596
غريباً أرى يا غريب الطفوف ... توسد خديك كثبانها
• | أرض الجراحات|
• السيد تحسين الياسري
• كلمات عمار الراشدي
فاطمة العليلة عليها السلام
طفله تعــــاتب ــ بدموع المصيبه
عگب الحبايب ــ معلوله و غريبه
لدروب الأجل ــ والدها رحل
بيت من بيــوت هاشـــم بالمدينه
بيـه طفله امعلعله وثكله وحزينه
راح ابوها وعنـه تنشد وينه وينه
بويه يحسين اشعمل فرگاك بينـه
لنهم نسوها ــ والعله بجسدها
يرجع ابوها ــ تتمنــه وسندها
صابتها العلل ــ والدها رحل
طفله ما تدري سبب هذا سفرهـم
ليلــه ليلــه تحسب اتاني خبرهـم
والسهـــر ذَبـَّــل جفنها وتنتظرهم
لا ابوهـــا لا اخوهـــا ولا گمرهــم
طفله عليله ــ والدهــا تِرِيـده
الغربه ثگيله ــ ودروبه بِعيده
مدمعها همل ــ والدها رحل
بين آلام الجســد وحرگـــة گلبهــا
عاشت ايام الحزن واتناجي ربهــا
يرجعون الهــا الغوالي كل طلبهــا
من سببهم كــل ألمهـا وكل تعبهــا
كــل مغربيّه ــ تشتاگ الأهلها
اتحن الرقيه ــ والدمعه تهلها
مذبوح الأمل ــ والدها رحل
يا حبيبي بويه مشتاگه لحنانـك
يا بعد روحي تــره خالي مكانك
بعد ما اسمع يبويه صوت أذانك
ولا زمانـــي ينجمع وَيـَّه زمانك
كــل ذكرياتك ــ متفارگها عينـي
بويه وحياتك ــ ما يبطل ونيني
معقوله الحصل ــ والدها رحل
أيَّسِــت راح الظعـن راح ونساني
إلمن اعتب ليش ابويــه ماخذاني
إلمن اشكي ليش طارش ما إجاني
لن ندهني هاجس الموت و لفانـي
ايگلي يطفلــه ــ كل أهلچ ضحايه
بس انتي عدله ــ والراحــن سبايه
وحسين انچتل ــ والدها رحل
عمار الراشدي
#ما_رأيت_إلا_جميلا
شعار (منتظرون على هدي المرجعية) لهذا العام _
Читать полностью…
۔
يبن عمـــــي ــ أنذرت دمـــي
إلــــك فـــدوه يبــــو اليمــــه
يبو اليمه أحاميك ابرمش عينــي
يبو اليمه إلـــك ناذرهـــن سنيني
شغف حبك نهر يجري بشراييني
انذرت عمري لجل عيناك تدريني
ولا ايهمـــك ــ إبن عمــــك
لجـــل عينــــك نِــذَر دمـه
يهالوادم إجيـــت احمل هدف سامي
إجيت انصر إمامي وديني واسلامي
هِـتَـف مجمع أهــل كوفــان جِدّامي
گلــت بيهم أهــــد اعروش ظِلّامـــي
العهد نكثت ــ ابعجل فَرّت
إعتله الظالــم عرش حُكمه
يبو اليمه بقى سيفـــي اليناصرنـــي
وأشد طاغــــي هِدَر دمي ويلاحقني
والمعَـــزِّب غِــدَر ضيفــــه اليألمنـــي
وعله اظعونك حَسِرتي ونايِرَة حِزني
ولا چنهـــم ــ برسايلهـــم
دِعونـــه انزيح هالطغمــه
إبن مرجانه بايـــع دينـــــه شيصِلحه
حشَّــد گومه ضدي جيوش متسلحه
واهازيـــج الكفــر مسلم وُجَب ذبحه
حـــل ليل الحرب وآنـه انتظر صبحه
يعرفونـــي ــ يخــافونــي
وابو اليمه اهتفــت بسمه
يبو اليمه انكشف أمري ابنزل طوعه
ولبـــس عسكر إبــن مرجانه إدروعه
رمــــاح المعركه واسيــوف مشروعه
وسچــــچ كوفــان بالخياله مگطوعه
الخطر خَيَّـــم ــ ولا مهتـــم
درع گلبـــــــي ولا هَـمَّــــــه
صِلِت بيهـــم ولا گـــدرو يطيحـــوني
ٲنــــه مسلـــم فنــون المعركه فنونــي
لَـــوَن غـــدر الحفيـــره مـــا يلاووني
طحـــت بيهــــا ولا ظنـــي يأسروني
سفيـــرك دم ــ نــزف مسلــم
انگطــــع راســـي بلا رحمـــه
أنـــه لجلــــك يبو اليمه انذرت دمــي
العمــر مــا يسوى من دونك يبن عمي
علــى حالـــك يمـــولاي الدمـع يهمـي
رموا من القصر صوب الارض جسمي
الأجـــل جانــــي ــ أنـــه وهانـــي
اندفــــن يمـــــي وأنـــــه يَـمَّـــــه
عمــار الراشــــدي
فاطمة بنت الحسين عليهما السلام
بويـــه حسين ــ رايـــح ويـــن
وحشـــه الدار وخالــــي البيت
يا غالي وكل غالي ايفــارگ أحبابـه
أولاده ايداهمهـــا الخـوف ومرتابـه
دارك خالــي ومنتظــره ابعتبة بابـه
هلبت ظعنك يرجع من طول غيابه
لَمَّـــــن راح ــ مــــا مرتـــاح
گلبــــي وابگلبـي اشخليـت
وين اليحملني وياخذني المحبوبي
لـو ياخذ مرسال اشواگي ومكتوبي
ريح الموت اتدور ابداري وادروبـي
أبچي اعليهم من مصباحي لغروبي
بس مكتوب ــ امن المحبوب
يوصلنـــي اشگـــد اتمنيــــت
سِــــر الداي الفت عظامي تفسيــره
من افراگ حسين الغالــي هالحيـره
إلمن انشد وين اطلع وحشه الديره
عافونــي ابعلتي وآنه طفله ازغيره
فتنـــي الداي ـــ وما ظن جاي
يا بويــــه ومَتــــرد حسيــــت
هجرانـــك تعّبني او تَعَّــــب تفكيـري
ترجـــع سالم لبنَيتـَــك كِـــل تقديري
ومرات اشعر صورة مــوت بتفسيري
ابچــي وكل ظني متوهمه بتصويري
ظنـــي اتعود ـــ يالمفگـــــود
تدري بحالــــي لـــو مَدريـت
مشتاگه الشوفــت عبد الله ونظراتـه
وملهوفه الصوت امناغاته وضحكاته
احضــن بگماطه او اشتــم ابنسماتـه
مهده الخالــي يجــرح گلبي بشفراته
لا رضعـــان ـــ ولا وليـــــان
كلهـــم راحو وحدي اصفيت
يا يُمَّــــه يَحْنَينَه ويـــا شمعـــة بيتي
يا يُمَّــــه من رحتـــي راحت عافيتي
يا يُمَّــــه الشوفــــي أنشد ما حنيتي؟؟
حنيــــت آنـــــه للمتعوبــه ابتربيتي
شلون انســـاچ ـــ ريت اوياچ
واشتــــم ابعطـــرچ يـــا ريت
كلمات عمــار الراشــدي
ابمهر صبره ودمع عينه ـ وجَرح گلبه و هضم حاله
حظــر يدفــن ابو اليمه ـ على جروحه الدمع ساله
بحزانه وصـل للطف ـ إبّساط المعجزه السجاد
مهموم وكلـف حاله ـ وابگلبـــه الحــزن وگــاد
عن عين الفواطم غاب ـ تعنه يدفــن الأجسـاد
ماشفنه گبل مچتول ـ تحفــر حفرِتــه اعيالـــه
يِهِل عبـره بأثــر عبـره ـ معلـــول المرض هـدّه
رغم احزانه وجروحه ـ حظر يم والده يوسده
لن يشتــم عطر نحره ـ وجابــه ووچبه عنــده
لن بعده نِدي صوابه ـ ينظـــره بدمعـــه همالـه
صرخ صرخه تهز الكون ـ آآ يالمنذبــح نحـــرك
ريحانـــة رســـول الله ـ من عمري علـى عمرك
شمخَليه الحوافر بيــك ـ ظهرك هذا لـو صدرك
آه اعليــك يـا بويـــه ـ جسمـــك هــذا يجرالــه
نوبه يگوم نوبه يطيـح ـ الله يعينـــه هالدفـــان
يحچي ويذرف دموعه ـ اشْيِلِمّك گلي يالجثمان
من كثر الجراح البيك ـ ومن كثر الطعن خلصان
عالغبــره ابــو السجاد ـ وذر متگطعـــه اوصالــه
تحزم بالصبــر وانْــوَه ـ لبــوه ايدفنـــه بصوابـه
يشـم ابجسمه وايحِبّه ـ وعنــه ايميِّـــل اترابــه
شلون انشيله واندفنه ـ يحاچي جملة اصحابه
وثـنّـه لجِثِته بلا راس ـ لَـمّــه ابّاريـــه وشالــــه
لَـمّــه اباريــه وجابـــه ـ يــم راس الگبـــر خلاه
امــودع بالله يابويــه ـ وابسيل الدمــع حاچاه
هاليــوم ادفنت عمري ـ وبتـراب اللحـــد واراه
يا عمه دفنته وجيت ـ لزينـــب يشرح الحالـــه
عمار الراشدي
ليلة الدفن
حسين المظلوم المحتار
نحـــرك يتساطـــع انوار
راح ايدفنه ــ الساجد ابنه
مثل خيامه بگلبه النار
السجاد يدعــي بالدمـــع ــ امن يجيــب المضطــر
ياربــي يـــا رب العــرش ــ حسيــن الغريب اموذر
عفتـــه وحيــــد بكربلــه ــ مطروح يچــويـه الحر
عالثـره مذبـــوح النحـر ــ مثلـــي منـــو اليتصبـر
ريـــت الأرض تطويــهـــا
يـــا ربـــي يـــا داحيـهـــا
حسين الوارث ــ بيومه الثالث
سجـــاده للمصــرع ســـار
لــو مـات من عدنه وصي ــ محد يدفنه امـن الناس
ومــا ينزل ابلحــد الگبــر ــ ومنه الجسد ما ينجاس
حيدر دفن جسمه الحسن ــ وظل مستمر هالمقياس
وحسيـــن ابويـــه واجبي ــ آنـــه الادفنـــه بلا راس
ظعـــن السبــي بالكوفه
عفتـــه ورحت لطفوفه
زينب تدري ــ ابأمري وسري
وغافلت اعيون الاشرار
اطويت الفيافي ابمعجـزه ــ واحنـه اهل كـل اعجاز
ورحـــت الحبيبـي والـدي ــ دفـانــــه آنــــه وجنــاز
لمــــن وصلـــت الكـربلـــه ــ نــاديـــت اهلــي لعـزاز
گومــو يفرســـان الوغــى ــ الوگفتكـــم آنـــه معتاز
مـــا واحـــد الجــاوبنـــي
واسمــــع ونيــــن ابأذنـي
منظر يحزن ــ وانحور اتوِن
اتسبــــح للبــاري الغفـار
يم جسم ابو الاكبر طحت ـ واصفنت صفنت مهموم
معقــولــــه هــــذا والـدي ــ وحجــة البـــاري القيوم
يــا أمـــه سوتهـــا گبـــــل ــ هالفعـــل هذا المشؤوم
تذبـــح ابــن بنــت النبــي ــ وتذبــح وليها المعصوم
حسين الهدى ومصباحه
وسفه الشمـــر ذباحــــه
الخطو إسمه ــ ابعرش الرحمه
مذبوح ابحد الاشفـــار
رايـــح أواري والـــــــدي ــ وعينــي دمعهـــا تسيلـه
وادفـــن كواكــب دنيتي ــ وادفـــن نجومــي الليله
ادفــــن القــــرآن النطــق ــ هيهــــات منــــــا الذلـه
ادفـــن حبيب المصطفى ــ وفوگـــه التــراب انهيله
ظهـــري انكســر لمصابه
واتخضبــــت بصوابـــه
وهذا الاكبر ــ جسمه اموذر
شبه المرسول المختار
يا ليلـــــى ابنچ بالگبـــــر ــ شبــه الرســــول الأكبر
يا رملــــه جســـام اندفن ــ خــــل دمعتــــچ تتنثـر
وابـــن الرباب المنذبـــــح ــ وسدتـــه دامي المنحر
وادفنــــت عبـــاس الگمر ــ عمــــي وكفيــل الخدر
ابهمــــي ارجعــــت لضعوني
عــــــن حالــــي لتسئــلونــي
سمعي اخباري ــ بدمعي الجاري
يـــا عمــــه هــذا اللي صــار
عمـــار الراشـــــدي
عينـــو حميــــده المــــات مسلمها
طفلــــه و ابـــن مرجانـــه يتمـهــا
دون الابــــو كــــل طفله مهضومه
ابنـــار الهجـــر والغربــــه ملچومه
تشتاگلــــه مــــن تحضــن هدومه
عدهـــا ثيابـــه تبچــــي واتشمهـــا
آنــــه حميـــــده بويــــه يــا مسلم
فراگـــك يغالـــي بالگلـــب يلچـــم
وانتـــه يبويــــه لشوفــــي متعلـم
متعـــوده بنتـــك حضنك ايضمهــا
ينشدنــــي عـــن احوالي يوميــــه
ويعرف ابويـــــه البِيـّـــه مـــا بِيّــه
منــــه حرمنــــي و مـــا بعــد جَيّه
المــــا عنـــده رحمــه روحي ألمهــا
حــز سيف ابــن مرجانــه مذبوحي
مو روحه طلعت چن خطف روحي
نزفــت جروحه ونزفــت جروحـي
واجفونـــي مــو دمعه نزف دمهــا
للبـــــاري سلمتـــه الــذي صابـــك
وخلاهـــا تجـــري دمعـــة احبابك
يـــا ريت يمــك واشـــم بصوابـك
وجــروح جسمـــك بويه الثمهــــا
يتمونـــي بويـــه اليوم يتمونـــي
مـــن شوفتـــك ويـــلاه حرموني
يـــا والدي ويـــا ناظـــر عيونـــي
بنتـــك حميــــده ظلـــت ابهمهـــا
عمار الراشدي
ٲجـــري عليهـــم دمعة احزانــي
هالليلـــه ليلـــة مسلـم وهـانــي
مسلـــم سفيـــر حسين ودعنــه
نجـــري لبـــو طاهـــر مدامعنــه
بخامس محرم جرحــه يجمعنه
دمـــه ابجراحاتـــه نِـــزَف قانـي
مسلـــم دخـــل كوفـان هالثائــر
رايـــد يزيـــح الحـاكــم الفاجــر
للحـــگ اجيـــت وللعـــدل تامـر
تحمـــل رسالـــه بدافــع انساني
واضح شعارك چالشمس واضح
وابمسجد الكوفه اوگفت ناصح
لاچــن إبـــن مرجانـــه هالطالح
فاجـــر وحكمه حكـــم عدواني
يا حيـــف هالطاغي هدر دمـك
چــي لـــن ابو اليمه ابــن عمك
وينطــي جوائـــز للذي ايلزمك
وانتـــه وحيـد ابقيت واتعاني
من الغدر عانيـــت واصحابـــه
تدري بعـــض هالنـــاس چذابه
والطاغي حد اسيوفه واحرابه
وانتــه صحت فنه اللي يدناني
سرك حسافه انكشف موضوعه
وضدك شفت لسيوف مشروعه
والجيـش حاطوك ابنزل طوعه
خضت الحـرب وابدافع ايماني
بحفرة غدر جسمك هوا بدمــه
وصوب الگصر ودوك هالطغمـه
تجري الدمــع لحسين ابو اليمه
واتگــول ريت حسين ما جاني
ضنــوة عقيـــل وحاشه تتلاوه
من فوگ شاهق جسمك اتهاوه
وي صاحبــك بالموت تتخــاوه
بالكوفـــه ماتـــو مسلم وهاني
عمار الراشدي
هــــذا محــــرم بَـيَّــــن هلالـــــه
نستقبلــــــه بدمــــــوع همـالـــه
هــذا محـــرم كلشي بي قُدسـي
بـــي تهتدي الرب العرش نَفسـي
شـهــر الهدايــــه وللصبــر درسي
دروس وعِـبَــــر نتعلـــم ابجالـــه
هذا محـــرم شهـــر مذبـوحــــي
حسين الشهيد الاغله من روحي
حـــان العزاء ودمعتـــي ونوحي
أجـــري الدمع لحسيـــن وعيالـه
هـذا محـــــرم شهـــــر آلامــــي
ألبس ثيابي الســـوده إحرامـي
ويلي علـــى المذبوح والظامي
من الحناجـــر صرخــه تتعالـــه
هـــذا محـــرم شهر ابــو سكينه
واعلــــه غربتــــه كـــل نواعينه
وكلمــــن عله مصابــــه يبچينه
أجـــره عظيم وٲلـــف هنيالــــه
هــــذا محـــــرم تجـــرح ايامه
نگصـــد عزاء حسيـــن لطامــه
ويّــا الصـــدر نلطم عله الهامـه
للظامـــي والـوذروهن اوصالــه
هذا محــــرم شهـــر كل مؤمـن
ايصلـــــي صلاتــــه لمـن ايأذن
ايتاني صبح عاشور من ايجـن
يطبــــر الهامــــه وللدما سالــه
عمار الراشدي
علي مَــر ابطفوف حسين
مـــن راح الحـرب صفيـن
الليلـه انوصـــف الحالـــه
ونجـــري الدمعـــه همالـه
لبـــو السجـــاد واحوالـــه
يرويهـــا ابــــو السبطيــن
علـــي لمـــن جزى دروبـه
بيـــوم المشـــه لحـــروبـه
عنـــده اخبــــار مكتوبـــه
عن عاشور وطــف البيــن
الأميــــر ابكربلـــه اتوقف
بچــه لمصيبة اهل الطف
يحـــز انحورهـــا المرهف
بنينـــه ابساعـــد الباغيـن
بچه اعله حسين واتحسر
هنـــا يوگــع ابـــو الاكبــر
هنـــا يذبح علــي الاصغر
وهنــــا تنگطــــع جفيـــن
ذكـــر عاشـــور بالمدمــع
هنـــا چفيـــــن تتگــطــع
الواعـــد سكنــه مايرجع
يصيبونــه ابسهم بالعين
هنــا تتراكــض الرضعــان
هنـا تتسلــــب النســــوان
واتشب بالخيـــم نيـــران
وزينب تنسبـي ولا ويــن
تروح ابسبـــي للشامـــات
وابــذل الخرابــــه اتبــات
واخوهـــا ايرتـــل الآيـات
يقره الكهف راس حسين
عمار الراشدي
.
كربله ــ كربله
ارض الجراحات
كربله ــ كربله
ارض البطولات
آل اميّه للحرايـــب دگّـــت اطبــول
وينــه منهو اللي يبارز اسمـع اتگول
مادرو عندي نشامه ونعمـه الفحول
ذوله انصاري الغياره اتحجّل خيول
بالهمم ــ والشيم
گطعو مسافات
رددو ــ واهتفو
للذلـــه هيهـات
شيخ الانصار الشهم ضنوة مظاهر
گال اغطيهــا الشمس بالرايـه باچر
والنعــم من موقفه نعمــه المناصـر
روى ميــدان الوغى ابــدم المناحـر
رايته ــ بيمتنه
شيخ المهمات
منحره ــ لن قره
ابحبي مناجات
هذا جـون وبيـــده رف رايــة محمد
أبيض النيّــه وجبينـــه يزهـــي فرقد
ضحى من أجلي بوريده العبد الاسود
وانتثـــر بالطــــف عبيــره وخدّه ورّد
هالفرد ــ مو عبد
صاحب كرامات
خلّده ــ ومجّده
رب السمـاوات
ضيغم ابسوح الوغى الحر الرياحــي
ما اجه لــو ما ضميـره وگلبه صاحي
گلــي دونك اطلــع الســوح الكفاحي
دمه فــاض امن النحر ضَمّد جراحي
هالبطل ــ لن سأل
سامحني عالفات
اتندمت ــ جعجعت
ظعــــن الرسالات
عابس اشهر صارمه ويِخرِس رنينه
شَمّر ثيابـــه ابدرب حبـــه وجنونـه
والعشگ گاده او وصل جنـة منونه
والمحبتــي الشاكري خضّب جبينه
الشاكري ــ ناصري
خـــاض المهمـــات
وانشكر ــ وانذكر
ابمتن الزيــارات
عمار الراشدي
.
يا شهيد الشهداء ــ يا غريب الغرباء
من إلينا ــ يا حسينا
ما نهجع خويه ابهالليله ــ وحشه الليله خويه حسين
نار وخوف ودمعه ورهبه ــ واشهگ دخان اصواوين
أطفــال وخدر عطشانـــه ــ عن هالحاله الكافل وين
والشامت يجرحني يگلي ــ زينب إلمـــن تنتظريـــن
بينَ أوغادٍ رُعاعْ ــ نسهدُ ليلُ الضياعْ
و بكينا ــ يا حسينا
نزلـــت كـــل املاك الباري ــ وتنحب كل المخلوقــات
وجدي الهادي حاضر يمك ــ ياخويه ويجري العبرات
وابقــاروره يجمـــع دمـك ــ ونحرك يتنازف روجـات
واتربـع يحسب بجروحك ــ لنــهـن آلاف الطعنـــــات
طافَ ميدانُ الطفوف ــ يجمعُ الدم الذروف
ذا نبينا ــ يا حسينا
يا خويه وهاي امي الزهره ــ وبدمعتها اعليك اتدور
واتگلك آنه امــك يبنــي ــ جيتك وابضلعي المكسور
مـا ألمني ضلعـــي وكسره ــ اكثــر من لوعـة عاشور
هالطايح معقوله وليـــدي ــ وريحانة گلبي المفطور
كم قست فيك النصال ــ واقع ذا ام خيال
فجعونا ــ يا حسينا
غـــارات العسكــــر تتواله ــ لاويـــن نــروح ابهالليــل
لاخيمه الظلـــت تؤوينـــه ــ شبـــو بيهــن نــار الويـل
ايتامك تتراگـض خويــه ــ مرعوبه مـن صوت الخيل
بالحافر سحگو اطفالي ــ وضرب السوط ايهد الحيل
ذي يتامانا تحوم ــ تسحقُ الجمر الضروم
هاربينا ــ يا حسينا
صديــــت بعيني للشاطي ــ ابچــي وحاچيـت الوفاي
مــا ادري هــذا اليجرالـي ــ لــو ادري مــاردت المــاي
لــن هناك وشافت عيني ــ ابجدمه اليعثر فارس جاي
صاح الله ايصبرچ يابويه ــ واجروحچ تنزف بحشاي
حيدرُ الكرارِ جاءْ ــ ليواسيِني العزاءْ
ذا أبانا ــ يا حسينا
يحسين وجيت لتوديعك ــ وانـــت امــوذر بالميـدان
شميتك من موضع نحرك ــ وصديت لصوب العدوان
لن راسك وابرمحه العالي ــ اگبالـــي ايرتــل بالقـرآن
چنـــك لسـاع اتوصينـــي ــ زينــب عينچ عالرضعان
يا اخي حان الفراق ــ وبعرجـــاءِ النيـــاق
قد مضينا ــ يا حسينا
كلمات عمار الراشدي
هالليله عاشور ــ ليلة مصيبه
مهدينه موتور ــ يسعر لهيبه
يوگف ابو الثار جنب الشريعــه
مهدينــه وايگول سمعو يشيعه
هنا عمي عباس چفوفه گطيعه
وهنا سهم صاب عينه الوسيعه
يا عمي عباس ــ ثارك اجيبه
مهدينه موتور ــ يسعر لهيبه
مهدينه وايروح صوب المصارع
ياشيعتـي هنـــا جاسمنـه واگــع
والأكـــبر هنــــا بروحـــه ينـازع
وهنا وگع جون والحُــر او نافـع
ويلــي يجسام ــ يبن النجيبه
مهدينه موتور ــ يسعر لهيبــه
مهدينـه لاويــن راح ابحسرتـه
يم مذبح حسين يجري دمعته
ياريت العيــون تعمه ومشفته
ويلي يمظلــوم ويلــي الغربته
ويلي يعطشان ــ جثته سليبه
مهدينه موتـور ــ يسعـر لهيبه
لـــن موضـــع هناك زَيّــد ونينه
مصرع طفل طاح والأمه عينه
عبد الله منحـور حــزو وتينــه
بالنبلـــه فطمـــو أول سنينــــه
والطفل الحسين ــ روحه وحبيبه
مهدينـــه موتـور ــ يسعــر لهيبــه
مهدينـــه لخيــام زينــب تعنــه
مِــــن الصواويـن تتعالـــه ونــه
يسمـــع يموعـود حرگو خيمنـه
والثـــار الخيــــام انتــــه املنـه
اخذوها للشام ــ زينب غريبه
مهدينه موتور ــ يسعــر لهيبه
مهدينه لـن شاف رايــه رِمِيـّــه
بالرايـــه مكتــوب ثــار الزچيّـه
ثبتــهــا بالگـــــاع بالغــاضريـّـه
واينــــادي يحسين ثارك بِدَيـّـه
أيـــام الظهور ــ صارت قريبه
مهدينه موتور ــ يسعر لهيبــه
عمار الراشدي
زفيتك للحومه اوليدي .. يبني وذاخرتك لحسين
يوليدي ويا سلوة عمري .. يا حلمي وناظر عيناي
سريت ايامي ابأيامك .. يوليدي يا لب احشاي
مافارگتك طول سنينك .. روحي ويازهرة دنياي
ساهرت اعيوني ابتربيتك .. وضميتك برموش العين
من اتمر يايمه اگبالي .. عطرك چن عطر الفردوس
وجهك نور بظلمة ليلي .. واجبينك شعلة فانوس
يا اول چلمه بدعواتي .. من عين الحاسد محروس
عايفني ومنهو ايحاميني .. رايح يا جاسم لاوين
ربيتك قربان العمك .. والعمك عمرك منذور
حانت يوليدي آجالك .. وسنينك تطفه ابعاشور
باچر تتوذر يوليدي .. وادمومك سدر وكافور
لتگصر يمه ابصولاتك .. بچفوفك صمصام البين
ابگلب امك يصعب توديعك .. آخر ليله الليله اوياك
عطشانه شفرات الباطل .. باچر تشرب من ادماك
لهفانه النحرك سيافه .. والأزدي بسيفه يتناك
سيف الازدي ايتاني ايذبحك .. جاسم يا نسل الطيبين
حنّه وشمعه اگبال عيوني .. والعرسك گلبي لهفان
هب عاصف طفاها الشمعه .. ناديت استر يا رحمان
لن صوت ايگلي يا رمله .. ابنچ حنو بالميدان
ما حسيت ابعمرك يبني .. عمرك چن اصبح يومين
واقع وآنه ارضيت بحالي .. من شفت حسين المظلوم
يمسح دمعاته ابچفينه .. محني ومكسور وملچوم
يتعثر جابك للخيمه .. والنسوان اعليك اتحوم
عريس ومتهنه ابعرسه .. زفوك الگبرك يالزين
عمار الراشدي
🎥 إلى اللقاء مع انتصار الدم على السيف، إلى اللقاء في الشهادة، إلى اللقاء في جوار الأحبة...
Читать полностью…
مراسيم تبديل راية مسجد براثا الى رايات الحزن والعزاء استقبالاً لشهر محرم الحرام
• | راية محرم |
• الرادود أحمد الحميداوي
• كلمات عمار الراشدي
نهـــــر العلگمــــي شطكم
مايـــــه يعتـــــذر منكـــم
يهاشــــم منكـــــم اتعـــذر
مــــا رَوِّيــــت أبـــو الأكبر
عِشِــــت أيامــــي أتحسـر
نهـــر يبچي اعله قصتكـم
ولا كائــــن سكـــن جوفي
ولا مشحوف بجـــروفــي
أموت امن القهــر خوفي
واصيـــرن گـــاع ابشركم
بعد شلــــي ابلذيذ المـاي
إجيتـــــك أعتــذر مولاي
صحت اعفيني من بلواي
بالطــــف منـــي حارمكم
الشجــر مــا ينبت ابصفي
الجَـــزِر لا مــا يهـز جرفي
نواعيـــر النهــــر نشفــــي
ٲنه العَطَّشِـــت سدرتكــم
ابخجل متغطــي بالبـردي
عذر مقبـــول مـــا عنــدي
گلـــت صفحة ندم أبــدي
واطــوف ابگبـــر كافلكم
بدت قصـــة عمــر ثانــي
ومشت روجات شطآنــي
نهـــــر عاشـور هذا آنـــي
أحـــن الطيب ريحتكـــم
أبـــو فاضل قبـــل عـذري
رد بيــــا العــــذب يجـري
ولگيـــت العافيه ابنهــري
بني هاشم أخبـــركــــــم
اطــوف ابگبره اطهر گاع
اشم بچفوفــه چن نعناع
اشم بيهن جرف واشراع
اشم بيهن عطـــر جدكـم
اشم بيهن دمع يعگــوب
اشم بيهن عذاب ايــوب
اشم بيهن صبـر متعوب
اشم بيهن نـــزف دمكم
عمار الراشدي
.
أربـــع قرابين ــ منذوره لحسين
دفنوهم ابطف كربله
أربع قرابين
أرض المصايـــب كربله أرض المنايه
ابهالبقعه مدفونه جثث أربع ضحايه
أولاد حمـــاي الحمـــه الماتو ظمايـه
وامهــــم ينادوها ابأســـم أم الرزايه
مــن كبرتهم ـــ أمهم فدتهــم
لحسين ابن عقد الوله
أربع قرابين
أم البنيــــن الأربعه ضحــــت قرابين
للموت والغربـه مشو للطف مضحين
شبــان كل واحد نِذر ناذرته لحسيـن
يحمون زينب وگفو اباب الصواويـن
والأبو السجاد ــ فدوه هلولاد
يضوون درب القافله
أربع قرابين
قصتهم ابصفحة حزن بكتاب عاشـور
للخوه لن مضرب مثل هالأربــع ابدور
دمهم طفح مثل النهر من أطهر نحور
واحدهم ابيوم الحرب لحسين منذور
للخوه شنيار ــ هالأربع اقمار
نخوه وشهامـــه ومرجله
أربع قرابين
عثمان وعبد الله وابو فاضل وجعفر
ابوجـه الكتايب هالنشامه ليوث تزأر
واحد أثـــر واحد علـــى المبدأ تـوذر
وام البنيـــن ابهـالشبيبه دوم تفخـــر
خل تدمع العين ــ للأربع ابنيــــن
رِفعه وقداسه و منزله
اربع قرابين
وذروهم ابــــوادي المنايه الغاضريـه
واتوذرت جثـــه على الشاطي رميـّه
عباس ابو فاضل شبل حامي الحميه
كافل ضعونه وكافل اخته الهاشميــه
واتفاده چفين ـــ لعيون الحسين
ابصفحـــة خلود امسجله
أربع قرابين
أم البنيــــن ام الوفـــه نصرت العتــره
واتگـــول ما وَفّي ابد لـو عندي عشره
آنــــه وبنينــــي الأربعه فدوه للزهــره
هالصابـــره منها درس ناخـــذ وعِبــره
يا رفعت الراس ــ أمــــك يعباس
ما همهـــا نامت بالفلــــه
أربع قرابين
همهـــا على حسيــــن ويرد سالم للديار
لَمَّـــن رجع ظعن العقيله نشدت اشصار
بالطف يزينب اشحصل وين ابو الاحرار
لـــن جاوبتهــــا اتوذر ابضربات الاشفـار
حـزو وريده ــ وذبحو عضيده
وتحت التراب امسدله
أربع قرابين
عمار الراشدي
.
أروي قصــــة محبوبــــي
حسين الغالي ومعشوگي
أبديها القصه بدمعه
حبيتك يبن البضعـه
حسين الغالي ومعشوگي
ابدم الاقــلام ــ أفصِح عن احزاني بصدري
ظلت اعــوام ــ وعاشت ويايــه مــن زغري
خلف الاحلام ــ مــوج الليل الدمع اليجري
أسهر مانام ــ حزني يصارع روحي وفكري
يا نزف ايامي التنـدي
يا دمعه وتحفر خدي
مجنون ومنهو ايقنعه
حبيتك يبن البضعه
حسين الغالي ومعشوگي
نـــاذر لعيــون ــ لجلك يا بو سكينه اعميها
گالـو مجنــون ــ شما تحچـي الوادم خلّيها
واللّي يلومون ــ چــن ما اسمع لــوم البيها
خلّي يسمعون ــ روحــي لمحبوبي افديها
للعــاذل هــذا اجوابي
سميتك اغلــه احبابي
يا اصل الحب ونبعه
حبيتك يبن البضعـه
حسين الغالي ومعشوگي
يحسين اهواك ــ اسمك بلسم فوگ اشفافي
وشلـون انساك ــ گلــب الحَبّك لتظن جافـي
فدوه العينـــاك ــ بحر النور بجفنــك غافــي
مجنونك هاك ــ جربه وشوفه شلون يوافي
لجلك خاويــت العَبــره
يا محله اوياها العِشره
يابو الانوار التسعه
حبيتك يبن البضعه
حسين الغالي ومعشوگي
يابــو الاحرار ــ انته الماضي وانته الحاضر
يبـــن الكــرار ــ شما ابــذل لعيونــك قاصـر
دمعي المدرار ــ ما يبطل من جفني الماطر
طول الاعمـار ــ گلبي ايظل مكسور الخاطر
اكشفلــك عــن اوراقي
جرحك يبقه ابأعماقي
حزنك ثوب المانزعه
حبيتك يبن البضعــه
حسين الغالي ومعشوگي
حزن الايتام ــ احـــزن لجلك يـــا مذبوحـي
يحمــل آلام ــ گلبــي وشايــل نــار جروحي
جرح الايـام ــ يسري ابدمي وعاش بروحي
يبن الاكـرام ــ تعطش عيني وتشرب نوحي
حبيتــك مـن الفطره
ماعوفك يابو العتره
گلبي وما غَيِّر طبعه
حبيتك يبن البضعه
حسين الغالي ومعشوگي
كلمات عمار الراشدي
.
ليلي بجناحه حملنـي
جاوبــت لمـن سألنــي
رايـــح العمري ادفنــه
عمري بوداعه جرحني
يليلي .. إخذني الكربله ابجنحــك يليلـي
يليلي .. أظــن مابــي نبض واگف دليلـي
يليلي .. مصيبـــة كربلـــه هدتلـي حيلـي
يليلي .. حزينه نجومك اتنوح العويلي
نوصل وشوف المصيبه
والـــدي جثـــه سليبـــه
لســـه تتنــازف جروحه
مهجــة الهــادي وحبيبه
وصلنه .. المصـــارع اخوتي وناسي وصلنـه
وصلنه .. عجـــايب شفنه وابچينــه ولطمنه
وصلنه .. اسمعت بين الجثث مجروحه ونه
وصلنه .. بونينـــه ايناغــي عبد الله طفلنـه
خويه يـــا خويه يغالي
نايـــم ابحضــن الليالي
والهـوى يلچم جروحك
والمهـــد خليتـه خالــي
اجيتك .. يبويــه حسيـن بدموعي اجيتك
اجيتك .. الــف آه او ألــف وسفه اشلگيتك
اجيتك .. گبـــل لا دفنك ابچيــت ونعيتـك
اجيتك .. نحــر عطشان وابدمعــي رويتك
حاير ابجسمه اشيِـلِمّــه
جثِّتَــه ما بيهــا عظمــه
تالـــي لميتـه ابحصيره
نوبه احضنه نوبه اشمه
دفنته .. ابويـــه الغالـــي بچفوفي دفنته
دفنته .. وعفت عبد الله نايم فوگ جثته
دفنته .. بمسيــل دموعي لصوابه غسلته
دفنته .. وگبــر يـــم رجلــه للأكبر حفرته
دمعي للأكبر بچالـــه
يا رسول الله بجماله
وانتثر عطـر الشهاده
نوره مـن نحره تلاله
مصيبه .. جريت اعله الگمر دمـع المصيبه
مصيبه .. بچيـــت وعمي الگبره اشيجيبـه
مصيبه .. وذر صايــر ابو فاضــل عجيبـــه
مصيبه .. ولگيت اچفوفه عالشاطي قريبه
وينه طوله والضخامه
امهشمه كلهن عظامه
فدوه ليساره ويمينـه
ابگبره للخــوه علامه
شموعه .. رحت صوب الطفت بالطف شموعه
شموعه .. طفــت شبل الحســن ماتـم رجوعه
شموعه .. اعلگتهـــن مـــن دفنتــه يم ضلوعه
شموعه .. چوتنـــي وهيجــت جفني ودموعه
واحفرت حفره بديــّـه
ضمّـــت انصار الزچيه
بدمعِتِي قريت الزياره
ودعتــهـــا الغاضريـــه
كلمات عمار الراشدي
اللحن : دمعة مسافر
للرادود : محمد الجنامي
فيكَ يا مسلم ــ قصةُ الطفِ ابتدت
فيكَ يا مسلم ــ كربـــلاءُ انتصــرت
مــا رحــت للكوفه من أجل القتـال
رحــت مصلح تهدي حُكّـام الضلال
تِعــدِل الأمــه و تِــداوي الإنحــلال
لاچـــن اتلگـــوك بسيـــوف ونِصال
فيكَ يا مسلم ــ للهدى غُصنٌ نبـت
فيكَ يا مسلم ــ كربـــلاءُ انتصـرت
سيدي المظلوم مسلــم بــن عقيل
سيــدي ياقاضي حاجة كل دخيل
أوگـــف ابابـــك ودمعاتـــي تسيل
واذكر ابيـوم اِصبرت صبراً جميل
فيكَ يا مسلم ـ شمعةُ الصبرِ سَنت
فيكَ يا مسلم ــ كربـــلاءُ انتصـرت
بــن عقيـــل الفارس الــذل العبيد
لا عُـبَـيــدَ الله گدرلـــك لا يزيـــد
لجـــل ابــو اليمه رخصته للوريـد
يــا غريب ويــا وحيد ويــا شهيد
فيكَ يا مسلم ــ رايةُ الدينِ اعتلت
فيكَ يا مسلم ــ كربــلاءُ انتصـرت
وين ابن مرجانه ذكـــره چالسـراب
للحشـــر يتعــذب الــــوان العـذاب
تالـــي داره اتحَوِلـَــت دار الخـراب
شوف مسلم تضوي بدياره القبـاب
فيكَ يا مسلم ــ القبابُ ازدهرت
فيكَ يا مسلم ــ كربلاءُ انتصرت
هــذي خدامــك يبو طاهر إجـــوك
بالدمـــع لمصابك المفجــع نعـــوك
بصفحــة انصارك تسجلهـم نخـوك
سيدي وتقضي الحوائــج حشموك
فيكَ يا مسلم ــ الخُطوبُ انقشعت
فيكَ يا مسلم ــ كربـــلاءُ انتصرت
خَلنـَـه نلطـــم عالصدر يـا مؤمنين
انودع المظلـــوم مبعوث الحسيـن
طـــاح من الگصـر محزوز الوتيــن
الله يلعنهـــم خصومـــه الظالميـن
فيكَ يا مسلم ــ الطغــاةُ اندحرت
فيكَ يا مسلم ــ كربــلاءُ انتصرت
كلمات عمار الراشدي
.
أصوات ــ أصوات
من صوب الخيم
أطفــال ــ أطفــال
تجـــرع بالألــــم
تتصايح ابوَنَّـه ــ چا وينه كافلنه
عباس ــ عباس
لَمَّـــن شاهـــد اطفالـه ــ مِــنِّ العطــش تتلــــوّه
وابو فاضل طبع عنده ــ غيور وصاحب النخوه
حاچاهم عطشكم مرمـــر افّادي
اتأمرونـي أمر يحبابي واچبادي
شنهو الماي اجيب الماي يولادي
لــو اترس جربتي لو استشهادي
حسرات ــ حسرات
نيــران و تشب
يــردون ــ يــردون
بس گطرة عذب
يسمعهم ابأذنه ــ چا وينه كافلنه
عباس ــ عباس
يا عَمنه العطش يذبــح ــ چن سيف ابمناحرنـه
يا عَمنه الشمس تچوي ــ فوگ العطش حرگتنه
حاچاهم أريد الصبر من عدكـم
ساعه ولن تشوفون النهر يمكـم
آنه ابكــل وكت يولادي كافلكـم
عمكم آنه راعي المشرعه عمكم
والماي ــ والماي
حاطـــوه الكفــر
يحتاج ــ يحتاج
من عدكم صبــر
لو صحنه إعذرنه ــ چا وينه كافلنه
عباس ــ عباس
هناك وصاحت سكينه ــ يا عمي يبو فاضل
يا عمي الوعــد وينــه ــ وعد الماي يالكافل
عطشانه سُكينه وگفت ابصفـه
ما يِحوِج طلب عباسها اتعرفـه
وفاي وشهم بس واحد ايكلفـه
وايجيب النهر بالجربه وايغرفه
نظرات ــ نظرات
شابح كل طفــل
يتنون ــ يتنــون
عبــاس النفــــل
واتعاين السكنه ــ چا وينه كافلنه
عباس ــ عباس
عبــاس انهضــم گلبـــه ــ من ايعايــن اطفاله
مـــن العطـــش ذبلانـه ــ ونهر العلگمي گباله
جَهَّــــز لامِتـه والرايـــه والجربــه
عبـاس الكلايف عنــده مـو صعبه
للشاطــي وصل رغم الظمه بگلبه
شال الماي بيده وما رضه ايشربه
هيهـــات ــ هيهــات
أشــرب يــا نهــــــر
وحسين ــ وحسين
عطشـــان النـحــــر
وابمسمعه وَنَّــه ــ چا وينه كافلنه
عباس ــ عباس
طفله اتعاين الطفلــه ــ وحده اتصبر بوحده
واتگلهــا يجي عمنه ــ يروينه وعلـه و عده
مــــا رَد للخيـــــم عبـــاس واتأخــــر
وزينب عينهـــا اتشوبـــح لبـــو الاكبر
تشوف حسين لونه انخطف واتحسر
يــــا زينب صــــرخ عباســــچ اتــوذر
عباس ــ عبـاس
يا زينب وگــــع
يمنـــاه ــ يمنـاه
وايساره انگطع
والزَيِّدت حزنه ــ چا وينه كافلنه
عباس ــ عباس
راح المصرعه يشوفه ــ شاف چفوفه مگطوعه
والنبله طفـــت عينـه ــ يم جسمه حِنه ضلوعه
يا عباس آنــــه حسيـــن حاچيني
حيف اتموت ياخويه عمــت عيني
لَن عباس گلــــه خويــه يحسيني
لسكينـــــه أحلفــــــك لا تودينــي
يحسين ــ يحسين
حاچي ام الخـــدر
عبــاس ــ عبــاس
منـــــچ يعتـــــذر
وطفالي لا تتنه ــ چا وينه كافلنه
عباس ــ عباس
كلمــات عمــار الراشدي
يوليــدي ــ يوليــدي ــ عبد الله يوليدي
يا سلوة سنين العمر ــ عبد الله يوليدي
شهر الحزن يوليدي هل هلاله ــ وبگلبي جمـــره ــ يمه
شهر انفجــع بيه الرسول ابآله ــ وفاطمه الزهره ــ يمه
وهلالــه يرمي بنبلته الچتالــه ــ ونحـرك اذكـره ــ يمه
من رحت رميات القهــر تتواله ــ گلبي شيصبره ــ يمه
يا عيدي ــ ياعيدي ــ عبد الله يا عيدي
معقوله بيّــه ما تمر ــ عبد الله يوليدي
أصــرخ دللـــو يالولــد يالغالــي ــ مايجدي صوتي ـ يمه
هزيــت مهدك والمهد لن خالـي ــ سالــت عبرتــي ـ يمه
ودمــوع حزني ولوعتي تبرالي ــ شيجبـر كسرتي ـ يمه
فراگك دهاني والحسين التالي ــ وجـّـر جمرتـــي ـ يمه
وشبيدي ــ وشبيـدي ــ عبد الله وشبيدي
مايجدي يايمه الصبر ــ عبد الله يوليدي
يالدافــن سنيــن العمــر بغيابــه ــ بالغاضريــه ــ يمه
لمــن يهــل عاشــور يفتــح بابه ــ جرح الرزيه ــ يمه
وانظــر للهــلال وأون لمصابـــه ــ ابن الزچيــه ــ يمه
ومذبوحي صابه حرمله بنشابه ــ يصعب عليه ــ يمه
ترديــدي ــ ترديــدي ــ عبدالله ترديدي
وايردد ابٲسمه الثغر ــ عبد الله يوليدي
راح الرضيع وعافني بحزانــي ــ غيبتك علتـي ــ يمه
وحدي وغريبــه هالولد خلاني ــ صعبه غربتي ــ يمه
أيامي ضاعت والحزن عنواني ــ اتمنـه موتــي ــ يمه
يــَـم مهدك الخالي أون تلگاني ــ يتعاله صوتي ــ يمه
مولـــودي ــ مولــــودي ــ عبد الله مولودي
بطف كربله دامي النحر ــ عبد الله يوليدي
ذبحوك يبني والعمر ست شهور ــ ذبلانه شِفتك ـ يمه
دمك ابنبلة حرمله ظـل يفـــور ــ عذبني موتك ـ يمه
لوعــات راوانــي ومآسي عاشـور ــ يبني نعيتك ـ يمه
من رحتو وحشه بلا اهاليها الدور ـ لارحت ريتك ـ يمه
مفگودي ــ مفگودي ــ عبد الله مفگودي
قربان للباري ونـِـذِر ــ عبد الله يوليدي
عمار الراشدي
حُجَّةُ اللهِ وَيَا جُــرحَ الزَّمــانِ
فَمَتَى تَظهَرُ يَا شَمسَ الْأَمَانِي
يا منارَ العاشقين ــ يا شفيعَ المذنبين
فَمَتَى تَظهَرُ يَا شَمسَ الْأَمَانِي
يا سيدي تدري العمر ــ خلَّصتَه كل يوم انتظر
والشاهد بدمعة فجر ــ شوگـــي وحنينـــي
آنه الضِعِت يبن الحسن ــ بين الحِزِن بين الفِتَن
واختلف كلشي بهالزمن ــ ريتـــك تجينـــي
أناطر يوسف أيامــي ــ يفسّرلي حِلـِــم ليلي
أبث حزني بمناجاتي ــ ودعاء النُدبه ترتيلي
زَمَني ضـــاعَ بنــزفٍ للجـــراحِ
والليالي سرَقَت سِحرَ صَباحي
نَزفُ أحزانِ السنين ــ يا شفيعَ المذنبين
فَمَتَى تَظْـهَــرُ يَــا شَمْـسَ الْأَمَانِي
ــــــــــــــــــــــــــــــــــــــــــــــــــــــــــــــــــ
گلبي كل ساعه يموت ــ وعمري بيت العنكبوت
واسمعت من گبري صوت ــ گــرب موتــــي
چَنَّه صوتي ما وصـل ــ ألعجــل ثــم العجـــــل
للفـــرج يبقــــه الأمل ــ يا رجــوتــــي
اليغيب ايعــود لحبابــه ــ أملنـــه طَوَّل اغيابــه
على چلماتي سامحني ــ الموالي يجرح اعتابه
سيدي سامحني يؤذيكَ عِتابي
أرتجي عفَوكَ في يومِ الحسابِ
تائِهاً دونَ مُعين ــ يا شفيعَ المذنبين
فَمَتَـى تَظْـهَــرُ يَـــا شَمْـــسَ الْأَمَانِــي
ــــــــــــــــــــــــــــــــــــــــــــــــــــــــــــــــــ
وين اشوفك يا مكان ــ يا جرح هذا الزمان
بكربله لـــو جمكــران ــ گلبــي يمــــك
هذا عاشور الجـــروح ــ بِدَت راياته تلــوح
بيا مكان انتـه تنـــوح ــ وتشكي همك
شهر عاشور من يبــدي ــ يعينك الله يالمهــــدي
تِعالت صرخة جروحك ــ صِحت مظلوم ياجدي
حُجَّــةُ اللهِ حَزِينـاً وَيُنَــــادِي
يَا تَرِيبــاً دَامِيــاً فَــوْقَ الْوِهَادِ
زائراً قبرُ الحُسَين ــ يا شفيع المذنبين
فَمَتَى تَظْهَــرُ يَــا شَمْسَ الْأَمَانِي
ــــــــــــــــــــــــــــــــــــــــــــــــــــــــــــــــــ
چَنك بعينـــك تشـــوف ــ توجرت نار الطفوف
وتسمع اصوات السيوف ــ والعساكـــر
واذرفت دمعة حنين ـ من وصل ظعن الحسين
اوحيد وبلايه معيـن ــ ولا منــاصــــر
شهر عاشــور وايامـــه ــ يمهدي ابگلبك آلامه
يبو صالح وحگ عينك ــ نظل لحسين خدامه
لِقَتِيــلِ الْحَـــقِّ مَقْطُوعُ الْوَتِينِ
نَذرِفُ دَمْعَ الْأَسَى فِي الْمَقْلَتَينِ
يا نميرَ المحجَرَين ــ يا شفيعَ المذنبين
فَمَتَــى تَظْهَرُ يَـا شَمْسَ الْأَمَانِي
ــــــــــــــــــــــــــــــــــــــــــــــــــــــــــــــــــ
سيدي حِزنك يفور ــ حسره بضلوعك تدور
فاجعة بدر البِــدور ــ أعنـــي عباس
بمهجتك نار الخليل ــ ودمعة عيونك تسيل
تشوف عالشاطي الكفيل ــ وتلطم الراس
گطيعه ايساره ويمينه ــ وبعد صاب السهم عينه
يتامه وخِــدَّر اتنـــادي ــ الخيم حرگوهن اعلينه
وتُنـــادي يا لِثـــارات العَفيــرِ
عَجِل اللهُمَ عَجِل في ظهوري
يا دليلَ الحائرين ــ يا شفيعَ المذنبين
فَمَتَى تَظْهَرُ يَا شَمْسَ الْأَمَانِي
ــــــــــــــــــــــــــــــــــــــــــــــــــــــــــــــــــ
يا شمس خلف السحاب ــ توجرت نار المصاب
استمــع صرخــة عذاب ــ واحسينــاه
گالو الحر وعده ديـــن ــ والوعد طول السنين
إحنه ما ننسه الحسين ــ واغـريبــــاه
يمهدي وخاتم العتره ــ وحگ الهَشِمو صـــدره
عهد تکبـــر مجالسنه ــ ونظل طول العمر نقره
شَهْــرُ عَاشُــورَاءَ شَهْرِ الْعَبَــرَاتِ
وَيَقِينِــي دَمْعَتِــي سِرِّ نَجَـــاتِي
دمعةٌ في كُلِ عَين ــ يا شفيعَ المذنبين
فَمَتَى تَظْهَرُ يَا شَمْـسَ الْأَمَانِـــي
عمار الراشدي
.
بدر بالطف غيابه ــ بچت أمه الشبابه
اشتزف منه ــ بلا حِنـّــه
بچت أمه الشبابه
حلم عمـري ــ وغصن صَبري ــ كُبر شفتـه
حِلَه بعينــي ــ ويسلينـــي ــ ذخر ردتــه
حلو رسمـه ــ ألـف بسمه ــ بوسط شفتـه
رمش عينــه ــ يغطينـــه ــ اشعظم بخته
أَمَل روحي ودوه جروحي اسهرت لجلك ليالي
شوكــت تكبـــر وازفنّـــك يگلــب امــك يغالـي
ردت ربي يحرسه ــ واشوف بعيني عرسه
الحسن إبنه ــ بلا حِنـّــــه
بچت أمه الشبابـــه
اسهرت ليلي ــ وتعب حيلي ــ ربه ابحضني
شحلو طوله ــ ولا لــــولــــه ــ بوصف ابني
كُبَــر عمـــره ــ وإجـــه دوره ــ يحامينــــي
نـذر دمـــــه ــ لجـــل عمـــه ــ ويگر عينـي
الحسن راده لبـو اليمه بزمان الطف ينصره
وصيته القاسم اوليده يضحي العمه عمـره
يحد طارف سيوفه ــ يناطرها الطفوفه
يودِعنه ــ بلا حِنـّــه
بچت امه الشبابه
الحرب صارت ــ الكفر غارت ــ علـــه عمــــه
مشـــه القاسم ــ حِمَل صارم ــ وصل خصمه
يقـــاتلهـــــــم ــ ويـوذرهـم ــ نــذر دمـــــه
فـــدا سنينــــه ــ النظر عينه ــ ابــو اليمـــــه
مثل صگر السمه نازل دخل ارض المعاره
أنــه شبل الحسن ناده ابأراجيــز انتصاره
بَطل يمشي ابترافه ــ الحرب عنده زفافه
ولا چَنّه ــ بلا حِنّه
بچت أمه الشبابه
بچــت رملـــه ــ هلـــه اتگلــه ــ يبعـــد امــك
اريـــدنّـــــــك ــ يكـــت منـك ــ نـــزف دمـك
فَرَح عرســـك ــ بَـــذِل نفسك ــ لجــل عمـك
سطـــع نـورك ــ واجـــا دورك ــ تذل خصمك
درت وجهي للِمخيــم صحت طفــو شموعه
ترا القاسم نذر دمه وصعب يحصل رجوعه
خلوده ابدم جروحه ــ وترد للباري روحه
الى الجنه ــ بلا حِنّــــه
بچت أمه الشبابه
طلع جاسم ــ ابگلب ناقم ــ وغضب عينــه
لچن وسفه ــ كثــر نزفــه ــ ابميـــادينــــــه
انگطع شسعه ــ ونزل دمعه ــ عله حسينـه
اجـــه الأزدي ــ رمه اوليدي ــ بشراييــنـــه
اجه الازدي ابحقد گلبه خطف عمره وشبابه
طفح دمه من اوريده وبچه حسين المصابه
ابو اليمه اعتناله ــ بچه وبچفوفه شاله
بوسط حضنه ــ بلا حِنــّـــه
بچت أمه الشبابه
ابو اليمـــه ــ حمل جسمــه ــ الصواوينـــه
حنا ظهـره ــ ويهـــل عبـره ــ عَــله سنينه
تذكــرتــــه ــ الحسن ردتـه ــ يمـــر بينــــه
عله مصابه ــ وعله غيابــه ــ يواسيـــنــــه
الحسن حاضر ترك گبره اجه ايودع حبيبه
عله اوليده كبر جرحه ويهل دمع المصيبه
عگب عينك ولونه ــ وعله الهزل سبونه
تفارگنه ــ بلا حِنــّــه
بچت أمه الشبابه
عمــار الراشــدي
ياخذني الموت ــ وتابوت ــ بسنيني يـروح
ولاشفت الصـار ــ محتـار ــ خويه المذبوح
أيامـــك ودعنــاهـــا
وآنه اختك ياعيناها
مليانه جروح
ــــــــــــــــــــــــــــــــــــــــــــــ
يا خويه أحس بالموت ــ وتابوتي الحزن والهم
خويــه تـدري شيّبنــي ــ منظـــر عاشر امحـرم
سيف جروحي ــ يذبح روحي ــ من ودعتك
يا مذبوحي
صدري مخنوگ ــ محروگ ــ گلبـي لفرگـاك
ساكــن بالعيــن ــ يحسين ــ هيهات انساك
خطفــوهــن كــل ايامك
وعين احلامي واحلامك
مليانه جروح
ــــــــــــــــــــــــــــــــــــــــــــــ
انتظرك بدر ليلـــي ــ تدري ابليلي مايرحم
مخسوف البدر دامي ــ وابگلبي الحزن خيم
بدر ايامي ــ طايح دامي ــ يشرب دمعي
گلبي الظامي
أخذونـــا ابعيــد ــ بالإيـــد ــ ملفوفه حبال
وجروحي هواي ــ والجاي ــ مـا مَـر بالبال
اگبالك خويه يضربوني
تحرگنــي نـــار متونـي
مليانه جروح
ــــــــــــــــــــــــــــــــــــــــــــــ
طافـو بينه ياخويــه ــ اولايه اولايه واولايه
راسك ظل يماشيني ــ وكلمـــا رتــــل الآيــه
گلبي ايأمن ـ جرحي ايسَكِّن ـ واردود ارجع
ابچي واصفن
يابو السجــاد ــ وارمـاد ــ بجفون العين
حزن واوجاع ــ والگاع ــ تچوي الچفين
هالمنظر يشرح حالي
چتالك يمشي اگبالي
مليانه جروح
ــــــــــــــــــــــــــــــــــــــــــــــ
امشي وانظر الراسك ــ وعيونك تحاچيني
وانشاهد غضب وجهك ــ لو واحد يأذينـي
بيهم تخزر ــ بيهم تنتر ــ اتغيم عينك
غيره وتمطر
بدروب الشـام ــ آلام ــ والشمـــر ايطــوف
حول السجاد ــ اوغاد ــ تمشي ومچتوف
طول المسره ايضربونه
سجادك شوف امتونه
مليانه جروح
ــــــــــــــــــــــــــــــــــــــــــــــ
بدروب القهر نمشي ــ ولو شافتنه هالوادم
ابكل ديره يشتمونه ــ ضدنه اتمجد الظالم
وايشتمونه ــ وايضربونه ــ ليش الوادم
ما رحمونه
يرمونه حجار ــ واشفار ــ ياخويه الناس
تمنيت ايعود ــ موجـود ــ يمـي العبـاس
يگلــب بيهـــم هالوسعه
يمسح من عيني الدمعه
مليانه جروح
عمار الراشدي
.
عهد والله ماننسه حسيناه
رفعـة راسي هالخدمه
والمنبـــر صـــدگ نعمه
مـــا عوفـــن ابو اليمه
فخـــر خدمــة امامـي
حالف افني ايامي عله اعواد المجالس
عزتنــه ابشعايرنه ومجالسنــه مدارس
عهد والله ما ننسه حسيناه
بحسين ارتفــع اسمي
عالي ابخدمته نجمي
ابدربه ما يزل جدمي
اتبعت دربه ومشيته
اتعلم عالحزن گلبــي وجــودي من وجـــوده
مو سمعه ولا شهره انذرت عمري اعله موده
عهد والله ماننسه حسيناه
لحسين الدمــــع يجري
والطم هامتي وصدري
خدمـــة منبـــره ذخري
وسبـــب هــذا التزامي
يا شهر الحزن لمـــن يهل دمعاتي تجري
تنشر فاطمه بچفها قميصك دمه يجري
عهد والله ماننسه حسيناه
نحــر حسيـــن ماشفتـه
بـس طف كربله عشتـه
ابصوت النايبـه اخدمته
انذرت عمـــري المصابـه
عاشگ منبر الخدمه ولبو اليمه نصيره
قصة عاشر امحرم تــره اطلابه چبيره
عهد والله ما ننسه حسيناه
حسين السابح ابدمه
خي عونه الذكر اسمه
وينصب چادر الخدمه
وبچه الشيخ العشيره
وانلم السلف كله وندگ للمهدي رايـه
والثارك نسيل الدم قرابين وضحايه
عهد والله ما ننسه حسيناه
والمهدي يجي ابمهره
يلبس غترته الخضره
ياخـذ ثار ابوه العتره
هلــــه ابيــوم العداله
وتمطر عالعدا سهامه وغضب يگطر جبينه
وايشـــن عالكفــر غاره لبـــو اليمــه وبنينه
عهد والله ما ننسه حسيناه
عمار الراشدي
أنـــــه أم النـــــــوح مِلَــه گلبـــي جروح
عاشـــور حسيـــــن ياروحي ــ ياروحي
ـــــــــــــــــــــــــــــــــــ1ــ
آنـــه ام السبــط الثاني جيـــت بمركب احزاني
ودمــوم جروحك بيدي جيت امسحهن يوليدي
عفتـــه التابوتي من عالــم موتي
جيتك وبصوتي
صدى جَرح الصوت إلـــه هزنـــي الموت
جـــره دمـــع العيـن ياروحي ــ ياروحي
ــــــــــــــــــــــــــــــــــ2ـــ
آنــه امــــك يابو الأكبر بميـــدان الطـــف اتعثر
بغروب العاشـــر أمشـي چن شالو بالطف نعشي
والدرب امشيته بنحــرك ضويته
للمصـــرع جيته
لـــن عطــر جــروح من نحـــره يفـــوح
واعرفتـــك ويـــــن ياروحي ــ ياروحي
ــــــــــــــــــــــــــــــــــ3ـــ
يوليــدي بيــوم العاشر جيتك مكسورة خاطـر
من شفتك فوگ الغبره معرفتــك يبــن الزهره
متغيره رسومك سابــح بدمومك
إگعد مــن نومك
بضلعـــي المهشـوم أنـــه جيـــت اليوم
وبِيّــــه مصابيـــــن ياروحي ــ ياروحي
ـــــــــــــــــــــــــــــــ4ــــــ
ملعون الحافر داسـك والمنحـر مابي راسك
واويلـي المنظر يفجع وايمينـك فاگـد اصبع
والخنصر كتره برمــال الغبـره
يوليــد الزهره
صـــدرك ميـــــــدان خيـــول الفرســــان
حِنَــه ظهــري البين ياروحي ــ ياروحي
ــــــــــــــــــــــــــــــ5ـــــــ
يُمّه شلــون يدفنونــك بيـا تابــــوت ايلمــونك
والدفــــان الله يعينــه من يدفن روح سكينه
وليدي موذرينه بدمـه امغسلينه
قربـــان الدينــه
على هـــذا الحــــال جره دمعــي وسـال
فـــــوگ الخديـــــن ياروحي ــ ياروحي
ـــــــــــــــــــــــــــــــــــــ
يبني بعاشور امحـرم أمــك نصبتلك مأتــم
حيدر رادوده اليقــره ينعه ويلطم عالطبره
باچـــر شيعتنـه تحيي مصيبتنه
وترفـــع رايتنـه
مــا تنســـه الثــــــار إلـــه تفـــدي اعمــار
للمهــــــدي اتعيــــن ياروحي ــ ياروحي
عمار الراشدي
بواتــر مِشرِعـــه لحسيــن وانصــار
بدماهـــا اتخلـــدت وايزيـد ونصار
تلاشه ذكره لاچن شــوف ونصـــار
مـــن كـــل گلــــب لنصـــار الزچيه
مسك روضة الجنه يفوح من جون
ابمحبـــت سيِّـــده هالعبـــد منجن
تجيه امن البشر واملاك ومِـن جـن
زوار وتــزوره ابكــــــل مسيـــــــه
يزيــد اللَـــي مشــه خلف المظاهر
كِسَــــب بس اللعــن وگبره مظاهر
وسجـــل بيــده حبيب ابنَ مُظاهر
يِسَجّـــــل زايــــر حسيـــن وأخيّـه
عَلَــيْ كثـــرن نوايـــب حيل نابـت
ومـــن ونّــي حمــام النــوح نابت
يسهـــم اللي ابصدر لحسين نابت
انبتــــت بگلوب كــــل الجعفريـــه
عمار الراشدي