80666
Кузатувлар, фикрлар. ИМҲО — шахсий фикри ожизимча, дегани. Админга ёзиш учун махсус бот: @davletovuz_bot Тижорий ҳамкорлик учун: @davletovuz_reklamabot
Ички ишлар вазирининг ўринбосари Нажмиддин Тўрахожаев лавозимидан озод қилинди.
Читать полностью…
❗️Сергели, Янгиҳаёт, Шайхонтоҳур, Ғиждувон, Когон, Тупроққалъа, Тахтакўпир, Томди, Яккабоғ, Олтинсой, Зафаробод, Боёвут, Гулистон, Мингбулоқ, Олтинкўл туманлари ички ишлар бошлиқлари;
Андижон, Бандихон, Бувайда, Нарпай, Юнусобод туманлари прокурорлари эгаллаб турган лавозимидан озод қилинди.
Ҳокимлар учун Tracker
Сирдарё вилояти ҳокими ўринбосарлари, туман ва шаҳар ҳокимларига 16 та Tracker автомобили харид қилинади. Бунинг учун 4 млрд сўм ажратилган.
Mobiuz янги ва амалдаги корпоратив мижозлар учун Corporate Xotirjam тариф режалари туркумини тақдим этмоқда.
У ойлик абонент тўлови 40 минг сўмдан 100 минг сўмгача бўлган 4 та тарифни ўз ичига олган. Тарифларда чексиз ижтимоий тармоқлар ва Ўзбекистон бўйича чексиз дақиқалар, 15 000 МБдан 100 000 МБгача интернет ҳамда смс-тўпламлар киради.
Корхоналар, бизнес вакиллари ва давлат ташкилотлари учун Mobiuzда кўплаб ноёб хизматлар ва қулай таклифлар мавжуд.
Батафсил маълумотни https://corp.mobi.uz/uz/ веб-сайтидан, 0990 ёки 97 1300909 рақамларидан олиш мумкин.
Реклама
Фарғона вилояти ички ишлар бошқармаси бошлиғи М.Жўраев лавозимидан озод этилди.
Читать полностью…
Фарғона вилоят ҳокимининг биринчи ўринбосари А.Уринбоев, вилоят солиқ бошқармаси бошлиғи А.Тиллаволдиев, Риштон тумани ҳокими С.Солиев, Марғилон шаҳар ҳокими А.Зиявитдинов ва солиқ бошлиғи Т.Хусанов эгаллаб турган лавозимидан озод қилинди.
Читать полностью…
Олий Мажлис Қонунчилик палатаси олдидаги энг хавфли пиёдалар ўтиш йўлида яқиндагина йўл-транспорт ҳодисаси содир бўлганди. Шаҳар мутасаддилари 20 полосали йўлга светофор ўрнатиб, уни тартибга келтириш ўрнига шунчаки «зебралар»ни қора рангга бўяб, пиёдалар ўтишини тақиқлайдиган белги ўрнатибди.
Мабодо у ердан пиёда ўтса ва машина уриб кетса, пиёдани айбдор қилиш осон бўлибди. Битта тугмали светофор одамларнинг ҳаёти, соғлиғи ва соғлом ақлдан устун келибди.
Ҳатто кеча қабул қилинган Тошкент шаҳрини 2030 йилгача ривожлантириш дастурида ҳам Vision Zero (ЙТҲ оқибатида ўлим ҳолатларини нолга тушириш) принципи асосида йўлларда хавфсизликни таъминлаш чоралари кўзда тутилган эди.
2023 йил 1 августдан алкоголь ва тамаки маҳсулотлари учун янги намунадаги акциз маркалари жорий қилинади.
Ишлаб чиқарувчилар ва импортёрлар эски намунадаги акциз марказидан 5 ойгача фойдаланишлари, маҳсулотлар қолдиғини реализация қилишлари мумкин.
Улгуржи ва чакана савдо тармоқларида эса ушбу муддатдан сўнг 12 ой ўтгач, эски намунадаги акциз маркали маҳсулотлар маркаланмаган ҳисобланади.
Uzbekistan Airports компанияси Рақобат қўмитасининг аэропорт ҳудудида ягона такси хизмати бўйича важларига эътироз билдириб, Олий судга кассация тартибида мурожаат қилишини маълум қилибди.
Читать полностью…
Тошкент шаҳар ҳокимлиги пул ишламоқчи
Президент фармони билан Тошкент шаҳрида давлат ва тадбиркорлар ўртасида ўзаро манфаатли ҳамкорлик асосида инвестиция лойиҳаларини амалга ошириш ва шаҳар инфратузилмасини яхшилаш тартиби 2027 йил 1 январгача ҳуқуқий эксперимент тариқасида жорий этилади. Бунинг учун “Тошкент Инвест компанияси” акциядорлик жамияти ташкил этилди. Унинг устав капитали эса босқичма-босқич 1 триллион сўм миқдорида шакллантирилади.
Компания муниципал мулкларни бошқаради, ижара ёки бошқарувга беради, давлат шериги сифатида давлат-хусусий шериклик лойиҳаларида иштирок этади.
Компания молиявий ҳисоботи 2025 йилдан бошлаб ҳар йили 1 августга қадар Тошкент шаҳри ҳокимлигининг расмий веб-сайтида жойлаштирилади.
Компания томонидан янгидан яратилган активларни сотишдан тушган тушумлар ҳамда давлат-ҳусусий шериклик лойиҳаларидан олинган даромадлар Тошкент шаҳрини ривожлантириш жамғармасига ўтказилади.
Умид Рустамович Шадиев Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси раиси лавозимига тайинланди.
Бунгача Умид Шадиев Ўзбекистон Республикасининг ЮНЕСКО ҳузуридаги доимий вакили лавозимида ишлаган.
Марказий банк асосий ставкани йиллик 14 фоиз даражасида ўзгаришсиз қолдирди.
Читать полностью…
Тайинловлар:
Абатбай Данияров Нукус шаҳар ҳокими лавозимига тайинланди. Бунга қадар у Қорақалпоғистон Вазирлар Кенгаши раисининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимида ишлаб келаётган эди.
Эргашев Дилмурод Бекмурадович Навоий шаҳар ҳокими лавозимига тайинланди. Ушбу лавозимга тайинлангунга қадар Навоий кон-металлургия комбинати” акциядорлик жамияти капитал қурилиш бошқармаси бошлиғининг ўринбосари вазифасида ишлаб келаётган эди.
Султанов Бахрам Бегдуллаевич Қонликўл тумани ҳокими этиб тайинланди У тайинловга қадар “Ўзсаноатқурилишбанк” АТБ департамент директорининг ўринбосари лавозимида ишлаган.
Давлетов Анвар Кенжаевич Хоразм вилояти ҳокимининг ўринбосари - вилоят инвестициялар, саноат ва савдо бошқармаси бошлиғи лавозимига тайинланди. У тайинловга қадар Янгиариқ тумани ҳокими вазифасини бажарувчи лавозимида фаолият юритган.
Тошкент — 2030
Тошкент шаҳрида 2030 йилга қадар мактабларда ўқувчи ўринлари сонини ҳозирги 330 мингдан 430 мингтага, жамоат транспортидан фойдаланиш кўрсаткичини ҳозирги 30%дан 60%га, яшил зоналарни ҳозирги 900 гектардан 5000 гектарга чиқариш режалаштирилмоқда. Ҳавога чиқарилаётган зарарли газлар миқдори ҳозирги 300 минг тоннадан 150 минг тоннага камайиши керак. Бу президент фармонида кўзда тутилган. 2030 йилга бориб, Тошкент яшаш учун қулай бўлган шаҳарлар рейтингида 50-ўринни эгаллаши керак бўлади (Economist Intelligence Unit). Ҳозир 157-ўриндамиз.
Тошкент шаҳри еттита туманининг айрим ҳудудларида электр энергиясига вақтинчалик чекловлар ўрнатилди. Унга кўра, Яшнобод, Олмазор, Миробод, Яккасарой, Шайхонтоҳур, Чилонзор ва Сергели туманларининг баъзи ҳудудларида юклама сабаб вақтинча чекловлар киритилди.
"Чекловлар айни пайтда об-ҳавонинг кескин исиши натижасида электр энергиясида юқори истеъмол кузатилаётгани сабабли электр узатиш линиялари, подстанциялар ҳамда тақсимлаш қурилмаларида вужудга келиши мумкин бўлган йирик авариявий ҳолатларнинг олдини олиш мақсадида ўрнатилган", дейилади хабарда.
Қайд этилишича, тақсимлаш пунктлари совиши билан қайта тармоққа уланади.
❗️Бош прокурорнинг биринчи ўринбосари Б.Валиев, ички ишлар вазирининг биринчи ўринбосари Ш.Раҳмоновга, маҳаллада профилактика инспекторлари ишини лозим даражада ташкил қилмагани учун, ички ишлар вазирининг ушбу соҳага масъул ўринбосари Б.Абдуллаевга ҳайфсан эълон қилинди ва уч ой синов муддати тайинланди
Барча вилоят прокурорлари ва ИИБ бошлиқларининг биринчи ўринбосарлари ўзига тегишли хулоса қилмаса, йил якуни билан барчаси лавозимидан озод этилиши қайд этилди.
Шавкат Мирзиёев:
Нима иш қилиш кераклигини билмаган айрим профилактика инспекторлари эса боғчаларга бориб, 3-4 ёшли болакайларга “оқ-қорани фарқлаш” бўйича маъруза ўқиш билан банд.
Марказий банк раиси Мамаризо Нурмуратов:
Олтин захиралари ҳақида
Биз олтинни жаҳон бозори нархида, олтин бизга қабул қилинган кундаги курсда сотиб оламиз. Тикланиш ва тараққиёт жамғармасига олтиндан маблағлар ўтказиш биз томондан амалга оширилмайди. Яъни олтинни сотувчи Навоий кон металлургия комбинати ёки Олмалиқ кон металлургия комбинати белгиланган тартибда ўзидаги солиқларни тўлайди. Алоҳида жамғармага ажратиш бўйича норматив ҳужжат йўқ, сизга расмий равишда айтаман. Олтинни сотган 2 та комбинатимиз 100 фоиз олтин қийматини биздан олади. Валюта захираларимизнинг 65-68 фоизи олтинда. Яъни нарх кўтарилса, захиралар кўпаяди, тушса, тушади.
Бюджет дефицити ҳақида
Бошқа йилларга нисбатан биринчи ярим йилликда буджет харажатларида маълум ўсиш кузатилмоқда. Бу, биринчи навбатда, газ импортининг ошиши билан қисман боғлиқ. Газнинг жаҳон нархлари билан маҳаллий нархи ўртасидаги бу фарқ буджет ҳисобидан тўланган.
Пул ўтказмалари ҳақида
Трансчегаравий пул ўтказмалар ҳажми ўзининг фундаментал тренди доирасида ўсиб бормоқда. Йил бошидан 5,2 млрд долларлик ўтказмалар келиб тушди.
Миллий валюта курси
Аксарият давлатларда умумий ва базавий инфляция йил охиригача юқори даражаларда сақланиб қолиши прогноз қилинмоқда. Айрим асосий ҳамкорларимиз бўлган давлатлар миллий валюта курсларига бўлаётган босимни сақланиб қолаётганлиги ҳам, ўз навбатида, миллий иқтисодиётга маълум даражада таъсир кўрсатиши мумкин.
Азизбек Икрамов Фарғона вилояти ИИБ бошлиғи лавозимига тайинланди
У бунга қадар ички ишлар вазири ўринбосари лавозимида ишлаб келаётганди.
Фарғона вилоят ҳокимининг қурилиш ҳамда инвестиция бўйича ўринбосарлари, Бағдод, Қува ва Бувайда туманлари ҳокимларига ҳайфсан эълон қилинди.
Фарғона шаҳри ҳокими ва сектор раҳбарларининг лавозими 3 ой синов муддати билан ўз вазифасини бажарувчи даражасига туширилди.
InfinBank мижоз таассуроти рейтингида юқори ўринни қўлга киритди
Senteo inc консалтинг фирмаси 15 нафар сирли мижозни 135 та банк филиалларига йил давомида ташриф буюришини таъминлаган ва уларга бешта: бренд, коммуникация, қамраб олиш, таклиф ва маданият йўналишларида баҳо қўйиб чиққан.
Умумий берилган баҳолар натижасига кўра InfinBank Ўзбекистондаги "CEI 2022-2023" рейтингида совринли иккинчи ўринни қўлга киритди.
Реклама
Чилонзор туманидаги Арнасой, Яшнобод туманидаги Султонали Машхадий ҳамда Миробод туманидаги Тарас Шевченко кўчалари гастрономик туризм кўчаларига айлантирилади.
Бундан ташқари, ҳар бир туманда камида иккита туну кун ишлайдиган савдо ва кўнгилочар масканлар ишга туширилади.
Анҳор канали бўйлаб Чилонзор ва Юнусобод туманлари тўсиқсиз велосипед ва пиёдалар йўлаги билан боғланади — президент фармони
Текин сув бўлмайди
Тошкент шаҳрида 2024 йил 1 январдан оқар сув, жумладан техник сув ресурсларидан тўлов асосида фойдаланилади.
Президент қарори
Xabar.uz сайти мамлакатдаги ноқонуний тамаки бозорини ўрганишда қандай технологиялар қўлланилиши, контрабандани аниқлаш ва унинг ҳажмини таҳлил қилишда мутахассислар қандай услублардан фойдаланиши каби саволлар билан соҳа мутахассиси Санжар Мирзалиевдан интервью олибди.
Интервьюда қайд этилишича, Ўзбекистонда тамаки контрабандаси ҳақида қизиқарли маълумотлар берилган, масалан, Тошкент шаҳрида ноқонуний тамаки маҳсулотларининг улуши 17%, Фарғона водийсида 40% атрофида экан.
Бундан ташқари, 2023 йилнинг биринчи чорагида Ўзбекистонда тамаки саноатидан келиши мумкин бўлган 440 млрд сўм тушум келиб тушмаган.
Корзинка Plus картангиз борми?
Унда 27-28 июл кунлари мол гўшти асортиментларини Корзинка Plus картангиздан фойдаланиб 12% чегирма нархда харид қилсангиз бўлади.
Корзинкадан барра гўштларни: майин биқин гўштидан тортиб, селли қовурға гўштигача топасиз.
Нархлар шу йилнинг 27 июлдан 28 июлгача амал қилади.
Реклама
❗️Озодбек Аҳмадович Назарбеков Ўзбекистон Республикаси маданият вазири лавозимига тасдиқланди.
Афтидан, туризм соҳаси Маданият вазирлигидан ажратилмоқда.
“Трастбанк”дан тадбиркорлар учун махсус акция.
“Трастбанк” тадбиркорларни қўллаб-қувватлаш мақсадида янги қулайликларни тақдим этмоқда. Унга кўра шу йилнинг 1 июлидан 30 сентябригача “Трастбанк”да ҳисобварақ очган юридик шахс ёки якка тартибдаги тадбиркорларга 90 кун давомида бир неча хизматлар мутлақо БЕПУЛ амалга оширилади.
Булар:
- мижоз ҳисобварағидан пул маблағларини ўтказиш.
- интерактив хизматлар бўйича ҳисобварақ юритиш хизматлари
Тадбиркорлигингизни янада ривожлантириш учун акцияда иштирок этинг.
👉 Батафсил маълумот👈
Саволлар борми? Қўнғироқ қилинг! Телефон: 1287
Реклама
Мелибаев Содир Адилович Ўзбекистон Республикаси Марказий банки раиси ўринбосари этиб тайинланди.
Читать полностью…
Рақобат қўмитаси: аэропорт ҳудудида бошқа такси хизматлари ҳам ишлашга ҳақли
Рақобат қўмитаси “Uzbekistan Airports” акциядорлик жамиятига аэропортга кириш ҳудудига кириш-чиқишга битта такси хизматига рухсат берганини ноқонуний деб топган ҳамда лицензияга эга бошқа такси хизматлари ҳам ўша ерда ишлашга ҳақли эканлигини таъкидлаган. Бундан ташқари, такси хизмати нархларини қатъий белгилаш ва уни ўзгартиришда аэропорт маъмурияти билан келишиш талаби ҳам рақобат қонунчилигига зидлигини билдирган.
Аэропорт маъмурияти йўловчилар келиш терминали ёнидаги махсус йўлнинг биринчи қаторида бошқа такси хизматлари мавжудлиги тўғрисида ҳам истеъмолчиларни хабардор қилиши шарт. Шунингдек, аэропорт ҳудудига яқин жойлардаги автотураргоҳлар учун тўлов миқдори қайта кўриб чиқилиши лозим.