Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🇫🇮 Хацелі набыць сабе домік у Фінляндыі? Давядзецца пра гэта забыць
Урад гэтай краіны ўхваліў пастанову, якая забараняе грамадзянам Расеі ды Беларусі купляць на тэрыторыі Фінляндыі нерухомасць. Выключэнне зробленае для тых, хто мае доўгатэрміновы від на жыхарства.
🔍 Падрабязнасці шукайце на старонцы
💰 У Беларусі расце аб'ём грашовай масы. Неўзабаве зноў чакаць інфляцыю з дэвальвацыяй?
Эканамістка даследчага цэнтру BEROC Настасся Лузгіна мяркуе, што не ўсё так страшна. Калі дэталёва разабраць структуру грашовай масы, то відаць, за кошт чаго яна расце, і казаць пра друк пустых грошай не выпадае.
📍Чытайце разважанні эканамісткі па спасылцы
💁🏻♂️ Яшчэ дзве беларускія журналісткі знайшлі сябе ў расейскай базе вышуку
Абедзьве знаходзяцца за межамі Беларусі і РФ, таму паставіліся да гэтага факту з іроніяй.
🔍 Падрабязней чытайце на старонцы
🌧 Менск зноў затоплівае
У сталіцы нашай краіны – залева.
Глядзіце ў нашым відэа, што робіцца на вуліцах!
🫎 На Гарадзеншчыне ратавалі ласянё
Паглядзіце, што здарылася!
💬 «Трамп застаецца прыхільнікам дамоваў з РФ і гульні супраць Кітаю. Таму для яго спыненне агню ва Украіне патрэбнае»
Палітычны аглядальнік Ігар Тышкевіч скептычна паставіўся да ўчорашніх заяваў Доналда Трампа. Той, нагадаем, паабяцаў павялічыць пастаўкі зброі Украіне ды ўвесці жорсткія санкцыі супраць РФ, калі цягам 50 дзён вайна не будзе нейкім чынам урэгуляваная.
☝️Пачытайце тэкставую версію таго, што Тышкевіч казаў у нашым эфіры
📺 Навіны за 5 хвілін
⬆️ МАРГ выбарачна праверыў беларускія рынкі. Будзе шмат штрафаў
🔻Зяленскі і Трамп паразмаўлялі па тэлефоне
🔻Беларускі футбаліст варшаўскай «Легіі» не паляціць у Казахстан праз пагрозу быць затрыманым
🔻Мінлясгас Беларусі паведаміў пра рэкордныя пашкоджанні лесу праз непагадзь
🔻Старая сядзіба з Астравеччыны пайшла за малатка на аўкцыёне
🔻Мужчына, які атакаваў у Варшаве Паўла Латушку, дэпартаваны
🔻Ратавальнікі выцягнулі ласяня з ямы на Гарадзеншчыне
Глядзіце ў кароткім выданні навін на Белсаце 💻
💁🏻♂️ Б'еш жонку? Дзяржава прабачыць. Б'еш міліцыянта? Іншая справа!
«Змагацца з бяззбройнымі і мірна настроенымі пенсіянеркамі і студэнткамі куды прасцей, чым з тымі, хто рэгулярна напіваецца і трымае ў страху сям’ю альбо тэрарызуе паўвёскі. Але задача міліцыянтаў – выбачайце за банальшчыну – забяспечваць парадак. І так, хатні гвалт – гэта злачынства заўжды, а не толькі калі агрэсар пагражаў яшчэ і міліцыянтам».
👀 Чытайце калонку Насты Захарэвіч у нас на сайце
😧«Даказваў, што не можа вярнуцца, але яго ніхто не слухаў»
Беларуса Івана (імя змененае) дэпартавалі з Літвы ў Беларусь нягледзячы на тое, што на радзіме яму пагражае небяспека. Калі Івану стала зразумела, што з Беларусі яму пагражае небяспека і крымінальны пераслед, ён уцёк у Літву – каб трапіць у краіну, хлопец пераплыў раку. Там ён двойчы прасіў міжнароднай абароны, атрымаў адмовы праходзіў усе інстанцыі абскарджання рашэння.
Тады ён паспрабаваў папрасіць прытулку ў Польшчы, але тая скарысталіся Дублінскім пагадненнем і вярнулі Івана ў Літву. Цяпер ён у Менску. Ягоны лёс невядомы.
Што рабіць, каб гэткія сітуацыі не паўтараліся, чаму беларускім уцекачам трэба бюджэт на юрыста і якія акенцы магчымасцяў ужо зачыніліся? Чытайце ў нашым артыкуле
🤷♂️ У Грузіі затрымалі беларуса, які прасіў прытулку
Пра гэта «Белсату» паведаміў праваабаронца Раман Кісляк, які суправаджаў чалавека ў Дэпартамент па міграцыі. Спачатку ў заяўніка не прынялі дакументаў, а па выхадзе з будынку затрымалі.
«Гэта відавочнае парушэнне, я гэтага так не пакіну, буду гэта ўздымаць на юрыдычным узроўні і медыйна», – заявіў Раман Кісляк.
🙌 Валанцёры – на ўшанаванне беларускай шляхты
Пахаванні даўняй беларускай шляхты валанцёры аднаўляюць у розных месцах Беларусі.
Месца чарговых прац – вёска Блонь на Меншчыне, паведамляе «Спадчына». 🙏
🌪Кліматычная «амерыканізацыя» Беларусі – чаму ў нашай краіне ўсё часцей назіраюцца тарнада?
Энергія нядаўняй віхуры ў Гарадоцкім раёне раўнялася прыкладна 10-11 тэраджоўлям. Гэта выбух 30 тонаў тратылу ці 155-мм ядравага артылерыйскага снараду W48, – тлумачыць навуковец Сяргей Бесараб.
☝️Болей цікавых фактаў пра змены ў беларускім клімаце чытайце ў матэрыяле на старонцы
💬 «Вельмі добра, што ёсць чалавек, у якога няма гэтага кепскага досведу, што мы нешта не можам»
Франак Вячорка супакоіў тых, хто перажывае, што рэзкія заявы Сяргея Ціханоўскага могуць сарваць перамоўныя працэсы наконт вызвалення палітвязняў.
👀 Чытайце ягонае меркаванне на нашай старонцы
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸 Лукашэнка выказаўся пра кошты і заўважыў, што пасля выбараў ва ўрадзе пачаліся «свавольствы». Тым часам інфляцыя разганяецца, у чэрвені бульба і буракі падаражэлі больш чым на 30 %
🔸 ГУБАЗіК пахваліўся затрыманнем беларусаў з пашпартам Новай Беларусі. Офіс Ціханоўскай: гэта фэйк
🔸 Чарговыя звароты беларусаў да Лукашэнкі праз Цік-Ток, гэтым разам праз закрыццё дзіцячага садка
🔸 Дармаедам шлюць позвы з міліцыі
🔸 Келаг у Кіеве, Рутэ – у Трампа, зброя для Украіны
🔸 Школьныя базары і дзелавы стыль адзення для школьнікаў
🔸 Магілёўскае «Хімвалакно» праз непагадзь застанецца без электрычнасці на тыдзень
🔸 Падводзім вынікі фестывалю «Тутака»
Далучайцеся да нашага эфіру ⤵️
☝️Беларуску, якую польская паліцыя затрымала па лініі Інтэрполу па «замове» уладаў РБ, пастанавілі не экстрадаваць
Жанчына падазраецца ў фінансавых махінацыях. Аднак рэжым Лукашэнкі можа выкарыстоўваць інструменты Інтэролу для таго, каб пераследаваць у тым ліку сваіх палітычных апанентаў.
«У сувязі з тым, што захаванне права на судовы кантроль за пазбаўленнем волі з'яўляецца фундаментальным прынцыпам, што дзее ў прававой дзяржаве, экстрадыцыя ў краіну, якая гэтага прынцыпу не выконвае, недапушчальная».
🔍 Падрабязнасці шукайце на нашай старонцы
⚔️ 615 гадоў таму адбылася Грунвальдская бітва
У ёй схрысцілі мячы злучанае войска Польскага Каралеўства і ВКЛ ды ваяры Тэўтонскага ордэна.
Ці трэба было ваяваць з тэўтонцамі? Як агульны вораг паспрыяў умацаванню ВКЛ?
☝️Пра гэта ў дзень Грунвальдскай бітвы нагадваюць «Вусы Скарыны» з YouTube-каналу «Белсат HISTORY»
🧔 Не проста бароды, а творы мастацтва
Паглядзіце, які чэмпіянат прайшоў у ЗША ☝️
🎥 «Краіна дзе дзейнічаюць кілеры, шпіёны, дыктатары»
Беларусь усё часцей трапляе ў амерыканскае (і не толькі) кіно. Ажно ў пяці сёлетніх кінастужках згадваецца Беларусь – глядзім, што пра нас думаюць заходнія кінарэжысёры, разам з Тарасам Тарналіцкім.
👀 Яшчэ больш цікавых фактаў расказваем у новым выданні «Раніцы з Белсатам» на YouTube-канале «Белсат LIFE»
💁🏻♂️Мігранты на беларуска-польскім памежжы зноў актывізаваліся: штурмуюць плот і кідаюць камяні
Падчас адной з такіх атак было разбітае шкло ў службовым аўтамабілі памежнікаў.
👀 Глядзіце падрабязнасці ў нас на старонцы
💱 Курсы валютаў 15 ліпеня
Долар пайшоў уніз амаль на капейку. Еўра ж, наадварот, амаль на капейку падрос. Расейскі рубель таксама ўмацаваў свае пазіцыі.
#курсывалютаў
📍Белстат падлічыў, колькі ў Беларусі моладзі
Маладымі ў нашай краіне прынята лічыць жыхароў ва ўзросце ад 14 да 30 гадоў. Цяпер такіх у Беларусі прыкладна 18% ад агульнай колькасці насельніцтва.
Апошнія два гады колькасць моладзі ў нашай краіне амаль не мяняецца, але калі параўнаць з 2019–2020 гадамі, то яе прыкметна паменшала – на 200 тысячаў.
🔍 Болей лічбаў ды інфаграфікі знойдзеце па спасылцы
☝️У Аб'яднаным пераходным кабінеце ўпершыню за тры гады можа з'явіцца прадстаўніца ў пытаннях эканомікі і фінансаў
Пасада застаецца вакантнай ажно з лістапада 2022-га. Папярэдняя прадстаўніца ў эканамічных пытаннях Таццяна Зарэцкая паведаміла, што сыходзіць праз ціск на сваякоў і бізнес-партнёраў.
📍Чытайце падрабязней
🤦♀️ У Гомлі прэзентавалі фільм пра Луганск і расказалі пра «аздараўленне» дзяцей з Данбасу
Фільм пад назваю «Луганскі дзённік. Погляд з Беларусі» прэзентавала ў онлайн-фармаце палітычная аглядальніца тэлерадыёкампаніі «Горадня» Кацярына Старчавая.
Падчас прэзентацыі выступіла прадстаўніца Фонду Талая ў Гомельскай вобласці Юлія Малова, якая сказала, што фонд надае «дапамогу Данбасу і новым расейскім рэгіёнам», то бок акупаваным Луганскай, Данецкай і часткова Херсонскай і Запарожскай вобласцям.
📍Малова таксама адзначыла, што за час існавання фонду на «аздараўленне» ў Беларусь прывозілі больш за 5000 дзяцей. Як неаднаразова даказвалася, пад «аздараўленнем» часта хаваецца незаконны вываз украінскіх дзяцей і іх прымусовая індактрынацыя.
Падрабязнасці чытайце па спасылцы
Дабрыдзень, сябры!
Не ведаеце, што пачытаць па дарозе на працу? Мы вам прынеслі найбольш цікавыя матэрыялы, якія вы маглі прапусціць:
🔘 «Замацоўваюцца расейскія практыкі часоў анексіі Крыму»
Які культурны код ствараюць улады Беларусі?
🔘 Гандурас: футбольная вайна, агнястрэльная ежа і ноч, калі Расея напала на Украіну
Працягваем распавядаць пра кругасветнае падарожжа салігорскага блогера Аляксандра Гойшыка.
🔘 «Тарнада ў Беларусі будуць усё часцейшымі, і з гэтым трэба навучыцца жыць»
Што агулам адбываецца з беларускім кліматам і як прыстасоўвацца да яго змяненняў? Задалі гэтыя пытанні навукоўцу, эксперту па грамадзянскай бяспецы і кліматычнай адаптацыі Сяргею Бесарабу.
#штопачытаць
💥 #галоўнае за 14 ліпеня
✔️Франак Вячорка супакоіў тых, хто перажывае, што рэзкія заявы Сяргея Ціханоўскага могуць сарваць вызваленне палітвязняў
✔️Украінская выведка сцвярджае, што беларускі верталёт Мі-24 збіў над Гомельшчынай расейскі ўдарны беспілотнік
✔️Трамп зрабіў шэраг гучных заяваў, прысвечаных вайне ва Украіне
✔️Яўгена Казанцава, што атакаваў Паўла Латушку пару тыдняў таму, ужо дэпартавалі з Польшчы
✔️А вось беларуску, затрыманую ў Варшаве па лініі Інтэрполу, экстрадаваць на радзіму не будуць
✔️Выйшаў на волю былы супрацоўнік АНТ, якога судзілі за «распальванне варожасці»
✔️Паглядзелі, як улады Беларусі праз адукацыйныя праграмы фармуюць у школьнікаў культурны код, заснаваны на расейска-савецкіх наратывах
✔️«Магілёўхімвалакно» пасля ўрагану засталося без электрычнасці на цэлы тыдзень
✔️Смерчы і тарнада – новая нармальнасць беларускага надвор'я? Размова з навукоўцам
✔️Ва Украіне зменіцца прэм'ер-міністр. Пасаду зойме жанчына
#рэпрэсіі:
▫️ ГУБАЗіК пахваліўся затрыманнем двух магілёўцаў, якія нібыта заехалі ў РБ з «пашпартамі новай Беларусі». Офіс Ціханоўскай заявіў, што гэта фэйк, а пашпарты на здымках сілавікоў несапраўдныя
▫️Людзям, якіх уключылі ў спісы «незанятых у эканоміцы», дасылаюць позвы з аддзяленняў міліцыі
▫️У Горадні за «садзейнічанне экстрэмісцкай дзейнасці» ў адным працэсе судзяць не менш за 5 чалавек
🎹 Радаслаў Сікорскі падарыў беларусам арган
Днямі музычны інструмент усталявалі ў касцёле мястэчка Лагішын каля Пінска – «санктуарыі Маці Божай Лагішынскай Каралевы Палесся».
Міністр замежных спраў Радаслаў Сікорскі падарыў музычны інструмент беларускаму каталіцкаму біскупу Казіміру Велікасельцу. Дагэтуль арган знаходзіўся ў гасціннай дому Радаслава Сікорскага і быў перададзены ў Беларусь яшчэ ў 2018 годзе.
Але «складаныя абставіны не дазвалялі польскім майстрам зрабіць мантаж інструмента. Увесь гэты час ён ляжаў у Лагішыне, аднак сёлета ўжо сіламі мясцовых вернікаў ён быў змантаваны».
💬 «Засунулі пашпарт, як звычайную паперу, у старэнькі прынтар, які пачаў шкрабаць іголачкамі па старонцы, пакідаючы штамп Гандурасу»
Аляксандр Гойшык дзеліцца новай серыяй аповедаў пра сваю кругасветную вандроўку. Сёння гаворка пойдзе пра краіну, назву якой чулі амаль усе беларусы, але пабываць там давялося хіба што адзінкам з іх.
🇭🇳Надрукаваны звычайным прынтарам памежны штамп, салёная рыба, ад якой зводзіць скулы, разгубленасць ад навіны пра вайну ва Украіне...
👉 Вось якім быў досвед Аляксандра ў гэтай краіне
☝️Трамп зрабіў шэраг заяваў, прысвечаных вайне ва Украіне
Ён раскрытыкаваў Пуціна, заявіўшы, што з ім спачатку адбываюцца «цудоўныя размовы», але потым «зноў ляцяць ракеты на Кіеў». Таму, на думку Трампа, «размовы не маюць значэння».
У выпадку, калі цягам 50 дзён не будзе дасягнутае ўрэгуляванне канфлікту, Трамп паабяцаў увесці супраць РФ жорсткія санкцыі.
Таксама прэзідэнт ЗША анансаваў перадачу ў Еўропу 17-ці комплексаў Patriot, якія пазней мусяць апынуцца на полі бою ва Украіне.
У беларуса з’явілася шмат вольнага часу, і ён пачаў рабіць камбучу 🙌
Аказваецца чайны грыб, які ўспамінаецца з дзяцінства ў слоіку, – карысны для здароўя прабіятычны напой, які можа мець розныя вытанчаныя смакі 👌
❓Што такое камбуча і якія існуюць хітрыкі «камбучаварэння» – глядзіце ў новым выданні «Раніцы з Белсатам» на YouTube-канале «Белсат LIFE»
🔹Сабралі выказванні Сяргея Ціханоўскага з фэсту «Тутака»
Размова былога палітвязня з наведнікамі фестывалю адбывалася ў фармаце «як на кухні». Ціханоўскі адказаў на 21 пытанне і кожны адказ заканчваў воклічам «Жыве Беларусь!»
🔍 Чытайце па спасылцы