Fotiha.Uz

18 декабря 2023 04:25

USTOZ BOLA TARBIYASINI QAYSI KITOBLARDAN O’QIB HAYOTDA QO’LLASAM BO’LADIMI…?


@FotihaUz

Fotiha.Uz

17 декабря 2023 18:54

Бу ҳаётда бир кишига астойдил суянма!
Зулматли маконларда ҳатто соянг ҳам сендан чекинади!

T.me/FotihaUz

Fotiha.Uz

17 декабря 2023 08:41

Insonni ko'proq jannatga kiritadigan narsa nima?

©️ Shayx Muhammad Sodiq Muhammad Yusuf

@FotihaUz

Fotiha.Uz

17 декабря 2023 07:53

USTOZ INJIL TAVROTLARNI NIMA UCHUN O’QIB BO’LMAYDI…?


@FotihaUz

Fotiha.Uz

17 декабря 2023 05:15

Жаннат ҳазинаси

Абу Мусо Ашъарий р.а. дан ривоят қилинади, Расулуллоҳ соллаллоҳу алайҳи васаллам менга:
- “Жаннат хазиналаридан бирини сенга айтайми?” - дедилар. Мен:
- “Ҳа, айтинг, эй Расулуллоҳ” - дедим. Шунда Расулуллоҳ соллаллоҳу алайҳи васаллам:
- “Ла ҳавла ва ла қуввата илла биллаҳ” ни айт, у жаннат хазиналаридандир” - дедилар.
(Имом Бухорий ва Имом Муслим ривояти)

T.me/FotihaUz

Fotiha.Uz

17 декабря 2023 01:57

ИЛМ ОЛИШГА ТАРҒИБ ҚИЛИНГАН 5 ҲАДИС

1. «Аллоҳ таоло кимга яхшиликни хоҳласа, уни динда фақиҳ (дин илмларини чуқур тушунадиган) қилиб қўяди» (Имом Бухорий ривояти).

2. «Илм талаб қилиш ҳар бир мусулмонга фарздир» (Имом Ибн Можа ривояти).

3. «Ким илм излаш учун йўлга чиқса, Аллоҳ таоло унга жаннатнинг йўлини осон қилиб қўяди» (Имом Аҳмад ривояти).

4. «Ким илм ўрганиш учун йўлга чиқса, у то (уйига) қайтгунича Аллоҳнинг йўлида бўлади» (Имом Табароний ривояти).

5. «Илм Чин (Хитой)да бўлса ҳам, уни талаб қилинг (излаб топиб эгалланг). Зеро, илм талаб қилиш ҳар бир мусулмонга фарздир» (Имом Байҳақий ривояти).

T.me/FotihaUz

Fotiha.Uz

16 декабря 2023 16:58

Муоз ибн Жабал розияллоҳу анҳудан ривоят қилинган ҳадисда Набий алайҳиссалом марҳамат қиладилар: “Қиёмат куни тўрт нарсадан сўралмагунича банданинг оёқлари жилмайди:
1) умрини қандай ўтказгани;
2) ёшлигини қандай ўтказгани;
3) молини қаердан топиб ва нимага сарфлагани ва
4) илмига қандай амал қилгани”

(Имом Табароний ривояти).

T.me/FotihaUz

Fotiha.Uz

16 декабря 2023 08:20

ЁШ

Яҳё ибн Аксам Басрага қозиликка таъйинлаганида йигирма яшар йигит эди. Басра аҳли уни ёш деб ўйлашди. Бир киши унга:
- Қозининг ёшлари қанча?, деди.
Яҳё бу киши унинг ёшлигига шама қилаётганини сезиб деди:
- Мен Расулуллоҳ саллоллоҳу алайҳи ва саллам фатҳ куни Маккага қози қилиб жўнатган Итоб ибн Усайддан каттароқман. Мен Расулуллоҳ саллоллоҳу алайҳи ва саллам Яман аҳлига қози қилиб жўнатган Муоз ибн Жабалдан каттароқман. Мен Умар ибн Хаттоб Басрага қози қилиб жўнатган Каъб ибн Сурдан каттароқман.
Ҳалиги киши ҳеч нарса дея олмай Яҳёнинг бошини ўпди.


T.me/FotihaUz

Fotiha.Uz

16 декабря 2023 05:35

ОЁҒИНИ БУКА ОЛМАЙДИГАНЛАР НАМОЗИ
#қисқа_савол_жавоблар

❓CАВОЛ: Домла оёғим синиб ётибман, намозни ўтириб ўқияпман. Қиблага орқамни қилиб ўқияпман. Қиблага караб ўтирсам оёғимни қиблага узатган бўляпман. Тўғри йўл кўрсатинг, илтимос. Жовоб учун катта раҳмат.

💬 ЖАВОБ: Бисмиллаҳир Роҳманир Роҳим.
Қиблага юзланиб намоз ўқиш намознинг шартларидан биридир. Яъни, ушбу шарт бажарилмаса, намоз дуруст бўлмайди. Қиблага узрсиз оёқ узатиш макруҳ бўлади. Лекин оёғини бука олмайдиганлар ёки ётган ҳолида намоз ўқишга мажбур бўлганлар оёғини қиблага узатиб намоз ўқишлари макруҳ эмас. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @FotihaUz

Fotiha.Uz

15 декабря 2023 11:23

Бир бева аёлнинг ёлғизгина ўғли бор эди. Онаизор фарзандини вояга етказди, ўқитди ва уйлантирди. Кунларнинг бирида ўғил онани ташлаб, сафарга чиқишга қарор қилди.

Онаси: «Болам, мени ёлғиз ташлаб кетасанми?», деди.

Ўғил: «Мени кечиринг онажон, саодатим ва келажагим йўлига тўсиқ бўлманг» дедида, мақсадидан қайтмай, сафарга йўл олди.

Она ўғлининг саломатлигини билиш учун унга доим мактублар юборар эди. Лекин ўғилдан жавоб келмасди. Шунда она ажойиб бир тадбир режасни тузди. Кейин ўғлига мактуб ёзиб шундай деди: «Севимли ўғлим, амакимдан катта бир ер менга мерос бўлиб қолди. Энди менда кўп мол-дунё бор. Агар бирор нарсага муҳтож бўлиб қолсанг, нима эканлигини менга ёзиб юбор. Мен уни сенга жўнатаман», деди.

Онанинг тузган режаси иш берди. Энди ҳар ҳафта ўғил онага мактуб ёзиб пул сўрарди. Она ўғил сўраган пулни унга юборар эди. бечора она ўғлининг бу ишидан хафа эмасди, балки жуда хурсанд эди. Чунки фарзандидан хабардор бўлиб турганидан доим ўғил унга мактуб ёзиб турар эди. Нобакор ўғил онасига шафқат қилиб, унинг соғинганингдан эмас, балки фақат ўзининг фойдаси учун онасига мактуб ёзаётган бўлсада, она бунга парво ҳам қилмас эди. Орадан уч ой ўтгач, онанинг жавоб мактублари тўхтаб қолди. Ўғил тинмай онасига мактуб ёзар, аммо она буларга жавоб қайтармас эди. Фарзанд онанинг қўшинларидан бирининг телефон рақамини топиб унга қўнғироқ қилди. Қўшниси муштипар онанинг вафот этганини маълум қилди. Ўғил онасининг хонадонига етиб келди. Лекин бу келиши онасига афсус қилганидан, ачинганидан эмас, балки мероснинг қолган қисмини олиб кетиш учун келган эди. Уйига келиб қараса бегона одам яшаётган экан.

Ўғил: «Сиз кимсиз деб», сўради.

Шунда ҳалиги одам: «Онангиз бу уйни уч ой аввал менга сотган», деди. Йигит қўни-қўшнилардан сўраб билдики, онахон уйидаги барча жиҳозларни сотиб, пулини ўғлига юбораётган экан. Жиҳозлар тугагач, уйнинг ўзини ҳам сотиб, пулини нобакор ўғлига юбориб, аҳволи ёмонлашиб, бемор бўлиб, саломатлигига ҳам эътибор бермай, кўчаларда ётиб юрган экан. Уйнинг пулини кимга юбораётганини қўшнилар аниқлаша олмаган экан. Бу маълумотлардан хабар топган ўғил қилган ишларидан пушаймон бўлиб, ҳеч бир сўзга тили айланмай додлаб йиғлаб юборди.

T.me/FotihaUz

Fotiha.Uz

15 декабря 2023 05:35

НАМОЗЛАРИМНИ ҚАСР ҚИЛАМАНМИ?
#қисқа_савол_жавоблар

❓CАВОЛ: Мен вилоятдан келиб, пойтахтда ишлайман. Масофомиз 700-800 км. 2 ёки 3 ой ишлайман, шу муддатдаги намозларимни тўлиқ тартибда ўқирдим, яқинда бир ўртоғим сен қаср қилиб ўқишинг керак деди. Намозларимни тўлиқ ўқишга имконим бор. Шунга ойдинлик киритиб берсангиз.

💬 ЖАВОБ: Бисмиллаҳир Роҳманир Роҳим.
Агар сиз Тошкентда икки ёки уч ой туришни ният қилиб келсангиз, муқим бўласиз ва намозларингизни тўлиқ ўқийсиз. Ўн беш кундан кам муддатга келсангиз, мусофир бўласиз ва намозларни қаср қилиб ўқийсиз. Ҳозирги ҳолатингизда тўлиқ ўқийсиз. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @FotihaUz

Fotiha.Uz

15 декабря 2023 04:35

BIZNING URFLARIMIZDA ALLOH OSMONDA VA ALLOH TEPAMIZDA DEGAN GAPLAR…?

@FotihaUz

Fotiha.Uz

15 декабря 2023 02:55

Жума куни ва кечаси Расулуллоҳ соллаллоҳу алайҳи васалламга кўп салавот айтиш суннатдир.

Кўпроқ салавот айтинглар!
​Пайғамбаримиз соллаллоҳу алайҳи васалламга саловот ва салом айтишнинг фойдалари

1. Аллоҳнинг амрига бўйинсунган бўлади.

2. Саловот ва салом айтувчига Пайғамбаримиз соллаллоҳу алайҳи васалламнинг ўзлари жавоб қайтарадилар.

3. Аллоҳ таоло саловот ва салом айтувчига ўн марта саловот айтади.

4. Саловот ва салом айтувчи Пайғамбаримиз соллаллоҳу алайҳи васалламнинг шафоатларига эришади.

5. Саловот ва салом айтувчига ўнта яхшилик ёзилади.

6. Саловот ва салом айтувчидан ўнта ёмонлик ўчирилади.

7. Саловот ва салом айтувчининг қалбида нур порлаб, юзининг нурафшон бўлишига сабаб бўлади.

8. Саловот ва салом айтувчи саодат ва хотиржамликка етади.

9. Пайғамбар соллаллоҳу алайҳи васаллам саловот ва салом айтувчини яхши кўрадилар.

10. Саловот ва саломни кўп айтувчи қиёмат куни Пайғамбаримиз соллаллоҳу алайҳи васалламга энг яқин манзилда бўлади.

-------------------
Набий соллаллоҳу алайҳи васаллам дедилар:
“Кимки менга бир бора салавот айтса, Аллоҳ унга у (салавоти) сабабидан ўнта салавот айтади. Кимки менга ўнта салавот айтса, Аллоҳ унга у(салавоти) сабабидан юзта салавот айтади. Кимки менга юзта салавот айтса, Аллоҳ унга у (салавоти) сабабидан мингта салавот айтади. Кимки менга мингта салавот айтса, унга дўзах ўти тегмайди”.

Имом Табароний келтирган ривоятда Расулуллоҳ соллаллоҳу алайҳи васаллам шундай дедилар: “Кимки менга бир бора салавот айтса, Аллоҳ унга ўнта салавот айтади. Кимки менга ўнта салавот айтса, Аллоҳ унга у юзта салавот айтади. Кимки менга юзта салавот айтса, Аллоҳ уни нифоқ ва дўзахдан озод деб ёзиб қўяди ва қиёмат кунида шаҳидлар билан бирга қилади

Аллоҳумма солли ва саллим ва баарик ала Муҳаммад ва ала олиҳи ва асҳабиҳи ажмаъийн!

Бу маълумотни яқинларингизга улашинг, кўп саловот ва салом айтилишига сабабчи бўлинг.
Эслатиш мўъминларга манфаат берур.

T.me/FotihaUz

Fotiha.Uz

14 декабря 2023 20:00

🌙 ЖУМА МУБОРАК

Расулуллоҳ соллаллоҳу алайҳи васалламга кўп-кўп салавот айтиб, дуо ижобат бўладиган соатни топиш барчамизга насиб қилсин!

#жума

T.me/FotihaUz

Fotiha.Uz

14 декабря 2023 13:52

Фарзандим Фотиҳ бўлсин деганларга (ибратли ҳикоя)

Фотиҳ Султон Меҳмет Хон болалигида жуда ярамас, тўполончи бир ўқувчи эди. Дарс вақтида қилган тўполонлари билан устози Оқшамсиддинни жаҳлини чиқарар эди. Устози унга танбеҳ берса, дарҳол: «Мен подшоҳнинг ўғлиман, ҳеч нарса қилолмайсан», дейишдан ҳам тоймасди.
Оқшамсиддин подшоҳга шикоят этишликни адабсизлик ҳисоблаб, ҳолатни II-Муротга айтишликдан тортинар эди. Аммо, вақт ўтгани сайин кичик Меҳметнинг қилиқлари ҳаддан ошиб, чидаб бўлмас ҳолга келади.

Шундан кейин ноилож подшоҳ II-Муротнинг ҳузурига чиқади.
«Подшоҳим, Сизга айтишим зарур бўлган бир хусусий масала бор. Аммо, айтишдан ҳаё қилмоқдаман.»
Подшоҳ:
«Марҳамат! Ҳеч тортинмасдан айтавер», дейди.
Бу сўз Оқшамсиддинни хотиржам этди. Ва ҳодисани англата бошлади.

«Подшоҳим! Ўғлингиз — жигарпорангиз жуда тўполончи. Унинг дастидан дарсимни ўтолмаяпман. Қачон танбеҳ берсам, дарҳол Сизни номингиз билан менга таҳдид қилади».
Подшоҳ бир оз сукут сақлайди.

Кейин Оқшамсиддинга яқин келиб, бир нарсаларни пичирлаб тушунтиради. Подшоҳнинг сўзларидан Оқшамсиддин саросимага тушади.

«Бу қандай режа? Буни амалга ошириш мумкин эмас!

Оқшамсиддин бу режа хусусидаги хавотирларини ошкор қилишига қарамай, подшоҳ, «Бу иш бўлади», дейди».
Эртаси куни Меҳмет дарсда яна тўполонини бошлайди. Устозининг танбеҳига одатдагидек, отаси билан таҳдид жавобини беради. Айни шу пайт тўсатдан эшик очилиб, подшоҳ ичкарига киради. Бу ҳолатдан ғазабланган Оқшамсиддин подшоҳга қараб бақиради. Бир тарсаки уриб дейди: Ҳеч ким дарс вақтида ичкарига бундай тарзда кириши мумкин эмас!

Изн сўраб кириши лозимлигини айтиб, ташқарига ҳайдайди.
Подшоҳ маҳжуб шаклда бўйнини эгиб, узр сўрайди ва ташқарига чиқади.

Бу ҳодиса қаршисида Фотиҳ Султон тили калимага келмай, нима қилишини билмай қолади. Ишонгани — подшоҳ отаси кўз ўнгида тарсаки еган эди. Фотиҳ Султон Меҳметнинг ички дунёси ағдар-тўнтар бўлганди.
Бир оздан сўнг эшик тақиллайди, ва подшоҳ ҳижолатли ҳолатда ичкарига узр сўраб киради.
Режа ажойиб шаклда амалга ошган эди.

Ўша кундан сўнг, Фотиҳ Султон Меҳмет асло ярамаслик қилмади.

Чунки, ишонган тоғларига қор ёғган эди…

↗️ Дўстларга улашишни ҳам унутманг!


T.me/FotihaUz

Fotiha.Uz

17 декабря 2023 22:06

Нафсни энг яхши 4 нарса тарбия қилади: сукут, очлик, ёлғизлик, уйқусизлик.



@FotihaUz

Fotiha.Uz

17 декабря 2023 12:38

Я Робби! Бошимизга келадиган ҳар бир ёмон ишда бир хайр борлигини кўра оладиган даражада сабр, таваккул ва таслимият насиб айла бизларга!

/channel/FotihaUz

Fotiha.Uz

17 декабря 2023 08:07

Ҳаётда муваффақиятга эришиш учун уч нарса керак; диққат, интизом ва ҳаракат.


↗️ Дўстларга улашинг!

@FotihaUz

Fotiha.Uz

17 декабря 2023 06:41

НАМОЗДА ТЕЛЕФОН ЖИРИНГЛАБ ҚОЛСА
#қисқа_савол_жавоблар

❓CАВОЛ: Намозда телефон жиринглаб қолса, ўчириб қўйса бўладими?

💬 ЖАВОБ: Бисмиллаҳир Роҳманир Роҳим.
Аввало намозхон намозга киришишдан олдин уни чалғитиб, ибодатига халал берадиган нарсаларни бартараф қилиб олишлиги керак. Ҳозирда деярли ҳаммада мавжуд бўлган қўл телефонларни намоздан олдин ўчириб ёки овозсиз ҳолатга келтириб олиш ҳам шу жумладандир. Энди бевосита саволга жавоб берадиган бўлсак, намоз вақтида телефон қўнғироғини бир қўл билан ўчириб қўйиш имкони бўлса, ўчириб қўйиш мумкин ва бунда намоз бузилмайди. Аммо, телефонни ўчириб қўйиш икки қўл билан амалга оширилиб, ҳаракатлар кўплигидан ташқаридан қараган одам "бу киши намоз ўқимаяпти"деб ўйласа намоз бузилиб қолади. Чунки, намозни бузувчи амаллардан бири "амали касир" кўп амал қилишдир. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @FotihaUz

Fotiha.Uz

17 декабря 2023 03:55

БОМДОДНИНГ ИККИ РАКЪАТ СУННАТИ ДУНЁ ВА УНДАГИ БАРЧА НАРСАЛАРДАН АФЗАЛДИР

Бомдод намозининг икки ракъат суннати Набий соллаллоҳу алайҳи васаллам савоби улуғлигини алоҳида таъкидлаган ва у зот ҳеч қачон тарк қилмаган нафл ибодатлардан ҳисобланади. Имом Муслим келтирган, Оиша онамиз розияллоҳу анҳодан ривоят қилинган ҳадисда Расулуллоҳ соллаллоҳу алайҳи васаллам шундай дейдилар: «Бомдод намозининг икки ракъат суннати дунё ва ундаги нарсадан яхшидир» Имом Аҳмад ривоятида: «Икки ракъат тонгги намоз дунёнинг барчасидан афзалдир», дейилган. Азиз биродарларим ва опа-сингилларим, бу ҳадисга эътиборли бўлайлик! Бомдод намозини адо қилишдан бизларни нима тўсяпти?! Ахир тонгги намоз дунë ҳаëтига солиштирганда жуда-жуда қисқа муддат-ку! Кечаси ярим тунда ухлаш дунёвий иш, тонг саҳарда уйғонишни истамаслигимиз ҳам дунёвий иш. Шундай эмасми?! Юқоридаги ҳадисда «дунё», «дунёнинг барчаси», яъни дунёдаги барча мол-мулклар, хазиналар, мансаб-мартабалар, ўйин-кулгию дилхушликлар бомдод намозининг икки ракъат суннатининг қийматига тенг бўлолмайди, дейилмоқда. Яхшилаб мулоҳаза қилайлик, гап бомдоднинг икки ракъат суннати хакида кетяпти, бомдоднинг икки ракъат фарзига қандай ажрлар бор экан-а?! Шунингдек, унинг фазли ўша икки ракъат суннатни узоқ ўқиб, кўп Қуръон тиловат қилишда ҳам эмас. Зеро, Расулуллоҳ соллаллоҳу алайҳи ва саллам бу икки ракъатли намозда қироатни жуда енгил қилардилар. Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам бомдоднинг икки ракъат суннатининг биринчи ракъатида Кафирун сурасини, иккинчи ракъатида эса Ихлос сурасини зам қилардилар» (Имом Бухорий ва Имом Муслим ривояти). Оиша розияллоху анҳодан ривоят қилинади: «Мен Расулуллоҳ соллаллоҳу алайҳи васалламни бомдоднинг икки ракъат суннатини ўқиётганларини кўрар эдим. У зот суннатни жуда қисқа ўқиганларидан, фақат «Уммул китоб» (Фотиҳа) сурасини ўқидимиканлар, дердим» (Насоий ривояти). Демак, ушбу намознинг фазли зиёда бўлишига сабаб қироатнинг узун бўлиши эмас. Балки унинг фазли бу муборак намоз учун белгиланган вақтда экан. Дунёдан юз ўгириб, бомдод намозининг икки ракъат суннатини ўқиш учун намоз вақти кирмасдан туриб уйғонган киши бу имтиҳондан муваффақиятли ўтган бўлади. Дунёнинг барчасини шу намоз учун тарк қилганидек, Аллоҳ таоло ҳам уни шу намоз сабабли бутун дунёдан улуғроқ ажр билан мукофотлайди!

«Бугун бомдод ўқидингизми?» китобидан.

T.me/FotihaUz

Fotiha.Uz

17 декабря 2023 00:31

Ибодатда сукунат

Абу Исҳоқ Сабиъий айтадилар:
- “Намоз менга оғирлик қилди, заифлашиб қолдим, кучим кетди. Бугун намозга туриб, Бақара билан Оли Имроннигина ўқий олдим, холос” – дегaн эканлар.

T.me/FotihaUz

Fotiha.Uz

16 декабря 2023 10:27

AYOLIM BILAN GAPLASHIB O’TURGANDIK QALBIMDA NIKOHNI YANGILAB OLAYLIKMIKIN DEGAN NIYAT BOR EDI AYOLIMGA…?


@FotihaUz

Fotiha.Uz

16 декабря 2023 07:59

“Бахтни пулга сотиб олиб бўлмайди”, дейдиганлар китоб дўконига кирмаганлар-да..

/channel/FotihaUz

Fotiha.Uz

15 декабря 2023 14:09

@FotihaUz

Fotiha.Uz

15 декабря 2023 10:42

Yolg‘ondan qanday qutulamiz?

©️ Shayx Muhammad Sodiq Muhammad Yusuf

@FotihaUz

Fotiha.Uz

15 декабря 2023 05:20

Биз оч юрамиз ва қачон овқатланишимизни биламиз. Қорни оч юриб қачон овқатланишини билмайдиганларни эсланг!

Умар ибн Ҳаттоб розияллоҳу анҳу

/channel/FotihaUz

Fotiha.Uz

15 декабря 2023 03:49

🌙 Ким Қаҳф сурасини жума куни қироат қилса...

Абу Саъид розияллоҳу анҳудан ривоят қилинади. Расулуллоҳ соллаллоҳу алайҳи васаллам: "Ким Қаҳф сурасини жума куни қироат қилса, унга икки жума орасича нур зиё сочади", дедилар.
———
▶️ Каҳф сураси
📀 Абдулбасит Абдуссомад роҳимаҳуллоҳ

T.me/FotihaUz

Fotiha.Uz

15 декабря 2023 01:55

Зеро намоз, диннинг чўққисидир!

↗️ Дўстларга улашишни ҳам унутманг!

T.me/FotihaUz

Fotiha.Uz

14 декабря 2023 16:53

Энг кучли инсон - дунёни ташлаб намозга кета олган инсондир.

↗️ Дўстларга улашишни ҳам унутманг!

T.me/FotihaUz

Fotiha.Uz

14 декабря 2023 12:18

🌙 ЯНГИ ЖУМОДУС СОНИЙ ОЙИНГИЗ МУБОРАК БЎЛСИН!

🌒 Бугун ҳижрий 1445 йил Жумодус соний ойининг 1-куни — 2023 йил 14 декабрь пайшанба куни.

🤲 Янги ҳилол (ой)ни кўрганда қилинадиган дуо

اللَّهُمَّ أَهْلِلْهُ عَلَيْنَا بِالْيُمْنِ وَالْإِيمَانِ وَالسَّلَامَةِ وَالْإِسْلَامِ رَبِّي وَرَبُّكَ اللَّهُ

Ўқилиши: Аллоҳумма аҳлилҳу аълайнаа бил-юмни вал-иймаани вас-салаамати вал-Ислаами. Роббий ва Роббукаллоҳу.

Маъноси: Аллоҳим! Уни бизга хайр-барака, иймон, саломатлик ва Ислом ила чиқаргин. Роббим ва Роббинг Аллоҳдир.
(Имом Термизий ривояти)

T.me/FotihaUz