2314
@Alphadli قناة في رحاب الحسين ع قناة قصائد والحان في رحاب الحسين ع تضع بين ايديكم كل ما هوه جديد من قصائد في رثاء اهل البيت عليهم السلام الادمن 👇 @SagadAlphadli
(موشح لاستشهاد السيدة زينب عليها السلام)
*
زينب الحوراء مظلم شامهه
ماتت وما صح گمر گدامهه
*
الف دمعه وآه يا أم الخدر
هذا يوم اوداع چن يوم الاسر
مو وكت كافور مو وكت السدر
جيبو ماي من النهر لخيامهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
غمضت عيناچ يم گلب الحزين
وما أظنه يموت كل ضيم السنين
ميته لكن للكفل مفتوحه عين
بلكي يحضر هم تتاني ايتامهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يحضر العباس والرايه الترف
بچفه تنشالين ومحضر الچتف
كافلچ وياچ والكافل كلف
دمعة أعيونه المصابچ ضامهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وينه ذاك الرجف بعينه الحرب
وينه مرني الموت والموقف صعب
هيه نفس الشام والناس الغرب
بعد ساعه وهم يدگ دمامهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
آه والاهات تحلى ويا الدمع
اليوم گلب حسين صبح منفجع
اليوم رد الباب ومصاب الضلع
وحرگ دار اهل السمه خدامهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
دگو حيل صدوركم شيعة علي
تسوى اخت عباس روحي وكل هلي
يا ستر غطه الستر بنت الولي
مثل حيدر هم قديم اسلامهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابد متظلين وحدچ لا أبد
اليوم كلنه وياچ ما طاح العمد
الهيبه حتى بموتتچ وازيد بعد
زينب العظمى الترف اعلامهه
كلمات خادم زينب
رعد الفريجي
بيناتنه ،،، ربات الزغر بيناتنه
بيناتنه ،،، دگت صدر بيناتنه
بيناتنه ،،، تراب الگبر بيناتنه
،،،،،،،،،،،،،،،،،،،،،،،،،،،،
عباس اختك زينب انه
باخر نفس ها يا حمانه
يا وسفه كل واحد مكانه
آه يالزمان الفرگانه
حشمتك بآخر حرف مات بلساني
مو انته گتلي ادللي عد عينچ آني
هلوصل موتي ودوريتك وابقه اتاني
عباس بعدك علنهر درجع ثواني
وينك ،،،، متانيتك ودمعه اعله خدي
وينك،،،، من اهد النهر يا خويه وحدي
وينك،،، بيا حال تارك لچمة عندي
بيناتنه ،،،، عيون وسهم بيناتنه
بيناتنه ،،،، رماد الخيم بيناتنه
بيناتنه ،،،،، الموت انعدم بيناتنه
،،،،،،،،،،،،،،،،،،،،،،،،،،،،،،،،،،
علقبله وجهي وانته ما جيت
بالخوه ترجع مو تنخيت
بين الحياه والموت حلميت
وحسبالي بچفوفك تغطيت
اي هذا راجع والسهم بعده بعيونه
چفوفه الگطيعه وجربته اي هذا اخونه
خلوه رجعلي من الحرب لتعبونه
گعدوني امسح جبهته وعينه اومتونه
ريتك ،،، تحاچيني وتبرد دليلي
ريتك ،،، بآخر نفس خويه وتجيلي
ريتك ،، شوف التعب هدني ويه ليلي
بيناتنه ،،،، الدم والنبض بيناتنه
بيناتنه ،،،، حسين الفرض بيناتنه
بيناتنه ،،،،، تموت الارض بيناتنه
بيناتنه
،،،،،،،،،،،،،،،،،،،،،،،،،،
تانيت خويه سنين وشهور
كل لحظه تشمرني اعله عاشور
عمري بغيابك والله منحور
وانته برحيلك ادري معذور
عباس يا ردت نفس للصدره مخنوگ
گلبي اشتعل مثل الخيم ليهسه محروگ
من اشتاگلك اندب علي وعيوني ليفوگ
عباس يا نور السمه المن عندي مبيوگ
ليله ،، تطلع تره استفحل ظلامي
ليله ،، نبرت دمع تترس كلامي
ليله ،، يل أسمك امحلي الاسامي
بيناتنه ،، شهود الدمع بيناتنه
بيناتنه ،،، موتت شمع بيناتنه
بيناتنه ،،، ثار الضلع بيناتنه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
زينب حرت يا خويه حيره
هالليله من عمري الاخيره
ترضاهه كل واحد مصيره
صوب النهر كل عمري اديره
ما بينك وابيني الوعد ليهسه موجود
وليهسه اختك ناطره وتتأمل تعود
رد وتعال امروتك ما حاجه للجود
اكتب كفيل من الدمع واسمك بالخدود
عيني ،، ياخويه رسمك عاش بيهه
عيني ،، ارجع تعال الحگ عليهه
عيني ،، تحچيلك اسمع كل حچيهه
بيناتنه ،،، نجوم السمه بيناتنه
بيناتنه ،، شوگ وضمه بيناتنه
بيناتنه ،، رمال ودمه بيناتنه
،،،،،،،،،،،،،،،،،،،،،،،،،،،،،،،،،،،،،،،،،،،،،،
يا عين زينب يا ضواهه
ها يا نبضهه وكل هواهه
غيرك بعد ياهو اللفاهه
بس الحزن يفتر وراهه
ما عندي بس جرت نفس وانته اعله بالي
وين التفتلك والنهر بايگ دلالي
يا موتت الما عنده اهل والوجه خالي
محد يشيل جنازته وميدفنه غالي
حيلي ،، يم الشريعه هناك مطروح
حيلي ،، خلص تره بدمعات وجروح
حيلي ،، يا روح زينب فدوه لتروح
بيناتنه ،، چلمة شرف بيناتنه
بيناتنه ،، منحر نزف بيناتنه
بيناتنه ،،، حيدر وگف بيناتنه
كلمات الخادم / رعد الفريجي
يابوفاضل احضر اختك
غمضت عيني وذكرتك
،،،،،،،،،،،،،،،،،،،،
الموت اجاني وانته عن زينب بعيد
يابو فاضل بس طلب منك اريد
ردتك اتغسلني من دم الوريد
وبيدك اتشيعني يالماعندك ايد
احتضر وبدمعه صحتك
غمضت عيني وذكرتك
،،،،،،،،،،،،،،،،،،،،،،،،،،،،،،،،،،،،
الشافني ويسئل منو هاي المره
انه اخت الأسمه سبع الگنطره
الوادم يصيحولي مايوصل تره
شلون يحضر والجفوف امبتره
خاف جاي وماعرفتك
غمضت عيني وذكرتك
،،،،،،،،،،،،،،،،،،،،،،،،،،،،،،،،،،،،
عجب هاشم كلها ماحضرت عجب
شوفت الساده تره اتوخر التعب
لجن اعرف ما اجو شنهي السبب
خواني كلها امگطعه نحور ورگب
ياگمر هل ساعه ردتك
غمضت عيني وذكرتك
،،،،،،،،،،،،،،،،،،،،،،،،،،،،،،،،،،،،
يابوفاضل فشله تدفني الغرب
وشامت يشيعني يالكافل صعب
انته التنزلني ودموعك تصب
بمتني تعرف كل مجان المنضرب
تمسح عيوني بدمعتك
غمضت عيني وذكرتك
،،،،،،،،،،،،،،،،،،،،،،،،،،،،،،،،،،،،
الشام غربه وبيها ماعندي عرف
وتدري موت الحرمه كلش يختلف
شلون اغمض والدمع ماضن يجف
ومتني الحد هسه ماهده النزف
شده واتنخه الوگفتك
غمضت عيني وذكرتك
ابوفايز الرافضي
سألوني ما عندچ أخو لا أهل لا حامي
وعيوني رادن شوفتك عباس گدامي
درب السبي اذاني
ميتين كل اخواني سألوني
*******
والله وكت ،، حادينه غيرك بالضعن
والله وكت ،، ام عون ما عدهه وطن
سوده بوجه هذا الزمن خلاني مسبيه
وانه الوحي يگلي هلا علراس علويه
ام الخدر ماتو هلي دار الوكت بيه
وادم الما تسوى الحچي تتفرج اعليه
نظرت الشامت بالگلب تكتلني وعيونك
تمنيت اموت ابغيبتك ما ابقى من دونك
واحد يحاچي الثاني
ميتين كل اخواني سألوني
**
وين الاخو ،، تذبحني هالچلمه وعلي
وين الاخو ،، فوگ الهزل بنت الولي
عباس يكتلني الحچي واتذكر چفوفك
الما گابلك يم النهر والخايف يشوفك
يمشي اعله طوله وبلحرب ما يلفظ حروفك
گوه اعله اخيتك تنسبي وعلمشرعه تعوفك
تعبانه من كثر البچي والحادي اذانه
ام عون مو مالت حبل عباس ذبلانه
من فدوه الك ذرعاني
ميتين كل اخواني سألوني
****
سوگ وطبل ،، فرحانه وادم علجرى
سوگ وطبل ،، ناسين يوم الاخره
يا عيد هذا ويا فرح واخواني بالحومه
كافي الهلاهل والطبل يا ناس ملچومه
ولكم حسين بكربله ما وگفت ادمومه
مات وتمنيت الولي يومي گبل يومه
علگتو زينه اعله الدرب المن دحاچوني
راس الحسين اعله الرمح والدمعه بعيوني
هاي آنه لا مو آني
ميتين كل اخواني سألوني
***
هذا الجرى ،، گالولي ميت كافلچ
هذا الجرى ،، روس برمح كلهن الچ
بلگوه ينجر النفس مهضومه يخواني
غمضت عيني اتخيلت چف ايتلگاني
عباس ميت بس احس گام وتعناني
مو يدري باخته امدلله بچفوفه غطاني
فتحت عيني وما شفت بس منحر اگبالي
راس برمح يابو علي شمسوي باحوالي
يا رمح هونك تاني
ميتين كل اخواني سألوني
***
وين التفت ،، والناس ما بيهم أخو
وين التفت ،، ماكو الاهل ماكو الابو
ايام تحرگنه الشمس علباب خلونه
يتفرج اعلينه اليمر من هاي أذونه
الماتوله كل اهله بظهر لا تنشد شلونه
يا شام بسك واستحي يا ناس عوفونه
نزلو الحبيب من الرمح لا ما نشف دمه
خلونه نمسح شيبته وخلونه نشتمه
يحسين يا قرآني
ميتين كل اخواني سألوني
كلمات الخادم / رعد الفريجي
انصبو الفاتحه بكل شارع الليله
جنازته الغريبة كلش اثكيله
بالغربه السنه ومحد وصل ليها
لحد زارها ولحد نشد بيها
مهضومه وبقه بين الغرب زوار
غير ام عون حكنه نبچي عليها
ضل تابوت زينب محد يشيله
@@@@@@@@@@@@@
قيمو الفاتحه بنص الكلب خدام
زينبكم تضل وحدها هذا العام
غريبة بلا اهل بلغرب هاي ام عون
ماتت لابچي وتشيع نص الشام
كون اخوان عدها النعش تبجيله
@@@@@@@@@@@@@@
فزعه نريد كون اليوم من عدكم
مااريد الطم يبرد اب مجلسكم
شدو حزامكم عالطم والدمعه
خدام المجالس زينب تكلكم
كل واحد بچه عباس يدعيله
@@@@@@@@@@@@@
كون بكربله مدفونه يم عباس
حته نزورها بكل وكت ياهلناس
زينب بالغرب ملجومه هاي شلون
محد زارها والكبر ما ينجاس
غير ام الخدر وحسين نشكيله
@@@@@@@@@@@@@@
بلايه يخوان ماتت بلغرب صعبه
لو يمها الكمر جان الدمع صبه
ضلت لاهل مهضومه يالعباس
موش ولام ليها زينب الغربه
صاحت ياابو فاضل ماتت العيله
@@@@@@@@@@@@@@
وداد البخاتري
@Alphadli
قناة في رحاب الحسين ع
▪️▪️▪️▪️▪️
ردتك تشيّعني من موتي يوصلني
يحسين يا خويه
يحسين يا خويه
▪️▪️▪️▪️▪️
يابو الاكبر اجه موتي رايده اتجازه
اليحتضر ينسه المنيّه ابلمّة اعزازه
واني بالغربه او نخيتك ليك معتازه
روحي من تطلع اريد اتشيل لجنازه
گلبي تره امتاني ايشيعوني خوّاني
يحسين يا خويه
يحسين يا خويه
▪️▪️▪️▪️▪️
خويه لا تِبطه ابحضورك باقيه انتظرك
خلّي أشبع شوف منك وانتشي بعطرك
هواي مشتاگه عيُوني او رايده اتنظرك
بخير كون انظر عليهن صدرك او نحرك
ليّه تجي ردتك سالم يبعد اختك
يحسين يا خويه
يحسين يا خويه
▪️▪️▪️▪️▪️
تجي ليّه ابذاكه حالك گلبي ميريدك
بس نحر ماريد انظرك داميْ اوريدك
كون ما مگطوع اباوع خنصُرك بيدك
ما أريد اتزِيد همّي او كسره مازِيدك
ارجاك من تحضر لا صدرك امكسّر
يحسين يا خويه
يحسين يا خويه
▪️▪️▪️▪️▪️
جيب ويّاك ابو فاضل لو تحِضروني
رايِته من روحي تطلع بيها چَفنوني
غيركم ما عندي أحّد وانتوا تدروني
تغمض اعيوني ابغربتي لا تخلّوني
مشتاگه اصدلكم حضروا الي كِلكم
يحسين يا خويه
يحسين يا خويه
▪️▪️▪️▪️▪️
ابد ما عفتوني لحظه حته بالمسره
عالرماح او تحرسوها لزينب الحره
عاتبت يهلي تعالوا ابونّه وابحسره
گرب موتي يهلي وآنه جيّه منتظره
هالروح مشتاگه وامتانيه املاگه
يحسين يا خويه
يحسين يا خويه
▪️▪️▪️▪️▪️
هايه گاع الشام تكتل تكسِر الخاطر
حزن صبّت عله حزني مثله ما صاير
بالگلُب چم لوعه خلّت عَملة بالعاشر
ياهو بالوادم حبيبه ساحگه الحافر
امن العاشر او يومه لليوم مهمومه
يحسين يا خويه
يحسين يا خويه
▪️▪️▪️▪️▪️
ابو الحسن الوائلي
العتبة الحسينيّة المقدّسة
١٤٤٦هـ
@Alphadli
قناة في رحاب الحسين ع
▪️▪️▪️▪️▪️
هنيالك لأن گبرك يطوفونه
او بابك منفتح دومه يخلّونه
▪️▪️▪️▪️▪️
هنيالك تجي الزوّار الك واتروح
وابكترك مجالس للبچي والنوح
بابك كل وكت ما ينغلگ مفتوح
او زوّارك يبو الأكبر يبوسونه
▪️▪️▪️▪️▪️
ابكثره يعتنون ابكل خميس الناس
يا خويه او يطوفوك انته والعباس
انه يمّي تضل يحسين بس حرّاس
وابكل يوم اصد بابي يسدّونه
▪️▪️▪️▪️▪️
يخويه دومه صحنك بالخلگ مليان
وآنه ابمرقدي الوحشه تهيْج احزان
ابديرة غربه مامشّ يمي كل خوّان
هيهات الغريب اهنا يرحمونه
▪️▪️▪️▪️▪️
هيهات الغريب ابلا هله يرتاح
يكبر حزن روحه وابد ما يرتاح
بهمومه ينثره الوكت بالمرواح
والدمعه تضل اتسيلها اعيونه
▪️▪️▪️▪️▪️
اباوع للوضع وابچي ابگلُب مكسور
صعب توصل الوادم مرقدي واتزور
رد شمر الخنه وسط الضريح ايدور
واميّه صاروا الگبري يحيطونه
▪️▪️▪️▪️▪️
انه اتمنّيت جسمي بكربله مدفون
او يزوروني مثل ما انتوا تنزارون
وابذكره وفاتي المجلس ايعقدون
او عله گبتي العلم عالي يرفعونه
▪️▪️▪️▪️▪️
ابو الحسن الوائلي
١٤٤٦هـ
@Alphadli
قناة في رحاب الحسين ع
الليله احزان ياروحي على حسين ومصابه
وابجي بنوح مذبوحي على الفاكده احبابه
ادعي ونوح الشوك يعذب وين اهل الوليان
اعظم شي بالدنيا وحقك فقدان الخوان
كل ما ونت روحي تريد حسين وي العباس
ما خلاني لوحدي الكافل ايا رفعت راس
كلبي ينوح بجروحي
اه يانار مذبوحي
اه يانار مذبوحي. ايا نار مذبوحي
اني الباجر مسبيه. لدرب الشام العلويه
ياكبر الجرح. ذبح للعطشان
اني ضلت وحده
وسفه نذبحوا خوته
اني اهدي فده اله هل القربان
@@@@@@@@@@@@@@@@@@@@@
راح حسين والكافل ووحيده ضليت
يوم الجيت حزنانه ولدياره حنيت
راحت فدشت عيني خواني خواني شكد حنان
فراك حسين يعذب روحي وفراك العطشان
ما اكدر للفركه وحقكم يا فتشات العين
لتروحون بداعت حيدر ياكافل وي حسين
ليش هناك عفتوني
بدرب الشام سبوني
بدرب الشام سبوني بدرب الشام سبوني
راحت روحي بفركتهم
اني اترجه تكلهم
زينبهم تون تحن ترضى بهل القدر
ضليت ابجي وما الگه
ربي ارزكني بهل الملگه
لحباب الكلب درب منهم للنحر
@@@@@@@@@@@@@@@@@@@@@@@
غربه ونوح يافاطم يا يمه والله
روحي تريد ملكاهم مشتاكه بكثره
وين الجان اليحمي خيامي ويجيبنا الماي
ما ردنا الماي بفركاكم ردنا احنا الوفاي
يخواني الشام تاذيني ودرب الشام طويل
وضلعي تكسر وي ضلوعك من داسته الخيل
وين حسين والكافل
صحت عليك ياابوفاضل
صحت عليك يا أبو فاضل صحت عليك يا ابو فاضل
وينك يا كافل ضعني
زادت حسراتي ووني
يسبع الكنطره. موجره. والله خيامي
ابجي عليكم وتألم
من سوط الطاغي المجرم
ردالي المهر ظهر. ميت ضامي
@@@@@@@@@@@@@@@@@@@@@@@
لخادم الأمام الحسين سيد علي خالد المهناوي
@Alphadli
قناة في رحاب الحسين ع
(شور )
يروح اختك تعال الحك
من اشوفك ترگد اجروحي
عليك اختك بقت تنشد
النشد كله اعله مذبوحي
يخوي من السبي ذاكه
لهسه وما گطع نوحي
حيل _ گلبي انلجم
حيل _ زاد الالم
حيل _ حيلي انهدم
الجانت عايشه بجالك بغربه تعيش تاليها
وانت الجنت اليه اعيون ليش الرمح يعميها
واصلت مرحله من الضيم دنيه ومالت اعليها
////////////////////////////////////////
لهسه اختك تون ضلت
عليك ولا گطع ونها
الهظيمه الي اسمها ام عون
ماتلگه اليعاونها
يبعد اختك اعيّون اختك
دمعها ولا نشف منها
ضيم _ اعله اختك يمر
ضيم _ فوگ الهجر
ضيم _ راح الصبر
سدت بابي كل اغروب تلجم جن سحگ حافر
يخلص ليلي بس انياح مثل الوحشه والعاشر
موبس الگلب مكسور حتى الصوت والخاطر
/////////////////////////////////////////
ليش الي يريد يزور
عليه بجيته يعاني
المايگدر يجي يحسين
ضل يوصي بالثاني
اليجي يبجي يشوف الضيم
وابجي اعليك يلگاني
ليش _ من التفت
ليش _ بغربه عشت
ليش _ تصيح الاخت
كل هذا اليصير حسين مامره واجه ابالي
انا الجان اليه افياي وين الحيد والغالي
تالي اختك تطب الشام موخوش ابد هتالي
////////////////////////////////////////
اخذني وحطني يم گبرك
اخيتك كلش ابعيده
الخلص عمره يم شمات
حسين الدنيه شتفيده
اريد اشتم جفافيكم
عطر الشام ماريده
كون _ يصير الحلم
كون _ مره ابتسم
كون_ عطرك اشم
لويمكم اجي يحسين واصير بنصكم اخواني
لو كلكم الي تفزعون وتفتحون بيباني
شگل للجايني من ابعيد ويطردونه عدواني
////////////////////////////////////////
تمت _ عباس فرحان
@Alphadli
قناة في رحاب الحسين ع
شالو نعشها ابلاية أخوتها
ناس الغرب حضرت وشيعتها
ياغربتج يا زينب .. يا محنتج يا زينب.. ياحيرتج يازينب
......
على افراش المرض واتعاين اعله الباب
جانت تنتظر طارش من الغياب
احتاجت بالوداع أللمت الاحباب
احتاجت للمحنه احتاجت الخوه
.....
من كربت منيتهه واجاها الموت
زينب ذكرت اخوتها وبجت بسكوت
هيضمه جف غريبه شالت التابوت
مو جف الكفلها راعي المروه
.......
لحسين وحسن ام الخدر حنت
والعباس الخوها الشوفته اتمنت
اخر صيحه الها اشكالت اشونت
اه يفارك اخوتي ابحالتي اشسوه
......
جانت زينب اتحسب اليشعيوها
العليها اعزاز مو غربه اليدفنوها
اه يلوعتج يم عون يحجوها
الحضروها بدفنها شافو البلوه
.....
ماتت بالغرب والدمعه تجريها
ولا واحد حضرها من اهاليها
الزمن ما انصافاها ولا رحم بيها
خلة اجم المصايب جم حزن كوه
.......
غريبه ام الخدر ماتت يمن تسمع
يمن تحضر عزاها الليله لا تقنع
الا اتكسر الها اظلوعك الاربع
وتطيح امن البواجي اعيونك الحلوه
.. ...
الحمد الله رب العالمين
اللهم صل على محمد وآل محمد
موسى الخادم
@Alphadli
قناة في رحاب الحسين ع
@Alphadli
قناة في رحاب الحسين ع
صبراً جميلاً عالجرح .. ليل وذبح .. ماسلهمت عيني
أني الشفت وجه الصبح .. فوگ الرمح.. بعيونه يحاچيني
شما ابتعد عن كربله تتقرب الآلام
بنوگ الهزل سوط وحبل تتعذب الأيتام
راسك يصدلي أمن الرمح يحچيلي جرح الشام
كل خطوه چانتلي جرح هيمه وهظم ضلام
طبعه الحنين ايموته الفراگ .. گلبي مشتاگ .. ياجرحي
عشرتنه صارت ذكره يحسين .. بيسر ماشين .. ياجرحي
لوبرد جفي گلبي محروگ .. وحنت النوگ .. ياجرحي
شيبرده گلبي الملتهب
زينب وروح اويه الغرب
*
طرينه ياخويه الفله .. بهل القافله .. والتحدي ناس اجناب
تدري برقيه امدلله .. خدها امتله .. بدمعت حزن وتراب
خويه المثلها مدلله موش بسبي تنگاد
چفي اويه چفها بالحبل هالسفره ماتنراد
صعبه المصايب من شفت مگيد علي السجاد
لو تنزل همومي بجبل إبلا شك يصير ارماد
إني الأميره وبنت الأجواد .. صعبه انگاد .. يخواني
سديت آذاني من الاصياح .. يمته ارتاح .. يخواني
المثلي مو مالت دواوين .. خدري يحسين .. يخواني
إني إلي رباني علي
مو بالمجالس أنولي
*
أمشي بدرب كله خطر .. چان السفر .. كل خطوه بيه موتي
بعيني ترك هجرك أثر .. دمعي إنهمر .. ومبحوح ألك صوتي
بچعب الرمح خويه اندفع شگفيت أنه بجفوف
خلونه من بلد لبلد يبن أمي احنه انطوف
نسمع شتم نشبع هظم چم طفله رجفت خوف
ضهر الهزل ماينحمل خويه بعد شنشوف
تعثر الناگه وخوفنه نطيح .. من تهب ريح .. بغيابك
خلصان گلبي خويه خلصان .. هوايه تعبان .. بغيابك
ماشفت بعدك غير الجروح .. تطلع الروح .. بغيابك
عين الدمع لو سلهمت
تفز برعب دمعه رتوت
*
حگي إذا زدت العتب .. بيتي انهب .. ومن الزلم خالي
أم الخدر ذاك اللقب .. اسمي نتسب .. ويه السبي تالي
ثغرك يبو اليمه نضرب بالخيزران شلون
ياحاضر الشده علي أحضر يبويه أم عون
ياحيرت الماعدها أهل تبقه تدير عيون
تترجه اهلها بالشدد وخوتها إيحضرون
دمعات عيني ألك يحسين.. ياضوه العين .. بعيوني
شديت حيلي وضهري مكسور .. وناري تفور .. بعيوني
منين ماباوع على الناس .. ماكو عباس .. بعيوني
آمنين اجيبن كافلي
ويگلي يختي ادللي
*
حته برمش عيني اتضح .. دمعي الرشح .. يكتب جرح ماطاب
من هالبشر گلبي نجرح .. ضعني نزح .. والتحدي موش أحباب
بليل الخرابه عالترب ويه اليتامه نبات
من كربله باقي أثر بجفوفي هالچويات
تلگونه بالشام بفرح صعبه أحنه علويات
شحسب يخويه ياجرح ويامكثر اللچمات
يدرون ضعن حسين عطشان.. تلگتنه نسوان .. شتمونه
بدو الماي اگبال الاطفال .. والدمع سال .. شتمونه
بحجار شمرو ضعني بحجار .. گلبي محتار .. شتمونه
راسك اشوفه عالرمح
بذاك الحجر لچمو جرح
*
علي محسن الفرطوسي
#اللهم_عجل_لوليك_الفرج
انته ميت وانه عدله
هسه هاي شلون شده
حسين يبن امي وعزيزي
يادوه الميت يكعده
شلون انوحن حته تكعد
بعمري اشري اساعه وحده
حطيتلك ماي عله نحرك ...خويه
ويمطشر ولميت صدرك ... خويه
تيهتك وصيحت يبني ... خويه
تيهتك ودلاني عطرك ... خويه
اكعد راح اموت وياك
تعبت منالركض بجفاك
اه يحسين يبن امي
__
بيش هود كلبي خويه
اضماد كلبك من عباتي
تسوه انوح العمر كله
وتسوه انشفلك لهاتي
اكعد الخاطر عشرتي
فدولك انه وخواتي
امدافع ويه الخيل اجيتك ... خويه
من دمك انصبغت لحيتك ... خويه
يابجي اليكعدك يمذبوح ... خويه
مسابك وما لحكيتك ... خويه
نشدت الموته والعدلين
سالت المو عرف يحسين
اه يحسين يبن امي
_
دورت الجثث كلهن
العرف والمو عرف شفته
وكل ميت اكلبنه
خويه حسين مو انته
تعبت من الدواره عليك
وعطرك خويه تيهته
مكبعه بدخان المخيم ..... خويه
من لخيل ماضنيت تسلم ... خويه
بين الحوافر دوريتك .... خويه
يسكون نحرك ليش بادم .... خويه
عطرك بالحوافر هاب
بس عطر الخيم عطاب
اه يحسين يبن امي
____
شلون تكضي بلايه عينك
خويه جتالك يزتني
وركض بالبر وانه زينب
بين عدوانك عفتني
قصر والسوك وشماته
وصوط فرهد حيل متني
نمت فوك النوك تالي ... خويه
والسوك مايرحم دلالي ... خويه
تانيتك بوابت الشام ... خويه
بكلبي الهظم وبجي ع غالي .. خويه
من رمح الرمح شفتك
شتحمل يامصيبه اختك
اه يحسين يبن امي
محمد حلو الزيادي
#اللهم_عجل_لوليك_الفرج
ارسم عله الگاع اخيال الرمح وتشابگ ويا
يادنيه شبساع اتريدين ليش الغالي انسا
كلما ارسمه يرسم وياي
عطشان رايد يشرب الماي
____
مذبوح حلمي/ بلطف حلم ماشفت/ گلت اشعجب مامتت
مختنگه النفاس/
بس غرب يمي/ غيرالاخو ماردت/ والشوفته اتحسرت / وياغربة الناس
شيبت كل خطوه مرتين // اشلون افارگ وجه الحسين
ردته لوثواني/// ينزلي المكاني/// من رمحه اعاني
لحضانك اتاني تضمني
بدروب الجروح مشاني وكتي ليل ونهار
موطلعت الروح لشوكت ابقه گلبي محتار
بگلبي المصايب صارن اهواي
كل ماارسمه يرسم وياي
_
ذبلان جفني/ بدرب السبي والتعب/ من أنضرب موعجب
وبعيوني التراب
ياكبر حزني / هذا العليه انكتب / من عيني نومي انسلب
ومضيعه الاحباب
والغرب بعزازنه اطوف // بلرماح وعينه اتشوف
چم مره نشتمنه// والشامت هضمنه// وي رمحك عتبنه
مثل خيمه انهدمنه
بثواني
بعبينه العيون من كل جهه وكل صوب بل شام
ضلو يشمرون حچايات بس اقوه من السهام
يشتمنه ضل الرايح وجاي
كلماارسمه يرسم وياي
_
ضميت دمعي/ تمنيت عيني انعمت/ حچايه الثگيله انحچت
ياهيه هايه
ياروحي اسمعي/ انه المره الي انسبت / وگالوا عليهه بچت
مايمهه رايه
ياهلي وغيابگم موت . من الهظم ماظل بعد صوت
من الغربه تعبنه .. تألمنه وسهرنه .. تقاسمنه قهرنه
عل دنيه عتبنه
نعاتب
متعوبهة الگلوب مابينه وحده اتجر الانفاس
وبصوت مرعوب يصيحون ذني ابلايه حراس
شفت الحجر يبچي عله مبچاي
كلما ارسمه يرسم وياي
_
يفرون بينه/ و شمات بس تبتسم/ بجرحه الضعن ينرسم
تتعاله الاصوات
كلماحچينه/ چم صوط الي ينقسم/ واللچمه ماتنحسم
بينه النفس مات
يازمن ماخذنه ليوين // من الصياط امحومره العين
ابنص گلبي حراره/ ب اگلوب الحياره / اليمته تطفه ناره
ضعنه ياخساره
بعدكم
ياراحت البال مدفونه ضلي ابصف الحسين
موقصت احبال الضلت ابهيمه اتروح چاوين
بلشمس گمنه اندور افياي
كلماارسمه يرسم وياي
____
مووحده وثنين/فوگي المصايب مطر/ مسبيه فوگ القهر
خلصت حياتي
ماادري لاوين/ يمشيني گام القدر / والدرب وحشه وحجر
ضلمه امنياتي
حدبت منكثر الجراح // منندفن بلكي الله ارتاح
چم مره انسبينه/ بهيمه اتسلبينه /عذاب اتعذبينه
مچويات ادينه
تعبنه
الماعدهه خوان تخنگهه عبره اگبال شمات
والفگدت حنان تدفن حلمهه والفرح مات
علگاع ضل مطشر ارباي
كلما ارسمه يرسم وياي
عطشان رايديشرب الماي
سلام البهادلي
آه اعـله طبعك يا زمـن من تِفـتَر
خـلّيــت زينـب بِــت علـي تتيسّر
لو تنزل اهمومي ابجبل مَـحْملها
عالفَـزِّعت حمّايها او ماحْمه اِلها
عگب الگمـر ياهو العِـدَل محملها
او بظعونها طرِّ ابفله الـما ينطَر ..
طــرِّ الفَـلـه بـظْـعـــونــهـا او راحلها
و اِعله الهزل تصفِج بگت راحه اِلها
امْن اخوان زينب چم أخو راح اِلها
و هيَّه تـعايـنهـم جـنايــز بالـبَــر ..
اتعاينهم او تصرخ ألِف أخ ، وآني
حيلـي انهــدم و افـراگهـم أخواني
آنـه اللّـي چِــنْــت امِـدللَّـة اِخواني
ذلّيت يــوم امشيـت بيـن العسكر ..
ذلّيت مِن حادي الزَّمَـل مَر ، جانه
او مـن عـنـده غير النـايبه مَرجانه
نــــاوي يـــودّيـنـي لِــبِــن مرجانه
و اهوه ابشـماته لجيِّـتي يتنطّر ..
ينطرني و الحادي ابعجَـل ودّاني
ابقصْـر الإمـاره للأجـل ودّي آني
يتفــرّج القاصـي عَلَـيْ و الدَّاني
و اليسوه و الـما يسوه گام اِتْجسَّر ..
يتـجـسَّـر ابمجـلـس طــرَب ماس بيّه
او عگب الخدر لنّي اصبَحِـت مسبيّه
سبني او كلامه جاسني او مَسْ بيّه
و اصعب عَليْ سبِّ الزچيه او حيدر ..
سبِّ او سبي او جمْر الهظم چاوِينه
او لو يشعـر ابـونّي الصخـر چا ونّه
يـنـشـدني كافـل محملـچ چا وينه ؟!
اشلون اللي دگ صدره إلچ يتعذّر ..
گالتله روحي ابهالحچي ماعت به
او لو حَـيْ أخويه مَجْلسِك ماعتبه
معـذور أبـو فاضـل و ابـد ماعتبه
نعمين منّه او حـاشىٰ لا ما گصّر ..
_
ميرزا عادل أشكناني
@Alphadli
هاي الجنازة منين يا شام ؟
حاچيني تشبه ذيچ الخيام !!
***
بس گلي هاي شلون ومنين ؟
تابوت فوگه خيام الحسين
هذا العلم ؟ اي ذني چفين
ها هاي زينب چا علي وين ؟
شو بس دموع بعين الايتام
حاچيني تشبه ذيچ الخيام
*
يا شام ماتت والنعش فات
مو مره وحده وياك مرات
تذكر ؟ نسيت ؟ شكثر لچمات
يا شدة الراحن اسيرات
طبت قصركم چنهه الاعدام
حاچيني تشبه ذيچ الخيام
**
اعلن حداد اودنگ الراس
هاي الجنازة لأخت عباس
مات الورد واستشهد الياس
يا ناس ماتت وسفه يا ناس
گلب الحسين لأخته محتام
حاچيني تشبه ذيچ الخيام
**
هذا النعش محتاج الاحباب
عطلو الجنازه ابعتبة الباب
عباس ارجع طال الغياب
وسدهه بيدك هيل التراب
فوگ الگبر خل چفك ونام
حاچيني تشبة ذيچ الخيام
**
چا وين اهلهه اوين الاخوان ؟
دمع الغريب ايطيح بردان
هاي الجنازة تريد ذرعان
كون الكفيل ايصير دفان
يحضرهه اخوهه بهاي الايام
حاچيني تشبه ذيچ الخيام
****
زينب جرح من أمها للموت
مو دنيا عاشت چنهه تابوت
فگدت اهل واخوان وبيوت
كثر البواچي أيموت الصوت
ميته ودمعهه يسولف آلآم
حا حيني تشبه ذيچ الخيام
كلمات خادم زينب
رعد الفريجي
انه عباس كفيلي انه عباس
انه عباس كفيلي انه عباس
،،،،،،،،،،،،،،،،،،،،،،،،،،،،،،،،،،،،،،،،،،،،،،
انه اخت عباس يا موت ابتعد
هذا چفه بروسهم يحصد حصد
خله بيهم خوف من ولد الولد
اليوصل العباس يحلم ما يرد
ياهو اليوصل يم عباس وحيدر لازم چفه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وزع الموت وخبط صافيهه
والله حيا اصله التصدر بيهه
الشده متطول بعزم راعيهه
بس گلت عباس گال اگضيهه
يم عباس اشربتيه وليدچ هز الدنيا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
منتظر چان اوصل ميعاده
يا جيوش اللاگته ويا قاده
صاح بيهم هذا عم الساده
الفارس البيهم عرف مشراده
خله الجيش بلا عنوان بيوم الشال ذراعه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الواجه العباس ياهو يعينه
چنه بآخر نفس ومگبلينه
هوه شيرده التموت سنينه
حتى نظراته انتهت من عينه
وينه الگابل چف عباس ويرجع يمشي بطوله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
القائد المعروف قتال الكفر
هوه حيل هواي بس همه الصفر
اليابس شوازاه واتعنه الجمر
الناس عثرت بالهوه ورادت تفر
صاح دخيلك يلعباس الموت وياهم شارد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هالبرز عباس وينه الناصبي
خله كل ازلامهم تحبي حبي
شردو الفرسان لبسهم عبي
كافلي العباس يا هيبة نبي
خله الخيل ادوس الخيل بيوم الصاحت زينب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
والنعم عباس منك يا شهم
سيفك انته النار تلهمهم لهم
يا زلم عباس ما ظلت زلم
لهسه ممصدگين شو چنك حلم
عطوه اطيهم يا عباس الرحمه اتصيح الوادم
كلمات الخادم / رعد الفريجي
#للعقيلة_زينب
يم البديهم ضــــاع خدري
يا وسفة ليش يصير گبري
سابيني گلبي ابذكريـــاته ابذكريـاته
شو عدلة ميتة يم شماتة يم شماتة
يا وسفة ليش يصير گبري
ـــــــــــــــــــــــــــــــــــــــــــــــــــــــ
كثـــــر ما عشت ابحيــــــاتي امعلعلة
صرت أشك هم يوم چنــــــت امدللة
عُمري سنتين و جـــــــروحي امتلتلة
و عُمري خمسين و مشيت امسلسلة
من البـــــــداية للنـــــهاية
خيل المُصيبة تعج وراية
فاجعني دهري ابنايبــاته ابنايبــــاته
شو عدلة ميتة يم شماتة يم شماتة
ــــــــــــــــــــــــــــــــــــــــــــــــــــــــ
ابصدري گعـــــــدت نــــــارهم متربعة
و چم هضيمة ابروحي تسري امگبّعة
الفاجــعة اطشّــني و تلــمّني الفاجعة
يمتى چا لاحضــــان اخـــوتي راجعة
ادعي لحد ما يخفه صوتي
يا ربّي اخذني يم اخـــوتي
هيچ و يضمني عز خواته عز خواته
شو عدلة ميتة يم شمـاتة يم شماته
يا وسفة ليش يصير گبري
ـــــــــــــــــــــــــــــــــــــــــــــــــــــــ
سايَرْت ضعـــــن المنــــاحة و الدمِع
من نهد مـــا كســـــــروا لامي الضلِع
شما يجي رمضـــــــان ظليت انفجع
جمـرة افـــــراگ الابـــــــو تلسع لَسِع
عالزهرة توّها جروحي خضرة
و من علي جتني شلون طبرة
محرابه خالي مـــــــن صلاته مــن صلاته
شو عدلة ميتة يـــــــم شماتة يــم شماته
يا وسفة ليش يصير گبري وا
ـــــــــــــــــــــــــــــــــــــــــــــــــــــــ
بين مــا بين المصـــــايب و المحَن
حضن ابـو محـمد إلي چان الوطَن
تالي مــا تالي بعــــــد ســاعة زمَن
لا اشوفه عنّي ضَم طشته الحسَن
عينه عليّ و ايـــــــده اباديه
لعباس اسمـــعه ايوصي بيّه
غير انه اخته و كل حياته و كل حياته
شو عدلة ميتة يـــم شماتة يم شــماته
يا وسفة ليش يصير گبري
ــــــــــــــــــــــــــــــــــــــــــــــــــــــــ
جرحي ما مثله بعــد يُوجد جرح
ابكربلة شخــــلّه عليّ ذاك الصبح
الكلشي بيّه ابعيــني شفته ينذبح
و راسه حيل اتلوّع ابراس الرمح
بـــــــاخر نَفَس سَلَّـــــــم عليه
و داست عليه عشرة اعوجية
طلعن يركضــن كــل بناته كل بناته
شو عدلة ميتة يم شماتة يم شماته
يا وسفة ليش يصير گبري
ــــــــــــــــــــــــــــــــــــــــــــــــــــــــ
روحي تطلع من عله الخدر انسئل
سلّبـــــــوني و شتّمـــــوني بالفعل
الشفته ما شافه نبي فــوگ الهزل
زينــب أنه او ويني و ويـن الحبل
ليش ابدفنتي هــم اعاني
من اهلي ما واحد اجاني
ما جاني سبّعي من فراته من فراته
شو عدلة ميتة يم شماتة يم شماته
يا وسفة ليش يصير گبري
ــــــــــــــــــــــــــــــــــــــــــــــــــــــــ
الحمدلله
#علي_حسين_الكناني
(#حاليا_رقيه_تخاطب_السيده_زينب)
……………………………………………………………
ياعمه اظن رد الشمر لينه
شو ماكو شيعتنه واهالينه
ما يمنه بس الناصبي . خافنه ينعاد السبي
يعمه .. يعمه
……………………………………………………………
انسد الصحن يا عمتي . و الحضره مو مضويه
شباچي چن خيمة امس . محروگ احس اعليه
جرّوها راية گبتي . چن جرة الترچيه
واسمع يگولون ابحقد . منا تشيل ارقيه
بلغي ابعجل يا عمتي . خليها تحضر جدتي
شو چن رجع ليل اهدعش .وچن هيمة صارت حضرتي
فزعيلي وينج جده يا زهره
وخليني اشمّن شيلة الخضره
عدهم ولا چن بت نبي . خافنه ينعاد السبي
يعمه .. يعمه
……………………………………………………………
نفس الوجوه المجرمه . الذبحت ابوي و طفله
رد حرمله وهالمره اشد . يرميله مية نبله
ياعمه رد سوط الشمر . واعلينه رد يتعله
مثل الجدم فوگ الرمل . طبع ابمتوني اتخله
نفس الايادي البالحبل . شدتّنه كلنه اعل الهزل
نفس الشتم نفس الحجر . رد سامريهم و العجل
مثل الخرابه اتحوّل المرقد
ظلمه وعليه الحزن يتجدد
والگبه چن حمره العبي . خافنه ينعاد السبي
يعمه .. يعمه
……………………………………………………………
سدّوها بيبان الصحن . ولا زاير الزاراني
لا ساده لا شيعه البگت . زمرة هند جيراني
خدام ابوي ولا نفر . جا موش اختكم آني
بوجوهكم شوفة هلي . وهسه الوجه سفياني
ياعمه اضن مامش أمل . محد يجينه امن الأهل
هالبلد سفياني صبح . لا دين عدهم لا خجل
صاورا حبايب احنه ضلينه
غربه وبعيد اعلينه اهالينه
عالشيعه ياعمه اعتبي . خافنه ينعاد السبي
يعمه .. يعمه
……………………………………………………………
عمه وصدگ مامش لطم . لا موكب يطب يقره
من العراق و لايجي . رادود ينعه ابعبره
لا شيعي و مهدل يطب . واعليه يلطم صدره
لا صوت جوگات اتعلي . لا رايه سوده و خضره
ابشباچي ما ينزل دمع . ولا وادم اعليه تندفع
آ يا رقيه و هالاسم . يا عمه ماظن ينسمع
ياعمه و المعتاد مو سهله
مامش بعد حمله بأثر حمله
لا جعفري و لا طالبي . خافنه ينعاد السبي
يعمه .. يعمه
……………………………………………………………
يا شيعه عمي او والدي . ابهذا الوضع خبروهم
زورونه انا وعمتي . لو بالصحن زرتوهم
كلولهم ظلن غُرب . برض الذي ذبحوهم
مرقدنه انا وعمتي صوّروهن و راووهم
ولعمي وصلوله الخبر . گلوله اختك ياگمر
ابيا ساعه صوت وينسمع . مرقدها بالشام انفجر
ادريك هسه امجرح احساسك
بركان فاير في وسط راسك
واعلينه تفزع مطلبي . خافنه ينعاد السبي
يعمه .. يعمه
……………………………………………………………
يا عمه يامهدي العصر . بالطف جنت ما صاير
بس هسه عماتك صفن . لا من اهل لا زاير
ياعمه تعبان الجِدم . من كثر ركض العاشر
بيا حاله عماتك تره . اظهر و شوف الصاير
الشام بس خلفة هند . ولا شيعي بيه الينوجد
بالزهره يشتم و بعلي . الـ بالبدرب رايح واليرد
ياعمه و الله الحزن أذانه
من زغري ابد ما يوم فرحانه
يمته الفرج يا غائبي . خافنه ينعاد السبي
يعمه .. يعمه
……………………………………………………………
✍️ ( سيد خضر الزاملي )
الى السيدةِ زينب ع
أيّها المَوتُ حَياتي
دُفِنتْ قُربَ الفُراتِ
قُربَ عبّاسٍ حُسينٍ
والخِيامِ
____
ايّها المَوتُ المُحتَّمْ كانَ مَوتي في المُخيَّمْ
قبلَ هذا في مُحرَّمْ يَوم َعاشِرْ
وَلدتْني كَربلاءُ قِبلتي صَارَ البُكاءُ
كلُّ أيّامي سِباءُ * فيَّ حَاضِرْ
سَكنتْ نَفسي المُصِيبةْ ولذا صُرتُ غَريبةْ
بَعدَما كُنتُ الحَبيبةْ دَهرُ غادِرْ
آهِ آهٍ يا زِماني
كَم جِراحٍ قد سَقاني
مَا بَقى غيرُ حَنينِ
وهُيامي
____
نَاحِلٌ جِسمي ورُوحِي مَا بقتْ غيرُ الجُروحِ
هذهِ آهاتُ نَوحِي يا إلهي
شَهِقتْ نَفسي الدُّخانا شَيبُ رأسي ذاكَ بانَا
عَذّبَ اللهُ الزّمانا آهِ إهِ
حفرَ السَّوطُ مُتوني بيّضَ الحُزنُ عُيوني
ذبّلَ النّهرُ ظُنوني وشفاهي
هَذهِ كانت حَياتي
أطلبُ اليومَ مَماتي
يا إلهي يا مُعيني
ذا كَلامي
___
أنَا متُ المرتينِ مَرةً قُربَ الحُسِينِ
مَرةً قُربَ اليَدينِ وا كَفيلي
عَرَفَ المَوتُ كياني مُذ رأى شِمراً سَباني
لَيتَ في الطفِّ أتاني يَا لِويلي
أيّها المَوتُ تقرّبْ فجِراحي باتَ يلهَبْ
ليسَ لِي يا نفسُ مَهرَبْ مِن سَبيلي
أيُّ ارض أيُّ قبرِ
ضمِّ اهلي ضمَّ عُمري
فبُكائي ليتَ يَجدِي
وسلامي
____
وَلمَن أُوصي وَصية أخوتي فِي الغَاضرِيةْ
تَحتَ خَيلٍ أعوجيّةْ سَحقُوهمْ
أينَ اهلي أينَ ولْدِي لِيتَهم شيّدوا لَحدِي
أنا أصبحتُ لوحدِي اخبرُوهمْ
مدمعِي جَمراً يَسِيلُ لا أبٌ لِي لا كِفيلُ
وشَعُوري لي يَقُولُ دُفنُوهمْ
صُرتُ لا أَعرفُ زينَبْ
كلُّ أيّاميَ أنحَبْ
ووجُودي باتَ اغرَبْ
فِي الأنامِ
_
أينَ يا مَهديُ أيَنا أ ترى الحُقدَ الدّفينا
قَتلُوا السِّبطَ حُسِينا أنا عَمّتُكْ
مثلَنا انتَ حَنينُ راحَ يَعلوكَ الأنينُ
حَسرتي أنتَ حزينُ قد عَرفتُكْ
هذهِ آهاتُ أهلِكْ قُمْ وطَالبْ حقَّ شَملِكْ
أنتَ للِثاراتِ تَملِكْ ذاكَ عَهدُكَ
كُلُّ وَقتٍ هوَ نَحْرُ
أنتَ يا عمّةُ ثَأرُ
مَا مَضى يومٌ ودَهرُ
يا مَحامِي
_
علي حبيب الشابي
▪️▪️▪️▪️▪️
زينب والقهر والليل والآهات والحسره
رغم كل السده والصار گلبها ما نفذ صبره
على زينب أويلاه
على زينب أويلاه
▪️▪️▪️▪️▪️
الله يعينها التنظر أهلها طرحه عالرمضه
ابعيناها الضوه مذبوح والليل ابحزن يگضه
ابد ما شافت الراحه او ألم صار الگلب نبضه
ويلي اشچم هضم منّه ابحزنها تسچب العبره
على زينب أويلاه
على زينب أويلاه
▪️▪️▪️▪️▪️
شافت چم جرح خلّه گلبها ينحب ابحرگه
والماتوا هله كلهم اشما يبچي او يون حگّه
من الطف بگت للموت بالحسرات مختنگه
ابريّتها يطب دخّان الهوه لو شمّته الحره
على زينب أويلاه
على زينب أويلاه
▪️▪️▪️▪️▪️
ابهمها اتصد عله العدوان تالي عالخدر دارت
او عگب عين الگمر عباس هيّه الكافله صارت
إلمن تحمي ما تدري ابنسه واطفالها احتارت
تربي ابعين صوب الماي مذبوح الوفه اتنظره
على زينب أويلاه
على زينب أويلاه
▪️▪️▪️▪️▪️
ركضت وادم ابلا خوف بالنار اعله خيمتها
او ركضت بت علي بالبر لجل تحفظ عبايتها
بت الشرف صعبه اهواي بين الغربه وگفتها
تدوّر ماكو كل فزّاع واتشوف العده كثره
على زينب أويلاه
على زينب أويلاه
▪️▪️▪️▪️▪️
يا لوعه التهد الحيل والتلچمها والتقهر
حين الفارِگت عباس لو ذبحة ابو الاكبر
لو من تستمع بالخيل عظم الغالي يتكسّر
لو لمّن خذوها الگوم فوگ الناگه متيسره
على زينب أويلاه
على زينب أويلاه
▪️▪️▪️▪️▪️
ابو الحسن الوائلي
١٤٤٦هـ
@Alphadli
قناة في رحاب الحسين ع
كُلشي أنتهى ومات الحلم
وبعيون زينب ينرســــــم
شام
الهســـــــــــه محنية ضهر
عشت ومتت مــــــن القهر
شام
......................................................
يا روحي الجروح أهواي أبدي بيا جرح منهن
ألمشت وي روس أخوتي أشلون من يا راس أحسبهن
أبدي من جــــرح عباس وجان أجفوفه مطلعهن
لو من راس أخوي حسين حيرة أوصاله شيلمهن
من الخيــــــــــم للتل جنت
أركض ومدري شكد طحت
شام
والهســــــــــــــه محنية ضهر
عشت ومتت مــــــــــــن القهر
شام
...............................................
من ظهرية العاشر بدت قصة معانتــــــــــــي
من عفت الجثث عالكاع ومشيت أكبال شماتـي
جنت من ألتفت عباس أشوفه يمحـــي خطواتي
وأجفوفه أعله راس حسين يفين وأجري دمعاتي
ومن أنضرب أسمع صدى
عباس و ينكط نـــــــــــــده
شام
والهســــــــــــه محنية ضهر
عشت ومتت مــــــــــن القهر
شام
..................................................
من طبيت ويلي السوك وبأذني الشماته أسمع
ما عدها أهل خوان تجـــي الهاي المره تفزع
مشيت وكاطفونه أحجار وليه وجان منها أروع
من أنصاب أخوي حسين راسه وبالدمه أتوزع
وطبت القصر جانت أشد
من السبـــــــــي الله واحد
شام
والهســـــــــه محنية ضهر
عشت ومتت مـــــــن القهر
شام
.........................................................
كل هاي الجروح وجان بيه أمن الخيم جمرة
من الشام لأرض للشام زينب رجعت أمكدرة
عشت وبيه جـــــان الشيب يومية يشب عمرة
لحد كطع النفس عباس أريدة وداعت الزهرة
أتمنيته يحضر دفنتي
وبيده يشيــع أجنازتي
شام
والهســــه محنية ضهر
عشتت ومت مــن القهر
شام
.........................................................
من طبع التموت أتريد خوان التجي وتحضر
وأخوتي مذبحين وضال واحــــدهم سليل البر
آه الشام ويلي الشام مدري شضاملــــي وأكثر
ويلي وحتى زواري تجيني مــــــــــا بعد تكدر
حال الصحن مثل الضعن
من أنسبى وشاف المحن
شام
والهســــــــه محنية ضهر
عشت ومتت مــــــن القهر
شام
.......................................................
خادم خدمة الحسين
الشاعر
محمد الموالي
@Alphadli
قناة في رحاب الحسين ع
غريبه زينب
من بعد الموت ومن بعد الدفنه
جاههه العباس وحسين وحزنه
وسألوهه شنهو الصار
يالحره اعليج اشدار
من بعد الموت
--------------------------------
اول ساعه للحره بعد الموت ولحسره
ابلايه اجفوف اجه العباس وخوهه حافر بصدره
اجاهه جييت المشتاك لخته وخنگته العبره
يزينب حيل الج مشتاك يخويه اهواي متغيره
شاف اعله الوجه اثار
باقي من لهيب النار
يگله خويه شنهو الصار
شافاها حسين لاچن مستغرب
هاي انتي ام اعون بحچيه ومتعجب
شاهد اثار النار
يالحره اعليج اشدار
من بعد الموت
------------------------------
وبدت زينب تگول الصار ويسمع هوه محچاهه
امنين ابدي الحچي يحسين ثجيل امصاب بلواهه
تگله ابديلك امن الخيل جسمك من مشه وياهه
وغيمه امن السهام اهناك وصدرك صار ملگاهه
تگله من شفت صدرك
صعد فوگه ويحز نحرك
صحت من ياصبر صبرك
ومن طحتو اهناك وصارت محنتنه
صاحوو فرهود اووادم جهبتنه
تسألني اعله الاخبار
يالحره اعليج اشدار
من بعد الموت
----------------------------
لمن طحتو فوگ الگاع كلشي طاح وياكم
الدلال ال بالخيم يحسين راح بزود طرواكم
تخييل انضرب بالصوط وصيحن يهلي ونخاكم
ولا صح للخدر فزاع انگطع من گلبي رجواكم
ومن خيمه لعد خيمه
بين النار ولهيمه
وصيحن وين ابو الشيمه
المحتار اشلون يتفسر امره
مابين الخيل مرعوبه الحره
ولخيل ادوس ازغار
يالحره اعليج اشدار
من بعد الموت
-------------------------
لاتتعجب اعله الحال وتگلي اشلون متغيره
على تل الهضم يحسين وگفت وشابجه العشره
وركضتي وانه بالخمسين وخيامي بنار مستعره
يريدلهه زلم يحسين وانه حرمه متحيره
يرهب جان ركض الخيل
يخويه الزلم بيه اتعيل
اميل وهيه هم اتميل
بس ركض الخيل ماخله اعليه
ورايد رجلين وانه المابيه
حفاي بذيج النار
يالحره اعليج اشدار
من بعد الموت
-------------------------
تگله من گضن ذني بده درب السبي يحسين
خويه احبال جابولي وحرت المن ادير العين
انه اوعفتي وعليل وغرب متحاوطه الصوبين
وخدركم عالهزل ينشاف يخويه امچتفه الادين
وخدركم عالهزل مخنوگ
وبلا هودج ركبت النوگ
وبعد هذه السبي للسوگ
وبالسوگ اعيون تتنطر خدري
وبيه يشمتون وبس انه وصبري
ولناس ازغار اكبار
يالحره اعليج اشدار
من بعد الموت
-----------------------------
محطات الدرب يحسين هيجي خويه صار وياي
واخر واجهه للشام هذه السلب مني الراي
دخلنه الناس فرحانه يخويه گلي انته بهاي
سرواين الخلگ وگفت بنصهم رادنه الحداي
ومن فوگ السطوح انشوف
ناس ادگ طبل ودفوف
انگطع بالدنيا كل معروف
ولقصر اشلون وطبت ديوانه
يحسين ايموت الرافگ عدوانه
وبنص ديوان اشرار
يالحره اعليج اشدار
من بعد الموت
-------------------------------
علي سليم الحسناوي
(شور )
من ادگ بيبان دمعي غير بابج ماادگ
فدوه خليني اعله بابج بلكي اموتن من صدگ
انه كل امنيتي اجيلج بس اضلن احترگ
مال اموت بنص ضريحج واشبگ الحايط شبگ
راح اموت - يمتى مولاتي اجيلج
راح اموت - خل ازورنج دخيلج
خاف اموت وماجيلج خاف تطلع روحي
وبالصحن مولاتي ماكوو صدى يردد نوحي
///////////////////////////////////////
الجمره البگلبي لمصابج ارد ازودها بعد
كل سنه احلف ازورج واخلف وياج الوعد
حققي امنيتي دخيلج والله دلالي انمرد
اخذيني مولاتي بذنوبي واخذ ابابج عهد
الكلمه هاي _ التهظم واكبر مصيبه
الكلمه هاي _ خرجت زينب غريبه
امنيتي احس بغربتج لوعني ينسد بابج
اعصر اعيوني اريدن بالبجي اعله اعتابج
///////////////////////////////////////
لانه رايح لانه ميت بس هوه لريتي يفوت
والعله عيونج يزينب رايد اسمعها واموت
اهلا بزوار زينب يمتى اسمع هيجي صوت
تصارحن دمعي ومصابج ويحرم اعليه السكوت
تبجي ليش _ ينشد المايدري بيه
تبجي ليش _ صحت زينبنه سبيه
المغرب المغرب يزينب تحترگ روحي عليج
شلون اصدگ يالعقيله هالسنه محد يجيج
///////////////////////////////////////
ياجرح فرگاج يكتل لا له طب ولا طبيب
منين مايندار وجهج الشام زينب كله شيب
گمنه نسمع ياغريبه واعتله عليج النحيب
خاف هاي السنه لگبرج ماكو قسمه ولا نصيب
بحرگه صاح _ صاح ابو اجروح الثگيله
بحرگه صاح _ ان شاء الله نزور العقيله
خادم بخادم يواسي وراحو لگبر الحنين
شوكت تتحقق يزينب يم اخيوانج تجين
///////////////////////////////////////
تمت _ عباس فرحان
@Alphadli
قناة في رحاب الحسين ع
اتمنيت نعشي اتحمله خواني
وحسين اخوي ايصير دفاني
حاجيني يالايام شتريد مني الشام
كليلهم ما تنكظي احزاني
******
عافوني وحدي بغربتي وعالخد دمعتي اتلالي
واشما اغمضنه الجفن الكه الحبال اكبالي
ويا دنيتي صوط الشمر كل لحضه يتراوالي
واشلون انسه كربله وبيها انذبح جم غالي
واكبال راس حسين ضربوني
وخلوها زركه صارت امتوني
وشتدت الالام شتريد مني الشام
كليلهم ما تنكظي احزاني
***
جنت بعمر خمسين انه وركض رحت للتله
حسبالي ابو فاضل عدل عالريحه اخوي اندله
ياهو اليخبره بالجره وياهو اعله حالي ايكله
من طاح شيال العلم بانت يناس الخله
عباس فوك المشرعه نايم
وبخيمنه كامت تحرك الوادم
وما خلت النه اخيام شتريد مني الشام
كليلهم ما تنكظي احزاني
*
هاي انه زينب بت علي والكربله مشتاكه
واشخله بيه اشكد صحت يمه الحسين افراكه
من عندي جم ضلع انكسر لمن صعدت الناكه
ضلينه انه واخوتي بس بالرمح نتلاكه
وحده اويوحده بحبل شدونه
وكبالهم كامو يشتمونه
واحنه حرم وايتام شتريد مني الشام
كليلهم ما تنكظي احزاني
***
ونيت وجبيني عرك والموت بين عيوني
بهل لحضه وانه بحيرتي ردت اخوتي ايحضروني
كربت منيتي والاجل حان وتغير لوني
اتمنيت اموت بكربله وبكربله ايدفنوني
جنازي كون حسين جنازي
وخلف الجنازه تنحب اعزازي
كلبي اشكثر محتام شتريد مني الشام
كليلهم ما تنكظي احزاني
****
بالشام شفت اشجم جرح لليوم ما ناسيته
يحضر يشيل اجنازتي اهواي الاخو اتمنيته
مليت كلشي بدنيتي بس دمعي ما مليته
دمعي عله اعزاز الكلب مثل المطر خليته
اوحيده رقيه وغربه غربتها
ويمها تريد تموت عمتها
لحضه الجفن ما نام شتريد مني الشام
كليلهم ما تنكظي احزاني
**
تمت
تحسين الخفاجي
@Alphadli
قناة في رحاب الحسين ع
وصلني الموت يالما واصل أختك
وعلي بـأخـر نفـس بيـه وذكـرتك
بعد ما منهه خـويه اتوازت الروح
كُبر شـوكي ونحل حيلي ونخيتك
أمنـيه امـن الأمنـيات
تحضر أختك بالممات
عـذبـتـني الــذكـريات .. يابو رقيه
يا غـريب أدرك غـريب
عاشت اجروحك لهيب
ما نسـيـتك يالـحبـيب .. أنه السبيه
مايبره جرحي اشما مر سنينه ..
وما انســه اخـوتـي انه حنـينه ..
بيــد البــواچي اعيوني رهـينه ..
++++++ـ
الوّم الروح خويـه وعيني اهلهه
المــن عـاشـت ومـيـتـين اهـلـهه
من گـالـولي زينب ذبحوا حسين
هــاي الچـلمه كسـرتني اشثگلهه
بس اطيحن بس اميل
مـالي راي ومالي حيل
جرحك ايهدني وثگيل .. وانه غريبه
عمري عاش اويضياع
يهلي ضاگت بيه گاع
وكافلي الحيد السباع .. امنين اجيبه
صحت اعلوكتي الماخذ اهلنه ..
چا بالله ليش اشسوينه احنه ..
اغفه اعلؤنه واصحه اعلـؤنه ..
++++++ـ
اعله الگاع الشام من ذباني وكتي
طلعت روحي من ضيمي وغربتي
ام عــون الغــريبـه اتــريـد عــوان
انــادي وبس ولا تسمعني اخـوتي
بروحي باقي الانكسار
نــار واتـذبني اعله نـار
مــالـي لــيـل ولا نـهـار .. من المصيبه
لا تضن خويه استراح
اذكــر انته اعله الـرماح
شيبت روحــي النــياح .. والله عجيبه
هــوسة شـمـاته المـا فــارگــتهه ..
حرگت سنيني وروحي اكرهتهه ..
ما تــهــده ساعه ومـايــل وكتهه ..
++++++ـ
- خيري الصفراني
#اللهم_عجل_لوليك_الفرج
((جَبلوني))
حنيــــتلك .. من جبلوني گمت احن
مشتاگه بـس مابيه أون
غـــــربةّ أهل غربةّ متن
حنيتــــلك .. والـموت يـم راسـي دِنه
والفرگه اكثر مـــن سَنه
مو خوه اذا اعيـشن أنه
لفني بثـــوبك المســـلوب .. لفني
تراهو الموت خويه حسين .. لفني
عگبك من دموعي أعـليك .. لفني
وألطم بالحجر صبح ومسيه
لطمت أعليك بحجار
ومن فوگ السطح نار
والشمــات والســــوگـ
وشمرونه بشـــكو حار
متت خويه متت ..
"""""""""""""""""""""""""""""""""""''''''''''
اشتاگيتلك .. مشتاگه بنفاسي البقن
يـــاديرةّ اهلي والوطن
أقسملك بچبد الحسن
اشتاگيتلك .. ماتگضي يحسين وتفض
جبت العمـــر نار وركض
وصّيـــاح وخيول الترض
موش الصوت بَــــح يحسين .. بحبال
عليك وگلي شنهــو الصــــار .. بح بالـ
الهضيمه .. وآنه اگلك صرت .. بحبال
ولعيونك حجر تشگف اديه
اصيح ورايح الصوت
أخيتك رايده تمــوت
واهل الشام مـو ناس
تعال الحگلي زاتـوت
متت خويه متت ...
"""""""""""""""""""""""""""""""""""''''''''''
وديتلك .. بيد الحمــــامه الزايره
وشالت دمعتي وطايره
گليـــله مـــاتت صابره
وديتلك .. لوعةّ غــــريبه أمّجـبله
وبيـها جمر مـــن كربله
وچم صيحه من العايله
الك وي الحمــــامه دمـوع .. وديت
وسلام البي نفس مخنوگ .. وديت
تمنيت شـــكثــر يحســـين .. وديت
بساعةّ موتي يمي تكض اديه
يمي وتمسح الراس
وكـون وياك عباس
وتشيعوني بالدمـوع
لا شمــــات لا الناس
متت خويه متت ..
"""""""""""""""""""""""""""""""""""''''''''''
بديتلك .. كــل مغــربيه بدمعتي
جمــره بغيابك شوغتي
والطاري جيتك دمعتي
بديتلك .. حسرةّ گلب شــابع ألـم
ودخان من ذيچ الخـيم
ولوعةّ اخو إيجر السهم
عيوني مـــن المّتانه أعـليك .. بديت
معـــزتك خــويه يالتــدريش .. بديت
عليه .. وعمري الك يحسين .. بديت
الجيتك لو تجيني بهل المسيه
تمـنيت وفــلا جـيت
الك يحسين حنيــت
الطولك يبن الاجـواد
يخامس شمعةّ البيت
متت خويه متت ...
عبد زينب
محمد الابراهيمي
#اللهم_عجل_لوليك_الفرج
#لمولاتي_الغريبه_زينب_ع
لسان حال مولاي السجاد ( عليه السلام ) وهو يوصف حال مولاتي زينب ( عليها السلام ) في آخر لحظاتها .
على فراش الموت زينب تلتفت وتريد اهلها
حالها يبجي يوادم هسه هاي شلون احلها
ياهو اجيبه من التحبهم يوگف يوَگف دمعها
ياهو اجيبه وما مگطع حتى بس خوية يكلها
اه زينب ،، اه زينب
اه زينب ،، اه زينب
===========================
تنازع وتنظرلي ساعه بوجهي تتأمل تلمحه
حسين ابوي التعباها وتعباها هواي جرحه
هذا حال الماله اخوه ساعه الفرگه تذبحه
بكلشي يتخيل صورهم وهيه تتخيل برمحه
اه زينب ،، اه زينب
اه زينب ،، اه زينب
===========================
گطعت الضِنّه ودمعها دمعه دمعه گام ينشف
وبردت إچفوف الحنينه وبيها بس الباري اعرف
وماتت ام عون اعله اديه وبالي يركض گام للطف
جنها تركض راحت الهم حتى بالموته ركض طف
اه زينب ،، اه زينب
اه زينب ،، اه زينب
===========================
هسه اگولن فدوه عمّه لو اگولن فدوه يمّه
فدوه كلهن وانتي كلهن فدوه بس احجيلي كلمه
راح اموتن غالي غالي بيدي جندوب انا اطمّه
بيدي أدفن بالأحبهم وين البگلبي أضمّه
اه زينب ،، اه زينب
اه زينب ،، اه زينب
===========================
شيعتها وظهري محني وَحدي ومالي گرابه
نزلتها بنص كبرها ضلمه ذكرني بخرابه
وصحت بويه حسين احظر انت والصاحت يبابه
هايه زينب هل اجتكم وخلَّص الشام وعذابه
اه زينب ،، اه زينب
اه زينب ،، اه زينب
===========================
تمت
الخادم حسن الكريماوي ✍🏻
كلما باوع لچفوفي اذكر خيمه اطيح وركض ازغار
من الطف ضلت بس ذكره دخان بريتي امن النار
ليش اتسلب ليش اتعذب خيمه اطيح وركض ازغار
_
جمعّت كل ذكرياتي ادري خلصانه حياتي
ارسم اعله اجفوني ذكره بلكي ترجعلي امنياتي
امفارگ اعزازي الاحبهم اشتاگ الهم من صفاتي
الماشايفه احبال السبي تاكل گلبهه الحسره
و اعله المدللهه تضل كل الملامح تقره
فارگته الماضن يتفارگ واحد بس حنيته اهواي
كلما اعثر الزم گلبي اشعر طول انفاسه وياي
مااتعجب ليش اتعذب خيمه اطيح وركض ازغار
____
الرمح ماخذ كلشي مني مايهم الصغر سني
الشايله مابي محنه امد چفي يبعده عني
صوطه ينزل عله متوني الدرب كله مارحمني
الفرحه بعيوني انتهت وبزغري عشت الچمه
لون الطفوله بلا ابو ليل ويفارگ نجمه
اليمشي ويه الغربه اشمايمشي اول خطوه يحس تعبان
يخلص دربه بهضمه ودمعه وبعيونه اتعيش الاحزان
ابچي وانحب ليش اتعذب خيمه اطيح وركض ازغار
_
الحبل مايعرف ابجرحي ينشد اشمانزل دمعي
والجوارح تبچي حسره الشتم مافارگلي سمعي
صارت امنيتي الوحيده الملگه ابويه ابموتي ادعي
الدنيه والبيهه تره امعلگه ابرمش اعيونه
من يفتح اعيونه الصبح يخليني فوگ امتونه
متعلقه ابروحه وحنيته شتسوه الدنيه ابدون احسين
ضيعته وضاعت امالي المثلك يحصل بويه منين
گلبي اتشيب ليش اتعذب خيمه اطيح وركض ازغار
_
النوم مامر اعله عيني الحادي بصياطه يجيني
بل الرمح متعلقه روحي والشمر ماييخليني
تيقنت راس الاحبه عله الرمح من يحاچيني
ما حاسبه بيوم الرمح ياخذك مني ويمشي
مقهوره اباوع والتعب ماخله حيل ابرمشي
حيل اعله اشفافك مقهوره مامرتهن گطرت ماي
وجسمك ضل عل گاع مطشر بالهيمه ومافوگه افياي
امن اعثر انسب ليش اتعذب خيمه اطيح وركض ازغار
سلام البهادلي
وعليمن
عينج اعله الباب مشبوحه عليمن
تناطريمن
ونتي اهلج كله موته تناطريمن
رحمي حالج
وبسج انطارت الماتو رحمي حالج
توادعيمن
وماكو حضن اخوان الج اتوادعيمن
ياعمه اهلج ميعودون
هوني اعله روحج غمضي عيون
منهم اگطعي اضنه هواي
الخوه ماتت عمه ام عون
بشام ميصح منهم واحد دفان
اهلج خلصو عمه ومالج خوان
شماشوف اروح موتج يخت لعطشان
=======================
كتر راسج
ماكو لمت ال هاشم كتر راسج
وبوفاتج
ماهو متن الخوه يتكفل وفاتج
اوموش ساده
الدار جورته الشماته اوموش ساده
ايحز دلالج
نعشج ايميل ابغربته ايحز دلالج
من الدللوج اولا جناز
ونعشج غريب ايضل محتاز
ومتن الهواشم نجيبه امنين
والشاطي منج باگ اعزاز
ولا جفيه اتعرض وكت التشييع
ولازلمه يشك ثوبه يمج ويذيع
ونعشج عمه ويلي بشام يضيع
=======================
يل غريبه
موتي يلمشلوع كلبج يل غريبه
ويالحبيبه
الموت اروحلج يخلصج يلحبيبه
الموت اهون
عل يضل من دون راعي الموت اهون
ومو جريبه
اديارنه وخاطر ازتج مو جريبه
وشضل يعمه بذيج الدار
شبقت علينه هذيج انار
لا عدنه وادم نچهبهم
ولا عدنه ديره اتضم اصار
من الطف للكوفه للشام ارجاس
عرفت بت اساده مسبيه اناس
ياديره اضم سبيج يام الحساس
=======================
هّوه الغربه
ادري موش اولام ريتج هوه الغربه
يموت كلبه
التوه طالع من دلاله يموت كلبه
هسه موتي
محد ايلومج يزينب هسه موتي
والله صعبه
وكت موتج بي فرحهم والله صعبه
محد كسر كلبه التابوت
وعوانه ماكو ولا زاتوت
وتكسرني جلمات اشمات
وين الهواشم برخص صوت
الوادم كالتهه هاشم جاوين
لا تشييع الحضر لا بتلقين
كله اتلوم الوادم المتشمتين
======================
وكت مايل
غربج شام وطوايف وكت مايل
وشام عايل
وثارج استبطته الساده وشام عايل
يرده حيفج
ان شاء لله اخر زلمه النه يرده حيفج
ودمه سايل
كل سواجي اشام تصبح دمه سايل
ياعمه ثارج لابد يوم
يرجع الج من هاي الكوم
كل اشماته وارض اشام
ابكرت ابيهه تصير ادموم
يتحاسب كل داني وكل شامت بيج
وكل واحد من سطحه ذب ماي اعليج
ايرد حيفج ومربع من الماذيج
=======================
الخادم مصطفى الجبوري
@Alphadli