80666
Кузатувлар, фикрлар. ИМҲО — шахсий фикри ожизимча, дегани. Админга ёзиш учун махсус бот: @davletovuz_bot Тижорий ҳамкорлик учун: @davletovuz_reklamabot
Тижорат банкларида АҚШ долларининг сотув курси 12 745 сўмгача кўтарилди.
Читать полностью…
Абдурауф Абдурашидович Абдуқаюмов Техник жиҳатдан тартибга солиш агентлиги директорининг биринчи ўринбосари;
Одилжон Зохиджонович Тохиров Техник жиҳатдан тартибга солиш агентлиги директорининг ўринбосари;
Азамат Абдулхакимович Абдурахманов Техник жиҳатдан тартибга солиш агентлигининг Техник жиҳатдан тартибга солиш соҳасида назорат инспекцияси бошлиғи этиб тайинланди.
Пойтахт ҳокими Шавкат Умурзоқов қарори билан Тошкент шаҳар планетарийсига макетлар сотиб олиш, жорий таъмирлаш ҳамда ёнғин хавфсизлиги тизимини йўлга қўйиш ва кириш қисмига "Planetariy" сўзини декоратив тарзда ўрнатиш учун қарийб 1 млрд 450 млн сўм ажратилибди.
Читать полностью…
Эндиликда фарзандни чет элга олиб чиқиш учун Нотариал тасдиқланган розилик беришни нотариал идорага бормасдан дунёни исталган жойидан расмийлаштириш мумкин - Адлия вазирлиги
Читать полностью…
Президентнинг "Оилавий тадбиркорликни ривожлантириш дастурлари доирасида аҳолининг бизнес ташаббусларини молиялаштиришни такомиллаштиришга доир қўшимча чора-тадбирлар тўғрисида”ги қарори (ПҚ-149-сон, 02.04.2024 й.)
Читать полностью…
Долларнинг расмий курси қарийб 35 сўмга қимматлади.
Читать полностью…
Амир Темур шоҳ кўчаси сўнгги етти йилда тадбиркорлар учун энг жозибадор кўчага, ҳудудни ўсиш нуқтасига айланди. Лекин кўчани 6 километр қисмида эскирган қиёфадаги 3-4 қаватли 8 та давлат идоралари жойлашган.
Бу биноларни ерости автотураргоҳи бор кўп қаватли савдо, хизмат ва овқатланиш объектлари, офис ва меҳмонхона шаклида қайта қуриш шарти билан лойиҳалар амалга оширилса, тадбиркорлар ва иш ўринлари сонини кўпайтириш мумкинлиги қайд этилди.
Шундай лойиҳаларни банк филиаллари ўрнида ҳамда давлат ташкилотлари эгаллаб турган 24,5 гектар негизида ҳам амалга ошириш мумкин.
Манба
Яна бир судья қўлга олинди
Тошкент шаҳар жиноят ишлари бўйича Сирғали туман суди судьяси Жиноят кодексининг 168- (фирибгарлик), 28, 211-(пора бериш) моддаларининг тегишли қисми билан қўлга олинди.
Судьялар олий кенгаши судьяни жиноий жавобгарликка тортишга розилик берди ва унинг судьялик ваколати тўхтатилди.
Ўзбекистон бир неча инсонларнинг қурбон бўлиши ва Эроннинг Дамашқ (Сурия) шаҳридаги дипломатик миссияси ҳудудида вайронагарчиликларга олиб келган Эрон консуллиги биносига уюштирилган ҳаво ҳужумини кескин қоралайди.
“Хорижий давлатларнинг дипломатик ва бошқа ваколатхоналарига ҳужум қилинишини мутлақо қабул қилиб бўлмас ҳолат ҳамда халқаро дипломатик ҳуқуқ асослари ва тамойилларини энг қўпол равишда бузилиши деб ҳисоблаймиз”, деб баёнот берди Ташқи ишлар вазирлиги расмий вакили.
ОАВ хабарига кўра, Эроннинг Сурия пойтахти Дамашқ шаҳридаги консуллиги биносига исроиллик ҳарбийлар йўллаган зарба оқибатида етти нафар аъзоси ҳалок бўлган. Яна бир неча киши жароҳатланган.
Қурбонлар орасида — корпус бригада генерали Муҳаммадризо Зоҳидий ҳамда унинг ўринбосари генерал Муҳаммад Ҳоди Ҳожи Раҳимий ҳам бор.
Сурия мудофаа вазирлиги маълумотига кўра, Исроил самолётлари маҳаллий вақт билан 1 апрел куни тахминан соат 17:00 да Жўлан тепаликлари томондан консулхона биносига зарба йўллаган. Сурия ҳаво ҳужумидан ҳимоя воситалари ракеталарнинг бир қисмини уриб туширган, деб қўшимча қилган вазирлик.
Зарба оқибатида эронлик ҳарбийлардан ташқари Суриянинг уч ва Ливаннинг бир фуқароси ҳам ҳалок бўлган.
Исроиллик ҳарбийлар бу хабарларга изоҳ бермаслигини билдирган.
Тошкентда совуқ сув ўчирилади
«Тошкент шаҳар сув таъминоти» АЖ режали профилактика–таъмирлаш ишлари олиб борилиши муносабати билан истеъмолчиларга ичимлик сув босимининг пасайиши ва вақтинча тўхтатиладиган сана ва манзилларни маълум қилди:
📍Мирзо улуғбек тумани
📍Учтепа тумани
📍Яккасарой тумани
📍Шайхонтоҳур тумани
📍Яшнобод тумани
📍Олмазор тумани
📍Чилонзор тумани
📍Сергели тумани
📍Янгиҳаёт тумани
📍Миробод тумани
📍Юнусобод тумани
Uzbekistan’s club ўз резидентлари иштирокида янги O‘zbekistonlik.Podcast’ни бошлабди. Биринчи сонданоқ жуда яхши мавзуга қўл уришибди. Суҳбат асосан илм-фан ва технологиялар, сунъий онгнинг келажакдаги ўрни ҳақида.
O‘zbekistonlik.Podcast’га "Uzum" миллий рақамли экотизими ҳомийлик қиляпти экан. Подкастни Uzbekistan's club YouTube, Apple Music, Яндекс Музыка, Amazon, Spotify платформаларида ва ҳамкор телеканалларда ҳам эшитиш мумкин
2023 йилнинг энг ёпиқ давлат ташкилоти - Андижон вилояти ҳокимлиги
Коррупцияга қарши курашиш агентлигининг очиқлик индекси
Кеча Туркияда маҳаллий сайловлар бўлиб ўтди. Дастлабки натижаларга кўра, турк сайловчиларининг кайфияти ўзгарган.
Эрдоған ҳокимиятга келганидан бери унинг партияси илк марта бундай катта мағлубиятга учраган. Мухолифат нафақат анъанавий ўзи етакчилик қиладиган ҳудудларда, балки узлуксиз амалдаги ҳокимият партиясини қўллаб-қувватлаб келган ҳудудларда ҳам етакчиликка эришган.
Экспертлар фикрича, мамлакатдаги иқтисодий аҳвол сайлов натижаларига таъсир кўрсатган муҳим омиллардан бири бўлган.
Ўзбекистон ҳукумати Ислом тараққиёт банкидан 20 йил муддатга 260 млн долларлик имтиёзли қарз жалб қилмоқда. Қарз маблағлари ҳисобидан 2024-2028 йилларда Самарқанд, Сурхондарё ва Қашқадарё вилоятларининг 21 та туманида қишлоқлар инфратузилмаси яхшиланади. Жумладан, лойиҳа доирасида 20 мактаб (19 таси Самарқандда), 14 боғча, 10 та оилавий шифокор пункти (барчаси Самарқандда) қурилади, 200 км ичимлик суви, 368 км электр тармоғи тортилади, қарийб 330 км йўл қурилади, 53 та трансформатор ўрнатилади.
Читать полностью…
Қасим-Жомарт Тоқаев 5 апрель куни ташриф билан Ўзбекистонда бўлади.
Читать полностью…
Халқ депутатлари Тошкент шаҳар кенгашининг навбатдан ташқари сессиясида Сирожиддин Саййид “Халқим деган зотларни Ҳақ ҳам қўллар экан-ку!..” номли шеър ўқибди.
Шеър “Ахборот” дастурида ҳамда марказий нашрларда тўлиқ эълон қилинган.
Комилжон Хамидович Каримов Тошкент шаҳридаги Халқаро Вестминстер университетининг ректори этиб тайинланди. У бунгача олий таълим, фан ва инновациялар вазирининг биринчи ўринбосари лавозимида фаолият юритиб келган.
Бахром Равшанович Миркасимов университет ректори лавозимидан озод қилинди.
Қозоғистонда юз берган йўл-транспорт ҳодисаси оқибатида 8 нафар ўзбекистонлик ҳалок бўлгани айтилмоқда.
Читать полностью…
Иккита давлат банки устав капитали қарийб 6 трлн сўмга оширилади
Мақсадли дастурларни молиялаштириш учун давлат бюджетидан Халқ банкига 2 трлн сўм, Микрокредитбанкка 790 млрд сўм, Тикланиш ва тараққиёт жамғармасидан ажратилган Халқ банкига 1,837 трлн сўм, Микрокредитбанк 1,233 трлн сўм миқдорида ажратилган маблағлар ушбу молия муассасаларининг устав капиталини оширишга йўналтирилади - президент қарори
Айтишларича, Шохрух Далиев олий таълим, фан ва инновациялар вазирининг биринчи ўринбосари лавозимига тайинланган. У бунгача ҳукумат марказий аппаратида масъул лавозимларда ишлаган.
Читать полностью…
Банклар иш ўрни яратган тадбиркорга кредит фоизини тушириб беради
Банклар тадбиркор мижозларга кредит бераётганда фуқароларни ишга олиш шарти билан кредит фоизини камайтирадиган тизимни жорий қилади.
Янги тизимга кўра, эндиликда банклар тадбиркорлар иш ўрни яратганидан кейин уларга берилган кредит фоизини тушириб боради.
Шавкат Умурзоқов расман ҳоким этиб тасдиқланди. “Зўр шаҳар”нинг раҳбарида энди “ио” рутбаси йўқ.
Читать полностью…
Шавкат Мирзиёев бугун халқ депутатлари Тошкент шаҳри кенгашининг навбатдан ташқари сессиясида иштирок этади.
Айтишларича, Шавкат Умурзоқов ҳоким сифатида тасдиқланиши кутилмоқда. У бир йилдан бери “ио” ҳоким сифатида пойтахтни бошқариб келмоқда.
Uzum Ўзбекистоннинг энг қиммат 5 бренди қаторига кирди
Brand Finance халқаро агентлиги биринчи марта 2024 йилда Ўзбекистоннинг энг қиммат брендлари рейтингини тузди. Uzum рейтингдаги энг ёш компанияга айланди — бир йил ичида миллий рақамли экотизим бренди мамлакатдаги энг қиммат компаниялардан бирига айланди.
Халқаро экспертларнинг ҳисоб-китобларига кўра, Uzum бренди А- (strong) рейтинги билан 39 миллион доллар туради, бунда Brand Finance таҳлилчилари компаниянинг қиймати, бизнес самарадорлиги, товар белгиларининг қиймати, шунингдек маркетинг инвестициялари ва бренд ҳақидаги хабардорлигини ҳисобга олади. Баҳолаш Uzum халқаро фондлардан инвестициялар жалб қилиб, 1 миллиард доллардан ортиқ баҳога эга бўлган биринчи миллий технологик компанияга айланганлиги ҳақида эълон қилинишидан олдин амалга оширилган.
Батафсил
Реклама
Дурдона Раҳимова Тошкент шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари этиб тайинланди.
У Ёшлар сиёсати ва спорт вазирининг ўринбосари вазифасида ишлаб келаётган эди.
Ижтимоий тармоқларда эрталаб “метан заправка”ларда газ нархи 3800 сўмга кўтарилгани ҳақида шикоятлар кўпайган.
Кеча Энергетика вазирлиги метаннинг энг баланд чакана нархи 3350 сўмдан ошмаслигини маълум қилган эди.
Ҳукуматнинг 2024 йил 30 март куни қабул қилинган қарори билан «метан» газ учун белгиланган энг баланд чакана нархнинг амал қилиш муддати узайтириляпти.
Эндиликда автомобилларга газ тўлдириш компрессор шохобчаларида табиий газни сотишда унинг энг баланд чакана нархи 2024 йил 1 июнгача бир куб метр учун 3 350 сўм қилиб белгиланмоқда (Амалда 3 250 сўм)
Яъни 1 апрелдан эътиборан якунига етиши керак бўлган энг баланд чакана нарх учун белгиланган муддат яна икки ой давомида жузъий ўзгартишлар билан амал қилади (аввалги нарх 3 250 сўм эди).
Энергетика вазирлиги
Апрелда ҳарорат меъёр атрофида, ёғингарчилик бўйича меъёрдан кам ва меъёрдаги ёғин кутилмоқда
Апрель ойи қуруқ ва ўртача илиқ об-ҳаво билан бошланади. Биринчи беш кунликда ҳаво 15-20 даража илиққача исийди, кечалари ҳарорат 5-10 даража илиқ атрофида бўлади. Ойнинг биринчи ўн кунлигининг иккинчи ярмида ҳарорат асосан кечалари 8-13 даража илиқ, кундуз кунлари 18-23 даража илиқ бўлади.
Ойнинг иккинчи ва учинчи ўн кунликларида ҳарорат кечалари 2-7 даража илиқдан 10-15 даража илиққача, кундуз кунлари 13-18 даража илиқдан 25-30 даража гача ўзгариб туради.
Ой давомида ёғингарчилик жойларда меъёрдан кам ва меъёр атрофида бўлади.Ўзгидромет