الناشر احمد الفاطمي

19 июля 2025 07:58

#تراث

سجادك يداحي الباب گوم اوعاين الحاله
من عگب اليسر سموه والسم مرد دلاله
ــــــــــــــــــــــــــــــــــــــ
ظل من عگب ابوه حسين ونه ايجر بثر ونه
ابعينه الماي لو شافه يهل دمعه اويصد عنه
يگول اشلون اضوگ الماي وحسين انحرم منه

مارحموه عدوانه
واهل بيته اورضعانه
كلها انفنت عطشانه

ظلو جثث بالحومه اوداستهم الخياله
ــــــــــــــــــــــــــــــــــــــ
كلما يذكر المظلوم تسحب دمعة اعيونه
ليل انهار مايهجع اومن حزنه انخطف لونه
گامت تعتني الشيعه اوعلى حزنه يلومونه

يگلوله ارحم احوالك
حزنك مرد دلالك
ياهو اليظل لعيالك

وانته السلف تاليه اوبدر الدين وهلاله
ــــــــــــــــــــــــــــــــــــــ
ابحسره ظعن عن دنياه امن امته جدك الهادي
اوجدك حيدر الكرار راح ابسيف المرادي
اومك گضت مظلومه اومن اضلوعها اتنادي

اوعمك غيث وفاده
السم مرد افاده
الچتل الكم صبح عاده

وبهاالشرف باري الكون خص المصطفه او آله
ــــــــــــــــــــــــــــــــــــــ
لمن سمع ناداهم اونار الحزن وگاده
يگلهم مثل متگولون صار النه الچتل عاده
لاچن ياهو من عدكم گبل سامع امن اجداده

منه اتسلبت نسوان
اوطافو بيهن البلدان
اومن عدها احترگ صيوان

اوشافن راس واليهن عدوه اعلى الرمح شاله
ــــــــــــــــــــــــــــــــــــــ
عيني ماتصد ليهن واشوفن زينب اگبالي
الا اذكر هضيمتها واذكر لوعة اطفالي
يهل الوادم تلوموني امن اتلف بالحزن حالي

شفت الشام بعيوني
والسلسله اعلى امتوني
واهاليها يشتموني

اورحنه ومجلس الطاغي اوخواتي وگفن گباله
ــــــــــــــــــــــــــــــــــــــ
يتمايل طرب شفته ومن الفرح يتثنه
ويعاين لعد زينب اوزينب تجذب الونه
يمه راس ابوي احسين وبناته يشوفنه

ابعود ايجلب اشفافه
اوباري الكون ماخافه
يهتف فرح بسلافه

والباري نكر وحيه وبالميعاد ما باله
ــــــــــــــــــــــــــــــــــــــ
يحيدر تم عليه هل حال يتكاثر عليه همه
حسره ايجر بثر حسره ويون اعلى ابو اليمه
حتى احرب عدوه اعليه ياحامي الحمه اوسم

خلا يلوج او چبدته ممروده
اوحصل عدوه ابچتلته مگصوده
يتم الباقر ياعلي من عوده
خلاه تجري دمعته اعله اخدوده
ــــــــــــــــــــــــــــــــــــــ
گام اوغسله الباقر واشاف الاثر بمتونه
حن گلبه اوصفگ بيده اوسالت دمعة اعيونه
يگله ياذنب عامل اوحالك مايرحمونه

لسا يبويه امخزنات اجروحك
فوگ النوايب والهظيمه اونوحك
الله يساعد عالمصايب روحك
ــــــــــــــــــــــــــــــــــــــ
وشاله ونزله بگبره اودمع العين يتجاره
اوتمت تنحب الفركاه عياله اوتصرخ ابداره
مامست مسيته اعليه الا ابگبره يتواره

وحسين ظل ابكربلا اثلث تيام
تلعب عليه اخيول ذيج الظلام
ماحصل واحد من جميع الاسلام

يحفرله گبره ابيده او يسكن روعة اطفاله


السيد المرحوم
عبد الحسين الشرع

#اللهم_عجل_لوليك_الفرج

الناشر احمد الفاطمي

19 июля 2025 07:58

#تراث

يا شيال راس احسين گصر
ترى گلبي على افراگه تفطر

يشايل راس حامينا او ولينه
ريض خلي اتودعه اسكينه
ليش احسين ساچت من ونينه
گلي تعب يو جرحه تخدر

يا شيال راسه لا تلوحه
او هبط عن بگايا الروس رمحه
خاف ايفوت ريح الهوى ابجرحه
و اصوابه عليه ايگوم يسعر

يا شيال راس احسين سدره
رده الجثته او سده ابگبره
يخايب شفت هذي گبل نجره
ابگفره جثته او راسه امسير

يا شيال نعشه لا توجعه
أخافن تلچم اجروح البضلعه
د ريض لي أريد اسا أودعه
أو هذا افراگنا ما بعد مسدر

رفع بعنادها راسه او شاله
او خيب زينب او يتم اطفاله
بس ما شاله او شافوا عياله
إجت سكنه تصيح الله أكبر  

محمد بن نصار

#اللهم_عجل_لوليك_الفرج

الناشر احمد الفاطمي

19 июля 2025 07:58

#تراث

تحيرني وتذكرني يا جابر لا تناشدني
ــــــــــــــــــــــــــــــــــــــ
يا جابر هيجت حزني يجابر گلبي ذكرته
عليمن تنشد وما ظن مثل ضيم الذي شفته
عتابك زيد آلامي يا عمي وحيلي هدمته
دفنت احسين أبويه اشلون وبديه ابگبره نزلته

وكلف وضعي ويهل دمعي
وحيد ومن يساعدني يا جابر لا تناشدني
ــــــــــــــــــــــــــــــــــــــ
يا جابر مرمي من شفته هويت اعليه أشمنه
وأبد ما تنعد اجروحه وحرت يا جرح أضمدنه
يا جابر جسمه الموذر گمت بحفوفي ألمنه
وأشوف اضلوعه مهشومه يجابر خاف ألچمنّه

انشده فكري وحرت بأمري
عليل وجرحي ضاهدني يا جابر لا تناشدني
 ــــــــــــــــــــــــــــــــــــــ
شفت بعيوني يا جابر شبيه المصطفه الأكبر
ذبيح وبالدمه امخضب وأعاين جسمه لموذر
يجابر من گمت منه وحگ جدي علي حيدر
توچيت اعله وجه الگاع ردت أنهض لچن مگدر

حنه ظهري ونفذ صبري
أخويه افگده بيدني يا جابر لا تناشدني
ــــــــــــــــــــــــــــــــــــــ
وشفت لمن وگع عمي الچفيل وگطعوا الچفين
تعنه الخيمة العباس ابظهر محني أبويه احسين
عمدها الطيحه بيده وجذب حسره وتهل العين
وأشوفن والدي بحيره وحيد ابولية الصوبين

انگطع نحره انهشم صدره
الخطر أصبح يهددني يا جابر لا تناشدني
ــــــــــــــــــــــــــــــــــــــ
يجابر قصتي قصه تحير أهل الفكر بيها
إلك من يا كتر أبدي لون يجابر أحچيها
مسيت العاشر اذكرها ولعيال اشجره اعليها
خيم حرگوها والتهبت عليل اشلون أطفيها

وخيم شبت وحرم هجت
وأشوف النار التدني يا جابر لا تناشدني
ــــــــــــــــــــــــــــــــــــــ
تذكرني ويهل دمعي عله الوجنه شبيه السيل
ورماني چم سهم ظالم وأحسه يهدم الحيل
شفت أيتام أبويه احسين يجابر ساحگتها الخيل
وشفت عيله يضربوها وإلمن تشرد ابها الليل

وشفت زينب غدت تنحب
تنادي خويه شاهدني يا جابر لا تناشدني


الشاعر السيد سعيد الصافي

#اللهم_عجل_لوليك_الفرج

الناشر احمد الفاطمي

19 июля 2025 07:35

عايف الحره والسده اعليهه
ولاهي وره الدنيه وبلاويهه
/////1/////
المفروض من عندي اموتن والله ياناس
من اسمع الحره انسبت من بعد عباس
وحسين اخوهه اعله الرمح تنظرله بس راس
للمثلي بله امنين اجيبن انه الاحساس
 
خلَّصت عمري ما اهم بيهه
لاهي وره الدنيه وبلاويهه
٢==
المفروض من عندي أصيرن لخت الاحسين
خادم موالي ابكل وكت مو شهر شهرين
مو هين امصاب السداهه ابذيج الاسنين
يا حرمه مثل الحره شافت ذبح بالعين
 
واجب عليه اسنيني انطيهه
 
٣===
المفروض من اسمع سبوهه ابجي الاعيون
والطم على الراس وعلى صدري والامتون
زينب أمانة فاطمه يامن تسمعون
عالأقل جان اعليه اصبرهه الفكَـد عون
 
ما فكرت ظلمه لياليهه
لاهي وره الدنيه وبلاويهه
٤===
المفروض ما بيه يضل يا سامع الحيل
من اسمع الحره اطلعت لحسينهه بليل
وكَـعدت تدور اعليه ما بين المجاتيل
بس انه وين الملتهي بل قال والقيل
 
وابالي ما مرت مآسيهه
لاهي وره الدنيه وبلاويهه
٥=====
المفروض من عندي أعيش اوياهه الاَلام
زينب مشت وحدهَّه للشام اويه ظلام
مجتوفه بحبال اليسر وي سرب الايتام
أوسط الخرابه المضلمه ما كَـدرت تنام
 
وانه الليالي احلام كَـاضيهه
لاهي وره الدنيه وبلاويهه
==========================
✍️🏻 كلمات // موسى_الخادم ٢٠٢٥

الناشر احمد الفاطمي

19 июля 2025 07:35

صاحب حظ بخت رايد ..يحجيلي على الشام
اشلون ابزينب افترو ... سوك الحارك اخيام
بعد الجان كافلهه

...1...
يالسامع سؤالي رايد اجوابه
كبل لا نبدي اه يحسين وامصابه
اشلون ابزينب افترو هذاك السوك
متكيده ابحبل والدمعه سجابه

ماصرت قبل حرمه .... تجتف بالحبال
من ديره لعد ديرة ... تمشي ابين الارجال
والمستحه كاتلهه
بعد الجان كافلهه




...2...
اعله باب الساعه وكفت كلي جم ساعه
وياهو استقبلاهه والخدر راعه
كعدت بالشمس لو كعدت ابفيه
اخت كافل خواته الكطعو اذراعه

ياهو اليقبل اعله اخته  .... تدخل ديره اغراب
وبحر الشمس توكف .... ساعات اشهل المصاب
اشلونج محد الكلهه
...3...
بشام اهل الغدر ياهو البجه اعليهه
وعليهه شالته الغيره وفزع ليهه
وحيده ابلا اهلهه ابديرة الغربه
تحشم يا غريب الكال نسبيهه

هم بيهم فزع واحد ... كال اخت الكمر هاي
ليش ابلا اهل جايه ... وين اخوتهه الهواي
ليش الهزل تحملهه
....4....
ياموقف اشد بله اعله  زينب مر
طبت سوك امية لو شتم حيدر
لو طبت الدواوين الاشد عدهه
لو جتال اخوهه اليمهه يتبختر

يا موقف اشد خله ... زينب نازفه اجراح
كطعت راس ابو الاكبر ... لو كافلهه من طاح
ياموقف الزعلهه
....5....
شمَّاته اشكثر جانو ينظروهه
وهم بخوتهه مذبوحين ذكروهه
اه يالشام اه يالشام اه يالشام
مصايب زينب امن الشام اكتبوهه

شافت جم مصيبه اتهد ... بيهه اضهور الاسنين
دخلت بابهه وشافت ... امعلك راس الحسين
اجروحه الرمح شايلهه
....6....

ويضل اخر سؤال ابالي أسألنه
الما الكاله كل جواب اعرفنه
ياهو النزلاهه من على الناكه
من وصلت لعند الشام يا هلنه

راح الجانت ابجاله ... حيل امدلله حيل
من كطعوله جفينه ... زينب فكدت الحيل
راح وراح كلشي الهه
بعد الجان كافلهه

.....
تمت

كلمات
موسى الخادم

الناشر احمد الفاطمي

19 июля 2025 07:35

كبل ساعات ما ينسمع صوتك
جنت محتار بينك بين موتك
هسه اتفرعنت والسان الك صار
راح الجان المعيشك بلوتك

....1....

وكت خلاك تحجي وصوت الك صار
وانت الجنت خاتل خلف الاستار
لو عباس ما مكطوع الاجفوف
تضن توكف اكبالي بهذا الاصرار

راح اليخرس الموت
وصرت اسمع الك صوت
شفت بدنيتي اشكال
واسمي ابفخر ينكال
انه زينب

.....2.....

يمن صايرلي قائد هسه عالكوم
ما واحد سمع بسمك كبل يوم
من جان الكمر عايش جنت وين
اكيد امن الرعب كاضيهه بالنوم

ابعينك باين الخوف
حتى بكطع الاجفوف
ما حسبك على الارجال
واسمي بفخر ينكال
تبقى حره زينب





...3...

زينب بت علي اَنه الاحاجيك
اذلك ما تذلني بصبري ابجيك
اخت عباس انه واخت الحسين
بالك ترفع ايدك اكسر ايديك

كافل خدري عباس
طرف لو مني ينجاس
يرد عايش الكفال
واسمي بفخر ينكال
انه زينب





....3....

شوف الجيش هذا بعيني انضره
اصبع من أصابع علي العشره
متخوفني لا انت ولجيشك
انه اخت الهواشم واسمي اقره

كفيلة هاي الضعون
اراويكم تشوفون
عزمي ايهد الاجبال
واسمي بفخر ينكال
انه زينب





....4....

جبل شامخ أنه الحره العقيله
متحركني الارياح الثجيله
المثلك يصعب اعليه سبي المثلي
انه بنت القلع خيبر بحيله

أعلية السبي ميلوك
ولا صعدت هزل نوك
ما تسبيني الاحبال
و اسمي بفخر ينكال
انه زينب





....5....

باجر اكلب الشام ابخطبتي
وما واحد يرد بيكم كلمتي
يزيدك وانت والمتشارك اوياك
اذلكم واطلع الرايه بصحبتي

اسمع يا شمر زين
منصورة اخت الحسين ....
تتناقلهه الاجيال
واسمي بفخر ينكال
انه زينب
........

تمت

كلمات
موسى الخادم

الناشر احمد الفاطمي

19 июля 2025 07:34

مايله الدنيه اويه زينب مايله

...1...

طلعوهه
بالحبل مجتوفه ما بين الاجانب
طلعوهه
وحاطت اعليهه الشماته امن الجوانب

الجان ما ينشاف ظلهه ولا اثر ممشاهه
هسه ويه اجناب طلعت موش اهلهه اوياهه
وين جانتلج يزينب وين جانت هايه
امدللت حيدر هضيمه الزمن ما راعاهه

مايله الناكه الهزيله مايله



...2...

كلهه ضدهه
ماكو واحد شالته الغيره اعله زينب
كلهه ضدهه
والكفلهه اجفوفه متكطعه وتسلب

عاشر محرم سباهه وبجه كل ايتيمه
كلشي ما خله عليهه لا اهل لا خيمه
ياهو التفزعه ويجيهه بعد عين الكافل
عثرت اجم مره زينب من ركاض الهيمه

عايله ابركَبتهه زينب عايله




...3...

عالترايب
عافت اخوتهه غصب موش ابرضاهه
عالترايب
ودعتهم زينب ابدمعت بجاهه

مشت من يمهم يويلي غاركه بدمعاتهه
كوه مشاهه جدمهه اتريدهم خطواتهه
حيل متعوده عليهم موش مال اتعوفهم
تلتفت كالساعه الهم  هيه وابنياتهه

شايله صورة ذبحهم شايله




...4...

يا هضيمه
تمشي زينب ويه ناس الموش اهلهه
يا هضيمه
وعالرمح راس الحسين ايعاينلهه

ايوكف الرمح اعله طوله ساعت ايضربونهه
وهيه من كد ما تحبه تخفي دم امتونهه
طول درب الشام زينب مستحاهه ايكودهه
زينب اويه حسين قصه قله اليفهمونهه

سايله بيهه المدامع سايله




...5...

حره زينب
كلشي صاح بحركه  برض الغاضرية
حره زينب
ما تلوك اعليهه تتسمه السبية

هاي زينب ستر الله البيهه كلشي مفاخر
جبل شامخ رغم كل الصار يوم العاشر
الكال مسبية عليهه عقله ما متكامل
زينب الحوراء حيدر  هيه تسبي الكافر


زايله اجيوش ال اميه زايله
......
تمت

كلمات
موسى الخادم

الناشر احمد الفاطمي

19 июля 2025 07:34

ياسبي اجروحي
قصتي ونوحي
امشي مابين الأجانب
كربله ابروحي
*****************************
خويه طرينه الزلم والحيره بيه
اسمع يگولون هاي الهاشميه
خويه آنه اول مره امشي سبيه
انه شفت النار من چوت رقيه

خيمه  محروگه
المهجه مخنوگه
آه يافگد الاحبايب
كربله  ابروحي
*******************************
حسين ياخويه بناتك تدري بيها
اطشرن كل وحده آنه اسمع بچيها
صعبه يا ناس التجي وتفگد وليها
حيرتي ألمن اروح وياهي اجيها

حسرة اضعوني
دمعة   اعيوني
تذبح آهاتي النوايب
كربله  ابروحي
*****************************
هاي ما چانت ابد حسبه عله بالي
راح من عندي العزيز ابلايه والي
انه اصد للراس فوك الرمح عالي
صدك معقوله الدهر يذبحني تالي

عشرة  ادموعي
احني ابظلوعي
آنه شاهدت المصايب
كربله  ابروحي
*******************************
چنهه روحي ابكربله صارت عليله
والحمل لو طاح چا منهو اليشيله
آنه يهضمني السبي ودمعي اسيله
وين ذاك العمر والعشره الطويله

اخيامي مهجوره
امشي   مجبوره
انه بطفوفي العجايب
كربله ابروحي
*******************************
صار اسمي ياخو زينب بس مدامع
اگبالي راسك بالضعن خله المواجع
والدهر بعد  الاحبهم  امسى  ضايع
عفت ولياني اشكثر فوك المصارع

ماتت  اسنيني
دمعتي ابعيني
بالسبي دلالي ذايب
كربله  ابروحي
*******************************
هاك شوف الكوفه لوتسمع حچيها
عدها عيد الناس من مرينه بيها
الناس تضحك خويه لو نجبل عليها
خويه گالو چن خوارج من نجيها

محنتي  محنه
ياعلي  صحنه
بويه ياراعي الكتايب
كربله  ابروحي
*******************************
تمت بعون الله تعالى
الشاعر__يوسف_الفتلاوي

الناشر احمد الفاطمي

19 июля 2025 03:57

يبو فاضل دخيلك


ظهظب العباس طب اعله النزال
هلا يا خيالها وناموسها
بس صجيج سنون تسمع بالقتال
ياعفرنس لائث وجايوسها
سندري ومياس يستاد الحروب
بسيفه ياخذها يردها يحوسها
شما كثر جمع اليجيله ما يخاف
بحافر المهر يرد ويدوسها


شهم يمعتبر يطعان السباع
زلمه بيه عدنان ترفع رايه
تحزملها وصوفرت ذيج الوجوه
گمر هاشم عالنهر دگ ثايه
سيطر بجفه ملك ماي الفرات
وگطع اركاب الاجت عنايه
گام يتبختر على خشوم الرجال
شيوخ هاشم ابد مو ودايه


ريح صرصر هبت وصار السموم
ياگمر عدنان يا متعب الزلم
يلي واصل سيفك لحد السماء
ينخدش خد السمه وما ينثلم
الرايه البجفك تلوگ اعليك حيل
يرئبال الحرب ياحر ياشهم
دوكس وقرظاب أشدخ يالشجاع
الك يالعباس ويلوگ العلم


نزل والعباس يحصد بالرؤوس
وبهذلاها الزلم وي القاده
شورطاهم لاگو الحر بالنزال
دخيل بخته ونزل عم الساده
تيهت معبارها وذاك الطريج
شما تزيد الگمر زاد اعناده
زمخ بيها تراجفت منه الحيود
كربله اعله افعاله ظلت شاهده


ويلي كسرة حاجبه جنها خيال
گول عنها مدري انا شقاري
يغير عالمهره يشد الجامها
يغير ويخلي التراب الذاري
ما يرد من الحرب الا انتصار
بيها سيفه الموت فعله ساري
ها يعاگر خيلها وزلم التجيك
گال لجل حسين اخذ ثاري

ل اسعد الناصري

الناشر احمد الفاطمي

19 июля 2025 03:56

للامام السجاد ع
………… .

يالغبت عن العيون بالگلب تبقه مدفون يغايب
انسه ايامك اشلون انته ساكن بالضنون يغايب
بويه هجرك مماتي انته كل ذكرياتي
*********
الغيمه من دون المطر تصبح يتيمه
ودنيتي لو جنه عگبك چنهه هيمه
والابو شمعة البيت وچفه خيمــــه
ولون عن البيت شال اكبر هضيمه
يالما لفضت ال لا بس بالشهاده
حزنك ربه وياك مثل العباده
عمري عشته بحنانك وهسه خالي مچانك يغايب
اي وحگ نايـــــباتك ما اصدگ مماتــــــك يغايب
انته نبض امنياتي انته كل ذكرياتي
*********
الزمن مايرحمني يابويه دخيلك
هسه مو وكت الرحيل أجلّ رحيلك
ادري من ابچي عليك اجرح دليلك
ياخليلي ارجاك لاتترك خليلك
يابويه تدري اجفاك طعنة اشاوس
يالعيشيتي ابلياك شيبه بنوارس
عمري دمعه بنحيبك الباقر آنه حبيـــــبك يغايب
عازتك بــــويه عازه شلون اشيل الجنازه يغايب
وياك اودع حياتي انته كل ذكرياتي
*********


ابلا غسل وبلا چفن دافن احبابك
من ادفنك خاف اهيّج كل مصابك
خذَت منك كربله الحيل وشبابك
البيك يكفي وما ازيد من عذابك
لمن ادفنك راح ادفن حياتي
يابويه چنت اوياك آنه اشحلاتي
جرحك اكبر عجيبه بگبره واسمع نحيبه يغايب
شلون ينطيني گلبي ادفنك والله حســــبي يغايب
زيدت نايباتي انته كل ذكرياتي

*********

بيك ضل ايعيش جرح الغاضريه
ويكبر شما تكبر وينزف اذيه
عله عيونك تنرسم حيرة رقيه
وبصفنتك عمتك زينب سبيه
كل انبياء الله تبچي المصابك
مر وفلا ينضاگ علگم عذابك
ما صبَر مثلك ايوب لاحِزَن هيچي يعقوب يغايب
من تطول سجدتــك يعني طالت محــــنتك يغايب
هيچي گالت صلاتي انته كل امنياتي
*********

انته ميت من گبل ساعة مماتك
يوم ذبحو جدي ذبحو امنياتك
وحين صرعو اخوتك ماتت حياتك
والمصيبه الكبره من سبو خواتك
بهاي الف موته اتموت يازين العباد
من تنظر الاحباب متوسده الاوهاد
وحيلك امن الفجيـــــعه عفته يم الــــــــشريعه يغايب
بعيني چنت آنه اشوفك جرحي وشلون اروفك يغايب
كل صفاتك صفاتي انته كل ذكرياتي

*********

الله شاء وياك اشارك كل الآلام
عشت كل شي وياك من عمري اربع اعوام
شفت ذيچ الفاجعه آنه وحرگ الخيام
بجامعه امگيدين ادينه ورحنه للشام
يابويه شفت شلون دارت هليام
گبرك وگبري اليوم هدوموه الاصنام
ردو احفاد اميـــــه حته وكت المنيه يغايب
بويه ذوله السبونه بالگبر حاربونه يغايب
لله كل مشتكاتي انته كل ذكرياتي
*********
هشام الشيباني

الناشر احمد الفاطمي

19 июля 2025 00:51

اجتمعت الوفايه
تخدم__ المشايه.....
.................ياهلا ابزوارك..
*******************************
كلها مشايه................تعنت كربله زوارك
والمعزب فرش روحه لليطب خطارك
صحنه يحسين وغلاتك سيدي انصارك
آمن امأمن يجيلك من وصل يم دارك

من ترف الرايه
تخدم المشايه......
...............ياهلا ابزوارك
*******************************
امدلله الزوار عدنه شوف شغل الخادم
ماينام الليله كله....ابروحه عزب هايم
والتعب يسوه وحياتك..جننتهه الوادم
عدنه ماتعني المسافه بالدرب نتزاحم

كلها الك عنايه
تخدم المشايه.
..............ياهلا ابزوارك
*******************************
شدت احزام التخدمك والجنون احبابك
سيدي اتشوف التودك وتعرف أصحابك
والدمع بينه تجاره....بس حزن لمصابك
وشحلاته الي يشوفك ...لو يشم اترابك

برحمتك شرايه
تخدم المشايه ..
...............ياهلا ابزوارك
******************************
كلشي بالخدمه نشاهد..والطبخ ظل زاده
واليضيف شفنه ....زاير بيده راد امراده
دنك اعليه ويحبه...........سانيه اتمر عاده
ملگه راعي البيت لهفه..لمهه كلها احفاده

شما تزود اهوايه
تخدم... المشايه
......... .....ياهلا ابزوارك
*******************************
كلشي ما يمنعنه عنك.. اي وحك العاشر
والله كل هذا تعبنه......دوسه من الحافر
شما نقدملك بعدنه.....تدري بينه الظاهر
منك انريد التفاته.......والله نكسر خاطر

والدموع اهوايه
تخدم المشايه
................ياهلا ابزوارك
*******************************
والكواكب كلها نزلت مشي تمشي بونه
زحل يتمشه وعطارد.. يم حضرته ادنه
والافلاك اشكد تحبك..بس مشي تتمنه
الله خالق بعد جنه ..حسين هوه الجنه

بالعشك درايه
تخدم المشايه
................ياهلا ابزوارك
******■■**********************
■تمت بعون الله تعالى
_____يوسف الفتلاوي

الناشر احمد الفاطمي

19 июля 2025 00:25

الا يااهل العالم ان جدي الحسين قتلوه عطشانا
""""""""""""""""""""""""""""""""""""""""""""""""""""""""""""""
حگهه دموع عيني ياخلگ حمره
على الذبحوه ضامي وماشرب گطره
على جدي الطحنو ضلوعه برفس عشره
عگب دوست ضلوعه داسن بنحره

وخوته على الوطيه غريب الغاضريه تركوه ظمأنا
……………………………………………………………… ..
يحگ لمصاب جدي من ينوح عيون
الجره على حسين ريته بيه صاير كون
ياهو لعدل جان ورگبته يگطعون
ثنعش طبره على ذاك المنحر يطبرون

يعالم وعلى ضهره نگطع جدي انه نحره وسدوه كثبانا
…………………………………………………………………… ..
رد بسرج خالي المهر لخيامه
الظليمه يصيح طاح الدين وسلامه
يخت حسين اخيج طحنو اعضامه
وذر فوگ الرمل من نحره لجدامه

الظليمه والظليمه حبيب الله حريمه طحنته عدوانا
………………………………………………………………… ..
انه المهدي انه لجروحه ملجومه
يهل عالم الروح لجدي مهمومه
لحزن جدي لينوح الروح مالومه
فوگ جروحه ليش مسلبه هدومه

جدي شلون عاري تلاثه على الصحاري جعلوه عريانا
… ..................................................................
جروحي لجدي انه بكل وكت خضره
صدره شلون ماينعرف من ظهره
وليش بصدره سوو بالرفس حفره
گطعو خنصره بياذنب للشذره

لگطع شنو ليريده لشذر لوخنصر ايده اي غالن كانا
………………………………………………… .……… .…… .
راسه على الرمح ولجسم عل تربان
وفوگ الذبح يسرو اهله والنسوان
ويطب هل راس وي زينب بكل ديوان
هذه بثغره يلعب ذاك يظحك جان

بطشت لو رمح راسه وسافه على القداسه شماتها مروانا
…… ……………………………………………… .
خادمكم قاسم المالكي

الناشر احمد الفاطمي

16 июля 2025 01:12

يابو فاضل روحي هامت  وارد اسولفلك غزل
وجهك امحلي الجمال  ونورك الصاطع كمل
لو سمع صوتك يكافل  يطرب ويدوي النحل

يابو فاضل بس سؤال .. شني كل هاذا الجمال
نورك امغطي الوسيعه  وتحلا اكثر بالزعل

مجنونك   والعشگ فطري من المهد
مجنونك    وارد احبك اكثر بعد
مجنونك    يالصرت الخيامك وتدد
يابوفاضل   يابوفاضل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
سيدي بياكعبه طلگت  بت حُزَام وجابتك
الله شاهد لو زليخه  اتفر وجها اوشافتك
يوسف تخلي وراها  وتبقه تشبگ جربتك

والله موتگطعلك ايد .. ينگطع حبل الوريد
يا بوفاضل ماتسجنك  تنصطر من هيبتك

قدسيتك    يسجد الها البر والبحر
قدسيتك     ورث  من حيدر للقمر
حنيتك      يابو فاضل مثل المطر
يابوفاضل   يابوفاضل
،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياقمر خيمة خواتك  كلشي بالطف ابأديك
للنهر لو شلته جفك  يرفع اجروفه ويجيك
الله من گد مايحبك  نوره كله نذب عليك

لونك الزينب مزار .. ومنك ايغار النهار
والله حگه حسين اخيك هيج ضلت روحه بيك

حبيتك   واليحب ينجن بالعشگ
حبيتك  كلشي جذبه وانته الصدگ
مولانا   امن اذكر اسمك غيره احترگ
يابوفاضل   يابوفاضل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يالجمالك سر الاهي  صاطع وميحده حد
اتعلقت بيك الشريعه  ومنك اتريد المدد
الماي محتاجك اكيد   وانته مامحتاجه ابد

النهر صاحالك تعال  ..  وانته مادايرله بال
ياخو زينب ماكو منك  وانته منك ماكو ابد

الساقي   ماكو مثل اوصافك تره
الساقي   اتعلقت بيك الگنطره
يل نوره   للثريه  ايضوي الثره
يابوفاضل   يابوفاضل
العبد ابوفايز الرافضي

الناشر احمد الفاطمي

15 июля 2025 14:32

وحيد لخيماته.....رد بحسراته
وزينب من شافت وإليها صاحت لاوين .
جاوب يحسين
يبن امي جاي تودعني بدموع العين .
جاوب يحسين
.............................................
للخيم الي گاصد للخيم
ياألم بدء بگلبي ياألم
بداعتي تجاوبني
منهو الي وتفارگني
والعلم على الشاطي والعلم

وحيد ومابگالك حيل عضيدك ليش ماجبته
موهين لعد عباس ولاهين عليك انته
يعوفك وحدك بالگوم بغربه وموته طايفته
جاوب خاطري المكسور عليك بداعت الشفته

شيشبع روحي وداعك يجروحي
ياهو البخيامك وتفزعه بس نساوين
جاوب يحسين
يبن امي جاي تودعني بدموع العين
جاوب يحسين
.........................................
منكسر يخي ظهرك منكسر
منعصر مثل گلبي منعصر
بياجرح تحاجيني
وبغرب تخليني
وعالمهر تناشدني عالمهر

ياهو يجيب ميموني وتصد عيونك بعيني
گتلك ناوي عالفرگه يضي عيناي يحسيني
شگول عليه ظهر عاشور يارجواي حاجيني
مهرك جبته ووداعك حال البينك وبيني

اختك جابته وگلبك عاتبته
ياهي الجابت موت الوالي وبجفهه البين
جاوب يحسين
يبن امي جاي تودعني بدموع العين
جاوب يحسين
.........................................
من حچه بدمع عينه من حچه
ونتچه بظهر مهره ونتچه
بلا اخو بگه عنده
بس مهر بگه يسنده
رد بچه ونده يختي رد بچه

يزينب ياضوه عيوني جدم موادعج ثاكل
بهيده اوياي بوداعج موتي بلاسهم واصل
يبت امي شلي بدنياي ومنها راح ابو فاضل
بغير الصبر ماوصيج لسولفته الج حاصل

بخدرج وايتامي والباري الحامي
صاحت يالرايح للحومه عند اختك دين
جاوب يحسين
يبن امي جاي تودعني بدموع العين
جاوب يحسين
.....................................
عشرتك شنسيني عشرتك
وداعتك الك فدوه وداعتك
رويحتي يبعد اختك
عل أجل بعد وكتك
بشيمتك عشت عمري بشيمتك

عمت عيناي ياخوية خل احجيلك اعله الدين
عندي اوصيه من امي لمن نزل بيها البين
بظهر عاشور يازينب لوشفتي العده صوبين
وصيتي قبلي صدره وشميلي نحر الحسين

صدره يطحنونه ورأسه يگطعونه
ولايبگالج بالطف والي كلها مطاعين
جاوب يحسين
يبن امي جاي تودعني بدموع العين
جاوب يحسين
.........................................
بروحته شتصير أخته بروحته
تانته بطه عليها وتانته
من الخيم عالتل وگفت
نادته العده گربت
غيرته تعرف بيها غيرته

لوبعدك عدل يحسين وتسمع ندهتي شبيهه
جاوبني يروح اختك تريد اختك تحاجيهه
لخيامك خيول اعداك گربت لحگ عليهه
واذا روحك مشت خوية أمرنا بيد باريهه

ياحيله الرايح شمايوگف طايح
گربت من صاحت يبن امي العسكر صوبين
جاوب يحسين
يبن امي جاي تودعني بدموع العين
جاوب يحسين
.........................................
وبنده گصدوني انه وبنده
من العده الشمر جاله من العده
مكتفه بكثر جرحه من الظهر بده بذبحه
ولحده عسن شافه ولحده

ياهو يروح للعباس ويرجعله جفينه
ويردله الشوف بعيونه ويخبره حال ابوسكينه
ينام شلون عالشاطي وشمر صاعد على حسينه
وزينب حايره تنادي العسكر گربت لينه

رد مهره لزينب صدتله وتنحب
مهرك وعيالك وهمومي حرت بنارين
جاوب يحسين
يبن امي جاي تودعني بدموع العين
جاوب يحسين
........................................
خادمكم قاسم المالكي

الناشر احمد الفاطمي

15 июля 2025 11:39

▪️▪️▪️▪️▪️
احسين شفته انگطع نحره
او هم شفت عمّاتك اسره
خلصت اسنينك ابكسره
تذكر امصاب الحُسين
▪️▪️▪️▪️▪️
سيّدي الله اليعينك 
بالدمع تمّت سنينك
كربله زيدت ونينك 
خلّتك دومك حزين
▪️▪️▪️▪️▪️
ما شفت راحه ابحياتك 
سيّدي اللحظة مماتك
بس مصارع ذكرياتك 
والأهل متوسّدين
▪️▪️▪️▪️▪️
عاشت اللوعه ابمهجتك 
تهِد كل الحيل ونتك
صلّت امن اجلوس عمتك 
باوعتها يالحنين
▪️▪️▪️▪️▪️
صرت من العلّه ناحل
وانسبيت ابگلُب ذابل
انته والنسوه الثواكل 
عالهزل متگيّدين
▪️▪️▪️▪️▪️
ابناظرك شفت ابو اليمّه 
باقي فوگ الگاع جسمه
اتعبِت من جِيته تلمّه 
ابخيل عظمه طاحنين
▪️▪️▪️▪️▪️
يهد كل الحيل وضعك 
ذكريات الطف تفجعك
اتخلطه ويّ الماي دمعك 
او تبدي زادك بالونين
▪️▪️▪️▪️▪️
ابو الحسن الوائلي

الناشر احمد الفاطمي

19 июля 2025 07:58

#تراث

جابر يجابر مادريت بكربله شصار
من شبوا النار
والحرم شاطت للمعاره تريد اهاليها
ــــــــــــــــــــــــــــــــــــــ
ماتساعدني يجابر على مصاب اللي دهاني
وتنظر لسهم الشماته شلون صك عيني وعماني
وانظر الگوس المگدر چم سهم ماضي رماني

وآنه على فراش الولم
 كل ساعه وانصاب بسهم
الله من صواب الحرم
مثل سبيتها سباني

جابر يجابر والدهر ماانصف وجار
من شبوا النار
ونار اليوجرها الدهر گلي شيطفيها
ــــــــــــــــــــــــــــــــــــــ
كربله ثگلت عويل الحرم وتثگل عويلك
وشفرت الگطعت دليلي بيها يتگطع دليلي
والمصاب الهدم حيلي ينهدم من صبره حيلي

طيحة علمنه على النهر
كسرت من حسين الظهر
لو  ردت توضيح الخبر
إنشد الشاطي يحچيلك

جابر يجابر من علمنه على النهر طاح
ذاك الخدر راح
والحرم حست باليسر وبـفگد واليها
ــــــــــــــــــــــــــــــــــــــ
حين طاح العلم من اللي گطعوا يساره ويمينه
اهجس بعيني تفرس سهم التفرس بعينه
ناس تنهب ناس تحرگ غدت وشلون

والله يجابر ما ثبت
 هيچي مصيبه ولا جرت
ما  تدري بالگوم شگضت
حرگوا خيمنه علينه

جابر شسولف لك تراني تمرد حشاي
حن وإنحب وياي
ولا تنسى غربة زينب وحنها وبچيها
ــــــــــــــــــــــــــــــــــــــ
والحرگ چبدي ومردني وخله بيه النار تسعر
من عَلي ردت عمامي من المعاره بجسم الاكبر
سابح بدم الشهاده وبمعانيها تعفر

ومن لفت ليلى تودعه
وشافت ولدها ومصرعه
سباح گلبي تگطعه
من تصيح الله وأكبر

جابر يجابر ما تساعدني على النوح
وتضمد جروح
ليلى  الغريبه  الفاجده الأكبر نواسيها
ــــــــــــــــــــــــــــــــــــــ
والطوه ضلوعي وحناها فگد عريس الهواشم
وعلگت روحي بوريدي آه يحسرة عرس جاسم
زفته طيور الشهاده وحنته دموم المچارم

ورمله لولدها  شافته
 متخضب بدم رگبته
مبارك يجاسم نادته
وافجعت گلب الفواطم

خل عينك وعيني يجابر تهمل دموم
 خلينه هاليوم
إيدي وإيدك من دمى جاسم نحنيها
ــــــــــــــــــــــــــــــــــــــ
شاهدت للطفل حاله وظل عليها الجفن دامي
يرفس برجليه وإيده مطوگ بسهم المرامي
افغرت من العطش روحه ومات بيد حسين ضامي

صوّب دليلي حرمله
 للطفل عطشان إچتله
وعيوني ظلت هامله
وأثر بچبدي ضرامي

مالوم چبدي وكربله علة المالوم
 حرمتني النوم
احا يانبلة حرمله گلبي إنگطع بيها
ــــــــــــــــــــــــــــــــــــــ
على فراش الولم مرمي والنوايب يجلبني
لاچن بشوفة حسين تهيد روحي ويخف وني
ساعه لن سهم المثلث صاب ابويه وگطع ضني

الله وصواب الحجر
 چتفني بحبال الدهر
للجامعه بچيدي أثر
والسلاسل مرمرني

من گال زينب تنسبي وتوگف بديوان
من الدهر خان
للكوفه والشامات عگب الخدر سابيها


الشاعر المرحوم كاظم منظور الكربلائي

#اللهم_عجل_لوليك_الفرج

الناشر احمد الفاطمي

19 июля 2025 07:58

#تراث


آه لمـصـابك يـــزين أعــبادهــــا
زلزل العـالم وسـبع أشــدادها
ــــــــــــــــــــــــــــــــــــــ
تضـرب الوادم ابیعـگـوب المثل
شاب راسه وانحنه ظهره اونحل
ومن كثر ما ينحب اودمعه همل
بيضت اعيـونه اوزال اسـوادهــــا
ــــــــــــــــــــــــــــــــــــــ
اشراح منه اشذهب گلولي اشفگد
صـــار بي ما صــــــار دلاله انمرد
گالــو من اولاده الـعشــره ولد
باعته الدنيه على اولادها
ــــــــــــــــــــــــــــــــــــــ
ومطلع یعگــوبها اوعنــده خبر
عــدل يوسف ما عليه مر الخطر
وعشـــره عنده وما الواحد بالعشر
لو غــــده عنها يخـــل بعدادها
ــــــــــــــــــــــــــــــــــــــ
اشجاب یعگــوب النحيبه والونين
ما يجــادي سگم زیـن العــابــدين
يوم واحـــد اخــذمن خيمته البين
سلف والخيمه هــوت لعمادها
ــــــــــــــــــــــــــــــــــــــ
سبعطعش شاب من اخوته والعمام
بين شمس و چـوچــب وچـالبــدر تام
هــوت لاچــن عالسيوف وعالسهام
والتراب امسه يويلي وسادها
ــــــــــــــــــــــــــــــــــــــ
یشــوف شبان اهل بيته والشبول
چالضحايه امطرحه فـوگ الرمول
آه يا ويلي وعلـي اجثثها الخيــول
تلكد وامسـه عليها اطــرادها
ــــــــــــــــــــــــــــــــــــــ
يشوف ابوه احسين من عنده الجسم
بالمــواضي الگـــوم داعيته خذم
ما عليه كفارها خـلـت هدم
آه من شر العــده اوفسادها
ــــــــــــــــــــــــــــــــــــــ
ايشوف روس اهله على روس السمر
حاملتها اعــلــوج سفیان الكفر
ابراس ابو أمسه خــولــه يفتخر
عـد يزيد الرجـس وبن ازیادها
ــــــــــــــــــــــــــــــــــــــ
ایشوف عماته اوخواته امسلبه
وهنــد وسميّه ابملكها امحجبه
وجسم ابوه الخــامس من اهل العبه
اعله الثره اوراسه على ميادها
ــــــــــــــــــــــــــــــــــــــ
وچـم رضیع ایشوف يلعو اویضطرب
والعطش بحشــاه نيرانه تشب
جف حليب امه اوغده ابچيده ايحلب
سهم نمرود اوثمود اوعادها
ــــــــــــــــــــــــــــــــــــــ
وچم رضيعـه ما يفارجها السدر
وهيه متفــارج ثدايه امها التدر
لاچن امها ابكــتر والبت ابكتر
والثنين الخوف ذاب اچبادها
ــــــــــــــــــــــــــــــــــــــ
يبن من ابسيف ابـــوه الله نعبد
ونشكــــر ما زال سعيه ونحمد
جـــاوزت ياسيـدي ابحـزنك الحد حيث
حــــزنك للانــــذال اعيادها
ــــــــــــــــــــــــــــــــــــــ
مايبو محمد وياشبــل الحسين
نفســك تسكّن بچاها والونين
منهو منكم سطه اعلـه افراشه البين
سره السيف اشخاصكـم من عادها
ــــــــــــــــــــــــــــــــــــــ
ماسمعنه الكـم مشيب ولا كهل
عالوسايد مـات بمــراض العلل
انفوسكــم طيبه و عادتها الچتل
حيث لن نلتوا الشهاده امرادها
ــــــــــــــــــــــــــــــــــــــ
سيدي ما دونك الســـان الحزن
صــاح واخرس وگطع لوم اللسن
الجتــل میراث من والد لابن
استارثنه ارواح من اجـدادها
ــــــــــــــــــــــــــــــــــــــ
والچتـل للزلم بحــدود السيوف
فخر عز وشــرف بي ذل ماتشوف
لاچن احچيلي گبـل يوم الطفوف
بالحـــروب الماضيه وطــرادها

الشاعر المرحوم عبود غفلة

#اللهم_عجل_لوليك_الفرج

الناشر احمد الفاطمي

19 июля 2025 07:35

(نـــــزله )
خــادم صـــوتي اعتــله
مخــلوق من كربلـــه
وحسين ما ابــدله
أمــــامـــي .... أمــــامـــي
=====@@@======
حسين عاش ابنص ضميري هوه راحة بالي
والله ما اعوفه وابدله منيتي وامالي
انه خادم وابخدمتي يا الف هنيالي
راسي عالي بالحُسين اويبقه راسي عالي
عنده اعظم منزله
غيره والمرجله
وحسين ما ابدله
أمــــامـــي أمــــامـــي
=======@@@=======
انه خادم للحُسين اوخادم لخدامه
الگه روحي بالمجالس ما اعوف ايامه
ما ادنگ وبحبيبي ابقه رافع هامه
روحي اترف لحضرته من ترف اعلامه
دوم انه اتأمله
انخاه بكل مُعُضله
وحسين ما ابدله
أمـــامـــي أمــامــي
========@@@=======
شرف هاي الخدمه اليه اوهيه الي عنواني
هذا خيري من الحُسين اوهوه كلشي انطاني
گلبي يهتف دوم بسمه گبل هذا الساني
انه ما انسه امامي اوهوه ماينساني
أمشــي واگصد أله
ادعي واتوسله
وحسين ما ابدله
أمــــامـــي أمــــامـــي
========@@@========
خادم لخدام امامي والخدمهم عونه
وانه اتشرف ابوس تراب اليدوسونه
أسمي اتسجله الزچيه وابسجلهه كونه
والي ترضه اعليه الزهره خدمته مضمونه
بحبه گلبي انمله
بذچره همي انجله
وحسين ما ابدله
أمـــامــي أمــــامــي
========@@@========
امنتي للموت انه اخدمه اوهاي كل امنيتي
حسين رباني ابخدمته واحسن بتربيتي
هواي لوعني زمان اوبي ترد عافيتي
اشما ارخص روحي لجله اكبر بشخصيتي
المعشر وياه حِله
شخصيتي امكمله
وحسين ما ابدله
أمـــامـــي أمـــامـــي
========@@@=======
لو دفنتوني اومشيتو عني ها ياخوتي
حسين يانسني ابوحشتي بالگبر وابموتي
ومن يسألوني اجاوب خادم بكل صوتي
قوت ماعندي اوخدمتي اهناك ربحي اوقوتي
اجوابي اعله المسأله
الخدمه اوهاي الصله
وحسين ما ابدله
أمـــامــــي أمـــامــي


للشاعر
ابوعبدالله الشمري

الناشر احمد الفاطمي

19 июля 2025 07:35

من هجمو علينه اصغار واكبار
صار ابسوكَـهم ينباع الأحجار
□□□■■■□□□■■■□□□■■■□□□
١=
خويه اوداعتك من طبت الشام
نار بكَـلبي تسعر جنهه الاخيام
ما واحد رعاني وراعه الايتام
كلهم حاربوني بذيج الايام
 
اجيتك .... ياروح الزجيه
اجيتك .... كلشي اينوح بيه
اجيتك .... مو زينب سبيه
 
ليالي العز مشن من صرت طشار
صار ابسوكَـهم ينباع الأحجار
٢==
□□□■■■□□□■■■□□□
ساعت ما وصلنه الشام يحسين
تلكَـونه بالحجار الملاعين
وكلهه اتصيح صوت اسبوهه مرتين
هاي اخت الكَـطيعه اجفوفه الاثنين
 
يخويه ...  والشماته كثره
يخويه ... عشره اكَـبال عشره
يخويه ... والمنحر انظره
 
اعله رمحه ايصب دمه فاير مثل نار
صار ابسوكَـهم ينباع الأحجار
 
 
٣===
.□□□■■■□□□■■■□□□
اباب الساعه وكَـفونه احنه ساعات
ابهذاك الحر الي ايبجي السماوات
بحيث الشافنه يحسبنه أموات
وكل طفله بجت تتعاله ضحكات
 
شَكَـلك ... عن ذيج الليالي
شَكَـلك  ... ما راعو دلالي
شَكَـلك .... يالشوفك حلالي
 
كون اكَـبالي اشوفك ساعة اندار
صار ابسوكَـهم ينباع الأحجار
 
 
٤====
□□□■■■□□□■■■□□□
الشام امزينه الكَـيناه بزهور
محتفله ابذبحتك يوم عاشور
تتراكَـص على اجروحك يمنحور
ماهمهه دليلي اعليك مكسور
 
بالطبول ... خويه استقبلوني
بالطبول ... دكَـو ما رعوني
بالطبول ... يبن ابن امي سبوني
 
اضن وصلت الك ياخويه الاخبار
صار ابسوكَـهم ينباع الأحجار
 
 
٥====
□□□□■■■■□□□□■■■■□□□
وبأخر محطات السبي السوكَـ
إله طبيت وانه الكَـلب محروكَـ
زينب هاي كلهه اتصيح الحلوكَـ
جابوهه أسيره بهزل النوكَـ
 
أسيره ... جبناهه الأميره
أسيره ....أخت بدر العشيره
أسيره .... كلمه اشكَـد جبيره
 
وما سولفلك ابمجلسهم الصار
صار ابسوكَـهم ينباع الأحجار
===========================
✍️🏻 كلمات // موسى_الخادم ٢٠٢٥

الناشر احمد الفاطمي

19 июля 2025 07:35

مشت للشام مو برضاها كَوه
وعلى التربان عافتهه الاخوه
الله اشمصيبه
زينب يا غريبه

....1....
مشوهه بحبل مجتوفه زينب
وتتراكض وراهه ايتام تنحب
احتارت حيره ما منهه والأصعب
حيرت زينب بشوفت رقية
...2...
وحيده ابلا أهل وبلا كَرابه
مشت واخوتهه ظلت عالترابه
مكسوره اطلعت بنت النجابه
تصد العين للبيهم حمية

...3...
الهضيمه عالهزل زينب خذوهه
بعد ما ماكطَّعو جفين اخوهه
كلام اليجرح اشكد سمعوهه
غير الخارجية والسبية
...4...
الجانت عد  علي مثل الاميره
اليوم ابشام امية امست أسيره
اباب الساعه وكفوهه الجبيره
على العباس واعله حسين اخيه
...5...
طول الدرب زينب تجري دمعه
عل بالخيل طحنو طحن ظلعه
ثلث تيام ظل جسمه اعله وضعه
ابحر ذيج الشمس بالغاضرية


.....6....
لعند ايزيد دخلوهه الملاعين
وجابو راس كافلهه والحسين
زينب وينهه اوين الدواوين
صاح العرش بوجوه ال امية
.....

تمت

كلمات
موسى الخادم

الناشر احمد الفاطمي

19 июля 2025 07:34

شفت رؤيه  الخيل من تسحك عليك
رايحه وجايه اعله  صدرك واعله  اديك
وزينب على  التل من شفتها
واكفه ابلا طول ما تكدر تجيك

.....1....
وكأني بعالم الطف ... واكف اكبالك بلا جف
وانت طايح عالوطية ... للخيم ما بيك تزحف

جاري دمك من جبينك ... كوه تفتح لية عينك
والرمح جاثي اعله صدرك .. والسهم كاطع ونينك

وحدك ابلا ناصر  ابين الالوف
جسمك مكطع بالرماح وسيوف
جروحك صعب واحد يعدها
اجروحك اكثر من الف تحجي الطفوف



......2.....
كلشي برسومك تغيّر ... ذابل امن اضماك والحر
مو نفس صوره الي عندي.. وجهك اهنا صاير اصفر
صافن وشمر اعتنالك ... وانت فكرك يم عيالك
على نحرك سيفه شفته ...مارحم يالغالي حالك

من كَفه حز منحرك  يابو الرضيع
وشال راسك وانت عالغبره صريع
عطشان اخر ما كلتها
منظرك بجه الصخر منظر فضيع
...3...
حاوطوك ابكل حقدهم ... جن فريسه انت عدهم
هذا راسه ايكول الية ...  وذاكه ما بطل نشدهم
وين سيف حسين اريده ... ارد اكطع بي وريده
محبس الخنصر اليه ...  اخته مو يمه بعيده

اكبالي من كلشي اعله جسمك سلبوه
حتى ذاك الخاتم البيدك خذوه
يل ما كَفاهم حز ركَبتك
ردو اردود اعله طولك كطعوه
.....4......
ساعه والخيل اعتننك ... من هدومك جردنك
من كثر ما بيك رفسن ... بعيد عن زينب خذنك
اقترب ليك وتردني ... خيل اميه دوهنتني
بحلمي ما املك جفوفي ... هي هاي الالمتني

جفوف ماعندي الاهد بيها حُسين
بالحلم جني بلا يسره ويمين
ابجي الك بس خلصتها
روحي وي روحك خذتها يالحنين
....5....
روحي راحت للمخيم ... شافت الدخان ملتم
شافت النيران وصلت ... خيمه السجاد تلهم
وزينب ابحاله رهيبه .... محيّره العظم المصيبه
مدري تطفي النار بيهه ... مدري برقيه الحبيبه

النار مشتغله بعبايتهه و تصيح
خايفه الخيمه اعله ابو الباقر تطيح
لو تحترك ما همهه هيه
همهه جانت عيلت حسين الذبيح
....6....

هذا كله بلحضه شفته ... مقتلك هسه عرفته
السولفت بي زينب اختك ... صورة صوت انه حفظته
فرهدوك أبلايه رحمه ... ماكو مثلك جاري دمه
عالرمح راسك يغالي .. وجسمك امطشرين لحمه

اموزع اعله الكاع من كل الجهات
كلشي ما ظل بيك سالم عالفرات
يل لحيتك بالدم خضيبه
هيجي شفتك يا شهيد التضحيات


....

تمت

كلمات
موسى الخادم

الناشر احمد الفاطمي

19 июля 2025 07:34

شالو عالرمح راسه
والدم كاطع انفاسه
مسلوب الجسد عاري
وحافرهم غدر داسه
....1...
عمت عيني هواي تعبان ... مو مثل شكله الصبح
وين جان وصار الحسين ... غير ارسومه الذبح
من بعد ما سحكته الخيل ... راسه شالو عالرمح
وفوك كل طعنات السيوف ... الحافر ابصدره يلح

بيهه اشعملت الوادم
ما خلت ظلع سالم
بالخيل اسحكت صدرة
وهوه اعله الترب نايم

....2....
شرد اسولف عن الحسين ... كل الاسوالف قهر
من بعيد واسمع الصوت ... جم عظم منه انكسر
اخ يايمه يزهراء .... لو تشوفين الظهر
عالصدر عاينته مطبوك ... والنحر دامي النحر

مطبور ١٢ طبره
والسيف اثلم بنحره
هذا الشفته بعيوني
وردتج يمي يا زهره

....3...
على التل وكفتني الارياح ... حيل مابية بعد
الشمر يذبح بالحسين ... عاينته من بُعد
شال راسه وشال وياه ... كلبي البذبحه انمرد
كلشي بيه يم الحسين ... راح يم راسه كعد

عطشان انذبح يُمه
والماي العذب يِمه
يبست شفته محبوبي
وروه العلكمي بدمه

...4....
يمه ظل حسين مطروح .... عالترب محد اله
صرت اعد لليل ساعات ... حتى اروح المقتله
اطلعتله ابآخر الليل .... وشفت دمه امغسله
امطشر اعله الكاع مذبوح ... لحمه تارس كربله

منظر مو سهل وصفه
رجله مكطعه وجفه
والحافر وسط صدره
نابت والرمح صفه

....5....
الحجيته كله الج هاذ . .. يمه مو كل الحجي
خاف اكلج جابو النوك ... واكثر يصير البجي
هزله وبلاية محاميل .... حيره او ردت انتجي
بالحــبال أمكـــيديـنه .. وجيّت اخواني ارتجي

يا يمه السبي هدني
بسياطه يطك متني
وذباح اخوتي اكبالي
هايه الهيه هضمتني
......
كلمات
موسى الخادم

الناشر احمد الفاطمي

19 июля 2025 06:18

قصيدة ( جرح كربلاء ) موالي يسأل الامام السجاد عليه السلام عن اي الجروح أكبر وأعظم



يـا جـرح مـن كـربلاء    
دايـم اعليــه البكــاء
جرح السبي  جرح الذبح  
خبـرني عـن اكبر جــرح    يا أمــامــي  

****

بيش ابدي الجـــروح ويــاك
          ابــدي بجــرح أبو اليمه
ريحــانــــــة محـمــد لــــيش
         الخيــل تـهشــم بجــسمه
انشــدك مــن گصدته بنــوح
         وگمــت بـﭼفــوفـك تلمه
وصل صار اعلى كبر الگاع
           حتــى بالهــوه تشــمّــه
مغسل بفيض الدماء      
جسمه تارس كــربلاء
مولاي احس صعب الشرح
خبرنـــي عــن اكبر جــرح     يــا امــامــي

****

جــرح عبدالله ضني ازغير
        بــس  بگلبـــك  شكبــره
ضامـي وراد گطــرت مـاي
      الفرات يشح عليـه گطـره
الاصعــب بيد أبـوه حسـين 
      نگطــع يا للأسـف نحـره
وگـــف ووليــده بـﭼفوفــه
        حيــل  اتَحـيّــر  بــأمــره
لــو يــرده لخيمــته     
وامــه لو جتْ نظرته
وتشوفه ظل دمه يسح  
خبرني عن اكبر جـرح       يــا امــامــي    

****  

جـرح ينـزف الم وفــراگ
      مـن عنـده الدليـل احتــام
يوضــي عينــك بـدمعـات
       جــرح ابن الحسن جسـام
الينــزف گلبـه لا هيهـات
      ﭽـفنه مــن الجـروح ينـام
جروحـك كـربلاء حسـين
      مــا يهــدن  ونـيـن ايتــام
الفگِد ريحه من الحسن     
مــا يمِر جفنه الـوسن
بصدره الهوه حگه يشح    
خبـرني عــن اكبر جـرح       يــا امــامي    

****

مـن علتـك تـوّن ضنـهم
       وتهــل يـا سيـدي المـدمع
لنفسـك انتــه مـا ونيـت
       تــونْ من ساعة المصرع
حــرت هــذا علي الأكبر
       لــو طـاهــا الــذي اتگطـع
مثل حسين اظن جسمه
       شبيـه الـهــادي اتــــوزع
الجرحه اخوه اوالده     
ما سكن مره وهده
صار الحزن قبله و صرح
خبرنـــي عن اكبر جـرح       يــا امــامي    

**** 

جرح مثل الكسر والمـوت   
       ولا يتـوصــف بجـرحـيـن 
مثــل حــرگ الخـيّم بالنـار
      لجــله دم تسـيــل العـيـن
لمّــن شـاهــدت عـالمــاي
      جــوده ورايـه والـﭽـفـين
جرح صاب الگلب نشـاب
       يشبـه حيل جـرح حسين
يا جــرح ما يلتئم      
منــه گلبك ينلـﭽم
جرحك معاشر بس ملح  
خبرني عــن اكبر جرح     أمــامـــي

**** 

جــرح سبـي العقيلـه المـوت
        اشد هذا الجــرح واكلــف
دمّــك ينشــف مــنْ  الـصــار
          ودمــع عينـك فـلا ينشف
الشرف كله اعلى هزل حيف
         اسف مربوطه چف لـچف 
الظلـها الـچـان مــا ينشــاف
           بديــوان الــدعّــي توگـف
ضجت أمــلاك السماء     
لجــرح گلــب الأنبـياء  
جــرح السبــي فـــاق الذبح
خبرنــي عــن اكبـر جــرح      يــا امــامــي

****
الشاعر
موسى البديري

الناشر احمد الفاطمي

19 июля 2025 03:56

يالعباس يبن الما يهاب الموت
هذا الصوت ياخويه استمع هالصوت

صوت الخيل والعكسر دنت لينه
انت الحيد كوم تعاين اعلينه
يا دهدار عالت هالكفر بينه
رد الخيل وانت البلحرب منعوت

يا مغوار يلي البلحرب صيتك
شوف الكوم ياخويه عتنت بيتك
يالمشهود يومك بالحرب ريتك
يبن منجي يونس من بطنها الحوت

عفيه اعليك يبن الما يطخ راسه
يموت الجيش كله بجرة انفاسه
زلزل كربله وكل جيشها بساسه
يامرهب جمعها وزمرة الطاغوت

موت الموت يلي بالحرب عيدك
كلها تصير موته بسطرتك وايدك
حيدر بالحرب تتفنن ايريدك
يادر يا غضنفر مرهب وياقوت

يا ساطر زلمها بعية المفزاع
يا عاگر لسنها بساعة المگطاع
يا موگر عليها مزلزل انت الگاع
يسد يا طود يازلمه اليريد يفوت
ل اسعد الناصري

الناشر احمد الفاطمي

19 июля 2025 03:54

استشهاد الامام السجاد ع

ياهو بيهن نازف اكثر
جرحي لو جرحك يالاكبر
طعنت خناجر كربله
لو من جروح السنسله
++++++++++
خلصت وجيتك يالاكبر حالت المهضوم حالي
من إخوتي اليبچي فوگي ويحني ظهره ما بقالي
تقره بعيوني سوالف عن سهر ذيچ الاليالي
صح متت راسي اعله جسمي امن الخناجر جسمي خالي

يختلف قتلي بقضيه
اني مذبوح امن اديه
امن الخيمه ابدي المسأله
لو من جروح السنسله
++++++++++
تذكر الخيمه يلاكبر بيها اجيت او ودعتني
بالمرض ثگلانه جدمي ونار اجتني حاوطتني
صارت العوچيه جمره والزمت بيها چوتني
وبين دخان المخيم عمتي تسحبني اجتني

هيه تسحبني بأديها
والسياط اتدگ عليها
من سوطه عمتي مايله
لو من جروح السنسله
++++++++
ما اقارن انته تحكم ياهو بينه الجرحه اكبر
انته روحك مره طلعت وجسمك بساعه توذر
لو الف سيف اعله نحري او لا حبل بچفوفي وانجر
آه يا صوت اليصيحه ابوجهي من اجدامي تعثر

زلمه مو سهله وتشوفه
اخته واحبال بچفوفه
تبچي اعله حاله العايله
لو من جروح السنسله
++++++++++
عن رمح خاصرتك ابلغ لو الم حچي الشماته
اشينزف امن اعروگه گلي التنضرب يمّه خواته
آه ماصاحن عليه حال اخوهـن عاذراته
امضيّگين ابگيده عنقي اتجرحه ابسط التفاته

مادرت عيني عليهن
ساكت واسمع بچيهن
يكتل سبي لمدلـله
لو من جروح السنسله
++++++++++
الشام آه الشام بيها ابگلبي چن محترگه خيمه
بكل نفس تطلع واردها روحي من گد الهظيمه
ديره ديره ايدخلونه وبالحجر صابو يتيمه
واسمع ايصيحوني هذا عايش السلبوا حريمه

يا الم چلمه الحچوها
بيها روحي گطعوها
الكم دموعي الهامله
لو من جروح السنسله
++++++++++
اسنيني والفتره وراكم غربه يا خويه العشتها
الدمعه لحسين ومصابه ليله ابد مافارگتها
من اجت ساعة وفاتي الكربله اعيوني درتها
خويه يالاكبر چفوفك تحمل بنعشي ردتها

هسه اجيت واني يمك
ضمني ياخويه واضمك
كل همي چلمة يا هله
لو من جروح السنسله

ثائر الربيعي

الناشر احمد الفاطمي

19 июля 2025 00:35

جلبت روحي ابردائك
ما اريد اترك عزائك
خاف احب غيرك وخونك
واشرك بخيمت عطائك

انته روحي وكلشي بيه
لو ضعت تعطف عليه
ياحُسين اقبل دمعتي
ابداعت ابنيتك رقيه

جذبتني الخيم مولاي ودلتني ابطريق الحب
سهله اطلع امثالي يمطلع نبي امن الجب

روحي الك واتوسلك خليني اون عليك
يابو العمر ما استقر لو تيهتني اديك
انته السند واكثر بعد يالغالي روحي بيك
ياباعبدالله ياباعبدالله
،،،،،،،،،،،،،،،،،،،،،،،،،،،،،،،،،،،،،،،
مذنب اوجيت ابندامه
عمري ضيعته ابضلامه
شما تطير وتعله اكثر
العشها مرجعها الحمامه

كثرت اذنوبي واجيتك
ما ترد واحد الگيتك
احكم ابكيفك عليه
وداخل انه بضل ثنيتك

بس انته الصدگ مولاي حب هاي البشر جذبه
غيرك ياهو يستاهل يابن فاطمه انحبه

حبك صدگ يابوالعشگ يامنبع الحنان
ياخو الحسن وحشه الزمن وبخيامك الأمان
بنص خيمتك وبخدمتك رايد الي مجان
ياباعبدالله ياباعبدالله
،،،،،،،،،،،،،،،،،،،،،،،،،،،،،،،،،،،،،،،
دموعي كل هاي وقليله
قطره من حزن العليله
المابجت عينه الغربتك
هاذه يا غيره التشيله

صوت اليلوموني اسمعه
كافي تلطم كافي تنعه
شبرد اومحبوبي طايح
وباگو المحبس وصبعه

كلمن يلتهي ابحاله وبكيفه البشر يختار
خلوني التهي بحزني عالشابع طعن وحجار

عايش ألم نار الخيم ومراكض البنات
ابطف نينوه حته الهوه ضل يدفع الخوات
لو مالطم لو ماهضم ماتنفع الحيات
ياباعبدالله ياباعبدالله
،،،،،،،،،،،،،،،،،،،،،،،،،،،،،،،،،،،،،،،
ياحُسين الخدمه ديني
والبواجي امحليه عيني
بيتي مجلس بي خدمتك
وروحي ترتاح ابونيني

بموسم المشايه امشي
اترك اهلي وانسه كلشي
من اسد عيني واذكرك
يغفه التراب اعله رمشي

تستاهل اموت اعليك الطم وبجي مدمع حار
شمحلاته العمر اگضي امشي واخدم الزوار

هاذ الوعد يبقه ابد مايخلص النحيب
ليك التفت عني صرت ياخو الحسن قريب
كلك عطف ما تنرصف مولانا ياغريب
ياباعبدالله ياباعبدالله
العبد ابوفايز الرافضي

الناشر احمد الفاطمي

19 июля 2025 00:00

بجفوفه صعد عمته..... من موسى وارث عصته
.........
رغم المرض رغم الالم
إمن خوانه ما واحد سلم
لا أضله ابو ولا ضله عم
بعوجيته اخذ دور القلم
بعصاته دون كربله...... ويحامي بيها العايلة
من موسى وارث عصته
.........
نار الخيم تجوي الكلب
ودمعه اعله خوانه يصب
والموقف الكلش صعب
يمشي الضعن وي الغرب
يكدر يسوي المعجزة.... والجيش كله يبارزه
من موسى وارث عصته
........
لاكن الواجب يقتضي
تمشي بيسر بت النبي
اغبار العده بوكت السبي
ما يكدر يمس العبي
وهوه اليباري لعمته.... جنها المطهم ناكته
من موسى وارث عصته
........
من طبوا لذاك القصر
مدري الضهر مدري العصر
يمهم ختم ختم النصر
تعبان بس ما يختصر
سجل بطولة بخطبة..... بنصهم ورفت رايته
من موسى وارث عصته
.......

علي زياره الخفاجي

الناشر احمد الفاطمي

15 июля 2025 22:57

من  معبد ودير النصارى
شاف الذبيح الليله زاره

والراهب الشافه
متغيره  اوصافه....يرسم اجروح
*******************************
يطرح سؤال وينتظر  ينطي الإجابه
شاهد خصاله وهيبته  بأعظم مهابه
يقسم عليه طه النبي   وآله وكتابه
رايد يخبره عاالجره بدمه وخضابه

من  منحره  شاهد تكلم
ذاك الجبين اشگد تهشم

والذابله اشفافه
متغيره اوصافه.....يرسم اجروح
*******************************
شاهد ضياء من  السمه نازله والحور
نزلت  تخضب بالدمه  شيبتهه  وتزور
شافت  ذبيح  الغاضريه ابيوم عاشور
هذا المسيح ابدمعته شاهدهه البدور

موكب  نزل  من السموات
شيبة  محمد  كلها دمعات

ويعاين  الطافه
متغيره اوصافه ...يرسم اجروح
*******************************
شاهد  رزية   كربله   ويسولف   الراس
ديرة غرب امسى الغريب ابين هالناس
لسه الأثر بعيونه تارك جرح عباس
والراهب اتعجب منابع دمه قرطاس

منديله ماجف دم الحسين
وبليله يسمع صوت الونين

بآهاته وطيافه
متغيره اوصافه ....يرسم اجروح
*******************************
ينظر   غريب  الغاضريه  ابدمعة  العين
شاف اثنعش  طبره بجبينه راسم البين
متكسره اسنونه وسمع من عنده الونين
لسه الخضاب ايشاهد بشيبات الحسين

يرسم  جبينه امطبر الراس
لالا ترسمه بدمع الاحساس

وبگلبه  ما عافه
متغيره اوصافه ....يرسم اجروح
*******************************
لا ترسم  اشفافه العطش يبس لهاته
يقره الكهف وتوضحت  كعبة صفاته
فرض صلاه لمن يجي يحچيهه ذاته
ما ميت احسين وأبد نهجه  وحياته

كلما يرسمه  تطلع اجروح
نظرات چانت تاخذ الروح

بجروحه مارافه
متغيره اوصافه ...يرسم اجروح
*******************************
لا املك الا نفسي گال ابحسرته ينوح
لا تنحت ابنظراته كلها طعنه واجروح
الله  اليعينك عالصبر ما طلعت الروح
لمن  تشوف الفاجعه من دمه مسفوح

طر  الصباح  ودمعة  الآه
كل ونه چانت واحسيناه

خطاره لو ضافه
متغيره اوصافه...يرسم اجروح
*******************************
تمت بعون الله تعالى الشاعر___يوسف_الفتلاوي

الناشر احمد الفاطمي

15 июля 2025 12:02

‌▪️⁩‌▪️⁩‌▪️⁩‌▪️⁩‌▪️
چم مصيبه او معضله
عيشتني كربله
چم رزيّه .. چم رزيّه
‌▪️⁩‌▪️⁩‌▪️⁩‌▪️⁩‌▪️
آنه ابن الحُسين المنخطف لوني
مصيبه اشچم مصيبه شافت اعيوني
شفت اهلي ضحايه او حيل قهروني
وانه ابحيره تو عليل او هم يگيدوني

بالطفوف اشچم جرح
گلبي للهم ينفتح
يا أذيّه .. يا أذيّه
‌▪️⁩‌▪️⁩‌▪️⁩‌▪️⁩‌▪️
ابمصاب الطف احسّن گلبي يتكسّر
الصبر وي روحي يكبر والحزن يكبر
احتسب لله او روحي عالصبر تضطر
او ما گطعت اعيوني المدمع الاحمر

بالطفوف الفاجعه
ولله گلبي اتگطّعه
الغاضريّه .. الغاضريّه
‌▪️⁩‌▪️⁩‌▪️⁩‌▪️⁩‌▪️
شفت بالطف مصايب والكلب فاير
الصدر ديوان اشوفه وضيّف الحافر
الحافر من ابويه كل ضلع كاسر
وره هذا السحگ ضل جسمه متناثر

اصبر او زادي الصبر
گلبي بالطف منكسر
لوعه بيّه .. لوعه بيّه
‌▪️⁩‌▪️⁩‌▪️⁩‌▪️⁩‌▪️
ابوي المات ضامي ابحسرة الگطره
ابوي المِن گفاه منّه انگطع نحره
ابوي الكل ضلوع البيهْ متكسره
ابوي المنّه ما سلمت ولا وذره

والمصيبه المؤلمه
جسم ضنوة فاطمه
عالوطيّه .. عالوطيّه
‌▪️⁩‌▪️⁩‌▪️⁩‌▪️⁩‌▪️
رحت درب السبايا منشده بالي
واحزان الطفوف الغيّرن حالي
اتذكّر هلي او يبگه الدمع هالي
ادفنت بالغاضريه عندي چم غالي

او نگطع بدروب السبي
بيد اجانب ننسبي
صعبه هيّه .. صعبه هيّه
‌▪️⁩‌▪️⁩‌▪️⁩‌▪️⁩‌▪️
رزايه كربله طبعت عله ذهني
عشتها بالجروح او زيّدت حزني
انوح ابحسرتي او ما ينگطع ونّي
الذبح والگيد اكثر شي يلچّمني

تكبر اجروح الگلب
ويلي والمدمع يصب
الهم عليّه .. الهم عليّه
‌▪️⁩‌▪️⁩‌▪️⁩‌▪️⁩‌▪️
اذا شفت الاكل يبقه الدمع يجري
يجي ابّالي الحُسين او ينهدم صبري
يهل دمعي اعله خدّي او يلتهب جمري
مصاب الطف چبير او زيّد ابكسري

والدي جسمه انسحگ
مات ضامي يا خلگ
بالمنيّه .. بالمنيّه
‌▪️⁩‌▪️⁩‌▪️⁩‌▪️⁩‌▪️
ابو الحسن الوائلي

الناشر احمد الفاطمي

15 июля 2025 10:59

(حتئ المعوق مشاي)


   حتئ المـعـوُق مشاي
   عطشان ويثوب ماي
  ويگول فـدوه المولاي
        يسوئ التعب
  يابو علي ،،،، يابوعلي 

                    """"""""""''""""'"'"1'"''''''"''""''''''''''''''
شافت اعيوني ابهلدرب شياب مابيهم حيل
گالو طريقك موصعب مشيتهم احله امن الخيل
زوارك ابكـثر النجـم مـن يضهـر ابتالي الليل
بيهم عطر مـاينوصف لـوشمه يرتـاح الهيل

من عدهم يفوح الياس
لوشمـه يـرتاح الـراس
ريحت ضريح العباس
     غيره اوادب
يابوعلي ،،،، يابوعلي

                       """'""''"''''''"'''''''"''"2''''''''''''""''"'""""
راياتهم تطلع ترف كلهه الزلم والنسوان
من السعوديه اومصر والهند وفغانستان
بحرين وكويت وقطر والطالعين أمن ايران
  زاد أومنام ابكل وقت مايضل واحد جوعان

شفت الدول كلهه أوياك
رغم البُعد تتعناك
تلزم ضريحك تنخاك
    أشرف نسب
يابوعلي ،،،،يابوعلي

                   """""""""""""""""3"'''''''"''""'"""""""
شفت الضرير ابرايته متعني ويريد ايزور
رغم الشمس رغم التعب من وجهه يتناثر نور
كل العشاير غربت والسلف مابيه ناطور
خير المواكب من يصب يشبه الماي الناعور

يحسين كل هذا الخير
عييش ابنادم والطير
منـك ولا مـن الـغيـر
     عدنه انكتب
يابوعلي ،،،، يابوعلي

                      """"'"""""""""""4"""""""""""'"""""
من يطلب الزاير ذهب يلگاه ابدربك موجود
تتوشح الگاع ابحزن من كثر رايات السود
نصبو مواكب بالدرب حتئ الرزقهم محدود
شفت ألّي  ماعدهم بزر ندبوه اوجاهم مولود

غير انت ابن داحي الباب
تحسب الزوار احساب
كلـمـن يندبك ماخـاب
     تنطيه ذهب
يابوعلي ،،، يابوعلي

                 """""""""""""""""5""""""""""'''''""""
وكت الضهر جوه الشمس شفت الطفال أيعزبون
وسمع كلام امن الاهل فدوه الرقيه يگولون
مجنونه كل هاي الخلگ مو فرد عابس مجنون
لوطلعو ابهذا الدرب برواحهم مايدرون

لـو صبو ابـدربك نار
كل سنه اتزود الزوار
كلهم يصيحون الثار
    جون او وهب
يابوعلي ،،، يابوعلي

                    """"""""""""""""''6'''''''''''''''''""""""""''''
✍️فاخر علي الشبيبي