42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🔹Беларусы з усяго свету, Латушка ў чарзе па катлеты ад Ціханоўскага, партызанскі сасновы лес навокал. Рэпартаж з фэсту «Тутака-2025»
У падляшскім лесе на адлегласці ўсяго 20 км ад Беларусі ўжо ў пяты раз адбыўся фестываль «Тутака» – нашчадак «Басовішча» і антыпод «Славянскага базару».
«Белсат», які сёлета з'яўляецца галоўным інфармацыйным партнёрам фэсту, ніяк не мог абмінуць увагаю такую падзею!
📍Чытайце наш рэпартаж на сайце
☝️ Добрага дня тым, хто прачынаецца!
Для вас і для тых, хто прачнуўся раней, мы сабралі найбольш цікавыя матэрыялы «Белсату», каб вы іх дакладна не прапусцілі!
🗞 «Даць нырца ў Вісле – вынырнуць у Свіслачы». Пагутарылі з мастаком і аўтарам варшаўскіх вадалазаў Міхасём Мішуком
Пра «горад, якога няма» і самоту славутага вадалаза анты-Гагарына размаўляем з Міхасём Мішуком у самы разгар варшаўскага лета.
🗞 «За мяжой я зразумеў, як люблю Беларусь». Чаму эмігранты вяртаюцца і як адаптуюцца ўдома наноў?
Што такое зваротны культурны шок і ці можа адаптацыя там, адкуль некалі з’ехаў, быць цяжэйшай, чым на чужыне?
🗞 Сяргей Ціханоўскі пасмажыў катлеты на фестывалі «Tutaka»
У Ціханоўскіх з катлетамі – гісторыя, якая цягнецца з 2020 года.
🗞 У свеце з’явіцца яшчэ адна дзяржава: Новая Каледонія. Яна пакуль не будзе незалежнай
Заморская тэрыторыя Францыі ў Ціхім акіяне атрымае статус дзяржавы, але будзе аўтаноміяй у складзе Францыі. Апошняя на сёння незалежная дзяржава ўзнікла ў 2011 годзе.
#штопачытаць
💁🏻♂️ У беларускія тэлеграм-чаты закідваюць аб'явы з мэтаю знайсці «рэкрутаў» для расейскай арміі
Іх заўважыў reform.news.
Аб'явы былі як мінімум у двух чатах, што прапаноўваюць працу ў Берасцейскай вобласці.
📍Падрабязней па спасылцы
💥 #галоўнае за 11 ліпеня
✔️Расея атакавала Львоў і Луцк. Праз дроны Польшча ўздымала знішчальнікі
✔️«За мяжой я зразумеў, як люблю Беларусь» — Чаму беларусы вяртаюцца з эміграцыі
✔️ Як Лукашэнка разваліў Савецкі Саюз ды абараняе Маскву
✔️Беларускі знішчальнік спрабаваў збіць расейскі дрон над Рэчыцай
✔️Расейскую мову ў РФ абвясцілі нацыянальным здабыткам, які трэба абараняць за мяжой
✔️У Беларусі разваліўся старажытны вятрак
✔️У Беларусі будуць штрафаваць крамы за адсутнасць гародніны
✔️Літоўскія памежнікі затрымалі два кантрабандныя дроны з Беларусі
✔️У Беларусі ўвялі звышсакрэтныя будаўнічыя нормы. Невядома нават, на што
✔️Фэст «Tutaka» працягваецца!
#рэпрэсіі
◽️Палітзняволеная журналістка TVP адзначае чацвёрты дзень народзінаў за кратамі
💥 Трансляцыя канцэрту «Tutaka»
Хэдлайнерам другога дня фестывалю стане гурт Krambambula!
Запрашаем на трансляцыю галоўнага канцэрта вечара, у якім таксама возьмуць удзел Spievy z-pad mosta, ili-ili ды Dzieciuki.
Далучайцеся да нашага эфіру!👇🏻
https://www.youtube.com/live/a3M_nJQ0SzQ
#tutaka2025 #штопаслухаць
На Менскім моры загінуў капітан яхты. Цела знайшлі на трэці дзень
На Менскім моры загінуў дасведчаны капітан Філіп Рыжыкаў — яго змыла за борт падчас шторму, і ён быў без ратавальнай камізэлькі:
Адныя кажуць, ён адразу пайшоў на дно – быў без ратавальнай камізэлькі. Са словаў іншых, ён крычаў ці то «памажыце», ці то «скачыце» – пасажыры скокнулі ў ваду, але калі адзін схапіў капітана, той пачаў боўтацца і тапіць свайго ратавальніка
🔴 «Аб'ектыў» – галоўныя падзеі дня!
У сённяшнім выданні:
🔸Беларуская чыгунка ўляцела на санкцыі праз дапамогу ў пастаўках расейскай ваеннай тэхнікі
🔸Навошта ў Менск прыехаў былы прэзідэнт Малдовы Ігар Дадон?
🔸Як праходзіць другі дзень на фестывалі «Тутака»
🔸Як распазнаць ядавітую змяю і што рабіць пры ўкусах
🔸Ірыне Слаўнікавай – 55. І гэта яе 4ы дзень нараджэння ў няволі
Далучайцеся да нашага эфіру ⤵️
https://www.youtube.com/live/iqCSHrV1g94
🚫Літоўскія памежнікі затрымалі два кантрабандныя дроны з Беларусі
У Вараняйскім раёне Літвы сілавікі прымусова пасадзілі два прамысловыя беспілотнікі, што перамяшчалі кантрабандныя цыгарэты з Беларусі.
Паводле паведамлення літоўскіх памежнікаў, дроны транспартавалі 1750 пачак цыгарэт маркі Minsk Capital QS.
✈️Катастрофа з Boeing 787 у Індыі: рухавікі заглухлі праз выключаныя тумблеры паліва
Расследаванне крушэння самалёта Air India, у якім 12 чэрвеня загінулі 260 чалавек, паказала, што пераключальнікі падачы паліва былі пераведзены ў становішча "cut-off" неўзабаве пасля ўзлёту. Гэта прывяло да страту цягі абодвух рухавікоў, што пацвярджаецца запускам аварыйнай турбіны.
У кабіне зафіксаваны словы аднаго з пілотаў: «Чаму ты націснуў cut-off?» — на што другі адказаў: «Я гэтага не рабіў».
У дакладзе адзначаецца, што адзін рухавік паспеў аднавіць працу, але самалёт ужо зніжаўся. Прычыну пераключэння тумблераў следчыя пакуль не ўстанавілі, адказнасць вытворцы самалёта і рухавікоў не пацвярджаецца.
Самалёт упаў менш чым праз 40 секунд пасля ўзлёту з горада Ахмедабад, выконваючы рэйс у Лондан. Акрамя пасажыраў і экіпажа, загінулі таксама жыхары медычнага інтэрната, у які ўрэзаўся самалёт. Толькі адзін пасажыр выжыў.
«Наша Ніва» знайшла анкету Пратасевіча на сайце знаёмстваў
«Трымаю ў курсе, што я ўжо больш за год у разводзе і магу сабе дазволіць знаёміцца з дзяўчатамі», - растлумачыў Раман у сваім ТГ-канале.
Таксама Раман напісаў, што працуе барменам у бары «Бутлегер». Але гэта пакуль стажыроўка.
«Я не працую, а стажыруюся ў вар'яцка крутым бары «Бутлегер». Чаму стажыруюся? Адказ просты: я ўсё яшчэ праходжу навучанне па прафесіі бармена, каб атрымаць і «пасведчанне», і міжнародны сертыфікат (які можа здорава спатрэбіцца ў будучыні)», — напісаў ён.
🇷🇺Расейскую мову ў РФ абвясцілі нацыянальным здабыткам, які трэба абараняць за мяжой
Пуцін падпісаў указ, які абвяшчае расейскую мову «нацыянальным здабыткам» і прадугледжвае яе прасоўванне
Расея плануе рыхтаваць выкладчыкаў расейкай мовы (русістаў), каб яны вучылі замежнікаў, а таксама падтрымліваць арганізацыі, якія прасоўваюць расейскую мову і «падзяляюць расейскія духоўныя каштоўнасці».
У дакуменце заяўляецца пра неабходнасць абароны расейскай мовы ад знешніх пагроз.
У самой Расеі працягваецца выцісканне нацыянальных моваў: колькасць носьбітаў амаль усіх дзяржаўных моваў рэспублік скарачаецца. У 2018 годзе было скасавана абавязковае вывучэнне родных моваў, што ўскладняе іх захаванне. У Беларусі, хоць каля 40 % школ фармальна лічацца беларускамоўнымі, на беларускай мове навучаецца толькі каля 10 % вучняў, і гэтая доля працягвае зніжацца.
🔗Падрабязнасці — у артыкуле
❗️Беларускі знішчальнік спрабаваў збіць расейскі дрон над Рэчыцай
У ноч з 11 на 12 ліпеня расейскі беспілотнік, падобны на «Shahed», заляцеў у Беларусь падчас масіраванай атакі на Украіну. У Рэчыцкім раёне беларускі знішчальнік спрабаваў яго збіць, але вынікі невядомыя.
«Проста зараз у Рэчыцкім раёне беларускі знішчальнік спрабуе збіць БПЛА падобны на расейскі «Шагэд»», – пісаў «Флагшток» каля апоўначы.
Расейскія дроны рэгулярна залятаюць у беларускую паветраную прастору, а раней адзін з іх трапіў нават у Літву.
🔗Падрабязнасці — па спасылцы
🤯 Як Лукашэнка разваліў Савецкі Саюз ды абараняе Маскву
Маніпуляцыя гістарчнымі фактамі ў сваіх інтарэсах і змешванне праўды з паўпраўдай і хлуснёй: Лукашэнка прызнаўся, што нібыта дапамагаў развальваць Савецкі Саюз 🤦♂️
Ён таксама сцвярджае, што ў 1941 годзе пад Магілёвам беларусы заклалі крах Трэцяга Райху і абаранілі Маскву. А цяпер ён бароніць расейскую сталіцу ад Захаду, які плануе "спаліць у сусветным пажары некалькі мільёнаў жыхароў планеты" 🫠
🔗Пра гэта сёння гаворка ў новай праграме «Прасвет» з Сяргеем Пелясою і Віталём Цыганковым.
🦁 «У сям'і нашых ільвоў, Сімба – самы малодшанькі»
Паглядзіце на прыгажуна з Горадні 🥰
🌤 Добрай суботы, сябры!
Не ведаеце, што пачытаць раніцою? Сабралі для вас найбольш цікавыя матэрыялы «Белсату», якія вы маглі прапусціць:
🗞 «Да выезду з краіны вы таксама падтрымлівалі рэжым?». Як вызначыць, хто «гаманец» Лукашэнкі, а хто – не
«Белсат» паспрабаваў разабрацца, а як увогуле вызначыць «гаманца» і ў які момант бізнес робіцца занадта блізкім да ўладаў.
🗞 «Алесь Пушкін не ехаў паміраць, не ехаў на плаху…»
Размаўляем з нямецкім рэжысёрам Раманам Шэлeм – аўтарам фільму «Апошнія словы».
🗞 Расеі спатрэбіцца 89 гадоў, каб такімі тэмпамі захапіць Украіну
Поўнамаштабная вайна ва Украіне трывае 1234 дзён
🗞 «Пакуты доўга прадаваць немагчыма». На што беларусы данацяць, а на што не
Як працуе публічны фандрайзінг мы распыталі сузаснавальніка фондаў «By_help» і «BYSOL» Аляксея Лявончыка.
💬 «У гэтым скафандры ён думае, як жыць далей і дзе ён заўтра ўсплыве»
Вулічныя вадалазы, што перыядычна з'яўляюцца ў еўрапейскіх гарадах – справа рук беларускага мастака Міхася Мішука.
Што гэта за вобраз і чаму Міхась запускае яго ў вандроўку па свеце?
👀 Вялікая размова з «нашым Бэнксі» – па спасылцы
☀️ Пачніце гэты нядзельны ранак з "Раніцы з Белсатам"
Сёння ў эфіры:
📌 Як не стаць ахвярай махляроў? Парады псіхолага
📌 Чым звязаныя Аляксандр Дзюма і Багуслаў Радзівіл
📌 Ці дапамагае штучны інтэлект — ці шкодзіць?
📌 Кубак Івуліна: як гэта было
📌 Як рэальна дапамагчы палітвязням — практычныя парады
📌 Што святкаваць і якое надвор’е — раскажа Віктар Шукеловіч
📌 Падарожжа на Падляшша, партугальскі рэлакс і не толькі!
Далучайцеся да трансляцыі!
На фэсце «Тутака» Павал Латушка падзяліўся гісторыяй, як ён інкогніта хадзіў на беларускі фестываль «Басовішча», калі працаваў дыпламатам у Польшчы😎
А стрым з «Тутакі» можна глядзець па спасылцы
Ціханоўскі насмажыў катлет на «Tutaka» 🥰
Былы палітвязень і першы джэнтльмен Беларусі завітаў на беларускі фэст «Tutaka» і пачаставаў гасцей катлетамі, якія насмажыў сам😋
Над лаўкай, дзе кухарыць Сяргей шыльда з надпісам «Катлеты па-Ціханоўску» на беларускай лацінцы.
Палітзняволеная журналістка TVP адзначае чацвёрты дзень народзінаў за кратамі
Ірыну Слаўнікаву, журналістку TVP і былую супрацоўніцу «Белсату», затрымалі ў 2021 годзе і асудзілі на 5 гадоў калоніі за ўдзел у пратэстах і «стварэнне экстрэмісцкага фармавання». Яе прызналі палітзняволенай.
Муж Ірыны, Аляксандр Лойка стаў сузаснавальнікам Асацыяцыі родных і былых палітзняволеных і заклікае да перамоваў з уладамі Беларусі.
🔗Падрабязнасці — па спасылцы
#рэпрэсіі
🥔У Беларусі будуць штрафаваць крамы за адсутнасць гародніны
Лукашэнка падпісаў закон, які ўводзіць штрафы за адсутнасць гародніны ў крамах у міжсезонны перыяд. Пастаўшчыкі і гандлёвыя сеткі будуць несці адміністрацыйную адказнасць за «непастаўку» або «недапастаўку» прадукцыі са стабілізацыйных фондаў — штраф складзе ад 5 да 200 базавых велічынь (ад 210 да 8400 рублёў).
Дакумент прыняты на фоне дэфіцыту бульбы і высокіх цэн вясной 2025 года. Указам таксама прадугледжваюцца льготныя крэдыты для гандлю на авансавую аплату гародніны.
🔗Падрабязнасці — па спасылцы
🎶 Атмасфера фэсту «Tutaka»
Падляшша гасцінна прымае другі дзень беларускага фэсту «Tutaka», які трывае ўжо другі дзень! Госці ўдзельнічаюць у канцэртах, майстар-класах, лекцыях і сустрэчах з вядомымі беларусамі.
Сёння там адбылася сустрэча з зоркамі «Белсату», а таксама завітаў Сяргей Ціханоўскі💪🏼
🎸 Трансляцыю вечаровага канцэрта глядзіце па спасылцы
Сёння граюць «Спевы з-пад маста», «ili-ili», «Dzieciuki» і «Крамбамбуля»!
Пачатак а 22-й паводле беларускага часу 👆🏻
#tutaka2025
Спявачка Мерыем Герасіменка паскардзілася на мужа: біў два гады, цяпер зламаў нос😱
Спявачка і былая палітычная зняволеная Мерыем Герасіменка распавяла пра хатні гвалт з боку свайго мужа Антона, грамадзянінa Расеі, з якім яна ажанілася ў 2024 годзе.
Паводле яе, мужчына збіваў яе цягам двух гадоў, а калі яна абвясціла пра намер развесціся, зламаў ёй нос. Яны разыходзіліся, але сышліся зноў, калі Антон нібыта апынуўся ў цяжкай сітуацыі. Раней ён, паводле слоў Герасіменкі, быў дэпартаваны з Беларусі за адмову сведчыць супраць яе. Спявачка таксама адзначала, што не спяшалася з разводам, бо хацела падтрымаць мужа падчас яго легалізацыі ў Польшчы
🔗Падрабязнасці — па спасылцы
🏚Як рэжым дбае пра гісторыю: у Беларусі разваліўся старажытны вятрак
7 ліпеня вятрак у вёсцы Шайкі Клецкага раёну, збудаваны на мяжы XIX–XX стагоддзяў, абрынуўся пасля непагадзі. Але, паводле тэлеграм-канала «Спадчына», сапраўдная прычына — дзесяцігоддзі ігнаравання з боку ўладаў: «За 38 гадоў на яго захаванне не было ўкладзена ні капейкі». Вятрак быў ахоўным аб’ектам з 1987 года.
Таксама стала вядома пра знос будынку ў гістарычным цэнтры Бабруйску — падрабязнасці ў артыкуле
🚨Цацка «мілага міліцыянта» замест амапаўца з дубінкай
Мы сутыкнуліся з цікавым феноменам сучаснай ідэалогіі і камунікацыі з грамадствам – маскот Сцепаныч. Цацка мiлiцыянта з дзіцячымі рысамі твару навязліва становіцца часткай народных святаў у Беларусі.
МУС імкнецца стварыць сабе дружалюбны вобраз праз персанажа, каб менш асацыявацца з гвалтам і страхам. Персанаж старанна інтэгруецца ў масавую культуру, трапляе на Славянскі базар і ў дзіцячыя рукі.
Нават імя цацкі добра прадумана. Яго завуць Сцепаныч, што выклікае асацыяцыі і з савецкім стылем зносін, дзе выкарыстанне імя па бацьку было формай панібрацкіх адносін. А таксама "дзядзяй Сцёпай", каб наблізіць савецкую культуру да сучасных дзяцей. Спроба вярнуцца да больш цёплага і чалавечнага ўспрымання праваахоўных органаў і замацаваць у свядомасці вобраз «мiлага міліцыянта».
📺 Навіны за 5 хвілін
⬆️ З бацькамі блогера Павука запісалі пакаяльнае відэа праз ягоны ўдзел у прайдзе з чырвона-зялёным сцягам
А яшчэ:
🔻Аўтобус з беларусамі трапіў у ДТЗ у Польшчы
🔻 У Беларусі падымалі знішчальнік на перахоп беспілотніка
🔻 Удары па Заходняй Украіне. Разбурэнні ў Львове
🔻 Зяленскі паведаміў пра аднаўленне паставак зброі з ЗША
🔻 Пакаранне для прапагандыстаў. Офіс Ціханоўскай прадставіў законапраект люстрацыі ў Беларусі
🔻 Падручнікі для школьнікаў падаражэюць
🔻 Нездаровы рынак працы. Дэфіцыт кадраў расце
🔻 Вынікі непагадзі падвялі ў МНС, а на Магілёўшчыне абвесцілі суботнік
🔻 Выратаванне бусляня і вяртанне ў гняздо
🔻 Пляценне павука. Імі ўпрыгожвалі жыллё яшчэ ў дахрысціянскія часы
Глядзіце ў кароткім выданні навін на Белсаце 💻
Гэтая кранальная гісторыя адбылася ў Васілішках. Двое буслянятаў, якія яшчэ не ўмелі лётаць, засталіся без гнязда пасля таго, як моцны вецер паваліў дрэва
Чытайце гісторыю ў нашых картках.
💔«За мяжой я зразумеў, як люблю Беларусь» — Чаму беларусы вяртаюцца з эміграцыі
Яны з’язджалі ў пошуках бяспекі, заробкаў, новага жыцця. Але праз некалькі гадоў спакваля пачалі збіраць валізкі ў зваротны бок. Настальгія, стома, адчуванне, што ты — чужы. Але ці сапраўды ўдома лепш? Ці гэта тая самая краіна, адкуль выязджаў?
Паразмаўлялі з беларусамі, якія вырашылі вярнуцца з эміграцыі, а таксама з псіхолагам пра прычыны вяртання і цяжкасці са зваротнай адаптацыяй:
...Калі палітычны мігрант пачынае сумаваць, ён згадвае – там мяне чакае турма, і ўсё – кропка, вяртаемся да плану А – я застаюся тут, і шукаю, як мне тут жыць і прыстасоўвацца. Хоць часам я чую, як разважаюць: Ціханоўскага выпусцілі, а можа зараз будуць яшчэ іншых выпускаць, нейкая адліга пачнецца, крыху адкруцяць гайкі, і можна будзе жыць, бо неяк жа раней жылі.
Расея атакавала Львоў і Луцк. Праз дроны Польшча ўздымала знішчальнікі
У ноч на 12 ліпеня Расея нанесла масіраваны ўдар па Украіне, ужыўшы 26 ракет і 597 дронаў, з якіх больш за палову былі «шагэды». Як адзначыў Уладзімір Зяленскі, «больш за 20 ракет і пераважная колькасць ударных дронаў знішчаныя», але, на жаль, былі траплянні ў грамадзянскую інфраструктуру:
🔻У Харкаве зафіксавана дзесяць удараў, у тым ліку па крытычным аб'екце, параненыя двое мужчын.
🔻У Львове пацярпелі шэсць чалавек, сярод іх 11-гадовы хлопчык, пашкоджаныя дамы і дзіцячы садок.
🔻Паводле звестак, у Чарнаўцах загінулі два чалавекі, каля дваццаці – паранены.
🔻У Луцку ў выніку ўдару знішчаны прыватны жылы дом, пашкоджаныя іншыя дамы і аўтамабіль.
🔻У сваю чаргу Польшча актывізавала сілы супрацьпаветранай абароны і пачала патруляванне сваёй паветранай прасторы сіламі ўласнай і саюзніцкай авіяцыі
Падрабязнасці — па спасылцы
💥 Ранішняе шоу на «Белсаце»
Пачынаем суботнюю раніцу з пазітывам і цікавымі адкрыццямі:
У якім стане сёння IT? Чаму Галівуд так часта ўзгадвае Беларусь?
Далучайцеся да нашага эфіру з Дзянісам Дудзінскім і Кацярынай Раецкай.
▶️ https://www.youtube.com/live/YowwGCfV0zs