Fotiha.Uz

26 июня 2024 08:44

Касалликларга шифо бўлувчи намоз

Аллоҳнинг муҳаббатига ва Ўзига яқин бўлишга олиб борувчи, Расулуллоҳ соллаллоҳу алайҳи васалламнинг суннатлари, тақводорларнинг завқи ва солиҳларнинг одати бўлган бу намозни кўпчилик эътибордан четда қолдиради.
Кимки ушбу намозни ўқиса мусибат ва ташвишлардан, ғам-ғуссалардан қутилади, қашшоқлик кўрмайди, ҳар бир дардига шифо топади. Охиратда эса Аллоҳ таоло Ўз раҳмати ва мағфирати ила Жаннатига киритур: “Иймон келтириб, яхши амалларни қилганларни остидан анҳорлар оқиб турган жаннатларга киритурмиз. Унда абадий – бардавом қолурлар. Аллоҳнинг ваъдаси ҳақдир. Аллоҳдан ростгўйроқ зот борми?” (Нисо сураси, 122-оят).
Савол: Бу қандай намоз? У қандай адо этилади?

Жавоби ушбу линкда

♻️ Улашинг
/channel/FotihaUz

Fotiha.Uz

26 июня 2024 08:40

​​ОТАГА ҚАРАШЛИ УЙНИ МАҲРГА БЕРИШ
#маҳр

CАВОЛ: Ўғли уйланаётган вақтда келинга маҳр сифатида отасининг уйини бериши мумкинми? Бу маҳрга ўтадими?

💬 ЖАВОБ: Бисмиллаҳир Роҳманир Роҳим. Гарчи отасининг уйи бўлса ҳам Маҳрга келишилган уй отанинг мулки бўлса, уни маҳр сифатида аёлига бера олмайди . Чунки у бировнинг мулки ҳисобланади. Бировнинг мулкини эса, бошқага сотиши, ҳадя қилиши ёки маҳр сифати бериши дуруст эмас. Бу борада фиқҳий манбаларда шундай баён қилинган:
ومنها أن يكون مملوكا للواهب فلا تجوز هبة مال الغير بغير إذنه لاستحالة تمليك ما ليس بمملوك للواهب
“Бирор нарсани ҳадя қилишнинг шартларидан бири шу нарса ҳадя қилувчининг мулки бўлиши керак. Бошқанинг молини унинг изнисиз ҳадя қилиш мумкин эмас. Чунки ҳадя қилувчининг мулки бўлмаган нарсани бошқага бериш имконсиздир” (“Фатовои Оламгирия” китоби).
Аммо отаси уйни ўғлига ҳадя қилган бўлса, шунда ўғил уйни аёлига маҳр сифатида бериши мумкин. Уй келинга маҳр бўлиб ўтгандан кейин бутунлай унинг ҳақига айланади. Валлоҳу аълам.

@FotihaUz

Fotiha.Uz

25 июня 2024 03:21

​​ВИДОЛАШУВ ТАВОФИДАН КЕЙИН БИР НЕЧА КУН МАККАДА ҚОЛСА
#Ҳаж_умра

❓CАВОЛ: Биз ҳаж амалларини тугатиб, Видолашув тавофини ҳам қилдик. Лекин Маккада яна бир неча кун турар эканмиз. Бу ҳолатда Видолашув тавофини қайта қилиш шарт эмасми?

💬 ЖАВОБ: Бисмиллаҳир Роҳманир Роҳим. Видолашув тавофи ҳажнинг барча амалларини тугатиб, ватанга қайтишдан аввал бажариладиган тавоф бўлиб, ватанга қайтишга чоғлангандан олдин қилиш мустаҳаб саналади. Агар саволда айтилгандек Видолашув тавофини қилгандан кейин яна бир неча кун Маккада қолиб кетса, қайтадан тавоф қилиш вожиб бўлмайди. Лекин афзали кетишдан аввал яна Видолашув тавофини қилишдир. Аммо қилмаса, жарима, гуноҳ ёки хато ҳисобланмайди. Чунки ҳожи биринчи қилган Видолашув тавофи билан зиммасидаги вожибни адо қилган бўлади.
“Бадоиъус саноиъ” китобида бундай дейилган:
لَوْ طَافَ لِلصَّدْرِ ثُمَّ تَشَاغَلَ بِمَكَّةَ بَعْدَهُ لَا يَجِبُ عَلَيْهِ طَوَافٌ آخَرُ... وَرُوِيَ عَنْ أَبِي حَنِيفَةَ أَنَّهُ قَالَ إذَا طَافَ لِلصَّدْرِ ثُمَّ أَقَامَ إلَى الْعِشَاءِ فَأَحَبُّ إلَيَّ أَنْ يَطُوفَ طَوَافًا آخَرَ لِئَلَّا يَحُولَ بَيْنَ طَوَافِهِ وَبَيْنَ نَفْرِهِ حَائِلٌ .

“Агар садар (видолашув) тавофини қилиб кейин Маккада бошқа ишлар билан машғул бўлса, зиммасига қайта тавоф қилиш вожиб бўлмайди. Имом Абу Ҳанифа раҳимаҳуллоҳнинг шундай деганлари ривоят қилинган: “Ҳожи Видолашув тавофини қилиб кейин Хуфтонгача Маккада қолиб кетса, менинг наздимда қайта тавоф қилиши яхшироқ. Шунда тавофи ва ватанга қайтиши орасига бошқа иш тушиб қолмаган бўлади”.
Шунинг учун ҳожи истаса, ватанга қайтишидан аввал тавоф қилса, яхши, қилмаса, ҳеч қандай жарима ёки гуноҳ бўлмайди. Валлоҳу аълам.

T.me/FotihaUz

Fotiha.Uz

25 июня 2024 03:18

Гўзал аҳлоқ

Ривоят қилинишича, амир Саид ибн Ос Рамазон ойида кишиларга таом улашар экан. Бир зиёфатдан кейин кишилар кетгач унинг ҳузурида Қурайшлик бир йигит қолди. Саид унга: "Менда бирор бир ҳожатинг бўлса керак" , деди. У йигит: " Ҳа, Аллоҳ амирни ислоҳ қилсин!" , деди. Саид шамни ўчириб унга: "Нима ҳожатинг бор?" , деди. Йигит: " Мўъминлар амирига менинг қарзим борлиги ва уй-жойга муҳтож эканлигим ҳақида билдириб мактуб ёзиб берсангиз" , деди. Саид: "Қарзинг қанча ", деб сўради. У қарзини қанчалигини ва уй-жойнинг ҳам нархини айтди. Саид унга айтилган пулни бериб деди: "Мана буни ол. Биз сени сафар машаққатидан озод қиламиз. Халифанинг ҳузурига бориб ўтирма" , деди.
Кишилар: "Саиднинг у йигитга етарли мол берганидан ҳам сўраш пайтидаги юздаги хорликни кўрмаслик учун шамни ўчиргани гўзалроқ бўлган" , дейишар эди.

Азизлар! Савоб ва ажр бўлсин, дўстларингизга ҳам улашинг.
Каналга аъзо бўлиш: 👇🏻👇🏻👇🏻
/channel/FotihaUz

Fotiha.Uz

21 июня 2024 19:40

Илм йўлини тутганлар

Бир куни Набий саллоллоҳу алайҳи ва саллам саҳобалар билан ўтирганларида уларни илмга тарғиб қилиб шундай дедилар:
“Ким илм талаб қилиш йўлига кирса Аллоҳ унга жаннатнинг йўлини осон қилиб қўяди. Фаришталар толиби илмдан рози бўлиб унга қанотларини тўшаб туришади. Олимга самолардаги ва ердаги барча нарсалар, ҳатто денгиздаги балиқлар ҳам истиғфор айтади. Олимнинг обиддан афзаллиги ойнинг бошқа юлдузлардан афзаллигига ўхшайди. Олимлар пайғамбарларнинг меросхўрларидир. Пайғамбарлар динор ёки дирҳам мерос қолдиришмайди. Улар илмни мерос қолдиришади. Ким уни олса, демак тўлиқ насибани олибди”.

Каналга аъзо бўлиш: 👇🏻👇🏻👇🏻
/channel/FotihaUz

Fotiha.Uz

20 июня 2024 21:08

✨Кунларнинг султони Саййид-ул айём ҳаджул масокин яна бир Жума кунига насиб қилган "Аллоҳ" таолога ҳамду санолар бўлсин!

Жума айёмингиз муборак бўлсин ҚАДРДОНЛАРИМ❗️

👉 @FotihaUz

Fotiha.Uz

20 июня 2024 15:17

Safardan qaytish odoblari

Shayx Muhammad Sodiq Muhammad Yusuf rahimahulloh

@FotihaUz

Fotiha.Uz

20 июня 2024 07:18

Koʻpchilik bilan safarga chiqishdagi tavsiyalar

Shayx Muhammad Sodiq Muhammad Yusuf rahimahulloh

@FotihaUz

Fotiha.Uz

19 июня 2024 17:39

Эртага «Қабул-2024» бошланади

Ўзбекистон мусулмонлари идораси тасарруфидаги Тошкент ислом институтида 2024-2025 ўқув йили учун қабул жараёнларини юқори савияда ташкил этиш ва қабул имтиҳонларини шаффоф, очиқ ва ошкора ўтказиш мақсадида қабул комиссияси йиғилиши бўлиб ўтди.

Аввал хабар берганимиздек, кундузги таълим тизими абитуриентлардан ҳужжатларни қабул қилиш жараёнлари 20 июндан 20 июлгача ва Модуль таълим тизими учун 15 июлдан 30 июлгача оффлайн шаклда тасдиқланган қабул низомлари асосида ташкил этилади.

🔗 Тўлиқ ўқиш: https://islom.uz/maqola/22310

@FotihaUz

Fotiha.Uz

19 июня 2024 07:15

ЎҚИШ

Ҳаётимдаги бурилиш нуқта - онам телевизорни ўчириб қўйиб, мени ўқишга мажбур қилган кундир.

Бен Карсон, машҳур нейрохирург, сиам эгизакларини бир-биридан муваффақиятли ажратган дунёдаги иккинчи одам.

------------
Биринчиси ким бўлган экан деб ҳайрон бўлаётгандирсиз? Имом Абу Ҳанифа раҳимаҳуллоҳ бўлганлар. Танаси ёпишган эгизакларнинг бири вафот этганда, буюк имомнинг олдиларига маслаҳат сўраб келишган. Шунда имом Абу Ҳанифа раҳимаҳуллоҳ вафот этган тарафини ерга кўмиб, тиригига овқат бериб, қараб туришни маслаҳат берганлар. Уч кун ўтиб, ер эгизакларни бир-биридан ажратган.


Каналга аъзо бўлиш: 👇🏻👇🏻👇🏻
/channel/FotihaUz

Fotiha.Uz

19 июня 2024 07:11

СУНЪИЙ ИПАКЛИ КИЙИМ КИЙИШ
#ҳалол_ҳаром

CАВОЛ: Биламизки, динимизда эркаклар ипак матодан кийим кийиши ман қилинган. Бир шим сотиб олгандим. Шу шимнинг 70 % матоси сунъий ипак деб ёзибди, яъни сунъий ипак экан. Шу шимни кийиш жоизми?

💬 ЖАВОБ: Бисмиллаҳир Роҳманир Роҳим. Сунъий ипак ҳақиқий ипакка муқобил равишда ишлаб чиқарилган мато тури холос. Унга ҳақиқий ипакнинг ҳукми берилмайди. Ундан тикилган кийимларни кийиш эркаклар учун жоиздир. Ҳадисларда таъқиқланган ипак ҳақиқий, табиий ипакдир.
عَنْ أَبِي مُوسَى الْأَشْعَرِيِّ: أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ حُرِّمَ لِبَاسُ الْحَرِيرِ وَالذَّهَبِ عَلَى ذُكُورِ أُمَّتِي وَأُحِلَّ لِإِنَاثِهِمْ
Абу Мусо Ашъарий розияллоҳу анҳудан ривоят қилинади: “Расулуллоҳ соллаллоҳу алайҳи васаллам: «Ипак кийим ва тилла умматимнинг эркакларига ҳаром қилинди, аёлларига ҳалол қилинди», дедилар” (Имом Термизий ривояти).
Ипакнинг эркакларга ҳаром қилиниши ҳикмати, бу мато жуда нафис ва мулойим бўлиб, аёллик табиати ҳамда латофатига мос келади. Аксинча эркакларнинг табиатига эса мувофиқ келмайди. Валлоҳу аълам.

Ўзбекистон мусулмонлари идораси
Фатво маркази.

T.me/FotihaUz

Fotiha.Uz

18 июня 2024 17:09

Oddiy bir gugurtdan ibrat ol yurak yondirmog‘ing uchun  avval yonmog‘ing kerak...

@FotihaUz

Fotiha.Uz

16 июня 2024 21:05

Эҳсон

Ҳассон ибн Саъид Махзумий (463 ҳижрийда вафот этган) масжид бино қилмоқчи бўлди. Бир аёл масжидга ҳиссасини қўшмоқчи бўлиб унга кийим олиб келди. Уни сотиб пулини масжидга ишлатмоқчи эди. Кийимнинг нархи ярим динордан ошмас эди. Ҳассон ибн Саъид ундан кийимини минг динорга сотиб олди. Пулни хазиначига бериб уни масжидга сарф қилишни айтди. Кийимни эса кафанлик қиламан деб яшириб қўйди.

Кўнгил олиш махфий ибодатларнинг энг буюкларидандир. Бу билан банда Аллоҳга яқин бўлади. Қуръони Каримда айнан «кўнгил олиш» жумласи келмаган бўлсада шу маънодаги жумлалар тиқилиб ётибди. Басирати очиқлар учун уларни топиш қийин бўлмайди!


Азизлар! Савоб ва ажр бўлсин, дўстларингизга ҳам улашинг.
Каналга аъзо бўлиш: 👇🏻👇🏻👇🏻
/channel/FotihaUz

Fotiha.Uz

16 июня 2024 06:11

#duo #qurbonlik

🤲 ҚУРБОНЛИК ҚИЛИНАЁТГАНДА ЎҚИЛАДИГАН 5 ДУО

بسم الله والله أكبر اللهم منك ولك اللهم تقبل مني

🗣 Ўқилиши: Бисмиллаҳи. Валлоҳу акбар. Аллоҳумма минка ва лака. Аллоҳумма тақоббал минний.

📝 Маъноси: Аллоҳнинг номи билан. Аллоҳ улуғдир. Аллоҳим, бу Сендан ва Сен учундир. Аллоҳим, мендан қабул эт.

♻️ /channel/FotihaUz

Fotiha.Uz

16 июня 2024 01:34

АССАЛОМУ АЛАЙКУМ ВА РОҲМАТУЛЛОҲИ ВА БАРОКАТУҲ!
Барча мўмин-мусулмонларни
“Ийд ал-адҳа” - ҚУРБОН ҲАЙИТИ байрами билан қутлаймиз.  БАЙРАМИНГИЗ МУБОРАК БЎЛСИН!!!

🤲🏻Дуога қўл очинг, Толмасин билак,
Бугун сўрайверинг, Хар неки тилак.
Файзи билан берур, Аллоҳ таборак.
Тавба сохибига «ҚУРБОН ҲАЙИТИ» Муборак...

🕌Аллоҳ субханаҳу ва Таоло барча мўмин мусулмонлар қатори сиз билан бизларга ҳам миллатдошу ватандошларимизга муборак айласин. Бу байрам барчамизга иймон, этиқод, тақво, ибодат, хайр ва баракага сабабчи бўладиган байрамларимиздан бўлишини насиб этсин.🤲🏻

🤲🏻Аллоҳ қилаётган солиҳ  амалларимизни собитқадам, иймонимизни мустахкам қилсин.  АМИЙН!

Яқинларингизни ҳам табрикланг
/channel/FotihaUz

Fotiha.Uz

26 июня 2024 08:41

ҚАБР ИККИ МАНЗИЛНИНГ БИРИДИР

Абу Мусо ўлими яқинлашганини сезиб, хизматкорларини чақирди. Уларга: «Бориб, мен учун қабр кавланглар, чуқурроқ қилинглар», деди. Хизматкорлар қабрни кавлаб, қайтиб келишди ва кавлаб бўлганларини айтишди.
Абу Мусо: «Мени ўтирғизиб ўтирғизиб қўйинглар», деди. Сўнгра шундай деди: «Жоним қўлида бўлган Зотга қасамки, қабр икки манзилдан бири бўлади. Биринчиси бўлса, қабрим кенг қилиб қўйилади, ҳар томони қирқ зироъдан бўлади. Менга жаннат эшикларидан бири очиб қўйилади. Мен у ердаги ўзимнинг жойимни, аёлларимни (ҳурларни) ва Аллоҳ азза ва жалла мен учун ҳозирлаб қўйган неъматларни кўриб тураман. Сўнгра мени жаннатдаги жойимга, ўша кундаги аҳлимнинг ҳузурига олиб боришади. Шундай қилиб, қайта тирилгунимча жаннатнинг хушбўй ҳидларию роҳатлари менга етиб туради. Иккинчиси бўлса, қабрим шу даражада тор бўладики, қовурғаларим бир-бирига киришиб кетади, бундан ҳам торроқ бўлади. Менга жаҳаннам эшикларидан бири очиб қўйилади. Мен жаҳаннамдаги жойимни, Аллоҳ азза ва жалла мен учун тайёрлаб қўйган занжир-кишанларни ва у ердаги шерикларимни кўриб тураман. Сўнгра мени жаҳаннамдаги жойимга, ўша кундаги аҳлимга олиб боришади. То қиёматгача жаҳаннамнинг иссиқ шамоли ва қайноқ суви менга келиб туради», деди.
("Солиҳлар гулшани")

Азизлар! Савоб ва ажр бўлсин, дўстларингизга ҳам улашинг.
Каналга аъзо бўлиш: 👇🏻👇🏻👇🏻
/channel/FotihaUz

Fotiha.Uz

25 июня 2024 18:49

Аслида дўстлар ўзгармайди. Лекин баъзиларни дўст дейишга
шошилиб қўямиз-да…


T.me/FotihaUz

Fotiha.Uz

25 июня 2024 03:19

ҚАНДАЙ ЯШАМОҚДАСАН?

– Умидсизликка тушма! Умидсизлик Аллоҳнинг раҳматига ношукрлик бўлади.
– Ғазабланма!
Ғазаб фазилатларни барбод қилади.
– Кек сақлама!
Кек сақлаш ҳаётнинг гўзаллигини ўчириб юборади.
– Маҳзун бўлма!
Маҳзунлик жисмга ҳам, асабга ҳам талофат етказиб, чидаб бўлмас ғам-ғуссага гирифтор қилади.
– Атрофингдаги воқеаларга бепарво бўлма!
Бошқаларга самимий ҳамдард бўлиш – инсоний хусусиятлардандир.
– Ҳаргиз худбин бўла кўрма!
Бошқаларга яхшиликни раво кўриш (ийсор) инсоний фазилатларнинг энг гўзалидир.
– Қўлга кирита олмаган нарсангга маҳзун бўлма!
Агар у пешонангга ёзилган бўлса, албатта насиб қилади.
«Бизга Аллоҳ ёзиб қўйган нарсадан ўзгаси зинҳор етмайди»
(Тавба сураси, 51-оят)

Азизлар! Савоб ва ажр бўлсин, дўстларингизга ҳам улашинг.
Каналга аъзо бўлиш: 👇🏻👇🏻👇🏻
/channel/FotihaUz

Fotiha.Uz

25 июня 2024 03:18

OTAM BILAN ONAM AJRASHGAN MEROS MASALASI…?

@FotihaUz

Fotiha.Uz

21 июня 2024 00:13

🌙 Ким Қаҳф сурасини жума куни қироат қилса...

Абу Саъид розияллоҳу анҳудан ривоят қилинади. Расулуллоҳ соллаллоҳу алайҳи васаллам: "Ким Қаҳф сурасини жума куни қироат қилса, унга икки жума орасича нур зиё сочади", дедилар.
———
▶️ Каҳф сураси
📀 Абдулбасит Абдуссомад роҳимаҳуллоҳ

#Қуръон #Каҳф

T.me/FotihaUz

Fotiha.Uz

20 июня 2024 18:11

TAHORAT QILAYOTGANIMDA BOSHIMGA MAS TORTISHIM ESIMDAN CHIQIB QOLADI…?

@FotihaUz

Fotiha.Uz

20 июня 2024 07:18

Илм йўлини тутганлар

Олдингиларнинг илм йўлидаги машаққатлари ҳақида келган қиссаларни ўқиб ажабланасан. Имом Бухорий роҳимаҳуллоҳ биттагина ҳадис учун бир шаҳардан бошқа шаҳарга сафар қилганлар. Имом Розий илм учун ялангоёқ йўлга чиққан эдилар. Бу сафарлари ҳақида шундай дейдилар:
“Ҳадис талабида йилнинг аввалида йўлга чиқдим. Юрган қадамимни санадим. Минг фарсахдан ошиб кетди”.
Бир фарсах тўрт километр бўлади. Яъни, у киши илм талаб қилиб тўрт минг километр йўл босганлар.
Бугун илм йўлидаги ҳимматлар жон бериш арафасида десак ҳам бўлаверади. ёнимиздаги маҳаллада “Саҳиҳ Бухорий”дан дарс бўлади. Аммо уни узоқ ҳисоблаймиз. Бир маҳаллада қуръон ўқитиладиган жойлар ёпилса бошқа маҳалладаги жойни узоқ ҳисоблаймиз. Расулуллоҳнинг меросларини олишда хижолат бўларли даражада дангасалик қиламиз!

Каналга аъзо бўлиш: 👇🏻👇🏻👇🏻
/channel/FotihaUz

Fotiha.Uz

19 июня 2024 19:45

Umar ibn Abdul-Aziz rohimahulloh shunday deganlar:
"Olim bo'ling, buni qilolmasangiz tolib bo'ling, buni bajara olmasangiz ularga mehr qo'ying, unday ham qilolmasangiz unda hech bo'lmasa ularni yomon ko'rmang."

@FotihaUz

Fotiha.Uz

19 июня 2024 10:41

MUSULMON KISHIGA NASRONIY KISHI MOLIDAN VASIYAT QILIB QOLDIRSA…?

T.me/FotihaUz

Fotiha.Uz

19 июня 2024 07:13

Ulovga minish va safarga chiqishdagi duolar

Shayx Muhammad Sodiq Muhammad Yusuf rahimahulloh

@FotihaUz

Fotiha.Uz

19 июня 2024 07:10

Kechirish kerak. Tushuning axir, insonlarning xatolarini oqlamoqqa bir sabab bor - ular ilk bora yashamoqdalar!

Aziz Nesin


@FotihaUz

Fotiha.Uz

17 июня 2024 05:48

Bolalikda quyosh sekin chiqayotgandek bo'laveradi.
Keksalikda quyosh tez botayotgandek bo'laveradi…
O'tkir Hoshimov ("Daftar hoshiyasidagi bitiklar" kitobidan)

T.me/FotihaUz

Fotiha.Uz

16 июня 2024 20:26

BOYLIGI KO’PAYISHINI

T.me/FotihaUz

Fotiha.Uz

16 июня 2024 06:09

Қурбонлик дуоси

اللهم إِنَّ صَلٰوتِي وَنُسُكِي وَمَحْيَايَ ومَمَاتِي للهِ رَبِّ العَالَمِينَ، لاَ شَرِيكَ لَهُ، اللهمَّ تقَبَّلْ هَذِهِ الأُضْحِيَةَ. بِسْمِ اللهِ وَاللهُ أكبرُ، اللهُمَّ هَذَا مِنْكَ وَلَكَ، اللهُمَّ تَقَبَّلْ هَذِهِ الأُضْحِيَةَ مِنِّي أَوْ مِنْ فُلاَنٍ.

Аллоҳумма инна солатии ва нусукии ва маҳяя ва маматии лиллаҳи роббил аламиин. Ла шарийка лаҳ, Аллоҳумма тақоббал ҳазиҳил узҳията. Бисмиллаҳи Аллоҳу акбар. Аллоҳумма ҳаза минка ва лака Аллоҳумма тақоббал ҳазиҳил узҳията минний.

Маъноси: Аллоҳим менинг намозим ва ибодатим, тириклигим ва ўлимлигим, барча оламнинг ҳожаси бўлган Аллоҳ учундир. Аллоҳнинг тенги ва шериги йўқдир. Аллоҳим бу қурбонликни қабул айла. Аллоҳнинг номи билан. Аллоҳ улуғдир. Аллоҳим, бу сендан ва сенинг учундир. Аллоҳим, бу қурбонликни мендан қабул этгин!


T.me/FotihaUz

Fotiha.Uz

15 июня 2024 21:37

🌺 Қурбон ҳайити билан табриклаш дуоси

🌼 Расулуллоҳ соллаллоҳу алайҳи васалламнинг саҳобалари ҳайит куни бир-бирларини:
تقبل الله منا ومنكم
🌷 "Тақоббалаллоҳу миннаа ва минкум"

💐 "Аллоҳ биз ва сиздан (ибодатларимизни) қабул қилсин", деб табриклашарди.

🤲 Аллоҳ таоло ибодатларингизни Ўз даргоҳида ҳусни қабул этсин!

عيدكم مبارك
🌸 Байрамингиз муборак бўлсин!

🌹 Яқинларингизни ҳам табрикланг
/channel/FotihaUz