يابو ضحكةٍ ماتعترف في وطن وحدود
تمر القلوب الصادقه دون تأشيره
وانا واحدٍ قلبه نظيفٍ وعِرفه زود
مهو بـ لاحقك شرّه إذا ما الحقك خيره
يشوف السنين اللي معك هي عمر و وجود
وباقي السنين اللي بلياك تقزيرره
جعل وجهك أبيض من كثر ما يديك تْجود
يا ويش الشعور اللي معي منك تأثيره .
تكاثرت خذلاني وقفلت باب اللوم
ملامي على روحي وصبري على حله
من العمر كله ماعرف كم باقي يوم
لكن جعل باقي يوم يسوى العمر كله .
عطتني الظروف الصمله و رفض الإستسلام
و خـذت لون وجهي عقب ما وجهي بـ نيّر .
نحفظ العهود ونستر السّر مانطريه
ونحب الوفاء والطيبّ حنا معازيبهِ .
سقى الله دارهم من غزير المطر همال
ثقيل السحاب الي رعوده لها حنّه .
عسى البارق اللي له زمانين ماشفناه
تكاشف بروقه والمطر فـي تباشيره
عساه ان سمر في تالي الليل ينثر ماه
يصب الحيا و الخير كله علـى الديره .
عسى غرّ السحايب يوم تقبل بالحيا و الخير
ما تقفي لين تروي الدار و تربع فياضه .
أتغيشم بعض الأحيّان لو ماني غشيم
وأتجاهل بعض الأشياء و أنا داريبها
غصون الضماير لا سقاها الوصال تلين
وتصبح حدايقها مـن الغيث مخضرّه .
ترانا على سود الليالي وساع صدور
لو إنها .. ما خلت كل شيٍ على حلّه .
حبيبي و السوالف بيننا لوم و زعل و عتاب
أنا ساكت غلا ما ودي أندم في تواليها
أنا مدري بعينك هو أنا الصادق أو الكذاب
لكني جيت لك و الناس مالي غايةٍ فيها
معي عمر و بقايا أمنيات و ضحكتين و باب
معك مفتاحه لـ حلو الحياة اللي أنا أرجيها .
ترا حبك بقلبي مثل طاري الفصام
يزعزع هل المجهم ليا مر طاريه .😜☺️🤞🧚♂
عسى الله يسوق بجوده البارق الرعاد
على دار ملهوف الحشاء لين يرويها ".
جعل همال الرفايا ومنقاد الخيال
ينفتق صدره ويرخي على القاع نحره
نور برقه يكشف الستر من سود الليال
وتجفل البل من رعوده ومن خبط مطره .
جعل السحاب اللي حرق كبّده البرق
ومن حر مايونس تشاهق رعوده
يسقي ثرى داره من الضلع للعرق
و يبيح ماكنّه و يذكر سدوده .
