686
القناة الرسمية للشاعر ابومحمد العاشور
25 ✍️الشاعــــر / ابـــو محمــد العــاشــور 07810010732
صـــاح هاتف بــالسمه هل الهلال
هل شهـــر عـــاشور وتغير الحال
************
صـــاح هـــاتف بالسمه يــا مؤمنين
بَين هـــلال الشهـــر شهــر الحُسين
راح يبــدي النوح يـــا ناس او ونين
وبــالشهر للفرحه ما ظل كل مجال
************
مــن يهل شهـــر المحرم بـــالسمه
تبـﭼـي عـــالمظلوم احبـــابه دمـه
وتصرخ بصوت الحزن يا فاطمه
ابنـﭻ بلايـه غسل عــالغبـره ظال
************
اه منــــك يــــا شهر بيك الشهيـــــد
مــــوذر بطف كربله فــوﮔ الصعيد
وعلى صــدره داست خيـول العبيد
وعيلته بعــده يـﭼتفوهــا بحبـال
************
دمـــوع زينب بــالشهر تبقــى تهل
تنادي شهر الحــــزن ريتك لا تهل
عنـــدي مـــا خليت وليــــان وأهل
وحرت يــا ويلي بعدهم بـالعيال
************
تـــدري يــا شهر الحزن لـــو بينت
ليلــة التـــوديـــع بــــالطف رجعت
وكل موالي وياك يحـﭼـي واسمعت
همـومنه خليتها مثــل الجبـال
************
وينـه راعـي الثأر راعــي المـرجله
يمته ﭼـا يــرجـــع ابـن عقـــد الوله
ويـــأخـــذ بثــــأر الــذبيــح بكـربله
وثــار عمــاته السبوهن عالجمال
************
لا تنسوني ووالدي بالدعاء طباعة وتنضيد الرادود سيد علي الصرخي
صعبه اعلل بشر لو رحل خله
مشه عـني وترك بـالروح خله
ودمـع الـعـين بـعـده دموم خله
يـجـري بـلا هـواده بـكـل مسيه
بقلم / ابومحمد العاشور 17/ 2 / 2022
عجب لحسين يالكرار ماييت
لمن وگـع عـالـتربـان ماييت
بعد عينه احس الگاع ماييت
وبقيت بلا ولي ذيج المسيه
بقلم / ابومحمد العاشور 29/ 4 / 2022
روح ام الحزن عالگمر لاجت
مـن نـار الـخـيم للـنـهـر لاجت
تـنادي للـشـريـعه ريـت لاجيت
وشفت حامي الضعن يمها رميه
بقلم / ابومحمد العاشور 17/ 5 / 2022
بنت حسين انه ودهري بيادار
وماادري بهـلي سـكـنوا بيادار
بروحي صارت همومي بيادار
جثن فوگي ويلوجـن حيل بيه
بقلم / ابومحمد العاشور 14/ 6 / 2022
تگلي يـاجـرح يحسين يلماك
جفي احتار بيك شلون يلماك
صعبه مصيبتك ياخوي يلماك
ابـد مـاصـح الك وقـت المنيه
بقلم / ابومحمد العاشور 21/ 6 / 2022
ألوج ولا ارض لاسمه يلماي
دلالـي من ازور النـهر يلماي
وأسـألـنه بدمع سـجاب يلماي
عليش اگطعت بحسين واخيه
بقلم / ابومحمد العاشور 26/ 6 / 2022
سألت الدار وين أهلج يداري
الي بـعـد الأهـل منهـو يداري
عگبهم ريت موت الله يداري
واخذ روحي ولاشوفج خليه
بقلم / ابومحمد العاشور 5/ 7 / 2022
الشعر لحسين وال البيت محلاه
حـبـهم بالگـلـب والروح محلاه
دنـيـه بغــيرهـم يـانـاس محلاه
قـحـط وهـمـوم واحـزان واذيه
بقلم/ ابومحمد العاشور 6/ 2 / 2024
اون اعليك طول العمر لامال
ضـمـيـتـك ذخـر للحمل لامال
بـعـدك مـابـقـالـي فـرح لامال
ودمع عيني الجره شاهد عليه
بقلم/ ابومحمد العاشور 29/ 2 / 2024
عفه روحي شكثر اهات لامات
اون وهواي بيه ناس لامات
عزيز الابن مايدرون لامات
يهد حيل الابو والام سويه
بقلم/ ابومحمد العاشور 30/ 5 / 2024
غيابك للظـهـر يـالـغـبت حناه
بعدك دمع عيني الوجن حناه
ومـثـل ألنوگ هذا الكلب حناه
الك يـالـخـذت دلالي من ايديه
بقلم/ ابومحمد العاشور 25/ 7 / 2024
اصفك على الغايب هاي وي هاي
ويـن انـطـي بـعـد عـيـنـاه ويـهاي
اطـفـي نـار بعـده بـصـبر وي هاي
ويـشـم كـلـمـن يـمـر عـطـاب بيه
بقلم/ ابومحمد العاشور 5/ 12 / 2024
الاجل مـن شم العـذيبي حرمهم
احبابي وروحي وكليبي حرمهم
اسـود صـار مـن انـظـر حرمهم
تــنوح جـويـعـده ابـاب الـثـنـيـه
بقلم/ ابومحمد العاشور 20/ 3 / 2025
اخوي الشال سيفه ولبس لاما
بـجـفـه حسين ذاك الجمع لاما
صـاح بـصـوت هز الكون لاما
ابـايـع كـل نـذل مـن ال امـيـه
بقلم/ ابومحمد العاشور 28/ 3 / 2025
اليوم يومك عباس كوم الشريعه اسبيها
اليوم يومك عباس كوم الشريعه اسبيها
****
اليوم يومك عباس راعي الجود والرايه
انهض يكافل ام عون وتعنه المسنايه
وللخيم يبن الكرار جيب الفرات ومايه
وعيلة اخوك العطشان من جربتك رويها
اليوم يومك عباس كوم الشريعه اسبيها
****
ياشهم هد اعله الزلم هدت علي كرارها
وطيحها موته عالارض بالحومه كل اشرارها
ويوصل الكوفه يابطل من الرعب طشارها
وخليها كلها ترتعش وسواس يدخل بيها
اليوم يومك عباس كوم الشريعه اسبيها
****
اخزرتهم بعين الغضب يالخزرتك جتاله
ودمدم على روس الكفر الرمايه والخياله
ضمك ابوك النينوى تحمي السبط وعياله
واختك الحره ياشهم بدم ركبتك تحميها
اليوم يومك عباس كوم الشريعه اسبيها
****
ناديهم انا ابن الفحل ماهابكم تدروني
ماثني يوم بضربتي وقادتكم يعرفوني
راح اطبك الطابك طبك بالمعركه تشوفوني
وايديكم بجفي وعلي يم النهر الويها
اليوم يومك عباس كوم الشريعه اسبيها
****
عباس ياراعي الشيم انت الملك بالساحه
خلي العساكر من تهد بالطف فلا مرتاحه
وجيش ال اميه خل يصل لبن الدعيه صياحه
ويلحك الاول لوشرد من خوفته تاليها
اليوم يومك عباس كوم الشريعه اسبيها
****
للمهدي ضمها الرايتك سيدي عم سكينه
يرفعها بيده من يجي ابن الحسن والينه
ويطلب بثار المنذبح وثارك وتدمع عينه
عالمشت مسبيه غصب ومجتفات ايديها
اليوم يومك عباس كوم الشريعه اسبيها
****
خادم اهل البيت / ابومحمد العاشور (07810010732) Telegram: Contact @Ashour313
ابسهم البيـن صـوبني ولاحاي
لون الراس صار ابيض ولاحاي
ولامـيـت بـعـد عـيـنـك ولاحـاي
عـلـيـل وتـنـهش اللـوعـات بيه
بقلم / ابومحمد العاشور 17/ 3 / 2022
ماريض ضـعنهم الي لاون
مـصـايب هلي للـدلال لاون
محتاره الوجه انطيه لاوين
بعـد مـاغـربوا وگطوا بيه
بقلم / ابومحمد العاشور 30/ 4 / 2022
الفواطـم دمـن بنينوى هامات
وزينب طلعت من الخيم هامات
تنادي اعلل مهر يامهر هامات
اخوي وگطْعِته سيوف المنيه
بقلم / ابومحمد العاشور 30/ 5 / 2022
روحـي كـالـورد بـعـدك بلا راي
أتيه الـدرب من امـشـي بلا راي
عشت بجفاك بس جبده بلا راي
الهوى وطاري الهوى شحن عليه
بقلم / ابومحمد العاشور 16/ 6 / 2022
بعدكم يخوتي دهري علي مال
خلني اميسره امشي علي مال
رغـم هـذا ولا واحـد علـي مال
شـروطـه وانـا تـربـات الزجيه
بقلم / ابومحمد العاشور 23/ 6 / 2022
يزينب مابـقه صـيوان لاماج
سرتي بالضعن لا اخو لاماج
مدري يـاجـرح بالشام لاماج
طبـت القـصر لو فگـدج رقيه
بقلم / ابومحمد العاشور 2/ 7 / 2022
على راسي تدگن حيل يرحاي
وبروحي اطحنن طحن يرحاي
گالوا من زمـان الحـاي يرحاي
وانه احبابي جفوا وگطعوا بيه
بقلم/ ابومحمد العاشور 15/ 9 / 2022
همومك بالدليل اصبحت لما
الـك حـنـيـت حـنـة طـفل لما
عـلى بـاب الثـنيه اتناك لما
يـهـيـل تـراب دفـانـك عـلـيه
بقلم/ ابومحمد العاشور 8/ 2 / 2024
الوكت سدد علي سهمه ونيشان
وتـرك اثـار نـص گـلـبي ونيشان
الكـل عـالـي جنت اوصل ونيشان
وهسه النـاصي ظـل يصعب عليه
بقلم/ ابومحمد العاشور 28/ 3 / 2024
بعـدك مـن يـجـي يـالغـبت يرحاي
يـنـزف مـاگــطـع للـيـوم يـرحـاي
وگـل لرحاي بطلن صفگ يرحاي
عـزيـزي الراح مـاضـن اله جيه
بقلم/ ابومحمد العاشور 4/ 7 / 2024
يحادي النوگ اصيحن تان ماتان
واحس بجدامي من الركض ماتان
ابـعـدوا والـروح بـيها صار ماتان
جـرح فـوگ الـجـرح وشلون بيه
بقلم/ ابومحمد العاشور 10/ 10 / 2024
قسم بالملك شاطي النهر والماي
يـحـز بالـروح يـالـغـربت ولماي
جـلـجـاب الـحـزن ويـاي ولماي
لـبسـتـه وفـيـت تـفـصـالـه عـليه
بقلم/ ابومحمد العاشور 30/ 1 / 2025
بنت حـسـين تـانت مات ابوها
وحرت شلون أكلها مات ابوها
ابـاب الخـيمه تنطر مات ابوها
يـرد اوتـحـضـنـه ابـلـهفه رقيه
بقلم/ ابومحمد العاشور 26/ 3 / 2025
هلي بدماهم تخضبت لحيهم
لون ربك اذن بالطف لحيهم
جـا محـد كـدر يوصل لحيهم
ولا أخذوا غصب زينب سبيه
بقلم/ ابومحمد العاشور 29/ 3 / 2025