الناشر احمد الفاطمي

13 June 2026 15:58

محرم ليلة السابع

يحسين ليش مدنگ الراس
حاجيني خويه شلونه عباس
وين الخلص عمره حذاك
شو ما اشوفنه وياك
،،،،،،،،،،،،،،،،،،،،،،،،،،،،،،،،،،،،،،،،،
حاجيني خويه شماله وجهك مخطوف
غرگانه عينك بالدمه وگوه اتشوف
رحت ابشكل بس ارجعت مامعروف
بشفتك اثر دم يالاخو مال اجفوف

بس لا طاح . لا تحجيها الزينب تعمه
بس لا طاح . مايتحمل گلبي الصدمه

انه ادري مني يستحي هواي
خل يرجع و مارايده الماي
گله المخيم بحماك
شو ما اشوفنه وياك
،،،،،،،،،،،،،،،،،،،،،،،،،،،،،،،،،،،،،،،،،
گال الها عفته اعله النهر ماله زنود
وبصفه ينزف مو دمه ماي الجود
وعالگاع عينه تبده فصها الممرود
الماعنده ادين الخيمته شلون يعود

فوگ الماي . عطشان اينازع خليته
فوگ الماي . مطشر لاجن لميته

گوه عرفني انه الحسين
يباوع عليه وتبجي بس عين
ويگلي خويه شجاباك
شو ما اشوفنه وياك
،،،،،،،،،،،،،،،،،،،،،،،،،،،،،،،،،،،،،،،،،
لمن لگيته اعله الجرف صحت احاه
من شلته طاح وانه هم طحت وياه
ياخيتي من كثر التعب نمت احذاه
بشفافه جر جفه الگطيع وضماه

مدري شلون . من شفته تحملت جروحي
مدري شلون . وماطلعت يازينب روحي

ياخيتي عفته بدم الصواب
بعينه سهم ومترسه تراب
بالخوه شمسويه عداك
شو ما اشوفنه وياك
،،،،،،،،،،،،،،،،،،،،،،،،،،،،،،،،،،،،،،،،،
يم عون شحجيلج بعد شفت الويل
العباس راح ورايح ابموته الحيل
من بعده ضهري بلا سند ضل يميل
وصدري يخيتي اعله الثره اطحنه الخيل

الماله خوان . من وجها الناس يعرفونه
الماله خوان . محدب من يمشي يشوفونه

ضايع كفيلج وللعمر ضاع
لو ميت ولا شفته عالگاع
متمدد ويندب هاك
شو ما اشوفنه وياك
،،،،،،،،،،،،،،،،،،،،،،،،،،،،،،،،،،،،،،،،،
يحسين اختك تنسبي ابلا كفال
من دون ايده ابأيدي تنشد حبال
ميته يريت ولا يضل هاذ الحال
انشاف باجر عالهزل ضهري هلال

خويه حسين . خنعوف الخيمه ونمشيله
خويه حسين . بالكت يبن امي يفز حيله

راح الگمر معنها الحسين
معناها اضل ابلا صواوين
يحسين فگده شسواك
شو ما اشوفنه وياك
ابوفايز الرافضي

الناشر احمد الفاطمي

13 June 2026 13:51

بصوت. مسلم المطيري

وين عنه حسين شنهي امبعده


كلمات الشاعر
عباس مالك العفريت

الناشر احمد الفاطمي

13 June 2026 13:49

بصوت. مسلم المطيري

طبها جاسم واعتنه الميدانها
تنوح خلاها الزلم. نسوانها


كلمات الشاعر
عباس مالك العفريت

الناشر احمد الفاطمي

13 June 2026 13:14

( ام البنين ع )
قريت الفاتحه هواي
وثوبت شكثر ماي
حته يعود لحسين
مارد ليش وياي
……………………………………… ..
كرامه العندي من رب البريه
الناس بظيجهه تتنخه بيه
تثوب فاتحه بالهم عليه
تفرج لابد شما شده هيه

انه الناطيه عزاز
وگلبي جان معتاز
فدوه كل لبنين
مارد ليش وياي
…………………………………… ..
نطاني الله الكرامات العجيبه
يدري النار لبگلبي الحبيبه
كل خطوة ضعن سوتلي شيبه
لياديره مشه وعاف الغريبه

خله عيوني تربي
گلبي الجان گلبي
نطفن لعيون لاثنين
مارد ليش وياي
…………………… …………… .
اسولف بيه وعدن وحده وحده
جنت يم ولدي ام بس يمه عبده
تملكني المشه وشلون ارده
السد فجة علي ياهو ليسده

يگلي جان صوته
يمه لفدوه اخوته
مشه ومادري جاوين
مارد ليش وياي
……………………………………
عن اخباره اسئل ذكرياتي
ظعنه بياوطن عمري وحياتي
وحگ كل دمعه اله وصومي وصلاتي
دعيت الله بعلي يعجل مماتي

الفرگه اصعب الفرگه
الهوه مابيه اشهگه
بطه جاليش الحنين
مارد ليش وياي
…… …………………… .……… ..
غابه الدنيا كلهه الناس حيله
نعى بروحه شكثر ساعة رحيله
جان اوياي بس جيت اشتكيله
الگلب شيهوده بالفرگه الطويله

يل كل شي انته ليه
ياروح الزچيه
حبيبي لوين ماشين
مارد ليش وياي
………………………… … .……
هالسفره الگلب گارصني بيهه
حجه مره علي وسولف عليهه
حسين بكربله من يمشي ليهه
تذبحه الماتراعي الله ونبيهه

لخيل بصدره تلعب
والله يعين زينب
ويحرگوهه الصواوين
مارد ليش وياي
………… .……………………… .
خادمكم قاسم المالكي

الناشر احمد الفاطمي

13 June 2026 12:58

​
​هَاي المِشْرَعَه وَعَبَّاس رَاعِيهَه

​༺༻
​عَبَّاس نَزَلْهَه وَزَلْزَل العَسْكَر
شَايِل غِيظَه بِيْدَه وَشَايِط الكَوْثَر
صَاح بْصُوت زِلِمْكُم وِين خَلْ تِظْهَر؟
اليُوم المَوْت الأَحْمَر رَاح أَرَاوِيهَه
​(هَاي المِشْرَعَه وَعَبَّاس رَاعِيهَه)
​༺༻
​مَلَك المَوْت وَاكف يَاخُذ إِيعَازَه
مِنْ جَف الكَفِيل السِّيف جَنّْ جَازَه
اليِكْرَب لِلْفُرَات يْحَضِّر جْنـَازَه
شِلَعْ بَابَ الحَرِبْ وَالشَّام مِجْفِيهَه
​(هَاي المِشْرَعَه وَعَبَّاس رَاعِيهَه)
​༺༻
​طَبْ لِلْمَشْرَعَة وَمَا هَمَّه جَمْعِ الكُوم
مِثْل طَيْر الصَّكرْ مِنْ يِعْتِلِي وِيْحُوم
خَلَّى الِعْدَا تِجْرِي دِمُوم فُوك دِمُوم
رَايَة حِيدَر العَبَّاس حَامِيهَه
​(هَاي المِشْرَعَه وَعَبَّاس رَاعِيهَه)
​༺༻
​تِبْجِي عِيُونَه غِيرَة لْخَاطِر سْكَيْنَة
يِقْسِم بِالعَقِيلَة وَبْنِحِرْ حْسَيْنَة
جِيبُوا الجَيْش كِلَّه كْبَارَه وَصْغَيْنَة
بِطَرْك السِّيف كِلَّهَه اليُوم أِمَحِّيهَه
​(هَاي المِشْرَعَه وَعَبَّاس رَاعِيهَه)
​༺༻
​عَبَّاس البَطَل مَعْرُوف صِيْوانَه
شِبِلْ حِيدَر عَلِي وَمَعْلُومِ عِنْوانَه
شَرِبْ مَاي المَنِيَّة المَا شِرِبْ مَانَه
بِجَفُوفَه السِّبَاع اليُوم يِلْوِيهَه
​(هَاي المِشْرَعَه وَعَبَّاس رَاعِيهَه)


الشاعر فضل السهلاني

الناشر احمد الفاطمي

13 June 2026 12:46

ذبيت روحي يمك من المهر
خيمة ابــــوك الليله بلا عطر
جيتك بلا لوني  ذبحوك ذبحوني
يالاكبر    يالاكبر 
:::::
يا عطر الخيمه الما منه
عطرك يشبه عطر الجنه
تتبخر بيك خيامي
نگلت جدمك شيبه براسي
مختنگه انفاسك وانفاسي
مذبوحه الليله أحلامي
من الخيمه يم مصرعك سنتين
شيب كلـــه يمك راس الحسين
يبني يبني
لحيتي تخضبت ادمـــــوم ودموع
موجوع اني ما ادري انت موجوع
يبني يبني
حاچیني حتى الحيل يرجع الي
تضوي الخيمه بنور وجهك علي
يا كحل بعيوني   ذبحوك ذبحوني
يالاكبر    يالاكبر 
:::::
جيتك اركض بس اتعثر
يالاكبر جرحك صار اكبر
يمك بس انه بلا روح
طـــــول بطول تمدد يمه
ساعه يحظنه ساعه يشمه
ما اعرف ياهو المجروح
اشيلن كتر منك ثاني يطيح
مثل السعفه ابوك وهزته الريح
انظر انظر
وصتلك گوه بس عثرات عثرات
مـــــا میزات ياهو البینه المات
انظر    انظر
ما ادري انت انه المنجرح
وداعك الي يا علي اكبر جرح
عالوکفه سندوني    ذبحوك ذبحوني
يالاكبر    يالاكبر 
:::::
شلون ارجع للخيمه بدونك
عافيتي بنظـــــرات عيونك
بعد الاكبر ما مرتاح
ما بيه الحيل وحتى انهض
شفت وليدي جسمه مرضرض 
يم جسمك شفت الذباح
اول مره اشوفن عطـــــر مذبوح
حسين ولو علي الاكبر المجروح
حيره  حيره
اشيلك لو اشيلن روحي محتار
حرگني الهجر ما حرگتني النار
حيره  حيره
شوصلني يمك نعمه وندليتك
چا ليش حتی السهم داخل ریتك
يالبيك فجعوني     ذبحوك ذبحوني
يالاكبر    يالاكبر 
:::::
خلص عمر امك بس دمعه
صوت الام ما جاي تسمعه
ارجع ارجع يوليدي
عطـــــرت الخيمه متانيتك
للشيــــب ولمـــــن ربيتك
بس يالاكبر مو بيدي
بس الفاگده تعذرني لــــــو نوح
الولد بالگلب ومعلگ اویه الروح
ارجع ارجع
حگ ارباي اريده وانه اطلبك
امــــــك تبچي ما اذاك گلبك
ارجع ارجع
ظليت انعه يالولــــــد حاچيني
يا نظر عيني گوم امسح عيني
ارد ابچي خلوني    ذبحوك ذبحوني
يالاكبر    يالاكبر 
:::::
شفت حسين محدب ظهره
عـــالتربان امــــــدد عمره
وجه حسين وصار اصفر
جاوب گتلـــــه شخبار ابني
گتلـــــه تاخــــر بس طمني
جاوب شخبار الاكبر
وضعي يشرح وما حاجه الاجواب
رد حسين شايـــــــب راحلك شاب
دمعه دمعه
الولد يكسر ظهر مو بس الاخوان
انــــــه اول شخص بوليده دفان
دمعه   دمعه
ما ظل شعر اسود وابيض رمشي
چا هذا نعشك يا علي لو نعشي
شمعه انه طفوني  ذبحوك ذبحوني
يالاكبر    يالاكبر 
:::::
علي جبار الكعبي
الفاتحه لوالدي

الناشر احمد الفاطمي

13 June 2026 12:42

رايح علي من ايدي  مكسور ابوك وليدي
بويه علي بويه علي
::::
انـــه والـــد وابنــي متگطـــع وذر
ابوه ويشوف ابنه مذبوح النحـــر
شوف ابوك حسين چن عود انكسر
انـــــــه عطشان العلي مــــو للنهر
يمي علي چان اکبر  من سيوفهم صار اصغر
بويه علي بويه علي
::::
علي الاكبر مــــدري انــــه المنذبح
راسي لـــــو راسك الشالـــــو برمح
علي الاكبر وجهك احلى من الصبح
اليوجعك يوليدي گلـــــي بيا جرح
اليوجعك يوجعني   جاوب اذا تسمعني
بويه علي بويه علي
:::::
الساني ولسانك علي مثل العطش
حسين وي وليده بالگــاع انفرش
انــــــه يمك ميت ورايــــد نعش
من رحت دلالي أحس بي انخمش
والد وشاف وليده  مگطع ایشیله بأیده
بويه علي بويه علي
:::::
روحه رده بخيلهم ظل ينسحگ
نار مـــــا بيه انــــه لكـــن متحرگ
بصفه متمــــــدد گلت مــــا نفترگ
ردت اشبگه ولیدي بس ما ينشبگ
اليفگــد ولد يعرفني   حگي من اصيحن ابني
بويه علي بويه علي
:::::
ليلى منتظرتني ارجـــــع للخيم
شلون اگلها علي مصيوب بسهم
علي من سيوفهم لا مـــــا سلم
الليله بيت حسين يوليدي انهدم
تموت اذا رد ليها   احچايه ما احاچیها
بويه علي بويه علي
:::::
علي جبار الكعبي
الفاتحه لوالدي

الناشر احمد الفاطمي

13 June 2026 12:00

( ام البنين)
ياليل أخذ دمعاتي طارش مني وديهه
ياليل ومن توصل بنيني سولف البيهه
ياليل هاي اخر وصيه ورايده احجيهه

ياليل ياليل
...........................................
يليلي الوشلن ملهن بعد ضله
يليلي اطرش بدمعي لضعن ال الله
كل واحد بولدي اوصيه توصله
حسيني هواي فدوه انتم لعبدالله

بالروح اريدن كلهه تشهد بالعزوبيه
بالروح أمه فاطمه ومهم البدويه
بالروح المنيه الخاطره يامحله طاريهه
ياليل ياليل
.....................................................
يليل تغطه ليلك والنفس احبس
ومن تگرب ضعنهم ياضلام اخنس
تشوف الگمر ابني على الخيم يحرس
اجيت بدمع گله لجربتك يترس

عباس لاتحتار دمعات امك هوايه
عباس تترس جربتك ياحامل الرايه
عباس أمك رايده بالدم توفيهه
ياليل ياليل
............................................
يليل بخيمه وحده ولدي خليهم
وبعيون الوفه دمعاتي واريهم
الگمر لوشافهم ينهظ يحاجيهم
بكل شي الردته من عدهم يدليهم

يخوان خدام احنه موخوان للساده
يخوان ليذبحونه باجر ياخذ مراده
يخوان أمنه تريد ترضى فاطمه عليهه
ياليل ياليل
.............................................
حوارينه اخوته والگمر عيسى
وبانجيل الوفه دمعاتي تدريسه
يسولف بالحسين وشرف تقديسه
گماط ارضيعه باجر محد يجيسه

قران حسين وبالضعن چم ايه علويه
قران فدوه انروح بس متروح ترچيه
قران مضمون الرساله وكل معانيهه
ياليل ياليل
...........................................
رساله وبالخصوص الگمر خل يقره
اذا فوگ الشريعه تطيح عل غبره
يجيك حسين عدهه منكسر ضهره
اريدنك تقبل يالگمر نحره

بحسين مثل الزهره اريد اوصيتي تشمه
بحسين عدهه جفوف مالك جاگلت لمه
بحسين امك لاجله ماتنشف نواعيهه
ياليل ياليل
.................................................
على زينب من يضل بالك يواليهه
تدري مايضل عدهه ليحاميهه
اهلهه على الترب والگوم توليهه
وييمه عيونهم تتگرب عليهه

الخيام لختك مايضل منهن ولاخيمه
الخيام يحرگوهن وزينب تمشي بالهيمه
الخيام بس دخانهن يايمه تاليهه
................................................
خادمكم قاسم المالكي

الناشر احمد الفاطمي

13 June 2026 11:54

الدنيا لو مابيهه.
حسين شلك بيهه
بكل ارض بالعالم.
رايته أنعليهه.
،،،،،،،،،،،،،،،،،،،،١،،،،،،،،،،،،،،،،،،،،،،،

ابلايه أبو الأكبر نموت. الدنيه ما بيهه طعم
حسين شمس الكون كله. بثورته هز الظلم.
ربي وفقنه الخدمته. ومنهه أبد ماننحرم.
بخيمته تجمع شملنه.بالعزاء وي اللطم.

نبچي دوم مصابه.
وننحني يم بابه.
اعمارنه النفديهه.
رايته أنعليهه

،،،،،،،،،،،،،،،،،،،،،،، ٢،،،،،،،،،،،،، ،،،،،،،،،،،،،،
للعزاء، من ندخل أحنه. عدنه مايبقى ذنب
ذنوبنه يغسل دمعنه. وكل بچينه ينحسب
الزهره تشفع للينادي. ياحسين ومن گلب،
كون صافي وگلبه عايش،، بالطفوف وبالغرب.

شلون زينب عاشت.
بالمصايب ماتت
زينب انواسيهه.
رايته أنعليهه

،،،،،،،،،،،،،،،،،،،،،،،،،،،،٣،،،،،،،،،،،،،،،،،،،،،،،،،،

حسين مامختص ابمذهب. نوره للعالم ضوه.
حسين للأديان كلهه. وللجروح اعظم دوه.
كلهه تحتاج الحسين. و عازته مثل الهوه.
ينطي للوادم حياته . والعطش منه ارتوه.

يموت كلشي،اخلافه .،
ماكو مثل أوصافه.
بثورته يبنيهه.
رايته أنعليهه.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،،،،
حسين للأخلاق كعبة وتربية ضد الجهل
منه نتعلم شجاعه ونغمل بخير الغمل
وحتى لو بالسيف حكموا.مانخاف من الأجل
كل عمل من غير حبه لاتصدگ أنقبل

من هواه نتنفس
بالفخر نتحسس
قصته نرويهه.
رايته انعليهه
،،،،،،،،،،٥،،،،،،،،،،،،،،،،،،،،،،،،،،،،،،،،،،،،،،،،،


تسجد أبابه الملائك والحمام بساحته
كلهه تتمنه الزياره وكلهه تعشگ گبته
ترد روحك يبن أدم.من تطوف بحضرته
من تشم شباچه تحيه والفرج بزيارته.

نضحي لجل أترابه.
نبقى دوم أحبابه.
الأية نقسم بيهه
رايته أنعليهه.

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

حيدرموسى الرميثي

الناشر احمد الفاطمي

13 June 2026 11:54

ياعنبر أنفاسي...
وتاج الرفع راسي
ياروحي يحسين.
..................... ١

ابلاياك مايسوه العمر. الدنيه ابد ماتسوه.
بالدنيا كلشي مو حلو. خدمتك بس الحلوه.
معنى الهوه مخلوق الك. ومايصح غيرك نهوه.
مذبوح بس، بعدك عدل.. بيك الخلگ تتروه.

يأأغلى كل ناسي...
وتاج الرفع راسي.
ياروحي يحسين.
.............. ٢

مولاي ما عندي عمل... بس بيك اواجه ربي.
بالگبر منكر لو سأل... مامش عمل بس حبي
اگله حبيت الذي.. بسمه يدگ ظل گلبي
حبيت الحسين وهله ... ودمعاتي أكلهن صبي،


وعاشگ لعباسي
.. وتاج الرفع راسي.
ياروحي يحسين.


............................٣

بقرايتك الگه الشفه .. وبزيارتك روحي ترد.
فراگك صعب ياسيدي.. يختنگ گلبي من ابعد.
اتمنه ازورك كل وكت... اباب الصحن دوم اسجد.
واشتم ضريحك وارتوي.. ولربي أشكر واحمد.
.
يمطيب أحساسي.،
وتاج الرفع راسي
ياروحي يحسين.

.. .................٤

لزيارتك وأني طفل .. أتعنه وألقي النظره.
لمن أشاهد گبتك. وأنظر الراية بعبره.
أنشد الوادم عن سبب.. عن رايتك چي حمره.
گالولي ثاره لهلوكت.. محد أخذ ياحسره،

ياوردتي وياسي،،
وتاج الرفع راسي.
ياروحي يحسين.
.......................٥

بالخيل رضولك صدر... فدوه اني صدري الصدرك.
انحور الخلگ فدوه ألك. .. فدوه يغالي النحرك.
ألف تسع ميت جرح.،.. اشچم سيف صار يطبرك.
بالشمس وتنادي العطش.. ومحد يجيك يشربك.

أنعاك ماناسي.
وتاج الرفع راسي.
ياروحي يحسين.

.........................٦

يالشايل بحضنك طفل... والسهم صوب نحره.
ورفعت دمه للسمه... وماطح منه اي گطره.
عبد الله ميت مبتسم... تلوليله أمه الزهره.
من البچي أرتاح وسكت.. ينظرلك أخر نظره.

رغم الزمن قاسي،
وتاج الرفع راسي.
ياروحي يحسين.

.................................

حيدر موسى الرميثي.

الناشر احمد الفاطمي

13 June 2026 11:53

وينه الي يوصل هذا مرسالي
يا بويه يا بويه
مــــــن الغاليه للوالـــــد الغالي
يا بويه يا بويه
::::
مشتاگه وبعيد الدرب ما اندل
اموت ومن اذكرك انه ارد اعدل
اخذني وياك بويه حسين اتوسل
اسير اعله الجدم ما اركب المحمل
ومن هذا السفر مجروح دلالي
::::
ما امتلك هدهد ياخــــــذ اخباري
وحشه من الأهل ظلت بعد داري
مـــــن انظر عيونك تنخمد ناري
يمك من رحت يا بويه افكاري
بويه بروحتك مو زينه احوالي
::::
المغرب اختنگ لمـــــن یمر بيه
ما انذكر ليش الوحـــدي منسيه
اذا عايفني اترك يمــــــي ارقيه
ترد الوحشه عنكم بويه شويه
وحدي تعوفني ما يخطر ابالي
:::::
اخذ وياك افرش خيمتك انه
بيه الحيل ياهـــو الگال تعبانه
الورده بلايه ماي تموت ذبلانه
مو للماي انـــــه الك عطشانه
رايح بويه بعدك ياهو يبرالي
:::::
من هذا السفر گلبي انه لاچمني
بعد عبدالله بويه شگد يألمني
انه اطشرت چا یاهو ایلمني
اخر مره اريدن بويه تحضني
من حسين داري وظل بعد خالي
:::::
لاچمني انه گلبي من حچي السفره
اخافن انت جثه تبقه عـــــــالغبره
اخذني وياك ظلت بالگلب حسره
حلفتك يبويه بأمك الزهــــــره
تره طاري السفر يا بويه چتالي
:::::
علي جبار الكعبي
الفاتحه لوالدي

الناشر احمد الفاطمي

13 June 2026 11:12

يالنويتو اعلا السفر حاجوني
ليش وحدي بعلتي تخلوني

...........................
بوية اريد وياك امشي بهالسفر
يالسكن بالروح شخصك و النضر
أگدر اني وياك احمل كل خطر
بوية بس ارجاك لتخليني

........................
ياللي جهزتو السفركم قافلة
ابقى وحدي شلون وبلا عايلة
ارد اروح وياكم امشي الكربلا
ما تريد دموعي تسكن عيني
.......................
اني عندي حسين وي صوت النبض
ما تباعدني عليه عله ومرض
هو بس حسين واحد بالارض
شلون اگضي بدونه باقي سنيني
.......................

شلون اعيش بدون عبدالله الطفل
هذا اخوية افراگه ابد ما ينحمل
هو من اينام جمره اني اشتعل
دوم اناغيه وترى يناغيني
.........................
يا هواي اشلون ابقى بلا هواى
خل اروح وياكم امشي النينوى
اني عندي الموت والفرگة سوة
لو اضل الموت انه يناديني

الخادم
عباس هلال

الناشر احمد الفاطمي

13 June 2026 10:57

القصيدة السيدي مولاي ابا الفضل العباس (ع)



بان طوله زلم طلعت روحها
الكاع رواها بدمه مذبوحها
———-————————————

لمع سيفة وبينت ريشاته
الجيش مكسوم بفعل ضرباته
شتت ومنه كثرت صيحاته

بلاية شوف تركض كل صنوفها


حي الله راعي الغيرة…
———-————————————

تركض مدافع ركضها وصاكة
الحومة مخبوصة بزلمها وضاكة
منه راس براس ضلت طاكة

يا كلف خلاها تردم روسها


حي الله راعي الغيرة…
———————————————-

بجي تبجي ونوايح كايمة
منشف رياك ارجال وصايمة
تموت كلها من يلوح صارمة

الخوف يكتلها كبل مايطولها


حي الله راعي الغيرة…
———-————————————

منه صارت صنطة ما تسمع نفس
صار عزارئيل عباس الشرس
من صكيك فجوها طايح ضرس

ازلم خلاها تلوج اضروسها


حي الله راعي الغيرة…
———————————————

رجف ترجف ولوجوه مصوفرة
وماخذة راك رجال مطشرة
من كلفها المثلة ماجابت مرة

بخلق ماكو مثل عباسها

حي الله راعي الغيرة…
———————————————-
حسين قاسم البهادلي

الناشر احمد الفاطمي

13 June 2026 10:57

يم البنين .. يم الليوث الأربعة
يم البنين ... يارحمة الله الواسعة

يم الوفاء .. باب الرجاء
..............................1

چفوف ابنچ عل نهر ضلن وفيات
شبعن اچفوفه من ابو السجاد بوسات
وصاح عفيه ام البنين أم الكرامات
ضحت باربع زلم خلوا علامات

يم السلام . . ولدچ دماهم سايله
يم السلام .. غاب السلام بكربله
في كربلاء .. باب الرجاء
.............................2

اليوگع بشدة ينادي يم الأحرار
تخليصنه لون طاح بوادي من نار
ربنه خصچ بالكرامة وهاي الأسرار
ماتردين اليگصدچ من الأخطار

يم الدموع .. اعله حسين تجري ومقتله
يم الدموع .. تذكر مصاب العايله
يم الولاء .. باب الرجاء
..........................3

انكسر ظهر حسين عالعباس من طاح
وعلحسين انكسر ظهرچ والحلم راح
بغير ابو السجاد دنيه بغير مصباح
كلشي اظلم صار بغيابه الحزن صاح

يم الكفيل .. ابنچ چفوفه اعلنهر
يم الكفيل .. صرتي انتي ليل ابلا گمر
وجه السماء .. باب الرجاء
..........................4

عدنه حاجات ومشاكل صارت هموم
هالبلد يرتاح يم الگمر يايوم
الياوكت نبقى نضحي ارواح ودموم
يمته يگدر هالوطن من شدته ايگوم

يم العراق .. اشچم مره نقره الفاتحة
يم العراق .. هذا الوطن شو ماصحه
يمته الضياء .. باب الرجاء
... ................5

انحلفچ ابظلع الزچية وعين عباس
كل مريض انريده يشفه وتفرح الناس
انتي ياباب الحسين ورفعت الراس
يالجبرتي گلوب اجبري كسر الأحساس

عندچ علاج .. عندچ دواء الكل مرض
عندج علاج .. للباقي بس روح ونبض
هذا الدعاء .. باب الرجاء
...............................
حيدر موسى الرميثي

نار الفراگ الفراگ چوت گلب العليله.
،،،،،،،،،،،،،،،،،،،،،،،،،،،،،،،،،،،، ١

اهلي راحوا عني گصدوا كربله.
راح أبوي وأخذ كل العايله.
واني چنت بجال أبوي مدلله.
فراگ ابو السجاد من يتحمله.

فراگ الحسين. الحسين. أحس لوعه ثجيله.

،،،،،،،،،،،،،،،،،،،،،،،،،،،،، ٢

باب للحاجات خلاني الجليل.
لو نخاني يشفه من همه العليل.
الدمعته اعلمصابي بالمجلس تسيل.
راح أشفعله وأعوفه. مستحيل.

صحت عباس يعباس. واضل دمعي أسيله.

،،،،،،،،،،،،،،،،،،،،،،،،،،،،،، ٣

ما رجعلي الغالي لارد الگمر.
عن أبوي أنذبح أسمع هالخبر.
وعمي العباس طايح عالنهر.
وظهر أبوي حسين من شافه أنكسر.

وشبت النار النار على خيام العقيله.

،،،،،،،،،،،،،،،،،،،،،،،،،،،،،،، ٤

مايردلي حسيني گالوا منذبح.
الخيل تسحگ صدره راسه اعلرمح.
بجسم أبوي الف وتسع ميت جرح.
عگبه عمري صار ليل ابلا صبح.

تبچي. العيون العيون. العمر فدوه السبيله.

،،،،،،،،،،،،،،،،،،،،،،،،،،،،،،،،،،، ٥

ينسبن بعده أخواتي بالصبر.
وزينب أيضربونهه ويضحك شمر.
بكل مدينه مصاب وأحزان التجر
احجار يرمون الضعن من كل كتر.

اليفگد احباب الاحباب.ينام شلون ليله.

،،،،،،،،،،


حيدرموسى الرميثي

الناشر احمد الفاطمي

13 June 2026 10:57

أعظم عباده حبك.
يبو اليمة اعلدربك.
خلينه دوم.
............................ ١

من الله حبك منخلق . واعظم رزق يالغالي.
يصعد ملك ينزل ملك . بس انت ثابت عالي.
يالدولتك ما الها حد . يا أول ويا تالي.
للما اله أبو انته الأبو. ولحبابك انت الوالي.

لليغرگ السفينة.
بمحبتك ربينه.
النعمة وتدوم.
........................٢

تحله الحيات ابمجلسك. وأسمك عبادة أنذكره.
ابمأتمك نلتم سيدي. ندري الزچية أتحظره.
هالدنيا بوجودك حلت. لولاك صارت مره.
بگلوبنه جمرت خيم.. وماتنطفي هالجمره.


ماتبرد المصيبة.
لا والبقت غرييه.
نبچي بدموم..
.......................٣

بشباچك انشم الدوه. نتشافه بس انقبله.
من الجنة أطيب حظرتك. وحتى الهوه طعمه احله.
زيارتك تبقى ومجلسك. للموت أبد منمله.
بيك العيون اتعلگت. والگلب ملكك خله.


العاشگ تفضحه دموعه.
ومن يلطم اعله ضلوعه.
.لا مانلوم.
..........................٤

الحگنه موبيده الگلب. مايهدأ الا بذكرك.
والعين ماترتاح أبد . لو مابچت وتنظرك.
والصدر ينشد عاللطم. بحب العزاء،أنخبرك.
ماينشبع من خدمتك.وماينشبع من عطرك.


وينك يبو المحنه.
خدامك انظر النه
تجلي الهموم.

.......................... ٥

بعض البشر مايفتهم. معنى العزاء عليكم
يعيرونه صاروا بللطم. ماقبلوا أنعزيكم.
مانمتلك بس، الدمع. چا بيمن أنواسيكم.
لوردتوا من عدنه العمر. هم بالعمر نفديكم.

ايام العمر قليله.
خل نبچي للعقيله.
تبچي الغيوم.
................................


حيدر موسى الرميثي

الناشر احمد الفاطمي

13 June 2026 15:30

حـبـك ملكــني

حبك ملكني وكلُي الك
بالـدنيا كلـهـا وما بدلك

انت حياتي وروح الـروح
امحليني اسمك يامذبوح
       حسين حسين
      ــــــــــــــــــــــــ

انت الحب الاسـتـثـنـائي
انت الحزن الـعـاشـورائي
الـغـيرك مـادگيت اي باب
بس بابك يـنطيني رجائي

انت الصبر الما يـتـوصف
وانت الجرح اللي ماينشف
ياحـسـين وحـبـك ايـمـان
واضح من ادروسك بالطف

لوما وجودك چان انتهيت
انت البدايه وبيك ابتديت

ذكرك دوه الگلبي المجروح
امحلـيني اسمـك يامذبوح
        حسين حسين
        ـــــــــــــــــــــــ

ياروح الـزهرة وهـادينا
وياحاضـرنا ويامـاضينا
يارافـع رووس الخــدام
عشنا بهواك احنا وحبينا

ياسر اللاهـوت الاعظم
يارزق وبالحــق يتقسـم
ياسـيـد كل الــشــهـــداء
وياموسوعة انكتبت بالدم

سـيـد حياتي وانت الشفيع
ينادينـي صوتك لمـن اضيع

ومااشـعـر بحـب الا انوح
امحليني اسمك يامذبوح
       حسين حسين
      ــــــــــــــــــــــــ

ياشمعة عمري وايامي
ياماي ويرجاك الضامي
والله بحبك اني اموت
من حقي مو انت امامي

ياخـير وبـچـفـوفه المطلب
شلون اعلى التربان امسلب
يــاروح  وگلـــب  الـعـبـاس
الله يساعـد بالطـف زيـنـب

شافت اخوها الوحـدة غريب
شلون الحبيبة أتودع الحبيب

ومنك عطــر الجنة يفوح
امحليني اسمك يامذبوح
       حسين حسين   
       ـــــــــــــــــــــ

يـمـك لو اگـعـد بـس سـاعـة
وانت حسين الحلوة اطباعة
مـثـل الـغـلام التركي اصيح
لحسين اميري سمعاً وطاعة

يامالك گلبي واحساسي
ياتارس عطري وانفاسي
من اسمع محروگة اخيام
لا مايبقى شعور أبراسي

ابچي واحساً دمعي عليك
مـثـل الزيارة يدلينـي بيك

انوي الغرام ويمك اروح
امحليني اسمك يامذبوح
       حسين حسين


الشاعر فاروق الغنامي

الناشر احمد الفاطمي

13 June 2026 13:50

سفير الحسين ع

وين عنـه احسين شنهي أمبعّـده
من القصر مشمور مسلم وحّـده

=====================

لا اهل لاگربـــه بالكوفــــه وحيد
لا عشــيــره الـيمـه لايمه عضيد
خيلها وفــرسانها بنار وحــديـــد
اتكاثــرت بجيـوشها اعليه العِـده

=====================

اعله ابو طاهر كلـــه شر اتحزمت
گـــــوم برماح وحجر گوم الرمت
وگـــوم نيران اعله مسلمها لفت
بحسره وبدار الغرب مسلم غِـده

=====================

بحسره ضـــل ولا مُـناصـر لامعين
لابوفاضـــل يمه لايمه الحــسيــن
وين ذيــچ احـيـودها والساده وين
وين ابو فاضل و سيفــه يـجـــرّده

=====================

مثل غربة كربله مســـلـــم غــريب
سهم صاب حسين هم مسلم يصيب
وياحبيب ابروحه يفديـــــه الحبيب
فده مسلم گــــــال لحسيني فِـده

=====================

من القصر مشمور ما گلبه رجــف
عالي راسه اعله الاماره من وگــف
صاح بيهم مسلم بصوتــه وهتف
يهل دنـيـه والـشـرك يـهـل الرده

=====================

ليـث ومحوّط سيوف بكل جهات
وحيد مُـسلـم وين بالكوفه يبات
هي هي الكوفه نفسيها الصفات
جيشها بأحـقاد ضـــدّه اتحشده

=====================

ونعم من طاريها طـــوعه ونعم
مـوقــف الها تعجز بفعله الزلم
حرمه طوعه وياهلا بهـذا الاسم
طاهره وبت جــود هاي السيده

=====================

✍️عباس مالك العفريت

نسألكم الدعاء

الناشر احمد الفاطمي

13 June 2026 13:49

القاسم ع

طبها جــاســم واعـتـنـه الميدانها
اتنوح خـــلاهــا الـزلـــم نـسـوانها

=======================

مـــن خــيـام حسـين طـل بطلته
السيف مــن الزغر جاسم ونسته
كربله وبيوم عــاشـــــر عــركـتـه

جـنـدل ابطال وسـحـگ فرسانها
=======================

ساعه يمنه وساعه يسره يجيبها
غــنـم وبكـيـفـه يـهـش راعــيـهـا
الموت بالـطــــف خـيّـم بـواديهـا

وكــربلـه الـمـوت الحـمـر عنوانها
=======================
شبل حيدر ضهضب هناك ورعـد
اليشرد امصوب ومـو سالم شرد
اشما تعد الموته ماتحصي العـدد

ابلايه روس اتگـاطفت جسمانها
=========================

القاده يطلبـهـم القاســــــم للزرال
مايـــدور سيفه بس روس الثگال
غيّم بــواديـهـا واشـتـد الـقــتــال

اتلال ســـوّه اتلال مــــن عدوانها
=========================

سيفه يقطر من حناجرها الدمــه
ماتخلصكم صـــــــرخ گاع وسمه
ملحمه سواها جـــاســــم ملحمه

سيفه عـطـشـان وسگاه شريانها
=========================

كثر بيهم بــيــن الصــواب وچــتـل
ويحمد الله البي نفس بعده وعدل
طگته ونيشانه واحـــــــــــد مايزل

هذا ابن هـاشـــــم وابـن عـدنانـهـا
=========================

هذا ابن هـاشــــم وابن شـيـخ العموم
صيته عالي الصيت اسمه اعله النجوم
خله بس الـمــوت بالـعـاشــــر يـحــوم

چــــــــن جـهنم فـتّـــحــت بـيـبـانـهــا
=========================

صاح عمي حسين يلــروحـي فداك
اليوم گصب اگصبها بالحومه عِداك
أشر اعلـيـهـم يـعـمـي وگـلــــي ذاك

وانه اجـيـبـن راســـه الك قـربـانهـا
=========================

✍️عباس مالك العفريت

نسألكم الدعاء

الناشر احمد الفاطمي

13 June 2026 13:10

يامن أتريد الشفـاء
گوم وگصد كربلاء
أندب أحسين الشهيد
والگمـر راعي الـوفـاء
××××××××××××××××
كل بشر مهموم گلبه ينزل بحضرة علي
يوصل أويلزم ضريحه يگله غيرك ما ألي
أنا گاصد عندي حاجه وأنتَ تنجي المبتلي
من نجيك أنزور قبرك ندري كل هم ينجلي
ياعلـي حامـي الدخيل
أنته رحمه امن الجليل
كل شي مايصعب عليك
مــاتـحـب المستحـيـل
نعمه من رب السماء
×××××××××××××××
ماتعسر حاجه عندك وأنته ناوي الكربله
گله محتاجك وجيتك يا ابن عقد الوله
حلفه بالزهره الزچيه والمشت بالعايله
ياحسين أمخلي عندك ربك اعظم منزله
يا امير ابن الأمير
انته مستشفئ الفقير
مايصح مثلك طبيب
واليگصدك مايحير
حضرتك باب الرجاء
×××××××××××××××××
يگصد الباب الحوائج كلمن يحس ابألم
يشمر الوصفه ابضريحه يگله ياراعي العلم
يوگف اكباله ويحلفه بالنبت بيهه السهم
والعقيله الهاشميه الحرگو اعليهه الخييم
حلّّـفـه بـدم الـرضيع
هوه باب الله الوسيع
مـايخيبهـه الضـنون
تشهد ابفعله الجميع
هذا شيال الواء
×××××××××××××××××××
حب ابو السجاد رحمه اجت من رب السمه
مو بشر عادي وتندبه غير ابن حامي الحمه
جده ابو القاسم مُحمد وامه اسمهه فاطمه
واليزوره ابگلب صافي عينه تشفه امن العمه
اگصد أحسين الحبيب
لاتـضـن ضنّـك يخيب
كـل آلـم عنـدك يطيب
لاتخاف أمن الوباء
××××××××××××××××
للشاعر فاخرالشبيبي

الناشر احمد الفاطمي

13 June 2026 12:57

هذا أول يوم ياشيعة علي
بس عشرتيام ونودع الولي
--------------------------------
هذا اول يوم من شهر الحزن
واجب الزنجيل يطبع بالمتن
والدموع انهار تحفر بالوجن
بالمواكب علو صوت الوائلي
------------------------------------
كون هاي ليله نسهر ما ننام
بعد عشر اليال ونودع الامام
نحترگ لجله مثل حرگ الخيام
يبقئ هذا الصوت بسمك يعتلي
-------------------------------
من نبدل الرايه نصرخ ياذبيح
يحضر الموعود وبصفه المسيح
نكتب أحسين ابدمعنه اعله الضريح
والصحن بنصار حيدر ينملي
------------------------------------
سجلت يحسين اعظم ملحمه
هاي راياتك ترفرف بالسمه
ولأجت تشرفن عليهن فاطمه
ماتفض اهمومها اوماتنجلي
----------------------------------
بعد عشر اليال ويطش الضعن

زينب اوكل الفواطم ينسبن
تنحدر للشام وتعوف الوطن
من علئ الناگه اوتحشم ياهلي 
للشاعر فاخر علي الشبيبي

الناشر احمد الفاطمي

13 June 2026 12:43

يله يبن اخونه شد حيلك عليهم
طگتك كون توجع ما وصيك بيهم
يله يالاكبر يله يالاكبر
:::::
گله عد عينك يعــــم تأمر أمر
بثواني الجيش ابد ما يستمر
علي اكبر اغضب عيونه حمر
الشمر شافه برز ما ظل شمر

ركب بالمهره توه ظل يسمع بچيهم
طگتك كون توجع ما وصيك بيهم
يله يالاكبر يله يالاكبر
:::::
انـــه دارس عندك افنون القتال
ما ارد بالمعركه ابــــــدن محال
اليوم گدام الحرام اهل الحلال
قبله بگصته ابــــو فاضل تعال

جدنه المصطفى احنه چا ياهو نبيهم
طگتك كون توجع ما وصيك بيهم
يله يالاكبر يله يالاكبر
:::::


بيده گص راس ابن غانم جابه اله
زلــــزل الميـــــدان يقــــره الزلزله
طلع مــــــن الخيم چنه البسمله
المواقـــــف تحچي بيهن كربله

سل بيدك حسامك گصصهن ادیهم
طگتك كون توجع ما وصيك بيهم
يله يالاكبر يله يالاكبر
:::::
اظن حيدر علي راجع من جديد
هذا فارس مثله ما يلبس حديد
علي الاكبر حر بقه وهمه العبيد
كون اريدن ضربتك مثل الرعيد

ذو الفقار راجع گرب یسمع حچيهم
طگتك كون توجع ما وصيك بيهم
يله يالاكبر يله يالاكبر
:::::
العمك اترك حصه يا ابن الاخو
يا علي الاكبر ونعمين وكفـــو
انت عالي شلون تحتاج العلو
بعد ما وصيك ايدك والعـــدو


كلها اگباله شردت ما نعرف شبیهم
طگتك كون توجع ما وصيك بيهم
يله يالاكبر يله يالاكبر
:::::
علي جبار الكعبي
الفاتحه لوالدي

الناشر احمد الفاطمي

13 June 2026 12:20

اتواصل ويانه على الخاص
@Ahmepo11

الناشر احمد الفاطمي

13 June 2026 11:54

اعشگ حسين بجنون.
ساكن بنص روحي جون
وينبض بگلبي حبيب.
وعابس بوصط العيون.

ـــــــــــــــــــــــــــــــــــــــــــــــــــ١

حسين بالدنيه أملنه . ورحمه وكت الاخره
اعشگ المجلس واگصده. ودمعي لمصابه جره
ترد روحي وگلبي،يسكن. بس،اشوفن منبره.
ايروح هذا الكون واهلي . كلنه فدوه الخنصره.


حسين اذكره بكل زمان
بروحي اشوفه بكل مكان.
حسين للكن فيكون
وعابس بوصط العيون.

ـــــــــــــــــــــــــــــــــــــــــــــ٢

حتى من نگعد نسولف. نحچي بيه صبح وعصر.
نحچي عن جسمه التطبر. وخيل سحگتله الصدر.
بلادفن ايام طايح تچوي بيه شمس الظهر.
وراسه راح بعيد عنه. راح وي أم الخدر.

حگنه لو كل السنين.
نبقه نصرخ ياحسين.
لو دمع تجري الجفون.
عابس بوصط العيون

ــــــــــــــــــــــــــــــــــــــــــــــــــــــــــــ٣

ليلي كله أسمع قصايد. صار ليلي بس أله.
گلبي كل يومية يمشي. يطوف گبره بكربله
يمه انادي يارقية ليش بيدچ سلسله.
وين راح اسوار ابوچ . الجابه الچ يمدللــه

وين راعي الماي راح.
چفه گالوا منه طاح.
وناده خل نفسي تهون
وعابس بوصط العيون.

ــــــــــــــــــــــــــــــــــــــــــــــــــ٤

اليعشگ الطف خل يعيشه. وخل يحس بجمرته
الهوه والماي شصعبهن. والعيال الشافته.
ماي ماكو وهوه ماكو. من ادخان وخنگته.
على زينب ليش حته . الهوه شحت نسمتة

الارض شحت والسماء
بزينب يضيگ الفضاء.
من الضرب زرگه المتون.
وعابس بوصط العيون

ـــــــــــــــــــــــــــــــــــــــــــــــــــــــ٥

المامشت مشاية رجله. خل يعاتب خطوته.
القصر ويه الگمر لازم .. يعتذر من رايته.
العاشگ بدمعه يتصدق. من يوزع دمعته.
بعينه يرسم موبأيده. طف حبيبه وقصته.

يرسم الخنصر گطيع.
ونحر عبد الله الرضيع.
بعينه ينظر ينسبون.
وعابس بوصط العيون.

ـــــــــــــــــــــــــــــــــــــــــــــــــــــــ٦

حسين ابو الخيمة الچبيره. المايمل من البشر
شماتزوره هله يگلك. وانسه تعبك والسفر.
حسين نسانه جرحنه. حسين نسانه الخطر.
مات عطشان وعجيبه. صار لليعطش نهر.


ينشر برحمه الحيات.
اعليه ظل يبچي الفرات.
والعطاشه يرتوون
وعابس بوصط العيون.
ــــــــــــــــــــــــــــــــــــــــــــــــــــــــ

حيدرموسى الرميثي

الناشر احمد الفاطمي

13 June 2026 11:54

احياء لو ميتين
لامانعوف حسين
لامانعوف حسين
،،،،،،،،،،،،،،،،،،،،،،،،،،،،،،،،،،،،،،،،١
حسين هو الشرف والحگ انوصف
شلون واحد يگدر يعوف الشرف
نبقى نتحده واذا طف اعلطف.
مانعوف حسين والمنحر هتف.

على الوعد باقين.
لا مانعوف حسين
،،،،،،،،،،،،،،،،،،،،،،،،،،،،،،،،،،،،،،،،،،،،٢
خدمت حسين الجهاد اصبح فرض
حسين علمنه قوانين الرفض
حب الحسين السكن وصط النبض
موعظة بطول الزمن خل نتعظ.

وبحبله متمسكين. لامانعوف حسين.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،٣
دوم نقره اه ينبلة حرمله
ليش موتي الرضيع بكربله.
واصبحت مسبيه ليش العائله
وجسم ابو السجاد ظل فوگ الفله.

كل وكت باچين
. مانعوف حسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،٤
عهد نبقى بخدمته طول الدهر.
أبد مايمنعنه أرهاب وخطر.
على مصابه عيونه اتصب كالمطر.

وبحبه متوحدين.
مانعوف حسين
،،،،،،،،،،،،،،،،،،،،،،،،،،،،،،،،،،،،،،،،،،،،،،٥
حسين راية وترتفع ضد الغدر.
حسين سيف ومايذل الكل شمر.
بكل زمن يرفع قوانين النصر.
والشفيع حسين للظلمه فجر.

لجله احنا مخلوقين.
لامانعوف حسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدرموسى الرميثي

الناشر احمد الفاطمي

13 June 2026 11:53

ليلة 9 محرم

عـلـي الأكـبـر مـن دخل مـيـدانـهـا
الـعـده خـيـم عـلـيـهـا أحـزانـهـا

❖ ❖

صـال بيهم مـن دخل سوح الـحـرب
يـا هـو يـبـرز لـيـه مـا عـنـده گـلـب
شلونهـم بيهـم لمن بـنصهـم يـطـب
روؤس قـادتـهـم بـگـت وي الـتـرب
اتـغـيـر مـن الـخـوف حـتى ألـوانـهـا

❖ ❖

اتـذكـر الـكـرار هـوه بـحـمـلـتـه
تـشـبـه الـعـبـاس هـيـه غـيـرتـه
وحـده مـا ثـنـاهـا تـدري بـضـربـتـه
مـا اخـلـي حسـيـن يبگـه بـحـيـرتـه
الـكفر زلـزلـهـا وهـدمـهـا أركـانـهـا

❖ ❖

جـنـه الـعـبـاس لـوطـبـلـه نـزال
يـاهـو يـدنـه عـلـيـه لوشـد القـتـال
مـايـخـاف مـن الـسـيـوف ولا نـبـال
خـبـط بـيـه المـيمنـه وي الـشـمـال
شـلـون بـيـهـم من يـشـد اعـنـانـهـا

❖ ❖

الـجـيـش ضل يـصيـح هـذا حيـدره
الـزلـم ضـلت بـس جثـهـا مطـشـره
تـاه مـنـهـا الـراي كـلـهـا مـحـيـره
رواسـهـم گـدامـه خـلـهـا مـسـطـره
الـعـده تـطـلـب عـون من أعـوانـهـا

❖ ❖

دارت عـلـيـه الـعـسـاكـر مـا يـهـم
هـذا ابوه حسين من نسل الـشـهـم
هـوه مـنـبـع لـلـشـجاعـه والعـلـم
مـايـرده الـجـيـش لـو شـد الـعـزم
احـتـارت ارجـال الـكـفـر بـزمـانـهـا

❖ ❖

خـادم أهـل الـبـيـت
عـلـي الـخـاقـانـي

الناشر احمد الفاطمي

13 June 2026 11:46

هاك اخذ الگلب وعيوني الاثنين
نفعهن شنهي اذا ما شافن حسين
عشت انه اعله مودك  حياتي سر وجودك
حسين حسين
*
من تروح احس بگلبي يوگف
وما ینبض بعدها
ام الگمر ما عدها اربع اولاد
وبس حسین عدها
حلوه عيوني منتصبح بيك
وتصير احلى مــــــن تمسيك
مقصره انه شما ردت انطيك
حبيبي
ابخرلك الخيمه بعطر عباس
مو بالگاع تنحط تاج عالراس
اقبلهن زنودك   حياتي سر وجودك
*
تره سر الحياة الماي يحچون
لكن انت سري 
انه بلا هـــــوه اتنفس حسين
اعرف بيها تدري
اول يــــــوم ابيت الزهره
بسمك ظليت الهج واقره
انه بدونك ورده بصحره
يا حبيبي
اشوفن جيتك قــــران مفتوح
عطر الجنه من اعمامته تفوح
منو يوصل حدودك   حياتي سر وجودك
*
الخيمه بلا ضوه من ترحل تصير
يموت الضوه بعيني
من انظر عيونك روحي ترتاح
من اشوفنك تجيني
من تبعد تزداد جروحي
حبيتك اكثر من روحي
بعدك عني يكثر نوحي
حبيبي
لا تبعد علي احتاجك اهواي
يموت الزرع لو ما مره الماي
بعد يمي شيعودك   حياتي سر وجودك
*
اخاف اعليك حتى من الهوه الهاب
لا تبعد عليه
يأول جرح ما ريدنك اطيب
اريدك تبقه بيه
لو ما انت ما صرت اني
يالعايش انت بوجداني
يا اول ما املك ثاني
حبيبي
يأول سالفه واخر حكـــــايه
احبـــــك بالنهايه وبالبدايه
يالغاطيني جودك  حياتي سر وجودك
*
اخاف من السفر لا ترحل بعيد
يوجه الخير كله
لا تقره الرسايل كلهن سهام
حچيهم كله نبله
رايح وياك اخذ انفاسي
مترد يمي گلي احساسي
من فراگك شيب راسي
حبيبي
ايامي بغيابك كلها مو خير
اخاف اعليك من اليمك يصير
واتنطر ردودك   حياتي سر وجودك
*
علي جبار الكعبي
الفاتحه لوالدي

الناشر احمد الفاطمي

13 June 2026 11:12

عمه يا عمتي العقيلة
خل نرد لختي العليلة
والله مشتاگه الحچيها
وين هسه اني التگيها
والله مشتاگه والله مشتاگة
............
عمتي يازينب.
هذا مو نفس الطريق البيه اجينه
جان ويانه.
حسين ابويه وعمي الايگود الضعينه
ومرة حاجيته.
ليش خليت العليله من مشينه

ليش ماجبنه العليلة ويانه بابه
گلي خاف تموت يرقية بخرابة
ويمكن اني الميته ياعمه بغيابه

عمه يمكن يجيني موتي
ولا اوادع يعمه اخوتي
وهسه شوفتها اشتريها
وين هسه اني التگيها
......................
والله مشتاگه
للعليلة فاطمة ام حلو المحاچي
عمه من جينه
چنها طير بقفص ضلت بس بواچي
والله لو جاية
چان عمه انطيتها اتضم التراچي

عمه چان هناك محد جر اذاني
ولا شفت واحد شتمني ولا اجاني
عمه ليش الصار هيچ وطفلة اني

عمه يا جرم الجرمته
والهضم بعيوني شفته
والعذاب البيه بيها
وين هسه اني التگيها
.....................
عمه گليلي
شفتي خيمه الوجت وچوة ادية
و العليله اختي
زين ما جتي وتشوف الغاضرية
هسه لو يمنه
چان تمشي ويانه مجتوفة و سبية

چان هم بحبال جوي وچتفوها
وعالهزل بالخوف عمه يصعدوها
ومن تعاين فوگ تلمح راس ابوها

تشوفة ياعمتي وتشمه
عمه ادري تموت يمه
ما تضل اني ادري بيها
وين هسه اني التگيها
..........................
اختي لو جاية
چا تشاركنه يعمه بفد عباية
من يضربونه
عنها اصد الصوط يا عمتي بگفاية
والثنين احنه
ادري عمه نموت بدروب السبايا

يجوز عمه وياچ ما اكمل سفرتي
بالطريق نموت يمكن اني واختي
الله ينطيچ اعلا صبرچ يالصبرتي

اصغار عمه ولوعونه
خلي نلحگ عمه ابونه
للمنية اني اعتنيها
وين هسه اني التگيها
.........................
صدگ مشتاگه
الها لكن ما اريد اتمر علينه
و الله چا ماتت
لو تشوف حسين عمه مگطعينه
عمه واتشوفة
جسم ابوية بالحوافر ساحگينه


من تشوفه هناك گطعو خنصر ايده
لو تشوف حسين من حزو وريده
اشكر الله بهاي من ضلت وحيدة

لو تجي تشوف المنية
تموت وسط الغاضرية
عمه ما يخلص بچيها
وين هسه اني التگيها

الخادم
عباس هلال

الناشر احمد الفاطمي

13 June 2026 10:57

هنياله كلمن يخدم حسينه.
،،،،،،،،،،،،،،،،،،،،،١،،،،،،،،،،،،،،

ناذر حياتي الخدمته. وصاحبت كل خدامه.
روحي تردلي ابمجلسه. عاشور احب ايامه.
من الجنة اجمل موكبه. الخادم يشد حزامه.
المايؤمن بآل النبي. مايكتمل أسلامه.

بخدمت حسينه يكتمل دينه.
هنياله كلمن يخدم حسينه

،،،،،،،،،،،،،،،،،،،،،،،٢،،،،،،،،،،،
حبه عبادة أعظم فرض. تسبيح لفظ حروفه
محد عرف معنى العشگ. بس اليعيش طفوفه.
كون اليحب مثل الگمر . يهدي الحبيبه چفوفه.
للموت متمسك يضل بحسين ابد ميعوفه.

مثل الگمر صاب السهم عينه.
هنياله كلمن يخدم حسينه

،،،،،،،،،،،،،،،،،،،،،،،،،٣،،،،،،،،،،،،،،،

شلي بعيوني ابلاضوه .حسين الضوه البعيوني.
بحسين اشوفن عالمي . والعالم يشوفوني.
ما اريد كلشي بدنيتي . بس خادم أيسجلوني.
ادري الحسين وفاطمة. بالگبر ما ينسوني.

رابح الوي الخدم تعينه.
هنياله كلمن يخدم حسينه.

،،،،،،،،،،،،،،،،،،،،،،،،،،٤،،،،،،،،،،،،،،،،،،،،،،
وشما يفرقنه الزمن. عاشوره راح يلمنه.
الخوه الحسينية ترد . وبخيمته يرحمنه
خدمت حسين ويه النفس. ويانه تجري بدمنه.
من المجالس والبچي. محد گدر يحرمنه.

طول السنة العاشر تمنينه.
هنياله كلمن يخدم حسينه.
،،،،،،،،،،،،،،،،،،،،،،،،،،،،،٥،،،،،،،،،،،،،،،،،،،،

انواسي الأمام المنتظر. بحسين من أنذكره.
اليخدم حسين بكل وكت. توفقه الزچيه الزهره.
ربحان دنيه وأخره. كلمن يواسي العتره.
بگلوبنه وماتنطفي. يحسين هاي الجمره.

واللطم صدره أشراف چفينه.
هنياله كلمن يخدم حسينه.
،،،،،،،،،،،،،،،،،،،،،،،،،،،،،،،٦،،،،،،،،،،،،،،،،،،،

مو منه كل الي بخل . بدموعه لجل الغالي.
كل خادم من الله ارتفع. راسه بشرف ضل عالي.
گلبي يصيح شما يدگ. يحسين أحس دلالي.
الما أله حسينه ما أله. لا أول ولا تالي.

بس درب الحسين اليدلينه.


،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

حيدر موسى الرميثي

الناشر احمد الفاطمي

13 June 2026 10:57

روحي تمشي الكربلاء،،
يم حبيب الأنبياء.
عندي الحسين الدواء،،
روحي يم بابه.


.......................... ١

أمره مو بيده اليحب،
بكيف دگات الگلب.
وأني محبوبي أبد ماكو بجماله.

بحضرته الگه الشفه،
ميت المايعرفه.
كلشي بالدنيه يصلي عليه وأله.

بخنصره خط قصته.
ويجري ضل دم رگبته.
والحجر وي الشجر والكل بچاله..

الأرض تبچي والسماء،،
يم حبيب الأنبياء.
روحي يم بابه.

.........................٢
وسفه مگطوع النحر.
الحافر بصدره حفر.
طشرت جسمه الخناجر والحوافر.

حافر بگلبه سحگ.
وحافر بچبده انطبگ.
وحافر ايرض بالظلوع وبچه باچر.

أرتفع راس اعلرمح
وكبر بالدنيا الجرح.
وفن طبيب الي يخيط جرح خاطر.

وانولد نوح وعزاء.
يم حبيب الأنبياء.
عند الحسين الدواء.
روحي يم بابه.
..................................٣

بلا دفن ضل بالشمس.
وراسه من أول أمس.
منگطع واليوم ثالث ما أجه راسه.


بغير راسه يندفن.
وصدره ابد ماينحضن.
وزين العباد اليدفنه شلون باسه.

بالحصيره جمعه.
وياه ملائك ترفعه.
نزله بگبره وتزوره اليوم ناسه.


ارواحنه لدمه فداء.
يم حبيب الأنبياء.
روحي يم بابه.
.................. .....٤

العين ماتشبع بچي.
عليك بالهم ننتچي.
انته بعد الله يبو السجاد عدنه.

انته لحبابك وطن.
ومن تلمنه بالصحن.
يم ضريحك سيدي نتلم وعدنه.

بينه يحتار العشگ.
من يمر طاري الطبگ.
وياك بالدم سيدي انجدد عهدنه.

ينتهي الهم والعناء،
يم حبيب الأنبياء.
روحي يمبابه
...........................٥


مانعيش ابلا دمع.
اعله الحسين وننفجع.
شما يمر طاري السبية العذبوهه.

صواب زينب بالگلب.
حيل يجرحنه وصعب.
علهزل أخت الگمر من ركبوهه.

شلون بت سيد الرسل.
اتطيح من فوگ الهزل.
ومن تطيح بصوط ظالم يضربوهه.

تعرج دموع الولاء،
يم حبيب الأنبياء.
روحي يم بابه.
.........................٦

راسمن فوگ الرمح.
الخله بالعالم جرح.
راس مسبي اعلرمح وبلا عمامه.

حسين مخضوب الدمة.
مانفارگ مأتمه..
نسوي مجلس حتى لو يوم القيامة.

انسوي مجلس بالحشر.
وفاطمة يمنه تمر.
وتنطي لليحظر مجالسها كرامه.

بتربته مايبقى داء.
يم حبيب الأنبياء
روحي يم بابه

.....................................

حيدر موسى الرميثي

الناشر احمد الفاطمي

13 June 2026 10:57

هذا الفارس أسمه القاسم.

.........................١

عمره أزغير اكبار افعاله.
أبن الماتنعد أفضاله.
زغير وحيل أكبار أقواله.

للميدان الفارس قادم.
هذا الفارس أسمه القاسم.

.........................٢


زغير وماخاف من العسكر.
برگبهم سيف الحق قرر.
دين الباري لازم يظهر.

ينصر عمه القاسم لازم.
هذا الفارس أسمه القاسم.

.....................٣

ودع رمله وكل أيامه.
يستشهد چانت أحلامه.
ضل أيدافع عن خيامه.

يترك عرسه يقرر جاسم.
هذا الفارس أسمه القاسم.

........................ ٤

حنت عرسه بدم جروحه.
لجل حسين أيضحي بروحه.
وعيونه الضلت مشبوحه.

لحسين وبالمبدأ راسم.
هذا الفارس أسمه القاسم.

.........................٥

مثل العباس أنطه حچايه.
ماتوگع من أيده الرايه.
هذا القاسم أصبح أيه.

مايركع دوم الكل ظالم.
هذا الفارس أسمه القاسم.

،،،،،،،،،،،،،،، ،،،،،، ،،،،،،،،،،،،،،،،

حيدر موسى الرميثي.