الناشر احمد الفاطمي

01 июля 2025 23:07

يخيتي بوريدة    كتبلج قصيدة
بدايتها عذراً       نهايتها ايدة

تطشر حنينة     هلال المدينة
كتبلج قصيدة
ــــــــــــــــــ
وكع فوك النهر والراية ملفوفة
يخيتي وبالغدر من گطعوا اجفوفه
كتب من الدمه يا زينب احروفة
قصيدة اعله النهر قصتها معروفة
اخوج وكافلج بالدنيا وطفوفة
تروح الروح اذا بس عينج تشوفة


صعب يالعقيلة     يأذي رحيله
يتعب وداعه      رحلته طويل
بعد ما يجينة      هلال المدينة
كتبلج قصيدة

ــــــــــــــــــ
طلب عذرج يزينب واعتذر لية
جربته اعله النهر بالسهم مجفية
ولا گطرة شرب من النهر مية
ولا غرت جبدتة المشرعة شوية
مشة يجيب العذب لسكينة ورقية
ولاجن هالزمن شوف شعمل بية


اخذلي عضيدي     أخذ دم وريدي
زماني الغدرني      يدمعاتي هيدي
برحيله انتهينا        هلال المدينة
كتبلج قصيدة

ــــــــــــــــــ
كتبلج اعله النهر من طاحت الراية
قصيدة من الوفة لعيونج قراية
ضرب أروع مثل جان الوفه الغاية
من الخيمة حد الماي دك ثاية
ساقي العطشه بالطف سابع بماية
وساقي كل قلب بالطيب الهواية


خيمنا السگاها     مطر من اجاها
يروي تجربته        بحنينه ملاها
بنظرته روينه      هلال المدينة
كتبلج قصيدة

ــــــــــــــــــ
طفت بالمعركة من السهم عينه
وكع واني العمر جن وكعت اسنيه
عضيدي وضهري گلي قلبي شيعينة
وگع قلبي بگطع ياخوية جفينة
اقرب واسمعه بس بجلمة بونينه
يزينب جلمته الرددها كل حينة


يخيتي يزينب     بقى وقلبه ينحب
ونينه لعذابج     جمر وسطه يلهب
بجفوفه الحزينة     هلال المدينة
كتبلج قصيدة


ــــــــــــــــــ
يزينب فيي اخوي مطشرة العاشر
يزينب راح اخونه بسحگت الحافر
يخيتي وباجر انتي وحدج باجر
وره العباس ميت روحي التهاجر
محنتج صعبة لكن قلبج الصابر
يزينب عله الرماح ويمج اناظر


يخيتي بحزنة     نباوع ضعنه
برماح العوالي   عليكم نظرنا
وعليكم بجينة      هلال المدينة
كتبلج قصيدة
ــــــــــــــــــ
الشاعر زين العابدين الشمري

الناشر احمد الفاطمي

01 июля 2025 22:46

نزااال للإمام العباس


يا ساقي العطاشى وانته حاميها
كل هاي الخدم من جودك اسگيها
ــــــــــــــــــ
يا راعي الكفالة وراعي المروة
بداعة حبك وي حسين والخوة
نخيتك وادري اهلاً انته للنخوة
من ماي العشك خدامك ارويها
ــــــــــــــــــ
يالوحي الشعر بالخوة حيرتة
ولا بيت بقصيدة يوصلك شفتة
ما نتوصف صعبة وانتة ذاك انتة
كلمة خوة يمك صعبة نرثيها

ــــــــــــــــــ
يالجودك بحر ما ينوصف ماية
وكل قطرة بالجربة تعيش أولاية
الله الشاء تعطش انته عن غاية
حتى الدنيا يمك تجي برجليها
ــــــــــــــــــ
تاريخ الوفة وسجلتة بالغيرة
من الخيم حد حسين تفسيرة
يالزارع الطيب واحسن السيرة
من اسمك حرف هالدنيا والبيها
ــــــــــــــــــ
يا باب الحسين وريته وصبرة
عامود الخيم وحزامة البظهرة
من حب الحسين تقدرك الزهرة
بجفوفك تطالب غداً باريها
ــــــــــــــــــ
خدامك يغالي اسقيها من صبرك
بداعة حب اخوك الينبص بصدرك
يالضحيت روح ودمك وعمرك
خدامك يغالي وانظر عليها
ــــــــــــــــــ
الشاعر زين العابدين الشمري

الناشر احمد الفاطمي

01 июля 2025 22:32

‏نزال -شدة مجلس
ثكيل او شور


‏ماقصرو وكت الحرب انصاره
‏شدو حزمهم هوسوله ابداره
‏~~
‏گالوله يحسين الهوه رايدله رايه اسنده
‏سبعينك اتريدلها حل والرايه بيها العگده
‏والعكده بيدك لو ردت حلنه هاي  الشده
‏
‏عاكدها بيده العباس
‏لو فلها تتنفس ناس
‏
‏ازلامك محرّبه كلمن ابّتاره
‏شدو حزمهم هوسوله ابداره
‏•••••••••••••••••••••••
‏اتلكاهم احسين ابتسم  والدنيا ما شالتهم
‏زاد العزم  جفه ارتفع اهلا يصيح  يگلهم
‏يا   أهلا  اابذوله  الابد  ما  فشلو  قائدهم
‏
‏يا اهلا يصيح احسين
‏حي الله هاي السبعين
‏
‏شدو هذيج الساعه كل اكتاره
‏شدو حزمهم هوسوله ابداره
‏••••••••••••••••••••••
‏سولف حبيب ابكل فخر رغم اعله كلبه اجروحه
‏واحدنه ما يبخل نِفَس لا ضم عليكم روحه
‏خل بت علي تنام ابرغد شنهي البعيد انلوحه
‏
‏نجيبلها قاده من الجيش
‏زلم احنا ما عدنه ال ليش
‏
‏احنا المضيف اليركض ال خطاره
‏شدو حزمهم هوسوله ابداره
‏••••••••••••••••••••
‏صار الصبح وتنفسوا من صله بيهم قائم
‏ومن خلصو شوف الحرص خادم يوصي ابخادم
‏كون الظهر لمن يجي ..مايبقه بينه السالم
‏
‏وقعنه عالموت وياه
‏الموت اليجي يا حياه
‏
‏وزع عليهم كلمن و ادواره
‏شدو حزمهم هوسوله ابداره
‏••••••••••••••••••
‏حطو ركبهم للخيم ستر الله ياهو يعبره
‏والناوي يعبر لا يهم خلوه يحضر كبره
‏يافگره گاصد للحرم  ياويله والله وفكره
‏
‏يرجع رگبته اعله الايد
‏ذني الخيم لِ جاويد
‏
‏الرايد نذل نوصل نطب افكاره
‏شدو حزمهم هوسوله ابداره
‏
‏
ليث كريم جحالي

الناشر احمد الفاطمي

01 июля 2025 19:51

(شوط كربلائي)"بين العباس وزينب ع
__________________________

زينب شافت العباس
.................وبعينه الدمع يهمل
تگله ياضوه اعيوني
...............بيدك جايب المحمل
*******************************
ها يخت الگمر تدرين
................شفتهه عالنهر حراس
يمنعوني اجيب الماي
...............لخليها تموج الناس
وحگج اگلب الشاطي
..............وعّرفهم انه العباس

مثل حيدر يشوفوني
صگرت الجيش بعيوني
زينب شوفي مضموني

جودي ورايتي ابمتناي
............وصلت وللخيم مجبل
*******************************
زينب گعدت اگبالي
...........صارت تحچي بالايتام
عطاشه وانت ساگي الجود
...............ترويها يبدر التام
تشوف اخيولهم تصهل
.............يمنه وجارت الظلام

يخويه بروحي محتاره
حرم والدمعه تتجاره
بعد ماعدنه كل جاره

گلبي انخمش وتحير
............يبو الغيره الگلب يعول
*******************************
زينب يختي عذريني
...........بالدمعه العذر مقبول
ادري بالطفوف وياي
........... اوفي بالعهد مسؤؤل
ماهم طحيت ازنودي
.........بالماي اصبحت مرسول

يزينب بالطفوف اعهود
شرط جبت النهر بالجود
حرز من امي ظل معگود

تقره الفاتحه وتگول
.........گمر من السمه ينزل
*******************************
آنه بس جرح ظليت
................نار اتوجرت بيه
ألمن ألتفت احتار
............شوف الي سده اعليه
عبدالله أسكته اشلون
............. سكنه اتعاين ارقيه

گالت عمي جاب الماي
انه ادري الگمر وفاي
حسره والعليل وياي

عمي تأخر اعلينه
.........عبدالله الطفل يسئل
*****************************
طايح عمري عالشاطي ....
...............روحي چنهه مختنگه
ابعينك شاهد اخيامك
.............يخويه الخيمه محترگه
ما شوفن تره الدخان
.............عالي وما بقت شهگه

شلعته اسهم من عينك
خايف تنظر احسينك
الحسره بيني وبينك

ما ريد العمر فرگاك
.............شفت العلگمي اتوجل
*******************************
رجعت بلا أمل دنياي
.............. وانه بلا گمر حيره
كلها اتشمتت ابحسين......
.............لمن طاح ابو الغيره
هذا آخر لقاء وياه
.............والحسره بتعابيره

صعبه....أيست عباس
تفارگنه يبو النوماس
بعدك تدري بالارجاس

صعب الفرگه بعيونه..
...........دهري بعدك اشيعمل
*******************************
تمت بعون الله
خادمكم...... يوسف الفتلاوي

الناشر احمد الفاطمي

01 июля 2025 18:08

حي الله لنصار يحي الله لنصار
"""""""""""""""""""""""""""""""""""""
دخنت روس النشامه من وصل حدها
تعنو سروج الاصايل صاحو شعدها
الگوم ماتوصل خيمنه چلمة نحجيها
ياهي لتگابل عزمنه....... وعد نوعدها

بالحرب تبدي الزلم والعنده موقف ظهر
كربله يوم النصر....... كلمن برز ماخسر
يخلد لينطي دمه.....طول الزمن والدهر

حي الله لنصار يحي الله لنصار
...............................................
تعنو وعشگ ابواليمه............كلمن اباله
ليدخل الحومه يشوفه يحرسه خياله
البايس جفوفه شيهمه بالحرب موته
عنده اشهه من العسل موته وتعناله

موت عشاگ الجتل يحله الجتل بالعشگ
من حبيب وبيعته..........يابيعته المن صدگ
ويازهير المارضه.................بغير الأجل يفترگ

حي الله لنصار يحي الله لنصار
.........................................................
الماسح حسين اعله رأسه بسيفه سجيله
الگوم من ضربات سيفه....صاحت ادخيله
بالحرب من حگه عابس من شمر هدمه
غير شاف حسين امامه...... بجفه يدعيله

جن جنونه من غضب وسط الحرايب نفل
جسر بالحومه نزل .......عابس يشد ويحل
من عزم بيها عزم..............لا مايمل مايچل

حي الله لنصار يحي الله لنصار
....................................................
ابتشر عيسى ابن مريم من وهب شافه
بادت الفرسان اديها........ الگبل سيافه
اعله دين الله ومحمد...... صار من يومه
وهب كل دين النصارى........ بكربله عافه

اشهد بطه النبي حسين السبط روحي اله
من وهب كل شي وهب تشهد عليه كربله
من برز دين وعزم...........مولاه حضر مقتله

حي الله لنصار يحي الله لنصار
.................................................
جون جان اسمر ملامح مايهم لونه
لچن من گلبه وبياضه الجنه مفتونه
طيب اللهم ريحه ......حسين من ناده
غير عطر الجنه كله........ بيه يشمونه

صحبه مامرت ابد ولهم أمام الشهد
بالدهر كل الدهر ..مامن مثلهم أحد
رخصو دم وأهل ...مال وحياة أولد

حي الله لنصار يحي الله لنصار
.............................................
خادمكم قاسم المالكي

الناشر احمد الفاطمي

01 июля 2025 16:40

خبر عاجل سدوا الماي الشرب
وللمعاره طبوا اثگال الحرب
@@@@@@@@@@@
لتفوا اعله الحومه وين ابن الثگال
وينه وينه البل حرب صگاره
شدوا العسكر يمين اعله الشمال
حگها قادتها وتضل محتاره
حي ابن هاشم يحي الله ابن ابوي
تنخه بالعباس وبتاره
حيل بعد ايدي تعالمها القتال
ضهضب وحط بزلمها الشاره

دخن وسيفه التوه
لخضر واليابس دوه

العدل والميت يدخلوها برعب
وللمعاره طبوا اثگال الحرب
@@@@@@@@@@@@
بشيبه وبعوچيته ابن ضاهر يحوم
صگر فوگ اخشومها ويتلاوه
عركه عد هاشم واخذ بيه الجنون
عابس بطرگ ايده يدخل خاوه
حي زهير وجون غيره اعله النزال
طبوا وحرمه وزلمها تساوه
يا برير اعميها فوگ اخشوم دوس
اطويها وابن امه الوياك اطاوه

دخلوا وصار الرعد
ومن ابو فاضل مدد

لحومه من نزلوا يتيها الدرب
وللمعاره طبوا اثكال الحرب
@@@@@@@@@@@@
شدوا عليها وعلي من اربع جهات
ويا علي لما فارگت حملاتها
تنخوا بحيدر علي بشيخ الحروب
بحيد بالفحطها من صولاتها
سبعين وي سبعين الف سيف وتشوف
سيفه ذو الفقار جر شهگاتها
والعجب صارت تره بطف كربلاء
الدنيا تمطر روس من ضرباتها

بيا علي وهدوا سوه
وغضب شيال الوه

من ال ميه السيف ما بطل يصب
وللمعاره طبوا اثكال الحرب
@@@@@@@@@@@@
كروا ليوث الوغى وصار الصرير
البارقة لبچفوفهم غداره
نگد عالشگره علي الاكبر يصول
وجاسم بضهر يشنها الغاره
هنا اميه تفاجئة صار الفرار
طفح بركان الهواشم ناره
جروا الماي العذب من ذانه ليج
وسفه وخت الساده بي محتاره

ذلوا القاده واجوا
وگبال زينب هوسوا

وحده ابو السجاد ما يبقه بغرب
وللمعاره طبوا اثكال الحرب

@@@@@@@@@@@
اصغر خادم
( حمزه احمد الماجدي )

الناشر احمد الفاطمي

01 июля 2025 16:37

حي الله الانصار ..... حي الله الانصار

@@@@@@@@@@@@

تنخوا ابيناتهم عالموزمه
الروس دخنت والغضب جاس السمه
انعوفه وسفه حسين ابن حامي الحمه
الغاضريه اتروج بيهم بالدمه

طبوا وصار الرعد
ومن ابو فاضل مدد

حي الله الانصار ..... حي الله الانصار
@@@@@@@@@@

ازلام حيدر ردم طبوا ليها
اتسرفنوا للمعركه العباس قائد بيها
احزام شدوها العمايم حيل كروا عليها
شردت اصفوف الكتائب غنم طب راعيها

لشايب الطب لو شاب
بطل من داحي الباب


حي الله الانصار ..... حي الله الانصار

@@@@@@@@@@@

عابس وجن الجنون وكبر
وابن ضاهر شال بيده الابتر
غيضم الانصاري موت الاحمر
طرها طر الكلف جون الاسمر

ختنگت وضاگ الهوه
وروس مطرت نينوى

حي الله الانصار ..... حي الله الانصار

@@@@@@@@@@

يبست ارياگ العساكر من الخوف
كرها ابن ضاهر الحومه بالصفوف
سيفهم ينشاف وي طف السيوف
زلم ابو السجاد هوسوا بالطفوف

الخيل ركبت عالخيل
انهارهم سووا ليل

حي الله الانصار ..... حي الله الانصار

@@@@@@@@@@

خادم انصار الحسين (ع)

( حمزه أحمد الماجدي )

الناشر احمد الفاطمي

01 июля 2025 15:33

#نعي
الى الامام العباس عليه السلام

مكسور ضهرك خويه حسين شو مكسور ضهرك
تتلوه انضرك. لازم شيبك وتتلوه انضرك

عباس وينه. راجع وحدك عباس وينه
يمته يجينه وبيده الماي جا يمته يجينه

راح عباس. كال الها يزينب راح عباس
ومشيب الراس قلت حيلتي ومشيب الراس

وبلايه جفين. عفته اعله النهر وبلايه جفين
والسهم بالعين. صابو هامته والسهم بالعين

وطيحه بيده راح الخيمته وطيحه بيده
وبلا عضيده الاخو ينكسر ضهره بلا عضيده

عطشانه الزغار ضلت بالمخيم عطشانه الزغار
كلبي يشب نار عكب عباس ضل كلبي يشب نار

صاحت انه زينب يا جفيلي
ليش بفركتك هديت حيلي
انوح اعليك والحسره بدليلي
عكبك خويه انام اشلون ليلي

كلهم يحركون كامو بالخيم كلهم يحركون
وشوف المتون صحت اكعد يخويه وشوف المتون


كوم ردني غير انته الجبتني كوم ردني
نگع ردني من كثر البواجي نگع ردني

واشلون نومه نايم عالشريعه اشلون نومه
لحد يلومه الضيعله اخو لحد يلومه
****
الشاعر
تحسين الخفاجي

#اللهم_عجل_لوليك_الفرج

الناشر احمد الفاطمي

01 июля 2025 15:33

#نعي

موقف ل زينب ع مع الامام الحسين ع في ليلة العاشر من المحرم مايخص الانصار وموقفهم في الدفاع عن حرم رسول الله وعن تضحياتهم دون الحسين ع والدين… لسان حال الحوراء ع

أنــصــارك يـبـو سـكـيـنـه شـفتهم
وعــن نـصـــرتــك هـم نـاشـدتهـم
خـــافـن يـخـــويـــه لـو ردتهـم
بـالـشـده تـعـــز الـــروح عــدهـم

سـمـع زيـنـب حبيب تسـولـف وگام
أخـذ سيـفـه أو گـف يـم راگ الخيام
الـعـزم بالله لأرد الـكـوفـه والشـام
ولا اخـلـي بنـات الـزهــره تـنـظام

طلع من سمع صوته وشافه الحسين
لـگـاه مـوچـب حبيب ويهـمـل العين
تـرخـصـنـي اوي زينب بـس چلمتين
احـاچـيـهـا وأهـي بـسـد الصواوين

نـقـل مـن صـحـبـة الــزيـنـب تحية
وسـلام الـبـت علـي حـامـي الحميه
گـاللـهـا الانـصــار بـهــل مـسـيـه
تـسـتـانـس بـطــــاري الـمـنـــيـه
دونــچ ودون أبـــن الـزچــــيــــه

سـلـمـنـي يـعـمـي اعـلـيـهـا كلها
انـصـار الـعـافـت الـدنـيـا واهـلـها
لاجــل حسـيـن ابـن سـيـد رسـلـها
بـاچــر بالـقـيـامـه نـوگــف الـهــا
ونـرد الـهـا الـفـظـل واحد بسبعين

نسألكم الدعاء

السيد حسين الياسري

#اللهم_عجل_لوليك_الفرج

الناشر احمد الفاطمي

01 июля 2025 13:47

يحسين المذبوح انه افديك الروح
انا الهفهاف ابد ما اخاف
لو ترسوني اجروح
……………………………
من البصرة اجيتك رافع الرايه
نموت اوياك همنه هذا والغايه
الك روحي تضل للموت وفايه
فداك الطف حبيبي نهره ومايه
هالجيتك عناي محد جاي وياي
اعيشن ليش ابد ما اعيش
من بعدك مولاي
…………………….……………
الك روحـي انـا يحسين افديها
عـار اتعيش مـن دونـك اسميها
بكيفك هـيـه ويـن تـريـد وديها
انـا بـدونـك ولا لـحضه اخـليها
روحي تعيش شلون وبيك انه المجنون
الك ملهوف ابد ماعوف
لو ينطوني الكون
…………………………..
وصلت الـطف لگيت الناس فرحانه
وشفت اطفال تبچي وهيه عطشانه
وشفت نسوان ويـن اتـروح حيرانه
وشفت زينب حزينه و حـيل تعبانه
بأرض الطف محتار ما اعرف شنو الصار
بدون احساس سألت الناس
و انه بنص النار
……………………………
سألت الناس و انـه روحـي ملهوفه
مـات حـسـين گـالـوا بـعـد متشوفه
انسحگ بالخيل سلبودرعه وسيوفه
و الـعـبـاس يـمـه مـگـطـعـه چفـوفه
هذا حسين العطشان شو طايح عالتربان
سمعت اصياح الاكبر طاح
وضلت بس النسوان
………………………………
شلت سيفي وصـحـت هيهات للذله
الموت اوياك عندي من العسل احله
انا بدونك اعيـشن و الله مـو سهله
تـرا عـمـري عليـكـم و الله مـا يغله
فدوه تروح العين و وياها الچفين
اجه الذباح و انا مرتاح
استشهد وي حسين
……………………………..
خادم اهل البيت عليهم السلام
حسن عامر الزيادي

الناشر احمد الفاطمي

01 июля 2025 13:39

قصيدة انصار الحسين ع

انصار حسين ومهدينا
حاضرنا ايأكد ماضينا
ـــــــــــــــــــــــــــــــــ

انصار وكل احنه اجنودك
وشحده اليوصل لحدودك
ياقـائـدنه ونمـشـي بزودك

نحبك يحسين وتدرينه
انصار حسين ومهدينه
ـــــــــــــــــــــــــــــــــ

مانتنازل والله الشاهد
والـغـيرك ابداً مـنعاهد
احنه اجنودك وانت القائد

ومنحب غيرك يابو سكينه
انصار حسـين ومـهدينه 
ـــــــــــــــــــــــــــــــــــــ

يحسين وماننسى اخبارك
ولابـد يـوم انـزيل اكـدارك
ونـطــفـي الـنـار ابـنـوارك

يابن حـيـدر ياوالـيـنـه
انصار حسين ومهدينا
ــــــــــــــــــــــــــــــــ

بين حسين وبين المهدي
همه القاده وانا الجندي
انصرهم وتوسد لحدي

وهمه الرحمه من بارينه
انصار حسين ومهدينه
ــــــــــــــــــــــــــــــــــ

خل يسمع كل الضدوني
ماخافن خل يذبحوني
شيعي ورافض مايدروني

وياويله الماينصر دينه
انصار حسين ومهدينه
ــــــــــــــــــــــــــــــــ

بچفوف العباس الرايه
وسيوف تصير المشايه
انصار الدين وحمايه

واسم اهل البيت يعلينه
انصار حسين ومهدينه
ـــــــــــــــــــــــــــــــــ

والرادوا دوله اسلاميه
تحكم بيها الوهابيه
يخسون الدوله حسينيه

والمهدي الثاير لحسينه
انصار حسين ومهدينه



الشاعر فاروق الغنامي

الناشر احمد الفاطمي

01 июля 2025 13:17

#جديد
#محرم_١٤٤٧

لــِمجـالسكـم



بسم الله ،على المنحر على النعـمـة
نبدي المـأتم ابـ يَـحسين أبو اليِمّـه
ــــــــــــــــــــــــــــــــــــــــــــــــ ١
أخــذ كَلبي أخــذ روحي أنا المشـتاكـَ
مـاريــدك تـــِفـاركنــي  الـبُـعـد حـرّاكـَ
أعـرفنـّك تــجـيني ابكـل وكـت سبّاكَـ
يعافيتي وضوة البيتي  صعب الفراكَـ

تـــعال أنصلي بأنـفاسَك
كلي يا سهم جـــاسـَك؟

تعال احسيني عطـر الشوك أنا أشتمه
ــــــــــــــــــــــــــــــــــــــــــــــــ
تــِبـارينـي وتــعــليني ابــكرم عـطفك
وَنه ذنـــوبي جــبيرة امسحهن بجفك
أنا العايش أحب مـلكاك أحب وصفك
ثكيلة همومي اذب حمولي أنا بصفك

ضوّي يا شمس هاشم
انت بحالي بَس عـالم

أنا الــشيـعــي يــعنـــي ادمـاي ويَ دمــه
ــــــــــــــــــــــــــــــــــــــــــــــــ ٣

ابــعـالم مــُستـحيلك كــلشي مـاعندي
لاتـــتركنـي جيــتك سيــّـدي أمـجدي
لــو تــــرضا علــيـّه منــهـو الـبــكـدي؟
رايـــد بـس نضــرتــك بداعة المهدي

أحلفك يا فــخر زينــب
لاتبـــعد عـــليـه إكــَرب

أخـــذ بيــدي لاتـــحرمنــي هــالخــدمـة
ــــــــــــــــــــــــــــــــــــــــــــــــ ٤

يا صُــبحي لــوّن طــاح بظلامي الـنـور
يا مقــياس خِــيري والنـعِــمْ مــشــكور
انـــت الكعبة نبــقى احـنه عليك انـدور
أرحـــم حـالــي ملـــيان بــندم واكصور

أمــشَّي إعـليك عبـاسك
تســجّــلنــي أعز ناسـك

حــنيــنك مــا تـفســرة لــو ألــف كـلمة

ــــــــــــــــــــــــــــــــــــــــــــــــ ٥

أدبنـــي بـــجــمر خيــمة بـسهم جربة
يجــزع بيـــك دمعــي إلـــمنّي وتحبه
تــدريبه اليـــحبــّك روحــه مــلتهــبة
تتــركني وحـــيد وداعِتـــك صــعبــة

أحلفك بالضلع يحسين
تداويني بدموع العين

أريـــد الـــروح تبــقـى ويــاك مــتعلــمة

تمـَّت بـقلم
لُــبابة آلــ ياســين

وزن النصوص تجليبة
مقاصير طويل

#لبابة_آل_ياسين
#الحسين
#محرم

/channel/Lobabaallyassin313

الناشر احمد الفاطمي

01 июля 2025 12:34

نسألكم الدعاء ربي يحفظكم
خادمكم احمد الفاطمي

الناشر احمد الفاطمي

01 июля 2025 04:28

فزعت ابطال الصفا بميدانها
وعگدت الحومه وزلمها السانها
..............................
فزعت وكارت مثل كور السباع
وخلدت مصحف وجود من الضياع
من عصف حملتها ابن الحومه لاع
تشرعبت وتوسطت عدوانها
.................................
توسطت عدوانها وبيدرها روس
وگامت ازلام الوغى بيهم تدوس
منجه مامنهه حزم حرب الظروس
فتية من الله قدرها وشانها
....................................
ياگدرها وشأنها بوكت الضراب
بينو سبعينهم حين الحراب
صفو وخلو الروس من الرگاب
ماتبين من فعل ذرعانها
................................
من فعل ذرعانها ليوث العرين
صكت الجيمات رعدت ماتلين
لخطت عنه شمالها تصيبه اليمن
وساعة الكلفت صفت سلونها
................................
هنا صفت سلونها بوادي الطفوف
غير حب حسينهه ماضن تشوف
وبجفوف ابن النبي صارو سيوف
الشايب تشوفه بعمر شبانها
.....................................
وبعمر شبانها الشايب يصول
ترتعد لو شافته حته الخيول
لوله أمر الله الذي بالطف يحول
مابگه لاهل الكفر فرسانها
...............................
للكفر فرسانها جا مابگت
ساعة انصار ابواليمه تقدمت
ببن ظاهرها وزهير تحزمت
وحر بني رياح الخطف الوانها
.....................................
ولخطف الوانها من ليهه غار
وجونها ليرصع بياضه من السمار
وعابس ونافع برير الگلبه فار
الموت زفت من رخت بعنانها
................................
خادمكم قاسم المالكي

الناشر احمد الفاطمي

01 июля 2025 01:55

اصحاب الحسين

اليوم ارض الـطــف تهـج فــرسانها
صُــحبـت حــسين انزلــو مــيـدانها
==========================
ياحـــلات الــشيـبـه طبلـهــم حبيب
شمراها الروس بس قـاده يـصـيـب
ابعيده شردت ماتت الناس الجريب
نار كــبره ويـــا لـهـيـب الـسـانـهــا (ألسن النار)
==========================
علمنيه ايـفـوت عـابــس مــايـهـاب
داس فوگ خشومها ويلوي الرگاب
طاحــت ابطال الـحـرايـب علتراب
اوجــوه مـن الخـوف صفره الوانها
==========================
هذا فخر اهل النصارى يضل وهب
هز جمـعـهـا بكــربله وللحومه طب
جيـش بالعــده وعــدد منّه ارتعـب
نـاس بالـناس البـدت عـــدوانـهــا
==========================
صاح بالطف ماكو بس هذا الچبير
أشر اعله احــسيــن بالحومه زُهير
هــو مـــولاي ابن فاطــم والامـيــر
منّـه شــردت مــن برز شـجـعـانـهـا
==========================
فوگها المهره ارتجز بالطف سعيد
هز لجمها ويلوي بچفوفه الحديد
وبزلمها بكــيـفـه يخــتار الـيـريــد
روس الكــبـار وشـــوارب هـانـهـا
==========================
قـــــارئ الـقــــران طـبّـاها بُـــريــر
سيف ابن مالك كتايب بي تـحــير
ذولي انصار الحسين اعله المصير
فاتــــوا بقوه وصــلابه ايـمــانـهــا
==========================
اسلم التركي ســويــد وحـنـظـله
ذولي هزوها الصـفـوف بـكـربـلـه
هناك صوت اسيوفهم بالطف عله
هـــزّوا اعــروش الطغات اركـانها
==========================
هذا ابن عوسجه ونافع بن هلال
هذا شوذب هذا جندلها الرجــال
نادم الحر من وصل لحسين گال
اقبلني مــولاي ونزل بـضـعـانـهـا
==========================
صحبتي حسين ونعم منهم يگول
ذولي انصـــاري الذكرهـم مايزول
باچر بيــوم الحشر زهـــره البتول
تشفـعـلـهم عالــي دوم امچـانـهــا

==========================

✍️عباس مالك العفريت

#محرم_الحرام١٤٤٦هـ
نسألكم الدعاء
اللحن👇

الناشر احمد الفاطمي

01 июля 2025 23:02

خل تفزع يمولاي الدول كلهه
فـاتحتك ثگيله اومـانعـزلـهـه
                         """"""""""""""""""""""""""'''''''''''         
                        """"""""""""'''""1"""""""'''''''''''''''''
يامولاي تحضر ناس مـاتنعد
مهظومين كلهم لابسين اسود
بيبان  الچوادر دوم ماتنسد
من خيرك يبو الاكبر نصب ألهه
                        "''"'''''"""''"""''''''''''''''''''''"'"""""""""
                        """""“"""""""""2""""""""""""""
أول فاتحه أبهلكون ماتخسر
تجيهه الناس بالجو والبحر والبر
غير انته الحسين اشلون نتعذر
أمك بالقيامه أهناك شنگلهه
                          "''''''"''''''"''""''"""'""""""'''''"'''''''''''''.   
                          """'""""""''""""3""""""""""""""
خـدامك يبـوالسجاد ماتتعب
تطبخ بالمواكب والشمس تلهب
خلينه الخلگ يحسين تتعجب
هاي الخدمه نعمه اومحد يملهه
                           "''""""""""''"'''''''''''''''''"''"""""'''''
                          """""""""""'"''''4'''''''''''''''''''''''''"''
نحضر ماتمك يحسين يمشيم
تلگه الشيخ والصركال يتحزم
ندير انگاب والدمعات تهمل دم
عليك ادموعنه لازم نوشلهه.
                           "'"""'"'""'''"''''""''""''''"'"""'""'' 
                           ""'"""'''''"''''''''"5'''''"''''''"''''''''''''
وحگ سترالعقيله الوگفت اعله لتل
  عليك ارجال مو نسوان تتهـدل
بالأحـزان نـاخذ مـركـز الاول
نريد المصطفئ وحيدر تسجلهه
                        """""""'''''''''''""""''""""''''''"""""""""""
✍️فاخر علي الشبيبي

الناشر احمد الفاطمي

01 июля 2025 22:41

طاح الگمر وادنت الناس
ونكسر ضهري بلايا عباس

محدب بهم البين      بية الوجع ضعفين
ــــــــــــــــــ
متابع الراية وي هوه لو مالت يميل
وعج التراب بكربلة وامراكض الخيل
رغم المسافه شوفتك بعيوني ترتيل

من دونك اني بلا هوه مختنگه الانفاس
من تبتعد يا ابو الفضل خويه يعباس
فكري يضل يم روحتك بالي والاحساس


مشغول فكري بروحتك هاي
افكاري يمك وانته وياي

بالدرب تربى العين       بية الوجع ضعفين
ــــــــــــــــــ
بالي يضل يمك رغم ما انته بـ البال
الفرگة خوية والفگد بقليبي جتال
ينكسر ضهري بروحتك مو جلمه تنكال

متانيك يا ريحة هلي وفانوس دنياي
طالت الروحه وكفتي طالت ترة هواي
ردتك تجي ياسلوتي ما رايد الماي


ماردت ماي وردتك تعود
يابو الكرم والغيرة والجود

متاني وي الأمتانين       بية الوجع ضعفين
ــــــــــــــــــ
كمت اقلق لجيتك بطت ياشوف الاعيون
كمت احس ثقلت مشيتي وي ثقل الامتون
رايتك ما رفت بعد يا گمرة الكون

ما ضل صبر لازم اجي يم شاطي الاطفوف
لمن وصلتك ياگمر متقطعه الاجفوف
وطايح يخي والسهم ماردلك الشوف


مرت بروحك كل الالام
متصوب بألالف الاسهام

طفك علي طفين       بية الوجع ضعفين
ــــــــــــــــــ
انكسر ضهري وكع من عنده الاحزام
من شفتك بهذا الوضع وبهاي الالام
مهشمين جسمك ومتله ألالف الاسهام


بية ولا بيك الوجع يامهجة الروح
نحري ولانحرك يخي اتمنى مذبوح
وجسمي ولاجسمك يخي كون امتله اجروح


جسمي مو جسمك بالاجروح
ومو نحرك اني النحري مذبوح

بية ألم جرحين       بية الوجع ضعفين
ــــــــــــــــــ
خليني اشيلك للخيم ياحيل الحسين
ياضهر اخيك يابعد كل شوفي والعين
بفي الخيم عن الشمس ولنك صرت زين

جروحك اضمدها الك من ثوبي الاضماد
جا خوية وكفات الاخو بالشدة تراد
حدبت والحيل ارتحل من جسمي ليغاد


من ثگل حزني شايل الليل
الحيل مني مابقى الحيل

ما جني اني حسين      بية الوجع ضعفين
ــــــــــــــــــ
الشاعر زين العابدين الشمري

الناشر احمد الفاطمي

01 июля 2025 20:24

اليله مسلم نوه اعليهه  اليله
گام وبحيدر تحزم حيله
......................................
طبهم وما درو  من يا  جيهه  طب
صگر متوچي على الصيده وگرب
هذا ابن فقارهه وشيخ العرب
لو حچه الوادم غصب تصغيله
.....................................
ياعلي صاح وعليهم طب ركض
وحدر جدمه چنهه تتطوه الارض
يا طلابه وموش بالهين تفض
وعين طوعه بالفخر تربيله
.......................................
اتگله ها يربات حيدر ما اريد
تمل لو تجزع يبو گلب الحديد
كون اريد امجاد حيدركم تعيد
وعن مراجل حيدره التحجيله
..................................
انته ابن الما ايثني ابضربته
تفر مرعوبه الزلم لو لاگته
وانته ياغصن الفخر من شجرته
ومن طلع غيرت علي اتباريله
...................................
وهگ بيهم سيف مسلم ماوگف
يطب صف ويطلع ايخلصله صف
چنه ملچ الموت مو شايله چف
ايطيح فارسهم اذا يوميله
.................................
طبهم اتنخه ببو فاضل واخوه
كون يمه اشلون گدرو حاوطوه
هله يمه اشحدهم الچف گيدوه
وال هاشم ما رضت بالعيله
................................ 
وحده مسلم لچن ماهمه جيش
گال هاشم على الذله ماتعيش
كثره جيش اعداي بس خفتهه ريش
خلصتهم من يمنته الحيله
........................
خادم اهل البيت علي الزرگاني

الناشر احمد الفاطمي

01 июля 2025 18:24

هوسات

جمعهم حبيب وگــــالهم نمشي
انه اليوم كلش ما طبگ رمشي
احب حسين انه واحب بي كلشي
بيد حسين اريد ينحمل نعشي
والموته بچفك محلاها
&&&&
اجو هوسو يـــم خيمة العلويه
ننكتهـــــم الك نكتت الخاچيه
سهله المعركه چن شربة اميه
النصر بيدك تحول ميه بالميه

بس اشر بيدك نگضيها
$$$
علي جبار الكعبي
الفاتحه لوالدي

الناشر احمد الفاطمي

01 июля 2025 16:41

فرسانها ................ فرسانها
بالطف تخلد ................شأنها
فرسانها................... فرسانها
.....................................
صحبة وفه ....وصلت النه علومها
وفت وعد...............عزبت بدمومها
صانت عهد..........من حجت ماثنت
ورت عده...........بالظهاري انجومها

عدوانها ........ عدوانها
الها اشهدت.......عدوانها
""""""""""""""""""""""""""""""""""
قلت عدد.........بس جثيره افعالها
يوم الطبگ..........والله ياهنيالها
لحسين اله..........رخصت كل غالي
ماساومت.........ماجذب من گالها

عنوانها............عنوانها
صحبة صدگ ......عنوانها
...........................................
شايب نهظ......بالحرب محلاته
ياوگفته.............وياعزم شيباته
عم بس اله.......حسين بالطف گله
وظم رايته.......... من نطه راياته

مالانها...............مالانها
حملاته ابد........مالانها
...........................................
وذاك وهب..........بالله بيش انقيسه
بقدس حرب..............وگفته قديسه
سبط النبي.............يمه صار إسلامه
وشبه لهم...............هيج گال بعيسه

ميزانها ........ميزانها
بالدم رجح.......ميزانها
.................................................
الحر والنعم......عذب الخياله
زهير الذي........طلگ اهله وماله
ابيظ گلب ........جون محد مثله
بعابس عشگ.........ياهو يتدناله

إيمانها .............ايمانها
محد مثيل............ايمانها
"""""""""""'''"""""""""""""""""""""""""""""""""
خادمكم قاسم المالكي

الناشر احمد الفاطمي

01 июля 2025 16:39

""الانصار.ميمر""
روح النبوه أنصار اله صداگه
للتظحيه وبذل النفس سباگه
""""""""""""""""""""""""""""""'''"""""""""
سباگه اله انصار اتظح معدنها
التاريخ يشهد من يسولف عنها
منهل دروس الراد يأخذ منها
بحر الوفه المحد تبصر راگه
"""""""""""""""""''''''''''''''''''''''''''''''''''''''''''''''
راگه بعيد أهل الوفه اوگفتها
سوايتهه محد بالخلگ سوتها
فرحانه بت حيدر علي خلتها
وعدوانها مابلع منها ارياگه
"""""""""""""""""""""""""""""""""""""
ارياگه ما بالعها للعادتها
لحسين بالدم عاهدت بيعتها
مشرد تريد الگوم ماخلتها
هول أشد من حملتها محد ضاگه
"""""""""""""""""""""""""""""""""""""""""""""
ظاگه ليريد يشوف يوم الشده
واحدهم آلاف الزلم مترده
جي گلبه بيه حسين ثابت عده
والعده يلم روحه ويجي فتاگه
"""""""""""""""""""""""""""""""""""""""""
فتاگه ذب الميمنه عله اليسره
الواحد كتايب ماتگابل صدره
ولينطعن بيهم غدر من ظهره
سيد شباب الجنه يبچي فراگه
""""""""""""""""""""""""""""""""""""""""""
فراگه أعلى ابواليمه يهد بحيله
ينصاري كلكم ناده شلتم شيله
ابطال الصفا بيكم ترد العيله
فراسة الهيجاء زلم الملاگه
""""""""""""""""''''''''"""""""""""""""""""""
الملاگه انتم الهه جون ونافع
زهير وبرير انتخي ومحد طالع
ياحر حبيب بصوتي محد سامع
ناري المنيتكم صفت حراگه
"""""""""''''''''''''''''''''''''''''"""""""""""""""""
حراگه محد بيكم اسمع صوته
حالت منيتكم وصرتم موته
كلمن محلفه بغيرته ومروته
لفزعتكم الحومه صفت مشتاگه
"""""""""""""""""""""""""""""""""""""""""
خادمكم قاسم المالكي

الناشر احمد الفاطمي

01 июля 2025 16:01

كامل المعرفه
بيمن انوصفه
بالحرب عاصفه  .   ابوفاضل

فارس ومقتدر
عالم ابكل أمر
كافل ام الخدر . ابوفاضل

سبحان وجها لو ضهر   رعاب الرعب
ريشات عنده ابالفضل  تمشي ويالسحب
ابن  ام  الكرم  كلف    تعرف كربله
العيون اخته بت علي   يگلبوها گلب

قاهر . اسمه والداحر  .   وارث الباتر
من أبو علي
شاطر . بالحرب شاطر  . عالزلم عابر
الشافه يبتلي

ثگيل الطگه   ...  ولا هد حگه
يفور ادخيله     اليصطره يحرگه
مولانا ابالفضل     مولانا ابالفضل
،،،،،،،،،،،،،،،،،،،،،،،،،،،،،،،،،،،،،،،
صاحب المنزله
كافل البسمله
مصنع المرجله   . ابوفاضل

نتضرته الثاقبه
لو يكض شاربه
تضهر المنقبه  . ابوفاضل

خزرت عينه عاصفه   وصطراته مطر
يطعن سيفه بالوجه    لا مو بالضهر
مايغدر يبشر ابد     خيال الحرب
حط نيشانه عالرگب   وستنگه النحر

راهب . طاعن وضارب  . كسرت الحاجب
تكسر الضهر
غاضب . بالحرب غاضب . هيبت الشارب
خلست النهر

يحب الهده .... جبل ميرده
صدگ بجفوفه    النهر يتبده
مولانا ابالفضل     مولانا ابالفضل
،،،،،،،،،،،،،،،،،،،،،،،،،،،،،،،،،،،،،،،
سيد المكرمه
صاحب الخاتمه
فارس الملحمه  .  ابوفاضل

واصل الشاهقه
صولته ساعقه
شاره بي حارقه  .  ابوفاضل

شريان خيمت الوفه   النهر العلگمي
لوبي صدت الشمس   لازم تنعمي
عباس  سيد  الزلم    تفرق غيرته
صاح ابصوته يا كفو   يدنه امخيمي

طالع . للحرب لامع . والنهر راكع
منه يرتجف
گاطع . بس رگب گاطع . شاطر وقالع
ونعم كلف

دخيل حساسه .... وزفير انفاسه
الخيم تتنومس     تره ابنوماسه
مولانا ابالفضل     مولانا ابالفضل
،،،،،،،،،،،،،،،،،،،،،،،،،،،،،،،،،،،،،،،
موقد الحاشره
قاهر القاهره
گاطع الگنطره  .  ابوفاضل

طالع ابهيبته
والضوه بوجنته
من نتخت خيمته  . ابوفاضل

الكافل عنده موهبه  من زغره بتدت
لوكض سيفه للحرب  تحسبها نگضت
عطشت اخته للعذب   طب الها العذب
شال اجفوفه للسمه    وگاع الله رتوت

ساقي . وبالحرب راقي . للذبح باقي
كاسر الرگب
قائد . حيله مابارد . والنهر شاهد
خله والحرب

تره من جفوفه .... العذب بي خوفه
وصل دم الطف    الضواحي الكوفه
مولانا ابالفضل     مولانا ابالفضل

العبد ابوفايز الرافضي

الناشر احمد الفاطمي

01 июля 2025 15:33

#نعي
من طاحو سوة السبعين والهد ياهو اليرده
حسين ملاكة لاكة الخيل والعسكر وصل حده
×××××××××××××××××××××
حسين بعازة السبعين زلم الحرب طالبهه
الخيل التهد حيل اتريد واتريد اليكابلهه
حكهه الزلم هسه اتغير راح الجان راعبهه
و ين يروح ابو سكينه وكلهه اتجمعت ضده
×××××××××××××××××××××
باب الخيمة ضل حسين يربي وبس تصد عينه
كلهم عالترب ميتين جا ياهو اليجي ايعينه
هسه حسين ضل وحده حسافة وصفك جفينة
يعينه الله اليضل اوحيد ولا والي اليضل عنده
×××××××××××××××××××××
وين أهل الكرم والطيب الما سدو مضايفهم
حسين ملاگة لاكه الخيل هسه حسين رايدهم
الما عنده زلم وانصار وكت الحرب عازتهم
بس بشوفة ضل حسين ياخذ بيه و ايردة
×××××××××××××××××××××
زادت على حسين اهموم ضاكت ياهو اليحلهه
زلم والخيل عالصيوان تركضلي بمشاعلهه
ياهو ايوصل المرسال لأزلام الوغى ايكلهه
حسافة حسين هسه احتار لا والي ويضل وحدة
×××××××××××××××××××××
احتار حسين وين ايروح ساعة يروح لخيامة
وساعة يرد يحشمهم وما يوجد الجدامه
يعينه الله اليصوبة البين مثل حسين بالهامة
وكاس الحيل وياكم برملت كربلة اتبدة
×××××××××××××××××××××
الخادم أحمد داود

#اللهم_عجل_لوليك_الفرج

الناشر احمد الفاطمي

01 июля 2025 15:18

في حق انصار الحسين. ع
خطينه العهد يحسين خطينه
بعنه ارواحنه وبكلشي ضحينه
نخلي كربله تشهد
ثوره وبيه نتخلد
انصارك. انصارك
----------------------
انصول. ونجول. يمك ردنه يحسين الشهاده
ازغار. وكبار. كلمن يمتلك منه الراده
فرسان. شجعان. لحبيب تلوك يامحله القياده
صولات. جولات. خسران المشه بحقده وعناده
عشكنه الموت احنه ونمشي نتقدم
وبيدينه البواتر وابد مانهتم
كل فارس بالف ينعد
ثوره وبيه نتخلد
انصارك. انصارك
---------------------
وياك. نهواك. اجينه الكربله هذا عهدنه
باقين. يحسين . انته للبد عزنه وشرفنه
اجنود. وشهود. معنه للعشك منك عرفنه
ثوار احرار. طفك يبو اليمه هوه طفنه
قائدنه حبيب وشايل الرايه
ولزينب نصير اجنود حمايه
نار البينه ماتبرد
ثوره وبيه نتخلد
انصارك. انصارك
--------------------
اليوم. انكوم. نصير عله الخيم ولزينب السور
خسران. ربحان. هذا الزمن يفتر بينه يدور
مسئول. ونكول دمك لطفوف اليوم. مضخور
ونصيح. ونطيح. وي حسين احنه الكطع النحور
رفضنه الذل مشينه بدرب ابو اليمه
واحدنه يصول بغيره. وبهمه
موقف ردنه يتوحد
ثوره وبيه نتخلد
انصارك. انصارك
-----------------------
بالخيل والحيل عابس شك قميصه وصار مجنون
نسوان رضعان. مانتراجع منل الموت يدرون
يراد. ينعاد. لجل حسين كلشي يرخص يهون
مضخور. منذور. زينب خله تمسح دمع العيون
من غيره حبيب وعسكر الغيره
شلون انعوف زينب تبجي ابحيره
نار الفتنه ماتبرد
ثوره وبيه تتخلد
انصارك. انصارك
-------------------------
لهفان. عطشان. كل دمعت طفل ناخذ ثمنه
وكفات رايات. الرايه تريد لمن يئتمنه
وندير ونصير كون ام الصبر يخلص حزنه
يراد. ينعاد. خلهه تأمن وتمسح. جفنه
عشكنه الموت كنه وخلنه نتكطع
ولضالم ابد هيهات مانركع
محد بينه يتردد
ثوره وبيه نتخلد
انصارك. انصارك
-----------------------
الخادم
رحيم الصالحي

الناشر احمد الفاطمي

01 июля 2025 13:39

ياهلا بزلم المراجل ياهلا ابشيعة علي
،،،،،،،،،،،،،،،،،،،،،،،،،،،،،،
العرب من ذبت عگلها وكلها سجدت للعده
بس ابو عمامت السوده الحرب طبها الوحده
الفرط صوتي العنده يدوي ويوصل الأبعد مده
يحرگ اليابس والاخضر يجوي كلمن عانده

بالأرض ماخله عايل واليعاند يبتلي
ياهلا بزلم المراجل ياهلا ابشيعة علي
،،،،،،،،،،،،،،،،،،،،،،،،،،،،،،،،،،،،،،،،،،،،،
دگت اجراس المعارك ونعلن وقت الحرب
حمره صارت تل أبيب وطگها صاروخ الغضب
نصها لبدت بالملاجئ نصها ماتت بالرعب
القبه ماگدرت تصده خيبر ايعرف الدرب

شيعة الحق وفخرنا البيها غيره من الولي
ياهلا بزلم المراجل ياهلا ابشيعة علي
،،،،،،،،،،،،،،،،،،،،،،،،،،،،،،،،،،،،،،،،،،،،،
امر انطه الخامنائي وغرگت الگاع ابدمه
يرعب البالستي عنده ويشعل بناره السمه
زلمه لا كضه الحصار ولاخلف دوله احتمه
سيد اوارث صطرته من علي حامي الحمه

الكلفه من صاحتله حيهم رد عليها ادللي
ياهلا بزلم المراجل ياهلا ابشيعة علي
،،،،،،،،،،،،،،،،،،،،،،،،،،،،،،،،،،،،،،،،،،،،،
اذن اذان الحرايب والشهم يوگف صدگ
طلعت الشيعه ابزلمها وحرگو العايل حرگ
عرفت إسرائيل اصلها ترجع المن ياعرگ
هد ابوالشيبة البيضه والله يستر من يدگ

يا صواريخ النشامه اية الحق رتلي
ياهلا بزلم المراجل ياهلا ابشيعة علي
،،،،،،،،،،،،،،،،،،،،،،،،،،،،،،،،،،،،،،،،،،،،،
غارت الشيعه ابفخرها وهايه زلم المنتضر
ماتجيبه امه اليذلهم همه مصنع للفخر
يالردت منهم مواقف باوع ومتع النضر
تل أبيب نهز ركنها حتركت ابنار الخطر

شعلو الگاع وسماها وصاحو الها تزلزلي
ياهلا بزلم المراجل ياهلا ابشيعة علي
،،،،،،،،،،،،،،،،،،،،،،،،،،،،،،،،،،،،،،،،،،،،،،،
بالعراق الشيعه كلفه وتضهر ابوكت المحن
فتوت السيستاني خلت بصمه يذكرها الزمن
شايب وشيبت الحيته خيمه صارت للوطن
الگال جاي الكربلاء ابدربه خيفصل جفن

هاشمي ويرعب دخيله وعالمراجل معتلي
ياهلا بزلم المراجل ياهلا ابشيعة علي
،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابدمعه نذكر كل شهيد وكلنه نندب والنعم
مثل ابو مهدي المهندس ياهي التخلف شهم
قاسم و نصر الله هيبه الرعبو اگلوب الزلم
وكل شهيد ابسمه عدنه خارق اليثلم ثلم

طاحو وضلت صورهم تملي العالم ملي
ياهلا بزلم المراجل ياهلا ابشيعة علي
ابوفايز الرافضي

الناشر احمد الفاطمي

01 июля 2025 13:17

بسم الله على المنحر

كلمات
#لبابة_آل_ياسين

الناشر احمد الفاطمي

01 июля 2025 13:09

اليوم بالطف صحبته امودعينه

اوحده ابين العده مخلينه
.........................
اليوم ماشين النشامه والحزن بعيون
وسفه ابو اليمه صحبته وحده ايخلونه
جان يرخص كلشي لجله وهوه ماينطونه
شالو الكلفه بديهم وفو يوم العونه
والعهد لحسين الاموفينه
..............................
والله من طبو عليهه تعبت الخياله
اليطبهه ويعتنيهه ايموت حتى اخياله
چلمة الكواهم الله للنزل تبراله
ياهو يوصل لو سطرهم سطرته جتاله
الجيش يرجف منهم امخلينه
.........................
گضو حگهم بالمعاره وگوه رفت رايه
وفنه الاتعنه ويجيهم لو وصل للثايه
ذاب حيل الغاضريه وتعبت الرمايه
خلو اجيش ال ميه للزمان احجايه
بالدمه عسكر غرگ صوبينه
.........................
حسين بالخيمه تحير من جفوه ازلامه
حگه لو تنزل دمعته مشت سور اخيامه
ما ايحصل مثل ربعه الما ادنگ الهامه
بينت عنده علايم هاي اخير ايامه
ومشو عنه اصحابه وامجافينه
..............................
الله الايعنك تگله زينب المهظومه
سورنه العالي تهدم من هوو بالحومه
كلمن اتشيم افعاله
بين ناسه وگومه
ذخر باجر من نسولف للتوده اعلومه
چنهم اصحاب ابو اليمه حيدر ابصفينه



خادم اهل البيت علي الزرگاني

الناشر احمد الفاطمي

01 июля 2025 11:55

//// نزله الأنصار ////

ماكو مثل اصحابك بهل دنيا ابد
عدهم گلوب التخوف أكبر عدد
/////////////////////////
يعرف يلم الربع.. وكلمته بحب تنسمع
مايدور وجوه بس دور گلب
تشبه أنصاره الورد.. اليمشي وياه مايرد
لشخص واحد غير حسين الدرب
كلشي بيهم يختلف.. گلوب ماعدهم ترف
زلم ماتقبل تضل بلا حرب
لو نخاهم فرعو.. بكل مكان توزعو
أسهل من الماي عدهم كل صعب

الشايب حسين النخاه يرد ولد
عدهم گلوب التخوف أكبر عدد
////////////////////////
يلگط لگاط العنب.. بيهم ابدا ماتعب
گبل مايحجي يگلوله نعم
ابن قين اتعنه اله..تلگه مولاه بهلا
شاف اليصير وي الحسين ابتسم
الگلب مايقبل ثنين.. لو حسين ولوحسين
احنه لوما صحبتك نبقى عدم
شال سيفه بيا علي .. گال بالدنيا شلي
من أضل هنا ياكلني الندم

جنه شاب بهمه للعركه استعد
عدهم گلوب التخوف أكبر عدد
///////////////////////////
عابس انجن بلعشگ.. هذا اليحب من صدگ
الصاحب المفروض بلصاحب يحس
لبس گلبه أعله الدرع.. گال بلطف ننزرع
زلم خشنه وخل تسومرنه الشمس
وهب من لأجلك وهب.. عرسه وياك وندب
الشهاده وياك تسوه أحلى عرس
لبس درعه بكل عزم.. انت اخذ هيجي زلم
الهوه يگطعونه لو خيمه يمس

يعرف أصحابه البشر وكت الشدد
عدهم گلوب التخوف أكبر عدد
//////////////////////////////
شيخهم سواله طر.. شايب وجدامه بر
بسيفه يتونس على ارگاب الزلم
واگف بضهره الحسين.. وهوه شيخ اعل سبعين
ياحبيب الحومه اريدن تنهجم
تهدل بشيبه ونزل.. عاد صولات الجمل
واقع ال نشوفه هذا لو حلم
جنه حيدر من برز.. بشيبه واگف وارتجز
يغار من شيبه صفه حتى النجم

ماسلم من سيفه بس الي شرد
عدهم گلوب التخوف أكبر عدد
///////////////////////////
مسلم وجون وبرير.. الصاحبهم مايحير
خشوم سمره وبلحرب ماتنجهب
سيوفهم متروسه دم.. الگابلاهم ماسلم
تسگي گاع الطف كما يسگه الشلب
وياهم الحر لو نزل.. الروس توصل يم زحل
فقط يسلم للذي هدومه يذب
ناس شراية عرك.. گلوبهم لاماترك
ذول واحدهم جهنم من يهب

ارتجزو وجان من الحسين المدد
عدهم گلوب التخوف أكبر عدد
////////////////////////


امجد عداي الزيدي

الناشر احمد الفاطمي

01 июля 2025 01:55

#هله_صاح_حسين_بصحابي_هله
اصحاب الحسين ع


هله صاح حسـين بصحابي هله

======================

صحبه ونعم ياصحبه وياه للمـوت
كلنه فداك حسين صاحوا بالصوت
امرنه وانت تشوف فعل الاصـحاب
الهوه صوب الخيم ممنوع ايفـوت

نگطع دربها اعله الريح
والناوي يعبرنه ايطيـح

تشهد اعيونك هـذا يوم المرجلـه
هله صاح حسـين بصحابي هله

======================

ايام عشنه وضگـنـه طيـبهـا ومـــر
كلنه فـداك ادروع الك يـبـن الــدر
كربله خيسجلها عـنـده التاريـــــخ
كــــون احنه موته الا واحــد يعبر

نشتعل ليك احنه شموع
مو درع واحـــدنه ادروع

خيسجل التاريــج وقـعـة كـربلـه
هله صاح حسـين بصحابي هله

======================

ايضل عدوك حاير ايشوف الويل
انخلي تردم خيلها اضل بالـخيـل
هذا العدد ليهمك حسين الـيوم
واحـدنه بالنيشان مايخطي بليل

نرويها السيوف بدم
منهم حناجــر تلهم

انخلي الجثث متشمره بهاي الفله
هله صاح حسـين بصحابي هله

======================

امعصب حبيب وعمره طب التسعين
مسلم وجـون ينادي لبيك حـسيــن
اسلم التركي وعابس وهـــذا الحــر
رايــــة نصر رافـــع زهـير ابن القين

اثگال الاسامي وقاده
كلنه فــداها الساده

القايد حبيب القايد واسمه عِـلـه
هله صاح حسـين بصحابي هله

======================

طمنها يحسين الحـرم گل لم عــون
كلنه نطـيح وخـيمتـــچ ميگـربــون
يا بت محمد بت عـلي داحـي الباب
تسعين الف حـتلـو عددهم مليـون

كلحـنه ليكـم خــدام
يم عون نفدي الخيام

زينب خـيامـچ والحـريم أمـدللـه
هله صاح حسـين بصحابي هله

======================

✍️عباس مالك العفريت

#جديد_محرم_الحرام_١٤٤٧هــ
نسألكم الدعاء

الناشر احمد الفاطمي

01 июля 2025 00:48

حبيب ابن مظاهر الاسدي


ملح القصيده وسر كتاباتـي
شاعر اصير واقره شيباتـي
ملح القصيده     لبن الصميده

"""""""""""""""""""""""""""

تورات        وايات      بروحي واشعر حسين بحنينه
من جيت  نب گال   حبيب الي اجه من اقصه المدينه
طخيت      وبجيت     تفطر وجهي كتله وخلص طينه
واوراق      ضليت      استحه حته الخريف يمر علينه

گلي تريد تضحي من دوني
شتطلب انفذ تشلع اعيوني
امره الله بيده     لبن الصميده

"""""""""""""""""""""""""""

يابيت       شقريت    كلش مستحي للغالي شقري
قران         ديوان      اني شلون اقنعه ابيت شعري
مملوح       والروح    هامت ع الحسين ومات صبري
لو نوح        ويروح     عمري اي وحگه ويرد عمري

يرجع شبابك ياعمر شايب
ابليس يمه يرجعه وتايب
وهذا الاريده         لبن الصميده

"""""""""""""""""""""""""""

مصيوب     ويلوب    دليلي جن غروب الشمس چنه
والشوف    شيشوف     اضن شوف القلب يغنيني منه
الطير         لو طار         مايحتاج من ينوب عنه
لعيون       ماريد          انه يدليني عطره واشمنه

بشهكه كون انفاسي لطميه
حسين الفصيح ابياتي شعبيه
كلش بعيده        لبن الصميده

"""""""""""""""""""""""""""

محتار       لو صار       ومتنال القصيده اعجابه خوفي
علماي      مكتوب      حسين ونشفت ويبست حروفي
شيبات      حجاج       واكلهن ع ارموش حسين طوفي
مبخوت     وياه           گبل جسمي وصلت روحي لطفوفي

هنيالي بيه وبية هنيالي
من راح اقدم نحري للغالي
نحري وريده     لبن الصميده

"""""""""""""""""""""""""""

خجلان      للحسين       شلون اتاخر انـي وعن ندائه
عالكاع       حفاي           رجلية وافرعله لسمائه
قرطاس      واقلام          بيدي من القصيده البرثائه
مشمول     بحساب       من خدامه وبـرحمة دعائه

انته حبيبي وشيخ لنصاري
سجلي بيدك سجل زواري
قلمي اجيده    لبن الصميده

"""""""""""""""""""""""""""

زين العابدين الشمري