42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
«Быў упэўнены, што я недатыкальная асоба для расіян», — так былы палітвязень Юрась Зянковіч у інтэрв’ю «Нашай Ніве» тлумачыць адсутнасць апасенняў наконт сваёй паездкі ў Расію, дзе ён быў затрыманы спецслужбамі:
Тым больш мае расійскія партнёры пацвярджалі гэта. А яны дзейнічалі па ўпаўнаважанні [прэс-сакратаркі МЗС Расіі] Марыі Захаравай. Тое, што Пуцін у той час ужо планаваў вайну, мне нават у кашмарным сне не магло прыйсці ў галаву. А аказалася, што мір яму ўжо не быў патрэбны, як і людзі, якія спрабавалі той мір шукаць.
❗️Пра новы тэрмін у ШІЗА асуджанага да 20 гадоў турмы анархіста Ігара Аліневіча паведаміў тэелаграм канал «Права на паўстанне». Палітвязен правёў у штрафным ізалятары амаль месяц
У чэрвені 2024 году Ігар Аліневіч трымаў галадоўку ў ШІЗА жодзінскай турмы. У выніку галадоўкі ў яго абвастрылася язва страўніка. У лякарню яго забралі проста з карцару, а пасля — зноўку змясцілі ў ізаляртар.
Ігар — актывіст анархічнага руху, якога затрымалі пры пераходзе мяжы Беларусі ў ноч з 28 на 29 кастрычніка 2020 года. Яго абвінавацілі па шэрагу крымінальных артыкулаў за падпал службовых аўтамабіляў, будынка ДАІ, дзяржаўнага камітэта экспертыз у Гомельскай вобласці. У выніку Ігара асудзілі да 20 гадоў зняволення.
💌Месца ўтрымання: Турма № 8. 222163, г. Жодзіна, вул. Савецкая, 22А, Ігар Уладзіміравіч Аліневіч
#рэпрэсіі
💪🏼«Мы ўсе беларусы»💪🏼
Што лучыць беларусаў незалежна ад іх палітычных поглядаў і як памірыць беларускае грамадства? Гаворым з госцяй праграмы «Мова нанова» грамадскай актывісткай Аланай Гебрэмарыям
Глядзіце цалкам на YouTube-канале «Белсат LIFE»
Дабрыдзень, сябры!
Не ведаеце, што пачытаць па дарозе на працу? Сабралі для вас найбольш цікавыя матэрыялы «Белсату», якія вы маглі прапусціць:
🔸«Каму было холадна, тыя ў Польшчу і з'ехалі»
Як менскія ўлады адмаўляюцца ўлучаць ацяпленне?
🔸Чарга ў Польшчу цяпер і з аўтобусамі, чарга ў Літву знікла
Што адбываецца на мяжы паміж выходнымі?
🔸Як мігранты ідуць у ЕЗ: вербаванне на фронт і кальян у беларускім лесе
З пацяпленнем плынь нелегальных мігрантаў, якія ідуць з Беларусі ў Польшчу, імкліва павялічваецца. «Белсат» разбіраўся, як гэта адбываецца.
#штопачытаць
🙏Правы людзей з інваліднасцю па-беларуску
Не менш за 9 асобаў з інваліднасцю ў Беларусі цяпер за кратамі паводле палітычнага пераследу.
«Сістэма не мае ніякіх рэсурсаў для таго, каб належна працаваць з такімі людзьмі, якім патрэбная асаблівая ўвага з боку медыкаў, з боку сацыяльных працаўнікоў», – кажа прадстаўнік ініцыятывы «Дактары за праўду і справядлівасць» Васіль Завадскі.
☝️Трамп кліча на дапамогу Эрдагана
Перадусім – каб спыніць вайну ва Украіне. Амерыканскі прэзідэнт заявіў, што размаўляў пра гэта з прэзідэнтам Турцыі па тэлефоне.
Вайну Расеі з Украінай Дональд Трамп назваў «дурной, але смяротнай» і спадзяецца з дапамогай Турцыі спыніць яе проста «цяпер».
Больш чытайце па спасылцы. 👈
😲 Ого, што ўмеюць гэтыя музыкі!
Паглядзіце, як музычны дуэт падбірае музыку з заплюшчанымі вачыма.
Пазнаеце мелодыю?
🤦🏼Яны прымушалі танчыць Менск-арэну пад спевы на вершы Коласа і Купалы, а цяпер — «экстрэмісты»
Суд Ганцавіцкага раёну прызнаў YouTube-канал BRUTTO NOSTRA «экстрэмісцкім».
Таксама, у жніўні 2024-га ўлады прызналі «экстрэмісцкаю» песню «Ляпіса Трубяцкога» на верш Янкі Купалы «Не быць скотам».
#рэпрэсіі
🌐 У Расеі адбываюцца масавыя збоі ў працы інтэрнэту праз падрыхтоўку да 9 траўня.
Магчымыя абмежаванні доступу ў інтэрнэт у сувязі з мерамі бяспекі падчас святочных мерапрыемстваў
🇵🇱🎤 Інтэрв’ю з Томашам Берозам, асуджаным у Беларусі на 14 гадоў зняволення, з’явілася на адным з прапагандысцкіх рэсурсаў.
На кадрах Бероза ў турэмнай робе, але без звыклай біркі з інфармацыяй пра артыкулы, тэрмін і дату вызвалення.
У інтэрв’ю ён распавядае пра затрыманне, шматразова заклікае польскія ўлады дапамагчы вярнуцца дадому і распавядае, як яму цяжка знаходзіцца ў зняволенні.
Паводле афіцыйных звестак, прысуд быў вынесены ў чэрвені 2023 года, але стала пра гэта вядома толькі праз год. Цяпер Бероза адбывае пакаранне ў калоніі ўзмоцненага рэжыму.
Раней беларускія медыя ўжо публікавалі падобныя інтэрв’ю з некаторымі палітвязнямі, пасля чаго іх адпускалі і дазвалялі выехаць за мяжу.
Ці будзе так і гэтым разам? 🤔
Літва плануе пабудаваць лінію абароны на мяжы з Беларуссю і Расіяй і назваць яе ў гонар князя Вітаўта.
Паводле папярэдніх ацэнак, гэта можа каштаваць каля 1 мільярда еўра.
Ініцыятыва належыць Саюзу Айчыны — Хрысціянскім дэмакратам Літвы, партыі, якая прадстаўляе кансерватыўны лагер.
Наша ваенная інжынерыя адрадзілася. Мы прапануем іншую ідэю, іншы напрамак, як мы маглі б умацаваць мяжу так, каб праціўніку было надзвычай цяжка пранікнуць на нашу тэрыторыю, каб ён сутыкнуўся з велізарнымі перашкодамі, каб мы запаволілі яго прасоўванне
🥶У той час, калі ў Беларусі зноў пахаладанне і мінусавая тэмпература, беларускія ўлады тлумачаць сваё адмову вяртаць ацяпленне ў вельмі крэатыўны спосаб👇🏻
Усе перлы чыноўнікаў тут
🇦🇱 Албанія спачатку скасавала бязвіз для беларусаў, а цяпер вярнула яго. Але толькі да канца турыстычнага сезона.
Такую інфармацыю апублікавала Міністэрства замежных спраў Албаніі. Раней паведамлялася, што краіна прыпыняе дзеянне бязвізавага рэжыму з Беларуссю.
Паводле Белстата, у 2024 годзе краіну наведалі толькі 67 арганізаваных турыстаў з Беларусі. Найхутчэй гэта звязана з санкцыямі супраць «Белавія»: у 2019 годзе ў Албанію ездзілі 3985 арганізаваных турыстаў.
Цяпер грамадзяне Беларусі могуць трапіць без візы толькі ў 42 краіны, а ў рэйтынгу пашпартоў беларускі дакумент займае найгоршае месца ў Еўропе.
👆Вось, як выглядаюць партрэты жывёлінаў з вірусных відэа
Карыстальнік instagram жывёлін, якія трапілі ў смешныя сітуацыі.
Паглядзіце, што атрымліваецца!
💱 Курсы валютаў 5 траўня
Долар саслабеў нязначна. Еўра заўважна аслабеў, а расейскі рубель трохі ўмацаваўся.
#курсывалютаў
👆Прэм'ер-міністр Румыніі сыходзіць у адстаўку пасля перамогі ультраправага кандыдата на прэзідэнцтва
57-гадовы прэмʼер Марсэль Чалаку прыйшоў да ўлады нядаўна, у складзе праеўрапейскай кааліцыі. У панядзелак партыі гэтай кааліцыі правялі экстраныя сустрэчы, каб вырашыць свае далейшыя крокі.
Прэм’ер-міністр заявіў калегам, што, паколькі іх кааліцыя не змагла дасягнуць сваёй мэты і «не мае легітымнасці», яны павінны выйсці з ураду.
Чакаецца, што Чалаку падасць заяву аб адстаўцы выконваючаму абавязкі прэзідэнта Іліе Балаяну, які пасля гэтага прызначыць часовага прэм’ер-міністра.
Падрабязнасці чытайце па спасылцы
❗️Супраць 78-гадовай Ніны Багінскай завялі крымінальную справу за шматлікія адзіночныя пікеты
Спадарыні Ніне інкрымінуюць «неаднаразовае парушэнне парадку арганізацыі або правядзення масавых мерапрыемстваў».
Як стала вядома праваабаронцам «Вясны», Ніну Багінскую напрацягу 2024 года тры разы прыцягвалі да адміністратыўнай адказнасці за «несанкцыянаванае пікетаванне». Агульная сума штрафаў склала 7200 рублёў.
Прычынай для адміністратыўнага пераследу быў шпацыр па цэнтры Менску са значком бел-чырвона-белага колеру на адзенні, а таксама неаднаразовая «дэманстрацыя бел-чырвона-белай сімволікі».
Падрабязней чытайце па спасылцы
#рэпрэсіі
❓Адкуль узяўся «правы зрух» у палітыцы і ці спыніўся ён?
У свеце працяглы час кажуць, што «правыя перамагаюць» ці «ўльтраправыя набіраюць папулярнасць», а ў палітыцы адбыўся «зрух управа». Аднак на нядаўніх выбарах у Канадзе і Аўстраліі правыя прайгралі, хоць некалькі месяцаў таму гэта здавалася немагчымым.
Ці сведчыць гэта пра завяршэнне «правага зруху» ў свеце і ці паўплывала на гэта палітыка Трампа? Разбіраемся ў нашым артыкуле.
📍Сілавікі заявілі, што «даставілі ў Беларусь» ваяра палка Каліноўскага і экс-кандыдата ў Каардынацыйную раду
Гаворка пра Васіля Грачыху на пазыўны Васіліск і актывіста падазраванага ў сувязі з КДБ Паўла Бялюціна. Відэа з затрыманымі з'явілася на канале «Первый информационный».
На відэа Грачыху з пакетам на галаве і сцяжкай на руках вядуць узброеныя людзі ў камуфляжы. Дзе адбылося затрыманне – невядома. Васіля прывозяць на машыне да ваеннага верталёта і перадаюць супрацоўнікам КДБ. Ён кажа, што ва Украіне «праходзіў навучанне ў батальёне Каліноўскага».
Пра Паўла Бялюціна ў роліку прапагандыстаў гавораць як аб удзельніку Віленскай харугвы, які «прайшоў баявую падрыхтоўку ва Украіне», якога даставілі ў Беларусь з-за мяжы. З якой менавіта краіны – не паведамляецца.
🤨Моладзь з каледжу спрабуюць завабіць у турму
Жодзінскі турэмшчык прыйшоў у гандлёвы каледж у Магілёве, каб заклікаць навучэнцаў ісці на працу ў месца зняволення. А менавіта – у турму №8 Жодзіна, вядомую тым, што праз яе прайшлі сотні беларускіх палітвязняў.
З чым звязаны дэфіцыт кадраў не паведамляецца, але будучым гандлярам турэмны рэкруцёр паабяцаў шмат выгодаў.
Якіх – чытайце на сайце Белсату.
😶🌫️ #галоўнае за 5 траўня
🔎 У Румыніі ў першым туры выбараў перамог лідар ультраправай партыі
🔎 Як мігранты ідуць у ЕЗ: вербаванне на фронт і кальян у беларускім лесе — расследаванне «Белсата»
🔎 Пакістанскія эмігранты ў Бабруйску: рэакцыя сацсетак
🔎 Колькасць працуючых пенсіянераў вырасла на 17% з пачатку года
🔎 Пракуратура накіравала ў суд справу беларуса, якія надрукаваў зброю на 3D-прынтары
🔎 Албанія часова аднавіла раней скасаваны для беларусаў бязвіз
🔎 Літва плануе пабудаваць абаронную лінію «Вітаўта» на мяжы з Беларуссю і Расіяй
🔎 Сальда знешняга гандлю ў першым квартале прасела да $ -1,6 млрд
🔎 У адказ на просьбы вярнуць ацяпленне беларуская чыноўца дала феерычны адказ
#рэпрэсіі:
▫️ Былы палітвязень Зянковіч праходзіць рэабілітацыю ў Тэхасе.
▫️Беларуская прапаганда паказала асуджанага за шпіянаж грамадзяніна Польшчы
▫️YouTube-канал BRUTTO прызнаны «экстрэмісцкім»
🇺🇸💲Ці перамог бы СССР без Лэнд-лізу?
Савецкія і сучасныя падручнікі гісторыі прымяншаюць ролю дапамогі ЗША ў барацьбе краіны саветаў супраць фашысцкай Нямеччыны. У новым выпуску праграмы «Міфы вайны» разбіраемся, што насамрэч даў Лэнд-ліз Савецкаму Саюзу.
Глядзіце цалкам на YouTube-канале «Белсат HISTORY»
Пра перавод расейскага ЗРК С-300/400 з тэрыторі Беларусі паведаміла выданне «Флагшток» са спасылкай на ўкраінскі маніторынгавы канал
ℹ️ С-300 і С-400 — гэта расейскія зенітна-ракетныя сістэмы далёкага дзеяння, прызначаныя для знішчэння самалётаў, ракет і іншых паветраных цэляў.
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸Беларусь накрывае хваля небяспечных прыродных з’яваў
🔸Міжнародны дзень барацьбы за правы людзей з інваліднасцю
🔸Візіт Святланы Ціханоўскай у ЗША і агляд падзеяў замежжа
🔸У Студыі паразмаўляем пра візіт Турчына ў Азербайджан і пра беларускіх пенсіянераў: ці сапраўды яны масава пайшлі працаваць і развязалі кадравую праблему?
Далучайцеся да нашага эфіру ⤵️
https://www.youtube.com/live/xkdsmlaJGKk
🤑За першы кваратл 2025 года Беларусь імпартавала тавараў на $1,6 млрд больш, чым экспартавала.
Гэта ўдвая большы мінус, у параўнанні з тым самым перыядам летась.
Гэтыя і іншыя звесткі апублікаваў Белстат. Што яшчэ вядома:
📉 Экспарт скараціўся на 5 %, імпарт вырас на 3,2 %. Найгоршая сітуацыя — у гандлі з краінамі па-за СНД: мінус $1,8 млрд.
🇷🇺 Расея — галоўны партнёр, але попыт там падае: спажыванне скарачаецца праз высокія працэнты і інфляцыю.
🌍 Нават гандаль з СНД губляе прыбытковасць: сёлета профіту ўсяго $157 млн супраць $414 млн летась.
💰 Дзе браць валюту — адкрытае пытанне. Улада можа пайсці або па пазыкі, або на абмежаванне імпарту.
У працяг «камунальнай тэмы» 🚰
Ёсць верагоднасць, што пасля скаргаў на холад не толькі ацяпленне не вернуць, але яшчэ і гарачую ваду адключаць — бо хутка пачынаецца сезон планавых адключэнняў 😿
Цікава, што многія беларусы, якія жывуць за мяжой, ужо і забыліся пра два тыдні з тазікам і рондалем. Бо ў многіх краінах, напрыклад, у Польшчы, такая практыка проста адсутнічае.
Чаму так? Чытайце ў нашым матэрыяле.
🤯 У масоўку новага кліпа Томі Кэша ў Вільні «набіралі» выключна беларусаў
А што гэта было на самой справе – глядзіце ў відэа☝️
На мяжы з Польшчай зноўку
🚚 🚙 🚕 🏎 🚗 🚛 🚙
Вось актуальныя звесткі з памежных пераходаў на выезд з Беларусі:
🇵🇱 «Берасце – Тэрэспаль» (Польшча). У чарзе 1380–1485 легкавікоў, 15–20 аўтобусаў.
🇱🇹 «Беняконі – Шальчынінкай» (Літва). Апоўначы была чарга з 40 легкавікоў, на раніцу знікла, чаргі аўтобусаў і не было.
🇱🇹«Каменны Лог – Мядзінінкай»ю Апоўначы была чарга з 70 легкавікоў, на раніцу знікла, чаргі аўтобусаў не было.
🇱🇻«Грыгараўшчына – Патэрніекі» (Латвія). Няма чаргі легкавікоў і аўтобусаў.
Поўны маніторынг беларускіх памежных пераходаў глядзіце тут
😳 Беларус надрукаваў пісталет-кулямёт на 3D-прынтары
Як паведамляе пракуратура Берасейскай вобласці, 33-гадовы жыхар Бярозаўшчыны самастойна вырабіў 9-мм пісталет-кулямёт. Большасць частак зброі былі надрукаваныя на 3D-прынтары, за выключэннем металічных дэталяў, якія ён зрабіў з падручных матэрыялаў.🔫
Таксама ён незаконна перарабіў пнеўматычную вінтоўку і захоўваў выбуховыя рэчывы. Паводле яго словаў, усё гэта — з «асабістай цікавасці». Супраць яго была распачатая крымінальная справа за незаконны выраб зброі.
Цяпер справа накіраваная ў суд. Абвінавачаны працягвае заставацца пад хатнім арыштам.
📺 Агляд навінаў за 5 хвілін
⬆️ У школьнікаў адбяруць мабільнікі
А яшчэ:
⭕️ Затрыманні топ-менеджараў Мазырскага НПЗ
⭕️ Смяротныя ДТЗ у Менскай вобласці. Сярод загінулых падлеткі
⭕️Расея абстраляла Канатоп ды іншыя гарады Украіны
⭕️ На выбарах у Румыніі лідаруе папуліст-нацыяналіст
⭕️ Штурм «Дому культуры тэкстыльнікаў» у Горадні
Глядзіце ў кароткім выданні навінаў на Белсаце 💻