الناشر احمد الفاطمي

15 июля 2025 10:04

#ردد_مــعي الأن وخذلك اجر واطلب حاجتك💚💚

يا كاشف الكرب عن وجه أخيك الحُسين؛ اكشف كربنا بحقّ وجه أخيك الحُسين"7م

نادي عليًّا مظهر العجائب، تجده عونًا لك في النّوائب.. كلّ غمٍّ وهمٍّ سينجلي؛ بولايتك يا عليّ يا عليّ يا عليّ 7 م

نسألكم الدعاء اخوكم احمد الفاطمي

الناشر احمد الفاطمي

15 июля 2025 09:38

حنيتي من ادموعي ها يالناكه
لو غالي عندج عذباج افراكه
ياناكه ليش اتونين
عندج فكد لو لحسين

----------------------
يمرافكتني ابكل درب وعيونج اتغورك ماي
كلما اطيح وانضرب طاحن ادموعج بهداي
ياناكه عندج قصتج لو ونتج هاي وياي
امضيعه ولدج لو اهل هم فاكده مثلي الراي
ليش انضرب وتحنين
عندج فكد لو لحسين
وادموعج اتصب عالوجن حراكه
-----------------------
يالشلتي ضعن ابلا زلم بس الحرم مسبيه
شنه السبب من انضرب عينج تدير اعليه
ياناكه كولي اشقصتج خافنهــه ما محجيه
هم انتي ليلــــج جن رمح ويفززج طاريه
بدموع فركه اتفزين
عندج فكد لو لحسين
ضعنج وي أهله بعد ما يتلاكه
---------------------- حاجيني يالكلج وفه تبجين وابكل احساس
اديرين كلما ننضرب عينج الراس العباس
ناكه وبجيتي القصتي بس الحدو كوم ارجاس
الشوج كام ابلا خجل مد ايده وايكطع الياس
وبالصار ادري اتعرفين
عندج فكد لو لحسين
وراية الباطل صبحت خفاكه
-----------------------
ياناكه من فوك الرمح واحجي الكفيلي القصه
كليله غيرك عالحــــرم عبـــاس مايتوصه
يلي ابوكفتك عالنهرالجيش خلص نصــــه
عباس طالت غيبتك واليضد رايد فرصه
عالهظم ماتغفه العين
عندج فكد لو لحسين
زينب امعذبهه البعد واشواكه
-----------------------
يالشايله اهموم اشكثر والنوب زادج همي
شلتي الرحل عنهه الولي والحشمت ياعمي
هونج عزيزه وبالضعن والدللاهه اببن امي
وهونج عليل ابلا رحم مجتوفه اديه ومدمي
هونج لونج تمشين عندج كلب لو لحسين
هونج اهمومي للضعن سباكه
----------------------
ياناكه ريضي بالمشي واعله الدمع مشكوره
هم مثلي مشيج بالغصب واعله الحصل مجبوره
لابيـــدي حل ولا الـــج حل وصدك معـــذوره
اليــــوم رفجتنه ابضعن وحسين رفكه انزوره
من نرد ليه مشتاكين
عندج فكد لو لحسين
ونكله يحسين الحرم مشتاكه

----------------------

خادم اهل البيت
علي الزرگاني

الناشر احمد الفاطمي

15 июля 2025 09:00

📜 ندعوكم لمتابعة قناة الشاعر على تليغرام 🌿
بمناسبة حلول ذكرى استشهاد الإمام السجاد عليه السلام، نقدّم لكم أروع قصائد الرثاء والألحان الحزينة التي تلامس القلوب وتحيي أمر أهل البيت عليهم السلام.

🕯️ شاركونا الحزن والولاء في هذه الأيام العظيمة، وانشروا القناة بين أحبّتكم لتعمّ الفائدة والأجر إن شاء الله.

🔗 رابط القناة:
/channel/ae_ow

📖 «أحيوا أمرنا رحم الله من أحيا أمرنا»
الإمام الصادق عليه السلام

الناشر احمد الفاطمي

15 июля 2025 08:43

يم جثته گعدتي شسولفيتي
شحچه وياچ زينب وشحچيتي
گلتيله امشي خل نروح
گلچ خويه مذبوح
عيونچ طاحن بگد ما بچيتي
:::::
حيل ما بيه واجيت اركض ركض
گلبي ما ينطيني نايم عالارض
الخيل تسحگ بيك احس طول وعرض
حسين من گد السحگ ما بي نبض
نحره تكلم وحاچاني بهداي
زينب يختي رايد اشرب الماي
دمك شفته مسفوح
::::
شطلعچ باليل ياهو الوصلاج
جاي اشوفنه الشمر يركض وراچ
وين ابو فاضل قبل چان بگفاچ
وين وداچ الزمن المن خذاچ
باچر يختي ما يبقالچ اموتن
عليچ الناس كلها معارك اعيون
كفيلچ يختي مطروح
:::::
ما عرفتك بالشكل تدري انت زين
هو انت حسين ما ظنك حسين
انه شميتك تره مو شوف عين
باچر اختك وين ما تعرفني وين
اشيلن يا كتل يا كتل اخلي
ماكو اي مكان وسهم ما بي
زينب يمك تنوح
::::::
باچر ايدخلونچ بمجلس يزيد
وانتي بچفوفچ سلاسل من حديد
باچر ترگضين زينب من جديد
كلها تنظرلچ صفت حتى العبيد
تره وسط الخرابه انتي تگعدين
اخت عباس هاي واخت الحسين
گلبچ يختي مجروح
:::::
بيش اسكت بنتك وتنظر عليه
گمت امسح بالدمع بچفوف اديه
يالخرابه وجابو براسك هديه
شهگه وحده وماتت براسك رقيه
ما تحمل ضرب ارقيه تنباس
ماتت بنتك ومن حضنت الراس
ما ظل بيها ابد روح
::::::
علي جبار الكعبي
الفاتحه لوالدي

الناشر احمد الفاطمي

15 июля 2025 07:05

#أبوذية

مرّه الحيـدر اعيوني  ..    مرلكـم
يهلي ما وصل طارش  ..  مرلكم
ويگلكم بالسبي راحت  مرلكم

ونه چـان المثل مضروب بيه


الشاعر رعد الجريخي

#اللهم_عجل_لوليك_الفرج

الناشر احمد الفاطمي

15 июля 2025 07:02

(( #السيدة_الكريمه ))   شريفه
…………………………………………………………

مثل ابوها المضياف صارت كريمه

…………………………………………………………


عُجبه ال الحسن عُجبه افتخر بيهم هاشم
ماتوا و لاچن كرمهم عدِل بين الوادم
شجره عملاقه او وراها صُبح ضايع حاتم
نهر ابو محمد تفرّع للشريفه و جاسم

آل ابو محمد غير .. عزبوا حتى الطير

ابنيه عدهم بالجود كلش عظيمه

……………………………………………………………


لو دخلت الحله تلگه بيها الف أكتابه
من هنا مرقد شريفه المايسد ابوابه
مرقد الحاجات وكفت سره يم اعتابه
موش گبه البيها هايه امن الله الها اعصابه

هذا الج هالتكريم .. راسج ابعلو الغيم

صارت ام الهل ناس بيهم رحيمه

……………………………………………………………


الله ميجامله واحد ينطي لليستاهل
ابدال ذيج الخيمه هسه ذهب صاعد نازل
صارن اجبال المناير بدل متن المايل
گبل هيمه و صحن هسه اشكثر وادم شايل

بدل عن شوچ انداس .. هسه مرمر ينباس

اتسلّم اعليها الناس عگب الشتيمه

……………………………………………………………


لان ماتت من مرضها اعل الهزل مقهوره
الله جازاها و جعلها الكل مرض دكتوره
عِلگ وصفتها ويخلي كل نفس مسروره
القطع عالحيطان كتبت بت حسن مشكوره

كل مريض الزاراچ .. يشفه يم الشبّاچ

ويه طيح الدمعات ما يبقه ضيمه

……………………………………………………………


اثلاثه علويات ماتن من دمه نبچيهن
ازغار واسياط العساكر طبعت اعل اعبيهن
والاحبال اشطوط سوّت تحفر إبإيديهن
شمس طول اليوم تحرگ ماكو ضل اعليهن

بت حسن يا ويلاه .. الـ خوله الف آه و آه

ارقيه قصة آهات كلش أليمه

……………………………………………………………


نكول للينكر گبرها روح يمها و شاهد
راح تشعر وسط جنه عل الآرائك گاعد
امن المناره السمه السبعه نور ابيض صاعد
هناك تلگه آلاف يمها مو اثنين او واحد

وازدحام الزوار .. على ابنيت الكرار

و الوصل للشباچ اكبر غنيمه

……………………………………………………………
✍️ ( سيد خضر الزاملي )

الناشر احمد الفاطمي

15 июля 2025 07:02

( #حورية_الحجاب )

……………………………………………………………

حوريةُ الحِجاب • يا لبوةَ الصِعاب
لزينبِ الرِقاب    • تحنو الى التُراب

……………………………………………………………


زينب مره ابمنصب نبي . والمعجزه اعبايتها
جابها طه من السمه . وايد ام حسن صنعتها
مو قطعه اقماش وفقط . راية شرف شالتها
حمره اگلبت من الشمس . بيها الارض گلبتها

صارت كذي الفقار • منها العِدا فِرار
صغارُ و الكبار       •  كلٌ لها يَهاب

……………………………………………………………


شاء الله بالطف تنسبي . يدري الله زينب گدها
سبعين الف صاروا طرف . وهي ابطرف وحدها
موسى وتغلب عالسحر . والعصه صارت عدها
ضربت بحر جيش الشمر . غرگوا ومحد ردها

صارت بِهِم تقود   • الفرسانَ والجنود
من زينبِ الصمود • ذاقوا لظى العذاب

……………………………………………………………


يا عالمه من الله العلم . ما واحد العلّمها
نجحت الاولى اعل البشر . ابدرع الخدر كرمّها
يا ثاني حورية أنس . طبق الاصل من امّها
يا صوغه من الله الـ علي . وبعينه حطها و ضمّها

ممنوعٌ الهواء     • و الشمسُ والضياء
والبدرُ في السماء • من زينبِ إقتِراب

……………………………………………………………


يگوم النبي لم الحسن . حتى بمجانه وتگعد
يگول الخبر زينب غفت . وحسين صار الها يصد
يمها ابعباته الطاهره . عن الشمس واگف سد
بس ظل ثلاثه ابلا ذره . حر الشمس بي يجلد

من ثوبهِ سليب   • و شيبهُ خضيب
في جسمهِ التريب • النبلُ والحِراب

……………………………………………………………


مثل امها وبيوم الكسر . عن الامامه ادافع
وزينب خذت دور الدرع . حفظت امام الرابع
كالظل لبو الباقر صفت . جدم اعل جدم اتابع
لمن تشوف الجامعه . ارويحتها تبقى اتنازع

في وحشةِ الظلام • يقظى ولا تنام
دوماً مع الامام  • كالجسمِ والثياب

……………………………………………………………


ما يخسر اشمهما حصل . الربك يريد اينصره
الشام ما صار الهند . اصبح البنت الزهره
ذيج الخرابه الموحشه . صارت مناره وحضره
وذيج العبايه اتحولت . عالگبه رايه الخضره

شبّاكُها دواء       • في لمسهِ الشفاء
غيثٌ من السماء • تعطي بلا حساب

……………………………………………………………
✍️ ( سيد خضر الزاملي )

الناشر احمد الفاطمي

15 июля 2025 07:02

((#ثوره_السبي ))
……………………………………………………………

ثوره السبي و بت علي . قائد غدت بيها

……………………………………………………………


طلعت ابيوم اهدعش هامتها يم الشمس
والنخل سعفه وگف .. يهتف يحييها
والگاع تاخذ حرز من جدم بت ام حسن
اترابي وتحول ذهب .. گامت تحاجيها

صاح النهر منكسر
عذريني يم الخدر
مو همّه أنتي النصر . قاده الصگرتيها

……………………………………………………………


مو هزله صعدت ابد عالغيمه وبنص عرش
امن الجنه مريم اجت .. نزلت تواسيها
واشگد غشيم الشمر يجتفها عود ابحبل
مايدري موسى النبي .. ود عصته ليها

مايدري بت حيدره
إتچتفه وي عسكره
تگلب ارض  قادره . سافلها عاليها

……………………………………………………………


چن احمد العل الهزل ابقرآنه يتلو السور
ابشيلتها هيبة علي .. وفقاره بيديها
مشيتها مشية حسن وحسين بيها انرسم
وبچفها اسم الگمر .. يخسه الي يوليها

كل الدرب و الشمر
من عدها يرجف حذر
عنها ابتعد جم متر . خايف يلاگيها

……………………………………………………………


بالكوفه من اخطبت اومت وكلها اسكتت
كل كلمه ضربه علي .. تذبح لسن بيها
سوت زلمهم حرم بين الازقه اختفوا
بالقاده ضاگ النفس .. ضاع الهوه اعليها

نهج البلاغه اتحچي
يمكنه كالو علي
فازع اجه امن الغري . والكوفه يمحيها

……………………………………………………………


قصر الاماره ارتجف واركانه سعف ابهوه
حيطانه صفره اصبحت .. راعبها طاريها
ابنه زياد انخرس وبگلبه دگ الطبل
گالتله يبن التي .. اشكد يخزي ماضيها

زينب انا وكلمتي
يل جنها سيف اخوتي
مطيح ابد رايتي . للغيم اعليها

……………………………………………………………

 
لشام دخلت جبل يمها الحجر ينكسر
طبت ملك منتصر مو .. دمعه تجريها
اقزام مثل النمل بعيوم ام الخدر
يرتجف بيهم رمش .. لو صدوا اعليها

صح بالخرابه اگعدت
مو ظلمه بيها انورت
بأحلى الورد خضرت . وبدمعه ترويها

……………………………………………………………


وايزيد گلبه انقبض بلسانه تاه الحجي
الگدامه لا مو مره .. لبوه اشيلاويها
كد كيدك اسعي ابسعي منا الك للحشر
نبقه احنه شمعة نصر .. فنك تطفّيها

انا أمي آيه مجد
منها الشرف منوجد
اشجابك يل امك هند . واعرف معانيها

……………………………………………………………
✍️ ( سيد خضر الزاملي )

الناشر احمد الفاطمي

15 июля 2025 07:01

من وره الموت التقينه
والد وبنته الحنينه
كلي بويه اشعندج اخبار
سولفيلي اشصار ماصار
من وره الموت التقينه
...
من شفت بالطشت راسه.. ابحظني خليته وشبكته
كتله من ضرب الحجاره.. حته وجهك ماعرفته
وين ابوي الكبل جانت.. تارسه الدنيه ضحكته
حمره من الدم لحيته.. والرمح ماكل ركبته

ومن شبكته الموت اجاني
وصوته ضل يهمس باذاني
يالاجيتي اليوم خطار
سولفيلي اشصار ماصار
...
شفته جن خجلان مني..وانه لا مااريد أحرجه
كتله بالطف من عفتني.. صارت اعله الخيمه ضجه
شدو احبال بركبتي..وركبوني بناكه عرجه
وعمتي زينب والسبايه..اصبحن للناس فرجه

كلي يالمكسوره خاطر
خدج ازرك ليش صاير
واعله ضهرج انظر آثار
سولفيلي اشصار ماصار
...
تدري من بعدك رقيه.. بويه تاهت بالصحاري
وهذا ضرب الخيزرانه.. خله دم امتوني  جاري
كمت اصيحن بابا بابا..وانته فوك الرمل عاري
وردتك انه التشمهه..والحزن ذبل خظاري

كلي بويه سامحيني
وذره وذره امكطعيني
وانتي مو مالت سبي ونار
سولفيلي اشصار ماصار
....
الحمد لله عالسلامه.. ولو ماضلت سلامه
اشلونهه سكينه وحميده..اشلونهم كل اليتامه
كتله ضلو بالخرابه.. وبمتنهم جم علامه
اهناكه حته التغفه عينه ..الشمر يطلعله بمنامه

ناده آه الشمر قاسي
هوه بيده الكطع راسي
وبالسحك سواني طشار
سولفيلي اشصار ماصار
...
كتله هسه بنعمه انته..راسك وجسمك سويه
اليوم بالجنه التقينه..ورجعت الحظنك رقيه
جدي حيدر بأس خدي.. ومسحت ادموع الزجيه
بس بقت حسره بدليلي.. عمتي بالغربه سبيه

اهوايه تعبت من دهرهه
والسبي كاسر ضهرهه
امجتفه وتنطك بالاحجار
سولفيلي اشصار ماصار
...
محمد الجماسي
اللهم عجل لوليك الفرج

الناشر احمد الفاطمي

15 июля 2025 07:00

تعالي يـ ام حسن يمُه تعالي
شسوه الشام بيه شوفي حالي
****
ديره الشام بس مو خوش ديره
ناس اتعيل ناس ابلايه غيره
تستهضمه حتى المو اميره
وانه ام الخدر طبيته اسيره

دخلته وانه بچفوفي حبالي
شسوه الشام بيه شوفي حالي

**
دخلته وانه ضعن ايتام وياي
وايبشر الرايح صار بالجاي
والتمت علينه الوادم اهواي
الم روحي وطبگت بصدري مگفاي

بهاي الگاع مالايگ خيالي
شسوه الشام بيه شوفي حالي
****
مشينه امچتفات ابين البيوت
منه ما طلع  لا نفسَ لاصوت
مجبوره امشي  گوه وگلبي مفتوت
وحسيت بهضم مايخلص بموت

وعباس برمح صاير اگبالي
شسوه الشام بيه شوفي حالي

***
بنص الديره  يمُه من مشينه
كلمن فتح بابه يصد علينه
وضل ايصيح حداّي الضعينه
هذا ضعن حيدر جايبينه

اليطلب ثار  من حيدر اجالي
شسوه الشام بيه شوفي حالي
*
اباب السوگ يا يمُه وگفنه
ومحد يغض شوف عيونه عنه
نلم ارواحنه  ونستر خدرنا
اهتزت غيره الارماح بزلمنه

وگفنه بسوگ من الحشمه خالي
شسوه الشام بيه شوفي حالي

***
اضم روحي اضم يمُه النساوين
واحنه الناس صارت يمنه صوبين
اهل الشام عدهم صار عيدين
هم اسبايه  هم عيال ابو حسين

تولونه شتم انه وعيالي
شسوه الشام بيه شوفي حالي
**

علي الربيعي

الناشر احمد الفاطمي

15 июля 2025 07:00

قصيدة سبي خدر الله••♕
نزال حزن



امـشي مسبيه وهـزيله الناگـه
والگـلب يحسين طال فـراگـه
مصابك ودرب السبي••طلعتي ويه اجنبي
والدمـوع اعله الوجن حراگـه
ـــــــــــــــــــــــــــــــــــــــــــــــــــ

خـويـه بـالتاريـخ مـاصارت ابد
امـشي وي چـتالـك وگلبي نمرد
فدوه الك ضحيت يحسين لولد

باقي جسمك عالرمل••وختك بنوح وهزل
روحي خويه لشوفتك مشتاگه

ـــــــــــــــــــــــــــــــــــــــــــــــــــ

شفت كـل الضيم بجفاكم يـحيد
خويه ماخلوني اودعك يالوحيد
يالعضيدك عـالنهر مـو اي عـضيد

ضحه لجلك مهجته••وگلبي ذاب بطيحته
تـكـفـلاني والــعــذب مــاضـاگــه

ـــــــــــــــــــــــــــــــــــــــــــــــــــ

راح اسولـفلـك جروحي الـماهـدت
خويه فـوگ النوگ روحي تـلوعـت
غيره ماعدهه لمشت وبينه وسرت

ظلوعك انت مطشرات••ولچفيل اعله لفرات
خـويـه يـحصل لينه بـعد مـلاگه

ـــــــــــــــــــــــــــــــــــــــــــــــــــ

بـت عـلي والناس شافـتني شكثر
منيتي ميته بطيحتك خويه لعصر
ومـاتـلوگ البت علي تـرافـگ شمر

الياوكت هذا العذاب••يالغفيت اعله التراب
والـمـصـايــب عـالـگـلب سـبـاگــه

ـــــــــــــــــــــــــــــــــــــــــــــــــــ

بيه جرح خـوانك وجـرحك چبير
يـالطحت عـالگـاع لموك بـحـصير
تـعـذبـت وعـداك مـابـيـهـم نـصير

چـملو گـلبي جرح••ونته راسك عالرمح
طبول چـتلـك مـن فـرحهم داگـه
ـــــــــــــــــــــــــــــــــــــــــــــــــــ
خادم الحسين ع
مهندالعايدي

تمت بفضل الله وال محمد ع
نسالكم الدعاء//1447ه‍

الناشر احمد الفاطمي

15 июля 2025 07:00

قصيدة شهادة شريفه ع••♕
نزال حزن



من لضعن وگعة شريفه وحايره
من لمرض ذابل جسمها لطاهره

والگلب منها نصدع••على القاسم منفجع
بـالعطش والـنوح ضـلت صابـره
ـــــــــــــــــــــــــــــــــــــــــــــــــــ

تبچي ظلت والخيم مشتعله نار
ولحـرم مرعـوبه تتـصـارخ زغـار
ندهشت من الخوف وتراب لنهار

شافت انواع العذاب••وكل اهلها عالتراب
حـارت بجيش العده مـن لغياره

ـــــــــــــــــــــــــــــــــــــــــــــــــــ

العطش كاتـلها وذبـح كـل العـمام
ولسياط اعله المتن جاس لعضام
هم مريضه وعذبوهه اهل الظلام

والگلب عـدها ابتله••تناشغ بنص كربله
بيـن خـيل ونــار بـالـطـف صايـره

ـــــــــــــــــــــــــــــــــــــــــــــــــــ

چتل اخوهه لقاسم وچتل لحسين
بـالـمرض مبتـليه والـهم والـونـيـن
حـايـره بـهـمـهه شـريـفه ولامـعين

كربله وجيش لغرب•ولنفس عدهه صعب
عمت عيني بطفها تمشي وعـاثره

ـــــــــــــــــــــــــــــــــــــــــــــــــــ

الـدنيـا لـيـل وعـالـتراب بـنـينوه
حيل مـاعدها وگـلب منها نچـوه
وزادت الــعــلــه عـلـيـهـا ولادوه

للسبي تمشي لصباح•راحت وكل غالي راح
مجرحه وملچومه تمشي وسايره

ـــــــــــــــــــــــــــــــــــــــــــــــــــ

من الضعن طاحت غريبه ولااهل
عگب چتل خوانها وچـتل الفحل
هـم سبيه وبالمرض جاهه الااجل

ماتت بغربه وإلم••والمصايب چن سهم
تعنت الزهره الكبرها وزايره

ـــــــــــــــــــــــــــــــــــــــــــــــــــ
خادم الحسين ع
مهندالعايدي

تمت بفضل الله وال محمد ع
نسالكم الدعاء//1447ه‍

الناشر احمد الفاطمي

14 июля 2025 23:19

من غمظ حاديها العين
گعدت تشكي لراس حسين
يبن امي اتگله احجي اوياي
بفراگك دولبني البين
""""""""""""""""'""""""""''''''""""""""""""""""""
بدرب الشام چل الليل
ومهازيل الخدر ناخت
نامت كلها بس زينب
تصد لبن امها مانامت
ويغمظت عين حاديها
لراس حسينها راحت
تگله متانيه الحادي
يغفة اختك يخي جانت


مشتاگتلك خويه الروح
بگد ماخويه بيك جروح
تانيت الحداي هواي

بفراگك دولبني البين
.............................................
يخويه من الطبگ ذاكه
لمن ودعتني هناك
ماشفتك بعد يحسين
انه ولا گعدت اوياك
للتل رگظت اجدامي
گمت يبن امي عدها انخاك
ماجاوبت عدها اختك
عجب صوتي يخي ماجاك

بضيجه وغربه ومالي زلام
من حشمتك ليش تنام
زينب مامتعوده بهاي
بفراگك دولبني البين

.........................................
بهزله وعل رمح راسك
وحادينا يجد مسراه
وحته ما احظننك
الرمح عالي العده خلاه
عين تصد عله اطفالك
وعين عليك خويه بأه
بين ايتامك وبينك
اختك ياجرح تنساه

بين الضيم وبين الشوگ
ولاجفن بزينب مطبوگ
من يوم المنعوك الماي
بفراگك دولبني البين


..................................
لصوتك حيل مشتاگه
يمن بس هوه گلبي يريح
بگد الهظم لبزينب
وثكل دمعتها من تطيح
منك رايده الخويه
مليت بحچي التجريح
من كسرة ظلوعك ذيج
كلها الخارجيه تصيح

يعرف ياذيني الشمات
يخت حسين حسينج مات
ويفزز دمعي بعيناي
بفراگك دولبني البين
..............................................

الشمس شمسويه يبن امي
مذبلتك ينور العين
وحگ شفتينك الخشبه
منين ابدي يخويه منين
ماگلك على متوني
يكفيك الذبح يحسين
ادري من اسولفلك
يخويه تنحر مرتين

يبن امي بيه ولا بيك
متون اختك فدوه لطاريك
شمابيهن سوه الحداي
بفراگك دولبني البين
............................................
راس حسين رد يحجي
بخيال الشاعر الممرود
يعينج الله يازينب
ابن امج بعد ميعود
بالطف اسمعت صوتج
وجنت فوگ الثره ممدود
يختي شما ردت اوگف
اطيح على التراب اردود

ولاكو بجسمي وشالة حيل
گد ماداست بيه الخيل
جا لتل جيتج عناي
بفراگك دولبني البين
...............................
گبل لايگعد الحادي
ويمد اگبالي ليج الايد
وصيتي اعله خدر خويه
الشام اگربت ماهي بعيد
صبري الگلب يازينب
من تشوفين عدهم عيد
ودمعج لاتهلينه
لو طبوج قصر ايزيد

كلما يضرب ثغري يريد
يتمشت ياخوية يزيد

يختي بصبرج صار لواي
بفراگك دولبني البين
.............................................
خادمكم قاسم المالكي

الناشر احمد الفاطمي

14 июля 2025 23:10

قصيدة للسيدة زينب ع.

هيبة ابوهه من مشت بالسبي. بت علي
چنهه ابو فاضل وبلسان النبي. بت علي
عباس صاح اعله الرمح. زينب
منج ثلث تنعام يازينب.

بت علي. بت علي
......

بچفهه عكازة الزهره من مشت
محزمه براية العباس الگمر
ولامعبره الدنيا گله ولاتهم
تمشي وي الضعن چن ماي بنهر

تمشي مرفوعه الراس. حيلهه من العباس. مهيوبه عمة الساده
عالرمح من يدعي حسين. زينب تجاوب آمين. گبال الشمر بعناده

يا اية الله تمشي ويه الضعن. ياضوه
لأيتام اخوهه صارتلهم وطن. والهوه

من الجنه صاحت فاطمه. زينب
منچ ثلث تنعام يازينب.

بت علي. بت علي.

.......

خيوط شيلتهه من خيوط الشمس
عيون كلمن صد عليهه تنعمي
داست اعله الجيش ودروب اليسر
مثل عباس ويدوس العلكمي

زينب مخوفه الليل. زينب توزع حيل. لايتامهه التعبانه
بالكوفه من طبت سوك. سفيره صعدت عالنوگ. بت فاطمه السلطانه

لا گالهه الله السوط لاح المتن. لا صعب
ملكين فوك چتافهه وما اظن. تنضرب

خدام فوگ چتافهه زينب
منچ ثلث تنعام يا زينب

بت علي. بت علي.

......
چان اخوهه حسين كاشخله برمح
دموعهه شذرات ظلت هامله
الدمعه من زينب اذا طاحت تصير
در حسيني طشت بكل كربله

بحبل ويه الايتام. سبحه راحو للشام. جن سبحة امهه الزهره
خطواتهه هيل وماي. زينب للايتام فياي. اميره مو متيسره

خضرت خطوات السبي شكد خدم. والزلم
ام عون تأمر واحنه چلمة نعم. والنعِم

بعين الله كل الصار يازينب
منچ ثلث تنعام يازينب

بت علي. بت علي.

.......

ابو فاضل عالرمح چان الحرس
جاء نصر الله يقره اعله الرمح
لو وصلتي الشام يابت حيدره
اكتمل يا ام عون وياچ الفتح

عباس ابو راس الحار. من تزعل اعليهه اندار. ويصيح ياهو وياهه
والزعّل العلويات . من نظرة الكافل مات
طول الدرب باراهه

چفج العالي وعله عناد الحبل. ياكفو
تصيرين انتي فياي فوك الهزل. لو دفو

ولا اسمع اني تنسبي زينب
منچ ثلث تنعام يازينب

بت علي. بت علي

.....

اعتذار من الخدم للسيده
وحدج بالشام والموقف صعب
الدنيا هاي ادوار تبدي وتنتهي
احنه دم ولازم يرد للگلب

مو بالكبر چفنج نام. انتي بكلوب الخدم
نرفعلچ احنه الرايه
كفيتي والله يا ام عون .يعادوچ بس ميكدرون. للحك بقيتي حچايه

الباقي حسبة شام بس تنتهي. غربتچ
بالجنه عشره هناك من تبتدي. لخوتج

ويه الذين امنو. زينب
منج ثلث تنعام يازينب.

بت علي. بت علي.

.........

نسألكم الدعاء
حسين صادق العقابي

الناشر احمد الفاطمي

14 июля 2025 16:21

ياغربة ولد مسلم ياغربة ولد مسلم
..... ......... ..........
وي حرگ الخيم فرينه مذعورين
بطيحة خالنه وشيخ العشيرة حسين
ليل وهيمه ماندري الطريج منين
اخي گظ بيد اخيه والدمع همال
… ……………………………… .
زغار بليل هندس والطريج بعيد
من الخوف نركظ لجن حين نهيد
نذكر حال اهلنه والدموع تزيد
ونرد بالبيده نطوي بغير صوت اميال
… ………………….………………………….
حميدة شلون عفناهه نلوم الروح
خاف اتيه من امنه وبعيد تروح
زادت بينه اختنه بالجروح اجروح
وخاف تريدنه لمن تشوف حبال
…… …………………………………………………
وصلنه لكوفه مرسوم الطبگ بينه
لگينه الناس بل كوفان كلهه اتدور علينه
يتناهم لعنده احباب بس ميتين اهالينه
لاعدنه ابو ولامن عمام وخال
…………………………………………………….
سجنونه وبگينه انوح ونسولف عله العاشر
ساعه انوح للعباس ساعة الضل بلا ناصر
من داسة ضلوعه الخيل اه جم حافر بحافر
العزيز حسين عفناه عالرمال اوصال
……… .………………………………………
من بينه دره السجان طلعنه
وياناس النروح الهه محد بيهم يحبنه
نمشي بيادرب نسمع تشمت ناس وتسبنه
ودمعنه يم شريعه نزل منه وسال
……… …… .………………………… ..

تذكرنه ابوفاضل خالنه المهيوب
ومره شافتنه نبچي يم شريعه غروب
ليش اگلوبكم صاحت بحزن تلوب
منين انتم حجولي وهو منكم نال
………… …………………… .………………………
احنه اولاد مسلم ماعرفتينه
عفنه بكربله مذبوحه اهالينه
عند الله جزاتج لو تبيتينه
صاحت ياهلا بيكم يبزر الال
… ………… ……………………… ..
دره بينه رجلهه الماله كل ذمه
وين شبول هاشم ريتهم يمه
كظ سيفه علينه وجاينه بهمه
رايد روسنه لايرضه بيع ومال
……………………………………………..
اول ماذكرناهه حميده هنا
لاعدهه ابوه ولا اخو الضل تلگا
گبل الذبح عدنه اوصيه وصينا
سلمنه على ختنه وسولفلهه الحال
..
خادمكم قاسم المالكي

الناشر احمد الفاطمي

15 июля 2025 10:04

(شور..حديث السبي)
بالله يالهزيله شبيج ماتدري لعليج منين
انه ام الخدر زينب بت حيدر وخوي حسين
وابوفاضل جفيلي جان بس مني خذاه البين
يهزله شمالج بكل سوگ لو طبونه تنوخين

أمر السبي عليه نكتب
بس انتي عود بياسبب
تنوخين وانه مخدره
وعليج ياناگه العتب

وسفه الشماته تصد الي
تشتمني وتسب بهلي
يصيحون جتلنه اخوتج
ياهو الج يابت علي
::::::::::::::::::::::
لحالي ولاگلب مكسور عود شماله گلب النوگ
اناديهن ينوگ امشن وگفتجن ابد متلوگ
بصباح الطبگ لليوم كل خطوه الگلب محروگ
ولاچنهن يسمعني هواي يطولن بالسوگ

شيصير گلبي ويحتمل
خلصو هلي بالطف جتل
ونوب اروح ميسره
عل هزله وبجفي الحبل

وسياطهم فوگ المتن
يشمتون لو سمعوني اون
لياصوب اطي انه الوجه
ويلرمح احجي من احن
:::::::::::::::::::::::::::::::::::::::::
يرمح الشايل ابن امي تدري بغربتي وحالي
اسولف رايده ويحسين بس ياهل رمح عالي
يكون بهزلتي رأسه وبوسن شيبة الوالي
وشمن ريحت حسيني وبلل شفت الغالي

من دمعي ابلل شفته
وحجيله حالي بطيحته
من حرگت خيامي العده
اشكيله هظمي بروحته

يحسين يبن امي تره
من احچي الچمك معذره
بالهيمه ساعت طيحتك
رگظت تره المخدره
:::::::::::::::::::::::
شمسويه الشمس بحسين افييله بعباتي ريت
وعن الصار اسولفله وگله شجم جرح خليت
بحرم وعيال يبن امي وجرح افارگك حتاريت
متت ياريت بالطف ذاك ولاكوفانهم طبيت
طبوني يحسين القصر
ياخوية بس طبت يسر
جتالكم عمدن سئل
چاوينهه ام الخدر

وين الامسهه مخدره
واليوم عدنه ميسره
ماتفزع اخوانج الج
وضليت خويه محيره
:::::::::::::::::::::::::::::::::
خادمكم قاسم المالكي

الناشر احمد الفاطمي

15 июля 2025 09:22

گالو عليه المرض مأخذ صحته
گلبــــو الشام الليله هــو وعمته
:::::
گالو اعليه المرض خلص حياته
الدنيا يگلبها اذا ينكـــــت عباته
هواي ما ينعدن ابدن معجزاته
وحده منهن كافل اصبح يم خواته
الدين كله انشال ندري ابخته
:::::
صارت الخطبه مثل نص القصيده
عركة الطف عادت بصوره جديده
الشام واهل الشام سواهم عبيده
چنه العباس كلمــــا يرفـــــِع ايده
الشام من طباها صارت سكته
::::::
ما مگيد بالسلاسل چــــــذبه هايه
شلون اسير ويمشي اشوفن بالبدايه
اليــوم كــــل الشام اخليه بالنهايه
هاي للعباس شوفــــــو بيدي رايه
شيخ العشيره وتنفرض سالفته
::::::
مـــــــن دخل ديوانهم شيخ وفراضه
چنه بيرغ عالــــــي وبنص العــراضه
جيت مو جيت سبي جيت انتفاضه
احنه وي الباطل شلــــــون انتراضه
اليوم امحي الشام كل طايفته
:::::
عندي ثار وياكـــــم وجيت انه ارده
خل يجي يگابلني كلمن سيفه عنده
اليوم كل واحد احط صطره اعله خده
چنه العباس هــــــد محـــــد يرده
الماي ليحط راسه يم السده
::::::
علي جبار الكعبي
الفاتحه لوالدي

الناشر احمد الفاطمي

15 июля 2025 08:58

لوعة المصاب



روحي خيمه بكربله ماطفت ناري
هايم ابصحره الدمع هاجر ادياري
جرحي شام وانتظر اخذ بثاري.. اني المهدي

*'' '***

گضيت العمر عاشور. وعيني بكل وكت حمره
اخيام اوسادتي وشلون. تغفه اعيوني عالجمره

الطف عله اعيوني انرسم باگ الحزن لوني
ولوردت اوخر صورتك الا اشلع اعيوني
انه الغريب المادره بس عيسى بضعوني

ماشي وعيوني ضعن وافتر بنوحي
وكل مسيه عالاهل تنذبح روحي
اغبش الزرق البچب وافتح اجروحي... جرحي اليدي


___

ابدي من الصبح انعاك وتغفه اعله الدمع عيني
يوميه ترضني الخيل وجربه الغربه تچفيني

يحسين بويه وكل سهم بعيوني صوبني
لبيك اركض سيدي لو صحت ها يبني
چف السلب خدرك رجع والنومه سالبني

بويه والسالب خدر سالب احلامي
من صرت خيل الحزن تسحگ ايامي
من الصبح حد المسه اندب الضامي... دمعي بخدي

_

بين الصحره والوديان. كاضي اسنيني وايامي
حاسر والسموم الحار ياخذني العطش ضامي

من ذي طوى الرضوى العمر خلصته بالهيمه
ياجدي من درب السبي گلبي كثر ضيمه
الغربه نار وكل مسه فوگي توجي خيمه

صحره ودروب السبي غيرت لوني
والدمع جمرة خيم يچوي بعيوني
يانفس بعد الاهل والي انسبن هوني... ومنين ابدي
__

تدعي شيعتي الملگاي. وانه العايش وياهم
اليتأخر هله ايفگدوه بس ناسين مولاهم

كل مغرب الطاير يرد ويوكر ابعشه
حتى الشمس هم عدها اهل تمشي وترد غبشه
بس انه اظل الوحدي ياوحشة الوحشه

بابي كاسرها النذل وامي مكسوره
والخيم تچوي النظر حتى بالصوره
اظهر وللطف ارد احيي عاشوره.. واوفي بوعدي

____

المضيع ذهب بالسوگ يسأل حتى الاعمه اعليه
والمضيع امامه شلون يغفه وما يعرفه اشبيه


هو الغريب اليم هله بس محد ايفگده
هم مثل شدت غربتك ياغربتي شده
كلما اشوفن مشرعه دم عيني تتبده


هذا حالي والبعد بعدته اذنوبه
واليصير الحر يجي يعلن التوبه.
واليحب يذبل لون عافه محبوبه.... والحب يهدي.. اني المهدي

____-
فيصل المياحي

الناشر احمد الفاطمي

15 июля 2025 08:16

هاي  انصار   العقيده وشانها
تعتلي سوح الوغى وفرسانها
*******************************
يارجال التضحيه ومعنى الحياة
گدها  للكلفات  معروفه  الأوباة
يشهد   الميدان  موقفكم  ثبات

شفنه زود المرجله ابميدانها
*******************************
يا ليوث  الغانمه  وعز الرجال
ثبتت  الابطال ساحات القتال
لشرف مقياس راسمهه النزال

اتموج صارت كربله طوفانها
*******************************
شوفهه الصحبه مقاييس الزلم
عالجهاد  اليوم  خطتهه  العزم
حبهم  المعروف ما طاح العلم

يشهد التاريخ عشگ  إيمانها
*******************************
شوف سر الغانمه ابكثر العدد
يا علي   كلها   تناديك  المدد
مانسينه اهناك موقف للحشد

للفخر صارت مثل عنوانها
*******************************
انشوف انصارك عزمهه المرجله
قدمت   اعظم  دروس  ابكربله
مشهد  الاصحاب  كلها   امعدله

ضحوا  ابأغلى النفس وثمانها
*******************************
سجلت  عنوانهه  وتروي الطفوف
اگبال هاشم ثبتت ابيوم الحتوف
عشگت  الأنصار بس اربع حروف

حسين حبهه والمقر لاوطانها
*******************************
سجل التاريخ شفنه الملحمه
صار  عنوان الحشد  بالغانمه
باچر التوفيق تحضر   فاطمه

هناك تجزيهم عظيم احسانها
*******************************
تمت بعون الله تعالى الشاعر___يوسف_الفتلاوي

الناشر احمد الفاطمي

15 июля 2025 07:05

#فزاعيات

بعد شيكفي روحـي ياهظم يانوح
كـون أبچي عليها الـحـد طلاع الـروح
الغريبه أخـت الغريب أبكربله مذبوح
العاري أعله الترايب بالشمس مطروح

(چا شنهي ظلتي.. وزينب أطب ديوان)

ألأميره وعفة الله شلون تصعد نوگ
هزيله ووسفه چفها بالحبل مشبوگ
أفــّـه كـتال اهلها بالنـياگ أيسوگ
وكل ديره يطب لازم يمر بالسوگ

(علوية الله ... شلون تدخل للسوگ)

وين أهل الحميه خل يجون أبساع
وخـل خيولهم تطوي الفله والگاع
بـالـغـربـه حـرمـهـم رادت  الـفـزاع
حگ أهل الشيم مايوم راح وضاع

(ماهية عاده... وتنسبي ألكم نسوان)

أجت كل القبايل عالظعن من فات
خـذو نـسوانهم مـابقن مـسبيات
البقن نسوان هاشم فرجه للشمات
خــدر الله البقن بـالظعن علويات

(بس العلاوي.... مـا نغر ليهن حيد)

هظيمه ياأل هاشم عالهظم تبطون
غريبه أبينهم ياوسفه تبقه أم عون
گبل مو چنتو گبل الحيهم تفزعون
چا شنهي السده وفوگ الرمح تبقون

(صعدت الغيره.. وروسهم دخنت غيظ)

الظعن للشام طب وصحت أخ الشام
صحت الله ولحد صدگ مدري أحلام
بي مسبيه زينب هــاي  والله أيـام
من عگب الخيم صعبه بخرابه تنام

(الله ولحد...... كـون أمـوت ولا هـاي)

✍️حسين حمدان الدلفي

الناشر احمد الفاطمي

15 июля 2025 07:02

(( #الشهيدة_شريفه ))
…………………………………………………………

وصلوا الخبر للما سد مضيفه
شهيده اعل الهزل ماتت شريفه
مرض نحّل بدنها .و ابو الباقر دفنها
شريفه . شريفه

………………………………………………………….

يحبها حسين حب الطير للغبشه
طير الحسن وحسين البنه عشه
ما قـبلت تظـل و اطلعت للممشه
حتى اتعين زينـب ليلة الوحشه

صح بيها المرض بس ما يهمها
تمشي المهم وي حسين عمها
هوه اعليها وحضنها . و ابو الباقر دفنها
شريفه . شريفه
…………………………………………………………

مـريضه ومـا تفارگ حضـن عمتها
تشم عطر الحسن بأطراف شيلتها
تخـاف السـوط و تلـوذ ابـعبايـتها
مثل زينب امحدبه الظهر مشيتها

من كثر الهضم تعبت شريفه
من جوع و عطش صارت نحيفه
ابدمع فايض جفنها . و ابو الباقر دفنها
شريفه . شريفه
……………………………………………………………

حـلم عايشتـه مـا تقـبل تفز منه
اخوها امعرس وبجفوفها الحنه
رمـله اتهلـهل و تنـثر ورد سكنه
هـلاهـل جـاسـم اتبدلت للـونّه

اليثرب بالوجه دارت لبوها
تخبره ابذبحة القاسم اخوها
اله اتسولف حزنها . و ابو الباقر دفنها
شريفه . شريفه

……………………………………………………………

الركض معروف رايد حـيل و بهمّه
بس صعبه المريض ايحرك ابجدمه
اسياط وعل الشريفه ابضرب ملتمه
الحگيني اجـتـني  الخـيل يا عـمه

عمه ام عون فزعي ابعجل ليّه
شلّو بالضرب متني و أديّه
بقه آثار ابمتنها . و ابو الباقر دفنها
شريفه . شريفه

……………………………………………………………

بت الشـيخ مسـبيه ابحبل راحت
عـلى ناگة رقـيه اومـت و صاحت
تحبها اهواي يمـها اعل لابو ناحت
طاحت دمعتي الترچيتج الطاحت

انا ادري وتره گبلج يخيتي
على اضهور الهزّل تصبح منيتي
اطيحن ميته منها . و ابو الباقر دفنها
شريفه . شريفه 
……………………………………………………………

كريمه اتربت اعل لهاون و دله
شريفه وصار زايرها شرف كله
هـله وميت هله يلجايني اتگله
اطيـبنك لوَن عـنـدك الـف عله

انثر ورد  للگاصـد بنيتي
عالباب وإلك توصل عِطيتي
ابكرم ورثت حسنها . و ابو الباقر دفنها
شريفه . شريفه
……………………………………………………………
✍️ ( سيد خضر الزاملي )

الناشر احمد الفاطمي

15 июля 2025 07:02

(( #سورة_الخدرِ ))
……………………………………………………………

لو چان الوحي موجود . و ايات الذِكر تسري
چان ابزينب الحوراء   . نزلت (سورةُ الخدرِ)

……………………………………………………………


سوره ابفخر جبرائيل . ابيت الوحي ينزلها 
يوگف وضع الاستعداد . يتوضه و يرتلها
بصوته العالي مو بهداي . كل يثرب يزلزلها
سوره وبعد بسم الله . اسم ام عون أولها

وبيها اللفظ يتكرر
وما ادراك بت حيدر
خيط ومن عباة ام عون . خيرُ من الف شهري

……………………………………………………………


سوره اوراقها خضراء . و الخط اصفر امذهّب
عبايه وتلبس الكلمات . وكل احروف تتحجّب
فاعل للخدر مرفوع . اسم اخت الگمر يُعرب
الله يحب اسمها اهواي . في كل ايه اسم زينب

اليقرأ الاسم و يمدّه
شفافه و تنگلب ورده
في وسط اللسان يصير . نهر امن العسل يجري

……………………………………………………………


سوره و واجب النسوان . في كل فرض تقراها
استاذات الشرف يغدن . بيهن حور تتباها
امن اقماش العرش لـ ام عون .الله اعبايه گصاها
والخيّاط جبرائيل . بالجنحين سوّاها

وميكائيل كل حيله
لزينب يصنع الشيله
من زينب الجنه اتگول . آخذ هيبتي و عطري

……………………………………………………………


اليستشكل على العنوان . شويه اتأدب انگله
روح اتفحّص القران . الله يخاطب النمله
زينب مو فقط ايات . مصحف الها يتخله
زينب ثبّتت هالدين . من وكفت على التله

مو من خوف من ركضت
الدين ولحگته و گظت
لو ما ركبت اعل النوگ . الدين بيا كتر مدري

……………………………………………………………


مثل جده الرسول حسين . عن الهوى و ما يحچي
وشاء الله يراهُنـ نه . سبايا و بالحبل تمشي
زينب يعني الها الدور . مثل حسين نفس الشي
عطشان الشرع وام عون . تشربه العذب من تبچي

الهيج اوصافه مذكوره
بي تنزل الف سوره
ثورة كربلاء تمتد . من الخدري الى النحري

……………………………………………………………


سوره وقام بالتفسير .  زين اعباد هالامه
يا عالمه ابلا تعليم . يعني اوصلتي للعصمه
توزن كوكب المريخ . منج تطلع الكلمه
همه اصواتهم دخان . وانتي احجايتج نسمه

مو لن فاطمه امج
صرتي بزودج و علمج
اميره اعالخدر و التاج . امصمم بس الج حصري

……………………………………………………………


لو مو فاطمه الزهراء . زينب هي رقم أول
مو مره و عشر مرات . من مريم ام عون أفضل
مريم تاكل ابرطبات . و زينب واكفه اعل التل
مريم بالقدس وتبات . وزينب تمشي عالهز زل

اليصبر عالأذه و يرضه
الله يرفعه و يعوضه
زينب باعت الدنيا . و مرضات السماء تشري

……………………………………………………………
✍️ ( سيد خضر الزاملي )

الناشر احمد الفاطمي

15 июля 2025 07:02

أهوازيه ((#محمد_لم_يعرف_زينب))
…………………………………………………………

محمد ينشد السجاد . ياهي الواجفه ابصفك
ياعم سمعتك و تريد . هي بروحك اتعرفك

……………………………………………………………


هاي امصيبه يمحمد . الواحد ما يعرف اخته
أبگد ما غيّراني الضيم . اخوي اليوم عاذرته
يمحمد واخوك الناس . من مگفاه ناحرته
الخيل ومثل رحّه ادور . صدر حسين طاحنته

احديد الحافر وينزل
چم وذرة لحم يحمل
ابهاي الشوفه كون اوياي . خويه امن الدِمه اتنشفك

……………………………………………………………


ما اصبر بلا عباس . يمحمد و تدريني
ازعل لوَن ساعه ايغيب . ويركض ليّه يرضيني
ماهم بالسهم وجفوف . همه شلون يروني
قبل الذبح صاح بصوت . بت الزهره اعذريني

رغم العمد هد راسه
بيّه يسولف احساسه
راسه ايفور وأحچي وياه . بطّل عالرمح نزفك

……………………………………………………………


هم تعقلها يمحمد . اختك تركض و ثعثر
حافي و الرمل جمرات . ابرجل اختك بگت تسعر
مگدر استراح اوگف . و لا كمّل ركض اگدر
هسه امحنبه تعرف ليش . اوياي السوط ما قصّر

اخيام الساده يمحمد
اتوج ولحد ما تخمد
واصيحن ياعلي السجاد . روح بروح ما عوفك

……………………………………………………………


ليل اهدعش يمحمد . لا خيمه البقت عندي
هيمه والحرم واطفال . خوف ولايذه ابسدي
ومع ذلك دعيت ايطول . ليل ولا صبح يبدي
اعلينه اتغبش الهزلات . و ينلف الحبل بيدي

طلعت وياثگل جدمي
يمحمد نشف دمي
گلت صعديت يا عباس . بسوط الشمر مو چفك

……………………………………………………………


حگك ما عرفت اختك . كل ارسومي متغيره
مشت بيه النياگ ادروب . ديره الديره مفتره
سموم الهوه اينشف الريج . ومن فوگي الشمس جمره
العباه كل ساعه أكلبها . الوجهين اصبحت حمره

عالشجره يبو جاسم
صلبوا راس ابن فاطم
ياجلاد وخر السوط . عن نحر الولي انحلفك

……………………………………………………………



يمحمد الشام الشام . عذاب الوان راواني
الماگاطف عليه احجار . بمي الزهره شتماني
بت الساده و الحادي . وسط السوگ فرّاني
من الخجل ما تلگاش . گطره دمه ابشرياني

خرابه وصرت بيها أگعد
ترابه ولا سگف لا سد
لو شايفني ذاك اليوم . حتما توصل الحتفك

……………………………………………………………


يزيد وراد يضربني . وابنه گال خليها
شفت الراس يهتز گام . وعينه اندارت اعليها
بقيت اتحاچه وي الروح . زينب وين اهاليها
يزيد اتشمت وفرحان . بت الساده سابيها

لعركة بدر اشعاره
من حسين اخذ ثاره
خذوا ثاراتهم اضعاف . يحسين ابحرب طفك

……………………………………………………………
✍️ ( سيد خضر الزاملي )

الناشر احمد الفاطمي

15 июля 2025 07:01

بويه الغالي.. مذبوحه وتشكي المذبوح
رمحك عالي..واجفوفي اكصار ومالوح
يابوشفاف الذبلانات..ورم ضهري أمن الطكات
بويه الغالي
ــــــــــــــــــــــــــــــــــــــ
يبواليمه رقيه اني
زغيره وذبلت اغصاني
حر الهيمه سواني
زرع وامفارك الماي

تعبانه من طول الدرب.. والحادي ماعنده كلب
ابجي ولاهمه البجي..شلع امتوني أمن الضرب

يبن الزهره.. انزل مشتاقتلك حيل
آخر مره..شفتك بيهه ابنص الخيل

وآنه بعمر الفراشات ..ورم ضهري أمن الطكات
ــــــــــــــــــــــــــــــــــــــ
اباوع ماتباوعلي
اريدك بويه تنزلي
تطلع الشوك الابرجلي
وتمسح دمع الاعيون

محتاجه بويه الشبگتك.. وياك أخذني ابسفرتك
بعيونك آنه جاي احس.. عطشانه تطلع نظرتك

أمن اهد العاشر.. گالولي وماشارب ماي
ليش الحافر.. بايگ كل فرحه بدنياي
ياهنياله اوياك المات..ورم ضهري أمن الطكات
ــــــــــــــــــــــــــــــــــــــ
اخاف أمن الهوه ايجرحك
لو شيالك ايطيحك
للهامه وصل رمحك
جا شمسوي يحسين

مو گتلي راح انضل سوه..موچنه فراشه وضوه
صعدني يمك عالرمح.. يالشوفة اعيونك دوه

گلبي الهايم.. منك بس حنيه ايريد
مثل الصايم.. من ايتاني اهلال العيد
للجيه احسبلك لحظات..ورم ضهري أمن الطكات
ــــــــــــــــــــــــــــــــــــــ
اعله حظنك راسي عودته
حظنك هسه فارگته
ليل اليمر مانمته
بدونك كارهه النوم

يم الرمح مرات اجي.. بيديه اشبگه وانتجي
اغفه واشوفك بالحلم..بويه ويفززني البجي


يمك ابچي.. وماكتلي اشمالچ تبجين
شو ماتحچي.. شو ساكت صوتك يحسين
ساكت چاوين الچلمات..ورم ضهري أمن الطكات
ــــــــــــــــــــــــــــــــــــــ
اخيرا شفتك بنومي
تشم بريحة اهدومي
گلتلي للقصر  كومي
وهزي ابصوتج الشام

سمعوني بويه اهل القصر.. ابچي واريدك بس تمر
جابولي راسك منگطع..وأمن الطشت هب العطر

الله يساعد..عيسى اشلون إبلا اب جان
اگبالي الحاقد..يضرب ثغرك يالعطشان
وآنه اشكيلك بالدمعات..ورم ضهري أمن الطكات
ــــــــــــــــــــــــــــــــــــــ
يميت والطشت نعشك
اشحلاة الشيب الابرمشك
ملك وابداخلي عرشك
ملك وامسلب التاج

ايغارون منك يالابو..ايغارون منك جي حلو
عصفور ماجارح كبل.. بويه الجرح خدك منو

خل نتشابك.. وانحط انفاس اعله انفاس
مانتفارك.. مثل الرايه وجف عباس
خلص حيلي أمن العثرات..ورم ضهري أمن الطكات
بويه الغالي

محمد الجماسي

#اللهم_عجل_لوليك_الفرج

الناشر احمد الفاطمي

15 июля 2025 07:00

قصيدة شهادة بنت لحسن•♕
نزال حزن


طـاحـت الـعـلويـه هـاي اليلـه
مـاتـت وعـالنوگ تبچي العيله
بالمرض ماضلها حيل••صعبه والوادم تعيل
بت كريم الساده هـاي دخيله

ـــــــــــــــــــــــــــــــــــــــــــــــــــ

عاالارض ياناس طيحـتها صعب
مـن سبوها العايله وتحدي غرب
حيل تـعبانـه شريفه مـن الضرب

نفجعت بطف كربلاء••مارحل منها البلاء
زادت الـعـلـه ودمــعـها تسيلـه
ـــــــــــــــــــــــــــــــــــــــــــــــــــ

جـاهه زيـن العابدين بـكـل دمـع
يـنحب عليها وحنه عليها الضلع
تـعـباهـا الـصـار بـيـهـا وتـنفجـع

ولمرض فوگ لعطش••بالعضن حادي غبش
ماكـو ابـوهـا تـودعه وتشكيلـه

ـــــــــــــــــــــــــــــــــــــــــــــــــــ

فراگ اخـوها لقاسم وماخله حيل
والعـمام تـشوفـهم دمـهـم يـسيـل
هـم عليله وبالـمرض جسم لنحيل

خافت وشافت ذبح••بيوم عاشر والجرح
تبچي عـالـطـايـح ذبـيح بـخيلـه

ـــــــــــــــــــــــــــــــــــــــــــــــــــ

وهدعش من العمر خلص عذاب
مـن الخيم والنار وغـبار الـتراب
مچلبه وي عمتها وذيـال الرباب

خيل غارت والعويل••ماكو ناصر لادخيل
وگلب بنـت الحسن رايـح حيلـه

ـــــــــــــــــــــــــــــــــــــــــــــــــــ

معذبه وكـل الجسم عدها نحيل
من لمرض والصار وياهم ثـجيل
مـاتـت ويـمها بچـه بس الـعـليل

زينب وكـل الضعن ••عـالـنياگ تگابـلـن
بچـفه يـدفـنها وتـراب يـهيلـه

ـــــــــــــــــــــــــــــــــــــــــــــــــــ

حيله طـاح وعـالگبر گـلبه ينوح
جن خيال يسولف لعمته بجروح
والعـجيبه شلون باقي بيها روح

من مرضها وكـربلـه••فـارگـتهـا الـعـايله
ياهو الي حس بالجره ونحچيله

ـــــــــــــــــــــــــــــــــــــــــــــــــــ
خادم الحسين ع
مهندالعايدي

تمت بفضل الله وال محمد ع
نسالكم الدعاء//1447ه‍

الناشر احمد الفاطمي

15 июля 2025 07:00

قصيدة الدكتوره شريفه ع•♕
نزال


مـايـخيب الـي گـصـدهـا وزارها
من الكرم فتحت مضيف ودارها
ـــــــــــــــــــــــــــــــــــــــــــــــــــ

هيـه دكتـوره وتـعالج كل مرض
والمرض ينشاف عدهه وينعرض
مـاتــرده لـزارهـه بـنيه وفـرض
ويقسم اعليها بعضيم اسرارهـا

ـــــــــــــــــــــــــــــــــــــــــــــــــــ

هايه بنـت الحسن مـترد الطلب
للـيـجيـهـا بـعلـتـه وگـلبه تـعـب
والـذالـك صار بـالحضره لذهـب
والگـصدهـا يـزور كـل اكـتارها

ـــــــــــــــــــــــــــــــــــــــــــــــــــ

هواي بوب نفتحت بكل الضريح
والگصد شباجها يـطيب الجريـح
هاي بنت البـلـكـرم سابـگ الريـح
العگد نيته اعليها شاف انـوارها

ـــــــــــــــــــــــــــــــــــــــــــــــــــ

هيه للمرضه وعلاج بـلايه بـاص
طاهـره ومعروفه للعله ختصاص
تشافي الاعـمه ولـمگرم والبراص
والمريض يـطول يـمـها اعمارها

ـــــــــــــــــــــــــــــــــــــــــــــــــــ

الـگصد ليها بالمرض يمـها يطيب
يقسم اعليها بعطش گلب لحبيب
بكل وقت موجوده لسائل مجيب
تلـگه بالـوصفات كـل اخـبارهـا

ـــــــــــــــــــــــــــــــــــــــــــــــــــ
خادم الحسين ع
مهندالعايدي

تمت بفضل الله وال محمد ع
نسالكم الدعاء//1447ه‍

الناشر احمد الفاطمي

14 июля 2025 23:35

عيني على راس الرمح
      والوالدي يطول الشرح
       ياريتني اوياك  انذبح
يابويه يحسين يابويه يحسين
...........................................

رحت عنك وانته بس جثه وسليبه
والحبيب ابعلته ايودع حبيبه
الابو لو مات يابويه اشيجيبه
ابد مامرت مثل هاي المصيبه

عفتح ذبيح اعله الثره
والگلب شنهي ايصبره
ابحالي ما تدري شجره
يابويه يحسين يابويه يحسين

...........................................

الابو لو راح شنهي ايسد مچانه
وماكو بالدنيه تره ايعوض حنانه
ماگلت عنه مشه حسين ونسانه
راسه فوگ الرمح يمشي ورافگانه

قرآنه دوم  ايرتله
يقره الكهف والبسمله
يندار لو گلناهه اله
يابويه يحسين يابويه يحسين

...........................................
ها يراس الرمح شايل راس ابونه
وانته شاهد عالخلگ من سلبونه
گتله وحسيني الي انفتحن عيونه
والنه يندار الخصم من شتمونه
نضراته چنه يگول الي

انته يبو الباقر ولي
گتله بعد عينك شلي
يابويه يحسين يابويه يحسين

...........................................
اي وحگ عينك وحك داعت غلاتك
مايصح بالدنيا من يشبه صفاتك
حسين ضهري ينحني امن امدللاتك
بالهضم  عماتي  واينوحن  بناتك

عين الفواطم تنتضر
يحچن ويالراس شكثر
وينك يمن چنت الذخر
يابويه يحسين يابويه يحسين

...........................................
طبت الديوان زينب من شفتهه
موتتي ابذاك الوكت بويه ردتهه
الطولهه ينشاف ابد ما عودتهه
بيهه تتشمت اعداك اوزامطتهه

اتزامطن بيمن بعد
عباس مايرجع ابد
وحسينجن عاري الجسد
يابويه يحسين يابويه يحسين

...........................................
خلص طفهه والسبي ومهدود حيلي
ابكل وكت وادموعي تتبده ابشليلي
اذكر اصياح الحرم يحسين ويلي
وعمتي بالنار  واتصيح  عليلي

ابدخان الاخيام اختنگ
ولو اظل بالخيمه احترگ
وزينب تصيح او تنلحگ
يابويه يحسين يابويه يحسين

...........................................
ابين  موتي  والسبي  والغاضريه
موتي فرگه بس احسن راحه اليه
بويه لو شايف ركض سكنه ورقيه
ايتام  وايدورن ولي ذيج المسيه

للموت  ابد وماينسه
ركض الحرم ذاك المسه
وذيج الشفاه اليابسه
يابويه يحسين يابويه يحسين
...........................................

خادم اهل البيت علي الزرگاني

الناشر احمد الفاطمي

14 июля 2025 23:11

اليمشن عماته بهيمه هم يغفه ويرتاح  
شما راد يسد عيونه يطلعله الذباح
خلصت بين السوگ وشام   وبزينب دارت الايام
والله دنيا
^^^^^
حار الرمل عماتي ركضن فوگاه  ظل يچوي بيهن
النار ما حرگت خيم  متوهمين  حرگت عبیهن
      ميروح الطف من عيني    موقف عمتي يبچي    
   حيرتها حيره
تركض عمتي تلم بيهن   وحده بوحده توصيهن
راحت أسيره
الينظر عمته يضربوها واتچتفها احبال
ما تغمض ابدن عينه ولا يرتاح البال
محترگات لعمتي اخيام     وبزينب دارت الايام
والله دنيا
^^^^^
ستره الله عمتي شلون تدخل للسوگ  وتتفرج الناس
ركبت النوگ وتلتفت بلکت جاي   ينظرها عباس
لما تندل باب الخيمه   مشوها بنص الهيمه
واليمها الحداي
المحد شايف من ظلها   اليوم بسوگ يدخلها
ما عدها حماي
الينظر عمته يشتموها وتدخل نص ديوان
زينب ما شافن ظلها جارات النسوان
ينظل هسه الخاص وعام  وبزينب دارت الايام
والله دنيا
^^^^^
عمتي العمر خمسين مو مال اركاض  تعبانه عمتي
شما انه اسد عيوني انظر اطفال وابقه بعبرتي
عمتي ارقيه يضربوها   وزينب عمتي يشتموها
طفله وصغيره
اتخيل زينب تعثر   والخيمه بنار وتسعر
راحت أسيره
بعد العباس الحادي يركبها اعله النوگ
متعمد ياخذ عمتي وتدخل نص السوگ
فرحانه طبول ودمام   وبزينب دارت الايام
والله دنيا
^^^^^
لا والهضيمه حسين راسك ينشال  وبنص الارماح
شما طاحت ارقيه وشفتها اعله الگاع راسك أذن طاح
ترچیه نباگت منها  چفوف الشامت اذنها
عالرمل نامت
شامت وسوطه بأيده   ظل الكلام يعيده
هالطفله ماتت
تبچي وما تقبل تغفه وتريدك يحسين
ما متعوده أعلى فراگك انت تسد العين
ماتت وياك الاحلام    وبزينب دارت الايام
والله دنيا
^^^^^
الشام ما انساه ابد ما انساه  بچه الفواطم
عماتي من دخلن عليهم چن عيد  شبعن شتایم
وبالي تظل الصوره   انظر عمتي ومكسوره
ما عدها كافل
الشام الشام اذاهـــــا   بعد الكافل بچاها
يشتمها جاهل
الما عدها خوان وتبقه توليها شگد الناس
ويزيد يشتم زينب لـــــن ماكــــــو عباس
يم عمتي ورفعوها اعلام   وبزينب دارت الايام
والله دنيا
^^^^^
علي جبار الكعبي
الفاتحه لوالدي

الناشر احمد الفاطمي

14 июля 2025 23:09

مهدينه قادم وين النواصب
******
وصلت اخباره وكلها محتاره
قادم المهدي ياخذ بثاره
يالنواصب عنه باجر وين ترحون
موتو من هسه احسن الكم لو تفرون

مهدينه حاضر لتضنو غايب
*******
بجيت القائم مايظل ظالم
الخير بظهوره والعدل قادم
الكربله يمشي بظهوره وياخذ الناس
وراية الله يستلمها من ايد عباس

احسين باجر بدمه يطالب
*****
لو ظهر ليكم مايخليكم
رايح المهدي والله يگظيكم
اله ثارات شكثر تنتظره يمكم
واح صدر حسين يشفيه بذبحك

آخذ بثاري عالرايه كاتب
*******
كربله اجروحه ودمعته ونوحه
وبسبي زينب انسبت روحه
المهدي والله ايام عمره كلها عاشور
يبجي وحده عله حسين وظهره مكسور

والشده زينب تبات بخرايب
*****
بطلعته المهدي يوفي بالعهدي
محكمه ينصب وبالشمر يبدي
كون يصعد عله صدره ويحز نحره
وكون الف مو عشره تسحك فوك صدره

عالرمح راسه ايرفعه غاضب
********
السبي وضيمه وحرگت الخيمه
بياوكت زينب باتت بهيمه
الشدو ايديها بحبل جاب الهم احبال
بصوطه راح امتونهم تتگطع اوصال

يگطع نحرهم ليث الحرايب
*****
الگطعو اجفوفه ثاره ميعوفه
وعالذبح مسلم يگلب الكوفه
ما يخلي ثار واحد عد أميه
الاكبر وجاسم وعبدالله ورقيه

گوم ال اميه تشوف العجايب
*******
تمت
ميثم العمري

الناشر احمد الفاطمي

14 июля 2025 16:19

[[القصيده گعديه ]]
>>>>>>>>>>>>>>>>>>>>>>>>>

يالتسأل  علينه  الرافضيه
عن أبً وجد هاي القضيه
هناك الما يضيعون
خدام الزجيه
*******************************
بهااليالي اتشوف موقف هذا اليحب الزچيه
تدري   اليواليهه   باچر    فايز   ابيوم   المنيه
الما يحب الزهره خاسر   عايش انواع
الرزيه

بگلبه تلگه اشگد دغش
احقوق ياكلهه  ونهش
حقد بس گلبه  انفرش

يعتبر من  جيش  اميه

يالتبغض علي تاليها  محنه
أيس    لا تفكر  بيها   جنه

بس همه اليفوزون
خدام الزجيه
*******************************
كلمن  يبين  أصالة   طيبه  والمنبع  يفاخر
ولا يصير ابوجه ثاني ثوبه باصناف المظاهر
ينعرف صوت الحقيقه عايش ،ابحيله ويناظر

بس حسد  گلبه  امتله
شوف  وضعك   عدّله
الغيبه  عندك   مشكله

لازم اتصحي  الضماير

حاذر بالزلل وحفظ لسانك
باچر هوه حصنك هوه امانك

كلهم ما يقصرون
خدام الزجيه
*******************************
ناس تعميهه المطامع.....وبالسان الغيبه حاضر
اشما تكله اتوب احذر... كالك خلهه اعله باجر
بالغرور اشكد يسولف.....ناصح  وكلش  مثابر

يبنادم  احذر حالتك
لا   لا   تغرك  دنيتك
تهوى وتطيح بزلتك

عوف مرحلة المفاخر

عيش  ابدنيتك عوف النميمه
محلاتك تره  الفطره السليمه

للجنه يطبون
خدام الزچيه
*******************************
باچر التوقيع  واضح  بي  ختم  من  الزچيه
يعيش بالدنيا بكرامه والعشك حامي الحميه
هذا  دستور  العقيده  لو  ردت نهج  القضيه

شوف كل سيره وعجب
ابحبهم   اتنول    الرتب
حب  علي  جوهر ذهب

حب علي هوه الهويه

باچر   بالحشر  تعرف  عقابك
لا تدور  ولاتلف حضر جوابك

بالمحشر  يضيئون
خدام الزجيه
*******************************
كلشي   بالدنيا  يغرك بيت  وموال  وصحاب
عوف عنوان  التفاخر  ونسه  مسألة  العتاب
گول بس حسين عندي هذا يامحلى الجواب

اتريد  تنجه  ابهل الامر
حسين بس هوه الذخر
هناك    يشفع   بالحشر

مبدأ الحق والثواب

يامحلى الخدامه ويعلى شانك
باچر    بالحشر   حاجز  مكانك

بالخدمه يوافون
خدام الزجيه
*******************************
تمت بعون الله تعالى الشاعر_يوسف_الفتلاوي