўлдилар.
Султон тушини англатгандан сўнг, ўзидек маҳзун ҳолга тушган қушчибошига тасалли берди:
- Бу ишда сенинг айбинг йўқ, деди. Унга бир қанча эҳсонлар берди.
Султон ўзидаги ҳасталикдан қутулган эди. Аммо, қалбидаги бу ҳодиса туфайли пайдо бўлган ғашлик, то умрининг сўнггига қадар уни тарк этмади...
Ҳатто ҳайвонлар ҳам руҳларини фидо айлаган аждодларимизга лойиқ авлод бўла олишлик тилаги ила...
* * * * * * * * * * * * * * * * *
Туркчадан Шоолим Шомансуров таржимаси.
📚 Ibratli Hikoyalar 📚
Чойдан қолган шамани ташлаб юборманг. Сабабини билсангиз ақлдан озишингиз аниқ‼️
7 йил деганда қиз фарзандли бўлгандим. Янги йил арафаси қизим ўйнаб бошидан совуқ чой тўкиб юборди. Бир кечада бўлган ўзшариш бизни шокка солиб қўйди. Бу тасодиф ортидан мана 10 йилдирки 7 ёшли қизимдан бошлаб 90 ёшли бувимгача бошига шама қўйиб юрадиган бўлди. Буни сирини қўшниларим билишганига бир ҳафта бўлмасдан махалламизда бошига шама қўймаган одам қолмади😅
Гап шундаки, бошга шама қўйиб юришни сири шундаки…
Батафсил👇
❗️Кимнинг қандайлиги қачон билинади.
➖Эрнинг қанақалиги хотини бемор бўлиб қолганда билинади.
➖Хотиннинг қанақалиги эри камбағал бўлиб қолганда билинади.
➖Фарзандларнинг қандайлиги ота-оналари кексайганда билинади.
➖Ака-укаларнинг қанақалиги мерос тақсимланаётганда билинади.
➖Дўстларнинг қандайлиги машаққатли лаҳзаларда билинади.
➖Қариндошлар, яқинларнинг қанақалиги мусофирчиликда билинади.
➖Ҳақиқий муҳаббат (аслида борми ёки йўқми) ўртадаги ўзаро манфаатлар тугаганда билинади.
П.с. Лекин, шундай инсонлар борки, уларни қандайлигини бутун умр бирга яшаб хам била олмайсан!
☝️ДЎСТЛАРИНГИЗГА ҲАМ УЛАШИНГ!!!
📚 Ibratli Hikoyalar 📚
НЕГA ЁҚТИРAМИЗ? КЕЛИШМAЙМИЗ? УНУТAМИЗ?
🍃
Ибн Умар розияллоҳу анҳудан: “Бир куни ҳазрати Умар розияллоҳу анҳу, ҳазрати Aлига:
— Эй Aбу Ҳасан кўпдан бери сендан сўрашнинг имкони бўлмаётир. Баъзан сени тополмаймиз.
Сени бу ердалигингда биз бошқа жойда бўламиз. Мени ўйлантириб юрган уч савол бор. Шуни сендан сўрайман, — деди.
— Қандай саволлар экан? — сўради ҳазрати Aли.
— Баъзан бир одам бошқа бир одамни, ундан ҳеч қандай яхшилик кўрмаган бўлса ҳамки, яхши кўради. Баъзи кишилар эса бошқа бировга, ундан бирор ёмонлик кўрмагани ҳолда буғзу адоват қилишади. Бунинг сабаби не?
— Руҳлар ҳавода гуруҳ-гуруҳ ҳолида қўнимгоҳларда тўпланган аскарларга ўхшайдилар, бир-бирлари билан танишиб, дўстлашадилар, — жавоб бера бошлади ҳазрати Aли. — У ерда танишиб, бир-бирлари билан аҳил-иноқ бўлганлари бу ерда ҳам топишадилар, ўзаро келишадилар. У ерда бир-бирини танимай, бир-бирларидан узоқ қолганлар бу ерда ҳам келиша олмайдилар.
— Бу биринчи саволим эди. Иккинчисини эшит. Кишининг кўрган тушларидан бир қисми тўғри чиқади.
Бир қисмининг эса ҳақиқатга ҳеч қандай алоқаси йўқ. Нега шундай?
— Жаноби Пайғамбаримиз соллаллоҳу алайҳи васалламнинг: “Эркакми-аёлми, ҳар бир банда уйқуга кетганидан сўнг руҳи Aршгача кўтарилади. Aршга етиб боргунича уйғонмаган руҳларнинг кўрган тушлари тўғри чиқади. Aршга бормасидан уйғониб қолган руҳларнинг тушлари эса ёлғончи тушлардир”, дея марҳамат қилганларини эшитган эдим.
— Иккинчиси ҳам ҳал бўлди. Энди учинчисини айтай. Гоҳо киши бирор нарсани тушунтирмоқчи бўлади-ю, ўша заҳоти унутиб юборади, орадан озроқ вақт ўтиб яна эсига тушади. Нега бундай бўларкин-а?
— Ҳар бир мияда ойнинг юзини пардалаган (тўсган) хира булут парчаси янглиғ бир “булут” бор.
Ой нур сочаркан, бир булут парчаси келиб, юзини тўсгани, кўп ўтмай яна очилгани сингари киши ҳам гапираётганида, тўсатдан ўша “булут” келиб, ақлини ўраб олади. Шунда киши тушунтирмоқчи бўлган нарсасини унутиб қўяди ва “булут” тарқалиши билан уни қайта эслайди.
— Мана шу уч нарса доим зеҳнимни хира қилиб турарди. Aллоҳга шукрлар бўлсин, энди тинчландим, — дедилар ҳазрати Умар розияллоҳу анҳу”.
"Қалбимизнинг нури" китобидан.
📚 Ibratli Hikoyalar 📚
Премьера🔥🔥
Муаллиф: #Назли
#ЎГАЙ_ОНА
Жамшид ўгай қизининг хонасига ярим тунда қадам босди.
Ўзини ухлаганга солиб ётган Маҳлиё юзига тегинган қўл сабаб, кўзларини катта-катта очди — Дада, тегманг илтимос тегманг... юролмаслиги сабаб қўли билан юзини беркитди... тинмай овози борича гапириб йиғларди..
ҲИКОЯНИНГ ДАВОМИНИ МАНА ШУ КАНАЛДА👇👇
/channel/Nazlim_hikoyalari/3513
/channel/Nazlim_hikoyalari/3513
" Hazrat bilan unashtirilganimizda, uyimizda koʻpchilik istixora qilgan. Deyarli hamma tushida uyum-uyum kitob koʻrgan..."
— Fotimaxon Ismoilova Shayh Muhammad Sodiq Muhammad Yusuf janoblarining rafiqalari.
©️ “Islomga baxshida umr“ kitobidan.
📚 Ibratli Hikoyalar 📚
🌿 Qalb g‘iybati haqida eshitganmisiz?
Bu rasmda keksa kishi qo‘ylarini g‘ildirakli qo‘ra bilan olib ketyapti.
Qo‘ylar uchun to‘siq yasalib, ostiga g‘ildirak o‘rnatilgan.
Buni ko‘rgan ba’zilar otaxonning aqli joyidamas, u noodatiy ish qilibdi deb o‘ylashibdi.
Ba’zilar otaxonni keragidan ortiq ehtiyotkor, qo‘ylarini o‘g‘ri olib ketishidan shunday saqlagan deb o‘ylashibdi.
Ba’zilar otaxonni qo‘ylari yo‘lda xatarga uchrashidan qattiq qo‘rqib, vasvasaga uchrabdi shekilli deb o‘ylashibdi.
Boshqalar otaxonning xayoliga mutlaqo kelmagan narsalarni o‘ylashibdi.
Yo‘lovchilardan bittasi otaxondan nega bunday qilganining sababini so‘raganda, keksa otaxon «Qo‘ylarim odamlarning o‘t-o‘lan, ekinlarini yeb qo‘yishidan, insonlarning bundan xabari yo‘qligidan va Alloh taoloning huzurida qo‘ylarim qilgan ish uchun men javob berishdan qo‘rqaman» debdi.
Odamlar qanday fikrdayu otaxon qanday o‘yda.
Insonlar haqida yomon gumon qilishdan tiyilaylik! Zero, yomon gumon qalbning g‘iybatidir.
📚 Ibratli Hikoyalar 📚
🌿 Bo‘lgan voqea..
Rasmdagi yigit quruvchi usta.U manashu qizga ishqi tushib qoladi.Qizni otasi o‘tgan, onasi bilan yashardi. Yigit sovchi qo‘yganda qiz ,boshlang‘ich o‘qishni tugatib sanaviyga hujjat topshirayotgan edi. Onasi qizini berishga rozi bo‘ladi, qiz ham qarshilik qilmaydi, faqat bir shart qo‘yadi: "Agar o‘qishga kirolsam o‘qiyman va shartnomam pulini to‘laydi." Quruvchi yigit shartga ko‘nib, sunnatga ko‘ra nikoh to‘yi qiladi.
Ittifoqo qiz 97 bal to‘plab, o‘qishga kirgan talabalar ro‘yxatidan joy oladi. Yangi kelin talaba bo‘lib o‘qishga qatnay boshlaydi. Peshona teri ila topilgan puldan quruvchi usta bir amallab xotinining shartnomasini to‘laydi. Shu hol yetti yil davom etadi. Yetti yildan so‘ng o‘qishni tamomlagan kelin doktorlik ishini himoya qiladi va muvaffaqiyatli yakunlaydi. Bir yil o‘tib o‘qimishli bo‘lgan xotin quruvchi ustadan javobini berishni so‘raydi va: "Biz siz bilan teng emasmiz" deya baqirdi. Noiloj quruvchi suyukli yorini javobini beradi...
Essiz odamiylik...
📚 Ibratli Hikoyalar 📚
“Kimning rizqi kechiksa, bas, “Laa havla va laa quvvata illaa billah”ni koʼp aytsin!”
Аbu Hurayra roziyallohu anhu Rasululloh sollallohu alayhi va sallamdan rivoyat qiladi: “Аlloh kimga bir neʼmat bergan boʼlsa, bas, Аllohga hamd aytishni koʼpaytirsin! Kimning gunohlari koʼpayib ketsa, Аllohga istigʼfor aytsin! Kimning rizqi kechiksa, bas, “Laa havla va laa quvvata illaa billah”ni koʼp aytsin!”
(Imom Tabaroniy “Kabiyr”da rivoyat qilgan).
📚 Ibratli Hikoyalar 📚
🔸 "Fotiha" surasi - Allohning qahridan saqlaydi.
🔸 "Yasin" surasi - Oxiratda chanqog‘ingizni qondiradi.
🔸 "Voqea" surasi - Kambag‘allikdan, ochlikdan saqlaydi.
🔸 "Mulk" surasi - Qabr azobidan saqlaydi.
🔸 "Ixlos" surasi - Ikkiyuzlamachi, yomonlardan saqlaydi.
🔸 "Falaq" surasi - Kulfatdan saqlaydi.
🔸 "Nas" surasi - Yomon hayollardan saqlaydi.
🔸 "Yusuf" surasi - Yurak siqilishi, mazlumlik, g‘am qayg‘uda foyda In Shaa Allah
📚 Ibratli Hikoyalar 📚
Хасан Басрий бир кун тунда:
"Аллохим менга зулм қилган кишини кечир, Аллохим менга зулм қилган кишини кечир", дея кўп дуо қилар эди!
Бир киши:
"Эй Абу Саъийд! (Хасан басрийнинг куняси), Кеча тунда сизга зулм қилган кишига дуо қилаётганингизни эшитиб қолдим, хаттоки мен ўша зулм қилган кишилар қаторида бўлиб қолишликни орзу қилдим, сизни бундай дуо қилишликга нима ундади?!"
Хасан басрий:
Аллохнинг ушбу сўзи:
📓"Ким авф этиб, ислох қилса, унинг ажри Аллохнинг зиммасидадир!
Шуро 42/40
Албатта у қалбларни Қуръон ислох қилиб, тарбия қилган қалблардир.
📚 Ibratli Hikoyalar 📚
💜 Yaxshi ayol dunyodagi eng yaxshi odamga turmushga chiqishi mumkin. Muhammad alayhissalomning zavjalari Oisha roziyallohu anhu misoli. Bu turmush Oisha onamizning Allohga muhabbatlarini susaytirmadi va jannat vojib bo‘ldi.
🖤 Yaxshi ayol dunyodagi eng yomon odamga xam turmushga chiqishi mumkin. Fir’avnning xotini Osiyo roziyallohu anhu misoli. Bu turmush Osiyo onamizning Allohga muhabbatini susaytirmadi va jannat vojib bo‘ldi.
💛 Yomon ayol dunyodagi eng yomon odamga ham turmushga chiqishi mumkin. Abu Laxabning xotini. Ummu Jamil misoli.
Bu turmush ularning Allohga isyonini o‘zgartirmadi va jahannam vojib bo‘ldi..
💚 Yomon ayol dunyodagi eng yaxshi insonga xam turmushga chiqishi mumkin. Lut alayhissalomning kofir xotini misoli. Bu turmush kofir ayolning Allohga isyonini o‘zgartirmadi va jahannam vojib bo‘ldi..
💙 Ayol hech kim bilan turmush qurmasligi xam mumkin. Maryam onamiz misoli. Shunda ham Alloh uning darajasini dunyodagi barcha ayollardan ustun qilib qo‘ydi va jannat vojib bo‘ldi...
🌿 Azizlarim har birimiz Alloh tomonidan taqdirimizga yozilgan juftimizga shukr kilaylik, kamchilik va xatolarini kechirib birgalikda sabr bilan yashab o‘tsak, ajab emas, bizlarga ham jannat vasliga yetishni Parvardigor nasib etsa.
📚 Ibratli Hikoyalar 📚
Yosh bolalarning “Sevgi nima?” mavzusida fikrlari.
Kichik bolakaydan so‘rashdi:
–Sevgi nima?
–Sevgi bu – o‘zim sovuqqotishimni bilsam-da kurtkamni singlimga kiydirib qo‘yishim.
Boshqa bolakaydan so‘rashganda esa:
Singlim sumkamdagi shokoladimni mendan so‘ramay olib qo‘yishini bilsam-da, har kun yana boshqasini uning o‘rniga solib qo‘yishim sevgi, deb javob berishibdi.
Naqadar beg'ubor tuyg'ular.
📚 Ibratli Hikoyalar 📚
🌿 Kutmoq...
Har kim ertani kutadi. Bugunda yashab turib, hammasi o‘tishini, ketishini kutadi...
"Tezroq boshlansaydi" deb kutgan tomoshalarimiz tugaydi...
"Tezroq tugasin" deb kutgan uzun navbatlarimiz ham...
"Yonimizga tezroq qaytsin" deb do‘stlarni kutamiz, "Tezroq ketsaydi" deb yoqimsiz mehmonlar ketishini ham...
"Ko‘zi tezroq ochilsaydi, do‘stligimiz yodiga tushsaydi" deymiz yuz o‘girganlar ortidan...
"Tezroq kimligini bilsaydim" deymiz, chalkash fitnasiga toyiltirgan kimnidir ilg‘ab...
"Qaniydi, hammasini aytadigan paytim kelsaydi" deb haqiqatlarimizning pishib yetilar paytini poylaymiz...
"Bu g‘amgin kunlar tez o‘tsaydi" dedik...
"Bizning ko‘chamizda ham bayram bo‘lajak" deb umid qildik...
Oyning o‘n beshini yorug‘ bo‘lishini kutdik...
Zulmatlar tarqashini, bu uzun tonnel tugashini xohladik...
Endi oynadan boqadigan siymoyimiz o‘zimizga notanish...
Kutishlar qaritdi bizni...
Yuzimiz soatlarga aylandi, barmoqlarimiz soat millariga, yillarimiz raqamlarga aylanib, barmoqlar orasidan to‘kilib bitdi...
📚 Ibratli Hikoyalar 📚
Shunga ishoningki, sizdan ko‘tarilayotgan har bir duoni tilingizga Alloh joriy qilyapti. Uni aytishga ilhomlantirgan Zot endi ijobatini ham beradi, Inshaalloh ))
📚 Ibratli Hikoyalar 📚
Фаросат туркумидан.
Авваллари қайноталарнинг салобати бўларди, келинлар узоқдан кўриниш бериб қўяр эдилар. Қайнота келиннинг юзига тик боқиб гапирмас, келин ҳам ўз ўрнида одоб билан муносабатда бўлар эди. Ва яна бир нарса... Авваллари қайноталар оғриниб, бемор бўлиб қолса, қайнонанинг ўзи парвариш қилар эди. Келинлар эса фақатгина: Додажон, тузук бўлиб қолдингизми?, дейиш билан чекланардилар. Чунки бундай ишларда қайноналар ҳам ўта фаросатли бўлган кўринадилар. Келинни бўлар-бўлмасга қайнотанинг хизматига шай қилавермаганлар. Бораверинг, сиз ишингизга қаранг, деб қайнотанинг атрофида кўп ҳам ўралашишга имкон бермаганлар. Ўртада масофани асосан қайноналар ушлаб турганлар. Демак, ҳозирги қайноналардан закий бўлишган, кўринади... Энди агар қайнота ҳам, қайнона ҳам қариб қолган бўлсалар, уларни парвариш қилиш келинлар зиммасига тушган бўлса, келинлар уларни оёқ-қўлларига дори суриб, овқатларини ичириб, парвариш қилишда ғаразсиз хизмат қилганлар. Ният дуо олиш бўлган. Вақтлар ўтди... Кўп нарсалар ўзгариб кетди. Қайноталарда салобат қолмади, ҳисоб... Келинларда эса ҳаммасида ҳам эмас, алҳамдулиллаҳ ор қолмади. Бемалол қайнота-келин ҳиринглаб ўтирса, бирга сериал кўрса, бирга ўтириб писта чақса... Қайнота билан валақлаб ўтириш учун келин бироз безбет, юзсиз бўлиши керак, чамамда... Қандай қилиб келин боласини қайнотасининг қўлига бериб: Додажон, бугун сизлар билан ётсин. Кечаси билан ухлатмаяпти, дейиши мумкин?
Қандай қилиб: Додажон, бола оёғи билан келиб қолди. Роса туғишда қийналдим. Сутим келмаяпти, дейиши мумкин? Қандай қилиб: Додажон, келинг мени хонамда ётиб дам олинг! Салқингина, деб ётоғига ётқизиб қўйиши мумкин?
Қандай қилиб: Додажон, бугун мени сузишим бор эди. Сиз олиб бориб келоласизми, дейиш мумкин? Қандай қилиб, кечаси соат 23:00-да қайнотага телеграмдан хат ёзиб: Додажон, менга пул керак эди, эртага бера оласизми, дейиш мумкин? Ҳа, беради... Бермай қаёққа ҳам борарди. Худди хотини каби ялаб-юлқаб, айланиб-ўргилиб турганингиздан кейин берадида... Олиб юргандирсизки, беришини билиб сўраяпсиз... Қандай қилиб: Олинг додажон... Бақувват-бақувват енг... Сиз ҳали ёшсиз, куч бўлади, дейиш мумкин?
Қандай қилиб: Додажон, дардим бошланди, белим оғрияпти. Шифохонага ўзингиз олиб борасизми?, дейиш мумкин?
Қандай қилиб: Додажон, кўйлагим ярашибдими? Қанақа турди?, деб кўрсатиш мумкин. Қандай турганини қайнонангиздан сўраб билинг! Қандай қилиб: Додажон, келинг чарчаб келгандирсиз, деб уни ётқизиб қўйиб, уқалаб, куйиш мумкин.? Нега шундай ишларингизни қайнонага қилмайсиз? Нега қайнотага ялтоқланасиз? Келган хатларда кўп қайноналар келинларидан шикоят қилганлар. Ҳамма хатни қисқартириб, битта қилдим...
Қайноналар келин туширгач ўзларидан кампир ясаб оладилар. Бу мени кузатганларимдан... Яъни, эрларини хизматини ўзлари қилмай, келинга қилдирадилар. Баъзи қалбида марази бор, ифлос келинлар бундай шароитдан зўр фойдаланиб қоладилар. Алал оқибат келин: Гаҳ, деса қайнота учиб, келиннинг қўлига қўнадиган бўлади. Шунинг учун айниқса, ҳозирги фитнали замонда оила вакилларининг ҳаммалари закий бўлишлари керак. Бундай ишлар ёмон оқибатларга олиб келади. Чунки қайнота келиннинг ҳатто қўлини, ёмон ниятда, ҳирс билан ушласа ҳам, келин билан куёвнинг ўртасига автомат тарзда талоқ тушади. Шарт эмас, орқасидан келиб, белидан ушлаши... Тушунтиролдимми? Келин билан ўғилнинг ўртасига талоқ тушади. Билмаган эр-хотинлар зино билан яшаб юраверадилар. Туғиладиган фарзандлар ҳам никоҳда туғилмайдилар. Шунинг учун келинлар қаттиқ эҳтиёт бўлинглар. Гап қайноталарда эмас! Гап сизларда қолган! Суюқ ғунажин кўзини сузмаса, қари буқа ипини узмайди! Йиғлаб овоз жўнатган қайноналарга ачиндим. Қаттироқ ёзаётган бўлсам, узр. Ўзингизни бироз тийиб олинг, ҳаддингизни билинг! ЭРИМ БИЛАН ЎРТАМИЗГА ТАЛОҚ ТУШМАСИН! ФАРЗАНДЛАРИМ НИКОҲСИЗ ВАЛАДИЗИНО ТУҒИЛМАСИН, десангиз ўзингизни йиғиштириб олинг. Зинодан зино туғилади... Зино етти пуштингизни бузади. Бир ўзингиз сулолангизни булғаганингиз қолмасин!
Зулфия Махмудова.
📚 Ibratli Hikoyalar 📚
🌿 Bilasizmi ?
Bir daqiqada 6100 ta yahshilik ))
🍃 Bir daqiqada Fotiha surasini besh marta bemalol o‘qish mumkin bo‘ladi. Fotiha surasida 122 ta harf bor. Bir harfga esa 10 ta yaxshilik va’da qilingan. 122x10=1220 ta yaxshilik Fotiha surasini bir marta o‘qishga beriladi.
🍃 Agar siz 5 marta bu ulug‘ surani o‘qisangiz, 1220x5=6100 ta yaxshilikga erishasiz. Buncha yaxshilikni siz bor yo‘g‘i bir daqiqada qo‘lga kiritasiz.
Agar siz har kuni bir daqiqada Fotiha surasini besh marta o‘qib olsangiz, nomai a’molingizga quyidagicha yaxshiliklar yozilib boradi:
📿 Bir kunda – 6100 ta yaxshilik.
Bir oyda – 6100x30=183000 ta yaxshilik.
Bir yilda – 183000x12=2196000 ta yaxshilik.
25 yilda – 54900000 ta yaxshilik.
🕋 Dalil: Imom Termiziy rivoyat qilgan hadisda Nabiy sollallohu alayhi vasallam: “Qur’oni karimning har bir harfini o‘qishga bir yaxshilik bor. Har bir yaxshilik o‘nta yaxshilikga tengdir” deganlar.
(Yaxshiliklar tog‘i) kitobidan
✨ Reaksiyalaringizni kutaman )
📚 Ibratli Hikoyalar 📚
