596
غريباً أرى يا غريب الطفوف ... توسد خديك كثبانها
يمه ذكريني اذا مرتــچ زفة شباب
گولي عندي ولد حنته دم المصاب
هلّي لدموع ــ واحني لضلوع
موادع ابخيمــة ربيبــات الهواشم
بيــن رمله وبين ابنها العود جاسم
الوالده اتودع ولدها ابدمع ساجم
وابإديهــا اتسلِّمه الچــف الصوارم
بالخيـــم نايبـــه والحرم تبچي وتنوح
هذا شبل الحسن المصرعه باچر يروح
گلبي موجوع ــ واحني لضلوع
يمـــه آخـــر ليله هذي شلــون ليله
ليلـــة اموادع خليــل اويه الخليله
سنيـن عمري اوياچ يمه مو طويله
وآنـــه ظني حيلــچ ابكبرچ اشيلـه
يمه مــر الهجر والهجــر مثل الغياب
وآنه ادري بعد روحتي عمرچ عذاب
ما إلي ارجوع ــ واحني الضلوع
يمه يوليدي الشهم وسلوة حياتي
ريــت باچـــر يالولـد گبلك مماتي
يا حبيبي ويا نصيبــي وذكرياتي
سيوف اميّه تذبـح ازهار امنياتي
يالعشت بالجــفـــن يمه وابيـن العيون
تمشي عني صدگ يمه جاسم يالحنون
بروحي مزروع ــ واحني لضلوع
يمـــه ردتـــك ذخري والايام شيبي
ايگلهـــا لاتبچين يمـــه انفطر گلبي
اتگلـــه انته شمعتي ومصباح دربي
لاچـــن اوليدي بعـــد ميفيـد عتبي
روح جيب النصر وانصر حسين الغريب
وآنــه ابقه ابحزن راضِيَه ابهذا النصيب
ابگلبي مطبوع ــ واحني الضلوع
رملــه صاحـــت بالخيم طفو شموعه
حـــان جاسم للحــرب موعـد طلوعه
وليدي وسط الحومه لن جثه صريعه
باچـــر انحني مــــن دمه او نشيعـــه
راح ولمــــن برز وفّه جاســـم بالعهــود
وامـــه گالـــت بعد هالولـد ماظن يعود
طفو الشموع ــ واحني الضلوع
طلع جاسم والغضب يجـدح بعينه
مـــا يهاب المـــوت لن ثابت يقينه
وانگطع شسعه ونزل شده ابيمينه
وابنزولـــه سيف الازدي حز وتينه
اتحنــــه من الدمــا ودع امـــه والسنيـــن
شاله صوب الخيم وانحنى ظهر الحسين
شسعه مگطوع ــ واحني الضلوع
عمار الراشدي
شما تمضي بينه الأيام ــ يجمعنه جـــرح الآلام
ينزف يظل نحر حسين ــ ماننسه آلامه
ـــــــــــــــــــــــــــــــــــــــــــــــــــ
دم ونِزَف من النحر ــ طوفانه ظل يجري دهر
ماتنسه أحبابه ــ امصابه ــ مذبوحي
وكلما محرم يبتدي ــ وفقنــي لجلــك سيـدي
منك شتنطيني ــ يكفيني ــ يا روحي
نخدم ابعاشور الحزن وفقنه يحسين
وانردد انشودة جــرح يتنــازف سنين
شهر الألــم نستقبله وابدمعـــة العيـــن
قصة حبيبي المنحور ــ يعرضها مسرح عاشور
وقصة طفل ست شهور ــ خطفوهن احلامه
ـــــــــــــــــــــــــــــــــــــــــــــــــــ
تسري ابدليلي امحبِتَك ــ وكل الجوارح نادِتَك
من حبك ارويني ــ يا ديني ــ واسراره
آنـه المنابر موطنـــي ــ واعليها ظهري ينحني
وابليلي وانهاري ــ اعباري ــ تتجاره
يا معجـــزة راس برمح من يقــره قرآن
أحياني حبــك سيـــدي وابگلبي عنوان
واتفاخر آنه بخدمتك لن صار الي شان
صدور و مهج والأرواح ــ بس بالمجالس ترتاح
وام الحسن نعــرف راح ــ تشفع خطايانه
ـــــــــــــــــــــــــــــــــــــــــــــــــــ
لسيوف ما عدها علم ــ للموت نحرك يبتسم
للباري قربانه ــ شريانه ــ وادمومه
ياوصفه لجروحي دوه ــ اتنفسك گبل الهوى
وامتانيَه ايامك ــ خدامك ــ مهمومه
يكفيك إسمك بالعرش واللـوح مكتوب
يحسين مثلك ماشفت يا اغله محبوب
عاشور أيامــه سهـــم وايصيب الگلوب
لا سمعـــه رايد لا صيت ــ لحسين خادم ناديت
امشينه بنهج اهل البيت ــ وللزهره لطامه
ـــــــــــــــــــــــــــــــــــــــــــــــــــ
يجرح مصابك كل گلب ــ وانجوم واقمار وشهب
بالسما متغيره ــ حمره ــ حزنانه
ومتحزمين الخدمتك ــ خدامك إحنه وشيعتك
هالخدمه روحيّه ــ قدسيّه ــ ابدنيانه
أضويلك سنينـــي شمــع يا سيـــد النور
كل عمري لمصابك وقف وايامي عاشور
مايكفـــي لو نجري الدمع لعيونك بحور
إشرب مدامع عينـــاي ــ يالماضگت گطرة ماي
يا أمل روحي ودنياي ــ كل عمري وايامه
ـــــــــــــــــــــــــــــــــــــــــــــــــــ
لمصيبِتَك شاب الرمش ــ مو منبر انصبلك عرش
وانواره وهّاجه ــ يا تاجه ــ وسلطانه
اتمنى ألطـــم للصبح ــ فوگ الصدر أطبــع جرح
والصدري وسّمته ــ واجعلته ــ نيشانه
إحنه المجالس بالدمع نحييها كل عام
هـــاي الحسينيّه وقف ولطفالك خيام
وشكراً على هذا الجمع يا أهل حچام
بين الخدم رفعت راس ــ وارفعتو راية عباس
للمذهب اشجـع حراس ــ قرية الحچامه
عمار الراشدي
نذرت سنيني ــ ومدامع عيني ــ خدمتك ديني
يا حسين ــ يا حسين
بچه المذبح عله المنحر بچت عين البواتر
ارتفـع صوتك يبو اليمه ألا هـل من مناصر
يبو سكينـه وحـگ عينك عمرنه كله عاشر
تحزمنــه ابشغــف حبنــه لإحيــاء الشعائر
رفعنه الرايه ــ وعرفنه الغايه ــ صدى الوفايه
يا حسين ــ يا حسين
شتظن بينه التعب يمضي فلا نتعب يغالي
مآتمنــه نصبناهــا ولطــم صـــدره الموالي
وترف رايـــة مجالسنــه يظل بيرغها عالي
وحناجرنـــه نذرناهـــا وتصيـــح ابهالليالي
سليبه اثيابه ــ عجيب امصابه ــ واصيح ابابه
يا حسين ــ يا حسين
قسم نقسم يبو الاكبر طريقــك مــا نعوفه
عزائك ننتظــر يومـــه ونرتبهـــا الصفوفـه
طفل يبچي عله اطفالك يبو اليمه نشوفه
وملاييــن اعتنت گبــرك ابمدامعها تطوفه
قتيل العبره ــ حبيب الزهره ــ شهيد العتره
يا حسين ــ يا حسين
نذر نـــاذر اشـــد گلبي علگ فـوگ المنابر
يبو اليمه وصدى صوتي يداويها الحناجر
ولا اريدن مسراتي احب كســر الخواطـر
مصابك عايش بروحي ودليلي والمشاعر
خضيب ودامي ــ غريب وظامي ــ جرح آلامي
يا حسين ــ يا حسين
ظلام العاشـــر ويومـــه اشوفه ابكل محرم
واشوف الدنيه حزنانه واشوف العالم اظلم
محــرم انظـــر اهلاله احس موتــي تحتــم
وسف ريحانـــة الهادي تخضب شيبه بالدم
واشوفن زينب ــ عله التل تنحب ــ وخدرها اتسلب
يا حسين ــ يا حسين
حزن عاشور اشد ناره ابگلب حامي الشرايع
ابألف حسره بچه المهدي وگعد يم المصارع
يزور المذبـــح ويقــــره المقاتـــل والفواجـع
بجفــن دامي علــه جـده جـرا سيل المدامع
ينادي المهدي ــ وداعاً جدي ــ واناطر وعدي
يا حسين ــ يا حسين
يجي المهدي الگبر جده ابحزن روحه وألمها
ويزور انصـــار ابو اليمـــه ومناحرهم يشمها
ايتذكـــر زينب الحـــره التشب نــار ابخيمها
ابيتامـــه العتـــره محتــاره تحاميها وتلمهـا
ودمعها اتسيله ــ الكفيل العيله ــ وداع الليله
يا حسين ــ يا حسين
طلــب منكــم اعذروني بقت آخر ضحيه
عزيزة گلب ابو اليمه المشت عگبه سبيه
عســن تقضــي حوائجنه شفيعتنـه رقيه
سلام الله علــه الطفله الغريبه الفاطميـه
الچ مولاتي ــ ابث حاجاتي ــ ارفعت صرخاتي
يا حسين ــ يا حسين
عمار الراشدي
اظهر يا مليك الثار ــ طالت سيدي الغيبه ــــــــــــــــــــــــــــــــــــــــــــــــــــــــــــــــــ
يا نهر الوفه الجاري ــ طالت سيدي الغيبه
لغيابــك تشب ناري ــ طالت سيدي الغيبه
سالت لجلك اعباري ــ طالت سيدي الغيبه
تشبــه زمـزم الاعبار ــ طالت سيدي الغيبه
ــــــــــــــــــــــــــــــــــــــــــــــــــــــــــــــــــ
دمعي ايحفر ابخــدي ــ طالت سيدي الغيبه
شوگي لشوفة المهدي ــ طالت سيدي الغيبه
ما ظــن الصبر يجدي ــ طالت سيدي الغيبه
واصبرنه صبر ماصـار ــ طالت سيدي الغيبه
ــــــــــــــــــــــــــــــــــــــــــــــــــــــــــــــــــ
يا يوم الفرج مــدري ــ طالت سيدي الغيبه
حسره ظلت بصدري ــ طالت سيدي الغيبه
يالمهدي ونفذ صبري ــ طالت سيدي الغيبه
يمته تكشف الأستـار ــ طالت سيدي الغيبه
ــــــــــــــــــــــــــــــــــــــــــــــــــــــــــــــــــ
لن صار الحزن ثوبـي ــ طالت سيدي الغيبه
وتعثر جدمي بدروبي ــ طالت سيدي الغيبه
وين الغالــي محبوبي ــ طالت سيدي الغيبه
يايــوم اليــــرد للــدار ــ طالت سيدي الغيبه
ــــــــــــــــــــــــــــــــــــــــــــــــــــــــــــــــــ
واغيابك هدم حيلــي ــ طالت سيدي الغيبه
عيني امساهره بليلي ــ طالت سيدي الغيبه
اشكي وگلبي يشكيلي ــ طالت سيدي الغيبه
وابگلبــي تشب النــــار ــ طالت سيدي الغيبه
ــــــــــــــــــــــــــــــــــــــــــــــــــــــــــــــــــ
ماظل واحد انحشمــه ــ طالت سيدي الغيبه
مهدينه انحجب رسمه ــ طالت سيدي الغيبه
لو بس عطــره نشتمــه ــ طالت سيدي الغيبه
ننثـــرله الـورد نثـــــــار ــ طالت سيدي الغيبه
ــــــــــــــــــــــــــــــــــــــــــــــــــــــــــــــــــ
عاشرنه الحزن والهم ــ طالت سيدي الغيبه
تظهر يمتــه مانعلـم ــ طالت سيدي الغيبه
لا ما ننسه سيل الدم ــ طالت سيدي الغيبه
تاخذ ثار ابو الاحرار ــ طالت سيدي الغيبه
عمار الراشدي
.
يا بويـــه نـــاوي اعله السفر
وبروحتــــك اشبــــــع قهـــر
يالرايـــد تروح
وياك اخذني ــ وياك اخذني
يبويه انويــت للمســـره ــ وتاخذ كـــل اهـل بيتك
واشوفن ترزم ظعونــك ــ انشدت جاوبني ياريتك
اشعجب تاركني بالغربه ــ يبويــه الغالـي حاچيتك
وانه ابگلبي الف حسـره ــ بدموع الناظــر ابچيتك
يخذلنـــي جدمـي الما نهض
انشـل او ثگــل مــن المرض
ودلالي مجــروح
وياك اخذني ــ وياك اخذني
عسن طيف الحصل بيّه ــ وابويه ايگلي ما سافــر
وسف احلامي خذلتنـي ــ وبقيت ابكسرة الخاطر
ردت لـــو بس اثر الهـــم ــ ردت لو بس أثر حافــر
واشوفـــن ويـن منواهم ــ وسف غابــو عن الناظر
درب الظعـــن منــي اختفـه
وادمـــوع عينــــــي نازفـــه
واتسله بالنوح
وياك اخذني ــ وياك اخذني
ليالــــي مـــرت او ايام ــ وحيده حايــره ابعلتــــي
ولا طارش وصل منهم ــ يحل موضـــوع مشكلتـي
ابويه حسين ما مرني ــ ونشد عن حالتي وصحتي
الامل بالله يرجعولــي ــ اظنهـــا اتطــــول سالفتـي
يــا ربـــي تعلـــــم قصّتــــي
يـــا ريــت تقبـــــــل دعوتـي
واتريِّح الروح
وياك اخذني ــ وياك اخذني
عليله وحيـــل ما بيّـــه ــ أروحــن وانشــد الوادم
بفراش المرض جسمي ــ گلبــي امفطـــر او واجم
نسيت ايامـــي وآلامي ــ لأبو اليمـــه الگلب هايـم
عزيز وراح مـــن عندي ــ وطريق افكاري متزاحم
واتمــــر علــــه بالـــي صـور
نـــار وعطــــش دم ونحــــر
وحسين مذبوح
وياك اخذني ــ وياك اخذني
بعد ما ايّسِـــت منهـــم ــ وابويه حسين ما شوفه
لن يوم وطرق سمعــي ــ خبر مــن جانب طفوفه
اسمعت اصوات تتباچه ــ الكلام النـــاس ملهوفـه
اسمعت گالو ابو فاضـل ــ وگـع وامگطعه اچفوفه
ذبحـــوه سبـــــع الگنطــــره
وحسيــــن حـــزّو منحــــره
عالغبره مطروح
وياك اخذني ــ وياك اخذني
اعرفت ولياني وذروهم ــ واخيــــام الحرم شبت
اعرفت نسوة بني هاشم ــ بيـــوم العاشـر انسلبت
واجساد وجثث صرعـــه ــ بوادي كربلـــــه ظلــت
وعيون السمــه اعليهـم ــ دماء امن الحزن مطرت
عيني بچــــت واتمحنِـــــت
واتمرمـــــرت واتعــــذبِـــت
ظل صوتي مبحوح
وياك اخذني ــ وياك اخذني
عمـــار الراشـــدي
.
رَد للخــيـــام ــ حسين ميمونه
بظهره لسهام ــ ودمعه بعيونـه
اتلگته الحـره ــ زينب ابعبـــره
اتحاچـــي ميمونــــه
لَمّن رجــع مهـر حسين ــ گاصد لصوب عياله
ملوي السرج كله دموم ــ مِتغَيـِّــره أحوالــــه
ياساتر شعنــده اخبــار ــ عالي صهيله شماله
اتلگته الحـره بعبــرات ــ واتسألـه عـن خيّاله
يالمهـــر هــاا ــ حسين چاوينه
بحســره تتنـا ــ ارقيه واسكينه
صَدَّت ابنظره ــ زينــب ابعبــره
اتحاچـــي ميمونــــه
باصرني شنهــو المستور ــ شــو منفجــع علامـك
يالمهـــر وحــــدَك ردّيت ــ لينـــه تجـــر بلجــامك
اتنادي الظليمه بحسرات ــ واشماله محني هامك
خبرنــي هــا يالميمـــون ــ واعليك اسوم ايمامك
بعبــره وبنوح ــ عايــــن لزينــــب
عفته مطروح ــ حسينچ امخضب
هِوَت عالغبره ــ زينـــب ابعبــــره
اتحاچـــي ميمونــــه
إبن امـــي للحومه راد ــ يطلع اجـــه ودعنـــي
وصّاني بعيالــه وگـال ــ ياخويه سمعـي منــي
منهو اليقدم الميمــون ــ لسوح الحرب متعنـي
جبت المهر ليه وجيت ــ بدمعي ومرارة حزني
بدمــع العيون ــ يالمهــر جبتـك
لبن الاطيــاب ــ حسين قدمتك
ابألم وبحسره ــ زينــب بعبـــره
اتحاچـــي ميمونــــه
بموقف حزن مهر حسين ــ لزينــب يبث احزانه
امليت الحوافــر بدمــوم ــ من ارمحت عدوانه
صدّيت عنـــه الرميـــات ــ لاچن نضـح شريانه
واتخضبــت مـــن ادمـاه ــ حين الهوى بميدانه
جيت اواسيچ ــ وانتي مفجوعه
وآنـــه أدريـچ ــ ناطــره ارجوعه
بحالتــچ أدره ــ زينــــب ابعبــره
اتحاچـــي ميمونــــه
بيـن الحيــا وبيــن المـوت ــ عفتــه ابحــرار صوابه
متغســل ابفيــض ادمــــاه ــ دم الوريـــد اخضـــابه
منظر فجعني وهل جيــت ــ اعرف تگولـي شجابـه
شفت الشمر صوب حسين ــ سل سيفــه من اگرابه
لَحّگي ابسـاع ــ لايحز نحـره
هـذا الـــوداع ــ وآخر النظره
ويلي يالزهره ــ زينب ابعبره
اتحاچـــي ميمونــــه
كلمات عمار الراشدي
.
ليلي بجناحه حملنـي
جاوبــت لمـن سألنــي
رايـــح العمري ادفنــه
عمري بوداعه جرحني
يليلي .. إخذني الكربله ابجنحــك يليلـي
يليلي .. أظــن مابــي نبض واگف دليلـي
يليلي .. مصيبـــة كربلـــه هدتلـي حيلـي
يليلي .. حزينه نجومك اتنوح العويلي
نوصل وشوف المصيبه
والـــدي جثـــه سليبـــه
لســـه تتنــازف جروحه
مهجــة الهــادي وحبيبه
وصلنه .. المصـــارع اخوتي وناسي وصلنـه
وصلنه .. عجـــايب شفنه وابچينــه ولطمنه
وصلنه .. اسمعت بين الجثث مجروحه ونه
وصلنه .. بونينـــه ايناغــي عبد الله طفلنـه
خويه يـــا خويه يغالي
نايـــم ابحضــن الليالي
والهـوى يلچم جروحك
والمهـــد خليتـه خالــي
اجيتك .. يبويــه حسيـن بدموعي اجيتك
اجيتك .. الــف آه او ألــف وسفه اشلگيتك
اجيتك .. گبـــل لا دفنك ابچيــت ونعيتـك
اجيتك .. نحــر عطشان وابدمعــي رويتك
حاير ابجسمه اشيِـلِمّــه
جثِّتَــه ما بيهــا عظمــه
تالـــي لميتـه ابحصيره
نوبه احضنه نوبه اشمه
دفنته .. ابويـــه الغالـــي بچفوفي دفنته
دفنته .. وعفت عبد الله نايم فوگ جثته
دفنته .. بمسيــل دموعي لصوابه غسلته
دفنته .. وگبــر يـــم رجلــه للأكبر حفرته
دمعي للأكبر بچالـــه
يا رسول الله بجماله
وانتثر عطـر الشهاده
نوره مـن نحره تلاله
مصيبه .. جريت اعله الگمر دمـع المصيبه
مصيبه .. بچيـــت وعمي الگبره اشيجيبـه
مصيبه .. وذر صايــر ابو فاضــل عجيبـــه
مصيبه .. ولگيت اچفوفه عالشاطي قريبه
وينه طوله والضخامه
امهشمه كلهن عظامه
فدوه ليساره ويمينـه
ابگبره للخــوه علامه
شموعه .. رحت صوب الطفت بالطف شموعه
شموعه .. طفــت شبل الحســن ماتـم رجوعه
شموعه .. اعلگتهـــن مـــن دفنتــه يم ضلوعه
شموعه .. چوتنـــي وهيجــت جفني ودموعه
واحفرت حفره بديــّـه
ضمّـــت انصار الزچيه
بدمعِتِي قريت الزياره
ودعتــهـــا الغاضريـــه
كلمات عمار الراشدي
اللحن : دمعة مسافر
للرادود : محمد الجنامي
يــــا خويــــه ينــــور العين
نايــــم عالرمــــل يحسيــن
ليلــــة وحشـــه ليلـــة بين
عاشـــور اشعمــــل بِيـــّـــه
يـــا خويــــه يبــــو السجاد
طايـــح وسفـــه بين اوغـاد
واضياغمنـــــه بس اجسـاد
فــــوگ الغبــــــره مرمِيــّــه
ياعملـــت بنـــــي سفيــــان
والله اتشيــــب الرضعــــان
وحسيـــن انذبـــح عطشان
ودمــــه الســـال جارِيـــّـــه
لا غيـــــره ولا شيـــمـــــه
حـــزو منحـــــر فطيمــــه
مــن رد طفلـــه للخيمــــه
طاحـــت امــــه مغشِيــّـه
مطـــروح وسكـــت حســه
وبصـــــدره طبــــع رفســه
ابجسمه جروحـه متكدسه
فـــوگ الــــف وتسعــميــّه
سهــــم امثلــــث ابگلـبـــه
وابجسمـــه ألـــف ضربـــه
وللحافـــــر صبــــح دربــه
روحه ايسحگــه والجيـّــه
گطعــــو خنصــره العدوان
ظـــل اموســـد التربـــــان
اجونــه وحرگــو الصيوان
چيـــــف ابــدون راعيـّـــه
بــاچــــر خويـــه يسبوني
عـــالهِـــــزَّل يركبــــونـــي
يـــا هاشــــم دحــاچونـي
ما واحـــد يصــــد لَيــّــــه
قاسيــــت الظلــم ألـــوان
محـــد ظــــل من الوليان
بس سجـــادك او وجعان
يتوچــــه اعلـــه عوچيـّه
ذبحــــت كربلــــه الغالـي
وراســــه عالرمـــح عالي
امـــودع خويـــه يالوالي
واختــك تمشــي مسبيّـه
عمار الراشدي
.
مسلـــم اتذكــر حميده
گبـــل لا ينحـــز وريده
مَر العمر ــ فوگ القصر
مسلـــم اتذكـر حميده
بابا بابا ــ كلمه حلوه من لسان الطفله تطلع
بابا بابا ــ والأبــو يفرح اذا هالكلمــه يسمع
والد وشوگـــه يشوف ابنيته
ويسمع حچايات شمعة بيته
بينهـــا وبينــــه مسافـــــه
مـــا سمــــع چلمـــة ترافه
حن اشكثر ــ فوگ القصر
مسلـــم اتذكـــر حميـــده
ورده ورده ــ چانت اتفوح اعله ابوها وبيها يفرح
ورده ورده ــ ذبلــت ايامـــه وهجر احبابــه يذبح
اتمنى ريت الطفله بين احضانه
ويحچي الها كل قصص احزانه
من بعـــد طـول انتظاره
مسلــــم ابقصــر الاماره
مُر الهجر ـــ فوگ القصر
مسلـــم اتذكـــر حميده
لحظه لحظه ــ مرت ابعينــه حياته و ذكرياته
لحظه لحظه ــ عينه متفارگ حميده كل حياته
مسلم الرّباهـــا بيـــن عيونه
من عزيزة مهجِته ايحرمونه
راحــــت العشره وأهلهـا
وانگطع وصله او وصلها
انفل الصبر ـــ فوگ القصر
مسلــــم اتذكــــر حميــده
طفله طفله ــ اشيگضي إلها هالعمر من دون ابوها
طفله طفله ــ زغيـــره وابعمـــر الـــورد واتيتموها
چانت ابليل الحزن تضويله
نجمه نوبه ونوبه گمرة ليله
عالغريــب الفاگـــد اهلـــه
السيــف ابن مرجانـه سله
سيف الغدر ــ فوگ القصر
مسلــــم اتذكـــر حميـــده
عينه عينه ــ تشوبح الدرب الظعن ساعة منونه
عينه عينه ــ غَمِّضَت ما شافها الطفلــه الحنونه
عمره مافارگها مثل اخياله
حـــال بينــه وبينها چتالـه
طفله لـــن ذبحو ابوهــا
عذبــــوه وعذبـــوهـــــا
أهل الكفر ــ فوگ القصر
مسلــــم اتذكـــر حميده
روحه روحه ــ مرت ابهودج حميده وشاف بنته
روحه روحه ــ طافت اعليهــا ولگه المدمع تِكِتَّه
لن گلبها احساسه ماخيّبها
حسّت ابعطــر الابو يگربها
نادت الطفله ابدربهـا
اشتاگ للوالـــد گلبها
عدها العذر ــ فوگ القصر
مسلـــم اتذكــــر حميـــده
عمار الراشدي
ذُكـرُ الحسين مدى الزمان يُذكَرُ
(هذا الحسين وبالحسينِ نفخرُ)
أنهارُ دمعــي سرُّ مجراها لمـنْ
ولمن كفوفي تلطمُ طول الزمـنْ
هذا الحسين له بنى قلبي وطن
(حـب الحسين بكل قلبٍ يكبُرُ)
ولنحــرِكَ لحــنُ الجـراح شدَوتُـهُ
ولقبــرِكَ بيــتُ الحجيـج جعلتـه
ولطفلــك العطشانُ يـومَ حملتـه
(ووهبت رب العرش طفلاً يُنحَرُ)
ألقــاكَ نبضاً فـــي فؤادي ينبُـضُ
ألقــاكَ رأساً فــوقَ رُمــحٍ يَنهـضُ
ألقــاكَ حــــراً للعبيــــدِ يرفــــضُ
(بل كان فيكَ المجدُ دوماً يفخرُ)
ولطمت خــدي باكيـــاً لخضابــهِ
ونذرت عمـــري خادمــاً لتُرابـــهِ
ورفعــت صوتي ناعيـاً لمصابــهِ
(هذا الذي أفنى ملوكاً سيطرو)
يـا ثاويـــاً فــوق الصعيـد مُقَطَّــعُ
يــا ظاميــاً وبجانبـيــــهِ المنبــــعُ
ينـسابُ دمـع الحزنِ حينَ أسمــعُ
(إسم الحسين على المنابر يذكرُ)
فـــي كـــلِ أرضٍ للحسيــنِ مأتـمُ
فـــي كـــل يـــومٍ للحسين محرمُ
نمضـــي ويبقــــى ذكره لا يُعـدَمُ
(ينهـــارُ جيـــلٌ ألـفُ جيلٍ يظهرُ)
كلمات عمار الراشدي
الابيات بين الاقواس
لشاعر أهل البيت دعبل الخزاعي
حرگوها الخيم يحسين
يا خويــه ولفانــه البين
وارمـــاد الجمــر بالعين
مــن دخانــــه معميـــه
ابن امي انذبح عطشان
وشبـــو بالخيــم نيران
واتعاله بچي الرضعان
بالطــــف ونواحــيّــــه
ريتك خويه يا عباس
يمنه ابولية الارجاس
واتهز الرمح والطاس
ويـــن ابــن الكلابيـه
صاحو بالخيـم فرهود
ريتك يالگمـــر موجود
تضوي هالليالي السود
واتشوف الحصل بيه
تدري فـرت الاطفـــال
عگبــك خويه يالكفال
وابسوطه اجه الچتال
خله امتونـــي مدميه
مرينه ابجثث عاشـور
من عدهـــا يشع النور
لن خنصر شفت مبتور
گطعــــو نحــره راعيه
دارت بينــــه هالايـــام
ومسبيه اطلعت للشام
خويـــه ابوليـة الظلام
زينـــب تالــي مسبيــه
عمار الراشدي
اللحن : شرفية الحداد
السيد عصام الهاشمي
يوليدي البالطف مغـدور
عمرك ما تم ست شهـور
هالشيبني ــ موتك يبني
عمرك ما تم ست شهـور
آنه امك عُمُـــر يوليــدي تانيتك
وما بيــن الرمش والعيـن ربيتك
برحابة حظني وابدلالي ضميتك
تِغِيــب ابهالعجاله يبني مدريتك
صـــوت امناغاتـــك بالبال
يالساكـــن وســط الــدلال
خَيّب ظني ــ موتك يبني
عمرك ما تم ست شهــور
افز مرعوبه لــو فزيت من نومـك
واناغيلك واشم يوليدي بهدومك
چنــت اتسله لمـن انظر ارسومك
ولا ظنــي تسيل ابكربله دمومك
من حظني يبني خطفوك
وابسهــم المنحر فطمـوك
زَيَّد ونــي ــ موتك يبنــي
عمرك ما تــم ست شهور
لٲبــوك ابكربلــه سلمتـــك ابإيدي
مـا اگدر اشوفك ظامــي يوليدي
گرب وكــت المنيه يمه واشبيدي
عسن دونك ييمــه حـزو اوريدي
يلفيني يــا ريت المـــوت
دونـــك شالونــي بتابوت
شالك منـي ــ موتك يبني
عمرك ما تـــم ست شهور
رماك ابرگبتــك لــن حرمله ابسهمه
رضيعــي ابيا ذنــب يتخضب بدمه
طفت بالطف عن عيوني اعز نجمه
الرماك ابلا وجـــل لا ذمــه لا رحمه
رمـــاي الكوفــه اتعنـــاك
ســـدد نبلاتــــــه وأرداك
وامعذبني ــ موتك يبني
عمرك ما تــم ست شهور
سطــــع جيدك بياضــه چالبدر لاله
طفــت نــوره وسافــه رميه چتاله
رمــى دمــك ابوك وللسمــــه شاله
على غيابــك تگطع گلبي واوصاله
عبد الله وزهـــرة دنيــاي
سهمك گطـــع لـب حشاي
وامدوهني ــ موتك يبني
عمرك ما تــم ست شهور
اهـــز ابمهـــدك وشفت المهد خالي
وصفيــت ابغيبتك دمعاتـي تبرالي
فگــدت اثنين غالي اغله من غالي
وسهــم فرگاهم ابكل ساعه چتالي
غابـــو بالطف اغلــه اثنيـن
عبد الله الظامــي وحسين
جمرة حزني ــ موتك يبني
عمرك ما تـــم ست شهــور
عمار الراشدي
في عبد الله الرضيع ع
بين المهد بين السهم ــ أتجَرّع الهَم و الألم
جرح الولد مــا يلتام ــ يوميه بي مذبوحه
آنه امك وهزنـــي الحنيــن ابهاليوم
تدري انهضـم لَمّن يجي وكت النوم
من شبگة احضانــي ييُمّــه محروم
تاليهـــا بسهـــام النوايـــب مفطوم
لَمّن أعايـــن عالمهـــد ــ أتذكر ارسوم الولد
وجهك مثل بدر التام ــ يوميه بي مذبوحه
ابحضن الرمال اتنام مو حضن امك
عطشــان يـوليدي وسگـــوك ابدمك
مـو ثغري لــن ذاري التـراب ايشمك
مو چفي لـــن چف اللحـود اينومك
أتخيّله ابليلـي نجـم ــ تمنيت بنفاسه أشم
والعطر ذيچ الأنسام ــ يوميه بي مذبوحه
عذبنــي يــا نــاس الولـــد بفراگــه
مشتاگــه والله لشوفتــه مشتاگــه
مــا ظــن بعد مـا ظـــن بعد نتلاگه
ولا شوف بعيـــون الفجـر مشراگه
مـا يِرِد وسفه مـايرد ــ عبد الله نايم باللحد
يلفيني بس بالأحلام ــ يوميه بي مذبوحه
يذبحنـــي يوميــــه سهــــم چتاله
وبعينـــي كـــل ساعـه يمـر اخياله
مــن شوفتـــه گلبــي گطـــع آماله
لاميتـــه آنـــي وظَلِتـــي بهالحاله
مفروض وياكم متـت ــ ياريت عگبك ماعشت
تدري الهجر چن صمصام ــ يوميه بي مذبوحه
مـــن والـــدك شالـك يطالـــب بالماي
صابــك سهـــم أشـــرس وأنذل رَمّاي
ويــلاه سدد رميِتـَــه ابلــــب احشاي
ومـــن گطع نحرك گطع فرحة دنياي
سدد سهم چــف الظلم ــ تالي الطفل بي منفطم
فطموك وشلون افطام ــ يوميـــه بـــي مذبوحه
ويــلاه مـــن حرملـــه ابهمـــي ناديــت
طفيـــت مصباحي اليشع وسط البيت
ظليــت اهـــز بالمهـــد تالــــي ظليــت
والمهـــد خالــــي ريـــت ميتــه ياريت
خالي المهد وابني رحل ــ يايوم يدناني الأجل
ياريــت تگصـــر الايام ــ يوميه بي مذبوحــه
عمار الراشدي
.
باچر بالحشــر ــ هالخدمه ذخر
مضمون الأجر ــ واتنول الأمان
خدام الحسين
يالخادم عظيمه الخدمه مانحصي فضلها
والدمعـــــه تغســـل اذنوبنـــه لمـــن نهلها
يالخادم هدف بنت النبـــي خاتــم رسلهـا
اتبعدك عن طريق المنكـــر وتتبــع نسلهـا
العتره سندي ــ حبهم مقصدي
بيهـــم نقتــدي ــ ترفــع هالأذان
خدام الحسين
يالخادم عمرنه شما طُوَل كل احنه ميتين
خـــل نتبع طريق الزهره والعتره الميامين
نحافظ عالصلاة الواجبه عامــــود هالدين
أدّاها بوقتهــــا بكربله من صلــــه الحسين
لازم نتعــــض ــ مانترك فــرض
عالشر ننتفض ــ ماترضه بهوان
خدام الحسين
يالخــادم تعاليـــم الشــــرع نتبعهـــا لازم
ونتبع مصحــف المعبود والعتره الٲكــارم
والظالم نرفضه الچفــــه واجب ما نسالم
ونحيي ذكر اهل بيت النبي وننصب مآتم
جرحك لايطيب ــ ولايبطل نحيب
لحسين الغريب ــ لو عاشوره حان
خدام الحسين
يالخادم اذا تلطـــم تشوفـــك ام الاطهــار
واتعايـــن على عيونك اذا هليــت الاعبـار
صفيها النوايـــا وفاطمـــه تضمنلــك الدار
دار الآخره وتكشــف عن احوالك الاخطار
والمنبــر دروس ــ يحيها النفوس
عالباطل ندوس ــ والحگ ابلسان
خدام الحسين
كل خادم نعرفه من صلاتــه ومن صيامه
واجب يلتـــزم بيها وسبـــب رفعة مقامه
واكثر يرتفـــع شانه ابفضل ســر الخدامه
والخدمه هدايـــه والاجــر يـــوم القيامه
وبيـوم الوعيد ــ هالخدمه رصيد
والخادم سعيد ــ تحشر بالجنان
خدام الحسين
خدام الحسيــن ايبــارك البـــاري بسعيها
واتنـــول الشفاعه باچــــر ابلطمت اديهـا
نبيع ارواحنه والخدمـــه بالــدم نشتريها
احيـــاء الشعائـــر يسعـــد العتره ونبيهــا
للمجلس نـروح ــ نلطم عالجروح
عالعتره ننـــوح ــ والمنبـــر مكان
خدام الحسين
عمار الراشدي
وَدَّعنـي او ودعتـه ــ تجري دموعي سكته
وَصّه حسين وگال ــ عينــچ عــالاطفــــال
يــا زينــــب ـــ يــا زيـنــــب
ليل المصيبه مــن ظلامـــه خيّم
حــان الموادع والفــراگ اتحتـم
يگلي يخويه والگلب صابه الهم
باچر اخوچ اعله التراب امخذم
وابلا حامي اووالي ــ تبگين اَويه عيالي
لــو عصفت لهـوال ــ عينــچ عالاطفــال
يــا زينــــب ـــ يــا زيـنــــب
حسيـن الغريب ابعيـلِـتَـه وصانـي
بحسره وألـم سبط النبي حاچاني
گلـي يزينب مــن يشـب صيواني
امـن النـار باچــر تنذعر رضعانـي
چن عيني تشاهدهم ــ يتعثرون بهمهم
لـــــو راح الكـفــــال ــ عينچ عالاطفال
يــا زينــــب ـــ يــا زيـنــــب
باچـــر تشوفينـــي يزينب مچتـول
تشوبح على الكافل عيون المكفول
مـن يهجم العسكرعليكـم وايصول
احمي اليتامـه مـن حوافر لخيـول
يرعبهم هالمنظــر ــ خيل ونار وعسكر
هالعسكر لو صال ــ عينـــچ عالاطفـال
يــا زينــــب ـــ يــا زيـنــــب
هالارض باچــر ترتــوي امن ادمانه
واطفالــي تصبـح خايفـه وحزنانـه
ابدمـع المصيبـه عيونهــم غرگـانـه
وانتـي يزينـب بــت علـي حيرانـه
بين ايتام وخدر ــ بين النـار التسعر
لو شفتي الچتال ــ عينـچ عالاطفال
يــا زينــــب ـــ يــا زيـنــــب
عيون اليتامه اتظل تسيـل العبره
شلون اليتيم ايشاهد اعلـه الغبره
طايح ابــوه وصعبـه مــن اينظره
يتمنـى يحتضنــه ويضمه لصدره
صَبريهم صَبريهم ــ عاللي صــار اعليهـم
وابكــل الاحــوال ــ عينـــچ عالاطـفــال
يــا زينــــب ـــ يــا زيـنــــب
اتطلعيــن باچـــر للسبــي ويايـه
راسي يماشيـــچ و يرتــل آيــــه
امن اولايه يسبـوچ العـدا لولايه
تمشين صوتچ إبا وصبرچ رايـه
عدواني يهابونچ ــ بت حيدر يدرونچ
بدروب الآجــال ــ عينــچ عالاطفـال
يــا زينــــب ـــ يــا زيـنــــب
كلمات عمار الراشدي
.
لايوم كيومك ــ لا يوم كيومك
يا ابا عبد الله ــ يا ابا عبد الله
سيدي باب النجاة ــ كهــف أسرار الحياة
يا اسير الكربـــات ــ يا حبيبي يا حسين
جئتَ للحقِ كليــم ــ وبمــا يجــري عليم
وصراطٌ مُستقيـم ــ نورُ عيني يا حسين
مظلوماً ننادي ــ مظلوماً ننادي
يا ابا عبد الله ــ يا ابا عبد الله
روحُكَ الطهرُ سمت ــ والى الخلد اعتلت
والسماواتُ بكـــت ــ ببكـــاءٍ مـــن دماء
للورى كهفُ الــورى ــ ولــك الدمـع جرى
يا صريعاً في الثرى ــ يــا شهيــدَ كربلاء
للحشر ِندائـي ــ للحشرِ ندائي
يا ابا عبد الله ــ يا ابا عبد الله
نحنُ لا ننسى الحسين ــ دمعة في كل عين
صوتُهُ فـي الخافقيـــن ــ شاكياً فقدَ النصير
قُلـــتَ كــلا ليـــزيـــــد ــ حـــرُّ والقومُ عبيد
يا حسيـنُ يـــا شهيد ــ صاحبُ الخد العفير
شمسُ المَكرُماتِ ــ شمسُ المَكرُماتِ
يا ابــا عبـــد الله ــ يا ابــا عبــد الله
أنتَ سلطـــانُ القلوب ــ ومنـــاراً للــدروب
وصبوراً في الخطوب ــ يا قطيع الودجين
يا مليـــكَ المعجــزات ــ وقتيـــلَ العـبرات
وشفيعي في الممــات ــ يا سليل الأكرمين
ســـرُّ الانبيـــاءِ ــ ســـرُّ الانبياءِ
يا ابا عبـد الله ــ يا ابا عبد الله
عروةُ الله المضـــام ــ سيدُ الطفِ الهمام
في نواويس الحمام ــ ثاوياً دامٍ خضيب
يا غريـــب الغربـــاء ــ يا قتيــل الادعياء
يا شهيـــد كربــــلاء ــ يا وحيداً يا سليب
يا مسك الختام ــ يا مسك الختام
يا ابا عبـــد الله ــ يا ابا عبـــد الله
عمار الراشدي
.
ابسفرتكم الطويله ــ اخذوها للعليله
يبويه ــ يبويه
يالرايحين الكربله عين الله ترعاكم
آنــه العليله فاطمه ما يـوم انساكم
سهــر ــ قهــر ــ سفر
سبب ــ عتب ــ تعب
حــان يوم السفـــر ــ وآنه گلبي انعصر ــ عليهم
عگلي جن وانذهل ــ زاد حزني الاهل ــ بچيهـم
ابقــي يــا فاطمــه ــ بعين رب السمه ــ حچيهم
ودعونـــي ومشــو ــ راحـــو وسلمــو ــ بديهــم
اتعثر ابسلامي ــ بس الدمع كلامي
يبويه ــ يبويه
محد بقـــه كلهـــم مشو واظلمــت ايامي
ظليت وحدي اويه الحزن وجروح آلامي
مشه ــ اختفه ــ الوفه
الــــم ــ نــــدم ــ وهم
افتحت باب القهر ــ مـــا شفت اي اثـر ــ وراكــم
وين وين الاهـــل ــ ليش رحتو ابعجل ــ شبلاكم
ابعلّتي اتمرمــرت ــ بالحيــاة او متــت ــ بلاكــم
لكربلـــه من مشه ــ بالصحاري اختفـه ــ خطاكم
طفله وبقت وحيده ــ عن كربله بعيده
يبويه ــ يبويه
شوفتهم الصارت حلم واحلامي مجروحه
بسيــف انتظـار العايله كل ساعه مذبوحه
عسر ــ صبر ــ غـدر
بـدن ــ حزن ــ يون
آه مــن غربتــــي ــ ومن حــزن حالتي ــ وعذابـــي
اتعــودت عالسهر ــ وعيني تربي النظر ــ اعله بابي
بس عطرهم اشم ــ وبچه حته النجــم ــ لمصابــي
اشعمل بيه الهجر ــ بعد ما ظل صبـــر ــ جوابـــي
لا سكنه لا رقيه ــ راح اليحن عليه
يبويه ــ يبويه
منهو اليسلي وحشتي وايطيب جروحي
چم غالي فارگته ومشه والغيبته نوحي
شمع ــ دمع ــ نبــع
طفل ــ نبل ــ چتل
ليش خذتو الطفل ــ ومنه گوس النبل ــ حرمني
هم اشوف الولـــد ــ واهز بيدي المهـد ــ يظعني
ابقيت بين الامــل ــ والعســه واللعــل ــ عسنـي
منكم اسمع خبـــر ــ نايـــــرات القهـــر ــ چونـي
عبد الله شاغل بالي ــ ردو اخويه الغالي
يبويه ــ يبويه
ظليت اعاين عالمهد لـــن المهـــد خالـي
لا اعرف ابحال الطفل ولا يعرف بحالي
قلــم ــ رسم ــ ألـم
شدد ــ نكــد ــ مهد
من يلولــي الــــــه ــ يشيله وايدلـله ــ ويحضنــه
وجهه قرص الگمر ــ يضوي ليل القهر ــ بعمرنـــه
امناغه صوته طفه ــ بلحظه تالي اختفه ــ شملنه
الـــه گلبــي يحــن ــ بعد ماله حظـــن ــ محنــــه
ظليت اشم بثيابه ــ واتمرمرت بغيابه
يبويه ــ يبويه
يوميه بگماطه اشم واحضنهن اهدومــه
عبد الله يا ناس اشكثر مشتاگه لرسومه
خطر ــ نحر ــ صور
أجل ــ وصل ــ رحل
البيت ما ينسكــــن ــ صار بيت الحـزن ــ وحيــده
عيني صوب الدرب ــ وكربله بالغــــرب ــ بعيــــده
لا سكينـــه الاجــت ــ ولا رقيه ارجعت ــ وحميده
هنـــاك لـــن الخبـــر ــ يگول ابوچ انبتر ــ وريـــده
بالطف خضيب ودامي ــ واتيتمـــت ايامي
يبويه ــ يبويه
راح العزيز وما يرد وعيوني متشوفـــه
يايوم ازورن والدي مدفـــون بطفوفــه
عمار الراشدي
بنينــي وناظـر عيوني ــ أنــا البيكــم يسموني
أوَصّيكـــم ببو اليمــه ــ وابعاشــوره توفونـي
بنيني الأربعــــه الليله ــ أخيــر اوداع وَيّاكــم
ليوم حسين وطفوفه ــ أبو الحسنين رباكــم
إسمعونـي إسمعوني ــ ظعن حسين بحماكــم
ولا عذره الذي گصر ــ اسمعوا زين يعيوني
يعبد الله يعبد الله ــ أعرفك صاحب النخوه
جمر غيره يشب راسك ــ أريدك للسبط تچـوه
ربيتك علـــى الشيمه ــ سيـــل ادمـــاك للخوه
لـن عبد الله جاوبهـا ــ الهــذا اليــوم يَردوني
يشاهين الحرب جعفـــر ــ يالصايــود المدرّب
يمبچي الرعب والخوف ــ اعرفَنّـك فلا تتعب
شيـــل الرمــح والرايه ــ واعله العسكر اتگلب
جاوبها الشهم جعفـــر ــ گلهـا المعركه افنوني
عثمـــان ارد اشوفَنّك ــ ميدان الوغــى اتلفـه
يبنـــي ويا نظر عيني ــ جفن العيـــن لا يغفه
گلهـا صار يـــــا يمـــه ــ أنا المعـروف بالكلفـه
وليدچ ساكن الحومه ــ من يوم اللي جبتوني
صَدّت للبطـــل عباس ــ اتحاچيه ابدمع ينصب
يا ذخر الوصي الكرار ــ اوصيــك ابخـدر زينب
رچِبهـــا اعلـــه ناگتها ــ والشر منهــــا لايگــرب
عـــد عينـــاچ يايمـــه ــ كافلهــــا وتعرفونــــي
بنين ام البنين ابيوم ــ عاشـــور الحـــزن وَفَّـو
ويلادچ ليوث اسباع ــ بحومة كربلــه اصطفو
لن واحـــد أثر واحد ــ بدمــــوم النحـــر نزفو
وا ويـــلاه عالعبـاس ــ يالخــــدام سَمعــونــي
عمار الراشدي
.
في يومِ الكفاحِ ــ قد قالَ الرياحي
للسبطِ الظمي ــ سيلُ دمي ــ شَقَّ جراحي
مغوار الحرب سيفه غضب يفتك خصومه
چــن هاذي الشجاعه اليمتلكهــا لهذا يومه
بميــدان الضميـــر اترجـــل وقــرر يلومــه
للحــق انتمـه وصوب البغي صمم هجومه
يا آلَ الحسينِ ــ عذراً سامحوني
نحري دونكم ــ واليتكم ــ هل تقبلوني
گبل الحومه أول معركه بساحــة ضميـره
وناتــج هالحـــوار ابكربلـــه قرر مصيــره
شاهَد دنيِتـَـه اتحددها هالساعـه الاخيره
لــو للجنـــه يمضي لــو الى النار السعيره
حَدّدتُ مساري ــ أمضيتُ قراري
خالفتُ الردى ــ صوبَ الهدى ــ كان اختياري
لـَـن الحـــر تـــرك سبعين الف فاجـــر تعسكـر
حامل صارمه ودرعه وگصد صوب ابو الاكبر
نـــادم عالبِـــدَر منــــه ابدمـــع عينـــه تعــذر
دونـــك هالصوارم خـل تحز من عندي منحر
عُذراً عن فعالي ــ يا تاجَ المعالي
سبطُ المصطفى ــ عني عفا ــ نلتُ نوالـــي
رنين اسيوف اُمَيّه ايسِمعه من برج المعاره
ويـــوم العاشـــر يشوفه صُبَــح أظلم نهاره
من غمده سحــب سيفه ونفض عنـه غباره
يبــو اليمـــه استعر گلبي اريدن اطفي ناره
للحربِ تقدم ــ والسيفُ تكلم
الحــرُّ أنــــا ــ سُمــرُ القنـــا ــ بالحُرِّ تعلـــــم
ناداهــم ألا هـــل مــن مبــــارز يـــا أميــه
صــال اعله الكفــر بيهم خسفها الغاضريه
يمشي اعله الجماجم والجثث كتره رميه
لبيـــك ينـــادي يـــا سبـــط سيــد البريـه
تُعساً للسيوفِ ــ فالنصرُ حليفي
من سيفي علا ــ في كربلا ــ صوتُ الحتوفِ
الحر استشهد ونال المجد واتخلد اسمــه
ودفنــو جثِته عگــب الحرب اولاد عمــه
بس حسين ظل ابلادفن مطروح جسمــه
وابذاري التـــراب اتچفـــن وكافوره دمـه
غريباً واسليبــاه ــ وحيداً واذبيحاه
قربـــان الهـوى ــ في نينـوى ــ حُباً بمولاه
عمار الراشدي
يحسين جينه النصرتك ــ انصارك الوفايه
باچــر نغطيهــا الشمس ــ ياسيدي بالرايه
نفديك بدمــوم النحـر
وانزيل عنك كل خطر
انصارك الوفايــه
من عالم الذر سيــدي ــ نهواك يا ابو الاكبـر
عفنه الحلايل والأهل ــ عنــك فـــلا نتأخـر
بالمعركه السبعين الف ــ تثنينه لتظن تگدر
أجسادنــــه ياسيــدي ــ بالطف الــك تتوذر
عسكر يزيد المستبد ــ جهزنــه لجلــه العده
واسيوفنه باچر ترن ــ واجسادهم متوسده
ودموم عدوانك بحــر
وانزيل عنك كل خطر
انصارك الوفايه
لو حان ميعاد الحرب ــ والمعركـــه المحتومـه
وجيوش اميه الباغيه ــ تتوافــد اعلـه الحومه
يمشي بجنونه الشاكري ــ عابس رماها هدومه
يحسين لجل امحبتــك ــ يــا سيــدي لتلومـــه
بالطف ينادي الشاكري ــ مجنــون لتلومونـي
لحسين افدي مهجتي ــ وارويحتي وعيوني
جينـــاك نتــــوذر وذر
وانزيل عنك كل خطر
انصارك الوفايه
ارواحنـــــه يــا سيــــدي ــ لعيونــك انضحيهــا
مـــا ننثنـــي وما ننحدر ــ عن كربلـــه وراعيها
لو صال يحيى المازنـــي ــ لجنودهـــم يفنيهــا
مسلم جثث فوگ الجثث ــ بن عوسجه يخليها
بالشدد جرب صحبتك ــ كلمن تشوف اشعنده
انصارك ومضرب مثـل ــ صارو ابيـــوم الشده
للوفه والغيـــره فخــر
وانزيل عنك كل خطر
انصارك الوفايه
يحسين منخـاف العــدا ــ اشما بالعدد حاطونـه
فنه اللي يوصل للخيــم ــ تبقه الخيم مصيونـه
ايحز الرگب سيف العبد ــ جون اللي اسود لونه
منــه يفـــح عطر الوفـه ــ بالمصـــرع ايشمونـه
ونافـــع رهيفـــه ابيمنته ــ يترجل ابهوساته
گبله الرياحي الحر وثب ــ يتبختر ابغاراتــه
وايزيد وجنوده اندحر
وانزيل عنك كل خطـر
انصارك الوفايه
ضنوة مظاهر هالشهـم ــ شيــخ الانصار ابطفه
بچفوفه شفرات الاجل ــ ايحــز المناحر سيفه
ومالك يگول الكاهلــي ــ آنــه اليرجف خوفه
ذب العزم فوگ العـــزم ــ جاب النصر بچفوفه
هـــذا حبيـــب وصرخته ــ هيهات منا الذله
سبط الرسول المصطفى ــ فنه الذي يوصله
للوفـــه خطينــه صور
وانزيل عنك كل خطر
انصارك الوفايه
مــو بس زلــــم بالمعركه ــ حتى الحريم اتنصــرك
بغيرتهـــا تطلــع ام وهب ــ تحرس جوانب خدرك
واتشوف ميمونك صهل ــ ابسرج النصـر ينتظرك
يرمـــح العسكر حافـره ــ ويرمي الاجساد ابكترك
ايشم ابجروحك هالفرس ـ ويمسح دموم صوابك
ابدمـك يخضـــب هامتـه ـ واعليهـــا دم خضابـك
وتتناثر ادمـــوع النظر
وانزيل عنك كل خطر
انصارك الوفايه
عمــار الراشـــدي
.
عبــاس ــ معروف بزوده
من راح ــ للماي بجــوده
ما عــاد ــ گطعهــا زنوده
عالنهــــر
ٲخذ رخصه امن ابو اليمــه ٲبو فاضــل تِقَــدّم
طلع صـــوب النهر يمشي ايتبختـــر عالمُطَهّـم
ابأراجيـــز النصر نـــاده ابعــــزم حيــدر تحزم
خلس صوت الحرب سيفه فقط سيفه ايتكلم
ودع اسكينـــه بيمينــه الرايه
وجربِته ابچتفه وگصد للغايه
اليــوم اجيبلها الفرات ومايـه
آنـــه عمهـــا وللعطش روايــه
منذور ــ لحسيـــن ابطفــه
سقـاي ــ والمـــاي ايعرفــه
عباس ــ خط اسمه بجرفه
عالنهـــــر
لبس درعه وحمل سيفــه وعلــى الباري توكل
الحرب عيــده لمن شافـه لسان الحومه هلهل
جعــل عسكر بنـي هنـده ســـوه للشرده ينـدل
خفگ سيفـــه بمناحرهـم جعلها لسيفــه منهل
آنه ابـــن فارس بـــدر ناداهم
روى سيفه من مسيل دماهـم
والجثث فوگ الجثث خلاهم
بصارمـه نجوم الظهر راواهم
عبــاس ــ عينه الصيوانه
اطفــال ــ تنطر عطشانـه
بالسيف ــ وذر عدوانــه
عالنهـــــر
فلا يتعب اسد غاضــب يدورلــه اعلـه صيده
اذا واحـــد شــرد منـــه يلحگـــه ايحز وريده
وثب ليهم مثـل وثبـــة ابو الحملـــه الصميده
وعد عنده الصواوينـــه يرد والجربـــه بيـــده
واعد اطفاله او وفه بعهوده
وللشريعه لن غرفها بجــوده
وجربته خلاهــا فوگ زنوده
من رجع طـر العدو وجنوده
يالمـــاي ــ لا لتظــن اشرب
وحسين ــ عطشان وزينب
وعيــون ــ سكنه التترقـب
عالنهــــــر
گمر هاشم كتـــب بالطـــف قواميس انتصاره
ذخــر بالطـــف لبو اليمــه الوفه اصبح شعاره
حمـــل راية نصـــر بيده وگلــب ارض المعاره
گرب موتـــه وعرف عمــــره فلا يطول نهـاره
يرتجـــف كلمن يشاهد طوله
محد الحامي الشريعه اينوله
بالمكيـــده والغـــدر عدولـــه
خلــف الاشجار الكفر كمنوله
آلاف ــ ملهوفه اتغـــدره
للموت ــ تحسب تنتظره
عباس ــ لن ودع عمـــره
عالنهــــر
بصبر عزمه يقاتلهـــم بقــــه حامي الضعينــه
فلا هابــــه العدد كثره غضـــب يعـرگ جبينه
مضت ساعــه يحوربهم وعله صواوينه عينه
فلا گدرو يلاوونــــه ابغـــدر گطعـــــو يمينـه
زيد ابـــن ورقاء لمـــن صابــه
چف يمينه انفصل من اصلابه
ظـــل ابو فاضل يصــد لطنابه
يدري جمـــرات العطش لهابـه
والسيف ــ طاح ولن شاله
واردود ــ قاتــــل بشمالـه
واتــلال ــ روس الخيالـــه
عالنهـــــر
رغم جرحه واذى صوابه وكـــف ليث البسالـه
توسطهـــم سفك دمهم وغضــب صوتـه تعاله
اجـــه الغادر شهـــر سيفه وغِدَر راعي الكفاله
عگـــب ما گطعو ايمينــه وسف گطعو شماله
لن غدر إبـــن الطفيل ايلوحـــه
طاحت ايساره وسف مطروحه
والسهـم صابه وفتحها جروحه
وابعمــــود الراس غابت روحـه
يحسين ــ ياخويه ادركني
لزينـــب ــ اتعــــذر منــــي
مطـروح ــ بمچاني خلنـي
عالنهــــر
كلمات عمار الراشدي
ياخذني الموت ــ وتابوت ــ بسنيني يـروح
ولاشفت الصـار ــ محتـار ــ خويه المذبوح
أيامـــك ودعنــاهـــا
وآنه اختك ياعيناها
مليانه جروح
ــــــــــــــــــــــــــــــــــــــــــــــ
يا خويه أحس بالموت ــ وتابوتي الحزن والهم
خويــه تـدري شيّبنــي ــ منظـــر عاشر امحـرم
سيف جروحي ــ يذبح روحي ــ من ودعتك
يا مذبوحي
صدري مخنوگ ــ محروگ ــ گلبـي لفرگـاك
ساكــن بالعيــن ــ يحسين ــ هيهات انساك
خطفــوهــن كــل ايامك
وعين احلامي واحلامك
مليانه جروح
ــــــــــــــــــــــــــــــــــــــــــــــ
انتظرك بدر ليلـــي ــ تدري ابليلي مايرحم
مخسوف البدر دامي ــ وابگلبي الحزن خيم
بدر ايامي ــ طايح دامي ــ يشرب دمعي
گلبي الظامي
أخذونـــا ابعيــد ــ بالإيـــد ــ ملفوفه حبال
وجروحي هواي ــ والجاي ــ مـا مَـر بالبال
اگبالك خويه يضربوني
تحرگنــي نـــار متونـي
مليانه جروح
ــــــــــــــــــــــــــــــــــــــــــــــ
طافـو بينه ياخويــه ــ اولايه اولايه واولايه
راسك ظل يماشيني ــ وكلمـــا رتــــل الآيــه
گلبي ايأمن ـ جرحي ايسَكِّن ـ واردود ارجع
ابچي واصفن
يابو السجــاد ــ وارمـاد ــ بجفون العين
حزن واوجاع ــ والگاع ــ تچوي الچفين
هالمنظر يشرح حالي
چتالك يمشي اگبالي
مليانه جروح
ــــــــــــــــــــــــــــــــــــــــــــــ
امشي وانظر الراسك ــ وعيونك تحاچيني
وانشاهد غضب وجهك ــ لو واحد يأذينـي
بيهم تخزر ــ بيهم تنتر ــ اتغيم عينك
غيره وتمطر
بدروب الشـام ــ آلام ــ والشمـــر ايطــوف
حول السجاد ــ اوغاد ــ تمشي ومچتوف
طول المسره ايضربونه
سجادك شوف امتونه
مليانه جروح
ــــــــــــــــــــــــــــــــــــــــــــــ
بدروب القهر نمشي ــ ولو شافتنه هالوادم
ابكل ديره يشتمونه ــ ضدنه اتمجد الظالم
وايشتمونه ــ وايضربونه ــ ليش الوادم
ما رحمونه
يرمونه حجار ــ واشفار ــ ياخويه الناس
تمنيت ايعود ــ موجـود ــ يمـي العبـاس
يگلــب بيهـــم هالوسعه
يمسح من عيني الدمعه
مليانه جروح
عمار الراشدي
بواتــر مِشرِعـــه لحسيــن وانصــار
بدماهـــا اتخلـــدت وايزيـد ونصار
تلاشه ذكره لاچن شــوف ونصـــار
مـــن كـــل گلــــب لنصـــار الزچيه
مسك روضة الجنه يفوح من جون
ابمحبـــت سيِّـــده هالعبـــد منجن
تجيه امن البشر واملاك ومِـن جـن
زوار وتــزوره ابكــــــل مسيـــــــه
يزيــد اللَـــي مشــه خلف المظاهر
كِسَــــب بس اللعــن وگبره مظاهر
وسِجـــل بيــده حبيب ابنَ مُظاهر
يِسَجّـــــل زايــــر حسيـــن وأخيّـه
عَلَــيْ كثـــرن نوايـــب حيل نابـت
ومـــن ونّــي حمــام النــوح نابت
يسهـــم اللي ابصدر لحسين نابت
انبتــــت بگلوب كــــل الجعفريـــه
عمار الراشدي
.
أربع دِموع ــ تِحنِي الضلوع
مــن عيـــن أمهــم فاطمه
سالـت دماء ــ فـــي كربلاء
أولاد حمــــاي الحمـــــــه
أربـــع دِمــــوع
من بعيد ــ طير گاصد يحمل اخبار المصيبه
والبريــد ــ بــي رسايـــل أربعــه عن الشبيبه
وِجهِتك إلمن يزاجــل
وابدمع عينك تواصل
امسافر ابأربع رسايـل
ريش الجِناح ــ شَق الرِياح
جنحينـــه تخفـــگ بالفضا
حامل بريد ــ طير ويريد
يوصـــل الدار المرتضــــى
أربـــع دمــــوع
فجأه لاح ــ نور من الگاع مـن بيت الامامه
صوبه راح ــ وابمكان النــور نـَـوّخ بالسلامه
امن الطفوف الطير گاصد
يحمــــــل الأم الأمــاجــد
أربـــع اعلـــوم وشواهـــد
نَوَّخ حزين ــ وام البنين
شاهدها محتاره او تُوِن
أم البـــدور ــ ثكله وتدور
محتاره وايسيل الجفن
أربـــع دمــــوع
امن العراق ــ بالمدينـــه نزل وابدار الحنينه
لـلفــــراق ــ استعدي اليوم اخباري حزينه
فاطمه الحره النجيبـه
تقره بحروف المصيبه
حزَّو انحـــور الشبيبـه
لنها تشوف ــ دم بالحروف
والدم يفسرلهـــا الجـــره
تنزف نحور ــ اربع نذور
الأم البنيـــن الطاهـــره
أربـــع دمــــوع
يا حسين ــ اتنادي أم عباس من تقره الرسايل
بالحنيـن ــ لبو اليمه اتنوح واعضيده ابو فاضل
بحسره بالمرسال تقره
اتگلـه لو اولادي عشره
واحـــد ابواحد انذره
فدوه تگول ــ الإبن الرسول
نحـــر البنيـــن الأربعـــــه
لن كلمتين ــ يسره ويمين
مرمِيَّـــه جنب المشرعـــه
أربـــع دِمــــوع
للغريب ــ والبنيــــن الأربعه ليــوث الملاحم
بالسواد ــ وشِحَّــت جدرانها ابيوت الهواشم
والخبر عَــم المدينه
ابو اليمــه اموذرينه
بالسيوف امگطعينه
ونحر الكفيل ــ بالدم يسيل
عبـــاس سبــــع الگنطـــره
چـــف اللئام ــ حرگـــت خيام
ونيـــرانهــــــا متوجـــــــره
أربـــع دمـــــوع
للـدروب ــ تشوبح ام عبـــاس والمدمع تسيله
يوم يوم ــ امتانيــه يمته يجــي ظعن العقيله
لن وصل ظعن التِسَلّب
جفلت ومدمعها ينصب
هيــه لا مو هيه زينب
اخت الكفيل ــ لا مستحيل
وامتربـــه ليـــش العبـــــي؟
رد الســـؤال ــ بنــت الدلال
غيرتهـــا اهــــوال السبـي
اربـــع دمــــــوع
عمار الراشدي
شور .....
زينب وبت علــي
وانتــه يا كافلــي
لو طحت عالنهـر
خويه منهو الإلي
خويه العباس ــ يابو النوماس
يولونه الگوم ــ وليـة ارجاس
خويه خويه النفل
جيش اميـه النذل
باچــــر ابكربـلــــه
مــــا يعوفك عدل
تنطي الچفين ــ وابسهـم البين
ترمي الاشرار ــ وتعميها العيـن
وآنـــه اروح ابسبــي
ولابسيــــن العبــــي
اتظل مصونه الحرم
يخســه كــل ناصبي
مرفوعه الهـام ــ بيـــن الظـــلام
وابگصر ايزيد ــ نوگف صمصام
والحجاب انتصر
والعفـــاف انستر
والجــرح بالگلب
لغيبتـــك يالگمر
اگبال الشمات ــ نرگع هيهات
يـــا ثـــار الله ــ نرفــع رايات
وفاجعـــة كربلــــه
تبقـــــه متواصلــه
عدنه شيعه وخَدَم
تحيـــي هالمسألــه
والحگ ينگال ــ عگب الآجال
ثورة عاشور ــ تهدي الأجيال
والحشـــر خاتمــه
والطهـــر فاطمـــه
اتجازي أهل الوفه
وللخِــدَم أوسِمَــه
التلطم چفين ــ خدمتهم دين
ومتمس النار ــ خدام حسين
عمار الراشدي
دونك مواقف يـوم عاشور
واليجرحك ياموقـف ودور
عاشور يرسملك صور ــ واموادع ابدمــع القهر
آه وألــــف آه
ليلــــة وداع وفاجعـــه ــ بين السبــط واحبابــه
وحسين سائل صحبته ــ يدري بجواب اصحابه
عن باچر ويوم الحرب ــ ملهوفـــه لـــو مرتابــه
هــذي المواقف للدهــر ــ تبقـــه ابسجـل اكتابـه
يعرف شجاعة صحبته زيـن
لاچن سألهم قصده الحسين
هذي المواقف للعِبَر ــ واموادع ابدمع القهر
آه وألـــــف آه
مسلم سمع بن عوسجه ــ جاوب حسب تكليفه
يحسين حاشــه نتركك ــ ودرب الشهاده انعيفه
بصدورهم افتــح نهـــر ــ وايفوج چفي وسيفه
وبرمحي اكسر كل ظهر ــ والاختيـــار ابكيفـــه
يحسين لو ماعندي بتار
ارميهم ابشفرات الحجار
وانذود عنك كل خطر ــ واموادع ابدمع القهر
آه وألـــــف آه
اصحاب ابو اليمه انعرف ــ موقفهـــم الايجابــــي
وحسين وصف صحبته ــ ما شفت مثل اصحابي
تركــو حلايلهــم واجـو ــ اينصروني يوم امصابي
واترابهــم عگب الدفــن ــ يتمـــازج اويــه اترابـي
چن هالبواسل دهري ماجاب
حاشه مثلكم يوجد اصحاب
انصرتوني بدموم النحر ــ واموادع ابدمع القهر
آه وألـــــف آه
نعوف الانصار اهل الوفه ــ نروح الخيـــام العتره
وانشوف حمــــاي الخـدر ــ وحالـــة كفيـل الحره
يحرس صواوين الحـــرم ــ تعـــب حوافـــر مهره
ميصيب زينب اي خطر ــ وعباس سيفه ابخصره
عباس اذا يـــم النهــــر طاح
يلفي الشمر وابكعب الرماح
يضربها اختك يالگمر ــ واموادع ابدمع القهر
آه وألـــــــف آه
صوره وتفطر كــل گلب ــ ما مــــر مثلهـــا ابعمري
بيــن العقيلـه الصابـــره ــ وبين الحسين اشيجري
وايگلها لو شفتي الشمر ــ بسيفـــه يحــــز بنحري
لاتگربينــــه اوصيتــــي ــ واعله المصايـب صبري
خدچ يزينـــــب لا تلطمــــي
وثوبـــچ عليــــه لا تمزگـــي
عن منحري ديري النظر ــ واموادع ابدمع القهر
آه وألـــــف آه
هذا الوداع المـــا حصل ــ وهالليلــــه ليلــة عَبـره
بيــن الطفــل والوالـــده ــ تفجعنـــه آخـــر نظــره
عبد الله نايــــم بالمهــد ــ وامـــه الربـــاب ابكتره
ما تدري باچـــر بالولـــد ــ حرمله ايصيبه ابنحـره
يمهـــا الطفل وامه تناغيه
لن مهده باچر خالي تلگيه
ماتممت سابع شهر ــ واموادع ابدمع القهر
آه وألــــف آه
عمار الراشدي
ننشد وينك ــ ننشد وينك
يالمهدي بمصباح العاشر ــ ننشد وينك
يالمهــدي ابعاشور حسينك نعرف حاضر
بدروب الطــف احنــه لنورك نشبـح ناظر
ما نعرف ويـــن بيا مصرع دمعــك ساجر
يــم عمــــك عبــــاس الكافل لــو بالحاير
لو يم جدك ــ لو يم جدك
يالغايب يم كافل زينب ــ لو يم جدك
بالمذبــح جالــس تتذكـــر گطعــت نحـره
چـن صرخة ضربات الحافر رضت صدره
تسمعهـا وچن شافت عينك طفرت جمره
مـن خيمة عمتــك يالغايب ذيــچ الحــره
عمتك زينب ـــ عمتك زينب
عدوانك حرگو خيمتها ــ عمتك زينب
ها يالمهــدي و ننشــد عينك وين اتصدها
للتــل الوگفــت بــي عمتــك واشضاهدها
هــا شــو عينك مــا ترفعها گــول اشعدها
چنـــك مــا تگدر تنظــرهــا تلطــم خدهــا
ندري يجرحك ــ ندري يجرحك
بعيونك يصعب هالمنظر ــ ندري يجرحك
روج المــاي شمالــه تفايـض شنهي الغايه
چــن شافــك تنحـب عالفاگـد جود ورايه
عن چفينـــه الطاحت فــوگ حدود الثايه
يــم شاطي المــاي وما يقبل يشرب مايه
صاحب غيره ــ صاحب غيره
عباس المعروف بطبعه ــ صاحب غيره
يــم جاسم والاكبــر واگــف واشتتذكـــر
عريــس وحنـــــوه ابدمه مـــــن اتـــوذر
زفـــو للميـــدان وحضرت عرسه العسكر
وسيـــوف العدوان شموعـــه ودمه اتنثر
راح القاسم ــ راح القاسم
هالمعرس عرسه بميدانه ــ راح القاسم
مرينه اعله الصحبه وعطرك يمهم نشتم
نسأل جــون ونســأل عابس نسأل أسلم
هم شفتـــو الموعود الغايب طلاب الدم
هذا اليـــوم عيونه اعليكـــم تشبه زمزم
جرح الصحبه ــ جرح الصحبه
ينزف يالموعود بگلبك ــ جرح الصحبه
بعيون الرضعان الصوره اتظل مكشوفه
عبد الله الطايــح سيدها شلــون تعوفه
شلون الرضع تگـــدر تصبر مـن اتشوفه
نحـــر المفطـــوم بنبلة رمـــاي الكوفــه
مهده الخالي ــ مهده الخالي
يالمهدي ايحز بدلالك ــ مهده الخالي
الله يساعــــد گلــــب الغايب من يتذكر
منظــر طفله بخوف ورهبه ترگض بالبر
بنت حسين ارقيه اعليها السوط اتكسر
والچانـــت مصيونه ابفَيّه حسين اتوذر
تلطم صدرك ــ تلطم صدرك
بچفوفك من يقره المقتل ــ تلطم صدرك
عمار الراشدي
هَيَّـــج كـــل وجع عاشور مِن هَــل
عليلـــه والمدامـــع شِبِـــه منـهـــلّ
شلّــــي ابدنيتـــي وناديــت منهـل
غَــم دنيـــــا الصفت لتبـــاع أميّــه
بيــن اطهـــر ابيـــوت انبنت مَرباي
وضيــم اشكثــر من الدهــر مَر باي
مــا شفت السعد بس شفت مُر باي
ولحظــــات الفـــرح شَحَّــن عليــه
اكفكــف دمعتـــي بعيني ومراسيل
جفونــي ومـــا اجت منهم مراسيل
مثل غيث السمه بجفني مَرْ السيل
اعرفتهـــم مايجونـــي وهاي هيّـه
عجــب راح العزيـــز وبعـــد مــارَد
يَجـَــــرح اغيابــــه للــدلال مــــارِد
ابويــه حسيــن دونه العمـري مارِد
اريــدن شوفِـتَـــــه طــــوّل عليَّـــه
رحـــل دَيّـــار داري شلـــون اسِكنه
اشنَفِعهـــا ابلا رقيـــه ودون سكنـه
مشـــه بيّــه المرض منهـو اليسكنه
وطبيب جروحي بــرض الغاضريه
عَلَي دنياي من كل صوب ياريت (جارت)
ومصايــب تنــوزن بجبال ياريت(جرّت)
كـــل هـــذا واگول اتعيش ياريت
واتـــرد للوطــــن يبـــن الزچيــــه
عمار الراشدي
يوليدي يا مظلوم ـــ يا حجة القيـــوم
جدك انا المختار ـــ جيتك اهل اعبار
يبــن الوديعــــــه
يروحي وياضـوه عيوني ـ يمن ساكن وسط گلبي
حضرت لمصرعك يبني ـ اصيحــن خالقي حسبي
تحفنــي موجــة الحسـره ـ گمــت اتعثـــر بدربــي
اهيــم ابعالــم احزانــــي ـ وابثــن شكوِتـي لربــي
شفتك بهذا الحـــال ـــ واتمــرد الـدلال
اعليك النظر يندار ـــ جيتك أهل اعبار
يبــــن الوديــعــــه
الحيل امنيــن اجيبَنّه ـ طِحِت من شفتك اموذر
مصابك يبني دوهني ـ وحيرنــي يبـــو الاكبــــر
گـابلتــك يروح امـك ـ اشمــن ريحـــة المنحــــر
إمـــام وسيــد الجنــه ـ ليـــش ابدمـــك امعفـــر
نايــم علــى التربـــان ـــ يا حجة الرحمان
شفت الجرى والصار ـــ جيتك اهل اعبار
يبـــن الوديعـــــه
چن شجره صبح جسمك ـ ونبلات العــدا اغصـان
فــوگ الــف وتسعميـــه ـ جروحك والدما طوفان
يبنــي وصـدرك الطاهر ـ صفــه لخيولهم ميــدان
ذبيــح ودامـي بالمصرع ـ آه اعليـــك يالعطشــان
جيت ابگلب مهموم ـــ يم جسمك ابهاليوم
احسب نبـل واشفار ـــ جيتك اهـــل اعبـار
يبـــن الوديعــــــه
جدك جيت اشوفنــك ـ يبنــي حسيـن حاچيني
لسيوف اللي صابنك ـ ابنـــص دلالـــي صـابنــي
عاشورك هِدَم حيلـي ـ وسِلبنــي فرحــة سنيني
تدري ابشوفتك گلبي ـ انشلع من نص شراييني
حلم العمر مذبوح ـــ متوذر او مطــروح
چبدي تلاهب نار ـــ جيتــك اهـل اعبار
يبـــن الوديعـــــــه
اشخليت ابگلب جدك ــ نــار ونايبـه وحسـره
شخليت ابجرح امـك ــ انعاد الضلع والسطره
شخليت ابفكـر حيدر ــ رد الجــرح والطبـــره
دم تتنــازف الاكوان ــ ينــوح العالــم ابأسـره
هاي الغصص وآلام ـــ تترامه چن سهام
ظــل الفكــر محتـار ـــ جيتك اهـل اعبار
يبــــن الوديعـــــه
نتأسف علــى المحتـوم ـ شيفيد الأسـف واللــوم
من گـبلـك ضلــع امـك ـ هشمو يبني نفس الگوم
وهامــت علي طبروها ـ و خذمو چبدة المسموم
نفس الزمره هالاشرار ـ ردو بالطفـــوف اليـــــوم
شما هالزمن ينــدار ـــ شيعتنه النا انصـار
تواسي بدمع مدرار ـــ جيتـك اهـل اعبـار
يبــن الوديعـــــه
عمار الراشدي
اللحن /
ياجاسم آنه حسين .. عمك وادير العيــن
يا أغله من الروح .. هذا الحسن مذبوح
يمك يجاسم
من تراث الحاج باسم الكربلائي
يوميــه تُـمُــر يبنــي اعلـه بالــي
أهِــزَّن بالمـهـد والمـهـد خــالـــي
ينــور عيونــي يـا عبد الله يبني
للهــم والحـــزن رحــت وعفتنـي
زمانـــي أبـعَـدَك يوليــدي عنـــي
مـــو هَـيِّـن ييمـه اللـــي جِـرالـي
اهـــزن بالمهـــد واتهـــل الأعبــار
أتذكـــر ييمـــه اللــي جرى وصار
عطشـــان وسگــوك بسهــم غدار
سهــم النايبـــه الغيّـــب اهلالــي
تعـــال وشـــوف أمــك يــا أملهـا
فِـكِــرها احتـــار وغيــابك نحلهـا
مصيبـــه يبنــــي مامــرت مثلهــا
مــن عدهـــا شفــت سـود الليالي
يانبـــض الدليـــل وهــــوا الريّــه
يوليــدي بعجـــل رحـت من اديه
عســن هالـــروح تلفيهـــا المنيــه
ماريــد العمــــر بعــدك يغــالــــي
شلـــي بالعمــــر والــراح ميعـــود
وصفولـي الصبــر والصبـر مفگود
ياريــت الجســـد باللحـد ممـدود
المــوت اويــــاك يوليــدي حلالي
تظل دموعي تجري اعليك نهران
وبِـرياض الگلـب ماتـت الاغصان
ما انســاك يالمذبـــوح عطشـــان
كل لحظــه التمر انته اعلــه بالي
بعدهــا اصوَرهم امگابلـه اعيوني
مــو واحــد تــره اثنيـن الجفوني
ضاعــو منــي وآنــــه ضيعــونـي
ولفتنــي النايبــه ودوهنـت حالي
كلمات عمار الراشدي