Fotiha.Uz

07 марта 2024 20:20

Фузайл ибн Иёз роҳимаҳуллоҳ айтадилар:

Беш нарса бадбахтлик аломатидир:

1. Қалб қаттиқлиги.
2. Кўзга ёш келмаслиги.
3. Ҳаёнинг оз бўлиши.
4. Дунёга рағбат бўлиши.
5. Орзунинг узунлиги.

* * *

Икки ҳикматни ёдлаб ол:
Биринчиси - ғазабинг чўққига чиққанида қарорлар қабул қилма.
Иккинчиси - бахтли ҳаёт чўққисига чиққ​анингда ваъдалар берма.

Дўстларга ҳам улашинг!👇
T.me/FotihaUz

Fotiha.Uz

07 марта 2024 13:58

ҚАРЗНИ УНДИРИБ БЕРГАНИ УЧУН ҲАҚ ОЛИШ ЖОИЗМИ?
#қисқа_савол_жавоблар

❓CАВОЛ: Бир савдогар катта миқдорда харидорига нарса сотган. Қисқа вақтдан сўнг савдогар пулини талаб қилган, харидор эса "ман сани танимиман, сандан ҳеч нарса олмаганман" деган. Савдогар нима қилишни билмай таниш биродарига пулини олиб беришини илтимос қилган. Савдогарнинг дўсти унга тушунтирган, агар пулини қайтариб бермаса яхшилик бўлмаслигини айтган. Харидор пулини қайтариб берган. Савдогар у пулни ярмини дўстига берган, дўсти олган пул шунда ҳаром ҳисобланмайдими?

💬 ЖАВОБ: Бисмиллаҳир Роҳманир Роҳим.
Умумий қоидага кўра рибовий қарзлардан бошқа қарзларни ундириб бергани учун маълум миқдорда ҳақ олиш жоиз. Ҳозирги бу ишни судлар амалга оширмоқда.

Аммо бу ишни ҳар ким ҳам қилиши жоиз эмас. Балки бу иш қонун доирасида, маълум қоидалар асосида қилинади. Агар бу ишни тўғри келган одам қилиб кетаверадиган бўлса, кучлилар кучсизларга зулм қилиш йўлига ўтиб олади, натижада жамиятда зулм кўпайишига сабаб бўлади. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @FotihaUz

Fotiha.Uz

07 марта 2024 10:22

Аллоҳ ҳар мавжудотига ўзига муносиб жавҳарни берди.
Мушукнинг қаноти бўлганида, чумчуқнинг насли қирилиб кетарди.

©Саъдий Шерозий

T.me/FotihaUz

Fotiha.Uz

07 марта 2024 05:14

HAROM NARSALARNI ISTE’MOL QILGAN…?

@FotihaUz

Fotiha.Uz

06 марта 2024 07:06

Қалби ва тили бир ҳил бўлмаган инсон юз тилни билса ҳам тилсиздир.

©Жалолиддин Румий

T.me/FotihaUz

Fotiha.Uz

05 марта 2024 12:38

Payg‘ambarni Allohga tenglashtirib qo‘ymang

©️ Shayx Muhammad Sodiq Muhammad Yusuf

T.me/FotihaUz

Fotiha.Uz

05 марта 2024 10:30

УСТОЗЛИК ҲАҚЛАРИ
#қисқа_савол_жавоблар

❓CАВОЛ: Мен ўқитувчиман. Устозлик ҳақлари қанақа? Устозлик соҳасида динимиз кўрсатмалари керак эди.

💬 ЖАВОБ: Бисмиллаҳир Роҳманир Роҳим.
Расулуллоҳ саллаллоҳу алайҳи васаллам марҳамат қилиб айганлар: “Албатта мен муаллим қилиб юборилганман”. Дарҳақиқат, ўзгаларга илму маърифат зиёсини тарқатиш нақадар савобли амал. Бу вазифага мутасадди бўлган кишининг даражаси ҳам мислсиз. Шунинг учун ҳам борлиқдаги ҳамма нарса устознинг ҳаққига дуо қилиб туради. Расулуллоҳ саллаллоҳу алайҳи васаллам бу ҳақда шундай марҳамат қилганлар: “Албатта Аллоҳ таоло, унинг фаришталари, осмонлару ер аҳли кавагидаги чумоли, ҳаттоки, денгиздаги балиқ ҳам одамларга таълим берувчи устозларга саловат айтадилар”, деганлар. Ризоуддин Ибн Фахриддин устозларга шундай насиҳат қилган эди: “Шогирдингизни ҳар бир ҳаракатларига қараб туринглар, уларга хушмуомалани, гўзал-у шафқатли одатларни тушунтирингиз, сўзларини-ю феълларини яхшилангиз, уст-бошларини, кийим-кечакларини пок тутишини назорат қилинглар. Ёмон хулқлар юқумли бўлганидан бир шогирднинг ёмон хулқи борлигини билсангиз, жумласини баробар кўриб, жумласи фойда олажак равишда ўргатингиз, фойдали ишлар, керакли адабларнинг жумласидан хабардор айлангиз, натижада бола мумкин қадар режа ила иш қилмоқ, эҳтиёткорлик, поклик, кўркам тартиб, кўп фойдасига тиришмак каби хосиятларингизни эгаллаб олади”. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: T.me/FotihaUz

Fotiha.Uz

04 марта 2024 13:53

Билгинки, Рамазон – раҳмат ва мағфират ойи.

Ҳақиқат аҳлининг айтишича, рўза туфайли гуноҳлар кечирилади, қалблар нурланади.

Аллоҳ таоло Мусо алайҳиссаломга:
“Мен Муҳаммад алайҳиссаломнинг умматига икки зулмат зарар қилмаслиги учун икки нур бердим”, деди.
Мусо алайҳиссалом: “Икки нур нима?” деб сўради.
Аллоҳ таоло: “Рамазон ва Қуръон нури”, деди.
Мусо алайҳиссалом: “Икки зулмат-чи?” деди.
Аллоҳ таоло: “Қабр ва қиёмат зулмати”, деди.

@FotihaUz

Fotiha.Uz

04 марта 2024 05:12

Rosululloh Alayhissalomning Ramazon tabriklari

T.me/FotihaUz

Fotiha.Uz

03 марта 2024 10:51

НАРХГА ҚЎШИБ ЁЗДИРИШ
#савдо #ҳалол_ҳаром

CАВОЛ: Мен улгуржи савдо билан шуғулланаман. Мендан турли дўконлар, айрим ҳолатда ташкилотлардан ходимлар келади. Шулар ичида айримлари нархни қўшиб ёзиб беришни сўрашади. Масалан, товарнинг нархи 50 минг бўлса, 70 минг деб ёзинг. Мен сизга пулини олиб келганимда 20 мингни менга қайтиб берасиз, дейишади. Уларнинг бу иши жоизми? Улар билан шу шаклда савдо қилсам бўладими?

💬 ЖАВОБ: Бисмиллаҳир Роҳманир Роҳим. Ислом дини инсонга ҳамиша ишлаб топаётган пулини фақат ҳалол йўл билан бўлишига аҳамият қаратиши зарур. Ҳалол бўлмаган молни ноҳақ ўзлаштириб оладиган кимсалар, гарчи кўзга ишбилармондек кўринса-да, ночор ва бечора кишилар айнан ўшалардир. Аллоҳ таоло Қуръони каримда марҳамат қилади:
يَا أَيُّهَا الَّذِينَ آمَنُوا لَا تَأْكُلُوا أَمْوَالَكُمْ بَيْنَكُمْ بِالْبَاطِلِ إِلَّا أَنْ تَكُونَ تِجَارَةً عَنْ تَرَاضٍ مِنْكُمْ وَلَا تَقْتُلُوا أَنْفُسَكُمْ إِنَّ اللَّهَ كَانَ بِكُمْ رَحِيمًا
“Эй иймон келтирганлар! Бир-бирларингизнинг молларингизни ботил йўл билан еманг” (Нисо сураси 29-оят).
Юқоридаги ишлар ҳам мутлақо жоиз эмас. Чунки ишчи ва ходим кабилар иш жойининг вакили сифатида иш юритади ва мана шу ишларни бажараётганлиги учун унга корхона маош ажратади. Исломда вакил ўзига нима вазифа юклатилган бўлса, ўшани бажариши керак. Қўшиб ёзишни талаб қилиш ва шу орқали олган ортиқча пулни ўзлаштириш унга ҳалол бўлмайди. Бу ишда алдов, омонатга хиёнат қилиш каби бир неча гуноҳлар бор.
Абу Ҳурайра розияллоҳу анҳудан қилинган ривоятда Пайғамбаримиз соллаллоҳу алайҳи васаллам:
مَنْ غَشَّ فَلَيْسَ مِنِّي
“Ким алдаса, мендан эмас”, деганлар (Имом Муслим ривояти).
Бошқа бир ҳадиси шарифда:
عَنْ أَبِي هُرَيْرَةَ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ: "آيَةُ الْمُنَافِقِ ثَلَاثٌ : إِذَا حَدَّثَ كَذَبَ ، وَإِذَا وَعَدَ أَخْلَفَ ، وَإِذَا اؤْتُمِنَ خَانَ" (رواه البخاري).
Абу Ҳурайра розияллоҳу анҳудан ривоят қилинади: “Расулуллоҳ соллаллоҳу алайҳи васаллам айтадилар: “Мунофиқ уч нарсада билинади: Гапирса ёлғон гапиради, ваъда берса бажармайди, омонатга хиёнат қилади” (Имом Бухорий ривояти).
Шунингдек, иш берувчининг номидан маҳсулот сотиб олгани борган кишига айрим сотувчилар чегирма қилиб, маҳсулот учун тўланган пулдан қайтариб беради. Бу ҳолатда ҳам қайтиб берилган пул, иш берувчининг ҳақи ҳисобланади. Буни менга берди, мен учун арзон қилиб берди деб, ўзига олиб қолиши мумкин эмас. Бу ҳам юқоридаги каби хиёнат ҳисобланади.
Шунинг учун сизга бундай таклиф билан чиқилганда, чегирмани иш берувчи учун олишингизгина тўғри бўлади. Акс ҳолда гуноҳ ишни амалга оширишда ёрдам берган бўлиб қоласиз. Қуръони каримда гуноҳ ишларда ҳамкорлик қилишдан қайтарилган:
وَتَعَاوَنُوا عَلَى الْبِرِّ وَالتَّقْوَىٰ وَلَا تَعَاوَنُوا عَلَى الْإِثْمِ وَالْعُدْوَانِ
“Яхшилик ва тақво йўлида ҳамкорлик қилинг, гуноҳ ва душманлик йўлида ҳамкорлик қилманг” (Моида, 2-оят). Бу қилмишининг нотўғри қилётганини тушунтириб, насиҳат қилинг. Валлоҳу аълам.

Ўзбекистон мусулмонлари идораси
Фатво маркази.

T.me/FotihaUz

Fotiha.Uz

03 марта 2024 10:27

BOLALAR BOG’CHASIDA ISHLAYMAN…?

@FotihaUz

Fotiha.Uz

02 марта 2024 12:35

ЭНГ ОҒИР ВИДОЛАШУВ

Расулуллоҳ соллаллоҳу алайҳи васаллам дарча пардасини туширдилар ҳамки, аламлари олдингидан-да кучая бошлади. Расулуллоҳ соллаллоҳу алайҳи васаллам муборак бошларини Оиша онамизнинг қўйнига қўйдиларда қўлларини самога кўтариб: "Рафийқи Аъло, Рафийқи Аълога...” дедилар. Сўнг қўллари ёнларига тушди. Ўлим фариштаси энг покиза руҳни олиб кетди. Ана шу лаҳзада буюк шахс соллаллоҳу алайҳи васалламнинг ҳаёт қиссалари ўз ниҳоясига етди. Бир-бирининг гўштини еяётган, ўзаро зулм, куфр ва туғён ботқоғига ботган оламни қутқариб, уларга нур таратган, устиларидан куфр машаққатларини итқитиб ташлаган зотнинг ҳаёти ниҳоясига етди. Ана шундан сўнг катта фожиа юз берди. Саҳобалар хабарнинг қўрқинчидан эсанкираб қолишди! Абу Бакр Сиддиқ розияллоҳу анҳуга бу хабар Мадина четроғидаги Сунҳ деган жойда эканлигида етиб келди. Ўша лаҳзада у зотнинг ҳолати ҳақида сўраманг. У киши ҳеч қаерга қарамай тўғри ҳужраи муборак томон йўл олди. Бориб Расулуллоҳ соллаллоҳу алайҳи васалламнинг юзларини очди. У зотнинг юзларида нурни, ҳурриятни, ҳидоятни, бутун тарихни, эски хотираларни кўрди. Сўнгра Расулуллоҳ соллаллоҳу алайҳи васалламни видолашув ўлароқ ўпар экан, кўз ёшлари дарё бўлди, оғриқли йиғи Абу Бакр розияллоҳу анҳунинг ҳуввиллаб қолган қалбини ўртарди. Шундан сўнг: “Эй Аллоҳнинг Расули, тириклигингизда ҳам хушрўй эдингиз, ўлимда ҳам хушрўй бўлдингиз”, дедилар. Суюклиларига видолашув назарини ташладилар. Бу инсонни танимасдан илгари ўзининг ҳам қалби акс-садолар билангина тўлган уйга ўхшарди. Танигандан кейин эса, илм, ирфон ва иймон-ла тўлди. Абу Бакр Сиддиқ розияллоҳу анҳу: “Кошки кетмасангиз эди”, дея ҳайқирди. У зотнинг уни чиқмаса-да мазкур ҳайқириқни бутун борлиқ ешитди. Ўрнидан турар экан, елкасида оғир жудолик деб аталмиш залворли тоғ бор эди. Боз устига уммат ўртасида бўлинишга йўл қўймаслик юки ҳам бу зот гарданига тушганди. Ногоҳ Умар розияллоҳу анҳуга кўзи тушди. Умар масжидда қиличини яланғочлаб одамларга: “Ким Муҳаммад соллаллоҳу алайҳи васалламни ўлди деса, бошини оламан!" дея ҳайқирардилар. Расулуллоҳ соллаллоҳу алайҳи васалламга энг яқин бўлган, у зотни энг яхши таниган, шариатлари ва буюк муваффақиятларини энг яхши биладиган киши Умарга: “Жим бўл, эй Умар!” деди. Сўнг қалблари тилка-пора бўлиб, турли ҳаёлларга борган одамларга қарата: “Ким Муҳаммад соллаллоҳу алайҳи васалламга ибодат қилган бўлса, бас, у зот вафот этдилар. Ким Аллоҳга ибодат қилган бўлса, бас, Аллоҳ ҳаргиз ўлмас!” деди. Шу гапдан кейин Умар розияллоҳу анҳу чўккалаб қолдилар. Умар розияллоҳу анҳу ҳушидан кетди: “Шу йўсинда вафот этдилар! Мен билан хайрлашмасдан кетиб қолдилар!" Чўриларни калтаклаб, болаларни қўрқитишнигина қойил ҳиладиган, оддий ҳаёт ташвишлари билан ўралашиб юрган кишидан инсу жиннинг шайтонлари қочадиган Умарул Форуқни ясаган зот энди йўқ! Умар розияллоҳу анҳу энди у зот билан бирга ўтира олмайдилар, қўлларидан тутолмайдилар, муаттар бўйларини ҳидлолмайдилар. Усмон ибн Аффон розияллоҳу анҳу эса мутлақо гапирмай қўйдилар. Инсонлар у зотга гапирар, лекин Усмон уларга жавоб қайтармас эди. Саросимага тушиб қолганлари учун ушбу борлиқда Расулуллоҳ соллаллоҳу алайҳи васалламнинг жанозаларидан бошқасини кўрмай, гўёки ҳаётдан зериккан одам сингари бўлиб қолдилар. У зотни етаклаб юришди, холос. Али ибн Абу Толиб розияллоҳу анҳу эса хабарни эшитибоқ, кучдан қолиб, ерга йиқилдилар. Анас ибн Молик розияллоҳу анҳу эса Мадина кўчаларини фақат зулматли ҳолда кўрадиган бўлиб қолди. Абдуллоҳ ибн Масъуд розияллоҳу анҳу эса қўлида таёқ билан тупроқ ўйиб: "Пайшанба куни. Пайшанба куни қандай кун? У Расулуллоҳ соллаллоху алайҳи васаллам беморни зиёрат қилган кун", дерди тинмасдан.

T.me/FotihaUz

Fotiha.Uz

02 марта 2024 12:03

ҒОЙИБОНА ДУО ҚИЛИШ
#қисқа_савол_жавоблар

❓CАВОЛ: Бировларни кўп ғойибона дуо қиладиган инсон яхши инсон бўладими ёки кўп ғойибона дуо қилинадиган инсонми?

💬 ЖАВОБ: Бисмиллаҳир Роҳманир Роҳим.
Албатта, иккисида ҳам яхшилик бор. Лекин ҳадиси шарифларда бировларни ғойибона дуо қилишга алоҳида тарғиб қилинган. Умму Дардо разияллоҳу анҳодан ривоят қилинган ҳадисда Расулуллоҳ саллаллоҳу алайҳи васаллам айтадилар: "Мусулмон кишининг биродари ҳаққига қилган ғойибона дуоси қабул бўлувчидир, унинг боши устида бир фаришта туради, қачон биродарига яхшилик тилаб дуо қилса, фаришта: “Омийн, сенга ҳам ўшанча бўлсин”, дейди" (Имом Муслим ривоятлари).

Ҳазрат Абу Бакр Сиддиқ разияллоҳу анҳу: "Аллоҳ йўлидаги биродарнинг дуоси ижобат қилинади", деганлар. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @FotihaUz

Fotiha.Uz

01 марта 2024 14:56

Аллоҳ таоло: «Сен мўминларга айт, кўзларини тийсинлар...», деди (Нур сураси, 30- оят).

Ҳузайфа розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Назар солиш шайтоннинг заҳарли ўқларидан биридир. Ким Аллоҳдан қўрқиб, уни тарк қилса, Аллоҳ азза ва жалла унга қалбида ҳаловатини топадиган иймон беради», дедилар» (Имом Ҳоким ривоят қилган).

1. Кўзни ҳаромдан сақлаш қалбни гуноҳкорлик алами ва азобидан сақлайди.

2. Кўзни ҳаромдан сақлаш қалбда тақвони кўпайтиради.

3. Кўзни ҳаромдан сақлаш кўзларни ва юзни мунаввар қилади.

4. Кўзни ҳаромдан сақлаш илм йўлларини онсонлаштиради, қалбдаги нур воситасида ҳақдан ботилни ажрата олади.

5. Кўзларни ҳаромдан сақлаш қалбга қувват, собитлик ва шажоат беради. Қўрқишга лойиқ бўлган Зот фақат Аллоҳ эканлиги ҳиссини кучайтиради.

6. Ҳаромга қарамаслик шаҳватга асир бўлишдан асрайди ва қалбга ёруғлик, сурур бағишлайди.

7. Кўзларни ҳаромдан сақлаш жаҳаннам эшикларидан бирини ёпади ва банданинг Аллоҳга дўст бўлиш даражасини кўтаради.

8. Ҳаромга қарамаслик ақлни қувватлантиради. Амалларнинг оқибатини ўйламаслик эса ақлнинг заифлашишига олиб келади.

9. Кўзни ҳаромдан сақлаш қалбни ғафлат ботқоғидан сақлайди. Ҳаромга қараш банда билан жаннат ўртасида парда ҳосил қилади.

10. Кўзни ҳаромдан Аллоҳнинг амрига итоат қилиш нияти билан сақласа, банда бу дунёда ҳам, охиратда ҳам улуғ саодатга эришади.

11. Ҳаромдан кўзни сақлаш заҳарли ўқнинг қалбга қадалишига ва шайтоннинг қалбга киришига тўсқинлик қилади.

12. Кўзни ҳаромдан сақлаш қалбга жаннатга олиб борувчи амаллар билан машғул бўлиш истагини беради...


Азизлар! Савоб ва ажр бўлсин, дўстларингизга ҳам улашинг.
Каналга аъзо бўлиш: 👇🏻👇🏻👇🏻
/channel/FotihaUz

Fotiha.Uz

01 марта 2024 03:06

Ramazon oyida va Juma kuni vafot etganlar kiradimi so‘rovsiz?

Савол:
Hurmatli ustozimiz  Hazrat Shayx Muhammad Sodiq Muhammad Yusuf janoblari. Alloh bundanda ziyoda etsin va mudom panohida asrasin. Bizning baxtimizga hamisha Omon bo'ling ustoz.
Uzr,qisqa qilsam. Ustoz,bir suhbatda agar inson ramazon yoki jumada olamdan o'tsa,u albatta Jannatga tushadi degan gapni aytishgandi. Bir odam bizda ramazonda olamdan o'tgandi. Benamoz va judayam aroqqa mukkasidan ketgan,qarta o'yinda profissional edi. Lekin doim g'iybatni qoralar va oldida g'iybatga yo'l qo'ymasdi. Va shu odatini pesh qilib araq ichaveraman derdi.Ancha yoshda vafot etdi.Albatta uning qayerga borishi Allohga havola. Ammo shu holat qurol bo'lib, ayrim otaxonlar masjidga ichgan holda borishgacha boryaptilar. Shu rostmi? Dalili yo'g'u,ramazon va juma hurmatini hadisdan olisharmish. Mavhumligicha qolgandi shu bizga. Iltimos, bizda kitoblaringizni doim topib o'qish imkoni hozir muammoroq. Uzbda emasmiz. Javob bersangiz Hazrat. JazaakaAllohu xoyrun!!!

Жавоб:
- Мазкур гап асоссиз. Жума ва Рамазон ҳурматидан саволи ортга сурилади, холос. Жума ва Рамазон тугаши билан қилганига яраша берилади.

Шайх Муҳаммад Содиқ Муҳаммад Юсуф
http://savollar.islom.uz/smf/index.php?topic=30719.0

Каналга уланиш учун👇
T.me/FotihaUz

Fotiha.Uz

07 марта 2024 20:18

🌙 ЖУМА МУБОРАК

Расулуллоҳ соллаллоҳу алайҳи васалламга кўп-кўп салавот айтиб, дуо ижобат бўладиган соатни топиш барчамизга насиб қилсин!

#жума

T.me/FotihaUz

Fotiha.Uz

07 марта 2024 12:23

Payg‘ambarni Allohga tenglashtirib qo‘ymang

©️ Shayx Muhammad Sodiq Muhammad Yusuf

@FotihaUz

Fotiha.Uz

07 марта 2024 05:37

Умрга енгил қараб бўлмас

Илм ирфон олишга Умарни падар,
Олиб борди Мисрдан Мадина қадар.

Топширди устоз Солиҳ Кайсон қўлига,
Юрсин деб у яратганнинг йўлига.

Устоз эди илмда машҳури олам,
Фикрин ёзишда ожиз бўларди қалам.

Дарсга келарди ният бирла даргоҳга,
Ёрдам бер деб илтижо қилиб Аллоҳга.

Адолатда олган эди яхши ном,
Талабадан талаб қиларди интизом.

Шогирд бир кун жамоатга келди кеч,
Устоз бу ҳолатни кечирмасди ҳеч.

Ёш бола деб бўлмади бе эътибор,
Хат йўллади ибн Марвонга зинҳор.

Ўғлингиз соч тарашни қўйиб аввал,
Жамоатга келди у қилиб пайсал.

Хат етиб келди падари Марвонга,
Зудлик-ла ходимин қўшди карвонга.

Мадинада уни топишдан бошлайсан,
Бошидан сочини қириб ташлайсан.

Марвон демади ахир ёш-ку болам,
Умар билмай хато қилган деб ул ҳам.

Буюклик орзу қилсанг бўлсин интизом,
Йўқса баландпарвоз орзуларинг хом.

Қилар ишингда гар бўлмаса тартиб,
Вақт ўтказиб қоласан пешонанг артиб.

Вазифага киришсанг бўлмаса ихлос,
Бекор умрингга қиласан айюҳаннос.

Қунт зарур ишнинг чиройли якунига,
Йўқса исён қилдинг Аллоҳнинг кунига.

Интизом, қунт, ихлос,тартиб, риёзат,
Келтирар бандага бахт, омад албат.

Изоҳ: Умар ибн Абдулазизни адолатли бўлганиучун бешинчи халифа деб ҳам тан олинади. У халифа бўлганда икки йилда ҳудудида ҳамма бой бўлган.
Абдулазиз ибни Марвон унинг отаси Солиҳ ибн Кайсон унинг Мадинадаги устози

T.me/FotihaUz

Fotiha.Uz

06 марта 2024 16:21

ШАРИАТ ЮЗАСИДАН НИМА ҚИЛИШЛИК КЕРАК?
#қисқа_савол_жавоблар

❓CАВОЛ: Мен ҳозирда бўйдоқман, ёшим 23 да. Бомдод намозига турган пайтимда кўпинча уйқуда эҳтилом бўлиб қоляпман. Кейин қарасам бомдод намозига оз вақт қолган бўлади ёки намоз вақти кирган бўлади. Шундай вазиятда шариат юзасидан нима қилишлик керак?

💬 ЖАВОБ: Бисмиллаҳир Роҳманир Роҳим.
Агарчи намоз вақти чиқиб кетишига оз қолган бўлсада ғусл қилиб сўнг намоз ўқийди. Намоз вақти чиқиб кетгунча ғусл қилишга улгурса, ғусл қилиб намоз ўқийди. Агар ғусл қилгунча вақт чиқиб кетса, намознинг қазосини ўқийди. Валлоҳу аълам.

Ўзбекистон мусулмонлари идораси
Фатво маркази.

@Fotihauz

Fotiha.Uz

06 марта 2024 05:08

Qarzdor odam umraga borsa bo’ladimi…?

@FotihaUz

Fotiha.Uz

05 марта 2024 10:34

✔️​​Nimanidir o'rganishga bo'lgan kuchli istak,  bu- allaqachon ellik foiz muvaffaqiyatdir.

O'rganmoqchi bo'lsangiz harakat qiling, endi kech demang. Hech qachon kech bo'lmaydi, aksincha bu sizga berilgan imkon bo'ladi.
Bilmasangiz so'rashga uyalmang!
Bunga bir daqiqa ketishi mumkin,  ammo bilmaslik bir umr xijolatli bo'ladi.

@FotihaUz

Fotiha.Uz

05 марта 2024 04:25

KITOB O’G’ISI HECH QACHON O’G’RIGA KIRMAYDIMI…?

@FotihaUz

Fotiha.Uz

04 марта 2024 10:27

KAM YOKI KO’P PUL TOPISH HARAKATIMIZGA BOG’LIQMI?

@FotihaUz

Fotiha.Uz

04 марта 2024 04:57

#Ҳадис

Абу Мусо розияллоҳу анҳудан ривоят қилинади. Расулуллоҳ соллаллоҳу алайҳи васаллам: «Ким бомдод ва аср намозларини адо этса, жаннатга киради», дедилар.

Имом Бухорий ва Муслим ривоятлари.

Фойда: Бу икки намозни фазилатли бўлишига сабаб, чунки бомдод пайтида уйқу ғолиб келади. Аср вақтида эса ишлар кўпайиб, тижоратда кўплаб фойда қўлга киритиш пайида бўлинади.

Дўстларингизга ҳам улашинг:
/channel/FotihaUz

Fotiha.Uz

03 марта 2024 10:30

Yaqin boʻlish qanchalar yaxshiya...
(duolarida, qalblarida).


@FotihaUz

Fotiha.Uz

02 марта 2024 17:30

"Yo pirim", "Falonchining arvohi qo‘llasin" deyish

©️ Shayx Muhammad Sodiq Muhammad Yusuf

@FotihaUz

Fotiha.Uz

02 марта 2024 12:12

Sen yaratgan olam-u inson go'zal...

Haqiqatda Alloh taoloning maxluqotlari juda go'zal!

@FotihaUz

Fotiha.Uz

02 марта 2024 08:27

MAVLID BITTA ARABCHA SHER AYTILAR EKANKU SHUNI QAYERDAN…?

@FotihaUz

Fotiha.Uz

01 марта 2024 03:07

Juma Sunnatlari:

1- G'usl qilish.
2- Hushbo'ylanish.
3- Misvok ishlatish.
4- Chiroyli kiyimlarni kiyish.
5- Kahf surasini o'qish.
6- Payg‘ambarimiz sollallohu alayhi vasallamga ko'p salavotu-salom aytish.
7- Masjidga ertaroq borish
8- Juma kunidagi duo ijobat bo'ladigan vaqtni topishga haris bo'lishlik.

@FotihaUz

Fotiha.Uz

01 марта 2024 03:05

ДУОДА ҚЎЛНИ ЮЗГА СУРИШ
#қисқа_савол_жавоблар

❓CАВОЛ: Домла нима учун дуодан кейин қўлни юзга сурилади?

💬 ЖАВОБ: Бисмиллаҳир Роҳманир Роҳим.
Дуода қўлларни ичи билан дуо қилиш, сўнгра юзга суриш ҳадиси шарифларда баён қилинган. Шулардан бири Ибн Аббос разияллоҳу анҳудан ривоят қилинади. Расулуллоҳ саллаллоҳу алайҳи васаллам: “Аллоҳдан кафтларингизнинг ичи билан сўранглар, сирти билан сўраманглар. Қачон фориғ бўлсангиз, уларни юзингизга суртинг”, дедилар (Имом Абу Довуд ривоялари). Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @FotihaUz