80666
Кузатувлар, фикрлар. ИМҲО — шахсий фикри ожизимча, дегани. Админга ёзиш учун махсус бот: @davletovuz_bot Тижорий ҳамкорлик учун: @davletovuz_reklamabot
Тошкент халқаро аэропортида кутиш зали очилибди. Ҳадемай у ерда кафе, дўкон, савдо автоматлари, банкомат фаолияти йўлга қўйилади, телефонларни қувватлантириш учун шароит ҳам яратилади.
Павильон вақтинчалик ечим сифатида ишга туширилган. Терминални кенгайтириш доирасида замонавий кутиш зали масаласи ҳам ҳал этилади.
UzAuto Motors Chevrolet расмий дилерлик марказларида Damas, Labo, Cobalt ва Captiva 5 сотуви бошланганини эълон қилди.
Читать полностью…
АҚШ савдо вазирлиги 2 ноябрь куни Россиянинг Украинадаги урушига ёрдам бераётгани учун 13 та ташкилотни экспорт назорати рўйхатига қўшди. Улар орасида Ўзбекистонда рўйхатдан ўтган компания ҳам бор.
Маълумотларга қараганда, “MVISION” МЧЖ 2022 йил 14 июнда давлат рўйхатидан ўтган. Фаолият тури сифатида электрон ва телекоммуникацион ускуналар ва уларнинг эҳтиёт қисмлари улгуржи савдоси билан шуғулланиши кўрсатилган.
l
Кинематография агентлиги ҳамда Миллий кинематографияни ривожлантириш маркази ҳамкорлигида N.I.C.E Италия фильмлари фестивали ўтказилмоқда. Кеча Самарқандда шу кинофестивалнинг очилиши бўлиб ўтди.
Кинофестивал ХVI Верона Евроосиё иқтисодий форуми доирасида ташкил этилди.
4 ноябргача Самарқанддаги "Шарқ юлдузи" кинотеатрида италиялик киноижодкорлар томонидан суратга олинган «Узоқ йўл» («La lunga corsa»), «Аманда» («Amanda»), «Келажак қуёши» («Il col della avvenire») фильмларини катта экранларда томоша қилиш мумкин.
Фильмлар ўзбекча субтитрларда намойиш этилади ва албатта, КИРИШ БЕПУЛ!
Корзинка дўконларида рўзғор учун зарур маҳсулотлар арзонлаштирилган нархларда сотиляпти экан. Товарлар сони чекланган. Таклиф 8 ноябргача амал қилади.
Айтганча, чегирмали маҳсулотларни Korzinka Go онлайн супермаркетида ҳам сотиб олса бўлади.
App | Telegram-bot | Facebook | Insta | WebРеклама
Макрон: “Миттерандан кейин бирон бир Франция президенти Ўзбекистонга келмаган эди, биз буни албатта тўғрилаймиз”
Франциянинг 21-президенти Франсуа Миттеран 1994 йилда Самарқандга ташриф буюрган. Орадан 29 йил ўтиб, Эммануэл Макрон Ўзбекистонга келган Франциянинг иккинчи президенти бўлди.
Etisalat Ўзбекистон бозорига кириб келмоқда
Глобал мобил алоқа оператори e& (Etisalat)'нинг Ўзбекистон уяли алоқа бозорига кириши фақат молиявий инвестицияларни назарда тутмайди. Компания Perfectum бренди остида бутун Ўзбекистонни қоплайдиган 5G SA тармоғини яратиш лойиҳаси учун машҳур Nokia компаниясини жалб этмоқда.
Яъни 5G тармоқ инфратузилмаси учун Nokia технологиялари ва ускуналари ўрнатилади. Шундай қилиб, Ўзбекистонда уяли алоқа тармоғи инфатузилмасини яратишда илк бор Nokia иштирок этади.
GITEX кўргазмасида қатнашган томонлар “RWC” МЧЖ ҚК, e& (Etisalat) ва Nokia бу ҳақда келишувга эришишган.
Реклама
“Трастбанк” “MasterCard” билан биргаликда бош соврини – “Chevrolet Tracker” автомобили бўлган “Трастбанк” билан бирга бўлинг ва совғага эга бўлинг” акциясини эълон қилади.
Ушбу акция жорий йилнинг 1 ноябридан 2024 йил 29 феврал кунига қадар ўтказилади. Унда иштирок этиш шартлари оддий. Шунчаки, “Трастбанк”дан “MasterCard” халқаро тўлов картасини очинг ҳамда камида 10 АҚШ доллари миқдорида транзакцияларни амалга оширинг.
Акцияда қуйидаги қимматбаҳо совринлар ўйналади:
“Chevrolet Tracker” автомобили (1 дона);
“Samsung” кир ювиш машинаси (4 дона);
“Samsung” 32 дюймли телевизори (4 дона);
“Samsung Galaxy А 23” телефони (4 дона).
Батафсил маълумот учун ҳавола
Саволларингиз бўлса 1287 рақамларига қўнғироқ қилинг.
|trustbank.uz|Telegram|Instagram|Facebook|Youtube| Реклама
“Ўзбекистон темир йўллари” АЖ 2023 йилнинг 1 ноябридан чипталар нархини қуйидагича белгилади:
➖маҳаллий йўналишлардаги йўловчи поездлари чипта нархларининг тариф қисми 44% га;
➖юқори тезликда ҳаракатланувчи "Афросиёб" электропоездлари чипталари:
Тошкент — Бухоро — Тошкент
VIP 530 000 сўм
Бизнес 385 000 сўм
Эконом 280 000 сўм
Тошкент — Қарши — Тошкент
VIP 455 000 сўм
Бизнес 325 000 сўм
Эконом 235 000 сўм
Тошкент — Самарқанд — Тошкент
VIP 330 000 сўм
Бизнес 230 000 сўм
Эконом 170 000 сўм.
2024 йилги солиқ сиёсати (давоми):
➖2024 йил 1 апрелдан бошлаб электрон тижорат иштирокчилари учун фойда солиғи (7,5 фоиз) ва айланмадан олинадиган солиқ (2 фоиз) бўйича имтиёзли солиқ ставкаларини бекор қилиш таклиф қилинмоқда.
➖ Ўзини ўзи банд қилган жисмоний шахслар бўйича – йиллик даромади 100 млн сўмдан ошганда якка тартибдаги тадбиркорлар учун назарда тутилган солиққа тортиш тартибини жорий қилиш таклиф қилинмоқда. Бунда жисмоний шахсларнинг йиллик даромади 100 млн сўмгача бўлганда солиққа тортилмаслик тартиби сақлаб қолинади.
➖2024 йил 1 февралдан якка тартибдаги тадбиркорларнинг қатъий белгиланган миқдорлардаги солиқ ставкаларини 10 фоизга индексация қилинади;
➖2024 йил 1 январдан бошлаб айланмадан олинадиган солиқнинг қатъий белгиланган суммадаги солиқ ставкасини солиқ тўловчининг товар айланмаси 500 млн сўмгача бўлганда йилига 25 млн сўм (амалда 20 млн сўм), 500 млн сўмдан юқори бўлганда эса 34 млн сўм (амалда 30 млн сўм) миқдорида белгилаш таклиф қилинмоқда;
➖2024 йил 1 январдан жисмоний шахслардан олинадиган мол-мулк солиғи ставкалари ва қишлоқ хўжалигига мўлжалланмаган ер солиғининг базавий ставкалари ўртача 12 фоизга индексация қилиниши мўлжалланмоқда.
2024 йилги солиқ сиёсати
➖2024 йил 1 январдан фильтрланган ва фильтрсиз сигареталар ҳамда бошқа тамаки маҳсулотлари ишлаб чиқариш учун акциз солиғи ставкалари 12 фоиз миқдорида индексация қилинмоқда. Жаҳон савдо ташкилоти талабларига мувофиқ сигареталар импортига акциз солиғи ставкалари 5 фоизга пасайтирилмоқда;
➖2024 йил 1 январдан спиртга акциз солиғи ставкасини икки бараварга, яъни 1 литри учун 7,4 минг сўмдан 14,9 минг сўмгача ошириш таклиф этилмоқда;
➖2024 йил 1 июлдан бошлаб республикада ишлаб чиқарилган алкоголли маҳсулотлар учун акциз солиғи ставкаларини 5 фоизга индексация қилиш кўзда тутилмоқда;
➖2024 йил 1 январдан ароқ, коньяк ва бошқа алкоголь маҳсулотлари, вино ва пиво импортида акциз солиғи ставкаларини 5 фоизга пасайтириш кўзда тутилмоқда.
➖2024 йил 1 апрелдан бошлаб нефть маҳсулотлари учун амалдаги акциз ставкалари 12 фоизга индексация қилинмоқда;
➖ 2024 йил 1 апрелдан таркибида шакар мавжуд бўлган газланган ичимликларга 1 литр учун 500 сўм миқдорида акциз солиғи жорий этилмоқда;
➖2024 йил 1 июлдан бошлаб автомобиль шиналарининг бир донаси вазнидан (кг учун) келиб чиққан ҳолда БҲМнинг 0,3 фоизи миқдорида утилизация йиғимини жорий этилмоқда;
➖2024 йил 1 апрелдан юк кўтариш қуввати 10 тоннадан оғир юк машиналари учун йиллик базавий ҳисоблаш миқдорининг 5 баравари миқдорида йўл йиғимини жорий этиш таклиф этилмоқда.
Ўзбекистонда 2024 йилда қайси давлат идораси бюджетдан қанча маблағ олади? (Жорий харажатлар, объектларни лойиҳалаштириш, қуриш (реконструкция қилиш) ва жиҳозлаш учун қўйилмалар)
1. Мактабгача ва мактаб таълими вазирлиги — 46 трлн 647 млрд 414,5 млн сўм (26,7 трлн*);
2. Олий таълим, фан ва инновациялар вазирлиги — 6 трлн 130 млрд 330 млн сўм(6 трлн);
3. Соғлиқни сақлаш вазирлиги — 4 трлн 587 млрд 244,7 млн сўм(3,66 трлн);
4. Маданият вазирлиги — 1 трлн 100 млрд 445,3 млн сўм (746 млрд);
5. Ёшлар сиёсати ва спорт вазирлиги — 1 трлн 768 млрд 859,2 млн сўм(1,219 трлн);
6. Қурилиш ва уй-жой коммунал хўжалиги вазирлиги — 1 трлн 795 млрд 563,6 млн сўм(1,273 трлн);
7. Қишлоқ хўжалиги вазирлиги — 1 трлн 711 млрд 199,8 млн сўм(657 млрд);
8. Сув хўжалиги вазирлиги — 10 трлн 440 млрд 149 млн сўм(3,382 трлн);
9. Энергетика вазирлиги — 242 млрд 614,2 млн сўм(70,5 млрд);
10. Транспорт вазирлиги — 6 трлн 185 млрд 909,4 млн сўм(5,195 трлн);
11. Экология, атроф-муҳитни муҳофаза қилиш ва иқлим ўзгариши вазирлиги — 816 млрд 763 млн сўм(278,4 млрд);
12. Тоғ-кон саноати ва геология вазирлиги — 939 млрд 085,7 млн сўм(1,117 трлн);
13. Рақобатни ривожлантириш ва истеъмолчилар ҳуқуқларини ҳимоя қилиш қўмитаси — 11 млрд 552,3 млн сўм(10 млрд);
14. Давлат активларини бошқариш агентлиги — 11 млрд 360,3 млн сўм(11 млрд);
15. Камбағалликни қисқартириш ва бандлик вазирлиги — 1 трлн 121 млрд 965,5 млн сўм(478 млрд);
16. Президент ҳузуридаги Статистика агентлиги — 257 млрд 170,6 млн сўм(197,6 млрд);
17. Ташқи ишлар вазирлиги — 874 млр 564,9 млн сўм(765,4 млрд);
18. Инвестициялар, саноат ва савдо вазирлиги — 1 трлн 068 млрд 205,5 млн сўм(931 млрд);
19. Рақамли технологиялар вазирлиги — 313 млрд 926,7 млн сўм(183,6 млрд);
20. Адлия вазирлиги — 239 млрд 289,8 млн сўм(214,8 млрд);
21. Иқтисодиёт ва молия вазирлиги — 91 трлн 928 млрд 187 млн сўм (вазирлик харажатлари кесимида жуда кўплаб ижтимоий харажатлар, ташқи қарзларга хизмат кўрсатиш ва бошқа харажатлар ўрин олган)(89,6 трлн);
22. Вазирлар Маҳкамаси ҳузуридаги Солиқ қўмитаси — 158 млрд 416,7 млн сўм(1,5 трлн);
23. Вазирлар Маҳкамаси — 2 трлн 027 млрд 346,8 млн сўм(1,949 трлн);
24. Президент Админстрацияси — 1 трлн 599 млрд 699,2 млн сўм(1,241 трлн);
25. Олий Мажлис Сенати — 108 млрд 465,2 млн сўм(92,8 млрд);
26. Олий Мажлис Қонунчилик палатаси — 1 трлн 958 млрд 940,2 млн сўм(394,5 млрд);
27. Олий Мажлиснинг Инсон ҳуқуқлари бўйича вакили (Омбудсман) — 17 млрд 938,3 млн сўм(16,4 млрд);
28. Бош прокуратура — 2 трлн 112 млрд 243,3 млн сўм(1,494 трлн);
29. Олий суд — 1 трлн 703 млрд 218,8 млн сўм(1,185 трлн);
30. Конституциявий суд — 10 млрд 683,4 млн сўм(8,8 млрд);
31. Судялар Олий кенгаши — 46 млрд 768 млн сўм(35 млрд);
32. Марказий сайлов комиссияси — 18 млрд 298,9 млн сўм(23,6 млрд);
33. МТРК — 559 млрд 913,6 млн сўм(521,9 млрд);
34. ЎзА - 36 млрд 721,3 млн сўм(33,7 млрд);
35. Республика Маънавият ва маърифат маркази — 67 млрд 762 млн сўм(65,7 млрд);
36. Инсон ҳуқуқлари бўйича Миллий маркази — 14 млрд 726 млн сўм(13,4 млрд);
37. Касаба уюшмалари Федерацияси Кенгаши — 150 млрд сўм(150 млрд);
38. Фанлар академияси — 429 млрд 943,7 млн сўм(364,8 млрд);
39. Бадиий академия — 140 млрд 325,3 млн сўм;
40. Коррупцияга қарши курашиш агентлиги — 30 млрд 720,9 млн сўм(23,6 млрд);
41. Ҳисоб палатаси — 106 млрд 025,9 млн сўм(69 млрд);
42. Давлат хизматини ривожлантириш агентлиги — 635 млрд 623,9 млн сўм(267 млрд);
43. Стратегик ислоҳотлар
агентлиги — 38 млрд 757,3 млн сўм(35,8 млрд);
44. Болалар омбудсмани — 2 млрд 271,9 млн сўм;
45. "Соғлом авлод учун" ҳукуматга қарашли бўлмаган халқаро хайрия жамғармаси — 733,4 млн сўм(;
46. Республика болалар ижтимоий мослашуви маркази — 9 млрд 114,5 млн сўм;
47. Миллий антидопинг агентлиги — 8 млрд 131,1 млн сўм;
48. Дин ишлари бўйича қўмита — 42 млрд 163,1 млн сўм;
49. Маданий мерос агентлиги — 213 млрд 588,3 млн сўм;
50. Президент ҳузуридаги Ижтимоий ҳимоя
миллий агентлиги — 20 трлн 274 млрд 660,8 млн сўм;
51. Бошқа ташкилотлар — 44 трлн 574 млрд 256,5 млн сўм(36 трлн).
*ўтган йилги харажатлари
Қишлоқ хўжалиги вазирининг собиқ биринчи ўринбосари Ботир Тоғаев Нишон тумани ҳокими, қишлоқ хўжалиги вазирининг собиқ ўринбосари Анвар Каримов эса Сайхунобод тумани ҳокими лавозимига тайинланди.
Читать полностью…
Жамоатчилик муҳокамаси учун эълон қилинган ҳукумат қарори лойиҳасига кўра, кам таъминланган оилаларга болалар нафақаси ёки моддий ёрдам тайинлашда расман никоҳи бекор қилинмаган алимент тўлаётган эр (хотин) оила таркибига киритилмаслиги ҳамда даромади, мол-мулклари нафақа тайинлашда инобатга олинмаслиги белгиланмоқда.
Амалда алимент олаётган, аммо расман никоҳи бекор қилинмаган болаларини ёлғиз тарбиялаётган аёлларга ҳам эрининг даромади ёки мол-мулкини ҳисобга олиб болалар нафақаси ёки моддий ёрдам тайинлаш рад этиб келинган.
Air Samarkand авиакомпанияси ўзининг биринчи самолётини қабул қилиб олди
2 ноябр куни Самарқанд халқаро аэропортига янги Air Samarkand авиакомпаниясининг Airbus A330-300 самолёти қўнди. Шу билан Самарқандда янги авиакомпания иш бошлади.
Айтилишича, яқин кунларда Air Samarkand иккинчи - Airbus A321 самолётини қабул қилиб олади. 2023 йил охиригача авиакомпания жами 5 та самолётини қабул қилиб, фойдалана бошлайди.
Мирзиёев ва Макрон Самарқанддаги Регистон майдонида…
➡️ @shokirjonov
Мактабгача таълим муассасаси қуриш учун ер участкаларини сотиб олинг
Тошкент шаҳри Шайхонтоҳур туманидан:
✅ "Шодлик" МФЙда 8 сотих ер 602 млн сўм (кўриш)
✅ "Чархновза" МФЙда 16 сотих ер 1,8 млрд сўм (кўриш)
✅ "Янги Белтепа" МФЙда 45 сотих ер 3,3 млрд сўм (кўриш)
@onlineauksionuz | Реклама
2024 йилги Давлат бюджети прогнозларида қандай рисклар инобатга олинмоқда?
➖иш ҳақи миқдорининг қўшимча равишда 1 фоизга оширилиши йилига 1,3 трлн сўм атрофида, пенсия миқдорининг 1 фоизга оширилиши эса 600 млрд сўм миқдорида қўшимча харажатлар талаб этади;
➖сўм алмашинув курсининг 100 сўмга қадрсизланиши йиллик Давлат бюджети харажатларининг 400 млрд сўмга ошишига олиб келади;
➖олтин нархининг прогнозда кўзда тутилган 1 унция учун 1 минг 800 АҚШ долл. нархидан 100 АҚШ долларига пасайиши 4,5 трлн сўм бюджет даромадлари камайишига;
➖Мис нархининг прогнозда кўзда тутилган 1 тоннаси учун 7 минг 800 АҚШ долл. нархидан 500 АҚШ долларига пасайиши 940 млрд сўм бюджет даромадлари камайишига;
➖ энергия ресурслари тарифларининг оширилмай қолиши 1,5 трлн сўм бюджет даромадлари камайишига олиб келиши мумкин.
Тошкент шаҳрида 6 ноябрдан ижтимоий объектлар ва кўп квартирали уйларга иссиқлик энергияси таъминотини босқичма-босқич етказиб бериш бошланади.
Читать полностью…
Охирги кунларда ижтимоий тармоқларда автомобилларга ёқилғи қуйиш шохобчаларида, жумладан, Лукойл, Татнефть “заправка”ларида А-95 маркали бензин йўқолиб қолгани ҳақида шикоятлар кўпайган. Ҳадемай А-92 ҳам шу кўйга тушса керак, масъуллар нимадир ўйлашяптими, деб савол беришмоқда.
Эслатиб ўтамиз, 2023 йил сентябрь ойи охирида Россия ҳукумати бензин экспортига вақтинчалик мораторий жорий қилган эди.
Самарқанд вилоятида ҳам ичимлик ва оқова сув тарифлари оширилмоқда
Самарқанд вилоятида аҳоли учун 1 метр куб ичимлик суви+оқова сув нархи 2500+1600=4100 сўм этиб белгиланди. Шу пайтгача унинг нархи 3250 сўм эди.
2024 йилда бюджет ходимларининг иш ҳақи, пенсия ва стипендиялар миқдорини ошириш режалаштирилмоқда
Давлат бюджети лойиҳасига кўра, келгуси йилда иш ҳақи, пенсиялар, стипендиялар ва нафақалар миқдорларини ва айрим хизматларнинг тарифларини ошириш билан боғлиқ харажатларга 9,6 трлн сўм ажратиш кўзда тутилган.
Ҳужжатда келтирилишича, жорий йил охиригача шаклланган инфляция миқдори йил давомида бюджет ташкилотлари ходимларининг иш ҳақи ва пенсия миқдорларининг оширилган фоизларидан юқори бўлган тақдирда, келгуси молия йилининг январь ойидан иш ҳақи ва пенсияларни ушбу фоизларга ошириш орқали компенсация қилиш тартиби жорий этилади.
Ўзи умуман, иш ҳақи ва унга тенглаштирилган тўловлар келгуси йилда давлат бюджети харажатининг 50%дан ортиғини ташкил этади.
Тошқулов Абдуқодир Ҳамидович Термиз давлат университети ректори этиб тайинланди.
Тайинловга қадар у президентнинг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси ўринбосари лавозимида ишлаган. Ҳозирда ушбу лавозим тугатилган.
А.Тошқулов 2017—2021 йилларда Термиз давлат университетига ректорлик қилган. 2021 йил январда олий ва ўрта махсус таълими вазири этиб тайинланганди.
ҚҚС бўйича
2024 йилнинг 1 апрелидан бошлаб қўшилган қиймат солиғи бўйича қуйидаги имтиёзларни бекор қилиш таклиф қилинмоқда:
➖ дори воситалари, шунингдек ветеринария дори воситалари, тиббиёт ва ветеринария буюмларини реализация қилиш, олиб кириш ҳамда уларни ишлаб чиқариш учун четдан олиб келинган хомашё;
➖ тиббий ва ветеринария хизматлари.
➖ аҳолига сув таъминоти, шунингдек канализация, санитария тозалаш, иссиқлик таъминоти бўйича кўрсатиладиган хизматлар бўйича қўшилган қиймат солиғининг “ноль” даражали ставкасини бекор қилиш таклиф қилинмоқда;
➖ Ўзбекистон ҳудудида хизмат кўрсатадиган хорижий жисмоний шахсларни қўшилган қиймат солиғига тортиш орқали мазкур солиқ тўловчилар тоифасини кенгайтириш таклиф қилинмоқда.
Президент Администрациясида бир қатор янги тайинловлар амалга оширилди
➖Ғайратулла Хабибуллаевич Ёзиев - Ўзбекистон Республикаси Президентининг кадрлар сиёсати масалалари бўйича маслаҳатчисининг биринчи ўринбосари лавозимига тайинланди. Тайинловга қадар Ғ.Ёзиев Ўзбекистон Республикаси Давлат хавфсизлик хизмати раисининг ўринбосари лавозимида ишлаган.
➖Қаҳраман Раматуллаевич Сариев — Ўзбекистон Республикаси Президентининг кадрлар сиёсати масалалари бўйича маслаҳатчиси ўринбосари лавозимига тайинланди. Тайинловга қадар Қ.Сариев Ўзбекистон Республикаси Президентининг давлат хизмати, аҳоли билан мулоқот ва маҳаллий ҳокимият органлари фаолиятини мувофиқлаштириш масалалари бўйича маслаҳатчисининг биринчи ўринбосари лавозимида ишлаган.
➖Улуғбек Исломович Мухаммадиев — Ўзбекистон Республикаси Президентининг кадрлар сиёсати масалалари бўйича маслаҳатчиси ўринбосари - Ўзбекистон Республикаси Президенти Халқ қабулхонаси раҳбари лавозимига тайинланди. Тайинловга қадар У.Мухаммадиев Ўзбекистон Республикаси Президентининг давлат хизмати, аҳоли билан мулоқот ва маҳаллий ҳокимият органлари фаолиятини мувофиқлаштириш масалалари бўйича маслаҳатчиси ўринбосари лавозимида ишлаган.
➖Умар Сапаевич Исмаилов — Ўзбекистон Республикаси Президенти Халқ қабулхонаси раҳбарининг биринчи ўринбосари лавозимига тайинланди. Тайинловга қадар У.Исмаилов Ўзбекистон Республикаси Президентининг давлат хизмати, аҳоли билан мулоқот ва маҳаллий ҳокимият органлари фаолиятини мувофиқлаштириш масалалари бўйича маслаҳатчиси ўринбосари лавозимида ишлаган.
Давлат бюджети лойиҳаси эълон қилинди
2024 йил учун Давлат бюджети даромадлари 270,3 трлн сўм, харажатлари эса (бюджетлараро трансфертларни инобатга олмаган ҳолда) 279,6 трлн сўм миқдорида белгиланмоқда.
Бюджети тақчиллигининг юқори чегараси 52,5 трлн сўм ёки ялпи ички маҳсулотга нисбатан 4 фоиз миқдорида белгиланмоқда.
Ташқи қарзни жалб қилиш бўйича йиллик имзоланадиган янги битимларнинг чекланган ҳажми 5 млрд АҚШ доллари, шундан бюджетни қўллаб қувватлаш учун – 2,5 млрд. АҚШ доллари, инвестиция лойиҳаларини молиялаштириш учун – 2,5 млрд. АҚШ доллари миқдорида белгиланмоқда.
Президент Шавкат Мирзиёевнинг Фаластин ва Исроил ўртасидаги вазият юзасидан билдирган муносабати
Читать полностью…
Кармана тумани ҳокими, прокурори, департамент бошлиғи, ички ишлар, электр тармоқлари раҳбарлари ишдан олинди
Карманадаги қурилиши якунланмаган бинода 452 та “майнинг” қурилмаси ўрнатилгани оқибатида ўн ой давомида қарийб 5,5 миллион киловатт-соат электрдан ноқонуний фойдаланилган.
Кармана тумани ҳокими, прокурори, департамент бошлиғи, ички ишлар, электр тармоқлари раҳбарлари ўн ойда ҳудудда шунча электрдан ўғирликни пайқамагани, туманда ойлик истеъмол бирданига 5 фоизга ошганини таҳлил қилмагани танқид қилинди.
Ушбу раҳбарларнинг барчаси ишдан олиниши белгиланди, Бош прокуратурага уларнинг ҳаракатига баҳо бериб, қонун устуворлигини таъминлаш топширилди.
Мутасаддиларга ўғирликлар энг юқори бўлган ҳудудларда ноқонуний истеъмолга сабаб бўлаётган омилларни аниқлаб, уларни бартараф қилиш бўйича тизим яратиш вазифаси қўйилди.
Манба