الناشر احمد الفاطمي

16 June 2026 12:23

في حق لامام الحسين. ع
أذنت كربلاء. حي على العزاء
--------------
يلي. خلصت. العمر بين. الماتم
انته. فعلن تستحق تسمه خادم
عابس نوصفك يمن. بحسين هايم
شك قميصك وذكر امصاب الفواطم
صيحات ونداء. حي على العزاء
------------
انته من تسمع نعي وناعي. ينعه
كبل جفنك ينترس. ويفيض دمعه
تذكر المذبوح ضامي نهشم ضلعه
وياك ملهوفه تون. عليه. البظعه
مقبول الدعاء. حي عله العزاء
-----------
هاي. لبن الزهره مظخوره دمعتك
انته بالمجلس الك. هيبه بوكفتك
وسمت صدرك يبو الغيره. بالطمتك
حاظر بكل موكب وخادم. شمرتك
والمجلس شفاء. . حي عله العزاء
-------------
ثوب. السود مايفارك لحظه جسمك
ولو. قره. الرادود انته. بحركه لطمك
يجري. بالشريان. حبه. مثل. دمك
انته. خادم. تفتخر وشمحله اسمك
لحسين البكاء. . حي عله العزاء
-------------
واسي زينب. بدمع وحزن عليه
لئن مسبيه. مشت. مجتوفه اديه
حادي النوك. بظعنه يحدي. بيه
عافت العباس عل غبره وليه
وحزان وعناء. حي عله العزاء
--------------
الخادم
رحيم. الصالحي

الناشر احمد الفاطمي

16 June 2026 11:56

بِسْمِ اللّٰهِ الرَّحْمٰنِ الرَّحِيمِ
﴿ وَمَنْ يُعَظِّمْ شَعَائِرَ اللّٰهِ فَإِنَّهَا مِنْ تَقْوَى الْقُلُوبِ ﴾

عظّم الله أجورنا وأجوركم بحلول شهر الأحزان محرم الحرام 1448 هـ
🔺 جديد محرم 1448 هـ 🔺
▪️ قصائد نعي وثكيل
▪️ نزلات حسينية مؤثرة
▪️ ردّات ولطميات جديدة
▪️ نصوص خاصة بالمجالس والمواكب
▪️ كل ما يحتاجه الخطيب والرادود وخادم المنبر الحسيني
هنا تُنشر أعمال محرم الحرام تباعاً فكونوا على الموعد
#لبيك_يا_حسين #هيهات_منا_الذلة
خادمكم زين العابدين الشمري
📍قناة التليغرام الرسمية: t.me/zainabdeen
نسألكم الدعاء 🌹

الناشر احمد الفاطمي

16 June 2026 11:46

( رايح وين بويه حسين..رايح وين بويه حسين)
….
@1
رايح..و انا العليله بدونك
يلّي دواها اعيونك
بويه اطّيبن كلما
تسلّم و ارد بشلونك

رايح.. و اعيوني شي غمضها
يالي جنت حارسها
متعوّده عليك تنام
هسه الهوه يفززها

بويه لو حتماً عفتني و صوت خطواتك علا
روحي تطلع خطوه خطوه من المدينه لكربلا

(رايح وين بويه حسين …. رايح وين بويه حسين)

@2

حضنك …ما ينحسب بويّه حضن
يا بويه يالحضنك وطن
لو رگبت اعلى الجواد
انا اموت من الحزن

حضنك..للبيت سگفه و عامود
لو رحت ما اضن تعود
ترضاها وحدي بلياك
مكسور قلبي و ممرود

عن رجعتك بويه اسأل شو بچيت بهل سؤال
صَـهلَت اخيولك غربيه تگلي مـا يرجع محال

(رايح وين بويه حسين…..رايح وين بويه حسين)

@3

خويه.. يالاكبر انا اترجاك
صعدني و اركب وياك
مثل امي حنيتي اعليك
لو نمت ابجي لفركاك


خويه.. لتكلّي ارجع بعدين
لو رحتوا ما تغمض عين
ادري اذا سدّ الباب
معناها كلكم ميتين

من مشيتوا و انظرلكم روحي رت اشمرها ماي
بلكت الوالد يگلي صعدي يا عمري و تعاي

(رايح وين بويه حسين … رايح وين بويه حسين)

@4

عمه.. فرگة الأب عشتيها
و نومه ابرد نمتيها
و العبره تجرح مرات
تخنك و ما تبجيها

عمة.. يمكم اجي و تسكتون
شنهو الخبر و شتحجون
نظرتكم تكلي براي
بلايه الحسين ترجعون

عل الاقل كليلي زينب كومي حضريلج عبات
هايه اول مره احسّن حالي مو حال البنات

(رايح وين بويه حسين …. رايح وين بويه حسين)

@5

عباس.. يا عمي يابو الغيره
ما ترضى ابقى بحيره
من ضهرك انطيني الجود
ادري الحمول اچبيره


عباس..خليني اوزع بالماي
لتردني.وانته الوفاي
خليني اركب وياك
فوك المهر و انته وياي

يالي تگضيها الحوائج عندي حاجه اكضيها لي
حاجي ابوي و خل اروح وياك يا هيبة علي

(رايح وين بويه حسين..رايح وين بويه حسين)

الخويدم مصطفى ثامر الحلفي

الناشر احمد الفاطمي

16 June 2026 08:08

نزله حماسيه
‏8 محرم الحرام جديد 1448
‏
‏عنوان القصيده (وينه طاسة والدرع) 
‏
‏          رمله طفـيلة  الشمـع
‏          وينـه طاسة  والدرع 
         هذه جسام      هذه جسام
‏___
‏كومي يارمله بهلاهل للحرب زفـي الولد 
‏طالع من الخيمة ينشد وشحلاته لونشـد 
‏أنه شـبل الحسن  نازل  نازل بهيـئه  أسد 
‏بيده سيف يصيح يمه للعرس مامش بعد 
‏
‏            خل أرد هـذه الفـزع 
‏          وينـه طاسه  والدرع 
‏___
‏جاســم العـرس نـازل وشــحلاته مـن نـزل 
‏نزل من صهوة جواده وشتد بغيضه وزعـل 
‏والكـتايب كلـها  تـهـتـف هـذه يابدر الحـمل 
‏وختـلف رأي الكتـايب صـاح بيـهم ورتـجـل  

‏         وطك الأرحي ينسمع 
‏         وينــه طاسة  والدرع 
‏__
‏والزلم  طكت رحيها والأرض صارت دمه 
‏شردت الخيل بزلمها بيده الوحه صـارمـه 
‏اليوم أذلها بيدي أشلها هل حشود العازمه 
‏جاسـم العـريس ناده أنـه راعـي المـوزمـه 
‏
‏           هلهلي ونـسي الـدمع  
‏           وينــه طاسة  والدرع 
‏___
‏هـلهليه بالمعـاره وأنسـي دمعـج والعـويـل 
‏هذه شبل الحسن نازل والزلم كامت تميـل 
‏والـده بصفين نذكر سـوه بيـهـا المستحيل 
‏بكربله جاسم يرمله يسحك بجدمه اليعيل 

‏         مايـهـم بــيه الجـمـع 
‏        وينــه طاسة  والدرع 
‏___
‏مايـهـم بـيهـا الإعـادي  بالـجمـع لا ما يـهم 
‏شمرت العباس عمه يسحك يدوس الخشم 
‏تعـب  الخيل  وزلمها  بالظـهر  شافو  نجم 
‏والمـعاره تـصيح كلها مـنه جاسـم والنعـم 
‏
‏          عـدهم يـحير الوضـع 
‏          وينــه طاسة  والدرع 
‏__
‏كلمات الشاعر
‏مرتضى مكطوف الموالي
‏

الناشر احمد الفاطمي

16 June 2026 07:55

في هذا العام .. و ابـ عاشوراء 
أأذن مـــولاي .. ان نُحيي عزاء
تجر كَلبي  لحزنك .. واني اعرف انك
هم تُحيي عزاء

*******

ابكَـفيك  مولاي   امــــسح  كَلبي 
و خليه  لـــــعالم   حِـزنَـك   دربي 
محزون  مكـسور  ولحــسين تعبي 

مو شغلت وكت عابر     رايدها المشاعر  
شراعي وجهته لحــــسين  صوب خيامه اسافر 
غصة كَلبي لو كَالو        ايسحكَنه الحوافر 



الجرح المرغوب .. جرح عله حسين
الحزن الممدوح .. حزن عله حسين
دخيلك بعد اذنك... تجر كَلبي لحزنك

******

واياااام  عاشور   من ارد ابديهن 
انفاااااسك  مولاي   خلهن بيهن 
و همي  اجروحي     ترضا عليهن 


ساعدني  كبل  لا ضيع   وانت أمسك اديه 
كسرة بكَلبي  خليلي    منرد  اذكر  رقية 
ما دور  رضا الوادم   بس  ترضا  عليه 


جااااايك مولاي .. من باب حسين 
تجهـــلني الناس ... واعرفني منين 
وما ابعد عنك  ... تجر كَلبي لحزنك 


******
 

مو يوم    يومين    وارجع و ابرد
ولو هل عاشور   لبــسني اســـود
تعبااااان  لحسين  مو غير  احد



و منك لله خــــليها   بمـــحرم دمعتي
(امانة موسى بن جعفر)  انت اشهد خدمتي 
مارايد ثواب  ويااااك   لرضا عيونك ركضتي 


من تبجي العين .. مو قصدي ثواب 
عله جبين حسين ..  من يلوحه تراب 
والحركَه المنك *** تجر كَلبي لحزنك

****** 
كَلــبي الينــسه    حــزنه ودمــعه   
بلا نوح  لحســين   كَلبي شنفعه 
وبالخيل مسحوك  روحه  ورجعه 


هو الي يحب ضامي    براحــة كَلبه شلــه 
مربي بروحه لليهواه     من دمعاته عله 
حزني عله الذبح ماريد   كون ابيوم افله 


كسران كَلوب .. بس مو خسران 
الكسره عله حسين .. أجمل كسران 
بلكي الله ولنك .. تجر كَلبي لحزنك 

********


وحسين مذبوح  عله ارماح نحره 
والخيييل ميدان  سوت صدره  
ايااام   مطروح    ابحر الصحره 

بصباح العاشر  بعاشور   ابو الاكبر توذر 
كَد ما منسحك بالخيل  قفص صدره تكسر 
وكَلبه من السهم ممرود    ودم كلبه تطشر 


بحر الصحراء .. طايح ويلاه 
مغطيه اتراب .. ابو عبد الله 

اجروحه ايأذنك ::: تجر كَلبي لحزنك 

********

من الشام  للشام     شبعان اهااات 
مسبي  كَلبك  وعايش لجمات 
مولاي  متعوب  بيااا هيمه  تباااات 

مثل حزنك حزن ماكو    وعماتك اساااره 
تموت بيا حزن مولاي  من تقره الزيااااره 
بمصباح هدعش تقصد  قافلة الحيااااره 

قافلة نحور ... بس فوك رماح 
قافلة ام عون  .. بكيف  الذباح 

بدمع ايصيحنك.. تجر كَلبي لحزنك

الحمد لله

الناشر احمد الفاطمي

16 June 2026 07:54

فَاطِمْ في كَرْبَلاءْ ... تَبْكي مَسْلوبَ الرِّداءْ
******

فَاطِمُ لِلطَّفِّ جاءَتْ يَدُها فَوْقَ الظُّلوعْ
تَسْكُبُ العَبَراتِ جَمْرًا ما جَرَتْ مِنْها دُموعْ
تَنْظُرُ السِّبْطَ وَحيدًا واقِفًا بَيْنَ الجُموعْ
قَوْمُهُ وَالصَّحْبُ صَرْعى فاقِدًا تِلْكَ الدُّروعْ

وَبِهِ ضاقَ الفَضاءْ
***





طارَ مِنْها اللُّبُّ لَمّا غاصَ بِينَ العَسْكَرَيْنْ
أَشْبَكَتْ عَشْرَةَ لَمّا حَجَرٌ شَجَّ الجَبينْ
وَقَعَتْ مُغْمىً عَلَيْها مُذْ رَأَتْ ذاكَ اللَّعينْ
قَدْ رَمى سَهْمَاً مُشَظًّى وَفَرى كَبِدَ الحُسَيْنْ

في حَشاها السَّهْمُ جاءْ
***

لَمْ تُوَسِّدْهُ رِمالٌ بَلْ هَوى في حِجْرِها
تَمْسَحُ الدَّمَ وَكَفٌّ ظَلَّلَتْ عَنْ حَرِّها
غارَتِ الخَيْلُ عَلَيْهِمْ فاطِمْ وَبَدْرُها
حافِرٌ في صَدْرِهِ .. حافِرٌ في صَدْرِها

وَتَشَظَّوْا في العَراءْ
*****

صَرَخَتْ لَمّا تَدانى الشِّمْرُ بِالمُهَنَّدِ
ابْتَعِدْ لا تَرْوِ سَيْفًا مِنْ دِما مُحَمَّدِ
أَوَ ما يَكْفيكَ أَلْفٌ مِنْ جِراحِ الجَسَدِ
خُذْ وَريدي وَاقْتَطِعْهُ عِوَضًا عَنْ وَلَدي

هَدَّهُ حَرُّ الظَّماءْ
****
رَفْسَةٌ في الصَّدْرِ أَنْسَتْ ما أَصابَ دارَها
اثْنَتا عَشْرَةَ ضَرْبَةً قَطَّعَتْ أَوْتارَها
فَوْقَ صَدْرِ السِّبْطِ جاثٍ شاهَدَتْ جَزّارَها
بَيْنَ رُمْحٍ وَسَليبٍ وَزَّعَتْ أَنْظارَها

وَلَها تَبْكي السَّماءْ
**

وَإِذا بِالتَّلِّ صَوْتٌ مِلْؤُهُ حُزْنٌ وَخَوْفْ
يا حِمانا قُمْ فَإِنَّ الخَيْلَ بِالخِدْرِ تَطوفْ
زَيْنَبُ عودي أَجابَتْ وَاسْكُبي الدَّمْعَ الذَّروفْ
وَاعْلَمي أَنَّ أَخاكِ صارَ نَهْبًا لِلسُّيوفْ

غابَ في بَحْرِ الدِّماءْ
***







حَرَّ قَلْبي كَيْفَ أَمْسَتْ عِنْدَما حَلَّ الظَّلامْ
بَيْنَ رَحْلٍ وَمُسَجًّى تَعْدو وَالدَّمْعُ سِجامْ
تارَةً عِنْدَ ذَبيحٍ تَخْرُجُ مِنْهُ السِّهامْ
أَوْ مَعَ زَيْنَبَ حَرّى تُطْفِئُ نارَ الخِيامْ

سَكَنَتْ رَوْعَ النِّساءْ
****
محمد حسين العُمَري

الناشر احمد الفاطمي

16 June 2026 07:50

جاسم شمعت الساده
طالع من ضهر قاده
من گام ولزم سيفه
تاريخ الحسن عاده
:::::::::::::::::::::::
مجنونه أبجماله الناس مجنونه
شبل الحسن تكتل نضرت اعيونه
جمال الكون من حقهم يسمونه
خـافـو منه وشحـدهـم يلاگونه
واليرفض على اعناده
جاسم شمعت الساده
::::::::::::::::::::::::
شافو رايته ابن الحسن علاها
گـالـو حيدر الكـرار طباهـا
متعجبه عليه الناس خلاها
حتى الضلمه وجهك نور سواها
وجـهه الگمـر وزياده
جاسم شمعت الساده
::::::::::::::::::::
جاسم بالحرايب شاعت اعلومه
ثامـن مـن محـرم ثـبتـو يـومـه
شجاعة حيدره بچفوفه مختومه
گال اوداعتك ياعمي محسومه
يموت الگام يتماده
جاسم شمعة الساده
::::::::::::::::::::::
غار الهاشمي وصولاته معروفه
شايل الرايته المهيوب بچفوفه
خله الجيش كله امكسره اسيوفه
گال حسين اعوفن روحي ماعوفه
فدوه العمي وولاده
جاسم شمعت الساده
:::::::::::::::::::::
من ودع احسين وغارت الغاره
خـلاها الـزلم صـوبين محتاره
سعرت بالمعسكر مـاطفـت ناره
گـالو هـذا حيـدر شـال فـقاره
حي اعلئ الحرب ناده
جاسم شمعت الساده
:::::::::::::::::::::::
الشاعر فاخر علي الشبيبي

الناشر احمد الفاطمي

16 June 2026 07:50

بعيوني ماضل شوف بعيوني
دلــوني ويـن الباب دلــوني

                   """""""""""""""""""""""""
من المرض وجفاك مـطـروحـه
صوب العراق اعيوني مشبوحه
مذبوحه كـل مصباح مـذبوحه
ثگـل المصيبه مهـدل امـتوني
                 """'""'''''"''"''"'''''"''""""""""'""''''
مشتاگه روحي اهواي مشتاگه
ماضن بعد يحسين نتلاگه
مثل الشجر لو ماتن اورگــه
تانوني اصيح ابصوت تانوني
                     """""""""'''''''''''""'""''"""''"''"'
ملهوفه روحي أعليك ملهوفه
طـولك يبويه اشلون مـاشوفه
طفله وصفيت ابنوحي موصوفه
من يوم رحتو اوما اجيتوني
                  """"''''"""''''''"''"''"'""''''''''''""""''''
ضليت اون بالـدار محتاره
دمـعـاتي طول الليل تتجاره
ماضنتي ابوي ايعوفني ابداره
ياحيف منه انقطعت اضنوني
                 """""'''''''''''''""'''''''''''''""'"'''''''''''''
حيل الزمن يحسين شل حالي
يابويه مثلك مايصح  غالي
دلالـي يـسعــر نـار دلالـي
مالگت روخي اوياي بضعوني
                    """'"'"'"'"""''"'"'"'"'"''"'''"'''
  ✍️ فاخر علي الشبيبي

الناشر احمد الفاطمي

16 June 2026 07:50

يامن أتريد الشفـاء
                    گوم وگصد كربلاء
        أندب أحسين الشهيد
                والگمـر راعي الـوفـاء
               ××××××××××××××××
كل بشر مهموم گلبه ينزل بحضرة علي
يوصل أويلزم ضريحه يگله غيرك ما ألي
أنا گاصد عندي حاجه وأنتَ تنجي المبتلي
من نجيك أنزور قبرك ندري كل هم ينجلي
      ياعلـي حامـي الدخيل
      أنته رحمه امن الجليل
      كل شي مايصعب عليك
       مــاتـحـب  المستحـيـل
        نعمه من رب السماء
                  ××××××××××××××× 
ماتعسر حاجه عندك وأنته ناوي الكربله
گله محتاجك وجيتك يا ابن عقد الوله
حلفه بالزهره الزچيه والمشت بالعايله
ياحسين أمخلي عندك ربك اعظم منزله
             يا امير ابن الأمير
           انته مستشفئ الفقير
           مايصح مثلك طبيب
            واليگصدك مايحير
           حضرتك باب الرجاء
             ×××××××××××××××××
يگصد الباب الحوائج كلمن يحس ابألم
يشمر الوصفه ابضريحه يگله ياراعي العلم
يوگف اكباله ويحلفه بالنبت بيهه السهم
والعقيله الهاشميه الحرگو اعليهه الخييم
         حلّّـفـه بـدم الـرضيع
        هوه باب الله الوسيع
         مـايخيبهـه الضـنون
         تشهد ابفعله الجميع
            هذا شيال الواء
      ×××××××××××××××××××
حب ابو السجاد رحمه اجت من رب السمه
مو بشر عادي وتندبه غير ابن حامي الحمه
جده ابو القاسم مُحمد وامه اسمهه فاطمه
واليزوره ابگلب صافي عينه تشفه امن العمه
        اگصد أحسين الحبيب
         لاتـضـن ضنّـك يخيب
         كـل آلـم عنـدك يطيب
          لاتخاف أمن الوباء
           ××××××××××××××××
للشاعر فاخرالشبيبي

الناشر احمد الفاطمي

16 June 2026 05:51

صعبه ياقصّت رباب ****شافت أنواع العذاب
رادت أتكَمط الولد ===== مالكَت حته المهد
------------------ 
أجت تركض من بعد حركَ الخيم
من جمرهن ما تحط چف لجـدم
فگد ابنهه يزود من عنده الالم
حيلهه أخـلافــك يعبدالله انهــدم
حيره تمشي الياكتر * من كَرب وكت العصر
والكَلب  من عدهه ذاب
--------------------- 
صار الغروب أوبده أوياهه الحزن
اتخيلت نام أوتدكَ أعله المـتـن
صوت للخرخاشه ما تسمع يرن
  والفــواطــم خافن أعليهه تجن 
تدري بكَماطه أحتركَ * والعكـَل منهه أنسركَ
أتوسدت تل التراب
-------------------------
من أجاهه الليل تمشي أبلا وعي
ساعه تبجي أوساعه توكَف تندعي
للـفــواطــم تسمع أصوات النعي
كَالت ألهـن حزني نشف مــدمـعي
رحمِه مابيهم أبد * وانه أريدن للجسد
مايسمعون العتاب
                                   ------------------------- 
ليلهه أشكَد طوُل ومامر فـجر
تركض أومدمعهه مابطل يـدر
                                   تحجي وي زينب نروُح  لياكتر
باجر أيكَـولــون تمشن للـيسر
وبني يبقى أبلا دفن * وانه دم بجري الوجن
والسناسبل بلركَاب
-------------------------
عينهه أم عـــبدالله تنظر لشركَ
رادت من أثيابه وصله أبلا حركَ
كَالـــت أشتم بيهــا باجر نـفـتركَ 
جنهه صارت ياضوه أعيوني صدكَ
باجرأمشي أعله الهزل * ونته دامي أبلا غسل
ماشفت ريع الشباب
                           (للشاعر الحسيني   فاخر علي الشبيبي)

الناشر احمد الفاطمي

16 June 2026 05:45

هالله هالله حسين وينه.     بالسيوف مكطعينه
٠٠٠٠
تربّع الشمر عله صدره.  ضامي ويحزّ بوريده
زينب تباوع لخوها.   بالخيم ظلت وحيده
ما درت مذبوح اخوها.  وللخيم يرجع تريده

صعدت على التل تنادي.   وين يا عزنه وّلينه
٠٠٠٠٠٠٠٠
صدت وشافت يويلي. راس اخوها حسين عالي
ينزف ومكطوع نحره. عالرمح تنظرله تالي
هجمت عليها الاعادي. وبالخيم ما عدها والي

ما درت جسم ابواليمه.  ال امية مسلّبينه
٠٠٠٠٠٠٠٠٠
حسين تحت سيوف اميه.  گطعوه طبره عله طبره
سحكت الخيل عله صدره. ونطبگ صدره عله ظهره
بالحـوافـر خلص جسمـه.  گطّعنّــه وذره وذره

عالرمل طايح يويلي.  ال امية محاوطينه
٠٠٠٠٠٠٠٠٠٠
عالرمح مرفوع راسه. وهوّسوا بي ال اميه
بيد سلّابه وشماته. راس ابن سيد البريه
كل عدو رايد يرسله لبن مرجانه هديه

مخضّبه بالدم لحيته.  والحجر صوّب جبينه
٠٠٠٠٠٠٠٠
هجمت الخيل عله زينب.  عكب ما ذبحوا اخوها
عالحرم حركوا خيمها.  ال امية وسلّبوها
بين خيل ونار تركض    بت مُحمّد شاهدوها

امن السحك تحمي اليتامه.  ولا اخو عدها الحزينه
٠٠٠٠٠٠٠٠٠
لا اخو عدها الغريبه.   ولا ولي حاضر تشوفه
والكفيل اللي كفلهه.    عالنهر كطعوا چفوفه
بس عليل مگيدينه.    يمه ما تكدر تعوفه

عالهزل زينب سبوها.   والشمر يحدي الظعينه

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

الناشر احمد الفاطمي

16 June 2026 00:09

ذبيت روحي يمك من المهر
خيمة ابــــوك الليله بلا عطر
جيتك بلا لوني  ذبحوك ذبحوني
يالاكبر    يالاكبر 
:::::
يا عطر الخيمه الما منه
عطرك يشبه عطر الجنه
تتبخر بيك خيامي
نگلت جدمك شيبه براسي
مختنگه انفاسك وانفاسي
مذبوحه الليله أحلامي
من الخيمه يم مصرعك سنتين
شيب كلـــه يمك راس الحسين
يبني يبني
لحيتي تخضبت ادمـــــوم ودموع
موجوع اني ما ادري انت موجوع
يبني يبني
حاچیني حتى الحيل يرجع الي
تضوي الخيمه بنور وجهك علي
يا كحل بعيوني   ذبحوك ذبحوني
يالاكبر    يالاكبر 
:::::
جيتك اركض بس اتعثر
يالاكبر جرحك صار اكبر
يمك بس انه بلا روح
طـــــول بطول تمدد يمه
ساعه يحظنه ساعه يشمه
ما اعرف ياهو المجروح
اشيلن كتر منك ثاني يطيح
مثل السعفه ابوك وهزته الريح
انظر انظر
وصتلك گوه بس عثرات عثرات
مـــــا میزات ياهو البینه المات
انظر    انظر
ما ادري انت انه المنجرح
وداعك الي يا علي اكبر جرح
عالوکفه سندوني    ذبحوك ذبحوني
يالاكبر    يالاكبر 
:::::
شلون ارجع للخيمه بدونك
عافيتي بنظـــــرات عيونك
بعد الاكبر ما مرتاح
ما بيه الحيل وحتى انهض
شفت وليدي جسمه مرضرض 
يم جسمك شفت الذباح
اول مره اشوفن عطـــــر مذبوح
حسين ولو علي الاكبر المجروح
حيره  حيره
اشيلك لو اشيلن روحي محتار
حرگني الهجر ما حرگتني النار
حيره  حيره
شوصلني يمك نعمه وندليتك
چا ليش حتی السهم داخل ریتك
يالبيك فجعوني     ذبحوك ذبحوني
يالاكبر    يالاكبر 
:::::
خلص عمر امك بس دمعه
صوت الام ما جاي تسمعه
ارجع ارجع يوليدي
عطـــــرت الخيمه متانيتك
للشيــــب ولمـــــن ربيتك
بس يالاكبر مو بيدي
بس الفاگده تعذرني لــــــو نوح
الولد بالگلب ومعلگ اویه الروح
ارجع ارجع
حگ ارباي اريده وانه اطلبك
امــــــك تبچي ما اذاك گلبك
ارجع ارجع
ظليت انعه يالولــــــد حاچيني
يا نظر عيني گوم امسح عيني
ارد ابچي خلوني    ذبحوك ذبحوني
يالاكبر    يالاكبر 
:::::
شفت حسين محدب ظهره
عـــالتربان امــــــدد عمره
وجه حسين وصار اصفر
جاوب گتلـــــه شخبار ابني
گتلـــــه تاخــــر بس طمني
جاوب شخبار الاكبر
وضعي يشرح وما حاجه الاجواب
رد حسين شايـــــــب راحلك شاب
دمعه دمعه
الولد يكسر ظهر مو بس الاخوان
انــــــه اول شخص بوليده دفان
دمعه   دمعه
ما ظل شعر اسود وابيض رمشي
چا هذا نعشك يا علي لو نعشي
شمعه انه طفوني  ذبحوك ذبحوني
يالاكبر    يالاكبر 
:::::
علي جبار الكعبي
الفاتحه لوالدي

الناشر احمد الفاطمي

16 June 2026 00:06

يا عمري مالك عندي مجان
فارگت اخوتي وطاح الأمان
عطشانه خوه وراحه وحنان
مالك مجان
عالتل وحشم ياخويه وين
اصرخ اخي ادركني حُسين
عين الخيامي وعالصحره عين
ياخويه وين

ياعمري المن باقي شتناطر جوه الحوافر
نبض الگلب
ياعمري كافي ذبحو أماني وضليت اتاني
بمشهد صعب
باگت ضحكتي خيول ال اميه وباجر سبيه
بجف الغرب

ياهو اليصدگ شفت راحه
والزهره ابد ما مستراحه
انه الخذت گلبي المناحه
،،،،،،،،،،،،،،،،،،،،،،،،،،،،،،،،،،،،،،،،
حرگو خيمنه وشب گلبي نار
جا بيش اغطي وجوه الزغار
حته العطش هم يطلبني ثار
شب گلبي نار
ميته بحسرتي ومو حلوه هاي
موتت ورد من مايلگه ماي
بوجهي الخيول وناري وراي
مو حلوه هاي

محترگه روحي ونار بدليلي شيكتم عويله
شيگضي الألم
اعثر هضيمه بعين الشماته وكافل خواته
بعينه السهم
خليته طايح فوگ الشريعه جفوفه گطيعه
وعاف الخيم

مهضومه روحي وتدوي ناري
شتعرف اعيوني ابهل صحاري
وابن امي فوگ الرمل عاري
،،،،،،،،،،،،،،،،،،،،،،،،،،،،،،،،،،،،،،،،،
بيا لجمة احير ابهاي الحيات
بحرگ المخيم لو بالبنات
طلعن عله الهزله مدللات
بهاي الحيات
بين النضر والضيم الثگيل
ياعمه صاح بصوته العليل
خلصانه روحي ومابيه حيل
ضيم الثگيل

درب اليسر مانحمل لجمته من نبجي سكته
عن الكفر
درب اليسر شمخلي بحياتي ذابح بناتي
بسيف الغدر
مجتوفه ايدي واشبگ رقيه صارت سبيه
بهاذ العمر

انه اليسموني الاميره
تالي الوكت صار الأسيره
ياحيره هيه سنيني حيره
،،،،،،،،،،،،،،،،،،،،،،،،،،،،،،،،،،،،،،،،،،،،
الشام المصايب باجر افوت
لا راحه اشوف ولا يبقه صوت
كل للحضه بالشام اتمنه اموت
باجر افوت
مكسوره خاطر والهم جبير
اليالوعه باجر وجهي ادير
حيرت علي بفگد امي احير
والهم جبير

شام الهضيمه شيحمل عذابه وجرح الخرابه
وذاك الوجع
محني ادخل من دون اخوتي ضيم وبلوتي
وحيره ودمع
باجر مصيبه من فگد رقيه تروح من ايده
اصعب وضع

ارد اعتب وحگي من اعاتب
راووني انواع المصايب
ليل وگمر عن شوفي غايب

الناشر احمد الفاطمي

15 June 2026 20:45

( شور )


خايفه يحسدونك ،،، ياجمال أعيونك
               فنهـم ايلاگـونك

      علي الاكبر ،،،، علي الأكبر
       :::::::::::::::::::::::::::::::::::::
      انتَ آيه امن الجمال أونازله
     ربي حسنك مثل يوسف عازله
     حچيك ابريسم وبيدك غـازله

     يا شايـل اخلاق اوعزم
     بالشده سيفك يبتسم
    من زغرك أمبچي الزلم
   
        تـشـبه المخـتـار جـدك ياعـلي
       لو يمر جيش اعلئ حدك يبتلي

         علي الاكبر ،،،، علي الأكبر
        ::::::::::::::::::::::::::::::::::::: 
       نور وجهك يـمـه ربك صانـعه
       بين كل الناس نجمه وطالـعه
       اسمك اددلال عودك طـابـعـه

         يوليدي يا ريع الچبد
       من عطرك يغـار الـورد
      والارض ترجف من تهد

مثل سيفك سيف عدهم مايصح
نور وجهك احلئ من وجه الصبح

     علي الاكبر  ،،،، علي الأكبر
    :::::::::::::::::::::::::::::::::::::::
مثل عين الشمس عينك دايره
رَدت أخـيول الآجـتك غـايـره
كربلاء كلـهـه ابجـمـالك حايره

مصباح وجهك بالضعن
يلـعـاندت بيـك الـزمن
يالتشبه اطباع الحسن

دوم ازامط بيك يبني امن المهد
يشبع الجــوعـان چـفـك يالـولـد

    علي الاكبر ،،،، علي الأكبر
      :::::::::::::::::::::::::::::::::::
شفت أبوك اشكثر ربك رازقه
يشبه المختار شكلك خالـقـه
حيرتني أوصافـك المتطابقه

نورك ابد ما ينحجب
يلطبعك احله أمن العذب
مو آخر اول تنكتب

يلجمالك بالبشر ما ينوصف
بالمراجل مثل أبوفاضل كلف

علي الاكبر ،،،، علي الأكبر
  :::::::::::::::::::::::::::::::::::::
من گمر عدنان صيتك قاسمه
واضح الموت اعله سيفك راسمه
والـمـراجل كـلـهـه يمـك والـمـه

كلشي صعب عندك سهل
من زغرك اتشيل الحمل
وكـت الشدايد مـاتـمل

كتبـك التاريخ بحـروف الـذهـب
تدرس الاجيال من عندك آدب

     علي الاكبر ،،،، علي الأكبر
    :::::::::::::::::::::::::::::::::::::
      ✍️فاخر علي الشبيبي

الناشر احمد الفاطمي

15 June 2026 16:56

جاسم شمعت الساده
طالع من ضهر قاده
من گام ولزم سيفه
تاريخ الحسن عاده
:::::::::::::::::::::::
مجنونه أبجماله الناس مجنونه
شبل الحسن تكتل نضرت اعيونه
جمال الكون من حقهم يسمونه
خـافـو منه وشحـدهـم يلاگونه
واليرفض على اعناده
جاسم شمعت الساده
::::::::::::::::::::::::
شافو رايته ابن الحسن علاها
گـالـو حيدر الكـرار طباهـا
متعجبه عليه الناس خلاها
حتى الضلمه وجهك نور سواها
وجـهه الگمـر وزياده
جاسم شمعت الساده
::::::::::::::::::::
جاسم بالحرايب شاعت اعلومه
ثامـن مـن محـرم ثـبتـو يـومـه
شجاعة حيدره بچفوفه مختومه
گال اوداعتك ياعمي محسومه
يموت الگام يتماده
جاسم شمعة الساده
::::::::::::::::::::::
غار الهاشمي وصولاته معروفه
شايل الرايته المهيوب بچفوفه
خله الجيش كله امكسره اسيوفه
گال حسين اعوفن روحي ماعوفه
فدوه العمي وولاده
جاسم شمعت الساده
:::::::::::::::::::::
من ودع احسين وغارت الغاره
خـلاها الـزلم صـوبين محتاره
سعرت بالمعسكر مـاطفـت ناره
گـالو هـذا حيـدر شـال فـقاره
حي اعلئ الحرب ناده
جاسم شمعت الساده
:::::::::::::::::::::::
الشاعر فاخر علي الشبيبي

الناشر احمد الفاطمي

16 June 2026 12:18

---نزال---حسيني >>>>>

للموت....اهواك...ثابت عاالعهد
لدوم.....وياك....يحسين الوعد
*******
انت السمه انشوف ياوجه الصبح
ياندى  من  ايطيح  بشفاف الفلح
اسمك دوه يصير مرهم كل جرح
حتى العشگ صار  ملهوف الرمح

يا حلات اعيونك
بالعشگ مجنونك
انه اموت ابدونك...هيامي

سرمدي حبيتك
بالشدد ناديتك
عاهدت واليتك...حبيبي

وبحزني....انعاك...ماعوفك أبد
لدوم.......وياك...يحسين الوعد
*******
مشغول الاحساس تارسني العشگ
من زغري وياك  معروف الصدگ
من  دون  الحسين  ميت  واختنگ
چن خيمه محروگ دونك احترگ

يانبض وجداني
اسمك بشرياني
دمعتي وعنواني....غرامي

يالملكت احساسي
اخذ حتى انفاسي
انت تاج ابراسي...حبيبي

يالباقي...ذكراك....اجمل معتقد
لدوم ....وياك....يحسين الوعد
*******
من دمعي  ارتاح شفت  ابرايتك
اقبلني ارجوك  شمعه ابخدمتك
هذا  البچه اعليك يدري بشيمتك
وحسبني لو جيت قنبر شيعتك

ياضمان-- اسنيني
حبك-----امكفيني
مارحت عن عيني...وسامي

يا ملاذي ودربي
الله يشهد حبي
انت وحدك گلبي...حبيبي

ناديته...بحماك....تحضر بالشدد
لدوم..... وياك.....يحسين الوعد
*******
بالخدمه موجود  اسمي اول طلع
وتعيين اجروح  وابدي  من الدمع
من شوگه   ما اريد  گلبي  يمتنع
بجروحي ماطيب تدري من الظلع

ياعشگهه احبابك
لو تشم--- اترابك
تجتمع-- يم بابك...مرامي

والعشك ماليهه
انجنت ابواليهه
والفخر---تاليهه ...حبيبي

ما اكدر....انساك.....نهتف بالمدد
لدوم........وياك...يحسين الوعد
*******
خادم  يگولون  هاي اجمل سمه
عن حبه ما حيد  روحي  امعلمه
كل دمعه  صبيت اتسجل فاطمه
يحضرنه ابوحسين حامي الحمه

لو حضرنه المحشر
نفتخر---يم--حيدر
هوه ساقي الكوثر..سلامي

كلشي صار بأيده
اموقع ابتأكيده
والله احنه نريده...حبيبي

ياعلي.....نلگاك....بالمحشر سند
لدوم .....وياك...يحسين الوعد
*********
تمت بعون الله تعالى.........
الشاعر_يوسف_الفتلاوي

الناشر احمد الفاطمي

16 June 2026 11:46

🔶 يوم الانصار نزله لحن اهوازي🔶


زينب سولفت لحسين يخويه اصاحبك اخبرهم
و تگّله يا بعدها اختَك اَخاف الغدر ياخذهم


@1
سمعها تحجي ابن ضاهر اجه و جايب ورا سبعين
كللها نـروّي الكـــاع مــن دمنـه و تشــوف الـعين
يـزينب كلــنا نتگطـع و لا يــوصل سهــم لحسين
باجــر من نهـد ليهـم حصـاد الحنطه نحصدهم

@2
شنهي الموت عدنا الموت احلا من العسل و اجمل
شحلاة الموته ويـا احسين و خلـي اسهامهم تجبـل
نـمـوت و نحـيا ثّـمَ انمــوت و نتـگطــع و نتوصـل
و مـا نــترك بــني هاشــم لـحد مــا ننطحن يمـهم

@3
لو بس جابوا أسم حسين نطلبهم نَضل بثاَر
عابس عدنا من يغتاض اشبهنّه بلهيب النـار
يـزينب انه اقسملج وحق حيدر علـي الكرار
عابس لـو بـرز ليهـم يـوصّل للـخيم دمهـم


@4
جون ال-من عـطركم صار عطـره يشـبه العنبر
و حـر الجـان قائـد جيش اجه امجتف و يتعذر
هـوه الشاف وجـه احسين اشلون يفكّر و يغدر
و شاف ارسوم ابو فاضل كمر هاشم و هيبتهم

@5
زهير الـّي يـرجف الگــوم لـو ينجاب طاريه
كلـولة اشتـوصف حسين كللهم هوه الريه
اعـجـز مـن اوصـفنـه ماكـو هـيجي حنـيه
جده و فاطمه و حيدر يم العرش منزلهم

@6
و اجمل قصه بالانصــار وهبنــا التجدح اعيونه
حب حسين شك قلبه و وحشه العيشه من دونه
تــٰرك امــه و زوجتــه و راح و كلهــم ما يهمونـه
و گلّــه الطــف لــون ينعــاد هم بحبـك اتركهم


( الشاعر الشاب مصطفى ثامر الحلفي)

الناشر احمد الفاطمي

16 June 2026 10:00

منطين كلمه احنه كل عام
نبقـه ابعزاء الـزهره خـدام
حزام الخدم شدينه  .. يم الحسن وفـقينه  ..  نبقه خدام
########################
بشهر الاحزان  .. عدنه برهان  .. وشي نلمسه بهالشهر
مــو يـخدام؟  .. احـله الايـام  .. عـدنه عاشور وصـفر
نشوف كل خادم حسيني من الوجه بي هيبه
وحـته لـو مذنـب نحـس الزهـره هـيه اجـيبه
بكثر مايسعه ابو المجلس اجـر تـارس جـيبه
ومـا نـفكر بـبو المواكـب كلمن وتـرتـيبه
وبـاي عزه لـو رحـنه ونـدوس
مـن البـضعه نلـگه اثـر مـلموس
عيـن الزچيـه اعلينه .. يم الحسن وفـقينه  .. نبقه خدام
###############################
احلا لحظات  .. واحلا ساعات .. من نحس بالدمعه
يقـره رادود  .. انشـوف شادود .. نـلگه واحد ينعه
ينعه عالاكبـر نشوفه وعالـشباب القاسم
ويمه ذكريـني ابدمعـته يقـره ويه الـوادم
يساعد ابليله و بـرمله و بـحزنهـم فـاهـم
ويـترك الدنيـا واهلها هـذا طـبع الـخادم
ولو شاف بالبر تمشي الزغار
يـذكر اطفـال حسين والـنار
يـومك ولا نـاسينـه .. يم الحسن وفـقينه  .. نبقه خدام
###############################
بـكل عـزيات   .. بكـل مسـيات  .. نـشوف نفس الهمـه
و اليخدمون   .. والـيلـطمـون  .. زلـمه يـتبـع زلـمه
واللي يخلص لله نيته يـاخـذ اشمـه يـريـده
واللي دك صدره ابچفـوفه الزهره تاخذ بيده
واللي يـبچي لـبو اليـمه دمعـه وحـده اتفيده
واللي يبـذل كلشي يرجع ضعف والله يـزيده
وشگد عظيمة خدمـتك هـاي
تنطـي القلـيل وتـاخذ اهـواي
ونشعر ولا وفـينه  .. يم الحسن وفـقينه .. نبقه خدام
#############################
شكد روايات  .. بهـالعزيـات .. نقره بيها وننـدب
مني اخذ هاي.. للماشرب ماء  .. يا محـب لا تحسب
الصادق العتره روايه تحل اصعـب كـربه
الجلـس مجلس عزانـه مـا نمـوت گلـبه
والذكـر چـم قـول الـنه بـفعله نـوْر دربـه
واللي واضـب بالعزيه ويانـه هذا انحسبه
والـبچت عينـه بهذا المصاب
مـاتبچي عيـنه ابيـوم الحساب
هذا العزه يحينه  .. يم الحسن وفـقينه .. نبقه خدام
##############################
بدمعة العين  .. نعاهد حسين  .. ننطي كلمة وموقف
بهاي الايـام  .. بـهاي الالام  .. كلـشي الـه ضل يـنزف
نشـكر النـعمه وجوباً كـل سـنه وانـثابر
كلشي انطانه ابو اليمه وهوه داسه الحافر
نخـدم ونـلطم ونسـعه وبـالخدامه انفـاخر
الله لا يحرمنـه منهـا ومـن عـذاب العاشـر
ويـن الخيم هم نحترك كـون
بلـكت نحس ابركضة ام عون
جمـر الخيم يچوينه  .. يم الحسن وفـقينه .. نبقه خدام

#سيد_محسن_الجابري

الناشر احمد الفاطمي

16 June 2026 07:55

تحضَرِت لِـمحرَمك .. هلا بجيت هلاله
وبركعتين الشكر .. انوي لستقباله
الحمد لله والشكر .. امتد بروحي العمر
هلا بجيت هلاله


******

الحمدُ لله طال عمري لعشره من عاشورك
عوزي بس عشره بمحرم كون روحي تزورك
و امي وصتني وتكلي تسوي الـ بمكَـــدورك
واني اشعر كَدري كله مِـن صخام اجدورك


نلبس ثياب الحزن .. اني وابنياتي
مو مشاطر اخدمك .. لا على نياتي

من المسه حد الفجر ** الحمد لله والشكر


****

لحكت هالســـنه اخدمك وراح اعيش ايامك
واني وأهلي وماي وجهي كلنه تحت اجدامك
بــيتي ميلمني ابمحرم وجمر تغدي اخياااامك
يرف رفيف الرايه كلبي من ترف اعلامك


اتملكتني خدمتك ** وكلشي ما يحلالي
ركضتي بهذا الشهر .. هي راحت بالي

ترضا مولاي انتظر *** الحمد لله والشكر

*******



لشأن مخــلوق ابنَ ادم !! واربي الك سواني؟؟
حتى احبك يابو الاكبر وتمتلك وجداني
الحب قرار وكَلبي قرر شينبض لحب ثاني!!!
وخاف اهيم بغير حبك لا عشـــــت خلاني


قلق كل الدنيا الي *** و اطمئن بفيايك
كَلبي ميفكه العطش ** الا يشرب مايك

التقبله ابخيت شكثر .. الحمد لله والشكر

********

بخدمـــتك مارايد أكبر فقط اخدم ناوي
ولا اكولن ( سوف اعمل وكيف قال الراوي )
ناوي اهاجر هجرة الحب بس سفر سكتاوي
فلــسفة حـــبك بسيــطة وصعبة ع المتغاوي


قمة الحب الصدكَـ * لو صبح ع الفطره
اجر هالحب ينحسب * على جيس الزهره

فاطمة تحفظه الأجر .. الحمد لله والشكر

*******

الطمع مكروه اعرفه واني بيك هواي طامع
سيدي بأمك احــــلفك لذنبي ابد لتــــــباوع
انت ذاك الـــخير انت الـ ماترد إنسان ضايع
لا تخلني ابكيف روحي كون دوم عليك راجع



مو شطاره محبتك .. عطف من عيونك
صاحب الحظ والبخت .. الما نكر ماعونك

غير عطفك شنتظر.. الحمد لله والشكر

********

الحمد لله
شكرا لله

الناشر احمد الفاطمي

16 June 2026 07:54

تحت ضل العرش لمن نشوفك
يبو السجاد مانگدر نعوفــــــك
جمال عيونك الجـنه
مو للحور نتمنــــــــه
نتمنه نشوفــــــــــــك
،،،،،،،
خلق رب العرش نــورك
گبل مايخلق الجنــــــــه
واخذ من حاجبك شعره
وخلق ياس وخلق حنـــه
واخذ من حسنك البـــاري
وبعد مدري شخلق منـــــه

لگيت الحور من وجهك خلقــــــــها الله
ولگيت المصطفى الوجهك شكــــر صلـه
لگيت اسم الله بظلوعك شكو إسـم الله

اليشوفك باچر ايشوف الأمانــي
يصيح بصوت خلوني بمـــــچاني
العشگ ماينشبع منـه
جمال عيونك الجنـــه
،،،،،،،
تحت حظنك اذا نلتــم
نشم طعم العشگ كلـه
كلمن ماخدم شخصـك
يضوگ مرورة الذلـــــه
باچر تنحني علينـــــــه
مثل ماتنحني الدلــــــه

يخيمتنه الچبيرة النگعد بفيّــه
شنسولف والسوالف يمگ شويه
يا اطهر نسيم الشمته الريــــــــه

اذا باچر يبو السجاد نلتـــــــــم
نشبگك گلنه ونشم منحرك شم

نگلهم نبقه يم خلنه
جمال عيونك الجنه
،،،،،،
يَكحل عيون خدامك
يحسرتهم يدمعتهــــم
الروايه تگول بالمحشر
باچر سيدي تلمهـــــــم
يشمونك على نحـــــرك
وانته ادنگ اتشمهــــــم

نشم باچر بصدرگ نسمة ابروده
واثر للخيل خافن نلگه موجـوده
كل موكب يضل ينـــــعاك رادوده

البچالك دمعه يلگه الدمعه كــوثر
الزغيرة هنانه يمك غاد تكـــــــــبر

يقين وهاي مو ضنه
جمال عيونك الجنـه
،،،،،،،
على الطف تگعد تسولف
سوالف والوجه ضــــاوي
مشاهد تعرض بصـــــوتك
حقائق مو حچه الـــــراوي
الطّم والرد ابّو المــــــوكب
الكتب ولناح متســـــــاوي

إمن اول نبله تحچي الگطعت الخنصر
وموقف من بعد موقف تضل تذكــــــر
واكيد بكل عزاء الزهره بينه أتمـــــــــر

تجيب وياها قارورة مدامــــع
جليلة قدر ليها مانـــــــــــباوع

يمنّت رازق المـــنه
جمال عيونك الجنه
،،،،،،،،
تسولف عل عطش باجر
يبعد عيوني وعـــــيوني
هويّه أموقعّه بخطــــــك
غاد اعتقد ينطونـــــــــي
عنوان الهويه إيصيــــــر
بشرب الماي ذَكرونــــــي

تسولف عن علي الاكبر وعن حِسنه
شلون من المهر طاح وغمض جفنه
وعن جاسم وعن أشموعه والـــحنه

وتسولف عن معاني الخوه بالطف
إلنطاها عيونه وچـــــــف بعد چـف

وفه وغيره توّصفنه
جمال عيونك الجنه
،،،،،،
لخادم الحسين ع
محمد الفهداوي

الناشر احمد الفاطمي

16 June 2026 07:50

يالمهدي مـأجـور
                هل شهر عاشور
             تتوچه وتگوم
            من كثر الهموم
           يالمهدي مـأجـور
          :::::::::::::::::::::::::::::::       
تذكر ضعنهم من طـلـع من المدينه الكربله
ضلت عليلتهم تـوون مـن ودعتهه العـايله
يبن الحسن شافت حزن لوجبل مايتحمله
بالدار صارت للأسف مجروحه ماهي أمدلله
                   تصرخ يلحباب
                   يم عتبت الباب
                    مدمعها ناعور
        :::::::::::::::::::::::::::::::::::::::::::::
تتذكر الطفـله البقت بالـدار ماتحمل هـجـر
تطلع تعاين بالدرب وتسايل الضعون التمـر
من وحشة افراگ الاهل غرفتهه تشبه للگبر
الله يعينك سيدي كل الساعه روحك تنعصر
                    گلبك يشب نار
                    ياصاحب الثار
                    گلبك المكسور
     ::::::::::::::::::::::::::::::::::::::::::
مـن هـل الهلال إنجرح گلبك يمـولاي ونـزف
ويلاه يبني المنذبح صوت أمك الزهره هتف
ساعات تربي الكربله ساعات تربي اعله النجف
كل مغرب يصب من دمه مولاي دمعك مانشف
                   لوصار الغروب
                   دلالك إيذوب
                 ودموعك اتفور
         :::::::::::::::::::::::::::::::::::::::
من يجن ساعات العصر يتعايش اوياك الالم
مـا تنسه زينب بالضعن والگـمـر شيال العـلم
من وصلو ٱلطف كربله والعين صوبهه السهم
وحسين طاح اعله الثره والنار شبت بالخيم
                  لوچلچل الليل
                   يتهدم الحيل
               من تبچي معذور
         :::::::::::::::::::::::::::::::::::::
من المصايب والحزن كل يوم روحك تنفجع
واحـد محـرم مـن يهـل تتـوزر أبنـص الجمـع
تگعد أوبيدك رايتك ويفييض الحضره الدمع
من تسمع أقرايه أوالطم يامهدي گلبك ينصدع
                    متوسط الناس
                   تلطم عله الراس
                 حگ من تدگ شور
    :::::::::::::::::::::::::::::::::::::
              فـاخـر عـلـي الشبيبي

الناشر احمد الفاطمي

16 June 2026 07:50

(نزلة محرم النصر)

محرم يختلف هاي السنه اهوايه
يحسين انتصرنه ورفت الرايه
خيبرهم قلعناها
والرايه رفعناها
::::::::::::1:::::::::::::
خلينه الدول يحسين مجنونه
هذا الدرس ما نعتقد ينسونه
بامريكه العلم يرتفع مضمونه
كل الدول مـاگـدرو يلاگونه
قووتهم سحگناها
والرايه رفعناها
موجودين محد يوصل الثايه
::::::::::::2::::::::::;
يامـذهـب مثلنه يقـدم إكبـاره
بسرائيل شوف اشسوت الجاره
خلينه الدوول يحسين محتاره
صاحو تل ابيب اتوجرت ناره
دولتهم ردعناها
والرايه رفعناها
محد سوه بيهم هاي الاسوايه
:::::::::::3:::::::::
هذا العام كل الشيعه منصوره
بچينه الدول وتضحت الصوره
مشكوره القياده اهواي مشكوره
ضلت ثايت الكـرار منطـوره
والخوه جمعناها
والرايه رفعناها
يابن فاطمه منطينك احچايه
::::::::::::::4::::::::::::::
جبنالك نصر يحسين وزياده
مـذهبنه يقـدم خيرت القاده
مايدفع فقير اليحرس ابلاده
مانقبل علينه النتن يتماده
بين الامم نتباها
والرايه رفعناها
مذهبنه يضل عباس حدايه
::::::::::::5:::::::::::::
محسومه الحرب يحسين محسومه
ربعك خلو العدوان مهزومه
كل واحد يموت بساعته ويومه
حته الضهر خصمك شافو انجومه
بينه المهدي يتباها
والـرايه رفـعناهـا
من بعد الختام انروح مشايه
:::::::::::::::::::::::::::
الشاعر فاخر علي الشبيبي

الناشر احمد الفاطمي

16 June 2026 07:50

تكسر ضهري من تبعد
خــويه لاتنام اگـعـد
أطلبك ريحـت الخـوه
أجيتك امشي بالگـوه
""""""""""1""""""""!
مـن اتروح تجـرحني
سهم الهجر يذبحني
سيل ادموعي يفضحني
ضهري بغيبتك محني
صعب هجرك + ولاعذرك
انته الغيره والنخوه
طلبك ريحت الخوه
"""''''""''''''2"""'"""'""
لاتمـشي وتخليني
خويه البعـد ياذيني
اعـمه أومن يدليني
ادري يضيعن اسنيني
اذا ترحل + ورد وذبل

تصير الدنيا ماتسوه
اطلبك ريحت الخوه
"""""""""3""""""""""
اجيتك وانته تسمعني
جيب انسان يقنعني
اذا ترحـل تضيعـني
بيك الخوه تجمعني
ردتك يمك + هوئ اشتمك
اخوي وعشرتك حلوه
"""""""""""4""""""""""
فدوه ايروح الك عمري
حبك بالگـلب يسري
بيه اشگد احـن تدري
بعدك ينكسر ضهري
أعرفك حد + الك أشهد
شجاعه اوغيره ومرووه
""""""""'''''5"""''''''''
أخوي انته اونبض گلبي
هديه ونعـمـه مـن ربي
بالضـلمـه ضـوه ابدربي
بسمـك ينمـسح تعـبي
الك انضر + وعيشن حر

اليه ابكل زمن سلوى
اطلبك ريحت الخوه
"""'"'''"""'''''''""''"'"''"''"''''
فاخر علي الشبيبي

الناشر احمد الفاطمي

16 June 2026 07:50

                   
                ياكفيل أضعوني
                 ياضوا البعيوني
               يعباس يا باالفضل
                   <::::::::::::::::::::::::::::::>  
     ام البنين الجـابتك  محسوده
    مـن الهواشم صبحت مـعدوده
   وكت الشدد وي الخلگ موجوده
    گالت بطل عباس ضنوة عوده
            بالحومه بچيت الزلم
           وبحيل حيدر محتزم
           والـنعـم منـك والنعم
             يعباس ياباالفضل
                    <::::::::::::::::::::::::::::::>
      بين القبايل صيتك ايضل عالي
       دگيت صدرك واصبحت كفالي
       انته الـجبتني بالضـعن يلغالي
      بالهودج اومحد يشوف أخيالي
             انته الجبت كل اخوتك
              بالـضعن رفـت رايتك
              امـك عـلـيه وصـيك
                يعباس ياباالفضل
           <::::::::::::::::::::::::::::::::::::::>
       أتـذكــرك يلبيك اشـد احــزامي
     تعرض صورك كل وقت جدامي
    أنته البنيت أعله الفرات أخيامي
     يامن تجيب الماي وانته الضامي
             غير انته ابن خير العمل
                عطشان وتهم بالأهل
            ضل ينضرب بيك المثل
               يعباس ياباالفضل
                <:::::::::::::::::::::::::::::>
     تبقئ الشجاعه والعزم عـنوانـك
    ضحيت كل شئ ياگمر لخوانك
     ميدان حيدر بالحرب ميدانك
   أسم العقيله ثابت اعله السانك
             شكراٌ يشيال الـعـلـم
              يلقاتلت دون الخيم؛
           وانطيت عينك للسهم 
          يعباس ياباالفضل
              <::::::::::::::::::::::::::::::::::::>   
   مـحـد وصـل يابالفضل لحـدودك
كل جيل يشهدلك اويحچي ابزودك
      يـم النـهـر ذبيت حـتـه ازنـودك
    والـنعـم مـنك يالوفيت أوعـودك
               ياأسد ومخلفك أسد
               بلكون مـا مثلك أبد
               لحسين وفيت الوعد
                 يعباس ياباالفضل
             <::::::::::::::::::::::::::::::::::::>
                فاخر علي الشبيبي

الناشر احمد الفاطمي

16 June 2026 05:45

اليله المنازل خاليـــــــــه اليله
---------------------------------
اليله الحنيــــن محمل ضعونـه
دايــــــر گفاه ومفـرد متونــــه
رچــب بناتــه وسـرج ميمونــه
واهل المدينــه العـوده تدعيلـه
------------------------------------
اليله الحبيـــــب يودع احبابـه
وبوداعه چنــــه مطــول غيابه
عزل مضيفه وبيـده ســـد بابه
وگام المنيته والها شــــد حيله
-----------------------------------
اليله اليطــب الدور اهالينـــــه
يشبع بواچي اليطرش اعلينــه
شايــل بختها ومايــرد لينـــــه
والعنه تمشي احبابـــــه ياويله
-----------------------------------
طوح ضعنها وغـربــــت هاشم
ياربي رده مـــــــن السفر سالم
هواي الضعنهم عرضـت الوادم
ماعندي غيرك خاطـــر اشكيله
-----------------------------------
اليله العليلــه تفارگ اخوتـــــها
وتبطي اعله باب البيت وگفتها
دمعتها محــد مســـــح دمعتها
طـــول النهار حسيــــن تبچيله
-------------------------------------
مصطفئ الصالحي
خروج الضعن

الناشر احمد الفاطمي

16 June 2026 05:45

احنه  انصار الحسين الهيبه
كلنه صرنه سيوف وكت النيبه
------------------------------
احنه الله ختارنه انطب جنته
انصار صرنه وشلنه بالطف رايته
الف هنياله اليموت ابحظرته
هوه هذا البخت متنه  ابصحبته
عابس ابصدره يدك .........صاح جنني العشك
احنه بالكلفات نار وطيبه .....احنه انصار الحسين الهيبه
___
كلوبنه على عدانه خشنه او ماترف
احنه وينه الفارس او وين التجف
صلنه بيهم لحد ماردو زحف
موش سبين احنه جن سبعين الف
نعشك احنه الملحمه ...... الطف نغركه بالدمه
شيخ نازل واقر صاحب شيبه .... احنه انصار الحسين الهيبه
____
جون وي عابس شفت يمهم برير
صالو او  روس العده كامت  تطير
ياهو اليلاكيهم ابروحه يحير
وين ينطي الوجه مايعرف يدير
بحدهم يهوس حبيب .... موتكم اصبح قريب
  والعده صابتهم ادري الخيبه..... احنه انصار الحسين الهيبه
___
نافع ابن اهلال ترهب طلته
حير الطف كله شافت صولته
من دمه عدا نكعت ابدم لامته
حيل مترهي رجع يم خيمته
هذا المجي الزلم ......  شيخ بس كله عزم
ياهو اليلاكينه مات ادريبه.....  احنه انصار الحسين الهيبه
_
واحد او طشر كتيبه الصاعده
الجيش كام يصيح ودو السانده
وهب نازل صاعقه ابجيش العده
شلون لو عباس ياهو ايعانده
خله يدري المادرى ... الكمر مانازل ترى
والبعيد ايصير يمه ايجيبه ...احنه انصار الحسين الهيبه
___

حسين الزيدي

الناشر احمد الفاطمي

16 June 2026 00:08

رايح علي من ايدي  مكسور ابوك وليدي
بويه علي بويه علي
::::
انـــه والـــد وابنــي متگطـــع وذر
ابوه ويشوف ابنه مذبوح النحـــر
شوف ابوك حسين چن عود انكسر
انـــــــه عطشان العلي مــــو للنهر
يمي علي چان اکبر  من سيوفهم صار اصغر
بويه علي بويه علي
::::
علي الاكبر مــــدري انــــه المنذبح
راسي لـــــو راسك الشالـــــو برمح
علي الاكبر وجهك احلى من الصبح
اليوجعك يوليدي گلـــــي بيا جرح
اليوجعك يوجعني   جاوب اذا تسمعني
بويه علي بويه علي
:::::
الساني ولسانك علي مثل العطش
حسين وي وليده بالگــاع انفرش
انــــــه يمك ميت ورايــــد نعش
من رحت دلالي أحس بي انخمش
والد وشاف وليده  مگطع ایشیله بأیده
بويه علي بويه علي
:::::
روحه رده بخيلهم ظل ينسحگ
نار مـــــا بيه انــــه لكـــن متحرگ
بصفه متمــــــدد گلت مــــا نفترگ
ردت اشبگه ولیدي بس ما ينشبگ
اليفگــد ولد يعرفني   حگي من اصيحن ابني
بويه علي بويه علي
:::::
ليلى منتظرتني ارجـــــع للخيم
شلون اگلها علي مصيوب بسهم
علي من سيوفهم لا مـــــا سلم
الليله بيت حسين يوليدي انهدم
تموت اذا رد ليها   احچايه ما احاچیها
بويه علي بويه علي
:::::
علي جبار الكعبي
الفاتحه لوالدي

الناشر احمد الفاطمي

15 June 2026 23:59

يالمهدي مـأجـور
                هل شهر عاشور
             تتوچه وتگوم
            من كثر الهموم
           يالمهدي مـأجـور
          :::::::::::::::::::::::::::::::       
تذكر ضعنهم من طـلـع من المدينه الكربله
ضلت عليلتهم تـوون مـن ودعتهه العـايله
يبن الحسن شافت حزن لوجبل مايتحمله
بالدار صارت للأسف مجروحه ماهي أمدلله
                   تصرخ يلحباب
                   يم عتبت الباب
                    مدمعها ناعور
        :::::::::::::::::::::::::::::::::::::::::::::
تتذكر الطفـله البقت بالـدار ماتحمل هـجـر
تطلع تعاين بالدرب وتسايل الضعون التمـر
من وحشة افراگ الاهل غرفتهه تشبه للگبر
الله يعينك سيدي كل الساعه روحك تنعصر
                    گلبك يشب نار
                    ياصاحب الثار
                    گلبك المكسور
     ::::::::::::::::::::::::::::::::::::::::::
مـن هـل الهلال إنجرح گلبك يمـولاي ونـزف
ويلاه يبني المنذبح صوت أمك الزهره هتف
ساعات تربي الكربله ساعات تربي اعله النجف
كل مغرب يصب من دمه مولاي دمعك مانشف
                   لوصار الغروب
                   دلالك إيذوب
                 ودموعك اتفور
         :::::::::::::::::::::::::::::::::::::::
من يجن ساعات العصر يتعايش اوياك الالم
مـا تنسه زينب بالضعن والگـمـر شيال العـلم
من وصلو ٱلطف كربله والعين صوبهه السهم
وحسين طاح اعله الثره والنار شبت بالخيم
                  لوچلچل الليل
                   يتهدم الحيل
               من تبچي معذور
         :::::::::::::::::::::::::::::::::::::
من المصايب والحزن كل يوم روحك تنفجع
واحـد محـرم مـن يهـل تتـوزر أبنـص الجمـع
تگعد أوبيدك رايتك ويفييض الحضره الدمع
من تسمع أقرايه أوالطم يامهدي گلبك ينصدع
                    متوسط الناس
                   تلطم عله الراس
                 حگ من تدگ شور
    :::::::::::::::::::::::::::::::::::::
              فـاخـر عـلـي الشبيبي

الناشر احمد الفاطمي

15 June 2026 19:17

كلمه وتظل بالدلال...شاب الگلب
وصوابه
بيها ننادي للموت.....آه يحسين
ومصابه
*******
ياگلبي  بالله  لتهيد.....هاي  الجروح البيه
يوميه عندي عاشور....وابدي الصبح لطميه
شايب يدمعي بالنوح....وي زينب المسبيه

ظليت أجر بالآهات....نار الگلب لهابه
بيها ننادي للموت......آه يحسين ومصابه
*******
يحچي الحزن باللچمات....عاشر مصيبه اجروحي
ما تطفه  نارك   يحسين........ظلت سريه ابروحي
چن  زينب عالتل  هاي....ياخويه  تسمع  نوحي

ملهوفه خويه آنه اعليك....تدري العسر وسبابه
*******
ندري اليزورك مبخوت.....هنياله ماخذ أجره
مو حجه وحده وياك....سبعين حجه وعمره
بحرامه  لبى  لو جاك...تتلگه شخصه الزهره

يمك تطوف الاملاك.....حصن اليجي لعتابه
*******
عارف يزور المظلوم.......لازم يقين ايشاهد
وتحفه كلها  الاملاك........يامحلى زاير گاصد
يتكافئ ابحب احسين....بالجنه باچر گاعد

اهلاً يخادم لو جيت.....كلها الجنان ارحابه
*******
ادري الخدامه نبراس.....بيها العقيده اجنوني
يوم الحشر والمضمون.....حبك ينور اعيوني
والخادم اصبح مهيوب..يوم الحشر عرفوني

باب الخدامه مفتوح.....كلمن يجيب اصحابه
*******
لاما تمس جسمي النار.....عطر  الخدامه ابثوبي
وادري ابو اليمه اهناك......باچر شفیع اذنوبي
هوه الحبيب المعروف..عاشگ واحب محبوبي

دعوه واسولف لناس.....حلوه الخدامه ابابه
*******
تمت بعون الله تعالى
الشاعر_يوسف_الفتلاوي

الناشر احمد الفاطمي

15 June 2026 16:54

4محرم الحرام 
‏حوار(بين الوفه وأم البنين (ع) 

‏إسم الوفه منج خـجل
‏يــأم  الـوفـه يـأم الكفل 
‏والقصه ألج معروفه أبنج فداها أجفوفه
‏           يـأم الوفـه يـأم الكفل 
‏__
‏أســم الوفه يمج وكـف وتـكبع بـجلجابه
‏صاح الوفت أم الكمر وصدر بيـان أكتابه  
‏لامو وفي أنه هـتف وتوضح ألنه أجوابه
‏أم الكمر هيـه الوفت ونطت ولد المصابه
‏
‏إسـم الـوفه ليها يلوك 
‏وعلينه جاوب بالشوك
‏
‏نسمع جواب أحروفه أبنج فداها أجفوفه
‏       يــأم الـوفـه يــأم  الكفل 
‏___
‏وحروفه تتلامس خجل سولف علينه بعبره
‏هايه الوفت كال وحجه ونطت عهد للحره 
‏هايه الفدت  أربع ولـد هايه الوفت  للزهره
‏وع الضنه لامابجت وع الحـسين الحصره
‏
‏
‏هايه الوفـت يـهل ناس
‏وأخذت عهد من عباس
‏
‏تشهد علية اجروفه  أبنج فداها أجفوفه
‏       يــأم الـوفـه يـأم الكفـل 
‏__
‏شاطي النهر يشهد أله وأبنج فده بجفينه
‏ماكصر ويه أم الخدر مطيها هـامه وعينه
‏لمن وصل ماي النهر يذكر عطش للحسينيه
‏بيده جفه ماي العذب وقرر يروي اسـكينه
‏
‏جاب النهر ويه جوده
‏بالخيـمه دك  حـدوده
‏
‏وتفايض من اطروفه أبنج فداها أجفوفه
‏          يأم الـوفه يأم الكفل 
‏_
‏معنى الوفه أنتي إذاً اسم الوفه يلوك وياج
‏يم الكمر أنه اعتذر وطلب عذر وأترجاج
‏والله استحي لمن نجي لمن نمريم طرواج
‏أنه الوفه وشقدمت وأنتي الفديتي برباج
‏
‏أربـع ولـد للـمــنحر
‏قدمتـي وانـه تعـذر
‏
‏وشقدمت الطفوفه أبنج فداها أجفوفه
‏         يـأم الـوفــه يــأم  الكفل 
‏_
‏بس الإسـم أنه فقط وشقدمت  للعاشـر
‏شنهو العذر من فاطمة لوسألت ع الصاير
‏خجلان من بت النبي وبيه الفكر ضل حاير
‏يأم البنين أنتي الفعل ونتي الجبرتي الخاطر
‏
‏مــعروفـه يانبـع الــوفه 
‏الاذ الــوفه بـيج اكتـفه
‏
‏بيج الوفه ونشوفه أبنج فداها أجفوفه
‏         يأم الوفه يأم الكفل
‏
‏
‏كلمات الشاعر الحسيني 
‏مرتضى مكطوف الموالي
‏
‏