298
بطاري اسمك تحله مولاي السوالف يمن شباجك امان الكلشي خايف حسابي الشخصي 👇 @BaqerAlAfrajii ملاحظه باقر (الافرجي) مو الفريجي
تمشي وضهرك محني /مرتضى الافرجي
https://youtube.com/watch?v=OuWl-WbW1kg&si=Vj4UbymmefDTWd0g
موشح
يابو صالح يمته تنقذ شيعتك
وتشهر السيف وتعلي رايتك
⚋⚋⚋⚋⚋⚋⚋⚋⚋⚋
يمته تظهر سيدي يالمنتظر
ابشوفتك ايتامك اتكحل النظر
رايه الك يالمهدي طاحت عالنهر
وتاخذ بثار الحسين بطلعتك
⚋⚋⚋⚋⚋⚋⚋⚋⚋⚋⚋
خلصت ايام العمر يبن الحسن
يمته نورك يجلي مولاي المحن
سيدي ابابك ننوخ هالظعن
ايتامك احنه وننتظرها نظرتك
⚋⚋⚋⚋⚋⚋⚋⚋⚋⚋⚋⚋
سيدي بكل جمعة نقرالك عهد
بالدمع ندعي يرب عجل الوعد
يا الهي كل صبر ما ظل بعد
بالحزن والحسره ننطر رجعتك
⚋⚋⚋⚋⚋⚋⚋⚋⚋⚋⚋⚋
انتظر لليلية والمدمع يهل
وينچوي گلبي عليك امن انسئل
يمته تظهر سيدي تلم الشمل
هاي الايتام التناطر جيتك
⚋⚋⚋⚋⚋⚋⚋⚋⚋⚋⚋⚋
هالكلب يالمهدي كل جمعة نعاك
روحي مختنگة تريد اتشتم هواك
عمري خلص خاف ماصلي وراك
اشمحله عمري لو تشرفه بشوفتك
⚋⚋⚋⚋⚋⚋⚋⚋⚋⚋⚋⚋
ابكل مسية ابذكرك الساني لهج
يابو صالح يا وكت يبدي الفرج
وتاخذ ابثار الوديعة والحجج
وتاخذ ابثار الگمر والعمتك
⚋⚋⚋⚋⚋⚋⚋⚋⚋⚋⚋
تم باقر الافرجي
هالنعمة...والرحمة...بالخدمة..تنحسب
⚋⚋⚋⚋⚋⚋⚋⚋⚋⚋⚋⚋⚋⚋
ابخدمتك افخر...والله ما تخسر
والربح كله بخدمته ايام عاشور
دمعتك صبها...الله يكتبها
والملائك تكتبك عند الله مأجور
خادم العتره...من تصب عبره
يسجلك خادم تضل ابخيمة النور
عاهد احسينك...وحچي بونينك
هالعمر مولاي الك يحسين منذور
دمعاتك...حسراتك...لجماتك...تنحسب
⚋⚋⚋⚋⚋⚋⚋⚋⚋⚋⚋⚋⚋⚋
ابخدمته اتباها...اهناك تلكاها
عالصراط ابكل فخر تمشي ابسلامه
كوم وبهمه...انعه ابو اليمه
وابد لا تنسه مصابه ولا خيامه
فرصه هالخدمة...وصيح هالكلمة
خدمتك يابو علي بيها الكرامه
انصب الموكب...ابأسمه ضل اندب
دوم خليني اعله دربك والخدامه
التزمه...بالهمه...واللطمه...تنحسب
⚋⚋⚋⚋⚋⚋⚋⚋⚋⚋⚋⚋⚋⚋
خل يضل نحبك...وينچوي كلبك
حسين خيمه برحمته ايضلل علينه
ما يسد بابه...واحنه احبابه
لو كصدنه الحظرته ومدينه ادينه
انقبل اعتابه...ونمسح اترابه
كل مرض يم تربته ما يبقه بينه
عايش ويانه...هذا مولانه
امقصرين اشما لطمنه اشما بجينه
يا نوحي...يا روحي...مذبوحي...تنحسب
⚋⚋⚋⚋⚋⚋⚋⚋⚋⚋⚋⚋⚋⚋
لو ردت تربح...ابخدمته انجح
بس ربح ماكو ابد يمه خساره
الدمعة محسوبه...اللطمة مكتوبه
ويه ابو الاكبر اعز واشرف تجاره
الخدمته اتحزم...الغيره لا تهتم
كلبك ابأسمه يضل ينبض شعاره
هو والينه...هو حامينه
ابكل كلب شيعي اله تبقه الحراره
ما تطفه...هاللهفه...وبچفه...تنحسب
⚋⚋⚋⚋⚋⚋⚋⚋⚋⚋⚋⚋⚋⚋
انحسب خادم....وشلي بالوادم
اسأل الله ابدفتره خادم كتبني
يا كبر حظي...انكتب مرضي
ويه انصاره يوادم لو حسبني
هو ابو الرحمة...واليجي يمه
ما يرد خالي ابد لا ما يردني
شلون يتعذر... وضحه بالمنحر
ابنور نحره كل ظلم عنه بعدني
اشما ضحي...ما وفي...لو كلشي...ينحسب
⚋⚋⚋⚋⚋⚋⚋⚋⚋⚋⚋⚋⚋⚋
باقر الافرجي
يالمهدي يايوم...سيفك تشهره
تطلب ابثارات.... امك الزهره
كلما محرم يقترب......نذرفها الدموع
نتأمل انشوفك تجي...ونشعلك اشموع
اكلوب اليتامه سيدي...بالفركة مفجوع
اليمته يضل حبل الوصل...بالغيبه مكطوع
يمته يحل يوم.... آخر العتره
تطلب ابثارات.... امك الزهره
يالمهدي فوك المشرعة....منتظرك الجود
يمته يرف ذاك العلم....بيدك يموعود
يمته يحل وكت الفرج.....يالمهدي وتعود
منتظره ايتامك تجي...وتوفي العهود
بالدمعة اليتام..يومك تنطره
تطلب ابثارات.... امك الزهره
يـمـته يـضـنـوة حـيـدره..النـصرك تـعلنه
مــا عـدنه غـيرك نـنـدبـه...بس انته املنه
انكحل النظر من شوفتك...هـذا حـلـمنه
وبـجـفك اتنـشـف الـدمع...حظنك يلمنه
وبكلب الانصار...تطفي هالجمره
تطلب ابثارات.... امك الزهره
يمته يبو صالح يهل...عالدنيا نورك
تملي الارض قسط وعدل...ساعة ظهورك
وبمسجد الكوفه نجي...انصلي بحظورك
وللسهله نكصد سيدي...خاطر نزورك
واحنه ابوجودك...ازياره نقره
تطلب ابثارات.... امك الزهره
يمته تسل فقارك...وتطلب الثارات
ثار الوديعه جدتك...ثار السبيات
والعايله البربر صفت...وبلايه خيمات
ثار البقة وبلا غطه...فوك الرمل بات
وبرمح راسه...ومكطوع نحره
تطلب ابثارات.... امك الزهره
باقر الافرجي
يالرايد اتحج بألف مذكوره
كبر الحسين اتعنه ليه اوزوره
بيك الملائك تبتشر مسروره
وكل الذنوب ابحظرته مغفوره
(ويمحي اذنوبك كلها ابنظره)
................................................1
يالرايد اتزور العرش بسبابه
الكبر الحسين اتعنه واطرق بابه
دوم اذكر حسين ابدمع ومصابه
الباري يسجل اسمك امن أحبابه
(دوم الطم وذكرها اخيامه)
................................................2
هو الحسين ابنوره ضوه الاكوان
ودين الجلاله ابدمه ثبته اركان
حبل الوصل بين الخلق والرحمان
ما نعرف الله ابغيره باب الإيمان
(اسمه بساق العرش امسجل)
................................................3
كل الرسل يم حظرته تتوسل
كلمن ترك دربه ابد ما يندل
اتبع طريقه لو ردت بي تكمل
يم الحسين الصعبه كلش تسهل
(يم بابه الحاجه المكضيه)
................................................4
من عالم الذر العهد وقعناه
ما ننسه ذكره لا ابد ما ننساه
قبل الولادة ابكل فخر بايعناه
بالفطره حبه مو علم وكسبناه
(حبك واجب يا ابو الاكبر)
................................................5
تمت باقر الافرجي
نزله للخدمة
باقي وياك...ما انسه حزنك للابد
ما انساك...ياسيدي هاك العهد
................................................
اخدم وضلن للابد.... يحسين بيك اتباها
بالخدمه مولاي افتخر...للدوم ما انساها
كلمن يخدمك من صدك...باجر تكبر جاها
يالوكفتك يوم الحشر... ياسيدي اترجاها
اترجاك...تحظرني لو حان الوعد
ما انساك...ياسيدي هاك العهد
................................................1
وفقني دوم الخدمتك...مولاي هاي الطلبه
كلمن يتيه مجلسك...معناها تيه دربه
واليلطم عليك ابدمع...نورك ترس كل كلبه
والما يذكرك سيدي...معناها عايش غربه
يالذكراك... هذا الكلب بيه انسعد
ما انساك...ياسيدي هاك العهد
................................................2
هالدنيا ما بيها طعم...لوما مجالس ذكرك
يالتارس الدنيا عطر...مولاي من دم نحرك
ايزور العرش يا ابوعلي...كلمن تعنه الكبرك
والجنه من ضي جبهتك...فاح النسيم بعطرك
يالطرواك....نور وعله الجنه صعد
ما انساك...ياسيدي هاك العهد
................................................3
يالماكو مثلك بالبشر....بدماه ضحه الدينه
ضحيت حتى بالطفل... خاطر تجي اتنجينه
اشما نلطم عليك ونون...والله ما وفينه
اسمك كتبته بالكلب...للدوم يا والينه
وكتبناك...وسط الكلب حبك كعد
ما انساك...ياسيدي هاك العهد
................................................4
وفقني دوم المأتمك....الطم وهل الدمعه
وتجويني جمرة خيمتك....هالناعي لمن ينعه
آه اعله حزة منحرك...فوك الرماح ايرفعه
آه اعله حال العايله...وزينب تدور فزعه
ابقه انعاك...فوك الرمح نحرك صعد
ما انساك...ياسيدي هاك العهد
................................................5
باقر الافرجي
قصيدة الخدمة
وفقني...وخليني...دوم اتعب...بالخدمه
يا تعبي...ويا دربي...يالفدوه...الحرف اسمه
خليني اتعب ابهاي الخدمه يا مولاي
حبك اعذب يابو الاكبر من الماي
................................................
اخدملك كون... وآنه الممنون
يالاسمك دوم...ساكن بالعين
عايش وياي...يا هاي وهاي
مفتاح الحب...بيدك يحسين
لو ما خدمتك واللطم... هذا العمر شيخلصه
فرصه اليه مجلسك...يامحله هاي الفرصه
وبالواقع اوياي عشت..لا مو خيال وقصه
كل حلمي...اتخلي اسمي...يالغالي...خادمكم
دليني...يحسيني...دوم احظر...مجلسكم
هاي الدنيا بلا مجلسكم ظلمه اهواي
حبك اعذب يابو الاكبر من الماي
................................................1
بحبك مفتون...ياقلم ونون
العافك خسران.. وحتماً يندم
اليمشي بدربك...العايش حبك
فايز والله.... وباجر يسلم
بالليل اصفن بالسمه...وبدموعي اكتب اسمك
مرات الزم صورتك...والصدري اضمن رسمك
وكل ما تضكني دنيتي...اركض عليها اشتمك
ابجيلك...وشكيلك...يالدومك...تنطيني
دوم انعه...والدمعه...والحركه... ارزقني
لتخيها تبرد روحي اتجف عيناي
حبك اعذب يابو الاكبر من الماي
................................................2
عالصبوره...ارسم صوره
وبدي ابدرسي...ابرسم اعيونك
ويسألوني...وتبجي اعيوني
ياهو اترسمه...اتغير لونك
كلتهم ودمعي يصب...هذا عزيز الزهره
محبوبي هذا الاولي...معشوگي من الفطره
اتهجه اسمه امن الصغر...حد ما كمت بي اقره
من صغري...وكل عمري...وسالفتي...بس هوه
الحب باقي....بأعماقي...ولغيره...ما اهوه
وشمحلها ابدرب المجلس رايح جاي
حبك اعذب يابو الاكبر من الماي
................................................3
انطيني الهمه...وكت الخدمة
يالذكرك دوم...باقي ابالي
أجمل انسان....ابوسط الشريان
يسري بدمي.... ويبقى الغالي
ما شفتك بعيني لچن....روحي وطنها تشوفك
ما الكه من كلبك احن....اعثر تمدلي اجفوفك
متطشر اكصدلك ورد... ماي وتلمني اجروفك
شميتك...سميتك...محبوبي...وكل غايه
امنعشكتك...رتللتك...يا اعظم...كل آيه
حبك نجمه بيها اتضوي كل اسماي
حبك اعذب يابو الاكبر من الماي
................................................4
هاي احله ايام...ويه الخدام
اسمي اتسجله...يا محبوبي
لمني بعطفك...ابخيمة طفك
ابدرب الخدمة...خلي ادروبي
ابخيمة خدمتك سيدي...خليني دوم ابظلها
ايامك ابحر الجمر... يا ابو علي انعد الها
لوما مجالس خدمتك....هالدنيا ما نحملها
يا ذخري...كل عمري...سلمته...لعيونك
يا حضه...البي ترضه...يسمونه ..مجنونك
يالمن اجلي جسمك عاري ابلايه افياي
حبك اعذب يابو الاكبر من الماي
................................................5
تمت باقر الافرجي
قصيدة ابو الفضل
ــــــــــــــــــــــــــــــــــــــــــــــــــــــ
الحسين وزينب عليهم السلام
ـــــــــــــــــــــــــــــــــــــــــــــــــــــ
تمشي وظهرك محني
ويجوع صاير متني
شنهو الصاير...وشيب هالراس
يا زينب صاح...راح العباس
ـــــــــــــــــــــــــــــــــــــــــــــــــــــ
ابخيم زينب تصد العين
ولنها اتشوف اخوها حسين
اجاها ومنحني ظهره
صاح ومشيته بحيره
يزينب راح ابو الغيره
ابلا يمناه لا يسره
طاح فوك الغبره
والسهام ابصدره
خويه منعتني اشبكة ذيج السهام
السهم نام ابعينه
وباله يم اسكينه
صاح عمي المعذره اعيونه عالخيام
جيت امشي ابدمعه وآه
ضلت بس روحي وياه
طايح جفه...بغدر الارجاس
يا زينب صاح...راح العباس
ـــــــــــــــــــــــــــــــــــــــــــ1
اخويه اعله النهر عفته
يزينب كطعو جثته
الرايه ابصفه مطروحه
احير اشلون اشيلنه
اخاف ابأيدي اللچمنه
تنزف بالدمه اجروحه
العمد صوب راسه
كوه جر انفاسه
شيبت من شفته طاح ابلايه ايده
ابحظني من خليته
الدم خظاب الحيته
شنهو حاله العاف عالشاطي عضيده
جيت وزايد همي
عفته امكطع مرمي
سهم الجربه...صاب الاحساس
يا زينب صاح...راح العباس
ـــــــــــــــــــــــــــــــــــــــــــ2
ادركني ناده وادركته
طايح يختي من شفته
وتبده حيل رجليه
الجروح امغيره لونه
الدمه وتراب بعيونه
هذيج الكلها حنيه
العده طبرو هامه
وباله يم اخيامه
عالوطيه امدد وهم مستحي اهواي
كلي خويه اعذرني
للخيم لتردني
والله خجلان ارجع وما ماخذ الماي
ماي الجود اتبده
وطايح وياه زنده
اهواي اتعذر....راعي النوماس
يا زينب صاح...راح العباس
ـــــــــــــــــــــــــــــــــــــــــــ3
ابوناتي اكعدت يمه
عن وجها امسحت دمه
انعمت عيني ولا اشوفه
مرمي اعله الترب دامي
النهر يمه لچن ضامي
وسيوف العده اطوفه
اتمددت وي طوله
الحزن وني ايكوله
ابطيحتك يا ابو الفضل كسرولي ظهري
اشلون ارد للخيمه
وانته باقي ابهيمه
اشلون لو زينب تشوف ادموعي تجري
جيت وحسرة بروحي
وشيطيبها اجروحي
طايح عفته...بآخر انفاس
يا زينب صاح...راح العباس
ـــــــــــــــــــــــــــــــــــــــــــ4
يزينب طيحي الخيمه
طايح صاحب الشيمه
وجثته سابحه بالدم
اجيت ومشيتي بحسره
احزامي عفته عالغبره
امشي ابحزني اتألم
يختي من ودعته
دمعه يجري بسكته
چن يكلي اعذرني خويه مقصر وياك
قبلتها اجبينه
ومسحت دم عينه
يالوفي ما قصرت ويايه حاشاك
راعي الغيره اتوذر
لا والله وما قصر
بي نتفاخر....ما بين الناس
يا زينب صاح...راح العباس
ـــــــــــــــــــــــــــــــــــــــــــ5
تمت باقر الافرجي
عليٌ...و العَرشُ كبَر
عليٌ...والهامةُ تُطبَر
عليٌ سورةُ الفجرِ...اسمٌ حاوي أسرارا
بكفيهِ الفضى يسري...ويعطي العِلمَ مدرارا
فمَن والاهُ بالحشرِ...جنانُ الخُلدِ إقرارا
عليٌ كوكبٌ دُري...بهِ قد صرنا احرارا
وليٌ...بالكونِ ازهر
عليٌ...والهامةُ تُطبَر
عجيبٌ امرهُ كيفَ...ينالُ السيفُ من حيدر
وإذ تَغزوهُمُ الرجفة...إذا إسمُ الوَلي يُذكر
غدرٌ جاءَ مِن خلفه...جبينٌ بالصلاه يُطبر
جرحٌ دائمٌ نزفهَ...لحينِ القائمِ الأزهر
يقينٌ...المهدي يظهر
عليٌ...والهامةُ تُطبَر
عليٌ باءُ بسمِ الله...عليٌ آيةُ الكرسي
عِلمُ الكونِ قد أحواه...وحَامِلُ نورهِ القُدسِ
يوالي اللهُ من والاه...سيدُ الجنِ والأنسِ
سيفُ اللهِ قد سمّاه...بهِ قد حُطْمَ الرجسِ
عظيمٌ... ساقيَ الكوثر
عليٌ...والهامةُ تُطبَر
بيَوم الحَشرِ والميقات...عَليٌ حُبُهُ ميزان
بهِ قَد أُنزِلَت آيات...وللحقِ هوَ البُرهان
يُنادي الوحيُ بالآهات...كيفَ يُطبرُ القرآن
فُرُوضُ الخَمسِ بالدمعات...تَنُوحُ ويَنحَبُ الآذان
نَحيبٌ...والكونُ أحمر
عليٌ...والهامةُ تُطبَر
عليٌ اسمهُ يُكتَب...بنورِ العَرشِ قد أَسْرَى
فكيفَ بِسَيفِهِم يُضرَب...وهوَ آيةٌ كُبرى
يتامى عِندَهُ تـنحَب...تَنوحُ بِدَمعَةٍ حُرَّه
ببابِ الدارِ إذ زينب...تُلاقيهُم بِها جَمرا
عَجيبٌ...زينبٌ تُكسر
عليٌ...والهامةُ تُطبَر
تمت باقر الافرجي
كوم يا عباس انه زينب تره
امدلله جنت وصفيت اميسره
كوم يا كافالي زينب باليسر
واليتامه شما بجت جف تنسطر
ويضرب ابسوطه الشمر من كل كتر
وانت يا صانديد جثه اموذره
راسك ابجف الحقود اعله الرمح
اشما يزجرونه الك ينزف جرح
آنه كبلك خويه يا ريت انذبح
ولا اشوفن جثتك متطبره
يالجنت تزعل إذا مسني الهوه
بجمرة الخيمه تره جفي انجوه
والشمر يحدي يشيل اللوه
والعايله بعدك صفت متحيره
يابو فاضل فدوه رد عوف النهر
بشوفتك خل يرتوي خويه النظر
ريت السهم صوبني كبلك يالكمر
ريت عميه ولا اشوفك عالثره
خويه شحجيلك بعد عاللي سده
جثت حسينك بقت متوسده
وسحكو اضلوعه تره بخيل العده
امن الكفه بسيفه الشمر حز منحره
خويه من عدهم ابد محد سلم
حتى عبد الله الطفل صابه السهم
عاليتامه والنسه حركو خيم
العايله بالصحره خويه امطشره
باقر الافرجي
الخدمة
خدمته علي نعمه خدمته
رحمته تضل خيمه رحمته
==================
احنه ابكل سنه وعام
انجدد عهد خدام
نرفع راية حسين
ونذكر حرك الخيام
موسم خدمه ونشد
بسم الزهره الحزام
يرتب هذا مجلس
ذاك ايعين لطام
عشكته حرف اسمه عشكته
رحمته تضل خيمه رحمته
==================
امحرم هل اعلينه
خل انحظر ادينه
وكل الوكت لحسين
بالدنيا اشعلينه
بس حسين الاول
يستاهل بجينه
يامحله المجالس
بسمه لو حجينه
نظرته مثل نسمه نظرته
رحمته تضل خيمه رحمته
==================
محرم لينه قادم
خادم وصه خادم
لا تنسه المجالس
ابقه بيها هايم
نظل ابدرب الحسين
حزن نحيي المئاتم
ابد ما ننسه عاشور
لحد طلعة القائم
طلعته مثل نجمه طلعته
رحمته تضل خيمه رحمته
==================
يخادم هذا شهره
ثوب الخدمه حظره
ونصبها العزيه
بكلبك خلي جمره
هنياله التوفق
وحصل منه نظره
دك حيل اعله صدرك
وذكر كطع نحره
نذرته العمر يمه نذرته
رحمته تضل خيمه رحمته
==================
يخادم صفي كلبك
وكله حسين احبك
سلمٌ لمن سالم
وضد العلن حربك
بس حسين يسوه
حزنك تره وتعبك
صيح ابحسره مولاي
خليني اعله ادربك
حظرته الكلب حلمه حظرته
رحمته تضل خيمه رحمته
==================
اسمع لايمي زين
ليش الطم وهل عين
صرت آنه اجمل انسان
عاش ابخير الحسين
دربه اشلون اعوفه
وهو بركبتي دين
ضحه كلشي لله
واحد ماله اثنين
عظمته تضل قمه عظمته
رحمته تضل خيمه رحمته
==================
باقر الافرجي
اطلب حاجتي منك يبو اليمه
توفقني اعله دربك امشي والخدمة
====================
اجيتك سيدي واطلب طلب منك
لا تحرمني عطفك وبتعد عنك
بدموع الخجل بحساسي اكلمنك
ادري ما ترد واحد يبو الرحمه
====================
شلي ابدنيتي لو ما طعم حبك
يطشرني الوكت ويلمني بس دربك
رحمه اعله اليحبك نزلك ربك
ابسمه كلبي يشع حبك مثل نجمه
====================
اهيم ابعالم اجروحك وخط شعري
عله اجروح العطش شفتك نهر يجري
اول چلمتي بسمك بده عمري
الحمد لله اعله حبك يا ولي النعمه
====================
الوذن بيك لو جارت علي دنياي
يالبكل شده حاظر سيدي وياي
عجيبه شلون تعطش ياحياة الماي
يمن فوك العرش نور ارسم رسمه
====================
الوذ ابحظرتك لو جارت ايامي
اصيرن خادمك يا سيدي احلامي
يمن ابلا رضاتك ينفي اسلامي
مسلم ما اصيرن لو نفيت اسمه
====================
انه شلي ابحياتي وانته ما بيها
وعيني الما بجتلك الله يعميها
وروحي الما تهيم ابحبك افنيها
يمن بالساني اسمك احله كل چلمه
====================
تم باقر الافرجي
العلي الاكبر نزله
علي الاكبر والنعم..بده يطشر بالزلم
علي الاكبر والنعم..بده يطشر بالزلم
نزل للحومه ينادي آنه جدي حيدره
اليوم اراويكم مراجل عمي سبع الكنطره
اليوم اصفنها العساكر مثل صفت مسطره
عالركاب السيف يلعب روسكم تلزم سره
طلع چن طلعة نجم..بده يطشر بالزلم
علي الاكبر والنعم..بده يطشر بالزلم
نزل والسيف بيمنته مثل حيدر من نزل
ترعد الدنيا وينادي الجيش چا شنهو الحصل
هذا ملك الموت اجانه لو علي الاكبر حمل
مالت الحومه بدخوله اعيونه تتجادح زعل
سيفه بيمينه الشهم..بده يطشر بالزلم
علي الاكبر والنعم..بده يطشر بالزلم
الخيل والخياله شردت صنته صارت كربله
الحومه وحده ايصول بيها ياهو يكدر يوصله
يمشي بيها ويتبختر هيه ضلت بس اله
جن بلاء فوك العساكر الله ليهم نزله
ابجيشهم لا ما يهم...بده يطشر بالزلم
علي الاكبر والنعم..بده يطشر بالزلم
اطبك السبعه اعله اسبعه آنه ابن الساده
سيفي ما يقبل ابجندي يريد روس القاده
ياهو يوصل للمخيم هذا ياهو اتماده
اليوم امحي نسله كله حتى نسل اجداده
ايطشر بسيفه ويلم...بده يطشر بالزلم
علي الاكبر والنعم..بده يطشر بالزلم
كالاسد وحده يتمشه بحومته حيد وكلف
ابن غانم خوش زلمه عدهم انعد ابألف
من برز يم علي الاكبر رجع راسه ابلا جتف
لو خزر بعيونه واحد دم البجسمه يجف
يخاف حتى البلحلم....بده يطشر بالزلم
علي الاكبر والنعم..بده يطشر بالزلم
تمت باقر الافرجي
حان موعد خدمته...كوم علك رايته
ودوم ابجي امصيبته...حسيناً وحسينا
محرم جايك اتحزم يخادم للخدامه
يهنياله التسجل خادم ابدفتر امامه
وابو اليمه ينادي ابجنته ابيوم القيامه
ينادي يالخدم يالله ادخلوها ابسلامه
يالتبجي اعله النحر...وراسه ابرمحه استقر
الجنه ادخلها ابفخر....حسيناً وحسينا
محرم قادم ابحسره وعوف اهل الملامه
يفوز ابجنه بالمحشر صدره البي علامه
سولف دوم بس بحسين عيش انته بهيامه
عظيمه كلمة الخادم تنول افضل كرامه
خادم اصبح اله...اشمعظم هالمنزله
والدمعه الهامله... حسيناً وحسينا
محرم قادم وانهظ تحزم بالمدامع
علك رايه فوك البيت وظهرها المواجع
تطهر بسم ابو اليمه كل هاي المسامع
الطم حيل لمصابه وذكرها الفواجع
بسمه يحله التعب...اترابه اغله امن الذهب
دمعي ابخدي كتب.... حسيناً وحسينا
بده موسم الدمعه وكوم لا تبرد يخادم
تره ابكل مأتم اعله حسين بي موجده فاطم
تسجل كلمن ايهل دمعه وبلوعاته لاطم
عله الظل عالترب وعظامه ماضل بيها سالم
دوم ابجي الطيحته...ابنار حركو خيمته
وسلبو كل عيلته... حسيناً وحسينا
الامام الصادق الوصه يودام بالشعائر
وبد لا تنسه ابو الاكبر بقه تحت الحوافر
وخيم محتركه ولاطفال سحكتها العساكر
وعله التل العقيله نادت ابدمع النواظر
وينك يبو الفضل....بعدك ما احتمل
رد ولم الشمل.... حسيناً وحسينا
تمت باقر الافرجي
المستهل
يحامينه يحامينه
ابو فاضل يحامينه
ابو فاضل يهل وادم
يحامي برايته الخادم
يزوره ومن يرد سالم
ضوه كبته يشافينه
نجي ولحظرته انزوره
يعطر انفاسنه بخوره
يطهر ارواحنه بنوره
نرد والرحمه تملينه
نروح الكبره مشايه
نظل للدوم وفايه
دمع بي نعكد الرايه
خدم نطلب يخلينه
يمن ابعشگه لامونه
جمال الله تره اعيونه
نهيم ابحبه خلونه
فقط حبه يحلينه
عشگ ماكو احد ايفهمه
بس العايش الخدمه
يمن فدوه الحروف اسمه
نهر للدوم يروينه
تمت باقر الافرجي
ميمير
حبل الوصل...بي نتصل
وكل عمل بسمه ينقبل
حسين السبط يا هناس...باب النعم والرحمه
⚋⚋⚋⚋⚋⚋⚋
يامن تريد اتصير مرضي الربك
لتخلي غير الحُسين ابنص كلبك
بسم ابو اليمه دوم امشي ابدربك
هو العشگ...البابه ندگ
بس هو باب الله الصدگ
ما خاب الكصد لحسين....حبه اصل كل نعمة
⚋⚋⚋⚋⚋⚋⚋
يالريد الاعله العوالم تعله
ابغير الُحسين الامر ما توصله
درب الحقيقه ابغيره ما تندله
هوه الهوه...وحبه ضوه
وكبره ينور نينوى
حظرته جنه اعله الكاع...يسطع ضواها للسمه
⚋⚋⚋⚋⚋⚋⚋
هذا الحسين ابنوره غطه الاكوان
قبل الخلق نوره يسبح الرحمان
بس اليحبه من صدك هذا انسان
الحب بس اله...والمنزله
والملائك تتسوله
خدام سجلنه وياك...اشمحلاها هاي الخدمة
⚋⚋⚋⚋⚋⚋⚋
احروفه اعله ساقي هالعرش مكتوبه
وآدم ابـأسـمـه امن انـقبـل بـالتـوبـه
كـلمـن يـدك بـابـه تـطيـح اذنوبه
اعليه من تطب...وصافي الگلب
كلشي سهل لا مو صعب
تربته اتشافي المعلول....مقبول الدعه ابأسمه
⚋⚋⚋⚋⚋⚋⚋
لتخـلي غيـر الحـسين اعله بالك
اشما تبتعد هو اليجي ويدنالك
تلطم تصيح الملائك هنيالك
تجري الدمع...بي تنفجع
وللناعي لمن تستمع
هنياله كلمن واساه....ويخدم يضل ابهمه
⚋⚋⚋⚋⚋⚋⚋
تم باقر الافرجي
شوط كربلائي
ابدمعتي يا ابو الاكير...اجيت وهالطلب عندي
توفقني اظل خادم...لحد ما يظهر المهدي
⚋⚋⚋⚋⚋⚋⚋⚋⚋⚋⚋⚋⚋⚋
يبو اليمه يباب الله...اجيت البابك اتوسل
اخذ بيدي يبو الاكبر...انه ابلايك ما اندل
واذا اكصد انه الغيرك...وحقك سيدي انذل
اجيت ودمعتي عالخد
وحسرتي وملبسي الاسود
وغيرك ما الي احد
اروحن وين يامولاي...آنه بس الك وعدي
⚋⚋⚋⚋⚋⚋⚋⚋⚋⚋⚋⚋⚋⚋
غير الدمعة والحسرات...ما عندي يبو اليمة
اجيتك خالي من كلشي...وانته الباب للرحمة
يردد بسمك الساني...وغيرك ما احب چلمة
يرحمة الباري كلبك
اتفاخر انه ابحبك
لا تبعدني عن دربك
دوم ابعالم الخدمه...اعيش ودمعتي ابخدي
⚋⚋⚋⚋⚋⚋⚋⚋⚋⚋⚋⚋⚋⚋
لو ما خدمتك يحسين....احسن مظلمه الدنيه
كلما اذكر اسمك نور...يرشح سيدي اعليه
اشما اعثر انه وانخاك...اكومن كلشي ما بيه
تشفه بسمك اجروحي
وغيرك ما سكن روحي
ما اترك ابد نوحي
اظلن دوم ابجي اعليك... اخذ ياسيدي عهدي
⚋⚋⚋⚋⚋⚋⚋⚋⚋⚋⚋⚋⚋⚋
مجلسك يشع بالنور...ولرئفة الا الآهيه
ومهبط للوحي مولاي...والعبرة الولائيه
وفقني اظلن دوم...وياك ابصدق نيه
محبوبي يبو الاكبر
عمري فدوه للمنحر
العافك سيدي يخسر
بيوم الحشر يالمحبوب...غيرك كلشي ما عندي
⚋⚋⚋⚋⚋⚋⚋⚋⚋⚋⚋⚋⚋⚋
اختمها ابدمعتي وياك...وانته اعلم ابوضعي
بتعجيل الفرج مولاي...بسمك ابدي من ادعي
خليني اعله نهجك دوم...الرضاكم سيدي اسعي
رضاكم سيدي الغاية
بسمك رفت الراية
عايش حبك اويايه
سجل اسمي بكتابك...وعند المنتظر جندي
⚋⚋⚋⚋⚋⚋⚋⚋⚋⚋⚋⚋⚋⚋
تم باقر الافرجي
يراعي الثار...يمته الثار
صاحت عمتك زينب ⚋⚋⚋⚋⚋⚋⚋⚋⚋⚋⚋⚋⚋⚋
يبو صالح انه عمتك...يمته الثارك انته اتثور
اريد احجيلك اللي صار... بيوم العاشر ابعاشور
ضلت بس جثث عالكاع...وروس اعله الرماح ادور
بقيت آنه ابوسط هيمه...ما ضل يمي بس انحور
وابو اليمه...بقه جسمه
عاري عالثره مسلب
⚋⚋⚋⚋⚋⚋⚋⚋⚋⚋⚋⚋⚋⚋
هالموقف اريد احجيه....من ردلي ابو اليمه
يمهدي ومنحني ظهره...ويتعثر بقه ابجدمه
يزينب راح ابو الغيره...السهام ابصدره ملتمه
حرت وشلون اشيلنه...ينزف كل كتر جسمه
يزينب صاح...كفيلج طاح
ابدمعاته عليه ينحب
⚋⚋⚋⚋⚋⚋⚋⚋⚋⚋⚋⚋⚋⚋
مصايب كربله كثره...شحجي يا جرح اكبر
من ردلي المهر خالي...لو من حزو المنحر
لو من حركو اخيامي...وطفالي اركضت بالبر
لو من عالرمح شالوه...وراسه ويايه ضل يفتر
راس حسين...يدير العين
وطفاله البقت تنسب
⚋⚋⚋⚋⚋⚋⚋⚋⚋⚋⚋⚋⚋⚋
وبعد موفق لچمني اهواي...ابكلبي خلف الحسره
عبد الله يريد الماي...وما ضلت ولو گطره
ابحظنه شاله ابوه وراح...وهو اشهور بس عمره
رجع للخيمه ينزف دم...ابسهم صابو تره نحره
طفل بعده...وفرغ مهده
ابنحره هالسهم چلب
⚋⚋⚋⚋⚋⚋⚋⚋⚋⚋⚋⚋⚋⚋
يمته الرايه تنشرها....وذو القفارك اتشهره
يمهدي وتطلب الثارات...ثار الضلع والعصره
وثار اللي بقه ساجد...وصابت هامته الطبره
وثار السممو جبده...وثار الجسمه عالغبره
يمته اتعود...وتشيل الجود
صاحت عمتك زينب
⚋⚋⚋⚋⚋⚋⚋⚋⚋⚋⚋⚋⚋⚋
باقر الافرجي
هدو سوه......جنهم ضوه
حي الله الانصار...حي الله الانصار
تقدم حبيب ابشيبته والرايه معروفه
جيش العده اتقدم اله وما همته اصفوفه
زلزل الحومه ابيا علي وشمرهن اجفوفه
صاح ابعزم روس الكفر اشمرها للكوفه
ليهم كرب ...حز الركب
حي الله الانصار...حي الله الانصار
................................................1
واحدهم ابطف كربله ينعد بلف جُندي
عابس يصيح الجون الي هالميسره عندي
ناده زهير ومبتسم عالميمنه وعدي
وآنه برير اعله النحر خطيت الك عهدي
كلهم جمر....بيهم نصر
حي الله الانصار...حي الله الانصار
................................................2
اروع بطولات الحرب انصاره خطوها
ضلمه المعاره ومتربه وبس روس خلوها
حي الله الانصار الدمه طوفان سووها
يوم القيامه ابكربله بالسيف كلبوها
جنهم اجل... ماكو امل
حي الله الانصار...حي الله الانصار
................................................3
وصگور طبو للحرب كل الفخر الهم
وحسين منطيهم اذن ياهو اللذي يكضهم
ابكل ضربه صاحو يا علي ويفور ضل دمهم
كل همهم حسين وابد هالموت ما همهم
هاي الزلم...زود عزم
حي الله الانصار...حي الله الانصار
................................................4
حي الله الانصار الجثث خلوها مطروحه
واحدهم اباله العشگ ما فكر ابروحه
حب ابو الاكبر بالگلب ما همته اجروحه
معنى الوفاء وتضحيه دمهم رسم للوحه
رسمو صور...كلها فخر
حي الله الانصار...حي الله الانصار
................................................5
تمت باقر الافرجي
العلي الأكبر ( موشح )
من برز للحومه الاكبر واستعد
جنه حيدر بالغضب من ارتعد
ـــــــــــــــــــــــــــــــــــــــــــــــــــــ
من نزل للحومه الاكبر من نزل
ابخزرته يشبه علي لمن حمل
صاح انه الاكبر علي وجدي الفحل
وكلمن ايواجهني امحي للابد
ـــــــــــــــــــــــــــــــــــــــــــــــــــــ1
من نزل ليهم فخر صوته ارتجل
بسيفي يا كوم العده بان الاجل
وينه قائدكم شرد مني وختل
اليوم انزل راسه خلي اشما شرد
ـــــــــــــــــــــــــــــــــــــــــــــــــــــ2
اليوم اذكركم انه بجدي علي
وهذا زودي والشجاعة من هلي
والنخاهم همه بيهم ينجلي
يفتخر جبريل لو يمهم كعد
ـــــــــــــــــــــــــــــــــــــــــــــــــــــ3
جدي حيدر خاف واحدكم نسه
مدرسه وآنه شبل هالمدرسه
الطف ألي ابهذي الحرب أترأسه
اليوم اضحي الوالدي وافي العهد
ـــــــــــــــــــــــــــــــــــــــــــــــــــــ4
من ابو فاضل تراها شمرتي
ومن ابويه ماخذ آنه خزرتي
اليوم اقودنها الحرب وبأمرتي
وسيفي بركاب العده بزودي صعد
ـــــــــــــــــــــــــــــــــــــــــــــــــــــ5
دوم اضل اسمي ابفخر من انطقه
حالف آنه اليوم نصري انحققه
سيفي ملك الموت يوم الملتقه
راس ابن غانم اجيبنه وعد
ـــــــــــــــــــــــــــــــــــــــــــــــــــــ6
باقر الافرجي
الخدمة الحسينية
نزله
........................................................
تبقه عايش بينه...انته يابو اسكينه
...............................................
ياللي يم بابك ملائك واكفه وتلزم سره
ما نعوف امصابك احنه وحك سبع الكنطره
جمرة اخيامك يغالي دوم بينه اموجره
وعالرمح راسك يلالي والعيال اميسره
حبك اينجينه...انته يابو اسكينه
..................................................1
الدنيا لو ما بيها ذكرك جنها خيمه ابلا عمد
والحياة ابلا خدمتك يا ولي اشتسوه بعد
الجفن لو ما يبجي لجلك كون يا ريته انمرد
دوم چوينه بخيامك لو شفت دمنه برد
ابدربك اتربينه...انته يابو اسكينه
........................................................2
ياكبر حظنه وبختنه ننقبل عندك خدم
وشحلات الروح لمن تنچوي ابنار الخيم
والعمر ماي ونرشه فدوه الك تحت الجدم
نستلذ دوم ابخدمتك بالتعب لا ما نهم
الكلب عالي اونينه...انته يابو اسكينه
........................................................3
يا حلات العمر لمن يخلص ابخيمة خدم
اكلوبنه اترف العزائك سيدي رفت علم
الف هنياله التوفق خادمك اسمه انختم
ماكو غيرك عاش بينه واسمه بالدمعة انرسم
اسمك ايبجينه...انته يابو اسكينه
........................................................4
انته يا قبلة عشگنه أذن آذان الجرح
انته قرآن الله ناطق سور رتل عالرمح
خدمتك هيه التجاره ابلا خساره بس ربح
ياللي حبك هوه اعذيبي من يهب وكت الصبح
حبك ايروينه....انته يابو اسكينه
........................................................5
تمت باقر الافرجي
لابو الفضل صلوات الله عليه (ملمع)
خُذ جُودِكَ ياعباس اذهب وأتي بالماء
زلزل أرضُ الطَفِ بسيفِك وامحُ الأعداء
نادى سيدي لبيك .. جُنديُ بينَ يديك
سيدي لبيك
.........................................................
ناده الحسين ابخيامه...يابو فاضل يا كمرها
هالحرم خويه عطاشه...انهض واطفي جمرها
جوده خلاه ابيمنته...ورايته فوكه نشرها
خويه جرد سيفك الهم...ابيا علي اعلن نصرها
انه الجندي...والك عهدي...يبو الأكبر لذلهم
انه الراهب...انه الغالب....لطشرهم ولمهم
بَرَزَ إليِهِمُ وهو يُنادي أسمي القَسوَر
كالنَجمِ الثاقِبِ يَغزيِهُم شَقَّ العَسكر
نادى سيدي لبيك...جُنديُ بينَ يديك
سيدي لبيك
.........................................................1
بيا علي استفتح حربها...وناده قائدكم اريده
اليوم ازلزها المعاره...نزل ليهم چن رعيده
دخنت ريشاته غيره...دم علي يمشي ابوريده
ناده وبصوته رعبهم...آنه تربات الصميده
اركضكم...واطشركم...انه الموت اعله ايده
انه بسيفه..الاخذ حيفه...ويسوي اللي يريده
أرضُ الطَفِّ دِماءً مِنكُم أُسقيها سَيل
أشلاءٌ و رُؤوسٌ القَومِ تتنَاثَرُ وَيل
نادى سيدي لبيك...جُنديُ بينَ يديك
سيدي لبيك
.............................................................2
ارعب الجيش ابخطابه...آنه ابن سيد الشجاعة
والدي نبع المراجل...القالع الباب ابذراعة
آنه ابن حامي الحميه...الشمس ردتله طاعة
جن علي صارت حملته...نيزك ويكتل شعاعة
نزل ليهم...يبجيهم...قسم بخته وخدرها
علي بعزمه...الامر يمه....ابو فاضل فخرها
كالبُركانِ الثَائرِ يَغلي سَيفُ الأيمان
قَسَمَاً بالزهراءِ أُزَعزِعُ جَيشَ الشيطان
نادى سيدي لبيك...جُنديُ بينَ يديك
سيدي لبيك
............................................................3
ضهضب وسيطر عليهم....چنه جيش وهو واحد
طشر الجيش اعله ايده...هذا طايح هذا شارد
ارتعبو وجفت دماهم...بالمعارك هو قائد
سنبل ابسيفه حصدهم...اعله صدر الحومه كاعد
ابو الغيره...حلو السيره...گمر يسطع جماله
علي ابدمه...البطل اسمه...الرعب حتى بخياله
كالسَيلِ ليَصطَحِبَ الرَعدَ فِيِهِمُ حَلَّ
بِسمِ عَليٍ فِيِهِمُ يَهتِفُ يَرمي القَتلى
نادى سيدي لبيك...جُنديُ بينَ يديك
سيدي لبيك
............................................................4
عالنهر صارت وكفته.............كله زود وكله هيبه
القاده من الخوفه صاحت... طاحت اعلينه مصيبه
هذا ملك الموت اجانه...مدري حيدر يا عجيبه
عالنهر طشر جثثهم...چم كتيبه اتجر كتيبه
الحرب كيفه...كتب سيفه...انه سيد الحرايب
الامر بيده....حرب عيده..يطشر بالكتايب
مِثلُ المَوتِ عَلـيهُم حَلَّا إبنُ الكرار
لا لَم يَرحَم سَيفي أبَداً قَومَاً أشرار
نادى سيدي لبيك...جُنديُ بينَ يديك
سيدي لبيك
............................................................5
من وصل يم الشريعة...وبتده يترس جربته
والله ما تغريني يا مي...عافه وبخده سطرته
الجربه خلاها اعله جتفه...والعده كطعو يمنته
ماي البجوده تبده...وضلت اعيونه اعله خيته
وفه اعهوده...ترس جوده...العده كطعوله ايده
عله اعياله...بقه باله...ولا هم الوريده
لَم أشرب قَطرَةُ مِن ماءٍ وأخي ظَمآن
أعطَى رُوحٌ لابنِ عَليٍ وَهَبَ الكَفَان
نادى سيدي لبيك...جُنديُ بينَ يديك
سيدي لبيك
.........................................................6
باقر الافرجي
قصيدة العليلة
..................................................
يصعب علي افراكك لچن الله وياك
الله الرادك تنصر دينه تموت اهناك
راسك فوك ارماح العدوان ايرفعونه
صوت الحق من نحرك يطلع ويسمعونه
..................................................
يابويه آنه ابروحتك محتاره
ضعنك مشه وكلبي يضل ابناره
بويه السفر هذا الجليل اختاره
دين الله محتاجك تصون آثاره
طفله ويضل كلبي بحزن بويه شلون
ُ لازم بُعد بس هالامر لا ميهون
ودربك اهل الباطل بالشر ايكطعونه
صوت الحق من نحرك يطلع ويسمعونه
..................................................1
يمك اريدن اكعد واملي العين
يابويه بس هالليله باجر ماشين
ايسلني الالم من تبتعد بويه حسين
ابحظنك دفو الماينشبع منه اسنين
ابحظنك اود انسه الحزن طول الليل
باجر تره فوك الترب اتسحكه الخيل
طحت الخاطر دين الباري ليطيحونه
صوت الحق من نحرك يطلع ويسمعونه
..................................................2
اوداعك امر بس ما تقبل بويه الروح
عطرك دوه يا والدي الكل مجروح
اكبالي لچن بعيوني اشوفك مذبوح
ومن منحرك عطر الورد ضل ايفوح
بعدك يمي ورفرف كلبي اعليك اهواي
اشلون ابعمتي اتشوفك طايح وبلا ماي
اكبال اعيالك راسك يابويه يحزونه
صوت الحق من نحرك يطلع ويسمعونه
..................................................3
ما احمله افراكك صعب بي تدري
المغرب يهد حيلي ويهدن صبري
ريح البُعد يطفي الضوه ابكل عمري
اتمنه بجفوفك تحطني بكبري
افاركك صعب وبكلبي تضل اللچمة
ما انام إذا مو عطرك آنه اشتمة
جسمك يالغالي ابلا رحمة امن يطشرونه
صوت الحق من نحرك يطلع ويسمعونه
..................................................4
ليليه اضل اشبح نظر المحرابك
من المرض اصعب علي اغيابك
بالدمعة يا بويه امن ارشن بابك
واعذرني مو قصدي ازيد امصابك
رايح وانه عندي علم متردون
بس انتظر عماتي ويه الضعون
بالطف محملكم يا بويه من يسبونه
صوت الحق من نحرك يطلع ويسمعونه
..................................................5
ابدار الغرب رحتو واضل اتألم
وكل ليله اضل بصوركم آنه اتحلم
ابدمعة وحزن وياهن ابقه اتكلم
صلى اللهُ عالفاركوني وسلم
اترجه يضل عبد الله الطفل بس يمي
امناغاته من اسمعها يسهل همي
طفل وبرض الطف يا بويه مايرحمونه
صوت الحق من نحرك يطلع ويسمعونه
..................................................6
باقر الافرجي
نسأل الله القبول بحق الحسين ع
القصيدة : متى نراك
الرادود الحسيني #علي_الحجامي
كلمات: الشاعر #باقر_الافرجي
https://youtu.be/iKx3sEVQV8s?si=GMxNykVYVEkkMec5
مجالس ليالي شهادة امنا الزهراء ع
عزاء هيئة بقية الله عج
- العراق - الديونية -
مونتاج: سجاد هلال
مكساج: علي الوائلي
تنفيذ: شبية المصطفى ص
جميع الحقوق محفوظة للقناة الرسمية للرادود الحسيني الملا علي الحجامي
#Ali_AlHijami
للتواصل مع الحسابات الرسمية للرادود الحسيني الملا علي الحجامي :
Youtube: / https://www.youtube.com/@-alialhijami3049
facebook: / https://www.facebook.com/alialhijami1
instagram: / https://www.instagram.com/ali__alhjami
#علي_الحجامي
#ويبقى_الحسين
للقاسم عليه السلام
يفدوه الجماله
بدر وبكماله
اعله طوله وخياله.....سلامات
هذا ياهو للي طلع...بدر بالخيمه سطع
كلشي بالدنيا ركع...الكشخته ولطوله
الشمس صايبها الخجل....ابطلعته كلشي انذهل
بـدر وجـها وكتـمل....كلها بي مذهوله
سل سيفه وللحومه جاسم هالنزل
جن حيدر صولاته وعليهم حمل
والعسكر بفنونه وحملاته انذهل
جميل ابقتاله
نجم ويتلاله
اعله طوله وخياله.....سلامات
هيبه ما بين الزلم...وجهه يسطع جن نجم
وامه نادت والنعم....امن الحسن ووليده
كلشي لجله مستعد....جنه حيدر من يهد
اليوصله لا مايرد... إله راسه ابأيده
طبلهم يم سيفه هالموت استقر
ودكلهم بالحومه ناقوس الخطر
اشجعهم كص راسه وداه السقر
يكلشي حلاله
وجميل ابخصاله
اعله طوله وخياله.....سلامات
هله بتربات الحسن...حيد متهمه المحن
حرب عالباطل علن....جنه سورة زلزله
طلع زلزلها الارض...شيخ وبكيفه الفرض
الزلم كضتها ركض....يفر بيهم كربله
متحزم ومسيطر هو اعله الامر
ما ردن لا والله إلا ومنتصر
والعمي وعيونه منذور العمر
والعمر حلاله
ناذره العياله
اعله طوله وخياله.....سلامات
طلع بعيونه الزعل...الجيش مرعوب وسأل
هذا جاسم لو زحل...نزل لينه وغاضب
الجيش شافه ونبهر... هذا جاسم لو كمر
اليوم ماكو اي مفر...الحسن جنه يحارب
ما واحد من عدهم قاوم ظربته
وتصدر بالساحه وتمشي چلمته
يتبختر عالعسكر هيبه ابمشيته
يمحله فعاله
يحسن الدلاله
اعله طوله وخياله.....سلامات
صاح والعكسر جفل...اليوم اسويكم وصل
ابزود جدي الفحل...عزم حيدر بيه
عمي فدوه الناظره...العرس عفته الخاطره
وروحي لجله حاظره...المهم يرضه اعليه
فدوه العمي اسنيني وتباها ابهايه
يستاهل روحي المشه الكون ابرايه
آنه اول عريس الحنه امن دمايه
يأكبر رساله
ولدهر بجاله
اعله طوله وخياله.....سلامات
تمت باقر الافرجي
شور
يمحبوبي اشكبر حظي وعشكتك
بدمع حبي عله ارموشي رسمتك
عليك الزهره خليني بخدمتك
يا محله طعم حبك
عيشني بتعب دربك
يالمحلي سنيني
بيدك سلمت روحي
وتحله بسمك اجروحي
حبك هو ديني
حسين
كلبي صرت مفتاحه
وتعبك احس بي راحه
خليني دوم ابابك
يمك اهشم بصدري
اتمنه يخلص عمري
بسجدة عشك بعتابك
حسين آه حسين آه
خليني اعيشن دوم وياك ابجرح
عيشني لجمة راسك الفوك الرمح
وشوفة اخيك عالنهر من منطرح
ولحظة حركة خيامك
وبالبر فرت ايتامك
من الخيل هجت
روحي بجمره الجمها
جثتك محد ايلمها
ابلايه افياي ظلت
حسين
ذوقني جمر احزانك
من باليسر احبابك
وكل الخيم مستعره
لمصابك افدي اعيوني
ومن عابس آنه اجنوني
ومنك اريد النظره
حسين آه حسين آه
ظايع آنه وخدمتك هيه الوطن
تحت خيمة مجلسك يحله السكن
يا آماني من متاهات الزمن
بدمعات وخجل جيتك
خليني اعله تربيتك
وين انطي الوجه وين
كل عمري مشه بخيرك
لا تتركني يم غيرك
ادخيلك سيدي حسين
حسين
ارزقني منك فطره
ابجي بصدك وبحسره
يالما ترد الفقره
متهمني هاي الوادم
بس كون اصيرن خادم
وعليك انوح ابعبره
حسين آه حسين آه
كلبي طير ابحظرتك مكسور جنحه
كون دوم ابمجلسك ملجوم جرحه
يمن بالطف ظهرة ابحله للوحه
لوحة حب الآهيه
بدم وخيمه مرويه
كلشي الربك انطيت
كال حسين كتله ابشر
هاك اطفالي والخنصر
وبكل غالي ضحيت
حسين
يالماكو مثلك محبوب
يم بابه متضل اذنوب
فدوه الك ايامي
حتى الهوه يحتاچك
شد روحي يم شباچك
يالخدمتك احلامي
حسين آه حسين آه
سيدي لجلك فقط تحله المدامع
دوم خليني اعيشن بالمواجع
يمن طاري اسمك ايطهر المسامع
يامحله الحچي بأسمك
لا تبعدني من يمك
جيت ابحاجتي هاي
يالبس انته تفهمني
خليني اعله كد حزني
لترجعني مولاي
حسين
عيشني بس بالدمعة
ذوبني مثل الشمعة
يم خيمتك خليني
يالما فهمنه سرك
تحييني شمة كبرك
يالمستحيل اتردني
حسين آه حسين آه
تمت والحمد لله
باقر الافرجي
خادم خادم خادم...هنياله اليتسمه
خادم خادم خادم...كوم وشد الهمه
====================
اخدم بخلاص وهمه
الزهره اتحب هاي اللمه
وتتفاخر بيكم
الدمعه التنزل تحسبها
ودكت صدرك تكتبها
ولدي اتناديكم
البالمجلس وزع مايه
ولشايل بيده الرايه
الزهره اتحييكم
وهيه اتسجل بسمه...كوم وشد الهمه
====================
عيش ويحسين ابروحك
وخل تنزف لجله اجروحك
وآه اعله امصابه
بالخدمه اثبت إيمانك
وذرف دمعه اويه احزانك
واسجد يم بابه
بس هو اليسوه انحبه
هنياله الباقي بدربه
اتسجل بكتابه
حب حسين النعمه...كوم وشد الهمه
====================
شمحلات الحب بالفطره
ويستاهل ابن الزهره
اتضحيله اسنينك
لا تبخل هل دمعاتك
واسي حسين ابجمراتك
لا تخفي ونينك
اشمحلاتك لمن تحظر
لابس اسود تتحسر
وتبجي اعله حسينك
لحسين انطي الكلمه... كوم وشد الهمه
====================
لا تملي الدنيا اعيونك
خادم لو ميسمونك
الدنيا ومفنيه
لتهمك كل هالوادم
لحسين اتسجل خادم
راعي الحنيه
هنياله اليخلص عمره
بالمجلس لو بالحظره
يا محله النيه
تحله ابذكره النسمه...كوم وشد الهمه
====================
الدنيا وكل اللي بيها
بس حسيني محليها
شتفيد الوادم
حسين الواحد فوك الكل
منمل من عنده ولنچل
كلبك بي هايم
حسين اسمه ابداخل نبضك
وشكد مبخوت وحضك
تتسجل خادم
المجلس اكبر رحمه....كوم وشد الهمه
====================
كوم الطم وهمل دمعه
حسين اليستاهل فزعه
ضحالك روحه
من تحظر هذا المأتم
وتذكر زينب تتألم
وتذكرها اجروحه
دوم اتذكر ايامه
وطفاله وحرك اخيامه
وجثته المطروحه
لجلك ضحه ابدمه...كوم وشد الهمه
====================
تم باقر الافرجي
لعلي الاكبر عليه السلام
يابو علي وينه علي...وياك شو مرد الي
كلبي اشتعل نار
جاوبها والدمعه تصب...يا ليله ضل اعله الترب
وذاك الرمل حار
رد ابو الاكبر ولكن ظهره محني
صاح ياليلة عفت عالغبره ابني
بشوفته ضلعي انحنه وزداد حزني
كومي يا ليلة بحزن وياي وني
اليشبه محمد عالثره...چثته طريحه مطبره
وحاطته الأخطار
فكد الابن كلش صعب...يا ليله ضل اعله الترب
وذاك الرمل حار
رد ابو اليمه لچن چدمه ايتعثر
وآنه منها وعرفت طايح الاكبر
الفاكد ابنه ينعرف وجها يتغير
يركض الشيب بلحيته ابسرعه يكبر
ناداني يا ليله بحزن...فوك الرمل شفته يون
وتحيطه الاشرار
وعينه تصد اعله الدرب...يا ليله ضل اعله الترب
وذاك الرمل حار
بالدمع اركض ياليله اوصلت يمه
حرت يا ليله ابجروحه اشلون الزمه
ابكل كتر طبره ورمح متروس جسمه
ردت ويايه اجيبه وخفت الچمه
طولي اويه اطوله اتمددت...ريت آنه هالحظه متت
ولا شايف الصار
مكطوع سباح الكلب...يا ليله ضل اعله الترب
وذاك الرمل حار
المصرع اوليدي اخذني خل اشمه
اختنك صدري ورايده من عطره نسمه
واستمع منه اخير الچلمه يمه
ارد اكلمنه ابحنان الصدري اضمه
خليني اشوفن صورته...فدوه اروح الهيبته
منه الضوه يغار
متوسد ابنص الحرب...يا ليله ضل اعله الترب
وذاك الرمل حار
آنه من شفته ياليله انحنه ظهري
صحت عالدنيا العفه ودموعي تجري
العيشه بعدك حيل صعبه يبني تدري
مره اطيحن مره اكوم اختنك صدري
روحي شكثر متألمه...جسمه بقه ينزف دمه
امن جروحه الكبار
فوك الرمل دمه يصب......يا ليله ضل اعله الترب
وذاك الرمل حار
تمت باقر الافرجي
للعباس ع
حان الوداع...ونكسر بعدك يبو الكلفات ظهري
حان الوداع....ابروحتك اتوچه ضليت اعله صبري
يالوفيت ابخوتك...عمري راح بروحتك
حان الوداع
خويه بسمي من صحت..امشي وتعثر صرت
بس اريد اوصل لعد جسمك وشوفك
المصرعك من وصلت...ريت معمي ولا شفت
جثتك اموذرينها وكطعو جفوفك
جيت اركض للنهر...شفتك وظهري انكسر
ياهظيمه السهم نايم وسط شوفك
ريت هاللحظه متت...خويه آنه اتحيرت
اشلون اشيلك للخيم لا بيه اعوفك
والعقيلة....بالخيم منتظره ترجع يابو فاضل
والعقيلة....صعبه اخبرها بقيتي ابلايه كافل
كوم خويه امروتك....عمري راح بروحتك
حان الوداع
انته يا نبع الوفه...ابخوتك كلبي اكتفه
ياللي ظحيت العمر لجلي وسنينك
طولك الجنه نهر...ليش ياخويه كصر
امكطعينك بالسيوف الله اليعينك
ادري كلبك چن جمر...لان زينب تنتظر
واليتامه بالخيم منتظره وينك
ابكلشي وجهك مختلف...كمر بس ناله الخسف
دمه وتراب التغطي ارموش عينك
خويه عباس...اعيون زينب عالدرب منتظره جيتك
خويه عباس...كوم ويايه نفرح كلب اخيتك
وبدمعها نطرتك....عمري راح بروحتك
حان الوداع
يالوكفت اعله النهر...لچن شبعته قهر
من كلت لا ما اشربه حسين ضامي
ما تغرني ابرودتك...ولا تهمتني شوفتك
آنه بس عندي الاهم يشرب امامي
طاح جفك والعلم...صحت عندي آنه الأهم
جودي يوصل بالسلامة يم خيامي
طحت وبعينك سهم...اتوجهت صوب الخيم
صحت اعذروني وبعثت الكم سلامي
يا هظيمه....بطيحتك تتشمت العدوان بيه
يا هظيمه.... راح اروح وعالظهر حطيت اديه
احزامي طاح ابطيحتك...عمري راح بروحتك
حان الوداع
الجيش صاح ابكل فخر...طاح عباس الكمر
حسين ضل الوحده وراح اليعينه
اخوك ضل الوحده...ياهو غيرك يسنده
والشمر رايد يحز منه وتينه
من طحت فوك الثره....الشمر صاح ابعسكره
يلا اهجمو طاح حماي الضعينه
وحدي ضليت...والشماته اتصيح راح امن يده عباس
وحدي ضليت.خويه بعدك كوه صرت اسحبها الانفاس
ابروحي چمرة غيبتك....عمري راح بروحتك
حان الوداع
وسفه يا شبل الأسد...راسك انصاب ابعمد
وانته ليث الموزمه وسيد الحرايب
ياكفيل ام الخدر...اجفوفك انكطعة غدر
ياللي سيفك اربك ابطال الكتايب
ابطيحتك خويه الكمر...اتبده عمري اعله النهر
احزامي طاح اشتدت اعليه المصايب
حيلي يا خويه انهدم...اشلون اردن للخيم
وانته يا ابو الفضل نايم عالترايب
والله صعبه....شلون اردن وانته نايم عالشريعة
والله صعبه...لو اكل الزينب اجفوفه كطيعة
اعليها صعبه فركتك...عمري راح بروحتك
حان الوداع
تم باقر الافرجي
للعليه عليها السلام ..
اخذني الكربله وياك... ارضه ابموتتي هناك
ولا بالغربه من بعدك تخليني
يابويه مو تدري العمر...ما يسوه كلشي ابدونك
وامشي ودوس اعله المرض...والهمه من عيونك
واشلون لو عني ارحلت... والحادي مشه اضعونك
كلبي عصرني وشو خفت...بس لا نوه يذبحونك
بويه بروحتك هاي...وحشه اتصير دنياي
يتيمة الوادم اخلافك تسميني
كلش صعب بويه اليتم...وخلافك آنه اتيتم
عامود للخيمه الابو...وبروحته اتهدم
معناها طاحت خيمتي...وراح استعد للمأتم
غربه يتم بويه ومرض...وبس الدمع يتكلم
تبقه عيني عالباب...يمته اترد الاحباب
ومامش احد اعليكم يدليني
يابويه المن اشتكي...لو جار دهري اعليه
كشخة الطفلة بالابو...وتتباها تمشي ابفيه
خليلي عبد الله ومهد...واتسله بي ليليه
بلكي ينسيني الالم...بعدك يخف اشويه
لو شفته اعله مهده...حزني شويه يهده
وبعد غيابكم صوته يسليني
فدوه يبويه دقترب...اهمس الك بحجايه
عمي الكمر وصي الي...يمي يعوف الرايه
اتعنه اهلها بكل حزن...وعكدها وبجي اهوايه
وطلب الحاجه واندعي... يالشوفتك دوايه
ادعي وصوتي مبحوح...ميردولي بجروح
وانته ترد اليه وتزهر سنيني
يابويه اخذني الكربله... خليني امشي وياكم
طفله وصعب كلش تره...ما ينحمل فرگاكم
وحشه الديار وخاليه...وبكل كتر ذكراكم
وبكل مغربيه احن...وبقه ابحزن انعاكم
اشتاق الصوركم...ياللي اهواي احبكم
ياللي بروحتك ماظن تجيني
تمت باقر الافرجي