82228
Кузатувлар, фикрлар. ИМҲО — шахсий фикри ожизимча, дегани. Админга ёзиш учун махсус бот: @davletovuz_bot Тижорий ҳамкорлик учун: @davletovuz_reklama_bot
Президент томонидан “Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш тўғрисида”ги қонун имзоланди
Қонунга кўра, фуқаролар қуйидаги кўчмас мулкларни ўз номига (ижара ва мулк ҳуқуқи асосида) қонуний ўтказиб олиши мумкин:
➖2018 йил 1 май кунигача якка тартибдаги уй-жой қуриб ўзбошимчалик билан эгаллаган ер ҳамда ундаги бино ва иншоотлар;
➖2018 йил 1 май кунигача фуқаролар ва ташкилотлар томонидан ҳужжатда кўрсатилган майдондан ортиқча эгалланган ер ҳамда ундаги бино ва иншоотлар;
➖“бир марталик акция” доирасида ҳуқуқларни эътироф этиш охирига етмаган ер ҳамда ундаги бино ва иншоотлар;
➖2021 йил 8 июнга (ҳокимларнинг ваколати бекор қилингунига) қадар туман (шаҳар) ҳокимлари қарори билан ажратилган, лекин вилоят ҳокими ёки халқ депутатлари Кенгаши томонидан тасдиқланмаган ер;
➖боғдорчилик ва узумчилик ширкатлари ҳудудидаги турар жойлар ҳамда улар эгаллаган ер;
➖кичик саноат зоналари ҳудудига 2020 йил 9 мартгача жойлаштирилган тадбиркорларнинг ери;
➖давлат ордери билан хусусийлаштирилган бинолар ва уйлар эгаллаган ер;
➖ҳоким қарори билан мулк ҳуқуқи эътироф этилган бинолар ва уйлар эгаллаган ер участкаси.
Кўчмас мулкни қонунийлаштириш учун улар қуйидаги талабларга жавоб бериши лозим:
▫️ер бошқа шахсга ажратилмаган ёки аукционга чиқарилмаган бўлиши;
▫️ер участкасидан фойдаланишда низо мавжуд эмаслиги;
▫️ер ва мол-мулк солиғи бўйича қарздорлик мавжуд эмаслиги;
▫️муҳофаза зонасида, суғориладиган ерда жойлашмаганлиги;
▫️бош режа талабларига зид эмаслиги (мавжуд бўлса);
▫️ҳар бир категорияга хос бошқа шартлар (инвестиция мажбурияти бажарилганлиги, ширкат аъзоси ҳисобланиши ва бошқалар).
Қонун 3 ойдан сўнг кучга киради.
Камала Ҳаррис Миннесота штати губернатори Тим Уольцни вице-президентликка номзод сифатида танлаган.
Читать полностью…
2024-2025 ўқув йилида талаба бўлишни мақсад қилган абитуриентлар диққатига!
🤩 ЗАРМЕД Университети талабаларга сифатли таълим олиши учун кенг кўламли имкониятлар ва афзалликларни тақдим этади.
Университетимизда замонавий ва талабгир бўлган 17 дан ортиқ йўналишларда кундузги ва сиртқи таълим шаклида таҳсил олишингиз, халқаро қўшма таълим дастурлари орқали хорижда таълим олиб 2 та дипломга эга бўлишингиз мумкин. 🔥
Агар сизда ДТМ имтиҳон натижаси бўлса, имтиҳонсиз талаба бўлишингиз мумкин.
💯 Бундан ташқари, контракт тўловини 1-октябргача 100% амалга оширсангиз, 10% чегирмага эга бўласиз.
Келажагингизни биз билан бирга қуринг, ҳозироқ ҳавола орқали рўйхатдан ўтинг
👉 Рўйхатдан ўтиш
📞 Мурожаат учун:
+998 65 505-70-70 (Бухоро кампуси)
+998 55 704-70-70 (Самарқанд кампуси)
Реклама
Telegram | Facebook | zarmeduni">YouTube | Instagram
Президент ёрдамчиси Саида Мирзиёева Қозоғистон давлат маслаҳатчиси Ерлан Карин билан учрашибди.
Учрашув давомида икки томонлама, минтақавий ва кўп томонлама муносабатларнинг долзарб масалалари муҳокама қилинган.
Манба
Маркировкалаш назорати кучайтирилади
Ҳукуматнинг “Мажбурий рақамли маркировкалаш лозим бўлган товарларнинг чакана савдосини тартибга солиш тўғрисида”ги қарори қабул қилинди.
➖2024 йил 1 сентябрга қадар алкогол, тамаки ва пиво маҳсулотлари, маиший техника ва дори воситалари чакана савдоси билан шуғулланаётган тадбиркорлик субектларининг “Асл белгиси” миллий ахборот тизимидан рўйхатдан ўтганлиги ҳамда рақамли маркировкалаш талабларига риоя этилаётганлигини назоратга олинади;
➖Рақобат қўмитаси онлайн назорат-касса машиналари нархлари сунъий ошиб кетишининг олдини олади;
➖маркетплейслар учун маркировка қоидаларини бузганлик учун жазо чораларини жорий қилиш бўйича таклифлар ишлаб чиқилади;
➖2026 йил 1 августга қадар қалбаки рақамли маркировкаланган ва/ёки контрафакт маҳсулотларни импорт қилувчи, ишлаб чиқарувчи ҳамда улгуржи ва чакана реализация қилувчи субектларга нисбатан мазкур маҳсулотларни мусодара қилган ҳолда, жиноий жавобгарликка тортиш нормаларини белгилашни назарда тутувчи норматив-ҳуқуқий ҳужжат лойиҳасини Вазирлар Маҳкамасига киритиш;
➖2024 йил 1 ноябрга қадар рақамли маркировкаланадиган маҳсулотларнинг улгуржи савдосини фақат нақд пулсиз шаклда сотиш талабини белгилашни назарда тутувчи норматив-ҳуқуқий хужжат лойиҳасини Вазирлар Маҳкамасига киритиш;
➖2024 йил 1 декабрга қадар “Савдо тўғрисида”ги қонун лойиҳасини Вазирлар Маҳкамасига киритиш.
Реновация учун ҳудудлар “аҳоли мурожаатлари асосида” танлаб олинган - Тошкент шаҳар ҳокимлиги
Пойтахт маъмурияти қоқ тунда реновация бўйича расмий муносабат билдирди. Унда қайд этилишича, Тошкентда қурилган уйларнинг фойдаланиш муддати 50 йилга мўлжалланган, аксарият ҳолларда капитал таъмирлаш имконияти йўқ, фойдаланиш муддати тугамоқда.
“Вазиятни холисона баҳоласак, ушбу уйларни ҳозирги ҳолатида фойдаланишда қолдириш муқаррар равишда пойтахтда авариявий уй-жойларининг оммавий пайдо бўлишига олиб келади” дейилади муносабатда.
Оммавий ахборот воситаларида тилга олинган ҳудудлар маҳаллий “аҳоли мурожаатлари асосида таклиф этилган ва режа тузилган”.
Дастлабки таҳлили уларнинг юқоридаги шаҳарсозлик меъёрлари талабларига жавоб бермаслигини тасдиқлаган.
“Биз лойиҳани амалга ошириш механизмини мамнуният билан эълон қиламиз, чунки у жуда соддалаштирилган ва биз уни кейинги хабарларимизда батафсил тушунтиришга ҳаракат қиламиз”, дейилади хабарда.
Рақобатни ривожлантириш концепцияси ишлаб чиқилди:
➖тадбиркорлик субъектларининг бозорларга эркин киришини қийинлаштирувчи норматив-ҳуқуқий моддалар ва ортиқча талаблар бекор қилинади.
➖ Рухсат берувчи жараёнлар ва лицензиялар жавобгарликни мажбурий суғурталаш билан алмаштирилади.
➖Табиий монополия соҳаларида мустақил бозор регуляторлари жорий этилади.
➖ Рақобатни чекловчи индивидуал хусусиятга эга давлат ёрдами, шу жумладан, эксклюзив ҳуқуқ, имтиёз, преференция ва енгилликлар бекор қилинади.
➖Рақобатга қарши келишув ва хатти-ҳаракатлар, тил бириктириш ҳолатлари ҳақида маълумот тақдим этган шахсларни ошкор этмаслик ва мукофотлаш тизими жорий этилади.
➖энергетика, нефть-газ, сув хўжалиги, йўл қурилиши, темир йўл ва аэропорт хизматлари каби қатор соҳаларда 17 турдаги давлат монополиясини босқичма-босқич тугатиш чоралари кўрилади.
Республика ҳудудларига навбатдаги иссиқлик тўлқини яқинлашмоқда
Ўзгидромет прогнозларига кўра, 6—7 август кунлари шимол, Бухоро- Навоий вилоятлари ҳамда бепоён чўлларда кундуз куни ҳаво ҳарорати +43 даражагача, кейинроқ 8 август кунига келиб, жанубий вилоятларда ҳаво харорати максимуми +45 даражага, водийда эса +42 даражагача кўтарилиши прогноз қилинмоқда.
Халқаро Нордик Университети ва “UzReport” ахборот агентлиги ўзаро ҳамкорликда “UzReport журналистика, медиа ва коммуникациялар академияси”ни ташкил қилди.
Ушбу янги ташкил қилинган Академияда “Журналистика” таълим йўналиши (бакалавриат) ва мутахассислиги (магистратура) бўйича дуал таълим шаклда журналистика соҳасида энг янги инновациялар, холис, тезкор ва креатив нуқтаи назар, профессионал билим ва кўникмаларга эга кадрлар, етук мутахассислар тайёрлаш кўзда тутилган.
Мазкур таълим йўналиши ва мутахассисликларга ҳужжат топширган абитуриентларни саралаб олиш жараёни икки босқичдан иборат бўлади: биринчи босқич – тест шаклида (Она тили ва адабиёти, тарих фанларидан) ва иккинчи босқич – оғзаки ва ёзма иш шаклида бўлиб ўтади.
Академияда ўқиш даврида талабаларга қуйидаги имкониятлар берилади:
- ўқиш давомида параллел равишда даромад топиш имкониятини яратиш: “UzReport TV”, “FTV” телеканаллари, www.uzreport.news ахборот порталида мухбир, муҳаррир, тасвирчи, PR-менежер, видеомонтаж устаси, сухандон, ижтимоий тармоқларда SMM мутахассиси сифатида ишлаш;
- бир пайтнинг ўзида дуал таълим асосида академик таълим ва “UzReport” ахборот агентлигида амалий билим олади.
🇰🇿🇺🇿 Қозоғистон Президенти Остонада Ўзбекистон Президенти ёрдамчиси Саида Мирзиёева билан учрашди
✔️ Учрашув давомида икки давлат ўртасидаги кўп қиррали ҳамкорликни янада ривожлантириш масалалари муҳокама қилинди.
✔️ Қозоғистон ва Ўзбекистон ўртасидаги иттифоқчилик ва стратегик ҳамкорлик муносабатларига тўхталиб ўтган Қосим-Жомарт Тоқаев президент администрациялари ўртасида яқин алоқалар ўрнатиш орқали юқори даражадаги сиёсий мулоқотни самарали кенгайтириш муҳимлигини қайд этди.
✔️ Ахборот-мафкуравий, маданий-гуманитар ва таълим соҳаларида, шунингдек, ёшлар сиёсати соҳасида ўзаро манфаатли ҳамкорликни чуқурлаштиришга алоҳида эътибор қаратилди.
✔️ Президент Остонада “Заковат” халқаро интеллектуал ўйини ўтказилишни қўллаб-қувватлади ва бундай тадбирлар халқларимиз ўртасида маданий яқинлашувда муҳим роль ўйнашини таъкидлади.
Манба
28 нафар ўзбекистонлик немис тили мутахассислари Германияга юборилди
Малака оширишга юборилган номзодлар Савдо-саноат палатаси ҳузурида ташкил этилган “Касбий таълим ва хорижий тилларни ривожлантириш” нодавлат таълим муассасаси ва немис ҳамкорлари томонидан республика бўйлаб саралаб олинган.
Сараланган ўқитувчилар 8 ҳафта давомида Германияда малака ошириб қайтгач, мамлакат ёшларини немис тилига ўқитиб, уларнинг тил кўникмаларини оширишга ва немис тилини ўқитиш тизимини янги босқичга олиб чиқишга хизмат қилади.
Чет тилини ўрганишда, албатта, ана ўша тилнинг ватанига бориб малакa орттириш жуда муҳим. Бу ташаббус соҳада катта натижаларни беришига ишонаман.
Шавкат Мирзиёев қисқа муддатли меҳнат таътилидан қайтди.
Читать полностью…
Қозоғистон Заковат интеллектуал ўйинига мезбонлик қилади. Бу ҳақда Саида Мирзиёева хабар берди.
Читать полностью…
Чироқчи тумани ҳокими Файзулла Юсупов фуқарога тарсаки туширган. Бу ҳолат ижтимоий тармоқларда кенг муҳокамаларга сабаб бўлди.
Қашқадарё вилояти ҳокимлиги ахборот хизмати маълум қилишича, ушбу масала вилоят ҳокимлиги аппарат йиғилишида кескин муҳокама қилинган. Туман ҳокими Ф.Юсупов шу ва иш фаолиятида йўл қўйган бошқа камчиликлари учун интизомий жазога тортилган.
Туман ҳокими ҳар бир фуқаро билан хушмуомала ва ҳурмат билан муносабатда бўлиши, мулоқот чоғида одоб-ахлоқ қоидаларига қатъий риоя қилиши уқтирилди ва келгусида бу каби ҳолатларга йўл қўйган тақдирда тегишли жавобгарликка тортилиши тўғрисида қатъий огоҳлантирилган.
📢 Осиё Халқаро университетида УзБМБ (ДТМ) натижангиз билан талаба бўлинг!
Бухоро шаҳрида жойлашган ушбу кўп тармоқли университет сизга қуйидаги имкониятларни таклиф этади:
✅ Халқаро даражадаги таълим
✅ Замонавий кампуслар
✅ Энг кучли мутахасис педагоглар
✅ Ректор стипендиялари
Ҳозирги кунда ушбу университетда УзБМБ имтиҳонларидан тўплаган натижангиз билан 27 та йўналишлардан бирида талаба бўлиш имконияти ҳам мавжуд!
📝 Рўйхатдан ўтиш: qabul.oxu.uz
📞 Қўшимча маълумотлар учун: +998553050009
🌐 www.oxu.uz
Реклама | Реклама
Қозоғистон пойтахти Остонада Алишер Навоий ҳайкали очилади.
Шавкат Мирзиёев 7-9 август кунлари давлат ташрифи билан Қозоғистонда бўлади.
Президентлар раислигида Олий давлатлараро кенгашнинг биринчи йиғилиши ўтказилиши режалаштирилган.
Қозоғистон пойтахтида буюк ўзбек шоири ва мутафаккири Алишер Навоий ҳайкалининг очилиши кўзда тутилган.
Шавкат Мирзиёев 9 август куни Остона шаҳрида бўлиб ўтадиган Марказий Осиё давлатлари раҳбарларининг навбатдаги Маслаҳат учрашуви ва "Марказий Осиё + Япония" мулоқотининг биринчи саммитида ҳам иштирок этади.
Тижорат банклари томонидан марказлашган маблағлар ҳисобидан ажратиладиган ипотека кредитининг йиллик фоиз ставкаси 0,5%га туширилди - Марказий банк
Читать полностью…
Иқтисодий ҳуқуқбузарликлар учун жиноий жавобгарликни қайтариш ёки жорий қилишга уриниш яхши оқибатларга олиб келмайди. Соҳада самарадорликка эришишнинг бошқа механизмлари устида бош қотириш лозим. Бутун саъй-ҳаракатлар фақат “тор” маркировкалаш мақсадига эришиш ёки идоравий манфаатларни қаноатлантиришга қаратилмаслиги керак.
Читать полностью…
Талабаларнинг контрактларини тўлайдиган ака-укалар, опа-сингилларга ҳам солиқ имтиёзини бериш таклиф этилмоқда. Тегишли қонунчилик таклифи омбудсман томонидан ишлаб чиқилган. Парламент қуйи палатаси мазкур таклифни бюджет даромадларига дахлдор бўлгани учун ҳукуматга юборади.
Читать полностью…
Олий Мажлис Қонунчилик палатаси депутати Дониёр Ғаниев Вазирлар Маҳкамаси инвестициялар, экспорт, савдо, қишлоқ ва сув хўжалиги масалалари котибияти инвестиция лойиҳаларининг амалга оширилишини мониторинг қилиш бўлими бошлиғи ўринбосари лавозимига тайинланди.
Читать полностью…
Uzbekistan Airways маҳаллий рейслар учун 30% чегирма эълон қилди
Чегирмадан 31 августдан 3 сентябргача бўлган маҳаллий авиақатновлар учун фойдаланиш мумкин.
Чегирмали чипталар сотуви 6 августдан бошланади.
Ўзбекистон ҳукумати Урганч халқаро аэропортини давлат-хусусий шериклик асосида модернизация қилиш ва бошқариш бўйича тендер эълон қилди.
Ғолиб оператор маҳаллий ва хорижий йўловчиларга хизмат кўрсатадиган янги терминал, юк ва маъмурий терминаллар қуриши, учиш-қўниш йўлагини барпо этиши ва бошқа ишларни амалга ошириши керак бўлади.
Ҳафта якунида Япония бош вазири Фумио Кисида расмий ташриф билан Ўзбекистонга келиши кутилмоқда.
Читать полностью…
«Саидазиз медгородок» номи билан танилган Саидазиз Саидалиев 20 йил муддатга озодликдан маҳрум қилинди. Жазони умумий колонияда ўташ белгиланди.
Читать полностью…
Ўзбекистонлик билимдонлар Остонада бўлиб ўтадиган Заковат Халқаро ўйинида жамоаларни қўллаб-қувватлаш учун етиб келишди.
Читать полностью…
Қозоғистон Осиёнинг энг кучли билимдонларини ўзида жамламоқда. Остона Заковатнинг йирик халқаро турнирига мезбонлик қилади.
Читать полностью…
Тошкент шаҳар ҳокимлиги қарори билан айрим туманларда реновация лойиҳалари амалга ошириладиган ҳудудлар белгиланди:
➖Мирзо Улуғбек туманида 26,71 гектар;
➖Сергели туманида 35,15 гектар;
➖Шайхонтоҳур туманида 36,82 гектар;
➖Чилонзор туманида 5 гектар;
➖Яшнобод туманида 54,67 гектар;
➖Яккасарой туманида 13 гектар.
Қарорга кўра, ушбу ҳудудларда маданий мерос объектлари рўйхати, бузиладиган ёки таъмирланадиган турар ва нотураржойлар хатловдан ўтказилади. Реновация лойиҳасини амалга ошириш учун инвесторларни тан олиш мақсадида эълон берилади.