590
قناة خاصة بنشر القصائد الحسينية للشاعر ضياء الكناني
#آه_يمحسن
. آه يمحسن آه يمحسن
. متت وي طگْـت الـضـلـع لـجـلـك ٱيْـهـل الـــدمـــع
*---------------*---------------*
يـمـه يـاشـمـعـة حــيــاتــي ويـاضـوه عــيــونــي
اعـلـيـك مـن الـلـطـم يـبـنـي هـدلـت امــتــونــي
ٱنـخـمـدت انـفـاسـك يـغـالـي بـيـوم صــابــونــي
عـيـنـي صــابــوهــا الاعــادي وبـيـك فـجـعـونـي
يـــوم شـفـتـك عـالـثــره صـحـت ويـنـك حـيـدره
آه يمحسن آه يمحسن
*---------------*---------------*
لحظه عـمـرك فارگتني وعـنـدي هاللحظه بـعـمـر
شما ذكرتك يجري دمعـي وگلبي لجلك يـنـعـصـر
يـبـنـي مـــا نـاغـيـت لٱمـك ٱمـن الـولادة لـلـگـبـر
الـلـحـد مـهـدك صــار وسـفـه آه يـالـبُـعـدك جـمـر
الگـبر صـايـرلـك حـضـن وآنــــه مـن فــرگـاك اون
آه يمحسن آه يمحسن
*---------------*---------------*
يمـه تـسـع اشـهـور شـلـتـك وآنـه انـطـر مـولـدك
ساعه ساعه ولحظه لحظه ويـاي يحسب والـدك
بـصـدري بـسـمـار الـمـنــايــه مــادريـت يـوسـدك
وياي عايـش عـمـر يـبـنـي تـروح لـيـش لـوحـدك
لـلـمـنـايـه ارد اســتــعــد آنـــــه وانـتـه بـفـد لـحـد
آه يمحسن آه يمحسن
*---------------*---------------*
ذخـر نـاذرتـك يـيـمـه آنــــه مـن جـور الـسـنـيـن
صعبه دنيـانـه يمحسن وآنـه ادري الله الـمُـعـيـن
يالولـد لـلـطـف اريـدك تـبـقـه نـاصـر لـلـحـسـيـن
وقبل لاترخص اچفوفك لجله رخْصِ ٱنته الوتين
ذخـر ردتـك بـالـطـفـوف لجله هم ترخص چفوف
آه يمحسن آه يمحسن
*---------------*---------------*
حسّـبـت للحره كـافـل تـبـقـه انـتـه الـهـا وحـمـه
تلوذ كل الـعـيـلـه يمك لو گـصـه ويـاهـا الـظـمـه
قـبـل مـا تــنــولــد عـيـنـي هـالـمـواقـف راسـمـه
منين اجاني الباب مدري وخدي چـفـهـم لاطـمـه
تـصـيـر شــيـــال الـعـلـم فـكـري هـالـمـوقـف رسم
آه يمحسن آه يمحسن
*---------------*---------------*
انكسر گلبه الصاب گلبي العافني بـجـرحـك اهـم
و الله لاينطـي يـيـمـه الـقِـبَـل يـلـفـيـنـي الـظـلـم
بيش يـطـلـبـنـي الـسـطـرنـي رد عـلـيـه وآنــه أُم
المحن من فرگاك صدها بگـلـبـي صـارت تـزدحـم
زادت بـعـيـنـي الـمـحــن فوگ هـامـي تـشـابـچـن
آه يمحسن آه يمحسن
*---------------*---------------*
✍️خادم آل محمد ص
الشاعر ضياء الكناني
جزاكم الله خيرا وطابت الانفاس
Читать полностью…
قصيدة للإمام الحسن العسكري ع
لـلـعـسـكـري ابـهـالـيـوم صــبـوه الــدمــع
*---------------*---------------*
ياشيعة نـوحـوا الـيـوم
عـاللي خلص مـسـمـوم
بعينه الـحـزن مـرسـوم خل نحني الضلع
*---------------*---------------*
لـ سـامـره كـلـنـه نـروح
نـبـچـي بجفن مجـروح
يـم عـيـلـتـه مــطــروح ينعـاه هـالـجـمـع
*---------------*---------------*
نـصـبـوا الـمـواكـب ليه
مــهــديــنــه خـنـعـزيـه
فــاگــد ابــــوه نـدريــه ونـه يــنــســمــع
*---------------*---------------*
لـ سامره اجت واشلون
بـالـزهـره مـا ظـل لـون
ذبــلانــه مـنـهـا عـيـون مـن كثر الـصـفـع
*---------------*---------------*
نصبوا الـمــواكـب غــاد
حـتـى الـحــزن يـــزداد
وبـكـل زمـــن يــنــعــاد لازم نــنــفــجــع
*---------------*---------------*
لا مـــــا نـبـطـل ونـيـن
تـهـمـل تظل الـــعــيــن
ما ننسه طـف حـسـيـن لاذاك الــفــــــزع
*---------------*---------------*
✍️خادم آل محمد ص
الشاعر ضياء الكناني
#لاتحسبوني_للرضا_في_طوس_ماجيت
. لا تحسبوني لـلـرضـا فـي طـوس مـاجـيـت
الـــزهـــره آنـــه يــا خـلـگ لـبـنـي تـعـنـيـت
تــدرونــي أمه تـعـنـيـت يـمـه
*---------------*---------------*
إن تـنـشـدونـي يـا خـلـگ البالغربه أبنـي
هـذا عـلـي تـعـنـيـتـه انـه يومه شعبـنـي
تعنيته وايدي اعله الضلع دربـه تـعـبـنـي
وياي خل يـنـحـب عـلـيـه كلمن يحبـنـي
كلمـن يـحـبـنـي لـخـاطـري يـزيـد الـمـدامـع
وينصرني كلمن يـا خـلـگ واعـيـتـي سـامـع
عالون اعـلـمـه تـعـنـيـت يـمـه
*---------------*---------------*
من ديره ديره وغربـتـي بهمومي تـحـدي
اعثر واطيح اعله الوجه ياشيعـه وحـدي
انسم هـذا لا ذاك انـذبـح مو گضوا ولـدي
محتاره صرت بـقـصـتـي ومن ياهو أبدي
لـ مشهد وصلـت بـلـوعـتـي ومـتـرب الـخـد
شـفـت الـغـريـب بـغـربـتـه ومــاعـنـده احـد
واشكبره همـه تـعـنـيـت يـمـه
*---------------*---------------*
يتـلـفـظ انـفـاسـه الـولـد ياوسفه شفـتـه
ومشبوحه عينه چنه الي يـوم الـنـظـرتـه
هـا يمـه مـن يـاهـي تـون سولفلـي أنـتـه
ون ونه فـتـت مـهـجـتـي ذبحتني ونـتـه
وي ونـتــه ونـيـت بـحـزن وتـهـل دمـعـتـي
لا مـــــا أظـن لـحـظـه تـمـر تـبـرد جـمـرتـي
بـهـداي اشـمـه تـعـنـيـت يـمـه
*---------------*---------------*
كـلـهـم اولادي والأشـد بس عاشر حسين
ماشفت مثله ومـايـمـر ومتشاهد الـعـيـن
وي ذبحته الكون نذبح والنوب سـبـعـيـن
كلهم ضحـايـه والـگـمـر مگطـوع چـفـيـن
والهامـه مـضـروبــه بـعـمـد يـاجـرح زيـنـب
حال العقيله من الجره مـن حـالـي اصـعـب
ركضت بـهـمـه تـعـنـيـت يـمـه
*---------------*---------------*
المن اديـر آنـه الـنـظـر ولـ ياهـوَّ اعـــايـن
ياشيعه والله تحـيـرت والـحــزن بــايــن
الكل منهم بنص الگلب تـــدرون ســاكــن
اعزاز گلبي ومهـجـتـي وصعبه من اقارن
وحسين لو ذكـره يـمـر مـايـبـقـه كل حـيـل
ياذيني صدره المنهشم چي سحگته الخيل
ٱمــوذر ألــمّــه تـعـنـيـت يـمـه
*---------------*---------------*
✍️خادم آل محمد ص
الشاعر ضياء الكناني
#لاتخليني
. بوداعك على عيونـي انـصـفـع
بوداعك يــكــســرون الـضـلــع
بـويــه لـونـيـنـي لا تــخــلــيـــنــي
*---------------*---------------*
آنــــه فـاطـم يـا مـحـمــد وانـتـه المْـشـرْف الـوجـود
انته ابوي الـرحـمـه كـلـهـا وعلى الرحمـه شـگـد تزود
الرأفه بـعـيـونـك شـفـتـهـا وابـد مـتـحـدهـا الـحـدود
يـبـويـه عــلَــي لــمــن تـــصــد
يـبـويـه ولا احــس بــالــبُــعــد
يـا نـظـر عـيـنـي لا تــخــلــيـــنــي
*---------------*---------------*
لا تـضـيـعـنـي بـغــيــابـك يـالـغـيـابـك مـوت احــس
فـاطـمـه ٱبـلايــه مـحـمـد أرض يـعـنـي ٱبـلا شـمـس
لــو غـبـت زهـرة حـيـاتـك تـره تـمـوت ٱمـن الـلـمـس
عـــدوك تـــره مـتـونـي يـطـگ
عـــدوك تـره يـچـذب الـصـدگ
ويـكـفـر بـديـنـي لا تــخــلــيـــنــي
*---------------*---------------*
شلون تـلفـيـك الـمـنـايـه وللحياه بويـه انـتـه روح
يعني شخصك من يـودع كلشي حي واجب يـروح
ولو أظل عدلـه بـغـيـابـك يعني يخلص عمـري نوح
و اعـمّـر دمــع بــيــت الـحــزن
و اعـمّـر إلــك عـــبــــره و اون
الحسره تچويني لا تــخــلــيـــنــي
*---------------*---------------*
بويه جـفـنـك لاتـغـمـضـه وداعـتـك بـويـه اخـتـنـگ
وگلبي الـيـدگ بـوجــودك ولــو رحــت لا مـــا يــدگ
روحك انه البـيـن جـنـبـك گـتـلـي يـالـكـلـك صـــدگ
گلـتـلـي يــروحــي ومـهـجـتـي
گـلـتلـي يــ أمـــي وفــرحــتــي
لاتــجــافــيــنــي لا تــخــلــيـــنــي
*---------------*---------------*
بعمره شـلـه الّـي تــودعـه واشــيـظـل عــنـــده بَـعـد
بعمري شلـي يـالـعـفـتـنـي يـالـعـلَـي نـــــــورك بِــعــد
مـن كـثـر وني ونـحـيـبـي اعــلــيــك دلالــي ٱنــمــرد
بـدونـك حزن يـگـضـي الـعـمـر
بـدونـك الـف كــســره انـكـسـر
ضاعت سنـيـنـي لا تــخــلــيـــنــي
*---------------*---------------*
✍️خادم آل محمد ص
الشاعر ضياء الكناني
#نعي
لسان حال الزهراء ع تنعى اباها رسولَ اللهِ
صلى الله عليه واله
. يـبـويـه الـيــوم نــورك غــاب عـنـي
مــو بـس الـفــرح كـلـشـي سـلـبـنـي
وانــه چـف الـحــزن لـلـحـزن ذبـنـي
مـا چـان اعـلـه بـالـي نـورك يـغـيـب
*---------------*---------------*
نـــورك غـــاب واظـلـمـت ســمــانــه
و يـبـويـه الـحـزن لـلــونــه خــذانــه
فـــگــدك نــار يـابـــويــه وچـــوانــه
وكل فاگـد لشخصك گـلـبـه يـصـيـب
*---------------*---------------*
روحــك يــوم فــاضـت بـيـد كـرار
بيه ٱشـصـار كونك تـعـرف ٱشـصار
لطمت الراس بـيـدي وشـبـت الـنـار
بدليلي وجرحي بعدك ماظن يطيب
*---------------*---------------*
يـا جــرح الـيـطـيـب وانـتـه غـايـب
شـلـون اتـصـورك حــــدر الـتــرايـب
مــا تـرجـع عـدل بـويـه مـن اعـاتـب
اذا ابدي الـمـعـاتـب گـلـبـك يـشـيـب
*---------------*---------------*
✍️خادم آل محمد ص
الشاعر ضياء الكناني
شكوى السيدة زينب ع لأخيها أبي الفضل العباس ع
. الشمر شاف بـدمـعـنـه.. ونسه بينه
انشتمنه اخـلاف عينك.. ونسبّيـنـه
عـلـى الـهـزل مـشـيـنـه.. وٱنسبينـه
وعليّه ٱضْحكوا چي مشدوده اديه
*---------------*---------------*
عجب چفي بحبـل عـبـاس.. ينشد
ولسان الفرح صار بـصـوت.. ينشد
الشمر يضحك وعنك صـار .. ينشد
شـگـلـه وأنـتـه راسـك بـيـن اديــه
*---------------*---------------*
✍️خادم آل محمد ص
الشاعر ضياء الكناني
لطمية للأربعينية ( #المشايه )
. إحنه جينه لـ زينب نـواسـيـهـا
اجت مـن درب الـيـسـر ندريها
*---------------*---------------*
احـنـه جـيـنـه ومـانـهـم
بــالــمــدامــع والـلـطــم
بـهـمــه واصــرار وعــزم
مـــــا نــهــم بـكـل ظـلـم
كـل صــــرح ذِل يـنـهـدم
وكون رايـة حـيـدره ٱنـعـلـيـهـا
*---------------*---------------*
جينه بالهم والـنـحـيـب
ربـنــه عـن ذلك رقـيـب
نواسي بت ذاك الحبيب
طـه نـوره الـمـا يـغـيـب
يم جـسـد خِلها السليب
والمدامـع عـالـوجـن تـجـريـهـا
*---------------*---------------*
بــعــد ذيــچ الـمـظـلـمـه
اجــت بــس مـــألـــمـــه
ناحـت اعـلـيـهـا الـسـمـه
والــمــدامــع مــن دمـــه
هـيـه بـضـعـة فــاطــمــه
بـالـطـفـوف وماجره ٱنـعـزيـهـا
*---------------*---------------*
وحـگ سـبـع الـگـنـطـره
نـواســي بـت الـطـاهـره
خــلــه يـــدري الـمـا دره
حــگــهــا ردت حـــايــره
لا كــفــيــل الــتــنــظــره
ظل سليب اعلـه الأرض واليها
*---------------*---------------*
احـنـه جـيـنـه لـ كربـلـه
نــفــدي هــاي الـعـايـلـه
يــاهــو حــبــه يـمـاثـلـه
ربـنــه هــــذا ٱمـسـجـلـه
صوت مدمـعـنـه اعـتـلـه
والـشـفـاه الـمـا روت نــرويـهـا
*---------------*---------------*
ردت ٱويـــاهـا الـعـلـيـل
تـعـثـر الـنـاگــه وتـمـيـل
يـا ألـمـهـا شـگـد ثـگـيـل
ويـــن حـمـاي الـدخـيـل
شـابـت وشــاب الـدلـيـل
إمن الغري حامي الحمه يلفيها
*---------------*---------------*
بـزيـنـب شـسـوه الـقـدر
يــــوم عــبــاس إنـغــدر
لــمــن وصـلـت لـلـنــهــر
مــا تــلــگــاهــا الـگــمــر
حـيـف خـانـاهـه الـدهــر
ابهالمصاب الكـافـل ٱيـخـلـيـهـا
*---------------*---------------*
✍️خادم آل محمد ص
الشاعر ضياء الكناني
حلم طفلة
. نـــــادت رقــيــه بـهـاي الـمـسـيــه
بٱحلامي جـانـي حـسـين وخذاني
*---------------*---------------*
أمـس وبــهــدوة أحـلامـي
حضر ياعمه أبوي حسـيـن
بـحـزن يـتـفـگـد الـعــيـلــه
ومـدامـع دم تصب الـعـيـن
اسـمـعـه يـنـادي يـا زيـنـب
انـشـدچ عـن رقــيــه ويــن
غصب عـنـي وغصب عنكم
شـــــاء وفــرقــانــه الـبـيـن
طــال انـتـظـاري مـا تـطـفـه نـاري
وافــــرك بــديــه
*---------------*---------------*
فـــزّت مـن حـلـمـهـا تـريـد
ابـوهـا وتـهـمـل الــدمــعــه
فــــزت لـٰـكــن بــيــا حــال
يتيـمـه بـهـمـهـا مـنـفـجـعـه
تـنـاديـه بـصـده الــمــدمــع
أمــــا تـحـصـل إلـك رجـعـه
يـبـويـه وداعـت أنــفــاسـك
الـبُـعـد عـنـك فـلا ٱجــرعــه
سـهـمـك رمـانـي وظليت أعــانــي
مُـــر مَــرّه بــيّــه
*---------------*---------------*
عانـتـهـا أم الـخـدر زيـنـب
بگلبها الظامـي الـمـجـروح
بكل خـطـوة جـدم چـن آه
تـنـادي وتـنـدب الـمـذبـوح
تگلها احچـيـلـي يـعـيـونـي
عليمن دمـعـچ الـمـسـفـوح
تگللـهـا بـ شـجـى الأحـزان
على حسيـن الدليل يـنـوح
كُفي أنتي نـوحچ لاتـگـضـي روحچ
ٱويـــاه لـلـمـنـيـه
*---------------*---------------*
سـمـع بـيـهـا اللعين يْـزيـد
وگـلـهـم يـا تُــره شـعـدهـا
يـگـلـولـه الـتــــون طـفـلـه
حـضـرهـا برؤيتهه والـدها
يگلهم هــذا راس حـسـيـن
خـل ٱتــصــده ويـصــدهــا
خلـهـا ٱمـن الأنـيـن تـمـوت
أريــد بـعـيـنـي أشـاهـدهـا
أكــســـر گـلـبـهــا بـالـلـي يـحـبـهــا
بـس صـد عـلـيـه
*---------------*---------------*
صدت راس ابوها حسين
وظلت تبچي وتـحـاچـيـه
ياهو ٱمن الـجـسـد حـزاك
ويـاذنـب الـــذي مـسـويـه
وليش مفـطـره ٱشـفـافـك
يمن چـنـت الـنـهـر تـرويـه
وليش ٱمصوب ٱجـبـيـنـك
إلك فــدوه الـعـمـر أفـديـه
ويــــاك أخـذنـي يوجعني مـتـنـي
إمنِ ٱسياط أميه
*---------------*---------------*
✍️خادم آل محمد ص
الشاعر ضياء الكناني
ثورة الدعاء
ياللي ذليت بسـجـودك كل عروش الظالـمـيـن
بالسجود اصبح كلامك يا لـثـارات الـحـسـيـن
يـالـشـعــارك خـط شـعـارك
ثوره ترويها الـسـنـيـن
*---------------*---------------*
من بعد عـاشـر مـحـرم يــوم ذبـحـوا كـل هلـك
سرت وي ظعن السبايا هــنــاك دهــرك وصـلّـك
إلسانـك إتـحـول فـقـار ويـاهـو گـلـي إيـنـازلـك
يـالــفــقـــارك خـط شـعـارك
كلمـة الـحـق الـمـبـيـن
*---------------*---------------*
حــوّلـت كـل الـمـظـالـم ثـــوره ضـد أهـل الـرده
عـرّفـتـهـم يـاهــو أنـتـه و الــمــدامــع شــاهــده
خطبة الشـام الـگـلـتـهـا لـ هـســه ظـلـت خـالـده
هـــذا ثــــارك خـط شـعـارك
زينب ٱوياك الـمُـعـيـن
*---------------*---------------*
يالدُعائك بـالـصـحـيـفـة إتحيّـرت مـنّــه الـعُـقُـول
بـالـعـلـم ربــــك يــمــدك إنـتَ يـاشـبـل الــرســول
بـعـالــم الأحــكــام إنــتَ چـنـت بـٱفـكـارك تجـول
ربــنــه بـــارك خـط شـعـارك
تـبـقـه للمذهب أمـيـن
*---------------*---------------*
كـل كـلام الـگـلـتـه آيــه رحـمــه مـن ثـغـرك نــزل
إنت ناصح حته خصمك والـشِـتـمـكـم والــقِــتــل
رحمة الله الـنـزلـت إنـتَ إلْـ يا بلد ؟ ظعنـك وصل
شْيِطْفي نارك خـط شـعـارك
مـنـك إتـعـالـه الأنـيـن
*---------------*---------------*
اختارك الله لـ هالقضيـه حجه تبقه اعله الـوجـود
إنت تحديها الـضـغـيـنـة والـمـحـن عـنـهـم تــذود
قَـيّـدَت خصـمـك قُيودك صعبه تحـويـك الـقـيـود
حـتـى ثـــارك خـط شـعـارك
إنـت رمـــز الـثـائـريـن
*---------------*---------------*
✍️خادم آل محمد ص
الشاعر ضياء الكناني
عتب طفلة
. أضَيْع التاه صرت اعـلـيـك.. بتاه
وگلبي آنه يبـويـه إنـگـطـع.. بتاه
الأبو يحسين صعبه يعوف.. بتاه
طفله ٱويه الغرب تمشـي سـبـيـه
*---------------*---------------*
✍️خادم آل محمد ص
الشاعر ضياء الكناني
أبوذيات
لسان حال رمله أم القاسم ع
. الحسن من ودع ضلوعي.. محنيت
لْـ غير ابني الملـخ گـلـبـي.. محنيت
الچفوف بحـنـتـه جـاسـم.. محنيت
الـچـفـوف إتـحـنـت بـدم الـمـنــيــه
*---------------*---------------*
الـحــزن لـلـحــزن يـاجـسـام.. يرباي
وعلـيـه الـهـجـر مـن ودعـت.. يرباي
گـلـت مـيـفـيـد تـعــبــك راح.. يرباي
بـسـاعـة مــا وگــع جــاســم رمــيــه
*---------------*---------------*
✍️خادم آل محمد ص
الشاعر ضياء الكناني
لسان حال السيدة زينب تخاطب أبا الفضل ع
. عجب چفي بحـبـل عـبـاس.. ينشد
ولسان الفـرح صـار بـصـوت.. ينشد
الشمر يضحك وعنـك صـار .. ينشد
شـگـلـه وانـتــه راسـك بـيـن اديـــه
*---------------*---------------*
بگلبنـه اعـلـيـك صـارت.. لوعه بينه
الـدمـع مـيـلـمـه جـفـنـه.. لو عَبيـنـه
شنطـفـي الـخـيـم گـلـي.. لو عِبيـنـه
نــار و تــســتــعــر كـل كـتــر بــيــه
*---------------*---------------*
✍️خادم آل محمد ص
الشاعر ضياء الكناني
نزّال
لـ شبيه رسول الله علي الأكبر ع
. عـلـي الأكـبـر هـــذا لـــو كــفــالــهــا
الگلب حومة كربلـه اعـلـه ارجـالـهـا
*---------------*---------------*
تـنـشـد الـعـدوان يـا فـــارس هـجـم
عـلـي الأكـبـر هـذا لـو راعـي الـعـلـم
يـاهـو يـتـعـنـاه صـاحـوا مــــا سـلـم
والـــزلــم تـتـدنــه گـــام اجـــالـــهـــا
*---------------*---------------*
گبل ملك الموت ظل سيفه ٱيْخَطف
ردت اوصفه وحرت بي ماينـوصـف
هوه خـزرة عـيـنـه تـنـعـد چـم ألـف
و الــخــزرهــا ضــيّــعــت آمــالــهــا
*---------------*---------------*
ظل يصول بكيفه بالـطـول وعـرض
مِـحْـنَـه لـمـن صـال وابـداً مـاتـفـض
الشمر والعسكر گـضـوه الطف رگض
وصف تـرجـف حـتـه مـن اخـيـالـهـا
*---------------*---------------*
كـلـمـن يـشـوفـه يـصـيـح الـمـغـفـره
ربـــي عـــذراً هــــذا يـــوم الآخـــره
يـا إلـٰـه الــكــون خـفـف مــــا جـــره
روح مــا ظـلـت الـبـالـطـف شــالــهـا
*---------------*---------------*
تــركــض الــوادم بَـلا روح وعــقــل
الما يلوحه السيـف خـوفـاً يـنـچـتـل
علي صاحوا هذا ها لو ابـو الـفـضـل
گـلـهـم انــي الـبـالـحــرب زلــزالــهــا
*---------------*---------------*
✍️خادم آل محمد ص
الشاعر ضياء الكناني
وهل يكفي اللطم والبكاء..؟
. يـدگ چـفـي ولا يـكــفــي
عـلـى صـدري شـدگ يـحـسـيـن مـا وفّـي
*---------------*---------------*
إنته كل عاشـگ لـطـمـلـك والـلـه مـيـوفـيـلـك
وهـــوه مـن يـوم الــولاده لموته بس يبچيلك
نظل نحييهه الــشــعــائــر وانـتـه يشهـد ليلك
الـلـطـم لا تـحـرمـنـه مـنـه ياحـسـيـن إدخيلك
أنــه وهـمـي وحـگ دمـي
اليصب من هامـي بالعاشر عـلـى چـتـفـي
*---------------*---------------*
يـلـي عــلــمــت الـمـراجـل مــا تـطـخ الـهـامـه
وانـتــه ديـــن الـلـه أكـيــد وأنته معنه اسلامه
ما يـزل كـل عـاشـگ الـكـم لــو تــزول ايــامـه
و الــتــألــم بــالــمـــواقــف يسحك اعله آلامه
على جرحـه رسم فـرحـه
اليحب يسحك على ٱجروحه الألم يخفي
*---------------*---------------*
كل عمـرنـه احـنـه مـحـرم كل عمرنه الـعـاشـر
اليوم لو يخـلـص وحـقـك أسمك يخط بـاجـر
ويـــه ربـنـه اللي خـلـقـنـه نريـد بيك نـتـاجــر
جـنـة الـلـه انـتـه حُـسـيـن وحيل بيك نـكـابـر
صرت جنتي وإلك ونـتـي
شريتك من بعت روحـي وخـلـص نـزفـي
*---------------*---------------*
شيـعـتـي مــا إن شـربـتـم مـــــاءً اتـذكـرونـي
الـمــاي سـر هـذا الـوجـود وحته مـا تنسـونـي
ياحـسـيـن المــــــــاي أنته وأنته نور اعيـونـي
أنه مــن اعـطـش اشـربـك خاف مــا يـدرونـي
تــــرويــنــي يضي عينـي
ٱمـن اذكـرك يا كــلام الـلـه يــرد لــهــفــي
*---------------*---------------*
نواسـي مـولاي بـلـطـمـنـه أمــك الـمـظـلـومـه
فاطـمـه الـزهـره الـزچـيـه الـودعـت مـالــومـه
الشـافـتـك عـاشـر مـحـرم دامي فوگ الحومه
هيه صاحت واحنه صحنه ياحـسـيـن ويـومـه
لمن صاحت خلگ ناحـت
لـِ مْصابـك يـاجـرح روحـي يِـهِـل طـرفـي
*---------------*---------------*
✍️خادم آل محمد ص
الشاعر ضياء الكناني
مقطوعة من تراث الشيخ محمد حسن آل سميسم
يــا بـابَ فـاطمَ لا طُـرِقَـت بخيفةٍ
ويـدُ الـهدى سـدلت عـليك حِجابَا
أوَ مـا درى الـمسمارُ حـينَ أصـابَها
مِــنْ قـلـبِهـــــا قـلبَ الـنبيِّ أصَـابا
عَـتْبِي عـلى الأعـتابِ فيها مُحسنٌ
مـلـقىً ومـا انـهـالت عـليـه تُـرابَــا
#أبوذيات_للإمام_العسكري ع
. مصاب الحسن بينه ٱجروح.. خله
وفـگـده تــرك يـا هـالـنـاس.. خله
يـشـيـال الـنـعـش نــاديــت.. خله
خل تحضر تـودعـه أمـه الـزچـيـه
*---------------*---------------*
عليك الدمـع ظل يالحسن.. ينهال
ومـن علـمـك الـعـالـم دوم.. ينهال
على جسمك اتراب اشلون.. ينهال
يـ وجـه الله ٱشعظم هـاي الـرزيـه
*---------------*---------------*
✍️خادم آل محمد ص
الشاعر ضياء الكناني
مقطوعة من زيارة الإمام الحسن العسكري ع
السَّلامُ عَلَيْكَ أَيُّها النَّاطِقُ بِكِتابِ الله السَّلامُ عَلَيْكَ يا حُجَّةَ الْحُجَجِ السَّلامُ عَلَيْكَ يا هادِيَ الْأُمَمِ السَّلامُ عَلَيْكَ يا وَلِيَّ النِّعَمِ السَّلامُ عَلَيْكَ يا عَيْبَةَ الْعِلْمِ السَّلامُ عَلَيْكَ يا سَفِينَةَ الْحِلْمِ السَّلامُ عَلَيْكَ يا أَبَا الْإمامِ الْمُنْتَظَرِ
.. ولما انتهيت إلى قولي:
وقـبـر ببغداد لـنـفـس زكـيـة
تضمّنها الرحمن في الغرفات
قال لي الرضا (ع): أفلا أُلحق بهذا الموضع بيتين بهما تمام قصيدتك؟ فقلت: بلى يا بن رسول الله.. فقال (ع):
وقبر بطوس يا لها من مـصـيـبـة
توقّد فـي الأحـشـاء بـالـحـرقـات
إلى الحشر حتى يبعث الله قائماً
يـفـرّج عــنّــا الـهـمّ و الـكـربـــات
فقلت: يا بن رسول الله، هذا القبر الذي بطوس، قبر من هو؟ فقال (ع): قبري، ولا تنقضي الأيام والليالي حتى تصير طوس مختلَف شيعتي وزواري، ألا فمن زارني في غربتي كان معي في درجتي يوم القيامة مغفوراً له".
#حبيب_الباري_أحمد
أول جـرح بينه ابـتـده جرح الرسول انشاهده
بحضن حـيـدر تـوسـد حـبـيـب الـبـاري احـمـد
*---------------*---------------*
مُحمـد رحـمـة الله الـنـزلـت اعـلـه الـنـاس
انــزلــهــا الــجــلــيــل بــقـــدرتــه وأمـــره
أول مـــا خــلــق بــاريــنــه وابـــدع بــيــه
گــبــل آدم مــحــمــد وابــتــده الــفــطــره
فـتـق نـــوره الـجـلـيـل ومـنـه أنـتـج نـــور
عـلـي الـحـاصـل نـتـاجـه وهـذا مــا اجــره
العلي القـادر أُمـر وامـره بـ وجـوب يـصـيـر
وضّــــح لـلــخــلائــق مــســتــوى الــقــدره
عــن الــعــالــم تــجــرد حـبـيـب الـبـاري احـمـد
قبل الــوجـود ٱيـوحـده
*---------------*---------------*
رســالــه وبــيــهــا بــلــغ ســيّــد الأكـــوان
ودعه اصحاب الجهالـه لــ مـبـدئ الأسـلام
نــبــذ كــل الــشـــرك لـلأمــه راد الــخــيــر
بـ ذكــر تـوحـيـد ربــه ٱنــهــدت الاصــنــام
ابتده ٱيْـفَـهْـمِ البشر عن محتوى التـوحـيـد
وذكـر إلـهـم إلـٰـهـه شــأنــزل ٱمـن احــكــام
أنـه الهادي الـبـشـيـر آنـه الـنـبـي الـمـخـتـار
وســيــد عـــالـــوجـــود بــ أمـــره الــعـــلام
ذِكــر أمـــره وتــخــلــد حـبـيـب الـبـاري احـمـد
رب الـجـلالــه ٱيـخـلـده
*---------------*---------------*
ابـتـدوا أهـل الـرذائــل بـالـحـرب والـجـور
وعليه مجنون صاحـوا مـو نـبـي ومـرسـل
ابــو سُـفـيـان قــائــد لـلــحــرب مــعــلــوم
وعلـى الـهـادي بـجـيـوشـه ٱتـوجـه وأقـبـل
مُـحـمـد نــاده صـوتـه ويـسـخـر الـمـلـعـون
بـ إلـٰـهَــك مــــانــصــدك شــرســل وأنــــزل
الـحــرب نـعـلـنـهـا ضــدك يـانـبـي الإســلام
وبـعـد هـالـحـل نــخــبــرك مــا نــدوّر حــل
عليه جـيـوشـه حـشـد حبـيـب الـبـاري احـمـد
بحيـدر إلـٰهـه ٱيـسـانـده
*---------------*---------------*
يـحـارب ظل مـحـمـد بـالـشــرك والـجــور
نَـشـر ديــن الله چــانـت هــايــه أُمـنـيـتــه
حـقـق هــالــنــصــر وتــوحّــد الــمــعــبــود
وصــل كـل الــعــوالــم وانـتـشـر صــيــتــه
لچن وسفه وهـظـيـمـه بـ طٰـه هـذا يـصـيـر
بُــ ٱحُـد لـمـن هـجـم كــســروا ربــاعــيــتــه
نــــزف دم الــقــداســه والله شــاهــد چـان
مـن وجـه الــنــبــوه وخـضــب إلــحــيــتــه
وگـــع لاچــنــه مــــارد حبـيـب الـبـاري احـمـد
بنـور الـظـلام ٱيـعـانـده
*---------------*---------------*
خبر مصرع مـحـمـد هـد قـوام الـجـيـش
وصــوت الــون تــعــالــه وارتـفـع نـوحـه
وضع راسه الشريف بحضن ابو الحسنين
نحَب حـيـدر عـلـيـه والـونـه مـفـضـوحـه
فقط تحضر وفاته الـزهـره واهـل الـبـيـت
وبعض من الـصـحـابـه وهـاي مـسـمـوحـه
وحضر ملك المنايه استرخصه اعله الروح
قبضها ومن قـبـضـهـا عـيـونـه مـشـبـوحـه
على حسين امـره منهد حـبـيـب الـبـاري احـمـد
حسين بونيـنـه مـاهـده
*---------------*---------------*
✍️خادم آل محمد ص
الشاعر ضياء الكناني
#يارسول_الله
اُصِبْنا بِكَ يا حَبيبَ قُلُوبِنا فَما اَعْظَمَ الْمُصيبَةَ بِكَ
حَيْثُ انْقَطَعَ عَنّا الْوَحْيُ وَحَيْثُ فَقَدْناكَ فَاِنّا للهِ
وَاِنّا اِلَيْهِ راجِعُونَ يا سَيِّدَنا يا رَسُولَ اللهِ
صَلَواتُ اللهِ عَلَيْكَ وَعَلى آلِ بَيْتِكَ الطّاهِرينَ
ياحبيبي ياحسين
. ياحبيـبـي ياحـسـيـن
*---------------*---------------*
تـنـدب الـحــره وتـنـادي والحزن يبن امي سادي
دارت اعـلـيـنـه الاعـادي والظلم يحـسـيـن بـادي
خـويـه ذوبـنـه الأنين
*---------------*---------------*
تنـدب الـحـره بـغـيـابـك خويـه ما نحمل مصابك
خويه مـا نسمع جـوابـك زايــد بـگـلـبـي عـذابـك
ينبض بگلبي الـحنين
*---------------*---------------*
خويـه والخـدّر تـخـبـرك يـحـرگ الـدلال جـمــرك
بينه ريت ايطول عمـرك گـوم دلينه اعـلـه گـبـرك
غابت وياك الـسـنـيـن
*---------------*---------------*
طالت الـغـيـبـه عـلـيـنـه وٱحنـه يم گبرك لـفـيـنـه
لو تشوف اشصار بـيـنـه عـالـهـزل خـويه انسبينه
راحـت ليوث العـريـن
*---------------*---------------*
شيعتك واليـوم اجـيـنـه نندب الزهـره الـحـزيـنـه
ريت يـحـضـرنـه نبـيـنـه احنه يـم گـبـرك لـفـيـنـه
فدوة الك يبن الامين
*---------------*---------------*
فـدوه الك يبن الـزچـيـه وخلي تلـفـيـنـه الـمـنـيـه
نـسـحـگ اولاد الــدعـيـه واذبـح الـظـالـم بــديـــه
ياحبيـبـي ياحـسـيـن
*---------------*---------------*
✍️خادم آل محمد ص
الشاعر ضياء الكناني
أبوذيات لعزيزة الحسين ع السيدة رقية ع
. ابــوي حـسـيـن لـذت انـه.. وره ٱيده
عليش الـشـمـر حــز عـمـه.. وريــــده
يـمـرنـي الـيــوم يـا ريـتـه.. وٱريـــده
يـمـسـح دمـعــتــي الـظـلـت جــريــه
*---------------*---------------*
أضَـيْـع الـتـاه صــــرت اعـلـيـك.. بتاه
وگـلـبـي آنــــه يـبـويـه إنـگـطـع.. بتاه
الأبو يحـسـيـن صـعـبـه يـعـوف.. بتاه
طـفـلـه ٱويـه الـغـرب تـمـشـي سـبـيـه
*---------------*---------------*
✍️خادم آل محمد ص
الشاعر ضياء الكناني
بين النحر والخدر قصة أسِيرة
. إلـ راسـك انـظـر خـويـه لـو لِـ عْبايِـتـي
گـلـي يـا عــبــاس وآنــــه بــغــربــتــي
*---------------*---------------*
حـايــره ابـأمـري صـرت يـابـا الـفـضـل
مـن طـحـت عــبــاس زيـّـدت الـحـمـل
عـيـنـي مـن كـثــر الـهـظـم ظلت تـهـل
ريــتــك تـشـاهــد يـكــافــل مـحـنـتـي
*---------------*---------------*
ريـتـك تــشـاهــدنـي امـشـي بـيـا درب
بيـا خـرابـه ومـجـلـس انـظـرنـي أطـب
واللـه حـالـي بـغـيـبـتـك كـلـش صـعـب
وافــركـت مــن الـمــصــايــب راحــتــي
*---------------*---------------*
راحـــه مـــا ظـلـت بــعــد مـن ابـعـدت
ريت طـحـت ويـاك سـاعـة مـا طـحـت
ٱويـــــاك اودّع كــــون لــمــن ودعــــت
حـتـى اظل زيـنـب بـخـدري وهـيـبـتـي
*---------------*---------------*
آنه خويه ٱمشـيـت درب الـمـامـشـيـت
عالهزل مـن اطـلـعـت گـلـي شـلـگـيـت
غـيـر بــس الـنـوح و الـهـم شـجـنـيـت
مـاخـذت بـس هـذا مـن چـف دنـيـتـي
*---------------*---------------*
بـيـن راسـك حــايــره وبـيـن الـعــبــاء
وبين ستري وهيـبـتـي وذيـچ الـنـسـاء
وبـيـن بـيـتـي وعـزتـي وطـف كـربـلاء
بـيـن هــاي وذيــچ ضــاعــت حــالـتـي
*---------------*---------------*
إتـحـيّـرت عـبـاس كـونـك بـس تشوف
لـ حالي بس انظر يمگطـوع الـچـفــوف
الشام كعبه وآنه صرت اعلـيـهـا اطـوف
بـس وحـقـك مــــــا انـحـلـت شـيـلـتـي
*---------------*---------------*
عدل كون ٱتـعـود واتـشـوف الـحـصـل
إليا بلـد ظـعـنـك يـبـعـد أخـتـك وصـل
حسين راسه اعله الجسد تدري إنفصل
إبـنـاس مـــا مـــرت وحـقـك مـحـنـتـي
*---------------*---------------*
✍️خادم آل محمد ص
الشاعر ضياء الكناني
اتحضري لباچر
. باچر يالعقيله ٱتحضري لـ باچر
للشام الظعن وابلا ولـي يسافر
باچر عالهزل يالحره يـسـبـونـچ
باچر بالدرب كلهم يـشـتـمـونـچ
*---------------*---------------*
بــاچــر مــن عـسـن لا مـر
عليچ أنتي وعلى الأيـتـام
بلاكافل واحسبي احساب
ويـحـدون الـظـعـن ظـلام
صعـبـه الـحـالـه يا زيـنـب
حــيــل وكــثــره هـــالآلام
مـر شــده الأشــد زيــنــب
عـدوانـچ حـچـي إســهــام
للشام بـحـزن يـمـكـن يـودونـچ
باچر بالدرب كلهم يـشـتـمـونـچ
*---------------*---------------*
وحدچ بالـظـعـن تـحـديـن
واخوتـچ عـاثـره يـظـلـون
روس اللي تـــروح اويــاچ
و وّنـچ كـلـهـم يـسـمـعـون
اقبـلـي بـكـل عـذر مـنـهـم
لـونــهــم مــره يـتـعـذرون
صح اعله الـثـره الأجـسـاد
لـٰـكــن خــــدرچ يــبــارون
شلون إبلا حميه اهلچ يتركونچ
باچر بالدرب كلهم يـشـتـمـونـچ
*---------------*---------------*
ممنوع البچي اعله حسين
مـــــارادوا تـهـل ادمــــوع
وانـتـي شـيـنـسـمـع مـنـچ
بس دگ الگـلـب مـسـمـوع
وانشـدچ عـالـظـلـم زيـنـب
هــذا اللي حـصـل يـا نـوع
ابآهـاتچ گـصـدتـي الـشـام
أويــــــاچ الـيـتـامـه تـلـوع
بالسوط الكفر گاموا يضـربـونـچ
باچر بالـدرب كلهم يـشـتـمـونـچ
*---------------*---------------*
ما بـيـن الـعـده تـلـوجـيـن
آه شـگـد صـعــب حــالــچ
إذا نــاديـتــي يـا عــبــاس
الـشمر تـلـگـيـنـه يـبــرالـچ
عگب عينه العده تـبـاريـچ
اويـخـوتـچ راحـت امـالـچ
الدنيا خلاف ابو النومـاس
مـا ظـن لـحـظـه تـحـلالـچ
وي عين الكفيل تغمض عيونـچ
باچر بالدرب كلهم يـشـتـمـونـچ
*---------------*---------------*
آه شـبـيـهــا ذلــه الــشــام
بــاچــر مـــن تــطــبــيــهـا
ولاكلـمـة هـلـه تـسـمـعـين
المـدامــع حـيـل اذرفـيـهـا
و يــا ذل الـخــرابـه هـنـاك
يـمـهـم مــن تــگــعــديــهـا
وخـرابـتـهـم بــلا بــيـبــان
وعــدوانــچ حــرس بـيـهـا
الماعدهم ذمم گاموا يحرسونچ
باچر بالدرب كلهم يـشـتـمـونـچ
*---------------*---------------*
✍️خادم آل محمد ص
الشاعر ضياء الكناني
إِنْ تُنْكِرُونِي فَأَنَا نَجْلُ الحَسَنْ
سِبْطُ النَّبِيِّ المُصْطَفَى وَالمُؤْتَمَنْ
هَذَا حُسَيْنٌ كَالأَسِيرِ المُـرْتَـهَـنْ
بَيْنَ أُنَاسٍ لَا سُقُوا صَوْبَ الـمُـزُنْ
نزال . أرجوزة الفداء
. انه حشمني الگـمـــــر عمي ابن فارس مضر
انه جاسم واسمعوني انه اجيكم لاتـجـونـي
اليـوم اگـطـعـكـم وذر
*---------------*---------------*
انــــه اجـيـت بـهـمـتـي
افـــدي عـمـي غـايـتـي
بچفه امـوتـن مـنـيـتـي
بـهـاي احـقـق رغـبـتــي
لابس الروح اعله درعي
مــا أفر مو هذا طـبـعـي
بـالـجـنـان المـسـتـقـر عمي ابن فارس مضر
*---------------*---------------*
سيف ابوي بچفي صـار
وبيه چن مسـتـعـره نار
راح اخط بيدي القـــرار
كل جـمـعـكـم بيه حــار
بزود حيدر مــن اجيكم
المــوت جني ومعتنيكم
يعني گاصدكم خـطـر عمي ابن فارس مضر
*---------------*---------------*
عـمـي وارث غــيــرتـــه
انــه اشــبــه صـــورتــه
إتـعـلـمـت مـن صـولـتـه
گـلـبـي رف وي رايــتــه
آنـه چن شـايـلـهـه بيدي
اليـوم اسـويـكـم عبيدي
مـن يگطعون الـنـحـر عمي ابن فارس مضر
*---------------*---------------*
انــه تـكــرار الــحــســن
اعـنـي ابـوي الـمـؤتـمـن
بعزمه چن عزمي اقترن
بجدمـــي متعني المحن
ما أهـاب ٱمــن المـنـايـه
هاي كـلـمـه وعـن درايـه
بيه خل تحچي البشر عمي ابن فارس مضر
*---------------*---------------*
روحـي تـرخـص للولـي
هوه كل ناسي وهــــلي
اســتــمــع يـاســائــلــي
بسمه كل هـم يـنـجـلـي
ننجه لـو بيه ٱنتـخـيـنـه
حسين قـائدنـه ووليـنـه
وانه ارخصله الـنـظـر عمي ابن فارس مضر
*---------------*---------------*
والله يـاجـيـش الــعـده
انــه سـيـفـي ٱمـجــرده يــاهـــو راد ٱيــعــانــده
جثـه يـعـنـي ٱيـوســـده
المرني چن گربت منيته
حـسّـب بـيــوم اعتنيتـه
روحه تالـيـهـه بسـقـر عمي ابن فارس مضر
*---------------*---------------*
✍️خادم آل محمد ص
الشاعر ضياء الكناني
بين العباس وزينب ع
قصيدة بلحن ( يوليدي خلي الماي ) للمرحوم ملا حمزه الزغير
سأبقى بٱنتظارك...
. ياخويه اظل بـرجاك وانطر بالاخيام
و لو ما الـيـه إتـعـود يمصوب الـهـام
عيني تربي عالشاطي وينك يمته تلفيني
*---------------*---------------*
يالمـاخـذ انـتـه الـعـيـن يـالمـاخذ الروح
تـرجـع إلـي ابـهـالـسـاع دلالي مـجـروح
كل لحظه احس بجفاك يـتـزايـد الـنـوح
لـتـگـلـي چــفــك طـاح لتگـلـي مـذبـوح
عيني تربي عالشاطي وينك يمته تلفيني
*---------------*---------------*
مـتـعـلـمـه بـس ويــاك احـچـي الأريــده
تـفـهـم الـ مـا احـچـيـه و الـ مـــا اعـيـده
الـ مـا ينـظـر لـ عـيـنـاك گلـي ٱشـيـفـيـده
لــو مــا تـــرد عــبــاس نوحي آنه ازيـده
عيني تربي عالشاطي وينك يمته تلفيني
*---------------*---------------*
مـن ريحتـك شـمـيـت ريـحــه بـعـبـاتـي
واتـقـبـل الله لـ هـــاي صـومـي وصلاتي
يـالـمـانـكــرت بــيــوم ســهـري وربــاتـي
بـدونـك عـمـر مـاريــد شـلـي بـحـيـاتــي
عيني تربي عالشاطي وينك يمته تلفيني
*---------------*---------------*
مـتـعـلـگ انـتـه ٱويــاي مـن اول اصباك
ومتعـلـگـه هـاي الـروح تـدريـهـا ويـــاك
بفكري انته عايش دوم لتصـدك انـسـاك
لـلـعـلـگـمـي إتـعـنـيــت راح اگعـد اتـنـاك
عيني تربي عالشاطي وينك يمته تلفيني
*---------------*---------------*
گـالـوا وگــع يـاحـيـف ومصوب الـعـيـن
نبـلـه وعـمـد بـالـراس ومگطوه الايديـن
صحت انـه واحتاريت أنطي الوجه وين
ومنـك رجـع مـكـسـور وينوح الحـسـيـن
عيني تربي عالشاطي وينك يمته تلفيني
*---------------*---------------*
يالـكـلـشـي راح ٱويــاك يالمعـتـنـي الماي
آنـه . الخيم . الاطـفـال تعـرف يــرجـواي
المثلك يـبـحـر الـجـــود نشتاگ إله هواي
يـمـنـه وبـعـيـد شـلــون مايـبـقـه كل راي
عيني تربي عالشاطي وينك يمته تلفيني
*---------------*---------------*
✍️خادم آل محمد ص
الشاعر ضياء الكناني
أنا العباس
خل تسمعني اليوم الناس يـازيـنــب آنـــه الـعـبـاس
افـرح لـو طب الـمـيـدان واتـبـخـتـر وانـه الـنبراس
*---------------*---------------*
انــه ابــن الـحــيــد الـكـــرار
بالحومه يـسـمـونـي اعـصـار
من ألـفـي إيـدگـون انــــــذار
وتــتــحــصــن كـل الـكــفــار
من اغضب شـيـطـفـي الـنـار
اگـلـبـهـا وشــيــطــفـي الـنـار
مذعوره من اسمي العدوان بـي ذليت شگد ارجاس
*---------------*---------------*
آنه المنطي الحومـه ادروس
من احضرها تضيگ انـفـوس
محد شاهـدنـي ومـحـسـوس
فوگ الهام إجـدامـي اتـدوس
مـن ازهـگ تــتـطـايـــر روس
اعداي إتسميـنـي الـكـابــوس
تـتـراجـف حگـهـا الأبدان وما اعتب معذوره الناس
*---------------*---------------*
يــازيــنــب فــنــه الـيـدنــاچ
وآنـــه ابــن الأنــــزع ويـــاچ
راح اذبـحــلــچ كــل اعــداچ
مـــــا اقـبـل تـهـمـل عـيـنـاچ
تـتـوسـل خـلـيــت اســمــاچ
رادت بــس تــعــرف مـنـواچ
ماعرفـت سـتـر الرحـمـان وستر الله بسترچ ينقاس
*---------------*---------------*
نـــــور الـلــه الـقـط مـا غـاب
عـن الـدنـيـا وكـثـره اسـبـاب
لـلـيــســألــنــي وراد جــواب
يعرفـنـي إمن ٱتـطـيـر ارگـاب
ويـاهـم عـنـدي انـه اعــتــاب
وِلْــ خـــــــدچ طـالـــع طـلاب
اتـلاهـب مـثـل الـبـركــان چي منـبـع غيره ونوماس
*---------------*---------------*
آنـــــــه الـعـبـاس و مـعـروف
الماسامع شخصي انه يشوف
تتراجف من سـيـفي صـفـوف
وجه الشفته يـظل مخـطـوف
لـ سيفي تــذل شـگـد سـيـوف
چـنــه الــفــقــار ومــوصــوف
بـالـمـنـحـر صاير عـنـوان وبكـلـهـن مـرفـوع الراس
*---------------*---------------*
✍️خادم آل محمد ص
الشاعر ضياء الكناني
واضيعتنا بعدك يا أبا الفضل
. اجيتك ابچي وانـحـب الخـدر خـويـه تـسـلـب
وتــحــيــرت بـسـؤالـي عليك ابچي اعله حالي
الخـدر خـويـه تـسـلـب
*---------------*---------------*
أنـه الحره العـقـيـلـه الـمـانـشـف خـدي
أجـر دمـعـة حـزن والـونـه مـسـمـوعـه
ربيت ٱمن الزغـر عـالـحـسـره والآهـات
وصلت لـ هذا عمري مـرافـگـه الـلـوعـه
آنه ام الهـظـم مـتـگـبـعـه بـالـحـسـبـات
النوايب وآنه طفله بگـلـبـي مـطـبـوعـه
الزمن ناح اعله حالي بـطـيـحـة الـكـرار
إنفجع من صد عليه وٱتحنـت اضلـوعـه
بـدمـع مـن دم بـچـالـي عليك ابچي اعله حالي
مـنـو الـمـثـلـي تــعـذب
*---------------*---------------*
صرت أم للحزن واطفـالـي والـلـوعـات
بنيـن امـسـوا إلـيـه وآنـه صـرت امـهـم
الحزن حسره العذاب وهاي اسامـيـهـم
ورابعهم چـبـيـر بگـلـبـي واسـمـه الـهَـم
شفت بـس الـقـهـر لـمـن صـرت لـلـيـوم
ودليلي اعله النواعي بـسـاعـتـه ٱتـعـلـم
اذا مـرتـنـي ليلـه ومـاكـو بـيـهـا ادمـوع
أتـعـجــب عــلــيــهــا وابــقـــه اتـــألـــم
اتـعـرف بـيـه الـلـيـالـي عليك ابچي اعله حالي
آكـل حــزنــي واشــرب
*---------------*---------------*
بحميتك آنـه جيت لـ كربـلـه بـهـالـيـوم
گلت گومـي بحميتي وآنـه عـد عيـنـاچ
اعرفنك غـيـور وسـتـري يـحـلـف بـيـك
وگلت حته الهوى ما أرضه مـن يـدنـاچ
وگلتلي بزودي أنتي وآنه ابو النـومـاس
خيـالـچ آنـه اصـيـر بـكـل وكـت ويـــاچ
يحـشـمـة فــاطــمــه ويـاهـيـبـة الـكـرار
إلچ حارس أنـه ولـو لـلـعــرش مــنــواچ
اذكـــرت عــزي ودلالـي عليك ابچي اعله حالي
يـاهـوُ الـمـنــي يـگــرب
*---------------*---------------*
انه من اصفن ثواني براسي ونه تصير
اذا مــر بـيـه غـيـض ويـومـك اتــذكــر
اذا اذكـر مـكـانـك واصـفـن لـ طـــرواك
اجر حـسـره ابألم وادمـوعـي تـتـفـجـر
چنت حـتـه بـ أخـوتـك يا أمــل دنـيـاي
تــوصـيـهـم وصـيـه بـ إسـمـي لايُــذكـر
أنه الحته الشمس تتمنه طولي تـشـوف
ولـ نـظـرة خــيـالــي ادريـهــا تـتـحـسـر
تــريـد ٱتـصـد خـيـالـي عليك ابچي اعله حالي
تـصـدنـي وانــه زيـنـب
*---------------*---------------*
رحت للعلگـمـي وهـمـك تـروي اطـفـال
تـتـنـطـر لـ جــودك وانــتــه تـــدريــهــا
وصلت الـمـشـرعـه بزودك مليت الجود
وگصدت اعلـه الـخـيـم رايـد تـوافـيـهـا
الـكـتـايـب حاطتك خافن توصل المـاي
تـرفـض هـالـعـطـاشـه انـتــه تــرويــهــا
وگـع چفك يـخـويـه وچنه طاح الـكـون
چنه بـچـفـوف اديـك الـدنـيـا حـامـيـهـا
الـفـرح بـعـدك بـچـالـي عليك ابچي اعله حالي
اجيـتـك عـنـدي مطلب
*---------------*---------------*
✍️خادم آل محمد ص
الشاعر ضياء الكناني
أجيبي ياكربلاء
. ناد صوتٌ بـالـعـراء زاد في قلبي العزاء
ناد والقلـب حـزيـن ياحسينا ياحسين
*---------------*---------------*
صوت انتـفـض مني وطلع
يـنــادي بـحـزن يـا كـربـلـه
انـشـد اجـيـت بـتــربــتــچ
ودْمـوعـي صـارت هـامـلـه
اول سـؤال اشـگـد صـعـب
فوگ الـضـلـوع ٱمـسـجِّـلـه
عن سيدي ٱحسين انْشَدِت
عن قصـتـه وعـن مـقـتـلـه
ناد في قلبي الانين ياحسينا ياحسين
*---------------*---------------*
يـا دم سـفـكـتـي بـذمـتـج
يـا كـربـلـه لـ يوم الـحـشـر
ذنـبـچ تــره ٱيـهـز الـعـرش
بـاچــر اذا صــار الـنــشــر
عندچ جواب اعله الحصـل
من هسه حـضـريـلـچ عـذر
نـاده الـحـسـيـن و لا خـبـر
مـنـچ لـمـن جـاه الــشــمــر
عندمـا حزّ الـوتـيـن ياحسينا ياحسين
*---------------*---------------*
مـن انـسـلـب هـدم الـولـي
جفنـچ اظـن مـاصـب دمـع
وفـزّعـتـي لا مــــا اعـتـقـد
صوتچ خفي وما يـنـسـمـع
اسـمـع ونـيـنـه شـمـا يـون
وٱسمع گمت كسـر الـضـلـع
ما شـاهـدت ذيـچ الـمـحـن
وانه ادري لو صِدهه انفجع
صوبـوا ذاك الجبين ياحسينا ياحسين
*---------------*---------------*
يـوم الـوگـع راعـي الـعـلـم
چن طاحت اويـاه الـسـمـه
نــزلــت تــريـــد اتــعــدلــه
وبـچـفـوفـه تجعل صارمـه
شافت چفـوفـه ٱمـگـطـعـه
وبـشـفـتـه آثــــــار الـظـمـه
صـعـدت تـنـادي ابـلا وعـي
غـاب الـگـمـر يـا فـاطــمــه
قد قضى لا تسألين ياحسينا ياحسين
*---------------*---------------*
بـآخـــر ســـؤال اتـحـيـرت
اتـلـكـئ اشـــمــا يـنـســئـل
خـل لا يـمـر اعـلـه الــذهـن
فوگ الحـمـل يرسـم حـمـل
وماارضه عينـي اتـصـد الـه
خايف انه بلـحـظـه انـذهـل
شگد صلفه عينج من مشت
ام الـخـدر فـــــــوگ الـهـزل
قادها شـمـرٌ لـعـيـن ياحسينا ياحسين
*---------------*---------------*
✍️خادم آل محمد ص
الشاعر ضياء الكناني