1339
شاعر حسيني للمراسله عبر الخاص اضغط على الرابط @HaeiderALkhazaily .
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
شهادة النبي محمد (ص)
(كلشي اخلافك بويه اتغير)
لسان حال فاطمة الزهراء عليها السلام
ـــــــــــــــــــــــــــــــــــــــــــــــــــــــــــــــ
كلشي اخلافك بويه اتغير
كلشي اخلافك بويه اتغير
_
ضلمه الدنيه بفگدك طاهه
عميه العين وانته اضواهه
انته الدنيـه و كـل معناهـه
بـدر الكـون العالي الازهـر
كلشي اخلافك بويه اتغير
_
خالي شلون يضل محرابك
و انته الكون ايصلي ابابك
بعـدك ويـن اتروح احبابك
طعنه بقلبي فراگك خنجر
كلشي اخلافك بويه اتغير
_
يـا اهــوال البعـدك صارت
كلمــا أذن روحي احتارت
چنهه اتموت توج و فارت
اسمع اسمك رسمك يحضر
كلشي اخلافك بويه اتغير
_
اشصار بحـالي كونك تعلم
بعـدك صدري بويه اتهشم
نـار بثـوبـي و بـس اتلچـم
ساعة فگـدك دارك تسعـر
كلشي اخلافك بويه اتغير
_
طاح المحسن من عصروني
خلف الباب و زرگه امتوني
واحد يصرخ من سطروني
خـل اتمـوت و خـل تتكسر
كلشي اخلافك بويه اتغير
_
كلمات : حيدر العمار الخزعلي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
قصيدة ( رد من الدفن )
شهادة الامام السجاد (ع)
:::::::::::::::::::::::::::::::::::::::::::::::::::
رد من الدفن .. رد محني ويون
وزينب تسئله .. زينب تسئله
:::::::::::::::::::::::::::::::::::::::::::::::::::::::::
ياعلي جاي بيك ريحه كربله وعطر من العزاز
ياعلي جاي وحـدك ياهـو الچـان ويـاك جنـاز
اگعد وسولفلي بالله ياهو يمهم
هم بعدهم عالثره يجاره دمهم
لو تراب المعركه غطـه جثثـهم
بلايه روس شلون عمه ميزتهم
من گص الكفن .. لأخوان الحسن
زينب تسئله .. زينب تسئله
:::::::::::::::::::::::::::::::::::::::::::::::::::::::::
عـن الحسين عمه سولف لاتضم اعليه الاسرار
يبن الحسين نحره بعده من تقبله ينبض وحار
وخرت منه التراب ومـا لچمته ؟
هم نشد عني دگلي واشنشدته
وسعت لحده ياعمه من دفنته
منه المثلث دسولف هم شلعته
اشلميت واشلت .. من رحت ادفنت
زينب تسئله .. زينب تسئله
:::::::::::::::::::::::::::::::::::::::::::::::::::::::::
كل الضلـوع تأكدت عمـه اجمعتهن ويه العـظام
بيهن اصغار اطشرن كثر السحگ وصلن للخيام
الخنصر وشيبه التطاير هم جمعته
جلــده التشلـع نسيتـه لــو فگـدتـه
دون راس شلـون عالقبلـه وضعتـه
بلايـه كافـور وگطـن طبعــاً تركتـه
چم اصبع شفت .. من بيده احسبت
زينب تسئله .. زينب تسئله
:::::::::::::::::::::::::::::::::::::::::::::::::::::::::
عمـه عالمـاي ياابـو الباقـر انشـدك بعـده عباس
شلت الچفوف قبلتهن ياعلي خبرني الاحساس
شنهو الاحساس الملك قلبك وكتهه
مـن چفوف الغيـره بچفوفك شلتهه
بمـدمـع العيـن الجـره چـا غسلتهـه
زحت التراب وعلى زنوده ارجعتهه
بيا موقف صرت .. من حگك حرت
زينب تسئله .. زينب تسئله
:::::::::::::::::::::::::::::::::::::::::::::::::::::::::
صبرچ وياي وانه اخبرچ بالجره واحچيلچ الصار
كـل الاجسـاد كملـت عمـه دفنهـم حتـى الانصـار
بالحصيره حسين شلته يالعقيله
والطفل بأحضانه عفته يم دليله
الاكبر بصفهم دفنته طمني ليلـه
ولدچ وجاسم شلتهم فرد شيلـه
چي جسم بجسم .. مخلوط من ألم
زينب تسئله .. زينب تسئله
:::::::::::::::::::::::::::::::::::::::::::::::::::::::::
حيدر العمار الخزعلي
.
للخدمه
قصيدة ( آ يحسين )
آ يحسين آ يحسين .. منعوفك نقسم يحسين
خدامك نحيه ونمـوت
والمات وياكم مبخوت
أناديك انضل ابصوت .. ريت وياهم لوميتين
آ يحسين آ يحسين .. منعوفك نقسم يحسين
خل تختار الناس اشكال
انته الحال وانته المال
عاهدناك وعهد ارجال .. نبقه بحبك ملتمين
آ يحسين آ يحسين .. منعوفك نقسم يحسين
شفنه الخير بحبك دوم
فدوه لأسمك يامظلوم
لا تنسانه بذاك اليوم .. واحنه لشخصك ممنونين
آ يحسين آ يحسين .. منعوفك نقسم يحسين
خسران العــاش ابليـاك
خير الدنيه بچف يمناك
وما تنساه الما ينسـاك .. وانت الشافع يوم الدين
آ يحسين آ يحسين .. منعوفك نقسم يحسين
انته النور أعله الاكوان
وبلا شك حچيك قران
هل من ناصر چَن آذان .. واحنه بحبك متوضين
آ يحسين آ يحسين .. منعوفك نقسم يحسين
ابچيلك دامي وعطشان
ومـوذر فـوگ التـربان
يمضحي بكل الشبان .. وعباسك منطي الچفين
آ يحسين آ يحسين .. منعوفك نقسم يحسين
يالطايح مابين الخيل
واطفالك بنهار وليـل
تبچيلك مهدومة حيل .. فوگ الهزل متأسرين
آ يحسين آ يحسين .. منعوفك نقسم يحسين
بضلوعك يحسين اصار
عطشـان ودلالـك نــــار
وحدك والعسكر من دار .. سهام بقلبك مو سهمين
آ يحسين آ يحسين .. منعوفك نقسم يحسين
حگـه اليبچيـلك معذور
حرگه بدمه وگلبه ايفور
ما ينساك وطف عاشور ... بيه انفكر مشغولين
آ يحسين آ يحسين .. منعوفك نقسم يحسين
راعي الثار اعليك اينوح
يصرخ يحسين المذبوح
شمسويه بجسمك لجروح .. جروح بجسمك بالالفين
آ يحسين آ يحسين .. منعوفك نقسم يحسين
خلينـه أنخدمك مـولاي
وانــوزع بثـوابـك مـاي
نمشي اعليك ام الوفاي .. بجاه الكافل متوسلين
آ يحسين آ يحسين .. منعوفك نقسم يحسين
ـــــــــــــــــــــــــــــــــــــــــــــ
حيدر العمار الخزعلي
.
صعب افراگك يا والينه
صعب افراگك يا والينه
+++++++++++++
الله اليستر هاي اعيالك
لمن شبت خويه اخيامك
فرت بالبر كل اطفالك
حسين حسين اصارخ وينه
صعب افراگك يا والينه
+++++++++++++
ضعنه وتاه الراي ابدونك
فدوه اروح لرمش اعيونك
ما رحمونه الما رحمونك
شلون احچيلك هظم البينه
صعب افراگك يا والينه
+++++++++++++
هوسو خويه بچف الكافل
يحدي بضعني صار القاتل
شالو راسك والدم نازل
فوگ الرمح وفاتح عينه
صعب افراگك يا والينه
+++++++++++++
كون اشوف الكوفه اشبيهه
ابن ازياد اليحكم بيهه
گلهم زينب خل نهديهه
لارض الشام وتبچي سكينه
صعب افراگك يا والينه
+++++++++++++
رحنه ابهزل يابو الاكبر
صوب الشام وضعن الخدر
مثل الريشه وتايه بالبر
محد حن حسين اعلينه
صعب افراگك يا والينه
+++++++++++++
الچانت تلعب امس بحجرك
لمن شافت گطعو نحرك
شهگت ماتت خويه بقهرك
بنتك راحت من ادينه
صعب افراگك يا والينه
+++++++++++++
حيدر العمار الخزعلي
.
قصيدة ( رايح وين )
يوم فاطمة العليله (ع)
رايح وين .. بويه حسين
اخذني وياك يالغالي
:::::::::::::::::::::::::::::::::::::::::::::::::::::::::::::
اروحن فدوه لعيونك يبعد عيوني تتمهل
اريد وياك تاخذني وما ريدن أبـد محمل
اضل امشي على رجلي لان وياك اتحمل
احب ايدك يبوالأكبر اروح وياك بس اقبل
دمع العين .. عل الخدين
اخذني وياك يالغالي
::::::::::::::::::::::::::::::::::::::::::::::::::::::::::::
انـه بدونـك مااگدر اعيشن بويه واتهنـه
أنام شلـون لـو غبتو يلـحضنك ألي جنـه
ماريدن اضل وحدي اروح اوياكم اتمنـه
لوابقه وحيده الموت ياخذني مـع الونـه
بسهم البين ... تِعرف زين
اخذني وياك يالغالي
::::::::::::::::::::::::::::::::::::::::::::::::::::::::::::
رضيت بقسمتي ابقه وحيده حتـه ما تزعـل
مشيت وعيني تربيلك دمعهه بمشيتك وشل
عجيب شلون ماشوفـك بقيت بربـي اتوسل
ألـه حسين رد حسين عليك ابوحيك المُنزل
بحق الديّن .. يعود الحين
اخذني وياك يالغالي
::::::::::::::::::::::::::::::::::::::::::::::::::::::::::::
بلوه وطاحت اعليه بقيت لوحدي اتگرضم
اتنطر خبر جيتك وعليه الكون صار اضلم
عليه الناس گام تگول دون حسين ماترهم
عليله اتموت بالأهات ودمع العين ماينضم
الله يعين .. لا تبچين
اخذني وياك يالغالي
::::::::::::::::::::::::::::::::::::::::::::::::::::::::::::
مشت الايام واتنطـر اجـه ناعـي الي طـارش
اخذ روحي منسمعته گلت بلكي الابو عايش
سمعته يگـول يايابـه نام وعـل الرمـل فـارش
وگـع مـذبوح والعسكر عليه يدور اله حايـش
صدگ تحچين ... أبو تردين
اخذني وياك يالغالي
::::::::::::::::::::::::::::::::::::::::::::::::::::::::::::
حيدر العمار الخزعلي
.
.
يالبعيد يالبعيد رد أرويحتـي راحـت
يصنديد يصنديد أبنيتك بالهجر ماتت~~~~~~
اليسافر أهلـه تنتظره يـرد أبصوغـه مـن يرجـع
وهلي مامش خبر منهم صارت صوغتي المدمع
أدز ويه الهـوى مرسال وي خيط الضـوه اليطلع
أتاني مـن الشمس تبـزغ حـد مـا كـل نجـم يلمـع
أغمض عيوني وأتخيل خواتي وأمي موجوده
وأشوفن والدي بعيني وأشوف الكافل وجوده
أويلاه أويلاه مامـش طـارش يجيني
دوه الآه دوه الآه شوفه والدي أبعيني~~~~
أمد سجادتي وأدعي بأسمك يل تطيب أقلوب
ربـي بقدرتـك سهـل وأطـوي لوالـدي الـدروب
مثل ما رجعت يوسف يـارب أبحضن يعقـوب
رد بهل مسه حسيني سالم من لظى الحروب
ألهـي حـقق أمنيتـي يـرد الغـالي وضعـونه
يرد ويشبگ أبنيته وأحب أجدامـه وعيونه
تعودون تعودون أفرشت سجادتي وأدعي
والعيون والعيون حمره ومـا يكـف دمعي~~~
يبو قلـب الرحيم اشلون عفـت بنيـه و زغيره
بين الوحشه بين الخوف صارت حيرتي حيره
أصد لدياركم وأنحب وحدي وموحشه الديره
أمشـي وأعثـر ابهمـي وحالـي صعبـه تفسيره
تـزتني أهمومي والحسبات من أمشي تضل وياي
عليلـه ولـهلـي أشتاگيـت شوفتهـم تصيـر أدواي
والأفكار والأفكار كالـت گطعي الضنه
تره الدار تره الدار وحشه وما أريدنه~~~~
يا خير وعگب عينك عجاف بدونك أيامـي
كل لحظـه التمـر أشتاگ بيهه وتكثر آلامـي
و أتمنـه تـدك البـاب أشوفـك بويـه كدامـي
ياعيدي وأنطرك دوم ترجع واترك صيامي
البنيه حنينه تصير لأبوها و تنكسر لـو غـاب
تنتظـره وتديـر العيـن و بـلهفـه تصـد للبـاب
والأشجان والأشجان امضى من السهم وأخطر
والأخـوان والأخـوان مـدري بديـره لـو بـ البـر
~~~~
أسمع من بعيد الصوت أبن حذلم يلم الناس
ناده والخبـَر مشئـوم مـات حسين والعباس
وزينب عمتي مچتوفه أسروها وبلا حراس
و رقيه عزيزتكم كالـوا مـاتت أعلـه الـراس
ترى اليفگـد أبـو يا نـاس الله اليعلـم بحالـه
يتذكـر ليالـي صباه و يلعبـه الوالـد و شالـه
بـلا راس بـلا راس گطعـوا والـدي نحـره
والأرجاس والأرجاس كالوا هشموا صدره~~~~~
{{ مرتضى الخزعلي }}
.
.
الغايب يردلي أدعيله
أبچي وعگدت الشيله
وأقره أعله روحي الفاتحه وگـت المسيه~~~~
ياهو اليدليني بيك وهسَه أجيلك
فرفحت روحي وأريدن أشتكيلك
ماطبگ جفني يرف ساعه رحيلك
ويه كل شهگه نفس أنـه أندعيلك
شيب رمشها عيني
وأنـه أنتظر تجيني
وقلبي عليك من الهضم ناصب عزيـه~~~~~
يل عفتنـي معلعلـه وبقلبـي لچمـه
بفگدك العالـم سـواد وكلشي ظلمه
أنشد أعليك الدروب ودهري أكلمه
غانـم يـردلي أنـدعي والله يسلمـه
يرجع أعـز أحبابي
يمته ويدكـه بابـي
يدك بابي ويكلي هلا راعي الحميه ~~~~~~
ينعـه أبن حذلم سمعته بلوعه وينـوح
يـا أهـل يثـرب ينـادي حسين مذبـوح
بالـرمح راسـه يـدور وجسمه مطروح
الدمه خضب لحيته و وجهه مجروح
مجروحه كالوا شفته
وصارت رمـح رقبتـه
متسلب وتسحگ عليه خيل أعوجيه~~~~~~
من رجع ظعن الهواشم بس نساويـن
بس علي السجاد رد وماكـو الحسين
و كالـوا العباس مـات أبـلايـه چفيـن
راس أبو الغيره بعوالي ونبلـه بالعين
كالـوا تـبـّده جـوده
بس ماخلف عهوده
جفف نسل أهـل الكفر بـ الغاضريه~~~~~~
من اليسر ردتلي زينب والدمع سال
شاهدت چفهـا أنطبـع بأثـار الحبال
وانه أنظر للظعن شو ناقص أطفال
بله متخبروني شنهـو حـال العيال
كـالـوا نـحـر عـبـد الله
گطعوه نشغت أسم الله
وماتت رقيه اعله النحر بشام الأذيه~~~~~~
{{ مرتضى الخزعلي }}
.
.
بالعله عافوني ومشوا والمدمع يسيل
بداري وحيده والجفن ماغمض بـليل~~~~~
بيتي أنهجم لمن حدا حادي الظعينه
كلهن خواتي سافرن وحشه المدينه
والبيت ظلمه من مشوا عتره نبينه
والي فگد كـل الأهل مـا تغفـه عينه
أنه ودموعي مساهره وي نجمه سهيل~~~~~
لمن مشوا حتى الطفل ويه الظعن راح
وقلبي مثل طير بقفص مكسور الجناح
عگب العزيز حسين قلبي شلون يرتـاح
من راح أبو سكينه مشت وياه الأفراح
لمن تركني وسافر وياه ماخذ الحيل
~~~~
ع النار أنـاطر وأحسب يرجعولي وليان
يرد الأكبـر أعليه و أشوفـن گـمر عدنان
قلبي جمر يلهب صبح ودموعي طوفان
مامش خبر منكم هلي وأنساها الأحزان
بتكم صفت ميته ترى وهمومي سجيل~~~
تالي سَمعت ناعي الرزيه ينعه وينوح
كال العزيز أمگطع و عالغبره مطروح
وسهم المثلث بالچبد والراس مذبوح
عباس طاح عالنهر جسمه أنمله جروح
بهذا الخبر قلبي احترك بالحسره والويل~~~
رد الظعن من اليسر والدمعه بالعين
أنشد وأدور عن هلي وين الميامين
لا كافل الحره رجع لا ردلي الحسين
زيـنب تلكتني بدمعها وزاد الـونين
أهلج كضوا طعن وذبح ناداني العليل~~~
{{ مرتضى الخزعلي }}
.
.
.
دوم لـخدمتك .. تحضـر شيعتـك
تـرفـع رايتـك .. خـدام الحسين
~~~~~~
نعتني الموكـب نواسي بهـل عـزه سيد البشـر
ويحضر ويانـه أبو صالح ينعـه مگطوع النحر
ينحـب وتنـزل دموعـه ولطـم صـدره المنتظر
تنـزل أچفوفـه أحتـرامـاً لـو سمـع أسـم الگمـر
ويانـه المنتظـر .. للمجلس حضـر
يكفي هل فخـر .. خـدام الحسيـن~~~~
هذا أبو الموكب نشوفه عزب بكل ما مـلك
ويصعد الرادود يقره بحنجره صدحت الك
الـوزع المـاي ابثوابـك ترضـه عنـه أتوسلك
اي يبو السجاد لأجـلك بالسمـه ينوح الفلك
بـچفـوف الخـدم .. مرفـوع العلـم
كفـو أهل الشيم .. خـدام الحسين~~~~
كلهه تلتـم ابمحبتـك تحضر أطفال وشبـاب
ينگع الشيب أبدموعه الشايب بهذا المصاب
أصغار وكبار أبمحبتك تركض اتـوزع ثـواب
نـلطـم أبچفنـه ونـطبـر للوگـع فـوك التـراب
متهمنـه الـفتـن .. نقسم بـ الحسـن
نضل طول الزمن .. خـدام الحسيـن~~~~~~
مجلس لحامي الظعينه النايم أبكتر النهـر
الكفـل ضعـن الفواطم طـاح وأتگطـع وذر
نلطم الراس ونذكره الـ بلعمد راسه انفطر
والسهم نابت أبعينه وأنگطع چفـه الگمـر
التنـزل دمعتـه .. يقضي حاجتـه
الكافل وأخوتـه .. خدام الحسين ~~~~~~
ليلـه الثامن محرم نشعـل أشمـوع العـرس
من بطوله جاسم احنه والوفه ناخذ درس
عدنه منهـج ليل تاسع من يضحي بالنفس
علي الأكبـر مـن نذكـره الدمـع مـا ينحبس
ضحوها الدمـه .. ولـدج فاطمـه
بأعظم ملحمـه .. خـدام الحسين~~~~~~
{{ مرتضى الخزعلي }}
.
.
يا أبن حيدر .. يا علي الأكبر~~~~~~
هذا أبن أوسع سفينـه وجـده داحرها الفتـن
وعمه تشهدله المضايف بالكرم أسمه الحسن
يشبـه العباس مـن أغتـاض هـد ليهه الرسـن
هذا الأكبر طب عليهه يسابق ابمهـره الزمـن
هذا تربـات الفحل .. هذا أبن خير العمل
بالكـرم مثل الحسن .. وعمه عباس الفحل
يا أبن حيدر .. يا علي الأكبر~~~~~~
صفـوه مـن بيت الرسالـه شامـخ بنص الزلـم
رابي بأحضان الشهامه من السبط وارث علم
يسطـع النـور بجبينـه يغـار من عنـده النجـم
غـار ع العسكر وأخذهم حود بچفوفه الشهم
الحومه صاحت والنعم .. طشر بسيفه الزلم
يشبه الكافـل نـزل .. صيتـه واصل للنجـم
يا أبن حيدر .. يا علي الأكبر~~~~~~
يشبـه المختار غـار بنصهـم العسكـر جفـل
چـن علـي الكرار چفـه يشبـه لـخير العمـل
نازل يدوس الشوارب ينحر ويفكس مقـل
واكـف بنصهـم تبختـر وذر العسكـر وصـل
وگـف الوادم سره .. اليقرب يحز منحره
يشمر بچفه الزلم .. ميمنه اعله الميسره
يا أبن حيدر .. يا علي الأكبر~~~~~~
شردت الفرسان كلهـه صاحوا اليوم الفـزع
والقرب منـه يويله راسه عن جسمه أنگطع
يلمع الصمصام بيـده ومن دمه العسكر نگع
وبكر أبن غانم نشوفه طايح أبدمـه أنصرع
فنـه واحد يوصلـه .. سيفه چنـه الزلزلـه
مهره يسحگ ع الجثث .. نازل بنص كربله
يا أبن حيدر .. يا علي الأكبر~~~~~~
ضگـت الگـاع بچثثهـم والـدرب مـا ينـعبـر
صار دمهم روج من أجسادهم سوه الجسر
بمهـره يسحكها زلمهـم يكسَـر أعظـام الكفر
كسَر أظهور الفوارس وأنكِسر جيش الشمر
يترس بدمهم الأرض .. والزلم شردت ركض
صاحوا اليوم الحشر .. وأقترب يوم العرض
يا أبن حيدر .. يا علي الأكبر~~~~
{{ مرتضى الخزعلي }}
.
هضيمه راحوا أهلي وحدي ضليت
عگـب حسين أبـويه يخنگ الـبيت~~~
عليلـه و ماكو خوان
غريبه بنص الأوطان
الدمع يتجارى طوفان
حفر خدي
يرب يل تجبر الحـال
بلكي من أهلي مرسال
يطمني اعله العيال
بحق جدي
يرجع من سفرته والـدي أدعيت
عگب حسين أبويه يخنگ البيت~~~~~~
دعيت أبدمع العيون
يرب يا مالك الكون
عليه أهـلي يـردون
حلم عندي
تكتل وحشـه البيت
أخلـص منهـا ياريت
خواتي يردن ادعيت
انه لوحدي
من الفركـه يا ضي عيني مـليت
عگب حسين أبويه يخنگ البيت~~~~~
جفن ماغمض بليل
أون و مدمع يسيل
عگبك رايح الحيل
يبو سكينه
أعتب وأنـشد الـدار
بـويه و بـالقـلب نـار
العليل لوحده يحتار
منو يعينه
طـارش منكـم يمـرني تمـنيت
عگب حسين أبويه يخنگ البيت~~~~
ما أظن همي ينزاح
وقلبي ممتلي جراح
أصفـگ راح بالـراح
حرت بأمري
ابصغري والشعر شاب
وأنـطـر دكـه الـبـاب
بلكي تمرني الأحباب
نفذ صبري
نفذ صبري ويجيني الموت ياريت
عگب حسين أبويه يخنگ البيت~~~~~
لـفاني الناعي ويكول
صدره سحكته خيول
صاح حسين مچتول
انجسم قلبه
وضل ع النهر عباس
أبعمود مهشم الراس
گطعوا چفه الأرجاس
بأرض غربه
حسيناً وا حسين ابصوت ناديت
عگب حسين أبويه يخنگ البيت~~~~~~
{{ مرتضى الخزعلي }}
.
.
زفته سيوف الموت شبل العشيره~~~
من الخيم بـزغ نـور عنوانه
جاسم وضل يرتجز هذا أنه
مثـل أبـوه ايعـزب أبديوانه
عزب الحومه بجثث عدوانه
طـب للمعـاره عريس ماكـو نظيره
زفته سيوف الموت شبل العشيره~~~~
مثـل جـده الكـرار صـولاته
من يهـد تبقه أثـار سطراته
سيد وشاف الجيش شاراته
تجـدح ومثل النـار خـزراته
والبرز ضـد الحيد يعـرف مصيره
زفته سيوف الموت شبل العشيره~~~~
ظلمه بالطف الحيد سواهه
تنضرب راس براس خلاهه
بالدمه الگاع وروس غطاهه
وهاشم بهـل شبـان تتباهـه
منه مفزوع الجيش والحيره حيره
زفته سيوف الـموت شبل العشيره~~~~~
من نـزل وسط الجيش و يهاجم
صاحت الگاع ادخيل من جاسم
يطبر و يگطـع روس ب الصـارم
ب الدمه يغطي الگـاع و الـوادم
بيـده يلمـع صمصام يلـهب سعيره
زفته سيوف الـموت شبل العشيره~~~~~
بالدمه خط أنجـاز هل ثـوره
يفـدي روحه للـدين و العتره
رخص لأجل حسين كل عمره
أتلكته الزهره أهناك منتظره
للجنه زفوه عريس فرحه الچبيره
زفته سيوف الـموت شبل العشيره~~~~~~~
{{ مـرتضى الخزعلي }}
.
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
شهادة مولاتي فاطمة الزهراء
قصيدة ( لمن إجوهه )
▪▪▪▪▪▪▪▪▪▪▪▪▪▪
▪▪▪▪▪▪▪▪▪▪▪▪▪▪
بويه ولوهه .....لمن إجوهه
●●●●●●●●●●●●●
جابو على بابك حطب والجاني يتمرجل
يصرخ عليها فاطمه الضدنه يتحمل
ما ردنه حيدر بالحكم والي زعل يزعل
گامت يبويه تنعصر و دموعي تتوسل
لا تعصروهه .... لمن إجوهه
●●●●●●●●●●●●●
اسمع فقط حيدر ولي گالتهه سمعوهه
محتميه بالباب الخشب واعليها دفعوهه
شتمهه واحد بالاسم والباقي طگوهه
بزيت اشتعل كل الحطب والعتبه حرگوهه
شكد روعوهه .... لمن إجوهه
●●●●●●●●●●●●●
اسمع ضلع منهه انكسر من شدة العصره
البسمار نابت بالصدر و اتشاگف الزهره
ماادري منهه وشوگع شفت الارض حمره
والنار بأطراف الردن طاحت مثل شجره
شجره اگطعوهه .... لمن إجوهه
●●●●●●●●●●●●●
طاحت على الگاع وشفت الزهره مختنگه
دخان تارس كل كتر و اثيابي محترگه
ضليت انادي ياعلي لن صاحت ابشهگه
عوفي يزينب والدچ مالي دوه يلگه
شگد ألموهه .... لمن إجوهه
●●●●●●●●●●●●●
خليني اخلص وارتحل طه امس شفته
بالطيف جاوب نلتقي من اسألت يمته
گلي قريب وينتحب هسه شنو افهمته
سر الدمع وي عبرته يدري بوضع بنته
بت من نسوهه .... لمن إجوهه
●●●●●●●●●●●●●
الشاعر :حيدر العمار الخزعلي
.
شهادة الرسول (ص)
لحبيب الله ونبيه ... انكسر قلب الزجيه
■■■■■■■■■■■■■■
بچت ويه الزجيه الليله الاملاك
على طاهه محمد تبچي الافلاك
تنادي الزهره صعبه بويه انساك
طلب عندي اريدن امشي وياك
مصيبـه ويا رزيـه
انكسر قلب الزجيه
●●●●●●●●●●●●●●●
نعه وحيّ الرساله دمعه جبريل
نزل ويه الملايك يبچي عزريل
اجه يقبضهه روحه يقره تنزيل
محمد الله رادك لسمـه اتشـيـل
يريـدك هـالمـسيـه
انكسر قلب الزجيه
●●●●●●●●●●●●●●●
علي دمعه بوجنته حاله يا حال
لزم چفينه طاهه و الدمع سال
سمع منه كلام وما حجه شكال
اضن بالزهره وصه دمعه همال
يأكـد عل الوصيـه
انكسر قلب الزجيه
●●●●●●●●●●●●●●●
جبال الله تـوون تنعاه السهول
تشاهد عالاصابع نعشه محمول
ملائكة الله نزلت شالته اتگـول
علي الله يعينك صبرك ايطول
بـده وكــت البلـيـه
انكسر قلب الزجيه
●●●●●●●●●●●●●●●
غداً اهل السقيفه تجمـع الـنار
على دارچ يفاطم وانتي بالدار
يغصبون الخلافه وتظهر اسرار
شنوسر الوصيه والحچي الصار
ومنـو ذاع الوصيه
انكسر قلب الزجيه
●●●●●●●●●●●●●●●
حطبهم يشتعل باجر عل الباب
يهجمون اعله دارچ مثل الذياب
يدفعونچ يزهره الماهم اصحاب
يكسرون الضلع وشكبر المصاب
وطفل يوگع رميـه
انكسر قلب الزجيه
●●●●●●●●●●●●●●●
حيدر العمار الخزعلي
لسان حال ام البنين (ع)
واويلي على حسين
واويلي على حسين
+++++++++++++++++++++++
يابعد عينـي ودنيتي حيـرني
ناعيك من جاب الخبر موتني
ما حسبت يابو علي تفارگنـي
ضنيت بيدك لو متت تدفنـي
واويلي على حسين .. واويلي على حسين
+++++++++++++++++++++++
ياجمرتي الما تنطفي نص روحي
كـل يوم انـه اعليك يكثـر نوحـي
گالـولي ضامي وعالثـره مذبوحي
مايخلص اعليك الحزن وجروحي
واويلي على حسين .. واويلي على حسين
+++++++++++++++++++++++
عطشان والراس برمح معقوله
تمنيت لو عباس باقي ابطولـه
ماچان حته الخيل لعبت جوله
يم الخيم والنـار مـا مشعـولـه
واويلي على حسين .. واويلي على حسين
+++++++++++++++++++++++
عـاري بقيـت بلا غسل ومطشـر
وبطيحتـك ضـل المخيـم يسعـر
النيـران ما بيـن الحـرم و الخـدر
يحسين قلبي اعليك والله اتفسر
واويلي على حسين .. واويلي على حسين
+++++++++++++++++++++++
ام البنين اتنوح تبقه اتنـادي
اقبل ثوابي سيـدي وامرادي
انـه ابثـوابـك وزعت اولادي
الاربعـه وانـه فـده واجدادي
واويلي على حسين .. واويلي على حسين
+++++++++++++++++++++++
يالتـارك بقلبـي كسـر ما يبـره
كل غايتي ترضه عليه الزهره
احنه بدون حسين وادم فقره
لوادري چا ربيت لأجلك عشره
واويلي على حسين .. واويلي على حسين
+++++++++++++++++++++++
يا كسـرتـي المــا تنجبـــر لتــالـي
يحسين دمعي اعليك ضل يلالي
يانوح يشفي الروح وانته الغالي
مـا يحمــل افـراگـك بعـد دلالـي
واويلي على حسين .. واويلي على حسين
+++++++++++++++++++++++
حيدر العمار الخزعلي
.
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
نعي ...
زينب صاحت من التل ويلي وشبچت العشره
اوگـف يذبـاح حسـين حـز نحـري گبـل نحـره
لا تسحگ عليـه بالخيـل يَمـه گعـدت الـزهـره
مستعجل عليه شتريد ضامي ماشـرب گطره
مابيه حيل ايگوم و اثيابـه من الطعن حمـره
ياشيال راس حسين نحي الرمح عنه
خـوفـي بنـاتـه اتمـوت لمـن يشوفنـه
خلينـه بس نرتاح صـار النِفـس وونه
مابينه بعد أنوح منگد ماهظم شفنه
السيده رقيه (ع)
شبگت نحر ابوهه بشوگ صاحت بويه مشتاگه
اتفــارگنــه صــار أيـام وانشــد يمـتــه نتـلاگــه
عمتي اتگول راح ايعـود وانه ادموعي حراگــه
اذتنـي السياط حسـين شـدو أيـدي عــالنـاگــه
*
عجبه اشوفك راس وانه من الحلم فزيت
حسبالي اشوفك جاي تاخذني ونرد للبيت
شمسويه بيك الخيل حافر فرس حسيت
فوگ الوجه مطبـوع بويه من اليسر مليت
ــــــــــــــــــــــــــــــــــــــــــــــــــــــــــــــــــ
حيدر العمار الخزعلي
.
الوداع الوداع .. يا أبا عبد الله
الوداع الوداع .. يا أبا عبد الله
______
خل نواسي الحره زينب ننتحب وياهه
گعدت ابخيمتهه تنحب السبط وصاهه
خلي بالـچ على عيالي و الحچي اذاهـه
ليلـة العـاشـر ثگيلـه واللـه مـا ننساهـه
صدت وگالتله آه .. يا أبا عبد الله
الوداع الوداع .. يا أبا عبد الله
_________
چني بيهه أگباله وگفت والدمع يجـاره
لوتريد اتروح باجر سوي لاختك چاره
لاتعوف حسين اختك بالخيم محتـاره
مالي طاقه يابو الأكبر والحرب غداره
الفكر من عندي تاه .. يا أبا عبد الله
الوداع الوداع .. يا أبا عبد الله
_________
العقيله تنادي ارحم ياحسين بحالي
خوفي ماترجع اليه لورحت يالغالي
من تغيب شراح اسوي توقع اليجرالي
بالمخيم ابقه وحدي حايره بأطفالي
وانطفه الكون وضواه .. يا أبا عبد الله
الوداع الوداع .. يا أبا عبد الله
_________
رد عليهه صبري باجـر عالثرى اشـوفيني
وحدي مابين الأعادي بجبهتي أمصوبيني
الشمر جاثي اعله صدري وعلمخيم عيني
حتى خنصر چفي ما يلحگ يودع ايميني
وذابله خويه الشفاه .. يا أبا عبد الله
الوداع الوداع .. يا أبا عبد الله
_________
الهواشـم خـويـه باچـر عالثـره تتطشـر
حته عباسچ يـ حره حامي ضعن الخدر
يوگع ومصيوبه عينه عالارض يتگنطـر
جاسـم وعبدالله يختي ينـذبـح والأكبـر
والگمر يوگع لواه .. يا أبا عبد الله
الوداع الوداع .. يا أبا عبد الله
_________
حيدر العمار الخزعلي
.
.
ويـلاه وا ويـلاه
يـا أبـا عبـد الـلـه
~~~~
مو دمع تبچي أدموم شيعتك يامظلوم
تتحـزم الخـدام كـلهـا أبشهـر الـهمـوم
ننعالك يعطشان وجسمك ناگع أدموم
شفنـه كـل الايام مـا مثل يومك يـوم
جسمك فايض أدماه
ويـلاه وا ويـلاه~~~~~~
عدنه عهـد كـل عام نلبس أهدوم السود
و اترفـرف الرايات رايـه لصاحب الجود
الضحه دمه والروح لدين الباري المعبود
جثه ضل بـلا راس ضحه بعينه وأزنـود
طاحن جوده ولـواه
ويـلاه وا ويـلاه~~~
مواكب عامره اتشوف وبكل عهد تزداد
شرف للموكب وصيت ناخذ منه المـراد
والخـدم متجمعين ويقسمـون الأعـداد
نـاس تـوزع المـاي و نـاس تقـدم الـزاد
والأجر عد مولاه
ويـلاه وا ويـلاه~~~~~
اليخدم سيد الناس ياخـذ أجـره أضعـاف
كريم وشهم تلكـاه هيبـه وكامل أوصـاف
لو دنـه منه الموت ونعشه فـوك الأجتاف
تحضره فاطمه هناك وبالبرزخ فلا يخاف
والله امطيب أثراه
ويـلاه وا ويـلاه~~~~~~
يل تبغضنا أرجوك أفهـم وأستمع زيـن
دور واحد أيصون ما تلكه ويصح وين
تريـد الخير يـزداد و أمـوالك و البنيـن
اترك كلشي بالكون جلب بس بالحسين
و دنيا وآخره وياه
ويـلاه وا ويـلاه~~~~~~
{{ مرتضى الخزعلي }}
.
.
رضيعج يا الرباب أتخضب بدمه
صحت ويلي يعبد الله الولد يمه
مظلوم يبن الزهره
مظلوم يبن الزهره~~~
يبيرغ عـزتي و تچايتـي من أكبـر
يسلوه أمـك و ضيك صبـُح أسفـر
جنت أسهر ليالي وأفرح من أسهر
وأقره قل أعوذ أتحرسك من الشر
وعمري فده لعمره
مظلوم يبن الزهره~~~~
نحرك يـُمه للشم مـو ذبـح يبني
مو سهلـه علـه أمك لـو تفاركني
السهم ريته وسط دلالي صوبني
عزيز و عگبك أنت دهري عذبني
يـرجعلـي منتظـره
مظلوم يبن الزهره~~~~
يا عـُمر الـورد ليـش أنحـرم منـك
أريد بچفي أحضنك و أرد أشمنك
لأمك ناغـي وأبچي خـل أسمعنك
يلب أحشاي گـلي أشلون أودعنك
و ناگـع دمـه نحره
مظلوم يبن الزهره ~~~~
نص عام العمر يبني وتضوگ الموت
چفـن ماكو أعله گدك يبني لا تابوت
القبر لو ضمك أبجرحك تراب يفوت
بغيابك قلبي متگطع و أون بسكوت
مختنگـه بـ العبـره
مظلوم يبن الزهره~~~~~
أبوسك خايفـه و المنحر يلچمك
يقداح أنت عطرك وأنسفك دمك
ابوسط قبرك تمنيت أندفن يمك
ولا تـرحل سبيـه و تنثكـل أمـك
و متوسـد الـغبـره
مظلوم يبن الزهره~~~~~
{{ مرتضى الخزعلي }}
.
.
الغيره الغيره الغيره
عباس راعي الغيـره ~~~
بحـر غيـره مـا يجـف
بحـر سـوه مـن نـزف
الأرض دم كام أتغـَرف
رايـه .. دكهـا أعلـه النهـر
أنكتب بچفوفه النصر
شبه نـار اعلـه الـكفـر
نـزل كـال أذبـح شمـر
يسحگ .. جدمه أعله الخطر
بحيره بحيره بحيره
والجيش ضل بحيره ~~~~~
الكون ظلمه أبلا ضوه
من هجم راعي اللـوه
أختنكوا بحسره هوه
وتشـرد .. من عنده الزلم
السيف من دمهـم روه
ب الجثث يخبط سوه
يهـزها فنجـان أگـهـوه
وتلبـد .. من عنده حلم
أچبيره أچبيره أچبيره
محنتهـم والله أچبيره~~~~~
مـو غريبة ولا عجب
هذا أبن شيخ العـرب
مـن يهـد يگطع رگب
سيفه .. يلهب چن جمر
وكف نصهم چن جبل
وجـدح بعيونه الزعل
صاح أبـن خير العمل
سيفي .. يحـَز نحر الكفـر
يديره يديره يديره
وبچفه الكون يديره ~~~~~~
الشمس من ضيه أستحت
الأرض حـَدره أتـزلـزلـت
الـزلـم خـوف أتـراجعـت
چـفـه .. يحصـدهم حصـد
ع الكفـر أصبح عسـَر
نـار من غيره و جمـر
يكسـَر أعـظام الـغـدر
چـفـه .. ما يخطي ويـرد
زغيره زغيـره زغيـره
وعليه الحومه زغيره~~~~~~
نــاده شيـال الـعلم
منهو يوصل للخيم
وأنـه كفـال الحـرم
يرجع .. جثـه أبلا نفس
يختي يا ضنوه علي
بشري همـج ينجلي
الماي أجيبه أتدللـي
ابجودي .. تشوفيه أنحبس
السيره السيره السيره
غيره وشهامه السيره~~~~~~
{{ مرتضى الخزعلي }}
.
.
بيـك ديـن الله أنرسم
وأحنه من دونك عدم
سيدي أقبـل ع الخدم
بمـروتك .. يا أبو علي~~~~~
نـار و بقلب المحب
لو ذكر أسمك تشب
يلي ما ضگت العذب .. يا أمامي
موش عاري أعله الترب
ساكـن أبـوسط القـلب
ما محت ذكرك حرب .. يا أمامي
حاربك جيش الحقـد
سحگ عظمك والجلد
رادوا يمـوت الـمجـد .. يا أمامي
طحت وأسم الله أرتفع
أمگطـَع الشمـل أنجمـع
حقـه ليحـب لـو جـزع
لمصيبتك .. يا أبو علي~~~~~~~
بالـدمع رمشي نگـع
عالصدر چفي أنطبع
ألـطم وقلبي أنفجع .. يا مظلوم
يلي نبعك مـا يجـف
مقصر أنـي وأعترف
ذنب كل يوم أقترف .. يا مظلوم
كـون تقبل خـدمتي
وترضه عني مـُنيتي
ذنوب كثـره بذمتي .. يا مظلوم
عليك أبو فاضل قسم
أنحسـب مـن الخـَدم
بـ الحشر وسط الأمم
وبصايتك .. يا أبو علي~~~~~~
يا أمـام العاطـفـه
يا سليل المصطفى
للعليل أسمك شفه .. يا قرآن
حسين مصباح الفلك
و الـحـزن منـك الك
أبـابـك أنـه أتوسلك .. يا قرآن
بعينـي تـلمـع قبتـك
و أوكف أني بعتبتك
الجنه أحسها بحضرتك .. يا قرآن
الـعـلـه تشفـه أبتـربتـك
الحاجه تـُقضه بحضرتك
و أحنـه نـأمـل نـظـرتـك
بزيارتـك .. يا أبو علي~~~~~~
لـو قرب مني الأجل
لقبري شالوني الأهل
سيـدي أنـت الأمـل .. يا رجـواي
وحدي لو راحوا هلي
بـ اللحـد تحضر الـي
محلفك أبداعـه علي .. يا رجـواي
وصيتي لليدفن يخط
ع القبـر يكتب شـرط
خـادم حسين السبط .. يا رجـواي
لو خلص عمري ومتت
وبـ القبر وحدي صرت
أنخـه وبأسمك صحت
و بغـربتك .. يا أبو علي~~~~~~
الشمس منك تستحي
وأنت هـز مهدك وحي
يـا ذكـر مـا يـنمحي .. يا مـولاي
جسمك يدوسه الفرس
و وجهك أتراب أنترس
وياك أنـه لآخر نـفـس .. يا مـولاي
سيدي بيوم الحشر
أبختك الخادم يـُمر
للـجنـان و يستقـر .. يا مـولاي
بـالحشر حامي الحمـه
بچفه يروي من الضمه
و نجتمـع يـم فـاطمـه
بمحبتـك .. يا أبو علي~~~~
{{ مـرتضى الخـزعلي }}
.
.
أويلاه يا كربله~~~~~
كربله دموع و ألـم
بيها مدفونه الشيم
جنه صارت للخدم
أرض الفداء
والتراب البيها سر
للعسر صارت يسر
ابتربه ينحل الأمر
بيها الشفاء
اويلاه يا كربله~~~~
للخلك صارت دوه
أبخت شيال اللـوه
يختلف حتى الهوه
بصحن الكفيل
بـاب للحاجـه الگمـر
ينجلي بصحنه القهر
الأعمى رجعله النظر
يشفي العليل
اويلاه يا كربله~~~~~~
بيها صارت ملحمه
وانسفك أطهر دمه
وونت أعليه السمه
من البلاء
حيرت أهل العقل
حـُره تنگـاد بحبل
ينذبح حتى الطفل
تبچي السماء
اويلاه يا كربله~~~~~~
تنچـوي ابنـار الخيم
تركض أطفال وحرم
ابكربلـه محـد سلـم
من العذاب
حسين بيها منذبح
شالوا الراس برمح
ضل ثلاثه منطرح
فوك التراب
اويلاه يا كربله~~~~~~
زيـن الــعبـاد أنفجـع
شاهد حسين أنصرع
الحافر بصدره أنطبع
والدم يسيل
اخوته فـوك الثـرى
عالارض دمهم جره
عمته تمشي ميسره
فوك الهزيل
اويلاه يا كربله~~~~
{{ مرتضى الخزعلي }}
.
.
خير ما نفتتح العزاء
السلام عليك ياحسين ~~~~~
مو فقط نبض القلب
حسين شريان المحب
وملجئ الناس
يا بخت عايش يضل
حسين للماعنده أهل
والـد أنقاس
الروح يمك تطمئن
أبابك يذوب الحزن
وتحله الأنفاس
يا ضامي يا طعين
السلام عليك يا حسين~~~
عالأرض لمن طحت
وتــَد للـدنيا صـرت
وثبتت الگاع
أبدمك الـدين أنبنى
والمجد ليك أنحنى
ودين ماضاع
حاضن الكون بصبر
رغـم خنصر منبتر
أچفوفك أوساع
يا قائد السفين
السلام عليك يا حسين~~~~
أتجاسر أعليك الألم
وقلبك بنبله أنجسم
وكثره الجروح
عوضك رب السمه
شيعه كلها امحزمه
وتفدي بالروح
يشيل راسك مجرمين
وشلت راس المسلمين
وأنت مذبوح
ياكوكب الحنين
السلام عليك يا حسين~~~
هيبه وأسمك بالقمم
أنت يا شيخ الخدم
اليخدمك فاز
الراح يم غيرك خسر
واللجئ ليك أنتصر
يشوف الأعجاز
تنطـي للخادم صفه
وفه وغيره ومعرفه
وللشرف حاز
يا ساكن الوتين
السلام عليك يا حسين~~~~~~~
{{ مرتضى الخزعلي }}
.
.
من تصفي النيه
وتنتخي أبدويه
حاجتك مگضيه
عند أم البنين ~~~~~~
من تضگ بيك الوسيعه أنتخي بأم الگـمر
الصعبه تنحل بسهوله وعنك يزول الخطر
هاي أم نفس الأبيـه أتحدت أحزان الدهر
الله جـازاهـا وجعـلـها بـاب رحمـه للـبشر
أبـد لا تنساهـا
الفاتحة تقراها
أبشاره تتلكاها
عند أم البنين ~~~~~~
هيه بـالمحشر شفيعه وللخلگ صارت معين
تگضي حاجاته وتفرحه اليندعي منها بيقين
وتشفـي كـل علـه مريض بـأذن رب العالمين
مثل لمـح البصر وأسـرع ينجلي هم السنين
بأذن رب العالي
ب الشدد لتبالي
كلشي ينحل تالي
عند أم البنين ~~~~~~
ضحت بأربع كواكب لأجل دين المصطفى
من نسـاء الـعرب الله مصطفـي أم الوفـه
الكرامـات بـأديـهـا وللـكـرم صـارت صفـه
أندب أم عباس أندب حزنك تشوفه أختفه
أنــدب أم الأربـــع
بصافي نيه ومدمع
والحـوائـج أسـرع
عند أم البنين~~~~~~
هاي منبع للشهامه الخلفت بس الكفو
وبولدها الناس تحلف هلفخر ناله منو
الطاهره أمهم الحره وقالع الباب الأبو
والكريم أبن الزچيه سيد الناس الأخو
والـكـرم والـخـوه
والشرف والنخوه
وما تخيب الدعوه
عند أم البنين ~~~~~~~
بكربلـه ويـه الغريب الأربعـه وكفـوا سـوه
حصدوا أرواح العساكر والعدو بدمه أرتوه
بچف أبو فاضل تشوفه عالي ويرف اللوه
للـنهر طب الكفيل المـاي من عنده أنچـوه
هـذا راعـي الـغيره
يحل زغيره چبيره
والـگمـر تـفسيـره
عند أم البنين~~~~~~
{{ مرتضى الخزعلي }}
.
.
يا أبو فاضل .. يا عباس
يا أبو فاضل .. يا عباس~~~~~~
من أضيگ الأنفاس قلبك يمتلي بـهم
بأمرك أنت تحتار أسمـع مني وأفـهم
من تنسد الأبـواب أنـخه الگـمر تسلم
باب الحاجه معروف ولكل عله مرهم
يا أبو فاضل .. يا عباس
يا أبو فاضل .. يا عباس~~~~
دوم البـاب مفتوح أبـد ميردلـه سائـل
القصايد مـا تكفيه لو أحجي الفضائـل
عوف أبظهرك الناس وأتعنه أبو فاضل
فوك النجـم مولاي صيته هناك واصل
يا أبو فاضل .. يا عباس
يا أبو فاضل .. يا عباس~~~~
هيبـه ابكربله اتشوف قبتـه والمنـاره
أدخل صحنه وهناك شم عطر الغياره
صفي النيه ونخـاه ولو دمعك تجـاره
أجـاك الأذن معنـاه و مقبوله الـزياره
يا أبو فاضل .. يا عباس
يا أبو فاضل .. يا عباس~~~~
هذا أبو النوماس حامي ظـعن الحسين
عالشط طاح مذبوح حتى يعتلي الدين
ضامي ماشرب ماي انطه يساره ويمين
ضحه بدمه والروح طاح و نبلـه بالعين
يا أبو فاضل .. يا عباس
يا أبو فاضل .. يا عباس~~~~
أبلايه أجفوف من طاح وأتلكه الوطيه
صـاح أدركني يحسين من قبل الـمنيه
رد مكسور الحسين ظهره بموت أخيه
بطيحه گمـر عدنان طـاح أبن الـزچيه
يا أبو فاضل .. يا عباس
يا أبو فاضل .. يا عباس~~~~~
{{ مرتضى الخزعلي }}
.