80666
Кузатувлар, фикрлар. ИМҲО — шахсий фикри ожизимча, дегани. Админга ёзиш учун махсус бот: @davletovuz_bot Тижорий ҳамкорлик учун: @davletovuz_reklamabot
Туркиянинг SunExpress авиакомпанияси 12 ноябрдан Измир - Самарқанд йўналишида доимий парвозларни йўлга қўймоқда. Авиақатновлар Boeing-737 самолётларида ҳафтанинг душанба, пайшанба ва шанба кунлари амалга оширилади.
Читать полностью…
Таълим тизимида ёдлашга эмас, танқидий фикрлашга эътибор бериш керак
Таълим тизимимизда афсуски кўп муаммолар мавжуд. Улардан энг кўзга кўрингани бу бизнинг фақат ёдлатиш тизимига асосланган ўқитиш методикамиз ҳисобланади. Бироқ бу билан таълим тизимида юқори даражаларга чиқиш имконсиз. Чунки бунда тандиқий фикрлаш ва ёндашиш бўлмайди.
Юртимизда яқиндагина ўз фаолиятини йўлга қўйган Прогрессив ислоҳотлар маркази бу масала бўйича қисқа таҳлилий мақола тайёрлабди. Мақолада ушбу масаланинг долзарблиги билан бир қаторда ечимлар таклиф этилган.
Масалан, ривожланган Япония, Жанубий Корея, Канада, Германия каби давлатларга эътибор берилса, ушбу мамлакатларнинг таълим тизимида тандиқий фикрлаш асосида чуқур таълим берилади. Чунки ҳозирги глобаллашган даврда кучли таълим тизими ҳар қандай давлатнинг иқтисодий драйвери ҳисобланади. Бу эса танқидий ва рационал фикрлаш орқали юзага чиқади.
Мақолани ушбу линк орқали тўлиқ ўқиб чиқишингиз мумкин.
Ойбек Ҳамраев Самарқанд вилояти ҳокимининг ўринбосари-вилоят инвестициялар, саноат ва ташқи савдо бошқармаси бошлиғи лавозимига тайинланди.
Тайинловга қадар у инвестициялар, саноат ва савдо вазирининг ўринбосари лавозимида фаолият юритган.
InfinBank Топ-7 миллий ижтимоий масъулиятли бизнеслар рўйхатига кирди
Лондонда бўлиб ўтган “Ўзбекистонлик” халқаро форумида Uzbekistan's Club жамоаси "Матонат Футбол" лойиҳаси учун, InfinBank миллий ижтимоий маъсулиятли бизнеслар Топ-7лигига кирганини маълум қилди.
2022 йилда InfinBank "Матонат. Шунга қарамай ғалаба" фильмининг яратилишида ҳомий ва ташаббускор бўлган эди. Фильм ҳамюртларимиз ҳақида - футбол бўйича ампутантлар ўртасида жаҳоннинг энг совриндор "Матонат" жамоаси ҳақида ҳикоя қилади.
Шунингдек, InfinBank ампутант футболчилар ўртасидаги биринчи Ўзбекистон чемпионати – "Мустақиллик кубоги"нинг ўтказилишида ҳам иштирок этган эди. Шундан сўнг, Ўзбекистон терма жамоаси Туркиядаги жаҳон чемпионатига йўлланмани қўлга киритиб, чемпионатнинг бронза кубоги эгасига айланди.
Реклама
Қирғизистон президенти Садир Жапаровнинг маълум қилишича, Ўзбекистон Қирғизистонга гуманитар хайрия сифатида МИ-8МТВ ҳарбий вертолёти совға қилибди. Яна битта худди шундай Қирғизистон мудофаа кучларига тегишли вертолёт эса Ўзбекистон томонидан тўлиқ таъмирлаб берилган. У бунинг учун Шавкат Мирзиёевга миннатдорлик билдирган.
Читать полностью…
Tashkent International University – билим ва имкониятлар бирлашган маскан
Tashkent International University ўз фаолиятини бошлади. Университет билан бирга:
☑️ 4 йилда иккита мутахассисликни қўлга киритинг.
☑️ Таълим йўналишингизни иккинчи босқичдан танланг.
☑️ Ўқишни чет элнинг нуфузли университетларидан бирида давом эттиринг.
☑️ 100% гача грант ютиб олинг.
☑️ Дарслар юқори малакали профессор-ўқитувчилар томонидан ташкил этилади.
☑️ Замонавий муҳитда сифатли билим олинг.
📝 Tashkent International University Ўзбекистон Республикаси Вазирлар Маҳкамасининг 900-сонли қарорига мувофиқ ташкил этилган. Лицензия №146186.
Қўшимча саволлар учун қуйидаги расмий саҳифаларимиз орқали тўлиқ маълумотлар олишингиз мумкин:
☎️ Ахборот-маслаҳат маркази:
+998 95 131 5555, +998 95 383 5555
📍 Манзил: Тошкент шаҳри, Юнусобод тумани, Кичик ҳалқа йўли кўчаси, 7-уй.
Сайт | Telegram | Instagram | Реклама
Навоий вилоят ИИБ бошлиғи ўринбосари Адизов Умиджон Ҳасанович Хатирчи туманига ҳоким этиб тайинланди.
Навоий вилояти ҳокими ўринбосари Бобомуродов Бекзод Нуриддинович Қизилтепа туманига ҳоким этиб тайинланди.
Камолов Эркин Шамсиддинович Навоий вилояти ҳокимининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари лавозимига тайинланди.
Шавкат Мирзиёев йўллардаги ўлим ҳолатлари кўплигини, тирбандликни танқид қилди
Кечаги видеоселектор йиғилишида Президент Шавкат Мирзиёев йўлларимиздаги ҳаракат хавфсизлиги билан боғлиқ вазият анча аянчли аҳволда эканини кўрсатиб ўтди.
Йўл-транспорт ҳодисалари оқибатида ўлим ва жароҳатланиш ҳолатлари кўплигини, тегишли раҳбарлар бунга лоқайд бўлиб ўтирганини жиддий танқид қилди.
"Ёшлар ўляпти, 4000 та, 4200 та одам авариядан ўляпти. Бекордан бекор. Сен ҳам, транспорт вазири бўла туриб, шунга бефарқ бўлмасдан, Президент қабул қилган қарорини, светофорларни жой-жойига қўйишга масъулмисан, йўқми? Нимага одамлар ўлиши керак чорраҳалар тўғирланмагани учун?" - дея савол қўйди Президент транспорт вазирига.
Масъулларнинг қониқарсиз фаолиятига депутатларимиз бефарқ бўлиб ўтиргани ҳам афсус билан қайд этилди.
"Нимага Президент ташвиш қилиб, ҳаммани "ёндириши" керак? Нимага сизлар (депутатлар) "ёнмайсизлар"? Шунча одам ўлиб кетяпти, ижтимоий тармоқларга қараб бўлмайди - дод-фарёд одамлар ўлгани учун. Ижтимоий тармоқ дегани - халқни овози дегани", - деди давлатимиз раҳбари.
Президент мисол сифатида Хитой пойтахти Пекин ва Россия пойтахти Москвадек йирик шаҳарларда тирбандлик деярли кузатилмаслигини тилга олди, бизда ҳам шунга интилиш шартлигини кўрсатиб ўтди.
Умуман, транспорт вазири ва бошқа мутасаддиларга жамоат транспортини ривожлантириш, светофорлар ва йўл чизиқларини ўрнатиш, тирбандликнинг олдини олиш, пойтахт кўчалари ва ҳудудлардаги йўлларни тартибга солиш бўйича қатъий чоралар кўриш топширилди. 2024 йил бу борада жиддий ўзгаришлар йили бўлишини таъминлаш вазифаси қўйилди.
“InnoWeek-2023” ҳафталиги доирасида Ўзбекистон Республикаси президентининг 2022 йил 14 октябр куни Остона шаҳрида ўтказилган МДҲ давлат раҳбарлари кенгашининг мажлисидаги нутқида билдирилган ташаббуслари асосида МДҲ давлатлари ёш олимларининг “Ёшлар инновация тарафдори” шоири остидаги биринчи конгресси ташкил этилди.
Унда МДҲ ташкилотига аъзо Озарбойжон, Беларусь, Қозоғистон, Қирғизистон, Россия, Тожикистон ҳамда Ўзбекистон, шунингдек, кузатувчи Туркманистон давлатларидаги инновация соҳасига масъул вазирликларнинг ёшлар инновацияси бўйича фаолият юритувчи ёш лидерлари иштирок этишди.
Конгресс якунлари бўйича томонлар декларация имзоладилар ҳамда турли йўналишларда икки томонлама ҳамкорлик меморандумларини имзоладилар.
Манба
Республика товар-хом ашё биржаси avtoraqam.uzex.uz электрон савдо тизимида “автобид” янги хизмат турини жорий этди. Мазкур функция орқали талабгор авторақамни харид қилиш учун ўзи рози бўлган максимал нархни олдиндан ўрнатиш имконига эга бўлади. Бунда, бошқа талабгорлар олдиндан ўрнатилган мазкур нарх чегарасидан хабардор бўлмайди.
Аукцион давомида, “автобид” функциясидан фойдаланган савдо иштирокчиси авторақамни, бозорда шаклланган ҳолатдан келиб чиқиб, берилган сўнгги энг яхши нархдан юқорироқ нархда ёки олдиндан ўрнатилган максимал нархда харид қилиши мумкин.
Мазкур функция харидорларни авторақамлар бўйича ўтказилаётган онлайн-аукционларни узлуксиз кузатиб, мунтазам равишда ўзларининг нарх таклифларини қўлда киритиб бориш мажбуриятидан озод этади.
Манба | Реклама
Интернетга 200 мингдан ортиқ ўзбекистонлик фойдаланувчиларнинг маълумотлари сиздирилди.
Сиздирилган пароллар – OneID, ДТМ, кўплаб давлат ва таълим ташкилотлари, қидирув ва тўлов тизимларига алоқадор.
Корзинка дўконларида Италия бренди “Granarolo” пишлоқларининг кенг ассортименти сотуви бошланибди.
Янги турдаги пишлоқ маҳсулотлари сотилаётган локациялар рўйхати ушбу ҳаволада. “Granarolo Mozzarella” пишлоғи нархи 100 грамм учун кўрсатилган. Чакки эмас!
App | Telegram-bot | Facebook | Insta | Web | Реклама
АҚШнинг Тошкентдаги элчихонаси ўзбек тили байрами куни билан табриклабди.
Читать полностью…
Қишлоқ хўжалиги вазирлиги октябрнинг 20-санасига келиб маълум қилишича, 2023 йил пахта ҳосили учун кутилаётган минимал нарх 1 кг/8 000 сўм саналади.
Вазирлик пахта нархини бозор белгилашини яна бир бор таъкидлашни унутмаган.
Иқтисодчи Отабек Бакиров бозор нархлари ҳақида фермерлар озод этилгач, жиддий гапириш мумкин, деб ёзмоқда.
“8 минг сўм пахта нархи эмас. Пахта нархи очиқ бозорда, хусусан сотувчисиям, олувчисиям эркин бўлган биржада аниқланади”, дейди иқтисодчи вазирга очиқ хатида.
P.S.: пахта йиғим-терими бошлангандан бери фермерлар айюҳаннос солишмоқда, ўз кенгашига (тишсиз), сиёсий партияси(тишсиз)га эга бўлган фермерларни ҳеч ким эшитмади, уларнинг ҳафсаласи пир бўлди. Қишлоқ хўжалиги риски ўта юқори тармоқ, давлат нархни бозорга тўнкаб, сувдан қуруқ чиқишга ҳаққи йўқ.
Сергелидаги портлашдан сўнг 4 киши қамоққа олинди
Сергелидаги…фавқулодда вазият сабабларини ўрганиш жараёнида ёнғин бошланган жой ва портлаш ўчоғи металл ва “сэндвич” панеллардан қурилган омборда юз берганлиги аниқланди. Ёнғин ва портлаш оқибатида омборнинг металл конструкциялари деформацияга учраб, қулаб тушган.
Ёнғин содир бўлган омборхонада катта миқдорда кимёвий моддалар, қурилиш ва бошқа маҳсулотлар белгиланган талабларга риоя қилинмасдан аралаш ҳолда сақлаб келинган.
Ҳодиса жойидан олинган намуналар асосида ўтказилган кимёвий тадқиқотлар натижасида полиэфирлар, ксилол, углеводородлар, натрий гидроксид, водород пероксиди, этилен гликол ва юқори молекуляр карбон кислота эфирлари каби кимёвий моддалар мавжудлиги аниқланди.
Бу моддалар омборхонада сақланаётган водород пероксиди, алкид смоласи, алкилбензолсульфон кислотаси, латех, полиэфир смоласи, каустик сода моддалари ва лак маҳсулотларининг таркибий қисмлари бўлиб, ёнғин ва портлаш хавфи юқори ҳисобланади.
Ҳодиса жойи ўрганилганда айнан водород пероксиди сақланган жой яқинида гул қоғозлар ва бошқа ёнувчи материаллар сақлангани аниқланди.
Ўрганиш натижасига кўра, омборхонада сақланаётган кимёвий модда ва материалларнинг ўзаро таъсирланиши ва кимёвий ўз-ўзидан ёниши юзага келиб, портлаш содир бўлган.
Ҳолат юзасидан Ички ишлар вазирлиги Тергов департаменти томонидан Жиноят кодексининг 259-моддаси 2-қисми “а” ва “б” бандлари билан жиноят иши қўзғатилган.
Жиноят иши бўйича 4 нафар шахсга нисбатан “қамоққа олиш”, 1 нафарига нисбатан “гаров” эҳтиёт чораси қўлланилган.
Ҳукумат комиссияси
«Док-1 Макс» иши бўйича суд мажлисида Солиқ қўмитаси вакили сиропни беморларга тавсия қилган ва унинг кўпроқ сотилишига ҳисса қўшган шифокорлар, ҳамширалар, шунингдек, дорихона сотувчилари ва раҳбарларини мукофотлаш учун миллиардлаб пул тўлаб келинганини маълум қилди.
Унинг сўзига кўра, ишлаб чиқарувчилар “Док-1 Макс” сиропини беморларга тавсия қилган ва унинг кўпроқ сотилишига ҳисса қўшган шифокорларга 5 миллиард 57 миллион сўмлик рағбат пули тўлаган. Шифохонадаги эмлаш ҳамшираларига эса бу хизмати учун 122 миллион сўмлик мукофот пуллари берган. “Док-1 Макс” сиропини бошқаларга нисбатан яхши ва кўпроқ сотган дорихона сотувчилари ва раҳбарларини мукофотлаш учун эса 2 миллиард 345 миллион сўм маблағ ажратган.
Солиқчининг қўшимча қилишича, шунингдек “Quramax Medikal” МЧЖ масъуллари корхона фаолиятига ҳисса қўшган ходимларига конверт усулида 13 миллиард сўмлик ойлик маош тўлаб берган.
👤 “ICTWEEK UZBEKISTAN 2023” ахборот-коммуникация технологиялари ҳафталигига ташриф буюринг ва фарзандингизни ҳам хурсанд қилинг
Ўзбекистонда ёш авлоднинг молиявий саводхонлигини ошириш ва қўллаб-қувватлаш мақсадида “ICTWEEK UZBEKISTAN 2023” ахборот-коммуникация технологиялари ҳафталиги (24-26 октябрь кунлари) доирасида АлоқаБанк болалар учун индивидуал дизайндаги HUMO банк карталарини очиш акциясини бошлади.
Акциянинг ҳар бир иштирокчиси кафолатланган совринларни қўлга киритиш, шунингдек, ҳар куни ўтказиладиган электрон китоблар ютуқли ўйнида иштирок этиш имкониятига эга.
Фарзандингиз ютуқли ўйнида иштирок этиши учун:
- АлоқаБанк кўргазма стендида аризани тўлдиринг;
- Боланинг туғилганлик тўғрисидаги гувоҳномасини тақдим этинг;
- Zoomrad иловасини юклаб олинг;
- Янги банк картангизни иловага уланг.
Фарзандингизнинг молиявий саводхонлигини оширишни АлоқаБанк билан бошланг.
Эслатма: Фарзандингизнинг туғилганлик ҳақидаги гувоҳномасини Ўзингиз билан олишни унутманг! Банк картаси 7 ёшдан катта боллар учун очилади.
Реклама
Президентнинг аграр ривожланиш масалалари бўйича маслаҳатчиси Шуҳрат Ғаниев селектор йиғилишида теримни тугатмаган фермерларнинг “далаларига комбайн киритиб, пахтани териб олиб кетиш керак”лигини айтган.
Манба
Шавкат Мирзиёев барқарор иқтисодий ўсишда фақат ички ресурслар, ички имкониятларни ишга солиш кераклигини таъкидламоқда. Бу таъкид 2024 йилги бюджет параметрлари муҳокамасида бир неча марта янграган. Афтидан, ҳозирги қиммат шароитда ташқи қарзни жалб қилиш иштаҳаси озгина босилади.
Шунингдек, эндиликда давлат бюджетининг ҳар бир сатри бўйича аниқ шахслар жавобгар бўлади. Бюджет интизоми кучайтирилади, бюджет маблағлари ҳисобидан тўғридан-тўғри шартномалар тузишга йўл қўймаслик ҳамда очиқ-ошкора танлов ва тендерлар ўтказиш чоралари кўрилади.
2024 йилги давлат бюджети парламент муҳокамасига киритилади.
Навоий вилоятининг Томди туманида нексия русумидаги автомобилнинг 20 яшар ҳайдовчиси бошқарувни йўқотиб, аварияга учрабди. Уч киши, жумладан, 3 яшар бола ҳалок бўлган. Яна икки нафар йўловчи эса реанимацияда.
Читать полностью…
Адвокатлар палатаси томонидан тайёрланган Касб этика қоидалари янги лойиҳаси жамоатчилик эътирозларига сабаб бўлмоқда.
Лойиҳага кўра, адвокат оммавий ахборот воситалари ва ижтимоий тармоқларда давлат органлари ва уларнинг мансабдор шахсларини муҳокама қилмаслик, уларга нисбатан ахлоққа зид ибораларни ишлатмаслик, мамлакатда амалга оширилаётган ислоҳотларга нисбатан одамларда ишончсизлик кайфиятини юзага келтириши мумкин бўлган материалларни жойлаштирмаслиги лозим.
Адвокатлар палатаси назарида, “адвокатлар бугунги кунда ижтимоий тармоқларда фаол ва бу фаоллик аксарият ҳолларда ҳокимият вакилларининг қонуний хатти-ҳаракталарини танқидий мухокама қилиш, фуқароларда давлатга ва амалга оширилаётган ислоҳотларга нисбатан ишончсизлик ҳолатини келтириб чиқариш ҳам учрамоқда. Мазкур вазиятлар кескинлашиб, халқнинг ноқонуний митинглар уюштириши, аҳоли тинчлиги бузилишига ҳам сабаб бўлмоқда. Шу боисдан, уларнинг ОАВ ва ижтимоий тармоқлардаги хулқ-атвор қоидаларини белгилаб бериш мақсадга мувофиқ”.
Ўз навбатида, адвокатлар, жамоатчилик қоғозда мустақил, амалда квази-давлат ташкилоти бўлмиш Адвокатлар палатаси сўз эркинлигига қарши иш тутаётганини таъкидлашмоқда. Уларнинг фикрича, палата адвокатлар манфаатларини ҳимоя қилиш ўрнига зиён келтириш йўлини танламоқда.
Соврин жамғармаси $100 000 бўлган mGovAward танловининг учинчи тўлқинига 1 ноябргача ариза топширишга улгуриб қолинг.
mGovAward — талаба ва ўқувчилар ўртасида давлат хизматлари соҳасида мобил иловаларни ишлаб чиқиш бўйича кенг кўламли танловдир.
Соврин жамғармаси учта энг яхши дастурчилар ўртасида тақсимланади:
1️⃣ ўрин — $50 000
2️⃣ ўрин — $30 000
3️⃣ ўрин — $20 000
Иштирок этиш шартлари ҳақида батафсил маълумот олиш ва ариза топшириш учун сайтга ташриф буюринг.
🕊 Саволлар бўйича 👉 mGovAward
Реклама
21 октябрь – Ўзбек тили байрами куни муборак бўлсин!
Она тилимиз қадри ва нуфузини янада ошириш ҳар биримизнинг муқаддас бурчимиз саналади.
Бугун тилимиз нуфузини оширишга ҳисса қўшиб келаётган ана шундай лойиҳалардан бири ibratfarzandlari?si=kxR59XuuZIhb3ngq">"Ибрат Фарзандлари" лойиҳасидир. Лойиҳа ўзининг "Ўзбек тилидан саводхонлик дарслари" ва инглиз ва рус тилларидаги ўзбек тилини ўргатувчи дарслари орқали оммага она тилимизни ўргатиб келмоқда.
ibratfarzandlari?si=kxR59XuuZIhb3ngq">"Ибрат Фарзандлари" томонидан ишлаб чиқилган видеодарслар ёрдамида ўзбек тилини мулоқот қила олиш даражасида ўзлаштириш мумкин экан.Реклама
Миллий гвардия қоидабузарлик ҳолатлари бўйича маълумот бериш мумкин бўлган янги телеграм-ботни ишга туширди.
Энди фуқаролар экологик қоидабузарликлар ёки чиқиндини нотўғри жойга ташлаб юбориш ҳолатлари тўғрисида қонунбузарликлар акс этган фотосурат ёки видеони бот орқали юборишлари мумкин бўлади.
OneID тизимига ҳеч қандай киберҳужум бўлмаган - Рақамли ҳукумат лойиҳаларини бошқариш маркази
Читать полностью…
Шаҳар кўчаларида оғир юк ташувчи автотранспорт воситалари ҳаракати чекланиши мумкин
Жамоатчилик муҳокамаси учун эълон қилинган ҳукумат қарори лойиҳаси билан маҳаллий аҳамиятга эга умумий фойдаланишдаги автомобиль йўллари, шаҳарлар ва бошқа аҳоли пунктларининг кўчаларида оғир юкларни ташувчи автотранспорт воситалари ҳаракатини соат 08:00 дан 22:00 га қадар чеклаш таклиф этилмоқда.
Энди боғчага йўлланмани олиш учун Давлат хизматлари марказига бориш шарт эмас.
Шу пайтгача болани боғчага жойлаштириш учун Давлат хизматлари марказига навбатга ёзилсангиз, йўлланмани ҳам ўша ердан бориб олишингиз керак эди. Энди боғчага навбат келган заҳоти фуқарога SMS хабар орқали ариза рақами ва махфий код юборилади. Ушбу махфий код билан тўғридан-тўғри боғчага бориб мудирага кодни айтиш етарли бўлади.
Йўлланмани тасдиқловчи махфий код мудирага айтилмагунча у йўлланмани кўра олмайди ва бу билан коррупция ҳолатлари олди олинади.
Mobiuz бутун Ўзбекистон бўйича барча ҳудудларда бепул ViLTE видеоқўнғироқлар хизматини ишга туширди.
Энди ҳеч қандай иловалардан фойдаланмаган ҳолда суҳбатдошингизни нафақат эшитишингиз, балки кўришингиз мумкин.
ViLTE Mobiuz 2023 йилнинг июнь ойида ишга туширган VoLTE билан бевосита боғлиқ. VoLTE/ViLTEдан фойдаланиш учун ушбу технологияларни қўллаб-қувватлайдиган смартфонга ега бўлиш ва 4G LTE тармоғи доирасида бўлиш кифоя.
Telegram | Instagram | Youtube | Mobiuz ilovasi |Реклама
Ҳурматли абитуриентлар!
Тошкент шаҳридаги Сингапур менежментни ривожлантириш институти "Қишки қабул 2023-24" жараёни бошланганини эълон қилади.
Ҳужжат топшириш муддати:
2023-йилнинг 10 октябридан 25 ноябригача
🗓 Қабул комиссиясининг иш жадвали:
Душанба - Жума (10:00 - 17:00)
📲 +998712717702 (Маълумот маркази)
📲 +998712769082 (Қабул комиссияси)
📧Электрон манзил:
admission@mdis.uz
Бу ҳали ҳаммаси эмас!
Энди сиз ўқишга кириш учун (шунингдек, 4.5 - 5.0 балли кўрсаткичга эга абитуриентлар ҳам) институтнинг ўзида фаолият олиб бораётган интенсив тайёрлов курсларида ҳам қатнашишингиз мумкин. Курс ҳақида батафсил маълумот бу ерда.
Telegram | Instagram | Facebook | Linkedin | Реклама
"Чегаралар фақат миямизда ..."
"Ўзбекистонлик" фильмининг 4-эпизоди премьераси бўлди. Уни YouTube’да томоша қилиш мумкин.