80666
Кузатувлар, фикрлар. ИМҲО — шахсий фикри ожизимча, дегани. Админга ёзиш учун махсус бот: @davletovuz_bot Тижорий ҳамкорлик учун: @davletovuz_reklamabot
“Ўзбекнефтгаз” акциядорлик жамияти кузатув кенгашининг янги таркиби сайланибди:
➖Ли Дмитрий Романович – Истиқболли лойиҳалар миллий агентлигининг директори;
➖Мустафаев Хуршед Бахтиёрович – иқтисодиёт ва молия вазирининг ўринбосари;
➖Маматкаримов Бахтиёр Рустамович – энергетика вазирининг биринчи ўринбосари;
➖Мухутдинов Нодир Убайдуллаевич – “Янги кон” МЧЖда лойиҳа раҳбари;
➖Акбаржонов Азиз Акбаржон ўғли – “Ўзбекистон саноат-қурилиш банки” АТБ бошқаруви раиси;
➖Tom Quigley – Мустақил аъзо;
➖Barry Melnkovic – Мустақил аъзо.
Солиқ қўмитаси раиси Шерзод Қудбиев Сирдарёда чек сўрагани учун тарсаки еган болага, унинг ота-онасига миннатдорлик билдирибди.
Читать полностью…
Ички ишлар вазирлиги Жамоат хавфсизлиги департаментининг Йўл ҳаракати хавфсизлиги хизмати янги бошлиғи Шерзод Ибрагимов аҳолига мурожаат билан чиқди
ЙҲХХ бошлиғи ҳайдовчилар ва пиёдаларда йўл ҳаракати қоидаларини ҳурмат қилиш ва уларга сўзсиз риоя этиш маданиятини юксалтириш, аҳолида уларни бузмаслик иммунитетини шакллантириш, аварияларнинг асл омилларини илмий жиҳатдан ўрганиш ва комплекс бартараф этиш, таълим муассасалари олди, ҳодисалар ўчоқлари ва пиёдалар ўтиш жойларида ишончли хавфсиз тизимини яратиш, шунингдек, «ашаддий ҳуқуқбузарларга қарши муросасиз курашиш» кераклигини алоҳида таъкидлади.
Жо Байден АҚШ президенти сайлови пойгасидан чиқишини эълон қилди.
Энди Демократлар партияси ноябрда бўлиб ўтадиган сайловга янги номзод кўрсатиши керак бўлади.
Ўзбекистон терма жамоаси 65-Халқаро математика олимпиадасида 2 та кумуш, 3 та бронза медалини қўлга киритди:
🥉 Озодбек Ахтамов – Муҳаммад ал-Хоразмий номидаги ихтисослаштирилган мактабнинг 10-синф ўқувчиси — бронза медал,
🥉Расулбек Ғаффаров – Муҳаммад ал-Хоразмий номидаги ихтисослаштирилган мактабнинг 9-синф ўқувчиси — бронза медал,
🥉 Мадина Суюнова — Қашқадарё вилояти Китоб туманидаги 96-мактабнинг 11-синф ўқувчиси — бронза медал,
🥈 Элбек Зоҳиджонов — Муҳаммад ал-Хоразмий номидаги ихтисослаштирилган мактабнинг 9-синф ўқувчиси — кумуш медал,
🥈 Тўлқин Жайловов – Қашқадарё вилояти Қарши шаҳридаги 1-сонли ихтисослаштирилган мактаб интернатининг 9-синф ўқувчиси— кумуш медални қўлга киритди.
ACWA Power иккита шамол электр станциясидаги 35% улушини сотди
Саудия Арабистонининг ACWA Power компанияси Бухоро вилоятидаги иккита энергетика лойиҳаси- "Бош" ва "Жонкелди" шамол электр станцияларидаги 35% улушини Хитойнинг China Southern Power Grid International (HK) Co. Ltd компаниясига сотган. Тижорат битимини имзолашда энергетика вазири Жўрабек Мирзамаҳмудов ҳам қатнашган.
Оммавий ахборот воситаларининг ёзишича, битим қиймати қарийб 159 млн долларни ташкил қилган. Саудия компанияси эндиликда лойиҳада 65%лик улушга эгалик қилади.
ACWA Power олдинроқ Бош ва Жонкелди шамол электр станцияларини ривожлантириш учун Осиё тараққиёт банкидан 174 млн долларлик, Европа тикланиш ва тараққиёт банки ва ҳамкорларидан 520 млн долларлик кредит жалб қилиш бўйича келишувларга эришган эди.
Қуввати 1 ГВт бўлган Бош ва Жонкелди шамол электр станцияларининг умумий қиймати 1,3 млрд долларни ташкил қилади.
Тошкент шаҳар ҳокимлиги пойтахтда 75 та маҳаллага маиший чиқиндилар тўплаш ва олиб чиқиб кетиш бўйича давлат-хусусий шериклик асосида хизмат кўрсатаётган муқобил корхоналар билан тузилган битим муддатини узайтирмайдиган бўлибди. Ушбу корхоналарга бириктирилган ҳудудларни "Махсустранс-ИЧБ" ДУК қабул қилиб олади.
Бундан ташқари, қолган 65 та маҳаллага хизмат кўрсатадиган корхоналар билан битим муддати 6 ой синов тариқасида узайтириладиган бўлибди. Синов натижалари асосида мазкур корхоналар билан ҳам битим муддати узайтирилмаслиги мумкин.
Тошкент шаҳар ИИББ Йўл ҳаракати хавфсизлиги бошқармаси бошлиғи полковник Рафиқжон Жалилов лавозимидан баҳорда озод этилган экан. Бу ҳақда расман хабар берилмаган. Бошлиқ вазифасини бажариш Муҳаммад Одилов зиммасига юклатилган.
Манба
"Microsoft" ишидаги глобал узилишлар Ўзбекистондаги халқаро аэропортлар фаолиятига таъсир қилмади - Uzbekistan Airports
“Айни дамда барча аэродромларда учиш ва қўниш жараёнлари одатдагидек давом этмоқда. Авиакомпаниялар йўловчиларни рўйхатга олишда дастурий носозликларга дуч келган тақдирда, "Uzbekistan Airports" авиаташувчиларга ўзининг муқобил рўйхатга олиш тизимини таклиф қилишга тайёр”, — дейилади матбуот хизмати хабарида.
«Манфаатлар тўқнашуви тўғрисида»ги қонуннинг мақсади ва мазмун-моҳияти тушунтириб борилмоқда
Ўзбекистон Республикаси Президенти томонидан 2024 йил 5 июнда «Манфаатлар тўқнашуви тўғрисида»ги Қонун билан бирга унинг ижросини самарали ташкил этиш чора-тадбирлари тўғрисидаги ПҚ-210-сон Қарори ҳам имзоланди.
18 июль куни «Ўзагросуғурта» АЖ тизимида фаолият олиб бораётган ходимлар учун ҳам шу мавзуга бағишланган семинар ташкил этилди. Унда «Ўзагросуғурта» АЖ бошқарув, вилоят филиаллари раҳбарлари ва масъул ходимлари иштирок этди.
Тадбирда ташкилот ходимига белгиланган чекловлар ҳамда Одоб-ахлоқ комиссиясининг ва давлат органларининг қарорнинг ижросини таъминлашдаги ваколатлари ва ушбу қарорнинг ижроси бўйича маълумотлар берилди.
Реклама
Дунё бўйлаб аэропортлар, авиакомпаниялар, банклар, телекоммуникация ва бошқа молиявий институтлар фаолиятида узилишлар кузатилмоқда. Бунга сабаб сифатида Windows дастурий таъминотдаги муаммолар келтирилмоқда.
Қатор авиакомпаниялар рейсларни бекор қилмоқда, аэропортлар фаолиятини тўхтатмоқда.
Жиноят оламида “Бахти Ташкентский” номи билан танилган Бахтиёр Қудратуллаевга 20 йил муддатга озодликдан маҳрум этиш жазоси тайинланди.
Читать полностью…
“Lukoil” асоссиз олган маблағни қайтариши зарур – Рақобат қўмитаси
Рақобат қўмитасининг маълум қилишича, “Lukoil Overseas Supply and Trading Ltd” компанияси нарх манипуляцияси орқали асоссиз олинган маблағни қайтариши керак.
Қўмита томонидан компанияга қонунбузилишларни бартараф этиш ва кейинчалик йўл қўймаслик юзасидан бажарилиши мажбурий бўлган кўрсатма берилди.
Олдинроқ Рақобат қўмитаси томонидан “Lukoil Overseas Supply and Trading Ltd” компаниясининг биржа савдолари орқали техник олтингугурт маҳсулотини реализация қилишда, шу жумладан биржа савдоларида маҳсулот ҳажмларини номувофиқ қўйиш каби манипуляция ҳолатлари орқали маҳсулот нархларини ошишига олиб келган ҳаракатларининг аломатлари аниқланган эди.
Натижада биржа савдоларида техник олтингугурт маҳсулоти нархлари ўртача 10 фоиздан 50 фоизгача ошишига сабаб бўлган.
Компания қўмитанинг қароридан норози бўлса, аппеляция кенгаши ёки судга мурожаат қилиши мумкинлиги келтирилган.
Ижтимоий тармоқларда #qonimdagalaba ҳэштеги билан белгиланган видеолар кенг тарқалмоқда. Ёшлар “Мен ўзбекистонликман – қонимда ғалаба” видеоролигидан илҳомланиб, видеолар тайёрлаб, тарқатишмоқда.
Читать полностью…
Чорвоқда бахтсиз ҳодиса оқибатида икки нафар фарғоналик ҳалок бўлган
Жорий йилнинг 20 июль куни соат 14:30 ларда Тошкент вилояти Бўстонлиқ туманидаги “Чорвоқ” сув омборининг “Бурчмулла” сув ҳавзасига дам олиш мақсадида келган Зангиота туманида истиқомат қилувчи 19 ёшли фуқаро скутерни ҳайдаш вақтида бошқарувни эплай олмай, қаршисидаги катамаранга бориб урилган.
Фавқулодда вазиятлар вазирлиги хабар беришича, оқибатда катамаранда бўлган 2 нафар Фарғона вилоятидан келган фуқаро тан жароҳати олган. Ушбу бахтсиз ҳодиса оқибатида фуқаролар олган тан жароҳати туфайли воқеа жойида вафот этган.
Бош прокуратура матбуот котибининг ёзишича, ҳолат юзасидан Жиноят кодексининг 260-моддаси (Темир йўл, денгиз, дарё ёки ҳаво транспортининг ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилди. Тергов ҳаракатлари олиб борилмоқда.
Ўзсаноатқурилишбанк Ўзбекистон банк тизими тарихида биринчи маротаба Reg S ва 144А форматларида Лондон фонд биржасининг асосий бозорида АҚШ доллари ва ўзбек сўмида банкнинг навбатдаги халқаро облигацияларини жойлаштирди.
Халқаро облигацияларининг Reg S ва 144А форматида жойлаштирилиши нафақат Европа, балки АҚШ, Яқин Шарқ, Жануби-Шарқий Осиё ва бошқа ҳудудлардан ҳам янги инвесторларни жалб қилиш бўйича янги маррани забт этишга имкон яратди.
Буюк Британиянинг Лондон шаҳрида жорий йилнинг 12-16 июль кунлари Morgan Stanley (бошқарувида 5,4 трлн доллар), Fidelity (4,9 трлн доллар), Goldman Sachs Asset Management (2,7 трлн доллар), Amundi (2,8 трлн доллар), LGIM (1,2 трлн доллар) каби 60 та нуфузли инвесторлар билан музокаралар олиб борилди.
Тақдимотлар ва музокараларда Банк раҳбарияти томонидан инвесторларга республикамиздаги ортга қайтмас иқтисодий-ижтимоий ислоҳотлар, банк-молия тизими ва Банкнинг ундаги ўрни ҳамда асосий кўрсаткичлари тўғрисида маълумотлар тақдим этилди.
Банкнинг халқаро облигацияларни жойлаштирув жараёндаги савдоларида 21 та давлатдан 70 дан ортиқ инвесторлар томонидан жами 900 млн доллардан зиёд таклифлар келиб тушди. Шундан умумий 400 млн доллар ва 2,25 трлн сўм миқдорида маблағлар жалб қилинди.
Жалб қилинган хорижий инвестициялар — халқаро облигацияларни Лондон фонд биржасида жойлаштиришдан келиб тушган маблағлар Банк мижозларининг истиқболли “яшил”, барқарор ва ижтимоий лойиҳаларини молиялаштиришни кенгайтиришга хизмат қилади.
Эслатиб ўтамиз, Ўзсаноатқурилишбанк томонидан 2019 йилда Ўзбекистон тарихида илк бор халқаро капитал бозорида корпоратив қимматли қоғозлар, 2023 йилда эса Ўзбекистон банклари орасида биринчи “яшил” облигациялар жойлаштирилганди.
Реклама
Жо Байден ноябрда бўлиб ўтадиган сайловда вице-президент Камала Ҳаррис Демократлар партиясидан номзод бўлишини қўллаб-қувватлашини маълум қилди.
Читать полностью…
Темурбеклар мактаби битирувчилари учун алоҳида қўшимча квота ажратилади, улар энди бошқаларга халақит бермайди - президент фармойиши
Ҳужжатга кўра, давлат олий таълим муассасаларига киришда тўплаган балига нисбатан маълум миқдордаги қўшимча балл бериладиган шаклдаги имтиёзга эга абитуриентлар 2024/2025 ўқув йилида танлаган таълим йўналиши бўйича белгиланган ўтиш бали ва ундан юқори балл тўплаган тақдирда, тўплаган балига мос равишда давлат гранти ёки тўлов-контракт асосида қўшимча квота билан талабаликка тавсия этилади.
Нью-Йоркнинг Бруклин шаҳрида ўзбекистонлик оиланинг 4 нафар аъзоси ўлдириб кетилган.
Полиция гумонланувчини қўлга олган. Оммавий ахборот воситаларининг ёзишича, 24 яшар қотилликда гумонланаётган шахс оилага бегона эмас. У 56 яшар онаси, акасининг 27 яшар аёли ва 4 ва 5 ёшли жиянларини ўлдирганликда гумон қилинмоқда.
The New York Post гумонланувчининг руҳан носоғлом бўлиши мумкинлигини қайд этмоқда.
CAEx’да бешинчи TFT Expo 2024 Халқаро Тошкент мода ва текстил кўргазмаси бўлиб ўтади.
Мазкур ноёб тадбир ишлаб чиқарувчилар, харидорлар ва текстил бизнеси мутахассисларини бирлаштиради. TFT Expo музокаралар ва шартномалар тузиш, мода тенденцияларини намойиш қилиш ва бизнес жараёнларини ривожлантириш учун платформа сифатида хизмат қилади.
Кўргазмада 140та иштирокчи қатнашади ва 2 йил давомида унга 15та мамлакатдан 16 000дан ортиқ меҳмон ташриф буюрди.
Рўйхатдан ўтиш учун ҳавола
📞: +998-90-023-55-11
Telegram | Instagram
Реклама
Xon Saroy'дан қайноқ таклиф
Тошкент шаҳри Яшнобод туманида қад ростлаётаган “Vodiy residence” лойиҳасидан хонадон харид қилиб 96 млн. сўм бошланғич тўловни амалга оширинг ва қолган қисмини ойма-ой бўлиб тўланг.
Лойиҳа ҳудудида:
🔹Хавфсиз болалар майдончаси
🔹2-қаватда эcо-ҳудуд
🔹Ер ости ва ер усти автотураргоҳлари
🔹24/7 ишловчи кузатув камералари мавжуд.
Бот орқали боғланиш
712007400
555017400
xonsaroy.uz | Реклама
NRG компаниясининг янги имкониятидан фойдаланинг - реферал дастуримиз орқали даромад топинг
Сизга берилган махсус код орқали яқинларингизни лойиҳаларимиз билан таништиринг. Ҳар бир муваффақиятли тавсия учун икки томонлама фойда: биринчи томон: Янги мижоз кўчмас мулк харидида 1% чегирмага эга бўлади, Сиз эса 2,7 миллиондан 142 миллион сўмгачa пул мукофоти олиш имконига эга бўласиз.
NRG компаниясининг ушбу реферал дастури 2024 йил 17 июлдан 31 августгача амал қилади.
Батафсил маълумот ва иштирок этиш шартлари билан танишиш учун қуйидаги ҳаволадан таклифни юклаб олинг.
Ушбу фурсатни қўлдан бой берманг - оилангиз ва дўстларингизга фойда келтириш орқали ўзингиз ҳам даромад топинг.
Реклама
Ўзбекистон Республикаси архитектура ва қурилиш соҳаси фахрийлари кенгаши тузилди. Мақсад соҳа фахрийларининг ноёб ва бой ҳаёт тажрибаси, амалий маҳорати ва салоҳиятидан фойдаланишдир.
Йирик қурилиш компаниялари кенгашга доимий равишда ҳомийлик ёрдами кўрсатиб келади.
Кенгаш раиси транспорт ва тиббий таъминот бўйича вазир ўринбосарига тенглаштирилади.
Кенгаш Тошкент архитектура-қурилиш университети маъмурий биносида текин жойлаштирилади, иккита малибу автомобили бириктирилади.
Қурилиш ва уй-жой коммунал хўжалиги вазирлиги кенгашнинг моддий-техник таъминотини йўлга қўяди.
Шавкат Мирзиёев ва Садир Жапаров рафиқалари билан Хивада.
Манба
Шавкат Мирзиёев Европа комиссияси президенти Урсула фон дер Ляйенни ушбу лавозимга қайта сайлангани муносабати билан табриклади ва энг эзгу тилакларини билдирди.
Мактубда Ўзбекистон Европа Иттифоқи билан муносабатларда мутлақо янги саҳифа очадиган Кенгайтирилган ҳамкорлик ва шериклик тўғрисидаги битимни тез орада имзолаш тарафдори экани қайд этилди.
“Яқин келажакда Самарқанд шаҳрида биринчи “Марказий Осиё - Европа Иттифоқи” саммити ўтказилиши минтақавий алоқаларимизни манфаатли лойиҳалар ва дастурлар билан бойитиш йўлида муҳим амалий қадам бўлишига аминман",
Йиллик 30% ставкали омонат ютиб олинг
TBC Bank 30 та ғолибни танлаб олиб, уларга бир йилда 30% даромад келтирадиган омонат совға қилади. Омонатни исталган вақтда тўлдириш ва ундан қисман пул ечиб олиш мумкин бўлади.
Конкурсда қатнашиш учун:
- TBC UZ иловасининг "TBC Stars" бўлимига кириб, қийин бўлмаган топшириқларни бажаринг ва юлдузлар тўпланг.
- Сўнг юлдузларни TBC Starts нинг "Ютуқлар" бўлимида чипталарга алмаштиринг.
Қанча кўп чиптангиз бўлса, шунча кўп имкониятга эгасиз. Ғолиблар тасодифий сонлар генератори орқали жонли эфирда аниқланади.
Конкурс хақида батафсил | Реклама
Тошкент шаҳрида ноқонуний ташқи реклама конструкциялари мажбурий демонтаж қилинади
Тошкент шаҳрида ноқонуний ўрнатилган ташқи реклама ва ахборот объектлари (конструкциялари) мажбурий тартибда демонтаж қилинади. Тошкент шаҳар ҳокимининг қарорида қайд этилишича, 2024 йилнинг 1 июнига қадар бундай объектларни қонунийлаштириш имконияти берилган эди.
Демонтаж ишлари ҳокимликнинг Рақамли ривожланиш департаменти ҳисобидан амалга оширилади. Объектлар электр энергиясидан узилади, Миллий гвардия демонтаж вақти жамоат хавфсизлигини таъминлайди.
Ноқонуний ташқи реклама конструкцияларини бузиш ишлари йил охирига қадар якунланади.
Шавкат Мирзиёев ва Садир Жапаров кенг қамровли стратегик шериклик муносабатларини янада чуқурлаштириш ва кенгайтириш тўғрисида қўшма баёнотни имзолади.
Ташриф давомида 16 та ҳужжат имзоланди, жумладан:
➖Қирғиз Республикасининг Иссиқкўл вилояти ҳудудида жойлашган курорт-ҳордиқ хўжалиги объектлари бўйича ҳукуматлараро битим;
➖Фуқароларнинг ўзаро келиб-кетишлари тўғрисидаги ҳукуматлараро битимга ўзгартиришлар киритиш тўғрисида баённома;
➖Ўзбекистоннинг Жаҳон савдо ташкилотига аъзо бўлиши бўйича икки томонлама музокараларни якунлаш тўғрисида баённома;
➖ Қурилиш фаолияти соҳасидаги ҳамкорлик тўғрисида баённома;
➖ Меҳнат, аҳоли бандлиги ва миграция соҳасидаги ҳамкорлик тўғрисида баённома ва бошқалар
Уй-жой бозори ҳовуридан тушмоқда
Марказий банк таҳлилларига кўра, 2024 йилнинг иккинчи чорагида кўчмас мулк бозорида фаоллик секинлашган, ушбу даврга хос мавсумий ўсиш ҳам кузатилмаган.
Регуляторнинг фикрича, фаолликнинг секинлашуви кўчмас мулк бозорининг барқарорлашуви билан боғлиқ бўлиши мумкин. Соддароқ айтганда, уй-жой бозори озгина "қизиб" кетган эди. Ҳозир эса бироз ҳовуридан тушиб, "мувозанатлашмоқда".
Одамлар илгари сотиб олган уйларини сотиш ёки ижарага бериш учун эълон жойлаштиришмоқда. Иккиламчи бозорда уй сотиш эълонлари 12,7%га кўпайган бўлса, ижара эълонлари 18,4%га ортган.
Регулятор таҳлилида айтилишича, кўчмас мулк бозорида талаб ҳам "мувозанатлашган". Бунга одамларнинг даромадлари мақбуллашгани (турғунлашгани ёки пасайгани деб тушунса бўлса керак), ипотека кредити ўсиши секинлашгани, нарх-наво ҳамда алмашув курсининг нисбатан барқарорлашгани сабаб бўлган.
Бунинг ортидан бозорда спекулятив талаб ҳам сусайиши кутилмоқда. Буям кўчмас мулк бозорини "совитиш"га омил бўлади.