596
غريباً أرى يا غريب الطفوف ... توسد خديك كثبانها
يا صاحب الرأس الذي فوق القنا مرفوع
هذا سلامٌ من محبٍ قلبه مفجوع ........
مستهل ليلة ٢٠ محرم
ليلة ختام المجالس في :
جامع وحسينية ذرية ألحاج
عبد الكاظم كعين الحچامي
كلمات الشاعر الاديب
الحسيني عمار الراشدي
https://youtu.be/q-aNEJ5jW7A?si=Njx3ZUqlr0VDypav
Читать полностью…
درب الظعينه ــ درب النصر واليِسلِكه يصبـــح فدائي
غايبنــه وينه ــ مهدينه حاضرها الحرب ويـا الولائي
حامي عرينـه ــ سيد علي جاب النصر چف خامنائـي
جـده نبينــه ــ بوجهه يشع نور الوصي ونــور انبيائي
رمياته نار او ويــل ــ هدمهــــا الاسرائيل
سدد رميـــات فدوه نروح ليدينه
يــوم الثارات مهما طـــال يلفينـه
استشهاد الامام السجاد عليه السلام
سيدي طود الصبر ــ يا علي ابن الحسين
تنوح گضيت العمر ــ يا علي ابن الحسين
اگضيـت عمـــرك بالعويل ــ يا علي ابن الحسين
يجـــري دمعــك يالعليـل ــ يا علي ابن الحسين
عالحسيـــــن وعالكفيـــل ــ يا علي ابن الحسين
وعـالـعقيلــه ام الخـــــدر ــ يا علي ابن الحسين
لـــو شفــت مــاي الفرات ــ يا علي ابن الحسين
دمـــوم تجـــري العبـرات ــ يا علي ابن الحسين
لأسيــــــــرِ الكُرُبــــــــات ــ يا علي ابن الحسين
حسيـــن بعيونــك يمــــر ــ يا علي ابن الحسين
ايعينـــك الله عالجــروح ــ يا علي ابن الحسين
يالحياتــك كلهـــــا نـــوح ــ يا علي ابن الحسين
كل وكـت دمعك سَفــوح ــ يا علي ابن الحسين
امـــن الجفــن دم ينهمــر ــ يا علي ابن الحسين
راهــب البيـــت العتيـــق ــ يا علي ابن الحسين
بــلا معيــن ولا رفيــــــق ــ يا علي ابن الحسين
تشهــگ ارمــاد الحريـــق ــ يا علي ابن الحسين
خيامكــم تلهـــب جمــــر ــ يا علي ابن الحسين
كــــل مـــآسي العايلـــــه ــ يا علي ابن الحسين
شــاهدتهــــا ابكــربلـــــه ــ يا علي ابن الحسين
وظعـــن الحسيـــن انوله ــ يا علي ابن الحسين
ويحـدي بالخـِــدّر شمـــر ــ يا علي ابن الحسين
والسبـــي دربــــه بعيـــد ــ يا علي ابن الحسين
وانتـــه مگيــود بحديـــد ــ يا علي ابن الحسين
وادخلــت مجلــس يزيـد ــ يا علي ابن الحسين
عالــــي راســك منتصـــر ــ يا علي ابن الحسين
صحت كل طاغي يشوف ــ يا علي ابن الحسين
حسيــن دامــي بالطفوف ــ يا علي ابن الحسين
انتصــر دمــه عالسيـوف ــ يا علي ابن الحسين
وزلــزلــت ذاك القصـــــر ــ يا علي ابن الحسين
عشــت مهمــوم وحزيـن ــ يا علي ابن الحسين
اگضيت بالدمعه السنيــن ــ يا علي ابن الحسين
وحــاربـــوك الظالميــــن ــ يا علي ابن الحسين
ابكــل وكـت اهـل الكفر ــ يا علي ابن الحسين
والحكـــم رد مــن جديد ــ يا علي ابن الحسين
الأبـــــن مـروان الوليـــد ــ يا علي ابن الحسين
منـــك الطاغــي اشيريد ــ يا علي ابن الحسين
ايريــــد چبـــدك ينفطــر ــ يا علي ابن الحسين
جَرَّعَــك كـــاس السموم ــ يا علي ابن الحسين
شلون ساعه شلون يـوم ــ يا علي ابن الحسين
المـــوت بديـــارك يحوم ــ يا علي ابن الحسين
ونـــزل جسمـــك بالگبر ــ يا علي ابن الحسين
سيـــدي إلـــى الـــوداع ــ يا علي ابن الحسين
يا غيـــور و يا شجـــاع ــ يا علي ابن الحسين
عگبـــك الدنيـــا ضيـاع ــ يا علي ابن الحسين
والفــرجكــــم ننـتــظــر ــ يا علي ابن الحسين
يمتـــه مهدينــــه يعـود ــ يا علي ابن الحسين
بالعـــدل يملـي الوجود ــ يا علي ابن الحسين
اويــاه كل احنــه جنود ــ يا علي ابن الحسين
مــا نعوفـــه للحشــــر ــ يا علي ابن الحسين
كلمات عمــار الراشــدي
استشهاد الامام السجاد عليه السلام
ذل الكفر و الظِلّام ــ لَمّن دخل أرض الشام
رَكــب الأســـاره ــــــ حـــاز انتصــاره
لمن دخل أرض الشام
نعرض صُوَر والمضمون ــ ايوضحهه حــال السجاد
لَمـّـن طلــع لـــرض الشام ــ وامكبليـنـــه ابأصفـــاد
إبـروحـــه هاجـــــت لالام ــ وهَـم الـذي ابگلبه زاد
ركــب السبايـا لـــن شاف ــ حالـــة مســـره واعياد
واعله الحراير لنظار ــ ماتعلم البيها صـــار
رغــــــم المــــراره ــــــ حـــاز انتصــاره
لمن دخل أرض الشام
حــادي الظعـن بيهم سار ــ واتوجــه الگصــر ايزيد
اشتترجه مـــن هالملعون ــ لا عتب لا لـــوم ايفــيد
بــس الحـــرم والايتــــام ــ وياهــم السجـاد اوحيد
شاهدهــم الطاغي وگـال ــ يــوم النصـرعندي عيـد
مايدري هذا المغرور ــ حاز النصر دم لنحور
دم التجــــــاره ــــــ حـــاز انتصــاره
لمن دخل أرض الشام
دخلـــن بنـــات المختـارــ لديــوان هــذا الجـــلاد
من عگــب عِــز الايـام ــ لنهــــا أســـارى وتنگـــاد
وبمجلس ايزيد انشـوف ــ موقــف لزيــن العُبّــاد
من طلب رخصه ينطوه ــ يخطب ابخطبة إرشاد
حين الصعد عالأعواد ــ نِظرِته عيون الأشهاد
بهمــه وجــداره ــــــ حـاز انتصــاره
لمن دخل أرض الشام
أثنى اعله فضل المعبــود ــ أبـــدا الشكـــر للدَيّـــان
يحچــي وتعاينلــه النــاس ــ وتجري المدامع نهران
گلهــم أنــه ابـــن المختار ــ هادينـــا سيــد الاكـوان
وابن الوصي حامي الجار ــ آنه امــي خير النسوان
استارثنه علم وأسرار ــ حلم وفصاحه وإيثار
بعلمه او وقاره ــــــ حاز انتصــاره
لمن دخل أرض الشام
يانــاس عرفوني زيـن ــ من عدنه حمزه المغـوار
ومن عدنه يالماتدرون ــ عمــي الشهيـــد الطيــار
وفَضّـلنه رب الاكوان ــ بسبطيـــن روح المختــار
كل هذا ما اثنـى ايزيد ــ سَــل ابـوجهنــا البتــــار
روس الهواشم برماح ــ مرفوعه بيد الذباح
نحــر الغيــاره ــــــ حاز انتصــاره
لمن دخل أرض الشام
ياناس ابــن مكـه ومنى ــ والصفـــا آنــــه وزمزم
وابــن الــذي اوحى إله ــ رب البشــــر واتكلــــــم
آنه ابن أفضل من سعى ــ وحج كعبة الله وأحرم
وآنه ابن مگطوع النحـرــ وشيبــه تخضب بالـدم
يا ناس آنه السجاد ــ ابن الذي بروحه ذاد
حسين ابمساره ــــــ حاز انتصاره
لمن دخل أرض الشام
كلمــات عمــــار الراشــــدي
استشهاد الإمام السجاد ع
بعابد أهل العتره .. للعتره .. نواسيها
عترة الهــادي النبـي .. هــذا زيـــن اعبادهـا
روحه من بعد الصبر .. هالدِنـــه ميعـــادهــا
آل اميـــه الباغيـــــه .. نفِّــــذَت أحقادهــــا
مادِرَو يــوم انفگـــد .. رويحتـــــه ميلادهـا
للعظيم ابصبره .. للعتره .. انواسيها
ضنوة حسين الأبـي .. يا أعـــز مــن روحه
خامس اهل النايبـه .. بدمعِتـــه وبنوحـــه
عاش عمره منهضم .. اتوسد اويه جروحه
لبو الباقـر دمعتــي .. عالوجـــن مسفوحه
باللطم والعَبره .. للعتره .. نواسيها
خيرة الله وحُجِتَه .. سِــرّه مـِــن أسـراره
ما يخيب اليلتـــزم .. منهجـــــه وآثـــــاره
قبس من نور العَلي .. نهتــــدي بنــــــواره
نعجز امن انوَصُّفَـه .. بالنظــــــم واشعاره
للي هدموا گبره .. للعتره .. انواسيها
مشعل ابدرب الصبر .. والصبـــــر عنوانــه
موقفه بدرب اليسـر .. رغـــم كــل احزانـه
وگف ضد الطاغِيـَـه .. مـن دخــــل ديوانه
ابخطبِتَه حاز النصر .. مــن فضح عدوانه
للحروفه عِبره .. للعتره .. نواسيها
حان ميعـاده ودِنـــه .. للأجـــل مكتوبـــه
والحبيب ابيـا وضع .. يلتگـــي بمحبوبـه
بجسد أضناه الحزن .. جمرِتـَــه منشوبــه
رحل وابسم الغـــدر .. چبدِتَـــه مصيوبـه
بالدمع والحسره .. للعتره .. انواسيها
إبن مروان البَغــي .. طاغي نَفَّـــذ حقده
هالزنيم الناصبــي .. هذا منهــــج جــده
للامام ابن الامــام .. والحليــف السجده
غيّبه عـــن شيعته .. يــوم سمــم چبـده
انودع ابن الزهره .. للعتره .. انواسيها
كلمات عمار الراشدي
إستشهاد الإمام السجاد عليه السلام
إبكي معي ـــ ياسامعي
لمصيبــةِ السجــاد
يومُ الأسى قد عاد
يا سامعي ـــ يا سامعي
ياسامعي دعنا معــاً نستذكِــرُ الأيــام
في كربلا كــان بهـا قلباً حــوى الآلام
عاش حزيناً دمعُهُ يشهد على الظلام
كم من مآسٍ ذاقها في كربلا والشـام
زينُ العباد ـــ كهفُ الرشاد
دماً بكت عيناه
ونحن لا ننساه
يا سامعي ـــ يا سامعي
يا سامعي هذا علــي مُكبلاً وأسيــر
مع العــدا مُقَيــداً لهفي عليهِ يسيـر
لِما جـــرى لسيدي يخونني التعبيـر
أكُلُّ هـــذا يُفعَــلُ بمهجـــة البشيــر
قلبي حَزَن ـــ طولَ الزمن
صـارَ حليــفُ الآه
شجواً على مولاه
يا سامعـي ـــ يا سامعــي
ياسامعي قُم كي نواسي سيد الأكـــوان
بدمعــةٍ مسكوبــةٍ من حُرقَـــةِ الوجدان
على إمــامٍ عابــدٍ هُـــوَ حجـةُ الرحمـان
غدراً قضى بالسُمِ من عصابةِ الطغيـان
غدرُ الوليد ـــ غالَ العميد
قد سمـــه الملعون
واقـــرح العيـــون
يا سامعي ـــ يا سامعي
يـا سامعـــي ذي ليلـــةٌ تُحيطهــــا الأرزاء
فيها شهيداً قــد مضى نجــلُ ابا الشهداء
أبكى عيــونَ المرتضى وكذا ابا الزهـــراء
وبكَـــت ملائكَــةُ السَّمــا مغبرتــاً شعثــاء
بدرٌ أفل ـــ أدمى المقـل
خامسُ أهل النَّوح
أبكى القلم واللوح
يا سامعي ـــ يا سامعي
نُوَبُ الزمانِ أفجعت مهديُّنا الموعود
أنتَ المُعــزّى سيـدي ياحجة المعبود
عن ثارِ جدِك ياتُرى إلى متى القعـود
يا صاحبَ العصرِ أما حانَ بأن تعــود
قبرُ الإمام ـــ يشكوا الحطام
قد هدَّموا القبـور
هذا دليلُ الجـور
يا سامعي ـــ يا سامعــي
كلمات عمار الراشدي
استشهاد الامام السجاد عليه السلام
بالحـــزن خَــلَّص سِنينـــه
ذِبلـَــت امــن الدمـع عينـه
علي السجاد علـي السجاد
بالدهــر عانـــه المصائـــب والمحـــن
مساهره عيـــونــه ولا مرهــا الوسـن
واحد امن الخمسه أصحاب الشجــن
هَـــم دليلــه ابـــد مـا لحظــه سِكَــن
مساهـــره عيونـه الليالـــي
چــم عزيـز النعــى وغالـــي
علي السجــاد علي السجـاد
يِذكِر احبابـه و يِـهِل دمــع الفـــراق
لغيبة الاحبـــاب يجــرح الاشتيـاق
الحيـاة ابدونهــــم مُــــرّة مـــــذاق
موحشـــه الدنيـــا بعدهـم ما تطاق
اتلــــوَّع ابطــف الرزايـه
شاف كل أهلــه ضحايـه
علي السجاد علي السجاد
شائـت الاقدار لــــن يِصبَــح عليـل
هالأرض ما تخله من حجه ودليــل
الله راد الـ علــي بالطف مـو قتيـل
حكمـة البــاري يظـل للحــگ سبيل
حكمه مــن طالــت حياته
ابكربلــــه سهمـــه نجاتــه
علي السجاد علي السجاد
لزيــــن العبـــاد المواقــف شاهده
استارث أوتاد الصبر مـــن والــده
واجـــه الظالـــم ابحكمــه راشـده
من وگف يخطب بديـــوان العـدا
خطبِتَـــــه بديوان اميــه
ثــــوره ضــد النـاصبيــه
علي السجاد علي السجاد
مـا يدنــگ راســــه للطاغـي رفــض
أسد واگــف بالقصــر رغــم المـرض
خطبِتَـــه بالشام من بيهــــا انتفض
وضـّـح اللــي راده ولأمـــره فــرض
وارث أجـــداده ابعلومـه
بكلمِتـَـه فنّــــد خصومـه
علي السجاد علي السجاد
بكربلــه شاهـَــد حسيـن المنصرع
من يذِكــــره لحالـــه گلبه ينفجــع
حتــه وكت الزاد يتجـــاره الدمــع
واستمر حتى لممـاتــــه هالـوضــع
دمعِتَه اعله الخد جِرِيـّـه
ظلـــت اليـــوم المنيـّـــه
علي السجاد علي السجاد
اجَّــرَعِ المُـــر ابفعـل سَــم المنـــون
حگهــا تجـري دموم لمصابه العيون
شيعِتـَــك منـــــك طلبها ويرتجـون
عدها غايـب سيفه ينهيها الظـنـون
ايعجـــل البـاري ابطلِعتـه
ايتمــــم ابثــــاره فرِحتـه
علي السجاد علي السجاد
كلمات عمار الراشدي
استشهاد الإمام السجاد عليه السلام
الليــله للعتره انفگـــد سجادهـــا
يا سلام الله اعله زين اعبادهـــا
الســـلام اعليك يـا زيــن العبــاد
جارت الاشرار وأصحـاب العنـاد
بالحقــد سَمـّــوك يا باب المــراد
كَبِلــَـت أطهـــر نفس اصفادهـــا
الليله جنح النايبه ابيثرب يحوم
بالحزن وهموم متلبـــده الغيـوم
غيــظ آل الملك للساجــد يــروم
للغـــدر يدفعهــا شـــر اعنادهـــا
الوليد ابـــن الملك حاقـــد نـذل
ظل يحوم اعليه خطـط للقتــل
گال لا راحه وعلي بعـــده عدل
ساعــــة التوديع حــل ميعادها
گـِرَب ميعاد الــــوِداع او ليلـــه
جِــــرَع سَم الظالم و هد حيلـه
الوليــــد ابن الملك يــــا ويلـــه
صُبَح لِجْهَنم حطبهــا و زادهـــا
سادس الأنوار مسمـــوم الچبـد
للمنيه امــــن الـــــولاده مستعد
هـــذا ميعــــاد المنيه و مـا تـرد
روحك ابيـــوم المتت ميلادهــا
آل طـه بين مسمــوم و خضيب
خَزِنَت لجروح يا جـرح اليطيب
ولعلي السجاد هــل زاد النحيب
فگـــدت العتــره اعـز اولادهــــا
كلمات عمار الراشدي
.
تگطـع چبده ــ إمام السجده
علي الساجد ــ علي العابد
إمام السجده
شفت بالطف بنــي هاشم صريعـه
شفت نحر الحسين ورض ضلوعه
شفت سهم المنون ايحـــز رضيعه
شفت چفيـــن ابو فاضــل گطيعه
شفتهـا خيامك ــ تشب بايتامك
أثر گيده ــ بقى ابجيده
إمام السجده
الليالي تعرفه من موضع سجوده
ومناجاتــــه دمـــع يحفـر خدوده
بچه الكون المصابه ابكل وجوده
لحـــد موتـــه أثـر أسره وقيوده
جَرِح مذبوحه ــ يعيش بروحه
گضه عمره ــ يهل عبره
إمام السجده
اختنگ صوت الاذان اعله المنابـر
طفـــت بمصابــــه انـــوار المنايـر
المصيبه بيا وصف يوصفها شاعر
جِـــرَح حــزن القلم وجه الدفاتــر
اشعظم مأساته ــ و ألــم آهاته
الدمع ساجر ــ لبو الباقر
إمام السجده
النجوم اتكدرت والوسعه حزنت
وگف حتى الهوى والدنيا صفنت
الملايـــك بالسمه لمصابه ونَّـــت
تِشَيـــع اجنازتـــه صوبـه تعنــت
جَهَــز تابوته ــ عِلَن عَن موته
عگب صبره ــ نحفر گبره
إمام السجده
حروف الفاجعه تحيــر برثائــــك
عشت عمرك تهـــل دمعة بكائــك
وأحاسيس الحزن حتـى بدعائك
لأن صبــح ومســه ناصب عزائك
يِوِن لحبابـــه ــ عجيب مصابه
لبو اليِمَّه ــ سبب هَمَّه
إمام السجده
يبو الباقر حِــزن گلبــــي حچيته
ودمع عيني على مصابك جريته
طلــب منـــك يمولاي ارتجيتـــه
أزورن گبــــرك المــا يوم اجيتــه
أنـــوح ابّابـــه ــ أشــم اترابــه
وسف صعبه ــ بــلا گُبّـــه
إمام السجده
عمار الراشدي
.
بگلــب مكسـور ــ حفــرت گبـــور
دفنت احبابي وا ويلي
گطيعه نحور
اجيت بنـــار أحزانــي ــ طويت الگـــاع من أجــري
أنـــا السجاد
رحت أدفنهــــا خِلّاني ــ وابويـــه مهجتي وعمــري
مصابي عـــاد
يبويه حسين هذا آني ــ اگصدت متخفي من أسري
عفــت لصفاد
ابأمـــر إعجــــاز رباني ــ إلهــــي يعلــــــم ابأمـــري
أواري اجساد
شفــــت بالگــاع ــ جثــث و اضلاع
على التربان مطروحه
گطيعة نحور
شفت مأســاة بعيونـــي ــ نحور امگطعــه وتدمـي
وحزين الكون
صحت بس ما يسمعوني ــ ولا فــارس ولا نشمـي
إلي ايسمعون
إگعــدو مـــا تحاچونــي ــ يهاشــم يا بنـي عمـــي
ولا ايـــردون
وحيد اليـوم تدرونــــي ــ عليل وياكـــل بجسمي
المرض تدرون
الوضع يا ناس ــ يِشَيب الرّاس
يريت عيوني ما شافت
گطيعه نحور
يويلي امشيت للمصرع ــ أدَوّر ويـــن ابو الاكبـر
ابأرض عاشور
لگيت حسين بالمضجع ــ بلايه اعظـــام وامنثر
جسـد منحور
حرت من والدي شجمع ــ ألِـمّــه شلون مـا اگدر
وذر منـثــــــور
حبيب المصطفى امگطع ــ دفنته ابدمه واموذر
لطمنـــه صدور
وذر لَــمّيـــت ــ بحصيره وجيت
دفنته وعگبه جيت ادفن
گطيعه نحور
على الشاطي لبو فاضل ــ رحت لن شاهدت عمي
وعسن ماشوف
لگيت الفــــارس الباسل ــ جسد متـــوذر ومدمي
بلايــه چفـوف
ولا چنه أهــــو الكافـل ــ لَمَنْ شفت الگمر مرمي
بثرى لطفوف
اجمعه شلون والحاصل ــ دفنته وروحه لن يمي
علينه اتطوف
ادفنت عباس ــ بلايــــه راس
انا الدفــــان والناعــــي
گطيعه نحور
ادفنتها جسوم أحبابي ــ أرض عاشور حضنتهم
دفنت شموس
أشد من لوعة مصابي ــ أضاحي الگاع ضمتهــم
بلايــــه روس
صعب توديـــع غيابي ــ بعـــــد متعـــود لمتهــم
أمـــل مايوس
دفنت اخواني واصحابي ــ بعد هيهات شوفتهم
وكت منحوس
أهيــل تــراب ــ وأشد امصاب
برماح الروس مرفوعه
گطيعه نحور
رجعت العمِّتي زينــب ــ شرحت الحاله والمِحنه
وبچينه هواي
دفنته والدي امخضب ــ وداعــــاً سيـــد الجنّـــه
واسمعي بهاي
الدمع يا عمه خل ينصب ــ ونِجِــر ونّه ابأثر ونّـه
علــى الرواي
جسد عبــــاس المرتـــب ــ وذر صايـــر ولا چَـنَّـه
جســد سقاي
ادفنت جَسّام ــ بثــــرى الآلام
ورضيع حسين والأكبر
گطيعه نحور
عمار الراشدي
https://youtu.be/VKE5kN1krj4?si=ZfNTbkaTMKT3iAkn
Читать полностью…
كان أنيق جداً لدرجه أنه رفض قتالهم وشسع نعله مقطوع.
#ليلة_القاسم
#ليلة_الشباب
#ليلة_الشهداء
من مجلس ليلة ٦ محرم الحرام ..
#انصار_الامام_الحسين ع
مجلس الختام ليلة ٢٠ محرم الحرام ...
حسينية ذرية المرحوم عبد الكاظم الحچامي
حِــزنِ العليـــل السجاد ما تطفه نـاره
كلما يجيبولــه الــــزاد دمعه ايتجاره
ما نسى عاشــور و أيامــه المروعـــه
من يشوف الزاد فوگــه تهــل دموعه
كربله تركـــت جـــرح يلچم ضلوعــه
مــا ينـــام الليل وامگابــــل شموعـــه
يوقِد شموع الاحزان وتتجــاره عينـه
وايزور ابوه العطشان وحامي الظعينه
من يشوف المــاي يذكرهــا الشريعــه
يذكـــر العبــاس وچفوفـــه الگطيعــه
والعلــم والجــود والجثـــه الصريعــه
ما رجـــع ياحيــف لسكينـه الفجيعــه
دون الأهل وحشه الدار والعيشه مره
حتى الصبر منه احتار ما مثل صبره
بكربلـــه شـاف المــآسـي والعجايــب
مـــا تهنى ابزاد مــن كثـــر المصايـب
هالعليـــل اشعملـت ابگلبــه النوايــب
يعمي شوف العيــن يفـــراگ الحبايب
ما يبره گلبه المكسور ولايبره جرحه
منظــر ابوه المنحــور خنجر يذبحـه
من يشوف الــزاد عالنـــار ايتحسـر
يذكـــر الخيمــات بالنيران تسعـــــر
ويذكر الاطفال وامراگضها بالبــــــر
والشفاه الذابله العطشانــه بالحــــر
ضاگت بعينه الايــام وروحه العليله
عايش رهيـــن الآلام نهاره اويا ليله
من يشم ريحة دخان ايلچمــه گلبـه
يضيگ صدره وطعم زاده ما يگربـه
ومن يشيل المـــاي من چفــه يذبـه
يصيح دونك ياحسين شلون اشربه
بوجه الفرح سد الباب لابس سواده
ناصب مآتم لمصـــاب ليوم الشهاده
ظل حزين الروح والدمعــه بعيونـه
ويلي عالسجــاد من حضرت منونه
اتمنى ابو اليمه وابو فاضل يجونه
الاكبــر وجســـام ريــت ايشيعونـه
وا ويلي اعله المسموم چبـــده تفطر
وگبره الحزين المهدوم يفجعنه أكثر
عمــار الراشــــدي
بديوان امَيّه ــ وگفت رمح زينب علي طعنت خصمها
مـــن الأبِيَّــه ــ چم قائد وقائد نِهَل من چــف عزمهـــا
والغاضريـــه ــ منهـــا انولد ثائر شهـــم حامــل علمهـا
ٲخذو تحيّــه ــ السيد حسن نصر الله عدوانه رجمهـا
نصر الله خالد صار ــ تطوف ابگبره الزوار
نخضع هيهات محــــد راح يثنينه
يــوم الثارات مهما طـــال يلفينـه
صبـــراَ يـــا بني هاشــم
لابـــــد يظهـــــر القائـــم
صــارت واضحه الصوره
ما ظل شي على اظهوره
رايـــة ثــــــاره منشـــوره
عالظالــــم يجــي نـاقــم
گربــــت كـــــل علاماتــه
بـلهفــه انـتـــاني ثاراتـــه
تضــمــد كـــل جراحاتـــه
عالشـــر يشهــــر الصـارم
احنــه كلنـــــه انصـــاره
احنــه سيوفــه بتـــــاره
احنــه جنــــوده بالغـاره
لـــو غار اعــله كل ظالم
خـــل اتشحــط ابدمـــي
ويتـــوذر وذر جســمـــي
أنـــتَ بـــأبـــي و أمـــــي
للعتـــره صــــرت خاتِــم
نـتـــغربــــل بعـــد أكثــر
يبقـــى الانــــدر او انــدر
حتـــى النصرتــك نگــدر
بحـــر الفتنـــه متـلاطـم
لازم اول انعــرفـــــــــك
بعد المعرفــه انحبــــــك
بعد الحب نجي نخدمك
هنيالــــه الإلـــك خــادم
عمار الراشدي
استشهاد الامام السجاد عليه السلام
يــا سـادس نــور
يــا يــوم انـــزور
گبـــر المسمـــوم
يالغالي ــ يالغالي
مشتاگه عيوني تشوفك
آنــه ودمعاتي انطوفـك
انثر دمعي بكل خطـوه
للغالــي وابــن الصفـوه
سالفتي اطويله
وإلمن أشكيلـــه
حنيـــت الليلــه
شگـــد بيـّه عتاب
وجرحي الماطاب
ومنـــك محــروم
يالغالي ــ يالغالي
ـــــــــــــــــــــــــــــــــ
مصابك مافارگ بالـي
وگبـرك مهـدوم گبالي
كــون انوديلك فزعـه
وانهشم روس البدعه
ونرفــع رايتنـه
ننصـــر سادتنه
وتشبه صولتنه
صـولـــة عبــــاس
من عــزم او بـاس
ذاك الجيـــــــدوم
يالغالي ــ يالغالي
ـــــــــــــــــــــــــــــــــ
بمصابك مثل الشمعه
ذوبتنـي نـــار الدمعه
كــون الگبرك مشايـه
نگصــد واترف الرايه
بصبـرك نتحزم
وننصبلك مأتم
يـم گبرك نلتـم
نلطـــم و انّــــوح
يبـــن المذبــــوح
حسيــن المظلوم
يالغالي ــ يالغالي
ـــــــــــــــــــــــــــــــــ
هاك انشد گلبي الذايب
عن حبــك لتظـن تايب
لـو حــزو لجلـك نحري
تستاهــل دمي اليجري
أفديــگ انفاسي
واحبابي وناسي
بيك ارفع راسي
عنــــدي السجــاد
رمـــــز العُبـــــــاد
وسِــــر القيـــــوم
يالغالي ــ يالغالي
ـــــــــــــــــــــــــــــــــ
فاضــن دمعــات اونيني
مــا تنشف طول سنيني
صوت امصابــك ترتيلي
سمّــو چبــــدك وا ويلي
واتسامت روحك
خالــد بجـروحك
والكـــل اينوحـك
ســـم العـــــدوان
خَيــَّــط أچفــــان
عمـــرك هاليـــوم
يالغالي ــ يالغالي
ـــــــــــــــــــــــــــــــــ
ننشد مهدينـــه الغايــب
بثارك يا يــوم ايطالـــب
ويا يوم اليبني الحضره
وايفَــرِح گلـــب الزهـره
صاحب ازمانــي
يجبـــر احزانــي
وميظل سفياني
وكـل احنه جنود
ابجيش الموعود
للثــــار انگــــوم
يالغالي ــ يالغالي
عمار الراشدي
إستشهاد الإمام السجاد عليه السلام
ظــل گلبه مالـوم ــ كل عمره مهموم
كل عمره مهموم ــ ظـل گلبــه مالوم
جـور المصايب غَـيّـر ارسوم الترافــه
واعله الزمن چلمة عتب أبدت شفافه
ماينسى مصرع والــده گدامــه شافه
محزوز بالطف منحره عالغبــره عافه
بعيونــه تذكـــــار ــ يتذكـــر الصــار
يتذكـــر الصــــار ــ بعيونـــه تذكــار
سيف المنايــه ابسامعه يدوي صليلــه
ماينسه يـوم اللـي ذبـح رگـبـة خليلــه
ماگدرت اتنصره وسف روحــه العليلـه
ظلــت تحز ابخاطــره لساعــة رحيلــه
بالحســره ملتـاع ــ مــن يــوم الوداع
مــن يـوم الوداع ــ بالحســره ملتــاع
ما ينسى ابو الباقر ابد صوت الحوافــر
من رضّت ضلوع السبط خيـل العساكـر
مرسومه هالصوره بگت بجفن النواظـر
وايگول مـاغيــر الصبر عنــدي مناصــر
والصبر مــا فـــاد ــ ظل جرحه ماهاد
ظل جرحه ما هاد ــ والصبــر ما فــاد
گلبه صُبَح بيت الحزن مالحظه خالـي
يتگطع اعلـه النايبه ومصــرع الغالــي
وامساهره عيونه بگــت طول الليالي
يتذكر الراسه انرفـــع بروس العوالي
للراسه مگطـــوع ــ يتجاره لدمـــوع
يتجـــاره لدمـــوع ــ للراسه مگطوع
من عگب وقعة كربله وذيــچ الظليمه
عاش ابحزن طول العمر حزنه نديمـه
بيا حال يصبح حاله لــو أبصـر يتيمه
گلبـــه يذوب ويذكــر المحنــه الأليمه
من حرگ الخيام ــ مرعوبـــه ليتــام
مرعوبـــه ليتــام ــ من حرگ الخيام
ما رمى جلباب الحـــزن اتفصلــه اچفـان
خامس الخمسه انودعه من اهل الاحزان
نال الشهــاده چـي رفض زمــرة الطغيان
غــدروه وبدافـــع ضغينـــه آل مـــروان
بسَم زمرة الجور ــ لن چـبــده منثــور
لـــن چبده منثور ــ بسَم زمرة الجـــور
كلمات عمار الراشدي
إستشهاد الإمام السجاد عليه السلام
ايحــوم جنــــح النايبـــــه بديــاره
غــابــت ابسَــــم العِــــدا انـــــواره
هـــذي ليلــة فاجعــه يا مؤمنيــن
يا وسف مولانــه زيــن العابديـــن
جِــرَع سَـــم الناصبـه والظالميــن
صابِتَـــه اچفــوف العِـدا الغــداره
گَطَّــع اگلــوب التحــبــه ابغيبِتَــه
تِرَك جــرح ونــار بينــه ابروحِتَــه
دمــوع احبابـــه تهـــل لمصيبِتَــه
اتلَـــوّع ابسَــــم الغـــدر وابنـــاره
صابَه مَن مَزّگ المصحـــف الكريـم
إلوليـــد ابـــن الملـــك هــذا الزنيم
إنّـــوب بالأحقـــاد رد هــذا اللئيـم
لسادس العصمــه خطــف أعمــاره
آل اميـــه منهـــا شفنـــه النكبــات
غِـــدرَت ابأحقــادهــا ذو الثفنــات
خَيّـــم اعلــه العتره ليــل النايبات
خلّـــت ادمــوع الحــــزن مــدراره
عابـــد العتــره گضــه ابسـم الغـدر
خامــس اهــل النوح عنوان الصبـر
ينحب اعله حسين ظل طول العمر
لــوعـــة الطـــف عاشـــت ابأفكـاره
انودع الليلـــه ابحزن زيــن العِبـاد
نعلـــن ابكــل دار عالوالــي الحداد
انوشـــح الجدران بلـــوان الســواد
نرفـــع ابهـاليــــوم رايــــة ثــــــاره
كلمات عمــار الراشــــــدي
استشهاد الإمام السجاد عليه السلام
ليلة مصاب السجاد ــ ليلة شجون ودمعه
لسان العوالــم بالفجيعــه نـــاداه
نجــوم وكواكـــب بالعوالي تنعاه
والكون صابه الحزن والهم وافاه
جِن او إنس والأملاك ــ لمصيبِتَه منفجعه
يرثي الوجود ابلوعه علّة ليجاد
ينحب عله المسموم زين العُباد
للموت بيــده أثـر ذيچ الأصفاد
شاهد تظل عالظلام ــ واهل الغدر والبدعه
سادس بدر للعصمه غاب ابهاليوم
عاش العمــر مِكـدِر حزين ومهموم
ابحجر المنايه غفه وچبده مسموم
مات الإمام السجاد ــ وانطفت سادس شمعه
لزيــن العبــاد الموت خَيّـــط اچفــان
والجانــي معروف الرجس بـن مروان
خطط لچتلـه الطاغـي ظُلــم وعدوان
بالسم سگاه الملعون ــ لــن چبدِتَه متگطعه
عابد بني هاشم سليـــل الأطياب
ينعاه موضع سجدِتَـه والمحراب
ضنــوة ابو الأحرار هالليله غاب
بالنايحه و بالحسرات ــ ياشيعه خل انودعه
فوگ المصيبه امصاب ثاني ايألم
گبــر ابو الباقــر يـا وسف متهدم
لأرض المدينــه نلتفــت وانسلـــم
عدنه طلب نترجاك ــ يبن الوديعه اتسمعه
مطلبنه تعجيــل الفرج للموعــود
يا سيدي ومن عنده ثارك مريـود
ايشَيِد ضريحك والمنارات اتعـود
بجاهك رجينه المعبود ــ يظهر محامي الشِرعه
كلمات عمار الراشدي
استشهاد الإمام السجاد عليه السلام
ارد اخِبرَك يبني يالباقــر
كم وصيه والدمع ساجر
حان الوداع حان الوداع
يبني يالباقــر
يبني اخِبرك گبــل موتي واستمع هذا الخبر
جدك حسين ابو اليمه ابعالم طيوفي حضر
شايل ابحضنه الرضيع وراسه محزوز النحر
گـــلي يالسجاد يبنـــي الليلــه ميعــاد القـدر
عَجّل او ننتظرك اوليـدي
هذا أمر الباري مو بيـدي
حان الوداع حان الوداع
يبني يالباقــر
يبني خَبَّرنــي الحسيـــن هالوصيـه ابكربله
يوم ظــل ابلايه ناصـر حاطته اشرار المـلا
گلي إياك الظلم ها للـــذي لا حـــوله لــــه
تلتزم باقـــي بنينـــك محتـــوى هالمسألــه
حارِب اتباع الظلم والشر
بهالوصيه والـــدي خَبــَّـر
حان الوداع حان الوداع
يبني يالباقــر
يبني عندي ناگــه ظلت ملازمتني ابدنيتي
حاضـره عشرين حجـه مرافگتني ناگِتـــي
لو دنى منها المنون او حزنت اعله فرگِتي
بيدك اتولى دفنها هـذي يبنـــي اوصيِّتــي
حزنت الناگه اعله راعيها
ماتت وما ظل نفس بيها
حان الوداع حان الوداع
يبني يالباقــر
يبني ابساعة رحيلي وفارِگت روحي البـدن
عندي بس آخر وصيه اتولى غسلي والكفن
بالبقيع ادفني يبني يم گبـــر عمــي الحسن
أَدعي من ربـــي يعينك عالمصائب والمحن
وَسَّد السجـــاد يم عمــه
هَل عليه اترابه وايشمـه
حان الوداع حان الوداع
يبني يالباقــر
وَدَّع الباقر ابـــوه او يهمل اعليه مدمعـه
شاهد آثار السياط او أثـــر گيد الجامعـه
ظلت اسياط الشمر الشاهد اعله الفاجعه
السواد امن السلاسل ظل علامه موضعه
ظل اثــرهن حـزت اگيــوده
وكل جروح السبي موجوده
حان الــــوداع حان الـــوداع
يبني يالباقــر
كلمات عمار الراشدي
استشهاد الامام السجاد عليه السلام
مِن آلِ هاشِم سِرٌّ فَريـد
أرداهُ ظُلمـــاً سَمُّ الوَليد
يا صاحِبَ الثَفَنات
تَبكي لَكَ الصَّلَوات
يا راهِبـــاً وَعابِـداً وَ حُجَـــــــــــةً لله
مُتَيَّمـــاً وَمُغرَمـــاً القَلبُ فـــي مَولاه
مُعَلِّمـــاً وَعالِمـــــاً يَفـــوزُ مَـــن والاه
زَينُ العِباد كَهفُ الرَّشاد اللهُ قَد زَكّاه
يا خَيرَ ساجِد لَكَ السَّـــلام
للِه هاجِـــــــد مَولى الأنام
يا صاحِبَ الثَّفَنات
تَبكي لَكَ الصَّلَوات
مُجاهِداً وَقائِداً كَم جابَــهَ الأحقاد
مُخاطِباً مُطالِباً قَــد واجَهَ الأوغاد
مُكَبَّــــلاً مُقَيَّداً في جيدِهِ الأصفاد
مُؤَيَّداً مُسَدَّداً مِـــن خالِقِ العُبّـــاد
ذَلَّ الاعادي ذَلَّ القُيــود
زَينُ العِبــادِ نالَ الخُلود
يا صاحِبَ الثَّفَنات
تَبكي لَكَ الصَّلَوات
إمامُنــا عِمادُنا يُساقُ في الفَلَوات
سَبيلُنـا دَليلُنـــا عانى مِنَ الكُرُبات
مُحارِباً وَكاسِراً لِلْنَفسِ وَالشّهَوات
مُناجِياً مُصاحِباً لِلحُزنِ وَالعَبَــرات
عُمراً قَضاهُ يَنعى الحُسين
حُزناً بَكــاهُ فـــي كُلِّ حين
يا صاحِبَ الثَّفَنات
تَبكي لَكَ الصَّلَوات
مَلاذُنا سَجّادُنا مُنــاصِــــرَ القُــــــرآن
مُجَــلَّلا ًمُكَـــلَّلاً وَ تـــاجُهُ الأحــــزان
مُدافِعاً وَناصِراً لِسَيِّـــــدِ الأكــــــوان
مُحامِياً وَشافِعاً يَروي ظَمى الحَرّان
أبداهُ ظُلماً شَـــرُّ العِبــــاد
سَقَـــاهُ سُمّــاً شَفَّ الفُؤاد
يا صاحِبَ الثَّفَنات
تَبكي لَكَ الصَّلَوات
يا مُلهِمــاً عُشاقُهُ بِنـــــورِهِ الوَضّـــاح
مُسالِماً وَمُحسِناً هامَــــت بِهِ الأرواح
وَكاظِماً لِغَيضِــهِ وَعافِيــــاً مِرجــــاح
مُسامِحاً وصالِحاً احتارَت بِهِ الشُّراح
نــــالَ المعالـــي في الخافِقَين
حِصنُ المُوالــي نَجلُ الحُسين
يا صاحِبَ الثَّفَنات
تَبكي لَكَ الصَّلَوات
كلمات عمار الراشدي
• 《 بدر بالطف غيابه بچت أمه لشبابه 》
• الرادود | السيد علي البخاتي
• كلمات | عمار الراشدي
• مجلس عزاء ليلة الثامن من محرم
• حسينية الرسول الاعظم محافظة ديالى |قرة تبة
طويـــت الفيافــي لوالدي
ادفـــــن إمامـــي وسيـدي
رحــــت ومشيـــت الكربلـه
واعضايــــه كلهـــا معلعلــه
نايـــــم ابويــــه بهــالفلــــه
مذبـــوح وصوابــــه نـــدي
بـالمعجـــزه طويـت الأرض
واگليبــي مـا ظل بي نبـض
دفـــن الابــو أعظــم فـرض
امن الكوفه جيته الوحّـدي
وينـــك يبويـــه بيــا كتـــر
هـــذا آنـــه حفــــار الگبـــر
شميـــت بالمصـــرع عطــر
العطـــر الشهـــاده مگصدي
لن شاهدت شمس الصبــح
وجروح جسمـــه المنذبــح
ألـــف وتسعميـــــة جــــرح
بسهــــم المثلــــث تبتـــدي
ويـــلاه ابويــــه بمصرعـــه
جثــــه سليبـــــه امگطعـــه
وسفــــه بحصيـــره اجمعه
عمـــري وحبيبـــي وسندي
آنـــه ادفنــــت أطهـــر بدن
يبقـــى الحزن طـول الزمن
حد مـــا يجي إبــن الحسن
ويگطـــع چفـــوف المعتدي
عمار الراشدي
#ليلة_الدفن
https://youtu.be/wPw-MQAd--c?si=vnKSJnsHUF3KuuVo
Читать полностью…
افني عمــري للخدامه
الخدمه بيها راحتي ــ والسعاده بدنيتي
افني عمري للخدامه
آنــــه من زغري اطلبتها مُنيِتـــي
أخدم حسيـــن ابصدق بقرايِتــي
اتوكلت بسمه ومضيت بخدمِتي
و للمنيــــه عالمنـــابـــر وگفِتـــي
يملك الخادم علامه
ابگلبه نِيَّه صادقه ــ ابكل حرف من ينطقه
افني عمري للخدامه
يبــــو الاكبر خدمتـــك ترياقـــي
سيـــدي للمـــوت اخدمك باقــي
صوتـــي من يقــره شعر أوراقي
لخدمـــة حسين واخـوه الساقي
الخدمه يالوادم كرامه
والجواز البــي نمر ــ باچر ابيــوم الحشــر
افني عمري للخدامه
سيــدي وفقنــــي من معـــروفـك
موكـــب انصب لليزور طفــوفك
اكنس او اطبخ او اسگي ضيوفك
وانــذر اموالـــي لسخاء چفوفـك
ما يهم لوم الملامه
وما افكر بالتعــب ــ ولا وجاهه ولا نسب
افني عمري للخدامه
زايــــر حسيــــن وگبـــر عباســه
نسمــــة الغيـــره بعطـــر انفاسه
امسح اجدامـــه وامـش امداسه
وانحنــي لطولــه وابوسه براسه
الخدمه ذخري بالقيامه
بوجهي دخان الجدر ــ زاد اوزع وافتخر
افنــي عمـــري للخدامه
جنــــة الله يالموالــــي ابهايــــه
موكــب وخدمـــه وبچي وقرايه
وچف يدگ عالصدر جـوى الرايه
والشفاعــــة ابخدمــــة المشايــه
كلها توصل بالسلامه
تمشي صوب ابن النبي ــ وتذكر ايام السبي
افني عمري للخدامه
خدمتــــي ادري قليلــــه گبـــالـك
عيالي مــأمونـــه وسِبِيـَّــه عيالك
يمـــي اطفالي وشريـــده اطفالك
جسمي صاحي او وذروا اوصالك
ادعي للمهدي وقيامه
وياخذ بثار النحــــر ــ وزينب وثـــار الگمـر
افني عمري للخدامه
عمار الراشدي
من مجلس ليلة ٦ محرم الحرام ..
#انصار_الامام_الحسين ع